Fresh መረጃ | FreshNews

Public

Ver Canal

Não consegue entrar? @freshmerejaet

61.3k Membros

Atualizado: May 11, 2026 at 4:54 PM

Fresh መረጃ | FreshNews

Fresh መረጃ ታማኝ የመረጃ ምንጭ፣ ብቃት ባላቸው ጋዜጠኞች ተዘጋጅቶ የሚቀርብ፣መረጃዎችን በትኩሱ የሚያደርስ የዜና ቻናል ነው ። ሀሳብ ፣ አስተያየት ፣መረጃ ለማጋራት ፣ማስታወቂያ ለማሰራት ያናግሩን።👇👇 @Freshes_newsbot Fresh News,Fresh Updates.

Follow @freshmerejaet to stay updated with the latest newsfresh and freshes_newsbot trends and news

Classificação

Classificação Global

#456

Classificação por Idioma

#45

Classificação por Categoria

#23

-1

Crescimento de Participantes (Últimos 9 Dias)

Total: 61.3K

crescimento 24h: -1214 2%

Últimos Posts

Fresh መረጃ | FreshNews

12 de mai. de 2026, 04:57

📷 Photo

"ከኢራን ጋር ያለው ጦርነት አልተቋጨም" ኔታንያሁ
።።።።።።።።።።።።።።
የእስራኤሉ ጠቅላይ ሚኒስትር ቤንያሚን ኔታንያሁ፣ በኢራን ውስጥ የሚገኘው የበለጸገ ዩራኒየም ሙሉ በሙሉ እስካልተወገደ ድረስ አሁን እየተካሄደ ያለው ጦርነት እንደማያበቃ አስጠነቀቁ።

ኔታንያሁ ከኢራን ጋር ያለው ውጥረት ገና መቋጫ እንዳላገኘና የቴህራን የኒውክሌር መርሃ-ግብር ዋነኛ ስጋት ሆኖ መቀጠሉንም ተናግረዋል።

ጠቅላይ ሚኒስትሩ  ከኢራን የሚሰነዘረው ጥቃትና ቀጠናዊ አለመረጋጋት አሁንም ባለበት በመሆኑ፣ እስራኤል ዝግጁነቷን እንደማታቆም ገልጸዋል።

ኔታንሁ ለሲ.ቢ.ኤስ «60 Minutes» ፕሮግራም በሰጡት ቃለ-መጠይቅ፣ ምንም እንኳን በሀገራቱ መካከል የተኩስ አቁም ጥረት ቢኖርም፣ እስራኤል የኢራንን የኒውክሌር ስጋት እንደ ቀዳሚ አጀንዳ እንደምትይዝ  አስታውቀዋል።

ይህ መግለጫ የወጣው በሁለቱ ሀገራት መካከል ያለው ወታደራዊና ዲፕሎማሲያዊ ፍጥጫ በከፍተኛ ደረጃ በጨመረበት ወቅት መሆኑ ጉዳዩን አሳሳቢ አድርጎታል።

እስራኤል የኢራንን የኒውክሌር ተቋማት እንደ ትልቅ ስጋት የምትመለከተው ሲሆን፣ ዓለም አቀፉ ማህበረሰብም በቴህራን ላይ  ጫና እንዲያደርግ በተደጋጋሚ ስትጠይቅ ቆይታለች።

ዘ ናሽናል እና ኢኮኖሚክ ታይምስ ዘግበውታል

1,650

Fresh መረጃ | FreshNews

12 de mai. de 2026, 04:57

📷 Photo

#MoH

የብቃት ምዘና ፈተና መረጃ በማረጋገጥ ላይ የምትገኙ የጤና ሙያ ተመራቂዎች የመረጃ ማረጋገጫ ቀነ ገደቡ እስከ ግንቦት 07/2018 ዓ.ም የተራዘመ መሆኑን ጤና ሚኒስቴር አሳውቋል፡፡

በግንቦት ወር የሚሰጠውን የብቃት ምዘና ፈተና ለመውሰድ በመጠባበቅ ላይ የምትገኙ የጤና ሙያ ተመራቂዎች የብቃት ምዘና ፈተና መለያ ቁጥራችሁን (Registration Number) ከብሔራዊ መታወቂያ መለያ ቁጥራችሁ (16 Digit FAN) ጋር የማረጋገጥ ሥራ እስከ ሚያዚያ 30/2018 ዓ.ም ድረስ https://hple.moh.gov.et/ ሊንክን በመጫን እንድታከናውኑ መባሉ ይታወቃል፡፡

የመረጃ ማረጋገጫ ቀነ ገደቡ እስከ ግንቦት 07/2018 ዓ.ም የተራዘመ መሆኑን ሚኒስቴሩ አስገንዝቧል፡፡

1,760

Fresh መረጃ | FreshNews

12 de mai. de 2026, 04:57

📷 Photo

ትራምፕ ጦርነትን ለማስቆም አሜሪካ ላቀረበችው ሀሳብ ኢራን የሰጠችው ምላሽ 'ፍፁም ተቀባይነት የለውም' ሲሉ ገለፁ

ፕሬዝዳንት ዶናልድ ትራምፕ ጦርነቱን ለማስቆም አሜሪካ ላቀረበችው ሀሳብ ኢራን የሰጠችውን ምላሽ “ፍፁም ተቀባይነት የለውም” ሲሉ አጣጥለውታል።የኢራን ከፊል መንግስታዊ የታስኒም የዜና ወኪል እንደዘገበው ቴህራን በፓኪስታን በኩል የተላከው ምላሿ እንደሚያሳየው ጦርነቱ ወዲያውኑ እና በሁሉም አቅጣጫ እንዲቆም ፣ የአሜሪካ የባህር ኃይል እገዳን ማቆም እና በኢራን ላይ ተጨማሪ ጥቃት እንዳይደርስ ዋስትና እንዲሰጥ ይጠይቃል።

በየካቲት ወር አሜሪካ እና እስራኤል የጀመሩትን ጦርነት ለማስቆም ንግግሮችን ለማመቻቸት ታስቦ የተኩስ አቁም ስምምነት ቢደረስም አልፎ አልፎ የተኩስ ልውውጦች በስፋት ተስተውሏል። ባለፈው ሳምንት ትራምፕ የኢራን ጦርነት "በፍጥነት ይጠናቀቃል" ሲሉ መናገራቸው ይታወሳል። ነገር ግን የእስራኤሉ ጠቅላይ ሚኒስትር ቤንያሚን ኔታንያሁ እንደተናገሩት የኢራን የበለፀገ የዩራኒየም ክምችት ከኢራን ጋር የሚደረገው ጦርነት ማብቃቱን ከማሰብ በፊት መረጋገጥ አለበት ብለዋል።

ኔታንያሁ በሲቢኤስ 60 ደቂቃ ላይ በነበራቸው ቆይታ በሰጡት ቃለ ምልልስ ላይ "አሁንም መውደም ያለባቸው የዩራኒየም የማበልጸጊያ ቦታዎች አሉ" ብለዋል።እሁድ እለት የኢራኑ ፕሬዝዳንት ማሱድ ፔዜሽኪያን የቴህራንን የድርድር ሃሳብ በቀጥታ ባይጠቅሱም "በጠላት ፊት አንገታችንን አንደፋም ፣ የውይይት ወይም የድርድር ንግግር ከተነሳ እጅ መስጠት ወይም ማፈግፈግ ማለት አይደለም" ሲሉ ተናግረዋል።

1,700

Fresh መረጃ | FreshNews

12 de mai. de 2026, 04:57

📷 Photo

"ከዓለም አቀፉ የገንዘብ ተቋም (IMF) ዋና ዳይሬክተር ክርስታሊና ጆርጂየቫ ጋር ውይይት አድርገናል"ጠቅላይ ሚኒስትር ዐቢይ አሕመድ (ዶ/ር)

ከዓለም አቀፉ የገንዘብ ተቋም (IMF) ዋና ዳይሬክተር ክርስታሊና ጆርጂየቫ ጋር ተገናኝተን በኢኮኖሚያዊ እድገት፣ በአጋርነት እና ቅድሚያ በሚሰጣቸው የጋራ   ጉዳዮች ላይ ውይይት ማድረጋቸውን  ጠቅላይ ሚኒስትር ዐቢይ አሕመድ (ዶ/ር) በማህበራዊ ገጻቸው ባጋሩት መልዕክት አስታውቀዋል።

‎ለነበረን ጠቃሚ የሃሳብ ልውውጥና ቀጣይነት ላለው አጋርነት ምስጋናዬ የላቀ ነው ብለዋል።

‎ሁለተኛ አመቱን እየያዘ ያለው የማክሮ ኢኮኖሚ ማሻሸያ አፈጻጸም   IMF እንዴት እንደሚያየው በዝርዝር እንደሚገመገም ይጠበቃል።

1,610

Fresh መረጃ | FreshNews

12 de mai. de 2026, 04:57

📷 Photo

በከፍተኛ ትምህርት ተቋማት የግብርና ዘርፍን የሚመርጡ ተማሪዎች ቁጥር እየቀነሰ መሆኑ ተገለፀ።

በስርዓተ ትምህርቱ ውስጥ ልዩ ትኩረት ተሰጥቶ እንዲሠራበት የዘርፉ ምሁራን ጥሪ አቅርበዋል፡፡

ምሁራን ጥሪውን ያቀረቡት "የኢትዮጵያ የገጠር ትራንስፎርሜሽን ትልሞች ወደ መዋቅራዊ ሽግግር መግቢያ" በሚል ርዕስ የኢትዮጵያ ሳይንስ አካዳሚ ባካሔደው የገለጻና ውይይት መርሐግብር ላይ ነው፡፡

በውይይቱ ተሳታፊና የግብርና ተመራማሪው ከፈና ኢፋ (ዶ/ር)፣ ግብርና በትምህርት ስርዓቱ ውስጥ ትኩረት ሊሰጠው እንደሚገባ አጽንኦት ሰጥተዋል።

የግብርና ትምህርት በከፍተኛ ትምህርት ተቋማት ውስጥ በተማሪዎች የሚመረጥ ዘርፍ መሆኑ እየቀረ፣ በተወሰኑ ተማሪዎች ብቻ የሚመረጥ መሆኑን የገለፁት ከፈና (ዶ/ር)፤ የማስተርስ ፕሮግራሞች ሁሉ በተማሪዎች እየተመረጡ ባለመሆኑ ዲፓርትመንቶቹ እየተዘጉ መሆኑን እየሰማን ነው፣ ይህም ወደፊት በዘርፉ በቂ የሰው ኃይል እንዳይኖር ያደርጋል፣ ስለሆነም ልዩ ትኩረት ሊሰጠው ይገባል ብለዋል፡፡

በተለይ በዘርፉ የሚሠሩ ከፍተኛ ልምድ ያላቸው ባለሙያዎች ፍልሰት ሌላኛው ችግር መሆኑንም ጠቅሰዋል።

የኢትዮጵያ ግብርና ትራንስፎርሜሽን ኢንስቲትዩት ሠራተኛ የሆኑት አምቢሳ ሙለታ፣ የሰው ኃይል ሲነሳ መነሻው የከፍተኛ ትምህርት ተቋማት መሆናቸውን፣ አሁን እየተማረ ያለው ተማሪ ብዛት ደግሞ አገራዊ ዘላቂ የልማት ግቦች እውን ለማድረግ ያስችላል ብለው እንደማያስቡ ጠቁመዋል። የትምህርት ስርዓቱ በዚህ ልክ የተቃኘ መሆን እንዳለበት ገልፀዋል።
Via_ሪፖርተር

1,720

Fresh መረጃ | FreshNews

12 de mai. de 2026, 04:57

"በኢትዮጵያ የነበረው የሚዲያ አፈና ተወግዶ ሰፊ የነጻነት ምህዳር ተፈጥሯል" - ጠቅላይ ሚኒስትር ዶ/ር ዐቢይ አሕመድ

👉🏼 በዘርፉ ያሉ አንዳንድ አካላት ታስሮ እንደቆየ ጥጃ ነጻነቱን ማስተዳደር አልቻሉም ብለዋል

ጠቅላይ ሚኒስትር ዶ/ር ዐቢይ አሕመድ " በኢትዮጵያ የነበረው የሚዲያ አፈና ተወግዶ ሰፊ የነጻነት ምህዳር መፈጠሩን ገለጹ። ሆኖም ይህ ነጻነት ከሙያዊ ሥነ-ምግባር እና ኃላፊነት ጋር ተጣጥሞ የመሄድ ክፍተት እንዳለበት አስገንዝበዋል።

ጠቅላይ ሚኒስትሩ በንግግራቸው፤ የለውጡን መንግሥት የመጀመሪያ እርምጃዎች የጠቀሱ ሲሆን፣ "የመጀመሪያው ሥራችን በሙያቸው ምክንያት የታሰሩ ጋዜጠኞችን መፍታት ነበር" ብለዋል።

ከዚህ በተጨማሪም ታግደው የነበሩ ብሎገሮች እና ድረ-ገጾች እንዲከፈቱ መደረጉን፣ ከውጭ ወደ ሀገር ውስጥ የሚገቡ የሚዲያ ስርጭቶች ላይ ይደረግ የነበረው የጃሚንግ (የሞገድ እገዳ) ሥርዓት መቅረቱን፣ በስደት የነበሩ ጋዜጠኞች እና የሚዲያ ተቋማት ወደ ሀገር ቤት ገብተው እንዲሠሩ መፈቀዱን፣ እንዲሁም ለሚዲያ ነጻነት እንቅፋት የነበረው የፀረ-ሽብር ሕግ እንዲሻሻል መደረጉን ዘርዝረዋል።

ጠቅላይ ሚኒስትሩ በሚዲያው ዘርፍ የታየውን የሽግግር ወቅት በምሳሌ ሲያስረዱ፣ ሁኔታውን "ታስሮ እንደቆየ ጥጃ" በማለት ገልጸውታል።

"የታሰረ ጥጃ ሲፈታ ሁለት ባህሪያት ይታዩበታል፤ አንደኛው እንቅስቃሴ ስላልለመደ እግሩ እየተሳሰረ መቸገር ሲሆን፣ ሁለተኛው ደግሞ ያገኘውን ነጻነት በአግባቡ መቆጣጠር አቅቶት ዝም ብሎ በመዝለል ንብረት መስበር ነው" ብለዋል።

በተመሳሳይ ሁኔታ፣ በሚዲያው ዘርፍ የተሰማሩ አንዳንድ አካላት ነጻነቱን በአግባቡ የማስተዳደር እና የሙያ ሥነ-ምግባርን የመከተል ክፍተት እንደታየባቸው ጠቁመዋል።

ምንም እንኳን የሚዲያ አውዱ አሁንም ድረስ ከመረጃ አቅርቦት፣ ከገንዘብ እና ከተለያዩ ጫናዎች ጋር ተያይዞ እንከኖች መኖራቸውን ጠቅላይ ሚኒስትሩ ጠቁመዋል። በመጨረሻም፣ ባለሙያዎች የተፈጠረውን የነጻነት ዕድል በመጠቀም ረገድ ራሳቸውን ሊፈትሹ እንደሚገባ አሳስበዋል።

"ሙያተኞች ሕግንና ሙያን እንዴት አጣጥመው እንደሚሠሩ ራሳቸውን መፈተሽ ይኖርባቸዋል" ሲሉ ጥሪያቸውን አስተላልፈዋል።

1,970

Fresh መረጃ | FreshNews

12 de mai. de 2026, 04:57

📷 Photo

የሰው ልጅ አእምሮ መረጃን የማከማቸት አቅሙ በዲጂታል መለኪያ ሲሰላ እስከ 2.5 ፔታባይት (Petabytes) ይደርሳል። ይህ ማለት ምን ማለት መሰለህ? አንድ የቴሌቪዥን ጣቢያ ለ300 ዓመታት ያለማቋረጥ የሚያስተላልፈውን ከፍተኛ ጥራት ያለው (HD) ቪዲዮ በአንድ አእምሮ ውስጥ መያዝ ይቻላል ማለት ነው።

1,760

Fresh መረጃ | FreshNews

12 de mai. de 2026, 04:57

📷 Photo

ፕሬዝዳንት ትራምፕ በኢራን ላይ ያላቸውን ግብ 70 በመቶ ማሳካታቸውን ገለጹ

የዩናይትድ ስቴትስ ፕሬዝዳንት ዶናልድ ትራምፕ አሜሪካ በኢራን ላይ ካቀደቻቸው ግቦች መካከል 70 በመቶ ያህሉን ማሳካቷን አስታወቁ።

ፕሬዝዳንቱ ዛሬ በሰጡት መግለጫ፣ እስካሁን በተከናወኑ እርምጃዎች የሚፈለገው ውጤት እየተመዘገበ መሆኑን ገልጸዋል።

ፕሬዝዳንት ትራምፕ አክለውም ፣ በቀጣይ ጥቃት ሊሰነዘርባቸው የሚችሉ ሌሎች ተጨማሪ ኢላማዎች መኖራቸውን አስታውቀዋል።

አሜሪካ ጥቅሟን ለማስከበርና የክልሉን ደህንነት ለመጠበቅ አስፈላጊ በሚሆንበት ጊዜ እርምጃ ከመውሰድ ወደኋላ እንደማትልም አፅንዖት ሰጥተዋል።

ይህ የፕሬዝዳንቱ መግለጫ በሁለቱ ሀገራት መካከል ያለው ውጥረት በከረረበት ወቅት የተሰማ ሲሆን፣ ዓለም አቀፉ ማህበረሰብም ሁኔታውን በትኩረት እየተከታተለው ይገኛል ሲል አላራቢያ ዘግቧል።

2,330

Fresh መረጃ | FreshNews

12 de mai. de 2026, 04:57

📷 Photo

የድል ዜና፡ መድፈኞቹ በለንደን ስታዲየም ድል ቀንቷቸዋል!

ዌስትሃም ዩናይትድ 0 - 1 አርሰናል

አርሰናል ወደ ምስራቅ ለንደን ተጉዞ የዌስትሃም ዩናይትድን ፈታኝ ስብስብ 1 ለ 0 በሆነ ጠባብ ውጤት በማሸነፍ፣ በሊጉ የዋንጫ ፉክክር ውስጥ እጅግ ወሳኝ የሆኑ ሦስት ነጥቦችን በልበ ሙሉነት ተቀላቅሏል።

መድፈኞቹ በለንደን ስታዲየም ብርቱ ፉክክር ባደረጉበት በዚህ መርሃ ግብር፣ ቤልጄሚያዊው ኮከብ ሊያንድሮ ትሮሳርድ ከመረብ ያሳረፋት ብቸኛ ግብ የጨዋታው ልዩነት ሆና ተመዝግባለች።

ጨዋታው መጠናቀቁን የሚገልጸው ዳኛ ፊሽካ ሲነፋ፣ በስታዲየሙ የታደሙ የአርሰናል ደጋፊዎች በታላቅ የደስታ ስሜትና በእንባ ታጅበው ድላቸውን ሲያከብሩ ተስተውሏል።

ይህ ድል አርሰናል ወደ ዋንጫው የሚያደርገውን ግስጋሴ ይበልጥ ያፋጠነ ሲሆን፣ ለደጋፊዎቹም ትልቅ ተስፋን የሰነቀ ውጤት ሆኗል።

2,370

Fresh መረጃ | FreshNews

12 de mai. de 2026, 04:57

📷 Photo

ኢትዮጵያ የኤችአይቪ መከላከያ መድኃኒት በሙከራ ልትጀምር ነው‼

በየስድስት ወሩ በመርፌ የሚሰጠውና ከፍተኛ ውጤታማነት ያለው "ሌናካፓቪር" (Lenacapavir) የተሰኘው የኤችአይቪ ቅድመ መከላከያ መድኃኒት (PrEP) ከ6 ወር እስከ አንድ ዓመት ባለው ጊዜ ውስጥ በኢትዮጵያ በሙከራ ደረጃ እንደሚጀመር የጤና ሚኒስቴር አስታወቀ።ሚንስቴር መ/ቤቱ እንዳለው:-

📌 መድኃኒቱ በዓመት ሁለት ጊዜ ብቻ በመርፌ የሚወሰድ በመሆኑ ለተጠቃሚዎች ምቹና ውጤታማ ነው።

📌 የጤና ሚኒስቴር መድኃኒቱን ለማስገባት አስፈላጊውን የቅድመ ዝግጅትና የግዢ ሂደት እያከናወነ ይገኛል።

📌 መድኃኒቱ ውድ ቢሆንም፣ በግሎባል ፈንድ (Global Fund) ድጋፍ ወይም በመንግስት ግዢ አማካኝነት በተለይ ለቫይረሱ ተጋላጭ ለሆኑ የህብረተሰብ ክፍሎች እንዲቀርብ ይደረጋል።

📌 ጎረቤት ሀገር ኬንያ በቅርቡ የመጀመሪያውን ዙር 21 ሺህ የመድኃኒት መጠን መረከቧ ይታወቃል።

2,190

Fresh መረጃ | FreshNews

29 de mar. de 2026, 14:57

📷 Photo

ኤምሬትስ ግሎባል አልሙኒየም በ ኢራን ጥቃት ምክንያት ‘ከፍተኛ ጉዳት’ እንደደረሰበት አስታወቀ

በኢራን የሚሰነዘሩ የሚሳይል እና የድሮን ጥቃቶች በተባበሩት አረብ ኤምሬትስ በሚገኘው የ‘አል ታዊላህ’ የማምረቻ ማዕከል ላይ “ከፍተኛ ጉዳት” ማድረሳቸውን ኤምሬትስ ግሎባል አልሙኒየም ዛሬ ቅዳሜ መጋቢት 19 ቀን 2018 ዓ.ም. አስታወቀ።

ኩባንያው ባወጣው መግለጫ እንዳመለከተው፤ በአቡ ዳቢ ‘ከሊፋ ኢኮኖሚ ዞን’ ላይ በተፈጸመው ጥቃት ቁጥራቸው በውል ያልተገለጸ የኤምሬትስ ግሎባል አልሙኒየም (ኢጂኤ) ሠራተኞች ለጉዳት ተዳርገዋል። ሆኖም የደረሰው ጉዳት ለሕይወት አስጊ እንዳልሆነ ኩባንያው አክሎ ገልጿል።

የድርጅቱ ዋና ሥራ አስፈፃሚ አብዱልናስር ቢን ካልባን በመግለጫው ላይ እንዳሉት፦ “በኢጂኤ በማንኛውም ጊዜ ለሠራተኞቻችን ደህንነት እና ጥበቃ ቀዳሚ ትኩረት እንሰጣለን። በደረሰው ጥቃት በጥልቅ አዝነናል፤ በአሁኑ ወቅትም በማምረቻ ተቋሞቻችን ላይ የደረሰውን የጉዳት መጠን በመገምገም ላይ እንገኛለን።”

የዓለምን 9 በመቶ የአልሙኒየም አቅርቦት የሚሸፍኑት የባህረ ሰላጤው ሀገራት አምራቾች፣ በአሜሪካ-እስራኤል እና በኢራን መካከል ጦርነት ከተቀሰቀሰ ወዲህ ምርቶቻቸውን በተለመደው የንግድ መስመር ለዓለም ገበያ ማቅረብ አልቻሉም። ይህ የሆነው የሆርሙዝ ሰርጥ (Strait of Hormuz) የንግድ እንቅስቃሴ በመታገዱ ምክንያት እንደሆነ ተገልጿል።

ሮይተርስ የኩባንያውን መግለጫ ዋቢ አድርጎ እንደዘገበው፤ የኢጂኤ ‘አል ታዊላህ’ የአልሙኒየም ማቅለጫ ጣቢያ በ2017 ዓ.ም. 1.6 ሚሊዮን ሜትሪክ ቶን የቀለጠ ብረት አምርቶ ነበር።

1,800

Fresh መረጃ | FreshNews

29 de mar. de 2026, 14:57

📷 Photo

ብሔራዊ ምርጫ ቦርድ ለፖለቲካ ፓርቲዎች የተደለደለውን ነፃ የአየር ሰዓት ድልድልን ይፋ አደረገ።

ቦርዱ ይህንን የሚመራ ኮሚቴ ማዋቀሩ የሚታወስ ሲሆን ድልድሉን ለማውጣት ለረዥም ጊዜ የተሰራበት መሆኑን የቦርዱ ሰብሳቢ ሜላት ወርቅ ሀይሉ ተናግረዋል።

ይህ የአየር ሰዓት ድልድል የምርጫ ቦርድን “ገለልተኝነት የሚያረጋግጥ” ነው ተብሏል።

የመገናኛ ብዙሃን ባለስልጣን ዋና ዳይሬክተር ሀይማኖት ዘለቀ እንደተናገሩት ከኢትዮጵያ ብሔራዊ ምርጫ ቦርድ ጋር በመተባበር ለሰባተኛው ጠቅላላ ምርጫ ነፃ የአየር ሰዓትና የጋዜጣ አምድ ምደባ ስራን በማጠናቀቅ የተመደበውን የአየር ሰዓትና የጋዜጣ አምድ በቴክኖሎጂ በመታገዝ ዕጣው የሚወጣ ይሆናል።

ይህ የአየር ሰዓት ክፍፍልን በተመለከተም 40 % እኩል የሚካፈሉ ሲሆን 25 % ደግሞ ባቀረቧቸው እጩዎች፣ 15 % በአካል ጉዳተኞች እንዲሁም ቀሪው ደግሞ 15 % በሴት እጩዎች እና 5 % በሴት አካል ጉዳተኞች መሠረት ድልድል የሚደረግ ይሆናል።

ባለስልጣኑ ባዘጋጀው የድልድል ቀመር መሰረት ለ47 የፖለቲካ ፓርቲዎችና የግል እጩ ተወዳዳሪዎች የምረጡኝ ቅስቀሳ የሚሆን በሬዲዮ 782.5 ሰዓት፣ በቴሌቪዥን 513.45 ሰዓት፣ በጋዜጣ 576 አምድ ያዘጋጀ ሲሆን ይህን አገልግሎት እንዲሰጡም 50 የመገናኛ ብዙሃን ተቋማትን ዝግጁ እንዳደረገ አሳውቋል።

እነዚህ መገናኛ ብዙሃን 12 የግል እና 12 የህዝብ እንዲሁም በቴሌቪዥን በኩል ደግሞ 12 የህዝብ እና 8 የንግድ የቀረበ ሲሆን ከዚህ በተጨማሪ ስድስት የህዝብ ጋዜጦችን አዘጋጅቻለሁ ብሏል።

1,840

Fresh መረጃ | FreshNews

29 de mar. de 2026, 14:57

📷 Photo

ሁለት መረጃዎች‼️
📌የኢራን አብዮታዊ ዘብ (IRGC) F-16 የአሜሪካ ተዋጊ ጄት መቶ መጣሉን አልጀዚራ ዘግቧል። አንድ F-16 ተዋጊ ጀት አሁን ባለው ወቅታዊ ገበያ ከ30 እስከ 60 ሚሊዮን ዶላር ያወጣል።
📌ኢራን ሁለት የቻይና መንግስት ኮንቴይነር መርከቦችን በሆርሙዝ የባህር ወሽመጥ ውስጥ እንዳያልፉ ከለከለች።
ቴህራን አሁን ለኢራን የቤት እቃዎችን፣ መኪናዎችን፣ ልብሶችን እና መድሃኒቶችን የያዙ መርከቦች ብቻ እንዲያልፉ ፈቃድ እንደምትሰጥ ዎል ስትሪት ጆርናል አስነብቧል።
ኢራን በሆርሙዝ ላይ ቁጥጥሯን አጠናክራ ቀጥላለች።

1,260

Fresh መረጃ | FreshNews

29 de mar. de 2026, 14:57

📷 Photo

በወላይታ ሶዶ በህገ-ወጥ መንገድ ሲንቀሳቀስ የነበረ ሙሉ የነዳጅ ቦቲ በቁጥጥር ስር ዋለ!

በወላይታ ሶዶ ከተማ ሰው ሰራሽ የነዳጅ እጥረት በመፍጠር በጥቁር ገበያ ትርፍ ለማግኘት ሲሞክሩ የነበሩ ግብረ-አበሮች በቁጥጥር ስር መዋላቸውን የከተማዋ ፖሊስ መምሪያ አስታወቀ።

የወላይታ ሶዶ ከተማ ፖሊስ መምሪያ አዛዥ ኮማንደር ሀብታሙ አሰፋ እንደገለጹት፤ ግብረ-አበሮቹ 50,895 ሊትር ናፍጣ የጫነ ሙሉ ቦቲ ነዳጅ በማደያ የተራገፈ በማስመሰል ለጥቁር ገበያ ሊያወጡ ሲሉ ነው እጅ ከፍንጅ የተያዙት። ኦፕሬሽኑ የተከናወነው በሌሊት ክትትልና ከህብረተሰቡ በተገኘ ጥቆማ መሆኑ ተጠቁሟል።

የወንጀሉ አድራሻ እና ተጠርጣሪዎች

* ቦታ መሀል ክፍለ ከተማ፣ ዳልቦ ቀበሌ በሚገኘው ታንቱ ሻንካ ዳልቦ JFM ማደያ።

* 4 ግለሰቦች እጅ ከፍንጅ የተያዙ ሲሆን፣ ሌሎች ተባባሪዎችን የማደን ስራ ቀጥሏል።

* ይህ ማደያ ከቀናት በፊትም 600 ሊትር ቤንዚን በሮቶ ሲቀዳ የተያዘበት "ልማደኛ" መሆኑን ኮማንደር ሀብታሙ ገልጸው፤ በማያዳግም የህግ እርምጃ እንደሚቀጣ አስታውቀዋል።

ፖሊስ የዳልቦ አካባቢ ነዋሪዎችንና መላው የከተማዋን ማህበረሰብ ለሰጡት ትብብር አመስግኖ፣ መሰል አጠራጣሪ ድርጊቶች ሲገጥሙ ለ24 ሰዓት ክፍት በሆነው አጭር የስልክ መስመር ጥቆማ እንዲሰጥ ጥሪ አቅርቧል፦

* 0461804360

Via የወላይታ ሶዶ ከተማ ፖሊስ መምሪያ

1,860

Fresh መረጃ | FreshNews

29 de mar. de 2026, 14:57

📷 Photo

አሜሪካ የFBI ዳይሬክተር 'ኢሜል' የሰበረውን ለጠቆመ 10 ሚሊዮን ዶላር ሽልማት አቀረበች

​የኢራን ደጋፊ ነው የሚባለው "ሓንዳላ" የሃከሮች ቡድን የFBI ዳይሬክተር ካሽ ፓቴልን የግል የጂሜል አካውንት በመስበር የግል ፎቶዎቻቸውንና ከ300 በላይ ኢሜሎችን ይፋ አድርጓል።

​ጥቃቱን ተከትሎ የአሜሪካ የውጭ ጉዳይ ሚኒስቴር ስለ ሃከሮቹ መረጃ ለሚሰጥ እስከ 10 ሚሊዮን ዶላር ሽልማት እንደሚሰጥ አስታውቋል።

FBI የተሰረቁት መረጃዎች የቆዩ መሆናቸውንና የመንግስት ምስጢር እንዳልተጋለጠ ቢገልጽም፣ ድርጊቱ በሁለቱ ሀገራት መካከል ያለውን የሳይበር ጦርነት አባብሶታል።

1,820

Fresh መረጃ | FreshNews

29 de mar. de 2026, 14:57

📷 Photo

የሆርሙዝ_ሰርጥ መናጋት፡የኢትዮጵያ የነዳጅ እጥረት ቀውስ በ ጦርነት፣ በሙስና እና በሪፎርም ማዕበል ሲፈተን

የሆርሙዝ ሰርጥ መናጋት የኢትዮጵያን ደካማ የሎጂስቲክስና የኢነርጂ መሠረተ ልማት አፍጥጦ እንዲወጣ ቢያደርግም፣ አሁን ላይ የሚታየው የነዳጅ እጥረት ቀውስ ግን መሰረታዊ እና እጅግ የተወሳሰበ ችግር ውጤት መሆኑን ያጋለጠ ክስተት ነው።

መንግሥት የራሱን ቤት ሳያፀዳ፣ ከ “ጥቁር ገበያው” ትርፍ የሚያፍሱ በሙስና የጠገቡ “ከፍተኛ ውሳኔ ሰጪዎችን” ሳያስወግድ እና ምስቅልቅል ያለውን የመካከለኛው ምስራቅ ዲፕሎማሲያዊ ውቅያኖስ በጥበብ ሳያልፍ፤ ከጎንደር እስከ ጂማ እስከ አምቦ፣ ከሐዋሳ እስከ ቢሾፍቱ እና መቀሌ ያሉ የ “ነዳጅ ጠፋ” እሮሮዎች የሚያመለክቱት ኢትዮጵያ ባዶዋቸውን የቀሩ የነዳጅ ማደያዎች ሀገር ሆና እንደምትቀጥል ነው። አንድ ታዛቢ እንደገለጹት፤ ሀገሪቱ “ልትቆጣጠረው በማትችለው የሩቅ ሀገር ጦርነት እና እስካሁን ልታሸንፈው ባልቻለችው የሀገር ውስጥ የአመራር ቀውስ መገናኛ ላይ ቆማለች።”

1,970

Fresh መረጃ | FreshNews

29 de mar. de 2026, 14:57

📷 Photo

ጣሊያን የቤት እንስሳ ለሞተበት ሠራተኛ ሶስት ቀን የሐዘን ፈቃድ ልትሰጥ ነው

​በጣሊያን ሀገር የቤት እንስሳ ለሞተባቸው ወይም ለታመሙባቸው ሠራተኞች የሚከፈልበት የሥራ ፈቃድ እንዲሰጥ የሚጠይቅ አዲስ የሕግ ረቂቅ ቀረበ።

ይህ ተነሳሽነት በጣሊያን የሚገኙ የቤት እንስሳት እንደ ቤተሰብ አባል የሚታዩበትን ማህበራዊ እውነታ መሠረት ያደረገ ነው።

ረቂቁ  አንድ የቤት እንስሳ (ውሻ ወይም ድመት) ሲሞት ሠራተኛው ለሦስት ቀናት የሚከፈልበት የሐዘን ፈቃድ እንዲያገኝ ይጠይቃል።

ለቤት እንስሳት ድንገተኛ ሕክምና በዓመት ስምንት ሰዓታት ከሥራ ገበታ የመቅረት መብት እንዲኖር ረቂቁ ይደነግጋል።
​
56% የሚሆኑ የጣሊያን ቤተሰቦች የቤት እንስሳ ያላቸው ሲሆን፣ የእንስሳቱ መታመም ወይም መሞት በሠራተኛው የሥነ-ልቦና እና የሥራ ምርታማነት ላይ ከፍተኛ ተጽዕኖ እንደሚያሳድር ጥናቶች ያመለክታሉ።
​
ምንጭ: ላ ሪፐብሊካ

1,980

Fresh መረጃ | FreshNews

29 de mar. de 2026, 14:57

📷 Photo

በኢራን ላይ የሚሰነዘር ጥቃት ካልቆመ ወደ ጦርነቱ እንገባለን ሲሉ ሁቲዎች ካስጠነቀቁ ከጥቂት ሰዓታት በኋላ፣ ከየመን የተወነጨፈ ሚሳይል ወደ እስራኤል መተኮሱ ተገለጠ

አዲስ አበባ፣ መጋቢት 19 ቀን 2018 ዓ.ም. — የየመኑ ሁቲ አማፂያን በኢራን ላይ የሚሰነዘር ጥቃት ካልቆመ ወደ ቀጥታ ጦርነት እንደሚገቡ ካስጠነቀቁ ከጥቂት ሰዓታት በኋላ፣ ከየመን አቅጣጫ የተተኮሰ ሚሳይል መለየቱን የእስራኤል መከላከያ ሠራዊት አስታወቀ።

የእስራኤል መከላከያ ሠራዊት እንዳለው ከሆነ፣ የሀገሪቱ የአየር መከላከያ ሥርዓቶች ሚሳይሉን በአየር ላይ ለማክሸፍ (intercept ለማድረግ) ጥረት እያደረጉ ሲሆን፣ ህዝቡም አስፈላጊውን ጥንቃቄ እንዲያደርግ ማስጠንቀቂያ ተሰጥቷል። ይህ ወታደራዊ እንቅስቃሴ የተሰማው፣ ሁቲዎች “ወደ ጦርነቱ በቀጥታ ለመግባት ቃታው ጣታችን ላይ ነው” ሲሉ ማስጠንቀቂያ ከሰጡ በኋላ ነው።

በተጨማሪም ሁቲዎች የዓለምን የነዳጅ አቅርቦት 25 በመቶ የሚሸፍነውን የባብ አል-መንደብ ሰርጥን በመዝጋት ዓለም አቀፍ ንግድን ለማስተጓጎል መዛታቸው ይታወሳል። የኢኮኖሚ ባለሙያዎች ይህ ዛቻ ወደ ተግባር ከተቀየረ የዓለምን የነዳጅ ገበያ ይበልጥ ሊያናውጥና ከፍተኛ የዋጋ ንረትን ሊያስከትል እንደሚችል ስጋታቸውን እየገለጹ ይገኛሉ።

1,880

Fresh መረጃ | FreshNews

29 de mar. de 2026, 14:57

📷 Photo

ፖሊስ ምርመራ አጠናቆ ክስ መመሥረቱን አስታወቋል

ክሱ:-የ1.7 ቢሊዮን ብር ማጭበርበር ነው።

የኢትዮጵያ ፌደራል ፖሊስ ፊንቴክ ኢንቨስትመንት ድርጅትና ግብረ-አበሮቻቸው ላይ በፈጸሙት ከፍተኛ የገንዘብ ማጭበርበር ወንጀል ምርመራ አጠናቆ ክስ መመሥረቱን አስታወቀ።

ተጠርጣሪዎቹ ዳንኤል ዮሃንስ እና ግርማይ ገብረሚካኤል ታዋቂ ግለሰቦችን በመጠቀም ከ1,200 በላይ ዜጎችን የ1.7 ቢሊዮን ብር ጉዳት አድርሰዋል ተብሏል።

📌 ተጠርጣሪዎቹ የቻይናው BYD ካምፓኒ ወኪል ነን በማለትና "በ90 ቀናት ውስጥ የኤሌክትሪክ መኪና ባለቤት እናደርጋችኋለን" በሚል የሐሰት ተስፋ ከእያንዳንዱ ተጎጂ 1.3 ሚሊዮን ብር በላይ ተቀብለዋል።

📌 ዕውቅናቸውን በመጠቀም ድርጅቱን ሲያስተዋውቁ የነበሩት
✔️ሰለሞን ቦጋለ፣
✔️ሰራዊት ፍቅሬ፣
✔️ዳንኤል ተገኝ፣
✔️አብርሃም ግዛው፣
✔️ይገረም ደጀኔ፣
✔️መንሱር ጀማል እና
✔️ካሊድ ናስር በቁጥጥር ሥር ውለው ፍርድ ቤት ቀርበዋል። ግለሰቦቹ ለእያንዳንዳቸው 8 ሚሊዮን ብር የሚያወጡ ዘመናዊ መኪኖችን በስጦታ በመቀበል ወንጀሉን አሳልጠዋል ተብለው ተጠርጥረዋል።

📌 አንደኛው ተጠርጣሪ ዳንኤል ዮሃንስ በማረሚያ ቤት ሆኖ ጉዳዩን እየተከታተለ ሲሆን፣ ግርማይ ገብረሚካኤል የተባለው ግለሰብ ግን በክትትል ላይ ይገኛል። ግርማይ በ2010 ዓለም ዋንጫ ወቅትም "አስካሉካን" በተባለ ድርጅት ተመሳሳይ ወንጀል ፈጽሞ እንደነበር ፖሊስ አስታውሷል።

ፖሊስ ጉዳዩን በ19 የተለያዩ የወንጀል ዓይነቶች እና በገንዘብ ማጠብ (Money Laundering) ወንጀል መዝግቦ ለዓቃቤ ሕግ መላኩን ገልጿል።

1,910

Fresh መረጃ | FreshNews

29 de mar. de 2026, 14:57

📷 Photo

ግዙፉ የፀሐይ ኃይል አቅራቢ ‘ሳን ኪንግ’ በ150 ሚሊዮን ዶላር ኢንቨስትመንት ወደ ኢትዮጵያ ገባ

በዓለም አቀፍ ደረጃ ግዙፉ የፀሐይ ኃይል ኩባንያ የሆነው ‘ሳን ኪንግ’፣ በኢትዮጵያ እስከ እ.ኤ.አ 2030 ድረስ 150 ሚሊዮን ዶላር ኢንቨስት ለማድረግ የሚያስችለውን ስምምነት ተፈራረመ።

ብሉምበርግ እንደዘገበው፣ መቀመጫውን #ኬንያ ያደረገው ይህ ኩባንያ ከኢትዮጵያ ኢንቨስትመንት ኮሚሽን ጋር የመግባቢያ ሰነድ ተፈራርሟል።

ስምምነቱ የተፈረመው ትላንት በተጠናቀቀው በአራተኛው ኢንቨስት ኢን ኢትዮጵያ 2026 ፎረም ላይ ነው። ሳን ኪንግ እና የኢትዮጵያ ኢንቨስትመንት ኮሚሽን በጋራ በሰጡት መግለጫ፣ ይህ ስምምነት ኩባንያው “ከአፍሪካ ትላልቅ እና ጥቅም ላይ ካልዋሉ የፀሐይ ኃይል ገበያዎች” አንዷ ወደሆነችው ኢትዮጵያ መግባቱን የሚያበስር መሆኑን ገልጸዋል።

ይህ ኢንቨስትመንት ኩባንያው እስከ 2030 ድረስ በመላው አፍሪካ የኤሌክትሪክ ተደራሽነትን ለማስፋፋት፣ በተለይም የኦፍግሪድ የፀሐይ ኃይል ሥርዓቶች እና አነስተኛ የኃይል ማመንጫዎች (mini-grids) ላይ ለመመደብ ካቀደው 1.3 ቢሊዮን ዶላር ውስጥ የሚካተት ነው።

ኢትዮጵያ እንደ ታላቁ የኢትዮጵያ ሕዳሴ ግድብ ያሉ ግዙፍ የኃይል ማመንጫ ፕሮጀክቶችን ብትገነባም፣ አሁንም ከፍተኛ ቁጥር ያለው የኅብረተሰብ ክፍል አስተማማኝ የኤሌክትሪክ አገልግሎት አያገኝም ሲል ዘገባው አመላክቷል።

በፎረሙ ሰባት አለም አቀፍ ኩባንያዎች ከኢትዮጵያ ኢንቨስትመንት ኮሚሽን ጋር ከ13.1 ቢሊዮን የአሜሪካ ዶላር በላይ የኢንቨስትመንት ስምምነት መፈራረማቸውን ኮሚሽኑ አስታውቋል።

1,890

Showing 20 of 20 posts

No more posts

Avaliação

Avaliações de Usuários (0)

Nenhuma avaliação ainda. Seja o primeiro a compartilhar sua experiência!

Canais Relacionados do Telegram

Loading recommended channels...

Fresh መረጃ | FreshNews

Fresh መረጃ | FreshNews

Classificação

Crescimento de Participantes (Últimos 9 Dias)

Últimos Posts

Avaliação

Avaliações de Usuários (0)

Canais Relacionados do Telegram

Frog Farm

LogosPress (RU)

V-names Pawel's Store

Rata_news

Interesno Mag

WEYLAND CORPORATION

Sarkari Naukri - Jobs | Results | News

OKX Announcements

Canais Relacionados do Telegram

Frog Farm

LogosPress (RU)

V-names Pawel's Store

Rata_news

Interesno Mag

WEYLAND CORPORATION

Sarkari Naukri - Jobs | Results | News

OKX Announcements

Avaliações de Usuários (0)

Últimos Posts