አለ ሕግ

Public

مشاهده کانال

نمی‌توانید بپیوندید؟ @AleHig

۱۶.۱k عضو

به‌روزرسانی شده: May 5, 2026 at 3:11 PM

አለ ሕግ

ከጠበቃና የሕግ አማካሪ አማራጭ የሕግ እውቀትና አገልግሎት Alternative legal enlightenment & Service Website: alehig.com https://linktr.ee/alehig WhatsApp👉 #+251920666595 Telegram👉 @MikiasMelak የሕግ ምክርና ድጋፍ፣ የተለያዩ ህጎች፤ አዋጅ፣ ደንብ፣ መመሪያ፣ #የሕግ_መረጃ

Join @AleHig for exclusive httpslinktreealehig and telegram content and discussions in 23

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (2 روز گذشته)

مجموع: 16.1K

رشد 24 ساعت: -31 0%

آخرین پست‌ها

አለ ሕግ

۳ اردیبهشت ۱۴۰۵، ۱۵:۵۵

📷 Photo

የተጨማሪ እሴት ታክስ ደረሰኝ ሳያውቁ ጊዜው ካለፈብዎ; ወይም ሲያሳውቁ በመሀል የረሱት ደረሰኝ ካለ ምን ማድረግ እንዳለብዎ ህጉ የሚለውን እናካፍልዎ?

በተጨማሪ እሴት ታክስ አዋጅ ቁጥር 1341/2016 እና በሚኒስትሮች ምክር ቤት ደንብ ቁጥር 570/2017 መሠረት፣ የታክስ ደረሰኝን ለማስታወቅ ጊዜው ካለፈብዎት እንደ ጉዳዩ ዓይነት የሚከተሉትን እርምጃዎች መውሰድ ይችላሉ፦

1. የግብአት ታክስ ተቀናሽ (Input Tax Credit) ለማግኘት ከሆነ ደረሰኙን ያላሳወቁት ግዥ ፈጽመው የከፈሉትን ታክስ ለማቀናነስ (ለመቀነስ) ከሆነ፣ አዋጁ የጊዜ ገደብ ፈቅዶልዎታል። በአዋጁ አንቀጽ 29 ንዑስ አንቀጽ 7 መሠረት፣ በማናቸውም ምክንያት በአንድ የሂሳብ ጊዜ ውስጥ ተቀናሽ ሊደረግ የሚገባውን የታክስ መጠን (የግብአት ታክስ) ሳያሳውቁ የቀሩ እንደሆነ፣ ተቀናሽ ሊጠየቅበት ከሚገባው የሂሳብ ጊዜ መጨረሻ ጀምሮ ባሉት 12 ወራት ውስጥ በሚቀርብ ቀጣይ የታክስ ማስታወቂያ ላይ ደረሰኙን በማካተት ተቀናሽ እንዲደረግልዎ መጠየቅ ይችላሉ።

2. የሽያጭ (የውጤት ታክስ) ደረሰኝ ለማስታወቅ ከሆነ የሽያጭ ደረሰኝ መቁረጥ ወይም ማስታወቅ ዘግይተው ከሆነ፣ የታክስ ግዴታው ስለማይቀር ማስታወቂያውን በአፋጣኝ ማቅረብ ይኖርብዎታል። ማንኛውም የተመዘገበ ሰው ለእያንዳንዱ የሂሳብ ጊዜ የታክስ ማስታወቂያውን ወሩ በተጠናቀቀ በሚቀጥለው ወር የመጨረሻ ቀን ድረስ የማቅረብ ግዴታ አለበት። ይህ ጊዜ ካለፈ ግን የሚከተሉት ሁኔታዎች ይፈጠራሉ፦
• አስተዳደራዊ ቅጣት እና ወለድ፦ ታክስን በወቅቱ አለማሳወቅ ወይም ዘግይቶ መክፈል በታክስ አስተዳደር አዋጅ መሠረት የአስተዳደራዊ ቅጣት እና ወለድ ያስከትላል።
• የታክስ ባለሥልጣኑ ውሳኔ፦ የታክስ ባለሥልጣኑ ታክስ ሳይታወቅ በቆየበት ጊዜ ሁሉ የራሱን የታክስ ስሌት ውሳኔ (Assessment) ሊሰጥ ይችላል።

3. የታክስ ተመላሽ (Refund) ጥያቄ ካለዎት የተመዘገበው ሰው ተመላሽ ሊከፈለው በሚገባበት ጊዜ የታክስ ማስታወቂያ የማቅረብ ግዴታውን ካልተወጣ፣ የታክስ ባለሥልጣኑ ማስታወቂያው እስከሚቀርብ ድረስ ተመላሹ ገንዘብ ሳይከፈል እንዲቆይ ሊያደርግ ይችላል።

4. በኤሌክትሮኒክ ፊስካል መሣሪያ (EFD) የሚጠቀሙ ከሆነ መሣሪያው ባለመሥራቱ ምክንያት ግብይቱን በወቅቱ መመዝገብ ካልቻሉ፣ ሁኔታው በተፈጠረ በ24 ሰዓት ውስጥ ለታክስ ባለሥልጣኑ ማሳወቅ እና በእጅ የሚዘጋጅ የታክስ ደረሰኝ መስጠት ይኖርብዎታል። መሣሪያው ወደ ሥራ ሲመለስም ቀደም ብለው ያከናወኑትን ግብይት በመሣሪያው ውስጥ መመዝገብ ይኖርብዎታል።

በአጠቃላይ፣ የግብአት ታክስን (የግዥ ደረሰኝን) ለማስታወቅ የ12 ወራት የጊዜ ዕድል ቢኖርዎትም፣ የሽያጭ ደረሰኝን ግን ለቅጣት እና ለወለድ እንዳይዳረጉ በወቅቱ ማስታወቅ ተገቢ ነው።

አዋጁ የግብአት ታክስ ተቀናሽ ለማድረግ የሚሰጠው የ12 ወራት ገደብ እንዴት ይሰላል?

በተጨማሪ እሴት ታክስ አዋጅ ቁጥር 1341/2016 አንቀጽ 29 ንዑስ አንቀጽ 7 መሠረት፣ የ12 ወራት የግብአት ታክስ ተቀናሽ መጠየቂያ የጊዜ ገደብ የሚሰላው በሚከተለው መሠረት ነው፦

👉 የአቆጣጠሩ መነሻ (Starting Point)፦ የ12 ወራቱ ስሌት የሚጀምረው ተቀናሽ ሊጠየቅበት ከሚገባው የሂሳብ ጊዜ (ወር) መጨረሻ ቀን ጀምሮ ነው። ይህም ማለት ግዥውን የፈፀሙበት ወይም የታክስ ደረሰኙ የደረሰዎት ወር መጠናቀቂያ ቀን ለአቆጣጠሩ መነሻ ይሆናል ማለት ነው።

👉 የጊዜ ገደቡ ርዝመት፦ መብቱ የሚቆየው መነሻ ከሆነው የሂሳብ ጊዜ መጨረሻ ጀምሮ ለሚቆጠሩ ተከታታይ 12 ወራት ብቻ ነው።

👉 አፈፃፀሙ፦ በማናቸውም ምክንያት በወቅቱ ያልተገለጸ የግብአት ታክስ ካለ፣ በእነዚህ 12 ወራት ውስጥ በሚቀርብ ማንኛውም ቀጣይ የታክስ ማስታወቂያ ላይ ደረሰኙን በማካተት ተቀናሽ እንዲደረግልዎት የመጠየቅ መብት አለዎት።

ይህንን ስሌት በምሳሌ ለማየት ያህል፣

አንድ ድርጅት በጥር ወር የፈፀመውን ግዥ የግብአት ታክስ በጥር ወር ማስታወቂያ ላይ ሳይጠቀም ቢቀር፣ የ12 ወራት አቆጣጠሩ የሚጀምረው የጥር ወር የሂሳብ ጊዜ ካለቀበት (ጥር 30) ቀን ጀምሮ ነው። ስለዚህ ድርጅቱ እስከ ቀጣዩ ዓመት ጥር 30 ድረስ ባሉት ማናቸውም ወራት በሚያቀርበው የታክስ ማስታወቂያ ላይ ይህንን ደረሰኝ በማካተት ተቀናሽ ማግኘት ይችላል። 12 ወራቱ ካለፉ ግን ተቀናሽ የመጠየቅ መብቱ በሕግ ይታገዳል

2,730

አለ ሕግ

۳ اردیبهشت ۱۴۰۵، ۱۵:۵۵

📷 Photo

በተሻሻለው የፌደራል የቤተሰብ ሕግ በዝምድና ምክንያት የተከለከሉ ጋብቻዎች
መግቢያ
ቤተሰብ የህብረተሰብ መሠረት ነው፡፡ ቤተሰብ የሚመሰረትባቸው ሁኔታዎች በኢ.ፌ.ድ.ሪ ሕገ መንግሥት እና ቤተሰብ ሕጉ ውስጥ ተደንግገው ይገኛሉ፡፡ በተሻሻለው የፌደራል የቤተሰብ ሕግ መሠረት ሕጋዊ እውቅና ያላቸው ሁለት አይነት የቤተሰብ መመስረቻ መንገዶች አሉ፡፡ እነሱም ጋብቻ እና ጋብቻ ሳይፈፅሙ እንደ ባልና ሚስት አብሮ መኖር ናቸው፡፡ ጋብቻ ለመፈፀም መሟላት ያለባቸው መስፈርቶች በቤተሰብ ሕጉ ተደንግገዋል፡፡ ይኸውም ጋብቻ ለመፈፀም የተጋቢዎች በሕግ የተቀመጠ ዝቅተኛ እድሜ፣ የተጋቢዎች ፍቃድ፣ የተጋቢዎች የዝምድና ደረጃ መሟላት ካለባቸው መስፈርቶች ተጠቃሽ ናቸው፡፡ በቤተሰብ ሕጉ እንደተደነገገው ጋብቻ ለመፈፀም መሟላት ካለባቸው መስፈርቶች መካከል አንዱ በሆነው የዝምድና ደረጃ ምክንያት ዘመድ በመሆናቸው እንዳይጋቡ ሕጉ የከለከላቸው ሰዎች አሉ፡፡ በዚህ አጭር ጽሑፍ የዝምድናን ምንነት፣ የጋብቻ ክልከላ የሚያስከትሉ የዝምድና አይነቶች እና በዝምድና ምክንያት የተከለከለ ጋብቻ መፈፀም የሚያስከትለውን ውጤት እንዳስሳለን፡፡

የዝምድና ምንነት
በቤተሰብ ሕጉ አንቀፅ 8 እና 9 ስር እንደተደነገገው ሁለት የዝምድና አይነቶች አሉ፡፡ እነሱም የስጋ እና የጋብቻ ዝምድና ናቸው፡፡
1. የስጋ ዝምድና፡-
 ቀጥታ የስጋ ዘመዳሞች (በወላጅና በተወላጆች/አባት እና ልጅ/እናት እና ልጅ/አያት እና የልጅ ልጅ) እና
 ወደ ጎን በሚቆጠሩ የሥጋ ዝምድና፤ አንድ ወንድ ከእህቱ ወይም ከአክስቱ እንዲሁም አንዲት ሴት ከወንድሟ ወይም ከአጎቷ ጋር ዝምድና አላቸው፡፡
2. የጋብቻ ዝምድና
 ቀጥታ የጋብቻ ዘመዳሞች (ባል ከሚስቱ እናትና፤ ሚስት ከባል አባት )
 ወደ ጎን በሚቆጠር የጋብቻ ዝምድና፣ ባል ከሚስቱ እህት ወይም ሚስት ከባሏ ወንድም ጋር ዘመድ እንደሆኑ ከቤተሰብ ሕጉ ድንጋጌዎች መረዳት ይቻላል፡፡
ጋብቻን የሚከለክሉ የዝምድና አይነቶች
የቤተሰብ ሕጉ አንድ ወንድ እና አንዲት ሴት በዝምድና ምክንያት ጋብቻ መፈፀም የማይፈቀድላቸውን ዘመዳሞች ዝርዝር አስቀምጧል፡፡ እነሱም
 በስጋ ዝምድና፡- በቤተሰብ ሕግ አንቀፅ 8 መሠረት ቀጥታ የስጋ ዘመዳሞች (በወላጅና በተወላጆች/አባት እና ልጅ/እናት እና ልጅ/አያት እና ልጅ)፤ ወደ ጎን በሚቆጠሩ የሥጋ ዝምድና፤ አንድ ወንድ ከእህቱ ወይም ከአክስቱ እንዲሁም አንዲት ሴት ከወንድሟ ወይም ከአጎቷ ጋር ጋብቻ መፈፀም የተከለከለ ነው፡፡
 በጋብቻ ዝምድና፡- በቤተሰብ ሕጉ አንቀፅ 9 መሰረት ቀጥታ የጋብቻ ዘመዳሞች (ባል ከሚስቱ እናት፤ ሚስት ከባል አባት)፣ ወደ ጎን በሚቆጠር የጋብቻ ዝምድና፣ ባል ከሚስቱ እህት ወይም ሚስት ከባሏ ወንድም ጋር ጋብቻ መፈፀም ክልክል ነው፡፡

እዚህ ላይ መታወቅ ያለበት ይህ ክልከላ ጋብቻ ሳይፈፀም እንደባልና ሚስት አብሮ በመኖር ላይም ተፈፃሚ መሆኑን ነው፡፡ በአንቀፅ 98 መሠረት ጋብቻ ሳይፈፀም እንደ ባልና ሚስት መኖር አንድ ወንድ እና አንዲት ሴት በሕግ በሚፀና ጋብቻ ሳይፈፅሙ በትዳር መልክ አብሮ መኖር ነው፡፡ ጋብቻ ሳይፈፅሙ እንደ ባልና ሚስት መኖር በወንዱ እና በሴቲቱ የሥጋ ዘመዶች መካከል እንዲሁም በሴቲቱ እና በወንድየው የሥጋ ዘመዶች መካከል የጋብቻ ዝምድና አይፈጥርም፡፡ ሆኖም ልክ የጋብቻ ዝምድና ባለ ጊዜ የተቀመጡ የጋብቻ ክልከላዎች ተፈፃሚ ናቸው፡፡ ይህ ማለት ልክ እንደጋብቻ ሁሉ ጋብቻ ሳይፈፅሙ እንደ ባልና ሚስት የሚኖሩ እንኳን ቢሆን ከላይ የተጠቀሰው የጋብቻ ዝምድና ክልከላ ተፈፃሚ ይሆናል፡፡

በዝምድና ምክንያት ጋብቻ እንዳይፈፀም ስለመቃወም
በሕጉ ክልከላ የተደረገባቸው ዘመዳሞች መካከል ጋብቻ ሊፈፀም ከሆነ የተጋቢዎቹ ወደ ላይ የሚቆጠሩ ወላጆች፣ 18 አመት የሞላቸው ወንድሞች ወይም እህቶች ወይም ዐቃቤ ሕግ ጋብቻው እንዳይፈፀም መቃወም ይችላሉ፡፡ ይህ መቃወሚያ በጽሑፍ ሆኖ እጅግ ቢዘገይ ጋብቻው ከሚፈፀምበት 15 ቀናት በፊት ለጋብቻ አስፈፃሚው ባለሥልጣን መቅረብ አለበት፡፡ ጋብቻ የሚስፈፅመው ባለሥልጣንም የተጋቢዎቹን አስተያየት ከተቀበለ በኋላ በ5 ቀናት ጊዜ ውስጥ ውሳኔ መስጠት ይጠበቅበታል፡፡ የቀረበውን ተቃውሞ የተቀበለ ከሆነ ለውሳኔው ምክንያት ያደረገውን ጉዳይ ለተጋቢዎቹ በማሳወቅ ጋብቻው እንዳይፈፀም ማድረግ ያለበት ሲሆን ተጋቢዎች በውሳኔው ላይ ለፍርድ ቤት ይግባኝ ማቅረብ ይችላሉ፡፡

በዝምድና ምክንያት የተከለከለ ጋብቻ መፈፀም የሚያስከትለው ውጤት
በሥጋ ወይም በጋብቻ ዝምድና ምክንያት ጋብቻ እንዳይፈፀም የተደነገገውን ክልከላ በመተላለፍ የተፈፀመ ጋብቻ በማንኛውን ባለጉዳይ ወይም በዐቃቤ ሕግ ጥያቄ እንዲፈርስ እንደሚደረግ የቤተሰብ ሕጉ አንቀጽ 32 ስር ተደንግጓል፡፡ በተጨማሪም በኢ.ፌ.ዴ.ሪ የወንጀል ሕግ አንቀጽ 647 ስር እንደተደነገገው ማንም ሰው በኽግ የተከለከለውን ጋብቻ አስቦ የፈፀመ ወይም ያስፈፀመ ወይም ለዚህ አይነቱ ጋብቻ ምስክር የሆነ ሰው ከሶስት ዓመት በማይበልጥ ቀላል እስራት ወይም ከአምስት ሺህ ብር በማይበልጥ መቀጮ ይቀጣል፡፡ ድርጊቱ የተፈፀመው በቸልተኝነት የሆነ እንደሆነ ደግሞ ከሦስት ወር በማይበልጥ ቀላል እሥራት ወይም በመቀጮ ይቀጣል፡፡

ማጠቃለያ
በአጠቃላይ በተሻሻለው የፌደራል የቤተሰብ ሕግ በዝምድና ምክንያት የተከለከሉ ጋብቻዎች የተደነገጉ በመሆኑ ጋብቻ ፈፃሚዎችም ሆኑ ጋብቻ አስፈፃሚዎች ጋብቻ ለመፈፀም መሟላት ያለባቸው መስፈርቶች መሟላታቸውን በቅድሚያ ማረጋገጥ ይኖርባቸዋል፡፡
በንቃተ ሕግ ትምህትርና ሥልጠና ዳይሬክቶሬት የተዘጋጀ
ፍትሕ ሚኒስቴር

አለ ሕግ

۳ اردیبهشت ۱۴۰۵، ۱۵:۵۵

📷 Photo

በኢትዮጵያ የንግድ ሕግ አዋጅ ቁጥር 1243/2013 መሠረት፣ የንግድ ማህበራት ትርጓሜ፣ ዓይነቶችና አቋቋማቸው ምን መምሰል እንዳለበት ከዚህ በታች ቀርቧል።

• የንግድ ማህበር ትርጓሜ (Definition of Business Organization)፦ Article 172።

የንግድ ማህበር ማለት ሰዎች መዋጮ አዋጥተው በህብረት በኢኮኖሚያዊ እንቅስቃሴ በመሰማራት ከሚገኘው ትርፍ ተካፋይ ለመሆን በመመስረቻ ጽሁፍ አማካኝነት የሚያቋቋሙት ማህበር ነው። የእሽሙር ማህበር ግን ማህበርተኞች በመካከላቸው በሚያደርጉትና በሦስተኛ ወገኖች በማይታወቅ ውል የሚመሰረት ነው።

የንግድ ማህበር ዓይነቶች (Types of Business Organizations)፦ Article 174

በሕጉ የታወቁ ሰባት የንግድ ማህበር ዓይነቶች አሉ፡-

1. የህብረት ሽርክና ማህበር (General Partnership)፦ እያንዲንደ ማህበርተኛ ለሚገባው ግዴታ ከማህበሩ ጋር በአንድነትና በነጠላ ተጠያቂ የሚሆንበት ማህበር ነው።

2. ሁለት ዓይነት ኃላፊነት ያለበት የሽርክና ማህበር (Limited Partnership)፦ ኃላፊነታቸው ያልተወሰነ ሸሪኮች (በአንድነትና በነጠላ ተጠያቂ የሚሆኑ) እና ኃላፊነታቸው በመዋጮአቸው የተወሰነ ሸሪኮች በአንድነት የሚመሰርቱት ማህበር ነው ።

3. ኃላፊነቱ የተወሰነ የሽርክና ማህበር (Limited Liability Partnership)፦ ሁለት ወይም ከዚያ በላይ የሆኑ ሰዎች የሙያ እና ለሙያው ደጋፊ የሆነ አገልግሎት ለመስጠት የሚያቋቋሙትና ኃላፊነታቸው በመዋጮአቸው የተወሰነ ማህበር ነው ።

4. የእሽሙር ማህበር (Joint Venture)፦ በሦስተኛ ወገኖች የማይታወቅና የሕግ ሰውነት የሌለው ማህበር ነው ።

5. የአክሲዮን ማህበር (Share Company)፦ ዋና ገንዘቡ አስቀድሞ ተወስኖ በአክሲዮን የተከፋፈለ እና የባለአክሲዮኖች ኃላፊነት በገዙት አክሲዮን መጠን የተወሰነ ማህበር ነው ። ዝቅተኛ ዋና ገንዘቡ ፶ ሺህ ብር መሆን አለበት።

6. ኃላፊነቱ የተወሰነ የግል ማህበር (Private Limited Company)፦ ዋና ገንዘቡ በአክሲዮን የተከፋፈለ ሆኖ፣ አባላቱ ለመዋጮአቸው ካልሆነ በስተቀር ለማህበሩ ዕዳ ተጠያቂ የማይሆኑበት ማህበር ነው ። ዝቅተኛ ዋና ገንዘቡ 15 ሺህ ብር ነው።

7. ባለአንድ አባል ኃላፊነቱ የተወሰነ የግል ማህበር (One Person PLC)፦ አንድ ሰው ብቻ በግሉ በሚሰጠው መግለጫ መሠረት የሚቋቋም የራሱ የሕግ ሰውነት ያለው ማህበር ነው።

መሠረታዊ ድንጋጌዎች
• የመመስረቻ ጽሁፍ (Memorandum of Association)፦ Article 173 እና Article 177
• ከእሽሙር ማህበር በስተቀር ሁሉም የንግድ ማህበራት በመመስረቻ ጽሁፍ ካልተቋቋሙ በስተቀር ውጤት አይኖራቸውም።
• ሕጋዊ ሰውነት (Legal Personality)፦ Article 175:- ከእሽሙር ማህበር በስተቀር ሁሉም የንግድ ማህበራት በንግድ መዝገብ እንደተመዘገቡ የሕግ ሰውነት ያገኛሉ።
• የማህበሩ ስም (አንቀጽ 176)፦ ማንኛውም የንግድ ማህበር ስም ሊኖረው ይገባል፤ ስሙም ከሌላ ነጋዴ ጋር የማይጋጭና ለሕግና ለሕዝብ ሞራል ተቃራኒ መሆን የለበትም።
• ትርፍን ስለመካፈል (አንቀጽ 178)፦ የማህበሩን ትርፍ ለአንድ ወይም ለተወሰኑ አባላት ብቻ እንዲሆን የሚያደርግ ስምምነት ፈራሽ ነው።

ለተጨማሪ መረጃ በአዋጅ ቁጥር 1243/2021 ሁለተኛ መጽሐፍ ውስጥ ያሉትን ዝርዝር ድንጋጌዎች መመልከት ይቻላል።

አለ ሕግ

۳ اردیبهشت ۱۴۰۵، ۱۵:۵۵

📷 Photo

የስመ-ንብረት ዝውውር ክፍያን በተመለከተ በማህበራዊ ሚዲያ ለተነሱ ጥያቄዎች የተዘጋጀ መረጃ
-----‑---------------------------
1. በሽያጭ ወይም በስጦታ የሚደረግ ስም ዝውውር
በሽያጭ ወይም በስጦታ ስም ለማዛወር የሚከፈሉ የአገልግሎት ክፍያዎች የሚከተሉት ናቸው፡-
• ለአሻራና ቴምብር ቀረጥ – 6%
• ለንግድ/ቅይጥ ይዞታ ከሆነ ተጨማሪ 15%
• ለምዝገባ – 1,000 ብር
• ሰነድ ማጣራት – 1,000 ብር
• ለሰርተፊኬት – 1,100 ብር
• ለዋስትና ፈንድ – 0.3%
• አደጋ ጊዜ መቋቋሚያ ፈንድ – 0.1% (ከሻጭና ከገዥ)
• ለምህንድስና/ልኬት አገልግሎት – በቦታ ስፋት መሰረት

2. በውርስ የሚደረግ ስም ዝውውር
በውርስ ምክንያት ለሚደረግ የስም ዝውውር የሚከተሉት ክፍያዎች ይጠየቃሉ፡-
• ለአሻራና ቴምብር ቀረጥ – 6%
• ለምዝገባ – 1,000 ብር
• ለሰነድ ማጣራት – 1,000 ብር
• ለሰርተፊኬት – 1,100 ብር
• ለምህንድስና/ልኬት አገልግሎት – በቦታ ስፋት መሰረት
---------------------
• የፍርድ ቤት ጉዳዮች፦ ከህግ አሰራር፣ ከውሳኔ እና ከወራሽ ምርመራ ጋር የተያያዙ ጉዳዮች የሚመለከቱት ፍርድ ቤትን እንጂ ኤጀንሲውን አይደለም።
• የወራሽነት ማረጋገጫ፦ ትክክለኛ ወራሽን የመለየት ስልጣን የፍርድ ቤት ነው። ውርስ ለማጣራት የሚወስደው ጊዜም በፍርድ ቤቱ የአገልግሎት አሰጣጥ ስታንዳርድ የሚወሰን ነው።
• የኤጀንሲው ድርሻ፦ ኤጀንሲው አገልግሎት የሚሰጠው ከፍርድ ቤት የውርስ ማጣራት ሪፖርት ሲቀርብ እና የአገልግሎት ቅድመ ሁኔታዎች ሲሟሉ ብቻ ነው።

ሚያዚያ 08/2018 ዓ.ም
(የመ/ይ/ም/መ/ኤ) AA-LHRIA

3,210

አለ ሕግ

۳ اردیبهشت ۱۴۰۵، ۱۵:۵۵

📎 File

3,280

አለ ሕግ

۳ اردیبهشت ۱۴۰۵، ۱۵:۵۵

📎 File

3,020

አለ ሕግ

۳ اردیبهشت ۱۴۰۵، ۱۵:۵۵

📎 File

⚜

3,120

አለ ሕግ

۳ اردیبهشت ۱۴۰۵، ۱۵:۵۵

📎 File

3,060

አለ ሕግ

۳ اردیبهشت ۱۴۰۵، ۱۵:۵۵

📎 File

2,410

አለ ሕግ

۳ اردیبهشت ۱۴۰۵، ۱۵:۵۵

📷 Photo

ገንዘብ ሚኒስቴር ጀኔሬተር እና ትራንስፎርመር ለኢንቨስትመንት በካፒታል ዕቃነት ከቀረጥ ነፃ ከሚገቡት መካከል እንዲሆን ፈቅዷል!

ከቀረጥ ነፃ እንዲገቡ ቅድሚያ የተፈቀዱ ካፒታል እቃዎች ዝርዝር ከመመሪያ ቁጥር 1064/2017 (የኢንቨስትመንት ማበረታቻን ለማስፈጸም የወጣ መመሪያ) ሙሉ ሰነዱን ላይ ማንበብ ትችላላች።

Source: The Ethiopian economist view

3,110

Showing 10 of 10 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

አለ ሕግ

አለ ሕግ

رتبه‌بندی

رشد مشترکان (2 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

خابر

یام‌یام‌ پروکسی | کانفیگ proxy | VPN | v2ray

قناة الشيخ عبدالحميد الحَجُوري الزُّعكُري

نافذة على روسيا

جماران

قناة روس كونغرس

ملفات حسوم

الشيخ محمد العكلوك - القناة الرسمية

کانال‌های تلگرام مرتبط

خابر

یام‌یام‌ پروکسی | کانفیگ proxy | VPN | v2ray

قناة الشيخ عبدالحميد الحَجُوري الزُّعكُري

نافذة على روسيا

جماران

قناة روس كونغرس

ملفات حسوم

الشيخ محمد العكلوك - القناة الرسمية

نظرات کاربران (0)

آخرین پست‌ها