فَكِّرْ

Public

مشاهده کانال

نمی‌توانید بپیوندید؟ @thinking_2

۱۰k عضو

به‌روزرسانی شده: May 15, 2026 at 9:31 AM

فَكِّرْ

"وَمَنْ يُؤْتَ الْحِكْمَةَ فَقَدْ أُوتِيَ خَيْرًا كَثِيرًا" البَقرة 269. 95% للذي يُنشر هُنا هو لـ أحمَد قاسم. @sen_333 القناة الشخصية

@thinking_2 is a dedicated channel for sen_333 with regular updates in مذهب

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (6 روز گذشته)

مجموع: 10.0K

رشد 24 ساعت: +0 0%

آخرین پست‌ها

فَكِّرْ

۲ خرداد ۱۴۰۵، ۰۶:۳۱

مات السيد خامنئي

معناها حرب طويلة الأمد لا تنتهي ألا بنهاية النظام الإيراني الحالي
واحتمالية اصدار فتوى الجهاد لكل اذرع وفصائل ايران بالمنطقة


يعني الموضوع مطوّل
ورايح للأسوء
وكلنا نعرف المتضرر الاول من هالشي

لا حول ولا قوة الا بالله العلي العظيم

8,170

فَكِّرْ

۲ خرداد ۱۴۰۵، ۰۶:۳۱

بكل صراحة إيران هي الند الوحيد لإسرائيل بالعالم، رأينا بالحب او الكره السياسي تجاه إيران مو مهم حاليًا ولا بمقدار ذرة، لأن إحنه كدام مسألة وجودية تهدد وجودنا العراقي بالدرجة الأولى، اسرائيل عازمة على تحقيق مشروع الفرات والنيل، يعني تضم الدول العربية كلها…

8,100

فَكِّرْ

۲ خرداد ۱۴۰۵، ۰۶:۳۱

pinned «بكل صراحة إيران هي الند الوحيد لإسرائيل بالعالم، رأينا بالحب او الكره السياسي تجاه إيران مو مهم حاليًا ولا بمقدار ذرة، لأن إحنه كدام مسألة وجودية تهدد وجودنا العراقي بالدرجة الأولى، اسرائيل عازمة على تحقيق مشروع الفرات والنيل، يعني تضم الدول العربية كلها…»

فَكِّرْ

۲ خرداد ۱۴۰۵، ۰۶:۳۱

علاء الخاين مو هو العار الوحيد

علاء مجرد شخص تم توثيق خيانته، قضيته مو مجرد فضيحة أخلاقية، بل هيّ فضيحة إجتماعية
المشكلة الحقيقية مجتمعنا الي صار عبارة عن تمثيلية چبيرة،
بره البيوت إحنا أهل الغيرة والشرف، ومن ينسد الباب تلكى عائلة مفككة من الداخل وماعدها اي مبدأ.
الزواج صار مثل الهدنة، واحد يتحمل الثاني بس علمود كلام الناس والأطفال، حتى الخيانة صارت طبقيّة، بالبيوت المترفة تصير بسكوت وبشكل راقي، أما بالبيوت الفقيرة تصير بهوسة ومحتوى ينزل على التيك توك
إحنا مجتمع ينتج الف علاء يومية، بس الباقين ينتظرهم القدر حتى يفضحهم
فبطلوا تمثلون الصدمة وتصعدون كل علاء ترند، لأن لو كل الكاميرات تنفتح، چان نص البيوت تهدمت.

العار الحقيقي هو المجتمع،
الأفكار الغربية الي نزرعت للطرفين، صارت كلمة العيب نكتة، والحرام شي سخيف من الماضي، صارت مواقع التواصل ساحة للإحتراف بالخيانة، او على الأقل ساحة للتحفيز الجنسي على الخيانة، ريلزات الرقص وبنات الملاهي والكثير الكثير، المجتمع همه الصعدهم وسواهم واجهة يتصدرون بيها المشهد.

وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ
صدق الله العليّ العظيم

وكلكم عيوني.

10,100

فَكِّرْ

۲ خرداد ۱۴۰۵، ۰۶:۳۱

ملاحظة: هذا المنشور لا يُبرر الفعل.

ارجع على نفس موضوع الخيانة، لأن الشعب العراقي عجبه يصعد هالموضوع ترند ويوميه ناشر شي.

بكل مسائل الخيانة يتم التركيز على الرجل وعلى خيبة زوجته، المُشاهدين من البنات يفعلون مود الخيال الوهمي ويتخيلون مكانهم بمكان الزوجة ويحقدون على الرجال اكثر وتزيد بعقيدتهم العاطفية فكرة أن جميع الرجال خونَه، لأن هالبنيه تشبعت من احاديث الخيانة الشافتها سواء بالواقع او بالأنترنيت، وطبعًا كلامهم الثابت أن الصوج بالرجال وخطيه المرة والمرة مالها ذنب، وتبدي سلسلة من التعليقات العاطفية منها؛ القانون مع الرجال، والمذهب الجعفري، وحقج ضاع ومجتمع ذكوري ومن هالسوالف.

أما المشاهدين من الشباب فأول شي يفكرون بي هو غباء الرجل الخاين،
لأنه خان "وانكشف" مو لأنهُ خان !!
بإعتقادهم أن اليخون لازم يكون ذكي ويرتب وضعه ويقفل الباب على الاقل، مو نفس ما سوه علاء.
ثاني شي يباوعون عليّ هو البنيه الجايبها حتى يخونها وية مرته، اذا حلوه واذا تستاهل ف عاشت ايدك، لأن اذا طلعت مو حلوه فهاي كارثة عدهم، ليش تخون وجايب بنيه مو حلوه.

ميحتاج اكول ان الطرفين على خطأ واضح، والطرفين عبارة عن اشخاص اغبياء ما راح ينجحون بتحقيق علاقة زوجية صحية وعاطفية، مُستحيل وانا مسؤول عن كلامي.
بس الكارثة تعرف وين؟ أن الزوج ديخون زوجته ويّ بنيه .. فيجن البنات يحجن على الرجل .. وهاملات وتاركات بشكل متقصد انُ اكو بنيه تره من جنسهن هي صاحبة الخيانة!

يعني اذا كل الرجال خونة ومابيهم ثقة، فبحسبه بسيطة نكتشف أن كل النساء خونه، لأن الديخون هو اساسًا ديخون ويه بنيه من نفس صنف البشر الديلوم الخاين !!

وهذا الكلام الطرحته فوك،
يحاولن النسويات جاهدات بكل اساليبهن وكلامهن انُ يخفنّه ويبررنله بأي علاقة خيانه، يذبن الصوج والمشكلة والعار والخزي على الخاين فقط، ويتجاهلن متقصدات وجود البنيه الاخرى،
وسؤالي الك، هم سمعت فد يوم امرأة نسويه تحجي بشكل سلبي عن النساء الي يخونن ؟ طبعًا لا
هي عدها اوردو واحد فقط .. وهو شلون نطلع الرجل أسوء شي بالدنيا حتى باقي البنات يقتنعن.
لذلك ارجع واكول، اذا انتَ انسان محترم ومتربي وتخاف الله، وماعندك سوالف يمنه يسره، لا تتزوج وحده نسويّة او عدها افكارهم، صدكني قضيت على نفسك.

قبل لا ينتهي الكلام
معالجة الخيانة تجي بمعالجة المجتمع
و
ارجع اقره اول سطر كتبته..

وكلكم عيوني.

فَكِّرْ

۲ خرداد ۱۴۰۵، ۰۶:۳۱

نَشرَ أحد الأشخاص قبل فترة ستوري بعنوان "خطية الشاب العراقي"

صار مجبور يلكط رجولته المبعثرة من الريلز والترندات.
ويبني شخصيته بناءًا على المزاج ويتعلم شلون لازم يصير رجال من افواه البلوكرات، ويدون لستة طويلة من الأوامر ويحفظ سيل عارم من النصائح حتى يكون ( رجل ) بنظرهن.

- اذا ما تسوي هيج أنت مو رجل حقيقي
- اذا ما تفكر هيج انت مو رجل حقيقي
- إذا ما تجيبلي فلان شي أنت مو رجل حقيقي
- إذا ما تنشرني عالسوشيال ميديا وتفرج خلق اللّٰه انت شكد تحبني فأكيد آنت مو رجل حقيقي
- إذا ما تنتج فلوس بنسبة ٩٩٪ من وقتك وتسخّرها لإرضائي وتلبية رغباتي فتعذرني راح اضطر اصنفك مو كرجل حقيقي

دائمًا ما يتم التركيز على مفردة ( رجل حقيقي ) لأن الحقيقة المطلقة للرجولة تحسها لغز عميق لا يفقه غمارَهُ إلا البلوكرات.
لأن هي بالنهاية تريد تتزوج رجل مو ذكر، لأن هي هم عبالها إنو مفردة (ذكر )
شتيمة وانتقاص، متجاهلات معناها البلاغي الذي يدل على كونها مجرد كلمة تستخدم لتحديد جنس البشر.

حتى تكون رجل حقيقي يا صديقي، فمجالس الرجال أحق بتعليمك، الطريقة الكلاسيكية الي نشئت بيها آلاف الاجيال قبلك، تعلم من أبوك واخوك الكبير وعمك وكبيرك وشيخك واستاذك وزملاءك .. تصرف مثلهم، والبس ثوبهم، وادخل بقالبهم.
لا تسمح لايًا كان أن ينتزع منك صفة الرجولة وينتقص منك بس لكونك ما ملبي طلباته وما ماشي على مزاجه واوهامه بالاستحقاق العالي ومعاييره البائسة.

وكلكم عيوني.

9,360

فَكِّرْ

۲ خرداد ۱۴۰۵، ۰۶:۳۱

📷 Photo

8,460

فَكِّرْ

۲ خرداد ۱۴۰۵، ۰۶:۳۱

ألف دينار ،، ثمين جدًا

اني باليوم اصرف كذا مبلغ، الرقم الأصرفه احيانًا هواي واحيانًا طبيعي، بس ما اوكف على خمسة او عشرة الاف بتفاصيل اليوم، يعني اذا ردت شغلة او طلبت أكله وشفتها اغلى من قيمتها ب١٠ الاف فأشتريها عادي، وهذا الكلام بشكل يومي مو مناسبات او كذا.
اليوم كالعادة طبيت على رضا علوان داشرب كهوتي المفضلة الي صار سنين اشربها، اكتشفت من دا احاسب مصعدين قيمتها ألف دينار زيادة، استغربت،
ومادري ليش انقهرت.
شي صار سنين يومية اطلبه ب٣ الاف ونص، فجأة وبدون سابق انذار صعد سعره الف دينار فقط، رغم ان هذا المبلغ لاشيء مقارنةً بالاصرفة يوميًا، بس تغيير السعر خلاني اتراجع عن فكرة شراء القهوة يوميًا، اكتشفت شغلتين، الأولى اني شخص فعلًا كلاسيكي، من النوع الي يرفض التغيرات المفاجئة، ويحب يبقى على سستم شبه ثابت حتى يريّح باله
والشغلة الثانية الاكتشفتها
جانت بأول رشفة للقهوة المفضلة مالتي،
اجاني الشعور اليجيني بكل مرة اشربها، شعور المتعة الكونية الرهيبة
اما بخصوص الشغلة الثانية الاكشتفتها، كهوتي لو يصير سعرها مليون هم اشتريها يومية الصبح، والفوك جان مجرد تمسلت كتبته واني دانتظر تكسي بلي، صار لازم اشتري سيارة.. حتى مايصير عندي فراغ اكتب هُراء ثاني.

وكلكم عيوني.

11,200

فَكِّرْ

۲ خرداد ۱۴۰۵، ۰۶:۳۱

📷 Photo

‏"مؤخرا، اتسعت دائرة تسامحي مع المواقف والأفكار وأنماط السلوك التي أختلف معها.
نتج عن هذا؛ دخولي في حالة عميقة من السكون والطُمأنينة.
لا أترصّدُ للأشياءِ ولا أسائلها؛
ما دامت لا تُعَرِضُ أحدًا، لخطرٍ حقيقي."

16,200

فَكِّرْ

۲ خرداد ۱۴۰۵، ۰۶:۳۱

اذا نقارن بين
- اثنين نجحت علاقتهم واتزوجوا عن حب
- وبين اثنين متفاهمين اتزوجوا عن توافق بالشخصيات

الثاني راح ينجح اكثر من الأول بحياته واستقراره، قبل چنه نسمع اذا اثنين اتزوجوا عن حب ماكو اَي مبرر يخليهم يتعاوفون، بس طلع هالموضوع وَهَم نشوفه بس بالأفلام،
واذا قارنا الحب كدام توافق الشخصيات ماراح تشوفله اَي وزن وقيمة، لأن اذا تحب من كل كلبك وطبعك مو زين ممكن بسهوله تضيع حب عمرك

الحب مايغير واحد بكد مايخلي العاشق يتنازل عن طبعه المرفوض، لأطول فتره لحد مايتخلص منه وكتها يكدر يضمن الكدامه ويثق بي
ونكدر هسه نكول اَي اثنين شخصياتهم متوافقه ومتفاهمين يعيشون سعداء اكثر من اليعرف بس يحب. لأن راح تقتنع الحب وحده مو كل شي وهذا هو قمة الوعي ويخليك تعرف الحب نهايته نضج واحترام حتى تتهيأ علمود تصير شريك حياة ناجح.

وكلكم عيوني.

9,510

فَكِّرْ

۱۸ اردیبهشت ۱۴۰۵، ۲۱:۴۶

اكو 3 حرامية.

واحد يبوگ هوش والثاني يبوگ غنم والثالث يبوگ دواب، مشهورين بالقرية بفسادهم وخمطهم لحلال العالم،
يوم من الأيام أعلنوا توبتهم گدام الناس...فالناس البسيطة أمنت بيهم وخلوا حلالهم يسرح بأمان، اخذولهم چم يوم ماكو شي اﻻمور طبيعية
وره فتره بعد آمنت الناس إنباگت هایشه ركضت الوادم على حرامي الهوش التايب حلف الف يمين ما بايگ الهایشه
ثاني يوم انباگت نعجه هم ركضوا على حرامي الغنم التايب نفس الحجي ونفس الشي هم حلف ما يدري وطلع تايب
ثالث يوم إنباگن ثنين من الدواب ركضوا على حرامي الدواب هم حلف الف يمين ما بايگهن،
بعدين الشيخ وده رجل من غير قرية يطب وياهم ويشوف شنو السالفه....رجع الرجل اللي وداه الشيخ تدرون شلگه ؟
لگه حرامي الهوش فعلاً تايب من بوگ الهوش بس صاير حرامي غنم وحرامي الدواب صاير حرامي هوش وحرامي الغنم صاير حرامي دواب...يعني مغيرين اختصاصهم ومسوين تحالف جديد على حيله.

بس اهل القرية يتوبون منهم؟
باجر تشوف هههه.

وكلكم عيوني.

12,200

فَكِّرْ

۱۲ اردیبهشت ۱۴۰۵، ۰۰:۳۸

📷 Photo

اليوم جنت افكر بموضوع، شنو اليخلي 2 يبقون سوه 3 سنين او اكثر ، صديق او حبيب
علاقة بدون مصلحة، بدون أقنعة، من غير مايمَل احد من الثاني.
ماكو غير اجابة وحده، ذوله صاروا عائلة ،

العائلة مو دائمًا الي تَربيت وياهم بنفس البيت، العائلة مرات تنخلق من غير بيئة، من الشارع ، من المواقف، من الوجع والحلم المشترك.
الي يبقى وياك سنين شافك وانت صاعد، وانت واكع، وسَكّت على هواي امور حتى مايخسرك.
الي يعرف ضوجتك من صوت الموبايل، ويدزلك رسالة وانت ساكت،
مو حتى يسألك شبيك، يريد يِكَلك اني هنا
هذا مو مجرد واحد من الناس، هذا شخص صار جزء منك، صار مرايتك وملجأك وأمانك النفسي .

يا كلّ اشيائي.

وكلكم عيوني.

13,700

فَكِّرْ

۱۲ اردیبهشت ۱۴۰۵، ۰۰:۳۸

📷 Photo

وإمنحني صبرًا
يليقُ بهذا الدربَ الطويل ..

9,840

فَكِّرْ

۲ اردیبهشت ۱۴۰۵، ۰۷:۱۲

📷 Photo

_الأشعة الي گاعد ندرس عليهه بروتة الكسور بالمرحلة الخامسة في كلية الطب، غالباً أول متباع عليهه عينك حتدور على الخط الأسود وسط العظم الأبيض، باحثاً عن كسر لمحاولة إصلاحه كطبيب.
نحاول نخلي الأشعة على مكان بي ضوة (مصدر ضوء)، حتى نلگف الكسر، خصوصاً إذا چان شي ما مبين وطفيف.

الموضوع جداً مُشابه لمحاولة معرفة كسور أرواحنا وعيوب ذواتنا الي غايبة عنة ، هواي منهه مشايفي بالظلمة، يحتاج ضوة زين.
والضوة هنا مراح يكون شمس، ولا لوحة مضيئة مثل الموجودة عند طبيب الكسور، لا، حيكون “مشكلة” تعصفك وتضويلك كل العيوب والرضوض الدقيقة الموجودة بيك، حتى تعرف تعالجهه.

فلتضوج من شي يساعدك على التشخيص، لأن هاي أول خطوة للعلاج بدونهه حتبقى مريض .

غَدير

10,900

فَكِّرْ

۲۱ فروردین ۱۴۰۵، ۲۱:۳۴

📷 Photo

شكسبير بأحد مسرحياته تحدّث عن قائد روماني عظيم ومحارب شجاع خله العالم يخضع اله، هذا القائد اسمه قيصر جان عنده صديق عزيز عليّ ومعتبره شريك نجاحه وكل شيء اسمه بروتس،
بينهم عشرة ومواقف جميلة هواي مثل ما وصفها شكسبير، بيوم من الأيام مجلس الشيوخ الروماني حس بأن قيصر بده نفوذه يقوى اكثر واكثر فقرروا يغدروه ويقتلوه، منو جان مشارك بالغدر ؟ صديقه العزيز بروتس.

وبالفعل دخلوا مجلس الشيوخ على قيصر وبدوا يضربون بي ووجهة صار دم، واجه قيصر على صديقه بروتس يحتمي بيّ، فبروتس طلع سجينه وضربها بصدره
قيصر باوع على صديقه وگال جملته الشهيرة "حتى انت يا بروتس ؟ فل يمت قيصر إذن"

تحالف مجلس الشيوخ وغدرهم وضربهم للقيصر ما هزه، جان يكدر يكتلهم ويستعيد قوته، بس لحظة الانكسار الحقيقية الي قتلت قيصر هيّ خيانة صديقه اله، بحيث من شاف خيانته كال "فل يمت قيصر إذن" يعني ماله داعي اعيش بعد.

شكم بروتس عايش ويانه وبلحظة خلاف او لحظة حقد يطلع وجهة الحقيقي، رغم كل القدمناه، الأصل غلّاب.

وكلكم عيوني.

10,300

Showing 15 of 15 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

فَكِّرْ

فَكِّرْ

رتبه‌بندی

رشد مشترکان (6 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

نظرات کاربران (0)

آخرین پست‌ها