የዲ/ን ሄኖክ ኃይሌ ትምህርቶች

Public

Ver Canal

188.6K

8.2K

Não consegue entrar? @hinokhailes_spiritual_teachings

32.9k Membros

Atualizado: May 12, 2026 at 2:48 AM

የዲ/ን ሄኖክ ኃይሌ ትምህርቶች

◉ ይህ ገፅ የዲ/ን ሄኖክ ኃይሌ ነባር እና አዳዲስ መጣጥፎች የምናጋራበት የVIDEO ትምህርቶቹን የምንለቅበት የቴሌግራም ገፃችን ነው። ነገር ግን እንድታቁልን የምንፈልገው ገፁ በዲ/ን ሄኖክ ኃይሌ ሚመራ ገፅ አደለም።

Join @hinokhailes_spiritual_teachings for exclusive video content and discussions in 14

Classificação

Classificação Global

#456

Classificação por Idioma

#45

Classificação por Categoria

#23

-1

Crescimento de Participantes (Últimos 10 Dias)

Total: 32.9K

crescimento 24h: +0 0%

Últimos Posts

የዲ/ን ሄኖክ ኃይሌ ትምህርቶች

11 de mai. de 2026, 21:37

እግዚአብሔር ሁሉን ነገር ያውቃል ማለት አስቀድሞ ይወስናል ማለት አይደለም 🙅‍♂️ ። ነገሮችም የሚሆኑት እግዚአብሔር አስቀድሞ ስላወቃቸው ሳይሆን በተቃራኒው እርሱ ያወቃቸው ስለሚሆኑ ነው 🤔 ። እግዚአብሔር ስለወደፊት ያለው እውቀት እኛ ስላለፈው ታሪክ የዓይን ምስክሮች ሆነን እንደምናውቀው ያለ ነው 👁️ ።.../ አስቀድሞ የተነገሩ ትንቢቶች እንዴት ይታያሉ ❓ መጀመሪያ ትንቢት እንደ መንስኤ ሳይሆን እንደ ውጤት ካልተረዳነው ነገሩን ለመረዳት እንቸገራለን 🧠 ። ትንቢቶች የሚነገሩት ነገሮች ስለሚሆኑ ነው እንጂ ነገሮች የሚሆኑት ትንቢት ስለተነገረ አይደለም 🚫 "ትንቢቱ ይፈጸም ዘንድይህ ሆነ ተብለው የተጻፉት ቃላት ሁሉም የተጻፉት ትንቢቱ እንደተፈጸመ ከተረጋገጠ በኋላ ነው እንጂ ትንቢቱ እስከሚፈጸምባት እስከመጨረሻዋ ቅጽበት ድረስ ትንቢቱ የተነገረበት ሰው ትንቢቱን የመለወጥ እድል አለው 🔄 ። እግዚአብሔር የተናገርኩት ከሚጠፋ ብሎ የሰዎችን የመዳን በር የሚዘጋ ጨካኝ አይደለም ❤️ ስለሰው ልጅ መጥፋትና መዳን የሚነገሩ ትንቢቶች እንደሁኔታው ሊፈጸሙ የሚችሉ ትንቢቶች (conditional prophecies ) ናቸው እንጂ እንደ ሰማይ ምድር ማለፍ የማይለወጡ ትንቢቶች (fixed prophecies )አይደሉም ✨ ።

"ሕማማት " መጽሐፍ {የይሁዳ ዕጣ ፈንታ "}ከ ገፅ 72-ገፅ 82) 📖

8,540

119

የዲ/ን ሄኖክ ኃይሌ ትምህርቶች

11 de mai. de 2026, 21:37

+ ረቢ ወዴት ትኖራለህ? +

ከመጥምቁ ዮሐንስ ተማሪዎች መካከል ሁለቱ "የእግዚአብሔር በግ እነሆ" የሚለውን የመምህራቸውን ስብከት ሰምተው ጌታን ተከተሉት::

"ኢየሱስም ዘወር ብሎ ሲከተሉትም አይቶ፦ ምን ትፈልጋላችሁ? አላቸው። እነርሱም፦ ረቢ፥ ወዴት ትኖራለህ? አሉት፤ መጥታችሁ እዩ፡ አላቸው። መጥተው የሚኖርበትን አዩ፥ በዚያም ቀን በእርሱ ዘንድ ዋሉ፤ አሥር ሰዓት ያህል ነበረ" ዮሐ. 1:37-39

ጌታን ተከትለው የሚኖርበትን ካዩት ደቀ መዛሙርት አንደኛው ስም እንድርያስ ሲሆን ሁለተኛው ደግሞ የራሱን ስም በወንጌሉ ላይ እኔ የማይጽፈውና ቤተ ክርስቲያን ግን የራሱን ነገር ሲገልፅ በሚጠቀመው ቋንቋ የምታውቀው ወንጌላዊው ዮሐንስ ነበረ::

"ረቢ፥ ወዴት ትኖራለህ? አሉት፤ መጥታችሁ እዩ፡ አላቸው። መጥተው የሚኖርበትን አዩ" የሚለው ቃል በእርግጥ በጣም አስገራሚ ነው:: የክርስቶስን መኖሪያ ማየት መፈለጋቸው ፈልገው እንዳያጡት አድራሻውን ለማወቅ ካላቸው ጉጉት የተነሣ ነበረ::
ሆኖም ክርስቶስ በምድር ላይ ሲኖር ቋሚ አድራሻ አልነበረውም:: ራሱ እንደተናገረ :-ለቀበሮዎች ጉድጓድ ለሰማይም ወፎች መሳፈሪያ አላቸው፥ ለሰው ልጅ ግን ራሱን የሚያስጠጋበት የለውም" (ማቴ. 8:20)

እነዚህ ሁለት ደቀ መዛሙርት የጠየቁት "ረቢ፥ ወዴት ትኖራለህ?" የሚለው ጥያቄ አድራሻ ከመጠየቅ ከፍ ያለ ጥልቅ ጥያቄ ነው:: ነቢያቱ "የጥበብ ሀገርዋ ወዴት ነው? ማደሪያዋስ ወዴት ነው?" ብለው የተጨነቁለት የጥበብ ክርስቶስ ማደሪያ የት እንደሆነ ማወቅ የነፍስ ዕረፍት ነውና ተራ ጥያቄ አይደለም?
ይህ ጥያቄ ዳዊት ለዓይኖቹ እንቅልፍ ለሽፋሽፍቶቹ ዕረፍት ያልሠጠበት "የያዕቆብ አምላክን ማደሪያ እስኪያገኝ ድረስ" የለመነበት ጥያቄ ነው::

ረቢ ወዴት ትኖራለህ? የሚለው ጥያቄ እንድርያስና ዮሐንስ በአንድ ቀን ብቻ የሚመለስ ጥያቄ መስሎአቸው አብረውት ሔደው አብረውት ዋሉ እንጂ የጌታ መኖሪያ ግን ያን ቀን የዋለበት ብቻ አይደለም::

ረቢ ወዴት ትኖራለህ?
"ብርሃንህንና እውነትህን ላክ፤ እነርሱ ይምሩኝ፥ ወደ ቅድስናህ ተራራና ወደ ማደሪያህ ይውሰዱኝ" መዝ. 43:3

ረቢ ወዴት ትኖራለህ?  "ወደ ሰማይ ብወጣ፥ አንተ በዚያ ነህ፤ ወደ ሲኦልም ብወርድ፥ በዚያ አለህ። እንደ ንስር የንጋትን ክንፍ ብወስድ፥ እስከ ባሕር መጨረሻም ብበርር፥  በዚያ እጅህ ትመራኛለች፥ ቀኝህም ትይዘኛለች" መዝ. 139:8 ለአድራሻ የሚያስቸግረው የረቢ መኖሪያው ብዙ ስለሆነ የት ትኖራለህ ለሚለው ጥያቄ መልሱ "መጥታችሁ እዩ" ብቻ ነው::

ረቢ ወዴት ትኖራለህ? ብለው ለጠየቁት ደቀ መዛሙርቱ ቦታውን ከመናገር ይልቅ  "መጥታችሁ እዩ" ያለው ጌታ እርሱን ጸንተው እስከተከተሉ ድረስ በሕይወታቸው ዘመን ሁሉ አልፎም ከሞቱ በኋላ የሚያዩት ብዙ መኖሪያ ስላለው ነበር::

የረቢ መኖሪያው ብዙ ነው:: "የሚወደኝ ቢኖር ቃሌን ይጠብቃል፤ አባቴም ይወደዋል፡ ወደ እርሱም እንመጣለን፡ በእርሱም ዘንድ መኖሪያ እናደርጋለን" እንዳለ ቃሉን የሚጠብቅ ሰው ሰውነትም የእርሱ ማደሪያ ነው:: (ዮሐ. 14:23)

ረቢ ወዴት ትኖራለህ? " በአባቴ ቤት ብዙ መኖሪያ አለ፤ እንዲህስ ባይሆን ባልኋችሁ ነበር፤ ስፍራ አዘጋጅላችሁ ዘንድ እሄዳለሁና" ስትል ሰምተንህ ነበር:: (ዮሐ. 14:2) የአንተ መኖሪያ መንግሥተ ሰማያት አይደለምን?  ቅዱስ ጳውሎስ "ልሔድ ከክርስቶስ ጋር ልኖር እናፍቃለሁ" ሲል እንደሰማነው እስከ ዐሥር ሰዓት ድረስ እንደመዋል ዐሥሩ መዓርጋት ላይ የደረሱ በጽድቅ መንገድ የሔዱ የሚያዩት ማደሪያህ መንግሥተ ሰማያት አይደለምን? መጥተን ለማየት "እናንተ የአባቴ ቡሩካን ወደ እኔ ኑ" እስክትለን በተስፋ እየጠበቅን አይደለምን?

ረቢ ወዴት ትኖራለህ? ካሉት ጠያቂዎች መካከል አንዱ ዮሐንስ መሆኑን ሳስብ ደግሞ ዮሐንስ ያያቸው የረቢ መኖሪያዎች ከገሊላ እስከ ታቦር ተራራ ፣ ከሊቶስጥራ እስከ ቀራንዮ ፣ ከወንጌል እስከ ራእይ እጅግ ብዙ እንደነበሩ ታየኝ::

"ወዴት ትኖራለህ?" ብሎ ጠይቆ ጌታን የተከተለው ዮሐንስ "መጥተህ እይ" በተባለው መሠረት የጌታን መኖሪያ የእርሱን ያህል ያየም ሰው የለም::

ዮሐንስ "ረቢ ወዴት ትኖራለህ?" ለሚል ጥያቄው ግን አንጀት የሚያርስ ልብ የሚያሳርፍ መልስ ያገኘው አርብ ዕለት መስቀሉ ሥር ነበር:: ወዴት ትኖራለህ? ላለው ዮሐንስ የዘጠኝ ወር ከተማውን የዘላለም ማረፊያውን "እነኋት እናትህ" ብሎ ሲሠጠው መጥቶ ካያቸው የረቢ መኖሪያዎች ሁሉ የምትበልጠውን መኖሪያ አየ:: "እግዚአብሔር ጽዮንን መርጦአታልና፥ ማደሪያውም ትሆነው ዘንድ ወድዶአታልና፥ እንዲህ ብሎ፦  ይህች ለዘላለም ማረፊያዬ ናት፤ መርጫታለሁና በዚህች አድራለሁ" ብሎ የመረጣትን ማደሪያ ከማየት በላይ ምን ክብር አለ? (መዝ. 132:13)

ዮሐንስ ይህችን የረቢ መኖሪያ ወዲያው ወደ ቤቱ ወሰዳት:: ዮሴፍ ሊወስዳት ስላልፈራ ምን እንዳገኘ ያውቃልና እርሱም ይህችን የዕንቁ ሳጥን ወደ ቤቱ ወስዶ ቢዝቁት የማያልቅ ጸጋን ተጎናጸፈ::

ጌታ እናቱን ለዮሐንስ መሥጠቱ የሁለት ድንግልናዎች ማስረጃ ሆነ:: የድንግል ማርያም ዘላለማዊ ድንግልናም የዮሐንስ ድንግልናም በጌታ ንግግር ታወቀ::

አንዳንዶች እንደሚመስላቸው ድንግል ማርያም ከጌታ ሌላ ልጆች ቢኖሩአት ኖሮ "እናቴን ከልጆችዋ ነጥለህ ወደ ቤትህ ውሰዳት" "አንቺም ልጆችሽን ይዘሽ ወደ ሰው ቤት ሒጂ" ብሎ ለዮሐንስ አይሠጣትም ነበር:: ድንግል ማርያም የአብን አንድያ ልጅ አንድያ ልጅዋ አድርጋለችና አምላክ ባደረበት ዙፋን ሌላ ፍጡር ያላስቀመጠች የአምላክ ብቸኛ ዙፋን ፣ እግዚአብሔርን አስገብታ በርዋን የዘጋች ዘላለማዊት ድንግል መሆንዋ ለዮሐንስ በመሠጠትዋ ታወቀ:: ዮሐንስም ቤት ንብረት የሌለው መናኝ ባይሆንና ሚስት ድስት ያለው ሰው ቢሆን ድንገት ወደ ቤቱ ይዞአት እንዲሔድ እናቱን ባልሠጠው ነበር::

የሰው ልጅ ድኅነት ታሪክ በሁለት "እነሆ"ዎች መሃል መከናወኑ እጅግ ይደንቃል:: የሰው መዳን የተጀመረው "እነሆኝ የጌታ ባሪያ" ብላ ራስዋን ለፈጣሪ በሠጠችው ድንግል ቃል ሲሆን የተጠናቀቀው ደግሞ "እነኋት እናትህ" ብሎ በደም በታጠበ አንደበቱ በነገረን የኑዛዜ ቃል ነው::

ረቢ ወዴት ትኖራለህ? ለእኛም አታሳየን ይሆን? እስከ ዐሥር ሰዓት መዋል ፣ ዐሠርቱን ትእዛዛትህን ፣ ዐሥሩን የቅድስና ደረጃዎችን መውጣት ላቃተን ለእኛስ መኖሪያህን ታሳየን ይሆን? መጥታችሁ እዩ የሚለውን ጥሪ ሰምተን ለማምጣት አቅም ላነሰን መጻጉዕዎች ፣ ዓይን ላጣን በርጤሜዎሶች ተነሡ እዩ ብለህ መኖሪያህን አታሳየን ይሆን? መቅደስህን እንመለከት ዘንድ ፣ መኖሪያህን መንግሥትህን እናያት ዘንድ ፣ ዮሐንስ ያያትን መኖሪያህ እናትህን እናይ ዘንድ እንመኛለን::

ረቢ ወዴት ትኖራለህ?

ዲያቆን ሄኖክ ኃይሌ
መስከረም 21 2016 ዓ.ም. ተጻፈ

"ማርያም ገጸኪ እፈቱ ርእየ
ድንግል ድንግል ንዒ ኀቤየ
እስመ ኪያኪ ጸምአት ነፍስየ"
ወተዘከርኒ ለኃጥእ ገብርኪ ተክለ ማርያም

የዲ/ን ሄኖክ ኃይሌ ትምህርቶች

11 de mai. de 2026, 21:37

"ለሚጠይቋችኹ ዅሉ መልስ ለመስጠት ዘወትር የተዘጋጃችኹ ኹኑ፥ነገር ግን በየዋህነትና በፍርሀት ይኹን።" 1ኛ ጴጥ 3፥15

10,600

232

የዲ/ን ሄኖክ ኃይሌ ትምህርቶች

11 de mai. de 2026, 21:37

📷 Photo

#የሚያዚያ_ወር ተነባቢ መፅሐፍ

📚 የተራራው ስብከት

Hard ያላችሁ በHard አንብቡ የሌላችሁ ደሞ በPDF ይነበብ።

የPDF መገኛ Link 👉👇
https://t.me/Orthodox_Doctrine1
https://t.me/Orthodox_Doctrine1
መልካም ንባብ ይሁንልን።

10,100

የዲ/ን ሄኖክ ኃይሌ ትምህርቶች

11 de mai. de 2026, 21:37

📷 Photo

“ገብረ ሰላመ በደመ መስቀሉ”
“በመስቀሉ ደም ሰላምን አደረገ”

14,400

198

የዲ/ን ሄኖክ ኃይሌ ትምህርቶች

11 de mai. de 2026, 21:37

🎥 Video

እንደ ተናገረ ተነሥቷልና በዚህ የለም።
ማቴ ፳፰:፭-፮

15,000

196

የዲ/ን ሄኖክ ኃይሌ ትምህርቶች

11 de mai. de 2026, 21:37

ስለ ትንሣኤ ዕርድ

“ወበእሑደ ትንሣኤሁኒ ለክርስቶስ ኢይደሉ ሐሪደ እንስሳ ዘእንበለ እምድኅረ መንፈቀ ሌሊት:: እስመ መንፈቀ ሌሊትሰ ኮነ ትንሣኤሁ ለእግዚእነ በከመ ተብህለ በመጽሐፈ ኪዳን”

"በክርስቶስ ትንሣኤው እሑድ ከእኩለ ሌሊት በኋላ ካልሆነ በቀር እንስሳን ማረድ አይገባም:: በመጽሐፈ ኪዳን እንደተባለ እኩለ ሌሊት የክርስቶስ ትንሣኤው ሆኖአልና"

"ወሐሪደ እንስሳሰ በዕለተ ትንሣኤሁ ለክርስቶስ ኢይከውኖ ስዒረ በዓል ለክርስቲያናዊ አላ ይከውኖ አክብሮ በዓል::
ወለዘኢይበልዕሂ ሥጋ ለእመ ሐረደ ሎሙ ለእለ ይበልዑ ሥጋ ይከውኖ አስበ ዓቢየ እስመ ገብረ ተዝካረ ትንሣኤሁ ለመድኃኒነ በኃሪደ እንስሳ"

"በክርስቶስ ትንሣኤው ዕለት እንስሳን ማረድ ግን ለክርስቲያን በዓል መሻር አይሆንበትም በዓል ማክበር ይሆንለታል እንጂ:: ሥጋ የማይበላ ሰው እንኳን ቢሆን ለሚበሉ ሰዎች ቢያርድላቸው የመድኃኒታችንን የትንሣኤውን መታሰቢያ አድርጓልና ትልቅ ዋጋ ይሆንለታል"

መጽሐፈ ብርሃን ዘዐፄ ዘርዓ ያዕቆብ

መንፈቀ ሌሊት የቅዳሴ ሰዓት እንደመሆኑ ለማረድ ብለው ቅዳሴን አያስታጉሉምና የእርድ ሰዓት ከቅዳሴ መልስ ይሆናል ማለት ነው:: በተረፈ የትንሣኤ ምግብ ቅዱስ ቁርባን ነው:: "ንግበር ተዝካረ ትንሣኤሁ በበሊዐ ሥጋሁ ወሰቲየ ደሙ" "ሥጋውን በመብላት ደሙንም በመጠጣት የትንሣኤውን መታሰቢያ እናድርግ" ቅዱስ አባ ጊዮርጊስ ዘጋስጫ መጽ.ምሥ. 23:33

እንኳን አደረሰን!

14,000

209

የዲ/ን ሄኖክ ኃይሌ ትምህርቶች

11 de mai. de 2026, 21:37

አዲስ የህብረት ዝማሬ
https://youtu.be/GPAB1_I8gfg?si=E9q45XhlZ53TuFEV

13,500

የዲ/ን ሄኖክ ኃይሌ ትምህርቶች

11 de mai. de 2026, 21:37

🎥 Video

በወርቅ ሳይሆን ነውርና እድፍ እንደ ሌለው እንደ በግ ደም በክቡር የክርስቶስ ደም እንደ ተዋጃችሁ ታውቃላችሁ።
፩ኛ ጴጥ ፩፡፲፰-፲፱

#የዳዊትልጅሆይማረኝ #ዲያቆንፍሬዘርደሳለኝ #የንስሀመዝሙር

15,800

224

የዲ/ን ሄኖክ ኃይሌ ትምህርቶች

11 de mai. de 2026, 21:37

+  በርባን ይፈታልን +

ሕዝቡ ‹በርባን ይፈታልን! ክርስቶስ ግን ይሰቀል!› ማለታቸውን ስንሰማ መቼም ሁላችንም ማዘናችንና ‹ምን ዓይነት ክፉዎች ናቸው?!› ብለን መውቀሳችን አይቀርም፡፡ ወዳጄ ሆይ! እባክህን እስቲ አይሁድንና ጲላጦስ ለአፍታ እንተዋቸው! አንተ ብትሆን ኖሮ ከጌታና ከበርባን ማናቸውን ትፈታለህ? የእስክንድርያው ትምህርት ቤት ዲን የነበረው ሊቅ ‹‹በሥጋው ክፉ ነገርን የሚሠራ ሁሉ በርባንን ፈትቶ ክርስቶስን አሰረው ፤ መልካም ነገርን የሚያደርግ ደግሞ ክርስቶስን ፈትቶ በርባንን አስሮታል›› ይላል፡፡

ወዳጄ ሆይ! አንተ በሰውነትህ ላይ ፈትተህ የለቀቅከው ማንን ነው? በርባንን ነው ወይንስ ጌታን ነው? በርባንን ፈትተኸው ከሆነ ዛሬውኑ በንስሓ ተመልሰህ ፈጣሪህን በሰውነትህ ውስጥ አክብረው፡፡ ‹በርባንን የፈታሁት እኮ ወድጄ አይደለም! ሁኔታዎች አስገድደውኝ ነው› ብለህ እንደ ጲላጦስ ለራስህ ይቅርታ ማድረግና እጅህን መታጠብ አይበጅህም፡፡ ይልቅስ አሁኑኑ ጌታህን ፈትተህ በርባንን የተባለ ኃጢአትን ስቀለው! ያን ጊዜ የክርስቶስ መሆንህ ይታወቃል፡፡ ‹‹የክርስቶስ ኢየሱስ የሆኑቱ ሥጋን ከክፉ መሻቱና ምኞቱ ጋር ሰቀሉ›› ተብሎ ተጽፎአልና፡፡ (ገላ. ፭፥፳፬)

ሕዝቡ ‹በርባን ይፈታ› ብለው ቢጮኹም ሁሉም ለበርባን ፍቅር አላቸው ማለት አይደለም፡፡ ሊቃነ ካህናቱ ባያባብሏቸው ኖሮ በዚያች ዕለት ሊያስፈቱት የሚፈልጉት ሌላ እስረኛ ዘመድ ያላቸውም ሰዎች መኖራቸው አይቀሬ ነው፡፡ ሆኖም ሊቃነ ካህናቱ ለጌታችን ካላቸው ጥላቻ የተነሣ ሕዝቡን ተለማምጠው በርባን እንዲፈታ አስደረጉ፡፡ ዛሬ በርባንን አግኝተን ‹በርባን ሆይ ማን ነው ያስፈታህ?› ብለን ብንጠይቀው ምናልባትም ‹የሰው መውደድ ይሥጥ ማለት ነው! የሚወደኝ ሕዝብ ነዋ ጮኾ ያስፈታኝ!› ማለቱ የማይቀር ነው፡፡ ሆኖም ሊቃነ ካህናቱና ተከታዮቻቸው ግን ‹በርባን ይፈታ› ብለው የጮኹት ለበርባን ፍቅር ኖሯቸው ሳይሆን በጌታችን በኢየሱስ ክርስቶስ ላይ በነበራቸው ጥላቻ ምክንያት ነው፡፡ ስለዚህ በርባንን ከሞት ፍርድ አድኖ ያስፈታው ሕዝቡ ሳይሆን ጌታችን ነበር፡፡

ጌታችን በዚያች ዕለት የበርባንን ሞት ወስዶ የእርሱን ሕይወት ለበርባን ሠጠው ፤ የበርባንን ሰንሰለት አስፈትቶ እርሱ ታሰረ ፤ ከበርባን ጓደኞች ጋር በርባን ሊሰቀል በነበረበት ቦታም ተሰቀለ፡፡ ወዳጄ ሆይ! ልብ ብለህ ከተረዳኸው በርባን እኮ አንተው ነህ! ለበርባን ከተደረገለት ለአንተ ያልተደረገ ነገር ካለ እስቲ ንገረኝ! እንደ በርባን ክርስቶስ ሞትህን ወስዶ ሕይወቱን ፣ እስራትህን ወስዶ ነጻነትን አልሠጠህምን?
ይህንን ያደረገውም ለአንተ ብቻ ሳይሆን ለአዳም ልጅ ሁሉ ነው ፡- ‹‹የእስረኛው በርባን (ወልደ አባ) መፈታቱ አምላካዊ ምሥጢርን የሚያስታውስ ነው፡፡ በኃጢአቱ ምክንያት በሲኦል ውስጥ ታሥሮ የነበረው አዳምን በአዳኙ መሰቀል ምክንያት መድኃኒት አግኝቶ ነጻ መውጣቱን ያስታውሳል›› / ‹‹እስመ ተፈትሕዎቱ ለወልደ አባ ሙቁሕ ያዜክር ምሥጢራተ አምላካዊ ያሌቡ ግዕዛነ አዳም ዘኮነ ሙቁሐ ውስተ ሲኦል በእንተ ኃጢአቱ ወረከበ መድኃኒተ በስቅለተ መድኅን›› እንዲል፡፡

በዚያች የዕለተ ዓርብ ረፋድ ላይ ያስፈታውን የማያውቀው ይህ ወንበዴ ሰንሰለቱ ተፈትቶ ወደ ቤቱ ሲሔድ ጌታችን ግን ለመከራና ለመስቀል ተሠጠ፡፡ እውነቱንስ ለመናገር እኛ ክርስቲያኖች በርባን በመፈታቱ ላይ ላዩን ብናዝንም ውስጥ ውስጡን ግን ደስ ብሎናል!

‹‹…በርባን ቢሰቀል ኢየሱስ ቀርቶ
ምን ይጠቅመናል ሽፍታ ሞቶ
እንኳን ኢየሱስን ሰቀሉት
የሞቱን መድኃኒት …››
ብለው መሪጌታ ፍቅሩ ሣህሉ በበገናቸው ጨርሰውታል፡፡

(ሕማማት ከሚለው መጽሐፍ ለመድኃኔ ዓለም የስቅለቱ መታሰቢያ የተወሰደ)

የዲ/ን ሄኖክ ኃይሌ ትምህርቶች

30 de mar. de 2026, 18:09

የቅዱስ ጳውሎስ የዕብራውያን መልክት በዲያቆን አቤል ካሳሁን መኩሪያ የቴሌግራም እና የቲክ ቶክ ገፅ ላይ ቀጥታ ስርጭት ጀምሯል።

በቴሌግራም መከታተል የምትፈልጉ በዚህ link ተቀላቀሉ።
https://t.me/Dnabel

7,140

የዲ/ን ሄኖክ ኃይሌ ትምህርቶች

30 de mar. de 2026, 18:09

🎥 Video

"ምንመራው በሀይማኖተ አበው እንጂ በሀይማኖተ አብ አይደለም!!"
.
.
.
.
"አንድ ጠብታ ዝናብ አይሆንም"
.
.
.
.
"Consensus Of Father's"

11,300

194

የዲ/ን ሄኖክ ኃይሌ ትምህርቶች

30 de mar. de 2026, 18:09

📷 Photo

ኦርቶዶክሳዊ ቅድመ ጋብቻ ትምህርት በኢጃት አማካኝነት እንደሚሰጥ ይታወቃል። በመሆኑም ጋብቻ ለማከናወን እየተዘጋጃችሁ የምትገኙ ጥንዶች ከመጋቢት 14/2018 ዓ/ም ጀምሮ የቅድመ ጋብቻ ትምህርት የመማር ፍላጎት ያላችሁ። በዚህ link ምዝገባ ማድረግ እንደምትችሉ ለመግለፅ እንወዳለን።

https://docs.google.com/forms/d/e/1FAIpQLSf6KVr1kaym9X77oz3L1xNXVVHwWFFiXlnTvs4p1I1WoWryvA/viewform?usp=publish-editor

10,600

የዲ/ን ሄኖክ ኃይሌ ትምህርቶች

30 de mar. de 2026, 18:09

📷 Photo

#የመጋቢት_ወር ተነባቢ መፅሐፍ

📚 ማር ይስሐቅ

Hard ያላችሁ በHard አንብቡ የሌላችሁ ደሞ በPDF ይነበብ።

የPDF መገኛ Link 👉👇
https://t.me/Orthodox_Doctrine1
https://t.me/Orthodox_Doctrine1
መልካም ንባብ ይሁንልን።

6,820

የዲ/ን ሄኖክ ኃይሌ ትምህርቶች

30 de mar. de 2026, 18:09

📷 Photo

📚 ህማማት

12,100

346

የዲ/ን ሄኖክ ኃይሌ ትምህርቶች

30 de mar. de 2026, 18:09

📷 Photo

📚 አዲስ መፅሐፍ
ኦርቶዶክሳዊ ነገረ ሥላሴ

በዲ/ን ዮሐንስ ጌታቸው

11,200

131

የዲ/ን ሄኖክ ኃይሌ ትምህርቶች

30 de mar. de 2026, 18:09

ጉባኤ ፊልጶስ

በጃንደረባው ሚዲያ የYouTube ቻናል በመጋቢ ዶ/ር ሮዳስ ታደሰ

https://youtu.be/ed9jZY3dA68?si=JBPtR9X5x2WF_EAX

10,200

የዲ/ን ሄኖክ ኃይሌ ትምህርቶች

30 de mar. de 2026, 18:09

📷 Photo

#የመጋቢት_ወር ተነባቢ መፅሐፍ

📚 ማር ይስሐቅ

Hard ያላችሁ በHard አንብቡ የሌላችሁ ደሞ በPDF ይነበብ።

የPDF መገኛ Link 👉👇
https://t.me/Orthodox_Doctrine1
https://t.me/Orthodox_Doctrine1
መልካም ንባብ ይሁንልን።

19,100

የዲ/ን ሄኖክ ኃይሌ ትምህርቶች

30 de mar. de 2026, 18:09

pinned a photo

የዲ/ን ሄኖክ ኃይሌ ትምህርቶች

30 de mar. de 2026, 18:09

📷 Photo

አቤቱ የምኅረት ፊትህን መልስልን!
#ጋሞ
ላረፉት ወገኖች ነፍስ ይማር ለቤተሰብ መጽናናት ይሁን!

12,200

212

Showing 20 of 20 posts

No more posts

Avaliação

Avaliações de Usuários (0)

Nenhuma avaliação ainda. Seja o primeiro a compartilhar sua experiência!

Canais Relacionados do Telegram

Telegram Channels about Israel / Israël / Israele قنوات تلغرام عن إسرائيل - ערוצי טלגרם על ישראל

5390

Lustige Tier Videos und mehr fürs Herz ❤️ um dir ein Lächeln zu schenken

8100

Küchenzauber: Dein Kochkanal

4.3k0

Seelenkompass: Psychologie der Liebe und Beziehungen

4080

Loading recommended channels...

የዲ/ን ሄኖክ ኃይሌ ትምህርቶች

የዲ/ን ሄኖክ ኃይሌ ትምህርቶች

Classificação

Crescimento de Participantes (Últimos 10 Dias)

Últimos Posts

Avaliação

Avaliações de Usuários (0)

Canais Relacionados do Telegram

Qoss

Dr Michael Nehls ꙳

Reisekanal: Die schönsten Reisen weltweit

Vollgas. Alles über Autos und Verkehr

Telegram Channels about Israel / Israël / Israele قنوات تلغرام عن إسرائيل - ערוצי טלגרם על ישראל

Lustige Tier Videos und mehr fürs Herz ❤️ um dir ein Lächeln zu schenken

Küchenzauber: Dein Kochkanal

Seelenkompass: Psychologie der Liebe und Beziehungen

Canais Relacionados do Telegram

Qoss

Dr Michael Nehls ꙳

Reisekanal: Die schönsten Reisen weltweit

Vollgas. Alles über Autos und Verkehr

Telegram Channels about Israel / Israël / Israele قنوات تلغرام عن إسرائيل - ערוצי טלגרם על ישראל

Lustige Tier Videos und mehr fürs Herz ❤️ um dir ein Lächeln zu schenken

Küchenzauber: Dein Kochkanal

Seelenkompass: Psychologie der Liebe und Beziehungen

Avaliações de Usuários (0)

Últimos Posts