Ustaz Muhammad Ferej

Public

مشاهده کانال

نمی‌توانید بپیوندید؟ @ustazmuhammadferej

۴.۵k عضو

به‌روزرسانی شده: May 15, 2026 at 4:54 PM

Ustaz Muhammad Ferej

قال الله تعالى ( وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ )

Follow @ustazmuhammadferej to stay updated with the latest مذهب trends and news

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (6 روز گذشته)

مجموع: 4.5K

رشد 24 ساعت: -21 0%

آخرین پست‌ها

Ustaz Muhammad Ferej

۱ خرداد ۱۴۰۵، ۱۸:۳۸

*የጁሙዓ ብርሃን፦ በነቢዩ ﷺ ላይ ሰለዋት የማውረድ ትሩፋቶች*
የጁሙዓ ቀን ፀሐይ ከምትወጣባቸው ቀናት ሁሉ በላጩና የሙስሊሞች የሳምንት የደስታ ቀን ነው። በዚህ በተባረከ ቀን ውስጥ ካሉ ታላላቅ የኢባዳ አይነቶች መካከል ደግሞ የነቢዩ ﷺ ስም የሚነሳበትና በእሳቸው ላይ ሰለዋት የማውረድ ተግባር ቀዳሚውን ስፍራ ይይዛል።

*1. መለኮታዊ ጥሪና የላቀ ክብር*
በነቢዩ ﷺ ላይ ሰለዋት ማውረድ ዝም ብሎ የሚነገር ዚክር ብቻ ሳይሆን፣ አላህ (ሱብሃነሁ ወተዓላ) አማኞችን ያዘዘበትበት ታላቅ ትእዛዝ ነው። አላህ በራሱ ጀምሮ፣ በመላእክቶቹ ቀጥሎ፣ አማኞችንም እንዲህ ሲል አዟል፦ *"አላህና መላእክቱ በነቢዩ ላይ ሶላትን (እዝነትን) ያወርዳሉ፤ እናንተ ያመናችሁ ሆይ! በእርሱ ላይ ሶላትን አውርዱ፤ የሰላምታ ማቅረቢያንም አቅርቡ።"* [አል-አሕዛብ፡ 56]

*2. የጁሙዓ ቀን፦ ልዩ የትስስር ዕለት*
ነቢዩ ﷺ በተለይ በጁሙዓ ቀን በእሳቸው ላይ ሰለዋት ማብዛትን አጥብቀው አዘዋል። አውስ ቢን አውስ (ረዲየላሁ ዐንሁ) ባስተላለፉት ሀዲስ ነቢዩ ﷺ እንዲህ ብለዋል፦ *"ከቀኖቻችሁ ሁሉ በላጩ የጁሙዓ ቀን ነው... በዚህ ቀን በእኔ ላይ ሰለዋትን አብዙ፤ የእናንተ ሰለዋት እኔ ዘንድ ይቀርብልኛልና።"* [አቡ ዳውድና ነሳኢ ዘግበውታል።]
ይህም አማኙ ከነቢዩ ﷺ ጋር ያለውን መንፈሳዊ ትስስር የሚያጠናክር ሲሆን፣ ስምህ እሳቸው ዘንድ የሚነሳበት ታላቅ ክብር ነው።

*3. ሰለዋት የሚያበዙ ሰዎች የሚያገኟቸው ስጦታዎች*

በዚህ ታላቅ ቀን ሰለዋትን ለሚያበዙ ሰዎች የሚከተሉትን ያገኛሉ ፦
*ከአላህ ዘንድ የሚገኝ እዝነት፦*
አቡ ሁረይራ (ረዲየላሁ ዐንሁ) ባስተላለፉትና ኢማም ሙስሊም በዘገቡት ሀዲስ፦ *"በእኔ ላይ አንዲትን ሰለዋት ያወረደ ሰው፣ አላህ በእርሱ ላይ አስር እዝነቶችን ያወርዳል።"* ብለዋል።

*ጭንቀትን ማስወገድና ወንጀልን ማበስ፦*
ኡበይ ቢን ከዕብ (ረዲየላሁ ዐንሁ) ለነቢዩ ﷺ "ጊዜዬን ሁሉ በእርስዎ ላይ ሰለዋት በማውረድ ባሳልፍስ?" ብሎ ሲጠይቃቸው፤ ነቢዩ ﷺ፦ *"ያኔ ጭንቀትህ ይወገዳል፣ ወንጀልህም ይማርልሃል።"* በማለት መልሰውለታል። [ቲርሚዚ ዘግበውታል።]

*ከነቢዩ ﷺ ቅርበትና የርሳቸውን አማላጅነት፦*
በትንሳኤ በቂያማ ቀን ለነቢዩ ﷺ ይበልጥ ቅርብ የሚሆኑት በእሳቸው ላይ ሰለዋትን የሚያበዙት ናቸው።

*4. የጁሙዓ ሌሊትና ቀኑ ስነ-ስርዓቶች*
የጁሙዓ ትሩፋት የሚጀምረው ከሐሙስ ጀምሮ ፀሐይ ከጠለቀችበት (ከጁሙዓ ሌሊት) አንስቶ እስከ አርብ ጁምዓ ፀሐይ እስክትጠልቅ ድረስ ነው። አነስ ቢን ማሊክ (ረዲየላሁ ዐንሁ) ባስተላለፉት ሀዲስ ነቢዩ ﷺ እንዲህ ብለዋል፦ *"በጁሙዓ ቀንና በጁሙዓ ሌሊት በእኔ ላይ ሰለዋትን አብዙ።"* [በይሀቂ ዘግበውታል።]

*ማጠቃለያ፦*
የጁሙዓን ቀን በሰለዋት ማድመቅ የነብዩ የውዴታ መገለጫ፣ ወደ አላህ መቃረቢያና የልብ መረጋጋት ምንጭ ነው። በዚህ በተባረከ ቀን በእያንዳንዱ ትንፋሻችን ላይ ከጨለማ ወደ ብርሃን ላወጡን ታላቁ ነቢይ ሰለዋትና ሰላም ይውረድ።
*አላሁመ ሰሊ ወሰሊም ወባሪክ ዓላ ነቢዪና ሙሐመድ ወዓላ አሊሂ ወሰሕቢሂ አጅማዒን።*

1,440

Ustaz Muhammad Ferej

۱ خرداد ۱۴۰۵، ۱۸:۳۸

🎥 Video

የቀብር ጥያቄዎች

1,130

Ustaz Muhammad Ferej

۱ خرداد ۱۴۰۵، ۱۸:۳۸

አሰላሙ ዐለይኩም ወረህመቱላሂ ወበረካቱህ
ዛሬ ደርስ አይኖረንም
ቢቻል በጋራ ሙራጀዓ ብታደርጉ መልካም ነው

ጀዛኩሙላሁ ኸይረን

709

Ustaz Muhammad Ferej

۱ خرداد ۱۴۰۵، ۱۸:۳۸

🕋بسم الله الرحمن الرحيم🕋
*ከአንድ አላህ ውጭ ሊመለክ፣ሊለመን ፣ ድረስልኝ፣አድነኝ ... ወዘተ ሊባል ሚገባው የትኛውም አካል የለም ።*
ይህን አስመልክቶ ከሁሉ በላይ የሆነው አላህ በሱረቱ አል አህቃፍ በሶስት ተከታታይ አንቀጾች እንዲህ እያለ ይናገራል :-
(1){ قُلْ أَرَءَيْتُم مَّا تَدْعُونَ مِن دُونِ ٱللَّهِ أَرُونِى مَاذَا خَلَقُوا۟ مِنَ ٱلأَرْضِ أَمْ لَهُمْ شِرْكٌۭ فِى ٱلسَّمَٰوَٰتِ ۖ ٱئْتُونِى بِكِتَٰبٍۢ مِّن قَبْلِ هَٰذَآ أَوْ أَثَٰارةٍۢ مِّنْ عِلْمٍ إِن كُنتُمْ صَٰدِقِينَ} [46:4]
((«ከአላህ ሌላ የምትግገዟቸውን ❲ምትጣሩዋቸውን〕አያችሁን? ከምድር ምንን እንደ ፈጠሩ አሳዩኝ፡፡ ወይም በሰማያት ለእነርሱ (ከአላህ ጋር) መጋራት አላቸውን? (ያማልዱናል በማለታችሁ) እውነተኞች እንደ ኾናችሁ ከዚህ (ቁርኣን) በፊት የኾነን መጽሐፍ ወይም ከዕውቀት የኾነ ቅርስን አምጡልኝ» በላቸው፡፡))

*ከዚህ አንቀጽ የሚቀሰሙ ትምህርቶች:-
_ የፈጠራ ባለቤትነት፡- አምልኮ የሚገባው የፈጠረ አካል ብቻ ነው። መፍጠር የማይችል አካል ሊመለክ አይገባውም።
_ አምልኮ በመረጃ ነው፡- በማስረጃ ያልተደገፈ አምልኮ(ዒባዳ) ሁሉ ዋጋ የለውም።
_ አጋሪዎች ማስረጃ የላቸውም:-
ሙሽሪኮች ከአላህ ውጭ ለሚያመልኳቸው አካላት አንዳችም የፈጠራ ተሳትፎም ሆነ የጽሑፍ ማስረጃ ማቅረብ እንደማይችሉ በግልጽ ያሳያል።

--------------------------
ከአላህ ውጭ ያለን አካል መጥራት ማምለክ ከንቱነትና ትልቅ ስህተት ነው ።
ይህን አስመልክቶ ውዱ ጌታችን አላህ እንዲህ ይላል :-
❨2❩{ وَمَنْ أَضَلُّ مِمَّن يَدْعُوا۟ مِن دُونِ ٱللَّهِ مَن لَّا يَستَجِيبُ لَهُۥٓ إِلَىٰ يَوْمِ ٱلْقِيَٰمَةِ وَهُمْ عَن دُعَآئِهِمْ غَٰفِلُونَ} [46:5]
((እስከ ትንሣኤ ቀን ድረስም ለእርሱ የማይመልስለትን (ጣዖት) ከአላህ ሌላ ከሚጠራ ሰው ይበልጥ የተሳሳተ ማነው? እነርሱም ከጥሪያቸው ዘንጊዎች ናቸው፡፡*))

ከዚህ አንቀጽ የሚቀሰሙ ትምህርቶች:- የጥፋት ጥግ፡- ከአላህ ውጭ ያለን አካል (ለማይቻለው ነገር) መጥራትና መለመን ከጥፋቶች ሁሉ የከፋ ጥፋት (መንገድ መሳት) መሆኑን ያስረዳል።
_ ምላሽ የማይገኝበት ጥሪ፡-
ፍጡራን ሚለምኑዋቸው አካሎች እስከ ትንሣኤ ቀን ድረስ ቢጠሩም ምላሽ መስጠት እንደማይችሉ ይገልጻል።
_ ፍጹም ዘንጊነት፡- የተጠሩት አካላት (ህያውም ፣ሙታንም ይሁኑ ጉዑዞች) ስለሚጠራቸው ሰው አንዳች ዕውቀት እንደሌላቸውና ከጥሪው ዘንጊ መሆናቸውን ይገልጻል።

----------------------------
ተመላኪዎቹ በዕለተ ትንሣኤ (የቂያማ ዕለት) አምላኪዎቻቸውን ግልጽ የሆነ ጠላትነትና ክህደትን ይገልጻሉ :-
ይህን አስመልክቶ ውዱ ጌታችን አላህ እንዲህ ይላል :-
❨3❩{ وَإِذَا حُشِرَ ٱلنَّاسُ كَانُوا۟ لَهُمْ أَعْدَآءًۭ وَكَانُوا۟ بِعِبَادَتِهِمْ كَٰفِرِينَ} ]46:6]
(( ሰዎችም በተሰበሰቡ ግዜ
(ተመላኪዎቹ) ለእነርሱ ጠላቶች ይኾናሉ፡፡ (እነሱን) መገዛታቸውንም ከሓዲዎች ይኾናሉ ፡፡))

* ከአንቀጹ የሚቀሰሙ ትምህርቶች:-
_ የወዳጅነት መገልበጥ፡-
በዱንያ ላይ "አማላጅ" ወይም "ወዳጅ፣ወሊይ" ተደርገው የተያዙ አካላት ነገ የቂያማ ዕለት በመህሸር ሜዳ ሲያመልካቸው በነበረው ሰው ላይ ዋነኛ ጠላቶች ሆነው ይቀርባሉ።
_ የአምልኮው ክህደት፡- የሚመለኩት አካላት አምላኪዎቻቸውን ከመክዳታቸውም በላይ "እኛን አላመለካችሁም" ወይም "በእናንተ አምልኮ ደስተኛ አይደለንም" በማለት ይክዳሉ።
_ አምላኪው ሰው እርዳታ በሚያስፈልገው ቀን ከረዳት አልባነት በተጨማሪ ወዷቸው ሲያመልካቸው የነበሩ አካላት ጠላት ሆነውበት ሲነሱ የሚገጥመውን ታላቅ ኪሳራ ያሳያል።

ያ አላህ እያወቅን ባንተ ላይ ከማጋራት አንተው ጠብቀን 🤲።
ያ አላህ ሳናውቅ ላጋራንብህ ይቅር በለን 🤲።
ያ አላህ ውስጣችንም ውጫችንም ላንተ ብቻ ተገዢ አድርግልን 🤲።

Ustaz Muhammad Ferej

۱ خرداد ۱۴۰۵، ۱۸:۳۸

🎥 Video

*አላህን ለማምለክ እውቀት ዋጅብ ነው።*
{فَٱعْلَمْ أَنَّهُۥ لَآ إِلَٰهَ إِلَّا ٱللَّهُ وَٱسْتَغْفِرْ لِذَنۢبِكَ وَلِلْمُؤْمِنِينَ وَٱلْمُؤْمِنَٰتِ ۗ وَٱللَّهُ يَعْلَمُ مُتَقَلَّبَكُمْ وَمَثْوَىٰكُمْ}
(( እነሆ ከአላህ ሌላ አምላክ አለመኖሩንም ዕወቅ፡፡ ስለ ስህተትህም ለምእመናንም ምሕረትን ለምን፡፡ አላህም መዘዋወሪያችሁን፣ መርጊያችሁንም ያውቃል፡፡))

1,200

Ustaz Muhammad Ferej

۱ خرداد ۱۴۰۵، ۱۸:۳۸

አሰላም አለይኩም ወረህመቱላሂ ወበረካቱህ
የዑምደቱል አህካም ደርስ
ዛሬ የለንም ኢንሻአ አላህ ነገ ይኖረናል

941

Ustaz Muhammad Ferej

۱ خرداد ۱۴۰۵، ۱۸:۳۸

#አመስግን_አታማርር!!!
ሁሉን አዋቂ የሆነው አላህ እንዲህ ይላል :-
*{وَاشْكُرُوا لِي وَلَا تَكْفُرُونِ}*
“አመስግኑኝም፤ በእኔም አትካዱ (አትክዱኝ)።”

አማኝ የኑሮ ውድነት ቢገጥመው ፣ የመህበራዊ ህይወት ችግር ቢገጥመው ፣ የኢኮኖሚ መቃወስ ቢገጥመው ፣ የስራ ሁኔታ ቢወሳሰብበት ፣ የጤና ችግር .... ወዘተ ቢገጥመው በታጋሽነት ጌታውን ያመሰግናል እንጂ አያማርርም ።
ውዱ የአላህ መልእክተኛ ነብዩ ሙሀመድ ሶለላሁ ዐለይሂ ወሰለም እንዲህ ይላሉ :-
عَنْ صُهَيْبٍ رَضِيَ اللَّهُ عَنْهُ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «عَجَبًا لِأَمْرِ الْمُؤْمِنِ، إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لِأَحَدٍ إِلَّا لِلْمُؤْمِنِ: إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ، وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ». (رواه مسلم)
ሱሃይብ (ረዲየላሁ ዐንሁ) እንደተረኩት የአላህ መልክተኛ (ሰለላሁ ዐለይሂ ወሰለም) እንዲህ ብለዋል። *«የሙእሚን (የምእመን) ነገር ይገርማል! ነገሩ ሁሉ ለእርሱ መልካም ነው፤ ይህም ከሙእሚን በስተቀር ለማንም አልተሰጠም። ደስታ (ሲሳይ) ቢገጥመው ያመሰግናል፤ ያ ለእርሱ መልካም ይሆንለታል። መከራ ቢገጥመው ደግሞ ይታገሳል፤ ይህም ለእርሱ መልካም ይሆንለታል።»*
(ሙስሊም በሶሒሃቸው ዘግበውታል)

*"አላህ ሆይ! ለጸጋዎችህ አመስጋኞች፣ በውሳኔህ (በቀደርህ) ተስማሚዎች አድርገን
ያ አላህ አንተን በማውሳት (በዚክር)፣ በማመስገንና ኢባዳን በሚገባ በመፈጸም አግዘን።"*

1,330

Ustaz Muhammad Ferej

۱ خرداد ۱۴۰۵، ۱۸:۳۸

🎥 Video

951

Ustaz Muhammad Ferej

۱ خرداد ۱۴۰۵، ۱۸:۳۸

📱 #ሐሜት_በሶሻልሚድያም_ሐራም_ነው ።

በሶሻል ሚዲያ የሰዎችን ክብር መንካትና ምላሽ የመስጠት የሸሪዓ ደንቦች :-
በሶሻል ሚዲያ ዑለማዎችን፣ መሪዎችን፣ደጋግ ሰዎችንና ማንኛውንም ሙስሊም መሳደብ፣ ክብሩን መንካት ወይም ስም የማጥፋትን ዘመቻ መከታተል፣ ማንበብ ወይም "Like/Share" ማድረግ በሸሪዓ እጅግ የተከለከለ ነው።
1. እንዲህ አይነት ድርጊቶችን ዝም ብሎ መከታተል ከበደለኞች ጋር እንደመቀመጥ ይቆጠራል። አላህ እንዲህ ይላል፦
{وَإِذَا رَأَيْتَ الَّذِينَ يَخُوضُونَ فِي آيَاتِنَا فَأَعْرِضْ عَنْهُمْ حَتَّىٰ يَخُوضُوا فِي حَدِيثٍ غَيْرِهِ ۚ وَإِمَّا يُنسِيَنَّكَ الشَّيْطَانُ فَلَا تَقْعَدْ بَعْدَ الذِّكْرَىٰ مَعَ القوم الظَّالِمِينَ}
“በአንቀጾቻችንም (በመመሪያዎች) ውስጥ (በማሾፍ) የሚያናፍሱትን ባየህ ጊዜ በሌላ ወሬ ውስጥ እስከሚገቡ ድረስ ከእነርሱ ዘወር በል፡፡ ሰይጣንም ቢያስረሳህ ካስታወስክ በኋላ ከበደለኞች ሕዝቦች ጋር አትቀመጥ” [አል-አንዓም፡ 68]።

2. የሐሜት (غيبة) ክልክላናት ማስረጃው
አላህ (ሱብሃነሁ ወተዓላ) ሐሜትን የሞተን ወንድም ሥጋ ከመብላት ጋር አመሳስሎታል፦
{وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ}
“ከፊላችሁም ከፊሉን አይማ፤ አንዳችሁ የወንድሙን ሥጋ የሞተ ሆኖ ሊበላው ይወዳልን? (መብላቱን) ጠላችሁትም (ሐሜቱንም ጥሉት) አላህንም ፍሩ...” [አል-ሁጁራት፡ 12]።

ነቢዩ (ﷺ) ሐሜትና ቅጥፈትን እንዲህ ለይተውታል፦
«ذِكْرُكَ أَخَاكَ بِمَا يَكْرَهُ» قِيلَ: أَفَرَأَيْتَ إِنْ كَانَ فِي أَخِي مَا أَقُولُ؟ قَالَ: «إِنْ كَانَ فِيهِ مَا تَقُولُ فَقَدِ اغْتَبْتَهُ، وَإِنْ لَمْ يَكُنْ فِيهِ فَقَدْ بَهَتَّهُ»
"ሐሜት ማለት ወንድምህን የሚጠላውን ነገር ማውሳትህ ነው" አሉ። "የምለው ነገር በእርሱ ላይ ካለስ?" ተብለው ሲጠየቁ፡ "የምትለው በእርሱ ላይ ካለ አማኸው፤ የሌለበትን ከሆነ ግን ቀጠፍክበት " አሉ። [ሙስሊም]።

3. የነገር አዋሳጅነት (نميمة) እና የክብር (الأعراض) ጥሰት
በሶሻል ሚዲያ ስድብን "Share" ማድረግ ትልቁ የነሚማ አይነት ነው። ነቢዩ (ﷺ) እንዲህ ብለዋል፦
«لَا يَدْخُلُ الْجَنَّةَ نَمَّامٌّ
"ነገር አዋሳጅ (نمام) ጀነት አይገባም" [ቡኻሪና ሙስሊም]።

በሐጅ ስንብት ላይ ያስተላለፉት ታላቅ ትእዛዝ፦
«إِنَّ دِمَاءَكُمْ وَأَمْوَالَكُمْ» وَأَعْرَاضَكُمْ عَلَيْكُمْ حَرَامٌ، كَحُرْمَةِ يَوْمِكُمْ هَذَا، فِي شَهْرِكُمْ هَذَا، فِي بَلَدِكُمْ هَذَا »
"ደማችሁ፣ ገንዘባችሁና ክብራችሁ በእናንተ ላይ እርም (ሐራም) ነው፤ የዛሬው ቀናችሁ፣ በዚህ ወራችሁና በዚህ ሀገራችሁ እንዳለው ክብር ሁሉ" [ቡኻሪና ሙስሊም]።

4. በሶሻል ሚዲያ ምላሽ ከመስጠት ደንቦች በጥቂቱ (من ضوابط الرد)
ጥቃት ሲሰነዘር ስሜታዊ ከመሆን ይልቅ የሚከተሉትን የሸሪዓ ደንቦች ማክበር ግድ ይላል፦
* ጉዳዩን ከጃሂሎች ማራቅ፦
እየተናፈሰ ላለው ወሬ ምላሽ መስጠቱ ጉዳዩ ወደማይመለከታቸው ሰዎች (ለጉዳዩ ጃሂል ለሆኑ ሰዎች) ስድቡን፣ሀሜቱን፣ፀቡን ይበልጥ የሚያናፍሰውና የበለጠ ችግር ሚያስከትል ከሆነ ዝምታን መምረጥ ይሻላል።
{خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجاهِلِينَ}
“ይቅርታን ያዝ፤ በመልካምም እዘዝ፤ ካላዋቂዎችም ዘወር በል” [አል-አዕራፍ፡ 199]።

* በሐቅ መከላከል፦
ከወንድምህ (ዑለማዎች፣አሚሮች፣ሷሊሆች፣ሙስሊም) ላይ መጥፎን ተግባር መከላከል ተገቢ ነው ግን መሆን ያለበት በሐቅ እንጂ በስድብ በማንጓጠጥ አይደለም ።
«مَنْ رَدَّ عَنْ عِرْضِ أَخِيهِ رَدَّ اللَّهُ عَنْ وَجْهِهِ النَّارَ يَوْمَ الْقِيَامَةِ»
"የወንድሙን ክብር (ሲነካ) የተከላከለ አላህ በቂያማ ቀን እሳትን ከፊቱ ላይ ያርቅለታል" [ቲርሚዚ]።

* ያለ እውቀት አለመናገር፦
በማያገባህ አትግባ ፣ በምትሰማውና በምታየው ነገር ሁሉ ሀሳብ ካልሰጠሁ አትበል የዑለማዎች ልዩነት (خلاف) ያለበትን አጀንዳ ለዑለማዎቹ መተው ወይም የፖለቲካ ውስብስብ ጉዳይን ለእነሱ መተው ወይም ከእነሱ ጋር ቀጥታ መነጋገር እንጂ በሶሻል ሚድያ የመከራከርያ አጀንዳ አድርጎ ማቅረብ አግባብ አይደለም ።
{وَلَا تَقْفُ مَا لَيْسَ لَكَ بِهِ عِلْمٌ ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَٰئِكَ كَانَ عَنْهُ مَسْئُولًا}
“ለአንተም በእርሱ እውቀት የሌለህን ነገር አትከተል፤ መስሚያ፣ ማያም፣ ልብም እነዚህ ሁሉ (ባለቤታቸው) ከእነሱ ተጠያቂ ነውና።” [አል-ኢስራእ፡ 36]።

ማጠቃለያ፦
አንድን የስድብ ፖስት "Like" ወይም ኮሜንት በማድረግ የሶሻል ሚዲያው ስልተ-ቀመር (Algorithm) ጥፋቱን እንዲያሰራጭ አያግዙ። ይልቁንም እንዳላዩ እንዳልሰሙ ማለፍና "Report" በማድረግ ኃላፊነትዎን ይወጡ !

Ustaz Muhammad Ferej

۱ خرداد ۱۴۰۵، ۱۸:۳۸

የተፍሲር ደርስ ዛሬ በአላህ ፈቃድ ይኖረናል
አንሷር መስጅድ አየር ጤና
አዲስ አበባ

1,130

Ustaz Muhammad Ferej

۱۸ اردیبهشت ۱۴۰۵، ۰۷:۲۸

#ሰላተ_አል_ኢብራሂሚያ
(الصلاة الإبراهيمية)
ለነብዩ ሙሐመድ ﷺ ከሚደረጉ የሰለዋት አባባሎች ሁሉ የተመረጠው አባባል *ሰላተ አል ኢብራሂሚያ* ነው ።
አቀራረቡም እንደሚከተለው ነው፦
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ
በአማርኛ ፊደል ሲጻፍ ፦
"አላሁመ ሶሊ ዓላ ሙሐመዲን ወዓላ ኣሊ ሙሐመዲን ፣ ከማ ሶለይተ ዓላ ኢብራሂመ ወዓላ ኣሊ ኢብራሂም፣ ኢንነከ ሐሚዱን መጂድ። አላሁመ ባሪክ ዓላ ሙሐመዲን ወዓላ ኣሊ ሙሐመዲን ከማ ባረክተ ዓላ ኢብራሂመ ወዓላ ኣሊ ኢብራሂም፣ ኢንነከ ሐሚዱን መጂድ።"

ትርጉሙ፦
* አላህ ሆይ! በኢብራሂምና በኢብራሂም ቤተሰቦች ላይ እዝነትህን እንዳወረድክ ሁሉ በሙሐመድና በሙሐመድ ቤተሰቦች ላይም እዝነትህን አውርድ፤ አንተ ምስጉንና የላቅህ ነህና።
* (( አላህ ሆይ! በኢብራሂምና በኢብራሂም ቤተሰቦች ላይ በረከትን እንዳወረድክ ሁሉ በሙሐመድና በሙሐመድ ቤተሰቦች ላይም በረከትን አውርድ፤ አንተ ምስጉንና የላቅህ ነህና።))

*ጠቃሚ ነጥቦች፦*
* ይህ ዱዓ በሶላት ውስጥ የመጨረሻው ተሸሁድ ላይ የግድ መባል ያለበት (ሩክን ወይም ዋጂብ) ነው ።
* ከሶላት ውጭም ቢሆን ነቢዩን ( ሰለላሁ ዐለይሂ ወሰለም) ለማውሳትና በሳቸው ላይ ሶለዋት ለማውረድ ከሁሉ የተሻለውና የተመረጠው አባባል ነው።

*ያ አላህ በውድ ነብያችን ነብዩ ሙሐመድ ﷺ ላይ ሰለዋት ማብዛትን ወፍቀን 🤲 አሚን ።
*ያ አላህ ውድ ነብያችንን ﷺ ከሁሉ ነገር አስበልጥን ምንወድ አድርገን 🤲 አሚን ።
*ያ አላህ የቂያማ እለት የነብያችንን ﷺ ሸፋዓ ወፍቀን 🤲 አሚን ።

1,000

Ustaz Muhammad Ferej

۱۸ اردیبهشت ۱۴۰۵، ۰۷:۲۸

https://t.me/+yEAIlZ4MbrMyYjk8

982

Ustaz Muhammad Ferej

۱۸ اردیبهشت ۱۴۰۵، ۰۷:۲۸

🎥 Video

974

Ustaz Muhammad Ferej

۱۸ اردیبهشت ۱۴۰۵، ۰۷:۲۸

ዛሬ ጁምዓ ከመግረ0ሪብ እስከ ዒሻ በአላህ ፈቃድ የኪታብ አተውሂድ (የፈውዛን) ደርስ ይጀመራል ።

አንሷር መስጅድ አየር ጤና
አዲስ አበባ

818

Ustaz Muhammad Ferej

۱۸ اردیبهشت ۱۴۰۵، ۰۷:۲۸

🎥 Video

إِنَّمَا ٱلتَّوْبَةُ عَلَى ٱللَّهِ لِلَّذِينَ يَعْمَلُونَ ٱلسُّوٓءَ بِجَهَٰلَةٍۢ ثُمَّ يَتُوبُونَ مِن قَرِيبٍۢ فَأُو۟لَٰٓئِكَ يَتُوبُ ٱللَّهُ عَلَيْهِمْ ۗ وَكَانَ ٱللَّهُ عَلِيمًا حَكِيمًۭا

ጸጸትን መቀበል በአላህ ላይ የሚገባው ለእነዚያ ኀጢአትን በስህተት ለሚሠሩና ከዚያም ከቅርብ ጊዜ ለሚጸጸቱት ብቻ ነው፡፡ እነዚያንም አላህ በእነርሱ ላይ ጸጸትን ይቀበላል፡፡ አላህም ዐዋቂ ጥበበኛ ነው፡፡

The repentance accepted by Allah is only for those who do wrong in ignorance [or carelessness] and then repent soon after. It is those to whom Allah will turn in forgiveness, and Allah is ever Knowing and Wise.

An-Nisa [4:17]

1,210

Ustaz Muhammad Ferej

۱۸ اردیبهشت ۱۴۰۵، ۰۷:۲۸

ተቋርጦ የነበረው የተፍሲር ደርስ ዛሬ በአላህ ፈቃድ እንጀምራለን
አንሷር መስጅድ አየር ጤና
አዲስ አበባ

957

Ustaz Muhammad Ferej

۱۸ اردیبهشت ۱۴۰۵، ۰۷:۲۸

🎥 Video

1,120

Ustaz Muhammad Ferej

۱۸ اردیبهشت ۱۴۰۵، ۰۷:۲۸

((ከሌሎች ቀኖች ቁጥሮችን መጾም አለበት፡፡))
((فَعِدَّةٌۭ مِّنْ أَيَّامٍ أُخَرَ ۚ ))

በአላህ ስም እጅግ በጣም ርኅሩኅ በጣም አዛኝ በሆነው።

ምስጋና ለአለማቱ ጌታ ለአላህ ይገባው። የአላህ ሰላትና ሰላም በነቢያትና በመልእክተኞች ሁሉ መደምደሚያ በነቢያችን ሙሐመድ፣ በቤተሰቦቻቸውና በባልደረቦቻቸው ላይ ሁሉ ይሁን።
ከዚህ በመቀጠል፦ የረመዳን ቀዷን (ቀሪ ጾምን) በዑዝር (ምክንያት) ኖሯቸው ጾም ላለፋቸውና ያ ዑዝር ሲወገድላቸው አላህ፦ {ከሌሎች ቀናትም ቁጥርን መሙላት አለባቸው} [አል-በቀራህ፡ 184] ያለውን ቃል ተግባራዊ ለማድረግ በአፋጣኝ እንዲጾሙ ሸሪዓዊ ማሳሰቢያ ተላልፏል ።
ይህ ትዕዛዝ ያለምንም ምክንያት ለሚያዘገዩ ሰዎች በአፋጣኝ መክፈል ግዴታ መሆኑን ያመለክታል።
1ኛ፡ ቀዷቸውን በአፋጣኝ መክፈል ያለባቸው የዑዝር ባለቤቶች፦
1. በፍጥነት በሚወገድ ድንገተኛ ምክንያት ያፈጠረ ሰው፦
ለምሳሌ ያህል ለአጭር ጉዞ የወጣ መንገደኛ፣ ወይም ደግሞ በፍጥነት ይድናል ተብሎ የሚታሰብ ቀላል ህመም ያጋጠመው ታካሚ። እነዚህ ሰዎች ምክንያታቸው እንደተወገደ ቀጣዩ ረመዳን ከመግባቱ በፊት ቀዷቸውን ለመክፈል መቻኮል አለባቸው፤ ባያዘገዩት ይመረጣል።
2. በወር አበባ (ሐይድ) ወይም በወሊድ ደም (ኒፋስ) ምክንያት ያፈጠረች ሴት፦
አንዲት ሴት በዓመቱ ውስጥ በየትኛውም ጊዜ ስትጠራ፣ ያለፋትን ቀናት ለመክፈል መጣጣር የጥንቃቄና የተቅዋ (አላህን የመፍራት) ምልክት ነው። ቸልተኝነት ወይም ሌላ ስራ እንዳያግደው በመስጋት ወደ ቀጣዩ ረመዳን ማዘግየት የለባትም።
3. የመክፈል አቅም እያለው ያለምክንያት ቀጣዩ ረመዳን እስኪገባ ያዘገየ ሰው፦
ይህ ሰው ያለ ሸሪዓዊ ምክንያት በማዘግየቱ ወንጀል ላይ ወድቋል። ስለሆነም ተውበት (ንሥሐ) ከማድረግ ጋር ያለፈበትን ቀናት መክፈል ይኖርበታል።

2ኛ፡ ቀዷን በአፋጣኝ ለመክፈል ስለ ማበረታታት፦
የተከበራችሁ ወንድሞች! አማኝ የሆነ ሰው እድሜው መቼ እንደሚያልቅ አያውቅም ። የመክፈል አቅም እያለ ቀዷን ማዘግየት ራስን ለኃላፊነት (ለእዳ) አሳልፎ መስጠት ነው። ነቢዩ (ሰለላሁ አለይሂ ወሰለም) እንዲህ ብለዋል፦ «ጾም እያለበት የሞተ ሰው፣ የቅርብ ዘመዱ (ወልዩ) ይጾምለታል።» (ቡኻሪና ሙስሊም የዘገቡት)። አንድ ባሪያ ያለበትን እዳ በአፋጣኝ ቢከፍል ለራሱ ጥራት፣ ለዲኑ ንጽህና እና ለስራው ተቀባይነት ይበልጥ ተስፋ የሚጣልበት ይሆናል።
ቀዷን ያዘገየ ሰው ሊያስታውሰው የሚገባው ነገር፤ በቶሎ መክፈሉ ለአላህ ትዕዛዝ ያለውን እውነተኛ ቁርጠኝነትና ጠንካራ ፍላጎት ያሳያል። እንዲሁም ቀጣዩ ረመዳን ሲቃረብ ከሚከሰት መሰላቸትና ይይዙኝ ይልቀቁኝ ስሜት ያርቀዋል።
ደግ ቀደምቶቻችን (ሰለፉ ሳሊሕ) የረመዳን ቀዷቸውን በሸዋል ወር ውስጥ ይከፍሉ ነበር። ይህም የህይወት አጋጣሚዎች እንቅፋት እንዳይሆኑባቸውና ቀጣዩን ረመዳን ከሸሪዓዊ እዳ ነፃ በሆነ ልብ ለመቀበል ሲሉ ነበር።

*ማጠቃለያ፦*
አንተ ሳይከፈል የቀረ የረመዳን እዳ ያለብህ ሰው ሆይ! የተስፋ በር ሳይዘጋ ቀዷህን ለመክፈል ተቻኮል። ጤናህን፣ ጥንካሬህንና ትርፍ ጊዜህን ተጠቀም። አላህ እንዲህ ይላልና፦ {ከእናንተም ውስጥ ወሩን ያገኘ ሰው ይጹመው፤ በሽተኛ ወይም በጉዞ ላይ የኾነም ሰው ከሌሎች ቀናት ቁጥርን መሙላት አለበት} [አል-በቀራህ፡ 185]። አላህ ቀዷውን በሸዋል ወር ብቻ ሳይሆን "በሌሎች ቀናት" ማለቱ የእርሱን እዝነትና የጊዜውን ስፋት ያሳያል። ነገር ግን ይህ ማለት ማዘግየትና ነገ ዛሬ ማለት ይፈቀዳል ማለት አይደለም፤ ይልቁንም አማኝ ወደ ጌታው ታዛዥነት ይቸኩላል።
አላህ እርሱን በማውሳት፣ በማመስገንና በጥሩ ሁኔታ በመገዛት ላይ እንዲረዳን፣ መልካም ስራችንንም እንዲቀበለን እንለምነዋለን።
ምስጋና ለአለማቱ ጌታ ለአላህ ይገባው።

Ustaz Muhammad Ferej

۱۸ اردیبهشت ۱۴۰۵، ۰۷:۲۸

{وَلْيَعْفُوا۟ وَلْيَصْفَحُوٓا۟ ۗ أَلَا تُحِبُّونَ أَن يَغْفِرَ ٱللَّهُ لَكُمْ ۗ وَٱللَّهُ غَفُورٌۭ رَّحِيمٌ}
((ይቅርታም ያድርጉ፡፡ (ጥፋተኞቹን) ይለፉም፡፡ አላህ ለእናንተ ሊምር አትወዱምን᐀ አላህም መሓሪ አዛኝ ነው፡፡)) [24:22]

1,010

Ustaz Muhammad Ferej

۱۸ اردیبهشت ۱۴۰۵، ۰۷:۲۸

🎥 Video

888

Ustaz Muhammad Ferej

۱ اردیبهشت ۱۴۰۵، ۱۷:۴۱

#ዘካተል_ፊጥር #زكاة_الفطر
ዘካተል ፊጥር (የፍጥር ዘካ)

በአላህ ስም እጅግ በጣም ርኅሩኅ በጣም አዛኝ በሆነው።

ምስጋና ለአለማቱ ጌታ ለአላህ ይሁን። የአላህ ሰላትና ሰላም በነቢያችን ሙሐመድ፣ በቤተሰቦቻቸውና በባልደረቦቻቸው ላይ ሁሉ ይውረድ።

ከዚህ በመቀጠል፡-

መግቢያ
አላህ (ሱብሃነሁ ወተዓላ) ዘካን ከእስልምና ማዕዘናት አንዱ አድርጎ ደንግጓል። ከዘካ አይነቶች መካከል ደግሞ በረመዳን ወር መጨረሻ ላይ የሚፈጸመውን የሥጋ አካል ዘካ (ዘካተል አብዳን) ደንግጓል፤ ይህም "ዘካተል ፊጥር" ወይም "ሶደቃተል ፊጥር" በመባል ይታወቃል።
ይህ ዘካ እራስን ከኃጢአት የማጥራት እና በችግረኞች ልብ ውስጥ ደስታን የመፍጠር ጥልቅ ዓላማ ያለው የአምልኮ ተግባር ሲሆን፣ ይህም የዒድ ደስታ ለሁሉም እንዲዳረስ ያደርጋል።

አንደኛ፡ የዘካተል ፊጥር ትሩፋት (ፈድል) እና ጥበቡ :-

ዘካተል ፊጥር እያንዳንዱ ሙስሊም የረመዳን ወር ሲጠናቀቅ ማውጣት ያለበት ግዴታ (ዋጂብ) የሆነ ምጽዋት ነው።
አላህ (ሱብሃነሁ ወተዓላ) ይህን የደነገገው ለታላላቅ ዐላማዎችና ጥበቦች ነው፡-

1/ ለጾመኛው ማጥሪያ፡- ጾመኛው በጾም ወቅት ከፈጸማቸው ከንቱ ንግግሮች (ለግው)፣ መጥፎ ቃላቶች (ረፈሥ) ወይም ጉድለቶች ማጥሪያና በወሩ ውስጥ ለተፈጠረ ክፍተት ማሟያ ይሆን ዘንድ ነው።

2/ ዐብዱላህ ኢብኑ ዐባስ (ረ.ዐ) እንዲህ ብለዋል፡- "የአላህ መልክተኛ ﷺ ዘካተል ፊጥርን ለጾመኛው ከከንቱ ንግግርና ከመጥፎ ቃላት ማጥሪያ፣ ለምስኪኖች ደግሞ መመገቢያ ይሆን ዘንድ ግዴታ አድርገዋል። ከሶላት (ከዒድ ሶላት) በፊት ያወጣት ተቀባይነት ያላት ዘካ ናት፤ ከሶላት በኋላ ያወጣት ግን ከምጽዋቶች አንዱ ምጽዋት ናት።" (አቡ ዳውድ እና ኢብኑ ማጃህ ዘግበውታል።)

3/ ለድሆችና ለምስኪኖች በዒድ ቀን ከመለመን ማብቃቂያ፡ በዚያ ቀን እንደ ሌሎቹ ባለጸጎች ደስታንና ሐሴትን እንዲካፈሉ ለማድረግ ነው።

4/ የአላህን ጸጋ ማመስገኛ፡ ጾምን በሰላም በማጠናቀቅና ለተፈጸሙ አምልኮዎች አላህ ስላገዘን ምስጋና ይሆን ዘንድ ነው።

ሁለተኛ፡- ዘካተል ፊጥር በማን ላይ ግዴታ ይሆናል?

ዘካተል ፊጥር የዒዱ ዕለትንና የሌሊቱን ቀለብ ባለው እያንዳንዱ ሙስሊም ላይ ግዴታ ነው፤ ሕፃንም ይሁን ትልቅ፣ ወንድም ይሁን ሴት፣ ነፃም ይሁን ባሪያ።

- ዐብዱላህ ኢብኑ ዑመር (ረ.ዐ) እንዲህ ብለዋል፡- "የአላህ መልክተኛ ﷺ የረመዳንን ዘካተል ፊጥር አንድ ሷዕ (ቁና) ተምር ወይም አንድ ሷዕ ገብስ፣ በባሪያውም በነፃውም፣ በወንዱም በሴቱም፣ በሕፃኑም በአዋቂውም ሙስሊሞች ላይ ግዴታ አድርገዋል።" (ቡኻሪና ሙስሊም ዘግበውታል።)
አንድ ሙስሊም ለራሱና እሱ ዘንድ ቀለባቸው ግዴታ ለሆኑበት ሰዎች እንደ ሚስቱ፣ ትንንሽ ልጆቹና ድሃ ለሆኑ ወላጆቹ ማውጣት ይኖርበታል። በእናቱ ማህፀን ውስጥ ላለ ፅንስ ማውጣት ደግሞ ይወደዳል (ሱና ነው)፤ ዑስማን ኢብኑ ዓፋን (ረ.ዐ) በማህፀን ላለ ፅንስ ዘካተል ፊጥርን ያወጡ ነበር። (ዐብዱረዛቅ ዘግበውታል።)

ሦስተኛ፡ ዘካተል ፊጥር የሚወጣበት ጊዜ :-

ዘካተል ፊጥር ሁለት ጊዜያት አሉት፡ የበላይነት (የፈዲላ) ጊዜ እና የመፍቀጃ (የጀዋዝ) ጊዜ።
1- የበላጭነት (ፈዲላ) ጊዜ፡ የዒድ ቀን ከዒድ ሶላት በፊት ያለው ጊዜ ነው።
ዐብዱላህ ኢብኑ ዑመር (ረ.ዐ) እንዲህ ይላሉ፡- "የአላህ መልክተኛ ﷺ ሰዎች ወደ ሶላት ከመውጣታቸው በፊት እንድትሰጥ አዘዋል።" (ቡኻሪና ሙስሊም)።
2- የመፍቀጃ (ጀዋዝ) ጊዜ፡ ከዒድ አንድ ወይም ሁለት ቀን በፊት ማውጣት ይቻላል።
ናፊዕ እንደዘገቡት ዐብዱላህ ኢብኑ ዑመር (ረ.ዐ) ለሚቀበሉ ሰዎች ይሰጡ ነበር፤ የሚሰጡትም ከዒድ አንድ ወይም ሁለት ቀን ቀደም ብለው ነበር። (ቡኻሪ ዘግበውታል።)
3- ያለ ሸሪዓዊ ምክንያት ከዒድ ሶላት በኋላ ማዘግየት የተከለከለ (ሐራም) ነው።
ያለ ምክንያት ከሶላት በኋላ ካዘገየው ግን እንደ ተራ ምጽዋት (ሶደቃ) ነው የሚቆጠረው እንጂ ግዴታው ከላዩ ላይ አይወድርድም፤ በመሆኑም ከአላህ ምሕረትን በመጠየቅና ተውበት በማድረግ ግዜው ቢያልፍም ማውጣት ይኖርበታል።

አራተኛ፡ የዘካተል ፊጥር መጠንና ዋጋ :-

1- ሸሪዓዊ መጠኑ፡ አንድ "ሷዕ" ቁና ምግብ ነው። አንድ ሷዕ በዘመናዊ የኪሎ ክብደት ሲለካ ከ2:50 እስከ 3:00 ኪሎ ግራም ሊደርስ ይችላል ። እንደ እህሉ የክብደት መጠን ይለያያል ።

አቡ ሰዒድ አል-ኹድሪ (ረ.ዐ) እንዲህ ብለዋል፡- "በነቢዩ ﷺ ዘመን አንድ ሷዕ (ቁና) ምግብ፣ ወይም አንድ ሷዕ ተምር፣ ወይም አንድ ሷዕ ገብስ፣ ወይም አንድ ሷዕ ዘቢብ እንሰጥ ነበር።" (ቡኻሪ ዘግበውታል።)

2- የሚወጣው የእህል አይነት፡- በዘካተል ፊጥር ዋናው መውጣት ያለበት የሀገሩ ሰዎች ከሚመገቡት መደበኛ ምግብ ወይም እህል (ቁት) ነው፤ ለምሳሌ እንደ ሩዝ፣ ስንዴ፣ ተምር፣ ዘቢብ እና መሰል በሀገሪቱ ውስጥ በብዛት ለምግብነት የሚውሉ እህሎች። ይህ የአብዛኞቹ ዑለማዎች (ሊቃውንት) መዝሀብ እምነት ነው።

3- የገንዘብ ዋጋን ስለማውጣት፡- በእህል ፋንታ ዋጋውን በገንዘብ ማውጣት ላይ የሊቃውንት ልዩነት አለ። አብዛኞቹ ሊቃውንት — ከነሱም መካከል ሸይኽ ኢብኑ ባዝ (ረሒመሁላህ) — ግዴታው በሐዲሱ መሠረት እህል ማውጣት ነው ብለው ያምናሉ። በአንጻሩ አንዳንድ የወቅታችን ሊቃውንት ደግሞ ለድሃው ይበልጥ ጠቃሚ ከሆነና የድሃውን ችግር ለመቅረፍ የሚረዳ ከሆነ በተለይም ምግብ ሳይሆን ገንዘብ በሚያስፈልግባቸው ሀገራት ዋጋውን በገንዘብ ማውጣት ይቻላል ይላሉ።

አምስተኛ፡ ዘካተል ፊጥር የሚገባቸው አካላት (ሙስተሒቁን) :-
ዘካተል ፊጥር ለተወሰኑ ወገኖች ብቻ የሚሰጥ ሲሆን እነሱም ድሆች (ፉቀራእ) እና ምስኪኖች (መሳኪን) ናቸው።
ነቢዩ ﷺ በኢብኑ ዐባስ ሐዲስ ላይ "ለምስኪኖች መመገቢያ" እንዳሉት፣ በዒድ ቀን ከመለመን እነሱን እንዲብቃቁ ለማድረግ ከማንም በላይ ቅድሚያ ይሰጣቸዋል። በዘካተል ማል (የገንዘብ ዘካ) ላይ የተጠቀሱት ስምንቱ ክፍሎች ውስጥ ምስኪን ካልሆኑት (ለምሳሌ ለዘካ ሰብሳቢዎች ወዘተ) አይሰጥም የሚለው የብዙ ሊቃውንት አቋም ነው።
በተጨማሪም ዘካተል ፊጥር አንድ ሰው ቀለባቸውን የመቻል ግዴታ ላለበት ወላጆቹ (አባትና እናት) ወይም ልጆቹ ሊሰጥ አይችልም፤ ምክንያቱም የእነሱ ቀለብ በእሱ ላይ ግዴታ ስለሆነ ዘካውን ለእነሱ መስጠት ጥቅሙ ወደ ራሱ እንደሚመለስ ይቆጠራል።

*ማጠቃለያ*

ዘካተል ፊጥር የአላህን መብትና የባሮቹን መብት የሚያገናኝ ታላቅ አምልኮ ነው። ጾምን በማጥራት ወደ አላህ መቃረቢያ እና በዒድ ቀን ለድሆች ደስታን በመፍጠር የመውደድ መግለጫ ነው። የዕለቱን ቀለብ ባለው እያንዳንዱ ሙስሊም ላይ ግዴታ ሲሆን፣ ለራሱና ለቤተሰቡ አንድ ሷዕ ምግብ ከዒድ ሶላት በፊት ለድሆችና ለምስኪኖች ይሰጣል። ይህም የነቢዩን ﷺ ትእዛዝ ለመፈጸምና የጾምና የቂያም ተቀባይነትን ተስፋ በማድረግ የሚከናወን ነው።
አላህ ከእኛም ከእናንተም መልካም ስራዎችን እንዲቀበለን፣ ይህንንም በዓል ለሙስሊሙ ኡማ በኸይርና በበረከት እንዲመልስልን እንለምነዋለን። በአለቃችን ሙሐመድ፣ በቤተሰቦቻቸውና በባልደረቦቻቸው ላይ የአላህ ሰላትና ሰላም ይውረድ።

Ustaz Muhammad Ferej

۱ اردیبهشت ۱۴۰۵، ۱۷:۴۱

🎥 Video

1,170

Ustaz Muhammad Ferej

۱ اردیبهشت ۱۴۰۵، ۱۷:۴۱

* ኢብኑ አባስ (ረዲየላሁ አንሁማ)፡ የአላህን ንግግር «እነዚያ ጌታችን አላህ ነው ያሉ ከዚያም ቀጥ ያሉ» የሚለውን ሲተረጉሙ፡ «ግዴታ የሆኑ ስራዎችን (ፈራኢድ) በመፈጸም ላይ የጸኑ» ማለት አሉ።

* ኢብኑ ረጀብ አል-ሐንበሊ (ረሂመሁላህ)፡ «የኢስቲቃማ መሰረቱ የልብ በተውሂድ ላይ መጽናት ነው... ልብ አላህን በማወቅ፣ በመፍራት፣ በማክበር፣ በመውደድ፣ በመከጀል፣ በተስፋ፣ በዱዓ፣ በሱ ላይ በመመካትና ከሱ ውጭ ካሉ ነገሮች በመዞር ላይ ከጸና፣ የሰውነት ክፍሎች ሁሉ ለታዛዥነቱ ቀጥ ይላሉ» አሉ።
* ሸይኹል ኢስላም ኢብኑ ተይሚያ (ረሂመሁላህ)፡ «ከሁሉ ትልቁ ተአምር (ከራማ) ኢስቲቃማን አጥብቆ መያዝ ነው» አሉ።

ታላቁን አላህ በዲኑ ላይ ኢስቲቃማን እንዲሰጠንና እስክንገናኘው ድረስ በሱ ላይ እንዲያጸናን እንለምነዋለን፤ እርሱ የዚህ ባለቤትና ቻይ ነውና።

በአላህ ነቢይ ሙሐመድ፣ በቤተሰቦቻቸውና በባልደረቦቻቸው ላይ የአላህ ሰላትና ሰላም ይውረድ። 🤲🤲🤲

816

Ustaz Muhammad Ferej

۱۷ فروردین ۱۴۰۵، ۰۷:۵۹

#በለይለቱል_ቀድር_ሰድቁ ! ሰድቁ ! ሰድቁ !*
تصدقوا تصدقوا تصدقوا
ዛሬ ለይለቱል ቀድር ሊሆን ይችላል ከሆነ ዛሬ በኸይር ስራ መሳተፍ 1000 ወር (83 አመት) ከመሳተፍ የበለጠ ይሆንልናል ።

ዘካችሁን፣ ሰደቃችሁን በአካውንት ምትሰጡበት መንገድ ልጦቅማችሁ :-
እነዚህ #የተለያዩ (11) የሚሆኑ ኢስላማዊና ሰብኣዊ ድጋፍ የሚያደርጉ ለግዜው አካውንታቸው ያሉኝ ተቋማት ናቸው ። በእነዚህ የምትችሉትን በማስገባት የለይለቱል ቀድርን አጅር እናግኝ ። አላህ ያግራልን ይቀበለን ።
👇🏼👇🏼👇🏼👇🏼👇🏼👇🏼👇🏼👇🏼👇🏼
---------------------
ረህማ ኢስላማዊ ድርጅት(የጎዳና ላይ ደእዋ)
1000583883197
ንግድ ባንክ👆🏼

100441102000
ሂጅራ ባንክ👆🏼

0033154020101
ዘምዘም ባንክ👆🏼
----------------------------------------
በደቡብ ክልል ደቡብ ኦሞ ዞን ጂንካ ፣ ሐመርና ዙርያው የሰለሙ ሰዎችን ለማጽናትና ለማስተማር

መርከዝ አንሷር
1000626243383
----------------------------------------
በከምባታና ጠንባሮ ዞን የደእዋውና የማቅራትን ስራ ለማበረታታት :-

አት-ተዓውን የዳዕዋ እና እስላማዊ አስተምህሮ ማህበር

1000574862993

----------------------------------------
የሀዲያን ሙስሊም ከአክፍሮት ለመከላከልና ሀዲያን ወደ ቀድሞው ኢስላም ለመመለስ

*ጉረባእ ሂዳያ ኢስላማዊ ድርጅት*
ሀዲያን ከአክፍሮት እንታደግ ኮንፈረንስ በቦሌ አያ ሆቴል

CBE 1000612034498

Awash 14381733300300

Dashen 7912796660611

Abssynia 250545398

Hijra 1000048750001

Zemzem 0071323710301

----------------------------------------

የኢትዮጵያ መስማት የተሳናቸው ሙስሊሞች ማህበርን በገንዘብ ለመደገፍ፦

ንግድ ባንክ 1000588216873
ዘምዘም 003397762101
አዋሽ 014251249981500
ሂጅራ 1004495650001

ለበለጠ መረጃ :-
ስልክ ቁጥር 0904593345

----------------------------------------

የቲሞችን እና ሚስኪኖችን ለመርዳት :-

የሲር ለና በጎ አድራጎት ድርጅት
የሚከተሉትን የባንክ አካውንቶች ይጠቀሙ]

የኢትዮጵያ ንግድ ባንክ 1000455851746
ዘምዘም ባንክ 0011133210301
ሂጅራ ባንክ 1003047120001
ዳሽን ባንክ 7902719139811
አቢሲንያ ባንክ 89752787
ኦሮሚያ ባንክ 1697175800001
ኦሮምያ ህብረት ስራ በንከ 1026400088414
ስንቄ ባንክ 1058722501214
ግሎባል ባንክ 8210116220561
ህብረት ባንክ 4729714192259014
አዋሽ ባንክ 01308692060200
ወጋገን 1117585915401


9757 ላይ Ok ብለው በመላክ አጋር ይሁኑ!

ለበለጠ መረጃ: +251912490006
+251978999959

"መኖሬን ያወኩት ለሰው የኖርኩ ቀን ነው"

----------------------------------------
ሩሀማ መስጅድ ደረሶች ወሎ ኮምቦልቻ ( ኡለማዎች የሚፈሩበት መድረሳ)
EBC: 1000536877887
Absiniya : 191919696
ዘምዘም : 0023654520101
ሂጅራ : 1003164640001

----------------------------------------
ሁዳ እስላማዊ ማህበር (ሲዳማ ክልል)
የአካዉት ቁጥር 1000683229532

-----------------------------------------
ባቡል ኸይር باب الخير
የአካውንት ስም:—
ባቡል ኸይር የበጎ አድራጎት ድርጅት
የኢትዮጵያ ንግድ ባንክ:— 1000318219595
አዋሽ ባንክ :— 01410267076800
ኦሮሚያ ኢንተርናሽናል:—1346691000001
አቢሲኒያ:— 28381867
ኦሮሚያ ሕብረት ስራ:— 1042900004147
ቡና ባንክ :-3209691000040
አባይ ባንክ:-0066918741866019
ዘምዘም ባንክ:-0001171410301
ንብ ባንክ፡-7000026688097
ዳሽን ባንክ :-7900430485511
ሂጅራ ባንክ :_1000811110001
ሕብረት ባንክ 4129711993890010
sweft cod UNTDETAA
አማራ ባንክ :-8800000065997
ሸቤሌ ባንክ :- 0101010000002
አዲስ ኢንተርናሽናል ባንክ 0380654881103
እናት ባንክ 751174186208001
ወጋገን ባንክ 1019200715301

🔶🔸🔸🔸🔶
በስልኮ ድጋፍ ለማድረግ
በ7335 OK ብሎ በመላክ የአቅመ ደካማ ወገንዎን እምባ ያብሱ!

አድራሻ:—ኳስ ሜዳ ከሀጂ ዩኑስ መስጂድ ፊት ለፊት በሚገኘው አበበ ቢቂላ ስታዲየም ጀርባ ወደ ውስጥ 100 ሜትር ተጉዘው ያገኙናል።

ለበለጠ መረጃ:— ****
📱0923276176
📱0903377777 ይደውሉልን።

"ኑ አብረን በቅንነት ወደ መልካምነት"
ባቡል ኽይር የበጎ አድራጎት ድርጅት
------------------------------------------
Nur Quran Bank Islamic Association / ኑር የቁርኣን ባንክ ኢስላማዊ ማህበር

◻️ ለሁሉም ባንኮች ኣጭር ኮድ 7114

◻️ ኢትዮጵያ ንግድ ባንክ
1000402052434
◻️ሂጅራ ባንክ
Hijra Bank
1000071140001
◻️ዘምዘም ባንክ
0020949710301
◻️ኦሮሚያ ባንክ
1559758700001
◻️አዋሽ ባንክ
014381100904100
◻️አቢሲኒያ ባንክ
178179616

🔍ለበለጠ_መረጃ
+251929591670 /+251911285537
አድራሻ ፣ ፒያሳ ፣ ሱማሌ ተራ የገበያ ማዕከል 8ተኛ ፎቅ ፣ የቢሮ ቁጥር 830

ጉዞ ብርሃን ይዞ !
#ቁርኣን_ለሁሉም
#nurquranbank
#ኑር_ቁርኣን_ባንክ

-----------------------------------------------

የሸገር መጅሊስ የወቅፍ ፕሮጀክት

ንግድ ባንክ
1000553020844
-----------------------------------------------------------
አላህ ይቀበላችሁ ፣ ባወጣቹበት ቦታ የበለጠውን አላህ ይተካላችሁ ፣ ለይለተል ቀድርን አላህ ይወፍቃችሁ ፣ ያ አዱንያም የአኼራም ሃጃችሁን አላህ ያሳካላችሁ ፣ ከረሱላችን ከሰሃቦቻቸው ጋር በጀነት አላህ ያገናኘን ። አላሁመ አሚነረ ያረበል ዓለሚን ።

Ustaz Muhammad Ferej

۱۷ فروردین ۱۴۰۵، ۰۷:۵۹

በአላህ ስም እጅግ በጣም ርኅሩህ እጅግ በጣም አዛኝ በሆነው።
ምስጋና ለአለማት ጌታ ለአላህ ይገባው። የአላህ ሰላትና ሰላም የነቢያትና የመልእክተኞች ሁሉ መደምደሚያ በሆኑት በነቢያችን ሙሐመድ፣ በቤተሰቦቻቸውና በባልደረቦቻቸው ላይ ሁሉ ይውረድ።
ከዚህ በመቀጠል፡-

ይህች አጭር መልእክት የኢስቲቃማን አስፈላጊነት፣ ሰበቦችንና እንቅፋቶችን ትዳስሳለች


አንደኛ ፡ የኢስቲቃማ (ቀጥተኝነት) ምንነት :-

ኢስቲቃማ ትርጉሙም ቀጥተኛውን መንገድ (ሲራጠል ሙስተቂም) መከተል ማለት ሲሆን፣ እሱም ወደ ቀኝም ሆነ ወደ ግራ ሳይዘነበሉ በዲን ላይ መጽናት ነው።
ይህም ሁሉንም ግልጽና ስውር የሆኑ ታዛዥነቶችን (አምልኮዎችን) መፈጸምንና ሁሉንም ክልከላዎችን መተው ያካትታል።
ነቢዩ (ሰለላሁ አለይሂ ወሰለም) ለሱፍያን ቢን አብዱላህ አል-ሰቀፊ (ረዲየላሁ አንሁ)፡ «በአላህ አመንኩ በል፣ ከዚያም ቀጥ በል» ባሉት ንግግራቸው ኢማንን በሙሉ ጠቅለል አድርገውታል።

ሁለተኛ፡ የኢስቲቃማ ትሩፋትና አስፈላጊነት :-

1/ የኢስቲቃማ ትሩፋት ፣
በኢስቲቃማ ላይ ታላላቅ ትሩፋቶችና ፍሬዎች ይገኛሉ፣ ከነዚህም መካከል አላህ በቁርኣን የጠቀሳቸው፡-
* የመላእክት ብስራት መውረድ፡-
አላህ እንዲህ ይላል፡- «እነዚያ ጌታችን አላህ ነው ያሉ፣ ከዚያም ቀጥ ያሉ በነርሱ ላይ መላእክት "አትፍሩ፣ አትዘኑም፣ በዚያችም ቃል ኪዳን ትደረግላችሁ በነበረችው ገነት ተበሰሩ" በማለት ይወርዱባቸዋል።» (ፉሲለት፡ 30)።
* ፍርሃትና ሐዘን ከነርሱ መወገዱ፡ -
አላህ እንዲህ ይላል፡- «እነዚያ ጌታችን አላህ ነው ያሉ ከዚያም ቀጥ ያሉ በነርሱ ላይ ፍርሃት የለባቸውም፣ እነርሱም አያዝኑም።» (አል-አሕቃፍ፡ 13)።

* የአላህን ጥበቃና የጀነትን ጸጋ ማግኘት፡ -
ቀደም ያሉት አንቀጾች አላህ በዱንያም ሆነ በአኺራ ረዳታቸው እንደሆነና በጀነትም ውስጥ ነፍሶቻቸው የሚመኙትን ሁሉ እንደሚያገኙ አብስረዋል።

* የሲሳይ መስፋፋት፡ -
አላህ እንዲህ ይላል፡- «በመንገዲቱም (በእስልምና) ላይ በቀጥታ ቢሄዱ ኖሮ ብዙ የሆነን ውሃ እናጠጣቸው ነበር።» (አል-ጂን፡ 16)።

2/ የኢስቲቃማ አስፈላጊነት:-

* አላህ በኢስቲቃማ ነቢያቱንና መልእክተኞቹን አዟል፡ አላህ ነቢዩ ሙሐመድን (ሰለላሁ አለይሂ ወሰለም) እና ከሳቸው ጋር ያሉትን እንዲህ ሲል አዟል፡- «እንደታዘዝከውም ቀጥ በል፣ ያ ከሁሉም ጥፋት ከአንተ ጋር የተመለሰ (ሰው ቀጥ ይበል)። ድንበር አትለፉም (አታምጹም)። እርሱ የምትሰሩትን ሁሉ ተመልካች ነውና።» (ሁድ፡ 112)።

እንዲሁም ሙሳንና ሃሩንንም አዟቸዋል።

* ኢስቲቃማ ከሁለገብ ንግግሮች (ጀዋሚዕ አል-ከሊም) መሆኑ፡-
የሱፍያን ቢን አብዱላህ አል-ሰቀፊ ሐዲስ እንደሚያሳየው ኢስቲቃማ ከኢማን በኋላ የኸይር (የበጎ ነገር) ሁሉ ሰብሳቢና አጠቃላይ የሆነ የምክር ቃል ነው።

* የአላህ ባሪያ መሆንን (ኡቡዲያን) ማረጋገጥ፡-

ኢስቲቃማ ፍጥረታት የተፈጠሩለት የአላህ ባሪያ የመሆን እውነተኛ ትርጉም ነው።

ሦስተኛ ፡ የኢስቲቃማ ሰበቦችና በሱ ላይ የመጽኛ መንገዶች

* መለኮታዊ ቅን መንገድ መመራት (ሂዳያ)፡ አላህ ለባሪያው ቅንነትን መሻቱና ልቡን ለኢስላም መክፈቱ መሰረታዊ ምልክት ነው፡-
«አላህም የሚሻውን ሰው ወደ ቀጥተኛው መንገድ ይመራል።» (አን-ኑር፡ 46)።

* ኢኽላስ (ንጹህ ፍላጎት) እና ሱናውን መከተል (ሙታበዓ)፡ ዒባዳን ለአላህ ብቻ ጥራት ባለው መልኩ መስራትና በስራውም ነቢዩን (ሰለላሁ አለይሂ ወሰለም) መከተል።

* ዱዓ እና ለአላህ እጅ መስጠት፡ አላህ በዲኑ ላይ እንዲያጸናንና ልባችንን እንዳያዘነብልብን አጥብቆ መለመን። ከዚህም ውስጥ ሰላት ስንሰግድ በየረከዓው የምንጠይቀው፡ «ቀጥተኛውን መንገድ ምራን» (አል-ፋቲሃ፡ 6) የሚለው ይገኝበታል።

* ነፍስን መመርመር (ሙሐሰባ)፡ ነፍስን መከታተልና ስራዎቿን ማስታወስ ሙስሊሙ ከመንገዱ እንዳያዘነብል ይጠብቀዋል፡ «እናንተ ያመናችሁ ሆይ! አላህን ፍሩ፤ ማንኛይቱም ነፍስ ለነገ ያስቀደመችውን ትመልከት።» (አል-ሐሽር፡ 18)።

* ሸሪዓዊ እውቀትን መማር ፡ -
ስለ አላህ፣ ስለ ስሞቹና ባህሪያቱ፣ ስለ ቁርኣንና ሱና ማወቅ የኢስቲቃማን መንገድ ለማወቅና በሱም ለመጓዝ ብቸኛው ጎዳና ነው።

* እስቲግፋር (ምህረት መለመን) እና ተውባ፡ በኢስቲቃማ ላይ ጉድለት መኖሩ ስለማይቀር፣ ይህንን ጉድለት በእስቲግፋርና ወደ አላህ በመመለስ መጠገን ግዴታ ነው።

* ጥሩ ጓደኛ መያዝ ፡-
ለአላህ ታዛዥነት የሚያግዙና አላህን የሚያስታውሱ መልካም ጓደኞችን መምረጥ፡ አላህ እንዲህ ይላል «ወዳጆች በዚያ ቀን ከፊላቸው ለከፊሉ ጠላት ነው፤ አላህን ፈሪዎች ብቻ ሲቀሩ።» (አል-ዙኽሩፍ፡ 67)።

* ግዴታ (ፈርድ) እና ትርፍ (ነዋፊል) ስራዎችን ማዘውተር፡ በተለይም ከመጥፎና ከሚጠላ ነገር የምትከለክለውን ሰላትን ማዘውተር፣ እንዲሁም ግዴታዎችን የሚያሟሉና ለሙስሊሙ እንደ ምሽግ የሚሆኑ ትርፍ ሱና ስራዎችን ዒባዳዎችን ማብዛት።

* አካላችንን ከወንጀል መጠበቅ፡ ከሁሉም በላይ ምላስንና አይንን መጠበቅ፤ ከውሸት፣ ከሀሜትና የተከለከሉ ነገሮችን ከመመልከት ፣ ከመናገር፣ከመስማት መቆጠብ።

* የሰይጣንን እርምጃዎች ማወቅና መጠንቀቅ፡ ሰይጣን ግልጽ ጠላት ነው፤ ወንጀሎችን ያስጌጣል ያሳምራል፣ ወደነሱም ይጠራል።

አራተኛ ፡- የኢስቲቃማ እንቅፋቶች :-

* ስሜትን መከተል (ሸህዋት)፡-
ነፍስ በባህሪዋ ስለምትወዳቸውና ሰይጣንም ስለሚያስጌጣቸው ስሜቶች ትልቁና አደገኛው የኢስቲቃማ እንቅፋቶች ናቸው።
አላህ እንዲህ ይላል፡- «ለሰዎች ከሴቶች፣ ከወንዶች ልጆች፣ ከወርቅና ከብር የተከማቹ ክምችቶችም፣ ከተለዩ ፈረሶችም፣ ከቤት እንስሳዎችና ከአዝመራም ስሜቶችን መውደድ ተሸለመላቸው።» (አል-ዒምራን፡ 14)።
ከነዚህም ውስጥ የተከለከሉ ነገሮችን ማየት፣ የሀራም ገንዘብ ፍላጎትና የዝናና የስልጣን ጥም ይገኙበታል።

* በዒባዳ ድንበር ማለፍ (ጉሉው)፡ -
በኢባዳ (አምልኮ) ውስጥ ድንበር ማለፍና አላስፈላጊ ጥብቅነት ማሳየት ነው። ነቢዩ (ሰለላሁ አለይሂ ወሰለም) እንዲህ በማለት አስጠንቅቀዋል፡- «በዲን ውስጥ ድንበር ከመሻገር ተጠንቀቁ፤ ከናንተ በፊት የነበሩትን ያጠፋቸው በዲን ውስጥ ድንበር መሻገር ነውና።» ስለዚህ ኢስቲቃማ በቸልተኝነትና በጽንፈኝነት መካከል ያለ መካከለኛ መንገድ ነው።

* በቁርኣንና ሀዲስ ማስረጃ የሌላቸውን መንገዶችን መከተል፡-

ሰይጣኖች ወደሚጠሩባቸው የተለያዩ የተሳሳቱ መንገዶች በማዘንበል ከቀጥተኛው መንገድ መውጣት። ኢብኑ መስዑድ (ረዲየላሁ አንሁ) ባስተላለፉት ሐዲስ፡ ነቢዩ (ሰለላሁ አለይሂ ወሰለም) አንድ መስመር አስመሩና «ይህ የአላህ መንገድ ነው» አሉ። ከዚያም በቀኙና በግራው ብዙ ትናንሽ መስመሮችን አስመሩና «እነዚህ የተሳሳቱ መንገዶች ናቸው፤ በእያንዳንዱ መንገድ ላይ ወደሱ የሚጠራ ሰይጣን አለ» አሉ።

አምስተኛ: የቀደምት ደጋጎች (ሰለፎች) ንግግሮች ስለ ኢስቲቃማ :-

* አቡ በከር አስ-ሲዲቅ (ረዲየላሁ አንሁ)፡ ስለ ኢስቲቃማ ሲጠየቁ፡ «በአላህ ላይ ምንም ነገር አለማጋራት» አሉ። ይህም ማለት በንጹህ ተውሂድ ላይ መጽናት ነው።

* ዑመር ቢን አል-ኸጣብ (ረዲየላሁ አንሁ)፡ «ኢስቲቃማ ማለት በትእዛዝና በክልከላ ላይ ቀጥ ማለት ነው፤ እንደ ቀበሮ ወዲህና ወዲያ መቅበዝበዝ አይደለም» አሉ።

Ustaz Muhammad Ferej

۱۷ فروردین ۱۴۰۵، ۰۷:۵۹

* ከግዴታ ሶላቶች በኋላ፦ ነቢዩ ﷺ "የትኛው ዱዓ ነው ሰሚነት ያለው?" ተብለው ተጠየቁ፤ እሳቸውም፦ "በሌሊቱ የመጨረሻ ክፍልና ከግዴታ ሶላቶች በኋላ የሚደረግ ዱዓ" አሉ። (ቲርሚዚ)።

* ዝናብ በሚዘንብበት ጊዜ፦ ነቢዩ ﷺ እንዲህ ብለዋል፦ "ሁለት (ዱዓዎች) አይመለሱም፦ አዛን በሚደረግበት ጊዜና ዝናብ በሚዘንብበት ጊዜ የሚደረግ ዱዓ።" (ሀኪም ዘግበውታል)።

* የዐረፋ ቀንና በጁምዓ ቀን ያለችው ሰዓት፦ ነቢዩ ﷺ እንዲህ ብለዋል፦ "ከዱዓ ሁሉ በላጩ የዐረፋ ቀን ዱዓ ነው።" (ቲርሚዚ ዘግበውታል )። ስለ ጁምዓ ቀንም ሲናገሩ፦ "በእሷ ውስጥ አንዲት ሰዓት አለች፤ ሙስሊም ባሪያ ቆሞ እየሰገደ አላህን አንድን ነገር ሲለምን ያቺን ሰዓት አይገጥማትም አላህ የለመነውን የሰጠው ቢሆን እንጂ።" (ቡኻሪና ሙስሊም)።

* ጾመኛ ሲያፈጥር፦ ነቢዩ ﷺ እንዲህ ብለዋል፦ "ለጾመኛ ሲያፈጥር የማይመለስ ዱዓ አለው።" (ኢብኑ ማጃህ)።

5/ የዱዓ ተቀባይነትን የሚከለክሉ ነገሮች (موانع الإجابة)

* ሀራም መብላት፦ ቀደም ሲል በጠቀስነው ሀዲስ ላይ እንደተገለጸው፦ "...ታዲያ እንዴት ለዚህ ሰው (ምግቡና መጠጡ ሀራም ለሆነው) ዱዓው ይመለስለታል?!"

* መቸኮልና ዱዓን መተው፦ ነቢዩ ﷺ እንዲህ ብለዋል፦ "አንዳችሁ 'ለመንኩ ግን አልተመለሰልኝም' በማለት ካልቸኮለ ድረስ ዱዓው ይስተናገድለታል።" (ቡኻሪና ሙስሊም)።

* በወንጀል ወይም ዝምድናን በመቁረጥ መለመን፦ ነቢዩ ﷺ እንዲህ ብለዋል፦ "ባሪያው በወንጀል ወይም ዝምድናን በመቁረጥ እስካልለመነ ድረስ ዱዓው ተቀባይነት ማግኘቱ አይቀርም።" (ቡኻሪና ሙስሊም)።

* በዱዓ ላይ ወሰን ማለፍ (الاعتداء)፦ ለምሳሌ ድምፅን ያለ አግባብ መጮኽ ወይም የማይፈቀድን ነገር መለመን።

* የልብ መዘንጋትና አለመገኘት፦ ነቢዩ ﷺ እንዲህ ብለዋል፦ "አላህ ከዘንጊና ከተጫዋች ልብ የሚወጣን ዱዓ አይቀበልም።"

* በመልካም ማዘዝና ከመጥፎ መከልከልን መተው፦ ነቢዩ ﷺ እንዲህ ብለዋል፦ "በነፍሴ ባለቤት እምላለሁ! በመልካም ታዛላችሁ፣ ከመጥፎም ትከለክላላችሁ፤ ያለዚያ አላህ ከእርሱ የሆነን ቅጣት በእናንተ ላይ ሊልክባችሁ ይቀርባል፤ ከዚያም ትለምኑታላችሁ ነገር ግን አይቀበላችሁም።" (ቲርሚዚ ዘግበውታል)።

6/ የነቢያት ዱዓ ተቀባይነት ክስተቶች

*ነቢዩ አዩብ* (ዐ.ሰ)፦ በሰውነታቸውና በንብረታቸው ተፈትነው ሲታገሱ ቆይተው፦ {እኔ መከራ ነካኝ፤ አንተም ከአዘኞቹ ሁሉ ይልቅ አዛኝ ነህ} [አንቢያ፡ 83] በማለት ለመኑ። አላህም፦ {ለእርሱም ጥሪውን ተቀበልነው፤ ከእርሱም የነበረውን መከራ አስወገድንለት} [አንቢያ፡ 84] አለ።

*ነቢዩ ዩኑስ* (ዐ.ሰ)፦ በሶስት ጨለማዎች (የባህር፣ የሌሊትና የአሳ ሆድ) ውስጥ ሆነው፦ {ከአንተ በቀር ሌላ አምላክ የለም፤ ጥራት ይገባህ፤ እኔ በእርግጥ ከበዳዮቹ ነበርኩ} [አንቢያ፡ 87] አሉ። ነቢዩ ﷺ እንዲህ ብለዋል፦ "ይህችን (የዘ-ኑንን) ዱዓ ማንኛውም ሙስሊም በማንኛውም ነገር ላይ አይለምናትም አላህ የሰጠው ቢሆን እንጂ።" (ቲርሚዚ)።

*ነቢዩ ዘካሪያ* (ዐ.ሰ)፦ እድሜያቸው ገፍቶ ሳለ በድብቅ ጌታቸውን፦ {ጌታዬ ሆይ! ብቻዬን አትተወኝ፤ አንተም ከወራሾች ሁሉ በላጭ ነህ} [አንቢያ፡ 89] ብለው ለመኑ፤ አላህም የህያን (ዐ.ሰ) ሰጣቸው።

7/ የዱዓ ምላሽ አይነቶች
ነቢዩ ﷺ እንዲህ ብለዋል፦

"ማንኛውም ሙስሊም በውስጧ ወንጀል ወይም ዝምድና መቁረጥ የሌለባትን ዱዓ አይለምንም አላህ ከሶስት ነገሮች አንዱን የሰጠው ቢሆን እንጂ፦ ወይ የለመነውን ፈጥኖ ይሰጠዋል፣ ወይም ለመጨረሻው ዓለም (አኺራ) ያቆይለታል፣ ወይም ደግሞ ከእርሱ ጋር የሚመጣጠን መጥፎ ነገርን ከእርሱ ይመልስለታል።" (አህመድ ዘግበውታል)።

*ማጠቃለያ*:-
ዱዓ ባሪያን ከጌታው ጋር በማንኛውም ሰዓት የሚያገናኝ አምልኮ ነው፤ አማኝም በመከራ ጊዜ የሚረዳበት መሳርያው ነው። ስለዚህ በዱዓ ላይ ይዘውትሩ፣ ኢኽላስ ይኑርዎት፣ የኢጃባ ጊዜያትን ይጠቀሙና መለኮታዊ ምላሽን ይጠባበቁ።

🤲🤲🤲🤲🤲🤲🤲🤲
*{ጌታችሁም አለ፦ «ለምኑኝ፤ እቀበላችኋለሁና።»} [ጋፊር፡ 60]*
🤲🤲🤲🤲🤲🤲🤲🤲
ያ አላህ ዒባዳችንን ተቀበለን
ያ አላህ ዱዓችንን ተቀበለን
ያ አላህ የዱዓ በር ክፈትልን

Ustaz Muhammad Ferej

۱۷ فروردین ۱۴۰۵، ۰۷:۵۹

📎 File

700

Ustaz Muhammad Ferej

۱۷ فروردین ۱۴۰۵، ۰۷:۵۹

*የመካ ክብርና ታላቅነት*

*መከቱል ሙከረማህ*
አላህ ዘንድ በምድር ላይ ካሉ ስፍራዎች ሁሉ እጅግ የከበረችና ታላቅ ስፍራ ናት። እሷ የወህይ (ራዕይ) መውረጃ፣ የመልዕክቱ ምንጭና ለሰዎች መመሪያ እንዲሆን የመጀመሪያው ቤት የተገነባባት ስፍራ ናት። አላህ (ሱ.ወ) በምድር ላይ ያለች ሌላ ማንኛውም ስፍራ የማይጋራትን ልዩ ቦታና ታላቅ ክብር ሰጥቷታል።

አንደኛ፡ የመካ ክብር በቁርአን ውስጥ

1. የተከበረችና አስተማማኝ መጠለያ መደረጓ
አላሁ ተዓላ እንዲህ ይላል፦ “ከዙሪያቸው ሰዎች የሚነጠቁ ሲሆኑ፣ እኛ የተከበረና ጸጥተኛ መጠለያ (ሐረም) ያደረግንላቸው መሆኑን አላዩምን?” [አል-ዐንከቡት፡ 67]።
ይህ አንቀጽ አላህ በመካ ሰዎች ላይ የዋለላቸውን ታላቅ ጸጋ ያሳያል።

2. መካ ላይ ክፋትን ለሚመኝ የተሰጠ ማስጠንቀቂያ
አላህ እንዲህ ይላል፦ “በውስጧም በበደል ማጋደልን (ወንጀልን) የሚፈልግ ሰው ከአሳማሚ ቅጣት እናቀምሰዋለን።” [አል-ሐጅ፡ 25]። ይህ አንቀጽ በመካ ውስጥ ወንጀልን ማሰብ ብቻ እንኳ ቅጣትን እንደሚያስከትል ያሳያል።

3. የገባባት ሁሉ ሰላም ማግኘቱ
አላህ እንዲህ ይላል፦ “የገባበትም ሰው ጸጥተኛ (አስተማማኝ) ይሆናል።” [አል-ዒምራን፡ 97]።

4. ለሰዎች የተገነባ የመጀመሪያው ቤት መሆኗ
አላህ እንዲህ ይላል፦ “ለሰዎች (ለአምልኮ) መጀመሪያ የተኖረው ቤት ያ በበካ (በመካ) ያለው የተባረከና ለዓለማት ሁሉ መመሪያ የሆነው ነው።” [አል-ዒምራን፡ 96]።

5. አላህ በእሷ መማሉ
አላህ በቁርአን ውስጥ፦ “በዚህች ከተማ እምላለሁ” [አል-በለድ፡ 1] እና “በዚህችም ታማኝ ከተማ እምላለሁ” [አጥ-ቲን፡ 3] በማለት በመካ ምሏል።

ሁለተኛ፡ የመካ ክብር በሱና (በሐዲስ)
1. መካን አላህ የተከበረች ማድረጉ
ኢብኑ ዐባስ (ረ.ዐ) እንደዘገቡት ነቢዩ (ሰ.ዐ.ወ) እንዲህ ብለዋል፦ "አላህ ሰማያትንና ምድርን በፈጠረበት ቀን ይህችን ከተማ አክብሯታል፤ እሷም በአላህ ክብር እስከ ትንሣኤ ቀን ድረስ የተከበረች (ሐራም) ናት።" [ቡኻሪና ሙስሊም]።

2. ደም ማፍሰስና ዛፍ መቁረጥ መከልከሉ
ነቢዩ (ሰ.ዐ.ወ) እንዲህ ብለዋል፦ "መካን አላህ አከበራት እንጂ ሰዎች አላከበሯትም፤ በአላህና በመጨረሻው ቀን የሚያምን ሰው በውስጧ ደም ሊያፈስስም ሆነ ዛፍ ሊቆርጥ አይፈቀድለትም።" [ቡኻሪና ሙስሊም]።

3. በመስጂደል ሐራም የመስገድ ትርፍ
ነቢዩ (ሰ.ዐ.ወ) እንዲህ ብለዋል፦ "በመስጂደል ሐራም የሚሰገድ አንድ ሶላት ከሌሎች መስጂዶች አንጻር ከመቶ ሺህ ሶላት የበለጠ ነው፤" [አሕመድና ኢብኑ ማጃህ]።

ሦስተኛ፡ የቀደምት ደጋጎች (ሰለፎች) ንግግር

* ሐሰን አል-በስሪ፦ "መካ ውስጥ አንድ ቀን መጾም እንደ መቶ ሺህ ቀን ነው፣ አንድ ድርሐም መመጽወት እንደ መቶ ሺህ ድርሐም ነው" ብለዋል።

* አብደላህ ኢብኑ መስዑድ፦ አንድ ሰው መካ ውስጥ ወንጀል ለመሥራት ቢያስብ እንኳ (ሳይሠራው) አላህ እንደሚቀጣው ገልጿል።

* ሙጃሂድ ኢብኑ ጀብር፦ "መካ ውስጥ መልካም ስራ እንደሚደራረበው ሁሉ ወንጀልም ይደራረባል (ክብደቱ ይጨምራል)" ብለዋል።

አራተኛ፡ የመካ ልዩ ባህሪያት

* የከተሞች እናት (ኡሙል ቁራ) መሆኗ፦ የአለም ሁሉ ማዕከልና መሪ ናት።
* የሙስሊሞች ቂብላ መሆኗ፦ ሙስሊሞች ሁሉ ወደ እሷ ዞረው ይሰግዳሉ።

* የዘምዘም ውሃ የሚመነጭባት፦ ነቢዩ (ሰ.ዐ.ወ) "ዘምዘም ረሃብን የሚያስታግስ ምግብና ለበሽታ ፈውስ ነው" ብለዋል።

* ከደጃል የተጠበቀች መሆኗ፦ ደጃል መካና መዲናን በስተቀር ሁሉንም ከተሞች ይረግጣል።

አምስተኛ፡ በመካ ክብር ምክንያት የሚከለከሉ ነገሮች

* በውስጧ ጦርነት መክፈት ክልክል ነው።
* የዱር እንስሳትን ማደን ወይም ማባረር ክልክል ነው።
* ዛፎችንና እርጥብ ሳሮችን መቁረጥ ክልክል ነው።
* የጠፋ እቃን (ሉቀጣ) ለራስ ንብረት ለማድረግ ማንሳት ክልክል ነው (ለባለቤቱ ለማድረስ ካልሆነ በቀር)።

*ማጠቃለያ*

*መከቱል ሙከረማ* የአላህ የተከበረች ከተማና በምድር ላይ ተወዳጅ ስፍራ ናት። አላህ ለሰው ልጆች መመላለሻና ጸጥተኛ መኖሪያ አድርጓታል። እያንዳንዱ ሙስሊም የዚህችን ከተማ ታላቅነት በልቡ ሊያሳድር፣ ስርአቷንና ህጓን ሊያከብር ይገባል።

አላህ መካን በየጊዜው በሐጅና ዑምራ እንድንዘይር ፣ ክብሯን እንድንጠብቅ ይርዳን። አሚን ።


والله أعلم

Ustaz Muhammad Ferej

۱۷ فروردین ۱۴۰۵، ۰۷:۵۹

*ዱዓ🤲ዱዓ🤲ዱዓ🤲*
**الدعاء🤲الدعاء🤲الدعاء🤲*
*{ጌታችሁም አለ፦ «ለምኑኝ፤ እቀበላችኋለሁና።»} [ጋፊር፡ 60]*

*መግቢያ*
بسم الله الرحمن الرحيم
ዱዓ የአምልኮ (ኢባዳ) እምብርትና ነፍስ ነው፤ ይህም ባሪያው በማንኛውም ጊዜ ከአላህ ጋር የሚገናኝበት የጠበቀ ግንኙነት ነው። በእሱም አማካኝነት ባሪያው ፍላጎቱን የሁሉ ነገር ባለቤት በሆነው ጌታ ፊት ያቀርባል፣ ወደ ፈጣሪው ያለውን ክጃሎት ድህነት ይሰማዋል፣ ከምክንያቶች (አስባብ) ጋር ከመንጠልጠል ተላቆ ምክንያቶችን በፈጠረው አምላክ መመካትን ይለማመዳል። አላህ (ሱ.ወ) እንዲህ ይላል፦ {ጌታችሁም አለ፦ «ለምኑኝ፤ እቀበላችኋለሁና። እነዚያ እኔን ከመገዛት (ከመለመን) የሚኮሩት ተዋርደው ገሀነምን ይገባሉ።»} [ጋፊር፡ 60]።

1/ የዱዓ አስፈላጊነትና ትልቅነቱ (فضله)

*ከዐብዱላህ ቢን ዑመር (ረዲየላሁ ዐንሁማ) እንደተወራው የአላህ መልክተኛ ﷺ እንዲህ ብለዋል፦ "ከእናንተ መካከል የዱዓ በር የተከፈተለት ሰው፣ የአላህ ራህመት (የእዝነት) በሮች ተከፍተውለታል። አላህ ዘንድ 'ዓፍያ'ን (ጤናንና ሰላምን) ከመጠየቅ በላይ የሚወደድ ልመና የለም። ዱዓ በወረደውም ሆነ ባልወረደው (መከራ) ላይ ይጠቅማል። እናንተ የአላህ ባሮች ሆይ! ዱዓ በማድረግ ላይ አጥብቁ። (ቲርሚዚና ኢብኑ ማጃህ ዘግበውታል)

* ዱዓ እሱ ራሱ አምልኮ ነው፦ ነቢዩ ﷺ እንዲህ ብለዋል፦ "ዱዓ እሱ ራሱ አምልኮ (ኢባዳ) ነው።" (ቲርሚዚ ዘግበውታል)።
* ዱዓ የአላህን ቁጣ መከላከያ ነው፦ ነቢዩ ﷺ እንዲህ ብለዋል፦ "አላህን የማይለምን ሰው አላህ ይቆጣበታል።" (ቲርሚዚ ዘግበውታል)።
* ዱዓ አድራጊ ከአላህ ጋር ነው፦ ነቢዩ ﷺ እንዲህ ብለዋል፦ "አላህ እንዲህ ይላል፦ እኔ ባሪያዬ በእኔ ባለው ጥርጣሬ (ግምት) ዘንድ ነኝ፤ በለመነኝም ጊዜ እኔ ከእርሱ ጋር ነኝ።" (ሙስሊም ዘግበውታል)።
* ዱዓ አላህ ዘንድ በጣም የተከበረ ነገር ነው፦ ነቢዩ ﷺ እንዲህ ብለዋል፦ "አላህ ዘንድ ከዱዓ የበለጠ የተከበረ ነገር የለም።" (ቲርሚዚ ዘግበውታል)።

2/ ዱዓን የመተው ብይን (حكم ترك الدعاء)

ዱዓን መተው በአላህ ከመብቃቃትና እሱን ከመገዛት መኩራራትን ያሳያል፤ ይህም የገሀነም ሰዎች ባህሪ ነው።
አላህ እንዲህ ይላል፦ {እነዚያ እኔን ከመገዛት (ከመለመን) የሚኮሩት ተዋርደው ገሀነምን ይገባሉ።} [ጋፊር፡ 60]።
ነቢዩም ﷺ፦ "አላህን የማይለምን ሰው አላህ ይቆጣበታል።" ብለዋል።

3/ የዱዓ ስነ-ስርዓቶችና የተቀባይነት ምክንያቶች:-

* ኢኽላስ (ጥራት) እና የልብ መገኘት፦
ኢኽላስ የዱዓ ነፍስ ነው፤ ልብ ከአላህ ውጭ ወደ ሌላ መዞር የለበትም፣ ምላስ እየለመነ ልብ በሌላ መዘናጋት የለበትም።
አላህ እንዲህ ይላል፦ {አላህን ሃይማኖትን ለእርሱ ብቻ አጥሪዎች ኾናችሁ ተገዙት (ለምኑት)፤ ከሀዲዎች ቢጠሉም እንኳ።} [ጋፊር፡ 14]።
ነቢዩም ﷺ እንዲህ ብለዋል፦ "ልመናችሁ መመለሱን እርግጠኛ ሆናችሁ አላህን ለምኑ፤ አላህ ከዘንጊና ከተጫዋች ልብ የሚወጣን ዱዓ እንደማይቀበል እወቁ።" (ቲርሚዚ ዘግበውታል)።
* አላህን ማመስገንና በነቢዩ ﷺ ላይ ሰለዋት ማውረድ፦
በአላህ ምስጋና ጀምሮ በነቢዩ ﷺ ላይ ሰለዋት ማውረድ የዱዓን በር ይከፍታል።
ነቢዩ ﷺ በዱዓው የቸኮለን ሰው እንዲህ አሉት፦ "አንተ ሰጋጅ ሆይ ቸኮልክ፤ በሰገድክና በተቀመጥክ ጊዜ አላህን ለርሱ በሚገባው ምስጋና አመስግነው፣ በእኔም ላይ ሰለዋት አውርድ፣ ከዚያም ለምነው።" (ቲርሚዚ ዘግበውታል)።

* ተውበት ማድረግና ምግብና መጠጥን ማጥራት፦
ወንጀል በባሪያውና በጌታው መካከል ግርዶሽ ነው፤ ሀራም መመገብ ደግሞ ዱዓን ያበላሻል።
ነቢዩ ﷺ እንዲህ አሉ፦ "አንድ ሰው ነበር ረጅም መንገድ ይጓዛል፣ ፀጉሩ ተንጨባርሮና በአዋራ ተለውሶ እጆቹን ወደ ሰማይ ይዘረጋል፦ 'ጌታዬ ሆይ! ጌታዬ ሆይ!' ይላል፤ ነገር ግን ምግቡ ሀራም፣ መጠጡ ሀራም፣ ልብሱ ሀራም፣ በሀራም ያደገ ነው፤ ታዲያ እንዴት ለዚህ ሰው ጥሪው ይመለስለታል ?!"። (ሙስሊም ዘግበውታል)።
* መተናነስ (ኹሹዕ)፣ መለማመጥ፣ መከጀልና መፍራት፦
እውነተኛ ዱዓ የልብ ስብራትና ለአላህ መዋረድ የታከለበት ነው።
አላህ ስለ ነቢያቱ እንዲህ ይላል፦ {እነሱ በበጎ ስራዎች ላይ የሚቸኩሉ፣ ከጅለውና ፈርተው የሚለምኑን ነበሩ፤ ለእኛም ተናናሾች ነበሩ።} [አንቢያ፡ 90]።
ነቢዩም ﷺ፦ "እናንተ ሰዎች ሆይ! ራሳችሁን አሳርፉ (ድምፃችሁን አታውጡ)፤ እናንተ የምትለምኑት አላህ ደንቆሮ ወይም የሌለ አካል አይደለም፤ እርሱ ከእናንተ ጋር ነው፣ ሰሚና ቅርብ ነው።" (ቡኻሪና ሙስሊም ዘግበውታል)።

* በመልሱ እርግጠኛ መሆንና አለመቸኮል፦

ባሪያው በአላህ ቸርነት ሊተማመን ይገባል፤ መልሱ ቢዘገይም ተስፋ መቁረጥ የለበትም።
ነቢዩ ﷺ እንዲህ ብለዋል፦ "አንዳችሁ 'ለመንኩ ግን አልተመለሰልኝም' በማለት እስካልቸኮለ ድረስ ዱዓው ይስተናገድለታል።" (ቡኻሪና ሙስሊም)።

* በልመናው ላይ መወሰን (ቁርጠኛ መሆን)፦

አላህ ባሪያው በጠንካራ ፍላጎትና እርግጠኝነት እንዲለምነው ይወዳል።
ነቢዩ ﷺ እንዲህ ብለዋል፦ "አንዳችሁ በለመነ ጊዜ ልመናውን ይቁረጥ (ይወስን)፤ 'አላህ ሆይ! ከፈለግክ ስጠኝ' አይበል፤ ምክንያቱም አላህን የሚያስገድደው ምንም ነገር የለም።" (ቡኻሪና ሙስሊም)።

* በአላህ መልካም ስሞች መማፀን፦

አላህ እንዲህ ይላል፦ {ለአላህም መልካም ስሞች አሉት፤ በእነርሱም ጥሩት (ለምኑት)።} [አዕራፍ፡ 180]።

* በመልካም ስራዎች መማፀን (التوسل)፦
በመከራ ጊዜ ባሪያው በሰራው ጥሩ ስራ ወደ አላህ ሊቃረብ ይችላል።
በዋሻ ውስጥ ድንጋይ የዘጋባቸው የሶስቱ ሰዎች ታሪክ ላይ ነቢዩ ﷺ እንዲህ አሉ፦ "በሰሩት መልካም ስራ ወደ አላህ ተማፀኑ "፤ እያንዳንዳቸው በንጹህ ስራቸው ለመኑ፣ ድንጋዩም ተንከባለለላቸውና ወጡ። (ቡኻሪና ሙስሊም)።

* ወደ ቂብላ መዞርና እጆችን ማንሳት፦
ይህ ሁኔታ መዋረድንና ፍላጎትን ይገልጻል። ኢብኑ ዑመር እንዲህ ይላሉ፦ "የአላህ መልክተኛ ﷺ ሲለምኑ እጆቻቸውን ከትከሻቸው ጋር ትይዩ እስኪሆኑ ድረስ ሲያነሱ አይቻለሁ።" (ቡኻሪ)።
ነቢዩም ﷺ እንዲህ ብለዋል፦ "ጌታችሁ አላህ (ተባረከ ወተዓላ) አይነ አፋርና ቸር ነው፤ ባሪያው እጆቹን ወደ እርሱ ዘርግቶ ባዶአቸውን ሊመልሳቸው ያፍራል።" (አቡ ዳውድና ቲርሚዚ)።

* በዱዓ ላይ መዘውተርና መደጋገም (الإلحاح)፦
ዱዓ አምልኮ ነው፤ በልመና ላይ ደጋግሞ መዘውተር ደግሞ ወደ አላህ መዋረድን ያሳያል።

4/ ዱዓ ተቀባይነት የሚያገኝባቸው ጊዜያትና ቦታዎች:-

አላህ ዱዓ ተቀባይነት እንዲያገኝ ያደረጋቸው የተመረጡ ጊዜያትና ሁኔታዎች አሉ፦

* የሌሊቱ የመጨረሻ ሲሶ (ክፍል)፦ ነቢዩ ﷺ እንዲህ ብለዋል፦ "ጌታችን ተባረከ ወተዓላ በየሌሊቱ የሌሊቱ የመጨረሻ ሲሶ ሲቀር ወደ ቅርቢቱ ሰማይ ይወርዳል፤ እንዲህም ይላል፦ 'የሚለምነኝ ማነው? እቀበለዋለሁ፤ የሚጠይቀኝ ማነው? እሰጠዋለሁ፤ ምሕረት የሚለምነኝ ማነው? እምረዋለሁ።'" (ቡኻሪና ሙስሊም)።

* በአዛንና በኢቃማ መካከል፦ ነቢዩ ﷺ እንዲህ ብለዋል፦ "በአዛንና በኢቃማ መካከል የሚደረግ ዱዓ አይመለስም።" (አቡ ዳውድና ቲርሚዚ)።

* በሱጁድ ውስጥ፦ ነቢዩ ﷺ እንዲህ ብለዋል፦ "ባሪያ ወደ ጌታው በጣም የሚቀርበው ሱጁድ ላይ ሆኖ ነው፤ ስለዚህ (በሱጁድ ላይ) ዱዓን አብዙ።" (ሙስሊም)።

Showing 29 of 29 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

Ustaz Muhammad Ferej

Ustaz Muhammad Ferej

رتبه‌بندی

رشد مشترکان (6 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

آخرین پست‌ها

نظرات کاربران (0)