Anora_Sodiq_kundaligi

Public

Просмотреть канал

Не можете присоединиться? @anora_sodiq

4.8k Участники

Обновлено: May 7, 2026 at 11:35 AM

Anora_Sodiq_kundaligi

Ақллилар инқилобга чорлайди, телбалар уни амалга оширади, инқилоб меваси эса шунчаки ўткинчиларга насиб этади.

Join @anora_sodiq for exclusive Болливуд (Индийское кино) content and discussions in 12

Рейтинг

Глобальный рейтинг

#456

Рейтинг по языку

#45

Рейтинг по категории

#23

-1

Рост участников (Последние 2 дней)

Всего: 4.8K

Рост за 24ч: +26 1%

Последние посты

Anora_Sodiq_kundaligi

7 мая 2026 г., 18:33

📷 Photo

Шерзод Кудбиевнинг 50 минг долларлик соати ва лифчик

Шерзод Кудбиевнинг 50 минг АҚШ долларига тенг соати менга партияга тегишли картага лифчик сотиб олган депутатни эслатди. Бу ҳақида бизга журналистикада амалдор сотиб олган нарса қандай қилиб ижтимоий аҳамиятга эга мавзуга айланишини тушунтиришганди.

Хуллас, эркак депутат партия картаси орқали қимматроқ лифчик сотиб олади. Тўлов партия маблағидан бўлгани учун очиқ манбаларга чиқиб кетади ва оммалашади. Журналистлар савол қўя бошлайди: нега партия пулига лифчик сотиб олинган? Лифчик партия манфаати учун ишлатилганми?

Ҳатто харид деталларига қараб, лифчик размери унинг турмуш ўртоғига тўғри келмаслиги ҳам аниқланади. Демак, бу харид шахсий муносабатлар учун бўлган деган хулоса чиқади. Оқибатда депутат бир кунда ҳам лавозимидан, ҳам оиласидан айрилади. Бу — лавозимда туриб халқ пулини эгри йўлга сарфлашнинг оқибати.

Хўш, нега энди Кудбиев 50 минг долларлик соатини қачон, қаердан ва қайси пулга сотиб олгани ҳақида ҳисобот бермаслиги керак? Унинг маоши билан 50 минг долларлик соат олиш мумкинми? Бу пора эмасмикан ёки коррупцион пулларга олинмаганми, деган шубҳалар уйғониши табиий. Кудбиев кичик чиқиш қилди. Аммо унинг гапларида соат қандай сотиб олингани изоҳланмаган. Ҳа, бошқа амалдорлар ҳам содда ва эл қатори оддий яшаётганлари йўқ.

Соат — Breguet Marine, янги модель. Бу русум 2019–2020 йиллардан кейин сотувга чиққан, нархи камида 30 минг доллар атрофида.

Ўзбекистонда давлат амалдори маошига битта машина пулига тенг соат сотиб олиши табиий ҳолми? Қачонки ўқитувчи умр бўйи ишлаб ҳам бундай соатга пул тополмаса.

Депутатнинг лифчиги қандай савол туғдирган бўлса,
Кудбиевнинг соати ҳам худди шундай ҳисобот талаб қилади.

8,290

384

Anora_Sodiq_kundaligi

7 мая 2026 г., 18:33

📷 Photo

📄uzdiplomat иқтибоси: 🖍

“Биродарлар, биз ҳамиша адолат, адолат деймиз. Тилдан қўймаймиз. Адолатсизликни кўриб, хунийбирон бўламиз. Ҳаётдан, тақдирдан нолиймиз. Адолат йўқ, адолат осмонда, деймиз.

Йўқ, биродарлар, адолат ерда! Оёқларимиз остида! Адолат тупроққа қоришиб ётибди! Адолатни ким бундайин хор қилаяпти? Биз - ўзимиз!»

"От кишнаган оқшом"

Тоғай Мурод

Ўзбекистон Халқ ёзувчиси

(1948-2003)

https://t.me/uzdiplomat | https://www.instagram.com/uzdiplomatuz/ | https://www.youtube.com/@uzdiplomat | https://www.facebook.com/uzdiplomat | https://x.com/uzdiplomat

Anora_Sodiq_kundaligi

7 мая 2026 г., 18:33

🎥 Video

🔴 Ўзбекистонда уран қазиб олиш кучайди. 10 йилдан кейин экология қандай аҳволга тушади?

✔️Экологлар инвесторларга “йўқ”, дея оладими?

Ўзбекистонда қазилма бойликларни жадал қазиб олиш фонида экологик хавфлар ҳақидаги саволлар яна долзарб бўлиб бормоқда. Uzdiplomat мухбири томонидан берилган “шу суръатда давом этилса, 10 йилдан кейин табиат қандай аҳволга тушади?” деган саволга "O'zbek geologiya qidiruv" AJ экология бўйича масъул мутахассиси Сарвар Одилов умумий жавоб билан чекланди. “Ҳар қандай фаолият табиатга таъсир қилади, лекин у “назоратда”. Бироқ журналист корхоналарнинг экологик таъсири бўйича очиқ маълумотлар деярли йўқ эканлигини қайд этди. Бу эса назоратнинг шаффофлиги ва самарадорлигига шубҳа уйғотади.

Сарвар Одиловга кўра, экологик назорат тизими мавжуд. Яъни корхоналар тоифаларга ажратилади, энг хавфлилари автоматик мониторинг станциялари орқали кузатилади ва бу маълумотлар Экология миллий қўмитасига узатилади. Аммо бу маълумотлар жамоатчилик учун қай даражада очиқлиги аниқ эмас. Яъни назорат бор дейилади, лекин унинг натижаси жамоатчиликка кўринмайди.

Энг муҳим нуқта — экологлар ҳақиқатан ҳам лойиҳаларни тўхтата оладими? Суҳбат давомида uzdiplomat мухбири бундай ҳолатлар мавжудлигини сўради. Эколог мутахассис Сарвар Одилов Чотқол биосфера қўриқхонаси мисолида айрим ишлар тўхтатилганини қайд этди. Бир қарашда бу экологик позиция борлигини кўрсатгандек туюлади. Аммо таҳлил шуни кўрсатадики, бу “рад этиш” мустақил қарор эмас, балки қонунчиликда олдиндан белгиланган чеклов натижасидир. Яъни ҳудуд муҳофаза этилган бўлса — автоматик равишда тақиқланади.
Ўзбекистонда экологик назорат мавжуд, аммо у асосан формал тартиб ва ҳудудий чекловлар билан боғланганлек. Мустақил экологик экспертиза ва қатъий рад этиш амалиёти эса деярли кўринмайди.

https://t.me/uzdiplomat https://www.instagram.com/uzdiplomatuz/ |  https://www.youtube.com/@uzdiplomat | https://www.facebook.com/uzdiplomat | https://x.com/uzdiplomat

Anora_Sodiq_kundaligi

7 мая 2026 г., 18:33

📷 Photo

📄uzdiplomat иқтибоси: 🖍

“Коррупцияни енгмоқчи бўлсангиз, зинапояни тепадан бошлаб супиринг.

Агар тепадагилар адолатли бўлмаса, пастдагилар ҳеч қачон тўғри йўлдан юрмайди».

Ли Куан Ю

Сингапур мўжизаси меъмори, мамлакат биринчи Бош вазири

(1923-2015)

https://t.me/uzdiplomat | https://www.instagram.com/uzdiplomatuz/ | https://www.youtube.com/@uzdiplomat | https://www.facebook.com/uzdiplomat | https://x.com/uzdiplomat

Anora_Sodiq_kundaligi

7 мая 2026 г., 18:33

🎥 Video

🔴 2024 йилда “бомбаланган” Бухоро юзасидан Uzdiplomat мухбири Маданий мерос агентлигини сўроққа тутди

❓Бухородаги бузилишларни бошида бўлган Enter Engineering эндиликда қарзда.

❓Бузилишлар ва маданий объектлар йўқ қилинишига ким жавоб беради?

2024 йилда Бухоро марказида амалга оширилган оммавий бузилишлар катта резонанс уйғотган эди.
Ўша йили Enter engineering компанияси Бухорода қурилишларни амалга ошириш учун бир қатор биноларни шу жумладан вилоят ҳокимлиги, мусиқа мактаби ва стадионни буздиргани хабар берилган. 2026 йилга келиб, Enter Engineering компанияси қарзга ботгани сабаб ҳукумат ва ўз ишчилари олдидаги ҳамда банклардаги қарзларни узиш учун носохавий активларни сотаётгани маълум бўлди. Инвестор қарзда, қурилишлар тўхтаган аммо маданий мухитга зарар етиб улгирди.

2024 йилда Бухорода “Боқий Бухоро” туризм лойиҳаси доирасида қатор объектлар бузилиши жамоатчилик, архитекторлар ва халқаро ташкилотлар томонидан танқид қилинган эди. Хусусан, Alerte Héritage бу жараённи тўхтатишга чақириб, уни ҳатто халқаро мажбуриятларга зид деб баҳолаганди.

Орадан вақт ўтиб, Uzdiplomat мухбири ушбу ҳолат юзасидан Маданий мерос агентлиги вакилларига тўғридан-тўғри саволлар билан мурожаат қилди.

Аввало, қурилиш ишлари UNESCO билан келишилгани ёки йўқлигига аниқлик киритилди. Агентлик вакили Тойиров Муроджонга кўра, ишлар UNESCOнинг асосий ҳудудида эмас, балки буфер зонасида амалга оширилган ва барча ҳужжатлар, жумладан master-plan ва таъсирни баҳолаш ҳисоботлари тақдим этилган. Унинг таъкидлашича, UNESCO жараёндан тўлиқ хабардор.

Журналист томонидан Бухоро ҳокимлиги биноси каби объектларни сақлаб қолиш бўйича жамоатчилик ва халқаро чақириқлар нега инобатга олинмагани ҳақида савол берилди. Маданий мерос агентлиги раиси ўринбосари Турсунали Қўзиевнинг жавоби эса аниқ ва қатъий бўлди:

— “У объект маданий мерос рўйхатига кирмаган. Шунинг учун агентлик унга аралаша олмайди.”

Бу жавоб ортидан янада муҳим савол туғилди: агар объект расман рўйхатда бўлмаса, лекин унинг архитектура ёки тарихий қиймати юқори бўлса-чи?

Қўзиев бу ҳолатда ҳам агентлик позицияси ўзгармаслигини билдирди. Унинг таъкидлашича, ҳар қандай бинога маданий мерос мақомини бериш учун илмий таҳлил ва расмий жараёнлардан ўтиш шарт. Рўйхатга кирмаган объект эса агентлик ваколати доирасига кирмайди.

Журналист томонидан агентлик мустақил позиция билдириши, ҳеч бўлмаганда жамоатчилик манфаатини ҳимоя қилиши мумкин эмасми, деган савол ҳам қўйилди. Аммо жавоб яна шу нуқтага бориб тақалди: агентлик ўз ваколат доирасидан чиқмайди ва бундай қарорлар маҳаллий ҳокимият ҳамда шаҳарсозлик органлари томонидан қабул қилинади.

Демак, маданий меросни агентлик эмас, рўйхат ҳимоя қиладими? Рўйхатга кирмаган обьектлар ҳимоядан ташқарида қолиб кетадими?

https://t.me/uzdiplomat | https://www.instagram.com/uzdiplomatuz/ | https://www.youtube.com/@uzdiplomat | https://www.facebook.com/uzdiplomat | https://x.com/uzdiplomat

Anora_Sodiq_kundaligi

7 мая 2026 г., 18:33

🎥 Video

Ўзбекистонда “ҳукуматга яқин” бўлган инсон ҳуқуқлари марказлари ва Омбудсман Абдураҳмон Ташановнинг суд ишида қўллов кўрсатдими? Позициясини эълон қилдими? - Йўқ.

Бу жимжитлик уларнинг ҳақиқий позициясини ошкор этиб қўйгандек кўринаяпти.

5,700

160

Anora_Sodiq_kundaligi

7 мая 2026 г., 18:33

Ўзбекистонда 25 мингдан ортиқ расман “йўқ” одамлар яшаб келаётганини билармидингиз?

Уларда ҳамон фуқаролик йўқ.

https://youtu.be/hQ5dHKrC-X8?si=wOkpPBxcGRnnenxC

4,500

Anora_Sodiq_kundaligi

7 мая 2026 г., 18:33

🎥 Video

🔴”Маданий мерос тўсилган панжараларни аҳоли молхонасини ўрашга ташиб кетмоқда”

✔️”Туристлар учун қурилган ҳожатхонадан унитаз ўғирлаб кетилган”

✔️ Маданий меросни қўриқлаш тизимини қўриқлашга муҳтожлик бўлаяпти

Ўзбекистонда маданий мерос объектларини ҳимоя қилиш учун миллиардлаб маблағ ажратилаётган бўлса-да, амалда бу объектларни эмас, уларни қўриқлаш тизимининг ўзи ҳимояга муҳтож бўлиб қолмоқда. Маданий мерос агентлиги директорининг биринчи ўринбосари Турсунали Қўзиевга кўра, муаммо — камера ёки жазода эмас, жамият муносабатида.

Турсунали Қўзиевнинг таъкидлашича, айрим археологик ёдгорликлар атрофига ўрнатилган замонавий ихота панжаралари бузилиб, ҳатто молхонага олиб кетилаётган ҳолатлар бор.

Давлат қурган инфратузилма ҳам ҳимоясиз қолмоқда — туристлар учун қурилган ҳожатхоналардан унитазларгача ечиб кетилмоқда. Камералар ўрнатилган бўлса-да, бу ҳолатларнинг олдини олишга етарли таъсир кўрсатмаяпти.

Бу ҳолатлар айниқса Кофирқалъа мисолида яққол кўринади. У ердан топилган ёдгорликлар халқаро даражада эътибор берилмоқда, бироқ шу ҳудуднинг ўзида инфратузилма вайрон қилинмоқда.

Муаммонинг яна бир томони — молия. Масалан, Пойкент ёдгорлигининг 22 гектар ҳудудини тўлиқ ихоталаш учун камида 15 миллиард сўм талаб этилади. Шу боис, барча объектларни бир вақтнинг ўзида муҳофаза қилиш имкони мавжуд эмас.

Шу билан бирга, масъулларга кўра, агар жамиятда маданий меросга муносабат ўзгармаса, жазони кучайтириш ҳам, камералар ўрнатиш ҳам кутилган натижани бермайди.

“Шу нуқтаи назардан, ечим таълимдан бошланиши керак. Болаларда маданий меросга ҳурматни боғчадан бошлаб шакллантириш, мактабларда бу борада тизимли тарбия бериш зарур”, дейди Турсунали Қўзиев.

https://t.me/uzdiplomat https://www.instagram.com/uzdiplomatuz/ | https://www.youtube.com/@uzdiplomat | https://www.facebook.com/uzdiplomat | https://x.com/uzdiplomat

Anora_Sodiq_kundaligi

7 мая 2026 г., 18:33

🎥 Video

Карим Баҳриев юқорига буйсунмай, пахта қўймай очиқ, аччиқ ва рост гапириб яшаб ўтишни ҳаммамизга кўрсатиб кетдилар. Йиллар бўронидан тоза виждон билан чиқиш шундай бўлса керак.

Карим Баҳриев ҳаёти кураш ва умр йўллари эса адолат йўли эди назаримда.

7,410

219

Anora_Sodiq_kundaligi

7 мая 2026 г., 18:33

📷 Photo

Карим Баҳриевнинг сўнгги афсуси: «Ўша замон ҳали умидлар бор эди»

Журналист Илёс Сафаров Карим Баҳриев иштирокида бундан икки йил олдин кун.уз учун суратга олинган, лекин эълон қилинмаган суҳбатни https://t.me/haqiqatdaIlyos.

Бугун таниқли журналист, таржимон, шоир ва публицист Карим Баҳриев 64 ёшида вафот этгани ҳақида хабар берган эдик.

Унинг вафотидан сўнг ижтимоий тармоқларда марҳумнинг Facebook саҳифасида 25 март куни — инсультга учраган тонгда жойланган пости муҳокамаларга сабаб бўлмоқда. Унда “Ўша замон ҳали умидлар бор эди” деган қисқа, аммо маънодор жумла ва бир сурат эълон қилинган.

Журналист Илёс Сафаровнинг ёзишича 2023 йил 23 февралда ёзиб олинган суҳбатга оид суратда Карим Баҳриев билан бирга ҳуқуқ ҳимоячиси Абдураҳмон Ташанов, http://Uzdiplomat.uz/ Бош муҳаррири, журналист Анора Содиқова ва унинг ўзи акс этган.

Ўша суҳбатда Ўзбекистонда сўз эркинлигининг ҳолати муҳокама қилиниб, унинг ривожига доир умидлар билдирилган. Бироқ турли сабаблар, жумладан айрим кучларнинг аралашуви туфайли интервью эфирга узатилмай қолган.

Илёс Сафаров ушбу интервьюни айрим камчиликларига қарамай, монтажсиз ҳолда эълон қилишга қарор қилганини билдирди. Унинг таъкидлашича, асосий мақсад — устоз ҳаётлик чоғида эфирга чиқмаган суҳбатни жамоатчиликка етказиш ва сўз эркинлигининг аҳамиятини яна бир бор эслатишдир.

Карим Баҳриев халқ тақдири, эркинлик ва сўз ҳуррияти ғояларига ҳаётининг сўнгги кунларига қадар содиқ қолди.

https://t.me/uzdiplomat https://www.instagram.com/uzdiplomatuz/ |  https://www.youtube.com/@uzdiplomat | https://www.facebook.com/uzdiplomat | https://x.com/uzdiplomat

Showing 10 of 10 posts

No more posts

Рейтинг

Требуется вход

Отзывы пользователей (0)

Пока нет отзывов. Будьте первым, кто поделится своим опытом!

Anora_Sodiq_kundaligi

Anora_Sodiq_kundaligi

Рейтинг

Рост участников (Последние 2 дней)

Последние посты

Рейтинг

Отзывы пользователей (0)

Похожие каналы Telegram

Малкин xTURBOx

По-ту-сторонний 2.0

Цветок для подопытного Кролика

AHK

Про:взгляд

Фонд помощи «Русский Крест»

VERETENO Film Company

Esc

Похожие каналы Telegram

Малкин xTURBOx

По-ту-сторонний 2.0

Цветок для подопытного Кролика

AHK

Про:взгляд

Фонд помощи «Русский Крест»

VERETENO Film Company

Esc

Отзывы пользователей (0)

Последние посты