صَانعے السّعَادهہ‌‏

Public

مشاهده کانال

نمی‌توانید بپیوندید؟ @sane3elsa3daa1officiaal1

۱.۲k عضو

به‌روزرسانی شده: May 20, 2026 at 11:24 AM

صَانعے السّعَادهہ‌‏

إسلام محمد صاحب ثنائية سكان الكهف ومصيدة الموتى بمعرض القاهرة و الإسكندرية الدولي وساقية الصاوي والرياض الدولي عام 2022/2023 أعلى مبيعات في عام 2022، أصغر روائي في معرض القاهره الدولي 2022، مقدم إذاعي، صاحب رواية هلاوس والبحث عن الروح

@sane3elsa3daa1officiaal1 is a growing community focused on 20222023 and 2022 and related topics

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (8 روز گذشته)

مجموع: 1.2K

رشد 24 ساعت: +0 0%

آخرین پست‌ها

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

بداية النجاح... حين تكون الفوضى هي أول الطريق

النجاح لا يأتي دائمًا وسط الأضواء... أحيانًا يولد في غرف ضيقة، بين ضجيج العقل وهدوء العجز.
كثيرًا ما تبدو البدايات كأنها لا تؤدي إلى شيء… لكنها في الحقيقة، اللحظة التي يتغير فيها كل شيء، من دون أن يشعر أحد.

في أعماق العتمة، كان ديستويفسكي يكتب. في أروقة الخوف من الحياة، كان كافكا يهرب من النشر. وفي شقة هادئة بمدينة طنطا، كان أحمد خالد توفيق يكتب "ما وراء الطبيعة" غير عابئ بمن سيقرأ.
هؤلاء لم تكن بداياتهم لامعة، بل كانت صادقة، وهذا ما جعلهم خالدين.

النجاح ليس صراخًا في البداية… بل همسٌ داخلي

كافكا، ذلك الرجل الذي عاش حياة باهتة على الهامش، لم يكن يؤمن بأن كلماته تستحق أن تُقرأ. طلب من صديقه أن يحرق كتبه بعد موته، لكن القدر كان له رأي آخر.
نجح كافكا، ليس لأنه أراد النجاح، بل لأنه كتب ما يليق بروح الإنسان المكسور.

النجاح الحقيقي يبدأ من الداخل… من لحظة تهمس فيها لنفسك: "أنا عندي حاجة تستاهل تتقال، حتى لو مفيش حد بيسمع دلوقتي."

المعاناة ليست نقيض النجاح… بل جزء من صناعته

ديستويفسكي لم يصبح واحدًا من أعظم كتاب العالم لأنه عاش في راحة.
بل كتب "الجريمة والعقاب" بعد سنوات من النفي والسجن والإعدام المؤجل.
المعاناة التي مرت به لم تكسره… بل علمته كيف يكشف روح الإنسان في أقصى لحظاته ضعفًا وشرًا وخوفًا.

النجاح لا يصنعه النعيم… بل تصنعه النار التي لا تحرقك، بل تشكّلك.

التواضع الإنساني: أحمد خالد توفيق نموذجًا

ربما لم يعتبر أحمد خالد توفيق نفسه ناجحًا بمعايير الجوائز والمراكز الأكاديمية…
لكن ملايين الشباب الذين تربوا على كلماته، يعرفون أنه كان معلمًا، صديقًا، ومرآة صادقة.

قال يومًا: "الكتابة لم تكن بطولية… بل محاولة للبقاء."
وهذا هو جوهر النجاح الحقيقي: أن تفعل شيئًا نابعًا من داخلك، حتى وإن ظننت أن لا أحد يهتم.

البداية الحقيقية: لما تتصالح مع نفسك

أصعب لحظة في طريق النجاح مش لما الناس تهاجمك، ولا لما تحس إنك مش بتتقدم…
أصعب لحظة هي لما تبص في المراية، ومتعرفش تقول لنفسك: "أنا أستاهل أحاول."

بس صدقني… اللحظة دي هي البداية.
لما تعترف لنفسك إنك مش ضعيف… إنك مش عديم القيمة… إنك إنسان بيحاول، وده كفاية جدًا في البداية

دع العالم ينام… وابدأ أنت

مش لازم تبقى البداية عظيمة، مش لازم تكون واضحة.
البداية ممكن تكون جملة كتبتها ومحدش قرأها… فكرة خطرت على بالك ونسيتها… أو حتى لحظة بكيت فيها لأنك حاسس إنك فاشل.

لكن صدقني، كل الطرق الكبيرة تبدأ من خط رفيع لا يراه أحد غيرك.
البداية ليست عندما تصفق لك الجماهير… بل عندما تصدق إنك تستحق أن تبدأ.

379

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

📷 Photo

قصة جديدة

#إيقاظ_إجباري
#إسلام_محمد

257

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

ما أنت متسبنيش ل دماغي وبعدين تيجي تحاسبني عل لو الِ دماغي فهمتوا، أسوء حاجه ممكن اي حد يعملها ل بني آدم كدا أن هو يسيبو ل دماغُه "بتحبني متسبنيش لـ دماغي" متخليش دماغي تسوحني في أفكار ممكن بجد يكون مالهاش اي علاقة بالواقع بس هي دماغي سوحتني هناك، مش متخيلين قد اي دماغ الناس ال overthinking مؤذيه بجد مؤذيه دي أقل حاجه ممكن تتقال عليها فتخيل شخص تكون دماغُه أكبر عدو ليه أنت تسيبه ل دماغه، تحب حد متسبهوش ل دماغُه لان أنت بجد ساعتها بتكون بتسيبه لـ اسوء حاجة ممكن تحصلهُ.

605

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

📷 Photo

ضحكوا علينا لماكنا أطفال ونتابع ونحب السنافر:

شخصية شرشبيل في مسلسل السنافر في الحقيقة ليست من تمثل الجانب السيء والشرير في the Smurfs cartoon وهذه أكثر الروايات تداولاً حول القصة..

فشرشبيل كان مجرد كاهن فقير يعيش في كنيسة اسمها برج الجرس الأسود والقط الذي كان معه في الحقيقة هو عزرائيل ويتبع شرشبيل للقضاء على الشر حيث يقال أن السنافر الرئيسية كانت تمثل الخطايا السبع المميتة

(الشهوة/الغرور/الشراهة/الغضب/ الجشع/ الحسد/الكسل)

و التي تُعرف أيضًا بإسم الذنوب "الكاردينالية"

و هي تصنيف لمعظم شرور النفس البشرية المخبأة في كائنات زرقاء لطيفة..

أما بابا سنفور كان يرتدي اللون الاحمر لأنه هو رأس كل الذنوب القاتلة..

أي أنه الشيطان..

وعلى حسب هذه الرواية فإن السنافر كانت أرواحًا شريرة تتكاثر في أيام اكتمال القمر بالتعاويذ السحرية..

والبراءة الموجودة فيها هي مجرد زي لإخفاء الشر على الأرض..

من كتاب التاريخ المحظور للمؤلف جيه دوغلاس

537

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

📷 Photo

السؤال ده بوخ قوي وبقيت اتعرض له يوميًا يجي بتاع ثلاث اربع مرات ما اظنش إن هيفرق عند حد سواء أنا ارتبطت بحد أو فركشت أو غيره لأن دي حاجه خاصه بحياتي أنا انت حضرتك على عيني وعلى راسي أنت بتابع إسلام في شغله انما مش في حياته الشخصيه أنك تتكلم حاجه زي دي واللي عارفيني كويس عارفين أن أنا ما بطلعش اتكلم عن حاجه غير لما تبقى أوفر زياده عن اللزوم وفي كل الاحوال علشان نقفل الباب ده إطلاقًا أنا واحد مرتبط بشغلي ودراستي وحياتي وبس يعني الباب ده مقفول تمامًا

729

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

كنت بتكلم مع دكتور "نفسي" عن شيء مازال بعد سنوات طويلة يؤلمني فسألني:

- انت مستنيه اعتذار؟ اعتراف بالخطأ؟ محاوله لتصحيحه؟ مستنيه من مين؟ من مصدر الاذى؟ مستنيه قفلة افلام "الحق ينتصر على الشر" ؟

المتسببون في الالم ليسوا مسؤولين عن التعافي..

التعافي دا شغلتك انت، هما عملوا دورهم زي الفل واذوك ومشيوا، انت بقى مهمتك تتعافى، الـ closure بتاعك انت، انت وبس..

696

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

حرر نفسك ودور على حريتك بأيدك، الوقت بقى ضدك ولازم تحاربه علشان توصل لنتيجة مُرضية، المرحلة الأولى من اللعبة هتم بعد الساعة 12، هتلاقينا بنبعتلك كل التفاصيل.
وانتهت الرسالة على كدة، يظهر فعلا إني خلاص بقيت جزء من واقع مرير، مليش حُكم فيه ولا اختارته بإرادتي بالعكس دا أنا اُجبرت عن عمد، بس خلاص مبقاش فيه حلول قدامي غير أني انفذ كل اللي هما عاوزينه علشان انفد بجلدي، منك لله يا جلال أنت السبب في كل دا، ولولا إنك فكرت تدخل في الموقع الزفت دا مكنش زمان دا كله حصلنا، ويا عالم هما اللي اجبروك إنك تعمل كدة في نفسك ولا لأ، فضلت قاعد على أعصابي مستني قدري بإيدي، مستني رسالة من الناس دي بالتفاصيل إللي قالوا هيبلغوني بيها الساعة 12، وفعلا بمجرد ما جات الساعة 12 التليفون بدأ يظهر إشعار جديد، فتحت الرسالة وكانت كالآتي...
_هي لعبة مكونة من مرحلتين، المرحلة الأولى هي عبارة عن شيء بسيط جدًا، هترسم على جسمك وشم زي اللي موجود في الفيديو دا، وبعدين هتقعد جوة طبق مليان ميه باردة، ومتنساش أنت لو منتفذتش اللي مطلوب منك والدتك هتكون ضحيتنا الأولى.

**

مكنش قدامي غير أني أنفذ كل حرف قالوا عليه وفعلا عملت اللي أطلب مني بالظبط، حاولت أنام بعد ما خلصت المطلوب مني، ولكني قلقت بص في الساعة لقيتها تلاته بليل، قُمت بالصدفة لقيت كل الساعات واقفة عند تلاته ومبتتحركش، حتى ساعة الموبيل كمان واقفه، وقتها سمعت صوت حاجة بتقع على الأرض كان جسم تقيل اترمى على الأرض الصوت دا كان من أوضته أمي، خرجت لقيت ماما لابسه جلابيه سودة، ووافقه في نص الاوضة مش بتتحرك كانت واقفه ومتصلبة ووشها شاحب وعينها مبترمش خالص اتخضيت من المشهد وجريت عليها، ما هي مهما كان دي أمي مش هخاف منها، فضلت اهز فيها لحد ما فاقت، ما كانتش فاكره أي حاجة من اللي حصل وكانت خايفه جدًا، حاولت أطمنها وقررت أن انام جنبيها الليلة دي، صحيت تاني يوم الصبح ما لقيتهاش جنبي دورت عليها لقيتها نايمه على أرضيه الحمام، ما كانش قدامي أي حل غير إني اصيحها وكنت بحاول أقنع نفسي إني امي بقيت بتمشي وهي نايمه، الموضوع بدأ يوصل لوالدتي وخرج عن سيطرتي، أنا بقيت مجرد دُعابة في ايدهم...

**

تاني يوم صحيت مفزوع في نص الليل على صوت خبط جامد على باب الاوضة وقبل ما أفكر أتحرك من على السرير اتفجاءت إن الشباك بتاع الاوضة مفتوح على الآخر، مع إني متأكد إني قفلوا بنفسي قبل ما أنام، لسه جاي أقوم أقفله لاحظت إن فيه واحدة ست قاعدة على الأرض في ركن الاوضة عندي، وشها شاحب عينها واسعة ومشقوقة بالطول فيها لمعة غريبة تشبه لمعة عيون القطط في الليل، كانت نحيفة جدًا وكأنها هيكل عظمي مفهوش لحم، وكان بيطلع منها صوت غريب صوت يشبه الزمجرة، بدأت ألاحظ إن الست دي مبتمشيش دي تزحف زي التعابين، فضلت تزحف لحد ما وصلت للسرير وسندت عليه ورفعت نفسها لفوق، لحد ما قربت مني وعينيها مفتوحة على الآخر وبتبوصلي بشكل مرعب ومخيف وقالت بصوت خشن مليان حشرجة ولهجة كلها شر قالت أسمي، بعدها حسيت بكهربا بتسري في كل جسمي وفي لحظة اختفى كل شيء انا خلاص بجد بقيت على شتى الجنون، يارب ساعدني ونجيني نفسي بقى اخلص من الجحيم ده كل، وكالعادة بعد كل مصيبة جات لي رسالة جديدة...
_ظهرت لنا شجاعتك في المرحلة الأولى، وجه وقت الإختبار التاني، يا ترى هتنجح فيه زي الأولاني ولا هتختار نهايتك بأيديك، مصيرك من اللحظة دي بقى بين ايديك
فكتبت له:
_طب والاختبار ده هيكون عبارة عن ايه؟.
_حاجة بسيطة وسهلة جدًا كل الموضوع أنك هتقتل.
_هقتل!!.
_أيوا أحنا محتاجين منك قربان بشري.
_بس أنا مستحيل أعمل حاجة زي كدة.
_أنت خلاص مبقتش مُخير، قدامك بالظبط 24 ساعة لو منفذتش فيهم اللي مطلوب منك، والدتك هتكون ضحيتنا الجديدة، يا إما في حل تاني.
_اي هو؟.
_تقتل نفسك وتكون أنت القربان، أي رأيك؟.
_اقتل نفسي؟!.
_مبقاش قدامك وقت كتير علشان تختار أو تفكر.
_طيب أنا موافق، بس أمي ملهاش أي ذنب، ولا ليها اي دعوة بالموضوع ده، أنا مستعد أعمل لكم كل اللي أنتم عاوزينه، بس بترجاكم بلاش أمي، أمي لأ سيبوها في حالها، وأنا مستعد أعمل اي حاجه تؤمروني بيها.
_خلاص يبقى تقدم نفسك قربان لينا.
_طيب أنا عاوز أعرف حاجة اشمعنى أنا إللي اختارتوه؟.
_علشان أنت وامثالك لازم نخلص منكم، وعددنا في الأرض يقل، دا اللي بنسعى له دايمًا، هدفنا هو تقليل عدد البشر والقضاء عليهم، أنتم ما تستحقوش الحياة أحنا اللي بنقرر مين اللي يعيش معانا ومين اللي يموت أنتوا مجرد رعاع.
_هو أنتوا مين؟؟.

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

_مُسكين كل دا ولسه متعرفش إحنا مين؟، أحنا المُتنورين أصحاب الأرض الأصليين، نحنُ أحفاد نسل داوود المُعظم، بنسعى دايمًا لتحقيق أهدافنا وتوسيع سلطتنا علشان نسترد مُلكنا من جديد
_بس أنا اي دخلي بكل الكلام دا؟
_ولا عمرك هتفهم حاجة، معاك ساعة من دلوقتي، يا تقتل نفسك وتقدم دمك قربان لينا يا إما أحنا هنتصرف، وفي كلا الحالتين أنت ميت لا محالة.

مُجرد ما خلصت قراءة الرسالة الشات اتحذف بالكامل، كل حاجة اختفت مبقاش ليها أثر، مبقاش قدامي دلوقتي وقت كتير، أنا قررت اكتب كل اللي حصل معايا، بكتب وأنا عارف إن دي آخر مرة أكتب فيها قد ايه الشعور مؤلم وقاسي، مبقاش فاضل قدامي غير دقايق معدودة، أنا كتبت كل حاجة، ولو حد وقع في أيده المذكرات دي ينشرها للناس يُوعيهم ويُحذرهم من الدخول على المواقع اللي زي دي، سمعت باب الاوضة بيخبط، فضلت أقول مين أكتر من اربع مرات، والخبط لسه مُستمر ومحدش بيرد، أنا هقوم أشوف مين بس لو مرجعتش وكتبت يبقى أنت عارف أي اللي حصلي.

تمت بحمدلله

#_البـوابة_الأخيرة
#إسلام_محمد

689

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

البـوابة الأخيرة
مستوحاة عن أحداث حقيقية....

استأذنت منها إني أدخل الاوضة، ولما دخلت كنت حاسس بـ ريحة جلال فيها، الذكريات عماله تيجي قدام عيني، فين لما كنا مع بعض دايمًا بنضحك وبنهزر وبنتخانق قد ايه ما بنحسش بقيمة الحاجة غير لما بتروح مننا، لمحت بعيني تليفون جلال كان على المكتب، حاولت افتحه بس غالبًا كدة كان فاصل شحن، مش عارف اللي عملته وقتها دا ساعتها دكان صح ولا غلط، بس أنا خدت التليفون معايا من غير ما والدته تعرف، ما هو أنا مش مجنون لازم أعرف ايه الحكاية بالظبط، ولازم الاقي تفسير للّي حصل ده، قعدت شويه مع والده جلال وبعدين رجعت البيت ودخلت اوضتي من تاني وسيبت التليفون يشحن، وفضلت قاعد قدامه لحد ما شحن حوالي 50% فتحته ومن حسن حظي إني عارف الباسورد بتاع جلال، لقيت أكتر من ميسد كول أغلبه كانوا من خطيبته، ورسائل كتيره مبعوته له، فتحت الواتس وفضلت أقلب في الشاتات لقيت شات بينه وبين خطيبته، وكام شات تاني، لحد ما لقيت الشات بتاعنا ففتحته، ولكني لقيت آخر رسالة بيني وبين جلال كانت قبل ما يتوفى بأربع أيام، آمال مين اللي بعتلي الرسالة دي؟، الحوار ماله اتعقد أكتر من الأول كدة لية، اتخضيت لما لقيت تليفوني بيرن ببص لقيته رقمه غريب...
_الووو.
_ازيك يا نائل عامل اي، أنا رانيا خطيبة جلال الله يرحمه.
سكت لثواني وأنا مستغرب اتصالها...
_اه، أزيك يا رانيا عامله أي.
_أنا آسفه إني أتصلت عليك في وقت زي دا، بس أنا عاوزه أتكلم معاك في موضوع مهم لو مش هعطلك.
_اكيد طبعًا، خير في أي؟.
_أنا حاولت أتواصل معاك من كام يوم بس أنت كنت قافل موبيلك، على العموم علشان مطولش عليك هو الموضوع يخص جلال الله يرحمه، جلال قبل ما يتوفى بيومين كان بيحكيلي حاجات غريبة بتحصل معاه، بس أنا واثقة إني جلال عمره ما كان بيفكر في الانتحار في حاجة غلط جلال ميعملش كدة صدقني.
_رانيا ممكن تهدي كدة وتفهميني الموضوع من الأول خالص وياريت تحكيلي اللي كان جلال بيقوله لك بالتفصيل.
_حاضر، بص أنا هقولك كل إللي اعرفه، من فترة قريبة بدأت ألاحظ إن أسلوب جلال أتغير معايا، بقى سرحان طول الوقت، مبيتكلمش زي الأول دايمًا قلقان، حاولت أعرف منه أي اللي حصل، كان بيتهرب مني، فسألته لو أنت بتعمل كدة علشان منكملش سوا قولي وأنا هقدر دا ومش هزعل، كان كل اللي بيقولهولي حقك عليا يا رانيا، كل اللي بيحصل دا غصب عني حاولت أعرف منه قصده أي ساعتها رفض يقولي، وقبل ما يتوفى بيوم لقيته بعتلي على الواتس إنه عاوز يكلمني فون، فلما قريت الرسالة رنيت عليه، لقيته كان بيعيط، أنا كنت ساعتها أول مرة في حياتي حرفيًا الاقى جلال ضعيف كدة، حاولت أعرف ماله، قام قايلي جملة عمري ما هنساها، (رانيا عارف إن نهايتي قربت خلاص)، فضلت اسأله ليه بيقولي كدة الخط فضل يقطع بس غالبًا سمعته بيقول موقع بصراحة الصوت مكنش واضح أوي، مكنتش عارفة أي العلاقة، بس أنت كنت أقرب صاحب لجلال وهو دايمًا كان بيحكيلي عنك، أنا كلمتك مخصوص علشان ممكن يكون قال لك حاجة ما حكهاش ليا.
_للأسف يا رانيا لو كنتي فاكره إني عندي رد على اللي أنتِ قولتليه دا كنت ساعدت نفسي الاول، أنا مبقتش ولا فاهم ولا عارف أي حاجة.
_أنا آسفه على الرغي ده كله، بس فعلا جلال واحشني قوي، وأنا مش قادرة أصدق إن هو ممكن يعمل في نفسه كده.
_ ما حدش مصدق اللي حصل ربنا يرحمه ويسامحه.
_انا متأسفه جدًا اني رنيت في وقت زي دوت تصبح على خير.
_لا عادي ما فيش اي حاجة وأنتِ من اهله.

**

قفلت المكالمة وأنا كنت متردد ليه محكيتلهاش عن الرسالة اللي جاتلي، سندت رأسي على المخدة وأنا تايه في تفكيري، فوقت على صوت اشعار رساله من تليفوني، فتحتها لقيتها بردو رسالة من رقم جلال، فتحت موبيله ملقتش حاجة مبعوته ولا حتى الشات اللي بينا زاد كلمة، وبعدين بقى في اللخبطة دي، الرسالة المرة دي كانت مكتوبه كالآتي، (نائل متخفش هتفهم كل حاجة بس في وقتها، متحاولش تفكر كتير أنت لازم تساعدني)، وأنا بقرا الرسالة هرشت في رأسي
لقيت الشخص ده بيكتب رساله جديدة:
_انا معاك دلوقتي في اوضتك يا نائل حتى شايفك وأنت بتهرش في رأسك، مالك مستغرب ليه؟.
أنا الدم نشف في عروقي، ومن خضتي التليفون وقع من أيدي على الأرض جسمي كله تلج، يا ترى مين الشخص ده وعرف إزاي، وطيت على الأرض وجيبت التليفون بسرعة وأنا أعصابي كلها عماله تترعش، وكتبتله...
_أنت مين؟.
_مش مهم تعرف أنا مين، وصدقني مش هيفرق معاك كتير المهم أنك تعرف صحابك جلال اي السبب ورا موته؟، وأنا بكلمك دلوقتي علشان محتاج مساعدتك.
_أنت عارف لو مقولتليش حالا أنت مين أنا...
_بص من غير كلام كتير، أنا جايلك في مهمة محددة أنا هنا علشان اساعدك وفي نفس الوقت محتاج مساعدتك خدمة قصاد خدمة، ما أنت بردو حقك تعرف صحبك مات ليه، مش كدة بردو؟.

صَانعے السّعَادهہ‌‏

۹ اردیبهشت ۱۴۰۵، ۰۳:۱۰

هو يا دوبك بعت الرسالة دي وكنت كل ما ببعت رساله كان بيجي لي علامة فشل الإرسال أكتر من مرة، فضلت قلقان ومطبق لتاني يوم، وأنا ماسك التليفون كل شوية ابص فيه على أمل الاقي رسالة جديدة، فضلت على الوضع ده لحد الساعة 12:00 بالليل ولقيت تليفوني بيرن ومكتوب Un None Number، مكنش فيه رقم ظاهر قدامي، رديت لقيت صوت جلال، جلال كان هو اللي بيكلمني وبيقولي...

_نائل انت لازم تنقذني انا في مكان كله ضلمه وبسمع اصوات غريبه كل شويه
لقيتني بقوله وأنا مصدوم...
_جلال هو أنت عايش، طب إزاي، أنا مبقتش فاهم حاجة؟.
تجاهل كلامي وبيقول لي:
_هيوصلك تطبيق دلوقتي لازم تحمله وبعديها تدخل على اللينك التاني بعد ما تثبت التطبيق وأنت هتفهم كل حاجة وهتلاقي أجابة على كل اسئلتك.

**

لسه هكمل كلامي واقول له تطبيق ايه اللي أحمله، ويا ترى عبارة عن أي التطبيق ده، لقيت الخط قطع، ومفيش ثواني ولقيت رسالتين عبارة عن لينكات، فتحت اللينك الأول بمجرد ما دوست عليه لقيته بيحمل تلقائي على التليفون وبعد ما حمل اتثبت تلقائي لوحدة، التطبيق كان شكلة غريب، لونه كان أخضر غامق وجواه غراب عيونه حمرا ومكتوب تحتيه ToR، ومن هنا بدأت أحس إن سيطرتي على تليفوني فقدتها واتفتح قدامي الشات بتاع الواتس وظهر قدامي اللينك التاني وبمجرد ما دوست عليه شاشة التليفون اتحولت لشاشة سودة وعلامة التطبيق اللي اتحمل ظهرت وبدأ يظهر على الشاشة الغراب ضخم عيونه بتتحرك بشكل مرعب لقيت وبعديها ظهرلي لينك تاني، دووست عليه الصفحة اتحولت ولقيت نفسي في صفحة تانية، لأول مرة أحس إن فضولي هو اللي بيتحكم فيا مش أنا، ظهرت قدامي قائمة وفيها تلات فيديوهات، الفيديو الأول مكتوب تحتيه شاهد طلقة بالرأس بث مباشر، الفيديو الثاني كان مكتوب تحته شاهد طعنة بالبطن بث مباشر، الفيديو الأخير كان مكتوب شاهد قطع الرأس بث مباشر، فضلت ابص على لينكات الفيديو لحد ما أخترت الفيديو التاني ودووست عليه، وما تسألونيش أنا أخترته ليه حقيقي معرفش، الفيديو بدأ وظهر روم بتنور أحمر، وظهر في الفيديو ظل لشخص قاعد على كرسي في ركن ضلمه، وبعدين قام من على الكرسي، كان راجل ضخم لابس بنطلون وجاكيت أسود طويل ولابس قناع مغطي وشه بالكامل، وكان في ايده حاجه اشبه بالسطور اللي بيستخدموه الجزارين، وبدأت الكاميرا تروح على شخص تاني في الاوضة قاعد على الكرسي ومتكتف، وكان على رأسه مسك مغطي ملامحه كلها، بدأ الراجل الضخم دا يقرب من الشخص اللي على الكرسي لحد ما شال القناع من عليه ، اتفجاءت لما اكتشفت إن اللي متكتف في الكرسي دا مش راجل دي بنت، حاولت أركز في ملامحها، علشان اكتشف إن إللي في الفيديو دي رانيا خطيبة جلال، رانيا وشها كان أصفر شاحب وعماله تعيط من غير صوت وباين عليها أثر تعذيب، والشخص اللي ماسك السكينة فضل يقرب منها، حاولت أدوس على كلمة الغاء على أمل أني أغير أي حاجة، ولكن للأسف تمت المهمة إللي أنا اختارتها بنفسي واتقتلت رانيا قدام عيوني، مكنتش مصدق اللي بيحصل كنت حاسس أني في كابوس، رانيا اتقتلت والبركة فيا أنا اللي اخترت قتلها بأيدي، أنا هفضل طول عمري عايش بذنبها، أنا السبب يمكن لو ما كنتش اخترت ما كانش حصل اي حاجة، أنا مستحيل أسامح نفسي على اللي عملته دا، مبقتش قادر اسيطر على نفسي بقيت بعيط زي الأطفال ومبقاش بأيدي أي حاجة اعملها، ولا عارف أخلص من إللي أنا فيه ده، جالي اشعار برسالة جديدة...
_أنت زعلان ليه ما هي كان لازم تموت، مش أنت إللي اخترت، وأحنا يا دوبك بنفذ طلبك.
بصيت على الرسالة ومردتيش، لقيت رسالة جديدة اتكتبت...
_بكرة هنكمل بقيت المهمة، ولازم تسيطر على حزنك بعد كدة.
قفلت التليفون خالص وشيلت منه كل حاجة تقريبًا، وضميت أيديا حوالين ركبتي وتكومت جمب ركن في الاوضة ومدريتش بنفسي غير تاني يوم، نمت من كتر التعب والخوف النوم فعلا وحش هجم عليا استسلمت له ونمت في مكاني، صحيت من النوم ملغبط أنا فين وايه اللي حصل، بصيت على التليفون لقيته مقفول زي ما هو، قولت طب والله ما أنا فاتحك خليك بقى كدة وقفلت تليفون جلال كمان، وريني بقى إزاي أنتوا هتوصلولي، بس اتاريني كنت مغفل كنت فاكر إن أنا بالطريقة الساذجة دي هكون مأمن نفسي منهم، ومش هيعرفوا يوصلوا ليا، ولكني اتصدمت لما لقيت التليفون اتفتح لوحدة تاني، دووست على زرار الباور وقفلته، وبعد ما اتقفل فتح تاني لوحدة، كل ده وأنا سيطرتي على تليفوني فقدتها، وفقدت التحكم فيه بطريقه غريبة، أول ما التليفون فتح تاني ظهرت ليا رساله جديدة كان مضمونها...
_ ما تحاولش إنك تتهرب مننا، إحنا معانا كل معلوماتك، كل حاجة تخصك موجودة ما بين ايدينا، ودلوقتي جيه الوقت إللي لازم تثبت فيه ولائك لينا، هي لعبة، لو نجحت فيهم هتبقى حياتك اتكتب لها عمر جديد، وحررت نفسك للأبد، ولكن لو فشلت في أي محاولة من محاولتين فقط، روحك هتكون بين أيدينا خلال لحظات بسيطة، واظن أنت عارف كويس إن أحنا نقدر نعمل ايه، ما فيش مفر مِنا

Showing 10 of 10 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

صَانعے السّعَادهہ‌‏

صَانعے السّعَادهہ‌‏

رتبه‌بندی

رشد مشترکان (8 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

نظرات کاربران (0)

آخرین پست‌ها