E’zoza Karimova

Public

Non riesci ad unirti? @Ezozagafurjanovna

9.1k Membri

Aggiornato: September 5, 2026 at 9:01 PM

E’zoza Karimova

Maktabgacha va maktab ta’limi vaziri

@Ezozagafurjanovna offers specialized information about maktab and maktabgacha for subscribers interested in Audiolibri

Classifica

Classifica globale

#69839

-303

Classifica per lingua

#753

-4

Classifica per categoria

#202

-2

Crescita abbonati (Ultimi 30 giorni)

Totale: 9.1K

Crescita 24h: +52 1%

Ultimi post

E’zoza Karimova

29 ago 2026, 11:29

🎥 Video

“Tarixni anglab, kelajakni bunyod etamiz” loyihasi — yurtimiz o‘tmishi va kelajagini bog‘lovchi ma’naviy ko‘prik!

Yoshlar qalbida milliy g‘urur va vatanparvarlik tuyg‘usini uyg‘otish, ularni ajdodlarimiz merosiga hurmat ruhida tarbiyalash — eng muhim vazifalarimizdan biridir.

Shu maqsadda “Tarixni anglab, kelajakni bunyod etamiz” loyihasi doirasida umumtaʼlim maktablari o‘quvchilari uchun poytaxtimizdagi Islom sivilizatsiyasi markazi, O‘zbekiston va Temuriylar tarixi, Qatag‘on qurbonlari xotirasi muzeylari hamda “G‘alaba bog‘i” majmuasiga sayohatlar tashkil etilmoqda.

Ushbu loyiha farzandlarimizning o‘zligini anglashi, Vataniga sadoqatli hamda kelajakda yurtimizga munosib insonlar bo‘lib ulg‘ayishi uchun mustahkam zamin yaratadi.

Ushbu loyiha doirasida yurtimiz bo'ylab 14 000 nafar faol o'quvchilarni qamrab olish va jarayonlar avgust oxirigacha davom etishi rejalashtirilgan.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

47,700

8,360

E’zoza Karimova

29 ago 2026, 11:29

📷 Photo

Tavallud ayyomingiz muborak bo'lsin, hurmatli Prezident!

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

53,900

E’zoza Karimova

29 ago 2026, 11:29

Milliy qadriyatlar targ‘ibotida innovatsion yondashuv

Bugungi shiddat bilan rivojlanayotgan raqamli texnologiyalar davrida sun’iy intellekt imkoniyatlaridan milliy adabiyotimiz va qadriyatlarimizni keng targ‘ib etishda samarali foydalanilayotgani g‘oyat e’tiborga molikdir. Xususan, Respublika Ma’naviyat va ma’rifat markazi tomonidan ozarbayjonlik taniqli shoir Akif Bag‘ir qalamiga mansub “O‘zbek kelayotir, yo‘l bo‘shat jahon!” nomli mashhur she’ri asosida zamonaviy yechimlar yordamida o‘ziga xos qo‘shiq va videoklip tayyorlangani tahsinga sazovordir.

Mazkur ijodiy yondashuv kabi sifatli va ta’sirchan loyihalar, shubhasiz, yoshlarimiz qalbida vatanparvarlik tuyg‘ularini yanada oshirishga katta hissa qo‘shadi.

Videoni toʻliq va sifatli formatda koʻrish uchun havola: https://youtu.be/Omsapx-IOrk

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

94,800

E’zoza Karimova

29 ago 2026, 11:29

📷 Photo

Qizlarimizning ilm-fandagi muvaffaqiyati — millatimiz yutug‘idir!

Yurtimizda yuqori saviyada o‘tkazilgan 58-Xalqaro kimyo olimpiadasida (IChO — 2026) yoshlarimiz, ayniqsa, qizlarimiz erishayotgan tarixiy yutuqlar hech birimizni befarq qoldirmaydi.

Olimpiadaning eng yuqori cho‘qqisini zabt etib, oltin medalni qo'lga kiritgan qizimiz — Rayhona To’ymurodovaning muvaffaqiyati haqida alohida to‘xtalib o‘tishni istardim. 2008-yilda Buxoroda tavallud topgan iqtidorli qizimiz poytaxtimizdagi Abu Ali ibn Sino nomidagi ixtisoslashtirilgan maktabning 11-sinfida tahsil oladi. U o‘zining bugungi yuksak natijasi bilan buyuk bobokalonimiz Ibn Sinoning munosib izdoshi ekanligini, tomirlarida buyuk allomalar qoni oqayotganini butun dunyoga isbotladi!

Bilasizmi, bu ulkan g‘alaba tasodif emas. Uning ortida tinimsiz izlanish, uyqusiz tunlar yotibdi. Rayhona o‘zining tinimsiz mehnati bilan bugungi g‘alabaga yetib keldi. U 2025-yilda 59-Xalqaro Mendeleyev olimpiadasida kumush va 2-Abu Rayhon Beruniy nomidagi xalqaro olimpiadada oltin medalni qo‘lga kiritgan bo‘lsa, joriy yilda 60-Xalqaro Mendeleyev olimpiadasida ham kumush medalga sazovor bo‘ldi. Bugun u 94 davlat yoshlari bellashgan dunyoning eng nufuzli 58-Xalqaro kimyo olimpiadasida oltin medalni qo‘lga kiritdi.

Biz sening yutuqlaring bilan faxrlanamiz, qizim! Kelgusida jahon ilm-fani rivojiga o‘zining beqiyos hissasini qo‘shadigan, O‘zbekiston nomini yanada yuksaklarga ko‘taradigan yetuk olima bo‘lib yetishishingga ishonchim komil!

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

29 ago 2026, 11:29

🎥 Video

“O‘quvchi-yoshlarning muzeylarga ma’rifiy sayohati” loyihasi — mazmunli ta’til, tarixga sayohat va boy madaniy meros!

➖ Yozgi ta’til davomida o‘quvchi-yoshlarning bo‘sh vaqtini mazmunli tashkil etish, ularda vatanparvarlik tuyg‘usini yuksaltirish va boy tariximiz bilan yaqindan tanishtirish maqsadida poytaxtdagi mashhur muzeylarga bepul sayohatlar tashkil etilmoqda.

🔴 Ushbu loyiha o‘quvchilar uchun yurtimizning eng muhim tarixiy va madaniy maskanlarini ko‘rish imkoniyatini yaratib, ularning dunyoqarashi va bilimini oshirishga yordam beradi.

📝 Sayohat dasturi o‘zida quyidagi 3 ta yo‘nalishni qamrab oladi:
➖ Jonli tarix va muzeylar — bolalar muhtasham Islom sivilizatsiyasi markazi, O‘zbekiston tarixi, Temuriylar tarixi, Qatag‘on qurbonlari xotirasi muzeylari hamda “G‘alaba bog‘i” majmuasiga olib boriladi, bobokalonlarimiz merosini kitobdan emas, o‘z ko‘zi bilan ko‘rib o‘rganadi;
➖ Keng qamrovli imkoniyat — loyiha doirasida butun respublikamiz bo‘ylab 14 ming nafar o‘quvchi qamrab olinadi va ularga mutaxassislar hamrohligida ekskursiyalar uyushtiriladi;
➖ Ota-onalar uchun qulaylik — sayohat tadbirlarining barchasi davlat tomonidan to‘liq bepul tashkil etiladi, ota-onalardan hech qanday xarajat talab etilmaydi, faqatgina farzandining rivojlanishi uchun tashabbus ko‘rsatish so‘raladi.

📋 Ma’lumot uchun: Maktabgacha va maktab ta’limi vazirligi tomonidan tashkil etilgan ushbu loyiha avgust oyi yakuniga qadar davom etadi. Qatnashish istagida bo‘lgan ota-onalar o‘z hududlaridagi Maktabgacha va maktab ta’limi bo‘limlariga borib, ariza yozib qoldirishlari mumkin.

👉Hududiy bo‘linmalardan biriktirilgan mas’ullar ro‘yxati: https://gov.uz/oz/uzedu/news/view/194367

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

29 ago 2026, 11:29

📷 Photo

#Xorijiy_tillar

📣 “Kelajak uchun xorijiy til” loyihasi doirasida 10 ming nafardan ortiq oʻquvchi xorijiy til boʻyicha milliy sertifikatga ega boʻldi

✅ https://t.me/uzedu, 2025-yil dekabr oyidan boshlab Maktabgacha va maktab taʼlimi vazirligi tomonidan Toshkent shahridagi barcha umumtaʼlim maktablarida “Kelajak uchun xorijiy til” loyihasi yoʻlga qoʻyilgan edi.

➖  “Toshkent tajribasi” sifatida 2025-2026-oʻquv yilida boshlangan mazkur loyiha doirasida poytaxtimizdagi barcha umumtaʼlim maktablarida tahsil olayotgan 40 ming nafarga yaqin 11-sinf oʻquvchilarining xorijiy til boʻyicha bilim va malakalari oshirildi.

Xususan, oʻquvchilarning til bilish darajalarini aniqlash maqsadida MOCK imtihonlari oʻtkazildi. Shundan soʻng, sinovlar natijalari tahlil qilinib, oʻquvchilar turli darajalardagi guruhlarga ajratildi va xorijiy mutaxassislar ishtirokida bepul mashgʻulotlar tashkil etildi.

🔹 Shu bilan birga, Bilim va malakalarni baholash agentligi bilan hamkorlikda mazkur oʻquvchilar xorijiy tillarni oʻrganish darajasini aniqlash boʻyicha milliy sertifikat sinovlaridan oʻtkazildi.

➖ Natijada Toshkent shahridagi 10 106 nafar 11-sinf oʻquvchisi (ingliz tili boʻyicha) B1 va undan yuqori darajadagi milliy sertifikatlarni qoʻlga kiritdi.

👉 Maʼlumot uchun: 2025-yil dekabr oyida xorijiy til sertifikatlariga ega oʻquvchilar soni 2 970 nafar boʻlgan boʻlsa, 2026-yil 1-iyul holatiga koʻra, ularning soni 17 515 nafarga yetdi (qariyb 6 barobar koʻp).

🔴 Shu oʻrinda aytish lozimki, 2025-2026-oʻquv yili davomida Respublikamiz boʻyicha 1 518 nafar xorijiy til mutaxassislari jalb etilgan boʻlsa, yangi oʻquv yilidan boshlab ularning sonini 2 000 nafardan oshirish rejalashtirilgan.

👉 Maʼlumot uchun: Bilim va malakalarni baholash agentligi maʼlumotlariga koʻra, 2026-2027-oʻquv yili uchun chet tillari bo‘yicha milliy yoki xalqaro sertifikatga ega abituriyentlar soni 125 354 nafarni tashkil etmoqda.

Oliy va kasbiy taʻlim muassasalariga kirish uchun hujjat topshirgan hamda barcha fanlardan milliy yoki xalqaro sertifikatga ega qariyb
13 ming nafarga yaqin abituriyentlar esa test sinovlaridan https://t.me/BaholashUz.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

29 ago 2026, 11:29

🎥 Video

#ICHO_2026

🔴 Yurtimiz mezbonligidagi 58-Xalqaro kimyo olimpiadasi qizg‘in davom etmoqda.

Bugun mas‘ullar bilan olimpiadaning ikkinchi bosqichi — nazariy sinov jarayonlarini ko‘zdan kechirdik va tashkiliy masalalar yuzasidan muloqot qildik.

Shu tariqa, olimpiadaning barcha sinov bosqichlari yakunlandi. Oldinda qatnashchilarni hayajonli lahzalar kutmoqda — 18-IYUL kuni tantanali taqdirlash marosimi bo‘lib o‘tadi.

Barcha ishtirokchi yoshlarga omad yor bo‘lsin!

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

60,100

E’zoza Karimova

29 ago 2026, 11:29

🎥 Video

🎨 “Canva for Education” — maktablarda kreativlik, raqamli savodxonlik va innovatsiyalar davri!

➖ Yurtimizdagi umumta’lim maktablari oʻquvchilari va oʻqituvchilarida kreativ tafakkur hamda zamonaviy koʻnikmalarni shakllantirishga qaratilgan ulkan loyiha — “Canva” kompaniyasi bilan yirik grant kelishuvi imzolandi.

⌨️ Ushbu grantning umumiy qiymati 20 million AQSH dollariga teng boʻlib, u orqali respublikamizdagi 10 mingdan ziyod maktab 3 yil davomida platformadan mutlaqo bepul foydalanishi mumkin.

📝 “Canva for Education” oʻzida quyidagi 5 ta muhim yoʻnalishni qamrab oladi:
➖ Kreativ tafakkurni rivojlantirish — minglab shablonlar orqali ijodiy yondashuv;
➖ Taqdimot va infografika koʻnikmalari — zamonaviy vizual materiallar yaratish;
➖ Sunʼiy intellekt asosidagi vositalar — SI yordamida tezkor va sifatli kontent tayyorlash;
➖ Jamoa boʻlib ishlash — onlayn tarzda guruhlarda hamjihatlikda ishlash;
➖ Raqamli savodxonlik — zamonaviy raqamli dunyo uchun eng muhim koʻnikmalar.
📋 Maʼlumot uchun: Canva – bugungi kunda dunyoning 190 dan ortiq mamlakatida keng qoʻllanilayotgan yetakchi platforma hisoblanadi.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

29 ago 2026, 11:29

🎥 Video

#ICHO_2026

🔴 Shu kunlarda yurtimizda dunyoning eng iqtidorli yosh kimyogarlari jam bo‘lishgan.

58-Xalqaro kimyo olimpiadasida turli mamlakatlardan kelgan iste'dodli o‘quvchilar o‘z bilimlarini sinovdan o‘tkazmoqda.

Bugun olimpiada doirasida tashkil etilgan amaliy sinovlarni ko‘zdan kechirdik hamda uning yuqori saviyada tashkil etilishi yuzasidan mas'ullar bilan muloqot qildik.

Jarayonlarni kuzatar ekanmiz, ishtirokchilarning puxta tayyorgarligi, ilm-fanga bo‘lgan qiziqishi va izlanuvchanligi alohida taassurot qoldirdi. Ishonamanki, bugungi sinovlar ular uchun katta tajriba va unutilmas xotiraga aylanadi.

Barcha ishtirokchilarga olimpiadada omad, muvaffaqiyat va yuksak natijalar yor bo‘lsin!

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

29 ago 2026, 11:29

📷 Photo

O‘zbekiston maktablarida fransuz tili dunyoning eng nufuzli darsliklari asosida oʻqitiladi

Batafsil — yuqoridagi #infografikada

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

49,900

E’zoza Karimova

18 mag 2026, 04:24

📷 Photo

Qadrli yurtdoshlar!

Barchangizni 9-may — Xotira va qadrlash kuni bilan samimiy qutlayman

Inson xotirasi — muqaddas, qadri — ulugʻ. Bugungi musaffo osmonimiz, erkin va osuda hayotimiz uchun mardona kurashgan, bu yoʻlda jon fido qilgan ota-bobolarimizning qahramonligi va jasorati hech qachon unutilmaydi. Ularning soʻnmas yodi va oʻlmas merosi qalbimizda mangu barhayotdir.

Tinchlik oʻz-oʻzidan kelmaydi. Uni asrab-avaylash, qadriga yetish va yosh avlod ongiga singdirish — barchamizning, xususan, siz taʼlim-tarbiya fidoyilarining eng muhim va sharafli vazifangizdir.

Zero, vatanparvar, oʻz tarixini chuqur biladigan va eʼzozlaydigan komil insonlarni tarbiyalash aynan bogʻcha va maktabdan boshlanadi. Shu oʻrinda, millat maʼrifati yoʻlida oʻzini baxshida etgan, yoshlarimizning ilm-fan egallashi uchun zahmat chekkan jadid bobolarimiz hamda yurt kelajagi yoʻlida fidoyilik koʻrsatgan minglab ustozlarimizning pok ruhlari oldida ham bosh egamiz.

Hurmat bilan,
Eʼzoza Karimova
Maktabgacha va maktab ta’limi vaziri

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

18 mag 2026, 04:24

📷 Photo

Chortoq tajribasi: Yuqori daromadli ustozlar, xavfsiz o‘quvchi va xotirjam ota-ona

Farg‘onada respublikamizning 208 ta tuman, shahar va viloyat boshqarma boshliqlari ishtirokida bo‘lib o‘tgan “Yangi O‘zbekiston – yangicha ta’lim” o‘quv-seminari doirasida ko‘plab tashabbuskor rahbarlar bilan dildan suhbatlashdik. Xususan, , yuqori daromad topayotgan o‘qituvchilar faoliyat yuritadigan Chortoq tumani maktabgacha va maktab ta’limi bo‘limi boshlig‘i Shohista Turg‘unova bilan ham aynan shu seminarda ko‘rishib, ajoyib natijalarning guvohi bo‘ldim.

Tumandagi 22 ta maktabda darsdan so‘ng byudjetdan tashqari mablag'lar hisobidan daromad topish uchun to‘garaklar a’lo darajada yo‘lga qo‘yilgan bo‘lib, o‘z ustida ishlagan ustozlarimiz maoshiga qo‘shimcha ravishda 10–30 million so‘mgacha topmoqda. Maktablarning yillik qo‘shimcha daromadi esa 8 milliard so‘mga yetgan.

Tizimning eng katta yutug‘i faqatgina moliyaviy natijalarda emas, balki bolalarimizning xavfsizligi ta’minlanayotganidadir. Endilikda o‘quvchilar darsdan so‘ng turli o‘quv markazlariga qatnab, yo‘llarda sarson bo‘lishmaydi. Ular arzon to‘lov evaziga maktabning o‘zida qolib, qo‘shimcha fanlarni o‘zlashtirmoqda. Hatto ayrim maktablarda o'quvchilar issiq ovqat bilan ham ta’minlanmoqda. Bu esa ota-onalarning farzandi xavfsizligidan kun davomida to‘la xotirjam bo‘lishiga xizmat qilmoqda.

Biz ta’lim sifatini oshirish va ustozlar nufuzini ko‘tarishda aynan mana shunday shijoatli, fidoyi va tashabbuskor rahbarlarni doimo qo‘llab-quvvatlaymiz. Ustozlarimiz qadrlanadigan va bolalarimiz xavfsiz bo‘lgan ushbu amaliyotni chinakam “Chortoq tajribasi” sifatida respublikamizning barcha maktablarida keng ommalashtirishimiz kerak.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

18 mag 2026, 04:24

🎥 Video

“Besh million sun’iy intellekt yetakchilari” loyihasi doirasidagi "Milliy tanlov" g’oliblari taqdirlandi.

“Besh million sunʼiy intellekt yetakchilari” — mamlakatimizning barcha hududlarini qamrab oladigan va kelajagimizni belgilab beradigan strategik loyihadir. Ishonchim komilki, bugungi qatnashchilar orasida yurtimizni IT sohasida yuksak marralarga olib chiqadigan bo‘lajak novatorlar va kuchli mutaxassislar bor.

G‘oyalaringiz, mehnatingiz va o‘z ustingizda ishlashdan to‘xtamaganingiz uchun barchangizga rahmat! Bu hali boshlanishi, eng katta g‘alabalar oldinda!

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

16,700

E’zoza Karimova

18 mag 2026, 04:24

📷 Photo

“Besh million sun’iy intellekt yetakchilari”: 2 ta maktabga Prezident sovg‘asi — elektromobillar, 107 nafar o‘qituvchiga pul mukofotlari va xorijga safar yo‘llanmalari topshirildi

Bugun “Besh million sunʼiy intellekt yetakchilari” loyihasi doirasida o‘tkazilgan “Milliy tanlov” g‘oliblarini taqdirlash marosimida ishtirok etdim. 640 mingdan ortiq qatnashchini qamrab olgan mazkur loyiha yoshlar va o‘qituvchilarning IT sohasidagi salohiyatini amalda namoyon etdi.

“Eng faol maktab” yo‘nalishida eng yuqori ko‘rsatkichga ega 2 ta umumiy o‘rta ta’lim maktabiga “Prezident sovg‘asi” — elektromobillarni topshirdik. Shuningdek, “Eng faol informatika fani o‘qituvchisi” yoʻnalishida 107 nafar gʻolib aniqlandi. Ularning 97 nafariga 1000 AQSh dollari miqdorida bir martalik pul mukofoti berildi. 10 nafar informatika fani oʻqituvchisi esa xorijga safar yoʻllanmasini qoʻlga kiritishdi.

Mazkur loyiha — kelajakning malakali mutaxassislarini tayyorlashda muhim bosqichdir. Barcha ishtirokchilarga o‘z ustida ishlashda va yangi natijalarga erishishda muvaffaqiyat tilayman!

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

18 mag 2026, 04:24

📷 Photo

Ingliz tilidan B2 darajani zabt etgan 8 yoshli Akbaralini topdim

Olot tumaniga tashrifimiz doirasida 2-maktabning 2-sinf o‘quvchisi Asadov Akbarali bilan uchrashuvimiz menda juda katta taassurot qoldirdi. Atigi sakkiz yoshda bo‘lishiga qaramay, Akbaralining ingliz tili bo‘yicha xalqaro B2 darajadagi sertifikatni qo‘lga kiritgani chinakamiga havas qilarli natijadir. Tuman hokimi Nargiza Nematova bilan birga ushbu iqtidorli o‘quvchimizni munosib taqdirladik.

Ushbu muvaffaqiyat ortida ota-onaning to‘g‘ri yo‘naltirishi va ikki yarim yillik tinimsiz mehnat yotibdi. Akbarali nafaqat tilda, balki aniq fanlarda ham ilg‘or bo‘lib, mental arifmetika bo‘yicha viloyatda birinchi o‘rinni egallagan. Uning ingliz tilidan so‘ng endigi maqsadini matematikani yanada chuqur o‘rganishga qaratgani barchamizni quvontirdi. Akbarali kabi bilimga chanqoq o‘quvchilarimizning yutuqlari shuni koʻrsatadiki, xohish va to‘g‘ri muhit bo‘lsa, bilim olishda hech qanday chegara yo‘q.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

18 mag 2026, 04:24

📷 Photo

#PIRLS_2026

O‘zbekiston PIRLS 2026 xalqaro tadqiqotining asosiy sinov jarayonlarida ishtirok etmoqda

Ma’lumki, joriy yilning 15-aprel sanasidan respublikamizdan tanlab olingan maktablarda PIRLS 2026 xalqaro baholash dasturining asosiy sinov jarayonlari

Tadqiqotda ishtirok etish uchun Ta’limdagi yutuqlarni baholash xalqaro assotsiatsiyasi (IEA) tomonidan O‘zbekistonning barcha hududlaridan 164 ta maktab reprezentativlik va tasodifiylik tamoyili asosida tanlab olindi.

Mazkur maktablardan 5947 nafar 4-sinf o‘quvchilari, ularning ota-onalari, 214 nafar boshlang‘ich ta’lim o‘qituvchilari hamda 164 nafar maktab direktorlari ishtiroki rejalashtirilgan bo‘lib, jarayonlar Qoraqalpog‘iston Respublikasi va viloyatlarda bosqichma-bosqich davom etmoqda.

Ma’lumot uchun: PIRLS 2026 tadqiqotida 60 dan ortiq mamlakat hamda ta’lim tizimlari qatnashmoqda va O‘zbekiston ushbu tadqiqotda ikkinchi marotaba ishtirok etmoqda.

Eslatib o‘tamiz, har besh yilda bir marta o‘tkaziladigan PIRLS tadqiqoti 4-sinf o‘quvchilarining o‘qish savodxonligini xalqaro darajada baholaydi.

PIRLS 2026 tadqiqotning oltinchi davri bo‘lib, unda qatnashayotgan barcha davlatlar baholash jarayonida to‘liq raqamli formatda ishtirok etmoqda.

PIRLS 2026 xalqaro tadqiqotining asosiy sinov jarayonlarida ishtirok etayotgan barcha o‘quvchilarimizga omad tilaymiz!

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

28 mar 2026, 07:26

📷 Photo

O‘zbekiston – maktabgacha ta’lim islohotlari bo‘yicha jahon yetakchisi sifatida e’tirof etildi

Parij shahrida YUNESKOning "2026-yilgi Global ta’lim monitoringi" (GEM) doirasida vazirlar sessiyasi hamda panel muhokamalarida ishtirok etdik.

Vazirlar sessiyasida yurtimizda maktabgacha ta’lim yo‘nalishida amalga oshirilgan tizimli islohotlar, xususan, qamrovni kengaytirishda davlat-xususiy sheriklik va yangi moliyalashtirish modellarining samarali natijalari haqida to‘xtaldik.

Quvonarlisi shundaki, YUNESKO tomonidan O‘zbekistonning maktabgacha ta’lim tizimidagi natijalari yuksak baholanib, mamlakatimiz ushbu sohada dunyo "chempioni" sifatida e’tirof etildi.

Xalqaro hamjamiyatning bu e’tirofi mamlakatimizda ta’lim sifatini oshirish yo‘lidagi islohotlar samarasidir. Bu yutuq bizga nafaqat faxr, balki islohotlarni yanada jadal davom ettirish mas’uliyatini ham yuklaydi.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

28 mar 2026, 07:26

🎥 Video

O‘quvchi qizlar o‘rtasida “Vazir kubogi” musobaqasining respublika bosqichi boshlandi

Maktab o‘quvchi qizlari o‘rtasida futbol sport turini ommalashtirish va iqtidorli yoshlarni aniqlash maqsadida tashkil etilgan “Maktabgacha va maktab ta’limi vaziri kubogi” musobaqasining hal qiluvchi bahslariga start berildi. Hozirda respublikamizning barcha hududlaridan saralangan jamoalar tasdiqlangan qur’a natijalariga ko‘ra o‘zaro uchrashuvlarda ishtirok etmoqda.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

22,900

E’zoza Karimova

28 mar 2026, 07:26

🎥 Video

Surxon zaminida “Vazir kubogi” ishtirokchilari kutib olinmoqda

Bugun ko‘hna va mehmondoʻst Surxondaryo zamini o‘zgacha bir sport shukuhi, yoshlik g‘ayrati bilan nafas olmoqda. Biz intizorlik bilan kutgan “Maktabgacha va maktab ta’limi vaziri kubogi” futbol musobaqasining Respublika bosqichi ishtirokchilari — mamlakatimizning barcha hududlaridan tashrif buyurgan eng iqtidorli o‘quvchi-qizlarimiz Termiz shahrida tantanali ravishda kutib olinmoqda.

Ushbu musobaqada yurtimizning barcha hududlaridan saralab olingan 16 ta eng kuchli jamoa g‘oliblik uchun maydonga tushadi. Nizomga ko‘ra, jamoalar 4 ta guruhga bo‘lingan holda saralash bahslarini o‘tkazishadi, so‘ngra chorak final, yarim final va hal qiluvchi final bosqichlarida o‘z mahoratlarini namoyish etadilar.

Bu kabi musobaqalar qizlarimiz o‘rtasida sog‘lom turmush tarzini keng targ‘ib qilish bilan birga, ularning irodasini toblash va jamoaviy birdamlik tuyg‘usini shakllantirishda muhim ahamiyatga ega.

Ishonamanki, Surxondaryoda kechadigan shiddatli bahslar nafaqat g‘oliblarni aniqlaydi, balki yangi-yangi do‘stlik rishtalarini ham mustahkamlaydi.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

28 mar 2026, 07:26

🎥 Video

O‘quvchi qizlar o‘rtasida futbol bo‘yicha “Maktabgacha va maktab ta’limi vaziri kubogi” musobaqasi ishtirokchilarining Surxondaryo viloyatidagi qator madaniy va tarixiy maskanlariga sayohat jarayonlaridan.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

18,600

E’zoza Karimova

28 mar 2026, 07:26

📷 Photo

Aziz yurtdoshlar!

Sizlarni bahorning eng go‘zal, qalblarga iliqlik va yangilanish olib kiruvchi - Navro‘z bayrami bilan samimiy muborakbod etaman.

Navro‘z – bu nafaqat tabiatning uyg‘onishi, balki inson qalbida ham ezgulik, mehr-oqibat va umidlarning yangidan unib chiqishidir. Ayniqsa, yoshlarimizning orzu-intilishlari, bilimga chanqoqligi va kelajakka bo‘lgan ishonchi aynan shu yangilanish ruhidan kuch oladi.

Bugun yurtimizda har bir yoshning bilim olishi, o‘z yo‘lini topishi va katta maqsadlar sari dadil qadam tashlashi uchun keng imkoniyatlar yaratilmoqda. Hurmatli Prezidentimiz tomonidan ilgari surilayotgan tashabbuslar bizni yanada katta marralar sari ruhlantirmoqda. Bu e’tibor, ishonch har bir ustoz va har bir o‘quvchi qalbida mas’uliyat hamda faxr tuyg‘usini yanada kuchaytirmoqda. Zero, bilimli, intiluvchan avlod – Yangi O‘zbekistonning eng mustahkam poydevoridir.

Navro‘z barchamizga yangilanish, ilhom va ulkan yutuqlar olib kelsin. Har bir xonadonda quvonch, har bir yurakda ishonch, har bir qadamda zafar bo‘lsin!

Bayramingiz muborak bo‘lsin!

Hurmat bilan,
Eʼzoza Karimova
Maktabgacha va maktab ta’limi vaziri

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

28 mar 2026, 07:26

🎥 Video

Kitobxonlik — uchinchi renessans poydevori: “O‘qish savodxonlari” tanlovi g‘oliblari rag‘batlantirildi!

Bilimga intilish, mutolaa madaniyati va mantiqiy fikrlash har qanday zamonda ham jamiyat taraqqiyotining asosiy drayveri bo‘lib kelgan. Davlatimiz rahbari tomonidan ilgari surilgan 5 ta muhim tashabbus doirasida yoshlar ma’naviyatini yuksaltirish va kitobxonlikni keng targ‘ib qilish bugun ustuvor vazifaga aylandi.

Bugun A. Avloniy nomidagi pedagogik mahorat milliy institutida ushbu maqsad yo‘lida tashkil etilgan “O‘qish savodxonlari” tanlovining respublika bosqichi g‘oliblarini tantanali taqdirlash marosimi bo‘lib o‘tdi.

Ushbu tanlov 164 ta maktabdan qariyb 18 ming nafar 4-sinf o‘quvchilarini qamrab olgani bilan alohida e’tiborga loyiq. Topshiriqlar xalqaro PIRLS tadqiqoti tamoyillari asosida ishlab chiqilib, o‘quvchilarning matnni tahlil qilish va ijodiy fikrlash qobiliyatini baholashga xizmat qildi.

Jarayonlarning to‘liq raqamlashtirilgani hamda ochiq savollarning sun’iy intellekt yordamida xolis baholangani tizimda adolat va shaffoflikni ta’minlashdagi muhim qadamdir.

Quvonarlisi, yakunda har bir hududdan eng yuqori natija ko‘rsatgan jami 42 nafar g‘olib aniqlandi. Ularga zamonaviy noutbuklar, planshetlar va esdalik sovg‘alari topshirildi.

Aziz o‘quvchilar!

Sizlarning kitobga bo‘lgan mehringiz va bilimga chanqoqligingiz — Yangi O‘zbekistonning poydevori.

O‘qishdan, izlanishdan to‘xtamang!

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr  🗳 https://www.facebook.com/share/1AnB9MGyEU/

E’zoza Karimova

28 mar 2026, 07:26

📷 Photo

Aziz yurtdoshlar!
Qadrli ustozlar, soha xodimlari va muhtaram ota-onalar!

​Sizlarni hamda butun xalqimizni ma’naviy poklanish, sabr-qanoat va ezgulik ramzi bo‘lgan muqaddas Ramazon hayiti bilan samimiy muborakbod etaman!

​Ushbu qutlug‘ ayyomda qalblarimiz yanada nurli, niyatlarimiz pok bo‘lsin.

Muhtaram Prezidentimiz tomonidan ta’lim tizimida olib borilayotgan keng ko‘lamli islohotlarni amalga oshirishda Sizlarga ulkan kuch-quvvat, matonat va zafarlar yor bo‘lsin. Zero, ilm-fan va ta’limga berilayotgan e’tibor — davlatimizning buyuk kelajagiga qo‘yilgan eng mustahkam poydevordir.

​Xonadonlaringizni tinchlik, totuvlik va fayz-u baraka aslo tark etmasin. Farzandlarimizning baxti, kamoli va ilmga bo‘lgan ishtiyoqi barchamizga g‘urur va quvonch bag‘ishlasin.

​Ramazon hayiti muborak bo‘lsin!

Hurmat bilan,
Eʼzoza Karimova
Maktabgacha va maktab ta’limi vaziri

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr 🗳 https://www.facebook.com/share/1AnB9MGyEU/

E’zoza Karimova

28 mar 2026, 07:26

📷 Photo

#taqdirlash
Bugun A. Avloniy nomidagi institutda Respublika umumtaʼlim maktablarining 4-sinf o‘quvchilari o‘rtasida tashkil etilgan “O‘qish savodxonlari” tanlovining g‘oliblarini taqdirlash tadbirini o‘tkazamiz.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr  🗳 https://www.facebook.com/share/1AnB9MGyEU/

24,700

E’zoza Karimova

28 mar 2026, 07:26

🎥 Video

Xabaringiz bor, Respublika umumiy o‘rta ta‘lim maktablarining 4-sinf o‘quvchilari o‘rtasida “O‘qish savodxonlari” tanlovini o‘tkazdik.

O‘ylaymanki, mazkur tanlov yosh avlodning intellektual salohiyatini oshirish, ma‘naviy dunyoqarashini boyitish hamda o‘quvchilarning mustaqil fikrlash qobiliyatini shakllantirishga xizmat qilib, kitob o‘qishga bo‘lgan qiziqishini yanada kuchaytirishda muhim ahamiyat kasb etadi.

Ushbu tanlovni tashkil etishda boshlang‘ich ta‘lim bosqichida o‘quvchilarning o‘qish savodxonligini xalqaro mezonlar asosida rivojlantirish, ularning matn bilan ishlash kompetensiyalarini baholash hamda shu orqali ta‘lim sifatini oshirishga qaratilgan tizimli yondashuvlar ham ustuvor ahamiyatga ega.

Bu jihatlar xalqaro baholash dasturlarida, xususan, PIRLS tadqiqotida qo‘llaniladigan metodologik tamoyillar bilan hamohang yo‘lga qo‘yildi.

Yuqoridagi videorolik orqali jarayonlar bilan tanishishingiz mumkin.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr  🗳 https://www.facebook.com/share/1AnB9MGyEU/

E’zoza Karimova

28 mar 2026, 07:26

📷 Photo

Bolalik – bu eng beg‘ubor davr

Bugun bolajonlar davrasida bir lahza o‘z bolaligimga qaytgandek bo‘ldim. Ba‘zan hayotning shiddatli oqimi va mas‘uliyatli vazifalar orasida mana shunday beg‘ubor dunyoga sho‘ng‘ish insonga o‘zgacha kuch bag‘ishlar ekan.

Bolajonlar bilan birga, o‘z qo‘llarimiz bilan non yasadik. Qo‘llarimiz un bo‘lib, xamirga shakl berarkanmiz, mitti qalblarning zavqini ko‘rib, beixtiyor o‘z yoshligimni, buvijonimning yonida turib non yasashga harakat qilgan damlarimni esladim. O‘shanda biz ham xuddi shu bolajonlardek har bir xamir bo‘lagiga bor mehrimizni berardik.

Ayniqsa, shirin qizalog‘imiz — Shahrizodaning qoshlariga o‘sma qo‘yarkanman, ko‘z oldimda buvijonim gavdalandi. Yoshligimda menga ham xuddi shunday mehr bilan o‘sma qo‘yib qo‘yishardi. O‘sha damlardagi xotirjamlik va iliqlik bugun yana qaytgandek bo‘ldi.

Bilasizmi, bu shunchaki jarayon emas. Bu — avlodlar o‘rtasidagi ko‘rinmas, ammo mustahkam rishtadir. Non yasashni o‘rganish — baraka va mehnatni anglash bo‘lsa, o‘sma qo‘yish — bizning go‘zal milliy nafosatimiz, o‘zligimiz ramzidir.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr  🗳 https://www.facebook.com/share/1AnB9MGyEU/

E’zoza Karimova

26 mar 2026, 09:27

🎥 Video

Maktabgacha ta’limda xalqaro tajriba: Chinoz tumanida “Anji Play” metodikasi joriy etilmoqda

Maktabgacha ta’lim tizimini sifat jihatidan yangi bosqichga olib chiqish, bolalarimizga jahon andozalariga mos ta’lim-tarbiya berishni ustuvor maqsad qilganmiz.

Bu boradagi navbatdagi muhim qadam sifatida Chinoz tumanidagi 9-davlat maktabgacha ta’lim tashkilotida Xitoyning ilg‘or “Anji Play” metodikasini tajriba-sinov tariqasida yo‘lga qo‘ydik.

Ushbu metodikaning o‘ziga xosligi — bolaning erkin o‘yin orqali dunyoni anglashi va o‘z potentsialini to‘liq namoyon etishidir. Biz bog‘chalarimizda faqat bilim berish bilan cheklanib qolmasdan, bolajonlarimizda mustaqil va tanqidiy fikrlash, tashabbuskorlik hamda kreativ yondashuv kabi hayotiy muhim ko‘nikmalarni shakllantirishni maqsad qilganmiz.

Loyiha doirasida yaratilgan bolaga yo‘naltirilgan ta’lim muhiti har bir tarbiyalanuvchiga mustaqil qaror qabul qilish va muammoli vaziyatlarda yechim topishni o‘rgatadi. Bu esa, o‘z navbatida, pedagoglarimizning metodik salohiyatini yangi bosqichga ko‘tarish va tizimda innovatsion o‘yin modellarini kengaytirish imkonini beradi.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr  🗳 https://www.facebook.com/share/1AnB9MGyEU/

E’zoza Karimova

26 mar 2026, 09:27

📷 Photo

“Kelajak markazi” — iqtidorli yoshlar uchun imkoniyatlar maskani

Bugun Xorazm viloyatidagi “Kelajak markazi” faoliyati bilan yaqindan tanishib, yoshlarimizning g‘ayrati va yuksak intilishidan katta taassurot oldim. Markazda tashkil etilgan zamonaviy to‘garaklar va o‘quv jarayonlari o‘g‘il-qizlarimizning nafaqat bilim olishi, balki aniq maqsadlar sari qat’iy qadam tashlashi uchun haqiqiy imkoniyat maydoniga aylanganiga guvoh bo‘ldim.

Iqtidorli yoshlarimiz bilan kechgan samimiy muloqotda ularning kelajak rejalari va yangi g‘oyalarini tinglab, tizimdagi islohotlarimiz o‘z mevasini berayotganini yana bir bor his qildim. Bunday izlanuvchan va bilimga tashna yoshlar bor ekan, oldimizga qo‘ygan marralarimizga albatta erishamiz — biz ularning har bir tashabbusini qo‘llab-quvvatlashda davom etamiz.

✉️ 📱 https://www.instagram.com/ezozagafurjanovna?igsh=a2pxNGczZGN5dHJo&utm_source=qr  🗳 https://www.facebook.com/ezozagafurjanovna

E’zoza Karimova

18 mar 2026, 23:48

📷 Photo

O‘zbekiston Respublikasi Prezidenti Shavkat Mirziyoyevning Xalqaro xotin-qizlar kuniga bag‘ishlangan tantanali marosimdagi https://president.uz/oz/lists/view/9002
—
https://president.uz/ru/lists/view/9002 Президента Республики Узбекистан Шавката Мирзиёева на торжественной церемонии, посвященной Международному женскому дню

https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz

E’zoza Karimova

18 mar 2026, 23:48

🎥 Video

Muhtarama onaxonlar, munis opa-singillar!

Qadrli ustozlar!

Avvalo, siz azizlarni, siz orqali barcha xotin-qizlarni bugungi bahor ayyomi — “8-mart — Xalqaro xotin-qizlar kuni” bayrami bilan chin qalbimdan muborakbod etaman!

Ushbu qutlug‘ ayyomda avvalambor, barchamizni dunyoga keltirgan, oq sut berib voyaga yetkazgan Ona siymosi oldida bosh egib, ta‘zim qilamiz va har bir buyuk shaxs ortida moʻtabar ona borligini yana bir bor his qilamiz.

Ayolni, onalarni e‘zozlash, ularga ehtirom ko‘rsatish xalqimizga xos olijanob qadriyatdir. Biz qaysi kasb egasi bo‘lmaylik, qanday lavozimda ishlamaylik, ona oldida bosh egamiz!

Muhtaram Yurtboshimiz tomonidan ayollarga ko‘rsatilayotgan yuksak e‘tibor natijasida bugungi kunda barcha sohalarda ayollarimizning faolligi kundan kun ortib bormoqda.

Xususan, maktabgacha va maktab ta‘limi tizimida ham ana shunday yuz minglab zahmatkash va fidoyi xotin-qizlar kelajagimiz bo‘lgan yosh avlod baxt-u kamoli uchun sidqidildan mehnat qilib kelmoqdalar.

Fursatdan foydalanib, barcha ustoz pedagog xotin-qizlarni, munis opa-singillarimizni yana bir bor go‘zallik va nafosat bayrami bilan samimiy muborakbod etaman!

Barchangizga o‘zimning chuqur hurmat-ehtiromim va ezgu tilaklarimni bildiraman.

Sizlarga sihat-salomatlik, oilaviy baxt, xonadonlaringizga fayz-u baraka, ilmiy va ijodiy yutuqlar tilayman.

Qutlug‘ bayramingiz muborak bo‘lsin, Aziz ayollar!

Hurmat bilan,
Eʼzoza Karimova
Maktabgacha va maktab ta’limi vaziri

Showing 30 of 78 posts

Valutazione

Accesso richiesto

Recensioni degli utenti (0)

Nessuna recensione ancora. Sii il primo a condividere la tua opinione!

Canali Telegram correlati

Loading recommended channels...

E’zoza Karimova

E’zoza Karimova

Classifica

Crescita abbonati (Ultimi 30 giorni)

Ultimi post

Valutazione

Recensioni degli utenti (0)

Canali Telegram correlati

𝐘𝐚𝐮𝐧𝐠 𝐂𝐡𝐢 𝐁𝐨𝐨𝐤𝐬𝐞𝐥𝐟📚

Yaoi Loverz

Kingdom Sound Public

♬🐻 ㄥ𝐎n̶̢͑ ̩̲̙̻̠̖νέ𝓵𝐘ᵗᵃŁ𝕂ⓢ 🐳♬

Ascoltalibri - Audiolibri gratis 🎧

Libri PDF Gratis ITA

Biblioteca audio

Book A Book

Canali Telegram correlati

𝐘𝐚𝐮𝐧𝐠 𝐂𝐡𝐢 𝐁𝐨𝐨𝐤𝐬𝐞𝐥𝐟📚

Yaoi Loverz

Kingdom Sound Public

♬🐻 ㄥ𝐎n̶̢͑ ̩̲̙̻̠̖νέ𝓵𝐘ᵗᵃŁ𝕂ⓢ 🐳♬

Ascoltalibri - Audiolibri gratis 🎧

Libri PDF Gratis ITA

Biblioteca audio

Book A Book

Ultimi post

Recensioni degli utenti (0)