ነገረ ወንጌላውያን

Public

مشاهده کانال

نمی‌توانید بپیوندید؟ @negere_evangelical

۴.۷k عضو

به‌روزرسانی شده: May 15, 2026 at 4:23 PM

ነገረ ወንጌላውያን

በወንጌላውያን አማኞች ዘንድ የሚፃፉ ፅሁፎች፣ ዘገባዎችና ዜናዎች ይቀርባሉ! ትምህርቶች፣ መረጃዎችና ምካቴ እምነቶች በዚህ ቻናል ይስተናገዳሉ! በተለያዮ ሶሻል ሚዲያዎች የሚገኙ ፀሐፊያን የሚፅፉቸው ፅሁፎችን እናጋራለን።

Follow @negere_evangelical to stay updated with the latest مذهب trends and news

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (6 روز گذشته)

مجموع: 4.7K

رشد 24 ساعت: +61 1%

آخرین پست‌ها

ነገረ ወንጌላውያን

۱ خرداد ۱۴۰۵، ۱۹:۲۳

ተስፋ ቢስነትን የገደለው ተስፋ!
(አሌክስ አብርሃም)

ይህ ስዕል "The Body of the Dead Christ in the Tomb" የሚሰኝ ሲሆን የሳለው ደግሞ ዝነኛው የጀርመን ሰዓሊ ሃንስ ሆልባይን ነው። ድሮ ነው የተሳለው ...በ1520 አካባቢ።

​ስዕሉ የሚታወቀው የክርስቶስን ስቃይ እና ሞት እጅግ በሚያስደነግጥ እና ወደእውነት በተጠጋ አሳሳል (Realism) በመግለጹ ነው። ሰዓሊው የሰውነት መበስበስን እና የሞት አስፈሪነት አሳይቶበታል ።

ስዕሉን ስትመለከቱት ገና ከስዕሉ መጠን ጭንቀታችሁ ይጀምራል። የሞትን ብቻ ሳይሆን የመቃብርን አስጨናቂነት ያሳያችኋል። እዚህ ቁማችሁ እዛ ኢየሱስ ጋር የተቀበራችሁ እስኪመስላችሁ ትንፋሽ ያጥራችኋል። ረጅም እና ጠባብ (30.5 ሳ.ሜ x 200 ሳ.ሜ) በቃ በጠባብ መቃብር ውስጥ ያለውን ስሜት መታፈን መወሰን ብቸኝነት ፣ መተው እንዲሰማችሁ ያደርጋል።

ዝነኛው ሩሲያዊ ደራሲ ፊዮዶር ዶስቶቭስኪ ይህን ስዕል አይቶ ብርክ እንደያዘው ሚስቱ ተናግራለች። እርሱም "ይህ ስዕል የአንድን ሰው እምነት ሊያጠፋ ይችላል" በማለት በታዋቂው "The Idiot" መጽሐፉ ላይ ጠቅሶታል። እውነት ነበረው.. ከዛ በፊት የኢየሱስ ምስል ሲሳል ሞት እንኳን እንዲያምርበት ተደርጎ፣ በግርማ ሞገስ በብርሃን አምድ ነበራ። ከፈኑ እያበራ ፣ መቃብሩ ሰፋ ብሎና አጃቢ መለዓክት ከራስጌና ግርጌ ቁመው። ይሄንኛው ከፍፁም አምላክነቱ ወዲህ ያለውን ፍፁም ሰውነት በፍፁም ሰዋዊ ሞትና የሞት ተፅዕኖ ነው የሳለው።

​
​በስዕሉ ላይ የክርስቶስ አካል እንደማንኛውም ተራ ሟች ሰው መበስበስ የጀመረ፣ የገረጣ፣ የቆሰለ እና የጠቆረ ሆኖ ነው የተሳለው። ዶስቶቭስኪ "አንድ ሰው ይህን በስጋ የቆሰለ እና የፈረሰ አካል አይቶ እንዴት 'ይህ አካል ተመልሶ ይነሳል' ብሎ ሊያምን ይችላል?" የሚል ስጋት አድሮበታል። ስዕሉ ትንሳኤን ሳይሆን የሞትን ድል አድራጊነት የሚያሳይ ይመስላል።

​​በመጽሐፍ ቅዱስ ትረካ ውስጥ ሞት በትንሳኤ እንደሚሸነፍ ይታወቃል። ሆኖም በሆልባይን ስዕል ውስጥ ምንም አይነት መለኮታዊ ብርሃን፣ መላእክት ወይም የትንሳኤ ፍንጭ አይታይም። ስዕሉ የሚያሳየው ብቸኝነትን፣ ጨለማን እና የመቃብርን ጥብቅነት ብቻ ነው። ይህ ደግሞ በእምነት ውስጥ ያለውን "ተስፋ" የሚፈታተን ሆኖ አግኝቶታል። ጓድ ዶስቶቭስኪ።

የሆነ ሆኖ ኢየሱስ ይህን አስፈሪ መርገምት አሸንፎ ተነሳ!! ምን ለማለት ነው አይዞን እንደግለሰብ፣ እንደቤተሰብ፣ እንደህዝብና እንደአገር ትንፋሽም ተስፋም የሚያሳጣ ጊዜ ላይ ሆነን ይሆናል፤ ፀሐፊው ሰዓሊው ተንታኙ ተስፋም የለን እያለ ይሆናል። ግን ተስፋ ከማይጨበጥ መላምትም፣ ከተጨባጭ ትንተናም ያለፈ ነገር ነው። ይሄንኛው ሳምንት በመላው የክርስትና እምነት ተከታዮች ዘንድ ከመጨረሻው ተስፋ ቢስ ጉዳይም የመጨረሻው ህያው ተስፋ እንደሚወለድ የምናስታውስበት የምስራች ጊዜ ነው!! አይዞን!!

1,990

ነገረ ወንጌላውያን

۱ خرداد ۱۴۰۵، ۱۹:۲۳

📷 Photo

2,280

ነገረ ወንጌላውያን

۱ خرداد ۱۴۰۵، ۱۹:۲۳

📷 Photo

1,500

ነገረ ወንጌላውያን

۱ خرداد ۱۴۰۵، ۱۹:۲۳

ነብያቱ አንድ ቀን ያሕዌ ይነግሥ ዘንድ ወደ ኢየሩሳሌም ይመጣል ይሉ ነበር። ሲመጣ ዋነኛ አላማው ሕዝቡን መታደግና መላ አለሙን ማስተዳደር እንደሆነ ይናገራሉ። ሌሎች ነብያቱ ደግሞ ፍትሕና ሰላምን የሚያሰፍን ንጉሥ በአህያ ሆኖ ወደ ኢየሩሳሌም እንደሚገባ ይተርካሉ። እነዚህን ተስፋዎች በሙሉ የመፈጸማቸውና ሲጠበቅ የነበረው ንጉሥ ኢየሱስ መሆኑን የወንጌላት ትርክት ማጠንጠኛ ማዕከል ነው።

ነገር ግን የኅይማኖት መሪዎቹ ይህንን ታሪካዊ ኩነት የጎሪጥ ተመልክተውት ነበር። ኢየሱስም ቢሆን የሆሳእናው ሁኔታው ዘላቂ አለመሆኑን ከማወቅና ሕዝቡ እርሱን እንደ እግዚአብሔር ንጉሥ ከመቀበል ይልቅ ወደ ተለመደው አውዳሚ ጉዟቸው እንደሚመለሱ በማወቅ አልቅሶ ነበር።

እስራኤል በሙሉ የሚያደርጉት ነገር ወደ ሞት የሚነዳ ነበር። ደኻውን መጨቆን፣ ከቅኝ ግዛት ለመላቀቅ የሚደረግ ውጊያ በሙሉ የሚያደርሰው ወደ ሞት መሆኑን ኢየሱስን ያውቅ ነበር። ስለዚህም ነው ያለቀሰው። የመጎብኘት ዘመኗን ባለመወቋ፣ የተስፋዋ ትፍጽምት በመከሰቱ፣ ንጉሧ በመኸከሏ ሆኖ ነጻነቷን ሊያቀዳጃት መሆኑን አልገባትምና በኅዘን አነባላት።

ኢየሱስ ወደ ኢየሩሳሌም የዘለቀው የመጎብኘት ዘመኗን ላላወቀችውና መሲሑዋን በአግባቡ ተረድታ ለመቀበል ለቸገራት እስራኤል በማንባት ነው። ነጻነቷን ለመቀዳጀት የምታደርገው ነገር በሙሉ አውዳሚ መሆኑ ላልገባት እስራኤል በማዘን ወደ መቅደሷ መዝለቅ ግድ ሆነበት። ሞትን የሚሽረው ንጉሥ፣ የእግዚአብሔሩ ንጉሥ ንግሥናው ይፈጸም ዘንድ በእስራኤል የፍሲካ ክብረ በዓል ወቅት ተገኘ።

አማኑኤል አሰግድ

1,730

ነገረ ወንጌላውያን

۱ خرداد ۱۴۰۵، ۱۹:۲۳

ልኳንዳው የማን ነው?

ከተስፋዬ ሮበሌ

“አሟማቴን አሳምርልኝ” ሲሉ የኖሩ አንድ ኦርቶዶክሳዊ አባት ሕማማቸው ሲበረታ፣ ሽምግልናቸው ሲጸና፣ “ከሞቴ በፊት፣ ‘ሥጋ ወደሙን መታሰቢያ’ አቅምሱኝ” ይላሉ። በጥያቄአቸው መሠረት አቅራቢያቸው የምትገኝ የካቶሊክ ቤተ ክርስቲያን፣ “ሥጋ ወደሙን መታሰቢያ” ታቀርብላቸዋለች።

ካቶሊክ ቤተ ክርስቲያን ሄደው፣ “ሥጋ ወደሙን መታሰቢያ” እንደ ወሰዱ የደብራቸው ካህናት ሰሙ፤ እጅግም ተቈጡ። ለጽድቅ ያሉት ኲነኔ ሆነባቸው። ነገሩን ለመዳኘት የተሰበሰበው የሊቃውንት ጉባኤ፣ ጒዳዩን መከረበት፣ አስተያየት ሰጠበት።

o “ኧረ ለመሆኑ ድፍረቱን ከየት አግኝቶ ካቶሊክ ዘንድ ሄደ?”

o “ምስጢረ ቊርባንን በዚህ መጠን ያራከሰ፣ ዘላለማዊ ድነት እንዴት ሊጐናጸፍ ይችላል?”

o “ለሰሚ ግራ ነው፤ ለመሆኑ ማነህ ብለን እንቅበረው—ካቶሊክ ወይስ ኦርቶዶክስ? በሁለት ቢላ የሚበላ ወላዋይና መኻል ሰፋሪ፣ በአምላክ ዘንድ አንዳችም ዕድል ፈንታ የለውም”

o “አንድ ባሕርይን ከምታምን ብጽእትና ርትዕት ቤተ ክርስቲያን ወጥቶ፣ ሁለት ባሕርይ ብሎ ሊኮተልክ እንዴት ተጣደፈ?”

እንዲህና እንዲያ እያሉ በካቶሊክና በኦርቶዶክስ መኻል አለ የሚሉትን ነገረ መለኮታዊ ልዩነት እየጠቀሱ፣ የትውፊት ልዩነት እያጣቀሱ የችግሩን ክብደት ተነተኑ። የጉባኤው ሰብሳቢና የደብሩ ትልቅ ሊቅ መጋቢ ሐዲስ፣ “የመቀበሪያ ጒድጓዱ የተማሰ፣ መገነዣ ልጡ የራሰ ሽማግሌ ላይ ይህን ያህል መረር ከረር ማለት አግባብ አይሆንም። ይልቁንም ግለሰቡ ይህን ድርጊት ሊፈጽም ምክንያት የሆነውን ጒዳይ ማጣራት ማስተዋል ነው። የእርሱን ምክንያትና አረዳድ በውል ካስተዋልን በኋላ ብያኔ ብንሰጥ አይሻልም?

o እስቲ አንተ፣ ‘ሥጋ ወደሙን መታሰቢያ’ ስትወስድ፣ በምን አግባብ በምን ዐሳብ እንደ ወሰድህ ብትነግረን?”።

​“እኔ ከሞት በፊት፣ ሥጋ ወደሙን መታሰቢያ መውሰድ ተገቢ ነው ብላ ቤተ ክርስቲያን ስታስተምር ከልጅነት እስከ ዕውቀት ሰምቻለሁ። በዕድሜ ዘመኔ ሁሉ ይህን ትምህርት ከልብ ተቀብዬ እንደ ኖርሁ እናተ ምስክሮቼ ናችሁ። በጊዜው ሕመሜ ጠንቶ ሽምግልናዬ በርትቶ ሞቴ እውን እየሆነ ሲመጣ፣ ሥጋ ወደሙን መታሰቢያ አቅምሱኝ አልሁ። በጥድፊያ መሻቴን እውን አደረጉልኝ። በጊዜው ዐቢይ ዐላማዬ ሥጋ ወደሙን መውሰዴ እንጂ፣ ሥጋው የተቀመጠበት ልኳንዳ የማን ነው የሚለውን ጒዳይ ማጣራት አስፈላጊ መስሎ አልታየኝም። ሥጋው የተቀመጠበት ልኳንዳ የካቶሊክ ነው ወይስ የኦርቶዶክስ ነው የሚለውን ማጣራት እንደ ነበረብኝ ያወቅሁት፣ አሁን እናንተ ካቀረባችሁት አስተያየት በኋላ ነው”።

ከዚህ ታሪክ በርካታ መሠረታውያን ትምህርቶችን መቅሰም ይቻላል። አንደኛ፤ ክርስቲያናዊ ትምህርቶች ዐቢይትና ንዑስ ተብለው በሁለት ፈርጅ መደላደላቸው የታወቀ ነው። ዐቢዩን ንዑስ ማድረግ የሃይማኖት ለዘብተኝነት የሆነውን ያህል፣ ንዑሱን ዐቢይ ማድረግም የሃይማኖት አክራሪነት ነው። ሁለቱም አካሄድ ስሕተት ነው። ክርስቲያኖች ዕቅበተ እምነትን ሲከውኑ በንዑሳንና በዐበይት ትምህርቶች መኻል ያለው ልዩነት በውል ካልተረዱ ትልቅ ቀውስ ያመጣሉ። ክርስትናም ይታመማል።

እንግሊዛዊው ሲ.ኤስ ልዊስ (C. S. Lewis) ዐበይት ክርስቲያን አስተምህሮዎችን፣ “Mere Christianity” ይላቸዋል። “Mere Christianity” የሚባለውም መጽሐፍ ክርስቲያኖች ለዐበይት ትምህርቶች ዘብ እንዲቈሙ የሚያሳስብ ዕቅበተ እምነታዊ ሥራ ነው። ትልቁ አሜሪካዊ ፈላስፋና ዐቃቤ እምነት አልቪን ፕላንቲንጋ (Alvin Plantinga)፣ “Warranted Christian Belief” በተባለው የዕቅበተ እምነት መጽሐፉ መግቢያ “Preface” ላይ እንዲህ ይላል፣ “ይህ መጽሐፍ በክርስትና ሃይማኖት ምክንዮአዊ ቅቡልነት ላይ የተጻፈ መጽሐፍ ነው። እኔ ክርስቲያናዊ እምነት የምላው፣ በክርስትና የሃይማኖት መግለጫዎች ላይ እውን የሆነውና ሁሉም አብያተ ክርስቲያናት የተቀበሏቸውን የሃይማኖት መግለጫዎች በግምት ውስጥ ያስገባ ነው። ይኸውም ካልቪንን ከአኲዊናስ፣ ሉተርን ከአጉስጢኖስ፣ ሜኖ ሳይመንን ከካርል ባርት፣ እማሆይ ትሪሳን ከመስካሪው ከቅዱስ ማክሲመስ፣ ቢሊ ግርሃምን ከቅዱስ ጐርጐርዮስ ዘፓላማስ ጋር አንድ የሚያደርገውን መሠረታውያኑን የክርስትና ትምህርቶች ነው” ይላል። የዕቅበት እምነት በመማሪያ መጻሕፍት ተደርገው ግልጋሎት የሚውሉ አብዛኞቹ መጻሕፍት፣ ዕቅበተ እምነት መሠረታውያኑን አስተምህሮች በመጠበቅ ላይ ብቻ ትኲረት እንደሚያደርግ በአንክሮ ይገልጻሉ።

በመሠረቱ የወንጌላውያን አብያተ ክርስቲያናት ኅብረት የተቋቋመው ይህን ሐቅ ታሳቢ ባደረገ መንገድ እንደ ሆነ ልብ ይሏል። የወንጌላውያን አብያተ ክርስቲያናት አንድ ነን ያሉት በዐበይት በሚባሉት ትምህርቶች አንድ ስለሆኑ እንጂ፣ በደቃቅ ትምህርች ላይማ ብዙ ልዩነት እንዳለ እሙን ነው። ይህ እውነት ከሆነ ደግሞ ሁሉን፣ “ቃለ ሕይወት”፣ ሁሉን “ሙሉ ወንጌል” ወዘተ ለማድረግ መሞከር፣ ፀብ ጫሪነት ነው።

ሐዋርያው ጳውሎስ በሮሜ 14 ላይ በንዑሳን በደቂቃን ትምህርቶች ላይ ስለሚደረግ ውዝግብ ተገቢ አለመሆኑን ገልጾአል። ሁለት ርእሶችን በመጥቀስ። (1) ሥጋ በሌዎች ከአትክልት በሌዎች ጋር መጋጨት የለባቸውም። “ሁሉን ይበላ ዘንድ እንደ ተፈቀደለት የሚያምን አለ። ደካማው ግን አትክልት ይበላል። የሚበላ የማይበላውን አይናቀው የማይበላውም በሚበላው አይፍረድ፤ እግዚአብሔር ተቀብሎታልና በተመለከተ ስለሁለት” (ቊጥር 2-3)። (2) ቀናት ዘካሪዎች ቀናት አንዘክርም ከሚሉ ጋር መወዛገብ የለባቸውም። “ይህ ሰው አንድ ቀን ከሌላ ቀን እንዲሻል ያስባል። ያ ግን ቀን ሁሉ አንድ እንደ ሆነ ያስባል። እያንዳንዱ በገዛ አእምሮው አጥብቆ ይረዳ። ቀንን የሚያከብር ለጌታ ብሎ ያከብራል፤ የሚበላም እግዚአብሔርን ያመሰግናልና ለጌታ ብሎ ይበላል። የማይበላም ለጌታ ብሎ አይበላም እግዚአብሔርንም ያመሰግናል…አንተም በወንድምህ ላይ ስለ ምን ትፈርዳለህ?” (ቊጥር 5-6:10)። ጳውሎስ በእነዚህ ርእሰ ጒዳዮች ላይ አቋም የለውም ማለት እንዳልሆነ ግን ልብ ይሏል። እነዚህ ርእሰ ጒዳዮች የውዝግብ ምክንያት ሊሆኑ ግን በጭራሽ አይገባም። ዐቃቤ እምነት ነን የምትሉ ወይ ግብራችሁን ወይ ስማችሁን እንድትመልሱ በአክብሮት ትጠየቃላችሁ። በፈጣሪ ስም ተለመኑ፤ ዐቃቤ እምነት ነን እያላችሁ አታውኲን፤ ሕዝቡንም አታደናግሩ፤ ሙያውንም አታስነቅፉ።

• ሀ) ንዑሳን ትምህርቶችን ለማረም መሞክር “የደከመውን” ወንድም የሚያበረታ ሳይሆን፣ የሚጐዳ አካሄድ ነው።

• ለ) በንዑስ ጉዳይ ላይ ጠንካራ አቋም ያለው “ደካማ ወንድም” ይህን አቋም የወሰደው ለእግዚአብሔር ካለው እምነትና ክብር የተነሣ በመሆኑ፣ አድራጐቱን በቅንነት ልንመለከተው ይገባል (ሐዋርያው ጳውሎስ ባለበት ሁኔታ “ተቀበሉት” (14÷1) ብሎናል)።

• ሐ) ከሁሉ በላይ “እግዚአብሔር የተቀበለውን” እንዳናገል ከፍተኛ ጥንቃቄ ማድረግ አለብን።

• መ) የምንቃወመውን ከመቃወማችን በፊት በሁነኛ ሚዛን ላይ አስቀምጠን ምዘናውን ካካሄድን በኋላ አቀራረባችን፣ “በየውሃት መንፈስ አቅኑት” (ገላ. 6÷1) የሚለውን ከሙሉ ልብ የተከተለ ሊሆን ይገባዋል።

ነገረ ወንጌላውያን

۱ خرداد ۱۴۰۵، ۱۹:۲۳

ሁለተኛ፤ ስሕተትን ከስሕተት ፈጻሚው የዕውቀትና የልቡና መነሣሣት አንጻር መታየት አለበት። እንዲያው በደምሳሳው፣ “ሕግን አለማወቅ ከተጠያቂነት ነጻ አያደርግም” ይባል እንጂ፣ አንድ ድርጊት የሚያስከትለውን ውጤት በውል የማያውቅ ሕፃን የቱንም ያህል ከባድ ጥፋት ቢፈጽም፣ በሞት ሊቀጣ ወይም ዘብጥያ ሊወረወር አይችልም (ለምሳሌ:— መጫወቻ መስሎት በተቀባበለ ሽጒጥ አባቱን የገደለ የአምስት ዓመት ሕፃን፣ በግድያ ወንጀል ሊጠየቅ አይችልም። ለዚህ ነው እንግዲህ የአእምሮ ብስለት ለምግባራዊ ተጠያቂነት አንድ መስፈርት ነው የሚባለው)። ሁሉን በፈርጁ መመልከት ተገቢ ነው የሚባለው ይህ ዐይነቱን ሐቅ ታሳቢ ባደረገ መንገድ ነው። ሁሉን በአንድ እያቦኵ በማኅበራዊ ገጾች ላይ የሚጋግሩ ሰዎችን ባላየ ማለፍ አግባብ ነው።

ሦስተኛ፤ አንዳንዶች ደግሞ ሁሉን በአንድ የሃይማኖት ጥላ ማቀፍ ይፈልጋሉ። አንድ ሃይማኖት ማለት አንድ የሃይማኖት ድርጅት ማለት አይደለም። አንዳንድ ሰዎች ኤፌሶን 4÷5 በመጥቀስ፣ “አንድ ሃይማኖት አለ” ማለት አንድ የሃይማኖት ድርጅት ብቻ አለ፤ ይህም የክርስትና ዋነኛ ቅድመ ሁኔታ ነው ይላሉ። ይህ ስሕተት ነው። ክፍሉ አንድ ሃይማኖት አለ ይላል እንጂ፣ አንድ የሃይማኖት ድርጅት ብቻ አለ አይልም። ሃይማኖት አንድ ሆኖ ድርጅት ሺሕ ሰማንያ ሊሆን ይችላል። ሃይማኖት አስተምህሮን የሚጠቅስ ሲሆን፣ ድርጅት ግን አስተዳደራዊ መዋቅርን አመልካች ነው።

አራተኛ፤ አንዳንዶች ደግሞ አንድ መንጋ የሚለውን ሐረግ አንድ የሃይማኖት ድርጅት ብለው ሊተረጒሙት ይሚክራሉ። ዮሐንስ 10÷16 “አንድ መንጋ” አለ ይላል። “አንድ መንጋ” አለ ማለት ግን፣ አንድ የሃይማኖት ድርጅት አለ ማለት በፍጹም አይደለም። ከክፍሉ ዐውድ በግልጽ የምንማረው ሐቅ፣ “አንድ መንጋ” የተባለው እረኛውን ኢየሱስ ክርስቶስን የሚያውቅ፣ ድምፁን የሚሰማ፣ እረኛውን የሚከተል፣ እረኛውም የሚያወቀው፣ ነፍሱን መሥዋዕት አድርጎ የሰጠው መንጋ ነው (ቊጥር 7:9:11:14:15:26:27 ይመለከቷል)። የእረኛችን አንጡራ ሀብት ለመሆናችን፣ በሰብአውያን የአስተዳደር መዋቅር ውስጥ መታቀፍ ወሳኝ እንዲሁም በቂ (necessary and sufficient) ቅድመ ሁኔታ አይደለም።

የኢትዮጵያ ቤተ ክርስቲያን ከመናፍቃንና ከተለያዩ ሃይማኖቶች ብዙ ተግዳሮት አለባት። ያለንን ገንዘብና ጥሪት እነዚህን ተግዳሮቶች እንዴት እንደምንቀለብሳለን በሚለው ጒዳይ ላይ ልናውል እንጂ፣ ልኳንዳው የማን ነው በሚል የቡና ወሬ ልንማረርም ሆነ ጊዜና ጒልበታችንን ልንጨርስ አይገባም።

ሠናይ ውእቱ!

1,690

ነገረ ወንጌላውያን

۱ خرداد ۱۴۰۵، ۱۹:۲۳

ከጌታ እንዲኽ አልተማርንም!

ኢየሱስ፥ ወደ ርሱ ሰዎች እንዲመጡ ጥሪ ሲያደርግ በቅድሚያ እንዲከተሉት ወይም ደቀ መዝሙር እንዲኾኑለት ነው። ከእያንዳንዳችን የሚጠበቀው ተቀዳሚ ነገር የርሱ ተከታይ መኾን ነው! የርሱ ደቀ መዝሙር መኾን ደግሞ ጊዜን የሚፈልግ ብሎም የማይቋረጥ የሕይወት ዘመን ሂደት ነው! የአገልግሎት ጥሪ ቢኖርብንም የጌታ ደቀ መዝሙር መኾን ሊዘለል የማይችል መሠረታዊ ቆይታ ነው! ጌታ ኢየሱስ የጠራቸው ሐዋርያት ከይፋዊ የአገልግሎት ጅማሬያቸው በፊት የ3 ዓመት ተኩል ቆይታ ነበራቸው(ሊያውም በኢየሱስ እየተማሩ)። ቅዱስ ጳውሎስም የ14 ዓመታት ቆይታ ከአገልግሎት ጅማሬው በፊት ነበረው። በዚህም ዘመን ቢኾን ቁርጥ ያለ የጊዜ ቆይታ ባይቀመጥ እንኳን መሠረታዊ ትምህርቶችን ለመማር እና የአገልግሎት ምንነትን ለመረዳት በቂ ጊዜ መውሰድ ከማንኛውም አዲስ አማኝ ይጠበቃል!

እግዚአብሔር ካልዳኑ ሰዎች በቅድሚያ የሚፈልገው ሕይወታቸውን እንጂ አገልግሎታቸውን አይደለም። በጌታ ላይ እርፍ ማለትን ሳያውቁ፥ የአገልግሎት ምንነትን ሳይረዱ አትሮኖስ ላይ መሰየሙ ከጥቅሙ ይልቅ ጉዳቱ ያመዝናል። ስለኾነም ደቀ መዝሙርነት ኹለቴ የማንደራደርበት ጉዳይ ሊኾን ይገባል። አይደለም ይህን የከበረ ጌታ ለማገልገል አንድ የመንግሥት መስሪያ ቤት ለመስራት እንኳን ትምህርት(Orientation) ይወሰዳል! የኢትዮጵያን ቤተ ክርስትያን ገጽታ እያጎደፉ ያሉ ሰዎች ብዙ የትምህርት ክፍለ ጊዜ በፉረፋ ያለፋቸው ሰዎች ናቸው! ተምረው አመል የቀየሩ ቢኖሩም ከደቀ መዝሙርነት ይልቅ አገልግሎትን ያስቀደሙቱ ትንሽ አይደሉም! እግዜር አጋዥ ያጣ ይመስል ዘሎ ለአገልግሎት መጋበዝ ትርፍ ያለው ነገር አይደለም! እኚህ ሰዎች ከግርግሩ ስወር ብለው ጊዜ መውሰዳቸው ጥቅሙ ብዙ ነው! የመጀመሪያው ሥር የሰደዱ፥ በትምህርት ንፋስ የማይፍገመገሙ ሰዎች መኾናቸው ሲኾን ሌላኛው ደግሞ ታዋቂ ሰው ብቅ ባለ ቁጥር መነገጃ ለማድረግ ከሚጣደፉ አምካኞች መትረፋቸው ነው። ምን አለፋችኹ ጥቅሙ ብዙ ነው!

ከቅርብ ጊዜ ወዲህ ሰዎች ከሌላኛው ክፉ ዓለም ወደ ኢየሱስ መጥቻለኹ ሲሉ ብዙ እንሰማለን! ስም መዘርዘር ባያስፈልግም ብዙዎቹ ድምጻቸውን አጥፍተው ከእግሩ ስር ከመማር ይልቅ የቀደመው ዝናቸውን መድረክ በመቀየር ብቻ ማስቀጠል የሚፈልጉ ናቸው። ይህ ደግሞ ልክ ሊኾን የሚችልበት አግባብ በቀደመችው ቤተ ክርስትያን ልማድ ውስጥ የለም! በሰዎች መዳን ብንደሰትም የደቀ መዝሙርነት ሂደትን ታዋቂ ስለኾኑ ብቻ ይዝለላቸው አንልም! ቤቱ ወግ አለው! በክፉው ዓለም የደረጀው ዝና በዚህኛው ቤትም ካቆመበት የማስቀጠል ግዴታ የለብንም። ይህ ዓይነቱ ልምምድ በገንዘቡ የከበረውን የእግዚአብሔር ጸጋ ለመግዛት ከፈለገው ጠንቋዩ ሲሞን ተለይቶ የሚታይ አይደለም! ስለኾነም “አሁንም ስለዚህ ክፋትህ ንስሓ ግባ፤ ወደ ጌታም ጸልይ፤ ምናልባት ይህን የልብህን ሐሳብ ይቅር ይልህ ይሆናል፤ ምክንያቱም በመራራነት ተሞልተህ፣ በዐመፅ ሰንሰለት ተይዘህ አይሃለሁና" (ሐዋ. 8፥22-23) ብለው በቀና መንፈስ የሚገስጹ ሰዎች ያስፈልጉናል።

ደቀ መዝሙርነት በምንም ዓይነት መልኩ ሊዘለል የማይችል የክርስትያን ተቀዳሚ ጥሪ ነው!

ቃለአብ አለሙ

ነገረ ወንጌላውያን

۱ خرداد ۱۴۰۵، ۱۹:۲۳

“ተጨነቀ፤ ተሠቃየም፤ ነገር ግን አፉን አልከፈተም፤ እንደ ጠቦትም ለዕርድ ተነዳ፤ በሸላቾች ፊት ዝም እንደሚል በግ፣ አፉን አልከፈተም" ( ኢሳ. 53:7)።

ለመታረድ እንደሚነዳ በግ፣ ያለምንም ተቃውሞ ለአሰቃዮቹ የጭከና ፈቃድ ራሱን ሙሉ ለሙሉ አሳልፎ በመስጠት፣ ክርስቶስ ስለ ኀጢአታችንና በደላችን በመስቀል ላይ ተቸነከረ። በግ እንኳን መታረድ ሲጀምር ባለው ኀይል ሁሉ ለማምለጥ ይታገላል እንጂ በፈቃድኝነት ራሱ አይሰጥም። ጌታችን ግን በፍጹም መታዘዝ በአንድ ጊዜ ካህንና የመስዋዕት በግ በመሆን፣ በመስቀል ቤዝዎት ሞቱ ከእግዚአብሔርና እርስ በእርስ አስታረቀን።

ሰለበደላችን ደቀቀ፤ ኀጢአታችን ተሸከመ፤ የእግዚአብሔርን ቁጣና ፍርድ ወሰደልን። ሞታችንን በሞቱ ወሰደልን። ክብር አጥቶ፣ ኀጢአት የገፈፈንን የእግዚአብሔርን ክብር መለሰለን። በመስቀሉ ላይ የእግዚአብሔር ፍጹም ፍትሕና ፍጹም ምሕረት ተገናኙ። ይህ ሁሉ ስለ እኛ ነው! ቅዱስ ስሙ ለዘላላም የተባረከ ይሁን!

ጌታችን በአካል ብቻ ሳይሆን በክፉ ቃላት ውስጡ ተጐድቷል፤ ተከድቷል፤ ስሙ ጠፍቷል፤ ብቸኛ ሆኗል፤ “ሆሣዕና! በጌታ ስም የሚመጣ የተባረከ ነው!" ያለው ያው ሕዝብ፣ ለስቅለት ሞት አሳልፎ ሰጥቶታል። ወዳጆቹ ተራ በተራ ሸሽተውታል። ካህናት አለቆች፣ ከነገሥታትና
ያገለገለው ሕዝብ በንቀት አዋርደውታል:-

"ሌሎችን አዳነ፤ ራሱን ግን ማዳን አይችልም! የእስራኤል ንጉሥ ከሆነ አሁን ከመስቀል ይውረድ፤ እኛም እናምንበታለን። በእግዚአብሔር ታምኖአል፤ ‘የእግዚአብሔር ልጅ ነኝ’ ይል ስለ ነበር እስቲ ከወደደው አሁን ያድነው!” (ማቴ 27:42-43)፣

ይህን ፈታኝ ጥያቄ በፍጹም ትዕግሥትና በዝምታ ያሳለፈው፣ ከፊቱ ያለውን የእግዚአብሔርም ዘላለማዊ የድኅነት ዐላማ በማሰብ ነበር።

ይህ የሕማም ሰው፣ ስለራሱ ማንነት፣ ስለንጽሕናውና ስለ መብቱ አልተሟገትም። መከራው ሁሉ ፍትሕ የለሽ ነበር፤ ሆኖም እኛን ለማዳን እስከ መስቀል ሞት ድረስ የታዘዘ ሆነ። ዝም አለ። በኋላም ዐይኑ የበራለት ጴጥሮስ እንዲህ አለ፦

“እርሱም ኀጢአት አላደረገም፥ ተንኰልም በአፉ አልተገኘበትም፤ ሲሰድቡት መልሶ አልተሳደበም መከራንም ሲቀበል አልዛተም፥ ነገር ግን በጽድቅ ለሚፈርደው ራሱን አሳልፎ ሰጠ” (1ጴጥ 2:22-23)።

ያዳነን ዝምታውም ነው --

ያለፍትሕ በትዕግሥት የተቀበለው መከራ! በእግዚአብሔር መልክ ሲኖር ሳለ ከእግዚአብሔር ጋር መተካከልን መቀማት እንደሚገባ ነገር ሳይቆጥር፥ ራሱን በፈቃዱ ባዶ የማድረጉ ጫፍ በፍጹም ዝምታውና ትዕግሥቱ ተገልጧል። የሥላሴ አካል ሆኖ ሳለ ዐቅም እንደሌለው ዝም አለ። ፍጡር ጲላጦስ በአምላክ ላይ ያልተገደበ ስልጣን አንዳለው በማሰብ፣ "ልፈታህ ወይም ልሰቅልህ ሥልጣን እንዳለኝ አታውቅም?" (ዮሐ. 19:10) በማለት ሲናገር፣ አምላክ ዝም አለ! ኢሳይያስም በመገረም “እኛ ግን እንደ ተመታ በእግዚአብሔርም እንደ ተቀሠፈ እንደ ተቸገረም ቈጠርነው” አለ።

ክርስቶስ ያሳለፈውን መከራ ውስጥ ሁሉ የመታገሠው፣ “በጽድቅ ለሚፈርደው [ራሱን] አሳልፎ” ለእግዚአብሔር በመስጠት ነበር። ይህም በእግዚአብሔር ሉዓላዊነት ላይ የነበረውን፣ ፍጹም መደገፍ ያሳየናል።

ይህ የሕማም ሰው፣ ስለ እኛ ድነት ዝምታን መረጠ! “ተጨነቀ፤ ተሠቃየም፤ ነገር ግን አፉን አልከፈተም፤ እንደ በግ ወደ መታረድ ተነዳ፤ በሸላቾች ፊት ዝም እንደሚል በግ፣ አፉን አልከፈተም። በአፉም ሳያታልል፣ ዐመፃም ሳያደርግ፣ አሟሟቱ ከክፉዎች፣ መቃብሩም ከባለጠጎች ጋራ ሆነ . . . እስከ ሞት ድረስ ሕይወቱን አሳልፎ በመስጠቱ፣ ከክፉ አድራጊዎችም ጋራ በመቈጠሩ፣ የብዙዎችን ኀጢአት ተሸከመ፤ ስለ ዐመፀኞችም ማለደ።”
(ኢሳይያስ 53:7, 9, 12)

መስቀሉ የፍጹም ፍቅሩና የፍጹም ምሕረቱ ማሳያ ነው! እኛ ሁላችን የጸጋው ጥግ ማሳያ ነን። ክብር ለስሙ ይሁን!

አሜን!

ግርማ በቀለ (ዶ/ር)

ነገረ ወንጌላውያን

۱ خرداد ۱۴۰۵، ۱۹:۲۳

📷 Photo

1,230

ነገረ ወንጌላውያን

۱ خرداد ۱۴۰۵، ۱۹:۲۳

https://youtu.be/PQ4BJAtsehE?si=AN57cmt38oh6mQYx

1,430

ነገረ ወንጌላውያን

۱۸ اردیبهشت ۱۴۰۵، ۰۸:۲۱

https://youtu.be/_kSHbzEyWPc?si=CYZJ15vqqKUqeIW7

1,420

ነገረ ወንጌላውያን

۱۸ اردیبهشت ۱۴۰۵، ۰۸:۲۱

📷 Photo

የእኛ ሰው ለመጭበርበር ምቹ ነገር ይመስላል። ለአጭበርባሪዎች ለም የሆነ መሬት ታቅፈናል። ጥሩ እቅድና በጀት ያለው አጭበርባሪ በቀላሉ ይሳካለታል። ከበጀት ቀጥሎ አስፈላጊው ግብአት ታዋቂዎችን ማሰለፍ ነው። እነርሱ ለዘመናት የገነቡትን “ስም” ሰውተው ለአምታቺው ሰው በገፍ ያስገቡለታል። የሰውን ጥሪት በጋራ ያራቁታሉ። የካበተ በጀት ይዘው ስለሚንቀሳቀሱ ምንም ከማድረግ አይመለሱም።

ለፊንቴክ አይነቱ “ስካመር” የጠቀመውን ታዋቂ ሰውን እንደ ዋና ግብአት መጠቀምን ቀይረን እናስበው እስኪ። አስፈላጊው ግብአት የእግዚአብሔር ስም ቢሆን ማለት ነው። የእግዚአብሔርን ስምና ግብር ለማራቆቻነት ማዋል አይነተኛ ስልት ተደርጎ ሲወሰድ።

እነነብይና ፕሮ፣ እነአፖስትልና መሰል ዝነኞች የሚቸረችሩት ፈውስና ተአምር ፊንቴካዊ መንገድ አይደለምን? ከታመመ፣ ከተቸገረና ኑሮ ግራ ከገባው ሰው ብር ለመሰብሰብ ዋስ የሚጠራው ማን ነው? እግዚአብሔርን ዋስ እየጠሩ የሰው ጥሪትን ማራቆት ነው የተያያዙት።

በዚህ “ስካም” ውስጥ እግዚአብሔር ያለበት የሚመስለው ስንቱ ነው ቅይማቱ ከዋነኛ ስካመሩ ይልቅ እግዜሩ ላይ ያደረገው። በእምነት ስም የሚከወኑ ማጭበርበሮች፣ ጾታዊ ጥቃቶች፣ የሰውን ኅመምና ድካም ማትረፊያ የሚያደርጉ ሰዎች ፍትህ ስለማይጎበኛቸው ራሳቸውን ዕለት ተዕለት በብዛት እያባዙ ያድራሉ።

መቼም ፊንቴካዊነትን በሃይማኖት ተከልለው ከሚሰሩት በላይ የተካነ ያለ አይመስልም። ማን ከማን እንደኮረጀውም ብዙ አሻሚ የማይሆነውም ለዛ ነው። ለማንኛው ማንኛውም አይነት ማጭበርበር ወንጀል ነውና በእምነት ስም አምታቾቹንም መላ በሉልን።

አማኑኤል አሰግድ

1,540

ነገረ ወንጌላውያን

۱۸ اردیبهشت ۱۴۰۵، ۰۸:۲۱

መሠረተ ክርስቶስ ቤተክርስቲያንን የመታደግ አስቸኳይ ጥሪ

ቤተክርስቲያናችን ሕልውናዋን አደጋ ላይ የጣሉ ቀውሶች ውስጥ መግባቷን ለመሪዎቿ በተለያዩ ግለሰቦችና በተለያዩ መንገዶች ከተገለጸና መፍትሔ እንዲፈለግለት ጥሪ ከቀረበ ዓመታት ተቆጥረዋል፡፡ ጉዳዩም በሌሎች አብያተ ክርስትያናት አባላት ሳይቀር ትኩረት ተሰጥቶት በማኅበራዊ ሚዲያ ለሕዝብ ይፋ ከተደረገ አንድ ዓመት ሊሞላው ጥቂት ወራት ቀርተውታል፡፡ ይህን ጉዳይ የተገነዘቡ ጥቂት የቤተክርስቲያኗ አባላትና አገልጋዮች መሪዎቿ አፋጣኝ ተግባራዊ እርምጃ እንዲወስዱ በአካል ቀርቦ ከማስረዳት በተጨማሪ በጽሑፍና መግለጫዎችን በመስጠት አምስት መሠረታዊ ጥያቄዎችን ካቀረቡም ወራት ተቆጥረዋል። ይሁንና አመራሩን የያዙት አካላት ቤተክርስቲያንን የመታደግ ሥራን ከመሥራት ይልቅ ጥያቄ ያቀረብነውን ወንድሞች በበቀል ተነሳስተው ከቤተክርስቲያኗ አሠራር ደንብና ውስጠ ደንብ ውጪ ‘ከቤተክርስቲያን አባልነት ሰርዘናል፤ የአገልግሎት ሹመትን ቀምተናል ’ በማለት ውሳኔያቸውን ህግን በጣሰ መንገድ በማኅበራዊ ሚዲያ ካሰራጩ ሳምንታት ተቆጥረዋል፡፡

ይህ በግልፅ የሚያመለክተው በትውልድ ላይ የተጋረጠውን እጅግ አስከፊና ጊዜን የማይሰጥ አደጋ መሪዎች አስቀድሞ ለመረዳትና አፋጣኝ የመፍትሄ እርምጃ ለመውሰድ ፈቃደኛ አለመሆናቸውን ሲሆን ወስደናል በሚሏቸውም እርምጃዎች አቅጣጫ ገና ያልተመለሱ በርካታ ጥያቄዎች እንዳሉና ምእመናንም አሁንም ድረስ በብዙ ግርታ ውስጥ እንዳሉ የአደባባይ ሚስጥር ነው ::

እጅግ አስከፊው እውነታ ግን ከዚህ ሁሉ ጩኸት በኋላም ቤተክርስቲያናችን እስከ ዛሬ ድረስ ግብረ ሰዶማውያንን አቅፎ ከያዘው ሜኖናይት ዎርልድ ኮንፈረንስ ተብሎ ከሚጠራው ዓለም አቀፍ ማኅበር አባልነት አለመውጣትዋ ነው ፡፡ ይህ ደግሞ የምንወዳት ቤተ ክርስቲያናችን የነበራትን የሞራል ልዕልና በእጅጉ የጎዳና ያሳጣ የነበራትንም ሞገስና ተቀባይነት በእጅጉ የሸረሸረ አልፎ ተርፎም ለትውልድ እንቅፋት የሆነ አካሄድ ነው::

ይህ በእንዲህ እያለ ሥልጣንን በጣት በሚቆጠሩ ግለሰቦች እጅ ያደረገውንና ተሻሻለ የተባለውን መተዳደሪያ ደንብ ተገን በማድረግና ይህንኑ ደንብ በመጣስ እውነትን ለመናገር በሚፈልጉ በቤተ ክርስቲያኒቱ አጥቢያዎችና አባላት ላይ የሚደረጉ ጫናዎችና ማስፈራራቶች ተጠናክረው ቀጥለዋል:: ለዚህም ማሳያ የሚሆነው በለቡ አጥቢያ ቤተ ክርስቲያን ላይ ያለምንም በቂ ምክንያት ህግን በጣሰ ሁኔታ የባንክ አካውንቶችን የማዘጋት ርምጃ አንዱ ማሳያ ሲሆን በተጨማሪም ከሾኔ ክልል ድረስ የደረሰባቸውን የአስተዳደር በደል እንዲሁም የፍትህ መጓደል አስመልክቶ አቤቱታቸውን ሊያሰሙ ዋጋ ከፍለው በመጡ ቅዱሳን ላይ የደረሰው ማስፈራራት ስደት እስርና እንግልት ነው:: እንዲህ አይነት የመብት ጥሰቶች በሌሎች የተለያዩ ክልሎች እንደተፈጸሙ መረጃዎች እየወጡ ይገኛሉ::

ይህ የሚያመለክተው የቤተ ክርስቲያኒቱ የቀደመ መታወቂያ የነበሩት እግዚአብሔርን መፍራት ፍትህና ተጠያቂነት እየተሸረሸሩ በፈንታቸው ራስ ወዳድነት በስልጣን መባለግና እንዲሁም አምባገነናዊ አሰራር እየነገሱ መምጣታቸውን ነው :: ስለሆነም ይህ የአመራር ቀውስ እያስከተለ ያለውን ወቅታዊ አደጋ እያስከፈለንም ያለውንም እጅግ ከፍተኛ ዋጋ ያስተዋልን ወገኖች አሁንም ደግመን ቤተክርስቲያንን የማዳን ጥሪያችንን ለሚከተሉት አካላት በድጋሚ እናስተላልፋለን፡፡

1. በአገር ውስጥም ሆነ በውጭ አገርም ያላችሁየቀድሞ የቤተክርስቲያኗ መሪዎችና አገልጋዮች እንዲሁም የመሠረተ ክርስቶስ ቤተክርስቲያን አባላት ሁሉ፣ ፤ ብዙ ዋጋ የተከፈለላት ቤተክርስቲያናችሁ ግብረ ሰዶማውያንን አቅፎ የያዘ ዓለም አቀፍ ማኅበር አባል ሆና ቀጥላለች:: ይህ ደግሞ ለቤተክርስቲያናችን ብቻ ሳይሆን ለአገራችን፣ ለትውልድ፣ ለልጆቻችንና ለልጅ ልጆቻችን ታላቅ አደጋና መርገም ስለሆነ፣ አመራሩን የያዙ አካላት ቤተክርስቲያን ከዚህ ማኅበር ፈጥና እንድትወጣ ፈጥነው እርምጃ እንዲወስዱ ድምጻችሁን እንድታሰሙና የሚከፈለውን ማንኛውንም ዋጋ ከፍላችሁ በአፋጣኝ የመፍትሄው አካል እንድትሆኑ ጥሪያችንን በድጋሚ በአጽንኦት እናቀርባለን፡፡

2. የመሠረተ ክርስቶስ የወንጌል ሥርጭት ጣቢያዎችና አጥቢያ ቤተክርስቲያናት፣ ቤተክርስቲያናችሁ ታላቅ አደጋ ላይ ስለሆነች ከዚህ ከግብረ ሰዶማዊነት አደጋና መርገም እንድትድን ድምጻችሁን ከፍ አድርጋችሁ እንድታሰሙ ጥሪያችንን እናቀርባለን፡፡

3. የመሠረተ ክርስቶስ ቤተክርስቲያን ክልሎችና ቀጠናዎች፣ ቤተክርስቲያን ከሕመሟ እንድትፈወስ በየደረጃው በምታደርጉት ጠቅላላ ጉባኤዎቻችሁ በመምከር ተጠያቂነት እንዲሠፍን የቤተ ክርስቲያናችንም የሞራል ልዕልና ፈጥኖ እንዲመለስ ድምጻችሁን እንድታሰሙ ጥሪያችንን እናቀርባለን፡፡

4. የመሠረተ ክርስቶስ ቤተክርስቲያን አገልጋዮች፣ ወንጌላውያን፣ መጋቢዎች፣ አስተማሪዎች፣ ሚስዮናውያን መልካም እረኝነትና ፍትህ በቤተ ክርስቲያናችን በአፋጣኝ እንዲሰፍን ግንባር ቀደም ሆናችሁ ቤተክርስቲያናችሁን ከደረሰባት አደጋ እንድትታደጉ ጥሪያችንን እናቀርባለን፡፡

5. የክልልና የቀጠና ዋና ጸሐፊዎች፣ የዋናው ቢሮና የተቋማት ዳይሬክተሮችና ሠራተኞች፣ በጊዜያዊ ጥቅም በመታለል በኃጢአትና በጥፋት ለሚገኝ ገንዘብና ክብር ብላችሁ የቤተክርስቲያናችሁን ክብር እንዳታዋርዱ፤ ቤተክርስቲያናችሁን በመታደግ ሂደት ውስጥ የአንበሳውን ድርሻ እንድትወጡ ልባዊ ጥሪያችንን እናቀርባለን፡፡ ከዚህ ቀደም በሐሰተኛ መረጃ ተመስርታችሁ የቤተክርስቲያን ስም ይጠለሻል ብላችሁ መግለጫ ለመስጠት ያመነታችሁ ሁሉ ፣ አሁን ግን ያቀረብናቸው መረጃዎች ፈጽሞ ተአማኒ መሆናቸው በማያሻማ ሁኔታ ስለተረጋገጠ በእነዚህ በእውነተኛ መረጃዎች ላይ ተመስርታችሁ ቤተክርስቲያናችሁ ከግብረ ሰዶማውያኑ ማኅበር እንድትወጣ ድምጻችሁን እንድታሰሙ ብርቱ ጥሪያችንን እናቀርባለን፡፡

6. የመሠረተ ክርስቶስ ሰሚናሪ ተማሪዎችና ምሩቃን እንዲሁም የሥነ መለኮት ኮሚሽን አባላት፣ በዚህ አስቸጋሪ ጊዜ ከእውነት ጎን እንድትሰለፉና ቤተክርስቲያኗን እንድታድኑ በትምህርት ሰበብ ከሚመጣም ማንኛውም ዓይነት ያልተቀደሰ ህብረትና ቁርኝት ራሳችሁንና ተቋማችሁን እንድትጠብቁ በአጽንኦት ጥሪያችንን እናቀርባለን፡፡

7. የመሠረተ ክርስቶስ ቤተክርስቲያን አጥቢያ ሽማግሌዎች፣ የዘርፍ አገልጋዮች፣ የክልል አስተዳደር መሪዎች ጉባኤ (ክአመጉ) አባላት፣ የክልል ጠቅላላ መሪዎች ጉባኤ (ክጠመጉ) አባላት፣ የቀጠና አስተዳደር መሪዎችና ጠቅላላ መሪዎች (ቀአመጉና ቀጠመጉ) አባላት፣ የመሠረተ ክርስቶስ አስተዳደር መሪዎች ጉባኤ (መአመጉ) አባላትና የመሠረተ ክርስቶስ ቤተክርስቲያን ጠቅላላ መሪዎች ጉባኤ (መጠመጉ) አባላት፣ ክርስቶስ የሞተላትን ቤተክርስቲያን ለመጠበቅና መንጋውን ለመጠበቅ እግዚአብሔር አደራ ሰጥቶአችኋልና እውነተኛው የእረኝነት መንፈስ ወደ ቤተ ክርስቲያን እንዲመለስ የሚያስፈልገውን ዋጋ ሁሉ በመክፈል ቤተክርስቲያኗን ከግብረ ሰዶማውያኑ ተጽዕኖና መንፈስ እንድታድኑ ጥሪያችንን እናቀርባለን፡፡

ክብር ለአብ ክብር ለወልድ ክብር ለመንፈስ ቅዱስ አንድ አምላክ ከዘላለም እስከ ዘላለም ይሁን አሜን!!

1. ወንድም ዶክተር ስዩም አንቶኒዮስ
2. ወንድም ሰለሞን ገብረ ማርያም
3. ወንድም አሰፋ ደሜ

መጋቢት 14 ቀን 2018 ዓ.ም
አዲስ አበባ

ነገረ ወንጌላውያን

۱۸ اردیبهشت ۱۴۰۵، ۰۸:۲۱

📷 Photo

1,490

ነገረ ወንጌላውያን

۱۱ اردیبهشت ۱۴۰۵، ۲۰:۳۰

📷 Photo

አዳማ ያላችሁ ተጋብዛችኋል!

1,810

ነገረ ወንጌላውያን

۱۷ فروردین ۱۴۰۵، ۰۷:۱۴

ጴንጤቆስጣውያን ወንጌላውያን ናቸው። (ርዕስ መሆኑ ነው)

አሁን የፍትህ እና የምህረት አጀንዳ ጠፍቶ ነው ይህን የምጽፈው? እግዚአብሔር በዚህ ማሕበረሰባዊ ቀውስ ትንሽ እንኳ የተስፋ ጭላንጭል በማይሰጠው የእምነት አቋም ደስ ይሰኛልን?

(ሒሴን ውጬ ልጀምር ብዬ ነው )

አንዳንዴ አቋማችንን ወይም ደግሞ የቱ የተመረጠ ጎራ የእኛ እንደሆነ ለማሳየት ብዙ ርቀት እንሄዳለን። ሄደንም እናውቃለን። (እንዲህ ዓይነቱ አቋም) ጥሩ መንገድ ነው ብዬ አላምንም። የሁላችንም ጎራ መጽሐፍ ቅዱስን እንደምስክር እንደሚጠራ አልጠፋኝም። ነገር ግን የጎራችንን አቋም መጽሐፍ ቅዱስን የምንፈታበት መነጽር እሰካረግን ድረስ 'ጠብ ያለሽ በዳቦ' እንደሆንን እንከርማለን።

ከሰሞኑ አጀንዳ የሆነው ደግሞ አምናም ካቻምናም ማንንም ያልረታንበት፣ ማንንም ያልሰማንበት 'ወንጌላዊ አማኝ ነኝ እንጂ ጴንጤ አይደለሁም' የሚል ሆኗል። ወንጌል አማኞች መቼ ወንጌላውያን ተብለው እንደተጠሩና ወንጌላውያን በምን በምን እሴቶች እነማንን ያቅፋሉ የሚለውን የመስራቾቹን ዶክመንት ገልበጥ ገልበጥ አድርጎ ቢታይ እና ከ'ጴንጤ' እንለያለን ብለው እንደሆን ብታስተምሩን ጥሩ ነበር።

አሁን ያለውን ክርስትና በወል ለመተቸት 'ጴንጤ አይደለሁም' ከሆነ ሙግቱ እሰየው ነው። የግል እምነት ባሕርይ ነውና። የህብረት ክርስትናን ለሚወዳጅ ግን እንዲህ ዓይነት አቋም አፍራሽነቱ ይበዛል።

ጴንጤቆሰጣዊነትን ከሆነ ግን ለንጽጽር ያቀረብነው ሌላ ጥመት ይታየኛል። ስነመለኮቱን ለጊዜው ልተወውና የወንጌላውያንን መርህ ለመከራከሪያነት ላንሣ። አንድ አማኝ ወንጌላውያን ነኝ ካለ፣ mainline denominations (ሉተራውያን፣ ተሃድሶውያን፣ መጥምቃውያን፣ ... ወዘተ)፣ ጴንጤቆስጣውያን እና ካርዝማቲካውያን .. ወዘተ ከወንጌላውያን ጥላ (canopy) ማስወጣት አይችልም። ስለዚህም ወንጌላውያን ነኝ ብሎ ጴንጤቆስጣውያንን ግን 'እንጃላቸው' ማለት አይችልም።

የእኔ ዲኖሚኔሽን እንዲህ ነው ጴንጤቆስጤ አይደለሁም ማለት ይቻላል። እኔ ወንጌላውያን ነኝ ብሎ ትልቁን የጥላ ስም Claim አድርጎ 'ጴንጤ' አይደለሁም ማለት አይቻልም።

ነገሩስ ውስብስብ ነው፣ ሃገራችንን ሰላም ያርግልን።

ተገኝ ሙሉጌታ

2,540

ነገረ ወንጌላውያን

۱۷ فروردین ۱۴۰۵، ۰۷:۱۴

https://youtu.be/4YRxAgESRNI?si=uQu6wkrVEyPXSYk0

1,920

ነገረ ወንጌላውያን

۱۷ فروردین ۱۴۰۵، ۰۷:۱۴

📷 Photo

3,580

ነገረ ወንጌላውያን

۱۷ فروردین ۱۴۰۵، ۰۷:۱۴

📷 Photo

2,390

Showing 19 of 19 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

ነገረ ወንጌላውያን

ነገረ ወንጌላውያን

رتبه‌بندی

رشد مشترکان (6 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

نظرات کاربران (0)

آخرین پست‌ها