Ibnu Munewor (ኢብኑ ሙነወር)

Public

Vedi canale

8.2K

1.4K

1.5K

Non riesci ad unirti? @IbnuMunewor

109.3k Membri

Aggiornato: May 11, 2026 at 9:39 PM

Ibnu Munewor (ኢብኑ ሙነወር)

كناشة ابن منور

Join @IbnuMunewor for exclusive Calcio content and discussions in 22

Classifica

Classifica globale

#456

Classifica per lingua

#45

Classifica per categoria

#23

-1

Crescita abbonati (Ultimi 9 giorni)

Totale: 109.3K

Crescita 24h: +443 0%

Ultimi post

Ibnu Munewor (ኢብኑ ሙነወር)

12 mag 2026, 01:41

የወጣትነት ሁለት ገፆች
~
ወጣትነት ፀጋ ነው። ለስራም ሆነ ለእውቀት ከየትኛውም የእድሜ ክልል በተለየ መነሳሳት የሚኖርበት ምቹ ጊዜ ነው። ወጣትነት በባህልም ይሁን በእምነት የመጡ ብልሹ ውርሶችን ለማራገፍ፣ የተዛነፉ ትርክቶችን ለማቃናት የተሻለ ድፍረትና ወኔ የሚገኝበት እድሜ ነው። ወጣቶች በኢስላም ታሪክ በተለያዩ የአለም አፅናፋት የእውቀትን ችቦ የለኮሱ የእውቀት ቀንዲሎች፣ የጥጋበኞችን እብሪት ያስተነፈሱ የነብር ጣቶች፣ በተለያዩ ዘርፎች ላይ አለምን በመልካም ያነቃነቁ የለውጥ ሞተሮች፣ ታሪክ በደማቅ ብእር የሚያወሳቸው አሻራዎቻቸውን ለትውልድ ያሻገሩበት የእድሜ ክልል ነው። ወጣትነት ሌሎችም በዋጋ የማይተመኑ በርካታ ውድ ፀጋዎች አሉት።

በሌላ በኩል ወጣትነት በጥንቃቄ ካልያዙት ራስን፣ አልፎ ሌሎችንም የሚበላ እሳት ሊሆን ይችላል። በወጣትነት ውስጥ በእድሜና በተሞክሮ የሚገኝ ልምድ የለም። የእውቀት ማጠር ይጠበቃል። መንቀዝቀዥ ወይም የስክነት መቅለል፣ ጥሬነት ወይም የብስለት ማነስ፣ በተለያየ ዘርፍ ጤነኛ ያልሆነ ወሰን ያለፈ ድፍረት ወይም ጀብደኝነት፣ ራስን አለማሸነፍ፣ አደጋ ላይ የሚጥል ጉጉት፣ ስሜታዊነት፣ ... ይጎላበታል፣ ወጣትነት። በወጣቶች የተቀሰቀሱ ወይም ወጣቶች ፊታውራሪ የሆኑባቸው ዳፋቸው ሺህ አመታትን አቋርጦ ለዛሬም የተረፉ ብዙ ፈተናዎች ደርሰዋል። በወጣቶች ታላላቅ ኸሊፋዎችና በጀነት የተመሰከረላቸው እንቁዎች ህይወታቸው ተቀጥፏል። እልፍ አእላፍ የኡማው ብርቅየ ፍሬዎች አልቀዋል። ሃገራት ፈርሰዋል። የዑሥማን ግ.ድ. ያ ፣ የኸ.ዋ.ሪ.ጅ ንቅናቄ፣ የዘመናችን የተ^ ክ^ ፊ^ ር ጥንስስና መስፋፋት፣ ... ላይ የጉርምስና ግለት ድርሻው ከባድ ነበር። ሌላው ቀርቶ የዑሥማኒያ (የኦቶማን ተርክ) አገዛዝ ራሱ በከማል አታቱርክ ኦፊሻሊ መፍረሱ ከመታወጁ በፊት አውሮፓ ተምረው በመጡ ወጣቶች ሴራ ቀድሞውኑ ጣእረ ሞት ላይ ደርሶ ነበር። እነዚህ ጥራዝ ነጠቅ ወጣቶች "ኸሊፋዎቹን" በራሳቸው እስከመቀየር፣ ጥርስ የሌለው ውሻ አድርገው እስከ ማንገላታት ደርሰው ነበር። ብዙ ሰው ይህንን እውነታ አያውቅም። ስለ ኦቶማን ተርክ አገዛዝ የሚያወራው ቡድናዊ አላማ ያነገቡ አካላት የሚያቀርቡትን የሂደቱን የመጨረሻ ክፍል ብቻ ነው፣ ያውም በተዛነፈ መልኩ።

ይህንን ማወቃችን በወጣትነት የሚገኘውን ኸይር በወጣትነት ዘመን የሚመጡ ሸሮች እንዳያጠፉት ለመጠንቀቅ ይረዳል። ዑመር ብኑል ኸጧብ - ረዲየላሁ ዐንሁ - ለአንዱ ወጣት እንዲህ ይሉታል፦

«قد يكون في الرجل عشرة أخلاق، تسعة منهن حسنة وواحدة سيئة، فتفسد الواحدة التسع، فاتَّقِ طيرات الشباب».
"በአንድ ሰው ላይ አስር የስነ ምግባር ቀንዘሎች ሊኖሩ ይችላሉ፤ ዘጠኝ መልካምና አንድ መጥፎ። ያቺ አንዷ ቀንዘል ዘጠኞቹን ልታጠፋ ትችላለችና የወጣነት ጥሬነቶችን ተጠንቀቅ።" [ሸርሑል ዑምደህ፣ 5/22]

#ከደጋጎቹ_ቀዬ
=
( Ibnu Munewor ፣ ሸዋል 16/1444 (ሚያዚያ 28/2015))
የቴሌግራም ቻናል፡-

15,600

Ibnu Munewor (ኢብኑ ሙነወር)

12 mag 2026, 01:41

📎 File

ደርስ
~
• ሒልየቱ ጧሊቢል ዒልም
• ክፍል:- 15
• የኪታቡ ፋይል በpdf መልኩ በዚህ ሊንክ ይገኛል:-
• የእለቱ ደርስ መነሻ፦ ገፅ፡ 34 (15) – الثبات والتثبت

13,400

Ibnu Munewor (ኢብኑ ሙነወር)

12 mag 2026, 01:41

Live stream started

Ibnu Munewor (ኢብኑ ሙነወር)

12 mag 2026, 01:41

Live stream finished (1 hour)

Ibnu Munewor (ኢብኑ ሙነወር)

12 mag 2026, 01:41

📎 File

ይሄኛው የሒልየቱ ጧሊቢል ዒልም ኪታብ ኑስኻ በጣም ምርጥ ነው። pdf የምትጠቀሙ ይህንን ብትጠቀሙ ይሻላል፣ ባረከላሁ ፊኩም።
=
የቴሌግራም ቻናል:-

12,100

Ibnu Munewor (ኢብኑ ሙነወር)

12 mag 2026, 01:41

📷 Photo

11,800

Ibnu Munewor (ኢብኑ ሙነወር)

12 mag 2026, 01:41

📎 File

🎙توجيهاتٌ سديدة، ونصائح غالية، ألقاها على مسامعنا ليلة البارحة فضيلة الشيخ الوالد العلامة: عبد الله بن مرعي بن بريك العدني (حفظه الله تعالى ورعاه، وبارك في عُمره وعلمه)

📜في رسالةٍ أبويةٍ حانية، خُصَّ بها طلبةُ العلم في بلاد الحبشة عبر البث المباشر

📌تـنـبـيـه:--المحاضرة متبوعة بترجمة فورية إلى اللغة الأمهرية في ختامها، لتعميم النفع لجميع المستمعين

የቴሌግራም ቻናል

20,300

Ibnu Munewor (ኢብኑ ሙነወር)

12 mag 2026, 01:41

የሙስሊሞች ቁጥር በጣም ጥቂት በሆኑበት አካባቢ የምትኖሩ ሙስሊሞች በሃገር ውስጥም ሆነ በውጭ ጥንቃቄ ካላደረጋችሁ በሌሎች ባህልና እምነት የመወዋጥ፣ ኢማንን የማጣት ከፍተኛ አደጋ አለ። ይሄ የሰው ልጅ ተፈጥሯዊ ባህሪ ነው። ከሚኖርበት አካባቢ ተፅእኖ ነፃ የመሆን እድሉ እጅግ የመነመነ ነው። የተፅእኖው መጠንና አይነት ከሰው ሰው ቢለያይም የራስን ማንነት ጥሎ በሚኖሩበት ማህበረሰብ ባህልና እምነት ውስጥ የመቅለጥ እድሉ ከፍተኛ ነው። በዚህ የተነሳ በምዕራቡ ዓለም ከሚኖሩ ሙስሊሞች ውስጥ እምነታቸውን የሚያጡት ቀላል አይደሉም። አንዳንዱ ቀጥታ ራሱ፣ ሌላው በልጁ፣ በልጅ ልጁ ላይ ውጤቱ ይታያል። እምነቱ ብቻ ሳይሆን መጠሪያ ስሙ ሳይቀር ጉራማይሌ ይሆናል። ካርሎስ ዑመር፣ አይዛክ ሙሐመድ አይነት ስም የሚያጋጥመው የዚህ በሰፊው ማህበረሰብ የመውዋጥ ውጤት ነው። መፍትሄውስ?

1- ምዕራቡን ዓለም ቋሚ መኖሪያ አድርጎ መያዝ አይገባም። መቼም እንደ ሙስሊም ከኢስላም የበለጠ ውድ ሃብት እንደሌለን የሚዝዘነጋ አይደለም። ዱንያዊ ምቾትን ብቻ ማየት አይገባም። ኢማን ከሌለው ድሎት ኢማን ያለበት መከራ ይሻላል፣ በኣኺራ ለሚያምን ሰው።
2- በራስም ላይ በልጆችም ላይ አጥብቆ መስራት ያስፈልጋል። ማለትም ዲንን መማርም፣ ማስተማርም ከየትኛውም ጉዳይ በላይ ቅድሚያ የሚሰጠው ነገር ነው።
3- ኢስላምን መተግበር ሌላኛው የኢማን ጋሻ ነው። ሶላትን ሳያዛንፉ መስገድ፣ ረመዷንን መፆም፣ ሐጅ ማድረግ፣ ዘካ መስጠት፣ ዘካተል ፊጥር፣ ኡዱሒያ፣ አለባበስን ማስተካከል፣ ሶደቃ መስጠት፣ ዝምድናን መቀጠል፣ ቤተሰብን መዘየርና መደገፍ፣ ደዕዋ ማዳመጥ፣ ... እጅግ ወሳኝ ነገሮች ናቸው። ሰው ከኢስላም የሚወጣው ከመጨረሻው ቃል በፊት በሂደት ተሸራርፎ ነው። ኢስላምን በየዘርፉ የሚተገብር ሰው ድንገት ተነስቶ በአንድ ቅፅበት አይወጣም። ከመጨረሻው ዉሳኔ በፊት ተሸርፎ ተሸርፎ አልቋል። በዒባዳው ጣዕም አጥቶ ቀድሞ ርቋል። ስለዚህ እነዚህን የሸይ^ ጣን በሮች ለመዝጋት ቀድሞ ከአላህ ጋር ያለንን ትስስር ማጠናከርና መጠበቅ ይገባል።
=
የቴሌግራም ቻናል:-

14,800

Ibnu Munewor (ኢብኑ ሙነወር)

12 mag 2026, 01:41

📷 Photo

ዛሬ ረቡዕ 28/2018 የሒልየቱ ጧሊቢል ዒልም ኪታብ ደርስ ይኖራል፣ ኢንሻአላህ።
*ቦታ :- አሸዋ ሜዳ መስጂደል ዋሊደይን
* ጊዜ :- ከመግሪብ እስከ ዒሻእ
* ቦታው ላይ መገኘት ለማይችሉ ደርሱ በዚህ የቴሌግራም ቻናል ይተላለፋል፡-

14,800

Ibnu Munewor (ኢብኑ ሙነወር)

12 mag 2026, 01:41

📎 File

ደርስ
~
• ሒልየቱ ጧሊቢል ዒልም
• ክፍል:- 14
• የኪታቡ ሶፍት ኮፒ በpdf መልኩ በዚህ ሊንክ ይገኛል:-
• የእለቱ ደርስ መነሻ፦ ገፅ፡ 22 (11) – الإعراض عن مجالس اللغو

15,700

Ibnu Munewor (ኢብኑ ሙነወር)

30 mar 2026, 07:10

📷 Photo

15,000

Ibnu Munewor (ኢብኑ ሙነወር)

30 mar 2026, 07:10

ዜና እና ፖለቲካዊ ትንታኔ ላይ ምኞትን ማቀላቀል ራስን መሸወድ ነው
~
አዲስ አበባ ዩኒቨርሲቲ ውስጥ ከሃምሳ ዓመታት በላይ ያስተማረ ዴቪድ ቻፕል የሚባል በሙያው አንጋፋ የሆነ የታሪክ መምህር ነበር። ነበር ያልኩት አሁን ይኑር አይኑር መረጃ ስለሌለኝ ነው። አንዴ ስለ ታዋቂው የፈረንሳይ መሪ ናፖሊዮን ቦናፓርቴ እያስተማረ ወደ ሩሲያ የላከው ጦር የገጠመውን ሁኔታ ያነሳል። ናፖሊዮን የሩሲያን ጦር በቅጡ ያልተደራጀ፣ በቂ ወታደራዊ አቅምና ልምድ የሌለው ልፍስፍስ አድርጎ ነበር የሳለው። በርግጥ የሩሲያ ጦር እንደዚያ አልነበረም። ነገር ግን ናፖሊዮን እንደዚያ እንዲሆን ፍላጎቱ ስለነበር ነው በዚያ መልኩ የተረዳው፣ አለ ቻፕል። የማይረሳኝ ንግግር። ምኞትና እውነታ ይለያያልና አውሮፓን ያንቀጠቀጠው የናፖሊዮን ጦር ሩሲያ ገብቶ እንደ ጨው ቀለጠ። በታሪክ እጅግ አሰቃቂ ከሚባሉ ሽንፈቶች ውስጥ አንዱ ሆኖ ተመዘገበ። የናፖሊዮን ውድቀት ሀ ብሎ የጀመረበት ወሳኝ የታሪክ እጥፋት ነበር። የዚህ ሁሉ ውድቀት መነሻ መሬት ላይ ያለን እውነታ ከግላዊ ምኞት ጋር ማቀላቀል ነበር፣ እንደ ቻፕል ገለፃ።

አሁን ይህንን ያስታወሰኝ ወቅታዊውን የአሜሪካ፣ እ $ራeል እና ኢራን ጦርነት ጋር ተያይዞ ጉዳዩን የሚዘግቡና የሚተነትኑ እንደ አሸን የፈሉ "ተንታኞችን" ሁኔታ ሳስብ ነው። በአብዛኛው መሬት ላይ ያለውን እውነታ ሳይሆን ምኞትና ፍላጎታቸውን አደባልቀው ነው የሚተነትኑት። የሚገርመው ካለፉ ክስተቶች አለመማራቸው ነው። የሐማስ እና እ $ራeልን ጦርነት አስመልክቶ ልክ እንዳሁኑ ምርቃና የተጫጫነው ትንታኔ ሲያቀርቡ ነበር። አገር እየወደመ፣ አእላፍ ነፍስ እየረገፈ ዋናውን ምስል ጥለው ጥቃቅን ነጠላ ጀብዱዎችን ተራራ አሳክለው ይዘግቡ ነበር። ፍፃሜው ያው የምናውቀው ነው። በምርቃና የተሞላው ትንታኔ መጨረሻው እንደተለመደው የዐረብ ሃገራት መሪዎችን በመሳደብና በመራገም ይጠናቀቃል።

አሁንም ተመሳሳይ አካሄድ እየሄዱ ነው። ኢራን በከፍተኛ ሁኔታ እየፈራረሰች ነው። መሪዎቿ በጥቂት ቀናት ውስጥ ታድነው ተመተዋል። የምርቃና ዘጋቢዎች እንደሚዘግቡት ባደባባይ በጀግንነት እየተዋጉ አይደለም ያለቁት። የደህንነት መዋቅራቸው በጠላት እጅ ስለወደቀ፣ መገናኛ መንገዶቻቸው ስለተጠለፉ ነው በቀላሉ የታደኑት። ይሄው አሁን የተረፉት ከመሬት በታች ስለተደበቁ ለፈላጊ እንኳ ማግኘት አስቸጋሪ ሆነዋል እየተባለ ነው።

እስካሁን ከተኮሰቻቸው ሚሳኤሎችና ድሮኖች ውስጥ ወደ እ $ራeል የተኮሰችው 15% ብቻ ነው። ቀሪው 85% ወደ አሜሪካ የጦር ሰፈሮች ከተኮሰችው ውጭ እንዳለ በዐረብ ሃገራት ላይ ነው የዘነበው። ከዚህ ውስጥ ከፍተኛው ቁጥር ወደ ኢማራት ነው የተተኮሰው። ሆኖም ግን ኢራን ካስወነጨፈችው አጠቃላይ መጠን ውስጥ ከ85% እስከ 96% ኢላማውን ሳይመታ ወይም መሬት ላይ ሳይደርስ ከሽፏል። ከፋርስ / ዐረብ ባህረ ሰላጤ ማዶና ማዶ የደረሰው የንብረትም ሆነ ሰብአዊ ኪሳራ ለንፅፅር የሚቀርብ አይደለም። የአየር ክልሏ ሙሉ በሙሉ በጠላት ቁጥጥር ስር ሆኖ እንዳሻቸው እየፈነጩበት፣ ከሰሜን እስከ ደቡብ ከምስራቅ እስከ ምዕራብ እያረሱት ነው። እስካሁን ከ10ሺ በላይ ኢላማዎችን አጥቅተዋል። የባህር ኃይሏ እንዳለ ወድሟል። የኢነርጂ ማዕከላት ላይ ከባባድ ጥቃቶች ተፈፅመዋል። የመሳሪያ ማምረቻዎችና ማከማቻዎች ኢላማ ተደርገዋል። የምታስወነጭፋቸው ሚሳኤሎችና ድሮኖች መጠን ከጊዜ ወደ ጊዜ በጣም እያነሰ እያነሰ መጥቷል። ማስተዋል ለፈለገ ይሄ የሚናገረው ሐቅ አለ።

ይህ ሁሉ ከመሆኑም ጋር አሁንም ኢራን እያሸነፈች እንደሆነ የሚተነትን አለ። ምኞት ወ ፍላጎት። እውነታው ግን ሌላ ነው። ለኢራን ወግኖ ከደቡብ ሊባኖስ የሚተኩሰውን ሒዝበላህን ለማጥቃት ሲባል ሊባኖስ እንደ ሃገር ከባድ ድብደባ እየደረሰባት ነው። ከዚህም አልፎ የእ$ራeል ጦር ወደ ሊባኖስ ዘልቆ የገባ ሲሆን የያዘውን ሰፊ ክልል በቁጥጥር ስር አድርጌ እቆያለሁ ብሏል። የምርቃና ተንታኞች ግን ሒዝበላህ አልተቻለም እያሉ ነው። ካጠቃላዩ ውጤት ይልቅ አልፎ አልፎ በሚታዩ ነጠላ ክስተቶች ነው የሚፈነድቁት። የሃገሪቱን ከ8% እስከ 10% የሚደርስ ግዛት አሳልፎ ሰጥቶ ከዚያ ሒዝበላህ አልተቻለም ይባላል።

የማይካደው ሐቅ ጦርነቱ እነ እ$ራeል እና አሜሪካ አቅደውት እንደገቡት የቀለለ አይደለም፣ ህልማቸውንም በቀላሉ ያሳኩታል ተብሎም አይጠበቅም። ወይ አላማቸውን እስከሚያሳኩ ድረስ ብዙ ዋጋ ይከፍላሉ። አለያ ደግሞ ረጅሙን ህልማቸውን ሳይወዱ በግድ ሰብስበው ያሳጥራሉ። በቀጠናው አልፎም በዓለም አቀፍ ደረጃ የጦርነቱ ትኩሳት ከተገመተው በላይ እንደሆነ እየታየ ነው። ወላፈኑ እኛም ጋር ደርሶ እየሞቅነው ነው። ጦርነትን ማጠናቀቁ እንደ መጀመሩ አይቀልም። ሩሲያ በአጭር ጊዜ አጠናቅቀዋለሁ ብላ በኡክሬን ላይ የጀመረችው "ልዩ ዘመቻ" ይሄው አራት ዓመታትን ደፈነ። የኢራኑንም ፍፃሜ ዛሬ ላይ ማንም ፍጡር እርግጠኛ ሆኖ አያውቀውም።

የፅሁፌ ዋና ጭብጥ ምኞትና ፍላጎታቸውን አደባልቀው በሚተነትኑ የምርቃና ተንታኞች አትሸወዱ የሚል ነው። እውነትና ምኞት ይለያያሉ። ታሪክ መፃፍ እና ዜና መዘገብ፣ ክስተቶችንና ወሳኝ ምክንያቶችን (factors) ተመርኩዞ የቢሆን ትንታኔ መስራት፣ የተከሰተን ጉዳይ መተንተን እና ምሁራዊ ግምቶችን ሳያዛንፉ ማቅረብ እንጂ ስሜትና ምኞትን እያደባለቁ ራስን ማስደሰት አይደለም።

በጋዛ ጦርነት ጊዜ ዋናው ቁሳዊ ውድመት አይደለም እያሉ የሃገር ውድመትንና ሰብኣዊ እልቂትን እያቃለሉ ሐማስ አሸንፏል እያሉ ሲያቀርቡ እንደነበር ይታወሳል። ዛሬም እንደ ብዙዎቹ ትንታኔ ኢራን እያሸነፈች ነው። እንዳ'ፋችሁ ያድርገው። ለኢራን አላህ የሐማስ አይነት፣ የጋዛ አይነት "ድል" ያጎናፅፋት። ትልቋን ሰY^ ጣን እ $ራeልንም ከነ ሞግዚቷ እስከ ወዲያኛው አከርካሪያቸውን ይስበራቸው።

ፅሁፌ ከብዙዎች ፍላጎት እና ከተጋቱት ፕሮፖጋንዳ ጋር እንደማይገጥም ይገባኛል። ግን ብዙ መጠበቅ በከባዱ ቅስምን ይሰብራልና በስሱም ቢሆን መርምሩ፣ ከሰመመናችሁ ውጡ እላለሁ።
=
የቴሌግራም ቻናል፦

Ibnu Munewor (ኢብኑ ሙነወር)

30 mar 2026, 07:10

ማስታወቂያ ከመርከዘ ተውሒድ
~
ለእረፍት የወጡ ተማሪዎች መግቢያ ዛሬ ቅዳሜ ሸዋል 9 ማለትም መጋቢት 19/ 2018 እንደሆነ ከዚህ በፊት አሳውቀናል። ስለዚህ ጊዜ እንዳታሳልፉ በጥብቅ እናሳስባለን።

* ለአዲስ ገቢ ተማሪዎች!
በሚኖሩ ውስን ክፍት ቦታዎች አዲስ ተማሪዎችን ስለምንቀበል በዚህ ቁጥር በመደወል ማስመዝገብ ትችላላችሁ :-

+251901175562

12,900

Ibnu Munewor (ኢብኑ ሙነወር)

30 mar 2026, 07:10

📷 Photo

🆕 አስደሳች ዜና!

🕌ከመርከዝ አቢ ዑበይዳህ ኢብኑል ጀራህ!

⏰የ አዳሪ ፕሮግራም!
☞ልብ ይበሉ! ይህ ፕሮግራም ለወንዶች ብቻ የተዘጋጀ አዳሪ የትምህርት መርሃ ግብር ነው!

🗓 የመርሀ ግብሩ ዓላማ፦
መርከዙ ለተማሪዎች ቁርኣን እና መሠረታዊ የዲን ትምህርቶችን በጥራት ለመስጠት እና መልካም ሥነ-ምግባርን (ተርቢያን) ለመገንባት ያለመ ነው።

👤 የመርከዙ ተማሪ ለመሆን መስፈርቶች፦
🚹ጾታ፡ ወንድ መሆን።
🔟ዕድሜ፡ ከ10 ዓመት በላይ መሆን።

📚 የሚሰጡ የትምህርት ዘርፎች
📓1.ቁርኣን
ለጀማሪዎች፡ ከቃዒዳ ኑራኒያ ጀምሮ እስከ ነዘር (በማየት ማንበብ) ድረስ።

📖2,ሒፍዝ
☑አዲስ ሒፍዝ ለሚጀምሩ ልጆች።
☑ ለሀፊዞች የሙራጃዓ (ክለሳ) ማስተካከል እና ማጠናከር እንድሁም ሸሃዳ (የእውቅና ማረጋገጫ) መውሰድ።

👨‍👦ተርቢያ
1.ዐቂዳ፣
2.ፊቅህ፣
3.ተጅዊድ፣
4.አዳብ እና
5.ሲራ ይሰጣል።

📍አድራሻ:-
ኬንቴሪ፣ ማማ መስጂድ አካባቢ ።

📞ለበለጠ መረጃ እና ምዝገባ:
ስልክ:
❶ 0913291117
❷ 0969688568

✈️የቴሌግራም አድራሻ :
❶. https://t.me/ALWAN_ALI

😎የመርከዙ የቴሌግራም ቻናል :-
https://t.me/MERKEZ_ABU_UBEYDAH

Ibnu Munewor (ኢብኑ ሙነወር)

30 mar 2026, 07:10

📷 Photo

20,000

Ibnu Munewor (ኢብኑ ሙነወር)

30 mar 2026, 07:10

የሸዋል ዒድ (ትንሹ ዒድ)
~
በኢስላም አመታዊ ዒዶቻችን ሁለት ናቸው። ማስረጃውም አነስ ብኑ ማሊክ ረዲየላሁ ዐንሁ ያስተላለፉት ሐዲሥ ነው። ነብዩ ﷺ መዲና ሲመጡ ነዋሪዎቿ የሚጫወቱባቸው ሁለት ቀናት ነበሯቸው። “ምንድን ናቸው እነዚህ ሁለት ቀናት?” ብለው ጠየቁ። “በጃሂሊያው ጊዜ እንጫወትባቸው ነበርን” አሉ። በዚህን ጊዜ የአላህ መልእክተኛ ﷺ “የላቀው አላህ ከነሱ በላጭ በሆኑ ሁለት ቀናት ተክቶላችኋል። እነሱም የአድሓ ቀንና የፊጥር ቀን ናቸው” አሉ። [ሶሒሕ አቢ ዳውድ፡ 1039]

“ተክቶላችኋል” የሚለው አነጋገር የሙስሊሞች ዒዶች የተወሰኑና፣ በሸሪዐ የሚደነገጉ እንደሆኑ ጥቆማ ይሰጣል። የሰለፎቻችን አካሄድም ይህን ግንዛቤ ይበልጥ ያጠነክራል። ኋላ ላይ እንግድ ቢድዐዎች እስከሚመጡ ድረስ ነብዩ ﷺ ከደነገጓቸው ዒዶች ውጭ ሌላ ዒድ አልተንፀባረቀም። በተለይም ደግሞ ነብዩ ﷺ “ከሰው ሁሉ በላጩ የኔ ትውልድ ነው። ከዚያም ከእነሱ ቀጥለው የሚመጡት፤ ከዚያም ከነሱ ቀጥለው የሚመጡት” ብለው ምስክርነት የሰጡት ሶስቱ ወርቃማ ዘመን ውስጥ እንዲህ አይነት ነገር አልነበረም።

ኋላ ላይ ከመጡ እንግዳ በዓላት ውስጥ አንዱ ታዲያ የሸዋል ዒድ የሚባለው ቢድዐ ነው። ይሄ በአል በሸሪዐ ቦታ ቢኖረው ኖሮ በቁርአንና በሐዲሥ ውስጥ ይጠቀስ ነበር። ቁርአንና ሐዲሥ ውስጥ ከሌለ፣ ቀደምቶች ካላወቁት ቢድዐ ከመሆን ውጭ ሌላ ምርጫ የለም። ነብዩ ﷺ “ወደ ጀነት የሚያቀርባችሁና ከእሳት የሚያርቃችሁ ሆኖ በእርግጠኝነት የነገርኳችሁ ቢሆን እንጂ የተውኩት ነገር የለም” ብለዋል። [አሶሒሐ፡ 4/416]

ይሄ የሸዋል ዒድ የተወገዘ ቢድዐ እንደሆነ ዑለማኦች ይናገራሉ። አንድ ሁለቱን ልጥቀስ፦

1- ሸይኹል ኢስላም ኢብኑ ተይሚያ ረሒመሁላህ እንዲህ ይላሉ፡-

وأما اتخاذ موسم غير المواسم الشرعية كبعض ليالي شهر ربيع الأول التي يقال: إنها ليلة المولد, أو بعض ليالي رجب, أو ثامن عشر ذي الحجة, أو أول جمعة من رجب, أو ثامن من شوال الذي يسميه الجهَّال عيد الأبرار: فإنها من البدع التي لم يستحبها السلف , ولم يفعلوها.
"ሸሪዐዊ ያልሆኑ ክብረ በዓላትን ክብረ-በዓል አድርጎ መያዝ ግን ‘የመውሊድ ሌሊት’ የሚባሉትን የተወሰኑ የረቢዐል አወል ሌሊቶችን ወይም የረጀብ ሌሊቶችን ወይም ደግሞ ዙልሒጃ አስራ ስምንትን ወይም ደግሞ የረጀብ የመጀመሪያ ጁሙዐን ወይም ደግሞ መሃይማን 'የደጋጎች ዒድ' እያሉ የሚጠሩትን #ሸዋል_ስምንትን የመሰሉ እነዚህ ሰለፎች እንደሚወደዱ ያልገለጿቸውና ያልተገበሯቸው #ቢድዐዎች ውስጥ ናቸው።” [መጅሙዑል ፈታዋ፡ 25/298]

በተጨማሪም እንዲህ ብለዋል፦
وأما ثامن شوال : فليس عيداً لا للأبرار ولا للفجار , ولا يجوز لأحد أن يعتقده عيداً, ولا يحدث فيه شيئاً من شعائر الأعياد
"ሸዋል ስምንትን በተመለከተ ለደጋጎችም ይሁን ለባለ -ጌዎች ዒድ አይደለም። ለማንም ቢሆን ዒድ አድርጎ ሊያምንበት አይፈቀድም። በሱ ውስጥ የትኛውም የበዓላት መገለጫዎች ሊንፀባረቁበት አይገባም።" [አልኢኽቲያራቱል ፊቅሂያህ፡ 199]

2- ሸይኽ ሙሐመድ ብኑ ዐብዲሰላም ኸዲር አሹቀይሪይ ረሒመሁላህ እንዲህ ይላሉ፡-

ويكون الاحتفال بهذا العيد في أحد المساجد المشهور فيختلط النساء بالرجال ويتصافحون ويتلفظون عند المصافحة بالألفاظ الجاهلية, ثم يذهبون بعد ذلك إلى صنع بعض الأطعمة الخاصة بهذه المناسبة
"ይሄ ዒድ የሚከበረው ከታዋቂ መስጂዶች ውስጥ በአንዱ ይሆናል። ከዚያ ሴቶች ከወንዶች ጋር ይቀላቀላሉ። በሰላምታ ይጨባበጣሉ። ሲጨባበጡም የጃሂሊያ ቃላትን ይናገራሉ። ከዚያም በኋላ ለዚህ ጊዜ የተለዩ የተወሰኑ የምግብ አይነቶችን ያዘጋጃሉ።" [አሱነኑ ወልሙብተደዓት፡ 166]

በመጨረሻም በአንድ ማሳሰቢያ ልዝጋ። የጉዳዩን ብይን የሚያሳዩ የሸሪዐ መሰረቶች እና የዑለማእ ንግግር እየተጠቀሰ አይኑ እያየ ልክ እኛ ከኪሳችን የተናገርን ይመስል "ሁሉን ነገር ቢድዐ አደረጋችሁብን" አይነት የአላዋቂዎች ተቃውሞ የሚያሰማ አካል ቦታ የለውም። እለቱን ዒድ አድርጎ መያዝ አይገባም ስለተባለ ዱንያ ሁሉ ቢድዐ እንደተባለ እያስመሰሉ ማቅረብም ራስን መሸወድ ነው። ሲጀመር በአንዳንድ አካባቢዎች ካልሆነ በስተቀር ይሄ ልማድ በብዙ ቦታዎች አይታወቅም። ይልቅ ከሙስሊም የሚያምረው ለማስረጃ እጅ መስጠት ነው።
=
የቴሌግራም ቻናል፦

Ibnu Munewor (ኢብኑ ሙነወር)

30 mar 2026, 07:10

📷 Photo

* ትራምፕ ፡ ከኢራን ጋር ንግግር ላይ ነን አለ። ኢራን አስተባበለች።
-> ኢኽዋን እና ምርኮው ፡ ኢራንን ያምንና ትራምፕ እየዋሸ ነው ይላል።

* ትራምፕ ፡ ከኢራን ጋር ያለው ጦርነት እንዲቀጥል ሳዑዲ ትፈልጋለች አለ። ሳዑዲ አስተባበለች።
-> ኢኽዋን እና ምርኮው ፡ ትራምፕን ያምንና ሳዑዲ እየዋሸች ነው ይላል።

አስተሳሰባቸው እንደዚህ ነው። ደግሞም ከማንም የተሻለ የነቁ እንደሆኑ ነው የሚያስቡት። የኢኽዋን ፖለቲከኞች ፖለቲካ የሚለማመዱት ሳዑዲን በማጣጣል ነው። የንቃታቸው፣ የብቃታቸው ማሳያ ይሄ ነው። ሳዑዲ ውስጥ የሚከሰቱ ጥፋቶችን በመተቸት የሚያራግቡት ራሱ ለዲን በመቆርቆር አይደለም። የባሱ ሃገራትንና መንግስታትን በማወደስ የታወቁ ናቸውና። ዲን መነገጃቸው እንጂ ጉዳያቸው አይደለም።


=
የቴሌግራም ቻናል :-

21,000

Ibnu Munewor (ኢብኑ ሙነወር)

30 mar 2026, 07:10

ማስታወቂያ ከመርከዘ ተውሒድ
~
ለእረፍት የወጡ ተማሪዎች መግቢያ ሸዋል 9 ማለትም የፊታችን ቅዳሜ መጋቢት 19/ 2018 ስለሆነ ከተጠቀሰው ጊዜ እንዳታሳልፉ በጥብቅ እናሳስባለን።

* ለአዲስ ገቢ ተማሪዎች!
በሚኖሩ ውስን ክፍት ቦታዎች አዲስ ተማሪዎችን ስለምንቀበል በዚህ ቁጥር በመደወል ማስመዝገብ ትችላላችሁ :-

+251901175562

18,100

Ibnu Munewor (ኢብኑ ሙነወር)

30 mar 2026, 07:10

📷 Photo

ኒዕመቱላሂ አልጀዛኢሪይ ሺዐዎች ዘንድ ትልቅ ዓሊም ነው። ከአህለ ሱና ጋር ያላቸውን ልዩነት አስመልክቶ እንዲህ ይላል፦

إنا لا نجتمع معهم -أي مع السنة- على إله ولا على نبي ولا على إمام، وذلك أنهم يقولون: إن ربهم هو الذي كان محمد نبيه وخليفته من بعده أبو بكر.

ونحن لا نقول بهذا الرب ولا بذلك النبي، بل نقول: إن الرب الذي خليفة نبيه أبو بكر ليس ربنا ولا ذلك النبي نبينا


​"እኛ ከእነርሱ ጋር — ማለትም ከሱኒዎች ጋር — በአምላክም፣ በነቢይም፣ በኢማምም አንገናኝም (አንገጥምም)። ምክንያቱም እነርሱ፡- ጌታቸው ሙሐመድ ነቢዩ የሆነውና ከእርሱ በኋላ አቡ በከር ምትኩ (ኸሊፋው) የሆነው ነው ይላሉ።
​እኛ ግን በዚህ ጌታም ሆነ በዚያ ነቢይ አናምንም። ይልቁንም፡- የነቢዩ ምትክ አቡ በከር የሆነው ጌታ የእኛ ጌታ አይደለም፤ ያም (ምትኩ አቡ በከር የሆነው) ነቢይ የእኛ ነቢይ አይደለም እንላለን።" [አልአንዋሩል ጀዛኢሪየህ፡ 2/278]

እንዲህ አይነቶቹ ራፊዷዎች ከi ሁ - ድ የከፉ ኩ ^ ፋ * ሮች ናቸው።
=
የቴሌግራም ቻናል :-

18,400

Ibnu Munewor (ኢብኑ ሙነወር)

30 mar 2026, 07:10

📷 Photo

#አፋልጉኝ_ማስታወቂያ

ኢማን አብዱ ትባላለች የ 15 እድሜ ልጅ ናት ቅዳሜ 8:00 ሱቅ እንደወጣች አልተመለስችም ከቤት ስትወጣ የለበስችው ቀይ ሻርፕ እና ጃአካት ከታች ሱሪ ነው የለበሰቺው መናገር ማትችልና የቤተስብ ሰልክ አታውቅም እባካችሁን ያያችሁ ሰዎች ወርታውን እንከፍላለን ይላሉ ቤተሰቦቿ

09 11 74 27 95
09 10 90 73 91

17,900

Showing 20 of 20 posts

No more posts

Valutazione

Accesso richiesto

Recensioni degli utenti (0)

Nessuna recensione ancora. Sii il primo a condividere la tua opinione!

Canali Telegram correlati

Loading recommended channels...

Ibnu Munewor (ኢብኑ ሙነወር)

Ibnu Munewor (ኢብኑ ሙነወር)

Classifica

Crescita abbonati (Ultimi 9 giorni)

Ultimi post

Valutazione

Recensioni degli utenti (0)

Canali Telegram correlati

Quiz Updates

Jaguar

rombak

🛑ПЕРЕХОДНИК ITALY🛑

صيغه همسريابي ازدواج محظية الزواج

⚽⚡Magliette Calcio Lowcost

➲PesPars

Futbo Bilimi

Canali Telegram correlati

Quiz Updates

Jaguar

rombak

🛑ПЕРЕХОДНИК ITALY🛑

صيغه همسريابي ازدواج محظية الزواج

⚽⚡Magliette Calcio Lowcost

➲PesPars

Futbo Bilimi

Recensioni degli utenti (0)

Ultimi post