✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

Public

Não consegue entrar? @BeteTewahdoEthio

0

36.5k Membros

Atualizado: May 12, 2026 at 5:46 PM

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

" አምላክ ከንጉሥ ሔሮድስ ሴት ልጅ ቢወለድ ኖሮ አልጋ ወራሽ በሆነና ባልተሰደደ ነበር። እርሱ ግን የድሆች ልጅ የሆነችውን ድንግል መረጠ "/አባ ጊዮርጊስ ዘጋስጫ/ "ዘወትር ፍጹም ሰላምን እግዚአብሔር ይሰጣት ዘንድ እግዚአብሔርን ስለምትወድ ስለ ሀገራችን ኢትዮጵያ እንማልዳለን!!!" ይኼ ቻናል የተመሰረተው ጥቅምት ፳፱ (29/2015 ዓ.ም).ለማንኛውም @Kokiyemom21 አስተያየተዎ ብቻ ይላኩ።

Join @BeteTewahdoEthio for exclusive 292015 and kokiyemom21 content and discussions in 14

Classificação

Classificação Global

#456

+2

Classificação por Idioma

#45

+1

Classificação por Categoria

#23

-1

Crescimento de Participantes (Últimos 10 Dias)

Total: 36.5K

crescimento 24h: +0 0%

Loading...

Avaliação

Login necessário

Loading...

Loading recommended channels...

Últimos Posts

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

◦ ዳግማይ_ትንሳኤ ማለት ዳግም መነሳት (ሁለተኛ መነሳት) ማለት ነው ።

ጌታችን ኢየሱስ ክርስቶስ ከሙታን ተለይቶ በተነሳ በስምንተኛው ቀን በዕለተ እሁድ ደቀ መዛረሙርቱ አይሁድን ፈርተው በተሰበሰቡበት ዝግ ቤቶ "ሰላም ለእናንተ ይሁን "ብሎ ዳግም ስለ ተገለጠ #ዳግማይ_ትንሳኤ ተብሏል ።
ሁለተኛ_ለምን_ተገለጠ?

◦ ለሐዋርያው ቶማስ ትንሳኤውን ለማሳመን ።
የጌታችን ትንሳኤ ቶማስ ስለ ተጠራጠረ ጌታችን ቶማስ በተገኘበት ዝግ ቤት ተገልጦ ለቶማስ ና ወደኔ የተቸነከረውን እጄና ጉኔን ዳስስ ብሎታል ።

ቶማስም የተቸነከረው እጁን አይቶ የተወጋውን ጉኑ በእጁ ዳስሶ የጌታችን ትንሳኤ አምኗል ።ሃገረ ስብከቱም በሕንድ ስለ ነበረ ተጋድሎውም የፈጸመው እንዲሁም ሰማዕትነት የተቀበለው በሕንድ ነው ።

ያቺ የጌታችንን ጎን የነካች (የዳሰሰች)እጅ ሳትበሰብስ ከታቦት ጋር በመንበሩ ላይ ተቀምጣለች ።እስካሁን ድረስ የሕንድ ሊቀ ጳጳስ ሲሾም በዛች እጅ ተመርጦና ተባርኮ እንደሚሾም አንዳንድ ሊቃውንት ይናገራሉ ።
◦ሰንበትን ሊያጸናልን ።

የአይሁድ ሰንበት፣እግዚአብሔር 22 ፍጥረታትን ፈጥሮ ያረፈባትና እረፉባት ብሎ ያዘዘን ሰንበት ቀዳም(ቅዳሜ)ናት ።

በሐዲስ ኪዳንም ጌታችን የተጸነሰባት ፣ከሙታን መካከል የተነሳባት፣አንዲሁም ደግሞ ለማጽናት ሁለተኛ የተገለጠባት(ዳግማይ ትንሳኤ)፣መንፈስ ቅዱስ የወረደባትና ሐዋርያት ከመጀመርያዋቹ ክርስቲያኖች ጋር በኅብረት ሆነው መንፈሳዊ ስራዋች የሚሰሩባት ቀን ዕለተ እሁድ ነበረች ።ቤተ ክርስቲያናችን ለቅዳሜ ቀዳሚት ሰንበት ለእሁድ ደግሞ ሰንበተ ክርስቲያን እያለች ለሁለቱም ቀናት እኩል ታከብራቸዋለች

።ጌታችንም ይቺ ቀን እረፍትነቷን ለማጽናት ሁለተኛ የተገለጠባት ቀን ናት ።እረፍት ስንልም ስራችንን ትተን ቁጭ ብለን (ተኝተን)የምናሳልፈው ማለት አይደለም ።እንደውም ከማንም ቀን በላይ አብዝተን መንፈሳዊ ስራዎች የምንሰራባቸው ቀናት ናቸው እንጂ ።

◦ምትሐት አለመሆኑ ለማስረዳት።
ጌታችን ኢየሱስ ክርስቶስ ምትሐት እንዳልሆነና ቀድሞ የተዋሃደው ስጋና መለኮት ፣ፍጹም ሰው ፍጹም አምላክ መሆኑ ለማስረዳት ለሁለተኛ ጊዜ ተገልጦላቸዋል ።በዝግ ቤት መግባቱ ደግሞ መለኮት እንዳልተለየውና ስጋ ብቻው እንዳልሆነ ለማስረዳት ነው ።
"ብጹዓን እለ እንዘ ኢይሬእዩ የአምኑ"
(ዮሐ20:29)

የተሣተውን ፤ የተረሳው፤ የተገደፈውን፤ የነጠፈውን በቀና መንፈስ አቃንታቹ አንብቡት
ስለ ማይነገር ስጦታው እግዚአብሔር ይመስገን
ወስብሐት ለእግዚአብሔር
ወለወላዲቱ ድንግል
ወለመስቀሉ ክቡር አሜን

333

0

0

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

📷 Photo

319

0

0

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

ፈጣሬ ዓለማት ልዑል እግዚአብሔር አንድ ዓለም ብቻ ሳይሆን 20 የተለያዩ ዓለማትን እንደፈጠረ የምታውቅ ብቸኛዋ የእምነት ተቋም ኦርቶዳክሳዊት ቤ/ክ ብቻ ናት፡፡ ስነ ፍጥረትን እጅግ በሚገርም ሁኔታ ተንትኖ የሚያቀርበው መጽሐፈ አክሲማሮስም ሆነ ሌሎቹ የቤ/ክ ድርሳናት እንደሚያስረዱት ከሆነ እግዚአብሔር 20 የተለያዩ ዓለማትን ፈጥሯል፡፡ እነዚህም፡- 5ቱ ዓለማተ መሬት፣ 4ቱ ዓለማተ ማይ፣ 2ቱ ዓለማተ ነፋስ እና 9ኙ ዓለማተ እሳት ናቸው፡፡

5ቱ ዓለማተ መሬት የሚባሉት ገነት፣ ብሔረ ሕያዋን፣ ብሔረ ብፁዓን፣ ይቺ የምንኖርባት ዓለም እና በርባሮስ ናቸው፡፡ የጋራ መጠሪያ ስማቸው ዱዳሌብ ይባላል፡፡
4ቱ ዓለማተ ማይ የሚባሉት ሐኖስ፣ ጠፈር፣ ውቅያኖስና ውኃ (ከታች የምድር ምንጣፍ የሆነው ውኃ) ሲሆኑ የጋራ መጠሪያቸው ናጌብ ይባላል፡፡
2ቱ ዓለማተ ነፋስ የሚባሉት ደግሞ ባቢል እና ታላቁ ነፋስ ነው፡፡ ባቢል የሚባለው ነፋስ ነፋስ ከላይ ሐኖስን የተሸከ ሲሆን ረግቶ ያለ ነው፡፡ ታላቁ ነፋስ ደግሞ ከታች ከበርባሮስ ጀምሮ ይህችን ዓለም የተሸከመ ታላቅ ነፋስ ነው፡፡ የጋራ ስማቸው አዜብ ይባላል፡፡
9ኙ ዓለማተ እሳት የሚባሉት ሦስቱ ዓላማተ መላእክት(ኢዮር፣ ራማ፣ ኤረር)፣ ኢየሩሳሌም ሰማያዊት፣ ሰማይ ውዱድ፣ መንበረ ስብሐት፣ ጽርሐ አርያም፣ ባሕረ እሳት እና ገሀነመ እሳት ናቸው፡፡

ዓለማተ መሬት የሚባሉት የመሬት አካል የሆኑ ናቸው፣ የተፈጠሩትም ከመሬት (ከአፈር) ነው፡፡ እነርሱም ይህች ዓለም እስክታልፍ ድረስ ለሰው ልጆች የተለያዩ አገልግሎቶችን የሚሰጡ ናቸው፡፡ ከእነዚህም ዓለማተ መሬት ውስጥ ብሔረ ብፁዓን አንዷ ናት፡፡ የመሬት አካል ነች ነገር ግን እራሳቸውን ከዚህ ዓለም ግብር ለጠበቁ በፈቃደ እግዚአብሔር ለጸኑ ብፁዓን እግዚአብሔር ያዘጋጃት ምድር ነች፡፡ እግዚአብሔር ባወቀው ይህችን ምድር በኃጥአን ከመታወቅ መኖሪያም ከመሆን ሰውሯታል፡፡ በብሔረ ብፁዓን ከገቢረ ኃጢአት በስተቀር የጽድቅ ሥራዎች ሁሉ የሚሰሩባት የብፁዓውያን አበው መኖሪያ ነች፡፡ እግዚአብሔር ከፈቀደላቸው ጥቂት ቅዱሳን በቀር ዓለም ከተፈጠረ ጀምሮ እስከ ዛሬ ድረስ ወደ ብሔረ ብፁዓን የሄደ፣ ያቺንም ቦታ ያየ ማንም የለም፡፡ ነገር ግን በዚህ ዓለም ሳሉ ተነጥቀው ተወስደው ብሔረ ብፁዓን ከተመለከቱት ቅዱሳን ውስጥ ወንጌላዊው ቅዱስ ማቴዎስንና በዮርዳኖስ በረሃ ይኖር የነበረውቅ ቅዱስ ንጹሕ ባሕታዊ አባ ዞሲማስን መጥቀስ ይቻላል፡፡

አባ ዞሲማስ በንጽሕና ሆኖ በበረሃ በታላቅ ተጋድሎ የሚኖር በቅድስና ያጌጠ ታላቅ አባት ነው፡፡ ሁልጊዜም የነቢያትን፣ የሐዋርያትንና የሰማዕታትንና የቅዱሳንን መጻሕፍትን ያነብ ሕይወታቸውንም ይመረምር ነበር፡፡ እንዲህ ሆኖ ሲኖር ከዕለታት በአንድ ቀን የነቢያትን መጻሕፍት ሲያነብ በነቢዩ ኤርምያስ መጽሐፍ ውስጥ ስለ ብሔረ ብፁዓን የተጻፈ አገኘ፡፡ በዚያም ዘመን ለጣዖት የሚሰግድ ንጉሥ በተነሣ ጊዜ ሕዝቡንም ሁሉ ለጣዖት እንዲገዙ አስገደደ፡፡ በዚህም ጊዜ ነቢዩ ኤርምያስ ሕዝቡን ስለ ከአምልኮተ ጣዖት በንስሓ እንደዲመለሱ ገሠጻቸው፡፡ ዳግመኛም ካልተመለሱ እግዚአብሔር በመቅሰፍት እንደሚቀጣቸውና ለዘላለም በገሀነመ እሳት እንደሚቀጣቸው ነገራቸው፡፡ ነገር ግን እነርሱም ከኃጢአታቸው አልተመሱም ነበር፡፡ በወቅቱም እግዚአብሔርን በማመንና ሕጉን በማሰብ የታመኑትን እንደነ አሚናዳብ ያሉትን ደጋግ ሰዎች ሊመጣ ካለው መቅሰፍት እንዲድኑ ነቢዩ ኤርሚያስ ጸለየ፡፡ ጸሎቱም ተሰምቶት በወቅቱ የነበሩት ደጋግ ሰዎች ወደ ብሔረ ብፁዓን እንደተወሰዱ በመጽሐፍ ተጽፎ አለ፡፡

አባ ዞሲማስም ቅዱሳት መጻሕፍትን ሲመረምር ይህን ታሪክ ሲያነብ በብሔረ ብፁዓን ያሉ ቅዱሳንን አኗኗር ያይ ዘንድ ወደ እግዚአብሔር ጸለየ፡፡ ዳግመኛም የሐዋርያትንም መጻሕፍት በመረመረ ጊዜ ወንጌላዊው ቅዱስ ማቴዎስ ወደ ብሔረ ብፁዓን ሔዶ እንዳየ አነበበ፡፡ከዚህም በኋላ አባ ዞሲማስ በጾም በጸሎት ተጠምዶ ሱባኤ ያዘ፡፡ እግዚአብሔርም ጸሎቱን ሰምቶለት መልአኩን ላከለት፡፡ መልአኩም አባ ዞሲማስን ወደ ብሔረ ብፁዓን ወስዶት በዚያ ያሉ የቅዱሳንን አኗኗራቸውንና ገድላቸውን ተመልክቶ እነርሱንም አውርቶ በረከታቸውን ተቀብሎ ወደ ምድር ተመልሶ መጠጥቶ ገድላቸውን ጽፎላቸዋል፡፡
አባ ዞሲማስ ከፍልስጤም ሰዎች ወገን ነው፡፡ ወላጆቹም ደገኛ ክርስቲያኖች ናቸው፡፡ አባ ዞሲማስንም በሃይማኖት በምግባር ካሳደጉት በኋላ እንዲማር ለአንድ መምህር ሰጡት፡፡ መምህሩም እያስተማረ በሃይማኖት አሳደገው፡፡ አመንኩሶም ወደ ታላቅ ተጋድሎ መራው፡፡ በገዳምም 45 ዓመታት በታላቅ ተጋድሎ ከኖረ በኋላ ቅስና ተቀበለ፡፡ ተጋድሎውንም ጨምሮ በቅስና አገልግሎት 13 ዓመት ከቆየ በኋላ በልቡ ‹‹…ከበጎ ሥራዎች ሁሉ እኔ ያልሠራሁት ምን ነገር አለ?›› ይል ጀመር፡፡ ጌታችንም ሊተወው አልወደደምና መልአኩን ልኮ ወደ ዮርዳኖስ አቅራቢያ ወዳለው በረሃ እንዲሄድ ነገረው፡፡ በዚያም ሌሎች ደጋግ አባቶችን አገኘና ከእነርሱ ተማረ፡፡ በዚያም ሳለ ወደ በረሃው ገብቶ የሚጽናናበት ነገር ይገልጥለት ዘንድ ወደ ጌታችን በጸለየ ጊዜ ማርያም ግብፃዊትን አገኛትና የ47 ዓመታት የተጋድሎ ሕይወቷንና ምሥጢሯን ሁሉ ነግራዋለች፡፡ አባ ዞሲማስም መልካም የሆነ አገልግሎቱን ፈጽሞ በ93 ዓመቱ በዛቴዋ ዕለት ሚያዝያ 9 ቀን በሰላም ዐረፈ፡፡ ረድኤት በረከቱ ይደርብን በጸሎቱ ይማረን!
ብሔረ ብፁዓን እጅግ ደስ የምትልና በዓለም ሁሉ የሚመስላት የሌለ የገነት አምሳል የሆነች ምድር ነች፤ ይህቺ ምድር የእግዚአብሔርን ፍቃድ የሚፈጽሙ የብፁዓን መኖሪያ ነች፤ መዓዛዋ በምድር ካለ ሽቱና መልካም መዓዛ ይልቅ የተወደደ ነው፤ በዚህች ምድር በገነት ካልሆነ በስተቀር የማይገኝ እንደ እርሱ ያለ የሌለ ልዩ ውኃ አለ፤ ዕፅዋቶቿም ታላላቅና ከመልካም ፍሬዎች ሁሉ በየዓይነቱ የያዙ ናቸው፣ አትክልቶቿና ዕፅዋቶቿም በዓለም ሁሉ የሚመስላቸው የሌለ ልዩ ናቸው፡፡
በብሔረ ብፁዓን ቀንና ሌሊት እኩል ነው፤ ውርጭና ብርድ፣ ክረምትና በጋ የለም፤ ድካም መውጣትና መውረድ፣ መዝራትና ማጨድ የለም፣ ብርና ወርቅ መሸጥና መለወጥ፣ ደሃና ሃብታም የለም ሁሉም እኩል ነው፤ ለበጎ ነው ብሎ መዋሸትና ሐሰት መናገር የለም ይሄን የመሳሰለው የሰብአ ዓለም ግብር ሁሉ በዚያ የለም፡፡ በብሔረ ብፁዓን የሚኖሩ ብፁዓውያን እንደ እኛ የሚያረጅና የሚያልቅ ልብስ የሚለብሱ አይደሉም፤ ራቁታቸውን ቢሆኑም ጸጋ እግዚአብሔር ዙሪያቸውን የከበባቸውና የእርሱን ክብር የለበሱ በመሆናቸው ኀፍረታቸው አይታይም ለሚመለከታቸው እንደ ፀሐይ የሚያበሩ ናቸው፡፡ ይህም አባታችን አዳም ፈጣሪውን ሳይከዳ በገነት ሳለ ተሰጥቶት የነበረው ጸጋ ነው፡፡
አንበሶችና አውሬዎች ከብፁዓኑ ጋር ይኖራሉ ነገር ግን አይነኳቸውም፣ ብፁዓውያኑ ሥጋ አይበሉም የወይን ጠጅም አይጠጡም፣ አድካሚ ከሆነው ከዚህ ዓለም ከሚደረገው ምንም ምን አያደርጉም፡፡ ጌታችን ኢየሱስ ክርስቶስ ከንጽሕት ድንግል ማርያም ሲፀነስ፣ ሲወለድ፣ ሲጠመቅ፣ መከራ ሲቀበል፣ ሲሞት፣ ሲቀበር፣ በሦስተኛው ቀን ሲነሣና ወደ ሰማያት ሲያርግ ይህንን ሁሉ መላእክት ይነግሯቸው ነበር፡፡

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

ሁልጊዜ በዐበይት በዓላትም ጌታችን መድኃኒታችን ኢየሱስ ክርስቶስ ሄሮድስ በግፍ ከገደላቸውና ከሴት ጋር ካልረከሱ ከመቶ አርባ አራት ሺህ ሕፃናትና ከቅዱሳን መላእክት ጋር ወደ እነርሱ ይመጣል፣ በቤተ ክርስቲያናቸው መካከል ይቀመጣል፣ በእጆቹም ያቆርባቸዋል፡፡ እነርሱም ሁል ጊዜ እስከ ዘጠኝ ሰዓት ይጾማሉ፣ በዘጠኝ ሰዓት በዛፎች ላይ ካለው ፍሬ የሚበቃቸውን ያህል ይወርድላቸዋል፣ ከዛፎቹ ሥር ንፁሕ ውኃ ይፈልቅላቸዋል፤ እስከሚቀጥለው ቀን ድረስ ፍሬዎቹ ወደ ዛፉ ይመለሳሉ፣ ውኃውም ይደርቃል፤ በቀጣዩ ቀን ሰዓት ሲደርስ ፍሬው ይወርድላቸዋል ውኃውም ይፈልቅላቸዋል፡፡
ታላቁ የጌታችን ጾም ሲደርስ የዛፍ ፍሬዎች ወደ ላይ ይወጣሉ፣ ጾም እንደ ደረሰ በዚህ ያውቃሉ እስከ ምሽትም ይጾማሉ፤ በእራት ጊዜም የሚበቃቸውን ያህል መና ከሰማይ ይወርድላቸዋል፣ ውኃም ከምድር ይፈልቅላቸዋል ከዚያም እስከ ማግስት ይደርቃል፡፡
በብሔረ ብፁዓን ብፁዓውያኑ በቅዱስ ጋብቻ ይኖራሉ፤ ቁጥራቸው ብዙ የሆኑ አረጋውያን፣ ወጣቶች፣ ሕፃናት ይኖሩባታል፡፡ ከብፁዓውያኑ መካከል አንዱ ሚስት ቢያገባ መጀመሪያ አንድ ጊዜ ብቻ በግብር ያውቃትና ትፀንሳለች፤ ወዲያውም ወደ ሴቶች ተመልሳ የበኩር ወንድ ልጅዋን ትወልድና አሳድጋ በሕይወቱ ሁሉ ለቤተ እግዚአብሔር አገልጋይ እንዲሆን መብዓ አድርጋ ለእግዚአብሔር ትሰጠዋለች፤ ከዚያ በኃላ ለሁለተኛ ጊዜ ወደ ባሏ ትመለስና አንድ ጊዜ ብቻ በግብር ያውቃትና ትፀንሳለች ወንድ ልጅም ትወልዳለች፤ ልጁ አድጎ የእናቱን ጡት መጥባት ሲተው ሦስተኛ አንድ ጊዜ ብቻ ያውቃትና ትፀንሳለች ሴት ልጅም ትወልዳለች ከዚያ በኃላ ፈጽሞ ወደ ባሏ አትመለስም እርሱም ወደ እርሷ አይደርስም፡፡ ሴቶች ከሴቶች ጋር ወንዶችም ከወንዶች ጋር ይኖራሉ ፤ ወንዶች ከሴቶች ጋር አይደባለቁም፤ ሚስቱን በፍትወት ዐይን የሚያይ ማንም የለም፤ ሚስት ያገባም ቢሆን በሕይወት ዘመኑ ሁሉ ሚስቱን የሚያውቃት ሦስት ጊዜ ብቻ ሲሆን ይኸውም ሁለቱ ዘር ለመተካት አንዱ ደግሞ ለእግዚአብሔር መብዓ እንዲሆን ነው፡፡
በብሔረ ብፁዓን ታናሹ ከታላቁ በፊት አይሞትም፣ ታላቁ ቀድሞ ይሞታል እንጂ፡፡ ከብፁዓውያኑ መካከል የአንዱ ጥሪው (ዕረፍተ ሞቱ) በደረሰ ጊዜ እግዚአብሔር መልአኩን ወደ እርሱ ይልካል ‹‹ወንድሜ ሆይ! እግዚአብሔር ወደ እርሱ ትመጣ ዘንድ ከመላእክቱም ጋር ደስ ይልህ ዘንድ ላከኝ›› ይለዋል፣ ጥሪ የደረሰው ቅዱስም ብፁዓውያኑን ሰብስቦ ‹‹ወደ እግዚአብሔር ልሄድ ነውና ደስ ይበላችሁ›› ይላቸዋል፡፡ መላእክትም ወርደው ከብፁዓውያኑ ጋር ሆነው ያንን ሰው ሕያው እንደ ሆነ ወደ መቃብሩ አብረውት ይሄዳሉ፣ ከመላእክት ጋር እግዚአብሔርን ስለ እርሱ ያመሰግናሉ፣ በመንፈሳዊ ሰላምታ እጅ ነስተው ይሰናበቱታል፤ ነፍሱ ያለ ድካም ትወጣለች፣ መላእክትም ‹‹የጻድቅ ሞት በእግዚአብሔር ዘንድ ክቡር ነው›› እያሉ ሥጋው እስኪቀበር ድረስ ያመሰግናሉ፤ በምስጋናም ነፍሱን ብፁዓውያኑ እያዩአት ወደ ሰማይ ያሳርጓታል፡፡
ንፋስ በነፈሰላቸው ጊዜ የገነት ዕፅዋት መዓዛን ያሸታሉ፤ መላእክትም ሁልጊዜ ሲያመሰግኑ ይሰማሉ፤ ከእነርሱም ጋር አብረው እግዚአብሔር ያመሰግናሉ፡፡ ብፁዓውያኑ እግዚአብሔር ይገልጽላቸው ዘንድ የፈለጉት ነገር ካለ ተነሥተው ወደ እግዚአብሔር በጸለዩ ጊዜ ወዲያውኑ ከሰማይ ቃል መጥቶ ለጥያቄያቸው መልስ ይሰጣቸዋል፡፡ በዓለም ያሉ ሰዎች ንጹሐንና ጻድቃን ሲሆኑ ያቃሉ በእነርሱም ደስ ይሰኛሉ እስከ መጨረሻውም ያጸናቸው ዘንድ ስለ እነርሱ እግዚአብሔርን ይለምናሉ፤ ኃጥአን በሆኑት ደግሞ አዝነው ስለ እነርሱ ያለቅሳሉ፡፡
ወንጌላዊው ቅዱስ ማቴዎስ በብርሃን ደመና ተጭኖ ሄዶ አስተምሯቸዋል፤ እነዚህን ብፁዓውያን አበውን ያይና አኗኗራቸው እንዴት እንደሆነ ያውቅ ዘንድ ለዐርባ ዓመታት በጾምና በጸሎት እግዚአብሔር የለመነው ቅዱስ አባ ዞሲማስ ፍቃዱ ተፈጽሞለት ሰብአ ዓለም ዜናቸውን ሰምተው ይማሩበት ዘንድ ግብራቸውን በመጽሐፍ ጽፏል፡፡ ንጹሐን ጻድቃን የሆኑ ከጠላት ወጥመድ ያመለጡ፣ ትእዛዙን የሚፈጽሙ፣ ከመላእክት ጋር የተወዳጁ፣ ዘወትር ውዳሴና ምስጋና የሚያቀርቡ፣ ከሰዎች አኗኗር ወደ መላእክት አኗኗር የተሸጋገሩ፣ በብሔረ ብፁዓን የሚኖሩ የብፁዓውያን አበው አኗኗር ይህ ነው፡፡ ረድኤት በረከታቸው ይደርብን፣ በጸሎታቸው ይማረን፡፡
(ምንጭ፡- ገድለ አቡነ እስትንፋሰ ክርስቶስ፣ ገድለ አባ ዞሲማስ፣ የሚካኤል ዘየካ ጽሑፍ)

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

“ጌታዬ ኢየሱስ ክርስቶስ ሆይ ቃልህን አደምጥ ዘንድ ፈቃድህንም አስተውለውና እፈጽመው ዘንድ የልብ ዓይኖቼን ክፈትልኝ። እኔ በምድር ላይ መጻተኛ ነኝና። ትእዛዛትህን ከእኔ አትሰውርብኝ። ነገር ግን የሕግህን ተአምራት ይመለከቱ ዘንድ ዓይኖቼን ክፈት። ስውርና ድብቅ የሆነውን ጥበብህን ተናገረኝ። አቤቱ አምላኬ ሆይ ተስፋዬን በአንተ ላይ አኑሬአለሁ፤ አእምሮዬንና ማስተዋሌን በእውቀትህ ብርሃን አንተ አብራልኝ፤ ይኸውም በተጻፉት ቃላትህ ደስ እንድሰኝ ብቻ ሳይሆን እንዳደርገውም ነው። የቅዱሳንን ሕይወትና ትምህርት መስማቴ (ማንበቤ) በደል እንዳይሆንብኝ ይልቁኑም ለንስሐ፥ ለአብርሖትና ለቅድስና፥ ለነፍሴ ድህነትና ለዘላለማዊ ሕይወት ርስት የሚጠቅመኝ እንዲሆንልኝ አድርግልኝ። አንተ በጨለማ ለተቀመጡት ብርሃን ነህና ካንተም መልካም የሆነው ሥጦታ ሁሉ ይገኛልና አሜን።

ቅዱስ ዮሐንስ ስብከቱ በጸሎት የተጌጠ ስለነበር፥ ስብከቱ በተጥባበ ነገር የተዋበ ንግግር (lecture) ሳይሆን ጉልበት ያለው፥ የሚለውጥ፥ሰዎችን ወደ ንስሐ የሚጠራ ሕያው ቃል ነበር።ከአንድ ሺ ስድስት መቶ ዓመት በኋላ ፥ ዛሬም ስብከቱን የምንናነብ፥ በእግዚአብሔር ፊት እንድንንበረከክ፥ ሕይወታችንን ለእርሱ እንድንሰጥ የሚያደርግ ነው። ይህ በጸሎት ከተጌጠ ሕይወት የሚመጣ ነው።

ጌታ ሆይ በራሴ ማስተዋል ስደገፍ ባዶዬን ቆማለሁ፥ ነገር ግን ለዚህ ቅዱስ አባት እንደገለጥህለት፥ ሙሉ በሙሉ ከአንተ በሚገኝ ኃይል ሳገለግል ግን ለራሴም ለሌሎችም በረከት እሆናለሁ። አሁንም በአንተ መደገፍን አስተምረኝ። ለቅዱስ ዮሐንስ አፈወርቅ የገለጥክህለትን አስደናቂ ምሥጢር ለእኔም ገልጠህልኝ፥ በሰበክሁት እንድኖር አድርገኝ። አሜን።”

የቍስጥንጥንያ ሊቀ ጳጳሳት የነበረው ቅዱስ ዮሐንስ፥ መጽሐፍ ቅዱስን ምዕራፍ በምዕራፍ ቍጥር በቍጥር በማስተማርና በመስበክ የታወቀ ነበር። በዚህም አፈወርቅ ( the Golden Mouth) ተብሎአል። ቅዱስ ዮሐንስ አፈወርቅ ሁል ጊዜ ቃሉን ለመስበክ ሲነሣ ከምዕመናን ጋር አብሮ የሚጸልየው ጸሎት ነው ።

ኦ! አምላክ ሆይ የቃል ብቻ ሳይሆን የተግባር ክርስቲያን አድርገኝ ።

══════◄✣••✥••✣►══════
ለአብ ለወልድ ለመንፈስ ቅዱስ ክብር ምስጋና ይሁን ። ከምታልቀዋ ከዛሬዋ ቀን እስከማይፈጸም ዘመን ። ከደካማው ልባችን እስከ ጸናው ሰማይ።
ለዘላለሙ አሜን ❗️❗️❗️
══════◄✣••✥••✣►══════

#አንዲት_ሐይማኖት_ኦርቶዶክስ_ተዋሕዶ

396

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

📷 Photo

317

0

0

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

አንድ አምላክ በሚሆን በአብ በወልድ በመንፈስ ቅዱስ ስም አሜን
ሚያዝያ 9-ንስሓ የገባ ኃጥእ ገድላቸውን በመድገምና እርሳቸው ይጸልዩዋት የነበረችውን ጸሎታቸውን በመጸለይ የሞቱ ዘመዶቹን ከሲኦል እንዲያወጣ ታላቅ ቃልኪዳን የተሰጣቸው ታላቁ አባት አቡነ እስትንፋሰ ክርስቶስ ዕረፍታቸው ነው፡፡
+ የእግዚአብሔርን ምስጋናን ከአፉ ፈጽሞ የማያቋርጥ ከ45 ዓመታት ጽኑ ተጋድሎው በኋላ ወደ ብሔረ ብፁዓን ተነጥቆ ተወስዶ የቅዱሳንን አኗኗራቸውንና ገድላቸውን አይቶ የጻፈልን ታላቁ አባት አባ ዞሲማስ ዕረፍቱ ነው፡፡
+ የ10 ወር ሕፃን የሆነ የቅዱስ ኤስድሮስ ማኅበርተኞች በሰማዕትነት ማረፋቸውን ስንክሳሩ በስም ይጠቅሳል፡፡
+ የብሔረ ብፁዓን ጻድቃን በሰማዕትነት ያረፉበት መታሰቢያ በዓላቸው ነው፡፡
+ በዐቢይ ጾም በሰሙነ ሕማማት ወቅት ጌታችን በአባ ስንትዩ እጅ ታላቅ ተአምር አድርጎ እስላሞችን ድል አደረጋቸው፡፡ ይኽም ቅዱስ የእስክንድርያ ሊቀ ጳጳሳት ሲሆን ሰሙነ ሕማማትን ከአስቄጥስ ገዳም መነኮሳት ጋር ለማሳለፍ ወደ ገዳማቸው ሔዶ የመነኮሳቱን እግር በማጠብ አገለገለ፡፡ በዚህም ጊዜ ዐረብ እስላሞች ወደ ገዳሙ ገብተው ሊዘርፉና መነኮሳቱን ሊገድሉ ተሰብስበው እየጮኹ መጡ፡፡ መነኮሳቱም አባ ስንትዩን እንዲሸሹ ቢነግሯቸውም እሳቸው ግን የመስቀል ምልክት ያለበትን መስቀላቸውን ይዘው ወደ ውጭ በወጡ ጊዜ ለጥፋት የመጡት አሕዛብ በሙሉ የአባታችንን የእጁን በትር ባዩ ጊዜ ብዙ ሠራዊት እንደመጣባቸው ሆነው ፈርተው ወደኋላቸው በመሸሽ ወደመጡበት ፈጥነው ተመለሱ፡፡ እስላሞችም ከዚያች ጊዜ ወዲህ ወደዚያ ገዳም መጥተው አያውቁም፡፡ የአባ ስንትዩ ረድኤት በረከታቸው ይደርብን፣ በጸሎታቸው ይማረን፡፡
+ + + + +
አቡነ እስትንፋሰ ክርስቶስ፡- አቡነ እስትንፋሰ ክርስቶስ አባታቸው መልአከ ምክሩ እናቱ ወለተ ማርያም ይባላሉ፡፡ የተወለዱበት ልዩ ቦታው ወሎ ክፍለ ሀገር ዳውንት ነው፡፡ በተወለዱ ዕለት ተነሥተው በእግራቸው ቆመው ሦስት ጊዜ ስብሐት ለአብ ስብሐት ለወልድ ስብሐት ለመንፈስ ቅዱስ ብለው ፈጣሪያቸውን አመስግነዋል፡፡ የስማቸው ትርጓሜ የአብ የወልድ የመንፈስ ቅዱስ እስትንፋስ አንድም የክርስቶስ እስትንፋስ ማለት ነው፡፡ ቅዱስ ሚካኤል እየጠበቃቸውና በመንገዳቸው ሁሉ እየመራቸው ነው ያደጉት፡፡ መንፈስ ቅዱስ ልቡናቸውን ብሩህ አድርጎላቸው በ5 ዓመታቸው የቅዱሳት መጻሕፍት ቃላትን፣ ብሉያትንና ሐዲሳትን፣ ድርሳናትንም ጠንቅቀው ዐውቀዋል፡፡
በተወለዱ በ14 ዓመታቸው ወደ አቡነ ኢየሱስ ሞዐ ደብረ ሐይቅ ገዳም ሄደው ከባሕር ዳር ቆመው የሙሴን ጸሎት ወደ እግዚአብሔር በጸለዩ ጊዜ የታዘዘ መልአክ መጥቶ ባሕሩን አሻግሯቸው ወደ ቤተ ክርስቲያን ገብተዋል፡፡ ለ3 ዓመታት ያህል በኃይቅ ገዳም ለመነኮሳት እንጨት በመልቀምና ውሃን በመቅዳት ለአባቶች መነኮሳት ምግብ የሚሆናቸው ዓሣ ከባህር ውስጥ በማውጣት አገልግለዋል፡፡ አባታችን እስትንፋሰ ክርስቶስ 40 መዓልትና 40 ሌሊት ከጾሙ በኋላ ምንም እህል ሳይቀምሱ ጌታችን ኢየሱስ ክርስቶስ አስቀድሞ ለሙሴ በደብረ ሲና እንደሰጠው ለአባታችንም ወደ እርሳቸው መጥቶ ዓሥሩን ቃላተ ኦሪትና ስድስቱን ቃላተ ወንጌል በውስጣቸው የተጻፈባቸው ሁለት ጽላቶችን ሰጥቷቸዋል፡፡ አቡነ እስትንፋሰ ክርስቶስ ቤተ ክርስቲያን ከሠሩ በኋላ ዕለቱን ስንዴ ዘርተው፣ ወይን ተክለው፣ ጽድን ወይራንና ግራርን ተክለው በአንዲት ቀን ለቤተክርስቲያን አገልግሎት ዕለቱን አድርሰዋል፡፡ ስንዴውን ለመሥዋዕት ወይኑን ለቍርባን በተአምራት አድርሰዋል፡፡

አባታችን በጸሎት ላይ እንዳሉ መልአኩ ቅዱስ ሚካኤል ተልኮ መጥቶ አባታችንን በደመና ጭኖ ወስዶ ከጌታችን ከመድኃኒታችን ከኢየሱስ ክርስቶስ ፊት አቆማቸው፡፡ ጌታንም በቅዱሳኑ ሁሉ እንዲባረኩ ካደረጋቸው በኋላ መልአኩን ‹‹ወደ ተወለድኩባትና ወደ ኖርኩባት ቦታ ወደ ኢየሩሳሌም አድርሰው›› ብሎት ኢየሩሳሌምን አሳልሞ ሀገራችን መልሶ አምጥቷቸዋል፡፡ አባታችን ሁሉንም የኢትዮጵያን ቅዱሳት ገዳማትን ተዘዋውሮ ሲጎበኙ በሕይወተ ሥጋ የሌሉት የየገዳማቱ ቅዱሳን ሁሉ በአካል ይገለጡላቸው ነበር፡፡ ጎጃም ውስጥ እያስተማሩ፣ እያጠመቁ፣ የታመሙትን እየፈወሱ፣ የዕውራንን ዐይን እያበሩና ሙታንን እያሥነሱ ብዙ ካገለገሉ በኋላ ለዘጠኝ ዓመታት በባሕር ውስጥ ገብተው ቁልቁል ተዘቅዝቀው ለኢትዮጵያ ጸልየው የምሕረት ቃልኪዳን ተቀብለዋል፡፡ ከዘጠኝ ዓመት በኋላ ጌታችን መጥቶ ‹‹ከመነኮሳት ሁሉ ብልጫ ያለህ ወዳጄ ሆይ ኢትዮጵያንና ሕዝቦቿን ምሬልሃለሁ ከዚህች ባሕር ውጣ›› በማለት በሞት የሚያርፉበትን ቦታ ነግሯቸዋል፡፡

ጻድቁ ወደ ደብረ አሰጋጅ በሚሄዱበት ጊዜ ጸሐይ ልትገባ ስትል ‹‹በጌታችን በኢየሱስ ክርስቶስ ስም አውግዤሻለሁ ለመስፍን ኢያሱ በገባኦን እንደቆምሽ አሁንም ቀጥ ብለሽ ቁሚ›› ብለው ገዝተው ፀሐይን አቁመዋል፡፡ አቡነ እስትንፋሰ ክርስቶስም ደብረ አሰጋጅ ሲደርሱ ፀሐይ አፍ አውጥታ ‹‹አቡነ እስትንፋሰ ክርስቶስ ሆይ እገባ ዘንድ ፍታኝ›› ስትላቸው ‹‹እግዚአብሔር ይፍታሽ›› ባሏት ጊዜ ጠልቃለች፡፡ ጻድቁ ሌላው በእጅጉ የሚታወቁበት አንድ ትልቅ ቃል ኪዳን አላቸው፡፡ በአምላክ ልቡና የሚገኝ፣ በእመቤታችን በቅድስት ድንግል ማርያም ልቡና የሚገኝ፣ በቅዱስ ሚካኤልና በቅዱስ ገብርኤል ልቡና የሚገኝ እንደ መልክአ መድኃኔዓለም ያለች እጅግ አስገራሚ ጸሎት አለቻቸው፤ እርሷን ጸሎት በጸለዩ ጊዜ እልፍ ነፍሳትን ከሲኦል ያወጣሉ፡፡ ጸሎቷም የመድኃኔዓለምን የሰውነት ክፍሎች በሙሉ እየጠቀሰች እያንዳንዱ የሰውነት ክፍሎቹ የተቀበሉትን ጸዋትዎ መከራዎች ሁሉ ታዘክራለች፡፡ በእያንዳንዱ ክፍልም የጸሎት ማሳረጊያ አቡነ ዘበሰማያት ይደግማሉ፡፡ ንስሓ የገባ ኃጢአተኛ ሰው እንኳን ቢሆን ይህችን የአቡነ እስትንፋሰ ክርስቶስን ጸሎት በጸለየ ጊዜ ሺህ ነፍሳትን ከሲኦል እንደሚያወጣ ጌታችን በማይታበል ቃሉ ለአባታችን ነግሯቸዋል፡፡ እያንዳንዱን የመድኃኔዓለምን የሰውነት ክፍሎች በሙሉ እየጠቀሰች መከራዎቹን የምታዘክረውን ይህቺን በአምላክ ልቡና ያለች ግሩም የሆነች ጸሎት ነፍሳትን ከሲኦል አታወጣም ብሎ የሚጠራጠር ቢኖር መንግስተ ሰማያትን አያያትም፡፡ ይህንን የአቡነ እስትንፋሰ ክርስቶስን ጸሎት የምናገኘው ከገድላቸው ላይ ነው፡፡ ጻድቁ ታኅሣሥ 8 ቀን ተወልው ሚያዝያ 9 ቀን በታላቅ ክብር ዐርፈዋል፡፡
የአቡነ እስትንፋሰ ክርስቶስ ረድኤት በረከታቸው ይደርብን፣ በጸሎታቸው ይማረን፡፡
+ + + + +
የእግዚአብሔርን ምስጋናን ከአፉ ፈጽሞ የማያቋርጥ ከ45 ዓመታት ጽኑ ተጋድሎው በኋላ ወደ ብሔረ ብፁዓን ተነጥቆ ተወስዶ የቅዱሳንን አኗኗራቸውንና ገድላቸውን አይቶ የጻፈልን ታላቁ አባት አባ ዞሲማስ፡- የዚህን ታላቅ አባት ገድል ከማየታችን በፊት ስለ ሃያው ዓለማት ጥቂት እንበል፡፡ ባሕረ ጥበባት የሆነች ቅድስት ኦርቶዳክሳዊት ቤ/ክ አስተምህሮዋ ሙሉ በሙሉ በመለኮታዊ መገለጥ ላይ የተመሠረተ ነው፡፡ በሥጋዊና በደማዊ የግል አስተሳሰብና ፍልስፍና ላይ የተመሠረተ አንድም አስምህሮ የላትም፡፡ ከልዑል እግዚአብሔር ጋር ቀጥተኛ ግንኙነት የነበራቸው ልጆቿም ቅድስናን ገንዘብ ያደረጉ ናቸው፡፡ ቅድስናንም ገንዘብ ማድረጋቸው ሰማያዊው ምሥጢር ፍንትው ብሎ እንዲታያቸው ምክንያት ሆኗቸዋል፡፡

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

🎯 ከዘማሪያን የማንን መዝሙር ማዳመጥ ይፈልጋሉ?

https://t.me/addlist

🎤 የሁሉንም ዘማሪያን መዝሙር ለማግኘት 🔔 👇
https://t.me/addlist

287

0

0

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

አንድ አምላክ በሚሆን በአብ በወልድ በመንፈስ ቅዱስ ስም አሜን
ሚያዝያ 7-ለፍጥረት ሁሉ መዳን ምክንያት የሆነች ንጽሕት ዘር ክብርት እመቤታችን ከእርሱ የተገኘች፣ አምላክን ለወለደች ለቅድስት ድንግል ማርያም አባቷ የሆነ የከበረ ቅዱስ ኢያቄም ዐረፈ፡፡
+ ሰማዕታቱ ቅዱስ አጋቦስና ቅዱስ ቴዎድራ ደግሞም የአባ መቅሩፋ መታሰቢያ በዓላቸው መሆኑን ስንክሳሩ በስም ይጠቅሳቸዋል፡፡

አባታችን ቅዱስ ኢያቄም፡- ጴጥርቃ እና ቴክታ የሚባሉ ደጋግ ሰዎች በኢየሩሳሌም በአንድነት ተጋብተው ይኖሩ ነበር፡፡ እነዚህም በእግዚአብሔር የሚያምኑ የተወደዱ ጻድቃን ሰዎች ነበሩ፡፡ እነዚህም ሰዎች በእግዚአብሄርም በሰውም ዘንድ የተመሰከረለላቸው ባለጸጎች ነበሩ፡፡ ነገር ግን መካን ስለነበሩ የሚወርሳቸው ልጅ አልነበራቸውም፡፡

አንድ ቀን ጴጥርቃ ቴክታን እንዲህ አላት፡- ‹‹እኅቴ ሆይ! ይህን ሁሉ የሰበሰብነውን ገንዘባችንን ምን እናደርገዋለን? ልጅ የለን የሚወርሰን አንቺም መካን ነሽ፣ እኔም ካንቺ በቀር ሌላ ሴት አላውቅም›› አላት፡፡ እርሷም ‹‹ወንድሜ ሆይ! አምላከ እስራኤል ለእኔ ልጅ ቢነሳኝ አንተም እንደኔው ሆነህ ትቀራለህን? ከሌላ ደርሰህ ውለድ እንጂ›› ብላ ብታሰናብተው ‹‹እንደዚህ ያለ ነገር እንኳንስ ላደርገው በልቦናዬም እንዳላስበው አምላከ እስራኤል ያውቃል›› አላት፡፡ እርሷም ‹‹አምላከ እስራኤል የሚያደርገውን የሚያውቅ የለም፣ ትላንትና ማታ በህልሜ ነጭ ጥጃ ከማኅፀኔ ስትወጣ ያችም ነጭ ጥጃ ሌላ ነጭ ጥጃ ስትወልድ እንዲሁ እስከ 7ት ትውልድ ሲዋለድ ሰባተኛይቱ ጨረቃን ስትወልድ፣ ጨረቃዋም ፀሐይን ስትወልድ አየሁ›› አለችው፡፡ እርሱም በጠዋት ከህልም ፈቺ ዘንድ ሄዶ የነገረችውን ሁሉ ነገረው፡፡ ያም ህልም ፈቺ ‹‹እግዚአብሔር በምሕረቱ አይቷችኋል በሳህሉ መግቧአችኋል፣ 7 አንስት ጥጆች መውለዳችሁ 7 ሴቶች ልጆችና የልጅ ልጆች ትወልዳላችሁ፣ ከቤታችሁ ሰባተኛይቱ ጨረቃ መውለዷ ከሰው የበለጠች ከመላእክትም የከበረች ደግ ፍጥረት ትወልዳላችሁ፤ የፀሐይ ነገር ግን አልታወቀኝም›› አለው፡፡ እርሱም የነገረውን ሁሉ ሄዶ ለሚስቱ ነገራት፡፡ እርሷም ‹‹እንጃ አምላከ እስራኤል የሚያደርገውን ማን ያውቃል!›› ብላ ዝም አለች፡፡ ከዚያም ፀንሳ ሴት ልጅ ወለደች፡፡ ስሟንም ሔሜን ብለው አወጡላት፤ ሔሜንም አድጋ ለአካለ መጠን ስትደርስ ባል አጋብተዋት ሴት ልጅ ወለደች፣ በስምንተኛ ቀኗም ዴርዲ ብለው ስም አወጡላት፡፡ ዴርዲም አድጋ እንዲሁ ሴት ወለደችና ቶና አለቻት፣ ቶናም እንዲሁ ሴት ልጅ ወልዳ ሲካር አለቻት፣ ሲካርም እንዲሁ ሴት ልጅ ወልዳ ሴትና አለቻት፣ ሴትናም እንዲሁ ሴት ልጅ ወልዳ ሔርሜላ አለቻት፣ ሔርሜላም እንዲሁ ሴት ልጅ ወልዳ ንጽህት ቅድስት ክብርት የምትሆን እመቤታችንን የወለደቻትን ቅድስት ሐናን ወለደች፡፡

ይኽችም ቅድስት ሐና በሥርዓት አድጋ ለአእምሮ ስትበቃና አካለ መጠን ስትደርስ ከቤተ መንግስት ወገን ከነቅዱስ ዳዊት ወገን ከሆነው ከቅዱስ ኢያቄም ጋር አጋቧት፡፡ እነዚህ ቅዱሳን ኢያቄምና ሐና በአንድነት ተጋብተው ሲኖሩ ልጅ አጡ፡፡ እነርሱም እጅግ ደጋግ ሰዎች ነበሩ፡፡ አንድ ልጅ እንኳ ስላልነበራቸው እጅግ ያዝኑ ነበር፡፡ ወደ ቤተ መቅደስ እየሄዱ እግዚአብሔር ልጅ ይሰጣቸው ዘንድ አጥብቀው ይለምኑት ነበር፡፡ መብዓ ይዘው ለሊቀ ካህኑ ሲሰጡት ሊቀ ካህኑም እንኳ ሳይቀር ‹‹እግዚአብሔር ብዙ ተባዙ ያለውን ሕግ በእናንተ ላይ እንዳይፈጸም አድርጎ ልጅ የከለከላችሁ ኃጢአተኛ ብትሆኑ ነውና መብዓችሁን አልቀበልም›› ብሎ በእጅጉ አሳዝኗቸዋል። በሊቀ ካህኑ እያዘኑና እየተከዙ ሲመለሱ ከድካማቸው ያርፉ ዘንድ ዛፍ ሥር ተቀመጠው ሳለ እርግቦች ጫጩቶቻቸውን ሲያጫውቱ ተመልክተው ‹‹ለእነዚህ ወፎች እንኳ ልጆችን የሰጠህ አምላክ ለእኛስ መች ይሆን ልጅ የምትሰጠን?›› ብለው እጅግ አምርረው አለቀሱ፡፡

ቅዱስ ኢያቄምና ቅድስት ሐና ሲያዝኑ ሲጸልዩ ውለው ከዘካርያስ ከሊቀ ካህናቱ ሄደው ‹‹አቤቱ ጌታችን ሆይ ወንድ ልጅ ብንወልድ ተምሮ ቤተ እግዚአብሔርን አገልግሎ እንዲኖር እንሰጣለን፤ ሴት ልጅም ብንወልድ ውኃ ቀድታ መሶብ ወርቅ ሰፍታ መጋረጃ ፈትላ ካህናትን አገልግላ እንድትኖር እንሰጣለን›› ብለው ስዕለት ገቡ፡፡ ዘካርያስም ‹‹እግዚአብሔር ጸሎታችሁን ይስማችሁ ስዕለታችሁን ይቀበልላችሁ የልቦናችሁን ሀሳብ ይፈጽምላችሁ›› ብሎ አሳረገላቸው፡፡ ከዚህም በኋላ ቅድስት ሐናና ቅዱስ ኢያቄም ዕለቱን ራእይ አይተው ነገር አግኝተው አደሩ፡፡ ራእዩስ እንዴት ነው ቢሉ ኢያቄም ‹‹ሰባቱ ሰማያት እንደ መጋረጃ ተገልጠው ከላይኛው ሰማይ ነጭ ወፍ ወርዶ በራሴ ላይ ሲቀመጥ አየሁ›› አላት፡፡ ‹‹ወፍ›› የተባለው ጌታችን መድኃኒታችን ኢየሱስ ክርስቶስ ነው፤ ነጭነቱ ንጽሐ ባህሪው ነው፤ ‹‹ከላይኛው ሰማይ ነጭ ወፍ ወርዶ በራሴ ላይ ሲቀመጥ አየሁ›› ማለቱ የኢያቄምን (የሰውን) ባህርይ ባህርይ እንዳደረገው ዕወቅ ሲል ነው፡፡ ሰባቱ ሰማያት የተባሉ የጌታችን ልዩ ልዩ ባሕርይው ምልአቱ ስፍሃቱ ርቀቱ ልእልናው ናቸው፡፡ ቅድስት ሐናም ‹‹እኔም ደግሞ አየሁ እንጂ›› አለችው፡፡ ‹‹ምን አየሽ?›› ቢላት ‹‹ነጭ ርግብ መጥታ በራሴ ላይ ወርዳ በጆሮዬ ገብታ በማኅፀኔ ስትተኛ አየሁ›› አለችው፡፡ ‹‹ርግብ›› የተባለች እመቤታችን ድንግል ማርያም ናት፣ ነጭነቱ ንጽህናዋ ቅድስናዋ ድንግልናዋ ነው፡፡ ‹‹ነጭ ርግብ መጥታ በራሴ ላይ ተቀምጣ ከራሴ ወርዳ በጆሮዬ ገብታ በማኅፀኔ ስትተኛ አየሁ›› ማለቷ ብሥራተ ገብርኤልን በጆሮዋ ሰምታ እመቤታችን ቅድስት ድንግል ማርያም ጌታችንን መፀነሷን ነው፡፡ ይህንኑም ራእይ ያዩት ሐምሌ 30 ዕለት ነው፡፡ እነርሱም እንዲህ ያለ ራእይ ካየን ነገር ካገኘን ብለው ዕለቱን በሩካቤ ሥጋ አልተገናኙም ይልቁንም ፈቃደ እግዚአብሔር ቢሆን ብለው አዳምንና ሔዋንን ‹‹‹ብዙ ተባዙ ምድርንም ምሉአት› ብሎ ያበሰረ አምላክ ለእኛስ ይልክልን የለምን!›› ብለው ዕለቱን አልጋ ምንጣፍ ለይተው እስከ ሰባት ቀን ድረስ ለየብቻቸው ሰነበቱ፡፡ ነሐሴ በባተ በሰባተኛው ቀን ‹‹ከሰው የበለጠች ከመላእክት የከበረች ደግ ፍጥረት ትወልዳላችሁና ዛሬ በሩካቤ ሥጋ ተገናኙ ብሎሏችኋል ጌታ›› ብሎ መልአኩ ለሐና ነገራት፡፡ በፈቃደ እግዚአብሔር በብሥራተ መልአክ እመቤታችን እግዝእትነ ማርያም ተፀነሰች፡፡

ክብርት እመቤታችን በተፀነሰች ጊዜ ብዙ ተአምራት ተደርጓል፡፡ የሃናን ማሕፀን እየዳሰሱ፡- ብዙ እውራን አይተዋል፣ ድውያን ተፈውሰዋል፣ ምውታን ተነሥተዋል፡፡ ይህንን የተመለከቱ አይሁድ ቅዱስ ኢያቄምን እና ቅድስት ሐናን በድንጋይ ወግረው በእሳት አቃጥለው ሊገድሏቸው በጠላትነት ሲነሡ የእግዚአብሔር መልአክ ቅዱስ ገብርኤል ሊባኖስ ወደ ሚባል ተራራ ይዟቸው ወጣ፡፡ በዚያ ሳሉ በግንቦት 1 ቀን ከፀሐይ 7 እጅ የምታበራ እመቤታችን ቅድስት ድንግል ማርያም ተወለደች፡፡ ጠቢቡ ሰሎሞን በመኀልይ በም.4፥8 ላይ እንደተናገረ “ሙሽራዬ ሆይ ከሊባኖስ ነይ…. ከአንበሶች ጉድጓድ ከነብሮችም ተራራ ተመልከች፡፡” እንዳለ ይህ ትንቢት ተፈጸመ በተወለደች በ8ኛው ቀን ስሟን “ማርያም” ብለው አወጡላት ፡፡

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

11 de mai. de 2026, 11:36

የአባታችን የቅዱስ አባ ኖኅ ረድኤት በረከቱ ይደርብን በጸሎቱ ይማረን!
+ + +
ንጉሠ እስራኤል ቅዱስ ዳዊት፡- ልበ አምላክ ቅዱስ ዳዊት ነሐሴ 13 ቀን ተጸነሰ፣ በሚያዝያ 6 ቀን በይሁዳ በቤተልሔም ሀገር ተወልደ። 1ኛ ሳሙ 16፡10-11፡፡
ዳዊት ማለት ‹‹ኅሩይ›› ማለት ነው። አንድም ‹‹ልበ አምላክ›› ማለት ነው። ሐዋ 13፡22፡፡ ትውልዱ ከነገደ ይሁዳ ነው። አባቱ እሴይ እናቱ ሁብሊ ይባላሉ። ሁብሊ መልከ መልካም ሴት ነበረች። ከጎረቤታቸው ያለ ጎልማሳ መልኳን እያየ በሐጸ ዝሙት ተነደፈ። እሴይ የእሷም ፈቃድ እንደሆነ አውቆ መንገድ እሄዳለሁ ብሎ ስንቁን ይዞ ወጣ። የሄደ መስሎ ከዚያው ውሎ ሲመሽ በልብሱ ተሸፋፍኖ ድምጹን ለውጦ ያንን ሰው መስሎ ገብቶ ከእርሷ ጋር አድሮ ጎህ ሳይቀድ ወጥቶ ሄደ። ዳዊት በዚህ ዕለት ተጸንሷል።“እነሆ፥ በዓመፃ ተፀነስሁ፥ እናቴም በኃጢአት ወለደችኝ” (መዝ 50፡5) ማለቱ ስለዚህ ነው። ቅዱሱም ተወልዶ ጉልበቱ ከጸና በኋላ የአባቱን በጎች ሲጠብቅ አድጓል።

እረኛና ብላቴና የነበረ ቢሆንም የፍልስጤማውያኑን ኃያል ሰው ጎልያድን በ12 ዓመቱ 5 ጠጠርን ከወንዝ ለቅሞ በወንጭፍ ወርውሮ ገድሏል፡፡ 1ኛ ሳሙ 12፡45-51፡፡ ንጉሥ ሳዖል በጌልቦአ ተራራ በራሱ እጅ ከሞተ በኋላ አስቀድሞ በይሁዳ 7 ዓመት በመላው እስራኤል 33 ዓመት ነግሡዋል፡፡ 2ኛ ሳሙ 2፡4፤ 5፡1-5፡፡ ‹‹እግዚአብሔር እንደ ልቡ የሆነ ሰው መርጦአል” (1ኛ ሳሙ 13፡14) ተብሎ በእግዚአብሔር የተመረጠና ነገረ ሥጋዌን፣ ምሥጢረ ትንሣኤ ሙታን፣ ዳግም ምጽዓትን፣ ነገረ ማርያምን፣ ክብረ ቅዱሳንን፣ በስፋትና በጥልቀት የተናገረ የብሉይ ኪዳን ‹‹ወንጌላዊ›› የተባለ ቅዱስ ነቢይ ነው። “ብዙ ውሾች ከብበውኛልና የክፋተኞች ጉባኤም ያዘኝ እጆቼንና እግሮቼን ቸነከሩኝ። አጥንቶቼ ሁሉ ተቈጠሩ እነርሱም አዩኝ ተመለከቱኝም። ልብሶቼን ለራሳቸው ተከፋፈሉ፥ በቀሚሴም ላይ ዕጣ ተጣጣሉ…” እያለ የጌታችንን መከራ መስቀል በትንቢት ተናግሯል፡፡ መዝ 21 (22)፡ 16-18፡፡

“አምላክ በእልልታ፥ እግዚአብሔር በመለከት ድምፅ ዐረገ።”፣ “ከክብሩ ውበት ከጽዮን እግዚአብሔር ግልጥ ሆኖ ይመጣል። አምላካችን ይመጣል ዝምም አይልም እሳት በፊት ይቃጠላል፥ በዙሪያውም ብዙ ዐውሎ አለ…” እያለ የጌታችንን ዕርገቱንና ዳግመኛ ለፍርድ የሚመጣ መሆኑን በግልጽ ተናግሯል፡፡ መዝ 46(47)፡4-5፣ መዝ 49(50)፡ 1-5፡፡ “የንጉሦች ሴት ልጆች ለክብርህ ናቸው በወርቅ ልብስ ተጐናጽፋና ተሸፋፍና ንግሥቲቱ በቀኝህ ትቆማለች” እያለ የእመቤታችንን ክብር አይቶ በትንቢት ተናግሯል፡፡ መዝ 44(45)፡9፡፡

ቅዱስ ዳዊት ታላቅና ገናና የከበረ ንጉሥ ከመሆኑ የተነሣ መንግሥቱ የመሢሕ መንግሥት ምሳሌ ሆኗል፤ መሢሑም ጌታችን አምላካችን መድኃኒታችን ኢየሱስ ክርስቶስ በዳዊት ስም ብዙ ጊዜ በመጽሐፍ ቅዱስ ተጠቅሶ ይገኛል። (ኢሳ 9፡7፣ ኤር 23፡5-6፣ ኤር 33፡14-17፣ ሕዝ 34፡23፣ ሆሴዕ 3፡5) በሐዲስ ኪዳንም ወንጌላዊያኑ ጌታችንን ‹‹የዳዊት ልጅ›› በማለት ነው መጀመሪያ ነገረ ልደቱን ማውሳት የጀመሩት፡፡ ማቴ 1፡1፡፡ ራሱ ጌታችንም ‹‹እኔ የእሴይ ሥርና የዳዊት ዘር ነኝ›› ብሏል፡፡ ራእ 22፡16፡፡
ቅዱስ ዳዊት 7 ሀብታት የተሰጡት ጻድቅ አባት ነው፡፡ እነዚህም የተሰጡት ሀብታት፡- ሀብተ ክህነት፣ ሀብተ መንግሥት፣ ሀብተ መዊዕ (የማሸነፍ ሀብት)፣ ሀብተ ትንቢት፣ ሀብተ ኃይል፣ ሀብተ በገና (ዝማሬ) እና ሀብተ ፈውስ ናቸው። ቅዱስ ዳዊት 24 ሰዓት ሙሉ የእግዚአብሔር ምስጋና እንዳይቋረጥ መዘምራንን መድቦ እንዲያገለግሉ ያደርግ ነበር፡፡ ራሱም 10 አውታር ባለው በገና ሌት ተቀን በፍጹም ተመስጦ ያመሰግን ነበር፡፡ በመዝሙሩም አጋንንትን ያቃጥል ነበር፡፡ መዝሙረ ዳዊት በውስጡ የያዘው ሚሥጢር እጅግ ጥልቅ ነው፡፡ አባቶቻችን ዛሬም በዱር በጫካ ሆነው መዝሙረ ዳዊትን አብዝተው ይደግማሉ፡፡ እንኳንስ የሰው ልጅ ይቅርና ‹‹መዝሙረ ዳዊትን›› ሰማያውያን ቅዱሳን መላእክትም እግዚአብሔርን ለማመስገኛነት ተጠቅመውበታል፡፡ ልበ አምላክ ቅዱስ ዳዊት እድሜ ዘመኑን እግዚአብሔርን በማገልገልና በመፍራት ኖሮ በታኅሣሥ 23 ቀን በሰላም ዐርፎ በኢየሩሳሌም ተቀብሯል፡፡
ረድኤት በረከቱ ይደርብን በጸሎቱ ይማረን!

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

25 de abr. de 2026, 05:32

ለአባታችን አዳምም ዘጠኝ መቶ ሠላሳ ዓመት ሲሆን መላልኤልም መቶ ሠላሳ አምስት ዓመት ሲሆነው በተፈጠረባት ዐርብ በዘጠኝ ሰዓት አረፈ ያረፈባትም ሰዓት ከገነት የወጣባት ናት በዚያን ጊዜም የመላእክት ሠራዊት ከልጆቹ ጋራ ተሰበሰቡ። መልካም አገናነዝም ገነዙት በብዙ ሽቱዎችም መዓዛውን አጣፈጡ።

ይህም በገነትና በደብር ቅዱስ ያለ ነው ስጋውንም በፀሐይ መውጫ በኲል በዋሻ ውስጥ አኖሩ የሚያበራ መብራትም አኖሩ ከእርሱም ጋራ ወርቁን ከርቤውንና ዕጣኑን አስቀመጡ ዋሻውንም በአዳምና በሔዋን በሴት ቁልፍ ቆልፈው አተሙት። የጥፋት ውኃም እስከ መጣ ድረስ ሴትና ልጆቹ ለአባታችን አዳም ሥጋ ሲያገለግሉ ኖሩ።

ከዚህ በኃላም ኖኅ በአምላክ ትእዛዝ ደብረ አራራት እስከሚአደርሰው ከእርሱ ጋራ የአባታችን የአዳምን ሥጋ በመርከብ ወሰደው። ከዚያም ሴምና መልከ ፀዴቅ የእግዚአብሔር መልአክ እየመራቸው ይዘውት ሔዱ ከቀራንዮ ቦታ ደርሰው በዚያ ቀበሩት መልከ ጼዴቅም በዕጣንና በቁርባን ሲያገለግል ኖረ።

የእግዚአብሔርም ልጅ መጥቶ ከድንግል ልጁ በተወለደ ጊዜ መድኃኒት በሆነች ሞቱ አድኖ ወደ ቀደመው ርስቱ መለሰው እርሱ ለከበሩ ደጋጎች ነቢያት ለተጋዳዮችም ሰማዕታትና ጻድቃን አባት ነውና ስለ እርሱም የእግዚአብሔር ልጅ ወደ ዓለም መጥቶ ሰው ሁኗልና።
+++
ቅድስት ማርያም ግብፃዊት፡- ገና በ12 ዓመቷ ሰይጣን ስለ ዝሙት ፍቅር ያለ ዋጋ ሥጋዋን እስከመስጠት አድርሷት ነበር፡፡ ጌታችን ወደ መቃብሩ የሚሄዱ ሰዎችን ገልጦላት ከእነርሱ ጋር ትሄድ ዘንድ ወደደችና በመርከብ ተሳፈረች፡፡ የመርከብ ዋጋ እንኳን ሳትከፍል ሰውነቷን ሰጠቻቸውና ይህንንም ሥራዋን ኢየሩሳሌም እስክትደርስ አላቆመችም ነበር፡፡ ወደ ጌታችን መቃብር ቤት ልትገባ ስትል ግን መለኮታዊ ኃይል መግባት ከለከላት፡፡ ከሚገቡ ሰዎች ጋር ለመግባት ብዙ ደከመች፡፡ በኋላ ግን ስለ ረከሰ ሥጋዋ አስባ በእመቤታችን ሥዕል ሥር ወድቃ አለቀሰች፡፡ ‹‹ያዘዝሽኝን ሁሉ እፈጽማለሁ ተዋሽን›› አለቻትና መግባት ቻለች፡፡ ወደ ሥዕሏም ተመልሳ አለቀሰች፡፡ ከሥዕሏም ድምፅ ወጣና ‹‹ወደ ዮርዳኖስ በረሃ ሂጂ›› አለቻት፡፡ ዮርዳኖስን ተሸግራ ሄዳ 47 ዓመት በበረሃ ብቻዋን ስትጋደል ኖረች፡፡ ሰይጣንም በዝሙት ጦር ይዋጋት ነበር፡፡ 40 ጾምን ሊፈጽም ቅዱስ ዞሲማስ ወደ በረሃው መጣ፡፡

በዚያ በረሃ ውስጥ የሚጽናናበትን ነገር እንዲሰጠው ወደ ጌታችን ጸለየና ማርያምን ገለጠለት፡፡ ሲጠጋት ሮጣ አመለጠችውና ‹‹ዞሲማስ ሆይ ጨርቅ ጣልልኝ›› ብላ በስሙ ስትጠራው እጅግ ደነገጠ፡፡ ልብሱንም ከሰጣት በኋለ ሰገደላት፡፡ ገድሏንም እንድትነግረው በብዙ ለመናትና ነገረችው፡፡ በዓመቱ ሥጋ ወደሙን አምጥቶ እንዲያቆርባት ጠየቀችው፡፡ በዓመቱ መጥቶ አቆረባት፡፡ አሁንም በዓመቱ ይመጣ ዘንድ ለመነችው፡፡ ድጋሚም ሲመጣ ዐርፋ አንበሳ አስክሬኗን ሲጠብቀው አገኛት፡፡ አንበሳውም መቃብሯን ቆፍሮ አሳየውና ገንዞ ቀበራት፡፡ ገድሏንም ለመነኮሳቱ ሁሉ ነገራቸው፡፡

አባ ዞሲማስም ከደጋግ ክርስቲያን ፍልስጤማውያን ወላጆች የተገኘ ጻድቅ ነበር፡፡ ለመምህርም ሰጥተውት በሚገባ ተምሮ ካደገ በኋላ መነኮሰ፡፡ ሲሠራም ሆነ ሲበላ እንኳን ምስጋናን ከአፉ የማያቋርጥ ደገኛ አባት ሆነ ከ45 ዓመት በኋላ ቅስና ተቀበለ፡፡ ተጋድሎውንም ጨምሮ 13 ዓመት ከቆየ በኋላ ሰይጣን በልቡ ክፉ ሀብን አሳደረበት፡፡ በልቡም ከበጎ ሥራዎች ሁሉ እኔ ያልሠራሁት ምን ነገር አለ?›› ይል ጀመር፡፡ ጌታችንም ሊተወው አልወደደምና መልአኩን ልኮ ወደ ዮርዳኖስ አቅራቢያ ወዳለው በረሃ እንዲሄድ ነገረው፡፡ በዚያም ሌሎች ደጋግ አባቶችን አገኘና ከእነርሱ ተማረ፡፡ በዚያም ሳለ ወደ በረሃው ገብቶ የሚጽናናበት ነገር ይገልጥለት ዘንድ ወደ ጌታችን በጸለየ ጊዜ ነው ማርያምን ያገኛት፡፡ ዞሲማስ ብሔረ ብፁዓንም ድረስ ሄዶ የቅዱሳንን አኗኗራቸውንና ገድላቸውን አይቶ የጻፈልን ታላቅ አባት ነው፡፡ (ሙሉ ገድሉን በዕረፍቱ ዕለት ሚያዝያ 9 ቀን እናየዋለን) ረድኤት በረከታቸው ይደርብን በጸሎታቸው ይማረን!

+ + +
ጻዲቁ ኖኅ፡- እርሱም ከአባታችን አዳም ጀምሮ 10ኛ ትውልድ ነው፡፡ ከታናሽነቱ ጀምሮ ኃጢአት እንደሚበዛና ደጋጎች እንደሚያንሱ ሥጋ የለበሰ ሁሉ በጥፋት ውኃ እንደሚደመሰስ አምላካዊ ምሥጢርን የሚያይ ሆነ፡፡ ስለዚህም ፊቱ የተቋጠረ ሆኖ ፈጽሞ ያለቅስ ነበር፡፡

ጻድቁ ኖኅም የአቡዚር ልጅ የሆነች ሐይከል የምትባል ሴት አግብቶ ወደ እርሷ ሦስት ጊዜ ቢገባ ሦስት ልጆችን ሴም ካም ያፌትን ወለዳቸው፡፡ ከዚህም በኋላ እግዚአብሔር ለኖኅ ከደብር ቅዱስ ዕንጨት ቆርጦ መርከብን እንዲያሠራ ካዘዘው በኋላ አሠራሯን በዝርዝርና በጥልቀት አስረዳው፡፡ የቃየል ልጆችም ኖኅን መርከብ ሲሠራ አይተው ዘበቱበት፡፡ የአዳምንም ሥጋ ወስዶ በውስጡ አኖረ፡፡ ሴም ወርቁን፣ ካም ከርቤውን፣ ያፌት ዕጣኑን ወስደው ወደ መርከብ አስገቡ፡፡ ኖኅም ከልጆቹና 500 ዓመት ድንግልናውን ጠብቆ በእግዚአብሔር ትእዛዝ ለአባታችን አዳም ሥጋ ሲያገለግል ኖረ፡፡ ከዚህም በኋላ ሚስት እንዲያገባ እግዚአብሔር አዘዘው፡፡ ሥጋ የለበሰ ሁሉ እንደሚደመሰስ ከእርሱ ዘር በቀር የሚተርፍ እንደሌለ ነገረው፡፡ ጻድቁ ከሚስቱ ጋራ ወደ መርከቡ ገባ፡፡ ንጹሐን የሆኑት እንስሳትና አእዋፋት ሴትና ወንድ ሰባት ሰባት፣ ንጹሐን ካልሆኑት ደግሞ ሁለት ሁለት ሴትና ወንድ አስገባ፡፡ ከዚያም ሰማይ ተከፍቶ የምድርም ምንጮች ሁሉ ተነድለው ረጃጅም ተራራዎችም እስኪሸፈኑ ድረስ 40 ቀንና 40 ሌሊት ዘነመ፡፡ ውኃውም በላያቸው 15 ክንድ ከፍ አለና ሥጋ የለበሰ ሁሉ ሞተ፡፡

ከ150 ቀንም በኋላ እግዚአብሔር ኖኅን አስቦ ነፋስን በምድር ላይ አመጣና ውኃውን አጎደለ፡፡ ምንጮች ተደፍነው የሰማይ መስኮት ተዘጋ፡፡ መርከቢቱም በ7ኛው በ12ው ቀን አራራት ተራራ ላይ አረፈች፡፡ ከጊዜም በኋላ እግዚአብሔር ኖኅን ከነቤተሰቡ አንድ ላይ ከመርከቡ እንዲወርዱ አዘዘው፡፡ ኖኅም መሠዊያን ሠርቶ ንጹሕ ከሆኑት ሁሉ ወስዶ መሥዋዕት ባቀረበ ጊዜ እግዚአብሔር መልካም መዓዛን አሸተተ፡፡ ዳግመኛም ምድርን በንፍር ውኃ እንዳያጠፋ ቃልኪዳን ገባለት፡፡ ምድር ፀንታ በምትኖርበት ዘመን ሁሉ ዘር መከር፣ ቅዝቃዜና ሙቀት፣ በጋና ክረምት፣ መዓልትና ሌሊት እንደማይቋረጥ ቃልኪዳን ገባለት፡፡ እግዚአብሔርም ኖኅንና ልጆቹን ባረካቸው፡፡ ብዙ ተባዙ ምድርንም ምሉዋት ግዟት አላቸው፡፡
ኖኅም ምድርን ያርሳት ይቆፍርራትም ጀመር፡፡ ወይንም ተክሎ ፍሬውን አድርሶ ወይን ጠጥቶ በሰከረና ራሱን በሳተ ጊዜ የከነዓን አባት ካም የኖኅን ራቁትነት አይቶ ሳቀ፣ ሄዶም ለሁለቱ ወንድሞቹ ነገራቸው፡፡ ያፌትና ሴምም ልብስ ወስደው የአባታቸውን ርቃን ሸፈኑ፡፡ ኖኅም ከስካሩ በነቃ ጊዜ ሁሉም ያደረጉትን ዐወቀ፡፡ ‹ከነዓን የተረገመ ይሁን፣ ለወንድሞቹም ተገዥ አገልጋይ ይሁን› ብሎ ከረገመው በኋላ ‹‹የሴም ፈጣሪ እግዚአብሔር ይመስገን፣ እግዚአብሔርም የያፌትን አገር ያስፋ፣ በሴም ቤትም ይደር›› ብሎ መረቃቸው፡፡ አባታችን ኖኅ ‹‹እግዚአብሔር በሴም ቤት ይደር›› ማለቱ የጌታችንን ሰው መሆን በትንቢት መናገሩ ነው፡፡ እርሱም ከጥፋት ውኃ በኋላ 350 ኖረ፡፡ በአጠቃይ ዕድሜው 950 ዓመት በሆነ ጊዜ በሰላም ዐረፈ፡፡

✞︎ቤተ ተዋሕዶ/𝐁𝐄𝐓𝐄 𝐓𝐄𝐖𝐀𝐇𝐎𝐃𝐎✞︎︎︎❥︎𝐄𝐭𝐡𝐢𝐨

25 de abr. de 2026, 05:32

አንድ አምላክ በሚሆን በአብ በወልድ በመንፈስ ቅዱስ ስም አሜን
ሚያዝያ 6-አባታችን ቅዱስ አዳምና እናታችን ቅድስት ሄዋን ዓመታዊ መታሰቢያ በዓላቸው ነው፡፡
+ በዮርዳኖስ በረሃ ብቻዋን 47 ዓመት ስትጋደል የኖረችው የከበረች ቅድስት ግብፃዊት ማርያም ዕረፍቷ ነው፡፡
+ ጌታችን በከበረች በቅድስት ትንሣኤው ሳምንት ለሐዋርያው ቶማስ ተገለጠለትና የእጆቹንና የእግሮቹን የችንካሮች ምልክት አሳየው፤ በጦር የተወጋ ጎኑን ያስዳሰሰው እንደዛሬዋ ባለችው ጥንተ ዕለት ነው፡፡ ቅዱስ ቶማስም በዚህ ጊዜ ‹‹ጌታዬና ፈጣሪዬ ሆይ ከሞት መነሣትህን አመንኩ›› አለ፡፡
+ ልበ አምላክ ነቢዩ ቅዱስ ዳዊት ልደቱ ነው፡፡
+ ጻድቁ ኖኅ ልደቱ ነው፡፡
ቅዱሳን_አዳምና_ሔዋን:-በዚህችም ቀን የአባታችን አዳምን የእናታችን ሔዋንን መታሰቢያቸውን እናደርግ ዘንድ የቤተ ክርስቲያን መምህራን አዘዙን። ይህን አባታችን አዳምን ሳይፈጥረው አስቀድሞ በሰማይና በምድር ያለውን አዘጋጀለት። ሐዋርያው ጳውሎስ እንደተናገረ መላእክትንም ስለርሱ ፈጠረ።

ከዚህም በኃላ በኤዶም ተክልን አዘጋጀለት እርሱም የፍሬው ጣዕም በየራሱ ልዩ ነው የሚአሻውን ሁሉ አከናውኖ እነሆ ከምድር መካከል ይኸውም ጎልጎታ ነው አፈር አንሥቶ በሦስት ሰዓት እርሱን ፈጠረው። ከአራት በሕርያት ይኸውም ውኃ እሳት ነፋስና መሬት ነው በአርአያውና በምሳሌው ራሱን አስመስሎ ፈጠረው በፊቱም እፍ ብሎ የሕይወት መንፈስን አሳድሮ የሚናገርና የሚያስተውል የሚያውቅ አደረገው የብርሃንንም ልብስ አልብሶ ንጉሥ ነብይ ካህን አስተዳደሪ አድርጎ በፈጠረው ሁሉ ላይ ሾመው።

ከዚህም በኃላ አይቶ ስማቸውን ይሰይም ዘንድ አራዊትን እንስሳትን የሰማይ ወፎችን ሁሉ ወደርሱ አመጣ። አዳምም መንፈስ ቅዱስ እንዳናገረው ለሁሉም ስም አወጣላቸው። ከዚህም በኃላ በአዳም ላይ እንቅልፍን አመጣበትና አንቀላፋ ከጐኑም አንድ ዐጥንትን ነሣ ቦታዋንም በሥጋ መላው እግዚአብሔርም ሴት አድርጎ አሰምሮ ሠራት በአዳምም በፊቱ አኖራት። አዳምም ነቅቶ ይቺ ከዐጥንቴ ዐጥንት ከሥጋዬ ሥጋ ናት ሚስት ትሁነኝ ብሎ ተናገረ ስሟንም ሔዋን አላት።

አዳምም በጎልጎታ ቁሞ የፈጣሪውን ቃል እየሰማ ሳለ እነሆ ከሚስቱ ከሔዋን ጋራ በፊት በኃላ ሁነው በየነገዳቸው አዳምን ስለ አከበረው መላእክት እግዚአብሔርን እያመሰገኑ ደመና ተሸክማ ወሰደቻቸው በኤዶም ገነትም አኖራቸው።

እግዚአብሔርም አዳምንና ሔዋንን በገነት ካለው ተክል ሁሉ ብሉ ግን ከገነት መካከል ዕፀ በለስን አትቡሉ ከእርሱ በበላችው ቀን ሞትን ትሞታላችሁ አላቸው። አዳምም ገነትን እያረሰና እየቆፈረ ከፍሬዋም እየተመገበ ከመላእክት ጋራ ሲያመሰግን ኖረ።

የበጎ ሥራ ጠላት ሰይጣን ግን ከማዕርጉ በወደቀ ጊዜ በአዳም ጌትነትና ክብር ቀንቶ በእባብ አድሮ ወደሔዋን ሔደ። ያንን ዕፀ በለስንም ትበላ ዘንድ አታለላት አምላክ የመሆንንም ተስፋ አሳደረባትና አሳታት።

ያንን ዕፀ በለስንም በአየችው ጊዜ አማራት በልታ ለባልዋም አበላችው ያን ጊዜ የብርሃን ልብሳቸው ከላያቸው ተገፈፈ። እነርሱም ራቁታቸውን እንደሆኑ አውቀው በበለስ ቅጠል ኀፍረተ ሥጋቸውን ሸፈኑ። እግዚአብሔርም ስሕተታቸውን አውቆ አስቀድሞ እባብን ረገመ በእርሷና በሴቲቱ ዘር መካከል ጠላትነትን አጸና።

በሔዋንም ላይ በፃር በገዐር ውለጂ ወልደሽም መመለሻሽ ወደባልሽ ይሁን እርሱም ይግዛሽ ብሎ ፈረደባት። አዳምንም እንዲህ አለው ስለ አንተ ምድር የተረገመች ትሁን ጥረህ ግረህ እንጀራህን ብላ አንተ አፈር ነህና ወደ አፈርነት ትመለሳለህ።

እግዚአብሔርም የቁርበትን ልብስ አዘጋጅቶ አለበሳቸው ሰባት ዓመት በተድላ ከኖሩ በኃላ በምሽት ጊዜ ከኤዶም ገነት ወጡ። አዳምም በማለዳ ፀሐይ ሲወጣ ነጭ ዕጣን ቀንዓት ሰሊሖት የሚባል ሽቱ ከሎሚ ውኃ ጋር አጠነ። አዳምም በኤዶም ገነት እንደተማረ ምድሪቱን እያረሰና እየቆፈረ ኤልዳ በሚባል ምድር ኖረ።

አዳምም ሔዋንን በግብር አወቃት ቃየልን ከእኅቱ ጋር ወለደችለት ከእርሱም በኃላ አቤልን ከእኅቱ ጋራ ወለደችው ቃየልና አቤልም አድገው አካለ መጠን አደረሱ። ወደ እግዚአብሔርም መሥዋዕት በአቀረቡ ጊዜ ጌታ የአቤልን መሥዋዕት ተቀበለ ስለዚህም ቃየል ተቆጣ በአቤልም ቀንቶ ገደለው።

አዳምም በልጁ በአቤል ሞት እያዘነና እያለቀሰ አራት የዘመን ሱባዔ ኖረ። ከዚህም በኃላ ሴት ተወለደለት በእርሱም መታሰቢያው ጸና ከእርሱም በኃላ ብዙዎች ወንዶችንና ሴቶች ልጆችን ወለደ።

እግዚአብሔርም ንስሓውንና ልቅሶውን አይቶ የድኅነት ተስፋ ሰጠው። አምስት ሺህ አምስት መቶ ዘመን ሲፈጸም ወደ ዓለም መጥቼ ከልጅ ልጅህ እወለዳለሁ ሕፃንም ሆኜ በሜዳህ ውስጥ እድሀለሁ በመስቀሌና በሞቴም አድንሃለሁ አለው።

አዳምም ከገነት በወጣ ጊዜ የወሰደውን ወርቅ ከርቤና ዕጣን ለልጁ ለሴት ሰጠው እንዲህም አለው በኃላ ዘመን የእግዚአብሔር ልጅ መጥቶ ከድንግል ይወለዳል ያን ጊዜ የጥበቡ ሰዎች ይህን ወርቁን ከርቤውንና ዕጣኑን እጅ መንሻውን ያመጡለታል እርሱም መዝግቦ በዕቃ ቤት አኖረው።

ወደ ኖኅም እስኪደርስ ከትውልድ ወደ ትውልድ ሲተላለፍ ኖረ ከኖኅም የምሥራቅ ሰዎች ወደ ሆኑ የጥበብ ሰዎች እስኪ ደርስ ተላለፈ። እነርሱም ከእመቤታችን ከቅድስት ድንግል ማርያም በሥጋ በተወለደ ጊዜ አምጥተው ለእግዚአብሔር ልጅ እጅ መንሻ አድረገው አቀረቡለት እመቤታችንም ከእጃቸው ተቀበላ በኃላ ለቅዱስ ጴጥሮስ ሰጠችው ቅዱስ ጴጥሮስም ለቀሌምንጦስ ሰጠው።

አዳምም የሚያርፍበትን ሰዓት በአወቀ ጊዜ ልጁ ሴትን ጠርቶ ከመሞቴ በፊት ልጆችህንና የልጅ ልጆችህን ወደእኔ አቅርባቸው አለው። የአባቱን ቃል ሰምቶ ዕንባው በጉንጩ ላይ እየፈሰሰ ወጣ ወደ አዳምም አቀረባቸው።

አዳምም በአያቸው ጊዜ ከእሳቸው ስለ መለየቱ አለቀሰ። እነርሱም ሲያለቅስ በአዩት ጊዜ ሁሉም በአንድነት ወደ እግዚአብሔር በግምባራቸው ተደፍተው አለቀሱ ምድር እንዴት ትሸፈንሃለች ከዐይኖቻችንስ እንዴት ትሠወራለህ አሉ።

ከዚህም በኃላ አባታችን አዳም ሁሉን ልጆቹን ባረካቸው መረቃቸው። ልጁን ሴትን እንዲህ አለው ይቺ ዓለም ድካምና ችግርን የተመላች ናትና በእግዚአብሔር እየታመንክ ዕውነትን ንጽሕናን ጠብቅ ሰይጣን ወደ ሚያሳይህ ምትሐቱና ወደ ነገሩ አታዘንብል።

በሞትኩ ጊዜም ሥጋዬን ወስዳችሁ ሰሊክ ሚዓ በሚባል ሽቱ ገንዛችሁ በግምጃ ቤት አኑሩኝ የጥፋት ውኃ ይመጣ ዘንድ አለውና ፍጥረት ሁሉ ይሰጥማል ከስምንት ነፍስ በቀር የሚቀር የለም። ልጄ ሆይ ለወገኖችህ ቋሚ ሁነህ እግዚአብሔርን በመፍራት ጠብቃቸው የዕውነት መንገድንም ምራቸው ለስይጣንም እንዳይ ታዘዙና እንዳያጠፋቸው አደራ አስጠብቃቸው።

ልጆችህንና የልጅ ልጆችህን ከቃየል ልጆች ለያቸው አንድ ይሆኑ ዘንድ ከቶ አትተዋቸው ወደ ሥራቸውና ወደ ጨዋታቸውም አይቅረቡ። ከዚህም በኃላ ወደ ልጁ ወደ ሴትና ወደ ሔዋን መለስ ብሎ ያንን ወርቅ ከርቤና ዕጣን ከእርሳቸው ጋራ አኑረው ይጠብቁት ዘንድ አደራ አላቸው። እንዲህም አላቸው የጥፋት ውኃ በመጣ ጊዜ ሥጋዬን ከወርቁ ከከርቤውና ከዕጣኑ ጋራ ወደ መርከብ ያስገቡ ከዚያም በኃላ በምድር መካከል ያኑሩት።

ከብዙ ዘመናት በኃላም ያቺን አገር ይወርዋታል እሊህንም ወርቅ ከርቤና ዕጣን ከብዙ ምርኮ ጋር ይወስዱትና አካላዊ ቃል መጥቶ ሰው እስከሚሆን ድረስ በዚያ ይጠበቃል። ነገሥታትም ይዘው መጥተው ይገብሩለታል ወርቁ ስለ መንግሥቱ ዕጣኑ ስለ ክህነቱ ከርቤውም ማሕየዊት ስለሆነች ሞቱ ነው።

Showing 12 of 12 posts

No more posts