***
Eski dostım.
Kelshi búgin tabısayıq.
Tabısayıq deymen-aw
"Tanısayıq!"...
Ne mashqala, densawlıń qanday házir?
Sırlaspayıq! Jaǵday ayta jarısayıq!
Nege bunsha bolıp ketken peyiliń tar.
Tar peyilge biz de biraz ońısayıq.
Balalıqtı ańsap kelgen kewlimdi al,
Yarım edi búgin biraz tolısayıq....
ULBOSÍN
Sınaqlardan qorqıp júrmiz nesine?
Ájel kelse ertesi ne, keshi ne?
Bul ómirdi taslap ketken adamlar,
Saǵınbaydı, almaydı da esine.
Jıllar ótse qayǵıramız nesine?
Kóz jumamız, umıtamız keshire.
Jetpesine qıynalıwǵa ne sebep,
Áketpesen bul dúnyanı kóshire.
Ashıwlanba jazdıń kúni kúydirse,
Ashıwlanba qıs ayazın kiydirse.
Shadlanıp qal sál jańalıq esitseń,
Shadlanip qal ómir ózin súydirse.
Kózińdi jum tóbeden tas tógilse,
Bar úmitiń ármanlarǵa kómilse.
Utpaqlıqqa háreketten ne payda?
Adam ólip bul dúnyadan jeńilse.
Jay qushaqtı ómir saǵan kerilse.
Qarsı shıǵıp, bári dushpan kórinse.
Aytshı óziń, úlgeremiz qay iske.
Jasaw degen bir-aq ret berilse?
U. Isamatdinova
527
11
Өмир сени өзгешелеў сүйемен...
7 мая 2026 г., 08:40
🎥 Video
461
0
0
Өмир сени өзгешелеў сүйемен...
7 мая 2026 г., 08:40
Қазақ ҳаққында сөз...
Жүрек урып, ағып турса мына қан.
Бир үлке бар маған қатты унаған.
Барарына қандай себеп билмедим,
Қайтарында қыймай адам жылаған.
Қазақ далам қоңсы болған жериме,
Меҳрим бөлек ақ көкирек елине.
Ол туўралы сөз қозғасам жүйрик тил,
Жыр толғайды, қосық қурап бериле.
"Қазақ" дейип мениң жырлап жүргеним,
Туўысқанлық, жақынлық па билмедим?
Тили уқсас миллетлер көп бирақ та,
Минези уқсас бундай миллет көрмедим.
Сөзи аўыр дәллеп кесер даўыңди.
Менсинбейди жеңил-желпи жаўыңды.
Кең пейили сойдырғызып жалғыз мал,
Жалғызлатпас ағайинды, баўырды.
Жат болсаң да әкетеди жүр десип,
Санасыў жоқ, таласыў жоқ күнлесип.
Бир қазақтың мәселеси болса егер,
Мың қазағы шешим табар бирлесип.
Алматасы жүрегимди урлаған.
Кеши басқа-унағаны сол маған.
Қанша елдиң қалаларын көрсек те,
Сол қаланың ҳаўасындай болмаған.
Ҳәким Абай тири китап жердеги.
Сана жетпес әлемди ол серледи.
Ол дүньяны көре билди, бирақ та,
Дүнья бурын бундай тулға көрмеди.
Күйши Дина, "ән ағасы- Шәмши" бар.
Музыка ушын жаратылған жан шығар.
Тирисинде олар тапқан ноталар,
Енди оларды излей-излей қамсығар.
Айтылмаса байлықлары айырым,
Бул қосыққа сыйдыра алмаған айыбым.
Соншелли дым ашық болған өмирге,
Түсиндим мен Муқағали шайырын!...
Исаматдинова Улбосын
