Nolawi ኖላዊ

Public

نمی‌توانید بپیوندید؟ @Nolawii

۸.۷k عضو

به‌روزرسانی شده: May 14, 2026 at 4:09 AM

Nolawi ኖላዊ

ይህ ቻናል ኦርቶዶክሳዊ መንፈሳዊ ትምህርቶች የሚተላለፉበት ነው። እግዚአብሔር አገልግሎቱን ያስፋ! አገልግሎቱንም ያግዙ! 0911699907 ዲያቆን አሸናፊ መኰንን

@Nolawii offers specialized information about 0911699907 for subscribers interested in معنویت

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (8 روز گذشته)

مجموع: 8.7K

رشد 24 ساعت: +0 0%

آخرین پست‌ها

Nolawi ኖላዊ

۴ خرداد ۱۴۰۵، ۰۰:۳۸

ዛሬ ዓርብ ግንቦት 14 ቀን 2018 ዓ.ም. ከምሽቱ 2:00 ሰዓት  ላይ ትምህርታችን ይጀምራል ::

የትምህርታችን ርእስ "

እውነተኛ ፍቅር 3

ማስታወሻ ብትይዙ ይመከራል።

ሌሎች ወገኖቻችንንም ጋብዙ

914

Nolawi ኖላዊ

۴ خرداد ۱۴۰۵، ۰۰:۳۸

Live stream started

Nolawi ኖላዊ

۴ خرداد ۱۴۰۵، ۰۰:۳۸

አንተ ታውቃለህ !

ወሬው ሲፋፋም ፣ መርዶም ሲበዛ ፣ የትላንቱ ሳይፈታ ሌላ ቋጠሮ ሲመጣ ፣ ችግር ሲነባበር ፣ መከራ ሲቆለል ፣ ለደስታ ያቀዱት ቀን ለኀዘን ሲውል ፣ የቅጽበት ሐሤት የዘመናት ልቅሶ ሲሆን ፣ የተባበረ ሲለያይ ፣ የሚያስታርቅ ሲጠፋ ፣ አራዊት ተንከባካቢ ሲያገኙ ፣ የሰው ልጅ ደጋፊ ሲያጣ አንተ ታውቃለህ ፣ ሙሉ ጥያቄም ሙሉ መልስም የለኝምና ቀንህን እጠብቃለሁ ። የሁሉንም ነገር ምሥጢሩን የምታውቅ ፣ መልስ ያለህ ፣ ሥልጣንህ ሁሉን የሚከውን አንተ እግዚአብሔር ነህ ።

አንተ ታውቃለህ !

መረንነት እንደ ጨዋነት ሲታይ ፣ ትውልድን ለማምከን ደፋ ቀና ሲባል ፣ የፊቱ እንደ ጠላት የዛሬው እንደ ወዳጅ ሲታይ ፣ ትዝታ ሲሻር ፣ ተስፋም ጥቁር ጨርቅ ሲለብስ ፣ ሊሰብክ የወጣው አምልኩኝ ፣ ሊያገለግል የተሾመው አገልግሉኝ ሲል አንተ ታውቃለህ ሊሆን ያለውንም ትቆጣጠራለህ ። ስጋት ቤቱን ሲሠራብኝ ፣ ፎካሪ ሲያስጨንቀኝ እንኳን ከተዛተ ከተወረወረም አንተ ታድናለህ ። ሞት የፈረደውን ሹም ቀድመህ ትወስዳለህ ። አንተ ታውቃለህ የውስጥን የልብን ትረዳለህ ፣ ያለ ነጋሪ የጓዳዬን ጉድለት ትሞላለህ ። ለመሸፈን ታያለህ ፣ ለመሙላት ትጠይቃለህ ፣ እያወቅህ ለምነኝ ትላለህ ።

አንተ ታውቃለህ !

ዛሬ እወድሃለሁ ብል መውደዴ አልተፈተነም ፣ አላምንም እንዳልል መሄጃ የለኝም ። እንደምወድህም አንተ ታውቃለህ ። የካድኩህን ሕዝብ አሳምን ብለህ ስትልከኝ ራሴን እጠራጠራለሁ ፣ ችኵሉን እረኛ ስታደርግ በራሴ እስቃለሁ ። የማልፈልገው በዝቶ የምፈልገው ሲጠፋኝ አንተ ታውቃለህ በፍቅርህ እየኝ ፣ በታማኝነትህ በቤትህ አኑረኝ ። ዛሬ ነጭ ለብሰው ባይ ጥቁሩን አውልቀው እንደሆነ አልገባኝም ። የሚስቁት ብዙ ቀብረው እንደሆነ አልተረዳኝም ። ምንም ያለባቸው የማይመስሉ ብዙ ሸክም ተሸክመዋል ፣ ፈገግታቸውን ሳይ እንዲህ የኖሩ ይመስለኛል ፣ ከታላቅ እሳት እንደ ወጡ መቼ አውቃለሁ ? አንተ ታውቃለህ ሬሳ አስቀምጠው “ደኅና ነው” እንደሚሉ ፣ አንተ ታውቃለህ ከመራራው ኑሮ ጣፋጩን ጌታ እንደ ቀመሱ ።

አንተ ታውቃለህ !

ከሞተ የቆየ ፣ ከፈረሰም የዘመነ ብዙ ደረቅ አጥንት ይታየኛል ። ለዚህም ሕይወት መስጠት ፣ ከዚህም ታላቅ ሠራዊት ማስነሣት ይቻልሃል ። አንተ ታውቃለህ ፣ ሁሉን በዕለት መከወን ስትችል በምዕራፍ ትሠራዋለህ ። ዘጠኝ ወር ተረግዞ አንድ ቀን አምጦ ልጅን ይወልዱታል ። የመከራ ትርፎቼን ላልጠላ እንድወዳቸው ፣ በክፉ ቀን የደረሱልኝን ላልርቅ እንድቀርባቸው ፣ የእንባዬ አባሾችን ላልቀየም እንድጠጋቸው እባክህ እርዳኝ ። አንተ ታውቃለህ አካባቢው ያሰጋል ፣ ዘመኑ ዳምኗል ። ለሚያምኑ ግን ፀሐይ ይወጣል ፣ ቅዱስነትህን ለሚጠባበቁ ፈውስ ይዘንባል ። ነጻነት ውድ ነው ፣ ሕይወት የሚከፈለው ለአርነት ነውና ። እውነተኛ ነጻነት ግን ከክፉ ገዥዎች ሳይሆን ከክፉ ልብ መላቀቅ ነው ። ልቡ የበደለውን ቸር አይክሰውም ። አንተ ታውቃለህ ድሀ ተቀምጦ ሀብታም ይሞታል ፣ ጥሪት መቆያ እንጂ መኖሪያ መቼ ይሆናል ? ማረፍ ሁሉ በተስፋና በትዕግሥት ውስጥ ተደብቋል ። ሕሊና ካልሠራ ሥጋ የሕሊና መቃብር ይሆናል ። አንተ ታውቃለህ የሕይወቴ መስፍን ነህ ። ከልቤ አባርሬህ በአገሬ ንገሥ እልሃለሁ ። ግለሰብ ሲበዛ ሕዝብ ፣ ቤቶች ሲበዙ አገር እንደሚሆን ዘንግቻለሁ ።

አንተ ታውቃለህ !

የሠራሁት ቢበላሽ የሠራህልኝ ፀንቷል ፣ ያልኩት ባይሆን ያልከው ተፈጽሟል ፣ አምጬ የወለድኳቸው ቢከፉብኝ የማላውቀው ዘመድ ሆኖኛል ። ሁሉም ነገር “ነበር” ለመባል ቢቸኩልም የሁልጊዜ ነዋሪ በሆንከው የልቤን መልሕቅ ባንተ ላይ እጥላለሁ ። ልቤ ሲጎድል ፍርሃት ሲከበኝ ፣ መንቦጫቦጩ ወደ ኋላ ሲስበኝ ፣ ነፍሴ ኀዘን አርግዛ ቀኑን ማየት ሲሳነኝ አንተ ታውቃለህ ። ደግሰህ ትጠብቀኛለህ ። እንኳን በሰው ርግማን በሰው ምርቃትም አንተ ካልሞላህበት መቼ ይሞላል( አንተ ታውቃለህ ሥራህን በውበት ትሠራለህ ፣ የማይኮረጅ የማይተች ግብርህን ትፈጽማለህ ። አምናለሁ ግን አላምንም ፣ እንዳምንህ እርዳኝ ። እንደ ልቤ ከሀዲ የለም ፣ አሁንም ግን አብሬው እኖራለሁ ፣ እያፈቀረ የተበደለውን አይረሳም ። እያስታወሰም አብሮ ይኖራል ። ልቤ ከዓለም ይሰፋል ። አንዴ አንተን ትልቅ ያደርጋል ፣ ቆይቶ ችግሩን ያገናል ። አንተ ታውቃለህ ፣ ቸሩ መድኃኔ ዓለም አዎ አንተ ታውቃለህ ። እንደምታድነኝ እንጂ እንዴት እንደምታድነኝ ማወቅ የእኔ ፈንታ አይደለም ፣ ብቻ አንተ ታውቃለህ !

በል አንተ ታውቃለህ የምንከርምበቱን ፣
ሰው ኑሮውን እንጂ አያስብም ሞቱን ።

#ዲያቆን #አሸናፊ #መኰንን
ግንቦት 13 ቀን 2018 ዓ.ም.

Nolawi ኖላዊ

۴ خرداد ۱۴۰۵، ۰۰:۳۸

ምስጋና ላንተ !

መካድ ስትችል ለተቀበልኸኝ ፣
ደካማ እምነቴን ላልተጸየፍክብኝ ፣
ከክርስቲያን ማኅበር ለደባለቅኸኝ ፣

አዎ ምስጋና ፣ ላንተ ለእግዚአብሔር ይሁንልኝ !

ምስጋና ላንተ

ሰጥተህ ስጠኝ ላልከኝ ፣
በታዘቡኝ ፊት ላስተካከልከኝ ፣
ቅዱስነትህ ኃጢአተኝነቴን ላልናቀው ፣
መኖሬን ባለ ምክንያት ላደረግኸው ፣

ምስጋና ፣ ላንተ ለእግዚአብሔር ይሁንልኝ !

ምስጋና ላንተ

ሕይወትን ያህል በነጻ ለሰጠኸኝ ፣
ፍቅርህ ይህን ያህል ለማይባል ፣
ስተች ለመከርከኝ ፣
ስንቅ አፈር ነህ ላልከኝ ፣
ያንን ቀን ላሳለፍክልኝ ፣
ሰፊ ምኞቴን አትርፈህ ለሰጠኸኝ ፣
ሚዛን ከሌላት ዓለም ላዳንከኝ ፣

ምስጋና ፣ ላንተ ለእግዚአብሔር ይሁንልኝ !

ምስጋና ላንተ

በፈተናዬ መልሱን ላቀበልከኝ ፣
በከሳሾች ፊት አንደበት ለሆንከኝ ፣
ሰውን መውደድ ላለማመድከኝ ፣
አስገራሚ ቅባትህን ላፈሰስክልኝ ፣
ጉዳዬን ጉዳይህ ላደረግህልኝ ፣
እኔን ማስተማር ለማይሰለችህ ፣
ሕይወትን በምዕራፍ ላሳየኸኝ ፣
የሆነልኝን ሁሉ ለከወንክልኝ ፣

ምስጋና ፣ ላንተ ለእግዚአብሔር ይሁንልኝ !

#ዲያቆን #አሸናፊ #መኰንን
ግንቦት 14 ቀን 2018 ዓ.ም.

1,030

Nolawi ኖላዊ

۴ خرداد ۱۴۰۵، ۰۰:۳۸

የእግዚአብሔር ቤተሰቦች

የጥያቄና መልስ መርሐ ግብር ለመጀመር እናስባለን ። በጽሑፍ የምትልኩትን በቃል ለመመለስ እንፈልጋለን ። በሳምንት አንድ ቀን የጥያቄዎች መልስ በቀጥታ ስርጭት እናደርጋለን።

በግላዊ ሕይወት፣ በሃይማኖት፣ በታሪክ፣ በጋብቻ ፣ በአገልግሎት ላይ ጥያቄዎቻችሁን በጽሑፍ ላኩልን።

በቴሌግራም በ 0911699907 ላኩልን !
አገልግሎቱ እንዲያድግ አግዙ !

እግዚአብሔር ያግዘን !

1,390

Nolawi ኖላዊ

۴ خرداد ۱۴۰۵، ۰۰:۳۸

https://vt.tiktok.com/ZSxBANUab/

1,240

Nolawi ኖላዊ

۴ خرداد ۱۴۰۵، ۰۰:۳۸

በዲያቆን አሸናፊ መኰንን የተጻፉትን ና በገበያ ላይ ያሉትን እነዚህን መጻሕፍት በሙሉ ለሚገዙ አዲስ አበባ ላይ ላሉ ወዳጆች ያሉበት ድረስ እናደርሳለን!

1- የእግዚአብሔር ትዕግሥት 400
2- ብርቱ ድምፅ 250
3- ተንሥኡ ለጸሎት 60
4- ረጅሙ ፈትል 170
5- የጊዜው ቃል 200
6- ቅዱስ ጋብቻ 200
7- እንደ እኔ ከተሰማችሁ 150
8- የሕይወት መክብብ 150
9- አካላዊ ቃል 250
10- ቃና ዘገሊላ 250
11- ኒቆዲሞስ 170
12- ሳምራዊቷ ሴት 250
13-መጻጉዕ 250
14- እርስ በርሳችሁ180
15- ኅብስተ ሕይወት 250
16- የሕይወት ውኃ 250
17- ኦሪት ዘፍጥረት ትርጓሜ 300
18- ምዕራፈ ቅዱሳን 200
19- የደስታ ቋጠሮ 130
20- የዕለቱ መና 200
21- የበረሃ ጥላ 200
22- ወዳጄ ሆይ 200
23- የአገልግሎት ቱንቢ 250
24- ጴጥሮስ ወጳውሎስ 250
25- ሰንፔር 170
26- መንፈሳዊ በረከት 500
27- ጥበበኛው ድሀ 2ዐዐ

አጠቃላይ ድምር 6000 ( ስድስት ሺህ )ብር
በሚከተሉት የባንክ ሂሳብ በመላክ በ0911 699907 ላይ በቴሌግራም ደረሰኙን ይላኩ ፈጥኖ ይደርሰዎታል

የሕይወት ዘመን ስንቅ ያለባቸው ድንቅ መጻሕፍት!!!
አሸናፊ መኰንን ወርቁ
Ashenafi Mekonnen worku
የኢትዮጵያ ንግድ ባንክ
1000165078482

አቢሲንያ ባንክ
23202573

ወጋገን ባንክ
0870286030101

አዋሽ ባንክ
Awash Bank
01320034656200


ቴሌብር
0930006086

1,290

Nolawi ኖላዊ

۴ خرداد ۱۴۰۵، ۰۰:۳۸

ዕድገት/24

የመጨረሻው ክፍል

ብቻውን መቆም አይፈራም

ልጆች እጃቸውን ተይዘው ሲሄዱ ፣ በወላጆቻቸው ጥብቅ ቁጥጥር ውስጥ ሲሆኑ ደስተኛ አይደሉም ። እንኳን ልጅ ውሻም ሲታሰር ደስተኛ አይደለም ። ነጻነት የፍጥረተ ዓለም ጥማት ነው ። ታዲያ ልጆች የሚመኙት ነገር ብቻቸውን መሄድ ፣ ያለ እርዳታ መሻገር መቻል ነው ። አንድ ሕፃን ልጅ “ስታድግ ምን ታደርጋለህ ?” ስለው “ብቻዬን እሄዳለሁ” አለኝ ። በወላጆቹ እጅ ተይዞ ፣ ክንዱ እስኪገነጠል ተንጠልጥሎ መሄድ ያስመርረው ነበር ማለት ነው ። ያደገ ሰው ብቻውን መቆም አይፈራም ። ልጆችን የምንወዳቸው ከሆነ ራሳቸውን ችለው እንዲቆሙ ማገዝ አለብን ። አጉል ተስፋ በመስጠት ፣ እኔ እያለሁ ምን አትሆንም በማለት ሙት ትውልድ እንዳናፈራ መጠንቀቅ ያስፈልጋል ። ሁልጊዜ ቋሚ አይደለንምና ፣ ዛሬ በእጃችን ያለው ነገ አይኖርምና መተማመኛ መስጠት አንችልም ። ልጆች ጥገኝነትን ከለመዱ ፣ ሳይሠሩ ገንዘብን ከወሰዱ የራሳቸውን የግል የሌላውን የጋራ አድርገው ማሰብ ይጀምራሉ ። ከመሥራት ይልቅ ማታለልን ፣ ከጽድቅ ይልቅ በኃጢአት የሚገኝ ትርፍን ይናፍቃሉ ። ይሉኝታ እያጡ እኔ የለኝም ሌላው ግን አለው የሚል ስሜትን ያዳብራሉ ። የሌላውን ንብረት በቀጥታ መስመር የራሳቸው ማድረግ ስለማይችሉ የወንጀል ተባባሪ ይሆናሉ ። የሰውን ገንዘብ የሚመኝ ጨካኝ ይሆናል ። ያ ሰው በሕይወት እያለ መንጠቅ ስለማይችል የዚያን ሰው ሞት እየተመኘ ይመጣል ።

“ዓሣ የሚወድ ወዳጅህን ዓሣ ማጥመድ አለማምደው” ይባላል ። እኛ በሌለን ጊዜ እንዳይራብ ፣ ደግሞም የሚፈልገውን ያህል ማጥመድ እንዲችል ማስተማር ተገቢ ነው ። ድንበር አቋርጠው የተጓዙ ሰዎች ሁለት ነገር ይረዳል ይላሉ ። የመጀመሪያው ውኃ ዋና ሲሆን ፤ ሁለተኛው ቋንቋ ማወቅ ነው ። ሁልጊዜ የወላጆች ቤት መኖር አይቻልም ። በዚህ ዓለም ላይ በወታደር ቅርጽ እንጂ በቱሪስት መልክ ራስን ማዘጋጀት አደጋው ከፍ ያለ ነው ። ዓለም የተድላ ስፍራ ሳትሆን የትግል ቦታ ናት ። ይልቁንም የመቆያ ዓለም ሆና እንዲህ ያስጨነቀች የመኖሪያ ብትሆን ምን ያህል ታስጨንቀን ነበር ( ብለን ስናስብ ሞት መድኃኒት ሁኖ እንደ ተሰጠ ይገባናል ። እግዚአብሔር ጦርነቱ ሲፋፋም ፣ ቀጣዩ ሁኔታ አስጊ ሲሆን አምባሳደሩን ወደ አገሩ የሚጠራበት መንገድ ሞት ይባላል ። በርግጥ ራሱን ጠርቶ ወደ አገሩ የሚሄድ አምባሳደር የለም ። አምባሳደር ከሆንን ከአገራችን ርቀን እንደምንኖር እርግጥ ነው ። በገዛ አገሩ አምባሳደር የሚሆን የለምና ። ይህችን አጭር ዘመን በቆራጥነት ፣ በጥብዐት/በቅዱስ ጭካኔ ፣ በእምነት መሻገር አለብን ።

ይህ ዓለም የስደት ቤታችን ነው ። ስደተኛ በሌላ አገር ፣ በሌላ ባሕልና ቋንቋ ውስጥ የሚኖር ነው ። ስደተኛ ቢንቁት ቢጠሉት ብዙም አይገርመውም ። ምክንያቱም የገዛ አገሩ እንዳልደላው ያውቃልና ። የስደት ቤት ቢያመሻሹበት እንጂ አያድሩበትም ። እኛ የገዛ አገራችንን ብንረሳም ሁለተኛ ዜጋ የሰጡን ግን አይረሱትም ። በሰው አገር የሚኮሩ ተቀባይነታቸው ሊነጠቅ የሚችል መሆኑን ይረሳሉ ። በዚህ የስደት ዓለም ላይም ክብሩም ፣ ሙገሳውም ውሸት ነው ። ከብዙ ድካም በኋላ ስደተኛው ለአገሬ የምሠራው መቼ ነው ( ይላል ። በዚህ ዓለምም ካለው እንግልት ቀጥሎ ለሰማይ አገሬ መቼ ነው የምሠራው? እንላለን ። የሮጥንላቸው ሰዎችና ዓለም አላረካ ይሉናል ። ለሰዎች ያለን ደግነት የጨው ውኃ እንደ መስጠት ነው ። መልሰው ይጠማሉ ። ባደረግንላቸው ነገር ከማመስገን ሌላ ተጨማሪ ይፈልጋሉ ። ወደን ፈቅደን የሰጠነውን ረስተው ተምነውና ጨምረው ፣ አስፈራርተው ለመውሰድ ይከጅላሉ ። ደግነት በእግዘአብሔር ዘንድ እንጂ በሰው ዘንድ ሞገስ እያጣ ነው ።

ያደገ ሰው ራሱን ችሎ ይቆማል ። እግዚአብሔር የማንኖረው ሕይወት ፣ የማይዋል ቀን ፣ የማይሸነፍ ጦርነት አልሰጠንም ። ያደገ ሰው ይህችን ዓለም በውክልና አይገናኛትም ። በቀጥታ ስለ ራሱ መልስ ይሰጣል ። ሥራዬን ሰው ይሥራልኝ ከሚል አስተሳሰብ ይወጣል ። ለሰዎች ማስፈራራት እጅ አይሰጥም ። ትግልን የመጨረሻዬ ነው ብሎ ይሰጋውም ። መገለልን በጽናት ያስተናግዳል ። እንዳያሙኝ ብሎም በድብቅ አይኖርም ። ድፍረት ለማግኘት ብሎ ዝምተኛ ከሆነ ለፍላፊ ፣ ፈሪ ከሆነ ደፋርን አይቀልብም ። የመኖር መብት እንዳለው ያውቃል ። ሰዎች መስመራቸውን ሲያልፉም ያሳውቃል ። ለፍቅር እንጂ ለፉከራ አይሸነፍም ። ማስፈራራት ሁሉም ይወዳል ። የሚፈራ ካገኘ ሕፃንም ፣ ውሻም ያሳድዳል ። ቆመን ስንጠብቅ ፣ ደፍረን መልስ ስንሰጥ ግን ሁሉም ነገር መቆም ይጀምራል ።

ከሥራው ሐሜቱ ፣ ከራእዩ ተቃዋሚው በሚበዛበት በእኛ ምድር እግዚአብሔርን ብቻ እየሰሙ መጓዝ ተገቢ ነው ። አሳድደን ማግኘት ያለብንም የተገፉ ሰዎችን ነው ። እውነተኛው የሕይወት ምሥጢር እነዚህ ሰዎች ጋ አለ ። እነዚህ ሰዎች ማስመሰል ስላልቻሉ ሁሉም አግሏቸው ይሆናል ። ቀልድና ተረብ የያዙ ሰዎች ሙያቸው ቀላል ነውና ሁሉ ያውቃቸዋል ። የከበረ ነገር የያዙ ሰዎች ግን ብዙ ሰው አያውቃቸውም ። የሽንኩርት ገበያ ግርግሩ ብዙ ነው ። የአልማዝ ፣ የዳይመንድ ሱቅ ግን በወር አንድ ጊዜ ጠያቂ ቢገባበት ነው ። ውድ ነገሮች ብዙ ፈላጊ የላቸውም ። ብቻ ያደገ ሰው ብቻውን መቆም አይፈራም ። ላመነበት ነገርም ዋጋ ይከፍላል ። ከአገር ብንርቅ ከዘመድ እንጂ ከእግዚአብሔር አልራቅንም ። ሰው ቢጠላን ዘላለማዊ ፍቅር ተገልጦልናል ። ወደን መጣላት አይገባንም ፣ ሰዎች ግን እኛን እንዲወዱ ማስገደድ አንችልም ። ተው እንጂ ወዳጄ ዘንድሮም ትፈራለህ? ብዙ አይተሃልና ጸንተህ ቁም !

ዕድገት የሚለውን ርእስ ፈጸምን ።
ወስብሐት ለእግዚአብሔር ።

#ዲያቆን #አሸናፊ #መኰንን
ግንቦት 11 ቀን 2018 ዓ.ም.

Nolawi ኖላዊ

۴ خرداد ۱۴۰۵، ۰۰:۳۸

📎 File

እውነተኛ ፍቅር 2

#ዲያቆን #አሸናፊ #መኰንን

1,830

Nolawi ኖላዊ

۴ خرداد ۱۴۰۵، ۰۰:۳۸

Live stream finished (1 hour)

Nolawi ኖላዊ

۲۰ اردیبهشت ۱۴۰۵، ۱۳:۵۵

አንተ ልጅ

ለራስህ የምታለቅሰው ፣ የምወደው እንደ መንፈቅ መንገድ ምነው ራቀኝ የምትለው ፣ ልትለብስ ስታነሣው ልብስህን ብል የጨረሰው ፣ አለልኝ ብለህ ስታወራ ወዳጅህን ክዳት የበላው ፣ የድብቅ ልቅሶህ በሰማይ ተሰምቷልና አንተ ልጅ እንደምን አለህ ? ልቅሶ ያለ አላቃሽ አያረካምና ለራስህ አልቅሰህ አልረካ ያለኸው ፣ በሰዋራ መንገድ በተዘጋ ቤት በእንባ ፈሳሽ ለምትታጠበው ፣ ያለ ድንበር ቀርበህ ድንበር ለሚያስቀምጡብህ ፣ ያለ ስስት አሳድገህ ልጆችህ ለሚነፍጉህ ፣ ዘመድ ባላጋራ ፣ ትዳር ረመጥ የሆነብህ ፣ አባትን መገላገል ፣ እናትን መምከር የሰለቸህ አንተ የተጎዳኸው ልጅ እንደምን አለህ ?

የችግሩን ዛፍ ስትቆርጠው ቁጥቋጦው የሚበዛብህ ፣ መምህሩን ላርቀው ስትል የክፋት ተማሪዎች የሚፈሉብህ ፣ አገር ያላመድካቸው አገር ያሳጡህ ፣ አንገት የለሾች ወርቅ አበድረህ ጠጠር የመለሱልህ ፣ ያስታመምካቸው ያሳመሙህ ፣ ያስተማርካቸው ስሑት ያሉህ ፣ ለንስሐ የበቁት ንስሐን ያበዙት ፣ ያጎረስካቸው የነከሱህ ፣ ያለበስካቸው ያራቆቱህ ፣ በዚህም መድኃኔ ዓለምን መስለሃልና አንተ ልጅ እንደምን አለህ ?

እየበላህ የሚርብህ ፣ እየጠጣህ የሚጠማህ ፣ የምትፈልገውን አላውቅ ብለህ ውሎህን ያበላሸኸው ፣ ቶሎ ቀርበህ ቶሎ እየራቅህ የማታውቀውን ሥዕል ለማግኘት የምትቅበዘበዘው አንተ ልጅ እንደምን አለህ ? ሁሉም ከሥርህ ሊነቅልህ የወጣ ባላጋራ የመሰለህ ፣ የጥንቃቄ ዓይን ወዳጆችህን የጋረደብህ ፣ እንኳን ሰዉ የገዛ ልብህ የከዳህ ፣ ሰላም በሚመስለው ከተማ በጦርነት ያለኸው ፣ የወንድም ባላንጣ ፣ የእኅት አገርጋሪ ፣ የጎረቤት ምቀኛ ፣ የመንደር ነፋስ ፣ የአገር አድማ ፣ የአማኞች የሰላ ምላስ አላኖር ያለህ አንተ ልጅ ሰማይ እያየህ ነውና ኧረ እንደምን አለህ ?

ምሽቱ የሚያስፈራህ ፣ ንጋቱም የሚያሰጋህ ፣ ብቸኝነቱ ብርድ ብርድ የሚልህ ፣ ገና ሳትዋደድ መጣላቱ የሚያሰጋህ ፣ ስትፋቀር ወረቱ ገና ለገና የሚያባንንህ ፣ የወደደህን የምትርቅ ፣ የሚጠላህን የምትጣበቅ ፣ ሚዛን አጥተህ ሁሉ ወዳጅ ሁሉ ጠላት ሁኖ የሚታይህ ፣ የአንድ ቀን ትውውቅ ለዘላለም የሚሆን የሚመስልህ ፣ ሰውን በቁመና ፣ ፍቅርን በጥርስ የምትለካ ፣ ስምህን ሲያቆላምጡት ምን ልሁን የምትል ፣ የሰላምታ ውለታ አለብኝ ብለህ የምትጨነቅ ፣ በማመስገኛ ዘመንህ ራስህን የምትረግም ፣ ውዳሴ አምላክን የምታስቀር አንተ ብኩን ፣ አንተ ልጅ እንደምን አለህ ? እንደ ምን አለህ ብሎ አምላክህ በርህን ዛሬ እንኳኳ ነው ፣ እንደ አንተም እንደ ሰዉም ጨርሰህ እንደ ጌታ ያለኸው አንተ ልጅ እንደምን አለህ !

ሆድህ የሚባባው ፣ ሰው ለመኖር ሲያቅድ አንተ ግን ለሞትህ የምትሰናዳው ፣ ሞተህ ያለውን ትርኢት እያሰብህ ቀድመህ ለራስህ የምታለቅሰው ፣ ብሞት እንኳ እንዲያነሡኝ ብለህ በርህን ክፍት አድርገህ የምትተኛው ፣ ራስህን መቅጣት የዘወትር ሥራህ ያደረከው ፣ ቀኑን ከነፋስ ፣ ምሽቱን ከጨረቃ ጋር የምታወራው ፣ ከሰው ተፈጥረህ ሰው የራበህ ፣ ከአገር በልተህ ብቻህን የቀረህ አንተ ልጅ እንደም አለህ ? በቀልህን ሊበቀል እግዚአብሔር በደጅ ቆሟና ደስ ይበልህ !

አንተ ልጅ እስቲ እኔ ልምከርህ፡-

ማን ይደርስልኛል ? ምን አገኛለሁ ? ማለት የእምነት መንገድ አይደለምና አቁመው ። ሰዎችን ቅዱስም ኃጥእም ናቸው ብለህ አትበይን ። ሊረዱኝ ይችላሉ ብለህ አትርዳ ፣ ለደግ የሚጠብቁት ያጠቃልና ። እንዳለህ ለማሳየት ጌጥ አታብዛ ። ለእግዚአብሔር ክብር እንጂ ሌሎችን ለማናደድ አልተፈጠርህምና ዓላማህን አትርሳ ። ኑሮን ውጣ ውረድ ፣ ሰውነትን ሸለቆ የሚያደርገው ብሽሽቅ መሆኑን አትዘንጋ ። ምድር ቋሚ ቤት መስላህ ጨርሰህ አትዘን ። የተደሰቱ ካሉ ቀጥሎ ማዘናቸው ፣ ያዘኑ ካሉ ቀጥሎ መደሰታቸው የዓለም ወግ ነው ። የመጣው ሲሄድ ደስ ይበልህ ፣ የሚያስጨንቅ ፍቅር ነው ፣ ክዳት የሚያስተዛዝብ ነው ። የሄደውም አንድ ቀን ይመጣል ። ሳታውቅ ተደስተህ እውነቱን ስታውቅ ከተከፋህ ለእውቀት ክብር የለህም ። የማሸነፊያ መንገድ ጌታህን ክርስቶስን ማየት ብቻ ነው ። እኔም ከበረታሁ በጸሎት እነግርልሃለሁ ። ዘላለም የሚኖር ወዳጅ ፣ አጠገብ ሳይሆን በውስጥ የሚገኝ አጽናኝ አለ ። ጠባቂ መላእክቶችህ ብቸኝነትና ፍርሃት እንዳይሰማህ ተሰጥተውሃልና ደስ ይበልህ ። ልብህ መሰበሩ ልብ እንዳለህ ምልክቱ ነውና በመሰበርህ እንኳን ደስ አለህ ። ልብ የተሠራው ለመሰበር ነው ብለዋል አዋቂዎቹ ።

አንተ ልጅ እንደምን አለህ ?

#ዲያቆን #አሸናፊ #መኰንን
ሚያዝያ 29 ቀን 2018 ዓ.ም.

Nolawi ኖላዊ

۲۰ اردیبهشت ۱۴۰۵، ۱۳:۵۵

ዕድገት/20

ያደገ ሰው መገለጫ

ሌሎችን ማወክ ያቆማል

በአገራችን የነበረው የልጆች አስተዳደግ ከአሁኑ ዘመን ጋር ተነጻጽሮ ሊጠና ይገባዋል ። የቀደመው የልጆች አስተዳደግ እንግዳ ሲመጣ ፣ አዋቂዎች ሲጫወቱ ልጆች ወደ ጓዳ ግቡ ይባል ነበር ። አዋቂዎች ስለ ብዙ ነገር ይጫወታሉና ልጆች ያንን ሰምተው አእምሮአቸው እንዳይበከል በማሰብ ነው ። ልጅነት ይህችን ዓለም እንደ ገነት የሚኖሩበት የዕድሜ ምዕራፍ ነው ። ዛሬ ልጆች ከአዋቂዎች ጋር ተቀምጠው ሁሉንም ይሰማሉ ፣ የወላጆቻቸው ጠብ ላይ ገላጋይ ይሆናሉ ። ያለ ጊዜአቸው ብዙ ክፉ ነገሮችን እያወቁ ያድጋሉ ። በሰዎችና በጎሣዎች ላይ ጥላቻን ይዘው ከፍ ይላሉ ። በቀደመው ዘመን ልጆች እንግዳ ሲመጣ ሰላምታ እንዲሰጡ ፣ እጅ እንዲነሡ ይደረጋሉ ። በዚህም አክብሮትንና ፍቅርን ይማራሉ ። የመጣው እንግዳ ወንድ ከሆነ አጎትህ ነው ፣ ሴት ከሆነች አክስትህ ናት ፣ የክርስትና አባት ከሆነ አባትህ ነው… ይባላሉ ። በዚህም ብዙ ዘመድ እንዳላቸው እያሰቡ ልበ ሙሉ ሁነው ያድጋሉ ። ጨዋታ ሲጀመር ወደ ጓዳ የሚገቡት ንጹሕ አእምሮአቸው እንዳይበከል ለመጠበቅ ነው ። ዛሬ የምንለፋባቸውን ልጆች የገዛነው ቴሌቪዥንና ፣ የሰጠናቸው ስልክ ወስዶብናል ። ልጆች ያ እንዲሰጣቸው ያውካሉ ፣ እኛም ሰላም ለማግኘት ብለን ስልኩንና ቴሌቪዥኑን ስንፈቅድ ልጆች የወደፊት ሕይወታቸውን የሚሰርቅ ነገር ውስጥ ይገባሉ ።

ልጆች በተለያየ መንገድ ያውካሉ ። የመጀመሪያ ሲርባቸው ነው ። ሁለተኛው ሲቆሽሹና ምቾት ሲያጡ ነው ። ሦስተኛ የረሳናቸው ሲመስላቸው ነው ። አራተኛ የሚፈልጉትን ብልጭልጭ ነገር ለማግኘት ነው ። አምስተኛ ለሌሎች ትኩረት ሰጥተን ስናወራ ነው ። የሚገርመው ልጆች ሲታመሙ አያውኩም ። ሲታመም የሚያውክ ያደገው ሰው ነው ። ከሕመም ቀጥሎ ሞት ሊኖር ይችላል ብሎ ስለሚያስብ ያደገው ሰው ያውካል ። አስተሳሰባቸው ያላደገ ሰዎች በማወክ የታወቁ ናቸው ። ብዙ ቤቶች የቀረበውን ገበታ እንዳይበሉ በሁከት ተሞልተዋል ። የሚያውኩ ሰዎች መንፈሳዊ ረሀብ ያለባቸው ፣ በእግዚአብሔር በመተማመን ያልታነጹ ናቸው ። በስህተት ውስጥ የተዘፈቁና ራሳቸውን ማውጣት ያቃታቸው ሰዎችም ያውካሉ ። የተረሱ ሲመስላቸው አትኩሮት ለማግኘት ብለው ብዙ ሚስቶችና ብዙ እናቶች ፣ ብዙ ወንዶች ያውካሉ ። “የቤቱ ጌታ ወንዶች ቢሆኑም የሚወስኑት ግን ሴቶች ናቸው” ይባላል ። ደግሞም “ሴት ልጅ የምታለቅሰው ከጋብቻ በፊት ነው ፣ ወንድ ልጅ ግን የሚያለቅሰው ከጋብቻ በኋላ ነው” ይባላል ። ብዙ ትዳሮች በአንደኛው አዋኪነት ሰላምና ጣዕም አጥተዋል ።

የስኬትና የፍላጎት ማማው እስካሁን አልታወቀም ። ብልጭልጭ ነገር በመፈለግ የሚያውኩ ብዙዎች ናቸው ። ለዛሬ የሚያስብ ጋባዥ እንጂ ለነገ የሚያስብላቸውን የማይፈልጉ እየተበራከቱ ነው ። ወንዶች የሚበቃቸውን ባለማወቃቸው ፣ በስግብግብነት ሲሯሯጡ ልጆቻቸውን አጥተዋል ። መሮጥና መክነፍን አለዩምና ለፍተው እንዳለፋ ይሆናሉ ። ሕንፃውን ሠርተው ሲጨርሱ ልጆቻቸው ፈርሰው ያልቃሉ ። የወንዶች ማታ የኀዘንና የብስጭት የሚሆነው ልጆች ላይ ባለ መድከም ነው ። ከዚህ ስሜት ለመውጣት ይጠጣሉ ። “ኀዘናቸው እንዲሰጥም የሚጠጡ ሰዎች ኀዘን ጥሩ ዋናተኛ መሆኑን ንገራቸው” ይባላል ። ሚስቶች የሚያውኩ ሲሆኑም ባሎች መጠጥ ይጀምራሉ ። ምክንያቱም ሳይጠጡ ከገቡ ጭቅጨቅ ሲገጥማቸው ፣ ከጠጡ ግን በሰላም እንዲተኙ እንክብካቤ ይደረግላቸዋል ። ሌሎችን ማወክ ትልቅ ኃጢአት ነው ። ሥራ እንዳይሠሩ ፣ በቢሮና በሙያቸው የተሳሳተ ውሳኔ እንዲወስኑ እናደርጋቸዋለን ። ይልቁንም አስጨናቂ አደራ ያለባቸውን ሰዎች ማወክ አገርን መግደል ነው ።

እናቶች በማወክ ይደሰታሉ ። የተረሱ ሲመስላቸው ፣ ልጆቻቸው እንደ ጣሉአቸው ሲያስቡ ያውካሉ ። “ናፈቅኸኝ ልጄ ና” ሲሉ ልጁ ይዘገያል ። አሞኛል ብለው ሲተኙ ግን ቶሎ ይመጣል ። የብዙ እናቶች ሕመም ልጆቻቸውን መፈለግ ነው ። ናፍቆት ሐኪም የማያውቀው በሽታ ነው ። እናቶችን በሳምንት መጎብኘት ይገባል ። ቢያንስ በቀን አንድ ጊዜ መደወል ቀኑን ጥሩ ያደርግላቸዋል ። ለጥቂት ደቂቃ ብሶታቸውን ሲናገሩ ያለ ነቀፋ መስማት ይፈውሳቸዋል ።

በጓደኝነት መካከል በጣም የሚያውኩ ሰዎች አሉ ። እነዚህ ሰዎች ሥነ ልቡናቸው በብዙ መንገድ የተጎዳ ሊሆን ይችላል ። ያደገ ሰው ግን አያውክም ። ቅንዓት የማወክ ትልቅ መነሻ ነው ። ግምትም ያሰቃያል ። ማወክ በራስ የሚቀር ሳይሆን የሌሎችን ሰላም ሁን ብሎ ማመስ ነው ። ሰዎች ለሰላማቸው ብዙ ዋጋ ይከፍላሉና ስናውካቸው ለመለየት ያስባሉ ። ወታደር በዳር ድንበር የሚሞተው ለሰላም ነው ። የሰዎችን ሰላም ሰርቀን የእኛ ልናደርጋቸው በፍጹም አንችልም ። ሁከትን በወሬ ፣ በሐሜት የሚዘሩ ሰዎች አሉ ። ገና ሲደውሉ ጸሎት አድርጎ ማንሣት ይጠይቃል ። አንዳንድ ሰዎች የሚናገሩትን ለመርሳት አንድ ወር ይፈጃል ። ከአእምሮ የማይወጣ ክፉ ንግግር የሚናገሩ የሰይጣን መጠቀሚያ የሆኑ ምስኪን ሰዎች አሉ ። አንዳንድ ሰባክያን ሳይቀር የዚህ ተጠቂ ናቸው ።

ደስተኛነት የሚፈልግ ሰው ያደገ አስተሳብ መያዝ አለበት ። ደስታ ከመንፈሳዊ ጥጋብ የሚገኝ ነውና መጸለይ ፣ ቃሉን መስማት ይገባል ። ያለኝ ይበቃኛልን መልመድ ፣ ብልጭልጭን መናቅ ለደስታ ወሳኝ ነው ። የሰዎችን አትኩሮት መፈለግ ሊበቃን ይገባል ። ሰዎች እኛ ከማናውቀው ችግር ጋር እየታገሉ ነውና እኔን ብቻ እዩኝ ስሙኝ ማለት አይገባንም ። ይልቁንም የተሰጠንን ዘመን ለጸሎት ማዋል ይገባናል ። ያልታከመ ብዙ ስብራት ከልጅነት ጀምሮ ደስታችንን እየሰረቀ ነውና የሥነ ልቡና እርዳታ ማግኘት አስፈላጊ ነው ።

ያደገ ሰው ሌሎችን ማወክ ያቆማል ።

ይቀጥላል

#ዲያቆን #አሸናፊ #መኰንን
ሚያዝያ 30 ቀን 2018 ዓ.ም.

Nolawi ኖላዊ

۲۰ اردیبهشت ۱۴۰۵، ۱۳:۵۵

ዕድገት/19

ያደገ ሰው መገለጫ

ጠንካራ ምግብ ይመገባል

ሕፃናት ወተት ሲመገቡ ትንሽ ያደጉ ደግሞ ሥጋ ይበላሉ ። የጠነከሩ ደግሞ አጥንት ይግጣሉ ። ምንም ጠቃሚ ቢሆን ለሕፃናት አጥንትና ሥጋ ገዳይ ይሆናል ። ለመካከለኞቹ ደግሞ ወተትና ሥጋ በአንድነት ይሰጣል ። ያደጉት ግን አጥንት ይግጣሉ ። ላደገ ሰው ወተት ተጨማሪ እንጂ ዋና ምግብ መሆን አይችልም ። ሥጋ ይበላል ፣ አጥንት ይቆረጥማል ። እውቀትና መንፈሳዊነት የጅማሬ ፣ የመካከለኛነትና የፍጹምነት ደረጃ አላቸው ። የጅማሬ እውቀቶች ግላዊ እድገትን ብቻ ታሳቢ ያደረጉ ናቸው ። ጀማሪ አዋቂ እንዲያስተምር ፣ ወጣኒ ክርስቲያንም የካደውን ሰው እንዲያሳምን አይመከርም ። ወተት የሚጠጣው ሕፃን ወላጆቼ ምን በሉ ? አይልም ። ለወንድሜ ላስተርፍለት የሚል አሳብም የለውም ። ለራሱ ረሀብ ብቻ ያለቅሳል ። ፍላጎቱንም የሚገልጥበት ብቸኛ ቋንቋው ልቅሶ ነው ። ጀማሪ አዋቂና መንፈሳዊም ስለ ራሱ እድገት ብቻ ይታሰብለታል እንጂ ለምን ለሌላው አልተረፍክም አይባልም ። በሃይማኖት ያልጠነከረ ሰው ሌሎችን እንዲያሳምን አይመከርም ። ቢጠይቁት መልስ ፣ ቢቃወሙት ጽናት ፣ እሺ ቢሉት ምግብ የለውም ። አዲስ ክርስቲያን አደራ አይሰጠውም ፣ ሥልጣንም ሊቆየው ይገባል ። ልጅነቱን ማጣጣም ፣ ስላመነው ነገር በቂ እውቀት መያዝ ያስፈልገዋል ። ሁልጊዜ ግን የሚታሰብለት አይደለም ። በማደግ እዩኝ ተመልከቱኝ ባይነቱን ይሽራል ።

በትንሽ ነገር መደሰት በትንሽ ነገር ማዘን የመንፈሳዊ ልጅነት መገለጫ ነው ። ሁሉንም በልክ ማድረግ ያዋቂ ሰው መልክ ነው ። ሁሉም ኃላፊ መሆኑን ማወቁ የአንድ ሙሉ ሰው ማሳያ ነው ። እኔ የሚል አዋቂ አይደለም ፣ እኛ የሚል የሌሎችን ፍላጎት የሚያዳምጥ እርሱ በርግጥ አድጓል ። እኔነት ስቃይ አለው ፣ ከበቂ በላይ መብላት ጉዳት እንዳለው ሁሉ ፣ ምግብም እንደ መድኃኒት መመጠን ያስፈልገዋል ። ለራስ ብቻ ማሰብ ኃይልን ማባከን ነው ። እርካታን የሚያሳጣ ነው ። ግለኞችና ዘረኞች በሕይወታቸው በስቃይ ውስጥ የሚያልፉ ናቸው ። መሥራት አይወዱም ፣ ሌላው ሲሠራ ግን ይቀናሉ ። የሚቀኑት በሥራው ሳይሆን በፍሬው ነው ። ሳይደክሙ ሁሉ እንዲሆንላቸው የሚመኙ ፣ የሌላውን ቀምተው መክበር የሚሹ ናቸው ። መብሰል ለሌሎች መኖር ነው ። የሌላው ህልውና የእኔም ህልውና ነው ብሎ ማሰብ ትልቅ ዕድገት ነው ። ከተማው ያለ ሰው ፣ ልቅሶው ያለ አላቃሽ ፣ ሰርጉ ያለ ወገን ከባድ ነው ። የሙሉ ከተማ ባለቤት ብንሆን ያለ ሰው ከተማው የእኛ ቢሆን በቁማችን ሲኦል እንደ ገባን ይሰማናል ። ከሰው ጋር ሲያለቅሱት ኀዘንም ይወጣል ። ደስታው ያለ አጋር ደስታ አይሆንም ። የምንረዳቸው ምስኪኖች ብቻ ሳይሆኑ የምንወዳጃቸው እኩዮችም ያስፈልጉናል ።

መካከለኛ እውቀት እንደ ድልድይ መሸጋገሪያ መሆን ነው ። ስለ ተሰማራንበት ነገር ፣ ይበልጥ ስለምናምነው ነገር በቂ እውቀት ያስፈልገናል ። አየሩን ሁሉ የሞላው ድምፅ የመካከለኞቹ ነው ። እውቀታቸው ካለ ማወቅ ከፍ ያለ ከማወቅ ያነሰ ፣ አንድን ነገር በቅጡ አድምተው መገንዘብ ያልቻሉ ሰዎች ሁሉንም መቆጣጠር እንደሚችሉ ያስባሉ ። ቅድስና ቢያጡ በነውር መታወቅ ይሻሉ ። ሮጠው መቅደም ቢያቅታቸው ጠልፈው መጣልን ግብ ያደርጋሉ ። መካከለኛ እውቀት ተናጋሪ ያደርጋል ፣ የበላዮቹን ግን ማክበር አይችልም ።

ጠንካራ ምግብ መመገብ የማደግ ምልክት ነው ። ጠንካራ ምግብ የምንለው ፍልስፍና ፣ የኖሩ ነገሮችን መንቀፍ አይደለም ። ከብዙኃኑ ለየት ለማለት የሚደረግ ሙከራም አይደለም ። ጠንካራ ምግብ የሚለውን በዚህ ዘመን የምንረዳው ጥርጥርን እንደ ሃይማኖት ቃል መቀበል ነው ። ጠንካራ ምግብ ነገረ እግዚአብሔርን በጥልቀት መረዳት ፣ ቅዱሳት ምሥጢራትን በእምነት መካፈል ፣ በአምልኮተ እግዚአብሔር ዕለት ዕለት ማደግ ፣ መንፈሳዊውን ዓለም መመርመር መቻል ፣ የነፍስን ድምፅ የመላእክትን ዜማ መስማት መቻል ፣ በማየት ብቻ አለመወሰን ፣ ለበላይ አለቆች በደስታ መገዛት ነው ።

ነገረ እግዚአብሔር የማይሰለች ምሥጢር ነው ። የተነበበን መጽሐፍ ደግሞ ማንበብ የሚፈልግ ጥቂት ነው ። መጽሐፍ ቅዱስን ግን ከ200 ጊዜ በላይ የዘለቁ መነኮሳትን አውቃለሁ ። የእግዚአብሔር ነገር ማለዳ አዲስ ነው ። ዜና በትኩሱ ፣ ወይን በመክረሙ ተፈላጊ ነው ። ዜና ሥላሴ የሆነው ግን በየዕለቱ ጣዕም አለው ። ዘመን የማያልፍበት ርእስ ነው ። የሥላሴን አንድነትና ሦስትነት ፣ አስማተ መለኮትን ፣ ግብረ መለኮትን ፣ ኩነታትን ፣ የወልድን ሰው መሆን ፣ የቤዛነት ሥራውን በጥልቀት ማወቅ ፣ እስከ ተፈቀደልን ድረስ መመርመር ተገቢ ነው ። በቤተ ክርስቲያን ሕፃናት ማን ፈጠረህ? ሥላሴ ከሚለው ትምህርት ይሳተፋሉ ፣ ትልልቅ አዋቂዎችም የሥላሴን ምሥጢር ያጠናሉ ። እግዚአብሔር ሰማይና ምድርን የፈጠረ እንደሆነ ሁሉ ከሰማይና ምድር የሚሰፋ ምሥጢርም አለው ። ቅዱሳት ምሥጢራት የምንማራቸውና የምናምናቸው ብቻ ሳይሆኑ የምንሳተፋቸው ጸጋና በረከት ናቸው ። በመንፈሳዊ ሕይወት ለማደግ ፣ የቤተ ክርስቲያንን አንድነት ለማጽናት ፣ የሥጋና የነፍስ ጤንነትን ለመጠበቅ ምሥጢራት አስፈላጊና ግድ ናቸው ። ጥንታውያን አብያተ ክርስቲያናት የዕለት ተግባራቸው ምሥጢራትን ለምእመናን ማቅረብ ነው ። የመማር ግቡም ምሥጢራት ናቸው።

ጸሎት ሁልጊዜ የተመጠነ ሳይሆን የሚያድግ ነው ። መዘመርም ደስታን የሚሰጥ ነው ። በየጊዜው በየሰዓቱ ፣ ያለማቋረጥ እግዚአብሔርን ማምለክ የተፈጠርንበት ዓላማ ፣ ሰማይ ስንደርስ ለዘላለም የምንከውነው ነው ። አምልኮታችን ማደግ አለበት ። መንፈሳዊው ዓለም ምንድነው ? ብለን መጠየቅ የማደግ መገለጫ ነው ። መንፈሳዊውን ዓለም ማወቅ የቻለ ሰው ስለ ምድር ማወቅ አይቸገርም ። ምን እየመጣ እንደሆነ ያውቃል ። የሰዎችን ስሜት ያነባል ። ለማያስተውሉም እያየ ይነግራቸዋል ። መንፈሳዊ ሰው የዜና መስኮትን ሳይሆን የትንቢት መስኮትን ማየት ይችላል ። ዛሬን ሳይሆን ነገን ለማየት ብቃት አለው ። ወደ ጥልቅ የነፍስ ስርገት ውስጥ መግባት ይችላል ። ነፍሱ የምትፈልገውን ማወቅና መስጠት ይፈልጋል ። የመላእክትን ዜማ መስማት ፣ አብዝቶ መዘመር ፣ ወደ ጣዕመ ነፍስ መድረስ ይችላል ። ጠንካራውን ምግብ የበሉ አባቶች ተአምራትን በስመ እግዚእነ ኢየሱስ ክርስቶስ ያደርጋሉ ፣ በሰው ልብ ያለውን ይገነዘባሉ ። በሩቅ አገር የሚመከረውን ይሰማሉ ፣ ዓይን ከሚያየው ርቀው ማየት ይችላሉ ። ይህ ለጥቂት ሰዎች የተሰጠ ሳይሆን መንፈሳዊ ጥልቀት ሲኖር የሚመጣ ነው ።

ይቀጥላል
#ዲያቆን #አሸናፊ #መኰንን
ሚያዝያ 27 ቀን 2018 ዓ.ም.

Nolawi ኖላዊ

۲۰ اردیبهشت ۱۴۰۵، ۱۳:۵۵

https://vt.tiktok.com/ZS9qHgbyV/

1,150

Nolawi ኖላዊ

۲۰ اردیبهشت ۱۴۰۵، ۱۳:۵۵

በዲያቆን አሸናፊ መኰንን የተጻፉትን ና በገበያ ላይ ያሉትን እነዚህን መጻሕፍት በሙሉ ለሚገዙ አዲስ አበባ ላይ ላሉ ወዳጆች ያሉበት ድረስ እናደርሳለን!

1- የእግዚአብሔር ትዕግሥት 400
2- ብርቱ ድምፅ 250
3- ተንሥኡ ለጸሎት 60
4- ረጅሙ ፈትል 170
5- የጊዜው ቃል 200
6- ቅዱስ ጋብቻ 200
7- እንደ እኔ ከተሰማችሁ 150
8- የሕይወት መክብብ 150
9- አካላዊ ቃል 250
10- ቃና ዘገሊላ 250
11- ኒቆዲሞስ 170
12- ሳምራዊቷ ሴት 250
13-መጻጉዕ 250
14- እርስ በርሳችሁ180
15- ኅብስተ ሕይወት 250
16- የሕይወት ውኃ 250
17- ኦሪት ዘፍጥረት ትርጓሜ 300
18- ምዕራፈ ቅዱሳን 200
19- የደስታ ቋጠሮ 130
20- የዕለቱ መና 200
21- የበረሃ ጥላ 200
22- ወዳጄ ሆይ 200
23- የአገልግሎት ቱንቢ 250
24- ጴጥሮስ ወጳውሎስ 250
25- ሰንፔር 170
26- መንፈሳዊ በረከት 500
27- ጥበበኛው ድሀ 2ዐዐ

አጠቃላይ ድምር 6000 ( ስድስት ሺህ )ብር
በሚከተሉት የባንክ ሂሳብ በመላክ በ0911 699907 ላይ በቴሌግራም ደረሰኙን ይላኩ ፈጥኖ ይደርሰዎታል

የሕይወት ዘመን ስንቅ ያለባቸው ድንቅ መጻሕፍት!!!
አሸናፊ መኰንን ወርቁ
Ashenafi Mekonnen worku
የኢትዮጵያ ንግድ ባንክ
1000165078482

አቢሲንያ ባንክ
23202573

ወጋገን ባንክ
0870286030101

አዋሽ ባንክ
Awash Bank
01320034656200


ቴሌብር
0930006086

922

Nolawi ኖላዊ

۲۰ اردیبهشت ۱۴۰۵، ۱۳:۵۵

📷 Photo

1,680

Nolawi ኖላዊ

۲۰ اردیبهشت ۱۴۰۵، ۱۳:۵۵

📷 Photo

1,670

Nolawi ኖላዊ

۲۰ اردیبهشت ۱۴۰۵، ۱۳:۵۵

Live stream finished (1 hour)

Nolawi ኖላዊ

۲۰ اردیبهشت ۱۴۰۵، ۱۳:۵۵

📷 Photo

1,900

Nolawi ኖላዊ

۲۰ اردیبهشت ۱۴۰۵، ۱۳:۵۵

📎 File

የታዋቂነት ፈተና 1

#ዲያቆን #አሸናፊ #መኰንን

1,950

Nolawi ኖላዊ

۸ اردیبهشت ۱۴۰۵، ۰۰:۴۰

Live stream started

Nolawi ኖላዊ

۸ اردیبهشت ۱۴۰۵، ۰۰:۴۰

Live stream finished (2 minutes)

Nolawi ኖላዊ

۸ اردیبهشت ۱۴۰۵، ۰۰:۴۰

https://youtu.be/wposiMzcGok?si=Lw0SzPerZ-CiCjTJ

1,230

Nolawi ኖላዊ

۸ اردیبهشت ۱۴۰۵، ۰۰:۴۰

ዕድገት/14

ያደገ ሰው መገለጫ

የረዱትን ይረዳል

ማግኘት ደስ የሚለው ራስን ለመቻል ነው ። ራሱን ያልቻለ ግለሰብም አገርም ይናቃል ። ሦስተኛ ዓለም የሚል ስም ያሰጠን ራስን አለመቻል ነው ። የሚበዙት የአፍሪካ አገራት ከሰሐራ በታች ያሉ አገራት የሚል ስም ሲሰጣቸው ከኢኮኖሚ አንጻር ደካማ መሆናቸውን የሚገልጥ ፣ የአበዳሪዎች ስያሜ ነው ። እኛም ባለ ወግ ሆነን የድሀ ድሀ እያልን የራሳችንን ወገኖች እንጠራለን ። ራስን መቻል ያስከብራል ። ራስን መቻል ደስ ይላል ። ራስን መቻል ሌላውን ለመርዳት ያግዛል ወይም ያንደረድራልና ደስታ ይሰጣል ። ሰው ተካፍሎ ካልበላ ደስታ ሊኖረው አይችልም ። ማኅበራዊነት አማራጭ ሳይሆን ግዳጅ ነው ። ቁሳዊ ወጪዎችን የሚፈሩ ሰዎች መንፈሳዊ እርካታ እንደሚያገኙ ይረሳሉ ። ሰው ሁሉ ሞልቶት የመኖር አቅም ሊያጣ ፣ ምንም ሳይኖረው የመኖር ፍላጎት ሊያሳይ ይችላል ። ይህ የሚያሳየን ማኅበራዊነት የመንፈስ ምግብ መሆኑን ነው ። ለድሆች መርዳት መልካም ነው ፣ ከወዳጆች ጋር አብሮ ማሳለፍም ትልቅ የአእምሮ ዕረፍት ነው ። ማግኘት ደስ የሚለው የረዱንን ለመርዳት ነው ። ውለታ ዕዳ አይደለም ፣ የሕሊና ዕዳ ነው ። በዚህ ዘመን የረዱንን ከመርዳት ማጥቃት እየታየ ነው ። አውሬ እንኳ ወዳጁን አይነካም ፣ አውሬ እንኳ በልጁና በወገኑ አይጨክንም ። ሰው ግን መልካም ያደረገለትን እየጎዳ ያለበት ዘመን ነው ። የረዱንን መርዳት እፎይታን ይሰጣል ።

ነፍስ እስረኛ ስትሆን ከባድ ስቃይ ይሰማናል ። ነፍስን ከእስራት መፍታት ትልቁ ነጻነት ነው ። ነፍስ ከእስራት የምትፈታው በራሳችን ምርጫና በእግዚአብሔር ሥልጣን ነው ። “እግዚአብሔር ይፍታ” የሚል ምርቃትና በረከት ትልቅ ነው ። የሚፈታ እግዚአብሔር ሲሆን እርሱ የወኅኒንም የሲኦልንም በር መክፈት ይችላል ። ሦስት ዕዳዎች ካልተከፈሉ ነፍስ እስረኛ ትሆናለች ። የምስጋና ፣ የፍቅር ፣ የምስክርነት ዕዳ ካልተከፈሉ ነፍስ ትታሰራለች ። የምስጋና ዕዳን ለማውረድ የእግዚአብሔርና የሰው ውለታ በምስጋና መመለስ ይገባዋል ። እግዚአብሔርን በሰጠን ዕድሜ ማገልገል ፣ ሰዎችን በአቅማችን መርዳት ይገባል እንጂ ምስጋና ብቻውን በቂ አይደለም ። ተራው የእኔ ነው ብለን ማገዝ ተገቢ ነው ። ተራው የእኔ ነው ብሎ ማጥቃት ፣ ወርቅ ላበደረ ጠጠር መመለስ ተገቢ አይደለም ። ይህን ዘመን ውለታ ቢስነት እየተዋጋው ነው ። የመጨረሻው ዘመን ነዋሪ አንዱ ጠባይ “የማያመሰግኑ” የሚል ነው ። (2ጢሞ. 3፡2)። ቀምቶ ራጭ መሆን ፣ ሰበብ እየፈለጉ ያሳደጉንን ማቆርቆዝ ነውር ነው ። የተደረገልንን ብዙ ነገር ትተን ያልተደረገልንን ነገር መፈለግ ጨካኝነት ነው ። የምስጋና ዕዳ በቃልም በተግባርም መመለስ አለበት ። ውለታ ቢሶች ደጎችን ጨካኝ ያደርጋሉ ።

የፍቅር ዕዳ መከፈል አለበት ። ፍቅር በፍቅር ብቻ ይመለሳል ። ብዙዎች ፍቅርን በገንዘብ ለመመለስ ይሞክራሉ ። ፍቅር ግን ኩሩ ነውና ከራሱ ውጭ አይቀበልም ። ፍቅር ከተመን በላይ ነውና ዋጋ አይቀርብለትም ። ስጦታዎቻችን የፍቅር መግለጫ እንጂ የፍቅር ምትክ መሆን አይገባቸውም ። ለሁለት ሲሄዱ ቅርብ ነው መንገዱ ። መንገዱን ፣ የሕይወትን ጎዳና ለማሳለጥ ፍቅር አስፈላጊ ነው ። መወደድ ብቻውን ዕዳ ነው ። በዚህ ዓለም ላይ ከባድ ጭነቶች ሊኖሩ ቢችሉም ያልተመለሰ ፍቅር ግን የበለጠ ከባድ ነው ። በዚህ ቀን የሚወዱን እነማን እንደሆኑ እናስብ ። ፍቅርን መመለስ ባለመቻላችን የባለ ዕዳነት ስሜት አለን ። የጎዳናቸው መስሎ ይሰማናል ፣ እውነት ነው ። የበለጠ እኛ ተጎድተናል ። የወደዱንን ጥለን የጠሉንን እንፈልጋለን ። ስንነቃ ሁሉን እንደ ከሰርን ይሰማናል ። የፍቅር ዕዳችንን መክፈል አለብን ። ሦስተኛው የምስክርነት ዕዳ ነው ። ምስክሮች እንድንሆን ተጠርተናል ። እግዚአብሔር ያደረገልንን መመስከር ይገባናል ። በዓለም ላይ 500 ሚሊየን የሚጠጉ ቡዲስቶች አሉ ፣ አንድ ቢሊየን የሚጠጉ የሂንዱ እምነት ተከታዮች አሉ ። እስከ 2 ቢሊየን የሚጠጉ ሙስሊም ወገኖች አሉ ። እነዚህ ሁሉ ስለ ክርስቶስ ማወቅ አለባቸው ። በወንጌል አምነው የክርስትና አካል እንዲሆኑ የፍቅር ምስክርነታችን አስፈላጊ ነው ። የምስክርነት ዕዳ አለብን ። ይህንን ዕዳ አለመወጣት ፣ ወንጌል እንዲስፋፋ አለመርዳት ነፍስን ያስጨንቃል ።

ማደግ የረዱንን መርዳት ነው ። የወላጆቻችን ውለታ ብዙ ነው ። እኛን ለማሳደግ የራሳቸውን ሕይወት ሰርዘዋል ። እስካሁን ድረስ ያልተፈተነው የወላጅ ፍቅር ነው ። በእውቀት ያገዙንን ፣ አንቱ ያሰኙንን ፣ የምንናገረው እንዲኖረን ያደረጉንን ምሁራን መርዳት አለብን ። ብዙዎቹ በዕድሜም በቀቢፀ ተስፋም ተዳክመዋል ። ከጭንቀታችን እንድንወጣ የረዱን ዛሬ ተጨንቀዋል ፣ ታስረን የጠየቁን ዛሬ ተግዘዋል ። እግዚአብሔር በጎ ዕድል የሚሰጠን ዕዳችንን እንድንከፍል ፣ ነፍሳችንን ነጻ እንድናወጣ ነው ። ልጆቻችንን ያሳደጉ ሞግዚቶች ሳይወልዱ ፣ የራሳቸውን ትዳር ሳይመሠርቱ ቀርተዋል ፣ እነርሱን መርዳት የትልልቆቹ ብቻ ሳይሆን ያደጉት ልጆች ተግባርም ነው ። ለነገሩ ያገለገሉንን ፈረሶች በየሜዳው ጥለን የጅብ ሲሳይ አድርገናቸዋል ። እንኳን ያገለገለ ሰው ያገለገለ ውሻም አረጀ ተብሎ አይጣልም ። የሰውነት ልኩ ይህ ነው ። በእውነት ሰው እንሁን ።

ይቀጥላል

#ዲያቆን #አሸናፊ #መኰንን
ሚያዝያ 16 ቀን 2018 ዓ.ም.

Nolawi ኖላዊ

۸ اردیبهشت ۱۴۰۵، ۰۰:۴۰

ዛሬ ዓርብ ሚያዝያ 16 ቀን 2018 ዓ.ም. ከምሽቱ 2:00 ሰዓት  ላይ ትምህርታችን ይጀምራል ::

የትምህርታችን ርእስ "

የትንሣኤው ምሥጢር

ማስታወሻ ብትይዙ ይመከራል።

ሌሎች ወገኖቻችንንም ጋብዙ

1,060

Nolawi ኖላዊ

۸ اردیبهشت ۱۴۰۵، ۰۰:۴۰

ዕድገት/12

ያደገ ሰው መገለጫ

ያየውን ሁሉ ለእኔ አይልም

አንድን ሰው እንደምንወደው ከምናውቅበት ነገር አንዱ አለው ሳይሆን የለውም ብለን ስናስብ ፣ በልቷል ሳይሆን ርቦት ይሆናል ብለን ስናዝን ነው ። ፍቅር ለሚወደው ያዝናልና ። መተዛዘን የሌለበት የዚህ ዘመን ትዳር ፣ የራሱ ጉዳይ የሚባልበት የዚህ ዘመን ጥምረት ከሰማይ በረከት እያራቀን ነው ። እግዚአብሔርን ባማረ ምንጣፍ ፣ በተዋበ መንበር መቀበል አይቻልም ፣ እግዚአብሔርን የሚስበው የእርስ በርስ መዋደዳችን ነው ። በሰው አገር እንኳ ተሰደው ያሉ ባልና ሚስት እየተዛዘኑ አይደለም ። በዙሪያቸው ያለው የማያውቃቸው ፣ የት መጣቸውን የማይገነዘብ ፣ አንድ ችግር ቢገጥማቸው ወደ አገር ቤት የማይደውልላቸው ነው ። በሩቅ አገር የሚኖሩ ከተጨካከኑ በአገር ውስጥ ያሉት የበለጠ እንደሚጨካከኑ መገንዘብ ይቻላል ። እውነተኛ ፍቅር ለሚወደው ያዝናል ። የዘገየው ምን ገጥሞት ነው ብሎ ይሰጋል እንጂ ምን ይሆናል ( ብሎ አይደላደልም ። ፍቅር ለሚወደው ያስባል ። ለራሳችን አስበን ምግባችንን እንሠራለን ፣ ልብሳችንን አጥበን እንለብሳለን ። ለምንወደውም ያንን እናደርጋለን ። እስካሁን ድረስ ከብድር ጋር ያልተያያዘ ንጹሕ ፍቅርን የምንተረጉመው ልጆቻችን ላይ ብቻ ነው ። እነርሱም የፍቅሩ ልክ አይገባቸውም ፣ ልጆቻቸውን ይወዱ ይሆናል እንጂ መልሰው እኛን መውደድ አይሉችም ። ውኃ ሽብቅ አይፈስም እንዲሉ ልጆች ወላጆቻቸውን በሚገባቸው ልክ ለመውደድ ይቸገራሉ ። ይህ የመጀመሪያው የወላጅን ፍቅር ለመረዳት ብስለት ላይ አለመድረስ ሲሆን ሁለተኛው የወላጅ ፍቅር ሲገባን ወላጆች በሕይወት ስለማይኖሩ ነው ። ያልተመለሰ ፍቅር ቁጭት ሆኖ ይቀራል ።

ልጆች ስናሳድግ ለወንድም ለእኅታቸው እንዲያስቡ አድርገን ሊሆን ይገባዋል ። ያለውን ምግብ ሁሉ ገልብጦ የሚበላ ፣ ለወንድሙ የማያስቀር ከሆነ ራስ ወዳድ እየሆነ ያድጋል ። ለሌላው ማሰብን እንዲለማመድ ፣ የራሱንም ድርሻ እንዲያውቅ መንገር ያስፈልጋል ። ልጆች ሁሉ ለእኔ የሚል የስግብግብነት ጠባይ ይታይባቸዋል ። እነርሱን ለመውቀስ እውቀታቸው አናሳ በመሆኑ አይቻለንም ። ካደጉ በኋላ ግን የሚመዘኑበት ጠባይ ነው ። ለእኔ ብቻ የሚል አስተሳሰብ ከሁሉ ሰው ጋር ያጣላል ። ለሌላው በመስጠት ውስጥ ያለውን እርካታ እንዳያጣጥሙ ያደርጋል ። ዓለም የሁሉም ናት ። ነጻነት የምንለውም ዓለምን የጋራ ቤት ማድረግ ነው ። ሁሉም ነገር ሊኖረን አይገባም ፣ ምንም ነገር የሌለን መሆንም የለብንም ። ሁሉን ሙያ ማወቅ ፣ ሁሉን ትምህርት መማር ፣ በዚህ ቢያጡ በዚያ ለመኖር ማቀድ አስፈላጊ አይደለም ። እኛ ሁሉን ይዘነው ሰው ምን ሠርቶ ሊበላ ነው ( ከትርፎቻችን ላይ ያገዙን ሊበሉ ፣ ከድርጅቱ ዕድገት ላይ ሠራተኞችም ሊጠቀሙ ያስፈልጋል ። ያ ሲሆን ዘላቂ የሆነ ዕድገት ይኖረናል ። አንድን ተቋም ከባለቤቱ ይልቅ ሠራተኞቹ ሲጠብቁት ይሻላል ። የጋራነት ስሜትን መመሥረት ትልቅ የአስተዳደር ችሎታ ነው ።

የእኔ የሚሉ ስሜቶች በጣም እየጎዱን ነው ። አገርን ስናስብ የእኛ ብቻ ዕዳ መስላ ከተሰማችን ፣ ለቤተ ክርስቲያን ያለሁት እኔ ብቻ ነኝ የሚል ሙግት ከያዝን ከባድ ነው ። ይህ ለራሳችን ጭነት ማምጣት ሲሆን ሁለተኛ ከእውነቱ መሸሽ ነው ። ከዚህ ሁሉ በላይ ከራሳችን ውጭ ያለውን ሁሉ እንደ ጠላት መቍጠር እንጀምራለን ። አገር የጋራ ነው ። ቤተ ክርስቲያን የአማንያን ሁሉ ናት ። ከዚህ ሁሉ በላይ የክርስቶስ ናት ። የምድር ንብረትም ሁሉም በፍትሐዊነት ሊጠቀመው ይገባል ።

ሰዎች የነዱትን መኪና ሁሉ መንዳት አለብኝ እያሉ መኪና ሰብሳቢ መሆን ፣ ሰዎች የለበሱትን ሁሉ መልበስ አለብኝ እያሉ ጨርቅ ከማሪ መሆን አይገባም ። ዕቃዎቻችን መጠን ከሌላቸው ጭንቀትን የማምጣት ጠባይ አላቸው ። የጠሩ ግን ትንሽ የሆኑ ነገሮች ለሰላማችን አስፈላጊ ናቸው ። ጊዜያችንን ለመቆጠብ ፣ ንብረቱን ለመቆጣጠር ፣ ጭንቀትን ለማራቅ ትንሽ ነገር ጥሩ ነው ። ይልቁንም እውቀት ሳይኖረን ገንዘብ ከመጣ ወይ የልብስ ወይም የመኪና ሰብሳቢ ያደርገናል ። ይህ በሽታ ነው ። ከመጠን በላይ በታኝ ፣ ከመጠን በላይ ስስታም መሆን ካለመማር የሚመጣ ነውና ከገንዘብ በፊት ግንዛቤ/ገንዘብ ማለት ያስፈልጋል ። ገንዘብ እንደ አብሾ የማሳበድ ጠባይ አለውና ጌታ ሆይ የምጠቀምበትን እውቀቱን አስቀድመህ ስጠኝ ማለት አስፈላጊ ነው ።

ያደገ ሰው ያየውን ሁሉ የእኔ አይልም ። ያየውን ሁሉ ለትዳር አያጭም ፣ ካየው ሁሉ ጋር ጓደኛ አይሆንም ። ወዳጅነት እንደ አበባ በብዙ እንክብካቤ የሚያድግ እንጂ በተአምር የሚገኝ አይደለምና ያደገ ሰው የዕለት ወዳጁን ዘላቂ አድርጎ ማሰብ የለበትም ። እንኳን የማያውቁት ሰው የሚያውቁትም ሰው የማያውቁት እየሆነ ነውና ማስተዋል ይገባል ። ሁሉን መውደድ ፣ ለሁሉ ቀና ማሰብ ግን ይቻላል ። ወደ ሕይወታችን ማንን እንደምናስገባ ማሰላሰል ግን ያደገ ሰው ምልክት ነው ። ያዩትን ሁሉ ለእኔ የሚሉ ሰዎች ሰውን ከሥራው ያፈናቅላሉ ፣ በወንድማማች መካከል ጠብ ይዘራሉ ፣ የሰው ትዳር ይቀማሉ ። ለሰው ስሜት አይጨነቁም ፣ ረግጠው ያልፋሉ ። ማደግ ልክን ማወቅ ፣ በጋራ መጠቀምን መርሕ ማድረግ ነው ።

ይቀጥላል

#ዲያቆን #አሸናፊ #መኰንን
ሚያዝያ 12 ቀን 2018 ዓ.ም.

Nolawi ኖላዊ

۸ اردیبهشت ۱۴۰۵، ۰۰:۴۰

ዕድገት/13

ያደገ ሰው መገለጫ

ሁሉን የማወቅ ጉጉት የለውም

ያላደገ ልጅ ሁሉን የማወቅ ጥማት አለው ። በዓይኑ ያየውን በእግሩ ተራምዶ ወይም በጉልበቱ ድሆ በመሄድ በእጁ ይዳስሰዋል ፣ በአፍንጫው ያሸተዋል ፣ በጆሮው ያዳምጠዋል ፣ በመጨረሻ በምላሱ ይቀምሰዋል ። በስሜት ሕዋሳቱ ሁሉ ካላረጋገጠ በቀር ዕረፍት አያገኝም ። ገና ይህችን ዓለም መተዋወቅ የጀመረ በመሆኑ ሁሉን የማወቅ ጥማት አለው ። ያደገ ሰው ግን ሁሉን የማወቅ ጥማት ውስጥ አይገባም ። እነ እገሌ እንዴት ነው የሚኖሩት ? የገቢ ምንጫቸው ምንድነው ? ከየት አምጥተው ነው መኪናና ቤት የገዙት እያለ ራሱን አያጣብብም ። የሰውን ንብረት ማንሣት ፣ ሰው ያስቀመጠውን ነገር መፈተሽ ፣ የሰው ስልክ መበርበር ፣ የሰው ቦርሳ ማየት አናሳነት ነው ። ሕይወት የግልና የጋራ ኑሮ ድምር እንደሆነች ያገደ ሰው ያውቃል ። ሁሉም ሰው የራሱ ምሥጢር እንዳለው ይረዳል ። የማረከው ነገር ካለ እንኳ ባለቤቱን ያስፈቅዳል ። ምንድነው ብሎ ሊጠይቅ ይችላል ። ሰዎች ግላዊ ስለሆነ ሕይወታቸው ፈቅደው ካልተናገሩ ሲጠየቁ አይወዱም ። ከልባቸው ሲያምኑብን ግን ራሳቸው ይነግሩናል ። ጭነት ለማሸከም የሰውዬውን ጉልበት እንደምናየው ሁሉ ምሥጢር ለመንገርም የውስጥ ጉልበት ይታያል ። ለምሥጢር የማይበቃ ፣ ቢነግሩት የሚያወራ ወይም ቢነግሩት እንቅልፍ የሚያጣ አለ ።

ስለ ሰው ከመጠን በላይ መረጃ ያላቸው ሰዎች ቆይቶ የአእምሮ ታማሚ ይሆናሉ ። እግዚአብሔር ያላሸከመውን ሸከም የሚሸከም ሰው ተንገዳግዶ መውደቁ አይቀርም ። ሥልጣኔ ለአገራችን በጣም እየተመኘነው ያለ ነገር ነው ። ቢያንስ ከመቶ ዓመት በላይ ይህን ሥልጣኔ እየፈለግነው ነው ። ሥልጣኔ ማለት በሰው ኑሮ አለመግባት ነው ። ሥልጣኔን እየፈለግን በሰው ኑሮ መግባትና የሰውን ሕይወት ለአደባባይ ግብአት ማድረግ እንፈልጋለን ። ይህ የሚቃረን ነገር ነው ። ስለ ማንም ሰው ግላዊ ሕይወት አይመለከተንም ። በአገራችን የግልና የጋራ ኑሮ ድንበር አልተበጀለትም ። የእኛንም እርዳታ ካልፈለገ ልምራህ ማለት አይቻለንም ። ሰዎች በጣም ልናውቃቸው ስንንሰፈሰፍ በጣም ዝግ እያደረጉብን ይመጣሉ ። የዚያን ሰው ምሥጢር ማወቅ የፈለግሁት ለመርዳት አስቤ ነው ? ወይስ የወሬ ጥማት ይዞኝ ነው ? ብሎ ራስን መጠየቅ ይገባል ። እንኳን ሰው ቤት ለመዋልና ለማደር ይቅርና የራሳችንን የሕይወት ጥያቄ በቅጡ መመለስ ከቻልን ጎበዞች ነን ። የተሰጠን ዕድሜ የእግዚአብሔርን ሥራ የምንሠራበት መክሊት ነው ።

ሁሉም ቦታ አለሁ ማለት ተገቢ አይደለም ። እኛ ምሉዕ በኩለሄ የሆንን ሳይሆን ውስንነት ያለብን ፍጡራን ነን ። በሁሉ ቦታ ካልተገኘሁ ማለት ያስንቃል ። መስቀሉንም መሣሪያውንም ፣ ስብከቱንም ፖለቲካውንም የእኔ ብቻ ነው ማለት ሚና የለሽ ሰው ያሰኛል ። አምባገነን የሆኑ መንግሥታት ስለ ዜጋቸው ሁሉን የማወቅ ፍላጎት አላቸው ። ግላዊ መብትንም በመጋፋት ስልኮችን በመጥለፍ ፣ በመከታተል ፣ እርስ በርስ በማናቆር ስልት ይራመዳሉ ። ይህ ረጅም ዕድሜ የሚሰጥ መንገድ አይደለም ። የበታችነት ስሜት ያለባቸው የትዳር ጓዶች በጣም መከታተል ያበዛሉ ። በዚህ መንገድ ትዳራቸውን የሚመሩ ሰዎች የሚጓዙት ለጥቂት ጊዜ ብቻ ነው ። ረጅም ጉዞ ቢጓዙ እንኳ ኑሮአቸው ሲኦልን የሚያስንቅ ይሆናል ። የሰው ልጅ በጣም አጭር ፣ ታይቶ ጠፊ የሆነችውን ይህችን ዕድሜ እንዴት ውብ እንደሚያደርጋት ብቻ ማሰብ አለበት ። እንኳን ጠርቶ ለሚያመጣው መከራ አይደለም ፣ ለታዘዘው መከራም የሚሆን ጉልበት ካገኘ ዕድለኛ ነው ። ከማንም ሰው ጋር ስንኖር ገብስ ገብሱን እንጂ ጠለቅ ያለ የማወቅ ፍላጎት ሊኖረን አይገባም ። ምክንያቱም ባለቤቱ የተሸከመውን ነገር ያለ ጊዜው ሰርስረን ስናውቅ በዚያ ፈተና ልንጠመድ እንችላለን ። ለማማከር ቢሆን የምክር መንፈስ ያግዘናል ፣ የወሬ ጥማት ግን ፈተና ይዞ ይመጣል።

ይህ ዘመን ብዙ ምርጫዎች ያሉበት ዘመን ነውና መርጠን ማየትና መስማት ካልቻልን ዕድሜአችን በዋዛ ፈዛዛ ነገር ሊያልቅ ይችላል ። ዋዛ ፈዛዛ ማለት ራሱ ዋዛ ነገር ፈዛዛ ያደርጋል ማለት ነው ። ስልካችን ላይ ረጅም ሰዓት ስናጠፋ እየፈዘዝን እንመጣለን ፣ እንቅልፋችንም ችግር ይገጥመዋል ። የምንሰማውና የምናየው ነገር ሕይወታችንን ፣ ሙያችንን ፣ ከሁሉ በላይ ሃይማኖታችንን የሚያዳብር መሆን አለበት ። ብዙ ሙያ ያላቸው ሰዎች ውጤታማ አይደሉም ፣ አንዱን ሙያ አድምተው የያዙ ግን ጠንክረው ይሠራሉ ፣ ተፈላጊም ይሆናሉ ። ሁሉን ማወቅ ለፍላፊ ያደርጋል ። በቅንጥብጣቢ እውቀት መታለልን ያመጣል ። ሊቃውንትን እንዳንሰማ እንቅፋት ይሆናል ። ብዙ ቋንቋ ማወቅ መልካም ነው ፣ ብዙ ቋንቋ የሚያውቁ ግን ባካና ናቸው ። ሁሉ ቦታ መኖር የሚችሉ ስለሚመስላቸው የረጋ ስፍራ የላቸውም ። ምናልባት ለስለላ ሥራ ይፈለጉ ይሆናል ። ይህ ደግሞ ሕይወትን ውስብስብ ያደርጋል ።

ሰዎች በነጻነት ከእኛ ጋር እንዲኖሩ ጥያቄ ማብዛት የለብንም ። እንዴት ? ለምን ? እያልን ሰውን ማስጨነቅ ተገቢ አይደለም ። የማወቅ ጥማት የሚባለው እውቀት ነክ የሆነ ነገር ነው ። ከወሬ የማያልፍን ነገር አጥብቆ መጠየቅ አስፈላጊ አይደለም ። “አጥብቆ ጠያቂ እናቱን ሞት ይረዳል” እንዲሉ ጥያቄ ማብዛት የሚያሳዝን ነገር ይዞ መግባት ፣ ሳይዘጋጁ መርዶ መስማትን ያመጣል ። ሕይወትን ቀለል ማድረግ ፣ ባልንጀርነትን መከርከም ፣ የነገሮችን በጎ ገጽታቸውን ብቻ ማሰብ ፣ ሰዎችን ይቅር ማለት ፣ ዓለም እንዲህ ነው ብሎ መደነቅን መቀነስ ደስተኛ ያደርጋል ። በዚህ ዓለም ላይ ስንኖር በሁለት ዓይናችን ዓይተን ከሰው ጋር መኖር በጣም ከባድ ነው ፣ አንዱ ሲያይ አንዱ መጨፈን አለበት ። በሁለት ጆሮ ሰምቶም ከሰው ጋር መኖር አይቻልም ፣ ባንዱ ሰምቶ በሁለተኛው ማፍሰስ ግድ ይላል ። ያደገ ሰው ያወቅሁትን ምን አደግሁት ? ለሰማሁት ነገር ምን መፍትሔ አበጀሁ? ይላል እንጂ ሁሉን የማወቅ ጥማት የለውም ። እንደ ሰላይም የሰውን ኑሮ መከታተል ተገቢ አይደለም ፣ ክብረ ነክ ነው ። የራስን እየደበቁ የሰውን ለማወቅ መጨነቅም ከንቱ ልፋት ፣ ራስን ማሰቃየት ነው ። ብቻ ያደገ ሰው ሁሉን የማወቅ ጥማት የለውም ።

ይቀጥላል

#ዲያቆን #አሸናፊ #መኰንን
ሚያዝያ 14 ቀን 2018 ዓ.ም.

Nolawi ኖላዊ

۸ اردیبهشت ۱۴۰۵، ۰۰:۴۰

📎 File

ተጽናኑ 2

#ዲያቆን #አሸናፊ #መኰንን

ላዘኑ ወገኖች የመጽናናት መልእክት ነውና
አዳምጡት

ለሌሎች አስተላልፉ

1,820

Nolawi ኖላዊ

۸ اردیبهشت ۱۴۰۵، ۰۰:۴۰

Live stream finished (16 minutes)

Nolawi ኖላዊ

۸ اردیبهشت ۱۴۰۵، ۰۰:۴۰

Live stream started

Showing 30 of 56 posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

Nolawi ኖላዊ

Nolawi ኖላዊ

رتبه‌بندی

رشد مشترکان (8 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

مشاعرِ .؟

دعاء لـ رب السماء 🤍

افهم آية

اندیشه‌ای_لاجوردین💎

حجر داوود

بیداری ایرانی ۱۱:۱۱

انگشتر و مهره

𝙮𝙤𝙪

کانال‌های تلگرام مرتبط

مشاعرِ .؟

دعاء لـ رب السماء 🤍

افهم آية

اندیشه‌ای_لاجوردین💎

حجر داوود

بیداری ایرانی ۱۱:۱۱

انگشتر و مهره

𝙮𝙤𝙪

نظرات کاربران (0)

آخرین پست‌ها