ESAT (ኢሳት🇪🇹)®

Public

Ver Canal

Não consegue entrar? @Esat_tv1

212.6k Membros

Atualizado: May 11, 2026 at 12:16 PM

ESAT (ኢሳት🇪🇹)®

ለማንኛውም አስተያየት እና ጥቆማ 👉 @Esat_tv_comment_bot 🇪🇹ኢሳት የኢትዮጵያ አይን እና ጆሮ🇪🇹

Follow @Esat_tv1 to stay updated with the latest esat_tv_comment_bot trends and news

Classificação

Classificação Global

#456

Classificação por Idioma

#45

Classificação por Categoria

#23

-1

Crescimento de Participantes (Últimos 9 Dias)

Total: 212.6K

crescimento 24h: -1389 1%

Últimos Posts

ESAT (ኢሳት🇪🇹)®

12 de mai. de 2026, 10:43

📷 Photo

በማሊ ወታደራዊ ተቋማት ላይ በታጣቂዎች በተፈጸመ የተቀናጀ ጥቃት የመከላከያ ሚኒስትሩ ሳዲዮ ካማራ ተገደሉ‼️

በማሊ በመላ ሀገሪቱ በሚገኙ ወታደራዊ ተቋማት ላይ በታጣቂዎች በተፈጸመ የተቀናጀ ጥቃት፣ የሀገሪቱ የመከላከያ ሚኒስትር ጄነራል ሳዲዮ ካማራ መገደላቸውን የመንግሥት ቃል አቀባይ አረጋገጡ።

የመንግሥት ቃል አቀባዩ ኢሳ ኡስማን ኩሊባሊ እሁድ ሚያዝያ 19 ቀን 2018 ዓ.ም. ባወጡት መግለጫ፤ ጄነራል ሳዲዮ የተገደሉት ታጣቂዎች መኖሪያ ቤታቸውን ኢላማ አድርገው በፈጸሙት ጥቃት መሆኑን ገልጸዋል።

በካቲ ከተማ የሚገኘው የመከላከያ ሚኒስትሩ መኖሪያ ቤት ቅዳሜ ሚያዝያ 18 ቀን 2018 ዓ.ም. ጥቃት የደረሰበት ሲሆን፣ ጥቃቱ ከአልቃይዳ ጋር ግንኙነት ባላቸው ታጣቂዎች እና በቱዋሬግ አማፂያን በጋራ የተፈጸመ መሆኑ ተመላክቷል።

ጄነራል ሳዲዮ በ2012 እና 2013 ዓ.ም. በተካሄዱት ተከታታይ መፈንቅለ መንግሥት ሥልጣን በያዘው ወታደራዊ መንግሥት ውስጥ ቁልፍ ሰው ነበሩ።

የአልጄዚራው ዘጋቢ ኒኮላስ ሐክ ስለ ጉዳዩ ሲናገር፤ “ጄነራል ሳዲዮ በገዥው ወታደራዊ አመራር ውስጥ ከፍተኛ ተፅዕኖ ከነበራቸው ግለሰቦች አንዱ ሲሆኑ፣ አንዳንዶችም እንደ ወደፊት የማሊ መሪ አድርገው ይመለከቷቸው ነበር” ብሏል። አክሎም “የእሳቸው መሞት ለሀገሪቱ ጦር ኃይሎች ትልቅ ኪሳራ ነው” ሲል ገልጿል።

92,100

262

ESAT (ኢሳት🇪🇹)®

12 de mai. de 2026, 10:43

📷 Photo

ኢራን የመከላከያ ቴክኖሎጂዋን ለሻንጋይ የትብብር ድርጅት አባል ሀገራት ለማካፈል ዝግጁ መሆኗን ገለጸች‼️

ኢራን ያሏትን የመከላከያ ትጥቅና የቴክኖሎጂ አቅሞች ለ‹‹ገለልተኛ ሀገራት›› በተለይም ደግሞ ለሻንጋይ የትብብር ድርጅት አባል ሀገራት ለማካፈል ዝግጁ መሆኗን አስታወቀች።

የኢራን ምክትል የመከላከያ ሚኒስትር ሬዛ ታላይ-ኒክ እንደገለጹት፤ ቴህራን በራሷ አቅም ያበለጸገቻቸውን የመከላከያ ትጥቆችና የቴክኖሎጂ ውጤቶች ለወዳጅ ሀገራት ለማጋራት ፍላጎት አላት።

ምክትል ሚኒስትሩ በተለይ ትኩረት የሰጡት የሻንጋይ የትብብር ድርጅት አባል ሀገራትን ሲሆን፤ ኢራን ከእነዚህ ሀገራት ጋር ያላትን ወታደራዊና የመከላከያ ትብብር ለማጠናከር እንደምትፈልግ ጠቁመዋል።

ይህም ለቀጣናው ሰላምና ደህንነት መከበር ከፍተኛ አስተዋጽኦ ይኖረዋል ብለዋል።

ኢራን በቅርብ ዓመታት በተለይም በሚሳዔል እና በሰው አልባ አውሮፕላኖች (ድሮን) ቴክኖሎጂ ከፍተኛ እድገት ማሳየቷ የሚታወስ ሲሆን፤ ይህ የቴክኖሎጂ ሽግግር ጥሪ የቀረበው ሀገሪቱ በምዕራባውያን አገራት ላይ ያላትን ጥገኝነት ለመቀነስና ከምስራቁ ዓለም ጋር ያለውን ግንኙነት ለማጠናከር በምታደርገው ጥረት አካል እንደሆነ ተነግሯል።

የሻንጋይ የትብብር ድርጅት እንደ ቻይና፣ ሩሲያ፣ ህንድ እና ፓኪስታን ያሉ ሀገራትን በአባልነት የያዘ ሲሆን ኢራንም በቅርቡ የድርጅቱ ሙሉ አባል መሆኗ ይታወቃል ሲል አል-አረቢያ ዘግቧል።

99,200

ESAT (ኢሳት🇪🇹)®

12 de mai. de 2026, 10:43

📷 Photo

ኢራን ለተኩስ አቁም ስምምነቱ እውቅና እንደማትሰጥ አስታወቀች‼️

በመካከለኛው ምስራቅ የነበረው ደካማ ሰላም አደጋ ላይ ወድቋል፤ ቴህራን ወታደራዊ እርምጃ ልወስድ እችላለሁ በማለት ዝግጅቷን እያሳየች ነው።

የኢራን መንግሥታዊ መገናኛ ብዙኃን ባስተላለፉት አስቸኳይ መረጃ መሠረት፣ ሀገሪቱ በቅርቡ የተደረሰውንና የተራዘመውን የተኩስ አቁም ስምምነት እንደማታውቀው በይፋ ገልጻለች።

የቴህራን ባለሥልጣናት እንደተናገሩት ከሆነ ኢራን በማንኛውም ስምምነት የምትገዛው የራሷን ብሔራዊ ጥቅም ብቻ መሠረት በማድረግ ሲሆን፣ ይህንን ጥቅሟን ለማስከበር ስትልም አስፈላጊውን ወታደራዊ እርምጃ ለመውሰድ ወደኋላ እንደማትል ፍንጭ ሰጥተዋል።

ይህ ያልተጠበቀ አቋም ቀጣናውን ወደ ከፍተኛ ውጥረትና አለመረጋጋት የከተተው ሲሆን፣ በዓለም አቀፉ ማህበረሰብ ዘንድ ትልቅ ተስፋ ተጥሎበት የነበረው የተኩስ አቁም ስምምነት አሁን ላይ የመፍረስ አደጋ ተጋርጦበታል።

የኢራን ባለሥልጣናት በሰጡት ማብራሪያ ሀገራቸው ለማንኛውም ዓይነት የኃይል እርምጃ ዝግጁ መሆኗን በማሳሰብ፣ ቀጣይ ውሳኔዎቻቸው በወቅታዊ የፀጥታ ሁኔታዎችና በብሔራዊ ደህንነታቸው ላይ ብቻ የተመሰረቱ እንደሚሆኑ አስታውቀዋል።

97,600

ESAT (ኢሳት🇪🇹)®

12 de mai. de 2026, 10:43

📷 Photo

የታሸገ ውሃ የዋጋ ጭማሪ በዓለም አቀፍ ቀውስ ምክንያት መሆኑ ተገለጸ‼️

በቅርቡ በታሸጉ የውሃ ምርቶች ላይ የታየው የዋጋ ጭማሪ በዓለም አቀፍ አለመረጋጋት የተፈጠረ እንጂ በሀገር ውስጥ ካለው የምርት አቅርቦት ጋር የተያያዘ አለመሆኑን በኢንዱስትሪ ሚኒስቴር የምግብና መጠጥ ኢንዱስትሪ ምርምርና ልማት ማዕከል ሥራ አስኪያጅ አቶ ደበበ ወርቁ ለመናኸሪያ ሬዲዮ ተናግረዋል።

የታሸገ ውሃ አምራቾች የጥሬ ዕቃ ግብዓቶችን ከውጭ ሀገራት የሚያስገቡ በመሆኑ፣ አሁን ላይ ግብዓቶቹን በሚፈለገው መጠን ማስገባት አለመቻሉን ሥራ አስኪያጁ ገልጸው፤ በዚህም ምክንያት በምርቶች ላይ የዋጋ ጭማሪ መታየቱን አስረድተዋል።

ቀደም ሲል በታሸገ ውሃ አምራቾች በኩል የሚነሱ የውጭ ምንዛሬ እና የግብዓት አቅርቦት ጥያቄዎች ምላሽ አግኝተው፣ በአሁኑ ወቅት ከአንድ መቶ በላይ አምራቾች ወደ ዘርፉ መቀላቀላቸውን ሥራ አስኪያጁ አስታውሰዋል። ያሉት አምራቾችም በሙሉ አቅማቸው እየሰሩ በመሆኑ ከአቅርቦት ጋር የተያያዘው ችግር መፈታቱን አብራርተዋል።

በቅርቡ በሁሉም የታሸጉ የውሃ ምርቶች ላይ የታየው የዋጋ ጭማሪ ወቅታዊ መሆኑን የገለጹት አቶ ደበበ፣ የዓለም አቀፍ ገበያው ሲረጋጋ ችግሩ እንደሚቀረፍ አመልክተዋል።

በመጨረሻም በ"ኢትዮጵያ ታምርት" ንቅናቄ ወደ ዘርፉ የሚገቡ አምራቾች ቁጥር እየጨመረ መሆኑን ጠቅሰው፤ በምርት ሂደት ላይ የሚታዩ የዋጋ፣ የጥራት እና መሰል ችግሮች እንዲፈቱ ተቋሙ ከሚመለከታቸው ባለድርሻ አካላት ጋር በቅንጅት እየሰራ እንደሚገኝ ተናግረዋል።

https://t.me/Esqt_tv1

110,000

ESAT (ኢሳት🇪🇹)®

12 de mai. de 2026, 10:43

📷 Photo

አሜሪካ የኢራንን የጭነት መርከብ መቆጣጠሯን ተከትሎ ኢራን የአጸፋ እርምጃ እንደምትወስድ ዛተች፤ በአዲሱ የሰላም ንግግር ላይም ለመሳተፍ “ውሳኔ ላይ አልደረስኩም” አለች‼️

አሜሪካ በሆርሙዝ የባሕር ሰርጥ አቅራቢያ የኢራን ሰንደቅ ዓላማ ያረፈበትን የጭነት መርከብ መቆጣጠሯን ተከትሎ ኢራን የአጸፋ እርምጃ እንደምትወስድ አስጠነቀቀች።

ድርጊቱ በአሜሪካ ወታደራዊ ከበባ ሳቢያ እየናረ የመጣውን ውጥረት ይበልጥ አባብሶታል።

የአሜሪካ ባሕር ኃይል የኢራን ሰንደቅ ዓላማ ያረፈበትን የጭነት መርከብ የተቆጣጠረው “ከበባውን ለማስፈጸም” በወሰደው እርምጃ አካል በከፈተው ነው ያለ ሲሆን፣ ይህም ከቴህራን ጠንከር ያለ ምላሽ አስከትሏል።

የኢራን ወታደራዊ ባለሥልጣናት ድርጊቱ “ያለ ምላሽ እንደማያልፍ” ያስጠነቀቁ ሲሆን፣ ስትራቴጂካዊ በሆነው የባሕር መስመር ላይም ተጨማሪ ግጭት ሊቀሰቀስ እንደሚችል ፍንጭ ሰጥተዋል።

ይህ በእንዲህ እንዳለ፣ ዳግም ስለሚጀመረው ዲፕሎማሲያዊ ጥረት እርግጠኛ ያልሆኑ ሁኔታዎች ተፈጥረዋል።

ጄዲ ቫንስ እና ሌሎች የአሜሪካ ተደራዳሪዎች ለአዲስ ዙር ንግግር ወደ ፓኪስታን ያመራሉ ተብሎ ቢጠበቅም፣ ኢራን ግን እስካሁን ተሳትፎዋን አላረጋገጠችም።

የኢራን የውጭ ጉዳይ ሚኒስቴር በቀረበው የድርድር ጥሪ ላይ ስለመካፈል “ምንም ዓይነት ውሳኔ አልተላለፈም” ያለ ሲሆን፣ ይህም ውጥረቱ እየጨመረ ባለበት በዚህ ወቅት ውይይቱን ለመቀጠል የሚደረገውን ጥረት ጥርጣሬ ላይ ጥሎታል።

88,800

ESAT (ኢሳት🇪🇹)®

12 de mai. de 2026, 10:43

📷 Photo

ተኩስ አቁሙን አራዝመናል ‼️

🗣️ትራምፕ

የአሜሪካው ፕሬዝዳንት ዶናልድ ትራምፕ ዛሬ ለሊት ያበቃው ከኢራን ጋር የተደረገው የተኩስ አቁም ስምምነት እንዲራዘም መወሰናቸውን አስታውቀዋል።

ፕሬዝዳንቱ ይህን ውሳኔ ያስለለፉት ቴህራን ጦርነቱን ለማቆም የሚያስችል የሰላም ስምምነት የውሳኔ ሃሳብ እንድታቀርብ ተጨማሪ ጊዜ ለመስጠት መሆኑን ገልጸዋል። በዚህ ምክንያት የታቀደው ወታደራዊ ጥቃት ለጊዜው እንዲቆይ መታዘዙን ትራምፕ አመልክተዋል።

ይህ የተኩስ አቁም ማራዘሚያ የተደረገው በፓኪስታን አደራዳሪዎች ጥያቄ መሆኑን አሳውቀዋል።

ትራምፕ ከዚህ ውሳኔያቸው ቀደም ብለው የተኩስ አቁም ስምምነቱን ለማራዘም ፍላጎት እንሌላቸውና " ኢራን ጊዜው እያለቀባት " መሆኑን በመግለጽ ሲዝቱ ነበር።

አሁን ግን የኢራን የሰላም ስምምነት ሃሳብ ቀርቦ ውይይቶች እስከሚጠናቀቁ ድረስ ስምምነቱ ተራዝሞ ወታደራዊ ዝግጁነቱና ከበባው ግን እንዲቀጥል ትዕዛዝ ሰጥተዋል።

በጉዳዩ ላይ ከኢራን በኩል እስካሁን የተሰጠ ይፋዊ ምላሽ ባይኖርም የሀገሪቱ የዜና ምንጮች ግን የቴህራን አቋም በቀጣይ ይፋ እንደሚደረግ አመልክተዋል።

100,000

ESAT (ኢሳት🇪🇹)®

12 de mai. de 2026, 10:43

📷 Photo

ትራምፕ ልዑካቸው ለድርድር ወደ ፓኪስታን መጓዙን ገልጸው ንግግሩ ካልተሳካ የኢራንን ኃይል ማመንጫዎች እንደሚያወድሙ ዛቱ‼️

ፕሬዝዳንት ዶናልድ ትራምፕ የአሜሪካ ልዑክ ከኢራን ጋር ለሚደረገው ሁለተኛ ዙር ድርድር ወደ ፓኪስታን ማቅናቱን ገለጹ። በአሁኑ ድርድር አሜሪካ የምታቀርበውን ስምምነት ኢራን የማትቀበል ከሆነ በአገሪቱ የሚገኙ “የኃይል ማመንጫዎች እና ድልድዮችን እንደሚመቱ” ዝተዋል።

ትራምፕ በትሩዝ ሶሻል ማኀበራዊ ሚዲያ ገጻቸው ባሰፈሩት ጽሑፍ፤ “የእኔ ተወካዮች ወደ ኢስላማባድ፣ ፓኪስታን እየሄዱ ነው። ነገ ማታ ለድርድር እዚያ ይሆናሉ” ብለዋል።

አሜሪካ እና ኢራን በፓኪስታን አሸማጋይነት ባለፈው ሳምንት ድርድር አድርገው የነበረ ቢሆንም ያለ ውጤት መጠናቀቁ ይታወሳል።

በመጀመሪያው ዙር ድርድር የአሜሪካ ልዑክ የተመራው በምክትል ፕሬዝዳንቱ ጄዲ ቫንስ ሲሆን የኢራን ተደራዳሪ ቡድን ደግሞ በአፈ ጉባኤው ሞሐማድ ባገር ጋሊባፍ ተመርቷል።

ትራምፕ በዛሬው ጽሑፋቸው፤ “እጅግ ፍትሐዊ እና ምክንያታዊ ስምምነት አቅርበናል፤ እንደሚቀበሉት ተስፋ አደርጋለሁ” ብለዋል።

አክለውም ግን “የማይቀበሉት ከሆነ አሜሪካ ኢራን ውስጥ ያሉትን እያንዳንዱን የኃይል ማመንጫ እና ድልድይ ትመታለች” ሲሉ አስጠንቅቀዋል።

86,700

ESAT (ኢሳት🇪🇹)®

12 de mai. de 2026, 10:43

📷 Photo

ኢትዮጵያ በኤሌክትሪክ የሚሰሩ ከባድ የጭነት ተሽከርካሪዎችን ወደ ሀገር ውስጥ ማስገባት መጀመሯን የትራንስፖርት እና ሎጂስቲክስ ሚኒስቴር አስታወቀ‼️

ኢትዮጵያ ወደ ኤሌክትሪክ ተሽከርካሪዎች እያደረገች ያለው ሽግግር ወደ ከባድ የጭነት ተሽከርካሪዎች (ገልባጮች) መሸጋገሩን የትራንስፖርት እና ሎጂስቲክስ ሚኒስቴር ገለጸ።

ሚኒስቴሩ እሁድ ሚያዝያ 11 ቀን 2018 ዓ.ም. ባወጣው መረጃ መሠረት፤ በኤሌክትሪክ የሚሰሩ ከባድ የጭነት ተሽከርካሪዎች አሁን ላይ ወደ ሀገር ውስጥ እየገቡ ይገኛሉ። ይህም ሀገሪቱ ቀደም ሲል የጀመረችውን የኤሌክትሪክ መኪኖች ሽግግር ይበልጥ የሚያጠናክር መሆኑ ገልጿል።

እንደ ሀገር የኤሌክትሪክ መኪኖች ብቻ ወደ ሀገር ውስጥ እንዲገቡ ማድረግ የተጀመረው ሽግግር፣ አሁን ላይ አዲስ የፖሊሲ ለውጥ በመደረጉ መሆኑንም ሚኒስቴሩ አመልክቷል። በዚህም መሠረት “በኤሌክትሪክ የሚሰሩ ከባድ የጭነት ተሽከርካሪዎች እና የኢንዱስትሪ መሣሪያዎች አሁን የእቅዱ አካል ናቸው” ሲል ሚኒስቴሩ ጨምሮ ገልጿል።

ከቅርብ ጊዜያት ወዲህ፣ መንግሥት የነዳጅ ወጪን ለመቀነስና የአካባቢ ጥበቃ ፖሊሲዎቹ ሳቢያ የኤሌክትሪክ ተሽከርካሪዎች አጠቃቀም ላይ ትኩረት ሰጥቶ እየሠራ መሆኑን ሲገልጽ ሰንብቷል። አሁን የተጀመረው “ወደ ኤሌክትሪክ የሚሰሩ ከባድ የጭነት ተሽከርካሪዎች” ሽግግርም የሎጂስቲክስ ዘርፉን ይበልጥ ዘመናዊና ወጪ ቆጣቢ እንደሚያደርገው ሚኒስቴሩ ገልጿል።

86,200

ESAT (ኢሳት🇪🇹)®

12 de mai. de 2026, 10:43

📷 Photo

የሆርሙዝ ወሽመጥ ለሁሉም ክፍት መሆኑን ኢራን አስታወቀች‼️

በሊባኖስ የተደረገውን የተኩስ አቁም ስምምነት ተከትሎ፣ የሆርሙዝ ወሽመጥ ለሁሉም የንግድ መርከቦች ክፍት መሆኑን የኢራን የውጭ ጉዳይ ሚኒስትር አስታውቀዋል።

እንደ ሚኒስትሩ ገለጻ፣ የተኩስ አቁም ስምምነቱ ባለበት ጊዜ ሁሉ ማንኛውም የንግድ መርከብ ያለምንም እንቅፋት በወሽመጡ ማለፍ ይችላል።

ኢራን ጊዜያዊ የተኩስ አቁምን እንደማትቀበልና ይልቁንም በመላው ቀጣናው ለተቀሰቀሰው ጦርነት ዘላቂ መፍትሔ እንዲመጣ እንደምትፈልግ የሀገሪቱ ምክትል የውጭ ጉዳይ ሚኒስትር ገልጸዋል።

ይህ ውሳኔ በዓለም አቀፍ የንግድ እንቅስቃሴ ላይ ያለውን ውጥረት ያረግባል ተብሎ ይጠበቃል::

88,100

622

ESAT (ኢሳት🇪🇹)®

12 de mai. de 2026, 10:43

📷 Photo

ኢራን የሆርሙዝ ወሽመጥን (Strait of Hormuz) ዳግመኛ መዝጋቷን አስታውቃለች‼️

የሀገሪቱ ጦር ኃይል ሆርሙዝ በድጋሚ ከመከፈቱ በፊት አሜሪካ በኢራን ወደቦች ላይ የጣለችውን እገዳ ማንሳት እንዳለባት ገልጿል።

ትራምፕ በመጪው ረቡዕ ኢራን ስምምነት ካልፈፀመች የቦንብ ናዳ ማዝነብ እንጀምራለን ብለዋል።

99,100

463

ESAT (ኢሳት🇪🇹)®

29 de mar. de 2026, 07:51

📷 Photo

እስራኤል እና አሜሪካ በኢራን የኢነርጂ መሰረተ ልማት ላይ ጥቃት ፈጸሙ‼️

እስራኤል እና አሜሪካ በኢራን ኢስፋሃን እና ኮራምሻህር የኢነርጂ መሰረተ ልማቶች ላይ ጥቃት ፈጽመዋል፡፡

የአሜሪካ ፕሬዚዳንት ዶናልድ ትራምፕ በኢራን የኢነርጂ መሰረተ ልማት ላይ ለመፈፀም የተቀመጠው የጊዜ ገደብ ወደ አምስት ቀናት መራዘሙን ትናንትና ካስታወቁ በኋላ ጥቃቱ መፈጸሙን ዘገባዎች አመልክተዋል።

የኢራን መገናኛ ብዙኃንን ጠቅሶ አናዶሉ እንደዘገበው፤ በኢስፋሃን የኢነርጂ ጣቢያ በተፈፀመው ጥቃት በአካባቢው የሚገኘው የተፈጥሮ ጋዝ አስተዳደር ህንጻ እና የጋዝ ግፊት መቆጣጠሪያ ማዕከል ላይ ጉዳት ደርሷል፡፡

በተመሳሳይ በኮራምሻህር የኢነርጂ መሰረተ ልማት ላይ በተፈፀመ ጥቃት በጋዝ ማስተላለፊያ ቱቦ ላይ ጉዳት መድረሱ ተገልጿል፡፡

ይሁን እንጂ በሁለቱም የኢነርጂ መሰረተ ልማቶች ላይ በተፈፀመው ጥቃት የከፋ ጉዳት አለመድረሱ እና በሁለቱም ስፍራዎች ያለው የኃይል አቅርቦት እንዳልተስተጓጎለ ነው የተገለጸው፡፡

ከጥቃቱ በኋላ ኢራን በወሰደችው አጸፋ በእስራኤል ኔጌቭ፣ ዲሞና፣ ቴል አቪቭ እና ኤሊያት ከተሞች እንዲሁም በመካከለኛው ምስራቅ በሚገኙ የአሜሪካ የጦር ሰፈሮች ላይ ጥቃት መፈጸሟን የኢራን አብዮታዊ ዘብ አስታውቋል፡፡

ምሽት ላይ ኢራን በቴል አቪቭ በፈጸመችው ጥቃት በመኖሪያ ህንፃዎች ላይ ከፍተኛ ጉዳት ሲደርስ፤ ስድስት ሰዎች ደግሞ ጉዳት ማስተናገዳቸውን የእስራኤል ጤና ሚኒስቴር አስታውቋል፡፡

60,000

ESAT (ኢሳት🇪🇹)®

29 de mar. de 2026, 07:51

📷 Photo

ፕሬዝዳንት ትራምፕ የሆርሙዝ ወሽመጥን ለማስከፈት ያስቀመጡትን ቀነ ገደብ በአምስት ቀናት አራዘሙ‼️

የአሜሪካው ፕሬዝዳንት ቴህራን ላይ በኢራን የኃይል መሠረተ ልማቶች ላይ ጥቃት ለመፈጸም አስቀምጠውት የነበረውን የ48 ሰዓታት የጊዜ ገደብ ወደ አምስት ቀን አራዘሙ።

ዶናልድ ትራምፕ በመካከለኛው ምሥራቅ ስላለው ግጭት ከኢራን ጋር “ሙሉ በሙሉ እና አጠቃላይ መፍትሔ” መድረስን በተመለከተ “ውጤታማ ውይይቶች” ማድረጋቸውን ገልጸዋል።

ፕሬዝዳንቱ በማኅበራዊ ሚዲያ ገጻቸው ላይ ባሰፈሩት መልዕክት "በኢራን የኃይል ማመንጫዎች እና የኢነርጂ መሠረተ ልማቶች ላይ የሚደረጉ ጥቃቶችን ሁሉ ለሌላ ጊዜ አስተላልፋለሁ" ብለዋል።

ትራምፕ ቴህራን የሆርሙዝ ወሽመጥን በ48 ሰዓትት ውስጥ ካልከፈተች የኃይል ማመንጫዎቿን ለማጥቃት ዝተው የነበረ ቢሆንም አሁን ግን ለመጪዎቹ አምስት ቀናት እርምጃውን ማዘግየታቸውን ገልጸዋል።

የአሜሪካው ፕሬዝዳንት ዶናልድ ትራምፕ በትሩዝ ሶሻል የማኅበራዊ ድረ ገጻቸው ላይ ከኢራን ጋር ባለፉት ሁለት ቀናት “በመካከለኛው ምሥራቅ ስላለው አለመረጋጋት ሙሉ እና አጠቃላይ ግጭት መፍትሔ ላይ በጣም ጥሩ እና ውጤታማ ንግግር አድርገናል” ብለዋል።

ትራምፕ እንዳሉት ከኢራን ጋር በተደረገው እና በዚህ ሳምንትም በሚቀጥለው ገንቢ እንዲሁም ዝርዝር ውይይት መነሻ በማድረግ የአገራቸው ጦር ሠራዊት በኢራን የኃይል መሠረተ ልማቶች ላይ ጥቃት እንዳይፈጽም ማዘዛቸውን ገልጸዋል።ይህም ጥቃቱን ለአምስት ቀናት የሚያዘገየው እንደሆነ እና ቀጣይ ውሳኔያቸው እየተካሄደ ባለው ንግግር ላይ እንደሚመሠረት አስታውቀዋል።

65,800

ESAT (ኢሳት🇪🇹)®

29 de mar. de 2026, 07:51

📷 Photo

በፊትአሜሪካ የኢራንን የኒውክሌር ኃይል ማመንጫ እንዳትመታ ሩሲያ አስጠነቀቀች‼️

አሜሪካ በሩሲያ በተገነባው የኢራን የኒውክሌር ኃይል ማመንጫ ላይ የምትፈጽመው ማንኛውም ጥቃት "ሊጠገን የማይችል" መዘዝ ሊያስከትል እንደሚችል ሞስኮ አስጠነቀቀች።

የሩሲያ መንግሥት ቃል አቀባይ ዲሚትሪ ፔስኮቭ ዛሬ መግለጫ በሰጡበት ወቅት፤ ፕሬዝዳንት ዶናልድ ትራምፕ የሆርሙዝ ወሽመጥ የማይከፈት ከሆነ የኢራንን የኒውክሌር ማመንጫዎች “እንደሚያወድሙ” ስለመዛታቸው እንደተጠየቁ የዜና ወኪሉ አሶሺዬትድ ፕሬስ ዘግቧል።

ቃል አቀባዩ ምላሽ ሲሰጡ “አስከፊ በሚባል ደረጃ የተወጠረው” የመካከለኛው ምሥራቅ ሁኔታ ሊፈታ የሚችለው በፖለቲካዊ እና ዲፕሎማሲያዊ አማራጮች ብቻ እንደሆነ ተናግረዋል።

ፔስኮቭ አክለውም፤ በኒውክሌር ተቋማት ላይ የሚፈጸም ማንኛውም ጥቃት "እጅግ አደገኛ እንዲሁም ሊጠገን በማይችል መዘዝ የተሞላ" እንደሚሆን ገልጸዋል። ሩሲያ ይህንን በተመለከተ "ተገቢ የሆኑ ምልክቶችን" ለአሜሪካ ማስተላለፏንም ጠቅሰዋል።

53,200

332

ESAT (ኢሳት🇪🇹)®

29 de mar. de 2026, 07:51

📷 Photo

እስራኤል 8,000 ኢትዮጵያውያን ጥገኝነት ጠያቂዎችን ልታባርር ነው‼️

​እንደ Middle East Eye ዘገባ፣ የእስራኤል መንግሥት በመጪው ሚያዝያ ወር በሀገሪቱ የሚገኙ 8,000 ኢትዮጵያውያን ጥገኝነት ጠያቂዎችን ወደ ሀገራቸው ለመመለስ አቅዷል።

የሕዝብና ኢሚግሬሽን ባለሥልጣን ከሚያዝያ 9 ቀን 2018 ዓ.ም  ጀምሮ ስደተኞቹን በቁጥጥር ስር ማዋልና ማባረር እንደሚጀምር ታውቋል።

​የእርዳታ ድርጅቶች እንደሚገልጹት፣ ሊባረሩ ካሉት መካከል 1,000 ያህሉ ከትግራይ ክልል የመጡ ናቸው።

የእስራኤል ጠቅላይ ፍርድ ቤት መንግሥት "አይሁዳዊ አይደሉም" ያላቸውን እነዚህን ስደተኞች እንዲያባርር ፈቅዷል።

​በአሁኑ ወቅት እስራኤል ውስጥ 72,000 ገደማ ጥገኝነት ጠያቂዎች የሚገኙ ሲሆን፣ ከእነዚህ ውስጥ 57% የሚሆኑት በድህነት ውስጥ እንደሚኖሩ የ Assaf ድርጅት መረጃ ያመለክታል።

መንግሥት ስደተኞቹን "ህገ-ወጥ ሰርጎ ገቦች" በሚል መፈረጁም ተገልጿል።

70,400

604

ESAT (ኢሳት🇪🇹)®

29 de mar. de 2026, 07:51

📷 Photo

ኢራን በሚቀጥሉት 48 ሰዓታት ውስጥ ያለ ምንም ቅድመ ሁኔታ የሆርሙዝ ሰርጥን ካልከፈተች የኢነርጂ አመጪ ተቋሟቿን (Power plant) ሙሉ ለሙሉ እናወድማለን" (Obliterate) ሲሉ ተደምጠዋል‼️

ትራምፕ ከቀናት በፊት ጦርነቱን አሸንፈናል፣ኢራን የአየር ሀይል የላትም፣ የባህር ሀይል የላትም፣ የኑክሌያር ሳይቷ ወድሟል ብለው ነበር።

የአሜሪካ ከባድ ምሽግ ሰባሪ ቦንብ መጣል የሚችለው B-2 አውሮፕላን ወደ ኢራን አቅጣጫ እያመራ ይገኛል።

57,100

434

ESAT (ኢሳት🇪🇹)®

29 de mar. de 2026, 07:51

📷 Photo

የኢራን የመሪዎች ግድያ ቀጥሏል‼️

የኢራን ከፍተኛ ወታደራዊ ቃል አቀባይ በመሆን ሲያገለግሉ የነበሩት አሊ መሀመድ ናይኒ እስራኤል ዛሬ ጠዋት በፈፀመችው የአየር ጥቃት መገደላቸውን አራን አስታውቃለች። ኢራን በተያዘው ሳምንት ብቻ አምስት ቁልፍ መሪዎቿን አጥታለች።

73,300

437

ESAT (ኢሳት🇪🇹)®

29 de mar. de 2026, 07:51

📷 Photo

የዒድ አል-ፊጥር በዓል አርብ ይከበራል ‼️

ዛሬ ጨረቃ ባለመታየቷ ነገ ረመዷን 30 ሆኖ ዒድ አል ፊጥር በዓል ደግሞ አርብ መጋቢት 11 እንደሚከበር ይፋ ተደርጓል ።

ለመላው የእስልምና እምነት ተከታዮች በሙሉ ከወዲሁ እንኳን ለ1447 ተኛው የዒድ አል ፊጥር በዓል በሰላም አደረሳቹ ለማለት እንወዳለን ።

ኢድ ሙባረክ 🫶❤

90,200

468

ESAT (ኢሳት🇪🇹)®

29 de mar. de 2026, 07:51

📷 Photo

ብሔራዊ ባንክ የ RTGS የሥራ ሰዓት እንዲራዘም ወሰነ‼️

​የኢትዮጵያ ብሔራዊ ባንክ በሀገሪቱ ባንኮች መካከል የሚደረገውን ፈጣን የገንዘብ ዝውውር ሥርዓት (RTGS) የሥራ ሰዓት እንዲራዘም መወሰኑን ለሁሉም የሥርዓቱ ተጠቃሚዎች በጻፈው ደብዳቤ አስታውቋል።

በዚህም አሁን ላይ በሳምንት 6 ቀን በቀን 9 ሰዓት ይሰራ የነበረው ሥርዓት በቀን ለሁለት ተጨማሪ ሰዓታት እንዲራዘም በማድረግ ከጠዋቱ 2:00 ሰዓት እስከ ምሽቱ 1:00 ሰዓት ድረስ አገልግሎት እንዲሰጥ ተወስኗል።

ከፊታችን መጋቢት 14 ቀን 2018 ዓ.ም ጀምሮ ተግባራዊ የሚሆነው ይህ የብሔራዊ ባንክ ውሳኔ የዘርፉ ተዋናዮች በተራዘመው ሰዓት አገልግሎት እንዲሰጡ በማድረግ ወደ ባንኮች የሚገቡና የሚወጡ የገንዘብ ዝውውሮችን ያለምንም መስተጓጎል እንዲያከናወኑ ጥሪ ቀርቧል።

79,700

361

ESAT (ኢሳት🇪🇹)®

29 de mar. de 2026, 07:51

📷 Photo

የ1447ኛው ዓ.ሂ የኢድ አልፈጥር በዓል መቼ እንደሚከበር ዛሬ ምሽት ይታወቃል‼️

በታላቅ ድምቀት የሚከበረው የ1447ኛው ዓ.ሂ የኢድ አልፈጥር በዓል የሚውልበት ቀን፣ ዛሬ ረቡዕ ምሽት በሚደረገው የጨረቃ ምልከታ መሠረት እንደሚታወቅ ተገልጿል።

በሳዑዲ አረቢያና በተለያዩ የዓለማችን ክፍሎች ዛሬ ምሽት የሸዋል ጨረቃ ከታየች፣ ነገ ሐሙስ መጋቢት 10 ቀን 2018 ዓ.ል የኢድ አልፈጥር በዓል የሚከበር ይሆናል።

ሆኖም ዛሬ ምሽት ጨረቃ ካልታየችና የረመዳን ወር 30 ቀናት ሆኖ ካለቀ፣ የፊታችን ጁምዓ መጋቢት 11 ቀን 2018 ዓ.ል በዓሉ በታላቅ ድምቀት ይከበራል።

70,500

352

ESAT (ኢሳት🇪🇹)®

29 de mar. de 2026, 07:51

📷 Photo

እስራኤል የኢራን ቁልፍ የደኅንነት ባለሥልጣን የሆኑት አሊ ላሪጃኒን መግደሏን ተናገረች‼️

የኢራን ብሔራዊ የደኅንነት ጠቅላይ ምክር ቤት ዋና ፀሐፊ አሊ ላሪጃኒ በእስራኤል ጥቃት መገደላቸውን የእስራኤል የመከላከያ ሚኒስትር ኢዝራኤል ካትዝ አስታወቁ።

ሌሊቱን በተፈጸመ ጥቃት መገደላቸው የተነገረው ላሪጃኒ በኢራን መንግሥት ውስጥ ከፍተኛ ተሰሚነት ከነበራቸው መሪዎች መካከል አንዱ ናቸው።

የባለሥልጣኑ በእስራኤል ዒላማ መሆን እየተነገረ በነበረበት ጊዜ ቢያንስ ሁለት የኢራን መገናኛ ብዙኃን ከፍተኛ የደኅንነት ባለሥልጣናትን ጠቅሰው ግለሰቡ በአጭር ጊዜ ውስጥ መግለጫ ይሰጣሉ ብለው ነበር።

አንድ የእስራኤል ወታደራዊ ባለሥልጣን አሊ ላሪጃኒ በእስራኤል መከላከያ ዒላማ መደረጋቸውን ለቢቢሲ አረጋግጠዋል።

አሊ ላሪጃኒ በኢራን ብሔራዊ የደኅንነት ጠቅላይ ምክር ቤት የሟቹ ጠቅላይ መሪ አያቶላህ አሊ ኻሜኒ ተወካይ እና ዋና ፀሐፊ ሆነው የተሾሙት ባለፈው ዓመት ነሐሴ በፕሬዝዳንት ማሱድ ፔዜሽኪያን ነበር።

ለ12 ዓመታት የኢራን ፓርላማ አፈ ጉባዔ የነበሩት ላሪጃኒ “ለዘብተኛ ወግ አጥባቂ” እንደሆኑ ይነገርላቸዋል፤ በተጨማሪም በኢራን መገናኛ ብዙኃን የጠቅላይ መሪው አማካሪ እንደሆኑ ይጠቀሱ ነበር።

እስራኤል በፈጸመችው ጥቃት መገደላቸው የተነገረው ታዋቂው ኢራናዊ ፖለቲከኛ የፓርላማው አፈ ጉባዔ ከመሆናቸው በፊት ኢራንን ከምዕራባውያን ጋር እያወዛገበ በሚገኘው የኒውክሌር ድርድር ላይ አገራቸውን ወክለው ተደራዳሪ ነበሩ።

በኢራን ፖለቲካ ውስጥ አሊ ላሪጃኒ ብቻ ሳይሆኑ ወንድማቸውም ከፍተኛ ተሰሚነት አላቸው። ወንድማቸው ሴዴጌ ላሪጃኒ በኢራን ሁለት ኃያል ምክር ቤቶች የበላይ አካል የሆነው ጉባዔ ሊቀ መንበር ናቸው።

83,100

Showing 20 of 20 posts

No more posts

Avaliação

Avaliações de Usuários (0)

Nenhuma avaliação ainda. Seja o primeiro a compartilhar sua experiência!

Canais Relacionados do Telegram

Loading recommended channels...

ESAT (ኢሳት🇪🇹)®

ESAT (ኢሳት🇪🇹)®

Classificação

Crescimento de Participantes (Últimos 9 Dias)

Últimos Posts

Avaliação

Avaliações de Usuários (0)

Canais Relacionados do Telegram

Canales

NexTVision IPTV

APD

Mlegacy Tv Official

VK Channel

@ipomogator

apk.cafe

📊Just One or Two Gold Signal Per Day📊

Canais Relacionados do Telegram

Canales

NexTVision IPTV

APD

Mlegacy Tv Official

VK Channel

@ipomogator

apk.cafe

📊Just One or Two Gold Signal Per Day📊

Avaliações de Usuários (0)

Últimos Posts