ЧАХЧЫЛААХ ЫЙЫННЬЫК
☀️ Муус устар 1 күнэ - Аан дойду үрдүнэн Көр-күлүү күнэ бэлиэтэнэр. Бу күн көрүлүүргэ, дьону күллэрэргэ, күлүүлээх түгэни бэлэхтииргэ анаммыт.
😆 Киһи күллэҕинэ үйэтэ уһуур эбит. Билэҕит дуо? Гелотология диэн күлүү көмөтүнэн эмтиир наука баар буолбут. 1970 сс. Норман Казинс диэн киһи күлэн бэйэтин эмтэммит. Күүһүрэн эрэр паралич ыарыытыттан босхоломмут. Быраастар эмтэммэт ыарыы диэбиттэрин бэриммэккэ, күлэн аһарыммыт.
Кини күн аайы чааһы чааһынан комедиялары көрөр, күлүүлээх кэпсээннэри, көр-күлүү кинигэлэрин ааҕар эбит. Онтон ыла, кини холобурунан АХШ уонна Европаҕа күлүү киһи доруобуйатыгар туһалаах дьайыытын үөрэтэн барбыттар.
😁 Күлүү бары ыарыыттан эмтиир дьикти күүстээх. Стресс гормоннарын уонна холестерин таһымын намтатар. Давлениены чөлүгэр түһэрэр, иммунитеты бөҕөргөтөр.
Төбөтө ыалдьар киһи күллэҕинэ тута үтүөрэн хаалар үһү.
😃 Киһи күллэҕинэ былчыҥ 80 бөлөҕө тэҥинэн үлэлиир эбит. Күлэр киһи санныта хамсыыр, диафрагмата илибириир, моойун, сиһин, сирэйин былчыҥнара холкутуйаллар. Күлүү киһи тыынар уонна сүрэх-тымыр, ас буһарар уорганнарыгар олус туһалаах.
Учуонайдар этэллэринэн, биир мүнүүтэ күлүү - 25 мүнүүтэ фитнеһинэн дьарыктаммыкка тэҥнээх эбит.
😄 Элбэхтик күлэр киһи эдэр көрүҥнэнэр дииллэр. Тоҕо диэтэххэ, сирэй былчыҥнарын үлэлэтэр, хаан эргиирин күүһүрдэр уо.д.а туһалаах дьайыыта элбэх.
10-15 мүнүүтэ күллэххэ, биир плитка сакалаат калорийын сүтэрэҕин.
17 мүнүүтэ тохтоло суох күлүү киһи олоҕун биир сыл уһатар эбит.
Киһи утуйан тураат 3 мүнүүтэ күллэҕинэ, күн устата эрчимнээхтик сылдьар. Онон сарсыарда кофе иһиэх оннугар күлэр ордук дииллэр.
😅 Оҕо күҥҥэ, быһа холоон, 300тэ күлэр. Оттон улахан киһи 15тэ эрэ.
Саамай үөрүнньэҥ дьон Бразилияҕа уонна Кубаҕа олороллор эбит.
😂 Күлүү киһи күүрбүт, санааҕа ылларбыт, куттаммыт, долгуйбут туругуттан босхолуур. Биэс да мүнүүтэ күллэххэ, 40 мүнүүтэ сынньаммыт курдук сананаҕын.
Күннэтэ үөрэ-көтө, күлэ-сала сырыт, көр-нар аргыстан! Оччоҕуна, чэгиэн-чэбдик, чөл туруктаах сылдьыаҥ! 😉
🟡 ЧОХООН 📺 https://rutube.ru/channel/24144261/ | 💙
https://vk.com/club236096603 | 📺 https://vkvideo.ru/@club236096603/all |💬 суруттар
