𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

Public

Не можете присоединиться? @Adabiyot_olami

5k Участники

Обновлено: May 15, 2026 at 10:23 AM

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

Маълумот учун: “Adabiyot Olami” телеграм канали, Ўзбекистон Ёзувчилар уюшмаси аъзоси, шоир Абдувоҳид Сувонов томонидан юритилади. https://t.me/Adabiyot_olami

@Adabiyot_olami is a growing community focused on httpstmeadabiyot_olami and adabiyot and related topics

Рейтинг

Глобальный рейтинг

#456

Рейтинг по языку

#45

Рейтинг по категории

#23

-1

Рост участников (Последние 7 дней)

Всего: 5.0K

Рост за 24ч: +0 0%

Последние посты

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

📷 Photo

* * *
Йиғининг охири кулгудир. Окибатни кўрган одам муборак бандадир.
Қаерда оқар сув бўлса, ўша ер яшнайди, қаерга кўз ёши тўкилса,
ўша ерга раҳмат ёғилади...

© Жалолиддин Румий

2,260

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

📷 Photo

#Таваллуд

Бугун 15-Май, забардаст журналист, элимиз суйган адиб, устозимиз, Абдусаид Кўчимов таваллуд топган кун.

Маълумот ўрнида: Абдусаид Кўчимов 1951-йил, 15-май куни Самарқанд вилоятининг Ургут туманида туғилган.

Устоз умрингиз узоқ бўлсин, яқинлар бахтига ҳамиша соғ бўлинг, икки дунё азиз қилсин Ўзи!

ЎЗИНГНИКИЛАР...

Отга минар бўлса ўзингникилар,
Бир-бирига меҳри орта бошлайди.

Отлиқлар сафига ўзингникилар –
Ўзингникиларни торта бошлайди.

Аммо, кўп ўтмайин ўзингникилар,
Ўзингникига тош ота бошлайди.

Ўзингникиларга, ўзингникилар –
Ўзингникиларни сота бошлайди.

Хуллас, йўл бошида ўзингникилар –
Ўзингникиларнинг ошин ейдилар.

Адоғида эса... Ўзингникилар –
Ўзингникиларнинг бошин ейдилар.

© Абдусаид Кўчимов

1,790

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

📷 Photo

* * *
Кўп ғариб итларни қилдим парвариш,
Бири кўппак бўлди, бошқаси този.
Аммо, чиқиб қолса бирон бир юмуш,
Бири домонгиру бири норози.

Юксак санъат экан итбоқарлик ҳам,
Райҳон унмас экан, чақир тикандан.
Гоҳо изтиробдан бўламан мулзам,
Афсус, ит боқишни билмас эканман.

© Абдусаид Кўчимов

2,110

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

*   *   *
Насиб этгай сенга олий бахт –
Ўз осмони бўлган бир лочин!
Сен ҳам уни эркалаб хушбахт,
Қанотида куйламоқ учун
Ел бўласан, шамол бўласан,
Сен бир бахтли аёл бўласан.

Бошгинангнинг оғриғи кетар,
Асаб дардинг бўлур фаромуш.
Ва аксингни тортқилаб кулар
Тиниқ сувлар, сен боқсанг хомуш.
Сувда қувноқ ҳилол бўласан,
Сен бир бахтли аёл бўласан.

Бегинг мамнун ишдан, ўзидан,
Гоҳ сархуш, гоҳ ҳушёр келади.
Бир кун... унинг тўрхалтасида
Тўрт донами анор келади:
Ўқтин-ўқтин беҳол бўласан,
Сен бир бахтли аёл бўласан.

Унутасан заҳил рангингни,
Тўлишасан, ғамларинг кетар.
Баъзан тонглар орзуларингни
Тебратади бешиктебратар.
Тағин соҳибжамол бўласан,
Сен бир бахтли аёл бўласан.

Гулга кўмар бир гўдак даҳо
Умрингнинг бўш кўчаларини...
Мен ҳам сева биларманми, о,
Унинг жажжи қўлчаларини?
Унда такрор аён бўласан,
Сен бир бахтли аёл бўласан.

Бахт шу сенга – тинч бўлса жонинг,
Юпатишмас, бу – вақт шиори.
Бахтдир сенга Ўзбекистоннинг
Ёзи, кузи... биринчи қори.
Ўзинг бахтга тимсол бўласан,
Сен бир бахтли аёл бўласан!

Тугамайди ҳаёт эртагинг,
Кўп йилларни кўриб яшайди.
Умр бўйи масрур эркагинг
Сочларингни ўриб яшайди!..
Сен бир бахтли аёл бўласан,
Менинг учун хаёл бўласан.

© Мирзо Кенжабек

2,100

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

📷 Photo

ДЕМАНГ, ШОИР ТИНИБ КЕТДИ

Деманг, шоир тиниб кетди,
Сиёсатга иниб кетди.

Ва ё айтмангки, мўрт толдек,
Шамолларда синиб кетди.

Сиз, эй лутф баҳрида ғаввос,
У сизни соғиниб кетди.

Деманг, шоир жимиб кетди,
Ғазал ёзмай тиниб кетди.

Тиниб кетса, билингизки,
Ёғоч отга миниб кетди.

© Эркин Воҳидов

2,960

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

📷 Photo

* * *
Асли бор эдингми-ки, энди йўқ бўлишингдан қўрқасан?!

© Абу Наср ал-Форобий

2,370

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

📷 Photo

* * *
Умр ўтиб кетди.
Йиғлама.
Ўтди дунё – бесарҳад қайғу.
Ўлим келса...

Хўш, келса, нима?
Айрилиқдан даҳшатлими у?!

© Усмон Азим

2,270

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

ТУРКИЙЛАР

Қиличин ташлади беклар ниҳоят,
босилди тулпорлар,
тиғлар сурони,
урҳога ўрганган тилларда оят,
туркийлар таниди комил худони.
Қиличлар занглади…
фалокат ҳушёр,
туркийлар қувватин берди ерларга.
Ҳийлагар дўстлардай яқинлашди ёв
комиллик қидирган жасур эрларга.
Илвасин йигитлар,
бобир йигитлар,
саждага бош қўйди ёвга терс қараб,
ғулларни кемириб йиғлади итлар,
буюк бошни кесди қилич ярақлаб.
Туркда бош қолмади… қолмади довлар.
хотин-халаж қолди мотам кўтариб,
«бизга тик қарама» буюрди ёвлар,
ёвларга терс қараб яшади бари.
Таланди самовий тулпор уюри,
таланди зарлари,
зебу забари,
терс қараб ўлинг деб ёвлар буюрди,
ёвларга терс қараб жон берди бари.
Лаҳадга кирдилар ўзларин қарғаб,
қолмади арабий,
туркий хатлари,
туғингиз деди ёв тескари қараб,
ёвларга терс қараб туғилди бари.
Туғилди,
туғилди,
туғилди қуллар,
қирқида қирилган — имдодга муҳтож,
ёвларга терс қараб итлардай ҳурар,
бир-бирига душман,
бир-биридан кож.
Жўмардлар қирилган Туронзаминда
дўзахий тажриба палласин кўрдим:
эшшак суврати бор қай бир қавмда,
қай бирида тўнғиз калласин кўрдим.
Бу ҳолдан буваклар бўғилиб ўлар,
қул Билол эзилиб йиғлар фалакда…
Ўзларин ёндирар борлиқдан тўйган
Бадахшон лаълидай асл малаклар.
Мўминлар беш бора Аллоҳни эслар
саждага бош қўйиб жаллод тошига.
Ўгрилиб сал ортга қарайин деса,
бошига урарлар,
фақат бошига.
Борми эр йигитлар, борми эр қизлар,
борми гул бағрингда жўмард нолалар,
борми бул туфроқда ўзлигин излаб,
осмону фалакка етган болалар.

Бор бўлса,
аларга еткариб қўйинг,
бир бошга бир ўлим демаган эрмас,
шаҳидлар ўлмайди,
бир қараб тўйинг:
Ёвга терс қараган мусулмон эмас!
Ёвга терс қараган мусулмон эмас!
Ёвга терс қараган мусулмон эмас!
Ёвга терс қараган мусулмон эмас!
Ёвга терс қараган мусулмон эмас!

© Шавкат Раҳмон

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

#Хотира

Иккинчи жаҳон урушида бешта ўғлидан жудо бўлган Зулфия ая хотирасига бағишланади.

ЗУЛФИЯ  АЯГА...

Бешта ўғлинг бор эди,
Бургутдек учиб кетди.
Жондан севган болангни
Бу уруш қучиб кетди...

Орзуларинг саробдир,
Кекса жонингда, азоб.
Урушга бормай бўлмас,
Сталин ёвуз, арбоб.

Қорахатлар келган кун,
Уйи куйган - Ўзбекнинг.
Ўрис, диктатор учун,
Қадри йўқми - Ўзбекнинг.

Эшолонга бор будинг,
Бериб бўлдинг онажон.
Емаксиз қолган қишлоқ,
Болаларга керак нон.

Мардон Раис бир сотқин,
Ундайлар бор, ҳар замон.
Бир боланг чўлоқ бўлса,
Зора қоларди - омон.

Бешта ўғлинг, бешта алп,
Тўртта келин тул қолди.
Диктаторларни қарғаб,
Фақат Худога - солди.

Юсуф - Зулайхони деб,
Ёвга берди кўксини.
Почтачи заб ўлдирди,
Қўрқоқ, Мелис дўстини.

Духобали камзулинг,
Армон бўлди онажон.
Бешта ўғлинг урушда,
Қўрғон бўлди онажон.

Мардон раислар кўпдир,
Орден, мукофот дарди.
Ундай касдан, устундир,
Сендай аёлнинг, марди.

Эшолонга бор будинг
бериб бўлдинг, онажон.
Сигиринг боринг эди,
Йўқотиб йиғладинг қон.

Йиққанингни бу уруш,
Бир деганда олдида.
Кенг қишлоққа ёш бола,
Ва аёллар қолдида.

Тўртта келин, тўртта қуш,
Бева қолди, ёрижон.
Лаънати қурғур уруш,
Чин ёрин қилди қурбон.

Почталён соқов эди,
Тили йўқдир шўрликни.
Қора хатлар келган кун
Уйи куйди Ўзбекни.

Юсуфжон - қора хати
Оқди жўшқин сойларга.
Лекин таъзим қилгайман,
Кутган - Зулайхоларга.

Ўз миллатим, халқим деб,
Урушга чиққан мардлар.
Энди уруш бўлмасин,
Тизилмасин парадлар.

Уруш бўлмай дунёда,
Яшаса бўлар аҳил.
Диктаторни ер ютсин,
Диктаторлар беақл.

Замон ўзгача дерлар,
Алқаб эшитдим лекин.
Сталин ўжар дерлар,
Унга қадр теп - текин.

Духобали камзулинг,
Армон бўлди онажон.
Бешта ўғлинг урушда,
Қурбон бўлди онажон.

© Абдувоҳид Сувонов
2020-2026

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

23 мая 2026 г., 05:18

📷 Photo

СУРАТДА

Зулфия ая,
Иқболжон,
Ахмаджон,
Муҳаммаджон,
Ваҳобжон,
Юсуфжон.

Булар иккинчи жаҳон урушида ҳалок бўлган қаҳрамонлардир.

2,700

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📷 Photo

ЛАЙЛО

Балки ўчган эдим ёдингдан,
Ширин хаёлингни буздимми?
Лайло, Лайло, сенинг ёнингда
Япроқ каби кўрдим ўзимни,
Ширин хаёлингни буздимми?

Сени ўйлаб келмайдир уйқу -
Қора туннинг ўзга сеҳри бор.
Тушларимда топай деб гулрў,
Мен ухларман мангу эҳтимол.
Гўзал тушлар тилайман, Лайло...

Яна пайдо бўлдинг йўлимда,
Яна йўлларингда бўзладим.
Бечора қалб сенинг қўлингда,
Кўзларингда менинг кўзларим.
Нечун пайдо бўлдинг йўлимда?..

© Рауф Парфи

2,180

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📎 File

2,070

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📷 Photo

Ғамхўрлик ⸺ нафақат бирор инсоннинг ёнида бўлиш, балки лозим пайтда уни ёлғиз қолдира билиш ҳамдир.

© Агата Кристи

2,650

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📷 Photo

ОНАЖОН

Гоҳо сизнинг борлигингиз унутдим,
Йўлларимга зорлигингиз унутдим.
Умидлари кесилган бу дунёда
Ёлғиз умидворлигингиз унутдим.
Ғаниматим, омонатим – онажон.

Ошно топдим ва лекин дўст топмадим,
Оқкўнгилли бир қоракўз топмадим.
Шамолларга совурдим гул сўзларни,
Лекин Сизга бир ширин сўз топмадим.
Ғаниматим, омонатим – онажон.

Баъзан фалак менга бағритош келди,
Ишонганим ғанимга йўлдош келди.
Омад кетса, ҳамма кулди устимдан,
Фақат Сизнинг кўзингизга ёш келди.
Ғаниматим, омонатим – онажон.

Фурсат ўтиб, сочга қиров қўнаркан,
Севги оташлари аста сўнаркан.
Барча туйғу алдамчи ва ўткинчи,
Она меҳри ёлғиз собит қоларкан.
Ғаниматим, омонатим – онажон.

Хоки пойингизни кўзимга сурай,
Ўзим ярим кўнглингизни тўлдирай.
Бир чеккага суриб қўйиб дунёни,
Ўғил бўлиб ёнингизда ўлтирай.
Ғаниматим, омонатим – онажон.

© Иқбол Мирзо

2,660

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📷 Photo

#Таваллуд

Бугун 1-Май, яна бир ижодкор, Акмал Турсунов таваллуд топган кун.

* * *

Таржимаи ҳол

Мени тоғам дарёга чўккан,
Жойнамозда жон берган бобом.
Онам умри бўйи ғам чеккан,
Отам бўйин эгмаган одам!

Битта опам ўта таъсирчан,
Битта опам мазлумдир менинг.
Битта акамни мен яширсам,
Битта акам қарзимдир менинг!

Ўзим эса ўлгудай ўжар,
Бебош бўлсам нима қилай ман...
Хаёлимга не келса — ўша...
Дўстларимга бардош тилайман!

© Акмал Турсунов

1,760

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📷 Photo

#Таваллуд

Бугун, 1-Май, Ўзбекистон халқ шоири Иқбол Мирзо таваллуд топган кун!

КЎРМАСАМ  БЎЛМАС

Ғамгин юрак, ғамгусор юрак –
Бечорани хўрласанг бўлмас.
Сени бугун кўришим керак,
Сени бугун кўрмасам бўлмас.

Елкамга юк ташлади осмон,
Бу азоблар қўйгайми омон?!
Тушун, сени соғиндим ёмон,
Сени бугун кўрмасам бўлмас.

Балки қуёш кулар эртага,
Очилади гуллар эртага,
Нима бўлса, бўлар эртага,
Сени бугун кўрмасам бўлмас.

Узун кунлар бунчалар маҳзун,
Маҳзун кунлар бунчалар узун?
Мен эртага яшашим учун –
Сени бугун кўрмасам бўлмас.

© Иқбол Мирзо

3,930

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📷 Photo

МУСОБАҚА

Чарли Чаплин айтади: мен анча машҳур бўлиб кино оламида юлдуз бўлганимдан кейин ҳар хил жойларда “Чарли Чаплинга ўхшай оласизми?” деган мусобақалар уюштирила бошланди. Шунда битта мусобақага ўзимни танитмай бошқача гримда келдим. Қатнашиш истагини билдириб ариза бердим. Мени қабул қилишди. Мусобақада қатнашдим ва иккинчи ўринни олдим. Биринчи ўринни эса мусобақа раҳбарининг ўғли олди!

6,740

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📷 Photo

ЙИЛЛАР АРМОНИ

Кимгадир яхши гап айтдик, биродар,
Кимдир бир умрга ранжиб ҳам кетди.
Кун кеча ёш дердик ўзни бир қадар,
Бугун-чи, балоғат пайти ҳам етди.

Инсон ўз умрини ўйласа кўп вақт
Қийнайди ўзидан ўтган қусурлар.
Кимгадир айтилмай қолган бир раҳмат,
Кимдандир сўралмай қолган узрлар.

Мукаммал кўрмоқчи бўлдик дунёни,
Етук бўлолмадик ўзимиз бироқ.
О, йиллар армони, йиллар армони,
Армон кўрмадим мен сиздан буюкроқ.

Инсонга тобемас замон, инчунун,
Инсон юрагида аламлар қат-қат.
Фақат бир таскин бор, барчаси учун
Афсус чека билсанг – шу ҳам бир давлат.

© Абдулла Орипов

2,830

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

📷 Photo

«Бирон сатри ошиқлар дафтарига тушмаган шоирни шоир демайман...»

© Саид Аҳмад,
«Йўқотганларим ва топганларим»дан.

2,300

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 мая 2026 г., 20:26

#Ҳамдардлик...

15-Апрел тунги соат, 01:00 атрофида, Ўртачирчиқ туманида яшовчи бир хонадонда оғир мусибат келди, ёнғин содир бўлди, минг афсус ҳовли узра алангада қолган, Зиябек Мирзақулов ва уч нафар фарзанди, (бир ўғил, икки қиз) вафот этди.
Зиябек Мирзақуловнинг оталарига, яқинларига Аллоҳ сабр берсин!

ТЎРТТА  ТОБУТ  ТЕРИЛИБ  ҚАТОР,
БИРИН  КЕТИН  ЎҚИБ  ЖАНОЗА...

Ҳаёт жуда бешафқат, тугун,
Одамзоддан синов кетмайди.
Бир ота бор, ғамда ғарқ - бугун,
Қабристондан - бери келмайди.

О, дилбандим, уйим чироғи
Алангада қолдингми узоқ?
Хароб қилди, ўлим фироғи
Ҳовлим узра ким ёқар чироқ?

Ким кутади энди мен борсам,
Қувалашиб кимлар ўйнайди.
Кеча ҳовлим тўлдирган шўхлик,
Бугун мени ютаман дейди.

Усмонбекни варраги ерда,
Қулоч ёзиб қилмади парвоз.
Бобожон деб - чақирганларинг,
Ич этимни, тимдалар овоз...

Кузга етиб, Усмонбегимга,
Тарлон отдек, атагандим той.
Орзуларим, умидларимга,
Етолмадим, энди ҳойнахой.

Кулгуларга тўлган ҳовлимни,
Бир кечада қуршади зулмат.
Болам ёнди, набирам ёнди,
Қоронғуда қоплади кулфат.

Тўртта тобут, терилиб қатор,
Бирин кетин ўқиб жаноза.
Бутун борлиқ куйинди ғамда,
Бутун борлиқ айлади аза.

Қаторлашиб кўтардик тобут,
Қаторлашиб қўйдик қабрга.
Қандоқ чидай айтгин набирам,
Қандоқ кўнай бундай жабрга.

Бўй кўрсатиб юрсанг бўлмасми,
Сени кўриб кўнглим тўлмасми?!
Зиябек деб, чақирган пайтим,
Ота десанг, кўнглим тўлмасми?!

О, дилбандим кўзим қораси,
фарзандларим - ёнди боласи.
Қадаримга розиман, илло
Яшаб кетармикан - онаси?!

© Абдувоҳид Сувонов шоир
Ўзбекистон Ёзувчилар Уюшмаси аъзоси
22-Апрел 2026-йил

2,580

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

ЛОЛАҚИЗҒАЛДОҚ

Шавкат Раҳмон хотирасига

Мендан нима қолар:
Икки мисра шеър,
Икки сандиқ китоб,
Бир уюм тупроқ.
Одамлар ортимдан
Нима деса дер,
Мен сени ўйлайман
Ўзимдан кўпроқ –
Лола, лолажоним,
Лолақизғалдоқ!

Мен кетсам, ёмондан
Йироқ бўл, оҳу,
Чунки сен чиройли,
Кўркли бир жувон.
Ёмон кунлар бир кун
Яхши бўлар-у,
Ёмон одам яхши
Бўлмас ҳеч қачон…
Яша чегарада
Тургандек огоҳ,
Лола, лолажоним,
Лолақизғалдоқ!

Уйда ётибман-у,
Сезиб турибман,
Кўкда кетаётир
Қушлар қайтишиб.
Хайрлар ёғдириб
Қанотларидан,
Хаста шоирига
Видо айтишиб.
Бор, менинг учун ҳам
Уларга қўл қоқ,
Лола, лолажоним,
Лолақизғалдоқ!

Уларни мен яна
Кўрарманми-а,
Айвондан одамдек
Кузатолмадим.
Куз. Тўйлар бошланди.
Юрагим пора –
Битта қизимни ҳам
Узатолмадим…
Демак, тақдир экан
Тўй кўрмай ўлмоқ,
Лола, лолажоним,
Лолақизғалдоқ!

Бироқ, кўнглим сезар,
Мендан кейин ҳам,
Бир кун бу ҳовлига
Одам тўлади.
Ҳали тўйлар қилиб
Чарчайсан, эркам,
Менинг қизларим энг
Бахтли бўлади!
Келинлар кўйлаги
Руҳимдай оппоқ,
Лола, лолажоним,
Лолақизғалдоқ!

Гулим, яқинроқ кел,
Қара, не савдо,
Бу ажиб ишларни
Дил лавҳига ёз:
Кимга қаср етмас,
Кимга мол-дунё,
Менга эса ҳаво
Етмайди, холос.
Тириклар мудроқда,
Ўликлар уйғоқ,
Лола, лолажоним,
Лолақизғалдоқ!

Кўксим куйиб борар,
Кўкрак ёнмоқда,
Айтинг дўхтирларга,
Ёришса ёрсин!
Жисм ўз улфати –
Жондан тонмоқда.
Бечора жон энди
Қаерга борсин.
Энди осмон йироқ,
Энди ер юмшоқ,
Лола, лолажоним,
Лолақизғалдоқ!

Буни ҳаёт дерлар,
Унутма асло,
Бир кун очиласан,
Бир кун сўласан.
Қалбимда-ку, фақат
Сен эдинг танҳо,
Қабрим устида ҳам
Ўзинг бўласан.
Сен бизнинг севгидан
Хотира – байроқ,
Лола, лолажоним,
Лолақизғалдоқ!

Аёл қалбинг билан
Сув кеч, олов кеч,
Ғам келса бошингдан
Ҳушинг учмасин.
Худодан сўрадим:
Мендан кейин ҳеч
Номард кимсаларга
Ишинг тушмасин.
Уларнинг қўлида
Ҳамиша тузоқ,
Лола, лолажоним,
Лолақизғалдоқ!

Ишинг тушса, иним
Муҳаммадга бор,
Шоирлар ичида
Ишонганим шу.
Бироз ичишини
Айтмаса агар,
Кўкси тиниқ бола,
Ҳалол бола у.
Фақат сал соддароқ,
Фақат сал ёшроқ,
Лола, лолажоним,
Лолақизғалдоқ!

Жон сўнгги бошпана
Топаркан онгда,
У юрак остида
Дердим мен бўлсам.
Ажабланма агар
Эртага тонгда
Сени ўпиб, Ўшни
Қучоқлаб ўлсам!..
Ўтинчим – тепамда,
Йиғлама узоқ,
Лола, лолажоним,
Лолақизғалдоқ!

© Муҳаммад Юсуф

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

FOTIMA

Mehribon singlimga bag‘ishlayman.

Bir bayotim bor edi,
Bir bayotim yo‘q edi.
Bir qanotim bor edi,
Bir qanotim yo‘q edi.
Bo‘lding bir qanotim-a,
Fotimajon, Fotima.

Bir qo‘limda gul edi,
Bir qo‘limda pul edi.
Biroq eng katta davlat
Men uchun ko‘ngil edi.
Unga singil topdim-a,
Fotimajon, Fotima.

Shoir-ku ko‘p dunyoda,
Biri biridan mayda.
O, ularning dimog‘i,
Ular qayda, men qayda.
Sarson yomon chopdim-a,
Fotimajon, Fotima.

G‘urra-g‘urra so‘z yig‘dim
Boshim yerga tega ko‘p.
Sal mashhurman shekilli,
Bugun menga ega ko‘p.
Goho she’rni sotdim-a,
Fotimajon, Fotima.

Birovlarning nazdida
Shoir narxi arzondek.
Qo‘yib bersang, ustingdan
Pul sochadi xazondek.
Jonni ko‘p qonatdim-a,
Fotimajon, Fotima.

Ular qayda edilar
Men boshlagan kezimda.
Bolamga non topolmay
Yig‘laganim esimda...
U axir, zuryotim-a,
Fotimajon, Fotima.

Bitta to‘nni yechmasdan
O‘tdi O‘tan bobolar.
Bu dunyoga qo‘l silkib
Ketdi O‘tan bobolar.
Eh, kimni yo‘qotdim-a,
Fotimajon, Fotima.

To‘n almashsam, tanamni
Kuydiraman, derdi u.
Yangi to‘nni bolamga
Kiydiraman, derdi u.
Aylanay, ajdodim-a,
Fotimajon, Fotima.

Biz bobomiz hikmatin
Goh uqmay, goh uqqanmiz.
Aslida biz bir to‘nning
Etagidan chiqqanmiz.
Ne xayolga botdim-a,
Fotimajon, Fotima.

Qani endi unday zot,
To‘rt tomonga chop-chi bir.
Qush hurkimay qo‘lidan
Don yeganin top-chi bir...
Dardlaring qo‘zg‘otdim-a,
Fotimajon, Fotima.

Biz gadoga non bermay,
Qizlarga pul sarflaymiz.
Oqibatsiz – o‘zimiz,
Zamonani ayblaymiz.
Yuragi tosh qotdim-a,
Fotimajon, Fotima.

Shoirligim goh da’vo,
Goh ko‘rinar mardlikday.
Goh o‘zimcha burgutman,
Goh ojizman kaklikday.
Ichimda faryodim-a,
Fotimajon, Fotima.

Ketdik, deydi har oqshom
Bolaligim mo‘ralab.
Laylakqorlar yoqqandir
Ulug‘toqqa bo‘ralab.
Unga qanday yetdim-a,
Fotimajon, Fotima.

Qo‘ynim to‘la gul, ammo
Yulg‘unlarni sog‘indim.
Gulyuzlar ko‘p, men yuzi
So‘lg‘inlarni sog‘indim.
Tog‘da yurgan egasiz
Qulunlarni sog‘indim.
Sigir sog‘ar saharlab
Kelinlarni sog‘indim.

Nima qilay, o‘shalar
Tushaverar yodima.
O‘zim o‘tgan ko‘chalar
Tushaverar yodima.
Axir senga aytmasam,
Kimga aytay dodim-a,
Fotimajon, Fotima,
Fotimajon, Fotima.

© Muhammad Yusuf

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

📷 Photo

ШОИР СЕВГИСИ

Танимайман дейсиз,
Билмайман дейсиз.
Ёрижон, нозми бу,
Шўхликларингиз?..
Мени танир ҳатто,
Киприкларингиз,
Сиз эса шоирни
Севмайман дейсиз.

Кўриб-кўрмасликка
Олмоқлар осон.
Сизку кўрсангиз ҳам
Олмайсизу тан,
Мени таниб, ҳатто
Ҳар кун кўчамдан,
Сочингиз қўл силкиб
Ўтар ёрижон.

Биламан тахминан
Шундай ўйлайсиз:
Шоирлар - девона,
Тузалмайдилар.
Шоирнинг севгиси
Ўткинчи дейсиз,
Шоирлар одамдек
Севолмайдилар.

Ёна-ёна бир кун
Кўйингизда мен,
Адо бўладирғон
Қулга ўхшайман.
Энг гўзал шеъримни
Тўйингизда мен,
Пойингизга гулхан
Қилиб тўшайман.

Қўрқманг.
Янграр қўшиқ.
Тугамас ўйин.
Кўрганлар сиздан кўз
Узолмайдилар.
Шоирлар бузолмас
Бировнинг тўйин,
Бировнинг уйини
Бузолмайдилар...

©Муҳаммад Юсуф

1,960

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

#ТАВАЛЛУД

Муҳаммад Юсуф 1954 йил 26 апрелда Aндижон вилоятининг Марҳамат туманидаги Қовунчи қишлоғида деҳқон оиласида туғилган. Ўрта мактабни тугатгач, Республика Рус тили ва адабиёти институтида ўқиб, уни 1978 йилда битирди. Шоир 1978-1980 йилларда Китобсеварлар республика жамиятида, 1980-1986 йилларда «Тошкент оқшоми» газетасида, 1986-1992 йилларда Ғ. Ғулом номидаги Aдабиёт ва санъат нашриётида, 1992-1995 йилларда «Ўзбекистон овози» газетасида, Ўзбекистон Aхборот агентлигида ишлади, 1995-1996 йилларда Давлат ва жамият қурилиш академиясида ўқиди. 1997 йилдан бошлаб Ўзбекистон Ёзувчилар Уюшмаси раиси ўринбосари лавошмида ишлади.

М. Юсуф Ўзбекистондаги энг ёш халқ шоири (1998) ҳисобланади. Унинг дастлабки шеърлари «Ўзбекистон адабиёти ва санъати» рўзномасида 1976 йилда чоп этилган эди. Бевақт ўлим шоирни орамиздан олиб кетди.

Китоблари ва шеърлари: «Таниш тераклар» (1985, биринчи тўплами), «Булбулга бир гапим бор» (1987), «Илтижо» (1988), «Уйқудаги қиз» (1989), «Ҳалима энам аллалари» (1989), «Ишқ кемаси» (1990), «Кўнглимда бир ёр» (1990), «Бевафо кўп экан» (1991), «Эрка кийик» (1992), «Осмонимга олиб кетаман», «Кумуш», «Кокилингни ким кесди», «Aлдов», «Туркман қиз», «Юр, Муҳаммад, кетдик бу ердан», «Ёлғончи ёр», «Қора қуёш» (достон) ва бошқ.

Муҳаммад Юсуф «Мен ўз билганимдан қолмадим» шеърида шеър ва шоирликни шундай англайди.

Қувроқ бўл дейишди. Ёлғон ҳам керак,
Жиндак хушомад ҳам, қулоқ солмадим.
Оқни оппоқ кўрдим, қорани - қора
Мен ўз билганимдан қолмадим.

Ҳозирги давр ўзбек миллийъ адабиётининг кўзга кўринган истеъдодли шоирларидан бири Муҳаммад Юсуфдир. У 1954 йил 26 апрелда Aндижон вилоятининг Марҳамат тумани, Қовунчи қишлоғида оддий оилада таваллуд топди. Ўрта мактабни тугатгандан сўнг республика Рус тили ва адабиёти институтини (1978) тамомлади. 1978—1980 йилларда республика Китобсеварлар жамиятида,  1980—1986 йилларда  «Тошкент оқшоми» рўзномасида, 1986—1992 йилларда эса Ғафур Ғулом номидаги Aдабиёт ва санъат нашриётида, ҳозир эса «Ўзбекистон овози» рўзномасида ҳам фаолият юритган.

У ўнга яқин шеърий тўпламларнинг, ўнлаб қўшиқларнинг муаллифи сифатида кенг китобхонлар қалб кириб улгурган. Унинг дастлабки шеърлари биринчи бор «Ўзбекистон адабиёти ва санъати» рўзномасида 1976 йилда чоп этилган. Шундан сўнг «Таниш тераклар” (1985), «Булбулга бир гапим бор» (1987), «Илтижо” (1988), «Уйқудаги қиз» (1989) «Ҳалима энам аллалари” (1989), «Ишқ кемаси» (1990), «Кўнглимда бир ёр” (1990), «Бевафо кўп экан» (1991), «Эрка кийик» (1992) каби жозибали шеърий тўпламлари нашр этилди. 1989 йилда эса «Уйқудаги қиз» номли шеърий тўплами учун унга республика Ёшлар мукофоти берилди.

У ростгўй шоир, ҳалол ва покиза қалб эгаси. Шунинг учун ҳам унинг шеърияти бутун маънавиятга тўла, муҳаббат ҳақида куйлайдими, бевафо ёр ҳақида қўшиқ тўқийдими ёки тарихимиз, тақдиримиз ҳақида куйлайдими ҳамиша ҳаётга, ҳақиқатга ҳамнафаслик сезилиб туради. Унинг шеърлари оддий, равон, соддалиги билан халқ оғзаки ижодига ҳамоҳанг кўринади. Шоирниг «Меҳр қолур» шеърини эсланг-а:

Ўтар инсон яхши-ёмони,
Меҳр қолур, муҳаббат қолур.

Шоир шеърияти ҳам шундай. Меҳрингизда, қалбингизда қўшиқ бўлиб қолади.

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

📷 Photo

ИЗҲОРИ ДИЛ

Кўҳна толбешикдан
Бошланган олам.
Сенга иддаолар
Қилмай севаман.
Бир куни синглим, деб,
Бир куни онам —
Ватан,
Кимлигингни
Билмай севаман!

Тўзғийди тўнингдан
Тортган тўралар.
Кеча тузингни еб
Сотган тўралар.
Энди пушаймонда,
Туйник мўралар —
Мен сенинг
Ёнингдан
Жилмай севаман.

Менга еринг суюк,
Осмонинг суюк.
Боқсам, тенг
Тўрттала
Томонинг суюк.
Товонимга кирган
Тиконинг суюк —
Кафтдан
Зирапчанг ҳам
Юлмай севаман.

Чўксанг,
Тур, синглим деб,
Сочинг силайман.
Сўксанг,
Опам дейман,
Умринг тилайман.
Сендан ранжимайман,
Гина қилмайман —
Хоҳ хўмрай,
Хоҳ жилмай,
Бирдай севаман.

Ватан —
Юрагимнинг
Олампаноҳи,
Бу дунё
Букри бир
Жийдангнинг шохи!.
Кўзим ёши билан
Суғориб гоҳи
Кўксимда ўстирган
Гулдай севаман.

Бу ёруғ жаҳонда
Йўғу боримсан,
Тилимнинг остида
Новвот-заримсан.
Сен менинг ягона
Пайғамбаримсан,
Мен Билол,
Мен Ҳабаш —
Қулдай севаман!

© Муҳаммад Юсуф

2,490

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

ҚЎҚОНДАН  ШОҲИМАРДОНГА

Фарёдким, гардуни дун
Айлар юрак бағримни хун,
Кўрдики, бир аҳли фунун –
Чарх анга кажрафтор экан.

Қолмай шаҳарда тоқатим,
Қишлоқ чиқардим одатим,
Хоҳи яёв, бўлсун отим,
Гоҳ сайр ҳам даркор экан.

“Ултарма”га қилдим юруш,
Йўлдош эди бир читфуруш,
Етдим жадаллаб вақти туш,
Бир дам қизиқ бозор экан.

Бир маърака кўрдим бутун,
Жаъми ёпинган бошга тўн,
Боқсамки, беш юзча хотун,
Воиз сўзин тинглор экан.

Мингбошилик кимнинг иши,
Десам, деди бедониши,
Бир “Қўштегирмон”лик киши,
Хўжа Исо бадкор экан.

Мағрур, хасису бешу кам,
Ҳар гапда юз ичгай қасам,
Такжой олур моховдан ҳам,
Ҳожи ўзи мурдор экан.

“Дўрмонча”га кетдим ўтуб,
Ёқамни ҳар соат тутуб,
Ётдим ул оқшом ғам ютуб,
Дашти қароқчизор экан.

Унда бўлус Ғози деди,
Ҳам муфти, ҳам қози деди,
Юрт барча норози, деди,
Қилғон иши озор экан.

Боз издиҳоми воизи,
Бадкайф, очилмас кўзи.
Юқори бошидин тизи,
Эрмаклари кўкнор экан.

Сўрсам, дедилар: “Бўрбалиқ”,
Бирмунча эчкилар ариқ,
Келса киши еяр тариқ,
Шому саҳар тайёр экан.

“Оқ ер”дин ўтдим, бойлари –
Олий иморат жойлари,
Меҳмонсиз ўткай ойлари,
Келса биров ночор экан.

Аммо назарда “Рошидон”,
Фирдавс боғидин нишон,
Ўйнаб оқар оби равон,
Саҳни гулу гулзор экан.

Маъюс бордим “Зоҳидон”,
Бир кўча кетгунча дўкон,
Шўх одами, ичмай пиён,
Маст, отаси безор экан.

Сувлар сепилган сўрилар,
Бўрланган ўчоқ-мўрилар,
Табъинг мабодо чой тилар,
Дамлашлари ишқор экан.

“Олтиариқ” қурсин ўшал,
Селларда қолдим бир маҳал,
Бўлдим ивиб, ёмғурда шал,
Тўн шилта, ҳўл эзор экан.

Мингбошиси сўфинамо,
Тасбеҳу бўйнида ридо,
Чўқуб қочар зоғи ало
Бир доғули айёр экан.

Хайру соҳо важҳига кар,
Бир пулни юз ердин тугар,
Келса гадой ногаҳ агар,
Бир нон чиқиш душвор экан.

Кўрдим чуқур “Чимён” эрур,
Ер остида зиндон эрур.
Душманлари меҳмон эрур,
Боғи унинг тутзор экан.

Водил мақоми дилфизо
Кўчаларидур дилкушо,
Анҳорида оби сафо,
Себарга обишор экан.

© Муқимий
"Саёҳатнома"дан.

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

📷 Photo

*   *   *
Бир куни Диоген бозорда ўзининг оташин нутқини ирод қилар экан, донишманд файласуфнинг нутқига ҳеч ким эътибор бермай, ўтиб кетаверибди. Шундан кейин у хўроз бўлиб қичқирибди ва бирпасда унинг атрофида тумонат одам йиғилибди.
Шунда донишманд Диоген бу оломонга қараб, ғазаб билан:
– Сенларнинг тафаккур даражанг шу қадар пастки, ақлли гапларни айтганимда, менга эътибор ҳам бермадиларинг, лекин аҳмоқларча хўроз бўлиб қичқирганимда, ҳамманг мени маймунона қизиқиш билан ўраб олдиларинг, – деган экан!

1,920

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

📎 File

© Абдувоҳид Сувонов
🎤 Гули Икром қизи

2,090

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

📎 File

© Муҳаммад Юсуф шеъри
🎤 Ғуломжон Ёқубов ижрода

2,070

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 мая 2026 г., 00:06

📷 Photo

*  *  *

Қўнғироқ қилмайсан,
Ёзмайсан хатлар,
Ҳар тонгда негадир
тушасан ёдга.

Сени тинч қўйгандир,
Эскирган дардлар,
Тундаги хўрсиниш,
ўхшар имдодга...

Омон бўлсанг бўлди,
Менга шу етар,
Сени деб туғилган,
Сени деб кетар!..

© Абдувоҳид Сувонов

2,320

Showing 30 of 51 posts

Рейтинг

Требуется вход

Отзывы пользователей (0)

Пока нет отзывов. Будьте первым, кто поделится своим опытом!

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

Рейтинг

Рост участников (Последние 7 дней)

Последние посты

Рейтинг

Отзывы пользователей (0)

Похожие каналы Telegram

ОПГ НКВД

Дети перемен

На годекане

Голос Победы

Москва о важном

НЕРУШИМЫЕ — новости ЦА

ТАСС / Восток

Бати читают новости [БЧН]

Похожие каналы Telegram

ОПГ НКВД

Дети перемен

На годекане

Голос Победы

Москва о важном

НЕРУШИМЫЕ — новости ЦА

ТАСС / Восток

Бати читают новости [БЧН]

Отзывы пользователей (0)

Последние посты