هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
قناة السيد علي الجابري
۲۰ فروردین ۱۴۰۵، ۱۰:۲۶
تطبيق طبقة الوسطى قصيدة شور 👇🏻👇🏻
شهادة مولانا الإمام الصادق عليه السلام
تقول الروايات عندما حرقوا دار الإمام الصادق ضج بالبكاء فسألوه عن سبب البكاء قال ذكرت فرار عماتي من خيمة إلى خيمه
كل عمرك بدمعه گضه
جدك ضلوعه مرضرضه
بالراحه بالك ما حضه عن الحسين و كربله
ما فارگك لحظه الدمع
والحسره منك تنسمع
ما ضل ابد سالم ضلع جدك صريع وبالـفله
عمرك خلص دمعه ونين
أُمررْ على جدثِ الحسين
ناعيها يمك من يصيح
مو دمعه تبجي تبجي عين
مولاي
انت اشرفها الدموع
نزلتها عله الضلوع
الذابت بحر الشموس
مثل متذوب الشموع
ويلاه يبن الزهره ويلاه
..................
المثلك گضه بحزنه العمر
عن السـبي وذاك الٓـخدر
وســفه يـضـل ابـلا گبـر وسفه غريب ابلا صحن
كل العمر تبجي لهلك
وتالي صحن ما صح الك
منعو محب هم يوصلك اهل الضُلامه والفتن
مخلص حياتك بس مصاب
وما صح الك غير التراب
ما گدرك وسفه الزمن
ميت عدل قصتك عذاب
مولاي
حيره ما ادري شكول
مو هذا حال ابن البتول
بگاع اهله يتغرب حرام
جا يمتى هذا الهم يزول
ويلاه يبن الزهره ويلاه
.............................
مثلك مـنو حرگو هله
وضل يبجي عن طف كربله
يذكر فٓـرار الـعـايله وشصاير بذاك الظعن
ليش الدمع من تنسأل
تبجي وتجاوب عالهزل
راحت اميرتنا بحبل اه الحرم من اركضن
طلعن حرمنا امن الخدور
تحجي ودمع عينك يفور
والأصعب الحره بحبل
بعد السبي تدخل قصور
مولاي
أعظم واكلف بلاء
للقصر تدخل نساء
الهضمه من تنظرها ناس
الجانت بضل الكساء
ويلاه يبن الزهره ويلاه
................................
كلشي بعيونك شفت
وانت گبل السم متت
طفله تنـظر للـطشت بي راس ابوها المنذبح
شوغه يم ذاك النحر
ترســت ايامـك قـهـر
وليلك تكضي بالسهر وتخلصه بالنوح الصبح
يا عمـتي أيـــنَ ٱبـــي
وماتت رقيتكم سبي
وبأول سـنين الـعمر
وما يمها واحد طالبي
ويلاه يبن الزهره ويلاه
مولاي
وصاير الما مره صار
عالطشت تكضي الصغار
جعفر الهم ما يدوم
عدنا غايب عنده ثار
حسن يونس التميمي
23
3
0
قناة السيد علي الجابري
۲۰ فروردین ۱۴۰۵، ۱۰:۲۶
قرب محرم لينه والصادق يوصينه
ــــــــــــــــــ
يا شيعة قال بكل زمن احيو امرنه
فرحو بفرحنه وبالحزن حزنو لحزنه
وتعلموا منه الفعل ومشو بنهجنه
تنجون دنيا وآخره وهذا اليهمنه
هذا الأمر ينجينه والصادق يوصينه
ــــــــــــــــــ
كونو لنا زيناً ولا شيناً علينا
نحنو النجاةِ للعالى حين ارتقينا
وكلنا فلكٌ وذا اسرع حسينا
تمسكوا تمسكوا بما روينا
وتمسكو بوالينه والصادق يوصينه
ــــــــــــــــــ
حفضو الصلاة الواجبة ولتأخروها
ولا تستهينون بفرض وتضيعوها
حبل الوصل هذا المهم لا تهملوها
عن الولاية وحب علي لتفرقوها
وي حب علي تحيينه والصادق يوصينه
ــــــــــــــــــ
يا شيعتاً انتم لنا إذا تنصرونا
من فاضلِ طينتُنا وتعرفونا
طوبى لكم عن غيرنا فضلتمونا
ردو إلينا وادفعوا من يعدلونا
شيعتهم يسمينه والصادق يوصينه
ــــــــــــــــــ
قرب محرم وقترب هل من مناصِر
يلله استعدوا للعزه والهمة باجِر
خفوا على حسين الذبح هذبو الشعائر
تنشر قميصة فاطمة فوگ الظماير
يحيي الضماير بينه والصادق يوصينه
ــــــــــــــــــ
ابكو على من بالفلا قضى قتيلا
ورحمة الله على قلبا عويلا
لمن على جدي بكى صبرا جميلا
نوفي لكم اجوركم شكرا جزيلا
عن الدمع يوفينه والصادق يوصينه
ــــــــــــــــــ
شگد ما رويت وكربلة تبقى قضيتي
أعظم علي من محنتي وداري ومنيتي
أوصيكم على المنذبح والكم وصيتي
وبقلبي جمرات الخيم تحركلي بيتي
عن كربله يحاجينه والصادق يوصينه
ــــــــــــــــــ
ابجوا اعله زينب كل وكت مو فقط مرة
كربلة بجفة وعمتي بالجفة الأخرى
كربلة بكل الي جرة بالقلب جمرة
بس زينب الها تسعتر جمرات عشرة
ولزينب تأذينه والصادق يوصينه
ــــــــــــــــــ
الشاعر زين العابدين الشمري
25
قناة السيد علي الجابري
۲۰ فروردین ۱۴۰۵، ۱۰:۲۶
📎 File
24
5
0
قناة السيد علي الجابري
۲۰ فروردین ۱۴۰۵، ۱۰:۲۶
بويه علي
___
إنَ السيفَ لا يرحم حسينآ
أحدب ضهرهُ واعماهُ عينآ
سَلب من عندهُ تعبَ السنينآ
فَصارَ اليومَ يحكي بالأنينآ
بمقتلِ أبنهُ الأكبر عليآ
عله صدره وگع سوده عليه
يگله ياعلي ايدك بديه
گوم ولا تشمت بيه هالناس
فز ياكاسر حسين وبناته
علي يمفرح اعداي الشماته
فز حسين اني وهذا عباس
علي علي/ چا تالي الربه والدك بيك انسبه
علي علي / يا تعب العمر يالمجازيني بعبه
بويه علي
___
ماتَ الطرفُ حينَ ماتَ قلبي
فَصارَ المهرُ من يدلي بدربي
فقط الآن خسراناً بحربي
أُجيزَ الآن ع الذباح َ ضربي
بمقتل نورَ عينيه عليآ
لونلك ونه ما ونيتهه بيوم
هدومك بيضه شو محمره الهدوم
تستاهل عليك انصيح احاه
هو المايموت يموت عمره
أبيك ياعلي منخسف ضهره
كثر ما ايد أبيك تاكل اچلاه
علي علي/ ما ادفنك بالگبر والدك عنده عذر
علي علي/ ما اريدك تلچم جسمك مگطع وذر
بويه علي
___
ناحاً لأبيكَ النائحاتُ
ضاقاً في ابيك السابعاتُ
قرأتُ الحمدُ حتى العادياتُ
ليسكتنه نسائي الباكياتُ
ومن يصبر على فقدُ عليآ
حسافه اعليك ما توصل للخيام
وجبت ماي لخيامي ذيچ الايام
يناصب خيمتي يوليدي يكبر
يملاعب رقيه وباقي الاطفال
گوم وعدل حسينك ترى مال
وحدب يا علي الله وكبر
علي علي/ ها وهسه شگلت ما تردن يالمتت
علي علي/ راحت الضحكه بحلك حسين يبني من رحت
بويه علي
___
عيسى حين صلبوهُ صليبآ
سواداً شعرهُ ما فاضَ شيبآ
ولكن انا من فارقتُ قلبآ
أغابَ الشيبُ وجهي اليومَ غيبآ
أبانَ حجمُ كسري في عليآ
صاحن بالخيم من ضيم وجهي
عمر نوح وعليه هواي يرهي
وحچيت وزادن بنياتي صرخه
بين حچايه واخرى حچايه ابني
انقهرت آنه ويه يروحي هواي مني
گضيت من الضعف وحزامي يرخه
علي علي/ خيمتك وگعت گُبل لمن شافتني بخجل
علي علي/ چفن منهه فصلت يلمني من جوه الصهل
20
قناة السيد علي الجابري
۲۰ فروردین ۱۴۰۵، ۱۰:۲۶
📎 File
20
3
0
قناة السيد علي الجابري
۲۰ فروردین ۱۴۰۵، ۱۰:۲۶
يهل الضماير
أحيوو الشعائر
قد قالها الصادق /// قد قالها الصادق
/🤲🏻1
يهل الشعائر واللطم يهل العزوبيه
لا يوم يعبركم بله اقرايه حسينيه
كلمن بجه اعله حسينه والمشوهه مسبيه
ما تبجي عينه بالحشر تشفعله لطميه
هل من مناصر
أحيوو الشعائر
قد قالها الصادق /// قد قالها الصادق
//🤲🏻🤲🏻2
أحّيو أمرنا ابكل وكت صادقنه كَـالاها
معناهه لحسين البجي منعوف معناها
هاي المجالس للأبد ميموت ذكراها
الله ومحمد وعلي والزهره ترعاها
والمهدي حاضر
أحيوو الشعائر
قد قالها الصادق /// قد قالها الصادق
///🤲🏻🤲🏻🤲🏻3
اليشكل عليكم باللطم ليهمكم اشكاله
خليكم اويه المنذبح والكَـطعو اوصاله
كل واحد اشكل عاللطم مو زينه أفعاله
أشلون ما ندمي الصدر عالسلبو اعياله
للداسه حافر
أحيوو الشعائر
قد قالها الصادق /// قد قالها الصادق
////🤲🏻🤲🏻🤲🏻🤲🏻4
هاي الشعائر واجبه من صادق العتره
ما تنتهي ولا تنتهي اشما طالت الفتره
غصبن على كل ناصبي وكل ناصبي ابظهره
هاي الشعائر باقيه وحافظهه ابو الزهره
اليوم اويه باجر
أحيوو الشعائر
قد قالها الصادق /// قد قالها الصادق
/////🤲🏻🤲🏻🤲🏻🤲🏻🤲🏻5
وانجدد اليوم العهد للصادق بطبعه
وننصب عزائه بكل كَـلب وانوح اله وننعه
لحسين خلص هالعمر يبجي ويهل دمعه
حد آخر انفاسه يون عل كسرو ضلعه
كل عمره عاشر
أحيوو الشعائر
قد قالها الصادق /// قد قالها الصادق
=========================
✍️🏻 كلمات #موسى_الخادم ٢٠٢٦
#٢٥شوال
24
4
قناة السيد علي الجابري
۲۰ فروردین ۱۴۰۵، ۱۰:۲۶
📎 File
13
5
0
قناة السيد علي الجابري
۲۰ فروردین ۱۴۰۵، ۱۰:۲۶
📎 File
25
5
0
قناة السيد علي الجابري
۲۰ فروردین ۱۴۰۵، ۱۰:۲۶
📎 File
25
5
0
قناة السيد علي الجابري
۲۰ فروردین ۱۴۰۵، ۱۰:۲۶
علي يامن تحضر الميت
فدوة بموتي حضرني
علي ياحاظر الشدات
بس بموتي انه ترجاك
عفت الدنيه والبيهه
ونه طالب عليه ارضاك
جيتك والدمع بالعين
صعبه الحاله يابو حسين
انه بدونك اروحن وين
بس انت الذي تنجي
ملك الموت لو مرني
---
اريدنك سند مولاي
باجر ياعلي صعبه
باجر موتي لو يلفي
اشوف الوادم الغربه
اريد من يدفنوني
وعلي لو هلو التربه
من هايه انه خايف
كل شي بدنيتي عايف
بس أنت علي عارف
اطلبك يابو الحسنين
لو دفاني يدفني
---
انه الماعفتك بالحظه
عله حبل الموت ناديتك
صحت بصوت يامولاي
بكلبي وروحي خليتك
كل هذه وتحملت هواي
بس لا والله ماعفتك
انه الماعفتك بخوفه
معقوله الذي تعوفه
المات بحبك تشوفه
تعذبه النار يامولاي
وماتفزع الي بوني
انه الماعفت اسمك
انه الماعفت حبك
كل الناس تمشي دروب
وانه الماشي في دربك
اذا كبري صبح مظلم
اريدك واسطه الربك
احلفك بالضلع تحظر
وحيد ورايدك حيدر
الحبك والله مايخسر
العافك ماتجي نظره
باجر انت تنظرني
الشاعر حسين عبد الحريشاوي
هدي ثواب القصيدة الى روح والدتي
35
5
قناة السيد علي الجابري
۱۵ فروردین ۱۴۰۵، ۱۷:۲۲
غربة مولاتي الرباب ع
تتحدث مع نفسها بلحسين ع
يا طول العمر بجفاه … مو كسره الحزن ديتي
الحسين وكلها تتمنا… ونـــا يصحلي ام بيتي
ماريـد الهــوه بعــده … حرام ويسكن ابريتي
ابقى ابلا سكف للموت … لان فوك الترب صيتي
غايب
واتنطر اعيونك تمــــر .. وكــت الفجر .. اليه
غايب
ويجرحني بجفاك الهجر .. وماضل صبر .. عليه
فكدك كــسرني .. ولا ما تمرني
ليليـه اتـــاني اتمرني ابطيـــف
تدريني وحدي .. واحزاني سدي
ونته بصحـــــاري اتضل ياحيف
يابو عبد الله التحبك ماتت من جفاك
…………………………………………….
احجايه وشيبت فكري … شلون انسى فلا اكدر
اول مره محني اتروح … تمشي انوبه تتعثر
بعدني استذكر الموقف … تريد اتكوم ما تكدر
اعطلنك وهم روحي … ابدالك كوني اطبر
عيني
بثيابك انه چلبــت .. من باوعت .. وريدك
عيني
مو مره اني تعثرت .. شكد صيحت .. اريدك
خجلانه عينك .. والله اليعينك
ايضيك الهوه هناك اخيام
مابيه بعدك .. يأذينــي بعدك
وبعد الشماته تدري الشام
يابو عبد الله التحبك ماتت من جفاك
…………………………………………….
اعذر كلبي وعذرني الاكلف طلعت اعيالك
اني ادري انته ميذبحوك .بلطف ذبحو اخيالك
حرت ضهريتي الم اطفال ولمن نوبه بوصالك
تهضمني بواچي ام عون نرد ليليه ننعالك
عاشر
من طلعت اعيالك قسر .. زاد العمر .. بليه
عاشر
ماتبقى خيمات النبي .. ابهاذ السبي .. ورزيه
ليلي افكر .. ياكـــــلبي تذكر
اصفى وحيده وماضل راي
ياروحي شده .. ولكلمه وحده
مو انا اروح وانطي اكفـــاي
يابو عبد الله التحبك ماتت من جفاك
…………………………………………….
موزينه وحك فركاك اكضي اليل مفجوعه
لا انته التهود ابجاي لا عبد الله ودموعه
وبلوعه انا اخلص اليل ونهاري البادي بلوعه
ماسولف تعب متني خفت لا الجم اضلوعه
ليلي
ياكوني افزعلك ضوه .. بطف نينوه .. واشوفك
ليلي
شتريد اقدر يا عذر .. لو عن كثر .. ضروفك
عبد الله يمك .. مات ويشمك
ونه وحيـــــدة هم صفيت
ابقى بخرابه .. ومـاهم عذابه
لخاطر حبيبي هــم رضيت
يابو عبد الله التحبك ماتت من جفاك
…………………………………………….
اللهم عجل لوليك الفرج
حسين علاء
68
قناة السيد علي الجابري
۱۵ فروردین ۱۴۰۵، ۱۷:۲۲
قصيدة الامام جعفر الصادق ع
يالمحـترگ گلبك قبـل دارك
ما تنطفــي طول الدهر نارك
اتذكرت طف عماتك
مـــن ركضن ابنياتك
يالمحترگ
ــ••••••••••••••••••••••ــ
بنـاتك ما انســـلبن يوم حرگ الدار
وما ســــــوه الحـــبل بچفوفهن آثار
طفت نارك وزينب تدري بيها اشصار
محـد فـزع طفه اخيامها امـــن النار
عالتل بقت وتحشم اخوتها
لو قـــارنت اعظـم مصيبتها
وتفجــرن دمعاتك
من ركضن ابنياتك
يالمحترگ
ــ••••••••••••••••••••••ــ
ما فــــرن بنـــاتك حافيــــــات ابر
ولاعنــدك مـره فوك الجثث تعثر
الحال اطفال جـــدك گلبك اتفطر
روحـك مثل جمـر اخيامهم تسعر
بيت الصبر مل وغـــلق بابه
يالممتـحن بمصايب احبابه
وتجـــددن لوعاتك
من ركضن ابنياتك
يالمحترگ
ــ••••••••••••••••••••••ــ
بيتك سيدي مـــــن گمت طفيته
شعواط الخـــــــيم بالدار شميته
تحس بحسين لمن شاهد ابنيته
مسلوبه وتفرهــــد وحترگ بيته
شيب الحزن ضـل ياكل ابراسك
عـن كربــــله يحچيلك احساسك
وتكاثرن مأســـاتك
من ركضن ابنياتك
يالمحترگ
ــ••••••••••••••••••••••ــ
تون للشيبته ابدم منحــره حمره
وبگاع الطفوف اوصـــاله مطشره
يم عتبت شـفافك للعــطش ذكره
تقص بالماي من تذكر گطع نحره
قصـــة ألم ياسيدي اسنينك
چادر حزن بالگلب لحسينك
تفطر الصخر وناتك
مـن ركضن ابنياتك
يالمحترگ
ــ••••••••••••••••••••••ــ
مخنوگ وعمن من البچي اعيونك
على يالوعه ناسك مـــــن يواسونك
كل عاشــر محـــــرم ينخطف لونك
ويأذنك ابطاري الســــــــبي امتونك
درب السبي ماخذها عافيتك
حتى الهــوه مل وهجر ريتك
زاد الزمن صدعاتك
مــن ركضن ابنياتك
يالمحترگ
ــ••••••••••••••••••••••ــ
✍الخادم
كامل السعيدي
47
قناة السيد علي الجابري
۱۵ فروردین ۱۴۰۵، ۱۷:۲۲
🎤 Voice
47
4
0
قناة السيد علي الجابري
۱۵ فروردین ۱۴۰۵، ۱۷:۲۲
🎤 Voice
46
5
0
قناة السيد علي الجابري
۱۵ فروردین ۱۴۰۵، ۱۷:۲۲
#مقدمه_للامام_جعفر_الصادق ع
عظم الله اجر الامام المنتظر
انعزي غايبــنه نجي هـاي المسـيه
ابليلة استشـــهاد امام الجعـــفريه
ابكلبه تســـــعر ماطفت نار الرزيه
ابمجلس الصـــادق نون ويا سويه
كل موالي اليله دلاله انفــطر
عظم الله اجر الامام المنتظر
°°°°°°°°°°°°°°°°°°°°°°°°°
العلم كله اليــوم عــــن طــلابه غايب
بكاس من سم ياحسـافه چبده ذايب
المهدي الله يعين گلبه اعله المصايب
هدمت گلـــــبه اســـف كثر النـــوايب
منصدع گلبه لجل هذا الخبر
عظم الله اجر الامام المنتظر
°°°°°°°°°°°°°°°°°°°°°°°°°
سادس اهل العتره عن احبابه رايح
وتـارك ابكل بيـت آهـات ونوايـــــح
ابكل بقاع الارض تتنصـب فـــواتح
وكل عزيه بيها واگف ابوصـــــــالح
راسه شيب مارحم گلبه الدهر
عظم الله اجر الامام المنتــظر
°°°°°°°°°°°°°°°°°°°°°°°°°
جعفر الصــادق لمن حرگوله داره
بگلبه مو بالدار ضلت تسري ناره
ذكر عماته البقن بالطف حيــــاره
من دوت خيمتهن وراحن اسـاره
هذا موقف ياخلگ يحني الظهر
عظم الله اجر الامــام المنتــظر
°°°°°°°°°°°°°°°°°°°°°°°°°
گلبه شيب والله ماينقاس صـــــبره
امصــايب اهله لوعــنه وحنن ظهره
باچر بارض البقــيع ايسـوي حضره
ونحضر ابمجلس الصـادق بيها نقره
عينه مامرها الوسن شبعت سهر
عظم الله اجر الامام المنتــــــظر
°°°°°°°°°°°°°°°°°°°°°
✍الخادم
كامل السعيدي
46
4
قناة السيد علي الجابري
۱۵ فروردین ۱۴۰۵، ۱۷:۲۲
🎤 Voice
35
5
0
قناة السيد علي الجابري
۱۵ فروردین ۱۴۰۵، ۱۷:۲۲
قصيدة الامام جعفر الصادق ع
عايش بينه عايش بينه
ذكرى امصابك عايش بينه
ـــــــــــــــــــــــــــــــــــ
يالصــــــادق لجـلك ونيـنه
ومأتم لمصــابك منصــوب.
مــن اتمر ذكرى استشهادك
مثل الشمعه اعليك انذوب.
يا ثامـن جـرح الما يشـــفه
كل شيعي ابيومك منكوب.
الما يلطم ويكسـر اضلوعه
امقصـــر وياك اومطــلوب.
التدمع عينه التدمع عينه
تغفــر ذنبه التـــــدمع عينه
ـــــــــــــــــــــــــــــــــــ
يامـدرسة الشيعه الكبرى
چـم باب العلمك مفتوح
هنـــيال اليتعــنه الـدارك
يرجع مـن عنـدك مملوح
طـــــلابك هاليله اتندبك
كل واحـد منهم مجروح
ما ينســـونك يا قدوتهم
يالســـاكن بعمــاق الروح
ماناسينه ماناسينه
نذكر فضلك ماناسينه
ـــــــــــــــــــــــــــــــــــ
نفس الكسرو ضلع الزهره
وصـابوها بذاك المســـمار
دخــلو يا مــــولاي الدارك
بغضـــن شـــــبو بيها النار
خافو تعلن ضـــدهم ثوره
ويرجــع بيـــــدك ذل فقار
يالمعروف ابشـدت بأسك
ذليــت اعــروش الفـــجار
الضدك وينه الضدك وينه
طامس ذكرى الضدك وينه
ـــــــــــــــــــــــــــــــــــ
والزهره بهل مجلس تحضر
تلطـــم وتهل دمــع العـــين
يالمشــــــهد ترويع اطـفالك
مـر ابزينـب والحســـــــنين
يالمسـموم ابيوم امصـــابك
حــزنن لجـلك دنيـــا ودين
انس وجن مكسوره الخاطر
وكل انصـــــــارك متــــأذين
ياوالينه ياوالينه
انوح الفگدك ياولينه
ـــــــــــــــــــــــــــــــــــ
نار الهـم ما تبــــرد ســـاعه
وحزنك يتجـــــدد كل يوم
يالما شايف راحــه ابعمـرك
يالعشـت وميـت مظلــــوم
ذكـرك ماگــــدرو يمحـــونه
باقي انته وخصمك مهزوم
رايـه انته وضلت مرفوعـه
ابچف انصـــارك يالمسموم
ماحبيـنه ماحبيـنه
غيرك وهلك ماحبنيه
ـــــــــــــــــــــــــــــــــــ
الخادم
كامل السعيدي
