RFA Burmese

Public

Ver Canal

Não consegue entrar? @rfaburmeseofficial

48.5k Membros

Atualizado: May 11, 2026 at 9:16 PM

RFA Burmese

📧 [email protected] လွတ်လပ်တဲ့အာရှအသံရဲ့ တာဝန်နဲ့ရည်ရွယ်ချက်ဟာ သက်ဆိုင်ရာအစိုးရတွေရဲ့ ပိတ်ပင်ဟန့်တားမှုတွေကြောင့် သတင်းလွတ်လပ်ခွင့်မရှိတဲ့ အာရှနိုင်ငံတွေအတွက် တိကျမှန်ကန်တဲ့ သတင်းအချက်အလက်တွေ ထုတ်လွှင့်ပေးဖို့ ဖြစ်ပါတယ်။

Follow @rfaburmeseofficial to stay updated with the latest burwebrfaorg trends and news

Classificação

Classificação Global

#456

Classificação por Idioma

#45

Classificação por Categoria

#23

-1

Crescimento de Participantes (Últimos 7 Dias)

Total: 48.5K

crescimento 24h: -876 2%

Últimos Posts

RFA Burmese

12 de mai. de 2026, 01:56

ဆွမ်းကပ်နေချိန် ဗုံးကြဲခံရလို့ သုံးဦးသေ၊ ကိုးဦးဒဏ်ရာရ
~~~
မွန်ပြည်နယ် ဘီးလင်းမြို့နယ် မင်းစောရွာ ဘုန်းကြီးကျောင်းမှာ ဧပြီ ၁၉ ရက် မနက် ၁၁ နာရီဝန်းကျင်က သံဃာတွေကို ဆွမ်းကပ်လှူဒါန်းနေချိန် ဗုံးကြဲတိုက်ခိုက်ခံရပြီး ကိုရင်တစ်ပါးအပါအဝင် သုံးဦး သေဆုံးခဲ့တယ်လို့ ကရင်အမျိုးသားအစည်းအရုံး(KNU)က သတင်းထုတ်ပြန်ပါတယ်။

သေဆုံးသူတွေဟာ အသက် ၁၀ နှစ်အရွယ် အရှင်ကေလာသ၊ အသက် ၆၀ အရွယ် နော်မဝဲနဲ့ အသက် ၆၅ နှစ်အရွယ် နော်လှမြင့်တို့ဖြစ်ပါတယ်။

အရှင် ဥတ္တရ ၊ အရှင် ကိတ္တိ ၊ အရှင်မာနိတတို့ အပြင် အသက် ၂၆ နှစ်အရွယ် နော်မုကို့ ၊ အသက် ၂၇ နှစ်အရွယ် နော်မမိုး၊ အသက် ၂၈ နှစ်အရွယ် စောမောင်နူ၊ အသက် ၄၄ နှစ်အရွယ် စောကျော်ကေ့၊ အသက် ၆၂ နှစ်အရွယ် စောဂွတိုနဲ့ အသက် ၇၀ အရွယ် စောမောင်ရွှေတို့ ကိုးဦး ဒဏ်ရာရခဲ့တယ်လို့ ထုတ်ပြန်ချက်မှာဖော်ပြပါတယ်။

https://www.rfa.org/burmese/news/airstrikes-civilians-death-bilin-04212025013334.html

15,400

120

RFA Burmese

12 de mai. de 2026, 01:56

ဦးကျော်မိုးထွန်း ထပ်မံတောင်းဆို
~~~
◼️ ငလျင်ဘေးသင့်ဒေသတွေမှာ စစ်ကောင်စီက လေကြောင်းတိုက်ခိုက်မှုတွေကြောင့် အရပ်သား ပြည်သူတွေ ထိခိုက်သေဆုံးရတာနဲ့ ပတ်သက်ပြီး ကုလသမဂ္ဂ နဲ့ လုံခြုံရေးကောင်စီ တို့က တိကျပြတ်သားတဲ့ အရေးယူမှုတွေ အမြန်ဆုံး ဆောင်ရွက်ပေးဖို့ မြန်မာသံအမတ်ကြီး ဦးကျော်မိုးထွန်း က တောင်းဆိုလိုက်ပါတယ်။

မြန်မာစစ်တပ်က ပြည်သူလူထုတွေအပေါ် ရက်စက်မှုတွေ ကျူးလွန်နေတာနဲ့ပတ်သက်ပြီး ကုလသမဂ္ဂ အတွင်းရေးမှူးချုပ် အန်တိုနီယို ဂူတားရက်စ် ကို မြန်မာသံအမတ်ကြီး ဦးကျော်မိုးထွန်းက ဧပြီလ ၁၄ ရက်နေ့က စာပေးပို့ တောင်းဆိုလိုက်တာပါ။
https://www.rfa.org/burmese/news/earthquake-junta-airstrike-04152025081857.html

22,000

230

RFA Burmese

12 de mai. de 2026, 01:56

သပိတ်ကျင်းမြို့နယ် ရေထွက်ရွာ ဗုံးကြဲတိုက်ခိုက်ခံရမှု သေဆုံးသူ ၂၄ ဦးရှိလာ
~~~
မန္တလေးတိုင်း ပြင်ဦးလွင်ခရိုင် သပိတ်ကျင်းမြို့နယ် ရေထွက်ရွာကို ဧပြီလ ၁၉ ရက် နေ့လယ်မှာ စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့လို့ ကလေးငယ်တွေအပါအဝင် ၂၄ ဦးသေဆုံးပြီး ၃၀ ဝန်းကျင်ဒဏ်ရာရခဲ့တယ်လို့ ဒေသခံတွေကပြောပါတယ်။

နေ့လယ် ၁ နာရီဝန်းကျင်မှာ ပေါင် ၂၀၀ ဗုံးသီးနှစ်လုံးနဲ့ ရေထွက်ရွာထဲကို ကြဲချတိုက်ခိုက်ခဲ့တာလို့ ဆိုပါတယ်။

ထိခိုက်ဒဏ်ရာရသူတွေဟာ အရပ်သားတွေဖြစ်တယ်လို့ လည်း ဒေသခံတစ်ယောက်က ပြောပါတယ်။

https://www.rfa.org/burmese/news/airstrike-civilians-deaths-injured-thabeikkyin-04192025232733.html

16,300

RFA Burmese

12 de mai. de 2026, 01:56

စဉ့်ကူးမြို့နယ် ကျည်တောက်ပေါက်ရွာ ဗုံးကြဲခံရပြီး ဒေသခံခြောက်ဦးဒဏ်ရာရ
~~~
မန္တလေးတိုင်း စဉ့်ကူးမြို့နယ် ကျည်တောက်ပေါက်ရွာ ဧပြီလ ၁၈ ရက်နေ့လယ်ပိုင်းက ဗုံးကြဲခံရပြီး အရပ်သားခြောက်ဦးဒဏ်ရာရခဲ့တယ်လို့ ဒေသခံတွေက ပြောပါတယ်။

စစ်ကောင်စီတပ်က နေ့လယ် ၂ နာရီခွဲဝန်းကျင်မှာ လေယာဉ်နဲ့ ဗုံးကြဲခဲ့တာလို့ ဒေသခံတစ်ဦးက ပြောပါတယ်။

“ပေါင် ၅၀၀ ဗုံးကြဲတာဗျ။ ယောက်ျားလေး လေးဦး၊ မိန်းကလေး နှစ်ဦး ဒဏ်ရာရသွားတာပါ။ သက်လတ်ပိုင်းတွေချည်းပဲဗျ”

https://www.rfa.org/burmese/news/airstrikes-singu-civilians-injured-mandalay-04192025020122.html

13,800

117

RFA Burmese

12 de mai. de 2026, 01:56

ငလျင်အပျက်အစီး တန် နှစ်သန်းခွဲ အရေးပေါ်ဖယ်ရှားဖို့ လိုအပ်နေကြောင်း UNDP ပြော
~~~

◼️ မြန်မာနိုင်ငံမှာ ငလျင်ကြောင့် အပျက်အစီး အနည်းဆုံး တန် နှစ်သန်းခွဲ၊ အကြမ်းဖျဉ်းအားဖြင့် ကုန်တင်ကား ၁၂၅,၀၀၀ စာခန့် အရေးပေါ် ဖယ်ရှားဖို့ လိုအပ်နေတယ်လို့ ကုလသမဂ္ဂဖွံ့ဖြိုးရေးအစီအစဉ် UNDP က ဧပြီလ ၁၄ ရက်နေ့က ထုတ်ပြန်ပါတယ်။

မတ်လ ၂၈ ရက်နေ့က လှုပ်ခတ်ခဲ့တဲ့ ငလျင်ဒဏ်ကြောင့် အပျက်အစီး ကြီးကြီးမားမားရှိခဲ့ပြီး၊ ပြန်လည် ထူထောင်ရေးအတွက် နေအိမ်တွေ၊ ဆေးရုံတွေ နဲ့ အရေးပါတဲ့ အဆောက်အအုံတွေ ချက်ချင်းပြန်လည် တည်ဆောက်ဖို့ အရေးကြီးတယ်လို့ ဆိုပါတယ်။

https://www.rfa.org/burmese/news/undp-myanmar-urgent-removal-debris-04152025005350.html

11,900

RFA Burmese

12 de mai. de 2026, 01:56

📷 Photo

ငလျင်ဘေးအတွက် ရုရှားနိုင်ငံက ထောက်ပံ့ရေးပစ္စည်း တန်ချိန် ၃၀ ကျော် ပေးပို့
~~~
◼️ သမ္မတ ဗလာဒီမာပူတင် ရဲ့ ညွှန်ကြားချက် နဲ့ ငလျင်ဒဏ်သင့် မြန်မာနိုင်ငံအတွက် လူသားချင်းစာနာ ထောက်ထားမှုဆိုင်ရာ အကူအညီ တန်ချိန် ၃၀ ကျော် ပေးအပ်ခဲ့ကြောင်း ရုရှားအစိုးရက ဧပြီ ၁၄ ရက်နေ့က သတင်းထုတ်ပြန်ပါတယ်။

IL-76 လေယာဉ်နဲ့ စည်သွတ်ဘူးတွေ၊ ပဲ ဂျုံ ပြောင်း၊ သကြား နဲ့ ဆေးဝါးပစ္စည်းတွေ အပါအဝင် ထောက်ပံ့ရေးပစ္စည်းတွေ ပို့ဆောင်ပေးခဲ့တယ်လို့ ဆိုပါတယ်။

ဒီအစီအစဉ်ဟာ ငလျင်ဘေးဒဏ်သင့်ပြည်သူတွေကို ကူညီရေးကြိုးပမ်းမှု တစ်စိတ်တပိုင်း ဖြစ်ကြောင်းဖော်ပြပါတယ်။ ဒါပေမယ့် ခွဲဝေထောက်ပံ့မှု အသေးစိတ်ကိုတော့ ထုတ်ဖော် ပြောဆိုတာ မရှိပါဘူး။

ရုရှားအစိုးရဟာ ဧပြီလ ၉ ရက်နေ့ကလဲ အလေးချိန် တန် ၆၀ နီးပါးရှိတဲ့ လူသားချင်စာနာထောက်ထားမှုအကူအညီတွေကို IL-76 လေယာဉ်နှစ်စင်း နဲ့ မြန်မာနိုင်ငံကို ပေးပို့ခဲ့ပါတယ်။
___________

Photo: Ministry of Foreign Affair of Russia

23,700

RFA Burmese

12 de mai. de 2026, 01:56

KNU နယ်မြေမှာ နှစ်ပတ်အတွင်း တိုက်ပွဲကြောင့် အရပ်သားသုံးဦးသေဆုံး၊ ၂၁ ဦးဒဏ်ရာရ
~~~

◼️ ကရင်အမျိုးသားအစည်းအရုံး(KNU) ထိန်းချုပ်ဒေသအတွင်း လေကြောင်းနဲ့ လက်နက်ကြီးတွေကြောင့် ပြီးခဲ့တဲ့ သီတင်းနှစ်ပတ်အတွင်း အရပ်သား သုံးဦးသေဆုံးပြီး နောက်ထပ် ၂၁ ဦး ဒဏ်ရာရခဲ့တယ်လို့ KNU ဗဟိုက ထုတ်ပြန်ပါတယ်။

ငလျင်လှုပ်ခတ်ခဲ့တဲ့ မတ်လ ၂၈ ရက်ကနေ ဧပြီလ ၁၀ ရက်အထိ စစ်ကောင်စီတပ်ရဲ့ တိုက်ခိုက်မှုတွေကြောင့် အရပ်သားတွေ သေဆုံး၊ ထိခိုက်ကြတာလို့ KNU ရဲ့ ဧပြီလ ၁၄ ရက်နေ့ည ထုတ်ပြန်ချက်မှာ ဖော်ပြထားပါတယ်။

သေဆုံးထိခိုက်မှုတွေဟာ ကရင်ပြည်နယ်၊ မွန်ပြည်နယ်နဲ့ ပဲခူးတိုင်းတွေအတွင်းက KNU ထိန်းချုပ်နယ်မြေတွေမှာ ဖြစ်ပေါ်ခဲ့တာပါ။

https://www.rfa.org/burmese/news/knu-myanmarmilitary-airstrike-killing-04152025015515.html

29,400

RFA Burmese

12 de mai. de 2026, 01:56

သာယာဝတီအကျဉ်းထောင် ညှဉ်းပမ်းနှိပ်စက်မှု အချက်အချာနေရာဖြစ်နေ
~~~
မြန်မာနိုင်ငံ သာယာဝတီအကျဉ်းထောင်မှာ ဖမ်းဆီးထိန်းသိမ်းခံနေရတဲ့ နိုင်ငံရေးအကျဉ်းသားတွေ ညှဉ်းပင်္မးနှိပ်စက်မှု၊ ဆေးကုသခွင့်မရမှုတွေနဲ့ အဓမ္မလုပ်အားပေးတွေ ခိုင်းစေခံနေရတယ်လို့ ကမ္ဘာ့ညှဉ်းပမ်းနှိပ်စက်မှုတိုက်ဖျက်ရေးအဖွဲ့ OMCT က ဧပြီ ၁၄ ရက်နေ့က ထုတ်ပြန်ပါတယ်။

၂၀၂၁ စစ်တပ်အာဏာသိမ်းပြီးကထည်းက စစ်ကောင်စီဟာ ထောင်နဲ့ချီတဲ့ နိုင်ငံရေး အတိုက်အခံတွေ၊ ဒီမိုကရေစီရေး လှုပ်ရှားသူတွေနဲ့ အရပ်သားတွေကို လုပ်ကြံဖန်တီးပြီး နိုင်ငံရေးလှုံ့ဆော်မှုစွဲချက်နဲ့ မတရားဖမ်းဆီးထိန်းသိမ်းခဲ့တယ်လို့ ဆိုပါတယ်။

အဲဒီအကျဉ်းထောင်မှာ နိုင်ငံရေးအကျဉ်းသားတွေနဲ့ နာမည်ဆိုးနဲ့ကျော်ကြားတဲ့ အင်းစိန်၊ ဘားအံနဲ့ ပြည်အကျဉ်းထောင်တို့က ပြောင်းရွှေ့လာသူတွေပါအဝင် စုစုပေါင်း အကျဉ်းသား ၃၉၀၀ ကျော် ရှိတယ်လို့ဆိုပါတယ်။

https://www.rfa.org/burmese/news/thayarwady-prison-is-hotbed-of-torture-04142025075548.html

10,100

RFA Burmese

12 de mai. de 2026, 01:56

ငလျင်ဘေးအတွက် လူသားချင်းစာနာမှုအကူအညီ တန်ချိန် သုံးထောင်ကျော်ရရှိထား
~~~
ငလျင်အတွက် လူသားချင်းစာနာမှုအကူအညီ တန်ချိန် ၃၃၈၀ ကျော်ရရှိထားပြီလို့ စစ်ကောင်စီက ဧပြီလ ၁၄ ရက်နေ့ညမှာ သတင်းထုတ်ပြန်ပါတယ်။

နိုင်ငံ၂၄ နိုင်ငံက ငလျင်ဘေးကူညီကယ်ဆယ်ရေးအတွက် လေယာဉ်အခေါက်ရေ ၁၃၃ ကြိမ် ရောက်ရှိခဲ့တယ်လို့ စစ်ကောင်စီပြောခွင့်ရသူ ဗိုလ်ချုပ်ဇော်မင်းထွန်းက နိုင်ငံပိုင်မီဒီယာကတစ်ဆင့် ဧပြီလ ၁၄ ရက်နေ့ညမှာ ပြောဆိုပါတယ်။

ကယ်ဆယ်ရေးဝန်ထမ်း ၁၈၆၂ ဦးအပြင် လူသားချင်းစာနာမှုအကူအညီအတွက် ထောက်ပံ့ရေးပစ္စည်း တန်ချိန် ၂၂၁၀ ကျော်နဲ့ ကယ်ဆယ်ရေးပစ္စည်း တန်ချိန် ၁၁၇၀ လက်ခံရရှိထားပြီလို့ ဆိုပါတယ်။

https://www.rfa.org/burmese/news/earthquake-aid-myanmar-04142025111824.html

12,600

RFA Burmese

12 de mai. de 2026, 01:56

မြန်မာ့ငလျင်ဘေးအတွက် တောင်ကိုရီးယား ထောက်ပံ့ရေးပစ္စည်းတွေပေးပို့

~~~
မြန်မာနိုင်ငံက ငလျင်ဒဏ်သင့်ပြည်သူတွေကို ကူညီထောက်ပံ့ဖို့အတွက် တောင်ကိုရီးယားနိုင်ငံက ပထမဆုံး လူသားချင်းစာနာမှုအကူအညီတွေကို ပေးအပ်ခဲ့ကြောင်း နိုင်ငံခြားရေးဝန်ကြီးဌာနက ဧပြီ ၁၄ ရက်နေ့က ထုတ်ပြန်ပါတယ်။

မတ်လ ၂၈ ရက်က ပြင်းအား ၇.၇ အဆင့်ရှိ ငလျင်လှုပ်ခတ်ခဲ့ပြီးနောက် ကိုရီးယားနိုင်ငံဟာ KOICA (ကိုရီးယား နိုင်ငံတကာပူးပေါင်းဆောင်ရွက်ရေးအေဂျင်စီ ) အရေးပေါ် သိုလှောင်ရုံက အရေးပေါ် ထောက်ပံ့ရေးပစ္စည်းတွေ ပေးပို့ခဲ့တယ်လို့ ဆိုပါတယ်။ ကနဦးပေးပို့မှုမှာ ရွက်ဖျင်တဲ ၅၀၀၊ စောင် ၈၀,၀၀၀ နဲ့ ရေသန့်ဗူး ၄,၀၀၀ ခန့် တန်ဖိုးအားဖြင့် အမေရိကန်ဒေါ်လာ သုံးသိန်းခွဲဖိုး ပါဝင်တယ်လို့ ဆိုပါတယ်။ ကုန်ပစ္စည်းတွေကို လေယာဉ်နဲ့ အဆင့်ဆင့် ပို့ဆောင်ပေးနေကြောင်းလည်း ဖော်ပြပါတယ်။
https://www.rfa.org/burmese/news/south-korea-sends-relief-supplies-myanmar-earthquake-04142025083619.html

12,100

Showing 10 of 10 posts

No more posts

Avaliação

Avaliações de Usuários (0)

Nenhuma avaliação ainda. Seja o primeiro a compartilhar sua experiência!

Canais Relacionados do Telegram

Loading recommended channels...

RFA Burmese

RFA Burmese

Classificação

Crescimento de Participantes (Últimos 7 Dias)

Últimos Posts

Avaliação

Avaliações de Usuários (0)

Canais Relacionados do Telegram

VirtualBacon 🚨

Neutrinocraft®

Karak Network

OPENSEA

Signal

Andrea Arini ✨Heilendes BewusstSEIN

IN DIE GENE

C A N

Canais Relacionados do Telegram

VirtualBacon 🚨

Neutrinocraft®

Karak Network

OPENSEA

Signal

Andrea Arini ✨Heilendes BewusstSEIN

IN DIE GENE

C A N

Avaliações de Usuários (0)

Últimos Posts