Azatlıq Radiosı | Азатлык Радиосы

Azatlıq Radiosı | Азатлык Радиосы

Public

Просмотреть канал

Не можете присоединиться? @azatliqradiosi

0

2.4k Участники

Обновлено: May 4, 2026 at 12:25 PM

Azatlıq Radiosı | Азатлык Радиосы

Татарча хәбәрләр, яңалыклар. Татар-башкорт дөньясы. Ничек бар – шулай. Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.

@azatliqradiosi is a growing community focused on azatliqradio and related topics

Рейтинг

Глобальный рейтинг

#456

+2

Рейтинг по языку

#45

+1

Рейтинг по категории

#23

-1

Рост участников (Последние 3 дней)

Всего: 2.4K

Рост за 24ч: +0 0%

Loading...

Рейтинг

Требуется вход

Loading...

Loading recommended channels...

Последние посты

Azatlıq Radiosı | Азатлык Радиосы

27 апр. 2026 г., 19:10

Татарстан күгендә дрон бәреп төшерелгән, Екатеринбурда дрон торак йортка бәрелгән, Чиләбегә дә һөҗүм булган

Татарстанда дрон һөҗүме куркынычы төнлә 8 сәгать дәвам иткән, Казан, Түбән Кама, Әлмәт, Алабугага дрон төшү куркынычы булган.

Екатеринбурда дрон күпкатлы йортка бәрелгән, алты кеше зыян күргән. Әлеге йорт янында Путинның Урал федераль бүлгесендәге резиденциясе урнашкан. Екатеринбурдан фронт сызыгына якынча 2 мең километр.

Чиләбе өлкәсе дә дрон һөҗүменә дучар булган. Губернатор Алексей Текслер "инфраструктура объектына дрон һөҗүмен кисәттек" дип белдерде. Аның сүзләренчә, яралылар һәм зыян күргән биналар юк.

Екатеринбур һәм Чиләбедә кешеләр интернет эшләмәүгә зарлана.

260

1

0

Azatlıq Radiosı | Азатлык Радиосы

27 апр. 2026 г., 19:10

Патриарх Кириллның Татарстанга килүенә Әлмәт һәм Бөгелмәдә ике яңа православ мәктәбе ачарга җыеналар

Әлмәттә һәм Бөгелмәдә берәр яңа православ мәктәбе ачу планлаштырыла. Бу проектлар, шул исәптән, Татарстанга патриарх Кирилл килүенә әзерләнә. Ул июль аенда, Казан Изге Ана иконасы бәйрәме көннәрендә килергә мөмкин.

Әлмәттә православ гимназиясенең яңа бинасын ачу эшләрен тизләткәннәр. Ул 4000 дүрткел метр мәйданлы һәм өч катлы булачак, анда спорт залы, актлар залы, зур ашханә каралган. Епархия проектны тәмамлау өчен өстәмә финанслар җәлеп итәргә өметләнә.

Хәзер шәһәрдә якынча 60 бала укыган бер православ гимназиясе эшли. «БИЗНЕС Online» мәгълүматларына караганда, ул православ балалар бакчасы итеп үзгәртеләчәк.

Епархия Бөгелмәдә дә проект әзерли. Анда мәктәп өчен тарихи бина — сәүдәгәр Беловлар йорты бирелгән. Ремонт һәм реставрациядән соң анда башлангыч сыйныфлар өчен дини юнәлешле уку йорты ачу планлаштырыла.

Казанда 2015елдан Гурий Казанский исемендәге православ гимназиясе уңышлы эшләп килә.

Шул ук вакытта Казанда татар мөселман мәктәбе төзү хакында 2019 елдан бирле сөйләп киләләр, әмма әлегәчз аның төзелгән юк.

Әлмәттә "Нур" мөселман мәктәбе эшли, анда 30лап бала белем ала.

259

17

Azatlıq Radiosı | Азатлык Радиосы

27 апр. 2026 г., 19:10

🎥 Video

Иртәгә татар халкы бөек татар шагыйре Габдулла Тукайга 140 ел тулуын һәм Татар теле көнен бәйрәм итә.

Татарстанда гына, татарлар күпләп яшәгән башка төбәкләр, хәтта чит илләрдә дә төрле чаралар уза, бәйрәм рухы хөкем сөрә.

Ләкин татар теленең хәле бәйрәм итәрлекме соң?

19 ел эчендә татар телен белүчеләр саны ике миллионга кимеде. Алда телне ни көтә? Азатлык Радиосыннан моңсу видео.

255

14

Azatlıq Radiosı | Азатлык Радиосы

27 апр. 2026 г., 19:10

"Белем.татар": татар телен укыту өчен кирәкле, әмма соңарган ресурс

Күптән түгел интернетта татар телен өйрәнү өлкәсендә яңа кызыклы ресурс пәйда булды – татар теле белү дәрәҗәсен билгеләүче "Белем.татар" сайты. Бу проект, беренче чиратта, тел өйрәнүчеләр өчен генә түгел, ә укытучыларга, методистларга да аеруча мөһим. Ник дигәндә, ул татар телен өйрәнү процессын системалаштыру өчен кирәк.

Азатлык Радиосы барлыкка килгән бу проект турында татар теле укытучылары, тел активистларыннан сорашты.

Татар теле укытучылары бу проектның барлыкка килүе үзе үк мөһим, дип саный. Моңарчы татар телен укыту өлкәсендә мондый системлы кодификаторлар, ачык методик база киң кулланылышта булмады, ди алар. Алар әйтүенчә, татар телен укыту озак вакыт дәвамында бик гомуми бүленешкә нигезләнде: еш кына – башлангыч һәм дәвам итүче дәрәҗәләргә генә.

Мәкаләне тулырак 👉 https://smarturl.click/7vLaX укыгыз.

251

4

Azatlıq Radiosı | Азатлык Радиосы

27 апр. 2026 г., 19:10

Юстиция министрлыгы "Ят агентлар" исемлеген яңартты:

🔸активист Наталья Гоголева ("Касимова Наталья");
🔸режиссёр Юрий Тепляков;
🔸актёр һәм режиссёр Юрий Мамин;
🔸"Антиимперский блок народов" проекты;
🔸 "Слова вне себя" басмасы;
🔸 "Торговые инвестиции" һәм "Яшма" ширкәтләре

240

3

0

Azatlıq Radiosı | Азатлык Радиосы

27 апр. 2026 г., 19:10

24-26 апрельдә узачак “Татарча диктант” өчен текстлар Габдулла Тукайдан әсәрләреннән алынган

24 апрель татар дөньясы “Татарча диктант” чарасына кушыла башлады. Ул 26 апрельгә кадәр үткәрелә.

Быелгы чара шагыйрь Габдулла Тукай тууының 140 еллыгына багышлана.

Дөнья татар яшьләре форумы рәисе Райнур Хәсәнов хәбәр иткәнчә, чара кысаларында, гадәттәгечә, өч төрле текст тәкъдим ителәчәк: Татарстан һәм Башкортстан, Русия төбәкләре һәм чит илләр өчен.

“Һәрбер текст алдыннан без барыбыз да “Туган тел”не язабыз, аннары чәчмә әсәрләрдән өзекләр булачак. Өч текст та Габдулла Тукайның әсәрләреннән алыначак”, – дигән Хәсәнов.

Быел “Татарча” диктант 11нче тапкыр уза.

Узган ел диктантта 68 төбәк һәм 27 чит ил катнашкан. Хәзерге вакытка системда 65 төбәк һәм 25 ил теркәлгән, әмма гаризалар кабул итү әле дә дәвам итә.

Чара офлайн һәм онлайн рәвештә оештырыла. Офлайн катнашучылар өчен мәйданчыклар Татарстанның барлык районнарында, Русия төбәкләрендә һәм чит илләрдә эшләячәк.

Онлайн катнашучылар диктантны чараның рәсми сайтында махсус электрон формада яза ала. Диктантның трансляциясе «ТНВ-Татарстан» һәм «ТНВ-Планета» телеканалларында, шулай ук акциянең рәсми сайтында алып барыла. Моннан тыш, Русия төбәкләрендә, чит илләрдә, Татарстан районнарында һәм Казанның башка оешмаларында да мәйданчыклар булдырылган.

268

Azatlıq Radiosı | Азатлык Радиосы

27 апр. 2026 г., 19:10

Хәерле иртә, хөрмәтле укучыларыбыз! Бүген 24 апрель, әлеге сәгатькә булган кайбер хәбәрләрне барлыйк:

🔸Одессада торак йортларга Русия һөҗүме нәтиҗәсендә кимендә ике кеше һәлак булган, тагын 15 кеше яраланган. Дроннар дүрт торак йортка һөҗүм иткән.

🔸ФСБ Роскомнадзор җитәкчелегенә һөҗүм әзерләүчеләрне тоткарлау турында белдерде. Махсус хезмәтләр хәбәренә караганда, җиде кеше машинаны шартлатырга җыенган, аларның берсе тоткарлаганда үтерелгән.

🔸Махачкалада бер ир пычак белән Дагыстан Республика хастаханәсе табибларына һөҗүм иткән. Травматолог һәм хирург яраланган. Һөҗүм итүче тоткарланган.

🔸Өеннән качкан чечен кызы Айшат Хизриеваны Новосибирскида урларга тырышканнар, ләкин ул Русиядән чыгып киткән.

🔸Мәскәү мәхкәмәсе «Крокус Сити Холл» теракт башкаручыларны урнаштырган хостел хуҗабикәсен өч елга колониягә хөкем иткән. Ул чит ил ватандашларын канунсыз яшәтүдә гаепле дип табылган.

🔸Израил белән Лүбнән илчеләре Ак йортта очрашып, утны туктатуны өч атнага озайтканнар, дип белдерде АКШ президенты Дональд Трамп.

🔸Financial Times язуынча, Meta компаниясе ясалма интеллект өлкәсенә инвестицияләрне каплау өчен якынча сигез мең хезмәткәрен (10%) эштән азат итәчәк. Microsoft исә хезмәткәрләренең якынча 7 процентына үз теләкләре белән эштән китү тәкъдим иткән.

255

Azatlıq Radiosı | Азатлык Радиосы

27 апр. 2026 г., 19:10

Мединский Камал театрында Русия тарихы турында лекция укыячак, җыелган акча урыс тарихын яратучылар клубына тапшырылачак

Русия президенты ярдәмчесе Владимир Мединский Казанга килгән. Ул Г. Камал исемендәге яңа театрда Русия тарихының "аз билгеле сәхифәләренә" багышланган лекция укыячак, шулай ук XIX гасыр тарихы турында сорауларга җавап бирәчәк.

Түрә сәфәренең төп максаты ул җитәкләгән Русия хәрби-тарих җәмгыяте (РВИО) эшчәнлеге белән бәйле. Оешманың Татарстан бүлгене рәис идарәсе җитәкчесе Әсгать Сәфәров җитәкли. Мединский шулай ук Татарстан Язучылар берлегенең әгзалары белән дә очрашачак. Берлек узган ел Русия Язучылар берлегенә кушылган иде, аны да шул ук Мединский җитәкли.

Иртәгә кич Мединский Русия тарихы турында лекция укыячак һәм Икенче дөнья сугышы, декабристлар, сарай түнтәрелешләре турында сөйләячәк. Лекция хәйрия максатында үткәреләчәк: билетлардан җыелган акча Казанда урыс тарихын өйрәнүчеләр клубын үстерүгә юнәлтеләчәк.

🔻Былтыр Камал театрының иске бинасында ике көн рәттән аның "Фетнә. 1609-1611 еллар" ("Смута. 1609–1611 гг.") дип аталган спектакле күрсәтелде.

🔻Мединский - Русиянең яңа тарих дәреслекләре авторы да. Бу китап тарих галимнәре, тарих укытучылары тарафыннан тәнкыйтьләнсә дә, хакимият аны мәктәпләрдә кулланырга яраклы дип тапты.

253

Azatlıq Radiosı | Азатлык Радиосы

27 апр. 2026 г., 19:10

ФСБ Роскомнадзор җитәкчеләренә каршы теракт әзерләгән дип саналган кешенең берсе Уфада тоткарланган

ФСБ 24 апрельдә хәбәр итүенчә, "Киев тарафыннан җәлеп иткән неофашистик карашлы кешеләр" Роскомнадзор җитәкчеләре утырган машинаны шартлатырга ниятләгән. Төркем җитәкчесе дип фаразланган кеше үтерелгән, аңа 22 яшь булган диелә.

Мәскәүдә, Уфада, Новосибирскида һәм Ярославльдә тагын җиде кеше тоткарланган дип белдерелә. Имеш, алар Телеграмны томалауга каршы торырга тырышкан.

ФСБ белдерүендә әлеге мессенджер "диверсия, террорчылык, экстремизм, кибер ялган һәм башка авыр җинаятьләрдә киң кулланыла" дип әйтелә.

ФСБ китергән хәбәрне бәйсез раслау юк. Соңгы вакытта махсус хезмәт теракт әзерләүдә шикләнелүчеләрне тоткарлау вакытында үтерү турында ешрак хәбәр итә.

Февраль аенда Роскомнадзор Telegram эшчәнлеген чикләүдә өстәмә чаралар турында белдергән иде. Бу җәмгыятьтә шау-шу уятты, хәрби блогерлар да әлеге карарны тәнкыйтьләр чыкты. Социологик сораштырулар уздыручы хезмәтләр Владимир Путин рейтингының төшүен теркәде.

Тулырак 👉 https://smarturl.click/B4L8j укыгыз.

241

2

Azatlıq Radiosı | Азатлык Радиосы

27 апр. 2026 г., 19:10

Европа берлеге санкцияләренә "Башнефть", Стәрлетамактагы конструктор бюросы, "Алабуга" баш мөдире эләккән

Европа берлеге Русиягә каршы 20нче санкцияләр җыелмасы кысаларында "Башнефть" һәм "Славнефть" нефть ширкәтләренә, шулай ук бизнес һәм фән вәкилләренең берничәсенә чикләүләр кертте. Алар арасында "Алабуга" махсус икътисади мәйданы җитәкчесе Тимур Шәгыйвәлиев, Эрмитаж мөдире Михаил Пиотровский һәм радиацион, химик һәм биологик саклану гаскәрләре башлыгы Алексей Ртищев бар. Моннан тыш, документтан күренгәнчә, чикләүләр рэпер Тиматига да кагыла.

Исемлектә шулай ук Стәрлетамактагы "Станкостроение" махсус конструкторлык бюросы бар.

Бу - "Башнефть"нең үзенә кертелгән беренче чикләүләр. Моңарчы "Башнефть-Добыча", "Башнефть-Полюс" ширкәтләренә АКШ санкцияләре кертелгән иде. "Башнефть" Роснефть төркеменә карый.

"Татнефть" әлегә Европа берлеге һәм АКШ санкцияләренә эләкмәде, әмма былтыр декабрьдә Татарстан ширкәтенә чикләүләрне Британия кертте.

Тулырак 👉 https://smarturl.click/kZXOy укыгыз.

254

3

Azatlıq Radiosı | Азатлык Радиосы

19 апр. 2026 г., 08:47

Иран Һормуз бугазын ачу турында игълан итте

"Лүбнәндә утны туктату килешүе нигезендә Һормуз бугазы аша барлык сәүдә кораблары өчен юл утны туктату чоры ахырына кадәр тулысынча ачык дип игълан ителә, — дип белдерде Иранның тышкы эшләр министры Аббас Арагчи X социаль челтәрендә.

Аның сүзләренчә, кораблар «Иран Ислам Республикасының портлар һәм диңгез транспорты оешмасы игълан иткәнчә, килешенгән маршрут буенча хәрәкәт итә ала».

Сугыш башланганнан бирле Иран Һормуз бугазын томалаган иде. Утны туктату тәртибе гамәлгә кергәннән соң да Тәһран бугазны ачу турында игълан итмәде. АКШ исә, үз чиратында, Иран портларыннан чыккан корабларны томалау турында белдерде.

217

2

Azatlıq Radiosı | Азатлык Радиосы

19 апр. 2026 г., 08:47

Русия юстиция министрлыгы "ят агентлар" исемлеген яңартты.
Аңа түбәндәгеләр кертелде:

🔹 сайлаучылар хокукларын яклау «Голос» хәрәкәте рәистәшләренең берсе Андрей Бузин;
🔹 Бурятиядән җәмәгать эшлеклесе Мария Вьюшкова;
🔹 Александр Кабанов;
🔹 Александр Колосков;
🔹 Чуашстаннан активист Дмитрий Семенов.

Моннан тыш, бүген Русия Юстиция министрлыгы өч чит ил оешмасын «теләмәгән» дип таныды һәм Русиядә тыелган дип игълан итте:

🔹 АКШтагы Eurasianet интернет-басмасы;
🔹 Швейцариядәге «Киләчәк Русиясе — Швейцария» җәмгыяте (Verein Russland der Zukunft — Schweiz, VRZS);
🔹 Нидерландтагы «Next Level Initiatives» фонды («Киләсе дәрәҗә инициативасы»).

229

6

Azatlıq Radiosı | Азатлык Радиосы

19 апр. 2026 г., 08:47

Башкортстандагы Торатау геопаркы ЮНЕСКОның глобаль геопаркы статусын алды

Парижда ЮНЕСКО башкарма комитетының 224нче сессиясендә Торатау геопаркының халыкара статусы рәсми рәвештә расланды, дип хәбәр итә «Немосква».
Рәсми сертификат паркка Франциядә 27 апрельдә тантаналы рәвештә тапшырылачак.

Геопарк өч районда урнашкан: Ишембай, Стәрлетамак һәм Гафури районнарында. Ул 2018 елда оештырылган, ә ЮНЕСКОга гариза 2021 ел башында тапшырылды. Ул чакта геопаркны Ирландия һәм Испания белгечләре бәяләде. Паркның мәйданы — 3,3 мең дүрткел километр.

Геопаркка Торатау, Куштау һәм Йөрәктау шиханнары, Калым-үскән кыясы, Күк-Караук шарлавыгы, тарлавыклар һәм мәгарәләр керә. Төбәк хакимияте
Торатауга илтүче юлны ремонтлауга 50 миллион сум бүлеп бирергә ниятли.

Бу — Башкортстанда ЮНЕСКО исемлегенә кертелгән икенче геопарк. Беренче булып бу статусны Янган-Тау геопаркы алган иде.

Шиханнар — борынгы организмнар калдыкларыннан торган элекке рифлар. Башкортстандагы дүрт шиханның берсе — Шахтау — сода сәнәгате өчен чимал чыгару нәтиҗәсендә тулысынча юк ителде.

2020 елда «Башкорт сода компаниясе» Куштау шиханын эшкәртүне башларга теләгән иде. Әмма киңкүләм протестлардан соң бу план туктатылды. Шиханны яклаучы активист Фаил Алсынов соңрак башка сәбәпләр белән 4 елга колониягә хөкем ителде. Аңа каршы мәхкәмә Баймакта яңа протестлар китереп чыгарды. 2026 ел башына «Баймак эше» нигезендә кимендә 68 кешегә хөкем карарлары чыгарылган.

Глобаль геопарклар исемлегендә барлыгы 50 илдә 200 территория бар. Халыкара статус бу җирлектә биологик һәм мәдәни мирасны сакларга ярдәм итәр дип көтелә.

187

Azatlıq Radiosı | Азатлык Радиосы

19 апр. 2026 г., 08:47

Хәерле иртә, хөрмәтле укучыларыбыз! Бүген 17 апрель, әлеге сәгатькә булган кайбер хәбәрләрне барлыйк:

🔸Кичә Русиянең Запорожье өлкәсенә һөҗүме нәтиҗәсендә бер кеше һәлак булган, сигез кеше зыян күргән. Черниговтагы энергетика объектына һөҗүм вакытында якынча алты мең кеше утсыз калган.

🔸Бодайбо мэры Алексей Ботвин гадәттән тыш хәл вакытында халыкны саклау бурычларын үтәмәгән өчен 10 мең сум штрафка тартылган. Кышын шәһәр 40 градуслы суыкта җылысыз калган иде.

🔸Петербургта частьтан качкан хәрби конвоирны пычак белән үтергән. Һөҗүм итүче тоткарланган.

🔸Мәскәү мәхкәмәсе «Роснано»ның элекке топ-менеджеры Сергей Вахтеровны аеруча зур күләмдә мошенниклыкта гаепләп кулга алган.

🔸Росавиация Транспорт министрлыгына очкыч бортында пауэрбанклар куллануны тыярга тәкъдим иткән.

203

0

Azatlıq Radiosı | Азатлык Радиосы

19 апр. 2026 г., 08:47

Сабантуй стандартлары: бүрәнә калынлыгы 220 см, ә асылы турында ләм-мим

2026 елның мартында Татарстан хөкүмәте татарларның миллли Сабантуй бәйрәмен үткәрү тәртибен көйләүче документка үзгәрешләр кертү турында карар кабул итте.

Хәзер Сабантуй халык бәйрәменнән бигрәк, һәр өлеше алдан уйланылган, миллиметрына кадәр язылган "конструктор"ны хәтерләтә.

Ниләр үзгәргән:

📌Делегацияләр саны арткан, ә иҗат коллективлары саны кимегән

📌Концерт програмы тулысынча премьералардан гына торырга тиеш

📌Сувенирларга да таләп бар: татар телендәге язмалар татар шрифты белән булырга тиеш.

📌"VIP кунаклар" урынына "хөрмәтле кунаклар" дигән сүз кертелгән.

📌"Татар утарын" үлчәп ясыйсы

Танылган тарихчы Искәндәр Гыйләҗев фикеренчә, саннар һәм формаль кагыйдәләр төп нәрсә түгел. Иң мөһиме — эчтәлек: нинди ярышлар, нинди җырлар, бәйрәм кешеләргә ни бирә, дигән ул "Бизнес Онлайнга".

Киров өлкәсендәге татар милли-мәдәни автономиясе җитәкчесе Язилә Әсхәтдинова Сабантуйны регламентлаштыру ярамый дигән фикердә.

Журналист, тарихи тапшырулар авторы Альберт Шакиров халыкның Сабантуй уздырырга егәре юк икән, инструкция язарга мәҗбүр булалар дип язды үзенең Телеграм каналында.

Тулырак мәкаләне 👉 https://smarturl.click/MGL64 укыгыз

212

3

Azatlıq Radiosı | Азатлык Радиосы

19 апр. 2026 г., 08:47

"Һомай" – башкортча акыллы колонка: сорауга җавап бирә, тәрҗемә итә, әкият һәм музыка куша Башкорт телендә сөйләшүче ясалма колонка сынау өчен инде балалар бакчаларына таратылган. Идея авторы Айгиз Кунафин Азатлыкка милли телдә акыллы колонка ясау өчен күпме…

229

10

0

Azatlıq Radiosı | Азатлык Радиосы

19 апр. 2026 г., 08:47

Татар теленнән Халыкара олимпиадада Казан, Пермь өлкәсе һәм Төркия укучылары җиңү яулады

Аларның исемнәрен бүген Казанның "Корстон" комплексында Туган тел форумы кысаларында игълан иттеләр.

🎉Җиңүне Казан шәһәреннән Мөслимә Адиева, Пермь краеннан Нәргиз Монасыйпов, Төркиядән Нурбикә Нәҗипова яулаган.

Олимпиадада Русиянең 30 төбәгеннән, 5 чит илдән 500 бала катнашкан.

Чит илләрдән быел Казанга 🇹🇷Төркия, 🇰🇿Казакъстан, 🇰🇬Кыргызстан, 🇦🇿Азәрбайҗан һәм 🇦🇺Австралиядән укучылар килгән.

🔻Татар теленнән Халыкара олимпиада 2012 елда КФУда башланган иде. Берничә ел эчендә киң колач җәя алды. Дөньяның төрле почмакларыннан татар телен белүчеләр (бу очракта татар булу шарты да юк, иң мөһиме - татарча белү, өйрәнү) олимпиадада катнашу теләге белән яна башлады.

Алар арасында Канада, АКШ, Япония, Европа һәм БДБ илләре булды. Ул чын мәгънәсендә халыкара статусына ирешә алды.

Пандемия һәм Русия Украинага каршы башлаган сугышка кадәр татар теле олимпиадасына 15-17 илдән катнашучылар килә иде.

Соңгы елларда халыкара статусны Казакъстан, Кыргызстан, Үзбәкстан кебек илләр коткарып тора.

Татар теле олимпиадасында катнашкан Япон егет-кызларын хәтерлисезме?

Тулырак 👉 https://smarturl.click/B49Wl укыгыз.

215

5

Azatlıq Radiosı | Азатлык Радиосы

19 апр. 2026 г., 08:47

📷 Photo

1913 елның 15 апрелендә (иске стиль белән 2 апрель) татар шагыйре Габдулла Тукай вафат була.

Берничә ел элек Азатлык әдипнең үлеменә бәйле аз кеше белгән, мөһим фактлар барлады. Кайберәүләрен рәсемнәрдә укый аласыз, тулырак язма https://smarturl.click/qB5aV бар.

#татар_дөньясы

223

2

Azatlıq Radiosı | Азатлык Радиосы

19 апр. 2026 г., 08:47

18 яшьлек Уфа егете тоткарланганнан соң куәт оешмалары вәкилләре янаулары һәм үзләренә эшләтергә тырышулары турында сөйләгән

RusNewsның элекке яшь журналисты, 18 яшьлек Елисей Слепеньков, «Э» үзәге хезмәткәрләре тарафыннан янаулар булуын һәм яшерен хезмәттәшлеккә мәҗбүр ителүен белдергән. Бу хакта ул Әрмәнстанга ашыгыч рәвештә киткәннән соң «7х7» басмасына сөйләгән.

Слепеньковны 16 февральдә Уфада сәяси репрессияләр корбаннары һәйкәле янында тоткарлаганнар. Аның сүзләренчә, полиция бүлегендә куәт оешмалары вәкилләре аның телефонын тикшергән, анда оппозицион караштагы хат алышулар һәм тыелган төркемнәр аудиоязмаларын тапканнар. Слепеньков әйтүенчә, хезмәткәрләрнең берсе аңа физик җәза, көчләү һәм наркотиклар «тагу» белән янаган.

Басым астында журналист хезмәттәшлек итәргә ризалык биргән. Аның «кураторы» аңа Виктор дигән тәхәллүс биргән һәм конкрет эшләр кушкан:

— Борис Немцов истәлегенә һәм сугыш башлану еллыгына багышланган акцияләрдә катнашучыларның элемтәләрен җыю;
— сәяси тоткыннар Ольга Комлева һәм Лилия Чанышевага ярдәм итүче төркемнәр администраторларын ачыклау.

Мәгълүмат бирүгә алмашка куәт оешмасы хезмәткәре аңа университетка керүдә ярдәм итәргә һәм киләчәктә мөмкин булган хокук бозулардан «коткарырга» вәгъдә иткән.

Хокук яклаучылар киңәше белән Слепеньков Уфадан киткән һәм 23 февральдә Ереванга очкан. RusNews баш мөхәррире Сергей Айнбиндер егетнең 2026 елның гыйнварына кадәр басма белән хезмәттәшлек итүен раслаган.

235

Azatlıq Radiosı | Азатлык Радиосы

19 апр. 2026 г., 08:47

📷 Photo

Украинадагы сугышта Татарстаннан кимендә 8484 кеше үлгән. Аларның зур өлеше (1425) сугышка Казаннан киткән.

Моны Азатлык Радиосы ачык чыганаклардан җыйган исемлек күрсәтә.

Районлап статистика түбәндәгечә:

🔹Казан – кимендә 1425 кеше.

🔹Чаллы – кимендә 895 кеше.

🔹Түбән Кама районы – кимендә 565 кеше.

🔹Әлмәт районы – кимендә 408 кеше.

🔹Яшел Үзән районы – кимендә 369 кеше.

🔹Бөгелмә районы – кимендә 326 кеше.

🔹Татарстаннан үлүчеләрнең уртача яше – 39,30.

Тулырак 👉 https://smarturl.click/e02ZX укыгыз.

202

3

Showing 20 of 20 posts

No more posts