الطلاب المئة الأوائل_ Top 100

Public

مشاهده کانال

نمی‌توانید بپیوندید؟ @top100students

۹.۷k عضو

به‌روزرسانی شده: May 13, 2026 at 7:19 PM

الطلاب المئة الأوائل_ Top 100

تجمع للطلاب المئة الأوائل وإن شاء الله حابّين نساعدكم بي تجاربنا وقصصنا 💛

@top100students is a growing community focused on مذهب and related topics

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (7 روز گذشته)

مجموع: 9.7K

رشد 24 ساعت: +0 0%

آخرین پست‌ها

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

📎 File

1,340

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

📎 File

1,400

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

سلامٌ من الله يغشاكم، ويا رب تكون قلوبكم مطمئنة وعزيمتكم في قمتها 🤍
زي ما بقولوا: "السعيدُ من اتعظ بغيره"، ومن واقع تجربة عشت تفاصيلها بكل ما فيها، حبيت أشارككم شوية نصائح وما ح أطيل عليكم، انتو في غنى عن ضياع الوقت.
• *أولاً: في الوقت الراهن*
من الطبيعي جداً تحسّوا بالرهبة، لأن بكرة بتبدأ مرحلة الحصاد، لكن ما تخلّوا التوتر دا يسلبكم الثقة، واتذكروا يقيناً أنو الله شاهد على سهركم، تعبكم، ومحاولاتكم ﴿ وَأنَّ سَعْيَهُ سَوفَ يُرى ﴾فتوكلوا عليه حق التوكل ولن يضيع لكم أجراً حاشا لله 🙌🏻
• *ثانياً: استراحة المحارب*
وصيتي ليكم الليلة: *ما تساهروا أبداً أبداً* ، مخكم محتاج للراحة عشان يرتب المعلومات ويقدر يسترجعها لمّا يحتاجها، وبما أن الإمتحان الساعة اتنين ظهر، عندكم متسع من الوقت في الصباح عشان ترجعوا للجزئيات الما خلصتوها، لكن نومكم لساعات كافية أولوية ما أقل أهمية من القراية 🙌🏻
برضو أوصيكم "بالبلح " خلّوه رفيقكم الدائم 🙌🏻
• *ثالثاً: ما قبل الإمتحان*
*اتجنبوا المراجعات الجماعية!!* كل زول عندو طريقته المختلفة في الفهم والحفظ، والمناقشات السريعة قبل الإمتحان قد تشتت ذهنكم وتوهمكم بنسيان معلومات أنتو في الأساس مظبطِّينها لمجرد اختلاف الطريقة ! حافظوا على هدوئكم الداخلي بعيداً عن "هواجس" اللحظات الأخيرة، ودي أكتر حتّة عايزة أنبّه عليها 🙌🏻
• *رابعاً: داخل قاعة الامتحان*
أوصيكم من تدخلوا لسانكم ما يقيف من الدعاء *"اللهم لا سهل إلا ما جعلته سهلاً، وأنت تجعل الحزن إن شئت سهلاً"*
أول ما تستلموا الورقة تأكدوا أنها مكتملة مافيها صفحة ناقصة وقولوا بسم الله، أملوا بياناتكم وأبدوا حِلّوا، برضو اهم حته عايزة اقولها ليكم اقروا السؤال اكتر من مرة، أنا شخصياً دقست ف امتحان من امتحانات الشهادة دي بسبب اني ما قريت السؤال للنهاية لانو راسي كان مبرمج على الامتحانات الحليتها زمان وانو السؤال دا كدا زيهم وبديت احل وما عرفت الا بعد طلعت لكن الحمدلله ربنا جاب العواقب سليمة فما تقعوا في نفس الغلط 🙌🏻
• *خامساً: ما بعد التسليم*
بمجرد ما سلّمتوا الورقة، انتهت علاقتكم بالمادة تماماً، أنسوا أي شي وما تراجعوا أبداً ، ما حيتغير شيء غير أنو حتتشتوا وتتنشنوا وما حتعرفوا تركزوا مع الجاي!
• *ختاماً، ردِّدوا بيقين:*
- *"اللهم إني توكلت عليك، وفوضت أمري إليك، لا ملجأ ولا منجى منك إلا إليك".*
- *"رب اشرح لي صدري ويسر لي أمري".*
- *"اللهم إني أستودعك ما قرأت وما حفظت وما تعلمت فردّه عند حاجتي إليه".*
ربنا ينور عليكم ويسهّل أمركم، ويجعل النجاح حليفكم 🤍.
-----
باسقات محمد قرشي محمد
النسبة 93.4
ال 91 على مستوى السودان
-----
#الطلاب_المئة_الأوائل_2024
#Top_Hundred_2024
#دفعة_الأمل
#كلنا_أوائل

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

📷 Photo

1,220

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

السلام عليكم طلاب وطالبات 25
برالمتنا الأعزّاء............
انتقينا لكم تجميعة من انفع الملخصات خاصّتنا، لتكون خير عونٍ لكم فيما تسعون اليه بهممكم.

لاخذ العلم ، قد تجدون ببعض هذه الملخصات أخطاء، فمرجعكم الاوحد هو الكتاب المدرسي، وما هذه الملخصات الا نافذة لايصال المعلومة بأبسط الطرق، فلا تعتمدوا عليها بشكل كامل و تتركوا المصدر الاساسي، والإنسان خطّاء.

حننزل ليكم الملخصات دي في قناتنا على التيلجرام:


بارك الله فيكم، ووفقكم لما فيه خير لكم.

1,360

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

| رسالة من طلاب الدفعة 100 بكلية الطب جامعة الخرطوم لزملائهم ممتحني الشهادة السودانية:

مصطفى طالع من الدكان مبسوط و شايل كيس فيه حاجيات الامتحان كلها و البسمة شاقة وجهه .. و هو ماشي على بيته يلمح ليك صحبه خالد في مصطبة في طرف الشارع قاعد سرحاان و لا انتبه ليه زاتو

مصطفى : خالد!  يا خالد

خالد بخلعة : مصطفى ! وين يا مان مشتاقين

مصطفى : مالك يا صحبي لونك دا مخطوف كدا و ما على بعضك 🤣

خالد : اقول ليك شنو بس ؟ يعني عايش حالة رعب و فزع عديل انا من الامتحانات البكرة دي و حاسي راسي فاااضي و كأني ما قاري شي و خايف اتخذل بعد دا كله... و ما عارف اركز على شنو و اخلي شنو في باقي الزمن دا، ياخ لدرجة من الصباح بطني قالبة و ما قادر آكل شي .. التوتر و الخوف مسيطر علي و لو جاتني الحالة الأنا فيها دي أيام الامتحانات انا ح أروح فيها يا مصطفى
بس تعال اسألك .. انت مفرفش كدا كأنك ما نازل معانا امتحانات ليه ؟

مصطفى : هاك هاك ثبت التلفون دا و احضر و انت ساكت ...

و انتو كمان زي خالد ؟ هاكم احضروا 😉

#الطلاب_المئة_الأوائل_2024
#Top_Hundred_2024
#دفعة_الأمل
#كلنا_أوائل

1,500

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

📷 Photo

1,250

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

نمشي لمشهد تاني من القصة انتظار النتيجة والتوتر والقلق ، وطبعاً كلكم عارفين الحصل 🥲 يلا سبحان الله انا من الناس الحضروا المؤتمر من البداية وما اخفيكم اني كنت متوقعة اسمع اسمي في ال 10 الأوائل بس ما حصل ، والتوتر زاد لحد ما انتهوا المئة وانا ما سمعت اسمي ( كان شعور صعب جداً جداً لا يوصف ) دخلت رقم جلوسي و ظهرت النتيجة 93% فارق 0.4 % من الإذاعة يا شذى بس كيف وليه ؟!
( حانبهكم على حاجة شفتوا قصص الظلم وغيرها السمعتوها دي كلها ما تعني أنو حيحصل ليكم نفس الشيء ، انتو ختوا نفسكم مكان الناس الاتذاعوا ديل فكروا انكم حتلقوا نتيجة تعبكم زيهم + تعالوا نشوف باقي القصة عشان نعرف انو ربنا ما بظلم زول )

- أكثر من ٢٠ مليار .
- آيفون 17 بروماكس .
- عربية .
- أكثر من ٢٠ تكريم .
- لقاء تلفزيوني .
- شهرة واسعة في كل مواقع التواصل .
- موسيقى البوليس ٣ مرات قدام البيت 😂 ( طبعاً بتجي مع الزفة 🙃 ) .
- والأجمل من هذا كله كلية الأحلام ( كلية الطب جامعة الخرطوم ✨) .
- وأهم حاجة الفرحة العارمة الدخلت في قلوب ناس كتار 🤍 .
لو كان اتذعت كان لقيت شنو زيادة على ديل ؟ 😂
شرف الإذاعة؟ 👀
هل تعلمون أن كل من عرف نتيجتي كان تعليقه : بالنسبة لي دي *أولى السودان* ( فخر و شرف عظيم )
رفع اسم المدرسة و رد الجميل ليهم؟ 👀 الحمد لله حصل

﴿وَلَسَوْفَ يُعْطِيكَ رَبُّكَ فَتَرْضَىٰ﴾

( و لا اخفيكم سراً أني حزينة حتى الآن ؛ لأنني لست من النوع الذي يضع الظروف عذراً ، لكن رب ضارة نافعة والخير فيما اختاره الله ، وانا راضية تمام الرضا الحمدلله حمداً كثيراً طيباً مباركاً فيه ).
طبعاً فقدت بابا شديد وتمنيت لو كان معي ( لكن اسأل الله ان يكون في مكان أفضل دعواتكم له بالرحمة والمغفرة والعتق من النار )

+ بقول ليكم استمتعوا بتالت دي عشان لمن تدخلوا الجامعة بإذن الله حتقولوا ( ياااا حلييييل تالت 🥲💔) 🤣🤣🤣🤣

حاولوا وانتو بتقروا القصة دي استفيدوا من النصائح الخفية المضمناها ليكم فيها ، طبعاً القصة طويييلة وفي تفاصيل كثيرة حاولت اختصر ليكم بقدر الإمكان لكن برضو أطلت عليكم . اتمنى تكونوا استفدتوا وتحفزكم شوية ، قد تكونوا سمعتوا منها أجزاء كتيرة ومرت عليكم كتير بس في معلومات اول مرة اذكرها هنا.... 🌸

+ أكثر فترة استفدت منها في ثالث كانت آخر ١٠ أيام فنصيحتي اغتنموها اغتنموها 👌🏻

شعاري دائماً وأبداً :
وَمَا نَيْلُ الْمَطَالِبِ بِالتَّمَنِّي
وَلَكِنْ تُؤْخَذُ الدُّنْيَا غِلَابًا ✨

﴿وَأَنْ لَيْسَ لِلْإِنسَانِ إِلَّا مَا سَعَىٰ﴾

( *نجمة التفوق*) كان اللقب الذي أطلق عليّ أنا :

- شذى أحمد شاع الدين أحمد ( ابنة الشهيد بإذن الله العميد ركن ) .
- السابعة على مستوى ولاية كسلا بنسبة 93% بفارق 0.4% من الإذاعة .
- طالبة بكلية الطب جامعة الخرطوم الدفعة 101 ( 2024 الشهادة السودانية ) .
---

#الطلاب_المئة_الأوائل_2024
#Top_Hundred_students_2024
#دفعة_الأمل
#على_خطى_الأوائل

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

🎥 Video

1,430

الطلاب المئة الأوائل_ Top 100

۲۴ فروردین ۱۴۰۵، ۱۸:۳۹

🌸سلام من الله يغشاكم ورحمة وبركات 🌸
أسعد الله سائر أوقاتكم بالمسرات 🌸

هذه المرة قصة مختلفة بنهاية مختلفة تماماً فتعالوا نرويها حتى النهاية و احكموا بأنفسكم هل كانت تستحق قصة ( *نجمة التفوق*) وقتكم الثمين ✨

صاحبة القصة فتاة تعودت على إحراز المركز الأول منذ نعومة اظفارها بل تقريباً لم يحدث قط أن تخلت عن مركزها هذا حتى الامتحان التجريبي في الصف الثامن ( 279 ) كان هدفها وشغلها الشاغل الا يتقدم عليها أحد ، إلى أن ظهرت نتيجة شهادة الأساس... أحرزت المركز الثاني على مستوى ولاية كسلا بمجموع ( 279 ) لوهلة شعرت بحزن و غضب في نفس الوقت ، لكن سرعان ما استعاذت بالله من الشيطان و قررت أن تضع هدفاً لها ( المركز الأول على مستوى السودان في امتحان الشهادة السودانية ) وكانت لا تقبل أقل من هذا ، وإذا أردنا أن نتحدث بدقة أكبر كان هدفها الا يتقدم عليها أحد نهائياً بعد ذلك اليوم ، و قد كان ( والفضل لله من قبل ومن بعد ) حيث أنها بدأت مرحلة جديدة من عمرها بحماس أكبر ( في ثانوية عبدالودود الخاصة منارة التعليم ✨) و كانت الأولى على مستوى المدرسة بجميع فروعها في الفترتين الأولى والثانية من الصف الأول بنسبة ( 99.5%) الحمد لله ، زاد الحماس واقتربنا من الهدف بضع خطوات ، مرت الأيام و اضطرت لدراسة جزء من مقرر الصف الثاني في الخرطوم ، وتحديداً في ( ثانوية الرازي الخاصة ) حيث انبهر المدرسين من ذكاء و تميز هذه الفتاة ، وكانت تسمع جمل من الأساتذة منها :

- انا سنييين ما درست طالب زيك...
- الدرستك ليه في الحصة دي بديه للطلاب العاديين في شهر...
- ذكرتيني طالب درستو زماااان كان جاي من كسلا برضو جاء اول السودان ( يقصد طه يعقوب )...
- انت لو ما جيتِ أولى السودان حتجي الثانية لو ما الثانية حتجي الثالثة رابعة ما بتجي...
- التمرين دا ما حصل حلاه لي طالب كامل صاح وبالسرعة دي...

وكانوا بقولوا للمديرة ما تضيعيها من يدك 🤣 ( كبروا لي راسي شديد 😂 )
نواصل قصتنا ونديها لستها تحكيها 🙃😂... رجعت كسلا وواصلت بنفس المنوال في مدرستي الحبيبة لحد الامتحان الشهري الأول في الصف الثالث وكنت الأولى على مستوى الفروع الأربعة بنسبة 98% ولله الحمد

لو ملاحظين انا ما ذكرت الحرب لسه..... طيب الحرب وما ادراك ما الحرب ، طبعاً زي كل السودانين ذقنا ما ذقنا منها... نوعاً ما ولايتنا كانت آمنة ، بس طبعاً ما كان في دراسة لمدة عام تقريباً ( الحرب بدت ونحن في نهاية ثانية )... عام تحولت فيه لربة منزلة ممتازة من ضيوف لكون انا كبيرة البيت لغيرهم 😅 ، نسيت حاجة اسمها قراية نسيت اي شيء .... كم مرة فكرنا نتجه للخارج و حرفياً جهزنا كل شيء ، كم مرة ما نمنا من الهم والخوف والتوتر والزاد الموضوع انو بابا كان عميد ركن في الجيش ( ايوة ابوي كان ضابط جيش!) و بطبيعة الحال كنا خايفين عليه جداً جداً لخطورة الوضع الكان فيه...

جاء القرار بأنو ننزل دراسة ، وولاية كسلا كانت من آخر الولايات يعني نحن لمن نزلنا كان في ولايات حتى التجريبي امتحنوه !

ناس ٢٣ لسه ما امتحنوا ، نحن ما عارفين بنقرأ ليه ، انا كنت بقرأ في منهج وتقريباً الفترة ديك كان شبه مؤكد اني حاحول منه لمنهج مصري ولا غيرو ، لكن كنت بقرأ برضو طبعاً أهدافي واحلامي بقت تافهة جداً الفترة ديك و نسيتها أساساً بقيت اقرا اداء واجب لحد ما المدرسة قررت امتحان شهري قرايتي واستعدادي ليه ؟! 👀

كنت بقرأ عشان انا ما حصل دخلت امتحان وانا ما مخلصة المادة ( مخلصاها دي بكل ما تعني الكلمة من معنى ) لازم تصطحبوا معاكم الكلام الفوق داك كلوووو 🙃 الحمد لله عدت الامتحانات ووريتكم نتيجتها فوق بابا فرح شديد لدرجة بكى 🥹 وماما لا تقل عنو الأساتذة زاد أملهم فيني و معاه الاهتمام 😅و بقيت اسمع زي الجمل الفوق ديك بصورة شبه يومية ، لحد اللحظة ديك انا كنت ما عارفة بقرا ليه ولا كان عندي هدف ( قلت ليكم أهدافي بقت تافهة بالنسبة لي ) لكن كان عندي دافع واااحد ( ما احرم امي وابوي من الفرحة دي نهائي ولو على نفسي ) كنت بفرغ كل شيء في القراية....

لحد ما جاء اسبوع كدا مرضت وغبت عن المدرسة ، في نهاية اسبوع الغياب دا حصل الحدث الغير حياتي ١٨٠° ( جانا خبر استشهاد بابا في معركة تمبول في ولاية الجزيرة 💔 ) كانت صدمة كبيرة جداً وما كنت قادرة أصدق ( بصراحة أنا حتى وقت قريب ما كنت مصدقة ) كل شيء بقى رمادي أهدافي أحلامي كلها اتلاشت... بس كان في حاجة جواي لازم اخلي اسم ابوي مرفوع ، لازم افرح اهلي بعد الجرح العميق دا لازم ، كنت مواصلة حتى آخر امتحان بخطى شبه ثابتة....

والحمد لله نهاية السنة كنت ضمن فصل المتفوقين ، ولقيت دعم كبير من الأسرة، الأساتذة، الصديقات ربنا يجزيهم خير الجزاء... ولله الحمد ما حصل ثقتي في ربنا ثم نفسي قلت ، و كنت متأكدة انو شغلي دا كافي عشان أحقق حلمي الزمااان داك ( طبعاً آخر أيام رجع و بقى هدف بس بصورة مختلفة وناضجة أكثر) وكنت متأكدة انو ربنا ما حيخذلني...

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

"أعلل النّفسَ بالآمالِ أرقبُها.. ما أضيقَ العيشَ لولا فسحةُ الأملِ"..

عليكُم سلامُ اللهِ يتلى 🤍

بداية القصة كانتْ في الصف الرابِع إبتدائي"ايوا زي ما سمعتوا رابع أساس 😂🤍 ".. كان مجرد تحدّي بسيط مع بت خالتي إنه أحافظ على مركز أولى الفصل لحد تامن.. و يمكن التحدي ده كان شرارة البدَاية لقصّة طويلة 🤍.
الحمد لله على منّته حافظت على المرتبة الأولى لحد سابع..
طيب و في تامن؟؟
جات تامن" واحدة من أهم محطات الرحلة" و الزول بقا يحس إنه ممتحن و بتاع 😂🤍.. كانت الأمور تسير على حسب الخطة تماماً.. لحدّ ما حصل ما لم يكن في الحسبان..!
كان أبوي"ربنا يديه الصحة و العافية " حصل ليه حادث سبب ليهُ جلطة في الرأس.. الحادثة دي زعزعت أركان البيت كله.. بقت الأيام تعدّي بين المستشفيات و العمليات و الكثييير جداً من الضغط و المخاوف.. بعدّت عن الكتب فترة ليست بالقليلة.. المستوى اتدهور و الدرجات نزلت و ناس البيت شالوا هم.. كنت متأثرة شديد.. و يمكن كنت أكتر زول الموضوع كان مؤثر معاه .. لكن في النهاية رجعت و قلت لازم ارجع و ما أنتكس في نهاية الطريق..
عدّت سنة تامن بحلوها و مرّها و جبت ٢٧٧.. يمكن ما كانت نفس الهدف الـ كُنت خاتاه.. بس كانت مرضية جداً بالنسبة لي 🤍

و نجي للثانوي 😂🤍 مرحلة جديدة في بيئة جديدة.. اتسجلت في مدرسة د. أبو ذر الكودة و من هنا كانت نقطة إنطلاق جديدة.. ♡

عدّيت أولى ثانوي كلها لٍعب و ضحك.. و نتائجي اتراجعت شديد.. و حتى نزلت من الفصل النموذجي 🥲.. لكن يمكن د كان دافع كويس، عشان الواحد يجتهد في تانية 😂🤍..
و في تانية ياخ بس ما يسحروني 😂🤍.. ما شاء الله اللهم بارك حماس ألف"و ما ننسى إنه في السنة دي حليت مشكلة عمري الـ هي الرياضيات و بقيت بحبها 😭" و قدرت أرفع نسبتي من ٩٣ في أولى لـ ٩٧ في تانية 😂🤍..
و طبعاً الحماس كل ما ليهُ ماشي بيزيد إنه نحن حـ ننزل تالت و ح يكون في منافسة و إذاعة و حركات 🤣🤍..
بس جات الحرب و قلبت الموازين كلّها!
قعدنا شهرين تقريباً عشنا الأجواء الدرامية و الرعب و بعدها انتهى بنا المطاف في مسقط رأس والدتي_ قرية العبيدية ببربر _
"للناس الـ ح تقول دي ياها العبيدية محل الدهب؟؟.. ااي ياهو خلا الدهب زاتو 😂😭😭😭"
طبعاً روتين الحياة اتغير شديد.. و الناس بقت أعلى طموحاتها إنها تكون في أمن و تأكل و تشرب بس.. ماف زول مفكّر ليه في قراية أساساً.. اتأقلمنا مع حياة البلد و خلاص كسرتَ حنك القراية و بقيت بفكر في العرس 😭😂🤍..
لحد ما فتحت المدرسة و خلاص دُفعة ٢٤ في البلد نزلوا.. نزلت مدرسة مع بنات أهلي عادي "ماف شغف و لا رغبة بس دَعنا نخوضُ مع الخائضين 😭" و حرفيا من هنا بدأ الاكتئاب الأسطوري..
بمشي و بجي تقضية زمن ساي.. بنوم في الحصص"أصلا لو نمت لو ركزت 𝑡ℎ𝑒 𝑠𝑎𝑚𝑒 😭" و مرات بدكّها.. بغيب على كيفي و بجي على كيفي و الوضع إتأزم غايتو..
شهر بالصورة دي و جات الإمتحانات الشهرية.. يا عم امتحانات شنو أنا ما لحقت أحفظ أسماء المواد؟
ما مشكلة برضو مع الخائضين اتوكلت و امتحنت..
لقيت درجاتي زي الزفت حرفياً راسبة في ٣ مواد و يا دوب ناجحة في الباقيات! دي أنا زاتي؟؟ أيعقل؟؟ ناس البيت جاتهم نفسيات بسببي.. و بقا في ضغط من جميع الاتجاهات.. فبدل أواجه كل ده.. قررت أنسحب و أكسر حنك المدرسة و خلاص.. اقعد في البيت و أشوف البحصل شنو..
نفذت كلامي و قعدت في البيت نوم و ونسة و ضحك و طلعات و قهوة "القلب ميت يخوانا " و لا كأني ممتحنة "لدرجة انه كتب ما كان عندي ".. و مرّت الأيام..
أعلنوا امتحانات ٢٣! يعني بجد في امتحانات؟ و بعدهم نحن بـ ٣ شهور؟ حسيت بالخطر.. بس برضو ما كانت عندي الرغبة أقرأ..
امتحنوا ٢٣ و انا لسه قاعدة.. و مرّ الزمن لحدّ ما في منتصف شهر يناير ٢٠٢٥ رجعت الكودة تاني.. 🤍😭😭🔥
القرار كان صعب شديد على ناس بيتنا إنهم يخلوني امشي امدرمان براي و الوضع لسه ما أمان و في البداية كانوا رافضين رفض تام.. لكن شاء الله و سافرت 🤍.
وصلت المدرسة تقريبا يوم 26 يناير تقريباً.. و كان الوضع يدعو للإكتئاب أكتر؛ الناس كلها طقطقت المنهج خلاص و بدت تحل إمتحانات و أنا لسه حيث بدأ الآخرون! 💔
في البداية خشيت في حالة يأس و قلت حـ أنزل 25 و امتحن معاهم لأنه ما حـ أجهز أكيد و ما حـ أقدر أجيب نِسبة كويسة.. لكن أمي" و الحمد لله😂" رفضت الفكرة..
فكدا أتورطت .. لازم أعصر نفسي و أقرأ.. بديت بـ درجات سيئة شديد "مُخجلة عديل 😂" لكن واصلت.. ما وقفت.. الوضع كان سئ، أهلي ما معاي، المنهج فايتني، في حالة تنقل دائمة من بيت لبيت "و يمكن دي كانت أكتر حتة مؤلمة في القصة. " لأنه بسبب الظروف اضطررت أسكن خلال فترة بتاعة ٥ شهور في ٧ بيوت متفرقة! و لا واحد منها بيتنا..! 💔

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

مرات كان بجيني احساس انو كأنّو المعلومات بنساها ...الاحساس د عادي لمن تكون بتقرا كتير والمعلومات في راسك متى ما احتجت ليها حتسترجعا بإذن الله ...

بس كرروا المنهج هسا كتير بأقصى المستطاع ...وانتبهوا للحاجات البسيطة وركزوا مع (كتابة القوانين، الخطوات، الوحدات، الأخطاء الحسابية... الخ) وما تخلوا حاجة فاضية.

اتمرسوا في طريقة او نوعية المسائل الثابتة بتاعت الامتحانات لكل مادة بالحل والتطبيق.

واخيرًا حاول م تتكلم كتير الكلام بشيل جهد خليك بارد وفي نفسك ...احتمال تحس بي إرهاق ذهني ف الامتحانات احتسب واعمل العليك اشتغل بكل جدية ف انو تجيب أعلى نسبة تنفعك لمواصلة تحصيلك وتفرّح وتُرْضي ...
_
محمد مجتبى طه
الـ11 م للعام 2023
بنسبة 96%
_
▫️أكبر غلطة عملتها في تالت هي عدم التركيز و الاستعجال في الإجابة. لمن امسك ورقة الامتحان بشتغل باستعجال ، ما بركز لمن اقرا السؤال و بكتب أقرب إجابة في راسي وخلاص، و حرفياً جزء كبير من درجاتي المفقودة بتكون بسبب الاستعجال و عدم التركيز، و نفس الطريقة لمن اراجع الحل برضو ما بركز شديد، المهم اني كتبت وخلاص.
يعني تخيل تحل مسألة صعبة لكن غلطك يكون في ضرب أو جمع؟ ؟؟ما منطقي صح؟؟ بس دا كله من الاستعجال
علمت نفسي اني اخذ موضوع الامتحان ب روااق و هدوء ،اتبسمل و اقرا الأذكار و الأدعية ،انزل بياناتي، اخد نفس عميق، اقرا التعليمات المكتوبة في الورقة ،اقرا اول سؤال مرة و مرتين و تلاتة، بعد احل السؤال اشوف إذا ممكن يتحل بطريقة تاني و اشتغل الامتحان كله بالطريقة دي، بعد اخلص اشرب موية و ارتاح شوية، و لمن اراجع اعتبر اني يادوب بديت احل و هكذا يعني
اوعك تستعجل، الورقة ما ح تطير من يدك، ما مهم تخلص بدري، المهم تكون متأكد من شغلك و راجعته كذا مرة

▫️كنت بتجاهل الأسئلة الصعبة أو النادرة و أقول لأ دا مستحيل يجي في الامتحان،و اركز مع الأسئلة شبه المعتادة في الامتحانات ،ودا سبب لي حالة خمول ذهني نوعاً ما ،لو جا سؤال بطريقة مختلفة ح اجوط الدنيا و اجيب درجة متدنية.
بعدها اقتنعت فعلياً إنو الامتحان بكون ٩٠٪ منه مضمون من الكتاب و الملخصات و الأسئلة المعتادة ،و ١٠٪ من الأسئلة الشاذة اللي تحتاج وقفة و تركيز بس
نصيحتي ليكم اتحدو مخكم ب شوية أسئلة وما تعتمدو على شكل معين للامتحان نهائي.
____
عفراء عماد
الـ29 م للعام 2024
بنسبة 94.6
____
#الطلاب_المئة_الأوائل_2024
#Top_Hundred_students_2024
#دفعة_الأمل
#كلنا_أوائل
#نصائح_وأخطاء_الأوائل

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

📷 Photo

2,470

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

📷 Photo

3,200

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

السلام عليكم ورحمة الله تعالى وبركاته

يا أبطال الشهادة السودانية "دفعة الأمل"، عارفين إنو الفترة دي كتير منكم عندو أسئلة محتاجة أجوبة.

ولأنو نحنا حاسين بيكم كويس، وعارفين إنو المرحلة دي هي الفيصل الحقيقي... وزي ما بقولوا: الخيل الأصيلة بتظهر في اللفة الأخيرة 🏁

عملنا ليكم فقرة "أرشدني" 🔥🔥

أي سؤال يجي في بالك أكتبوا لينا في الكومنتات 👇
ونحنا حنجاوب على جميع استفساراتكم وأسئلتكم بإذن الله، وحنكون معاكم لحدي آخر امتحان إن شاء الله.

ما فضل ليكم كتير… قربتوا تصلوا، شدوا حيلكم واجتهدوا وخلو ثقتكم بربنا ويقينكم كبير 🤍

قال تعالى:
"وَأَن لَّيْسَ لِلْإِنسَانِ إِلَّا مَا سَعَىٰ (39) وَأَنَّ سَعْيَهُ سَوْفَ يُرَىٰ (40) ثُمَّ يُجْزَاهُ الْجَزَاءَ الْأَوْفَىٰ (41)"

وربنا يوفقكم ويسدد خطاكم و يفتح عليكم فتوح العارفين.

#الطلاب_المئة_الأوائل_2024
#Top_Hundred_students_2024
#دفعة_الأمل
#كلنا_أوائل

3,990

105

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

📷 Photo

2,750

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

عند تحديد الامتحانات زادت الهمة ، و كثفت المجهود و القراية ، فكانت فترة مراجعات و بالأخص حل امتحانات ، مريت فيها على كل المواد ، ما كنت بخت جدول ضاغط ، كنت ببدأ مادة مادة بالأصعب ماشة بمبدأ “ eat the frog first “ بتخليني ما أماطل ، و انجز.


فترة الامتحانات
بعد طول انتظار جاءت الامتحانات ، كنت دائماً بدعي انه ربنا ينزل علي السكينة والطمئنينه فيها ، ما أتوتر و لا استعجل ؛
في القابات كنت بمر على كتاب المادة أولاً ، لو عندي ملخص بمر عليه أيضاً، لو باقي وقت برجع لامتحانات شهادة .
لكن لما اطلع من البيت و أنا ماشة المدرسة بوقف مراجعة خلاص. و الفترة دي بستغلها في الدعاء لحد ما اصل المدرسة ( ناس الحلة تاني وفروا لينا ترحيل للمدرسة جزاهم الله خير ).
في الامتحان اكتر حاجة كنت مهتمة إني أحافظ عليها الهدوء و التركيز، قراءة الاسئلة بِرَويّة و عدم الاستعجال في الحل ، و التقليل بقدر الإمكان من استخدام قلم الرصاص .

*من احلى الحاجات فترة الامتحان هي بعد الامتحان:) لما يجو الأهل، الجيران .. يطمنوا ويسألوا من الإمتحان و يحفزوا.

عدت فترة الامتحانات بخير الحمد لله ، و كنت راضية تماماً عن شغلي ، و كنت دائماً بدعي أنه ألقى نتيجة تعبي و جهدي ، و كنت موقنة ان الله ما ح يضيع تعبي .

بعد الامتحانات رجعنا لبيتنا في أم درمان الحمد لله بعد غياب دام اكثر من سنتين ، و كنت منتظرة أي خبر من النتيجة ، ففي يوم سمعت انه تمت اجازة النتيجة ، فقلت خلاص ح تكون قريب ( و أنا كنت عايزاها في اقرب وقت:) )، فـ فجأة ضرب خالي و قال لي المؤتمر شغال ! افتكرته بهظر لحد ما فتحت المؤتمر في التلفون و كان فعلاً ، لما فتحته كان بذيعوا في ال٣٥ ، صاح اتوترت و أصابني بعض الخوف ، لكن كنت موقنة انه ح ألقى نتيجة تعبي ، كنت متابعة المؤتمر بترقب إلى ان سمعت :
"الـ٤٩ م مناسك عصام علي الطاهر ، النسبة ٩٤,١"
و بعدها لم أعي شيئاً:) من الفرحة .

أكثر لحظة كانت مفرحة و مميزة بالنسبة لي هي وأنا بشوف الفرح و الفخر في وجوه و عيون أمي و أبوي كانت لحظة عندي بالدنيا، و يليهم الأهل ، الجيران، أساتذتي، الأقارب ، أصدقاء العائلة..
جميلٌ ان ترسم الفرح على وجوههم و تصنع فخراً لك ولهم، جميلٌ ان تكون موضعاً للثقة.
الحمد لله
و كما قلت سابقاً :
ربنا ما وضعني في تلك الظروف وإلا وأنا قدرها.
ممتنة جداً للظروف اللي خلتني أقوى و ثقلت عزيمتي و ورتني إني بقدر، و انه لا وجود للمستحيل..

عانِق أمانِيك مَهْما ذُقْت مِن تعبٍ
مَن ذا الّذِي نال ما يَهْوى بلا تعبٍ

___

مناسِك عصام علي الطاهِر
الـ٤٩ م على مستوى السودان
بنسبة ٩٤,١٪
علمي/أحياء
__

#الطلاب_المئة_الأوائل_2024
#Top_Hundred_students_2024
#دفعة_الأمل
#كلنا_أوائل
#قصص_ملهمين

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

انتبه لمسارك!

▪️المثالية قد تؤثر على إنتاجيتك:
(لازم- ضروري- المفروض) لغة قاسية على الإنسان ، فأنت قد لا تستطيع دائماً إنجاز الأمور بنسبة 100% - قد لا تكمل جدولك كاملاً وقد لا تسير خططك كما توقعت- ضع خطتك واستهدف تحقيق 80% منها .
ومن يطلب المثالية "السالبة" -ان صح التعبير- بحيث لا يدرس بحجة أن الوقت قليل ولا يكفي لإكمال المنهج، فهذا التفكير غير صحيح، فأنت لا تقبل ب ال 70 او ال 80% من المذاكرة لأنك تطلب الكمال.

▪️لا تضخم الأمور، فالامتحانات لا تحدد من انت، وليست هي المعركة التي ستؤدي لنهاية حياتك.

▪️ لا تفكر في المستقبل، هل سيكفي الوقت لإكمال ما تبقى؟ هل ستكون الاسئلة صعبة؟ وجه تركيزك على ما يمكنك فعله ولا توجه تركيزك على ما ليس لك سيطرة عليه.

▪️يصاب بعض الطلبة بحالة تسمى " العقل الفارغ" "Blank Mind" عندما يدخل الامتحان يتفاجأ بأنه لا يستطيع تذكر ، هذه الحالة ناتجة عن القلق المرتفع جداً، فهو يحجب الانسان عن التفكير والتركيز... والعلاج الفعلي لهذه الحالة هو عملية التنفس العميق:
( 4 ثواني شهيق، 3 ثواني حبس نفس، 6 ثواني زفير). عندما تتنفس بعمق فهذا يؤدي لدخول الهواء لرئتيك، ويهدئ من ضربات القلب.

▪️لا تحدث نفسك بطريقة سلبية لأن عقلك سيصدق ذلك!

▪️أنت لست "كومبيوتر" فأنت لا تستطيع ان تتذكر كل شيء في نفس اللحظة، ولكن عند ورقة الامتحان ستتذكر المعلومات بمجرد قراءتك للسؤال. لأن جميع هذه المعلومات مخزنة في ذاكرتك العميقة.

▪️انتظار الوقت المناسب للبدء هو سبب للتسويف، فقط ابدأ، حتى وبدون استعداد كافي، ابدأ وان كنت تشعر بأن الوقت لن يكفي، ابدأ على أية حال.

▪️لا بأس أن تخاف أو أن تشعر بمشاعر سلبية، تقبل ذلك فهذا لا يعني أنك شخص ناقص أو ضعيف ولكن لا تكتم مشاعرك ومخاوفك بل فرغ مشاعرك سواء كان مع والديك، أصدقائك أو حتى بكتابتها.

▪️قلة النوم سبب أساسي في الخوف والتوتر، كما أنه يؤثر على عمل دماغك، لأن المخ يكون مرهقاً وغير قادر على استدعاء المعلومات المخزنة، فاحرص على نوع عدد كاف من الساعات خلال فترة الامتحانات تحديداً.

#مبادرة_آفاق_لطلاب_الشهادة_السودانية

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

السلام عليكم ورحمة الله وبركاته

كنت مترددة إذا احكي قصتي أو لا ، لكن تذكرت أيام كنت في تالت ، و بجي أشوف القصص بلهفة عسى ألقى قصة بتشبهني، و تديني دفعة أمل عشان أواصل بقوة .
فأرى أنه من الأفضل أن أرويها عساها تفيد و تحفز .

إبتداءً من شهادة الأساس و حبيت ابدأ بيها عشان أوصل ليكم حاجة واحدة أنه ما لازم تكون اتذعت في الأساس عشان تتذاع في مؤتمر الشهادة السودانية.
شهادة الأساس جبت 268 مع إني ما اتذعت و لا دخلت في السبعينات كنت شايفاها درجة حلوة ، ما كدا و بس دي أدتني دافع إني أخت الإذاعة هدف نصب عيني ، بما إني ما نلتها في الأساس ؛ و ابتدأت رحلتي في الثانوي.
بديت بحماس و قوة ، جبت فيها نسب ممتازة في الصف الأول ، وكذلك الثاني و انا أواصل التقدم في كل إمتحان نحو هدفي المنشود ، لكن قبل إكمال امتحانات الصف الثاني اندلعت الحرب و غيرت مجرى الحياة.
فتبدلت المنازل و الأماكن
شددنا الرحال إلى مسقط رأسي " غرب بربر" تحديداً " حلة يونس"،
كل ما كان يشغلني تلك الأحلام و الأهداف التي رسمتها لنفسي ، هل سأنالها في ظل هذه الظروف ؟
كنت أخاف أحيانا من فكرة توقف التعليم ، احيانا أخرى أزيح هذه الأفكار من رأسي و كلي يقين أن الله قادر على تبديل الحال ، و كان ذلك فكانت ولاية نهر النيل من أولى الولايات التي واصلت التعليم و رفعت شعار "التعليم لا ينتظر"، و هنا عادت همتي و عزيمتي .
بدأ العام الدراسي ، بدأت رحلة الصف الثالث ، لكن في مكان وطريق غير الذي رسمته، مدرسة جديدة و بيئة جديدة، و دا أول ما واجهني في هذه الرحلة.

الطريق ما كان ممهد كان مليء بالعقبات و التحديات و كان عليّ أن أواجها مهما كانت ، فمن أول هذه التحديات كانت المسافة من البيت للمدرسة ، المدرسة كانت في قرية تانية غير غير الـ كنت فيها ، كانت أقرب خيار، والمسافة كانت بعيده و الزاد الصعوبة عدم وفرة المواصلات ، فناس حلتنا ما قصروا وفروا لينا ترحيل لكن اشتغل فترة معينة و وقف،
فهنا اضطرينا نواجه الحاجة دي فأحيانا كنا بنلقى مواصلات ( إذا ابتسم الحظ لنا) و احيانا بنضطر نقطع المسافة بين القريتين (و هي مسافة كبيرة ) سيراً على الأقدام.
فـ دا طبعاً كان شايل مني أغلب الوقت و الجهد ، برجع من المدرسة متأخرة و منهكة بسبب طول الطريق، و ما بلقى وقت للقراية .
و كان علي انُه اتأقلم مع الحاجة دي ، بس تاني ظهرت مشكلة و هي عدم توفر الكتب..!
في الوقت الـ نزلنا فيه دفعة ٠٢٣ لسة ما كان امتحنوا ، فـالكتب كانت في حوزتهم، و المدرسة ما قصرت حاولت توفر لينا كتب ، بس كانت الكمية بسيطة فأضطروا يشركونا في الكتب ، لدرجة انه في بعض الكتب ممكن تجيك في الأسبوع مرة واحدة ! و البعض الآخر ما متوفر أصلاً.
دي كانت مشكلة كبيرة بالنسبة لي و تحدي أكبر ..
و دا انعكس بشكل كبير على درجاتي في الامتحانات في المدرسة ، فتدنت عن سابق عهدها ،
و في فترة ما تسلل اليأس إليّ ، لكن رغم ذلك كنت بشوف أمي وأبوي وهم واثقين و خاتين كل أملهم فيني ، فكان يعز علي ان أخذلهما ، فكنت كل ما أشوفهم بمتلئ أمل و يقين إني بقدر ، وربنا ما ختاني في الظروف دي إلا وأنا قدرها، فتسمو همتي و تشتد عزيمتي.
بعد الامتحان التجريبي أول ما فعلته حددت مشاكلي في كل مادة عشان احلها، و ابتديت بأكتر مادة كانت عاملة لي هاجس بسبب التدني غير المسبوق في درجاتها ، ألا و هي مادة الرياضيات..

كنت عازمة انه أزيل العقدة دي فبديت بأكتر الحاجات الكانت بتنقصني ، و لحسن الحظ شباب الحلة كانوا عاملين مبادرة(مبادرة نداء)قدموا فيها كورس لطلاب الشهادة الثانوية وكان ضام أغلب المواد(جزاهم الله خير) ، و الأهم مادة الرياضيات!
فهنا حسيت ان الدنيا ضحكت لي ، إذ المكان قريب ( أهم حاجة) و الكتب الحمد لله كان اتحصلت عليها .
و نعمة من الله كبيرة انه التقيت بأستاذ الطيب المهدي ، هو الـ درسنا الرياضيات في الكورس و غطى لينا كل المقرر الحمد لله ( جزاه الله خيراً)، و بكدا عقدة الرياضيات اتحلت و الحمد لله ؛ فـ اتوجهت لباقي المواد و بتوفيق الله قدرت احل مشاكلي فيهم .
تاني بدت فترة المراجعات و حل الامتحانات ، مرات كنت برخي و تاني أتذكر هدفي و اشد ، فـ حتواجهكم فترة زي دي طبيعي ، بتعدي الأهم أنكم تواصلوا .

بعد ظهرت نتيجة ٠٢٣ ، جاء والي الولاية في زيارة للمدرسة كرّم فيها إحدى المتفوقات ، فما كانت من المدرسة بس امتحنت منها ، (هذا يقودني أن أذكر ان المدرسة ما حصل دخلت في قائمة الشرف ، و دا ولّد تحدي جديد بالنسبة لي إذ عزمت ان أكون من يسطر هذا الحدث في تاريخ المدرسة) في اليوم داك كنت بشوف نفسي في أعلى المنصة و بيتم تكريمي ، فكانت دَفعة أمل و حافز كبير.
و ما بنسى ثقة الأساتذة وهم بقولوا لي "المرة الجاية انتِ" " ح تعمليها بإذن الله" و أهلي كذلك أخوالي و أعمامي، ودا وضع على عاتقي مهمة كبيرة ، فكنت كل ما أشوفهم و أتذكر ثقتهم دي طوالي بمشي على كتبي.

الطلاب المئة الأوائل_ Top 100

۱۴ فروردین ۱۴۰۵، ۰۲:۳۸

📷 Photo

2,340

Showing 20 of 20 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

الطلاب المئة الأوائل_ Top 100

الطلاب المئة الأوائل_ Top 100

رتبه‌بندی

رشد مشترکان (7 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

نظرات کاربران (0)

آخرین پست‌ها