Беш тийин

Public

Просмотреть канал

320

2.7K

Не можете присоединиться? @beshtiyin

11.8k Участники

Обновлено: May 4, 2026 at 10:42 PM

Беш тийин

Дисклеймер: барча маълумотлар очиқ манбалардан олинган. Таклифлар учун — @beshtiyinbot

@beshtiyin is a growing community focused on beshtiyinbot and related topics

Рейтинг

Глобальный рейтинг

#456

Рейтинг по языку

#45

Рейтинг по категории

#23

-1

Рост участников (Последние 3 дней)

Всего: 11.8K

Рост за 24ч: +0 0%

Последние посты

Беш тийин

27 апр. 2026 г., 09:17

🎥 Video

Ўзбекистон ва Афғонистон ўртасида янги биржа савдо механизми жорий этилди

Ўзбекистон Савдо-саноат палатаси ташаббуси билан маҳаллий экспортчилар учун Афғонистон бозорига чиқишнинг соддалаштирилган тизими йўлга қўйилди. Эндиликда ўзаро савдо амалиётлари Ўзбекистон республика товар-хом ашё биржаси (UzEX) платформаси орқали амалга оширилади.

Лойиҳанинг молиявий хавфсизлигини таъминлаш мақсадида Афғонистоннинг Ghazanfar Bank муассасаси ҳамкор сифатида жалб этилган. Ушбу механизм тўловларни банк кафолати остида ва ортиқча воситачилик харажатларисиз ўтказиш имконини беради.

Иштирок этиш истагида бўлган тадбиркорлар https://id.uzex.uz/v2 платформасида рўйхатдан ўтишлари лозим.

4,630

Беш тийин

27 апр. 2026 г., 09:17

📷 Photo

ДХХ «судья ва Агробанк ходими» қўлга олингани https://t.me/xavfsizlik_uz хабарига Агробанк https://t.me/agrobankpress расмий муносабатида мавзудан умуман узоқлашиб, бу каби хабарлар банкнинг обрўсига салбий таъсир қилиши мумкин деган мазмунда жавоб берган.

Демак, банк ходими коррупцион ҳолатда тилга олинса, муаммо банкка тегишли эмас. Қизиқ мантиқ.

Нормал инқирозли коммуникацияда банк «ҳа, бу бизнинг ходим, ҳолат жиддий, ички текширув бошланди» деган муносабат билан чиқади.

Биз эса ушбу кейсда PR-инқирозни бошқариш эмас, муаммони банкдан узоқлаштириш ҳолатини кўряпмиз. Бундай пайтдаги расмий баёнотлар юридик жиҳатни эмас, институтнинг асл қиёфасини ва масъулиятини кўрсатиши керак.

4,380

Беш тийин

27 апр. 2026 г., 09:17

📷 Photo

Ўзбекистонда бозор капитали бўйича TOP-10 банклар

Kap Depo ҳисоб-китобларига https://t.me/kapdepo, сўнгги 30 кун ичида камида битта битим қайд этилган банклар орасида бозор капитали бўйича Octobank биринчи ўринни эгаллаган. Банкнинг қиймати тахминан 1,7 млрд доллар деб баҳоланмоқда

Бу натижа Octobank’нинг бозорда инвесторлар эътиборини тортган банклардан бирига айланганини кўрсатади. Айниқса, банк секторида рақобат кучайиб бораётган бир пайтда капитализация бўйича биринчи ўринга чиқишнинг ўзи ҳам алоҳида аҳамиятга эга.

Кейинги ўринларда Ipoteka-bank қарийб 1,1 млрд доллар ва Trastbank 803 млн доллар капитализация билан жойлашган. Шунингдек, Ipak yo‘li bank 706 млн доллар, O‘zsanoatqurilishbank эса 634 млн доллар билан рейтингнинг юқори қисмига кирган.

Албатта, бозор капитали ҳар доим ҳам банкнинг тўлиқ фундаментал қийматини англатмайди. Лекин бу кўрсаткич бозор қайси иштирокчиларга юқорироқ баҳо бераётганини кўрсатиб туради. Ҳозирча бу рўйхатда энг юқори баҳони Octobank олмоқда.

Беш тийин

27 апр. 2026 г., 09:17

📷 Photo

Tenge Bank бошқарув раиси Бейбит Фалеевнинг ваколати 2026 йил 22 апрелдан бошлаб яна бир йилга https://new.openinfo.uz/ru/facts/6/13869.

Ҳозирги таркибга кўра, Tenge Bank бошқарувида Фалеевдан ташқари Баян Имашева, Олег Анашев ва Мадина Юсуповалар бор.

4,140

Беш тийин

27 апр. 2026 г., 09:17

📷 Photo

Asia Alliance Bank Кузатув кенгаши дивиденд тўлашни тавсия қилди, акциядорлар эса Кузатув кенгаши аъзоларига ҳақ тўлаш тартибига қўшимчани тасдиқлади.

Кузатув кенгаши ҳар бир оддий акция бўйича 45,89 сўм дивиденд тўлашни https://new.openinfo.uz/ru/facts/41/469.

Шу билан бирга, корпоратив облигациялар бўйича бир дона облигацияга 44 383,56 сўм миқдорида даромад ҳисоблангани https://new.openinfo.uz/ru/facts/32/3899. Тўлов муддати 1 апрелдан 10 апрелгача деб кўрсатилган.

Бундан ташқари, 7 апрель куни ўтган акциядорларнинг навбатдан ташқари умумий йиғилишида Кузатув кенгаши аъзоларига ҳақ тўлаш тартиби ҳақидаги низомга қўшимча https://new.openinfo.uz/ru/facts/6/13841.

3,960

Беш тийин

27 апр. 2026 г., 09:17

📷 Photo

Anor Bank’da кузатув кенгаши аъзоси Қаҳрамонжон Олимовнинг банк устав капиталидаги улуши ўзгарди.

Унинг улуши 445,1 млн дона акциядан 420,1 млн дона акцияга, яъни 52,36 фоиздан 49,42 фоизга https://new.openinfo.uz/ru/facts/34/329. Ўзгариш акциядорлар реестрига мувофиқ қайд этилган.

Бугунги кунда кузатув кенгаши аъзолари орасида акцияга эгалик қилаётган ягона шахс ҳам Қаҳрамонжон Олимов бўлиб қолмоқда.

4,160

Беш тийин

27 апр. 2026 г., 09:17

📷 Photo

Hayot Bank’нинг юридик бошқармаси бошлиғи ва бошқарув аъзоси Бекмурод Исмоилов ваколати https://new.openinfo.uz/ru/facts/8/14678, у аффилланган шахслар рўйхатидан чиқарилган.

Ҳозирча унинг ўрнига кимтайинлангани ҳақида маълумот йўқ.

Банкларда юридик йўналиш корпоратив қарорлар, ички назорат ва ҳуқуқий хавфлар билан боғлиқ муҳим бўғин ҳисобланади.

3,780

Беш тийин

27 апр. 2026 г., 09:17

📷 Photo

UZCARD’нинг янги шиори «Қулай яшанг» бўларкан.

Бир қараганда, шунчаки https://uzcard.uz/uz/news/uzcard_live_made_ease кўриниши мумкин. Лекин бундай ўзгаришлар одатда компаниянинг бозордаги янги стратегик йўналишини ифодалайди.

Афтидан, компания энди ўзини шунчаки техник инфратузилма эмас, балки фойдаланувчилар ҳаётида қулайлик яратувчи сифатида тақдим этмоқчи.

Бу бежиз эмас. Бозор маълум бир босқичга етганда, тизимнинг шунчаки «ишлаши» етарли бўлмай қолади. Карта ёки терминалнинг ишлаши — бу аллақачон бўлиши шарт бўлган минимал талаб. Энди истеъмолчилар йирик «ўйинчилардан» тезлик, соддалик ва ортиқча тўсиқларсиз хизмат кутади.

Лекин молиявий соҳада бир нозик жиҳат бор: қулайлик — энг кўп ваъда қилинадиган, аммо амалда тасдиқланиши энг қийин бўлган тушунча. Уни шиорлар эмас, кундалик тажриба исботлайди. Масалан, тўлов жараёни, ўтказмалар тезлиги, терминаллар барқарорлиги ва муаммо туғилганда мижозларни қўллаб-қувватлаш тизими.

Ушбу ваъда сервис даражасида сезиладими ёки фақат пиар ва коммуникацияда қолиб кетадими вақт кўрсатади.

Зеро, ҳар қандай тизим ўзини истаганча мақташи мумкин, бироқ якуний хулосани фойдаланувчилар беради.

Беш тийин

27 апр. 2026 г., 09:17

📷 Photo

InFinBank Кузатув кенгаши соф фойдани тақсимлаш бўйича тавсия берибди.

Банк Кузатув кенгаши ҳар бир оддий акция учун 132,73 сўм дивиденд тўлашни таклиф https://new.openinfo.uz/ru/facts/41/468.

Имтиёзли акциялар бўйича дивиденд ҳисобланмаган. Бошқа қимматли қоғозлар бўйича ҳам даромад белгиланмаган.

Бу ерда гап Кузатув кенгаши тавсияси ҳақида кетяпти. Яъни якуний қарор акциядорларнинг умумий йиғилишида қабул қилиниши керак.

3,760

Беш тийин

27 апр. 2026 г., 09:17

📷 Photo

PAYNET 2025 йил якунлари бўйича ҳар бир акция учун 161,39 сўм дивиденд тўлайди.

Компания 2025 йилда 395,1 млрд сўм соф фойда https://new.openinfo.uz/ru/facts/32/3897. Фойданинг 263,16 млрд сўмини дивидендларга йўналтириш режалаштирилган. Тўловлар 2026 йил 6 апрелдан 5 майгача пул шаклида амалга оширилади.

Шу билан бирга, компания фойданинг 19,76 млрд сўмини захира жамғармасига, 112,19 млрд сўмни эса тақсимланмаган фойда сифатида корхона балансида https://new.openinfo.uz/ru/facts/6/13828.

Ҳозирча қарорлар капитал тақсимотининг мантиғини кўрсатмоқда, стратегиянинг кейинги босқичини эмас.

3,790

Беш тийин

20 апр. 2026 г., 13:20

📷 Photo

Ўзбекистонда венчур бозори ҳақиқатан рақобат муҳити сифатида шаклланяптими ёки ҳозирча мутахассисларнинг чекланган доирасига асосланган модель сифатида кенгаяптими? Масалан, Hayot Ventures ҳақидаги янгилик шундай саволни ўртага ташлайди. Чунки, очиқ маълумотларда…

4,070

Беш тийин

20 апр. 2026 г., 13:20

📷 Photo

Бош прокуратура маълумотига https://kun.uz/59778948?fbclid=IwdGRleAQ7g0VleHRuA2FlbQIxMQBzcnRjBmFwcF9pZAo2NjI4NTY4Mzc5AAEe6JMW_1A8h2_pBYLwJiDCApMm_kKgbX2p934KS7zSz3KMdAFoSs6flSYD_JM_aem_XGUVRNZ4fB91VyDw_xN5eA, Infinbank’нинг Қўқон филиали ходими банк мижозини ўлдирганликда гумонланиб қўлга олинган. Тергов тахминига кўра, мижоз кредит масаласи билан филиалга келган, кейин эса улар ўртасида жанжал келиб чиққан.

Infinbank билан боғлиқ бу ҳолатни шунчаки жиноят тафсилотлари деб ўқиб кетиш осон. Аммо банк учун бу анча катта муаммо. Чунки мижоз банкка хавфсизлик ва ишонч учун боради. Бундай ҳолатда эса одамлар банк ва мижоз ўртасида муносабат қай даражагача етиб борган экан деган ўринли савол беради.

Шу сабаб бундай кейс банк учун нафақат жиноий, балки «репутацион» инқироз ҳамдир.

Молия тизимида энг муҳим ресурс пул эмас. Ишонч.

4,190

Беш тийин

20 апр. 2026 г., 13:20

📎 File

Ваъдага бой, далилга камбағал SQB Ventures Мана бу пост эълон қилиниши билан SQB Ventures раҳбари (бир вақтнинг ўзида Hayot Ventures’га ҳам раҳбарлик қилаётган) Тигран Бекмуллин алоқага чиқди. У постдаги хулосаларни «нотўғри талқин» қилинган деб, икки фонд…

4,360

Беш тийин

20 апр. 2026 г., 13:20

📷 Photo

Apex Bank устав капиталини 600 млрд сўмдан 800 млрд сўмга ошириш ҳақида қарор қабул қилди. Банк қўшимча 200 млрд сўмлик акция https://new.openinfo.uz/ru/facts/6/13823.

Банк капитал базасини кескин мустаҳкамламоқда, бу эса ўсиш учун ресурс ҳозирланаётганини англатади.

Apex Bank томонидан капиталнинг 200 млрд сўмга оширилиши банк кенгроқ кўламда фаолият юритишга тайёрланаётганини кўрсатади.

4,700

Беш тийин

20 апр. 2026 г., 13:20

📷 Photo

Ўзбекистонда венчур бозори ҳақиқатан рақобат муҳити сифатида шаклланяптими ёки ҳозирча мутахассисларнинг чекланган доирасига асосланган модель сифатида кенгаяптими? Масалан, Hayot Ventures ҳақидаги янгилик шундай саволни ўртага ташлайди.

Чунки, очиқ маълумотларда Hayot Ventures раҳбари сифатида Тигран Бекмуллин кўрсатилган. SQB Ventures раҳбари сифатида ҳам айнан шу шахс қайд этилган. Бунга Tanga нашри https://tanga.uz/news/1230.

Гап «битта одам икки жойда ишлаяпти» деган маиший эътироз ҳақида эмас. Масала шундаки, янги венчур платформалари пайдо бўлаётган бозорда алоҳида жамоалар, мустақил инвестиция ёндашуви ва стартаплар учун реал рақобат бўлиши керак. Акс ҳолда, фондлар кўпаяди-ю, амалда эса қарор қабул қилиш ва экспертиза чекланган доира ичида қабул қилинаверади.

Ўзи бизда венчур бозори қуриляптими ёки ҳозирча бир хил бошқарув тизими турли тузилмалар орқали такрорланяптими?

Агар иккинчи фикр тўғри бўлса, бу яхши сигнал эмас. Чунки рақобат шунчаки икки хил номда эмас, балки икки хил тажриба, икки хил танлов мантиғи ва энг яхши лойиҳалар учун мустақил кураш бор жойда пайдо бўлади. Акс ҳолда, эртага «экотизим» деган чиройли сўз ортида ёпиқ клуб шаклланиб қолиши мумкин.

P. S. SQB Ventures раҳбарияти биз билан алоқага чиқиб, ушбу масала бўйича расмий позициясини тақдим этишини маълум қилди.

Беш тийин

20 апр. 2026 г., 13:20

📷 Photo

Ipoteka-bank’нинг оддий акциялари ўсяпти-ю, лекин бозор айнан нимани сотиб оляпти?

Сўнгги ҳафталарда Ipoteka-bank атрофида кетма-кет муҳим сигналлар чиқди. Аввал IFC иштирокидаги қўшимча эмиссия орқали капитал тузилмаси ўзгараётгани . Кейин ЕТТБ билан risk sharing модели ҳақида хабар . Бунинг натижасида эса оддий акциялар нархи кескин кўтарилди.

Бозор бу жараёнларни банк кучайиши сифатида қабул қилмоқда, бироқ асл вазият мураккаброқ бўлиши мумкин.

IFC билан боғлиқ эмиссия шунчаки инвестиция эмас, балки қарз ва капитал ўртасидаги мураккаб молиявий конструкциядир. ЕТТБ билан ҳамкорлик ҳам банкка институционал таянч бўлса-да, унинг асосий параметрлари ҳали очиқланмаган. Яъни, инвесторлар олдида аниқ иқтисодий модел эмас, балки халқаро институтлар билан мустаҳкамланаётган банк ҳақидаги ижобий тасаввур турибди.

Kap Depo таҳлилига https://t.me/kapdepo, ўсишда техник омиллар — қўшимча эмиссия, имтиёзли ҳуқуқ ва реестр ёпилиш санаси ҳам муҳим роль ўйнаган. Демак, бозор нафақат эмиссия механикасини, балки банк атрофидаги позитив имижни ҳам «сотиб оляпти».

Бироқ бундай «ҳикоялар» ҳар доим ҳам иқтисодий мазмунга мос келавермайди. IFC ва ЕТТБ иштироки банк «кучайганидан» далолат берса-да, бу янги капитал тузилмаси қандай ишлашини ва хатарлар тақсимотини тушунтириб бермайди.

Хулоса қилганда, гап фақат нарх ўсишида эмас, балки маҳаллий бозорнинг мураккаб корпоратив сигналларга қай тарзда муносабат билдираётганида. Ipoteka-bank атрофида янги молиявий архитектура шаклланаётган бўлиши мумкин, аммо бозор ҳозирча аниқ иқтисодий мазмундан кўра, юзага чиқаётган сигналларга тезроқ реакция бермоқда.

Showing 16 of 16 posts

No more posts

Рейтинг

Требуется вход

Отзывы пользователей (0)

Пока нет отзывов. Будьте первым, кто поделится своим опытом!

Беш тийин

Беш тийин

Рейтинг

Рост участников (Последние 3 дней)

Последние посты

Рейтинг

Отзывы пользователей (0)

Похожие каналы Telegram

Магазин цифровых товаров YanGoShop(@yangosart)

Департамент культуры ДУМРФ

ParsPlusRu

Система Муаве

Рустам Тэ-Пин Арбуду

Денис Паслер

Пина Колядинцев

помойка бай овл

Похожие каналы Telegram

Магазин цифровых товаров YanGoShop(@yangosart)

Департамент культуры ДУМРФ

ParsPlusRu

Система Муаве

Рустам Тэ-Пин Арбуду

Денис Паслер

Пина Колядинцев

помойка бай овл

Отзывы пользователей (0)

Последние посты