Dn Abel Kassahun Mekuria

Public

مشاهده کانال

نمی‌توانید بپیوندید؟ @Dnabel

۱۸.۶k عضو

به‌روزرسانی شده: May 4, 2026 at 5:57 AM

Dn Abel Kassahun Mekuria

ይህ ኦርቶዶክሳዊ የሆኑ የተለያዩ ትምህርቶችን የሚያገኙበት በባለቤቱ የተከፈተ ቻነል ነው። ይወዳጁን ለፌስቡክ ገጽ https://www.facebook.com/AbelKassahunMekuria12?mibextid=ZbWKwL ለyoutube https://youtu.be/s6Cn-jMYjrk?si=Tw7lXr62xkGQtL9_ ለInstagram https://www.instagram.com/abelkassahunm?igsh=OW

Join @Dnabel for exclusive youtube and httpswwwinstagramcomabelkassahunmigshow content and discussions in 23

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (3 روز گذشته)

مجموع: 18.6K

رشد 24 ساعت: +0 0%

آخرین پست‌ها

Dn Abel Kassahun Mekuria

۸ اردیبهشت ۱۴۰۵، ۱۴:۵۰

📷 Photo

ሥጋዊ ኃይልና ጉልበት በሕመም ይደክማል። ጽኑዕ ደዌ ብርቱ ክንድን ልምሾ ያደርጋል። የታጠከው የጉብዝና ኃይል በእድሜህ አመሻሽ ይፈታል። ደዌ የማያደክመው እድሜ የማያጠፋው ጉልበት "ኃይለ እግዚአብሔር" ነው። ብዙ ድንቅ ያደረጉና የዓለምን አስፈሪ ነገሮች የታገሉ ታላላቅ ቅዱሳንን ተመልከት። እንደ ቅዱስ ቂርቆስ ያሉ ሰውነታቸው ያልጸና ሕፃናትን፣ እንደ ቅዱስ ጳውሎስ በራስ ምታት፣ በጎን ውጋትና በቁስል የሚሰቃዩ የደዌ ሰዎችን፣ ከአናብስት ጋር እንደ ተፋለመው ቅዱስ አግናጥዮስ ያሉ አረጋውያንን ታያለህ። የተሻለ እንዳገለግል ይህ ደዌ ቢርቅልኝ፣ ጉልበቴ ቢመለስልኝ አትበል። የሰውነትህ ድካም በአንተ የሚሠራውን የእግዚአብሔርን ኃይል ሊያስቆመው አይችልም። ዓለምን በወንጌል ያጠመቀው እና ከሁሉ ይልቅ የደከመው ሐዋርያ ታማሚው ጳውሎስ መሆኑን አትርሳ።

+++ "አቤቱ ጕልበቴ ሆይ፥ እወድድሃለሁ" መዝ 18፥1 +++

ዲያቆን አቤል ካሳሁን

https://youtube.com/channel/UCRvatZyeFOJtXnAjZSOdrZg

4,900

214

Dn Abel Kassahun Mekuria

۸ اردیبهشت ۱۴۰۵، ۱۴:۵۰

https://youtu.be/iODcRAWJpMg?si=6KKKTgK88O0h5DQH

5,540

Dn Abel Kassahun Mekuria

۸ اردیبهشت ۱۴۰۵، ۱۴:۵۰

+++ ቶማስን አድርገኝ +++

ሞት ያጠላበት ነው ኑሮዬ ዘወትር
ገና አልተከበረም ትንሣኤህ እኔ ጋር
ስቃይህን ዘንግቷል ብኩን ኅሊናዬ
ደምህ እንዳልዋጀው ነው ነገረ ሥራዬ
መነሣትህን ያዩ ተነሥቷል ቢሉኝም
እኔ ዓይነ ስውሩ ምንም አላየሁም

ይኸው ነው ሕይወቴ ምንም እንዳላየ
በትንሣኤው ብርሃን እንዳልተጎበኘ

እባክህ ጌታዬ!

ቶማስን አድርገኝ እጆችህን ልዳብስ
አምኜ ለመኖር" የእኔም ተራ ይድረስ
ጣቶቼ ይንኩና የጎን ውግታትህን
ስዘከረው ልኑር ሕማም ትንሣኤህን

ዲያቆን አቤል ካሳሁን
[email protected]

5,710

262

Dn Abel Kassahun Mekuria

۸ اردیبهشت ۱۴۰۵، ۱۴:۵۰

ቅዱስ ጎርጎርዮስ ዘኑሲስ እና ዮሐንስ ዘደማስቆ ሐዋርያው ጴጥሮስ ጌታ በዐረገ በዓመቱ (34 ዓ.ም.) ቅዱሱን እሳት በመቃብሩ ስፍራ ማየቱን ጽፈዋል። ይህ ተአምር አሁን እስካለንበት ዘመን የቀጠለ ሲሆን፣ ሁል ጊዜም በትንሣኤ በዓል ዋዜማ ቅዳሜ ቀን ይታያል። ስለዚህ የሚያስደንቅ ተአምር ብዙ የማያምኑ ሰዎች በራሳቸው መንገድ ለማጣራት ሞክረዋል። እስኪ ከእነዚህ ውስጥ አንዱን ታሪክ ላጫውታችሁ።

በአንድ ወቅት እንዲህ ሆነ…

ዕለቱ ቅዳሜ ጠዋት 4 ሰዓት የትንሣኤ ዋዜማ ነው። የእስራኤል አይሁድ ፖሊሶች እና የከተማዋ ከንቲባ ይህ እሳት ይፈልቅበታል የተባለውን የጌታን መቃብር እውነትነት ማረጋገጥ ስለ ፈለጉ በውስጡ ለእሳቱ መነሣት ምክንያት የሚሆኑ ተቀጣጣይ ነገሮች ካሉ በሚል ለሁለት ሰዓታት ያህል ሦስት ጊዜ ጥብቅ ፍተሻ አደረጉ። ግን ምንም ሊያገኙ አልቻሉም። ቀጥሎም ሁለት መቃብሩን የሚጠብቁ ሙስሊሞችን በማምጣት ልክ የቀድሞዎቹ አይሁድ የጌታን መቃብር እንዳተሙ እነርሱም መቃብሩን ዘግተው በሰም እንዲያትሙት አደረጉ።

ይህንም ተከትሎ በቦታው የነበሩ አረብ ክርስቲያኖች ቱርክ እስራኤልን በተቆጣጠረችበት በ13ኛው ክፍለ ዘመን ከቤተ ክርስቲያን ውጭ በየትኛውም ቦታ ቢሆን እንዳይዘምሩ የተከለከሉትን ቆየት ያለ ዝማሬ በኅብረት ከፍ ባለ ድምፅ መዘመር ጀመሩ። መዝሙሩም:-

“እኛ ክርስቲያኖች ነን። ለብዙ መቶ ክፍለ ዘመናትም ክርስቲያኖች ነበርን። እስከ ዘላለምም እንዲሁ እንሆናለን፣ አሜን!” የሚል ነበር።

እኩለ ቀንም ሲሆን የግሪኩና የአርሜንያው ፓትርያርክ፣ የግብፁ ሜትሮፖሊታንት እንዲሁም ቀሳውስት እና ዲያቆናት ወደ ታተመው የክርስቶስ መቃብር መጡ። ከብዙ ጸሎት እና ምስጋናም በኋላ የታተመው የክርስቶስ መቃብር እንዲከፈት አደረጉ። ፓትርያርኩም ሞጣህቱን ብቻ አስቀርተው ከላይ የለበሱትን ልብሰ ተክህኖ በማውለቅ በክርስቶስ የዕድሜ ቁጥር ልክ ሦስት 33 ያልበሩ ሻማዎችን ይዘው ጨለማ ወደ ነበረው መቃብር ገቡ። ምእመናኑም ከውጭ ሆነው በአንድ ድምፅ ኪርዬሌይሶን (አቤቱ ይቅር በለን) እያሉ በመዘመር ይጠባበቁ ጀመር። ወደ ቅዱሱ መቃብር ገብተው የነበሩትም የግሪኩ ፓትርያርክ ያን በሰው ያልተቀጣጠለ እና የክርሰ‍ቶስን የትንሣኤ ብርሃን የሚያበሥረውን አምላካዊ እሳት ይዘው ብቅ አሉ። ይህን ጊዜ ጎልጎታ በእልልታ ተሞላች የቤተ ክርስቲያኑም ደወል በሐሴት ይደወል ጀመር።

ትንሣኤከ ለእለ አመነ
ብርሃነከ ፈኑ ዲቤነ

እንኳን አደረሰን!!!

https://youtu.be/OGyzCFZO0VY?si=2ptLkHV_WD5rYRvY

ዲያቆን አቤል ካሳሁን
[email protected]

7,820

Dn Abel Kassahun Mekuria

۸ اردیبهشت ۱۴۰۵، ۱۴:۵۰

https://youtu.be/e-wMB0wD7jI?si=6TKOHfoSkLsGvSJj

6,970

Dn Abel Kassahun Mekuria

۸ اردیبهشت ۱۴۰۵، ۱۴:۵۰

📷 Photo

ክርስቶስ ተንሥአ እሙታን፥
በአማን ተንሥአ፤

6,850

243

Dn Abel Kassahun Mekuria

۸ اردیبهشت ۱۴۰۵، ۱۴:۵۰

📷 Photo

የጠሉህን ሳትወድድ፣ መከራ ያከበዱብህን ተቀይመህ፣ ስለ አሳዳጆችህ ሳትጸልይ እንዴት ጣቶችህን አመሳቅለህ የመስቀል ምልክት ትሠራለህ? በጣቶችህ ያለው መስቀል ጠላት የተወደደበት፣ ለሰቃልያን በቃል የማይነገር ትዕግስት የታየበት፣ ተሳዳቢ የተመረቀበት፣ ለሚወጉ ምሕረት የተደረገበት የፍቅር አውድማ ነው። ሰውን ለመወንጀል በቀሰርከው ጣትህ እንዴት መልሰህ የይቅርባነት ምልክት የሆነውን መስቀል ለመሥራት ሌላው ጣትህን አግድም ታስተኛለህ?

እያማተብህ አትጥላ፣ እያማተብህ አትፍረድ፣ እያማተብህ አትቀየም፣ እያማተብህ አትርገም።

"ገብረ ሰላመ መስቀሉ" - "በመስቀሉ ሰላምን አደረገ"

ዲያቆን አቤል ካሳሁን

[email protected]

6,530

214

Dn Abel Kassahun Mekuria

۸ اردیبهشت ۱۴۰۵، ۱۴:۵۰

📷 Photo

ይስሐቅ በሞሪያ ተራራ ሊሠዋ ሲሄድ የምትወደው እና እንደ ዓይኗ የምትሳሳለት እናቱ ከእርሱ ጋር አልነበረችም። አብርሃምም ኀዘኗን ማየት ስለ ፈራ ከእግዚአብሔር ስለ ተቀበለው ከባድ ትእዛዝ ለሣራ አልነገራትም። የይስሐቅ ቤዛው ክርስቶስ ግን ያ ሁሉ ጅራፍ ሲወርድበት፣ ደሙ በየመንገዱ እንደ ውኃ ሲፈስ፣ በገመድ አስረው እየጎተቱ ሲጥሉትና ምራቃቸውን እየተፉ ሲዘባበቱበት እናቱ ድንግል ማርያም አይታለች። አንድ ልጇ ላይ ብዙ የሆኑ አይሁድ እና ሮማውያን ተባብረው ሲጨክኑበት በዓይኗ በብረቱ ተመልክታለች። ወደ መሬት ወድቆ በረገጡት ጊዜ በስቃይ ከሚቃትት ልጇ ጋር ዓይን ለዓይን ተያይታለች።

ለልጅም ለእናቱም ቢሆን ከዚህ ዕለት በላይ የሚከብድ ምን ዓይነት የኀዘን ቀን ሊኖር ይችላል?

በዚህ ምድር እንደ አምላካችን ክርስቶስ የሰቃየ እንደ እመቤታችን ማርያምም ያዘነ ማንም የለም!

ዲያቆን አቤል ካሳሁን

8,100

302

Dn Abel Kassahun Mekuria

۸ اردیبهشت ۱۴۰۵، ۱۴:۵۰

📷 Photo

“ገብረ ሰላመ በደመ መስቀሉ”
“በመስቀሉ ደም ሰላምን አደረገ”

እንኳን አደረሳችሁ!

ዛሬ የዕብራውያን መልእክት ሐተታ ትምህርት አይኖረንም።

6,420

193

Dn Abel Kassahun Mekuria

۸ اردیبهشت ۱۴۰۵، ۱۴:۵۰

ነገ አርብ ነው። ነገ ስቅለት ነው። ነገ የይቅርታ ቀን ነው። እስኪ ይህ ምሽት ሳያልፈን ይቅር እንባባል!!!

ይቅርታ!

9,040

411

Dn Abel Kassahun Mekuria

۲۸ فروردین ۱۴۰۵، ۰۱:۳۳

በሕማማት እነዚህን መዝሙራት አለመስማት እጅግ ያስቆጫል። ወንድማችን ጸጋ ልብ ድረስ ሰርስሮ የሚገባ እና በደንብ የታሸ የንስሐ መዝሙር ይዞልን መጥቷል። ይህ ከጸጋ ካልሆነ ከምን ሊሆን ይችላል?

እስኪ ስሙና ፈትኑኝ!!!

https://youtu.be/fEtOXPn3YUk?si=k3QX9F_uoHYaeCMC

6,690

Dn Abel Kassahun Mekuria

۲۸ فروردین ۱۴۰۵، ۰۱:۳۳

📷 Photo

6,490

230

Dn Abel Kassahun Mekuria

۲۸ فروردین ۱۴۰۵، ۰۱:۳۳

+++ በርጤሜዎስ እና የሚጸልይ ሰው ፈተና +++

ጌታችን በኢያሪኮ የነበረውን አገልግሎት ፈጽሞ ሲወጣ የቃሉን ትምህርት የእጁን ተአምራት አይተው የተከተሉት ብዙ ሕዝብ ነበሩ። እነሆም ከመንገድ ዳር የተቀመጡ ሁለት ዕውሮች ኢየሱስ ክርስቶስ በዚያ እያለፈ መሆኑን ሲሰሙ "የዳዊት ልጅ ሆይ ማረን?" ብለው ጮኹ። ከእነዚህ ሁለት ዓይነ ሥውራን አንዱ በርጤሜዎስ እንደሚባል ቅዱስ ማርቆስ ይነግረናል።(ማር 10፥46) ወንጌላዊው የአንዱን ስም ለይቶ መጥራቱ ይህ ሰው በከተማው ከነአባቱ የሚታወቅ በመሆኑ ሳይሆን አይቀርም። የሆነው ሆኖ አሁን ሁለቱም ነዳያን "ማረን" ሲሉ እየጮኹ ነው።

ነገር ግን ከጌታችን ፊት ቀድመው ይሄዱ የነበሩት ሰዎች እኒህን ነዳያን "ዝም በሉ!" ብለው ገሰጿቸው።(ሉቃ 18፥39) ልብ በሉ! የገሰጿቸው ሰዎች ጌታን ከኋላ የሚከተሉ ወይም ከአጠገቡ አብረው የሚሄዱት አልነበሩም። ከፊት ከፊት የሚቀድሙት እንጂ። በእርግጥም ከጌታው ፊት ቀደም ቀደም የሚል ሰው ጠባይ ይህ ነው። ራሱን ከባለቤቱ በላይ ዐዋቂ ያደርጋል። ምስኪኖችን "ዝም በሉ" እያለ የሚያሳቅ፣ የጌታውን ቸርነት የሚሸፍን አጉል ጠበቃ ይሆናል። እስኪ አሁን "ማረን" ማለት ምን ነውር አለው?! ቃሉስ የስድብ ያህል የሚያስቆጣና "ዝም በሉ" የሚያሰኝ ነው?! እነዚህ ሁለቱ ዕውሮች የገጠሟቸው እንዲህ ያሉ "በባለቤቱ ያልተወከሉ ጠበቆች" ነበሩ። ግን አልተበገሩም "ጌታ ሆይ፥ የዳዊት ልጅ ማረን" እያሉ ከቀድሞው ይልቅ አብዝተው ጮኹ።

ለሚያንኳኩ በሩን የሚከፍት በጎውንም ነገር ለለመኑት የሚሰጥ መድኃኔዓለም የእነዚህን ምስኪናን ጩኸት ሰምቶ ቆመላቸው። "ኑ" እንዳይላቸው ዓይተው መራመድ አይችሉምና ሁለቱንም እንዲያመጡለት አዘዛቸው።(ሉቃ 18፥40) ከፊተኞቹ ይልቅ ቅን የሆኑት እና ባለቤቱ የላካቸው መልካሞቹ ሰዎች "አይዟችሁ ተነሡ ይጠራችኋል" በማለት በሚያጽናና ቃል ወደ ጌታ አቀረቧቸው። ወደ እርሱም ሲቀርቡ "ምን ላደርግላችሁ ትወዳላችሁ?" ሲል የችግረኞች አምላክ የሆነው ኢየሱስ ክርስቶስ በፍቅር ጠየቃቸው። እነርሱም "እናይ ዘንድ" አድርገን አሉት። ዓይናቸውን ዳስሶ ፈወሰውና አይተው ተከተሉት።

ይህን የበርጤሜዎስን ታሪክ ቅዱስ ፊልክስዩ ደግሞ ለሚጸልይ ሰው በመስጠት ውብ አድርጎ ይተረጉመዋል። በርጤሜዎስ "የዳዊት ልጅ ሆይ ማረኝ" ብሎ ሲጮህ "ዝም በል" ብለው እንደ ገሰጹት፣ እኛም ወደ አምላካችን ጸሎት ስናቀርብ ልመናችንን እንድናቆም "አይሰማችሁም" እያሉ ኅሊናችንን በመረበሽ አጋንንት ዝም ሊያሰኙን ይሞክራሉ። ነገር ግን የዚህ መፍትሔው እንደ በርጤሜዎስ ተስፋ ሳይቆርጡ እምቢ ብሎ ወደ ፈጣሪ መጮህ ነው። ያን ጊዜ ጌታ ልመናችንን ሰምቶ "ጥሯቸው" ይላል። "አይዟችሁ ተነሡ፤ ይጠራችኋል" ብለው የራቅነውን የሚያቀርቡ እና ረድኤተ እግዚአብሔርን የሚያሰጡ ቅዱሳን መላእክትን (ቅዱሳን ሰዎችን) ወደ እኛ ይልክልናል።

በርጤሜዎስም ወዲያው ተነሥቶ ጠልፎ ሊጥለውና ሸክም ሆኖ ሊያዘገየው የሚችለውን ድሪቶ ጥሎ ፈጥኖ ወደ ጌታ እንደ ቀረበ። እኛም ወደ አምላካችን እንዳንቀርብ አንቀው የሚይዙንን እና የሚያዘገዩንን አጉል ልማዶቻችንን ጥለን ወደ እርሱ ልንቀርብ ይገባል። ይህ ከሆነ እንደ በርጤሜዎስ እሴተ ጸሎታችንን (የጸሎታችንን ዋጋ) እናገኛለን። ከዚያ መድኃኒታችንን ተከትለን እስከ ኢየሩሳሌም እንሄዳለን። "ሆሣዕና በአርያም" እያልንም የዘንባባ ዝንጣፊ ይዘን እናመሰግነዋለን።

ዲያቆን አቤል ካሳሁን

Dn Abel Kassahun Mekuria

۲۸ فروردین ۱۴۰۵، ۰۱:۳۳

📷 Photo

7,340

165

Dn Abel Kassahun Mekuria

۲۸ فروردین ۱۴۰۵، ۰۱:۳۳

📷 Photo

ስለ ሁላችን መዳን የተፈጸመው የክርስቶስን ሞቱን ለምናስብበት እና “በሞቱ ለምንመስልበት” ሰሙነ ሕማማት እንኳን አደረሰን።

“ኃይልየ ወጸወንየ ውእቱ እግዚእየ”
“ኃይሌ እና መጠጊያዬ እርሱ ጌታዬ ነው”

7,260

215

Dn Abel Kassahun Mekuria

۲۸ فروردین ۱۴۰۵، ۰۱:۳۳

📷 Photo

ላትሞት ነው የምትፈታው?
(የሆሣዕና ፍትሐት)

ቤተ ክርስቲያናችን በበዓለ ሆሣዕና ቀን ከምታከናውናቸው ነገሮች መካከል አንዱ ለክርስተ‍ኢያኖች ሁሉ ፍትሐት ማድረግ ነው። ይኸውም ከሆሳዕና ቀጥሎ ባሉት ቀናት ሌሎቹን አገልግሎት ሁሉ ለጊዜው አቁማ ልክ እንደ ሰጎን ዕንቁላል ከክርስቶስ ሕማም እና ሞት ላይ ዓይኗን ስለማታነሣ፣ በዚህ ሳምንት የሚያንቀላፋ ቢኖሩ ቀድማ በዕለተ ሆሳዕና ፍትሐት ታደርግለታለች።

ይሁን እንጂ የፍትሐቱ ዋናው ምሥጢር ያለው ግን እዚህ ላይ ነው። ክርስቶስ የተቀበለው መከራ እና ሞቱ በሚታሰብበት በመጪው ሳምንት ልጆቿ ምእመናን የሥጋ ፈቃዳቸውን በመስቀል ሰቅለው ስለ እነርሱ ሲል ለሞተው አምላክ፣ እነርሱም ለዚህ ዓለም ፍትወት የሞቱ ሆነው እንዲያሳልፉ ለማሳሰብ ነው። ስለዚህም ክርስቲያኖችን ሁሉ በቁማቸው ሳሉ እንደ መነኮሳቱ (ለዓለሙ ፈቃድ እንደ ሞቱት) ፍትሐት ታደርግላቸዋለች። ታዲያ በሆሣዕና ሰንበት ወደ ቤተ ክርስቲያን ለፍትሐት ስትመጣ ለራስህ ፈቃድ ሙት ሆነህ ለክርስቶስ ለመኖር ወስነህ ነው? ወይስ ላትሞት ነው ለመፈታት የምትሄደው?

“በሕይወትም ያሉት ስለ እነርሱ ለሞተውና ለተነሣው እንጂ ወደ ፊት ለራሳቸው እንዳይኖሩ ስለ ሁሉ ሞተ”

2ኛ ቆሮ 5:15

ዲያቆን አቤል ካሳሁን

8,130

Dn Abel Kassahun Mekuria

۲۸ فروردین ۱۴۰۵، ۰۱:۳۳

📷 Photo

“አናጢው የመሰቀያውን መስቀል ሲልግ፣ አንጥረኛው የችንካሩን ምስማር ሲያቀልጥ፣ ሌላውም የተቀደሰ ራሱን ሊወጋ የእሾህ አክሊል ሲጎነጉን፤ ክርስቶስ ግን የሕይወት እንጀራ አድርጎ ሊሰጥ ሥጋውን ያዘጋጅላቸው ነበር”

ሊቀ ጳጳሱ አባ ዮሐኒ

- - - - -

ንጹሕ ሆነን የረከሰ ምራቅን አለመጠየፍ እንዴት ይቻለናል? ያለ በደል የሚደረግ ውንጀላ እና ግፍንስ "በቃ" አለማለት እንዴት ይሆናልናል?

ያለ ጥፋት የሚመጣብንን ምን ያህል ጥፊዎች እንታገሳለን? ስንት ጅራፎችንስ እንቀበላለን? ስንት ውርደቶችንስ እንሸከማለን? መድኃኔዓለም ይህን ሁሉ ነገር የተቀበለው ስለ እኛ መዳን ነው።

እኔ ግን ስለ ራሴ መዳን በጀርባህ ላይ ካረፉት ጅራፎች የአንዲቱን ሰንበር ያህል እንኳን መከራ ለመቀበል ትዕግስቱ የለኝም።

ጥንተ ስቅለቱ ለመድኃኒነ
እንኳን አደረሳችሁ
ዲያቆን አቤል ካሳሁን

6,570

192

Dn Abel Kassahun Mekuria

۲۸ فروردین ۱۴۰۵، ۰۱:۳۳

እስኪ ይህን አጭር ቆይታ ልጋብዛችሁ!

https://youtu.be/wavMbpvuIos?si=1JRZa_mNf9knHOwX

6,290

Dn Abel Kassahun Mekuria

۲۸ فروردین ۱۴۰۵، ۰۱:۳۳

+++ ‹‹ጻድቅ እንደ ዘንባባ ያፈራል›› መዝ 92፥12 +++

በመጽሐፍ ቅዱስ ውስጥ ተሰጋግሞ የመነሣት እድል ካገኙ እጽዋት መካከል አንዱ የዘንባባ ተክል ነው፡፡ ጠቢቡ ሰሎሞን የእግዚአብሔርን ቤት ከሠራ በኋላ በመቅደሱ የውስጥ ግንቦች ላይ ከቀረጻቸው ምስሎች ውስጥ አንዱ የዘንባባን ቅጠል ነው፡፡(1ኛ ነገ 6፡29) በእስራኤላውያን ታሪክም ድል ሲቀናቸውና ሲደሰቱ በእጃቸው የሚገኘው እጽ ይኸው ዘንባባ ነበር፡፡ ከዚህ በተጨማሪም የብሉይ ኪዳን ጸሐፊዎች የአንድ አገር መለያ አድርገው ከሚጠቅሷቸው ምልክቶች ውስጥ ‹‹የዘንባባ ዛፍ›› አንደኛው ነው፡፡(ዘዳ 34፡3) ከዚህ ሁሉ ደግሞ በጣም የሚያስደንቀው የሐዲስ ኪዳኑ ባለ ራእይ ቅዱስ ዮሐንስ እንደ ጻፈው ሩጫቸውን በድል የጨረሱና ነጭ የለበሱ የጻድቃን ነፍሳት ‹‹የዘንባባን ዝንጣፊዎች በእጆቻቸው ይዘው በዙፋኑና በበጉ ፊት›› መቆማቸው ነው፡፡(ራእይ 7፡19) ዘንባባ በምድር ላለ ደስታ ብቻ ሳይሆን በሰማይም ላለ የድል ነሺነትና የአሸናፊት መንፈስ መግለጫ ምልክት ሆኖ ያገለግላል፡፡

ለመሆኑ መጽሐፍ ቅዱስ ጻድቃንን ለምን በዘንባባ ዛፍ ይመስላቸዋል? መዝሙረኛውስ ‹ጻድቅ እንደ ዘንባባ ያፈራል› ሲል ለምን ዘመረ? ቅዱሳንን ከዘንባባ ጋር ምን አገናኛቸው?

ሁላችንም እንደምናውቀው ጣፋጭ ፍሬ ከሚሰጡ እጸዋት መካከል አንዱ ዘንባባ ነው፡፡ የዘንባባን ዛፍ ለየት የሚያደርገው ጣፋጭ ፍሬ መስጠቱ ብቻ ሳይሆን ሥሮቹ በጣም ጠንካራ እና ወደ ታች ጠልቀው የሚገቡ (የሚሰዱ) መሆናቸው ነው፡፡ ጸድቃንም እንደ ዘንባባ ፍሬ የሚጥም በጎ ምግባርን የተሸከሙ የሃይማኖት ተክል ሲሆኑ፣ የታነጹበትና የቆሙበት የእምነትና የፍቅር ሥሮችም በጣም የጸኑ እና ጥልቆች ናቸው፡፡

ሌላው የዘንባባ ዛፍ በየትኛውም ጊዜ ቢተከል ሊያፈራ የሚችልና በበረሃ የሚበቅል ልዩ ተክል ነው። ቅዱሳንም በጊዜውም ሆነ ያለ ጊዜው ጸንተው ይገኛሉ። በበረሃም እንደሚጸድቅ ዘንባባ በዚህች ክፋት በሞላባት ዓለም ውስጥ እየኖሩ በቅድስና ይገኛሉ።

የዘንባባ ዛፍ ልክ እንደ ሌሎች እጸዋት ብዙ ቅርንጫፎች የሉትም፡፡ በዚህም ምክንያት እንስሳት ፍሬው ወደሚገኝበት የዛፉ ጫፍ በቀላሉ ለመውጣትና ለመብላት ይቸገራሉ፡፡ እንዲሁ ጻድቃንም በጎ ሥራዎቻቸውንና መንፈሳዊ ደስታቸውን ከእነርሱ እንዲወስዱባቸው ለአጋንንት መግቢያ በር፣ መውጫ ቅርንጭፍ አያኖሩም፡፡ ሐሴቶቻቸውም ከፍ ያሉ ሰማያውያን በመሆናቸው ምድር ምድሩን የሚሄደው ሰይጣን በቀላሉ ሊተናኮላቸውና ደስታቸውን ሊያጠፋ አይችልም፡፡

ዘንባባ ብዙ ቅርንጫፎች የሌለው መሆኑ አንዳንዴ ድንጋይ እንዲወረወርበት እና በዱላ እንዲመታ ሊያደርገው ይችላል፡፡ ይሁን እንጂ እርሱ ግን ‹‹ይቅር ባይ›› ተክል ነው፡፡ በተወረወረበት ድንጋይ እና ባረፈበት ዱላ ፈንታ የሚመልሰው ጣፋጭ ፍሬውን ነው፡፡ አንተ ድንጋይ ስትወረውርበት እርሱ ደግሞ እንደ ማር የሚጣፍጠውን ፍሬ ያዘንብልሃል፡፡ ሰይጣን ለእርሱ መግቢያ ምክንያት የማይሰጡትን ጻድቃን የሚፈትነው ለክፉ ዓላማው ማስፈጸሚያ የሚያደርጋቸውን ሰዎች በመጠቀም ነው፡፡ በእነዚህም ሰዎች አማካኝነት ብዙ የስድብ፣ የጥላቻና የስም ማጥፋት ድንጋዮችን ይወረውርባቸዋል፡፡ በበቀል ዱላ ሊያቆስላቸው ይሰነዝርባቸዋል፡፡ እነርሱ ግን የሰደቧቸውን ሰዎች በመመረቅ፣ የጠላቸውን በመውደድ፣ ለበቀል ስለሚያሳድዷቸው ሰዎችም በመጸለይ ጣፋጭ ፍሬዎቻቸውን ያዘንቡላቸዋል፡፡

በሆሳዕና ዘንባባ ይዘን ዘምረን፣ እንደ ዘንባባ ዛፍ አፍርተን፣ በኋላም ከጻድቃኑ ጋር ነጭ ለብሰንና በእጆቻችን የዘንባባ ዝንጣፊ ይዘን ከበጉ ፊት ለመቆም ያብቃን!

ልክ እንደ ጻድቃኑ የዘንባባ ሕይወት ይስጠን!!!

ዲያቆን አቤል ካሳሁን
[email protected]
አዲስ አበባ

ድረ ገጹን ይጎብኙ

Showing 19 of 19 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

Dn Abel Kassahun Mekuria

Dn Abel Kassahun Mekuria

رتبه‌بندی

رشد مشترکان (3 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

خابر

یام‌یام‌ پروکسی | کانفیگ proxy | VPN | v2ray

قناة الشيخ عبدالحميد الحَجُوري الزُّعكُري

نافذة على روسيا

جماران

قناة روس كونغرس

ملفات حسوم

الشيخ محمد العكلوك - القناة الرسمية

کانال‌های تلگرام مرتبط

خابر

یام‌یام‌ پروکسی | کانفیگ proxy | VPN | v2ray

قناة الشيخ عبدالحميد الحَجُوري الزُّعكُري

نافذة على روسيا

جماران

قناة روس كونغرس

ملفات حسوم

الشيخ محمد العكلوك - القناة الرسمية

نظرات کاربران (0)

آخرین پست‌ها