Mohammed Ahmed Official

Public

مشاهده کانال

نمی‌توانید بپیوندید؟ @abuafnanmoh

۵.۱k عضو

به‌روزرسانی شده: May 15, 2026 at 3:14 AM

Mohammed Ahmed Official

ለጥያቄ እና አስተያየት 👉 @afhasmen youtube.com/@gharuhira

Join @abuafnanmoh for exclusive youtubecomgharuhira and afhasmen content and discussions in 23

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (7 روز گذشته)

مجموع: 5.1K

رشد 24 ساعت: +0 0%

آخرین پست‌ها

Mohammed Ahmed Official

۲ خرداد ۱۴۰۵، ۱۵:۴۹

📷 Photo

በረመዷን ወር ደጃፌ ድረስ መጥታ ለአሥር ዓመታት የታመቀ የሕመም ብሶቷን በእንባ የዘረገፈችው የቲሟን አሚናት ሙሐመድ ዳውድን አስታወሳችኋት? ያኔ በጾም አንጀቷ ስትንሰቀሰቅ «ለዚህች ልጅ አባት እንሁናት» ብለን ሁላችንም እጃችንን እንድንዘረጋ ያደረገችው አፍላ ወጣት ናት።

አሚናት በደሴ ጦሳ ሆስፒታል የተሳካ የቀዶ ሕክምና ተደርጎላት ትላንት በሰላም ወደ ቤቷ ተመልሳለች። ለበርካታ ዓመታት በአጥንት ኢንፌክሽን ሲያሰቃያት የኖረው እግሯ ዛሬ ከሕመም ድኗል።

​በፊቷ ላይ የነበረው የሐዘንና የተስፋ መቁረጥ ደመና ተገፎ የሕይወት አዲስ ብርሃን ፈክቶባታል። ይህ ሁሉ የሆነው በእናንተ ደጋግ ወገኖቿ ማለቂያ የለሽ ደግነትና አጋርነት ነው። አላህ የመልካም ስራ ዋጋችሁን ያለ ገደብ ይክፈላችሁ!

749

Mohammed Ahmed Official

۲ خرداد ۱۴۰۵، ۱۵:۴۹

📷 Photo

ትናንት ከመግሪብ ሶላት በኋላ አንድ ክሎድ ማኬሌሊን የመሰለ ፕሮፋይል ፎቶ የተጠቀመ ሰውዬ በናይጄሪያ ቁጥር በዋትስ አፕ ደወለልኝ። ግራ እየተጋባሁ ስልኩን ሳነሳው በፈጣን የእንግሊዘኛ ቋንቋ እንዲህ አለኝ፦

«ዶክተር አሕመድ እባላለሁ። የምደውለው መቀመጫውን አዲስ አበባ ካደረገ አንድ ታዋቂ ኢስላማዊ ድርጅት ነው» አለኝ። ገና ትንፋሽ ሳልወስድ እንደ ጄት በፈጠነና ጆሮ በሚያደነቁር የእንግሊዘኛ ዘዬ ንግግሩን ቀጠለ፦ «ዛሬ ከምሽቱ 2:30 ላይ በዙም (Zoom) ስብሰባ ስላለን እንድትታደም እንፈልጋለን።»

የኔን «እሺ» ወይም «እምቢ» ምላሽ እንኳ ለመስማት ትዕግስት አልነበረውም። ወዲያውኑ ድምፁን ቀየር አድርጎ ትዕዛዝ መሰል መመሪያ ማውረድ ጀመረ፦ «አሁን ስልክህ ላይ ስድስት ሚስጥራዊ ቁጥሮች እልክልሃለሁ። በምልክልህ ሊንክ ተጭነህ ቁጥሮቹን አስገባቸው።» አለኝ።

ቁጥሮቹን ተመለከትኳቸው። ​ለተወሰኑ ሰከንዶች ጸጥ አልኩ። ጸጥታዬ ስላስፈራው «ሃሎ! ሃሎ! ሃሎ!» እያለ ይጮኽ ነበር። እኔ ግን መልስ አልሰጠሁትም። ይልቁንም ጣቴን በፍጥነት «Report» ወደሚለው ቁልፍ በመውሰድ ስልኩን ለዘለቄታው ብሎክ አደረግኩት። የክፋት በር ተዘጋ !

ለመሆኑ የጠየቀኝን «ባለ ስድስት አሃዝ» የሚስጥር ቁጥር ባስገባለት ኖሮ ምን ሊፈጠር ይችል ነበር? የእኔን የዋትስአፕ አካውንት ሙሉ በሙሉ በመቆጣጠር የተለመደ የ50,000 ብር ዘረፋ በስሜ ይጀምር ነበር። ሊበላ 😂

738

Mohammed Ahmed Official

۲ خرداد ۱۴۰۵، ۱۵:۴۹

https://www.facebook.com/share/p/19sGq5Zg1B/

661

Mohammed Ahmed Official

۲ خرداد ۱۴۰۵، ۱۵:۴۹

📷 Photo

ትናንት በብቸኝነትና በሕመም ስቃይ ውስጥ ለሚገኘው ለወንድማችን ከድር ኣደም ሰዒድ የሕክምና ወጪ የሚሆን 𝟓𝟎,𝟎𝟎𝟎 (አምሳ ሺህ) ብር ድጋፍ እንድታደርጉለት ጥሪ ማቅረባችን ይታወሳል። ሁሌም ቢሆን በበጎ ሥራ ለመሽቀዳደም የምትተጉና የሌላው ስቃይ የእኔም ነው ብላችሁ የምታስቡ ወዳጆቼ ባደረጋችሁት ፈጣንና ልባዊ ርብርብ፣ ለወንድማችን በአጠቃላይ 𝟗𝟎,𝟏𝟏𝟏 (ዘጠና ሺህ አንድ መቶ አስራ አንድ) ብር ገቢ ማድረጋችሁን…

742

Mohammed Ahmed Official

۲ خرداد ۱۴۰۵، ۱۵:۴۹

📷 Photo

በሥራው ታታሪ ለነበረው .. ዛሬ ግን በአስቸጋሪ ሕመም አልጋ ላይ ለወደቀው ወንድማችን ዓብዱልቃዲር ሰዒድ ሑሰይን የሕክምና ወጪ የሚሆን 𝟖𝟎,𝟎𝟎𝟎 (ሰማኒያ ሺህ) ብር ድጋፍ እንድታደርጉለት ትናንት ጥሪ ማቅረባችን ይታወሳል።

ሁልጊዜም ቢሆን በበጎ ሥራ ለመሽቀዳደም የምትተጉ... የሌላውን ስብራት ለመጠገን የምትሮጡ ውድ ወዳጆቼ፤ ባደረጋችሁት ፈጣንና ልባዊ ርብርብ ካቀድነው በላይ በአጠቃላይ
360,000 (ሦስት መቶ ስድሳ ሺህ) ብር ገቢ ማድረጋችሁን ስገልጽላችሁ በታላቅ ደስታ ነው።

ወንድማችን የተሻለ ሕክምና አግኝቶ ሙሉ ጤንነቱ ተመልሶ ወደ ሥራው እንዲሰማራና ለታዳጊ ልጆቹ እንዲተርፍ በዱዓችሁ እንድታግዙት በአክብሮት እንጠይቃለን።

https://www.facebook.com/share/p/1ELtUEuvwj/

720

Mohammed Ahmed Official

۲ خرداد ۱۴۰۵، ۱۵:۴۹

📷 Photo

ይህች ዓለም በአንድ ቅጽበት እና በአንዲት የዓይን ጥቅሻ ውስጥ ታበቃለች። ስትባዝንላትና ስትደክምላት የኖርከው ሁሉ ትርጉም ወደሌለው ባዶነት ይለወጣል። ያ ከእጅህ የማይለየው ስልክህ፣ ሌት ተቀን ስታወጣ ስታወርድ የነበሩት እቅዶችህ፣ ቁጣህ፣ ስጋትህ... ሁሉም በአንድ መስመር ላይ ይቋረጣሉ። «ያለ እኔ መኖር አይችሉም!» ብለህ ያሰብካቸው ሰዎች እንኳ ምንም እንዳልተፈጠረ ሕይወታቸውን እንደ ወትሮው በለመለመ ተስፋ ይቀጥላሉ።

​ያኔ... ዓለም በሮቿን ሁሉ ጭልጥ አድርጋ ስትዘጋብህ! ... «በእውነት አብሮኝ የሚቆየው ማን ነው?» ብለህ አንድ ቀን ራስህን ጠይቀህ ታውቃለህ?

​ለመሆኑ ያ ሁሉ ልብህን ያስጨነክበትና የሰላም እንቅልፍ የነሳህ ጉዳይ፣ ራስህንና ውስጣዊ እርጋታህን ልታጣለት የሚገባ ዋጋ ነበረውን? ያንተ የታሪክ መጽሐፍ ተጠቅልሎ ሲያበቃ፣ ዓለም ግን ለሌሎች እንደተከፈተች ትቀጥላለች። ሰዎች ይስቃሉ፣ ይተኛሉ፣ ይወጣሉ። ልክ ምንም እንዳልተፈጠረ ሁሉ በኑሯቸው ዑደት ውስጥ ይጠመዳሉ።

​እውነታው መራራ ቢሆንም ግልጽ ነው። ሕይወት በማንም ሰው ምክንያት አትቆምም። ያ ሰው ምንም ያህል ውድና ለልብ ቅርብ ቢሆን እንኳ። ስለዚህ ለዚህች ረጋፊና አላፊ ዓለም ብለህ ልብህን አታድክመው። አጭር ዕድሜህንም ሰውን ለማስደሰት በሚደረግ ከንቱ ጥረት አትጨርሰው። በመጨረሻ ከአንተ ጋር የሚቀረው የሠራኸው ሥራህ፣ የተውከው በጎ አሻራህና ለአላህ ያቀረብከው መልካም ተግባርህ ብቻ ነውና።

​ያለንበትን ቅጽበት በበጎነት እንኑረው። ምክንያቱም ነገ ለኛ ላይነጋ .. መጽሐፋችንም ላይከፈት ይችላልና !!

محمود الحسنات

901

Mohammed Ahmed Official

۲ خرداد ۱۴۰۵، ۱۵:۴۹

📷 Photo

595

Mohammed Ahmed Official

۲ خرداد ۱۴۰۵، ۱۵:۴۹

ወንድማችን ዓብዱልቃድር ሰዒድ ሑሰይን ይባላል። የሦስት ልጆች አባትና በስራው የማይታማ ብርቱ ባለሙያ ነው። ከአንድ ዓመት በፊት በጅቡቲ የምትገኘው ወላጅ እናቱ ታማ ጎዳና ላይ መውጣቷን ሰማ። ያኔ ዓብዱልቃድር ምንም ሳያመነታ ለዕለት ጉርሱ የሚጠቀምባቸውን የሥራ መሣሪያዎች አሟጦ በመሸጥ እናቱን ሊታደግ ወደ ጂቡቲ ተሰደደ። በጂቡቲ የማውቃቸው ወንድሞች ዓብዱልቃድር ጎዳና ላይ የወደቀች እናቱን አቅፎ በዕንባ ሲታጠብ የሚያሳይ ከሩቁ የተቀረጸ ቪዲዮ ላኩልኝ። ያ ተንቀሳቃሽ ምስል ልብ ይሰብር ነበር። በጂቡቲ ቆይታው በእጁ ያለውን ጥሪት ጨርሶ እናቱን ካረጋጋ በኋላ ባዶ እጁን ወደ ሀገሩ ተመለሰ።

​ያን ጊዜ ወደ ቀድሞ ሙያው እንዲመለስና ቤተሰቡን እንዲያስተዳድር በማሰብ ፣ ለቤት ማስዋቢያ እና ለፊኒሺንግ ሥራዎች የሚያስፈልጉ ቁሳቁሶች ድጋፍ እንዲደረግለት ማንነቱን ሳልገልጽ የእናንተን ደጅ ጠናሁ። የ83,000 ብር ድጋፍ እንድታደርጉለትም በዚህ መልኩ ጥሪ አቀረብኩላችሁ
👉 https://tinyurl.com/9ed4p5ss

ወዲያው የደጋጎች እጅ ደረሰለት። በደቡብ አፍሪካና በስዊዘርላንድ የሚኖሩ ሁለት ወንድሞች በድምሩ 108,030 ብር አበርክተው መሣሪያዎቹን በዚህ መልኩ ገዙለት።
👉 https://tinyurl.com/62tnmaxk

ዓብዱልቃድርም በባቲ ከተማና በአካባቢው ያሉ ቤቶችን እያሳመረ ለአንድ ዓመት በታማኝነትና በትጋት ሰራ። አንድ የታሪክ አጋዥና ተተኪ እንዲሆነውም ገና ለአካለ መጠን ያልደረሰውን የበኩር ልጁን አጠገቡ አቁሞ ሙያውን ያወርሰው ጥበቡን ያስተምረው ጀመር።

ዛሬ ግን ሕይወት መልኳን ቀየረች። ያ ብርቱ ጉልበት ከአልጋ ላይ ወደቀ። ተስፋው ተሰለበ። ሐኪሞች በሄፓታይተስ ቫይረስ መነሻነት በመጣ የቆየ የጉበት በሽታ (CLD) መያዙን አረጋገጡ። ዓብዱልቃድርም በእጁ ያለውን ጥሪት በሙሉ ለሕክምና ጨረሰ።

​ያ ሙያ እየቀሰመ የነበረው ታዳጊ ልጁ፣ ዛሬ መሣሪያዎቹን አንስቶ አባቱን መደገፍ አልቻለም። ዕድሜው አልፈቀደለትም። ጥበብ የፈሰሰባቸው የአባቱን እጆች እየተመለከተ ከማልቀስ ውጭ አማራጭ አጥቷል። ትናንት በደስታ ይስቅ የነበረው ቤት ዛሬ በጭጋግ ተውጧል። ልጆቹ የሚላስ የሚቀመስ አጥተው በአባታቸው የአልጋ ግርጌ ቁጭ ብለው መዳኑን በተስፋ ይጠባበቃሉ።

ወንድማችን ዓብዱልቃድርን ከአልጋ ለማስነሳትና የልጆቹን ዕንባ ለማበስ በአስቸኳይ 80,000 ብር ያስፈልገናል! ይህንን ቤተሰብ ከዳግም ስብራት እንታደገው። የእናንተ ጥቂት ስጦታ ለእነሱ ሕይወት ናት።

የመርጃ አካውንት

የኢትዮጵያ ንግድ ባንክ (CBE)፦
1000326800981

ስም፦ አብዱልቃድር ሰዒድ ሑሰይን
(ABDULKADIR SEID HUSSEN)

​ስልክ ቁጥር፦ 0933804267

689

Mohammed Ahmed Official

۲ خرداد ۱۴۰۵، ۱۵:۴۹

📷 Photo

በፊቱ ላይ የሚነበበው ድካም ካሜራው ከሚቀርጸው ምስል በላይ ጥልቅ ነው። አይኖቹ በሐሳብ ሩቅ ተሻግረዋል። አካሉ በሕመም እና በድካም ዝሏል። የምትመለከቱት ወንድማችን ከድር አደም ሰኢድ ይባላል። ሕይወትን በየቲምነት እና በብቸኝነት ሲጋፈጣት የኖረ ብርቱ ግን ደግሞ ዛሬ ረዳት የናፈቀው ምስኪን ወጣት ነው።

​«በእንቅርት ላይ ጆሮ ደግፍ» እንዲሉ፣ ያ የብቸኝነት ኑሮው ሳይበቃ ዛሬ ደግሞ ከባድ የጤና እክል ደጃፉን አንኳኩቷል። እንደ ቡና አተላ የጠቆረ ደም ሲያስታውክ የዋለው ከድር፣ በባቲ የመጀመሪያ ደረጃ ሆስፒታል ባደረገው ምርመራ ከላይኛው የምግብ መፈጫ ሥርዓት የሚመነጭ የደም መፍሰስ (𝐔𝐆𝐈𝐁) እንዳጋጠመው የሐኪሙ ሙያዊ መደምደሚያ ያሳያል።

ይህ ስጋት አስቸኳይ ምላሽ የሚሻ በመሆኑ፣ ደሙ የሚፈስበትን ትክክለኛ ቦታ ለይቶ ለማወቅና ሕክምና ለመጀመር 𝐄𝐧𝐝𝐨𝐬𝐜𝐨𝐩𝐲 ፣ 𝐏𝐞𝐫𝐢𝐩𝐡𝐞𝐫𝐚𝐥 𝐌𝐨𝐫𝐩𝐡𝐨𝐥𝐨𝐠𝐲 እና ሌሎችም ተጨማሪ ምርመራዎችና ህክምና ስለሚያስፈልገው በአስቸኳይ ወደ ደሴ ሪፈር ተጽፎለታል። ይህ ምርመራ ካልተደረገ የችግሩን ምንጭ በእርግጠኝነት ማወቅም ሆነ ተገቢውን ሕክምና መስጠት አስቸጋሪ ነው።

ከድር ደሴ ሄዶ ለመታከም ቀርቶ እጁን ይዞ ሆስፒታል የሚያደርሰው የኔ የሚለው የቅርብ ዘመድ የለውም። «ሰው ለሰው መድኃኒቱ ነው» በሚል መርህ አንድ በጎ አድራጊ ወንድሙ «በገንዘብ መርዳት ባልችል እንኳ ወስጄ አሳክመዋለሁ» ብሎ ጉልበት ቢሆነውም ለምርመራው ፣ ለሕክምናውና ለተያያዥ ወጪዎች የሚሆን 𝟓𝟎,𝟎𝟎𝟎 (አምሳ ሺህ) ብር በአስቸኳይ ያስፈልገዋል።

ለወንድማችን ተስፋ እንድትሆኑት እና የሕመም ስቃዩን እንድታቀልሉለት በአላህ ስም እንማጸናችኋለን።

​ስም፡ 𝐄𝐒𝐌𝐀𝐄𝐋 𝐀𝐁𝐃𝐔𝐋𝐀𝐇𝐈 𝐎𝐔𝐒𝐌𝐀𝐍

የንግድ ባንክ ቁጥር: 𝟏𝟎𝟎𝟎𝟐𝟒𝟔𝟖𝟓𝟕𝟗𝟔𝟔

ስልክ ቁጥር፡ +𝟐𝟓𝟏𝟗𝟏𝟏𝟎𝟔𝟓𝟗𝟒𝟖

Mohammed Ahmed Official

۲ خرداد ۱۴۰۵، ۱۵:۴۹

📷 Photo

ትናንት በብቸኝነትና በሕመም ስቃይ ውስጥ ለሚገኘው ለወንድማችን ከድር ኣደም ሰዒድ የሕክምና ወጪ የሚሆን 𝟓𝟎,𝟎𝟎𝟎 (አምሳ ሺህ) ብር ድጋፍ እንድታደርጉለት ጥሪ ማቅረባችን ይታወሳል። ሁሌም ቢሆን በበጎ ሥራ ለመሽቀዳደም የምትተጉና የሌላው ስቃይ የእኔም ነው ብላችሁ የምታስቡ ወዳጆቼ ባደረጋችሁት ፈጣንና ልባዊ ርብርብ፣ ለወንድማችን በአጠቃላይ 𝟗𝟎,𝟏𝟏𝟏 (ዘጠና ሺህ አንድ መቶ አስራ አንድ) ብር ገቢ ማድረጋችሁን ስገልጽላችሁ በታላቅ ደስታ ነው።

በእናንተ እርዳታና ዱዓ ታግዞ ወንድማችን ከድር ዛሬ ወደ ደሴ በማቅናት አስፈላጊውን ምርመራ እና ሕክምና መጀመሩን ላበስራችሁ እወዳለሁ። አላህ የጤናውን ካባ ይደርብለት ዘንድ በዱዓችሁ አስቡት።

ያደረጋችሁት መልካም ነገር ሁሉ ተባዝቶ ወደ እናንተ ይመለስ ከማለት ውጪ ሌላ መጨመር ቃላት ማባከን ነው። ለወንድማችን የሕይወት ተስፋ ለሆናችሁት፣ በገንዘብም ሆነ መልዕክቱን በማጋራት ለተባበራችሁን በሙሉ አላህ በቸርነቱ ይካሳችሁ።

994

Mohammed Ahmed Official

۱۹ اردیبهشت ۱۴۰۵، ۰۶:۲۷

📷 Photo

1,170

Mohammed Ahmed Official

۱۹ اردیبهشت ۱۴۰۵، ۰۶:۲۷

በጋዛ ፍርስራሾችና ጠባብ መንገዶች መካከል በእግር እየተጓዝኩ ሳለ ድንገት አንድ ድምፅ የነፍሴን በር አንኳኳው። አዛውንቱ በገዛ ቤታቸው ደጃፍ ላይ ቆመው በረቂቅና ጥልቅ ስሜት የታጀበውን የአዛን ድምፅ ወደ ሰማይ ይረጩታል። ድምፃቸው ካለው ኃይል የተነሳ በአቅራቢያው የሚገኝ መስጂድ ያለ መስሎኝ ነበር። ነገር ግን ወደ እሳቸው ጠጋ ስል ያየሁት ነገር አስገረመኝ። «ይህ እኮ ቤቴ ነው፤ በየሶላቱ ሰዓት በደጃፌ ላይ ቆሜ አዛን አሰማለሁ» አሉኝ።

​«ለምን እንዲህ ያደርጋሉ?» ስል በግርምት ጠየኳቸው። ​እርሳቸውም በትዝታ ባህር ውስጥ እየዋኙ እንዲህ ሲሉ መለሱልኝ፦

​«በመካከለኛው ጋዛ በሚገኘው ታሪካዊው የየርሙክ መስጂድ ውስጥ ለ40 ተከታታይ ዓመታት ሙአዚን ነበርኩ። ከዚያም ያ አስከፊ ጦርነት መጣና መስጂዱን አፈራረሱት። ጦርነቱ ቢቆምም እኔ ግን ያለ አዛን መኖር አልቻልኩም። አዛን ማለት በደም ስሮቼ ውስጥ የሚዘዋወር ህይወቴ ነው። አሁን በዚህ ሁኔታ በቤቴ ደጃፍ ላይ ቆሜ አዛን የማደርገው፣ በልቤ ውስጥ የሚነደውን የናፍቆት እሳት በጥቂቱም ቢሆን ለማቀዝቀዝ ብዬ ነው።»

​«ለመሆኑ መስጂዱ መውደሙን ሲሰሙ ምን ተሰማዎት?» ስል በድጋሚ ጠየኳቸው። የድሮ ትዝታቸው ፊታቸው ላይ እያለፈ፣ አይኖቻቸው በእንባ እያቀረሩ ለጥቂት ጊዜ ዝም አሉና እንዲህ አሉ፦

​«በአላህ እምላለሁ! ነፍሴ ከሥጋዬ የተለየች ያህል ነው የተሰማኝ፤ ኧረ እንዲያውም ከዚያ በላይ! ልቤ ከመስጂዱ ጋር የነበረው ቁርኝት እጅግ ረቂቅ ነበር። እንዲያውም የገዛ ቤቴ ፈርሶ መስጂዱ ላይ ቅንጣት ታህል ጉዳት ባይደርስ እመርጥ ነበር።»

በዚያ ቅጽበት የነብዩ ሙሐመድን (ﷺ) ታላቅ ንግግር አስታወስኩ፦ «ልቡ ከመስጂድ ጋር የተሳሰረ ሰው...» የሚለውን። ነብዩ ሙሐመድ (ﷺ) ይህን ሲሉ ምናልባትም እንደነዚህ ያሉትን ብርቅዬ አዛውንት ማለታቸው ይሆን? የሚል ሀሳብ በአእምሮዬ ተመላለሰ።

አላህ ዘለግ ያለ ዕድሜ እና ጤና ይለግሳቸው። ከመስጂዳቸው በመለየታቸው ለቆሰለውና ለናፈቀው ልባቸውም ሰላሙንና መጽናናቱን ያውርድላቸው።

جهاد حلس

1,600

Mohammed Ahmed Official

۱۹ اردیبهشت ۱۴۰۵، ۰۶:۲۷

📷 Photo

1,300

Mohammed Ahmed Official

۱۹ اردیبهشت ۱۴۰۵، ۰۶:۲۷

📷 Photo

ዓለምን ለማየት ዐይን ወይስ ልብ ይቀድማል? ​ገና በሰባት ቀን ዕድሜው የጠፋው የዐይን ብርሃን፣ ዛሬ በጨለማው ግርማ ውስጥ የነፍስ ጧፍ ሆኖ ነዷል። ይህ ወጣት ምስልን ሳይሆን ትርጉምን፣ ቀለምን ሳይሆን ፅናትን የሚሰብክ የሕይወት ፍልስፍና ነው። ዛሬም ደጋግ እጆቻችሁን ለዚህ ፅኑ ወጣት እንደምትዘረጉ ተስፋ በማድረግ፣ የድልና የፅናት ታሪኩን ይዤላችሁ መጥቻለሁ። ቆም ብላችሁ ተመልከቱት! ​ለድጋፍ፦ ABDUREHIMAN…

1,900

Mohammed Ahmed Official

۱۹ اردیبهشت ۱۴۰۵، ۰۶:۲۷

ለብርቱው ወንድማችን ዐብዱረሕማን፤ የፈረስ ማደሪያ የነበረውን ስፍራ ወደ ሰው መኖሪያነት ለመለወጥ 450,000 ብር እንደሚያስፈልገን የጠየቅነው ድጋፍ ፍሬ እያፈራ ነው። የደግነታችሁ ውጤት 310,000 ብር ደርሷል! አሁን የቀረችንን 140 ሺህ ብር እንደማንኛውም ቀን ሳይሆን በዚህ ወርቃማ ወር በመሰብሰብ በወንድማችን ልብ ውስጥ ደስታን እንድናሰርጽ ጥሪዬን አቀርባለሁ። በነገራችን ላይ... «ሙሐመድ፣…

2,160

Mohammed Ahmed Official

۱۹ اردیبهشت ۱۴۰۵، ۰۶:۲۷

📷 Photo

ለወንድማችን አብዱረሕማንና ለምስኪን ቤተሰቦቹ መጠለያ የሚሆን ቤት ለመገንባት፣ የ450,000 ብር የድጋፍ ጥሪ ማቅረባችን ይታወሳል። ይሁን እንጂ የናንተ ቸርነትና ለሰው ልጅ መቆርቆር ድንበር የለውምና፤ ባደረጋችሁት አስገራሚ ርብርብ በአጭር ጊዜ ውስጥ 590,804 (አምስት መቶ ዘጠና ሺህ ስምንት መቶ አራት) ብር ለመሰብሰብ ችለናል!

​ይህ ቁጥር ገንዘብ ብቻ አይደለም። የሺዎች ልቦች ለአንድ ምስኪን ወንድማቸው የሰጡት ፍቅር፣ የቸሩት ተስፋና የዘረጉት የምርኩዝ እጅ ውጤት ነው። በሰው ልብ ውስጥ ደስታን መዝራትና የሌላውን ጭንቀት መጋራት ከላይ የተሰጣችሁ ልዩ ጸጋ መሆኑን ዳግመኛ አረጋግጣችኋል።

​​እኛም በገባነው ቃል መሠረት፣ ያንን የፈረሶች ማደሪያ የነበረ ቦታ ወዳማረ የሰው ልጅ መጠለያነት የምንቀይርበትን ሥራ ዛሬውኑ እንጀምራለን። አብዱረሕማንና ልጆቹ በገዛ ቤታቸው ጣራ ሥር ሆነው፣ የደስታ እንባ እያፈሰሱ እናንተን የሚያመሰግኑበት ቀን እጅግ ቅርብ ነው - ኢንሻአላህ።

​ከጨለማው ጀርባ ብርሃን ለፈነጠቃችሁ፣ የአብዴን ዓለም ላበራችሁ በሙሉ አላህ ብርሃናችሁን ያብራ!

1,670

Mohammed Ahmed Official

۱۹ اردیبهشت ۱۴۰۵، ۰۶:۲۷

የተቀላቀለ ሥሜት

ትላንት በዚህ ስፍራ የሲቃ ድምጿን አውጥተን፣ «ለዚች የቲም አባት እንሁናት!» ብለን ተማጽነን ነበር። ዛሬ ደግሞ የሕሊናችሁ ደግነት የፈጠረውን ተአምርና በክፋት የታወረ አንድ «የሰው ጅብ» የፈጸመውን እኩይ ተግባር ይዤላችሁ ቀርቤያለሁ።

ከትላንት ማታ ጀምሮ አሚናት ወደ አካውንቷ እንደ ዶፍ ዝናብ እየተከታተለ የሚወርደውን ገንዘብ ስትመለከት በሁኔታው ግራ ተጋባች። በሰዓታት ልዩነት ውስጥ የተፈጠረው ተአምር አልዋጥላት ቢላት፣ በተደጋጋሚ ስልክ እየደወለች ከቁጥጥር የወጣ ደስታዋን በለቅሶ የታጀበ ድምፅ ገለጸችልኝ።

​❝አባቴ ባለመኖሩ የሚሰማኝን ባዶነትና ስቃይ በውስጤ አምቄ፣ ስንት ሌሊቶችን በእንባ አሳልፌያለሁ። ዛሬ ግን እናንተን የመሰሉ ደጋግ ወገኖችን ስመለከት፣ አባቴ ከመቃብር ተነስቶ ምርኩዝ የሆነኝ ያህል ተሰማኝ❞ አለችኝ።

​ዛሬ የአሚናት ፊት በደስታ ፈክቷል፤ ለአሥር ዓመታት በሕመም የጠቆረው ተስፋዋ በፈገግታ ደምቋል። እስካሁን ባደረጋችሁት ታላቅ ርብርብ በአሚናት አካውንት ውስጥ 410,250 (አራት መቶ አሥር ሺህ ሁለት መቶ ሃምሳ) ብር ገቢ ሆኗል! አላህ የደግነት ዋጋችሁን ይክፈላችሁ።

የክፋት ጥቁር ጥላ
✔️✔️✔️✔️✔️

​ዛሬ ረፋድ ላይ ግን፣ ሕሊናውን ለዲያብሎስ የሸጠ፣ ሰው ተብሎ መጠራት የማይገባው አንድ «እንብርት የሌለው የሰው ጅብ» በአሚናት የቲምነት ላይ ሌላ ቁስል አክሏል። ወንጀለኛው ከዚህ በታች በተቀመጠው የሳፋሪኮም ስልክ ቁጥር በመደወልና የማታለያ ስልት በመጠቀም፣ የልጅቷን የዋህነት ተጠቅሞ በሦስት ዙር 36,000 (ሰላሳ ስድስት ሺህ) ብር ከአካውንቷ ላይ በመዝረፍ ስልኩን ዘግቶ ተሰውሯል።

የባንኩ ዕለታዊ የገንዘብ ዝውውር ገደብ (Daily Limit) ባይገድበው ኖሮ፣ የወገኖቿን የፍቅር ስጦታ ሙልጭ አድርጎ በመውሰድ አሚናትን ለሁለተኛ ጊዜ ከባድ ስቃይ ላይ ይጥላት ነበር።

​ሌባው ለመደወል የተጠቀመበት ስልክ፦ +251723035262

ይህ የፈሪ ተግባር ዝም ተብሎ የሚታለፍ አይደለም። የቲምን እንባ የዘረፈ፣ የአቅመ ደካማን ተስፋ የበላ ወንጀለኛ በህግ ፊት መጋለጥ ስላለበት ለሚመለከታቸው አካላት ሪፖርት አድርገናል።

አሚናት ዛሬም በደግነታችሁ ጥላ ስር ናት። የዘረፋት ሌባ ሊሰርቃት የሞከረው ገንዘቧን ብቻ ሳይሆን ተስፋዋን ነበር። ነገር ግን እኛ እንደ አባት ከጎኗ እስከቆምን ድረስ ክፋት መልካምነትን አያሸንፍም !!

2,130

Mohammed Ahmed Official

۱۹ اردیبهشت ۱۴۰۵، ۰۶:۲۷

ዓለምን ለማየት ዐይን ወይስ ልብ ይቀድማል? ​ገና በሰባት ቀን ዕድሜው የጠፋው የዐይን ብርሃን፣ ዛሬ በጨለማው ግርማ ውስጥ የነፍስ ጧፍ ሆኖ ነዷል። ይህ ወጣት ምስልን ሳይሆን ትርጉምን፣ ቀለምን ሳይሆን ፅናትን የሚሰብክ የሕይወት ፍልስፍና ነው። ዛሬም ደጋግ እጆቻችሁን ለዚህ ፅኑ ወጣት እንደምትዘረጉ ተስፋ በማድረግ፣ የድልና የፅናት ታሪኩን ይዤላችሁ መጥቻለሁ። ቆም ብላችሁ ተመልከቱት!

​ለድጋፍ፦

ABDUREHIMAN MOHAMMED YIMER

CBE: 1000741021928

Mobile: +25192284809

👇👇👇

https://www.facebook.com/share/v/1GWKY6niDP/

1,330

Mohammed Ahmed Official

۱۹ اردیبهشت ۱۴۰۵، ۰۶:۲۷

📷 Photo

https://vt.tiktok.com/ZSa58NB6X/

1,170

Mohammed Ahmed Official

۱۹ اردیبهشت ۱۴۰۵، ۰۶:۲۷

ዛሬ በረመዷን ወርቅማ ቀናት፣ ከአክብሮትና ከፍቅር በላይ ስፍራ ካለኝ መምህሬ ከሸይኽ አሕመድ ሙሐመድ አወል ጋር በመሆን፣ በአውላ ቱር ኤንድ ትራቭል (Awla Tour & Travel) የረመዷን የጉዞ መርሃ-ግብር አማካኝነት፣ በመስጂደነበዊ ቅጽር ግቢ ውስጥ የተራዊሕን ሶላት በጋራ የመስገድ ታላቅ ዕድል ገጥሞናል።

ላለፉት አራት አስርት ዓመታት በኪታብና በወረቀት ላይ ሲያነቡት፣ ሲያስተነትኑትና ለትውልድ ሲያስተምሩት የኖሩትን ያንን ታላቅ ታሪክ፣ ዛሬ በአካል ተገኝተው በዐይናቸው ሲመለከቱት፣ በዕድሜ ጠገብ ጉንጮቻቸው ላይ የእንባ ዘለላዎች ይወርዱ ነበር።

ለአርባ ዓመታት ትውልድን በእውቀትና በሥነ-ምግባር የገነቡት እኚህ የ80 ዓመት የዕድሜ ባለጸጋ፣ የዓለማቱ እዝነትና የከውኑ ጀንበር (ሰ.ዐ.ወ) ባረፉባት የመዲና ምድር ላይ በመገኘታቸው የተሰማቸው ሐሴት ወሰን የለውም። በዕውቀት የሸበቱት አባት፣ ከናፍቆትና ከፍቅር የተጋመደው የደስታ እንባቸው ቀልብ ይገዛ ነበር።

1,280

Mohammed Ahmed Official

۱۹ فروردین ۱۴۰۵، ۰۵:۰۸

📷 Photo

1,550

Mohammed Ahmed Official

۱۶ فروردین ۱۴۰۵، ۱۰:۲۶

📷 Photo

1,850

Showing 22 of 22 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

Mohammed Ahmed Official

Mohammed Ahmed Official

رتبه‌بندی

رشد مشترکان (7 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

خابر

یام‌یام‌ پروکسی | کانفیگ proxy | VPN | v2ray

قناة الشيخ عبدالحميد الحَجُوري الزُّعكُري

نافذة على روسيا

جماران

قناة روس كونغرس

ملفات حسوم

الشيخ محمد العكلوك - القناة الرسمية

کانال‌های تلگرام مرتبط

خابر

یام‌یام‌ پروکسی | کانفیگ proxy | VPN | v2ray

قناة الشيخ عبدالحميد الحَجُوري الزُّعكُري

نافذة على روسيا

جماران

قناة روس كونغرس

ملفات حسوم

الشيخ محمد العكلوك - القناة الرسمية

نظرات کاربران (0)

آخرین پست‌ها