Bugin.kz

Public

Арнаны көру

Қосыла алмайсыз ба? @buginkz_kz

1.2k Мүшелер

Жаңартылған: May 20, 2026 at 9:11 AM

Bugin.kz

Қазақстандағы және әлемдегі өзекті жаңалықтар

@buginkz_kz is a dedicated channel for Әлемдік жаңалықтар with regular updates in Әлемдік жаңалықтар

Рейтинг

Жалпы рейтинг

#456

Тіл бойынша рейтинг

#45

Санат бойынша рейтинг

#23

-1

Жазылушылардың өсуі (Соңғы 6 күн)

Барлығы: 1.2K

24 сағаттағы өсу: +0 0%

Соңғы посттар

Bugin.kz

2026 ж. 29 сәу., 04:15

📷 Photo

3 қыркүйекте «Қазақ тазысы мен төбет күні» деген мереке атап өтіледі. Үкіметтің 2026 жылғы 15 сәуірдегі қаулысымен 3 қыркүйек — «Қазақ тазысы мен төбеті күні» болып жарияланды. Аталған құжат ресми түрде 28 сәуірден бастап күшіне енбек. Бұл шешім ұлттық құндылықтарды ұлықтау мақсатында қабылданып отыр.

Қазақы ит тұқымдарына арналған арнайы күннің пайда болуы — сала мамандары үшін үлкен мүмкіндік. Енді ит өсірушілер мен кинологиялық орталықтар тек көрмелермен шектелмей, кәсіби деңгейде білім алмасып, жарыстар өткізе алады.
Айта кетейік, бұл бағыттағы ең үлкен жеңіс 2024 жылдың қыркүйегінде тіркелді: Амстердамдағы алқалы жиында қазақ тазысы жеке тұқым ретінде алдын ала танылып, еліміз ресми стандарт иесі мәртебесіне ие болды.

Фото: Ашық дереккөз

170

Bugin.kz

2026 ж. 29 сәу., 04:15

📷 Photo

Қазақстандағы балалар «Kids Go Free» бағдарламасы бойынша биыл да ел ішінде тегін саяхаттай алады. Егер тур ресми туроператордан сатып алынса және балалар ата-анасымен бірге саяхаттаса, мемлекет 2-ден 17 жасқа дейінгі балалардың авиабилет құнын төлеп береді.

«Kids Go Free» бағдарламасының басты ерекшелігі — лицензиясы бар туроператорлардан турпакет сатып алған жағдайда, 2-ден 17 жасқа дейінгі балалар үшін ұшақ билетінің құны толықтай мемлекет есебінен өтеледі, бұл отбасылық бюджетті айтарлықтай үнемдеуге мүмкіндік береді.

Бұл бағдарлама ішкі отбасылық туризмді дамытуға көмектеседі. Жоба іске қосылған сәттен бастап 5500-ден астам бала Қазақстан бойынша билетке ақша төлемей ұшу мүмкіндігін пайдаланған.

Туризм және спорт министрлігінің хабарлауынша, бүгінде ата-аналар балаларымен бірге Алакөлдің шипалы суына, Каспий жағалауындағы Маңғыстау өңіріне, тарихи Түркістанға және заманауи Астана мен Щучинск-Бурабай курорттық аймақтарына жиі барады.

Фото: Ашық дереккөз

164

Bugin.kz

2026 ж. 29 сәу., 04:15

📷 Photo

Депутат Алтыншаш Табулдина кәріз жүйесін талдау арқылы нашақорлықтың жасырын нүктелерін анықтауды ұсынып отыр. Бұл әдіс есірткі тұтынушыларды жасырын пәтерлер мен мектеп, университет ішінен-ақ тауып алуға мүмкіндік бермек.

Депутаттың мәлімдеуінше, кәріз жүйесіндегі судан есірткі заттарының тіпті микроскопиялық іздерін тауып, сол арқылы тыйым салынған заттарды қолданушылардың нақты орналасқан жерін қатесіз анықтауға болады.

«Кәріз құбырларынан сынама алып, нақты қай жерде - белгілі бір үйде, университетте немесе мекемеде мұндай фактілердің бар-жоғын анықтауға болады. Бұл - жұмыс істеуге болатын нақты нысаналы топтар. Біз бір ұйымда болып, тіпті аз мөлшердегі дозалардың кәріз құбырлары арқылы анықталатынын көрдік. Қай жерде - үйде, мекемеде, университетте немесе колледжде есірткі тұтынылатынын түсінуге болады», - деді ол.

Депутат ағын суларды есірткі ізіне талдаудың заманауи әдістері қазірдің өзінде кейбір ұйымдарда қолданылып жатқанын атап өтті.

Фото: Google AI

233

Bugin.kz

2026 ж. 29 сәу., 04:15

📷 Photo

Қазақстан мен Қытай арасындағы жүк тасымалы рекордтық деңгейге жетті.

Сенат депутаты С. Алдашев «Қорғас» торабында консулдық ашуды ұсынып отыр. Сенатордың пікірінше, логистикадағы теңсіздікті жоюдың уақыты келді. Отандық тасымалдаушылардың Қытайға еркін кіріп-шығуына жағдай жасап, «жүксіз шығуға болмайды» деген шектеуді алып тастауды талап етті. Бұл қадам қазақстандық жүргізушілердің транзиттік мүмкіндіктерін теңестіруге тиіс.

Инфрақұрылымдық кедергілерді жою мақсатында депутат «Қорғасқа» ресми өткізу пункті мәртебесін беруді ұсынды. Бұл бастама арнайы экономикалық аймақтарды бір-бірімен тікелей байланыстырып, авто және теміржол қатынасын жеңілдетпек. Нәтижесінде, тасымал жылдамдығы артып, бюрократиялық тізбектер қысқарады.

Айта кетейік, соңғы үш жылда автокөлік тасымалының 2,5 есеге күрт өсуі шекарадағы өткізу қабілетінің шегіне жеткенін көрсетті. Ендігі кезекте «тар жерлерді» жою техникалық мәселе емес, еліміздің транзиттік әлеуетін сақтап қалу үшін стратегиялық басымдыққа айналды.

Фото: Ашық дереккөз

237

Bugin.kz

2026 ж. 29 сәу., 04:15

📷 Photo

10-20 сәуір аралығында Халықаралық инженерлік-технологиялық университетінде Ғылым онкүндігі өтті.

Ғылым онкүндігінің негізгі тақырыбы - Жасанды интеллект дәуіріндегі ғылым мен технологиялардың дамуы. Ауқымды бағдарлама халықаралық ғылыми-практикалық конференция, дөңгелек үстел, ғылыми семинарларды, әзірлемелер көрмелерін, ашық дәрістерді, шеберлік сағаттарын және технологиялық хакатонды біріктірді. Бағдарлама аясында ХИТУ-дың Озық технологиялар орталығы ашылды. Университеттің ғылыми-технологиялық инфрақұрылымын нығайтудағы маңызды қадам болған орталық базасында ұшқышсыз ұшу аппараттарын құрастыру және осы құзыреттіліктерге оқыту бағыты дамиды. Бұл озық қолданбалы технологияларға бағдарланған жаңа буын инженер мамандарын даярлауға қосымша мүмкіндіктер ашады.

Фото: METU

189

Bugin.kz

2026 ж. 29 сәу., 04:15

📷 Photo

Ұлттық кітап күніне орай ұйымдастырылған кітап апталығы аясында бүгін еліміздің барлық кітапханаларында дәстүрлі «Кітапхана түні» жалпыұлттық акциясы өтеді.
Бұл туралы Мәдениет және ақпарат министрлігі мәлімдеді.

Кітап апталығының бесінші күніндегі іс-шаралар бағдарламасы мазмұндылығымен ерекшеленеді. Кітапхана базаларында интерактивті бағдарламалармен қатар, оқырмандардың танымдық деңгейін арттыратын зияткерлік жарыстар, өнер вернисаждары және поэзиялық кештер өткізу жоспарланған.

«Бұл бастама кітапханаларды тек оқу орны емес, заманауи мәдени-танымдық кеңістік ретінде дамытуға бағытталған. Акция аясында оқырмандар үшін жаңа форматтағы шаралар ұсынылып, кітап оқуға қызығушылықты арттыру көзделіп отыр», – делінген хабарламада.

Мерекелік іс-шаралар еліміздің барлық аймағын қамтып отыр.

Фото: Ашық дереккөз (ЖИ)

151

Bugin.kz

2026 ж. 29 сәу., 04:15

📷 Photo

Мәжіліс депутаты Ерболат Сатыбалды негізсіз атақ-даңқ беру үрдісінің жиілеп кеткеніне тоқталып, бұл мәселені сынға алды.

«Мәселе жеке адамдарда емес, мәселе осылай жүйеге айналып бара жатқанында. Кейбір пысықайлар «Алтын адам», «Ғасыр адамы» атты энциклопедия шығарып, 300 мың теңге төлесең, өзіңді де, ата-бабаңды да «алтын адамдар» қауымына қосып беретін болды. «Қазақстанның құрметті азаматы», «Ұлт ұстазы», «Ғасыр ұстазы», «Қазақстанның қайраткері», «Алаш ұлы», «Ұлы Дала ұлы», «Арда азамат», «Тұлға» тізе берсең, шегі жоқ жалған төсбелгі мен ордендер. Бұл - атақтың, абыройдың, тарихтың ашық саудасы», - деді ол.

Депутат қоғамдық марапаттарды заңмен реттеу мәселесін көтерді. Оның айтуынша, 2025 жылдың соңында орын алған келеңсіз оқиға бұл саланың бақылаусыз қалғанын көрсетіп отыр. Мәселен, «Qazaqstan ardagerleri» бірлестігі тағайындаған «Намыс» пен «Батыр шапағаты» белгілері мемлекеттік наградаларға тым ұқсас болғандықтан, ұйымдастырушылардың біріне Әкімшілік кодекстің 674-бабы бойынша айыппұл салынған.

207

Bugin.kz

2026 ж. 29 сәу., 04:15

📷 Photo

Оқу-ағарту министрі Жұлдыз Сүлейменова білім беру бағдарламасына енгізілетін өзгерістер туралы айтты.

Министр Атырау облысына жұмыс сапары барысында білім сапасын арттыру мақсатында жаратылыстану-математика бағытындағы пәндердің сағаттары мен мазмұны қайта қаралып, бастауыш сынып бағдарламасына өзгерістер енгізілетінін мәлімдеді.

Оқу бағдарламасына құқықтық сауаттылықты арттыратын жаңа пәндер енгізілмек. Атап айтқанда, 5-7-сынып оқушылары үшін «Конституция негіздері», 8-9-сыныптарға «Заң және тәртіп» пәндері оқытылады, ал жоғары сыныптарда «Құқық негіздері» міндетті пәнге айналады. Бұдан бөлек, министр мектептерде оқушылардың жазу сауаты мен ойлау қабілетін дамыту үшін диктант, мазмұндама және шығарма жазу жұмыстарының қайта жанданатынын атап өтті.

Айта кетейік, бұған дейін Оқу-ағарту министрлігі тарапынан педагогтерді аттестаттау жүйесін реформалау бойынша бірқатар бастамалар көтерілген болатын. Қазіргі таңда педагогтардың біліктілігін бағалау бойынша тиісті өзгерістер енгізу жұмыстары жүргізіліп жатыр.

213

Bugin.kz

2026 ж. 29 сәу., 04:15

📷 Photo

Ресей мен Әзербайжан 2024 жылғы желтоқсанда Ақтау маңында болған AZAL әуекомпаниясы ұшағының апатына қатысты бірлескен мәлімдеме жасады.

«Қабылданған шаралар одақтастық іс-қимыл аясында өзара тиімді ынтымақтастықты одан әрі құруға деген ортақ ұмтылысты растайды. Ресей-Әзербайжан байланыстарының өзара құрмет, сенім және тараптардың мүдделерін ескеру негізінде үдемелі дамуы тату көршілік қатынастарды нығайтуға және екі мемлекет халықтарының мүддесі үшін ынтымақтастықты кеңейтуге алдағы уақытта да ықпал ететініне сенім білдіреміз», - делінген делінген бірлескен мәлімдемеде.

Екі мемлекеттің СІМ таратқан мәліметінше, Душанбе саммитіндегі мемлекет басшыларының уағдаластығы Embraer 190 апатының зардаптарын реттеуге жол ашты. Ендігі кезекте тараптар өтемақы төлеу процесін бекітілген регламент бойынша жүзеге асырмақ.

Фото: Ашық дереккөз

214

Bugin.kz

2026 ж. 29 сәу., 04:15

📷 Photo

Қазақстанда «Әділет» атты жаңа саяси партия құрылады.

Партия прогрессивті реформаларды ілгерілетуді, құқықтық мемлекеттің негізі ретінде заң үстемдігін орнықтыруды және мемлекеттік маңызы бар шешімдерді қабылдауға қарапайым халықтың араласуын арттыруды көздейді.

«Біз экономикасы мықты, баршаға кең мүмкіндік беретін және әлемдік қоғамдастықта беделді Әділетті мемлекетті құру және нығайту үшін барлық жауапты азаматтардың күш-жігерін біріктіргіміз келеді», - делінген мәлімдемеде.

Партия өз жұмысының негізгі басымдықтарын айқындап, барша қазақстандықтар үшін тең мүмкіндіктер жасауды, сондай-ақ тәуелсіз әрі әділ сот жүйесін қалыптастырып, елдің тұрақты экономикалық дамуын қамтамасыз етуді көздеп отыр. Осы мақсатта 16 сәуір күні бастамашыл топ Әділет министрлігіне ресми тіркеу рәсімдерін бастау туралы өтініш жолдап, ендігі кезекте жақын арада саяси ұйымның құрылтай съезін өткізу жоспарланған.

Фото: Ашық дереккөз

213

Bugin.kz

2026 ж. 15 сәу., 11:01

📷 Photo

Қазақстан футбол федерациясы «Ордабасы» – «Атырау» матчында қазылық еткен Санжар Ысқақов пен Татьяна Сорокопудова ұлттық жарыстар аясындағы матчтарда қызмет көрсетуден уақытша шеттетілгенін мәлімдеді.

«Бұл шешім Қазақстан Премьер-лигасының соңғы турында жіберілген бірқатар өрескел әрі маңызды қателіктерге байланысты қабылданды. Аталған қателіктер матч нәтижесіне әсер етті. Олардың алдағы мәртебесіне қатысты түпкілікті шешім ҚФФ-ның құзыретті органдары тарапынан жан-жақты тексеріс жүргізілгеннен кейін қабылданады», – деп жазылған ресми ақпаратта.

Айта кетейік, «Ордабасы» – «Атырау» матчының 82-минутында атыраулықтар салған екінші голды бас төреші Санжар Ысқақов VAR жүйесіне жүгінгеніне қарамастан күшінде қалдырмады. Бұл гол есептелгенде, «Атыраудың» жеңіске жету мүмкіндігі еселенер еді. Бұған қоса, ойынның 97-минутында «Атырау» ФК қақпасына пенальти белгіленіп, соның салдарынан есеп теңескен. Кейіннен төрешілердің бұл шешімдері қате деп танылды.

Фото: Ашық дерекккөз

168

Bugin.kz

2026 ж. 15 сәу., 11:01

🎥 Video

NASA-ның «Artemis II» миссиясы аясында астронавттар Айды айналып өтіп, 50 жылдан астам уақыт бұрын орнатылған қашықтық рекордын жаңартты. Бұл сапар адамзаттың ғарышты игеру тарихындағы ең алыс әрі маңызды қадамдардың біріне айналды.

Бүгін Orion ғарыш кемесі Айдың тартылыс аймағына еніп, айналып өтті. Экипаж мүшелері Ай бетіне 6 545 шақырым (4067 миль) қашықтыққа дейін жақындады. Олар жеті сағат бойы Ай бетінің ландшафтын зерттеп, деректер жинады.

Астронавттар Ай бетінің бұрын-соңды адам көзімен көрілмеген бөліктерін — оның Жерден көрінбейтін арғы бетіндегі аймақтарын бақылады. Миссия барысында Orion кемесі Жерден 405 500 шақырымнан (252 000 миль) астам қашықтыққа ұзап шықты. Осылайша, Artemis II экипажы 1970 жылы «Аполлон-13» орнатқан рекордты жаңартты. Бұл бақылаулар болашақта Ай бетіне қону миссиялары үшін стратегиялық маңызға ие.

Видео: NASA

141

Bugin.kz

2026 ж. 15 сәу., 11:01

📷 Photo

Үкіметте Ұлттық экономика министрі Серік Жұманғариннің төрағалығымен әлеуметтік маңызы бар азық-түлік тауарларының баға мәселесі талқыланды. Жиын барысында негізгі өнімдердің құнын тұрақтандыру бойынша атқарылып жатқан жұмыстардың қазіргі жағдайы айтылды.

Қазақстандық делегацияның Өзбекстанға жасаған жұмыс сапары аясында Сурхандария облысының жетекші агро-кәсіпорындарымен келіссөздер жүргізіліп, ішкі нарыққа әлеуметтік маңызы бар өнімдер жеткізуді ұлғайту туралы маңызды уағдаластықтарға қол жеткізілді. Көршілес елдегі өнімді өсіру, сақтау және буып-түю процестерімен танысқан мамандар өзбек көкөністерінің жоғары сапасын атап өтіп, оларды отандық стандарттарға сәйкестендіру үшін қосымша іріктеу қажеттігін белгіледі. Сонымен қатар, тараптар екіжақты тауар айналымын одан әрі кеңейту және импортқа қажетті тауарлардың нақты тізімін жасау арқылы ұзақ мерзімді серіктестікті нығайтуға келісті.

Фото: Үкімет

158

Bugin.kz

2026 ж. 15 сәу., 11:01

📷 Photo

Денсаулық сақтау министрлігі 1991 жылдан бергі қазақстандықтардың өмір сүру ұзақтығының өзгеру көрсеткішін жариялады.

Қазақстанда халықтың орташа өмір сүру ұзақтығы рекордтық деңгейге көтеріліп, 75,97 жасты құрады. Мемлекеттік органның деректеріне сүйенсек, бұл көрсеткіш еліміз егемендік алған кезеңнен бергі ең жоғары нәтиже ретінде тіркеліп отыр.

«1991 жылы өмір сүру ұзақтығының орташа көрсеткіші 67,6 жасты құраған болатын (2001 жылы - 65,6, 2011 жылы - 68,98, 2021 жылы - 70,23). Осылайша, үш жарым онжылдықтағы прогрестің арқасында Қазақстан азаматтарының орташа өмір сүру ұзақтығы 8 жылдан астам уақытқа ұзарды», - делінген хабарламада.

Министрліктің мәлімдеуінше, өмір сүру жасының ұзаруына жұқпалы емес аурулардың алдын алу бойынша қабылданған шаралар айтарлықтай әсер еткен. ДСМ бұл бағыттағы жұмыстардың өлім-жітім көрсеткішін төмендетудегі маңызы жоғары екенін атап өтті.

Фото: Ашық дерекккөз

202

Bugin.kz

2026 ж. 15 сәу., 11:01

📷 Photo

Премьер-министр Олжас Бектенов республикалық референдумда қабылданған Конституцияны халық арасында кеңінен насихаттауға бағытталған арнайы іс-шаралар жоспарын бекітті. Бұл құжат азаматтардың құқықтық мәдениетін көтеруді және Ата заңның әрбір тармағын халыққа түсіндіруді көздейді.

Үкімет бекіткен құжат үш негізгі бағыттан тұратын 36 нақты іс-шараны қамтиды. Жоспар аясында Ата заңның мәтінін жаппай басып шығарумен қатар, цифрлық қолжетімділікке де басымдық берілген. Атап айтқанда, құжат электронды платформаларға жүктеліп, мүмкіндігі шектеулі жандарға арнайы форматтарда әзірленетін болады.

Бекітілген шаралар жиынтығы жаңа Конституцияны халыққа түсіндіруге және заң талаптарының толыққанды өміршеңдігін арттыруға бағытталған.

Фото: Ашық дерекккөз

150

Bugin.kz

2026 ж. 15 сәу., 11:01

📷 Photo

2026 жылғы 24 сәуірде PR-shy клубы ұйымдастыруымен «Сиреневый PRорыв – 2026» халықаралық студенттік конференциясы аясында «Елдік PR: Қазақстан имиджі» бейнежобалар фестивалі өтеді.

Фестиваль болашақ коммуникация мамандарына ұлттық брендті жаңа көзқараспен пайымдап, оны заманауи визуалды және цифрлық форматта ұсынуға мүмкіндік береді.

Фестивальға «Қоғаммен байланыс», «Журналистика», «Маркетинг», «Халықаралық қатынастар», «Туризм» және «Менеджмент» бағыттары бойынша білім алып жатқан қазақстандық және шетелдік жоғары оқу орындарының студенттері қатысады. Қатысушыларға бір минуттық бейнеролик форматында Қазақстанның ел ішіндегі және халықаралық деңгейдегі позициясын қалай көретінін, оның даму бағыты мен болашақтағы бейнесін өз көзқарасы тұрғысынан ұсыну міндеті жүктеледі.

Бейнероликте Қазақстанның ішкі әлеуеті, ұлттық құндылықтары, экономикалық, мәдени және әлеуметтік ерекшеліктері, сондай-ақ әлемдік аренадағы орны, беделі мен стратегиялық рөлі айқын әрі мазмұнды түрде көрсетілуі тиіс.

Толығырақ: http://bugin.kz/

194

Bugin.kz

2026 ж. 15 сәу., 11:01

📷 Photo

Астана қаласында өткен геологиялық форумда қазба байлықтың Қашаған деңгейлес жаңа мұнай нысаны табылғанын «ҚазМұнайГаз» басқарма төрағасының орынбасары Құрманғазы Есқазиев растады.

Оның мәлімдеуінше, барлау жұмыстарының басым бөлігі «Жылыой карбонат платформасына» бағытталған. Бұл аймаққа Қаратон, Қажығали және Жылыой сияқты ірі учаскелер кіреді.

– Ашылған Қаратон, Қажығали және «Жылыой карбонатты массиві» «Қашаған» кен орнының құрылымын қайталайды. Массивтің ресурстық әлеуеті – 4,7 миллиард тонна. Бұл Қашағанның геологиялық әлеуетімен шамалас. Десе де, Қашаған таяз теңіз аймағында орналасқандықтан, үлкен капиталдық шығынды талап етеді. Ал бұл массив құрлықта орналасқан. Осылайша, капиталдық шығын едәуір төмендейді, – деді Құрманғазы Есқазиев.

Компания өкілінің мәлімдеуінше, «Қаратон» учаскесіндегі сәтті көрсеткіштерден кейін барлау жұмыстарын «Қажығали» нысанында кеңейту жоспарлануда.

Фото: Ашық дереккөз

206

Bugin.kz

2026 ж. 15 сәу., 11:01

📷 Photo

15 жастағы қазақстандық жас футболшы Кәрім Меңдіқанов атақты «Барселона» клубымен келісімшартқа отырды. Бұл туралы испаниялық Mundo Deportivo басылымы жазды.

Қазіргі уақытта ол Каталонияда арнайы жаттығу жиындарынан өтіп, клуб сапына ресми қосылуға дайындалуда. Испанияның жетекші спорттық басылымдары оның шеберлігіне жоғары баға беріп, отандасымызды «қазақстандық гауһар тас» деп атап үлгерді.

Айта кетейік, Кәрім Меңдіқановтың Испаниядағы жолы 2022 жылы басталды. Ол қоныс аударған сәттен бастап, «Барселона» клубының жастар қатарында жаттығып, тәжірибе жинақтаған. Өткен маусымда «Cerdanyola» сапында өнер көрсетіп, «Mundo Deportivo» басылымының назарына ілікті. Жаңа маусымды «Sant Cugat» клубымен бастаған футболшы өз лигасындағы ең үздік ойыншылардың бірі ретінде танылып, кәсіби деңгейін дәлелдеп келеді.

Фото: Ашық дереккөз

263

Bugin.kz

2026 ж. 15 сәу., 11:01

📷 Photo

Израиль парламенті террористік шабуылдар үшін сотталған палестиналықтарға жаза ретінде өлім жазасын белгілейтін заң қабылдады.

The Guardian таратқан мәліметке сүйенсек, Кнессетте өткен соңғы дауыс беру нәтижесінде террористерге өлім жазасын белгілейтін заң ресми түрде мақұлданды. 62 депутаттың қолдауына, 48 депутаттың қарсылығына ие болған бұл заң енді елдегі стандартты жазалардың біріне айналмақ. Үкімет басшысы Биньямин Нетаньяху бұл шешімнің ел қауіпсіздігін қамтамасыз етудегі рөлі маңызды екенін мәлімдеді.

Үкімді орындаудың нақты мерзімдері де белгіленген. Сот шешімі заңды күшіне енген сәттен бастап, жазаны атқаруға тоқсан күнтізбелік күн беріледі. Ерекше қажеттілік туындаған жағдайда, жазаны қолдану уақытын жүз сексен күнге дейін шегеруге рұқсат етіледі. Осы заң аясында сотталған тұлғалардың кешірім алу немесе үкімді жеңілдету туралы өтініш беру құқығы толықтай шектелген.

Фото: http://dailypioneer.com/

180

Bugin.kz

2026 ж. 15 сәу., 11:01

📷 Photo

Аэроғарыш саласының көшбасшысы саналатын SpaceX қор нарығындағы ең ірі бастапқы орналастыруды (IPO) жүзеге асыруды жоспарлап отыр. Bloomberg агенттігінің мәліметінше, SpaceX компаниясы АҚШ-тың Бағалы қағаздар және биржалар жөніндегі комиссиясына өтінімдерін жолдаған.

Жоспар сәтті жүзеге асса, инвесторлар осы жылдың маусым айында-ақ SpaceX акцияларына қол жеткізе алады.

Сарапшылардың болжамына сүйенсек, листинг кезінде компанияның жалпы капитализациясы 1,75 триллион долларды құрауы тиіс. Бұл заманауи технологиялық алпауыттар үшін де өте сирек кездесетін орасан зор көрсеткіш болмақ.

SpaceX-тің биржаға шығуы бірнеше тарихи рекордты жаңартуы мүмкін. Компания IPO арқылы 50-ден 75 миллиард долларға дейін қаражат тартуды көздеп отыр. Бұл сома 2014 жылғы Alibaba-ның ($22 млрд) және 2008 жылғы Visa-ның ($18 млрд) қол жеткізген нәтижелерінен үш еседен де асып түседі.

Фото: http://globelynews.com/

193

Bugin.kz

2026 ж. 14 сәу., 12:04

Ғылым және жоғары білім министрі Саясат Нұрбек АҚШ-та оқығысы келетін қазақстандықтардың қатары сирегенін мәлімдеді. Министрдің айтуынша, бұл статистиканың төмендеуіне тікелей визалық шектеулер ықпал еткен.

Мәлімдемеге сүйенсек, «Болашақ» бағдарламасы бойынша жолдама алғандардың 30 пайызы консулдық кедергілерге тап болып, виза ала алмаған. Осыған байланысты, мемлекеттік бағдарлама иегерлерінің білім алу құқығын сақтау мақсатында оларды баламалы мемлекеттерге ауыстыру жұмыстары жүргізіліп жатыр. Министр бұл жағдайдың АҚШ бағытындағы көрсеткіштердің қысқаруына тікелей әсер еткенін атап өтті.

Еліміздегі ЖОО білім жүйесіне шетелдік студенттердің қызығушылығы айтарлықтай өскен. Соңғы мәліметтер бойынша, Таяу Шығыс аймағынан келетін талапкерлер санының артуы байқалады. Шетелдік жастардың таңдауы негізінен Қазақстанда филиалы ашылған Heriot-Watt және Cardiff университеттерінің бағдарламалары халықаралық студенттер арасында жоғары сұранысқа ие.

Фото: Google AI

169

Bugin.kz

2026 ж. 14 сәу., 12:04

🎥 Video

Халықаралық инженерлік-технологиялық университеті мен Google компаниясының серіктестігі негізінде студенттер Google Workspace базасындағы жасанды интеллектінің заманауи құралдарына, соның ішінде оқуға, зерттеулерге, жобалық қызметке және күнделікті академиялық жұмысқа арналған мүмкіндіктеріне ие.

Бүгінде университет оқытушыларына Google компаниясынан жасанды интеллект мүмкіндіктеріне және оны академиялық ортада практикалық қолдануға арналған арнайы тренинг ұйымдастырылуда. Оқытушылар Google-дың заманауи құралдарымен танысып, оқу материалдарын дайындаудың, зерттеу жұмысының, ақпаратты талдау мен оқу процесін ұйымдастырудың жаңа тәсілдерін меңгеруде.

Университет әлемдік трендтерді бақылап қана қоймай, білім мен инновация, академиялық дәстүрлер мен цифрлық шешімдер, ал білім беру мен болашақтың технологиялары тоғысатын зияткерлік ортаны дәйекті түрде құрып келеді.

Видео: METU

211

Showing 22 of 22 posts

No more posts

Рейтинг

Кіру қажет

Пайдаланушы пікірлері (0)

Әлі пікір жоқ. Өз пікіріңізбен бөлісетін бірінші болыңыз!

Ұқсас Telegram арналары

Loading recommended channels...

Bugin.kz

Bugin.kz

Рейтинг

Жазылушылардың өсуі (Соңғы 6 күн)

Соңғы посттар

Рейтинг

Пайдаланушы пікірлері (0)

Ұқсас Telegram арналары

Tengrinews.kz - Новости Казахстана

ZHEST_KZ

MFA Qazaqstan 🇰🇿

ElDala.kz

Жаңғырған Отан

Токаев Касым-Жомарт (TOQAYEV QASYM-JOMART)

Earthquake Info | Almaty, Kyrgyzstan

НЕ ЖАҢАЛЫҚ?

Ұқсас Telegram арналары

Tengrinews.kz - Новости Казахстана

ZHEST_KZ

MFA Qazaqstan 🇰🇿

ElDala.kz

Жаңғырған Отан

Токаев Касым-Жомарт (TOQAYEV QASYM-JOMART)

Earthquake Info | Almaty, Kyrgyzstan

НЕ ЖАҢАЛЫҚ?

Пайдаланушы пікірлері (0)

Соңғы посттар