ПӘТИЙМА МЫРЗАБАЕВА

Public

Просмотреть канал

248.6K

353

143.9K

Не можете присоединиться? @mirzabaevapatiyma

44 Участники

Обновлено: May 7, 2026 at 12:15 PM

ПӘТИЙМА МЫРЗАБАЕВА

ШАЙЫР ПӘТИЙМА МЫРЗАБАЕВАНЫҢ ДӨРЕТПЕЛЕРИ ОРЫН АЛҒАН.

@mirzabaevapatiyma offers specialized information about OnlyFans for subscribers interested in OnlyFans

Рейтинг

Глобальный рейтинг

#456

Рейтинг по языку

#45

Рейтинг по категории

#23

-1

Рост участников (Последние 3 дней)

Всего: 44

Рост за 24ч: +0 0%

Последние посты

ПӘТИЙМА МЫРЗАБАЕВА

7 мая 2026 г., 08:41

ҚАРАҚАЛПАҚСТАННЫҢ ТОПЫРАҒЫН КӨРМЕГЕН
ҚАРАҚАЛПАҚЛАРҒА

Ҳақыйқатлық − ашшы наятый,
Қысметиңиз оннан да ашшы.
Мәлим емес: қандай ҳалатың?
Көзиңизден тамған жуп тамшы,
Түслериме енеди жийи,
Намысыма салады қозғаў.
Не аўқат жеп, нелерди кийип
Жүргениңниң кызығы азлаў.
Бәлким ыдыс жуўыўшысаң сен,
Ғалма-ғалы асқан басынан.
Яки мәзи арбакешписең
Мың жолаўшы өткен қасынан?
Ыдыс жуўған қолларың ҳәргиз,
Фарығ етпес қәлбиңди дәрттен.
Мың жолаўшы елтип бере алмас,
Сағынышыңды елатың бетке.
Бахытсызлық таңламас мәкан,
Ағла емес мениң де ҳалым :
Бәлким сеннен кәмбағалдурман,
Жипек емес ескен самалым.
Бирақ бунда бабалар күлди,
Бабаларым жылады бунда.
Арзыўлары талай гүлледи,
Ҳәм тапланды ат туяғында.
Пинҳамы дәрт қәлбиң төринде,
Сызлатады жаныңды жийи.
Алмастырғың келер бәрин де
Бул топыраққа қолларың тийип,
Ийискеўиң ушын бир мәўрит.
Усы жерде жасағаным тек −
Ығбалымның бәлент шоққысы.
Топырағымыз ашшы, кебиртең,
Қысметиңиз оннан да ашшы…

Пәтийма МЫРЗАБАЕВА

161

ПӘТИЙМА МЫРЗАБАЕВА

7 мая 2026 г., 08:41

📷 Photo

Əй жақты дүньяға келген нəресте,
Анаң бесигиңди шайқайды əсте.
Усының өзи бир
ығбал емес пе?
Тыныш уйқы мудамы
сеники болсын.

Хеш бир адам өзин
əшкара етпес,
Инсан кеўли қымбат,
алтын да жетпес.
Аламан жалығар сөзден
бир теклес,
Хақ сөзли дилўарлар
сеники болсын...

Пәтийма МЫРЗАБАЕВА

612

ПӘТИЙМА МЫРЗАБАЕВА

7 мая 2026 г., 08:41

КЕТПЕКТЕСЕҢ

Кетпектесең.Бийпәрўасаң.
Қәлбимде шоқ қалдырдың.
Сөндирмекти ойламасаң
Неге от тутандырдың?!

Өтмишимниң қапыларын
Ашпағыл, ашпа ҳәргиз.
Жүрмегил буннан ары,
Соқпақты шыжбайлар из.

Неликтен тым-тырыссаң,
Маған бир жумбақ болдың.
Кеўлимде сен турыпсаң,
Шаңғытлы-аў  мына жол дым.

Мейли, сен бийпәрўа өт,
Көрейин алыстан-ақ.
Сөнбесин пәк муҳаббат,
Қәлбиңде алыспай-ақ..

Пәтийма  МЫРЗАБАЕВА
https://t.me/a_blognot

160

ПӘТИЙМА МЫРЗАБАЕВА

7 мая 2026 г., 08:41

ТӘҒДИРДЕ РЕҲИМ ЖОҚ

Тәғдирде реҳим жоқ.Сол дем
Қайтадан келмеди, келмеди.
Бизлерге сый-инәм етилген
Минутлар руўҳымды емледи.

Бирақ сен тәғдирден қаталсаң,
Сонда-ҳәм теңиң жоқ мен ушын.
Сени тек бахытлы ете алсам,
Бийбаҳа сол гөззал дем ушын.

Ышкыңда от болып жандым мен,
Дәркар ма тәғирдиң жалыны?
Сен ушын жумбақ боп қалдым мен,
Календарь бетинен алынып

Қалса да сол күнди умытпа,
Еслегил сол муңлы көзлерди.
Билмедим, сен енди жуўықта
Сағынып сол татлы гезлерди,

Ынтығып телефон сымынан
Жалғыз сөз жоллар ма екенсең?
Өмир де баратыр  зымырап,
Өтмишке айналып сол гезең...

Пәтийма  МЫРЗАБАЕВА
https://t.me/a_blognot

136

ПӘТИЙМА МЫРЗАБАЕВА

7 мая 2026 г., 08:41

📷 Photo

Жан дүньямды үнсиз
сездиң бе, бәҳәр?!

Пәтийма МЫРЗАБАЕВА

https://t.me/a_blognot

218

ПӘТИЙМА МЫРЗАБАЕВА

7 мая 2026 г., 08:41

📷 Photo

Патийма МЫРЗАБАЕВА
* * *
Еслеймен кешеги екинши курста
Пахта отағына барған күнлерди.
Ол пайттың тәрийпи, мазасы басқа...
Мен еки мезгил шай қайнатып бердим.

Бул-ўазыйпам еди ҳәр күнги мениң,
Титанның қайнаўы баққаным ҳәрне.
Базда умыт қалар шырпы дегениң,
Сорайман: "жигитлер, күкирт бериң қәне!".

Бир күни пысқыды жанбастан отым,
Жылап алдым сонда қорлығым келип.
Жүреклерге меҳир орнатыў ушын
Бир шырпы излеўде ҳәлекпен еле...

738

ПӘТИЙМА МЫРЗАБАЕВА

7 мая 2026 г., 08:41

📷 Photo

НАМƏРТЛЕРДИҢ ЖҮРЕГИНЕ...

Өмир деген айқуш-уйқыш жолдур ҳаслы,
Гə де тегис, гə де бəлент-пəсли,таслы,
Болмаўы ушын қызгенениң көзи жаслы,
Намəртлердиң жүрегине шоқ бер, Алла.

Шынлық деген гəўҳар екен ҳасыл, таза,
Сондадағы жалған қумы көмер базда,
Кеўиллерде қыс қəҳəри турар жазда,
Намəртлердиң жүрегине шоқ бер, Алла.

Шерттим ығбал сарайының дəрўазасын,
Салыстырдым тəрезиниң еки тасын,
Бахытлылар бахытсыздан болсын басым,
Намəртлердиң жүрегине шоқ бер, Алла.

Кеўиллерге гирбиң-ғубар тиймесин ҳеш,
Ашықлар-ҳəм жалған жанып-күймесин ҳеш,
Нашар халқы басын төмен иймесин ҳеш,
Намəртлердиң жүрегине шоқ бер, Алла.

Адамийзат бирин-бири қоллаўы ушын,
Кеуиллерде үмит гүли солмаўы ушын,
Қарақалпақ кишкене халық болмаўы ушын,
Намəртлердиң жүрегине шоқ бер, Алла.

Пəтийма МЫРЗАБАЕВА

661

ПӘТИЙМА МЫРЗАБАЕВА

7 мая 2026 г., 08:41

ҲƏР БИРИҢИЗГЕ
(Наўрыз қутлықлаўы)

Ўақыт хүкиминде өтеди жыллар,
Жыллар жылнамасын əўладлар тыңлар.
"Наўрыз!"деп асығып күтпеген ким бар?
Шадлық алып келсин ҳəр бириңизге.

Тарийх сахнасында кимлер болмады,
Биреўлер бийкарлап, биреў қоллады.
"Ҳақыйқат кесилди, бирақ солмады",
Шынлық ҳəмдам болсын ҳəр бириңизге.

Кеўил кестесинде түрли нағыс бар,
Қыял дəрьясында түрли ағыс бар,
Мийрим-шəпəəттен ағла не ис бар?
Бирлик қорған болсын ҳəр бириңизге.

Бабалар дəстүрин шығарған пушқа,
Сол жыллар мегзейди жаралы қусқа.
Қалса да сол ғəлет ислер алыста,
Сабақ болып қалғай ҳəр бириңизге.

Өмир дарағының мийўеси əлўан,
Гəде кермек, гəде татлы туйылған.
Тек ядта бар, менюлерде жойылған
Тағамлар тартылсын ҳəр бириңизге.

Бир жанған шамдайын өтеди өмир,
Онда қайғы да бар, шадлық бар не бир.
Шадлығың мəңгилик,
қайғың миймандур,
Егер Наўрыз келсе
ҳəр бириңизге.

Тойлардың ишинде ағласы болып,
Нешше дəўирлердиң сырласы болып,
Қутлы, берекетли жыл басы болып,
Наўрыз есик қақсын
ҳəр бириңизге!

Пəтийма МЫРЗАБАЕВА

https://t.me/a_blognot

151

ПӘТИЙМА МЫРЗАБАЕВА

7 мая 2026 г., 08:41

📷 Photo

БƏҲƏР

Қəҳəрли қыс паслы болғанда ғайып,
Тəбият оянып қулпырған пайыт,
Ығбал қусы кеңнен
қанатын жайып,
Сен елшиси болып
келдиң бе, бəҳəр?

Өмирде ҳүкимран ақ пенен қара,
Ҳəр мəўсимниң заўқы,
орны бар дара,
Сенсиз инсан кеўли кемтик ҳəм жара,
Тилсимли əлемге кирдиң бе, бəҳəр?

Шайыр бар ма сөз маржанын дизбеген,
Қырлар бар ма тəнҳа өзиң гезбеген,
Сырларым көп жүрегимде гизнеген,
Жан дүньямды үнсиз сездиң бе, бəҳəр?

Ықлым өзгермели,
жаўын-шашынлы,
Гə дүбелей уйтқып, гə күн ашылды,
Муңлас болалмаған өзге пасылды
Еслеп, бир мəўритке бездиң бе, бəҳəр?

Дийқанға мəдаткар, жер менен сырлас,
Ҳәр қəдемиң мисли байрамға уғрас,
Иңкәр кеўиллерге
қушағыңды аш,
Йошлы намалардың
сағасы бəҳəр,
Бəрше пасыллардың
ағласы бəҳəр!

Пəтийма МЫРЗАБАЕВА

9-март 2010-жыл.

https://t.me/a_blognot

207

ПӘТИЙМА МЫРЗАБАЕВА

7 мая 2026 г., 08:41

📷 Photo

...Мениң көзқарасым ҳәм мүнәсийбетим шығармаларымдағы лирик қаҳарманның кеширмелери арқалы бериледи. Ол лирикалық қаҳарман өзине идеал Адамды, идеал заманды излейди, жер бетинде теңлик, әдалатлық, шын мәнисинде руўхый азатлық болыўын әрман етеди.

ПӘТИЙМА МЫРЗАБАЕВА

1,070

Showing 10 of 10 posts

No more posts

Рейтинг

Требуется вход

Отзывы пользователей (0)

Пока нет отзывов. Будьте первым, кто поделится своим опытом!

ПӘТИЙМА МЫРЗАБАЕВА

ПӘТИЙМА МЫРЗАБАЕВА

Рейтинг

Рост участников (Последние 3 дней)

Последние посты

Рейтинг

Отзывы пользователей (0)

Похожие каналы Telegram

Кондиционеры | Вентиляция | Пермь | Climat59

Roses_are_rosie

Путь Дракона | Шанхай Дрэгонс

ЛюбаЕСТ 🍒💃🍫✨

ГОВОРИТ БЕЛГОРОД!

ОПТ ЦВЕТЫ ПЕРМЬ | РОМАНТИК

Улица (все серии)

ФУЛЛЫ ЕРШОВОЙ

Похожие каналы Telegram

Кондиционеры | Вентиляция | Пермь | Climat59

Roses_are_rosie

Путь Дракона | Шанхай Дрэгонс

ЛюбаЕСТ 🍒💃🍫✨

ГОВОРИТ БЕЛГОРОД!

ОПТ ЦВЕТЫ ПЕРМЬ | РОМАНТИК

Улица (все серии)

ФУЛЛЫ ЕРШОВОЙ

Отзывы пользователей (0)

Последние посты