Автомобиль йўлчилари Ассоциацияси

Автомобиль йўлчилари Ассоциацияси

Public

Просмотреть канал

Не можете присоединиться? @UzbekistanAYA

0

473 Участники

Обновлено: May 8, 2026 at 3:09 AM

Автомобиль йўлчилари Ассоциацияси

Узбекистон Автомобиль Йулчилари Ассоциацияси! тел.:+998949994602 [email protected]

Follow @UzbekistanAYA to stay updated with the latest infouzayauz and 998949994602 trends and news

Рейтинг

Глобальный рейтинг

#456

+2

Рейтинг по языку

#45

+1

Рейтинг по категории

#23

-1

Рост участников (Последние 3 дней)

Всего: 473

Рост за 24ч: +0 0%

Loading...

Рейтинг

Требуется вход

Loading...

Loading recommended channels...

Последние посты

Автомобиль йўлчилари Ассоциацияси

6 мая 2026 г., 23:11

📷 Photo

Йўл соҳаси фидойисига юксак эҳтиром!
Бугун Автомобиль йўллари қўмитасида йўл-қурилиш ва транспорт инфратузилмаси соҳасида узоқ йиллар самарали меҳнат қилган, ўзининг бой тажрибаси, касбий маҳорати ва инсоний фазилатлари билан соҳа вакиллари орасида алоҳида ҳурмат қозонган Азимов Агзам Азляровичнинг таваллуд кунига бағишланган тантанали тадбир бўлиб ўтди.
Тадбирда Автомобиль йўллари қўмитаси раҳбарияти, соҳа фахрийлари, ҳамкасблар, шогирдлар, шунингдек Ўзбекистон автомобиль йўлчилари Ассоциацияси вакиллари жумладан, Ассоцация раиси ўринбосари З. Бахрамов ва илмий кенгаш котиби Н.Усмонов иштирок этди. Йиғилганлар Агзам Азляровичнинг автомобиль йўллари, кўприклар, тоннеллар ва транспорт инфратузилмаси ривожига қўшган муносиб ҳиссасини алоҳида эътироф этдилар.
Агзам Азлярович кўп йиллик меҳнат фаолияти давомида йўл соҳасининг турли масъулиятли йўналишларида фаолият юритиб, республика ва ҳудудий даражадаги муҳим лойиҳаларда, йирик қурилиш объектларида ҳамда стратегик аҳамиятга эга транспорт иншоотларида ўзининг билим ва тажрибасини намоён этган. Айниқса, “Тошкент–Ўш” автомобиль йўли, “Қамчиқ” ва “Резак” тоннеллари каби муҳим объектлардаги фаолияти соҳа тарихида муносиб ўрин тутади.
Тадбир давомида Агзам Азлярович нафақат тажрибали муҳандис ва ташкилотчи, балки кўплаб ёш мутахассислар учун ҳақиқий устоз экани таъкидланди. У киши ўз меҳнат фаолияти давомида кўплаб шогирдлар тайёрлаб, уларга касб сирларини ўргатган, йўлчилик мактабининг давомийлигини таъминлашга муносиб ҳисса қўшган.
Шу муносабат билан Ўзбекистон автомобиль йўлчилари Ассоциацияси номидан Азимов Агзам Азляровичга соҳа ривожига қўшган улкан ҳиссаси, кўп йиллик фидокорона меҳнати, ёш кадрларни тайёрлашдаги хизматлари ҳамда йўлчилик анъаналарини мустаҳкамлашдаги ўрни учун “Ўзбекистон йўлчилари устози” фахрий унвони тақдим этилди.
Мазкур эътироф Агзам Азляровичнинг бутун ҳаёти давомида автомобиль йўллари соҳасига садоқат билан хизмат қилгани, билим ва тажрибасини ёш авлодга улашгани ҳамда кўплаб шогирдлар қалбида устоз сифатида чуқур из қолдирганининг ёрқин ифодасидир.
Ўзбекистон автомобиль йўлчилари Ассоциацияси Агзам Азляровични қутлуғ таваллуд куни ва “Ўзбекистон йўлчилари устози” фахрий унвони билан самимий муборакбод этади. Устозга мустаҳкам соғлиқ, узоқ умр, оилавий бахт-саодат, фарзандлар ва набиралар ардоғида хотиржам ҳаёт, шогирдлар ҳурмати ва эътиборида яна кўп йиллар давомида соҳа равнақига ўз донишманд маслаҳатлари билан ҳисса қўшиб юришини тилайди.

383

8

0

Автомобиль йўлчилари Ассоциацияси

6 мая 2026 г., 23:11

📷 Photo

ЭЪЛОН

2026 йил 2–3 апрель кунлари Беларусь Республикасининг Брест шаҳрида, HAMPTON BY HILTON BREST меҳмонхонасида “Йўл хўжалигининг эволюцияси / 2026” мавзусида халқаро илмий-амалий конференция бўлиб ўтади.

Конференциянинг асосий мавзуси:
“Автомобиль йўллари ва кўприклар: хавфсизлик ва ишончлилик”

Мазкур анжуман Беларусь Республикаси Транспорт ва коммуникациялар вазирлиги кўмаги ва иштироки билан ташкил этилмоқда.

Конференция доирасида автомобиль йўллари ва кўприкларни лойиҳалаш, қуриш, таъмирлаш, эксплуатация қилиш, уларнинг хавфсизлиги ва ишончлилигини таъминлашга оид долзарб масалалар муҳокама қилинади. Шунингдек, соҳа мутахассислари, илмий доира ва ишлаб чиқариш корхоналари ўртасида тажриба алмашиш учун кенг имконият яратилади.

Тадбир ўтказилиш жойи:
Беларусь Республикаси, 224003, Брест шаҳри, Варшава шоссеси, 41
HAMPTON BY HILTON BREST

Сана: 2026 йил 2–3 апрель

Барча қизиқувчи мутахассислар, ташкилотлар ва соҳа вакилларини ушбу нуфузли халқаро анжуманда иштирок этишга таклиф этамиз.

Тадбирда иштирок этиш шартлари ҳақида батафсил маълумот олиш ва рўйхатдан ўтиш учун қуйидаги ҳаволага ўтиш мумкин:
https://beldornii.by/conferences/evolyutsiya-dorozhnogo-dela-20/

Автомобиль йўлчилари Ассоциацияси

6 мая 2026 г., 23:11

📷 Photo

Тошкент давлат транспорт университетида халқаро конференция ўз ишини бошлади.

2026 йил 28 апрель куни Тошкент давлат транспорт университетида “Сейсмик хавфсизлик, қурилишни рақамлаштириш ва барқарор муҳандислик” мавзусида халқаро 76 чи Vibroengineering конференцияси ўз ишини бошлади.

Анжуманнинг очилиш қисмида Тошкент давлат транспорт университети раҳбарияти, Транспорт вазирлиги ҳамда Олий таълим, фан ва инновациялар вазирлигидан ташриф буюрган мутасадди ва мутахассислар, шунингдек хорижий олимлар ва соҳа вакиллари иштирок этиб, конференциянинг аҳамияти ҳақида ўз фикрларини билдирдилар.

Тадбир давомида транспорт инфратузилмасини ривожлантириш, қурилиш соҳасида замонавий рақамли технологияларни қўллаш, муҳандислик ечимларининг барқарорлиги ва халқаро илмий ҳамкорликни кенгайтириш масалалари муҳокама қилинди. Хорижий ва маҳаллий мутахассисларнинг маърузалари конференциянинг илмий-амалий аҳамиятини янада оширди.

Анжуманнинг очилиш қисмида Ўзбекистон Автомобиль йўлчилари Ассоциацияси раиси Ш. Мирходжаев ҳам иштирок этиб, конференция ташкилотчилари ва иштирокчиларини қутлади. У ўз сўзида бу каби халқаро илмий-амалий тадбирлар йўл соҳаси, хусусан транспорт иншоотларини лойиҳалаш, қуриш ва эксплуатация қилишда замонавий ёндашувларни жорий этиш учун муҳим майдон эканини таъкидлади.

Шунингдек, Ассоциация томонидан транспорт иншоотлари қурилишида сейсмик бардошли конструкциялардан фойдаланиш, кўприклар, тоннеллар ва бошқа сунъий иншоотларнинг хавфсизлиги ҳамда ишончлилигини ошириш бўйича илмий-техник ҳамкорликни кучайтиришга алоҳида эътибор қаратилаётгани қайд этилди.

Ассоциация қошидаги илмий-техник кенгаш орқали олимлар, лойиҳачилар, амалиётчи муҳандислар ва соҳа мутахассислари ўртасида доимий мулоқот майдони шакллантирилмоқда. Бу эса транспорт иншоотларини замонавий талаблар асосида ривожлантириш, илғор тажрибаларни ўрганиш ва уларни миллий амалиётга татбиқ этишга хизмат қилмоқда.

Ўзбекистон Автомобиль йўлчилари Ассоциацияси раиси конференцияни юқори савияда ташкил этгани учун Тошкент давлат транспорт университети раҳбариятига, профессор-ўқитувчиларига, халқаро ҳамкор ташкилотларга ҳамда барча иштирокчиларга миннатдорчилик билдирди.

Мазкур конференция маҳаллий ва хорижий олимлар, ёш тадқиқотчилар ҳамда амалиётчи мутахассислар ўртасида тажриба алмашиш, янги ғоялар ва амалий ечимларни муҳокама қилиш учун муҳим илмий платформа бўлиб хизмат қилади.

Автомобиль йўлчилари Ассоциацияси

6 мая 2026 г., 23:11

📷 Photo

“Йўлчилар учрашуви” анжумани мазмунли ва амалий руҳда ўтди

Бугун 26 март куни Ўзбекистон автомобиль йўлчилари Ассоцацияси тарафидан устоз йўлчи Каримов Абдусаттор Абдусаматович юбилейи муносабати билан ташкил этилган “Йўлчилар учрашуви” анжумани кўтаринки кайфият, самимий муҳит ва мазмунли мулоқотлар остида бўлиб ўтди.

Тадбирнинг биринчи қисмида соҳа фахрийси, тажрибали муҳандис ва устоз йўлчи Каримов Абдусаттор Абдусаматовичнинг кўп йиллик меҳнат фаолияти, мамлакатимиз йўл-транспорт инфратузилмаси ривожига қўшган муносиб ҳиссаси алоҳида эътироф этилди. Устозга билдирилган самимий табриклар, эҳтиром ва эзгу тилаклар тадбирга алоҳида файз бағишлади.

Анжуманнинг иккинчи қисмида эса лойиҳачи, буюртмачи ва экспертиза ташкилотлари вакиллари иштирокида очиқ давра суҳбати бўлиб ўтди. Мазкур мулоқотда йўл ва сунъий иншоотларни лойиҳалаш жараёнида учраётган айрим камчиликлар, мавжуд муаммолар ҳамда уларни бартараф этиш чоралари юзасидан атрофлича фикр алмашилди. Иштирокчилар томонидан соҳада ўзаро ҳамкорликни мустаҳкамлаш, лойиҳа сифати ва масъулиятни оширишга доир қатор амалий таклифлар билдирилди.

Учрашув якунида билдирилган таклиф ва мулоҳазалар асосида мажлис баёни расмийлаштирилди. Мазкур баён тегишли ташкилотларга таклиф сифатида юбориш белгиланди.

Ушбу анжуман нафақат устозни эъзозлаш, балки соҳа вакилларини бирлаштирган, долзарб масалаларни муҳокама қилиш ва амалий ечимлар ишлаб чиқишга хизмат қилган муҳим мулоқот майдони бўлди.

Эслатиб ўтамиз, мазкур учрашув “AERO-YO‘L LOYIHA” масъулияти чекланган жамияти хомилийлигида ташкил этилди.

Автомобиль йўлчилари Ассоциацияси

6 мая 2026 г., 23:11

📷 Photo

“Раҳбар ва ёшлар” учрашуви мазмунли ва самимий руҳда ўтди!
Бугун, 2026 йил 25 март куни Тошкент давлат транспорт университетида “Кўприклар ва тоннеллар” кафедраси ташаббуси билан ташкил этилган “Раҳбар ва ёшлар” учрашуви юқори савияда, қизғин ва муҳокамаларга бой тарзда бўлиб ўтди.
Мазкур учрашувда “Ўзбекистон Автомобиль йўлчилари Ассоциацияси” раиси Мирходжаев Шухрат Амануллаевич ҳамда “Шаҳар сунъий иншоотларидан фойдаланиш, уларни сақлаш ва таъмирлаш ихтисослаштирилган бошқармаси” бошлиғи Валиев Шавкат Абдужалилович иштирок этдилар. Учрашувда университет профессор-ўқитувчилари, илмий тадқиқотчилар, магистрантлар, докторантлар ҳамда талаба-ёшлар қатнашди.
Тадбир давомида соҳа раҳбарлари талабалар билан очиқ мулоқот қилди, йўл ва транспорт соҳасининг бугунги ҳолати, унинг истиқболлари, замонавий талаблар, мутахассис кадрлар тайёрлаш масалалари ҳамда ёшларнинг соҳада муносиб ўрин эгаллаши ҳақида ўз фикр-мулоҳазаларини билдирдилар. Шунингдек, учрашувда касбий билим, амалий тажриба, ташаббускорлик ва масъулият каби фазилатларнинг аҳамияти алоҳида таъкидланди.
Учрашув айниқса талабаларнинг фаол иштироки, долзарб ва қизиқарли саволлари, эркин ва самимий мулоқот муҳити билан аҳамиятли бўлди. Савол-жавоблар жараёнида ёшлар ўзларини қизиқтирган кўплаб масалалар бўйича батафсил жавоблар олдилар. Бу эса тадбирнинг нафақат расмий, балки амалий аҳамиятга ҳам эга бўлганини яна бир бор кўрсатди.
Тадбир якунида “Ўзбекистон Автомобиль йўлчилари Ассоциацияси” номидан ўқишда юқори натижаларга эришиб келаётган, жамоат ишларида фаол иштирок этадиган ҳамда учрашув давомида ўзининг қизиқарли ва мазмунли саволлари билан ажралиб турган бир гуруҳ талабаларга совғалар топширилди. Бу эътибор ва рағбат, шубҳасиз, ёшларнинг келгусида янада фаол, билимли ва ташаббускор бўлиб етишишида муҳим аҳамият касб этади.
Мазкур учрашув ёшлар билан раҳбарлар ўртасидаги мулоқотни мустаҳкамлаш, талабаларнинг соҳага бўлган қизиқишини янада ошириш ва уларни келажакда етук мутахассис бўлиб шаклланишга руҳлантириш нуқтаи назаридан муҳим аҳамиятга эга бўлди.

Showing 5 of 5 posts

No more posts