هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
مرات نحس روحنا متغيرين من شخص لشخص، نتصرف ويا واحد بطريقة تخليك ما تعرف نفسك، ومن تصير ويا واحد ثاني، فجأة تطلع أحلى نسخة منك. مو لأنك عندك ازدواج بالشخصية أو متقلب بالمشاعر، بس لأنك تعيش انعكاس للناس اللي تتعامل وياهم.
لما تكون ويا شخص أناني، ما يقدرك، يقلل منك، ويحملك أكثر من طاقتك، راح تشوف روحك تتصرف بطريقة ما تعجبك، تصير عصبي، دفاعي، أو حتى بارد. مو لأنك هالشكل، بس لأنه فرض عليك جو يجيب أسوأ ما بيك، كأنما خلاك تطلع على مرآة مشوشة، كلها غبار وأوساخ، تشوه صورتك.
أما من تتعامل ويا شخص طيب، يفهمك ويغفر لك أخطاءك، يعاملك بحب واحترام، فجأة تطلع أحلى نسخة منك. تصير هادئ، مرتاح، وتعبر عن نفسك بدون خوف. ليش؟ لأن هذا الشخص قدم لك مرآة نظيفة، تعكس صورتك الحقيقية وتذكرك بجمال روحك.
الفكرة بسيطة: إحنا انعكاس للناس اللي حوالينا. الشخص اللي روحه نقية ويعاملك بلطف راح يطلع أحسن ما بيك، بينما الشخص اللي يتعامل وياك بسوء راح يخليك تشوف نسخة مو حقيقية منك. المراية النضيفة تعكسك واضح، أما الوسخة تخرب صورتك.
• حسين قيس
1,400
0
0
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
الإمام الحسين (عليه السلام) ليس مجرد شخصية مرت في التاريخ أو قائد ثار ضد الظلم، بل هو مدرسة إلهية عميقة، تلهمنا معاني العلاقة مع الله، وتعيد تشكيل فهمنا للحياة والغاية منها.
عندما قال: “إلهي ماذا وجد من فقدك؟ وما الذي فقد من وجدك؟”، كان يرسم لنا خارطة طريق واضحة لا لبس فيها. هذه الكلمات ليست مجرد تعبير عن الإيمان، بل هي دعوة للتفكر في عمق علاقتنا مع الله.
من فقد الله، فقد كل شيء. قد يبدو له أنه يملك الدنيا، لكنه في حقيقته يعيش في فراغ روحي لا يملؤه مال أو جاه أو سلطة. إن فقدان الله يعني فقدان الطمأنينة، فقدان البوصلة التي توجه الحياة، والانغماس في زيف الحياة دون إدراك لحقيقتها.
أما من وجد الله، فإنه يمتلك كل شيء، حتى لو كان لا يملك شيئًا من متاع الدنيا. لأن القلب الذي يسكنه الله لا يعرف الخوف، ولا ينحني لظالم، ولا يضعف أمام المصاعب. من وجد الله، وجد الحياة الحقيقية، وأدرك أن القوة تكمن في العبودية له وحده، لا في مظاهر الدنيا.
الحسين (عليه السلام) لم يكن شخصًا يتحدث عن هذه المفاهيم فقط، بل عاشها بكل تفاصيلها. كان يعلم أن الصلة بالله هي أساس كل شيء، وأنها القوة التي تمنح الإنسان القدرة على الوقوف في وجه الطغيان مهما كان الثمن.
كربلاء لم تكن مجرد ساحة معركة، بل كانت مشهدًا تتجلى فيه المعاني الإلهية بأبهى صورها. الحسين لم يكن يقاتل من أجل غاية دنيوية، بل من أجل الحفاظ على النور الإلهي الذي كاد أن يُطفأ تحت ظلام الظلم والانحراف.
هذه الكلمات ليست مجرد عِبرة تُقرأ، بل هي طريق يُسلك. من يتأمل في معناها بصدق يدرك أن العلاقة مع الله ليست خيارًا، بل هي أساس الحياة التي تحمل معنى. والحسين، بموقفه وكلماته ودمائه التي سالت على أرض كربلاء، ترك لنا إرثًا خالدًا يدعونا لنسأل أنفسنا: أين نحن من هذه العلاقة؟ وهل وجدنا الله أم أننا لا زلنا تائهين في البحث؟
سلامٌ عليك يا أبا عبد الله، يوم ولدتَ، ويوم استشهدتَ، ويوم تُبعث حيًا، معلّمًا لكل الأجيال كيف يكون الارتباط بالله طريقًا إلى الحرية، والنصر، والحياة الأبدية.
• حسين قيس
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
صاير أضوج حيل من هذولي الناس اللي كل تفكيرهم شلون يلفتون الانتباه، حتى لو كان بأسلوب مزعج وفارغ. تحسهم ما يعرفون يعيشون بدون ما يسببون ضجة، كأن وجودهم مرتبط بالثرثرة والصجة اللي ما بيها أي فائدة. يعجبني الإنسان الهادئ، اللي حضوره بسيط بس ثكيل بمعناه، الشخص اللي ما يحتاج يرفع صوته حتى يفرض وجوده، مجرد ما يحچي، كلامه يدخل للقلب بدون استئذان، يخليك تكول بداخلك "الله، هذا الحچي الحلو اللي ينسمع".
أما بعض البنات مؤخرًا، فحيروني بصراحة، سوالفهم كلها سطحية، جدال ماله معنى، وقصص ما تجيب غير الصداع. ما أدري ليش البعض يحب يحچي لمجرد الحچي، بدون لا فكرة ولا فائدة، بس إزعاج وخلاص.
وبس يبعد العيون.
1,550
0
0
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
من تباوع للإنسان مو بس بوجهه وشكله، إنما بجوهره وروحه، وتشوف الجمال الحقيقي بيه بعيد عن أي رغبة وقتية، ساعتها مشاعرك تصير نقية وما بيها أي تكلّف. ومن تقدر تتفاعل وياه مو بس من يكون مرتاح وفرحان، وإنما بحزنه وتعبه وضعفه، وتفهم ظروفه بدون ما تحكم عليه، راح يصير التفاهم بينكم عميق. هذا الفهم العفوي، بدون تصنع، هو اللي يخلق أقوى رابطة، وهو السر اللي يخليك تمتلك روحه بحب صادق ما يختنك بمرور الوقت.
وبس يبعد العيون
1,620
0
0
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
فائدة حظر الأشخاص
من خلال تجربتي بالحياة، وصلت لقناعة إنه أكو ناس وجودهم بحياتك ما يضيف شي إيجابي، بالعكس ممكن يسببونلك توتر أو ياخذون من طاقتك النفسية بدون داعي. لهذا السبب مرات الحظر يكون حل منطقي وصحي، مو لأنه نكرههم، لكن لأنه نحب نفسنا ونريد نحمي راحتنا.
حماية الراحة النفسية
أكو ناس ممكن تصرفاتهم أو كلامهم يسببونلك ألم أو يخلونك تفكر بأمور ما بيها فايدة. بالنسبة إلي، بعد فترة من التفكير قررت أحط حد لهذا الشي، والحظر كان هو الحل. مو لأن عندي مشكلة وياهم، بس لأنه وجودهم كان يخليني أعيش بمشاعر سلبية ما أحتاجها.
سد الأبواب اللي ما بيها فايدة
من الطبيعي إنه الإنسان يتعلق بأشياء أو ناس من الماضي، حتى لو هالشي ما يضيفله أي قيمة. من تجربتي الشخصية، الحظر كان مثل خطوة لسد باب مفتوح على شي ما يفيدني. صحيح القرار مو سهل بالبداية، بس بعد فترة تحس إنه حياتك صارت أنظف وهادية أكثر.
التركيز على المستقبل
ما نكدر نمشي للأمام إذا نظل نرجع للماضي. لما قررت أترك قصة معينة وحظرت الشخص المرتبط بيها، حسّيت كأني رفعت حمل كبير من على ظهري. هذا الشي خلاني أركز على أولوياتي مثل دراستي، تطوير نفسي، وبناء علاقات أفضل.
اختيار الناس الصح
الحظر ما يعني إنك تكره شخص، لكنه قرار حتى تحيط نفسك بناس يدعموك ويضيفونلك شي إيجابي. مو كل إنسان يدخل بحياتك لازم يبقى بيها للأبد. مرات الحظر هو خطوة تنطي نفسك فرصة تبني حياة أحسن بدون أي تأثير سلبي.
الخلاصة
حظر الأشخاص ما يعني ضعف أو تهرب، بالعكس، هو قوة ووعي. بالنسبة إلي، الحظر كان خطوة ساعدتني أكون مرتاح نفسيًا وأركز على الأمور اللي تستحق وقتي واهتمامي. الحياة قصيرة، وعلينا نختار الناس اللي يشاركونا بيها بحكمة.
• حسين قيس
2,510
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
📷 Photo
فائدة حظر الأشخاص من خلال تجربتي بالحياة، وصلت لقناعة إنه أكو ناس وجودهم بحياتك ما يضيف شي إيجابي، بالعكس ممكن يسببونلك توتر أو ياخذون من طاقتك النفسية بدون داعي. لهذا السبب مرات الحظر يكون حل منطقي وصحي، مو لأنه نكرههم، لكن لأنه نحب نفسنا ونريد نحمي راحتنا.…
2,010
0
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
الحياة علمتني إنو ماكو شي يجيك ببلاش، كل شي إله ثمن تدفعه، لو بفلوس، لو بجهدك، لو بعمرك. إذا تريد تتعلم، لازم تضيع ساعات من وقتك وتبذل جهد. إذا تريد نجاح، لازم تضحي براحتك وبمتعتك. حتى العلاقات اللي تحسها صافية ونقية، بيها ثمن، مرات تدفعه بصبرك، أو بتنازلك عن بعض الأمور.
الحياة عبارة عن ميزان، تاخذ شي وتترك مقابله شي ثاني. مثل ما تزرع تحصد، وإذا ما تعبت، مستحيل توصل لشي يستحق. شوف الناس اللي صاروا ناجحين، وراهم تعب سنين وضحوا بأشياء هواية، يمكن تركوا أهاليهم، يمكن سهِروا ليالي، يمكن تحملوا كلام الناس.
حتى الحب، اللي نقول إنه مجاني، همين إله ضريبة. لازم تبذل اهتمام، وقت، تفهم، وممكن تتنازل عن غرورك. إذا ما سويت هالشي، العلاقة تنهار.
الدنيا ما تنطيك شي بالمجان، وإذا حسيت بشي جايك بسهولة، غالباً أكو واحد ثاني دفع الثمن بدالك. يعني حتى النعم اللي إحنا بيها، أكو أهلنا تعبوا وضحوا حتى يوفروا لنا حياة زينة. الفكرة إنه لازم نكون واعين، ما نطلب من الحياة أكثر مما نعطيها، لأن كل شي محسوب، وكل خطوة إلك وراها حساب.
الخلاصة: إذا تريد شي حقيقي وقيم، لازم تكون مستعد تدفع ثمنه، وأحياناً الثمن يكون أكبر مما تتوقع.
• حسين قيس
1,500
0
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
من وجهة نظري، المثقف الحقيقي هو الإنسان الذي بلغ أسمى مراتب الفهم والإدراك، ليس فقط من خلال الاطلاع السطحي أو القراءة العابرة، بل عبر التعمق في الموروث الفكري والروحي لأعظم منارة علمية وروحية عرفها التاريخ، وهم أحفاد النبي الأكرم محمد (صلى الله عليه وآله)، الأئمة الاثنا عشر (عليهم السلام). هؤلاء العظماء لم يكونوا مجرد شخصيات تاريخية، بل كانوا مشاعل هداية، ورسل حكمة، وأساتذة في شتى علوم الدين والدنيا.
عندما ننظر إلى إرثهم، نجد أنهم تناولوا أدق التفاصيل وأعظم القضايا، في الدين والفلسفة، الأخلاق والاجتماع، وحتى في العلوم الطبيعية والسياسية، مما يجعل علمهم ثروة لا يمكن حصرها في زمن أو مجال. وفي مقدمة هؤلاء العظماء يأتي الإمام علي بن أبي طالب (عليه السلام)، الذي يُعد منبع البلاغة وركن الحكمة. كلماته لم تكن مجرد أقوال عابرة، بل قواعد تأسيسية للفكر العميق والرؤية البصيرة، حيث جمع بين الإيمان الراسخ والعقل المتقد، وبين الحكمة الروحية والفهم الواقعي للحياة.
إن قراءة كلماتهم وتأمل معانيها تعني الوصول إلى جواهر المعرفة والاقتراب من أعماق الحقائق. ففكرهم لم يكن محصورًا بزمانهم، بل تجاوز ذلك ليصبح مرجعًا خالدًا لكل إنسان يبحث عن الحقيقة.
أما الجاهل الحقيقي، فهو من أعرض عن هذا النور الواضح، واكتفى بما هو سطحي وعابر من معارف الدنيا، دون أن يتوقف عند تلك الدرر النفيسة التي تركها لنا الأئمة (عليهم السلام). إنه من اختار أن يبقى في ظلمات الجهل، رغم وجود مصابيح الهداية التي تنير له الطريق.
• حسين قيس
1,270
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
الحياة مرات تفرض علينا مواقف أو قرارات ما نكون فاهمين الحكمة وراها، بس الله سبحانه وتعالى يوضحها لنا من خلال آياته وخلقه. من الآيات اللي توضّح هالشي، قوله تعالى: "والخبيثات للخبيثين والخبيثون للخبيثات، والطيبات للطيبين والطيبون للطيبات". معناها إن الإنسان الطيب يستحق شريك يشبهه بالطيبة والنقاء، وما ممكن يجتمع بطبيعة الحال مع شخص ما يتناسب وياه بالقيم والأخلاق.
ورب العالمين يبين هذا الأمر مرة ثانية بآية ثانية: "والبلد الطيب يخرج نباته بإذن ربه، والذي خبث لا يخرج إلا نكدا". الفكرة هنا إنه مثل ما الأرض الطيبة تنتج خير، واللي خبيثة ما تطلع منها إلا نتائج تعبانة، نفس الشي بالنفوس والناس.
إذا انتَ طيب، نيتك صافية وما تخدع ولا تخون، الله ما يسمح إنك تكون مع شخص ما يناسب قدرك، ولا مع إنسان بعيد عن صفاتك. وإذا صار ظرف وجمعتكم علاقة، وما كان الطرف الثاني طيب، النتيجة تكون واضحة ومؤقتة، لأن الحقيقة لازم تظهر بالنهاية. حتى لو استمرت العلاقة فترة، راح تنتهي لما يتبين الخلل لأن الطيب والخبيث مستحيل يستمرون معاً.
فالمقصود هنا، أي قرار أو ظرف يبعدك عن شخص معين هو لطف من الله وحكمة كبيرة. مو لأنك أقل أو لأنك تستحق الحزن، بل لأن الله يريدلك الخير ويختار لك شخص يشبه قلبك الأبيض ونواياك النقية. الله ما يريدك تعيش مع شخص بعيد عن طبعك وأخلاقك.
لهذا، ثق بالله، واطمئن. كل شي يصير بحياتك اليوم هو خطوة نحو الأفضل، حتى لو ما بان لك الآن.
• حسين قيس
1,310
0
Hussein Al-Qais | حسين القيس
۹ اردیبهشت ۱۴۰۵، ۱۳:۰۶
من 24/11/2023 إلى 24/11/2024، كانت سنة مليانة تغييرات وتحديات صنعت فرق بحياتي. تعلمت شلون أرتب وقتي وأوازن بين الراحة والشغل، وركزت على بناء نفسي بعيدًا عن أي أمور ما تضيف لي. قدرت أتخلى عن قصص كانت تستهلكني وركزت أكثر على المستقبل.
هالسنة طورت شغفي بالمونتاج والتصوير، وكنت أبحث دائمًا عن خطوات بسيطة لكن ثابتة لتطوير مهاراتي. يومي صار أكثر تنظيمًا وصرت أقدر أخصص وقت للأشياء اللي تهمني فعلًا.
رغم كل التحديات، هالسنة خلتني أفهم نفسي أكثر وأركز على الأشياء اللي تستحق. الحمد لله على كل شيء، وأتمنى السنة الجديدة تكون مليانة خير وبدايات أجمل.
