Ijtimoiy himoya milliy agentligi

Ijtimoiy himoya milliy agentligi

Public

Non riesci ad unirti? @ijtimoiyhimoya_agentligi

0

37.1k Membri

Aggiornato: July 13, 2026 at 11:38 PM

Ijtimoiy himoya milliy agentligi

@ijtimoiyhimoya_agentligi is a growing community focused on Romanzi and related topics

Classifica

Classifica globale

#11863

-110

Classifica per lingua

#106

-2

Classifica per categoria

#110

+1

Crescita abbonati (Ultimi 30 giorni)

Totale: 37.1K

Crescita 24h: +0 0%

Loading...

Valutazione

Accesso richiesto

Loading...

Loading recommended channels...

Ultimi post

Ijtimoiy himoya milliy agentligi

17 mag 2026, 02:41

“Eng faol ijtimoiy xodim” ko‘rik-tanlovining respublika bosqichi o‘tkazildi

Kuni kecha yurtimiz bo‘ylab mahallalarda faoliyat yuritayotgan ijtimoiy xodimlar, supervayzerlar hamda huquqiy masalalar bo‘yicha ekspert-maslahatchilar o‘rtasida tashkil etilgan “Eng faol ijtimoiy xodim” ko‘rik-tanlovining respublika bosqichi bo‘lib o‘tdi.

Tanlovning hududiy saralash bosqichlarida har bir yo‘nalish bo‘yicha 1-o‘rinni qo‘lga kiritgan ishtirokchilar respublika final bosqichiga yo‘l oldi.

Final bosqichida mamlakatimizning barcha hududlaridan:
✅ 14 nafar ijtimoiy xodim
✅ 14 nafar supervayzer
✅ 14 nafar huquqiy masalalar bo‘yicha ekspert-maslahatchi ishtirok etdi.

Tanlov davomida ishtirokchilarning kasbiy bilim va ko‘nikmalari, fuqarolar bilan ishlashdagi tajribasi, keys-menejment asosida aholiga ko‘rsatilgan amaliy yordam holatlari hamda innovatsion yondashuvlari, test, suhbat va KPI ko‘rsatkichlari asosida baholandi.

Shuningdek, tanlov doirasida ijtimoiy xodimlar tashabbusi bilan amalga oshirilgan mini-loyihalar taqdimotlari ham o‘tkazildi. Mazkur loyihalar aholiga manzilli yordam ko‘rsatish, ularning ijtimoiy faolligini oshirish hamda jamiyatga integratsiyasini ta’minlashga qaratilgani bilan alohida ahamiyat kasb etdi.

Ishtirokchilar Agentlikning tarkibiy bo‘linmalari va tizim tashkilotlari rahbarlaridan iborat komissiya tomonidan baholandi.

Tanlov yakunlariga ko‘ra, eng yuqori ball to‘plagan ishtirokchilar g‘olib deb topildi hamda Ijtimoiy himoya milliy agentligi tomonidan munosib taqdirlandi.

Xususan, 1-o‘rin sohibi mehnatga haq to‘lashning eng kam miqdorining 15 baravari miqdorida moddiy rag‘batlantirildi. Shuningdek, turli nominatsiyalar bo‘yicha g‘olib deb topilgan 5 nafar ishtirokchi mehnatga haq to‘lashning eng kam miqdorining 10 baravari miqdorida pul mablag‘lari bilan taqdirlandi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

5,660

57

0

Ijtimoiy himoya milliy agentligi

17 mag 2026, 02:41

RASMIY MA'LUMOT

Soʻngi vaqtlarda ijtimoiy tarmoqlarda “Yetimlarga berilgan uylar nega xususiylashtirilmayapti?”, posti ostida xabarlar tarqalmoqda. Shuningdek, xabarlarda davlat uy-joy fondidan ijara asosida yetim va ota-ona qaramogʻidan mahrum boʻlgan bolalar toifasiga kirgan shaxslarga berilgan uy-joylarni xususiylashtirishdagi muammolar aks ettirilgan.

Qayd etish kerakki, mazkur xabarlar Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan oʻrganib chiqildi.

Taʼkidlash joizki, 2021-yil 25-oktabrga qadar yetim va ota-ona qaramogʻidan mahrum boʻlgan bolalarga Oʻzbekiston Respublikasi Vazirlar Mahkamasining 2010-yil 2-avgustdagi “Yetim bolalar va ota-ona qaramogʻidan mahrum boʻlgan bolalarni turar joylar bilan taʼminlash chora-tadbirlari toʻgʻrisida”gi 164-son qaroriga binoan, ijara shartlari asosida davlat uy-joy fondidan foydalanish huquqi bilan turar joylar berilgan.

Oʻzbekiston Respublikasi Uy-joy kodeksining 8-moddasiga muvofiq, maqsadli kommunal uy-joy fondiga kiruvchi turar joylar ijtimoiy himoyaga muhtoj va kam taʼminlangan fuqarolarga xususiylashtirish huquqisiz ijara shartlari asosida beriladi. Mazkur fondni boshqarish mahalliy davlat hokimiyati organlari – hokimliklar vakolatiga kiradi.

Bundan tashqari, maqsadli kommunal uy-joy fondiga kiruvchi turar joylar Ijtimoiy himoya milliy agentligi tasarrufida emas hamda Agentlik davlat uy-joy fondini xususiylashtirish bilan bogʻliq masalalarni hal etish vakolatlariga ega emas.

Shu bilan birga, davlat uy-joy fondini xususiylashtirish tartibi Oʻzbekiston Respublikasi Vazirlar Mahkamasining 2024-yil 11-martdagi “Davlat uy-joy fondidan foydalanish va uni tasarruf etish tartibi toʻgʻrisidagi nizomni tasdiqlash haqida”gi 124-son qarori bilan tartibga solinishi, shuningdek ushbu sohada vakolatli vakillik organi esa tuman (shahar) hokimliklari hisoblanishini qayd etish lozim.

Shundan kelib chiqib, Vazirlar Mahkamasining 2010-yil 2-avgustdagi 164-son qaroriga binoan, ijara shartlari asosida davlat uy-joy fondidan foydalanish huquqi asosida turar joy olgan shaxslar Vazirlar Mahkamasining 2024-yil 11-martdagi 124-son qaroriga asosan bevosita tegishli tuman (shahar) hokimligiga yoki https://my.gov.uz/ portali orqali murojaat qilishlari mumkin boʻladi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

17 mag 2026, 02:41

📷 Photo

🗣 W. I. N. G. S dasturining pilot bosqichi olib borilmoqda

📝2026-yil 24-apreldan boshlab O‘zbekistonda zo‘ravonlikka duch kelgan ayollarni qo‘llab-quvvatlashga qaratilgan https://t.me/columbia_centerning pilot bosqichi yo‘lga qo‘yildi. Dastur https://t.me/i_himoya_and, https://t.me/ihma_navoiviloyati, https://t.me/ihma_xorazmviloyati va https://t.me/ihma_toshkentshahrida “Inson” ijtimoiy xizmatlar markazlari, Ayollarni reabilitatsiya qilish va moslashtirish markazlari hamda “Ona uyi” NNT bazasida amalga oshirilmoqda.

🌍Mazkur dastur pilot hududlar uchun asosan “vioihma” platformasining veb-versiyasi orqali olib borilayotgani yordam ko‘rsatish jarayonini standartlashtirish, monitoringni kuchaytirish va ishtirokchilarning maxfiyligini ta’minlash imkonini bermoqda.

Pilot bosqich doirasida:
🟢monitoring va baholash shakllari ishlab chiqildi;
🟢 28 nafar fasilitator ishtirokida 6 ta onlayn trening tashkil etildi;
🟢 dasturdan o'tish uchun taklif qilish standarti ishlab chiqildi;
🟢 fasilitatorlar uchun har hafta superviziyalar o'tkazilmoqda;
🟢 dasturdan xizmat olgan ayollarning muntazam fikr-mulohazalarini yig‘ish tizimi joriy etildi.

🎤Dastur doirasida xizmat olgan ayollardan olingan fikr-mulohazalar tahlili shuni ko‘rsatadiki, mazkur intervensiya ayollarga boshdan kechirgan zo‘ravonlik holatlari haqida ilk bor ochiq va erkin fikr bildirish imkoniyatini yaratmoqda. Jarayon davomida ayollar mavjud himoya mexanizmlari va qo‘llab-quvvatlash xizmatlari haqida muhim bilimlarga ega bo‘lib, o‘z vaziyatini chuqurroq tahlil qilish hamda anglash ko‘nikmalarini shakllantirmoqda.

#intervensiya #wings #dastur #ayollar #himoya #zoravonliksizhayot #himoyadasturi

📱 https://t.me/columbia_center 📱 https://www.facebook.com/profile.php?id=61564214443597
📱 https://www.instagram.com/uzb_columbia_center/ 📱 https://www.youtube.com/@columbia_center24
📱 https://www.linkedin.com/company/cacssw/

Ijtimoiy himoya milliy agentligi

17 mag 2026, 02:41

Islom madaniy merosining muhim ilmiy markaziga ma’rifiy tashrif

🧠 Kecha Ijtimoiy himoya milliy agentligi xodimlari uchun O‘zbekistondagi Islom sivilizatsiyasi markaziga ma’naviy-ma’rifiy ekskursiya tashkil etildi.

🖋 Xodimlar Markazda jamlangan bebaho qo‘lyozmalar, buyuk allomalar merosi hamda yurtimizning ming yillik ilm‑ma’rifat tarixini mujassam etgan ekspozitsiyalar bilan yaqindan tanishdilar.

😮 Ushbu Markaz tarix, bugun va kelajakni bog‘laydigan ma’naviy maktab vazifasini bajaradi. Bu yerda har bir eksponat yurtimizning buyuk o‘tmishi, ajdodlarimizning ilmga bo‘lgan cheksiz muhabbati va bugungi ma’rifiy siyosatimizning ildizlarini yaqqol namoyon etadi.

Muhtaram Prezidentimiz Islom sivilizatsiyasi markazining ahamiyati haqida shunday degan edi:
“Islom sivilizatsiyasining zamini – aslida ilm‑fan, madaniyat, ta’lim va tarbiyadir. Biz barpo etayotgan markazning bosh g‘oyasi ham shu. Bu yerga tashrif buyurgan inson islom dinining tinchlik, taraqqiyot va bag‘rikenglik dini ekanini yaqqol ko‘radi.”

↗️Shu kabi ma’naviy-ma’rifiy tashriflar xodimlarimizda yurt ravnaqi yo‘lida xizmat qilish tuyg‘usini kuchaytirib, ularni Yangi O‘zbekiston taraqqiyotiga munosib hissa qo‘shishga undaydi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

17 mag 2026, 02:41

14-may kuni Urganch shahrida O‘zbekiston Respublikasi Prezidenti huzuridagi Ijtimoiy himoya milliy agentligi, Xalqaro inklyuziv hab, UNICEF hamda Ilm-fan va ta’lim-tarbiyani rivojlantirish “Ziyo Forum” fondi tomonidan amalga oshirilayotgan “O‘sish va rivojlanish” (UPSHIFT) dasturining ikkinchi mavsumi yakuniy pitchingi bo‘lib o‘tdi.

2026-yilda dastur ilk bor nafaqat Toshkent shahrida, balki Urganch shahrida ham hududiy hamkorlar — Urganch shahridagi Inklyuziv bolalar qobiliyatlari va ijodini rivojlantirish markazi hamda DATA ta’lim markazi bilan hamkorlikda amalga oshirilmoqda.

Pitching yakunlariga ko‘ra, 5 ta startap loyiha saralab olindi va ularning har biriga tashabbuslarni amalga oshirish uchun 14 000 000 so‘m miqdorida moliyaviy ko‘mak ajratildi.

Qo‘llab-quvvatlangan loyihalar orasida:
✅ qandli diabet bilan yashovchi insonlar uchun raqamli yordamchi;
✅ yoshlar bandligini qo‘llab-quvvatlash platformasi;
✅ nogironligi bo‘lgan yoshlar uchun hunarmandchilik va o‘z-o‘zini band qilish loyihasi;
✅ yoshlarning kompyuter savodxonligini oshirishga qaratilgan ta’lim platformasi;
✅ ko‘zi ojiz yoshlar uchun Brayl yozuvidagi o‘quv materiallarini yaratish tashabbusi mavjud.

Keyingi bosqich — startaplarni mentorlik va ekspertlar ko‘magida amalga oshirish jarayonidir.

—

14 мая в Ургенче состоялся финальный питчинг второго сезона программы «Рост и развитие» (UPSHIFT), реализуемой Национальным агентством социальной защиты при Президенте Республики Узбекистан, Международным инклюзивным хабом, UNICEF и Фондом развития науки и образования «Зиё Форум».

В 2026 году программа впервые реализуется не только в Ташкенте, но и в Ургенче совместно с региональными партнёрами — Инклюзивным центром развития детских способностей и творчества города Ургенч и образовательным центром DATA.

По итогам питчинга было отобрано 5 стартап-проектов, каждый из которых получил финансирование в размере 14 000 000 сумов на реализацию своих инициатив.

Среди поддержанных проектов:
✅ цифровой помощник для людей, живущих с диабетом;
✅ платформа по содействию занятости молодежи;
✅ проект по развитию ремесленных навыков и самозанятости среди молодежи с инвалидностью;
✅ образовательная платформа по повышению компьютерной грамотности молодежи;
✅ инициатива по созданию учебных материалов шрифтом Брайля для незрячих молодых людей.

Следующий этап — реализация стартапов при менторской и экспертной поддержке.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

29 mar 2026, 02:01

Yana bir natija 🌱

Andijon shahridagi “Imkoniyatlar olami” markazida tarbiyalanayotgan Sarkorbek ZPR tashxisi bilan markazimizga qatnab kelmoqda. Avvaliga u mustaqil yurolmas edi.

Bugun esa muntazam mashg‘ulotlar va mutaxassislar yordami bilan uning harakatlari sezilarli darajada yaxshilanib, mustaqil yurish sari dadil qadam tashlamoqda. 💫

Har bir kichik yutuq — katta natijaning boshlanishidir.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

3,120

Ijtimoiy himoya milliy agentligi

29 mar 2026, 02:01

"Dunyo quyosh nigohida" inklyuziv forumi - qalblarni birlashtirgan, unutilmas tadbir!

O'zbekiston Respublikasi Prezidenti huzuridagi Ijtimoiy himoya milliy agentligi tashabbusi bilan Xalqaro daun sindromiga ega insonlar kuniga bag'ishlab “Dunyo quyosh nigohida” inklyuziv forumi o‘tkazildi. Tadbirda Qozog'iston, Qirg'iziston, Tojikiston va Turkiyadan ishtirokchilar qatnashdi.

Shu kuni sahna chin ma’noda quyoshdek porladi — daun sindromiga ega bolalar raqs, musiqa va she’riy chiqishlari orqali o‘z qalblaridagi yorug‘likni hammaga ulashdi. Shuningdek, ular tomonidan tayyorlangan hunarmandlik mahsulotlari namoyish etildi va bahorning eng tansiq taomi - sumalak tayyolandi. Quyoshli bolalarning tabassumi, ishonchi va jasorati tadbirga kelgan barchaga mehr, hayotga muhabbat va cheksiz imkoniyatlar mavjudligini yana bir bor eslatdi.

Mazkur forum — qalblarni birlashtirgan, jamiyatda inklyuzivlik va mehr-oqibatning yorqin timsoliga aylangan unutilmas tadbir bo‘ldi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

29 mar 2026, 02:01

#Ilmiy_metodik_kengash
#Inklyuziv_talim
#Psixologiya

Inklyuziv taʼlim va taʼlim ishtirokchilarini psixologik qoʻllab-quvvatlash masalalari muhokama qilindi

Taʼlimni rivojlantirish respublika ilmiy-metodik markazida “Inklyuziv taʼlim va psixologiya” yoʻnalishi boʻyicha Ilmiy-metodik kengashi yigʻilishi boʻlib oʻtdi. Unda Taʼlimni rivojlantirish respublika ilmiy-metodik markazi, Ijtimoiy himoya milliy agentligi, Maktabgacha va maktab taʼlimi vazirligi masʼullari ishtirok etdi.

Yigʻilishda “Mahallani rivojlantirish va jamiyatni yuksaltirish” yili uchun davlat dasturida belgilangan umumiy oʻrta taʼlimda inklyuziv taʼlim ishtirokchilarini metodik qoʻllab-quvvatlash mexanizmlarini takomillashtirishga doir masalalar koʻrib chiqildi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

29 mar 2026, 02:01

#ijtimoiy_sugurta

🖋 Oldin homiladorlik va tug‘ish nafaqasi, vaqtinchalik mehnatga layoqatsizlik nafaqasi yoki boshqa to‘lovlar ayrim hollarda ish beruvchilar tomonidan qoplab kelinar edi.

✅ Endilikda ushbu nafaqalar to‘liq Davlat ijtimoiy sug‘urta jamg‘armasi tomonidan to‘lanadi.

🖋 Qashqadaryo misolida olib qaraydigan bo'lsak, shu kunga qadar homiladorlik va tug‘ish nafaqasi bo'yicha jami 3 566 ta ariza kelib tushgan bo'lib, shundan 2 072 nafar fuqarolarga nafaqalar to'lab berilgan.

Xo'sh bu tizimni yo'lga qo'yishdan maqsad nima?

1️⃣ xususiy sektorda ishlovchi xodimlarni og‘ir hayotiy vaziyatlarda daromadsiz qolishi va kambag‘allikka tushishini oldini olish;

2️⃣ norasmiy bandlikni legalizatsiya qilishni rag‘batlantirish;

3️⃣ tadbirkorlarni homiladorlik va tug‘ish, vaqtincha mehnatga layoqatsizlik hamda ishdan bo‘shatish nafaqalari to‘lovlari bo‘yicha ortiqcha yuklamadan ozod etish.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

29 mar 2026, 02:01

Mehr bilan o‘zgarayotgan hayotlar: Navgadi mahallasida ijtimoiy xodim faoliyati

🇺🇿 Jondor tumani “Navgadi” mahallasida 6130 nafardan ortiq aholi istiqomat qiladi. Ushbu hudud hayoti nafaqat raqamlar, balki inson taqdiri, mehr va e’tibor bilan o‘lchanadi. Ayniqsa, ijtimoiy himoyaga muhtoj 229 nafar fuqaro, 98 nafar nogironligi bo‘lgan shaxs hamda 67 ta ijtimoiy reyestrdagi oilalar hayotida sezilarli ijobiy o‘zgarishlar kuzatilayotgani e’tiborga loyiq.

👮‍♂️ Bu o‘zgarishlar ortida mahalla ijtimoiy xodimi Muhabbat Hayitovaning fidokorona mehnati turibdi. Uning faoliyati oddiy tashriflar bilan cheklanmay, har bir oila va har bir inson taqdiriga individual yondashuvni o‘z ichiga oladi. Tizimli ishlar natijasida 12 nafar keksalar sihatgohlarda sog‘lomlashtirildi, 25 nafar muhtoj shaxs protez-ortopediya moslamalari bilan ta’minlandi. Shuningdek, 10 nafar nogironligi bo‘lgan shaxs ish bilan ta’minlanib, ularning jamiyatdagi faolligi oshirildi.

👫 Mahallada bolalar va yoshlar bilan ishlash ham alohida e’tiborda. 7 nafar yetim va ota-ona qaramog‘idan mahrum bo‘lgan bolalar oilalarga joylashtirildi, 12 nafar alohida ta’lim ehtiyoji bo‘lgan bolalar inklyuziv ta’limga jalb qilindi. Bundan tashqari, 12 nafar nogironligi bo‘lgan fuqarolarning adaptiv sportga jalb etilishi ularning jismoniy va ruhiy holatini yaxshilashga xizmat qilmoqda.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

29 mar 2026, 02:01

#VoiceUp2026
#Inklyuziv_yoshlar_oromgohi
#Navoiy

🎙 “VoiceUp – 2026” inklyuziv yoshlar oromgohining hududiy bosqichi tafsilotlari.

💻 Uch kunlik tadbir davomida yoshlar motivatsion treninglar, interaktiv seminarlar va jamoaviy mashg‘ulotlarda ishtirok etib, liderlik va muloqot ko‘nikmalarini rivojlantirdi.

✅ Ishtirokchilar tomonidan taqdim etilgan loyihalar inklyuziv jamiyatni rivojlantirish, teng imkoniyatlarni kengaytirish va ijtimoiy faollikni oshirishga qaratilgani bilan ajralib turdi.

👥 Eng muhimi — bu oromgoh turli imkoniyatlarga ega yoshlarni birlashtirib, ularning salohiyatini ochishga xizmat qildi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

29 mar 2026, 02:01

“Inson” markazlari faoliyati: natijalar va yangi ustuvor yo‘nalishlar

Agentlik direktori rahbarligida “Inson” ijtimoiy xizmatlar markazlari hamda ijtimoiy xodimlar faoliyati samaradorligini oshirish masalalariga bag‘ishlangan yig‘ilish o‘tkazildi.

Yig‘ilishda KPI tizimi joriy etilgandan so‘ng erishilgan natijalar muhokama qilindi. Xususan, og‘ir hayotiy vaziyatdagi aholini aniqlash va ularga manzilli ijtimoiy xizmatlar ko‘rsatish, nogironligi bo‘lgan shaxslarni qo‘llab-quvvatlash, ijtimoiy xizmatlar orqali aholi qamrovini kengaytirish, shuningdek, qator xizmatlarni raqamlashtirish bo‘yicha amalga oshirilgan ishlar ko‘rib chiqildi.

Shu bilan birga, markazlar faoliyatini yanada takomillashtirish, xizmatlar sifatini oshirish va tizimli yondashuvni kuchaytirish masalalariga alohida e’tibor qaratildi.

Yig‘ilish davomida 2026 yilning keyingi bosqichlari uchun ustuvor yo‘nalishlar belgilab olindi. Jumladan:
• bolalar va oilalar bilan ijtimoiy ishni kuchaytirish;
• zo‘ravonlik holatlariga uchragan shaxslar bilan ishlash tizimini rivojlantirish;
• nogironligi bo‘lgan shaxslarni reabilitatsiya qilish va bandligini qo‘llab-quvvatlash;
• ijtimoiy sug‘urta qamrovini kengaytirish;
• og‘ir hayotiy vaziyatdagi shaxslar bilan manzilli ishlash mexanizmlarini takomillashtirish.

Yig‘ilish yakunida ijtimoiy xizmatlar samaradorligini oshirish, mavjud resurslardan oqilona foydalanish hamda aholiga xizmat ko‘rsatish sifatini yanada yaxshilash bo‘yicha tegishli topshiriqlar berildi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

27 mar 2026, 22:00

#VoiceUp2026
#Inklyuziv_yoshlar_oromgohi
#Navoiy

🎙 Navoiy viloyatida yoshlarni qo‘llab-quvvatlash, ularning ijtimoiy faolligini oshirish hamda inklyuziv muhitni kengaytirishga qaratilgan "VoiceUp – 2026" inklyuziv yoshlar oromgohining hududiy bosqichi Qiziltepa tumani To'dako'l sohilidagi Xalqaro shaxmat maktabida bo'lib o'tdi.

🏃 Uch kunlik dastur doirasida ishtirokchilar uchun motivatsion treninglar, interaktiv seminarlar hamda jamoaviy ishlash ko‘nikmalarini rivojlantiruvchi mashg‘ulotlar tashkil etildi. Treninglar davomida yoshlar o‘z fikrlarini erkin ifoda etish, liderlik qobiliyatlarini shakllantirish va ijtimoiy faollikni oshirish bo‘yicha muhim bilim va tajribalarga ega bo‘lishdi. Shuningdek, turli intellektual va jamoaviy o‘yinlar orqali ishtirokchilar o‘rtasida hamjihatlik, o‘zaro hurmat va qo‘llab-quvvatlash muhiti yanada mustahkamlandi.

💻 Mazmunli va taassurotlarga boy tarzda bo'lib o'tgan VoiceUp – 2026 inklyuziv yoshlar oromgohi turli imkoniyatlarga ega bo‘lgan yoshlarni birlashtirish, ularning salohiyatini ro‘yobga chiqarish, ijtimoiy hayotda faol ishtirokini ta’minlashga xizmat qilishi bilan ahamiyatli bo'ldi. Xususan, yoshlar tomonidan taqdim etilgan loyihalar inklyuziv jamiyatni shakllantirish, nogironligi bo‘lgan shaxslar uchun teng imkoniyatlar yaratish, jamiyatda o‘zaro hurmat va hamjihatlikni mustahkamlashga qaratilgani bilan alohida e’tibor qozondi.

👥 Hakamlar hay’ati har bir loyihani ko‘rib chiqib, ularning dolzarbligi, innovatsion yondashuvi, amaliy ahamiyati hamda jamiyatga keltiradigan foydasini baholadi. Ishtirokchilar esa o‘z chiqishlari davomida nafaqat muammolarni ko‘rsatib berdilar, balki ularning aniq va samarali yechimlarini ham taklif etdilar.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

27 mar 2026, 22:00

Nukus shahrida sayyor qabul o‘tkazildi

Ijtimoiy himoya milliy agentligi direktorining maslahatchisi Sarvarbek Rasulevning Nukus shahriga xizmat safari davomida fuqarolar bilan sayyor qabul tashkil etildi.

Qabul jarayonida jami 26 nafar fuqaro o‘z muammolari va takliflari bilan murojaat qildi. Murojaatlarning asosiy qismi joyning o‘zida ijobiy hal etildi.

Shu bilan birga, qo‘shimcha o‘rganish va muddat talab etiladigan masalalar yuzasidan mas’ul ijrochilar belgilandi hamda ularning ijrosi nazoratga olindi.

Fuqarolar murojaatlari bilan ishlash, ularning muammolarini tezkor va samarali hal etish — ustuvor vazifalardan biri bo‘lib qolmoqda.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

27 mar 2026, 22:00

☀️Ayni damda Toshkent shahridagi Tashkent City hududida “Dunyo quyosh nigohida” inklyuziv forumi bo‘lib o‘tmoqda.

🤝 Unda respublikaning turli hududlaridan kelgan 350 dan ortiq oila, mutaxassislar hamda xalqaro mehmonlar ishtirok etmoqda.

👩‍👩‍👧‍👦 Forum doirasida konsert chiqishlari, ijodiy mahorat darslari, sport va interaktiv faoliyatlar, shuningdek xayriya yarmarkasi tashkil etilgan.

👫 Bu tadbir inklyuziya — shunchaki tashabbus emas, balki teng imkoniyatlar, hurmat va hamjihatlikka asoslangan jamiyat modeli ekanini yana bir bor namoyon etmoqda.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

27 mar 2026, 22:00

Bugungi "Ma'rifat soati" odatdagidan ko‘ra yanada qiziqarli va savol-javoblarga boy tarzda o‘tdi

Uning asosiy mavzusi ishtirokchilar uchun dolzarb va amaliy ahamiyatga ega bo‘lgan - “Diplomatik protokol qoidalari”ga bag‘ishlandi. Tadbir mehmoni sifatida Markaziy saylov komissiyasi Matbuot xizmati rahbari, "Iman" brendi asoschisi Murodilla Alimbayev ishtirok etib, o‘zining boy tajribasi va amaliy tavsiyalari bilan o‘rtoqlashdi.

Uchrashuv davomida xalqaro tadbirlarni tashkil etish va o‘tkazish tartibi, rasmiy uchrashuvlarda o‘zini tutish madaniyati, mehmonlarni kutib olish va kuzatish qoidalari, shuningdek, diplomatik etiketning muhim jihatlari haqida batafsil ma’lumot berdi.

Eng qiziq jihatlardan biri ayrim muhim masalalar uchrashuv davomida amaliy tarzda ko‘rsatib berilgani bo‘ldi, bu esa mavzuni yanada tushunarli qildi.

Tadbirning ikkinchi qismi savol-javob shaklida tashkil etilib, xodimlar mavzu yuzasidan fikr va mulohazalarni bildirishdi hamda o‘zlarini qiziqtirgan savollariga atroflicha javob oldilar.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

25 mar 2026, 17:17

Yurtimiz iqtidorli yoshlarini birlashtirgan “Nurli maskan” olimpiadasi boshlandi

Samarqand shahridagi 59-sonli maxsus maktab-internatida respublikadagi barcha “Nurli maskan” maktab-internatlari o‘quvchilari o‘rtasida Asosiy fan olimpiadasining Respublika bosqichi boshlandi.

Olimpiadaning ochilish marosimida Ijtimoiy himoya milliy agentligi Samarqand viloyati boshqarmasi boshlig‘i Sh. Yuldashev hamda Maktabgacha va maktab ta’limi vazirligi mas’ul xodimi M. Ibragimov so‘zga chiqib, mamlakatimizning turli hududlaridan tashrif buyurgan ishtirokchilarni samimiy qutladilar.

So‘zga chiqqanlar yoshlarimizga o‘z bilim va iste’dodlarini namoyon etib, yuqori natijalarga erishishlarida omad tiladilar. Mazkur olimpiada o‘quvchilarning bilim salohiyatini oshirish, ularni qo‘llab-quvvatlash hamda iqtidorli yoshlarni aniqlashda muhim ahamiyat kasb etadi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

25 mar 2026, 17:17

📷 Photo

Baraka ijtimoiy kartasini kimlar olishi mumkin?

💳Baraka ijtimoiy kartasi bir nechta funksiyalarni bajaradi va shuning uchun ham kartani kimlar buyurtma qilishi mumkin, degan savol ko'p tug'iladi. Baraka ijtimoiy kartasini barcha olishi mumkin. Ya'ni:

-istalgan O’zbekiston fuqarosi;
-O‘zbekistonda doimiy yashovchi chet el fuqarolari
-fuqaroligi bo'lmagan shaxslar ham karta olishi mumkin.

✍️ Kartani qanday buyurtma qilish haqida https://t.me/barakakarta mumkin.

Baraka ilovasini https://play.google.com/store/apps/details?id=io.oxinus.barakacitizen&pli=1 kartangizni ulab, barcha xizmatlardan qulay foydalaning.

📞 Ishonch raqami: 1070
🌐 Batafsil: http://baraka.gov.uz/

—————————

Кто может получить социальную карту Baraka?

💳Социальная карта Baraka выполняет сразу несколько функций, поэтому часто возникает вопрос: кто именно может её заказать? Ответ прост — карту Baraka может получить каждый. А именно:

-любой гражданин Узбекистана;
-иностранные граждане, постоянно проживающие в Узбекистане;
-лица без гражданства также могут получить карту.

✍️ О том, как заказать карту, вы можете https://t.me/barakakarta
Скачайте приложение Baraka, привяжите свою карту и пользуйтесь всеми услугами с комфортом.

📞 Телефон доверия: 1070
🌐 Подробнее: http://baraka.gov.uz/

https://t.me/barakakarta https://www.youtube.com/@BarakaKarta | https://www.instagram.com/barakakarta/ | https://www.facebook.com/barakakarta | https://x.com/Barakakarta | https://www.tiktok.com/@barakakarta

Ijtimoiy himoya milliy agentligi

25 mar 2026, 17:17

❗️ Ish beruvchilar va HR mutaxassislari uchun muhim vebinar!

Davlat ijtimoiy sug‘urtasi jamg‘armasi orqali moliyalashtirish tizimi joriy etilgandan so‘ng, xodimlarning kasallik varaqalari bo‘yicha to‘lovlarni to‘g‘ri hisoblash va rasmiylashtirish masalasi yanada muhim ahamiyat kasb etmoqda.

Amaliyotda tartiblarni yetarli darajada bilmaslik yoki noto‘g‘ri qo‘llash quyidagi holatlarga olib kelishi mumkin:
✅ to‘lovlarning noto‘g‘ri hisoblanishi;
✅ hujjatlarni rasmiylashtirishda xatolarga yo‘l qo‘yilishi;
✅ korxona uchun ortiqcha moliyaviy yoki tashkiliy masalalarning yuzaga kelishi.

Shu kabi holatlarning oldini olish maqsadida maxsus vebinar tashkil etilmoqda. Unda Ijtimoiy himoya milliy agentligi va Davlat ijtimoiy sug‘urta jamg‘armasi ekspertlari Vazirlar Mahkamasining 796-sonli qarori mazmuni, to‘lovlarni hisoblash tartibi hamda amaliy jihatlari bo‘yicha batafsil tushuntirish berishadi. Ishtirokchilar o‘zlarini qiziqtirgan savollarga ham bevosita javob olish imkoniyatiga ega bo‘ladilar.

🖋 Sana: 2026-yil 25-mart, soat 15:00
😲 Manzil: https://t.me/kadr_yurist ovozli chati

🤝 Vebinar Ijtimoiy himoya milliy agentligi hamda “Yurist va kadr” nodavlat ta’lim muassasasi hamkorligida tashkil etilmoqda.

💿 Barchani ushbu qiziqarli muloqotda kutamiz!

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

25 mar 2026, 17:17

#teleloyiha

👍👍👍 Insondan insongacha

Yangi ijtimoiy himoya tizimi - bu davlat siyosatining ajralmas bo'g'ini

Buxoro tumanidagi "Inson" ijtimoiy xizmatlar markazi xodimlarining faoliyati va jamiyatdagi o'rni xususida. Ko'mak va mehrga muhtoj matonatli insonlarga ko'rsatilayotgan yordam va uning natijalari

🎬 “Oybek" mahalla fuqarolar yig'ini ijtimoiy xodimi Sitora Mirsoliyeva faoliyati misolida

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

6,410

Ijtimoiy himoya milliy agentligi

25 mar 2026, 17:17

🎙Ijtimoiy xodim kirib kelsa, xotirjam bo‘laman…

👨‍🦽Fuqaro Muqaddas Otamatova — yolg‘iz ona. Uning nogironligi bo‘lgan farzandi bor.

☺️Namangan tumani “Inson” Ijtimoiy xizmatlar markazi tomonidan ushbu oilaga quyidagi ko‘maklar ko‘rsatildi:

☑️ijtimoiy reyestrga kiritilgan;
☑️psixolog biriktirildi;
☑️farzandiga nogironlar aravachasi (Uzum Market orqali) berildi;
☑️yoshga doir nafaqaga chiqishda ko‘maklashildi;
☑️kuz-qish mavsumi uchun 1 mln so‘mlik moddiy yordam tayinlandi;
☑️homiylar yordamida uy-joyi ta’mirlandi;
☑️oziq-ovqat mahsulotlari bilan ta’minlab turiladi;
☑️tabiiy gaz va elektr uchun kompensatsiya to‘lab berildi;
☑️qizi Ayubxonga qarovchi sifatida biriktirildi;
☑️2 nafar nevaralari MTTda bepul tarbiyalanadi;
☑️bepul tibbiy xizmatdan foydalanadi;
☑️yana bir nechta tizimli ko‘maklar berilishi rejalashtirilgan.

🎙— Ushbu xizmatlar bizga nafaqat amaliy yordam, balki hotirjamlik va ishonch bag‘ishlamoqda — deydi Muqaddas opa biz bilan suhbatda.

🎬Batafsil videoda…

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

25 mar 2026, 17:17

Qoraqalpog‘istonda 118 ta xonadon energiya tejamkor tarzda ta’mirlanadi

https://www.lex.uz/uz/docs/8038302bilan, 2026 yil 1 martdan Ijtimoiy reestrdagi I guruh nogironligi bo‘lgan va mehnatga layoqatli a’zosi bo‘lmagan oilalar xonadonlarining devor va tomlarini izolyatsiya qilish, energiya tejamkor deraza va eshik hamda quyosh panellari yoki geliokollektor o‘rnatish ishlari amalga oshirilishi belgilangan edi.

Dastur doirasida bugun Nukus shahri “Isbilermenler aymaǵı” mahallasida yashovchi 1-guruh nogironi Qudayqulov Baxtiyor otaning xonadonida ta’mirlash ishlari boshlanib, hozirda uyning eski oynalari zamonaviy energiya tejamkor oynalarga almashtirildi, shuningdek xonadon tashqi qismi issiqlikni saqlovchi materiallar bilan qoplanishi rejalashtirilgan.

Ma’lumot o‘rnida, dasturga asosan Qoraqalpog‘iston Respublikasi bo‘yicha jami 118 ta xonadonda ta’mirlash ishlari amalga oshirilishi belgilangan.

Ushbu ishlar aholining ijtimoiy himoyaga muhtoj qatlamlari uchun qulay va energiya tejamkor yashash sharoitlarini yaratishga xizmat qiladi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

25 mar 2026, 17:17

Ijtimoiy himoya milliy agentligi direktori fuqarolar murojaatlarini qabul qildi

🧠 Ijtimoiy himoya milliy agentligi direktori Mansurbek Olloyorov fuqarolar bilan navbatdagi ochiq muloqotini o‘tkazdi. Unda ijtimoiy yordam, nogironligi bo‘lgan shaxslarni qo‘llab-quvvatlash, bolalar va keksalarga oid masalalar ko‘tarildi.

👮‍♂️ Ochiq muloqot ba’zi murojaatlar joyida hal etildi, vaqt talab qilinadigan masalalar yuzasidan esa mas’ullarga topshiriqlar berilib, nazoratga olindi.

Bunday uchrashuvlar aholining muammolarini eshitish, ularga yechim topish va ijtimoiy himoya tizimini yanada takomillashtirishga xizmat qiladi.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Ijtimoiy himoya milliy agentligi

24 mar 2026, 00:17

#RamazonFilmi

Prezidentimiz tashabbusi bilan Ramazon oyida ehtiyojmand oilalarni qo‘llab-quvvatlash dasturiga bag'ishlangan Ijtimoiy himoya milliy agentligi tomonidan maxsus film tayyorlandi.

Unda dastur doirasida amalga oshirilgan manzilli yordam, bepul jarrohlik amaliyotlari hamda oilalarning hayotida yuz bergan ijobiy o‘zgarishlar yoritiladi.

📝    💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

18,700

Ijtimoiy himoya milliy agentligi

24 mar 2026, 00:17

pinned a video

0

0

0

Ijtimoiy himoya milliy agentligi

24 mar 2026, 00:17

Axborotsiz yashash mumkinmi?
Yo‘q ❗️

Kimdir eshitganiga, yana kimdir o‘qiganiga, ayrimlar bor — faqat ko‘rganiga ishonadi.

📝 Tezkor ma’lumotlar kerakmi — kanalimizdan topasiz;

💻 Sifatli surat va videolar ma’qulmi — unda https://instagram.com/ijtimoiyhimoya_agentligi?igshid=OGQ5ZDc2ODk2ZA== sahifamiz aynan siz uchun;

🎞 Izlayotgan videomateriallaringizni esa shubhasiz,
https://youtu.be/3qt-Pxn__G8 imizdan topasiz;

📝 Munozaralar markazida bo‘lishni istaysizmi — u holda https://www.facebook.com/profile.php?id=100093715955182&mibextid=LQQJ4d sahifamizni kuzatib boring.

🧠 Ijtimoiy himoya milliy agentligining axborot makonidagi eng tezkor va ishonchli manbalariga ulanib, obuna bo‘ling. Bu sizga respublikamizda ijtimoiy himoya sohasi bilan hamnafas bo‘lib yashash imkonini beradi.

📝    💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

24 mar 2026, 00:17

#RamazonFilmi

"O‘zbekiston 24” telekanali bilan hamkorlikda Ramazon oyida amalga oshirilgan ijtimoiy qo‘llab-quvvatlash dasturining insonlar taqdiriga ta’siri haqida maxsus videofilm tayyorlandi.

Unda minglab oilalar hayotida yuz bergan o‘zgarishlar, og‘ir vaziyatdan chiqishda dastur qanday amaliy madad bo‘lgani yoritiladi. Bu, albatta, barcha muammolar to‘liq hal bo‘ldi degani emas. Ammo Ramazon oyida ko‘rsatilgan manzilli yordam ko‘plab oilalarga yengillik, barqarorlik va ertangi kunga ishonch berdi.

Bu natijalar ijtimoiy himoyaning yangi, institutsionallashtirilgan yondashuvi samarasidir. Joriy yilda qo‘llab-quvvatlash choralari aniq mezonlar va Ijtimoiy reyestr asosida amalga oshirildi. Fuqarolarni aniqlash jarayonining shaffofligi adolat va tizimlilikni ta’minladi.

Bir martalik moddiy yordam oilalarga o‘z ehtiyojlarini mustaqil ravishda belgilash imkonini berdi — kimdir oziq-ovqat, dori-darmon xarid qildi, kimdir qarzini yopdi, kimdir farzandlari uchun zarur ehtiyojlarni ta’minladi. Tanlov oilaning o‘zida bo‘ldi.

6 ming nafar fuqaroga amalga oshirilgan bepul jarrohlik amaliyotlari esa nafaqat bir insonning, balki butun oilaning hayotiga ta’sir ko‘rsatdi. Chunki oiladagi bir bemorning dardi — butun oila zimmasidagi yukdir. Sog‘liq tiklanganda, barqarorlik ham tiklanadi.

Shuningdek, ayrim oilalar turar joylarini ta’mirlash imkoniga ega bo‘lib, bu ular uchun xavfsiz va munosib yashash sharoitini yaratdi.

Ramazon dasturi — tizimli va adolatli yondashuv asosida amalga oshirilgan ijtimoiy siyosat namunasidir.

🎥 Lavhani tomosha qilib, ushbu o‘zgarishlar ortida turgan inson taqdirlari bilan yaqinroq tanishing.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Ijtimoiy himoya milliy agentligi

24 mar 2026, 00:17

🎥 Video

#natija

🥹 O‘zbekiston Respublikasi Prezidenti tashabbusi bilan muborak Ramazon oyi davomida ehtiyojmand oilalarni qo‘llab-quvvatlash, ularning turmush sharoitini yaxshilash hamda energiya tejamkorligini oshirishga qaratilgan keng ko‘lamli ishlar amalga oshirilmoqda.

🏃 Mazkur ezgu tashabbus doirasida Ijtimoiy himoya milliy agentligining Navoiy viloyati boshqarmasi tomonidan ham aniq manzilli ishlar olib borilmoqda. Xususan, Karmana tumanining “Sardoba”, "Malik" va "Do'stlik" mahallalarida 25 ta xonadonga quyosh panellari o‘rnatilmoqda.

😮 Loyiha Saudiya Arabistonining “Akva Power” kompaniyasi bilan hamkorlikda amalga oshirilib, uning asosiy maqsadi — ehtiyojmand oilalarda elektr energiyasidan samarali foydalanish tizimini yo‘lga qo‘yish, energiya xarajatlarini kamaytirish va yashash sharoitlarini yanada yaxshilashdan iborat.

✅ Shu bilan birga, ushbu tashabbus Energetika vazirligi tomonidan ilgari surilayotgan “yashil energiya” siyosatini qo‘llab-quvvatlashga xizmat qilib, qayta tiklanuvchi energiya manbalaridan foydalanish ko‘lamini kengaytirishga qaratilgan.

↗️ Eng muhimi, bu kabi amaliy ishlar orqali nafaqat energiya samaradorligi ta’minlanmoqda, balki ijtimoiy himoyaga muhtoj oilalarning hayot sifatini yaxshilaydi.

🎬Batafsil videoda…

📝 https://t.me/insonmarkazlari   💻 https://www.instagram.com/inson_markazlari/
📝 https://www.facebook.com/inson.markazlari  🎖 http://ihma.uz/

Ijtimoiy himoya milliy agentligi

24 mar 2026, 00:17

🎥 Video

#JahonDaunSindromiKuni 🌟💙

Bugun https://t.me/ijtimoiyhimoya_official jahon hamjamiyati bilan birgalikda Daun sindromi bilan yashayotgan insonlarning huquqlarini himoya qilish va ularning jamiyatdagi munosib o‘rnini ta’minlash yo‘lida birdam ekanini bildiradi.

2026-yil mavzusi — “Yolg‘izlikka qarshi birgamiz”. Ushbu tashabbus Birlashgan Millatlar Tashkiloti tomonidan ilgari surilib, ijtimoiy yakkalanish va stigmani kamaytirish, har bir inson o‘zini jamiyat, maktab va ish joyining to‘laqonli a’zosi sifatida his qilishi zarurligini ta’kidlaydi.

Biz uchun bu mavzu — amaliy harakatdir. Agentlik tomonidan inklyuziv ta’limni kengaytirish, maktablarda inklyuziv sinflarni joriy etish va bolalar uchun moslashtirilgan o‘quv muhitini yaratish bo‘yicha tizimli ishlar olib borilmoqda.

Biz ishonamiz: har bir bola teng sharoitda ta’lim olish, o‘z qobiliyatini namoyon etish, rivojlanish va orzularini ro‘yobga chiqarish huquqiga ega. Inklyuziya — bu alohida sharoit yaratish emas, balki barcha bolalar o‘zini “boshqacha” emas, balki “birga” his qiladigan muhitni barpo etishdir.

Aynan shu orqali biz yolg‘izlikka qarshi turamiz — mehr, hurmat va teng imkoniyatlar orqali.

Ijtimoiy himoya milliy agentligi Daun sindromi bilan yashayotgan insonlar va ularning oilalarini qo‘llab-quvvatlaydi hamda har bir farzand jamiyatimizning to‘laqonli va qadrlangan a’zosi bo‘lishi uchun o‘z faoliyatini davom ettiradi.

Birga bo‘lsak — hech kim yolg‘iz emas. 💙

https://t.me/MansurbekOlloyorov | https://x.com/molloyorov?s=21
https://www.facebook.com/share/1DC4r9tG4C/?mibextid=wwXIfr | https://www.instagram.com/olloyorov_mansurbek?igsh=MWU1eWVrNmtrYTdkdg==&utm_source=qr

Ijtimoiy himoya milliy agentligi

24 mar 2026, 00:17

Barcha hududlarga, qishloq va ovullar, mahallalarga Yangi O‘zbekiston nafasini olib kirish bo‘yicha katta harakat boshlangani https://t.me/Press_Secretary_Uz

Yangi ish o‘rinlari yaratish, kambag‘allikni qisqartirish, ijtimoiy himoyani kuchaytirish borasida ham ulkan qadamlar qo‘yilmoqda. Yangi-yangi zamonaviy korxonalar, kommunikatsiya tarmoqlari, shinam uy-joylar, ta’lim, tibbiyot, madaniyat va sport obyektlari barpo etilmoqda.

Kelgusida bunday qurilishlar ko‘lami yanada kengaytirilishi ta’kidlandi.

“Ushbu fayzli tongda mirishkor dehqon va fermerlarimizga barchamiz yuksak hurmat va ehtirom bildiramiz.

Siz, azizlarning elimiz dasturxonini yanada to‘kin va farovon qilishdek ezgu ishlaringizda zafar va omadlar tilaymiz. Chunki sizlarning olijanob mehnatingiz bilan xalqimizning rizq-u nasibasi butun bo‘ladi. Bu borada davlatimiz, jamiyatimiz sizlarni doimo qo‘llab-quvvatlaydi”,
– dedi Prezidentimiz.

📝     💻 https://instagram.com/ijtimoiyhimoya_agentligi?igshid=OGQ5ZDc2ODk2ZA==
📝 https://www.facebook.com/profile.php?id=100093715955182&mibextid=LQQJ4d   🐧 https://twitter.com/ijtimoiyhimoya🎞 https://youtu.be/3qt-Pxn__G8     🎖 http://ihma.uz/

Video Thumbnail

Showing 30 of 59 posts