SABBATH SCHOOL(ሰንበት ትምህርት )

Public

Non riesci ad unirti? @sabbathschool

8.9k Membri

Aggiornato: May 14, 2026 at 4:04 AM

SABBATH SCHOOL(ሰንበት ትምህርት )

@TekalignSorato +251913070430

Follow @sabbathschool to stay updated with the latest 251913070430 and tekalignsorato trends and news

Classifica

Classifica globale

#456

Classifica per lingua

#45

Classifica per categoria

#23

-1

Crescita abbonati (Ultimi 8 giorni)

Totale: 8.9K

Crescita 24h: +0 0%

Ultimi post

SABBATH SCHOOL(ሰንበት ትምህርት )

25 mag 2026, 00:46

2,010

SABBATH SCHOOL(ሰንበት ትምህርት )

25 mag 2026, 00:46

https://youtu.be/9NeKTZPhDGs?si=G5xmm4iYEFRpvEZ3

ለሁሉም እንዲደርስ Share , Comment , Like, Subscriber አድርጎ ጊዜው ሀሰትን ማጋለጥ ነው

2,470

SABBATH SCHOOL(ሰንበት ትምህርት )

25 mag 2026, 00:46

Live stream started

SABBATH SCHOOL(ሰንበት ትምህርት )

25 mag 2026, 00:46

1,990

SABBATH SCHOOL(ሰንበት ትምህርት )

25 mag 2026, 00:46

ሰኞ
ግንቦት 10
May 18

ኢየሱስ እምነታችንን ያያል

ኢየሱስ በማርቆስ 4፡40 ላይ የደቀ መዛሙርቱን እምነት በማቴዎስ 15፡21-28 ላይ ካለችው ሴት እምነት ጋር እንዴት እንደገለጸ ይመልከቱና ያነፃፅሩ። ኢየሱስን እየተከተልን ስለሆነ ብቻ እምነታችን ጠንካራ ነው ማለት አይደለም።

እንደውም አንዳንድ ሰዎች እንደሚያምኑ ቢናገሩም፣ ኢየሱስ በልባቸው ውስጥ ያለውን በትክክል ተረድቷል (ዮሐንስ 2:23-25)። ሉቃስ 7:1-10ን ያንብቡ። ከዚህ ታሪክ ስለ እምነት ምን እንማራለን?

Save Notes
በማርቆስ 9 ላይ፣ ኢየሱስ ከልጁ ጋኔኑን እንዲያወጣለት ወደ ኢየሱስ ስለመጣው ሰው እናነባለን፣ ነገር ግን “ጌታ ሆይ፣ አምናለሁ አለማመኔን እርዳው!” (ማርቆስ 9:24) ለማለት የሚያስችል እምነት ብቻ ነው የነበረው። ከላይ በተጠቀሱት በእያንዳንዱ ግንኙነቶች፣ ኢየሱስ የሰዎችን እምነት መኖር ወይም ጉድለት አስተውሎ በእምነታቸው ምክንያት ወይም እምነታቸውን ለማጠናከር ሲል ተአምራትን አድርጓል።

መንፈስ ቅዱስ እንድናምን በሚያነሳሳን መጠን፣ የነፍሳት ጠላት በሕይወታችን ውስጥ የእግዚአብሔርን መገኘት እንድንጠራጠር ይሠራል። “በነፍስ ውስጥ አለማመን ቦታ ከተሰጠው አስማታዊ ኃይል አለው። የተዘሩት የጥርጣሬ ዘሮች ፍሬያቸውን ያፈራሉ ነገር ግን የአለማመንን ሥር ሁሉ ቆፍሮ ከሥሩ መንቀል ያስፈልጋል። እነዚህ መርዛማ ተክሎች ሲነቀሉ፣ ከጥርጥር ቃላትም ሆነ ከተግባር የሚያገኙትን ምግብ ስለሚያጡ ማደግ ያቆማሉ።

ነፍስ የእምነትና የፍቅር ውድ ተክሎችን በልብ አፈር ውስጥ መትከልና ማሳደግ አለባት።” - ኤለን ጂ. ኋይት፣ እምነት እና ስራ፣ ገጽ 17። ስለ እግዚአብሔር፣ ስለ ባህሪው ወይም ስለ ቃሉ ጥርጣሬ ሲኖረን፣ ምን እናደርጋለን? እርሱ በአምሳሉ ስለፈጠረን እግዚአብሔር የሰውን አስተሳሰብ ችላ አይልም ወይም ሳያይ አያልፈውም፣ ከአብርሃም፣ ከሙሴ እና ከኢዮብ ጋር እንዳደረገው ሁሉ እኛም ከእርሱ ጋር እንድንነጋገር ይጋብዘናል። አንዳንድ ጊዜ ሙሉ በሙሉ ላልገባን ነገር እጅ መስጠት ቢኖርብንም እንኳ ታላቅ በሆነውና ማለቂያ በሌለው የእግዚአብሔር አሠራር ውስጥ መሥራትን እንድንማር ይጋብዘናል። ለእምነት ያለዎትን ምክንያታዊ መከራከሪዎችን(አመክንዮዎችን) ያስቡ። በተመሳሳዩ ደግሞ፣ አመክንዮ ቆሞ ጠንካራ እምነት መተግበር የሚኖርብን መቼ ነው?

https://t.me/TekalignSorato

2,320

SABBATH SCHOOL(ሰንበት ትምህርት )

25 mag 2026, 00:46

ማክሰኞ
ግንቦት 11
May 19

እምነት ስሜት አይደለም

ኢየሱስ የሰናፍጭ ቅንጣት ያህል ትንሽ እምነት ካላችሁ፣ ተራሮችን ታንቀሳቅሳላችሁ ብሏል (ማቴ. 17:20)። የሰናፍጭ ዘር አይታችሁ የምታውቁ ከሆነ፣ ምን ያህል ትንሽ እንደሆነች ታስተውላላችሁ። ሆኖም ግን፣ ይህች ትንሽ እምነት እንዲህ አይነት ትልቅ ለውጥ ልታመጣ ትችላለች። ስለዚህ፣ እምነት በጣም አስፈላጊ ነው እና ከሰው አቅም በላይ የሆነን ነገር ለማድረግም ኃይለኛ እና ጠንካራ መሆን አለበት። ከሰው በላይ የሆነ ነገር። ሆኖም፣ ልክ የሰናፍጭ ዘር ወደ ትልቅ ዛፍ ሊያድግ እንደሚችል (ማቴ. 13:31, 32)፣ እምነታችን የሚያድግ እንጂ የማያድግ ሆኖ መቆየት የለበትም። በእርግጥም፣ በመጀመሪያ ከእግዚአብሔር ጋር ግንኙነት ለመፍጠር የተወሰነ እምነት ያስፈልገናል (ሮሜ. 12:3ን ይመልከቱ)። ኤፌሶን 2:8 በመዳን ውስጥ እምነት ስላለው ሚና ምን ይነግረናል? አንድ ሰው “እግዚአብሔር ምንም ስላልሰጠኝ እምነት የለኝም” ብሎ ቢናገር ትክክል የማይሆነው ለምንድን ነው?

Save Notes
መጀመሪያ እምነት ቁሳዊ ነገር እንዳልሆነ መረዳት አለብን፤ በመንፈስ ቅዱስ የሚነሳሳ የሰው ምላሽ ነው። እግዚአብሔር ቸር አስጀማሪ ነው፣ እሱም በመንፈስ ቅዱስ አማካኝነት እንዲሰራ ስንፈቅድለት ወደ ራሱ ይስበናል (ኤር. 31:3)። በኢየሱስ ሞት በኩል ለተሰጠን የእግዚአብሔር ጸጋ ምላሽ በሆነው እምነት ምክንያት ድነናል። የዳንነው በእግዚአብሔር ጸጋ ምክንያት ስላመንን ነው። ይህ ከእርሱ ጋር ግንኙነት የመፍጠራችን ዋና ማዕከል ነው። በመቀጠል፣ እምነት ስሜት እንዳልሆነ ማስታወስ አለብን። “ብዙዎች እምነትን በተግባር ላይ ማዋል መብታቸውና ግዴታቸው ሆኖ ሳለ ብዙውን ጊዜ እምነት ብቻ ሊያመጣ የሚችለውን ስሜት እየጠበቁ አይለማመዱትም። ስሜት እምነት አይደለም… እምነት እኛ እንድንለማመደው የተሰጠን ነው፣ ነገር ግን አስደሳች ስሜት እና በረከት ከእግዚአብሔር የሚሰጥ ነው።”—ቀደምት ጽሑፎች፣ ገጽ 72 አንዳንድ ሰዎች ለእግዚአብሔር ቅርብ ስላልሆኑ ወይም እንደ ክርስቲያን መሆን ሲገባቸው ስላልሆኑ እምነት እንደሌላቸው ሊሰማቸው ይችላል። ነገር ግን እምነት ማለት በጥሩ ጊዜ ብቻ ሳይሆን፣ በህይወትዎ ውስጥ ምን እየተከናወነ እንዳለ ሙሉ በሙሉ መረዳት በማይችሉበት በጨለማ ወይም በማዕበል ጊዜም እንኳ እግዚአብሔርን ማመን እና መተማመን ነው። ስሜቶች የሃይማኖት ልምምዳችንን ወይም ከእግዚአብሔር ጋር ያለንን ግንኙነት መቆጣጠር የለባቸውም። እምነታችንን በተግባር ማሳየት እና መጥራት የሚያስፈልገን ከእግዚአብሔር የራቅን እንደሆንን ስናስብ ነው (በማርቆስ 9:24 ላይ ያለው አባት እንዳደረገው)። የሚከተሉትን የመጽሐፍ ቅዱስ ጥቅሶች ይመልከቱ እና ዛሬ ከእግዚአብሔር ጋር ያለዎትን ግንኙነት ለማጠናከር በእምነት የራስዎ አድርገው ይቁጠሯቸው፦ ዕብ. 12:1-2፤ 2 ዜና 15:7፤ ሮሜ. 3:23-26፤ ሉቃስ 7:50። ወደ እግዚአብሔር በሚጸልዩበት ጊዜ ጥቅሶቹን ጮክ ብለው ይናገሯቸው።

https://t.me/TekalignSorato

SABBATH SCHOOL(ሰንበት ትምህርት )

25 mag 2026, 00:46

ግንቦት 8 - 14
8ኛ ትምህርት
May 16 - 22

ማመን￼

ሰንበት ከሰዓት በኋላ
ለዚህ ሳምንት ጥናት የሚከተሉትን ጥቅሶች ያንብቡ፡ ማርቆስ 8:11-12፤ ማቴ. 15:21-28፤ ሉቃስ 7:1-10፤ ኤፌ. 2:8፤ ዕብራውያን 11፤ ራዕይ 14:12።

የመታሰቢያ ጥቅስ፡ “እምነትም ተስፋ ስለምናደርገው ነገር የሚያስረግጥ፥ የማናየውንም ነገር የሚያስረዳ ነው።” (ዕብራውያን 11:1)።

አንድ ሰው በአንድ ወቅት “እምነት እንደ ዋይፋይ(ገመድ አልባ ኔትወርክ) ነው። አይታይም፣ ነገር ግን ከሚያስፈልገን ነገር ጋር ሊያገናኘን ኃይል አለው።” ያለ እምነት ከእግዚአብሔር ጋር ምንም ግንኙነት እንደማይኖር ምንም ጥርጥር የለውም፡። ዛሬ እምነትዎ ምን ደረጃ ላይ ነው? በእግዚአብሔር ላይ ያለዎት እምነት ተናግቶ ይሆን? ምናልባት ከእግዚአብሔር ጋር ባለዎት ግንኙነት እንዴት ወደፊት መሄድ እንዳለብዎት የማያውቁበት ደረጃ ላይ የደረሱበት ሁኔታ ይኖር ይሆናል። ወይስ እምነትዎ ከአረንጓዴ ግንድ ወደ ትንሽ ቡቃያ እያደገች፣ በመጨረሻም ወደ ደማቅ፣ በቀለማት ያሸበረቀች አበባ ሆና ክፍሉን በማይረሳ መዓዛ የምትሞላ ጽጌረዳ ናት? በእውነት፣ “እምነትም ተስፋ ስለምናደርገው ነገር የሚያስረግጥ፥ የማናየውንም ነገር የሚያስረዳ ነው።” (ዕብ. 11:1)። “እግዚአብሔር ለእያንዳንዱ የእምነትን መጠን ስላካፈለ” (ሮሜ. 12:3) እምነት ከራሳችን የምናመነጨው ነገር አይደለም። እምነት የእግዚአብሔር ስጦታ ነው (ኤፌ. 2:8-9)፣ በእግዚአብሔር ላይ ያለን እምነት እውን የሚሆነው እግዚአብሔር አስቀድሞ በእኛ ውስጥ እና ለእኛ እያደረገ ባለው ነገር ምክንያት ብቻ ነው። በዚህ ሳምንት ስለ እምነት እንመርምር፡- ጥርጥር እና አለማመንን ምን ማድረግ እንዳለብን፤ እንደ ኢየሱስ ገለጻ ጠንካራ እምነት ምን እንደሚመስል፤ እና “የኢየሱስ እምነት ያለው” ሰው መሆን ምን ማለት እንደሆነ እንመለከታለን።

https://t.me/TekalignSorato

2,480

SABBATH SCHOOL(ሰንበት ትምህርት )

25 mag 2026, 00:46

እሑድ
ግንቦት 9
May 17

ምልክት ስጠኝ!

ምናልባት “ቀይ ባሕር ሲከፈል ወይም መና መሬት ላይ ወርዶ ወይም ኢየሱስ ዕውሩን ሲያበራ ማየት ብችል ኖሮ፣ አምን ነበር” ብለው ሰዎች ሲናገሩ ሰምታችሁ ይሆናል። ወይም ምናልባት እርስዎ ራስዎ እንደዚህ አይነት ሀሳቦች አስበው ይሆናል። በሌላ በኩል፣ ከጥንቱ የመጽሐፍ ቅዱስ ዘመን ይልቅ አሁን ማመን ቀላል የሚሆንልን ለምንድነው? እስራኤላውያን ሙሉ መጽሐፍ ቅዱስ አልነበራቸውም፤ በተጨማሪም እንደኛ ወደ ኋላ መለስ ብለው ለማየት ረጅም ታሪክ አልነበራቸውም። ሙሴ የእግዚአብሔርን አመራርና ቸርነት ለማስታወስ ወደ ኋላ መለስ ብሎ መመልከት አስፈላጊ መሆኑን ትኩረት ሰጥቶ ተናግሯል (ዘዳግም 4:7-10፣ ዘዳግም 8:2-3ን ይመልከቱ)። ከእስራኤላውያን በተለየ መልኩ፣ ከመጽሐፍ ቅዱስ ታሪክ የምንጠቅስበት የ6,000 ዓመታት ታሪክ አለን (ዮሐንስ 20:30-31)። እያንዳንዱ ትውልድ ምልክት ይፈልጋል፣ የእኛም የተለየ አይደለም። ነገር ግን ምልክቶች በዙሪያችን አሉ። ማቴዎስ 24ን ካነበብን፣ አሁን እንኳን ስንት ነገሮች እንደተፈጸሙ እና እየተፈጸሙ እንደሆነ እናያለን። በኢየሱስ ዘመን የነበሩ ሰዎች እንኳን ብዙ ምልክቶች ቢሰጣቸውም ኢየሱስ በእርግጥ የእግዚአብሔር ልጅ መሆኑን የሚያሳይ ምልክት ይፈልጉ ነበር። ኢየሱስ ምላሽ የሰጣቸው እንዴት ነበር? (ማርቆስ 8:11-12ን)

Save Notes
እንደ ፈሪሳውያን ከኢየሱስ ጋር እንከራከር እና እንፈትነው ይሆን? ለማመን የሚያስፈልገንን ሁሉ ሰጥቶን እያለ፣ በእምነታችን ማነስ ምክንያት “መንፈሱ አጥብቆ እንዲያዝን” (ማርቆስ 8:12) እናደርገው ይሆን? “አይሁዳውያን የፈለጉት እነዚያን ምልክቶች አልነበረም። ምንም ውጫዊ ማስረጃ ሊጠቅማቸው አልቻለም። የሚያስፈልጋቸው የአዕምሮ እውቀት ሳይሆን መንፈሳዊ እድሳት ነበር።” - ኤለን ጂ. ኋይት፣ የዘመናት ምኞት፣ ገጽ 406። እኛስ እውነተኛ መንፈሳዊ እድሳትና ከአምላክ ጋር ዕለት ተዕለት የሚደረግ ጉዞ ያስፈልገን ይሆን? ምናልባት ምልክት አያስፈልገን ይሆናል፣ ምክንያቱም በጣቶቻችን ጫፍ ላይ ብዙ እውቀት ስላለን፣ በተለይም ከራሳችን መጽሐፍ ቅዱስ። ስለዚህ፣ ኢየሱስን በእምነት እጦታችን ምክንያት “በጥልቅ እንዲያዝን” ከማድረግ ይልቅ፣ ኢየሱስ ለቶማስ የተናገራቸውን ቃላት እናስታውስ፡- “‘ሳያዩ የሚያምኑ ብፁዓን ናቸው!’” (ዮሐንስ 20፡29፤ ዕብ. 11፡1ን)። እግዚአብሔር እውር እምነት እንዲኖረን አይጠይቀንም፤ አስቀድሞ ለማመን ብዙ ምክንያቶችን ሰጥቶናል። ሆኖም፣ በእነዚህ ሁሉ ምክንያቶች፣ ሁልጊዜም ለጥርጣሬ ቦታ አለ። ቁልፉ ጥርጣሬን በሚያመጣው ነገር ላይ ሳይሆን እምነትን በሚያረጋግጠው ነገር ላይ ማተኮር ነው። በ60 ሰከንዶች ውስጥ፣ በእግዚአብሔር ላይ ያለዎትን እምነት እንዴት ይገልፁታል? መልስዎ ከእግዚአብሔር ጋር እያደረጉ ስላሉት ጉዞ ምን ይነግርዎታል?

https://t.me/TekalignSorato

SABBATH SCHOOL(ሰንበት ትምህርት )

25 mag 2026, 00:46

Live stream finished (2 hours)

SABBATH SCHOOL(ሰንበት ትምህርት )

25 mag 2026, 00:46

📎 File

2,870

SABBATH SCHOOL(ሰንበት ትምህርት )

10 mag 2026, 13:59

ሰኞ
ሚያዝያ 26
May 4

የፀሎት አካላዊ አቋም

በሕይወታችን ውስጥ አንድ ነገር ሲበላሽ፣ አብዛኞቻችን ስለ ጉዳዩ ለማውራት የቅርብ ጓደኞቻችን ጋ እንደውላለን። መልካም ዜና ሲኖረን፣ የምናካፍለው ሰው እንፈልጋለን።

ከእግዚአብሔርም ጋር እንዲሁ ማድረግ እንችላለን። “ጸሎት ለጓደኛ እንደምናደርገው ልባችንን ለእግዚአብሔር መክፈት ነው።” ኤለን ጂ. ኋይት፣ ወደ ክርስቶስ የሚመራ መንገድ፣ ገጽ 93። ጸሎት ከእግዚአብሔር ጋር ያለንን ግንኙነት ይዘን እንድንቆይ የሚረዳን ብቻ ሳይሆን የማን እንደሆንን ለዲያብሎስ የሚናገር ነው። ጠዋት ለመጸለይ ስንንበረከክ፣ ዛሬ እግዚአብሔርን እንደመረጥን ለጨለማ ኃይሎች አካላዊ መግለጫ ነው። ይህ ብቻ ሳይሆን፣ ስንጸልይ እግዚአብሔር መላእክቱን ወደ እኛ ይልካል፤ እናም ከጨለማ ኃይላት እንጠበቃለን፤ እንከለላለን (መዝሙር 91)። ራስን በማስገዛት ስሜት መንበርከክ አካላዊ የትህትና አቋምን ያሳያል። ተንበርክከን ስንጸልይ ወንበር ላይ ከመቀመጥ ወይም በአልጋ ላይ ከመተኛት የተለየ ነው፣ (ምንም እንኳን በእነዚህ ሁኔታዎች መጸለይ ብንችልም)። ሆኖም በእግዚአብሔር ፊት ስንንበረከክ፣ ሰውነታችንና ቃላችን እርሱ ሉዓላዊ እንደሆነና እኛ ፍጡራን ልጆቹ ብቻ እንደሆንን ስለሚናገሩ፣ ልባችን በቀላሉ እጅ ይሰጣል። የሚከተሉትን የመጽሐፍ ቅዱስ ክፍሎች ያንብቡና ተንበርክከው የሚፀልዩትን የእነዚህን ግለሰቦች ሕይወት ያሰላስሉ፡ ዳን. 6:10፣ ሉቃስ 22:41፣ የሐዋርያት ሥራ 7:60፣ የሐዋርያት ሥራ 9:40፣ የሐዋርያት ሥራ 20:36።

Save Notes
በመጽሐፍ ቅዱስ ዘመን ሲፀልዩ መቆም የተለመደ ተግባር ነበር (2 ዜና መዋዕል 20:5፣ 6፣ 13፤ 1 ሳሙኤል 1:26፤ ኢዮብ 30:20፤ ሉቃስ 18:11)። መጽሐፍ ቅዱስ ቁጭ ብለው የፀለዩ ሰዎችንም ምሳሌዎችን ይጠቅሳል (2 ሳሙኤል 7:18፣ 2 ነገሥት 4:38)። ሌሎች ደግሞ ፊታቸውን በምድር ላይ አድርገው በእግዚአብሔር ፊት ሰገዱ - ምንም እንኳን ይህ ከጸሎት ይልቅ ራስን ለበላይ ከማስገዛት ጋር ቢያያዝም (1 ነገሥት 1:47፣ ማርቆስ 14:35)። በጸሎት ጊዜ እርስዎ የለመዱት የፀሎት አካላዊ አቋም የትኛው ነው? መጽሐፍ ቅዱስ በማንኛውም የተለየ አቋም እንድንጸልይ አይጠብቅብንም፣ ነገር ግን አክብሮታችንን፣ ውስጣዊ ስሜታችንን እና ለእግዚአብሔር ለመገዛት ያለንን ፍላጎት ስለሚያንጸባርቁ አካላዊ አቋሞች አስፈላጊ ናቸው። አንዳንድ ሰዎች መንበርከክ አይችሉም፣ ስለዚህ በዋናነት በጣም አስፈላጊው የልብ ሁኔታ ነው። መንበርከክ እየቻሉ ብዙውን ጊዜ ተንበርክከው የማይፀልዩ ከሆነ፣ በሚቀጥለው ጊዜ ሲፀልዩ ለምን ተንበርክከው ከእግዚአብሔር ጋር ባለዎ ግንኙነት ላይ ይህ ምን ተጽዕኖ እንደሚያሳድር አያዩም? መጽሐፍ ቅዱስ “ያለማቋረጥ እንድንጸልይ” (1 ተሰ. 5:17) ይጋብዘናል፣ ይህም ጽናት (ቆላ. 4:2) እና ቀጣይነት ያለው እንዲሆን (ሮሜ. 12:12) የሚመክር ነው። ዛሬ ስትቆሙ፣ ስትቀመጡ፣ ስትተኙ ወይም ስትራመዱ፣ ሀሳብዎን ወደ እግዚአብሔር ይመልሱና እንደ ጓደኛ ያነጋግሩት። አሁኑኑ ይጀምሩ።

https://t.me/TekalignSorato

SABBATH SCHOOL(ሰንበት ትምህርት )

10 mag 2026, 13:59

እሑድ
ሚያዝያ 25
May 3

ታማኙ ዳንኤል

ዳንኤል በመጽሐፍ ቅዱስ ውስጥ ካሉት ታላላቅ ጀግኖች አንዱ ነው። የመጀመሪያውን ታሪክም እናውቃለን (ዳንኤል 1ን ይመልከቱ)፡- “ዳንኤልም በንጉሡ መብልና በሚጠጣው ጠጅ እንዳይረክስ በልቡ አሰበ” (ዳን. 1፡8)። እንዲሁም ለዳንኤልና ለሦስቱ ጓደኞቹ፣ “እግዚአብሔር በትምህርትና በጥበብ ሁሉ እውቀትንና ማስተዋልን ሰጣቸው፤ ዳንኤልም በራእይና በሕልም ሁሉ አስተዋይ ነበረ” (ዳን. 1:17)። መጽሐፍ ቅዱስ ዳንኤልን የእግዚአብሔር መንፈስ በእርሱ ውስጥ ስለነበረ (ዳን. 4:9፣18፤ ዳን. 5:14፤ ዳን. 6:3)፣ እና በሰማይ እጅግ የተወደደ ስለነበረ (ዳን. 9:23፣ ዳን. 10:11) ጥበበኛ ይለዋል (ዳን. 1:20፤ ዳን. 2:14፣ 21፣ 23፣ 48)። እነዚህ ከእግዚአብሔር ጋር ጠንካራና ዘላቂ ግንኙነት የነበረው ሰው አንዳንድ መገለጫዎች ናቸው።

በዳንኤል 2፣ ንጉሥ ናቡከደነፆር በባቢሎን ውስጥ ላሉ ጠቢባን ሁሉ የሞት አዋጅ ባወጣ ጊዜ፣ ዳንኤል የሕልሙን ምስጢር በተመለከተ የእግዚአብሔርን ምሕረት ፈለገ (ዳን. 2:18)። እግዚአብሔር የንጉሡን ሕልም ለዳንኤል ሲገልጥለት ወዲያውኑ ጸለየ። ዳንኤል 2:20-23ን ያንብቡ። ዳንኤል የጸለየው ለምን ነበር? እና ከዚህ ጸሎት ምን እንማራለን?

Save Notes
ዓመታት እያለፉ ሲሄዱ ነገሥታትም ተነሥተው ሲወድቁ፣ ዳንኤል የነገሥታቱ አማካሪ ሆኖ ቀጠለ እና “መልካም መንፈስ ስላለው ከአለቆችና ከመሳፍንት በለጠ፤ ንጉሡም በመንግሥቱ ሁሉ ላይ ይሾመው ዘንድ አሰበ።” (ዳን. 6:3) ተብሎ ተገልጾ ነበር። “የታመነ ነበረና፥ ስሕተትና በደልም አልተገኘበትምና በእርሱ ላይ ሰበብና በደል ያገኙበት ዘንድ አልቻሉም።” (ዳን. 6:4)። በሥራ ባልደረቦቹ በኩል ከባድ ቅናት እና የክፋት ሴራ (ዳን. 6:5-9) ቢኖርም፣ ዳንኤል በጸሎት ሕይወቱ ውስጥ ሁልጊዜም የማይናወጥ እና ፍርሃት አልባ ሆኖ ቆመ። ዳን. 6:10-11ን ያንብቡ። እነዚህ ጥቅሶች ስለ ዳንኤል ምን ይነግሩናል?

Save Notes
ዳንኤል አስቸጋሪ ሁኔታ ሲያጋጥመው ጸለየ። ምንም እንኳን ዛቻው በሕይወቱ ላይ ቢሆንም፣ በጸሎት (እንደ ልማዱ በቀን ሦስት ጊዜ) እና ሊገመት በሚችል (በቀን ሦስት ጊዜ ክፍት በሆነው መስኮቱ ወደ ኢየሩሳሌም ፊቱን አዙሮ) ሁኔታ ፀለየ። ጸሎቱ አካላዊ ተግባር ነበር (ተንበርክኳል) እና በምስጋና እና በልመና ላይ ያተኮረ ነበር። በዚህ ታሪክ መሠረት፣ እኛ ላለመጸለይ ያቀረብናቸው ሰበቦች ምን ያህል ደካማ ናቸው?

https://t.me/TekalignSorato

2,300

SABBATH SCHOOL(ሰንበት ትምህርት )

10 mag 2026, 13:59

Live stream started

SABBATH SCHOOL(ሰንበት ትምህርት )

10 mag 2026, 13:59

Live stream finished (2 hours)

SABBATH SCHOOL(ሰንበት ትምህርት )

10 mag 2026, 13:59

ሚያዝያ 24 - 30
6ኛ ትምህርት
May 2 - 8

የጸሎት ተዋጊዎች￼

ሰንበት ከሰዓት በኋላ
ለዚህ ሳምንት ጥናት የሚከተሉትን ጥቅሶች ያንብቡ፡ ዳን. 2:20-23፤ ዳን. 6:10-11፤ የሐዋርያት ሥራ 20:36፤ ዘፍ. 5:22-24፤ ዘጸ. 33:15-23፤ ዘጸ. 32:31-32።

የመታሰቢያ ጥቅስ፡ “እግዚአብሔር የልመናዬን ድምፅ ሰምቶአልና ወደድሁት። ጆሮውን ወደ እኔ አዘንብሎአልና በዘመኔ ሁሉ እጠራዋለሁ።” (መዝሙር 116:1-2)።

ከቅርብ ጓደኛዎ ወይም ከትዳር አጋርዎ ጋር እምብዛም ባይነጋገሩ ብለው ያስቡ። ብዙም ሳይቆይ ግንኙነቱ ይፈርሳል፣ ችግርም ይሆናል። በተመሳሳይ መንገድ፣ ጸሎት ከእግዚአብሔር ጋር የጠበቀ ግንኙነት ለመፍጠር አስፈላጊ ነው። ይህ እያንዳንዳችን የሚያስፈልገን እና ልናጠናክረው የምንችለው ወሳኝ የአምልኮ ልማድ ነው።

በቀጣይነት የማንፀልይ ከሆነ ፈጥኖም ይሁን ዘግይቶ ከጌታ መለየታችን አይቀርም። በመጽሐፍ ቅዱስ ውስጥ፣ በተለያዩ መንገዶች ስለጸለዩ የተለያዩ ግለሰቦች ሕይወት እንማራለን። ከእግዚአብሔር ጋር ያላቸው ኅብረት ከእርሱ ጋር ባላቸው ግንኙነት ላይ እንዴት ተጽዕኖ እንዳሳደረ፣ እንዴት እና ምን መጸለይ እንደምንችል እና ጸሎታቸው የሌሎችን ሕይወት እንዴት እንደ ለወጠው ለማየት ወደ ኋላ መለስ ብለን ማየት እንችላለን።

በእርግጥም የጸሎት ሕይወታችን እኛን ብቻ ሳይሆን ሌሎችንም ይነካል። ልክ እንደ መጽሐፍ ቅዱስ ጥናት፣ ይህ የጸሎት ርዕስ በሁለት ሳምንታት ውስጥ ሊሸፈን ከሚችለው በላይ ትልቅ፣ አስፈላጊ እና በጣም ሰፊ ነው። በዚህ ሳምንት ከእግዚአብሔር ጋር ጠንካራ ግንኙነት ለመመሥረት ጸሎት ምን ያህል ማዕከላዊ እንደሆነ ካሳዩን በመጽሐፍ ቅዱስ ውስጥ ካሉት ሰዎች አንዳንድ ትምህርቶችን እንማራለን። ከምሳሌዎቻቸው እንማር።

https://t.me/TekalignSorato

2,380

SABBATH SCHOOL(ሰንበት ትምህርት )

10 mag 2026, 13:59

ረቡዕ
ሚያዝያ 21
Apr 29

ድርብ በረከት

መጽሐፍ ቅዱሳችንን ማጥናት የምንችልባቸው ብዙ መንገዶች አሉ፣ ለምሳሌ የጥቅስ- በጥቅስ ዘዴ (አስቀድሞ የተጠቀሰው)፣ የምዕራፍ ጥናት፣ የርዕስ ጥናት፣ የቃላት ጥናት ወይም የመጽሐፍ ጥናት። በማጣቀሻ እና በመጽሐፍ ቅዱስ መዝገበ ቃላት ማጥናት እንችላለን፤ እና ተጨማሪ ግንዛቤ ለማግኘት መጽሐፍ ቅዱስን ከዘመናት ተጋድሎ ተከታታይ መጽሐፎች (የሐይማኖት አባቶችና ነቢያት፣ ነቢያትና ነገስታት፣ የዘመናት ምኞት፣ የሐዋርያት ሥራ፣ ታላቁ ተጋድሎ) ጋር ማንበብ እንችላለን። በተፈጥሮ ውስጥ ወደ ውጭ ወጥተን መጽሐፍ ቅዱስ ሲነበብ ማዳመጥ ወይም ከጓደኞች ወይም ከትንሽ ቡድን ጋር አብረን ማጥናት እንችላለን። ከሰዎች ጋር ያለንን ጓደኝነት/ግንኙነት በተለያዩ መንገዶች እና በአዲስ ተግባራት ሕያው ለማድረግ እንደምንሠራ ሁሉ መጽሐፍ ቅዱሳችንን ስናጠና የተለያዩ ዘዴዎችን በመጠቀም ከእግዚአብሔር ጋር ያለንን የዕለት ተዕለት ቀጠሮ ትኩስ እና ሕያው ማድረግ አለብን። ሁልጊዜም የምንማራቸው ብዙ ነገሮች አሉ! የመጽሐፍ ቅዱስ ጥናት ጊዜዎን ሕያው ለማድረግ የሚረዳ አንድ ነገር የተረዳነውን ለሌሎች ማካፈል ነው። የተማርነውን ስናብራራ፣ የማጠቃለል እና የማዋሃድ ሂደቱ ሀሳባችንን ያጠነክረዋል። ይህ እውቀትን አጥብቀን እንድንይዝ ይረዳናል። ድርቡ በረከት ከሌሎች ጋር ስንካፈል እና ስንወያይ፣ መንፈሳዊ ውይይቱ ብዙውን ጊዜ እኛንም የሚሰሙንንም ይገዳደራል፤ ያጠነክራልም። ብዙውን ጊዜ ጥልቅ ትምህርት በአእምሯችን ውስጥ የሚከሰተው ለሌሎች ስናካፍል ወይም ስናስተምር ነው። እንዲሁም በየቀኑ የምታጠኑት ነገር ለእናንተ የእግዚአብሔር መልእክት ብቻ ሳይሆን ለሌሎችም መልእክት መሆኑን ትገነዘባላችሁ። ኢሳይያስ 50:4ን ያንብቡ። ይህ ጥቅስ ከእግዚአብሔር ጋር ስለሚኖር ግንኙነት እና ያ ደግሞ ከሌሎች ጋር ያለንን ግንኙነት እንዴት እንደሚነካ ምን ይነግረናል?

Save Notes
የግል የመጽሐፍ ቅዱስ ጥናት ጊዜያችን እኛን የሚያጠነክር ብቻ ሳይሆን በዚያ ቀን የምናገኛቸውን ሌሎች ሰዎች እንድናበረታታ ያስችለናል። ድርብ በረከት የሚሆነውም ለዚህ ነው። መንፈሳዊ ሕይወታችን ማራቶን ነው። ጌታ ሩጫችንን በጽናት እንድንሮጥና ዓይናችንን በግቡ ላይ አተኩረን መቀጠል እንድንችል እንዲያስችለን እንጠይቀው (ፊልጵ. 3:14)።

ለተወሰነ ጊዜ ትንሽ ቸልተኛ ሆነው ከነበረ ተስፋ አይቁረጡ፤ ነገር ግን ግንኙነታችሁን፣ በተለይም የመጽሐፍ ቅዱስ ጥናት እና የጸሎት ጊዜዎትን ሕያው ለማድረግ አስፈላጊ ለውጦች ያድርጉ። በእውነትም ዛሬ እግዚአብሔርን ማወቃችን የዘላለም ሕይወት ነው (ዮሐንስ 17:3)።

በእርሱ እና በቃሉ ውስጥ ለመኖር ያለን ዕለታዊ ቁርጠኝነት ሕይወታችንን የሚቀይር ነው። የዚህን ሳምንት መሪ ጥቅስ ያንብቡ እና ትርጉሙን ያስቡበት። በአሁኑ ጊዜ ምን እያጠኑ ነው? ይህንን ከማን ጋር ሊካፈሉ ይችላሉ?

https://t.me/TekalignSorato

SABBATH SCHOOL(ሰንበት ትምህርት )

10 mag 2026, 13:59

ሐሙስ
ሚያዝያ 22
Apr 30

‘ጣፋጭ ነው!’

ስለሚወዱት ጣፋጭ ምግብ ያስቡ። ለጤናዎ ጥሩ ነው? ምናልባት ማርን ወይም ደግሞ የጣዝማ ማርን ለመድኃኒትነት ጥቅም ሊጠቀሙበት ይችሉ ይሆናል። የማር ወለላ ሞክረው ከሆነ፣ ለስላሳው በምላስዎ ላይ ሲቀልጥ ምን ያህል ጣፋጭ እንደሆነ ያውቃሉ። በመዝሙር 119፡103፣ 104፣ መጽሐፍ ቅዱስ ራሱን ለመደሰት ምክንያት እንደሆነ የማር ወለላ ይገልጸዋል ፡- “ቃልህ ለጕሮሮዬ ጣፋጭ ነው፤ ከማርና ከወለላ ይልቅ ለአፌ ጣፈጠኝ።

ከትእዛዝህ የተነሣ አስተዋልሁ” “ከትእዛዝህ የተነሣ አስተዋልሁ” ማለት ምን ማለት ነው? (መዝ. 119፡104)። ይህ ሀሳብ የመጽሐፍ ቅዱስ ጥናት ለእኛ ምን እንደሚያደርግልን ለመረዳት አስፈላጊ የሆነው ለምንድን ነው?

Save Notes
አዎ፣ ዓለም ከሚያቀርበው ከማንኛውም ነገር በተለየ የእግዚአብሔር ቃላት ለነፍሳችን በእርግጥ ጣፋጭ ናቸው። ከብዙ ጣፋጭ ምግቦች በተለየ፣ የእግዚአብሔር ቃል ጣፋጭነት ለነፍሳችን ፈውስ የሚሰጥ እና ባህሪያችንን የሚቀይር ነው። ከእግዚአብሔር ርቀው ከነበረ፣ በጉልበቶችዎ ተንበርክከው ቃሉን መክፈትና ብቻውን የሚያረካውን የሕይወት ውሃ መጠጣት ይችላሉ። በኢሳይያስ 55:1-13 ላይ፣ ነቢዩ ከላይ የተጠቀሰውን መልእክት ያሰፋዋል። ይህንን ምዕራፍ በማንበብ ለእነዚህ ጥያቄዎች መልስ ይስጡ፡ ጌታ ወደ እርሱ ለሚመጡት ከቃሉ “እንዲበሉ” ምን ይሰጣቸዋል? እዚህ ላይ ለእርስዎ የሚያቀርበው ግብዣ ምንድን ነው? ፈተናው ምንድን ነው? የተስፋ ቃሉስ ምንድን ነው? የእግዚአብሔር ሕያውና ኃይለኛ ቃል በክርስቶስ እንድናድግ ሲገዳደረን ወደ ልባችን፣ አእምሯችን እና ነፍሳችን በቀጥታ ይዘልቃል። ነገር ግን ይህንን ለእኛ ሊያደርግልን የሚችለው ጊዜ በሰጠነው ፣ ራሳችንን ለማስገዛት፣ ትሁት ለመሆን እና የሚያስተምረውን ለመከተል ፈቃደኛ ለመሆን በጣርን መጠን ነው (አዎ፣ ጥረት የሚጠይቅ ነው) ። “እግዚአብሔር በሚገኝበት ጊዜ መፈለግ”(ኢሳ. 55፡6) የምንችልባቸው ተጨባጭ መንገዶች ምንድን ናቸው?

https://t.me/TekalignSorato

3,080

SABBATH SCHOOL(ሰንበት ትምህርት )

10 mag 2026, 13:59

ዓርብ
ሚያዝያ 23
May 1

ተጨማሪ ሀሳብ

የመጽሐፍ ቅዱስ ጥናት ዓላማ እግዚአብሔርን ማወቅ እና ከእርሱ ጋር ባለን ግንኙነት ማደግ ነው፣ ምክንያቱም የዘላለም ሕይወት ማለት ከምንወደው አምላካችን ጋር መሆን ስለሆነ ነው (ዮሐንስ 5:39፣ ዮሐንስ 17:3)። የማንኛውም ግንኙነት አካል የጋራ ተሳትፎ ነው። በራዕይ 3:20 ላይ ኢየሱስ ይህንን ከእኛ ጋር ለማድረግ እንደሚፈልግ እናነባለን፤ ነገር ግን ፍጡራን እንደመሆናችን ስለ ፈጣሪያችን የበለጠ እየተማርን እንደምንቀጥል መገንዘብ አለብን። እንደ ውድ ዕንቁዎች ቆፋሪ፣ በመጽሐፍ ቅዱስ ውስጥ ዘወትር እርሱን መፈለግ አለብን። የተወሰኑ ታሪኮችን ወይም የመጽሐፍ ቅዱስ ክፍሎችን ደጋግመን አንብበን የነበርን ብንሆንም ሁልጊዜ አዲስ የሚሆኑብን ብዙ ነገሮች አሉ። “የአዕምሮ እድገት ደረጃችን ምንም ይሁን ምን፣ ለበለጠ ብርሃን ጥልቅ እና ቀጣይነት ያለው ቅዱሳት መጻሕፍትን መመርመር እንደማያስፈልግ ለአፍታ እንኳን ልናስብ አይገባንም። እንደ ሕዝብ፣ የትንቢት ተማሪዎች እንድንሆን በተናጠል ተጠርተናል።” Ellen G. White, Counsels to Writers and Editors, p. 41። እንዲሁም መጽሐፍ ቅዱስን ከራሳችን አእምሯዊ አስተያየት ወይም ሀሳብ ጋር አስማምተን ለማስኬድ መሞከር የለብንም። “ቅዱሳት መጻሕፍትን የምንመረምረው እንዴት ነው? አስተምህሮአችንን አንድ በአንድ ይዘን ቅዱሳት መጻሕፍት ሁሉ ከተቋቋሙት አስተያየቶቻችን ጋር እንዲስማሙ ለማድረግ እንሞክር? ወይስ ሀሳቦቻችንንና አመለካከቶቻችንን ወደ ቅዱሳት መጻሕፍት ወስደን በሁሉም አቅጣጫ ንድፈ ሐሳቦቻችንን በመጽሐፍ ቅዱስ እንለካለን? መጽሐፍ ቅዱስን የሚያነቡ እና የሚያስተምሩ ብዙዎች የሚያስተምሩትን ወይም የሚያጠኑትን ውድ እውነት አይረዱም። . . . ብዙዎች ለቅዱሳት መጻሕፍት ቃላት ከራሳቸው አስተያየት ጋር የሚስማማ ትርጉም ይሰጣሉ።”— Ellen G. White, Counsels to Writers and Editors, p. 36።

የመወያያ ጥያቄዎች

1. ብዙውን ጊዜ ወደ መጽሐፍ ቅዱስ የሚቀርቡት በምን ዓይነት አመለካከት ነው? መለወጥ የሚያስፈልገው ነገር አለ? የትሕትና አመለካከት እና ለቃሉ ራስን ማስረከብ ጣም አስፈላጊ የሆነው ለምንድነው?

2. ቅዱሳት መጻሕፍት ስለ ራሳቸው እንዲናገሩ ለማድረግ ወደ ጎን መተው የሚያስፈልገን እርግጠኛ የሆንንባቸው አመለካከቶች ይኖሩ ይሆን? ከሆነ፣ ስለ እነርሱ መጸለይ መጀመር የምንችለው እንዴት ነው?

3. አንድ ሰው ከእግዚአብሔር ጋር ባለ ውጫዊ ግንኙነት ውስጥ እውነተኛነት እንቅፋት ሊሆን የሚችለው እንዴት ነው? ማለትም፣ ሁልጊዜ አዲስ ነገር የማግኘት ፍላጎት አንድን ሰው በተለይም ለራስ ወዳድነት ዓላማ ሊያውለው ፈልጎ ከሆነ ሊያታልለው የሚችለው እንዴት ነው? ማጠቃለያ፡ የግል የመጽሐፍ ቅዱስ ጥናት ከእግዚአብሔር ጋር ሕያውና ዘላቂ ግንኙነት ለመፍጠር ዋና ነገር ነው። የእግዚአብሔር ቃል ባለፉት መቶ ዘመናት እንዳደረገው ሁሉ፣ ለሃያ አንደኛው ክፍለ ዘመን ሕይወታችንም ትርጉም ባለው መንገድ ይናገራል። ማንኛውንም ወዳጅነት ሕያው ለማድረግ እንደምንሠራው ሁሉ፣ “ቃሌ … የምሻውን ያደርጋል የላክሁትንም ይፈጽማል እንጂ ወደ እኔ በከንቱ አይመለስም” (ኢሳ. 55:11) ያለውን ቃል በመታመን፣ የአምልኮ ሕይወታችንን ሕያው ለማድረግ መንገዶችን መፈለግ አለብን።

https://t.me/TekalignSorato

SABBATH SCHOOL(ሰንበት ትምህርት )

10 mag 2026, 13:59

ሰኞ
ሚያዝያ 19
Apr 27

ቦታ

ኢየሱስ በሁሉም ነገር ፍጹም ምሳሌያችን ነው፣ እና የግል አምልኮን በተመለከተም የተለየ አይደለም። ማርቆስ 1:35 ኢየሱስ ከአባቱ ጋር ስለነበረው ጊዜ ምን ይነግረናል? ምንም እንኳን ይህ አንድ ጥቅስ ብቻ ቢሆንም፣ እዚህ ከኢየሱስ አርአያነት ብዙ መማር እንችላለን። ፀሐይ ከመውጣቷ ከረጅም ጊዜ በፊት፣ ከአባቱ ጋር ለመሆን ጸጥ ባለ ብቸኛ ቦታ ለመሆን ሄደ (ራሱን ከዕለት ተዕለት የሕይወት ግርግር አስወገደ)። ኢየሱስ በዙሪያው ያለው ዓለም ከመንቃቱ በፊት በገሊላ ባሕር ዳር ወይም በተራራ ዳር ተቀምጦ ከአባቱ ጋር ሲነጋገር የነበረውን ሁኔታ መገመት ትችላላችሁ? ይህ ጥቅስ ኢየሱስ ለጸሎት ያለውን ቁርጠኝነት እያሳየ ለእርሱ ቅድሚያ የሚሰጠው ጉዳይ እንደነበር በግልጽ ያሳያል። ይህ ጊዜ እርሱ የተጋፈጠውን ሁሉ እንዲቋቋም ብርታት የሰጠው መሆኑ አያጠራጥርም። ኢየሱስ እያንዳንዱን ቀን ለመጀመር ይህ የሚያስፈልገው ከሆነ፣ እኛስ ምን ያህል የበለጠ ያስፈልገን? እግዚአብሔር “ፊቴን ፈልጉ” ይለናል፣ እናም ምላሻችን “ጌታ ሆይ፣ ፊትህን እሻለሁ” የሚል እንደሚሆን ተስፋ ያደርጋል (መዝ.27፡8)። 1ኛ ዜና 16፡11 ፊቱን እንዴት መፈለግ እንዳለብን የሚነግረን ምንድነው?

Save Notes
በየጠዋቱ ከእግዚአብሔር ጋር ለመሆን የሚሄዱበት ቦታ አለዎት? ምናልባት በየቀኑ ከኢየሱስ እግር አጠገብ ተቀምጠው የእግዚአብሔርን ቃል መማር የሚችሉበት በመስኮት አጠገብ ያለ ወንበር፣ ከቤት ውጭ ጸጥ ያለ ቦታ ወይም የወጥ ቤት ጠረጴዛ እንኳን ሊያገኙ ይችላሉ። በኢየሱስ እግር አጠገብ መቀመጥ በጣም መልካሙ ቦታ ነው (ሉቃስ 10:39-42)። ከእግዚአብሔር ጋር ጊዜ ለማሳለፍ ወደ አንድ የተወሰነ ቦታ የመሄድ የዕለት ተዕለት ልማድ በመፍጠር፣ በየቀኑ ወደዚያ የመመለስ ዕድላችን እንዲሰፋ ያደርጋል። ድንገተኛ ሁኔታዎች ስለሚከሰቱ እና ከእግዚአብሔር ጋር ጊዜ ማሳለፍ ላይችሉ ስለሚችሉ እዚህ ወይም እዚያ አንድ ቀን ሲያመልጥዎት ተስፋ አይቁረጡ። ነገር ግን ከእግዚአብሔር ጋር ጊዜ ሳያሳልፉ ብዙ ቀናት፣ ሳምንታት ወይም ወራት እንዳያልፉ ይጠንቀቁ። ከእግዚአብሔር ጋር የሚኖር ዘላቂ ግንኙነት የዕለት ተዕለት ውሳኔ መሆኑን ያስታውሱ፣ ከፈለጉ ዛሬ እንደገና መጀመር ይችላሉ። ባለፈው ሳምንት፣ በጸሎት እና በመጽሐፍ ቅዱስ ንባብ ምን ያህል ጊዜ አሳለፉ? መልስዎ ቅድሚያ በሚሰጧቸው ነገሮች ማድረግ ስላለብዎ ለውጦች ምን ይነግርዎታል?

https://t.me/TekalignSorato

3,100

SABBATH SCHOOL(ሰንበት ትምህርት )

10 mag 2026, 13:59

ማክሰኞ
ሚያዝያ 20
Apr 28

ጥልቅ የመጽሐፍ ቅዱስ ጥናት

መጽሐፍ ቅዱስን ለማጥናት የግድ ምሁር መሆን ባይኖርብንም፣ መጽሐፍ ቅዱስን በጥልቀት ማጥናት የምንችለው እንዴት ነው?

Save Notes
መፀለይ፡ መጽሐፍ ቅዱስን ለማጥናት ስንመጣ ፀሎት እጅግ አስፈላጊ ከመሆኑ የተነሳ የጸሎትን አስፈላጊነት ከልክ በላይ መግለጽ አይቻልም። ኤለን ጂ. ኋይት መጽሐፍ ቅዱስን ለማንበብ ስንመጣ ብቻችንን እንዳልሆንን ትናገራለች። መንፈስ ቅዱስ መሪያችን እንዲሆን በመጋበዝ፣ ሌሎች ትኩረት የሚከፋፍሉ ነገሮችን ሁሉ እንቃወማለን፤ ጠላትም ይሸሻል።

“መጽሐፍ ቅዱስ ያለ ጸሎት ፈጽሞ ሊጠና አይገባውም። መንፈስ ቅዱስ ብቻውን ለመረዳት ቀላል የሆኑ ነገሮችን አስፈላጊነት እንድንረዳ ወይም ለመረዳት አስቸጋሪ የሆኑ እውነቶችን ከመጋፈጥ ሊያድነን ይችላል።” ታላቁ ተጋድሎ፣ ገጽ 599፣ 600 ማንበብ እና መፃፍ፡ መጽሐፍ ቅዱስን እንዲሁ ከላይ ከላይ በማንበብ እና በማጥናት መካከል ያለው ዋና ልዩነት መጻፍ ነው። መጻፍ ሀሳባችንን ለማረጋጋት፣ የእግዚአብሔርን ቃል ለማሰላሰል እንዲሁም አጢነን፣ ትርጓሜ ሰጥተን፣ አተገባበሩን አስበን ቁርጠኛ እንድንሆን በሚያስችል ፍጥነት እንድንሄድ ይረዳናል። እንዲሁም የመጀመሪያዎቹ የተበታተኑ ሀሳቦቻችን ከጭንቅላታችን ወጥተው ወደ ብዕራችን እና ከዚያም በልባችን ውስጥ እንዲሰሩ ይረዳል። የጻፍነውን ነገር ለማስታወስም የበለጠ እድል አለን (መዝ. 119:15, 16)። መጻፍ ካልቻሉ፣ መጽሐፍ ቅዱስን ጮክ ብለው ለማንበብ (ወይም ለማዳመጥ) ይሞክሩ፣ ከዚያም ወደ እግዚአብሔር ለመጸለይ ይሞክሩ። ማጋራት፡ የተማርነውን ለአንድ ሰው እንንገር። ይህ በአእምሯችን ውስጥ እንዲጠነክር እና ሌላ ሰውን ለማበረታታት ይጠቅማል። ለመጀመር አጭር የመጽሐፍ ቅዱስ መጽሐፍን (እንደ ዮናስ፣ ማርቆስ፣ ፊልጵስዩስ ወይም 1ኛ ዮሐንስ ያሉትን) እንምረጥና ቀስ በቀስ እንቀጥል። ለአንድ ጥቅስ (በቁጥር-በቁጥር ዘዴ)፣ ለአንድ አንቀፅ ወይም ለአንድ ሙሉ ምዕራፍ ተግባራዊ ማድረግ የምንችልባቸው ቀላል አቀራረቦች እነሆ፡
1. መንፈስ ቅዱስ አእምሯችንን እንዲመራ እና ስናነብ ልባችንን እንዲያለሰልስ እንጸልይ።
2. የመጽሐፍ ቅዱስ ጥቅስ ወይም ክፍል እንምረጥ።
3. አንድን ጥቅስ በምናነብበት ጊዜ ጎልተው የሚታዩትን ክፍሎች በማስታወሻ ደብተር እንፃፈው።
4. በጸሎት ምንባቡን እንደገና እናንብብ እና ቁልፍ ሐሳቦቹን እናስምርባቸው።
5. የተሰመሩባቸው ሐሳቦች የሚነግሩንን እንጻፋቸው።
6. ስለ እነዚህ ሐሳቦች እና ከእግዚአብሔር ጋር ስላለን ግንኙነት እንጸልይ።
7. ይህንን ዛሬ ለማን እንደምናጋራው እናስብ። “የእግዚአብሔር ሕዝብ በጸጋ ሲያድጉ፣ ዘወትር ስለ ቃሉ የበለጠ ግልጽ የሆነ ግንዛቤ እያገኙ ይሄዳሉ። በቅዱስ እውነቶቹ ውስጥ አዲስ ብርሃንና ውበትን ያስተውላሉ። ይህ በሁሉም ዘመናት በቤተ ክርስቲያን ታሪክ ውስጥ እውነት ሆኖ ቆይቷል፣ እናም እስከ መጨረሻው ይቀጥላል።” El- len G. White, Counsels to Writers and Editors, pp. 38, 39 ከላይ በተጠቀሰው ጥቅስ ውስጥ ያለው መልእክት ለእርስዎ እውነት ሆኖ ያገኙት በምን መንገድ ነው? መዝሙር 119:105ን ያንብቡ።

https://t.me/TekalignSorato

SABBATH SCHOOL(ሰንበት ትምህርት )

28 apr 2026, 00:43

ማክሰኞ
ሚያዝያ 13
Apr 21

የመጽሐፍ ቅዱስ እውነት

በ1960ዎቹ የነበሩ አንዳንድ ሊበራል(ልል) የስነ መለኮት ባለሙያዎች እግዚአብሔርን ከሥነ መለኮት መስክ ውጭ ለመግለፅ ይሞክሩ ነበር። በ2017፣ የታይም መጽሔት የሽፋን ታሪክ “እውነት ሞቷልን?” የሚል ርዕስ ይዞ ወጣ። ይህ አዝማሚያ የዛሬውን የኅብረተሰባችንን አቋም ስለሚያሳይ አስደናቂ ነው። “እውነት” የሚባለው ነገር ራሱ እየጠፋ ከመምጣቱ የተነሳ ማንም ሰው እውነት ምን እንደሆነ አያውቅም። ብዙሃን በሚከተሉት ባህል መሠረት፣ የማይለወጥ እና የጊዜን ፈተና የሚቋቋም አስተማማኝ መለኪያ፣ መሠረትም የለም። ከዚህ በተቃራኒ ኢየሱስ “እኔ… እውነት ነኝ” ብሏል (ዮሐንስ 14:6)። ቃሉ ክርስቶስ ፍፁም ንፁህ የሆነው እውነት ስለ መሆኑ ይመሰክርልናል። የሚከተሉትን ሦስት ጥቅሶች ቀስ ብለው ያንብቡ፣ ከዚያም ለሁለተኛ ጊዜ እንደገና ያንብቡዋቸው። ስለ እነዚህ መልእክቶች ምን ያስተውላሉ? ዮሐንስ 17:17

Save Notes
ምሳሌ 30:5-6

Save Notes
መዝ. 12:6

Save Notes
መጽሐፍ ቅዱስ መሠረታዊውን እውነት ማለትም፣ ኢየሱስ ራሱ እንደማይለወጥ ይናገራል (ዕብ. 13:8)። በተመሳሳዩ ደግሞ የእግዚአብሔርን ቃል ስናነብ፣ ስለ እግዚአብሔር እና ስለ እውነት ያለን ግንዛቤ ያድጋል። “ገና ያልተገኙ ነገር ግን በቅንነት በሚቆፍር ሰው የሚገኙ የእውነት ማዕድናት አሉ።”—ኤለን ጂ. ኋይት፣ የቤተ ክርስቲያን ምክሮች፣ ጥራዝ 5፣ ገጽ 704። ኤለን ጂ. ኋይት “እውነት” ስትል እውነትን በቃሉ በኩል በእግዚአብሔር የተገለጠ መሆኑን ትጠቅሳለች።

መጽሐፍ ቅዱስ ቀደም ብለው የታወቁትን እውነቶች ፈጽሞ ስለማይቃረን ይልቁንም በእነርሱ ላይ ስለሚገነባ በመጽሐፍ ቅዱስ ውስጥ ተጨማሪ ብርሃን መፈለግ እንችላለን። 1ኛ ተሰሎንቄ 2:13፣ መዝሙር 33:4-5፣ እና ኤፌሶን 1:13ን ያንብቡ። እነዚህ ቦታዎች ላይ ያለው ዋና መልእክት ምንድን ነው?

Save Notes
በመጨረሻ፣ እውነቱን የምንረዳበት መሠረታዊ ምንጭ መጽሐፍ ቅዱስ እና መጽሐፍ ቅዱስ ብቻ መሆን አለበት። ሌሎች ምንጮች ሁሉ በእግዚአብሔር ቃል መሞከር እና መፈተን አለባቸው።

“ምክንያታዊነት” ብለን የምንጠራው እንኳን በእግዚአብሔር ቃል መፈተን አለበት።

አንዳንድ ሰዎች እውነት የለም ብለው መከራከር ይፈልጋሉ። ይህ አባባል ራሱን የሚቃረን የሆነው ለምንድን ነው? ማለትም፣ እውነት የለም የሚለውን አባባል ማቅረብ እውነትን ለማወጅ የሚደረግ ሙከራ እና የራሱን ስህተትነት የሚያረጋግጥ የሆነው ለምንድነው?

https://t.me/TekalignSorato

2,430

SABBATH SCHOOL(ሰንበት ትምህርት )

28 apr 2026, 00:43

ዛሬ Live ባለመኖሩ ይቅርታ እንጠይቃለን

https://t.me/TekalignSorato

2,030

SABBATH SCHOOL(ሰንበት ትምህርት )

28 apr 2026, 00:43

እሑድ
ሚያዝያ 11
Apr 19

እጅግ ኃይለኛው መሣሪያ

መጽሐፍ ቅዱስ ለምን በጣም ጠቃሚ እንደሆነ እና በግል የመጽሐፍ ቅዱስ ጥናታችን ውስጥ እንዴት በጥልቀት መቆፈር እንደምንችል ከመዳሰሳችን በፊት፣ አንድ ነገር መረዳት አለብን፤ ሰይጣን በእኛ ላይ ሊያደርስ ከሚችላቸው በጣም ጉልህ ጥቃቶች አንዱ በቃሉ ከእግዚአብሔር ጋር ጊዜ እንዳናሳልፍ ማድረግ ነው። ሰዎችን በንግድ፣ በግዴለሽነት፣ በድካም ወይም በጥርጣሬ ከመጽሐፍ ቅዱሳቸው ማራቅ ቁጥር አንድ ስትራቴጂው ነው።

በቃሉ ውስጥ ከእግዚአብሔር ጋር ጊዜ ስናሳልፍ ሕይወታችን እንደሚታደስ እና የመንፈስ ምግብ እንደምናገኝ ስለሚያውቅ ይህንን ለመከላከል ሁሉንም ነገር ያደርጋል! “ሰይጣን [ሰዎች] የመጽሐፍ ቅዱስን እውቀት እንዳያገኙ ለመከላከል የሚቻለውን ሁሉ ይጠቀማል፤ ምክንያቱም ግልጽ ንግግሮቹ ማታለያዎቹን ይገልጣሉ” ተብለናል። — ኤለን ጂ. ኋይት፣ ታላቁ ተጋድሎ፣ ገጽ 593። ሰይጣን የእግዚአብሔር ኃይለኛ ቃል እርሱን ኃይል አልባ እንደሚያደርገው ያውቃል። ጸሎትና የመጽሐፍ ቅዱስ ጥናት የሰው ልጅ በሰይጣን ላይ ሊጠቀምባቸው ከሚችላቸው እጅግ ኃይለኛ መሳሪያዎች መካከል መሆናቸውን ሰይጣን ስለሚያውቅ (ኤፌ. 6:17-18፤ ዕብ. 4:12) ከማንበብና ከመጸለይ እንድንቆጠብ የተቻለውን ሁሉ ያደርጋል። የእግዚአብሔር ቃላት ኃይለኛ እንደሆኑና ይህን ዓለም ወደ መኖር እንዲመጣ እንዳደረጉ ብቻ ሳይሆን ሙታንን ማስነሳት እንደሚችሉ (ዮሐንስ 11:41-44) እና ለማሸነፍ ኃይል ሊሰጡን እንደሚችሉ (ማቴ. 4:1-11) ያውቃል። የእግዚአብሔርን ሕዝብ ከመጽሐፍ ቅዱሳቸው በማራቅ፣ ሰይጣን ከእግዚአብሔር ጋር ያለንን ግንኙነት ብቻ ሳይሆን ከሌሎች ጋር ያለንን ግንኙነትም ይጎዳል። ትዳራችን ውጥረት ውስጥ ይገባል፣ በልጆቻችን ላይ እንጮሃለን፣ እና ከጓደኞቻችን ወይም ከሥራ ባልደረቦቻችን ጋር ትዕግስት የለንም። ሕይወት በጣም ቢዚ ትሆናለች፤ ምንም የማምለጫ መንገድ ሳይኖር ውጥረትና ሸክም ይሰማናል። እና በሚገርም ሁኔታ፣ ምን እየተከሰተ እንዳለ ለመረዳት በአብዛኛው በቂ ጊዜ ወስደን እረፍት አናደርግም። ከእግዚአብሔር ጋር ቅርብ እንደሆንን እናስብ ይሆናል፣ ነገር ግን እውነቱ፣ የእግዚአብሔርን ቃል ሳንከፍት ቀናትና ሳምንታት ሲያልፉ፣ በየቀኑ እየደከምን እንሄዳለን። ከእግዚአብሔር ጋር አንዴ ከፍ አንዴ ዝቅ የሚል ወጥነት የሌለው ግንኙነት ቢኖረንም እንኳ፣ ሰቆቃወ ኤርምያስ 3:22-23 እንደሚነግረን እግዚአብሔር በሚያስደንቅ ሁኔታ ፅኑ ነው (አይለዋወጥም) ። በእነዚህ ጥቅሶች ውስጥ ምን ያስተውላሉ? እና ከሰብዓዊ ተፈጥሮአችን ጋር እንዴት ይነፃፀራሉ?

Save Notes
ከመውደቁ በፊት የሚጋርድ ኪሩብ የነበረው ሉሲፈር (ሕዝ. 28:14-17) የእግዚአብሔርን ቃል ከዚያ በፊት ሰምቶ ስለሚያውቅ አስደናቂ ኃይላቸውን ያውቅ ነበር። አሁን ይህንን እውነት ይጠላል፤ ስለዚህ የእግዚአብሔርን ቃል መስማት እና ወደ ዕለታዊ ሕይወታችን ማምጣት ሳንመርጥ ስንቀር አእምሯችንና ልባችን ለምን እንደሚደነዝዝ ግልጽ ነው። የአምልኮ ሕይወትዎ ምን ያህል ወጥነት አለው? መልስዎ አንዳንድ ለውጦችን ስለማድረግ ምን ይነግርዎታል?

https://t.me/TekalignSorato

SABBATH SCHOOL(ሰንበት ትምህርት )

28 apr 2026, 00:43

ሰኞ
ሚያዝያ 12
Apr 20

ባለሥልጣኑ ቅዱስ መጽሐፍ

ባለሥልጣኑ ቅዱስ መጽሐፍ የመጽሐፍ ቅዱስ ሥልጣን እና ተግባር በገጾቹ ውስጥ በግልጽ ተቀምጧል። 2ኛ ጢሞቴዎስ 3:15-17ን ያንብቡ እና ይፃፉት። እነዚህ ጥቅሶች ስለ መጽሐፍ ቅዱስ ተግባር የሚነግሩዎትን ልብ ይበሉ። የግል የመጽሐፍ ቅዱስ ጥናትን በተመለከተ፣ መጽሐፍ ቅዱስ በአብዛኛው ከእግዚአብሔር ጋር አብረው የማይሄዱትን ዓላማዎቻችንን ወይም አመለካከቶቻችንን እንዲደግፍ መጠበቅ የለብንም። ለምሳሌ፣ “ዓይናችንን ጨፍነን አንድ ጥቅስ ማውጣትና መጠቆም” የለብንም፣ ምክንያቱም እግዚአብሔር በቃሉ በኩል ከእኛ ጋር ሊነጋገር የሚፈልገው በዚህ መንገድ አይደለም። እግዚአብሔር በገመድ ላይ የተንጠለጠለ እና ፍላጎታችንንና ፈቃዳችንን ለማሟላት ብቻ የሚጠብቅ አሻንጉሊት አይደለም። መንገዶቹና ሐሳቦቹ ከእኛ በጣም ከፍ ያሉ (ኢሳ. 55:9) ስለሆኑ ለእኛ የሚናገራቸውን ቃላት ለመቆጣጠር ፈጽሞ መሞከር የለብንም። ለእኛ ምቾት የሚሰጡንን የመጽሐፍ ቅዱስ ክፍሎች ብቻ መምረጥም የለብንም። ቀላል የሆኑትን፣ የተለመዱ ምንባቦችን ከማንበብ እና የሚገዳደሩንን ወይም ፈታኝ የሆኑትን ከመተው ይልቅ መጽሐፍ ቅዱስን እንደ ሙሉ ጥቅል አድርገን ማየት ይኖርብናል።

እግዚአብሔር በሕይወታችን ውስጥ እንዲናገር በእውነት ከፈለግን፣ እርሱ መስማት የሚያስፈልገንን እንደሚገልጥልን በማመን፣ ጤናማ ዘዴዎችንም በመጠቀም፣ መጽሐፍ ቅዱስን እንደ ሙሉ ጥቅል አድርገን በመውሰድ መጽሐፍ ቅዱስ ማጥናት አለብን። እንዲሁም፣ ኢየሱስ ራሱ፡- “ጌታ አምላክህን በፍጹም ልብህ በፍጹም ነፍስህም በፍጹም አሳብህም ውደድ።” (ማቴ. 22:37) በማለት ተናግሯል። ይህም ማለት እግዚአብሔር አእምሯችንን ችላ እንድንል አይፈልግም፤ ይልቁንም በከፊልም ቢሆን በቃሉ በኩል የተገለጹትን ሰፊ እውቀትና መረዳቶች ሊገልፅልን አእምሯችንን መድረስ ይፈልጋል። ኢየሱስ ከሰዎች ጋር ካደረጋቸው ብዙ ውይይቶች በተጨማሪ እግዚአብሔር እንደ ሄኖክ፣ አብርሃም፣ ሙሴ እና ኢዮብ ካሉ ሰዎች ጋር ውይይት ያደረገባቸውን ብዙ የመጽሐፍ ቅዱስ ትረካዎች ማንበብ እንችላለን። እግዚአብሔር የሰውን ምክንያታዊነት ችላ አይለውም፤ ነገር ግን መዳናችንን “ሲፈጽም” ለቃሉና ለጥበቡ ራሳችንን እንድናስረክብ ይጋብዘናል። የሰው ልጅ አስተሳሰብ ግን አሁንም የሰው ልጅ ነው-የሚሳሳት እና የሚታለል። ፈጽሞ የማይሳሳት አይደለም። የሰው ልጅ አስተሳሰብ ራስን ከእግዚአብሔር ጋር እኩል ወይም ከፍ አድርጎ የሚያስቀምጥ እና ነገሮችን በራሱ ለመፍታት በማሰብ እግዚአብሔርን ወደ ጎን ሊገፋ የሚችል ነው። ሰዎች ሁሉንም ነገር ከዚህ በፊት እንደሰሙት እና አዲስ ነገር እንደሌለ በማሰብ በትዕቢትና በጥርጣሬ መንፈስ መጽሐፍ ቅዱስን መቅረብ ይችላሉ። አስፈላጊ የሆንን፣ በራስ መተማመን ያለን፣ ራሳችንን የቻልን እና ምንም የማያስፈልገን አይነት ስሜት ሲሰማን ከእግዚአብሔር ጋር ያለንን ግንኙነት ችላ ብለን በራሳችን ውስን እውቀት እና የተሳሳተ አስተሳሰብ ላይ መታመን እንጀምራለን።

https://t.me/TekalignSorato

SABBATH SCHOOL(ሰንበት ትምህርት )

28 apr 2026, 00:43

📎 File

3,170

SABBATH SCHOOL(ሰንበት ትምህርት )

28 apr 2026, 00:43

ሚያዝያ 10 - 16
4ኛ ትምህርት
Apr 18 - 24

የመጽሐፍ ቅዱስ ሚና￼

ሰንበት ከሰዓት በኋላ
ለዚህ ሳምንት ጥናት ያንብቡ፡ ሰቆ. 3:22-23፣ 2ኛ ጢሞ. 3:15-17፣ ዮሐንስ 17:17፣ ኤፌ. 1:13፣ መዝ. 119:11፣ 1ኛ ቆሮ. 2:14።

የመታሰቢያ ጥቅስ፡ “የእግዚአብሔር ቃል ሕያው ነውና፥ የሚሠራም፥ ሁለትም አፍ ካለው ሰይፍ ሁሉ ይልቅ የተሳለ ነው፥ ነፍስንና መንፈስንም ጅማትንና ቅልጥምንም እስኪለይ ድረስ ይወጋል፥ የልብንም ስሜትና አሳብ ይመረምራል፤” (ዕብራውያን 4:12)።

መጽሐፍ ቅዱስ! ቢያንስ አንድ ምናልባትም ብዙ መጽሐፍ ቅዱሶች እንደሚኖርዎት ጥርጥር የለውም። ከታሪክ አንፃር ይህ ውድ መጽሐፍ በድብቅ በእጅ ተፅፏል፤ በድብቅ ተጥሎ ታግዷል። በዓለም ላይ፣ በማንኛውም ቋንቋ፣ በከፍተኛ ቁጥር የታተመ እና ከጥንታዊዎቹ አንዱ ነው። መጽሐፍ ቅዱስ ተጠብቆ እንዲተላለፍ አንዳንዶች ሞተዋል። መጽሐፍ ቅዱስ በሕይወትዎ ውስጥ ያለው ቦታ ምንድነው? ያነቡታል ወይስ ከአልጋዎ አጠገብ ተቀምጧል? ወይስ በመደርደሪያ ላይ አቧራ እየጠጣ ነው? የእግዚአብሔርን ቃል በእውነት ለማጥናት ጊዜ ለማግኘት ስራ በዝቶ ነው ወይስ ገጾቹን ለመክፈት በጣም ድካም ይሰማዎታል? የእግዚአብሔር ቃል ሕያውና ኃይለኛ ነው፣ እናም እግዚአብሔር ለልብዎ እንዲናገር፣ እንዲያበረታታዎ፣ እንዲገዳደርዎና እንዲለውጥዎ እንዲሁም መመሪያና ተስፋ እንዲሰጥዎ እየጠራዎ ነው። መጽሐፍ ቅዱስ የትምህርት መጽሐፍ ወይም የጥንት ታሪኮች ስብስብ ብቻ አይደለም።

በምትኩ፣ የአጽናፈ ዓለሙ ፈጣሪ ወደ እርሱ እንዴት ሊያቀርበን እንደሚፈልግ የሚያሳይ ውብና ጥልቅ ዘገባ ነው። ከእግዚአብሔር ጋር ባለዎት ግንኙነት የማደግ ፍላጎት ካለዎት፣ ማድረግ የሚችሉት የተሻለው ነገር በየቀኑ ከእርሱ ጋር ጥራት ያለው ጊዜ ማሳለፍ፣ በመንፈስ አነሳሽነት የተጻፈውን ቃሉን ማንበብ እና ለመታዘዝ ፈቃድዎን ማስገዛት ነው።

https://t.me/TekalignSorato

2,730

SABBATH SCHOOL(ሰንበት ትምህርት )

28 apr 2026, 00:43

3,850

SABBATH SCHOOL(ሰንበት ትምህርት )

28 apr 2026, 00:43

https://t.me/sabbathschool?livestream=4b9c3ec16db8d751d9

4,080

SABBATH SCHOOL(ሰንበት ትምህርት )

28 apr 2026, 00:43

Live stream finished (2 hours)

SABBATH SCHOOL(ሰንበት ትምህርት )

28 apr 2026, 00:43

Live stream started

Showing 30 of 60 posts

Valutazione

Accesso richiesto

Recensioni degli utenti (0)

Nessuna recensione ancora. Sii il primo a condividere la tua opinione!

Canali Telegram correlati

Loading recommended channels...

SABBATH SCHOOL(ሰንበት ትምህርት )

SABBATH SCHOOL(ሰንበት ትምህርት )

Classifica

Crescita abbonati (Ultimi 8 giorni)

Ultimi post

Valutazione

Recensioni degli utenti (0)

Canali Telegram correlati

JESUS King of Kings

Russita

Jowharadi qalbiga❤☘💡🥀

Qiyomat Ahvolotlari ¦ Shayx Muhammad Muhiddin Mansur

လဝမ် @ မြန်မာ စာတန်းထိုး ကားများ

Pastorizia Never Dies Redirect

Yar hausawa yar harka

Zauren Malam Ibrahim Khalil

Canali Telegram correlati

JESUS King of Kings

Russita

Jowharadi qalbiga❤☘💡🥀

Qiyomat Ahvolotlari ¦ Shayx Muhammad Muhiddin Mansur

လဝမ် @ မြန်မာ စာတန်းထိုး ကားများ

Pastorizia Never Dies Redirect

Yar hausawa yar harka

Zauren Malam Ibrahim Khalil

Recensioni degli utenti (0)

Ultimi post