#семинар
Қишлоқ хўжалигида долзарб юмушлар: ҳам тиғиз, ҳам муҳим
Тўрақўрғон туманидаги “Турсунбой Комилов” фермер хўжалиги дала шийпонида ғўза зараркунандаларига қарши курашиш, дала маданиятини шакллантириш, жумладан, дала четларини ободонлаштириш, қишлоқ хўжалиги экинларини экиш мавзусида вилоят семинари бўлиб ўтди.
Вилоятда бу йил 48800 гектар майдонда пахтачилик, 64410 гектарда ғаллачилик йўналишида меҳнат қилинмоқда. Айни кунларда энг долзарб масалалардан бири бу – чигит униб чиққан майдонларда биринчи комплекс ишлов беришдир.
Семинарда вилоят ҳокимининг ўринбосари Анваржон Ҳакимов, вилоят ўсимликлар карантини ва ҳимояси бошқармаси бошлиғи ўринбосари Алижон Жўраевлар ишчи гуруҳнинг ушбу масала юзасидан ўрганишлари натижаси ҳақида ахборот бердилар. Сусткашликка йўл қўяётган туман мутасаддилари қаттиқ огоҳлантирилди ва камчиликларни тугатиш учун муддат белгиланди.
Пахта ҳамда ғалла майдонларини зарарли ҳашарот ва касалликлардан биологик усулда ҳимоя қилиш, бегона ўтлардан тозалаш, дала четларини тозалаб, қишлоқ хўжалиги экинларини экиш зарурлиги тушунтирилди.
Семинарда Наманган вилояти ҳокими Шавкатжон Абдураззоқов ғўза агротехникаси, ғалла парвариши, пиллачилик, шу билан бирга экспорт ишларини ташкил этиш борасида энг долзарб ва муҳим вазифаларга тўхталиб, туман ҳокимлари ва даҳлдор ташкилотлар раҳбарларига тегишли топшириқлар берди. Бу вазифаларнинг бажарилиши доимий равишда мониторинг қилиб борилиши таъкидлаб ўтилди.
Тўрақўрғон тумани ҳокимлиги Ахборот хизмати.
__
#seminar
Qishloq xoʻjaligida dolzarb yumushlar: ham tigʻiz, ham muhim
Toʻraqoʻrgʻon tumanidagi “Tursunboy Komilov” fermer xoʻjaligi dala shiyponida gʻoʻza zararkunandalariga qarshi kurashish, dala madaniyatini shakllantirish, jumladan, dala chetlarini obodonlashtirish, qishloq xoʻjaligi ekinlarini ekish mavzusida viloyat seminari boʻlib oʻtdi.
Viloyatda bu yil 48800 gektar maydonda paxtachilik, 64410 gektarda gʻallachilik yoʻnalishida mehnat qilinmoqda. Ayni kunlarda eng dolzarb masalalardan biri bu – chigit unib chiqqan maydonlarda birinchi kompleks ishlov berishdir.
Seminarda viloyat hokimining oʻrinbosari Anvarjon Hakimov, viloyat oʻsimliklar karantini va himoyasi boshqarmasi boshligʻi oʻrinbosari Alijon Joʻrayevlar ishchi guruhning ushbu masala yuzasidan oʻrganishlari natijasi haqida axborot berdilar. Sustkashlikka yoʻl qoʻyayotgan tuman mutasaddilari qattiq ogohlantirildi va kamchiliklarni tugatish uchun muddat belgilandi.
Paxta hamda gʻalla maydonlarini zararli hasharot va kasalliklardan biologik usulda himoya qilish, begona oʻtlardan tozalash, dala chetlarini tozalab, qishloq xoʻjaligi ekinlarini ekish zarurligi tushuntirildi.
Seminarda Namangan viloyati hokimi Shavkatjon Abdurazzoqov gʻoʻza agrotexnikasi, gʻalla parvarishi, pillachilik, shu bilan birga eksport ishlarini tashkil etish borasida eng dolzarb va muhim vazifalarga toʻxtalib, tuman hokimlari va dahldor tashkilotlar rahbarlariga tegishli topshiriqlar berdi. Bu vazifalarning bajarilishi doimiy ravishda monitoring qilib borilishi taʼkidlab oʻtildi.
Toʻraqoʻrgʻon tumani hokimligi Axborot xizmati.
http://namangan.uz/ |
https://t.me/namvilhok |
https://www.instagram.com/namangan.gov.uz/ |
https://www.facebook.com/namangan.uz/ |
https://twitter.com/twit_namanganuz |
https://www.youtube.com/c/namanganuz
