Махаббат пен сұлулыққа сенгелі
алғаш тапқан сұлуымсың сен менің.
Сенде бірақ тіршілік жоқ, ең абзал
қуыршақсың қиып тіккен қағаздан.
Қағазым мен қаламыма сенгелі
ойлап тапқан сұлуымсың сен менің.
Сұлуымсың ойлап тапқан оңаша,
сондықтан да толқытасың мені аса.
Көкірегіңді от боп қарып жыр тілі
шыланбайды сенің қайқы кірпігің.
Сөз айтқанда сырлы тілдер нендей бір,
бетіңе қан ойнап шыға келмейді.
Сүйдім сені, көп жүдедім, көп аздым,
– ерінінде от бола ма қағаздың!
Қағазға арнап қағаз сөзді жазғалы
өзім қағаз болып кете жаздадым.
Жұмекен Нәжімеденов
1,700
31
0
шай және искусство (18+)
2026 ж. 24 мам., 04:27
Шыда, Шыда,
Шыдай түс, шыда тағы!
Шыдамдыны мына өмір ұнатады.
Үміттің құлан иек құла таңы
Әйтеуір бір атады, бір атады.
Өкінбе, өкпелеме
Бүгініңе
өмір, өмір!
Болмайды түңілуге.
Мәңгі сені жазбаған сүрінуге,
Қайта тұрып қақың бар жүгіруге.
Түсінемін жаныңның ауырғанын,
Шыдадың ғой, шыдай түс, дамылдағын.
Иогтардың тәсілін қабылдағын,
Басқасына бас ұрып табынбағын.
Шыда, шыда
Шыдай түс, тағы шыда,
Тау құлатқан тасқынның ағысына.
Кір жуытпай кіршіксіз намысыңа,
Қарысуға болады, алысуға...
2,370
30
0
шай және искусство (18+)
2026 ж. 24 мам., 04:27
Ғашықпын! Шын ғашықпын сол адамға!
Мен болмасам, болмайын. Сол аман ба?!
О, тәңірім! Неткен жан қайрылмайтын!
Жүрегі еттен бе әлде қоладан ба?!
Ғашықпын. Қайтіп оны жасыра алам,
Бір алтын оның әр тал шашы маған.
Сағынайын, таусыла сағынайын,
Сағынышқа жаралған ғашық адам.
Шарықтап, қолым жетпес көкте Күнге,
Ақ қанат құсым менің кеткенің бе?
2,060
53
0
шай және искусство (18+)
2026 ж. 24 мам., 04:27
Сен маған бақыттасың, қайғыдасың,
өмірсің, таусылмайтын бай мұрасың.
өлермін сол сезіммен. Маған десе,
аспаннан қара жерге Ай құласын,
әйтеуір, анық менің айнымасым.
Сен маған күлкідесің, ашудасың,
ойым жоқ сенен өңге басымда, шын...
Мейлің сен не десең де...
Анық бірақ
өзгенің мойынына асылмасым,
өзіңді құшып-сүймей басылмасым.
Сен маған жасын болдың көктемдегі,
қақ жарған жүрегім мен от кеудені.
Бағым ба, қасіретім бе — кезіктірдім
бұрын-соң қиялымда жоқ пендені.
Сонан соң күйіп-жанып алауладым,
ұмыттым Ай, Күн барын, самал барын.
Әйтеуір, алай-түлей сол сезіммен
жаныма бір тыныштық таба алмадым.
1,840
29
0
шай және искусство (18+)
2026 ж. 24 мам., 04:27
Ғашық жүрек сүйгені үшін бола алмайды жазалы.
Адам азса ғашықтықтың жоқтығынан азады.
Ғашық жыры — тіршіліктің көкейтесті өлеңі.
Ешбір геометриямен
Өлшенбейтін көлемі.
Бұл сезімнің ұшан-теңіз адамзатқа берері.
Ғашық болу келсе кімнің қолынан
Әлем соған сенеді.
Құлай сүю — ерлікпен тең себебі!
2,330
61
0
шай және искусство (18+)
2026 ж. 24 мам., 04:27
Мен сені сағынғанда,
Қарамай жауындарға, дауылдарга,
Қарсы қарап жүземін ағындарға,
Кеудемде қимылдаған жаным барда,
Мен сені сағынғанда,
Бір минут та қақым жоқ дамылдарға.
Мен сені қызғанамын,
Қызғаныштан мұз шайнап,
Тұз жаладым.
Шаңқылдап алдымнан шық,
Ана-қыран,
Алыстан келеді ұшып мұзбалағың.
Тәкаппар ең, өрлікке бола туған,
Жет тездеп,
Дауыл тұрғыз қанатыңнан.
Сен - мендік, мен - сендікпін, ана-қыран,
Қыранбыз, қырандардан жаратылған!
Сағыныштың сағымын жамылғанда,
Қарамай қара нөсер қағынғанға,
Саған ұшам,
Қалмайды сабыр жанда,
Мен сені сағынғанда, сағынғанда...
2,440
34
0
шай және искусство (18+)
2026 ж. 24 мам., 04:27
Рахат, мені тастап, қоймадың тыныш,
Ғашық жар, ағайын, дос — бәрі алдағыш.
Жастық құмар үміттің нұры қайтып,
Күңгірт тартты, бәрінің аяғы реніш.
Ұнатпаймын тағдырды, дүниені,
Жасқантып жалынта алмас о да мені.
Алладан бәрі бір деп тосып тұрмын
Алғалы жақсылықты я өлгелі.
Қара жұрт қарап көріп, сөзге нанбас,
Ант етемін, жалғанын жан таба алмас.
Өзі алданып, өзгеден соққы жеген,
Және өзі біреуді алдай алмас.
Соққан дауыл сияқты өмір өтер,
Қайғырмаймын, білемін, көзім жетер.
Кеудемде осы жүрек тұрған шақта
Жақсылық жоқ өзіме мен дәметер.
Ол жүректің жалынын басар бірақ,
Өлсе, көрде бастырған су топырақ.
Өзі сүйіп, өзгеден сүю іздеп,
Таппаған сорлы адамнан сөнер шырақ.
2,410
16
шай және искусство (18+)
2026 ж. 24 мам., 04:27
📎 File
🥺Мұхтар Шаханов атам қайтыс болыпты.
Соңғы уақыттары арнаны тек соның өлеңдерімен сусындатуға тырыстық. Әрі қарай да сол міндетті ілгері алып өтетін боламыз.
Жұрт көп еді атақ-даңқтан үмітті,
Оның көбін қатал тарих ұмытты.
Туған Отан мәңгі ұмытсын мені де,
Сендей өзен бола алмасам еліме!
2,630
96
шай және искусство (18+)
2026 ж. 24 мам., 04:27
🎥 Video
📚МҰХТАР АҒАДАН ЖАЛЫНДЫ СӨЗ!
Міне, нағыз бүгінгінің батыры,
Қатал уақыт қарияны сала алмапты-ау төзіне.
Неткен қайсар сұлулық бұл, - деп бір орыс ақыны
Жас алыпты көзіне.
Иә, қарттар бар арғымағы арманнан,
Жігерімен дүр сілкінткен даланы.
Сұлулықты сезінуден қалған жан
Бәрінен де қалады.
Жер бетінде жел өшірген із аз ба,
Жігерсіздің өрісі әркез тар болған.
Отызында кемпір болған қыз аз ба,
Жігіт аз ба отыз бесте шал болған?!
🌟
2,800
37
шай және искусство (18+)
2026 ж. 24 мам., 04:27
реакция?!)
2,580
35
0
шай және искусство (18+)
2026 ж. 9 мам., 19:15
Тым ащы айтсам, кейіме,
ісінбей кет.
Тым тәтті айтсам мән берме,
түсінбей кет.
Тәтті сөзден - ақыл, ой ауырады,
тәтті жеген сәбидің тісіндей боп.
Тек тәтті сөз емес қой сүйікті етер,
бәрін тәтті айта алман иіп бекер.
Тәттіге ылғи үйренсе таңдай байғұс,
ащы татып бір күні күйіп кетер.
Пәк көңілге,
бет-жүзге қарамай түк,
ащы сөзді кейде мен қалам айтып.
Кезің болсын ол сенің ащы аңсаған,
кезің болсын тәттіні қаламайтын.
Өкпелемен,
мен емес "таза" жендет,
тұзды сөзбен ойым жоқ жаза бермек.
Асыл жанның өзі де - бір жарақат,
жарақатты ащымен жазады емдеп.
Жұмекен Нәжімеденов
4,450
34
0
шай және искусство (18+)
2026 ж. 2 мам., 09:42
Ойлы әлемнің әйелдерсіз күні бар ма көктеген,
Әйтсе де мен әйелге ұқсас еркектерді жек көрем!
Еркектерге еліктеген әйелдің де аз табары,
Иә, әр жыныс өз мінезін сақтауымен бағалы.
Жігіт жігіт санала ма бұғып жүрсе тасаңда,
Өз пікірі жоқ еркектен қорқу керек қашанда!
Қанаттыны кері тартып, табандап,
Ұшар кезде ұша алмайтын шабандап,
Өз пікірі жоқ еркектер ел басқарса, не болмақ?!
Тоқтамайды еркектер мен телпектердің жарысы,
Ойлан, қалқам, еркекті еркек етіп келген – намысы
3,270
34
0
шай және искусство (18+)
2026 ж. 2 мам., 09:42
📷 Photo
Шахановша:
3,590
55
шай және искусство (18+)
2026 ж. 2 мам., 09:42
— Және мал тілейсіңдер, неге керек қылайын деп тілейсіңдер? Әуелі, құдайдан тілеймісің? Тілейсің. Құдай берді, бергенін алмайсың. Құдай тағала саған еңбек қылып мал табарлық қуат берді. Ол қуатты адал кәсіп қыларлық орынға жұмсаймысың? Жұмсамайсың. Ол қуатты орнын тауып сарып қыларды білерлік ғылым берді, оны оқымайсың? Ол ғылымды оқыса, ұғарлық ақыл берді, қайда жібергеніңді кім біледі?.. Ерінбей еңбек қылса, түңілмей іздесе, орнын тауып істесе, кім бай болмайды?
#Абайша
Сол кезгі нән тракторды екі артқы дөңгелегінен көтеріп, жүргізбей қоятын, 15—20 еркек жабылып майыстыра алмайтын ұзынша жуан темірді мойнына галстук етіп орай салатын, күш өрісін әлі күнге дейін бірде-бір қазақ қайталай алмаған, құлагер рухты даламыздың ұлы палуаны Қажымұқан біздің үйге келгенде, әкем өзінің бес жасар перзентіне, яғни маған сауын етіп отырған жалғыз ешкіні атып ұрып, ауыл қарияларын түгел жинап, қонақасы берді.
Тым ерке әрі тентектеу болғандықтан ба, төрде жамбастап жатқан, 215 килолық «тay адам» — Қажымұқанның үстіне шығып сырғанақ ойнағаным есімде. Сонда бетінен оты шыға ұялып, «Түс, ойбай, мұның не?» — деп ренжіген анама Қажекең «Баланың батыл қиялына тосқауыл болмалық» деп, менің қимыл-харекетімді денесіне шыбын қонған құрлы көрмей, кеңк-кеңк күліп, ауыл қарияларымен әңгімесін жалғай бергені санамда тасқа басылғандай жазылып қалыпты.
Кешкілік Қажымұқанды шығарып салған соң, әкем анама ризалықпен бұрылып: «Басқа әйел болса, жалғыз ұлға талшық етіп отырған ешкіні сойғаның қалай?» — деп қарсыла-сар еді. Кез келген пенде айта алатын сол сөздің сенің аузыңнан шықпағанына бақыттымын. Елдегі ізгі даралықты мойындамаған адамның бәрі де өз ұлтының өсуіне кедергі келтіреді», — деді.
https://bilim-all.kz/olen/9134
2,850
19
шай және искусство (18+)
2026 ж. 2 мам., 09:42
Сұлулықты сезінуден қалған жан
Бәрінен де қалады.
Жер бетінде жел өшірген із аз ба,
Жігерсіздің өрісі әркез тар болған.
Отызында кемпір болған қыз аз ба,
Жігіт аз ба отыз бесте шал болған?!
Кім жас,
Кім қарт,
Уақыт өзі іріктер,
Ер көбейсін ат қып мінер қиялды.
Қарттық - оттың азаюы,
оты азайған жігіттер
Қай кездеде коғам үшін зиянды.
Бақыттысың әр таң сайын көзіңді
Сұлулыққа суарудан қашпасаң.
Қартайдым деп алдай көрме өзіңді,
Қарттық жаспен өлшенбейді ешқашан.
3,130
38
0
шай және искусство (18+)
2026 ж. 2 мам., 09:42
«Қырғи жолдас бола алмайды кептермен,
Себебі ол кептер етін жеп көрген.
Қой қоралас бола алмайды қасқырмен,
Қасқырдан ол көресіні көп көрген.
Көбелектер бірге ұшпайды кептермен,
Кептерлер де көбелекті жек көрген.
Мьісықтармен ойнамайды тышқандар,
Ойнаймын деп омақасып текке өлген.
Тіршілікте тамақты кім жек көрген.
Қу тіршілік соныменен шектелген.
Қыбыр тауып, торғай жұтқан жыланды,
Ебін тауып, құмырсқалар бөктерген» -
Дейтін еді,
Дейтін еді қарт ақын,
Өзгелерге кінәні көп артатын
Оңашада шарап ішіп екеуміз,
Өзі менен шылым сұрап тартатын.
2,980
33
0
шай және искусство (18+)
2026 ж. 2 мам., 09:42
Қайда, қайда көңіл сырын көзден ұғар нәзіктік?
Үш өлшем бар:
Биіктік пен тереңдік, кеңдік яки жазықтық.
Бұл үшеуін бағаламау көзсіздік һәм кереңдік.
Ал түсінбеу...
бақытсыздық болар ол.
Иә, адамдық қатынаста жоқ әлі де сара жол.
Оңай емес,
оңай емес бұл егес,
Қашан болсын бірлік жолы бұрыстау.
Керек десең, түсінбестік — кінә емес,
Қылмыспен тең — түсінуге тырыспау.
2,760
29
0
шай және искусство (18+)
2026 ж. 2 мам., 09:42
Қайда жүрсе тек өз әнін айтатын,
Елікпейтін өзге шу мен сарынға,
Қажымайтын қар мен желдің өтінде,
Махаббат та ұқсайды ұлы дарынға,
Шын дарындар аз ғой жердің бетінде.
Иә, махаббат қайсар құзды жарып өтер тасты жол,
Махаббатта сезім ғана ойнамайды басты рөл,
Ұға алмадың сен оны, айнам.
Жеткен жерге талабың мен ақылың,
Сезімің мен батылың,
Қырсыққанда, жетпей қалды шыдамың,
Әне, соның кесірінен қаншама жыл жыладың.
Шыдам жоқта, төзім жоқта,
Көкірегіңде көзің жоқта,
Жүрегіңде ерлік жоқта қорғай алар шаттығын,
Махаббат та жоқ, күнім!
Кездер аз ба ой көргенді көз көрер,
Отын өзің жаға алмаған,
Өзің іздеп таба алмаған асылды
Таппайды деп неге ойлайсың өзгелер?
https://bilim-all.kz/olen/4351-Mahabbatty-qorgau
3,240
36
шай және искусство (18+)
2026 ж. 2 мам., 09:42
📷 Photo
мммм, иә!
3,250
21
шай және искусство (18+)
2026 ж. 22 сәу., 16:35
галереяда тек соның суреттері, уууу) қара басымның сүгіреттері ғана еді и.
2,430
20
0
шай және искусство (18+)
2026 ж. 22 сәу., 16:35
фу, не боп кеткенмін и. не жазудамын ии :(
2,600
25
0
шай және искусство (18+)
2026 ж. 22 сәу., 16:35
Қытайға баратын кім бар менімен? Қызықтырып жіберді ғой анау шыққан пост)
2,650
31
0
шай және искусство (18+)
2026 ж. 22 сәу., 16:35
Көбелектiң "кеселi" -
Тұрақсыздық деседi.
Гүлден алған шапағатты ceзiмi
Келесi бip гүлге жетпей өшедi.
Өз мiнeзi өзiне үкiм кеседi...
2,640
20
0
шай және искусство (18+)
2026 ж. 22 сәу., 16:35
🌹Өзім ғашықпын, ал ғашық адам Шахановты оқымақ керек. Содан шығып жатыр, бітпестей болып посттар.
2,750
33
0
шай және искусство (18+)
2026 ж. 11 сәу., 21:39
😕жарнама шықса, өздерінше болып кей адамдар дизлайк қоюда ғой, бірақ мына жарнамалар четкий жарнамалар ғой ио мое, мысалы жоғарыда алтынмен сауда жасауды тегін үйретуде, қай блогерің тегін үйретті өйтіп?)
2,040
45
0
шай және искусство (18+)
2026 ж. 11 сәу., 21:39
Бір кездері ерні кеуіп, сусап өскен көк шыбық
Бәйтерек боп асқақтады
Бұл не деген жақсылық.
Иә, кез келген тоқшылықтың арғы тегі жоқшылық
Асқан зорлық, бар ма бірақ, барды қадірлемеуден.
Әттең, кейде бізге соны ойлатпайды тоқшылық!
Адамзатқа қауіпті жау — асқыну.
Оның бізден аулы қашық десе де
Кеше ғана көз алдымда көшеде
Нанды теуіп өте шықты жас сұлу.
Тоқшылықтың күйісі ме, міне, бұл?
Әлденеден тітіркеніп жүрегім
Мына қызға Бәкір баба сияқты,
Қайын ата жолыққай деп тіледім.
2,310
20
0
шай және искусство (18+)
2026 ж. 11 сәу., 21:39
Бүгін және махаббат қарамады
Қарамады жанымды жаралады
Шәміл ау білесің бе?
Шын махаббат - осылай қарамаудан жаралады
Мейлі ол қарамасын, түсінбесін
Осылай асқақ болып кішірмесін
Бастан ауып бара жатқан тал тұсымда
Тағдырым көлеңкесін түсірменсін
Қазір түн, көктем түні маужырап тұр
Отырмын жазбай, сызбай қалжырап тұр
Тереземнің алдында кәрі қайың
Көктей алмай бұтағы салбырап тұр...
)
2,090
27
0
Showing 29 of 29 posts
No more posts
0
0
0
0
0
0
0
Әлі пікір жоқ. Өз пікіріңізбен бөлісетін бірінші болыңыз!
