የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

Public

مشاهده کانال

نمی‌توانید بپیوندید؟ @fuadalhadra

۰

۱.۲k عضو

به‌روزرسانی شده: May 3, 2026 at 7:08 PM

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

«ወደ አላህ ከጠራና መልካምን ከሠራ እኔ ከሙስሊሞች ነኝ» ካለም ሰው ይበልጥ ቃሉ ያማረ ማን ነው? {ፋሲለት:33}🍁🍁 የእውቀት መዓድ ይቀላቀሉ 👇 https://t.me/fuadalhadra ሀሳብ እና አስተያዬታችሁን በዚህ ላኩል 0991786743

Join @fuadalhadra for exclusive 0991786743 and httpstmefuadalhadra content and discussions in 23

رتبه‌بندی

رتبه‌بندی جهانی

#456

+2

رتبه‌بندی زبان

#45

+1

رتبه‌بندی دسته‌بندی

#23

-1

رشد مشترکان (3 روز گذشته)

مجموع: 1.2K

رشد 24 ساعت: +0 0%

Loading...

رتبه‌بندی

ورود لازم است

Loading...

Loading recommended channels...

آخرین پست‌ها

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

▪️ቂሷሱል አውሊያ
【 ረቢዕና መይሙና】

➧ረቢዕ ቢን ኸይሠም(قدس الله سره) ልክ እንደ መሰሎቻቸው ዓሪፎች ሌሊቱን በዒባዳ ማሳለፍ የዘውትር ተግባራቸው ነበር፣በአንዱ ሌሊት ግን ልጃቸው እንዲህ በማለት ጠየቀቻቸው?

➥ ከአላህ ፍጡራን ሁላ በላጩ ማን ነው?
እሳቸውም: "አይነታችን ሙሐመድﷺ ናቸዋ! በማለት መለሱ።

➥ ልጂቱም: "በሳቸው ክብር ይዤዎታለው፣የዛሬዋን ሌሊት እንኳን አረፍ ይበሉ(ይተኙ) ስትል በእዝነት ጠየቀቻቸው!!

➥እሳቸውም: አላህ ሆይ!ለኔ ሌሊቱን ተኝቶ ከማሳለፍ፣በዒባዳ ማሳለፍ የበለጠ ተወዳጅ እንደሆነ ታውቃለህ! ግና ልጄ በሰዪዳችንﷺክብር ይሁንብህ ብላ ስለጠየቀችኝ የዛሬዋን ሌሊት ልተኛ ነው! ብለው ወደ መተኛቸው አቀኑ!

➧ ግና በተኙበት በበስራ ሀገር አንዲት መይሙና ምትባል ባሪያ በጀነት ውስጥ የሳቸው ሚስት እንደምትሆን መልእክት ይደርሳቸዋል!!!
በነጋታው ቀጥታ ወደ በስራ ከተማ አቀኑ፣የበስራ ሰዎችም የእኚህ ታላቅ ሰው መምጣት ሲሰሙ ወጥተው አቀባበል አረጉላቸው!!

ሸይኹም ገና ከመግባታቸው በህልማቸው የጀነት ሚስታቸው እንደምትሆነው ስለተነገራቸው እንስት ያውቋት እንደሆነ ብለው ጠየቁ!

ሰዎቹም: "ደሞ እብዷ መይሙና ምን ትሰራልዃለች! ቀን በግና ፍየሎችን እያገደች፣በሚሰጣት ክፍያ ተምር ገዝታ ለሚስኪኖች ታከፋፍላለች፣በሌሊት ደግሞ በቤቷ ጣራ ላይ ወጥታ በለቅሶና ጩኸት ሰውን እንቅልፍ ትነሳለች!!! ብለው እብድ ናት ብለው የፈረጁበትን ምክንያት ነገሯቸው!!!

ሸይኹም: "ስለ ጩኸትና ለቅሶዋ ምክንያት ምን ብላለች?ብለው ሲጠይቁ፦

"ይገርማል! አፍቃሪ እንዴት እንቅልፍ ይተኛል! በአፍቃሪ ላይ እንቅልፍ እርም ነው!!! ትላለች፣በማለት ነገሯቸው።

ይሄኔ ሸይኹ! በአላህ እምላለው፣ይህማ የእብዶች ንግግር አይሆንም! መገኛዋን ጠቁሙኝ! ይሏቸዋል።

ሰዎቹም" በግና ፍየል ምታግድበትን አካባቢ ጠቁመዋቸው፣ወደዛው አመሩ
ወደ ቦታው ሲደርሱ፣ያዘጋቸው የአምልኮ ስፍራ ላይ ሶላት እየሰገደች ያገኟታል፤በግና ፍየሎቹ ግጦሻቸው ላይ ተበትነው፣ተኩላዎች እየጠበቋቸው አስተዋሉ!!!

ባዩት ነገር ተደንቀው፣ሶላቷን እንዳገባደደች! አሰላሙ ዐለይኪ መይሙና ሆይ! በማለት ሰለምታ አቀረቡላት!

እሷም:"ወዐለይከ ሰላም ረቢዕ! ብላ መለሰች
ስሜን እንዴት አወቅሽ! ሲሉም ጠየቋት።

እሷም:"ሱብሓነላህ!! ትላንት ሌሊት እኔ የጀነት ሚስትህ እንደሆንኩ ያሳወቀህ ነው ስምህን ያሳወቀኝ፣ግን ቀጠሯችን እዚህ አይደለም! ቀጠሯችን ነገ በጀነት ነው" በማለት መለሰችላቸው።

ሸይኹም ስላስደነቃቸው የተኩላዎቹና የበጎቹ ተስማምቶ አንድ ላይ መሆን! ጠየቋት።

እሷም: "ፍቅሩ ከልቤ ላይ ተቆራኝቶ፣አዳራሹን ተቆጣጥሮ፣የዱንያን ፍቅር ከልቤ ላይ ሳርቅ ተኩላና በጎቹን አስማማልኝ! !! አለቻቸው።

አስከትላም: "ረቢዕ ሆይ! እስቲ ከጌታዬ ንግግር የተወሰነ ያህል አሰማኝ! ነፍሴ ንግግሩን በጣም ናፍቃለች! በማለት ጠየቀቻቸው።

ሸይኹም! የአል ሙዘሚልን ምዕራፍ ማንበብ ጀመሩ፣
ቁርኣኑን እያዳመጠች በተለያዩ ስሜቶች ውስጥ ተዋጠች፣አንዴ ማልቀስ፣አንዴ መደሰት… የተደበላለቀ ስሜት
ልክ
(ﺇﻥ ﻟﺪﻳﻨﺎ ﺃﻧﻜﺎﻻً ﻭﺟﺤﻴﻤﺎ ﻭﻃﻌﺎﻣﺎً ﺫﺍ ﻏﺼﺔ ﻭﻋﺬﺍﺑﺎً ﺃﻟﻴﻤﺎ )
[እኛ ዘንድ ከባድ ማሰሪያዎች እሳትም አልለና፡፡★
የሚያንቅ ምግብም፤ አሳማሚ ቅጣትም (አልለ)]
የሚለው አንቀፅ ላይ ሲደርሱ፣ከባድ ጩኸት አሰምታ እራሷን ስታ ወደቀች!…አልነቃችም… ይህን ዓለም ተሻገረች!!!

ሸይኹም: በሆነው ነገር ተደናግጠው፣ግራ ተግብተው ሳሉ፣በድንገት የተወሰኑ ሴቶች ወደ ስፍራው መጡ!!!
እኛ እናጥባታለን፣ሚደረገውን ሁላ እኛ እናከናውናለን! አሏቸው
ሸይኹም ሌላ ግርታ ፈጠረባቸው፣መሞቷን በምን አወቃችሁ?! ሲሉ ጠየቋቸው።

ሴቶቹም! ዘውትር! አላህ ሆይ! ረቢዕ ዘንድ እንጂ እንዳትገድለኝ! እያለች ዱዓእ ስታደርግ እንሰማት ነበር፣እናም እሷ ዘንድ መምጣትሁን ስንሰማ አላህ ዱዓዋን እንደተቀበላት ተረዳን…እናም በዛ ነው ያወቅነው አሏቸው!!!!

➧ይህን የነፍስ ልህቀት፣የአላህ ቅርበት ያገኙት ፣የሐቂቃውን ማማ የተቆናጠጡት ሸሪዓና ጠሪቃን ሰብስብሰው፤ዋሪዳውን የተቀበሉት በዊርዱ ላይ ተገኝተው፣መደዱ የፈሰሰባቸው በአደብ፣በዒልምና በዒባዳ እርሻ ላይ ታደመው ነው።
ቦታው ላይ ለመድረስ ሲድቅ ማለት የግድ ይላል፣ለዚህም ነው፣ሳዳቶቹ

"ليس الطريق لمن سَبَق إنَّما الطريق لمن صَدَق
" መንገዱ ለቀደመ ሳይሆን ሲድቅ ላለ ነው"

የሚሉት ፤ እንደ ሲዲቅ በሙሉ ልብህ ሲድቅ ካላልክ ሲዲቅነትን አትጎናፀፍም!!!

ﻷﺟﻞ ﺫﻟﻚ ﺳﻬﺮﻭﺍ ﻓﻲ ﺍﻟﻠﻴﻞ ﻭﻟﻢ ﻳﻨﺎﻣﻮﺍ
ﻓﺈﺫﺍ ﻣﺎﺗﻮﺍ ﻓﻲ ﺣﺒﻪ ﺷﻮﻗﺎً ﺇﻟﻴﻪ ﻟﻢ ﻳﻼﻣﻮﺍ .
ﺃﻫﻞ ﺍﻟﻤﺤﺒﺔ ﺑﺎﻟﻤﺤﺒﻮﺏ ﻗﺪ ﺷﻐﻠﻮﺍ
ﻭﻓﻲ ﻣﺤﺒﺘﻪ ﺃﺭﻭﺍﺣﻬﻢ ﺑﺬﻟﻮا
ﻭ ﺧﺮّﺑﻮﺍ ﻛﻞ ﻣﺎ ﻳﻔﻨﻰ ﻭﻗﺪ ﻋﻤّﺮﻭﺍ
ﻣﺎ ﻛﺎﻥ ﻳﺒﻘﻰ ﻓﻴﺎ ﺣﺴﻦ ﺍﻟﺬﻱ ﻋﻤﻠﻮﺍ .
إن لم نكن منهم فأحشرنا يا رب معهم.

ለዚህም ሲሉ ነው ሳይተኙ ያሳለፉት
ቢሞቱ አይወቀሱ በሱ ፍቅር ናፍቆት
የሙሐባ ሰዎች በሙሒብ ተጠምደው
በሱ ፍቅር ሳቢያ ሩሓቸውን ሰውተው
አላቂ ጠፊውን በሙላ አፍርሰው
ዘላቂ የሆነውን ገነቡ አሳምረው
እንዴት የተዋበ ምን ያምር ስራ ነው!

http://T.me/fuadalhadra

1,520

2

0

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

🌙 የረመዷን 27ኛ ለይል – የታላቅ ክብር ሌሊት
ዛሬ ሌሊት ብዙ ሙስሊሞች የሚጠብቁት ታላቅ ሌሊት ነው። ብዙ ዑለማዎች እና የተስፋፋ ባህል መሠረት ብዙዎች ይህን ሌሊት ለይለቱል ቀድር መሆኑን ይመኛሉ።
አላህ በቁርአን እንዲህ ይላል፦
“ለይለቱል ቀድር ከሺ ወር ይሻላል”
ይህ ማለት አንድ ሌሊት መልካም ስራ ማድረግ ከ83 ዓመት በላይ የኢባዳ ክብር እንዳለው ማለት ነው።
ነቢዩ ﷺ እንዲህ አሉ፦
“ማንም ሰው ለይለቱል ቀድርን በእምነት እና ምክንያቱን በመፈለግ ቢቆም ያለፉ ኃጢአቶቹ ይታገሣሉ”
(ቡኻሪ እና ሙስሊም)
ታላቁ የሱፊ አሊም Junayd al‑Baghdadi እንዲህ አሉ፦
“ለይለቱል ቀድር በአላህ ፊት ልብ የሚቀርበው ሌሊት ነው፤ ሰው ልቡን ካጠራ አላህ በብርሃን ይሞላዋል።”
እንዲሁም ታላቁ ወሊይ Abdul Qadir al‑Jilani እንዲህ አሉ፦
“ለይለቱል ቀድር በእንቅልፍ ማሳለፍ ኪሳራ ነው፤ በዝክር እና በዱዓ ማሳለፍ ግን የልብ ሀብት ነው።”
🌿 ስለዚህ ዛሬ ሌሊት፦
ሶላት እንብዛ
ቁርአን እንንብብ
ዝክር እና ሰላዋት እንብዛ
ብዙ ዱዓ እንጠይቅ
እና ይህን ዱዓ ብዙ እንበል፦
اللهم إنك عفو تحب العفو فاعف عني
“አላህ ሆይ! አንተ ይቅር ባይ ነህ፤ ይቅር ማለትን ትወዳለህ፤ እኔንም ይቅር በለኝ።”
🤲 አላህ ይህን ታላቅ ሌሊት ከሚጠቀሙት ያድርገን።
አሚን።

753

2

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

ረመዷን 27🥹

ያረቢ ሀጃችንን አዉጣልን🤌😢

438

5

0

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

▪️መራቲቡል አዝካር - የዚክር ደረጃዎች ((ጦሪቃ ይዘው ለሚዘክሩ))

ለውዴታው በር ቅርቡ መክፈቻ -
ለደስታው ሹሁድ ሃይቅ ሰፊው ዳርቻ !
ሳዳቶች ዱንያ ላይ አለን የሚሉት የሓብታቸው ራስ, .....
ከትልቁ ሰው የወረሱት የሠውነት መለያ ሃይል- ዚክር
ሶለሏሁ አለይሂ ወሰለም።

ከመናዚል ላይ ኢማሙ ቲልሚሳኒይ ቀደሰሏሁ ሲረሁ አጣፍጠው እንደሸረሁት ለአህባቡም በሓበሻ የሓድራ ዘውቅ ቱርጁማን ላቀብለው ወደድኩ... ሥራውን እኔም ባልደርሰው አህል ይኖረዋልና!

<<ወዝኩር ረበከ ኢዛ ነሲይተ>> ያለውን አንቀጽ ((ማለትም ከጌታህ ውጪ ያለውን ከውናት በረሳህ ግዜ አሏህን አስታውስ )) ማለት ነው ብለው ፈስረውታል። ከአሏህ ውጪ ሲባል የገዛ አስታዋሽ ነፍስህም እንደምትካተት አትዘንጋ።
**

➧አሏህን በምታስታወስበት ወቅት እራስህን(አንተነትህን መርሳት)(አል ኢስቲግራቁ ፊ ዚክር ) የመጀመሪያው መርተባ ነው - ስለራስህ እማትጨነቅበት ስምህ የሚጠፋበት የዚክር በርዘኽ መግቢያ!። በዚህ ዐለም የዘለቁ ዛኪሮች እንደቀልባቸው ጥናት በየዚክሩ መንደሮች ይዋሰዳሉ። በዚክር ወቅት አሏህ ለወፈቃቸው ፈትራ ያክል ወደ ሑዱር ዐለም ይዘላልቃሉ.....በሚዘክሩት ዚክር ቅበላ ሑድር ውስጥ የኡንስ ፍሬ ይቀምሳሉ። ለምሳሌ ፦ ሶለዋትን እየዘከሩ በሹሁድ ሓድራ ጦይባ ወይም የጦይባው ባለቤት ይገለጡላቸዋል - መቃመ ሹሁድ ባይደርሱ እንኳን እንዲህ ተብሎ እማይገለጥ የዚክር ጥፍጥና ስምና ዛታቸውን የእውነት ያስረሳቸዋል- በዚህ ወቅት ላይ የት እና ማን ይሁኑ እንኳን አያውቁም......[ወለም ነድሪ አኩና ፊ ሰማኢ አው ፊ አርዲ ኢነሃዛ አጂይቡ ] ሲሉ ሐሽምዩል ዐረቡ ላይ ይህንኑ ያወጋሉ ...እንደሩሃቸው ክንድ በኡንስ በትር ይደለቃሉ። ከካሚል ኢስቲግራቅ የሚለየው እኚህ ሰዎች ነፍሳቸውን ይርሷት እንጂ እየዘከሩ እንደሆነ ያውቃሉ።

**
ይህንን መርተባ ያለፉት ዚክሩንም ይረሱትና የሚዘከረው አካል ላይ ( አሏህ እና ነቢ ላይ) ይተሃደራሉ። ማለትም በሑዱር ወቅት እየዘከሩ እንደሆነም ጭምር አያስታውሱም።
**

የዚክር የመጨረሻው መርተባ ((አሏህ አንተን እንደሚያወሳህ በማስታወስ ውስጥ ሁሉንም ነገር-አንተንና ዚክርህን ጭምር መርሳት ነው)) ይሄ ደረጃ ኩመሎቹ እሚቀናጡበት - ፈናኡ ታም በመባል የሚታወቀው የዚክር መርተባ ነው.... ወዳጄዋ ደርውጃው 3 ነው ሲባል በቀላል የሚወጡት ይመስላል አይደል? በአሏህ እና ነቢ ጀዘባት ተውፊቅ ካልሆነ በሱሉክ የገቡትም አንዷን አልወጧት - አይደለም እኔ እና አንተ ቂል ጨዋታውን አብዝተን ልንወጣው.....ጥቂቶች እንጂ አያገኙትም ያውም በዚህ ዘመን??።

ስለዚህ ዚክር ከቀልብ-ሩህ ባለው ትሥሥሮሽ በ3 ተከፍሎ ሊታይ ይችላል።

የመጀመሪያው የተለመደው አይነት አድናቆት(መድህ)- ዱዐ እና የሙራቀባ ዚክርን ያካትታል። የሪአያህ(የሙራቀባ) ዚክር ማለት ጀማሪ ሙሪድ የጦሪቅ ጅማሮ ላይ [አሏህ ያየኛል አሏህ ይሰማኛል አሏህ ከኔ ጋር ] ነው አይነት እያለ የሚዘክራቸው አዝካሮች ናቸው። እኚህ አዝካሮች የቀልብን እርጋታና ሑዱር ለማጠንከር የሚጠቅሙ - በተለይም በቃዲሪያ ሳዳቶች ዘንድ የሚታወቁ ዚክሮች ናቸው......በሠይዲና ሰህል አቱስቱር ቀደሰሏሁ ሲረሁ የልጅነት ቂሷ ላይም የሚታወቅ ነው።
**

ከፍ ያሉት ቀጣይ የዚክር አይነቶች ዚክረል ኸፊይ እና ዚክረል ሃቂቂይ ናቸው! ሙሻሃዳ እና ሙሳመራን የያዙ የአህሉሏህ የአይን ማረፊያዎች ! ፈናእ እና በቃእን ያጨቁ የአውሊያእ ይፋ የወጡ ሚስጥሮች ! . ....በአሏህ ፍቃድ በቀጣይ ጽሁፍ ልናየው እንችላለን።

ስለነፍስህ ዘንግተህ ጦይባ ጦይባ በል.....ጦይባ ጦይባ ማለትህን ረስተህ የጦይባውን ሹም ጀማል ለመጋፈጥ ትወፈቃለህ - በሙስጦፋው መታቀፍህን አውቀህ ማቀፍህን ትዘነጋለህ.....ከዛማ ጀማሉን ማውሳትህ ውስጥ አንተንም ዚክርህንም ዘንግተህ በሃቂቀተል ሙሐመዲያ ውስጥ ምንም እንደሆንክ ትረዳለህ....ኢሻራ ያዝ!

#ሠላሚ አላ ገውሠል ኢባዴ
#ሠላሚ አላ ገውሠል ኢባዴ
#ዳኢመን ቢላ አደዴ
✍✍✍✍✍✍✍✍
በስመ ለይላ ዚክር ልጀምር
መልኳ ያምራል አላት ብዙ ኑር
ልብን ይወጋል የፍቅሯ ጦር
አለም ለማብሰር ጀመረች መዞር
መደሰት መኖር ያምራል ከእንግዲ
#ሰላሚ አላ x2
አደም ከሀዋ ጀነትን ገብተው
የመለይክ ሹመት ለአደም ተሰጠው
እንዳሻህ ፈንጥዝ ብሎ አስደሰተው
ይሄን ዛፍ ብቻ አትንካ አለው
አስጠነቀቀው ብሎ ያዛህዴ
#ሰላሚ አላ👏👏👏
ይቺን ዛፍ መብላት ሰበብ ሆነበት
ከጀነት መውጣት ምድር መጎለት
ከወጣም በኋላ ማልቀስ መወትወት
ሌላ ተሰጠው ከፍ ያለ ተውበት
ተመለሰም በኑር ያዛህዴ
#ሰላሚ አላ👏👏👏
ከአደም ጀርባ መላኢክ ከበበው
ሲሻሙም አይቶ አስደነገጠው
ምንድነው ብሎ ለአላህ ጠየቀው
በስተጀርባዬ ይህን ያቆመው
አሳየኝ አለው የዚኑር ጉድ
#ሰላሚ አላ👏👏👏
የኔ ወዳጅ ናት ብሎ ነገረው
አንተን የፈጠርኩ ለሷኮ ስልነው
በሷኮ ኑር ነው አለም ያስገኘው
ወደ ግንባሬ መልሳት አለው
በጣም ጨነቀው ሊያያት አንዴ
#ሰላሚ አላ👏👏👏
በአለም ጀንበር ለይላ ተብላ
ልቤን ማረከች ገብታ አዱላ
አቃጠለችኝ በዜማ አግላ
እኔም ወደድኳት ማንም ቢጠላት
ከዚበኋላ እሷነች ውዴ
#ሰላሚ አላ👏👏👏
ሸሪክ የሌለው የጀሊል ኑር ናት
አላህ ለሱ ሲል እንዲህ ፈጠራት
አስቦ ሾማት በጣም ወደዳት
በኑሩም ወስዶ ለይላ ሁኚ አላት
እያደለላት ብዙ አመት
#ሰላሚ አላ👏👏👏
ኢላሂ እያሉ እያወደሱህ
በማህበር ሆነው ልጆች ተነሱ
እየፈሰሱ እየቀለጡ
በሁቡ ፈረስ ነው የገሰገሱ
ፍቅር ሊወስዱ ከነ አህመዴ
#ሰላሚ አላ👏👏👏
በቀልቡ ስሙ የሚዳምነው
መካ መዲናን ምነው ባየነው
የሁቡ ንፋስ የሚጀድደው
ያንን ደግ ፊት ምነው ባየነው
አላህ ለሱ ሲል ሁሉን ኸለቀው
አላህ የሻለት ቀድሩን አወቀው
የቂያማ ለታ ሁሉም ሲፈራ
እንዳይለዩኝ ያኸይረል ወራ
በተገናኘው ከያሲን ጠሀ
አልልም ነበር አህልና ውሀ ዳኢመን ቢላ አደዴ
#ሠላሚ አላ ገውሠል ኢባዴ
#ሠላሚ አላ ገውሠል ኢባዴ
#ዳኢመን ቢላ አደዴ

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

ተራዊህ በ20 ረከዐዎች አሀዝ የተጀመረዉ በሰይድ ዑመር ዘመን መሆኑ ይታወቃል፡፡ በሰይድ ዑስማን ዘመንም ይኸዉ ልምድ አልተቋረጠም፡፡ ያን ጊዜ ተራዊህ የማሰገዱ ኃላፊነት በአብዛኛዉ የሰይድ ዐሊ እብን አቢጣሊብ እንደነበር የሚያመለክቱ ዘገባዎች ተላልፈዋል፡፡ በሰይድ ዐሊ ዘመንም የተለየ ነገር አልተዘገበም፡፡ ሰይድ ዐሊ እንዲህ ማለታቸዉ ተዘግቧል፡-

نوَّر اللهُ على عمر قبره، كما نوَّر علينا مساجدنا

‹‹ዑመር መስጊዶቻችንን እንዳበሩልን አላህ ቀብራቸዉን ያብራላቸዉ፤››[i]

ስለዚህ በሰይድ ዑስማንና በሰይድ ዐሊ ዘመን የሰይድ ዑመርን የ20 ረከዐዎች አሀዝ የሚቀይር እርምጃ መወሰዱን የሚያሳይ ሁነኛ ዘገባ ስለሌለ ሁኔታዎች በነበሩበት መልኩ እንደቀጠሉ መረዳት ይቻላል፡፡ የኢማም ቲርሚዚ (209-279 ሂ) ተከታዩ ማጠቃለያ የዚህን ድምዳሜ ትክክለኛነት ያጸናል፡-

أَكثرُ أَهل العلم على ما رُويَ عن عمر، وعليٍّ، وغيرهما من أَصحاب النبي r :عشرين ركعة وهو قول سفيان الثوري، وابن المبارك، والشافعي، وقال الشافعي: وهكذا أَدركت ببلدنا بمكة يصلُّون عشرين ركعة

‹‹ብዙሀን ዑለሞች ከዑመር፣ከዐሊና ከሌሎች ሶሀቦች ተገኘዉን 20 ረከአ የመረጡ ሲሆን፣ይህ የሱፍያነ ሰዉሪ፣የእብን ሙባረክና የሻዒም ምርጫ ነዉ፡፡ ሻፊዒ፡- ‹በሀገራችን መካ 20 ረከዐዎችን ሲሰግዱ ነዉ ያገኘኋቸዉ› ብለዋል፤››[ii]

እስካሁን የተሰጠዉ ማብራሪያ የሰይድ ዑመር ተራዊህን በአንድ ኢማም ስር በጀማዐ የማሰገድ ጥረት በአሀዝ ረገድ በ20 ረከዐዎች ተራዊህና በ3 ረከዐዎች ዊትር፣በድምሩ በ23 ረከዐዎች እንደጸና በማያሻማ ሁኔታ ግልጽ አድርጓል፡፡ ይህ አሀዝ በኹለፋኡ ራሽዲንና በሌሎች ሶሀቦች ሙሉ ስምምነት፣ያለተቃዉሞ እንደፀናም ግልጽ ሆኗል፡፡ ከላይ የተዘረዘሩት መረጃዎችና የዑለሞች ገለጻዎች 20 ረከዐ የተራዊህ ሶላት አሀዝ በብዙሀን ሶሀቦች የጸደቀ መሆኑን የሚያረጋግጡ ናቸዉ፡፡ የኢማም አህመድ እብን ሀንበልን መዝሀብ በማደራጀቱ ረገድ ጉልህ ድርሻ ያላቸዉ ኢማም እብን ቁዳማህ ‹‹አል ሙግኒ›› በተሰኘ ኪታባቸዉ ጁ፣2 ገጽ 167 ይህ አሀዝ ለ‹‹ኢጅማዕ›› ቀረብ ያለ መሆኑን አስረግጠዉ ጽፈዋል፡፡ መራቂል ፈላህ ከተሰኘዉ የሀነፍይ መዝሀብ ኪታብ ዉስጥም ተመሳሳይ ሀሳብ ሰፍሮ እናገኛለን፡-

وهي عشرون ركعة ) بإجماع الصحابة رضي الله عنهم ( بعشر تسليمات ) كما هو المتوارث

‹‹የተራዊህ ሶላት 20 ረከዐዎች መሆኗና በአስር መሰላመቶች እንደምትጠናቀቅ በሶሀቦች ኢጅማዕ የጸደቀና ከጥንት ይዞ ሲወርድ ሲዋረድ የመጣ አተገባበር ነዉ፤››[iii]

አልካሳኒ (አስከ 587 ሂ) ተመሳሳይ ሀሳብ አስፍረዋል፡-

جَمَعَ عُمَرُ أَصْحَابَ رَسُول اللَّهِ صَلَّى اللَّهُ عَلَيْهِ وَسَلَّمَ فِي شَهْرِ رَمَضَانَ عَلَى أُبَيِّ بْنِ كَعْبٍ - رَضِيَ اللَّهُ تَعَالَى عَنْهُ - فَصَلَّى بِهِمْ عِشْرِينَ رَكْعَةً ، وَلَمْ يُنْكِرْ عَلَيْهِ أَحَدٌ فَيَكُونُ إِجْمَاعًا مِنْهُمْ عَلَى ذَلِكَ

‹‹ዑመር የአላህን መልዕክተኛ ሶሀቦች በወርሀ ረመዳን በኡበይ እብን ከዕብ ኢማምነት ሥር ሰብስበዉ 20 ረከዐዎችን አሰግደዋል፤ ከሶሀቦች መካከል አንዳቸዉም የዑመርን ድርጊት አለመንቀፋቸዉ ስለተረጋገጠ ይህ አሀዝ በኢጅማዕ የጸና ሆኗል፡፡››[iv]

የሀንበሊ መዝሀብ ሊቅ የሆኑት አል በሁቲ (1000-1051 ሂ) እንዲህ ደምድመዋል፡-

وهي ( عشرون ركعة في رمضان ) لما روى مالك عن يزيد بن رومان قال كان الناس يقومون في زمن عمر في رمضان بثلاث وعشرين ركعة والسر فيه أن الراتبة عشر فضوعفت في رمضان لأنه وقت جد وهذا في مظنة الشهرة بحضرة الصحابة فكان إجماعا

‹‹ተራዊህ በረመዳን ወር ዉስጥ የምትሰገድ 20 ረከዐዎች ሶላት ናት፤ ሰዎች በዑመር ዘመን በረመዳን ዉስጥ 23 ረከዐዎችን ይሰግዱ እንደነበር የዚድ እብን ሩማን መናገራቸዉን ማሊክ ዘግበዋል፤ይህ ዘገባ የአሀዙ መነሻ ነዉ፤ ተራዊህ 20 ረከዐዎች የተደረገችበት ሚስጥሩ ረዋቲብ ሱናዎች አስር ስለሆኑ የነርሱ እጥፍ ለማድረግ ታልሞ ነዉ፡፡ ምክንያቱም ረመዳን የበለጠ ትጋት ይፈልጋልና፡፡ ይህ አሀዝ ሶሀቦች በተገኙበት በአደባባይ የጸደቀ ስለሆነ በኢጅማዕ የጸና ሆኗል፤››[v]

ከሶሀቦች በኋለም ይህ የስምምነት መንፈስ ተጠብቆ መቆየቱን ሊቃዉንት ይገልጻሉ፡-

كَانَ عَلَيْهِ عَمَل الصَّحَابَةِ وَالتَّابِعِينَ

‹‹የሶሀቦችና የታቢዖች ትግበራ ይኸዉ ነበር፤››[vi]

عَلَيْهِ عَمَل النَّاسِ شَرْقًا وَغَرْبًا

‹‹ከምስራቅም እስከምዕራብ የሰዎች ትግበራ በዚሁ አሀዝ ላይ የጸና ነዉ፤››[vii]

هُوَ الَّذِي عَلَيْهِ عَمَل النَّاسِ وَاسْتَمَرَّ إِلَى زَمَانِنَا فِي سَائِرِ الأْمْصَارِ

‹‹በሌሎች ከተሞችም ዉስጥ እስካለንበት ዘመን ድረስ የጸና የሰዎች ትግበራ ነዉ፤››[viii]

የአራቱ የፊቅህ መዝሀቦች ዕይታ የሶሀቦችን ኢጅማዕ ያከበረ ነዉ፡፡ይህን የጋራ ስምምነት መድፈር የተጀመረዉ ከቅርብ ጊዜ ወዲህ መሆኑን ልብ ይሏል፡፡

ustaz hassen taju

[i] እብን ቁዳማህ፣አል ሙግኒ ፊፊቅሂል ሀንበሊ 2/167

[ii] ሱነን ቲርሚዚ

[iii] መራቂል ፈላህ ሸርህ ኑረል ኢዳህ፣ገጽ 183

[iv] በዳኢዑ ሶናኢዕ 1/288

[v] ከሻፉል ቀናዕ 1/425

[vi]ሀሽየቱ ዱሱቂ 1/315

[vii] እብን ዐቢዲን፣ረዱል ሙህታር 1/474

[viii] ሰንሁሪ፣ሸርሁ ዘርቃኒ 1/284

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

​📣📢🔊#አስቸኳይ_ጥሪ_ለፍትህ_ፈላጊዎች_በሙሉ!📢📣🔊

​በደሴ ገራዶ "መዲና ሰፈር" የደረሰው ግፍና ክህደት!💔😣😥😭

➡️​በደሴ ከተማ ገራዶ "#መዲና_ሰፈር" በሚገኙ ምዕመናን ላይ እየተፈጸመ ያለው ግፍ አዲስ መልክ ይዟል💔። በዚህ በረመዳን ጾም ወቅት በሰላም እንዳንሰግድ ከመከልከላችንም በላይ፣ የፖሊስ አካላት በፈጠራ ሰበብ ሊያሸብሩንና ሊያስፈራሩን ሞክረዋል።

✅​የአላህ ቃል እንዲህ ይላል፦
​"በአላህ መስጅዶች ውስጥ ስሙ እንዳይወሳ ከከለከለና እነርሱን በማፍረስ ከጣረ ሰው ይበልጥ በደለኛ ማን ነው? ... ለእነርሱ በቅርቢቱ ዓለም ውርደት አላቸው። በመጨረሻይቱም ዓለም ከባድ ቅጣት (ጀሃነም) አላቸው።" (ሱረቱ አል-በቀራህ፡ 114)
➽​የተፈጸመው አስገራሚ ድርጊት፦

ፖሊስ ጣቢያ ድረስ እንድንመጣ ተጠርተን "እዚህ ግቢ (የአባታችን ቤት) ውስጥ ከሰገዳችሁ ትታሰራላችሁ!" የሚል ቀጥተኛ ማስፈራሪያ ተሰጥቶን ነበር። እኛ ግን "ለዲናችንና ለእምነታችን መታሰርም ሆነ መሞት ክብር ነው!" ብለን በጽናት ፊት ለፊት ስንገጥማቸው፣ የጠበቁት ፍርሃት ስላልታየባቸው ደንግጠው "ማን ነው እንዲህ ያላችሁ? እኛ አላልንም!" በማለት የራሳቸውን ትዕዛዝ ክደዋል።

​ይህ ድርጊት በአላህ ቤት ላይ የተሸረበ #የወሀብያ ሴራ መሆኑን እንረዳለን።😞

#​ጥሪያችን📢📢📢

​ያለምንም ጥፋት የታሰሩ 5 አባቶቻችን በአስቸኳይ ይፈቱ!
​በግል ይዞታ ላይ የሃይማኖት ስርዓታችንን የመፈጸም መብታችን ይከበር!
​የመንግስት አካላት በፖሊስ ስም የሚነግዱና ህዝብን ከህዝብ የሚያጋጩ ግለሰቦችን ተጠያቂ ያድርጉ!

​📢 #ለሙስሊሙ_ማህበረሰብ_በሙሉ፦🥺

አንድ ሙስሊም ለሌላው ሙስሊም እንደ ህንጻ ነው፤ አንዱ ሌላውን ያጠነክራል!"
?
?

❇️ይህ በደል በዝምታ መታለፍ የለበትም። የወንድሞቻችሁ እንግልት እንዲቆምና ድምጻችን ለሚመለከተው አካል እንዲደርስ ይህን መልዕክት #SHARE በማድረግ አጋርነታችሁን ግለጹ።

ለነገ ከጧት ሰፈራችሁ መተን መፍትሔ እንሰጣችኋለን በማለት ቀጠሮ ሰተውናል!
​
#ሌሎችንም መረጃዎች እንዲደርሳችሁ
ይህን ቻናል 👇👇👇#JOIN ይበሉት 🙏

🗣 ▮▮

1,210

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

🦋✨የዳና ሀሪማ የረመዷን ጊዜ አጠቃቀም ተርቲብ🦋✨ እንመልከት

☄️ማታ 4:_5: ሰዓት ተጀልሶ ጣፍጭ ቡኹር እየተጨሰ ሀድስ እና የጀማሉዲን አል አንይ ምክር ነጅሙል ሙኒር ይደመጣል።

☄️5:_6:ሰዓት ተራዊሂ በጀመዓ ይሰገዳል።

☄️6:_7:30 ተኩል ጅጊይ /ተሰብስቦ በጀማዓ ቁረዓን ይቀራል።

☄️7:30_8:ሰዓት ተራ ቁረአን /ሁለት ትላልቅ ሰዎች እየቀሩ ሌላው ያደምጣል ይህም ለአድማጭ ስህተት ካለበት እንዳስተካክል ይጠቅማል። በወሩ ውስጥ ሁለቴ ከዛም በላይ ያኸትማሉ።

☄️8:_9:30 ተኩል ኢሻ አውራድ ይዜማል።

☄️11: እሰከ ተኩል ሱሁር አውራድ ይባላል

ከዛም ሱብሂ ሶላት ይሰገድና

ሱብሂ አውራድ እስከ 12:30 ይባላል

ትንሽ የመኝታ እረፍት ከተደረገ ቡሀላ

ደህዋ ቀስቃሽ በተነህኑህ ይሰማራል ደህዋ 4:30 እስከ 5:ከተሰገደ ቡሀላ በጀማዓ ጂጊ ቁርዓን ይቀራል ከዛም ዙሁር አዝኖ ይሰገድና ሁሉም ደላኢሉል፣ኸይራትን በመኝታው ቦታ በተኸሊ በነቢ ላይ ሶለዋት ያወርዳል በዚው እንዳለ አሱር የአዝናል ተሰግዶም

የአሱር አውራድ ይጀመራል አውራዱ በውስጡ በዙ ዚክሮችን የያዘ ነው አስተግፉሩሏህ ላይ ሲደርስ የመغሪብ አዛን ይወጣል።

ዳና ማለት ሱናውም መንዱባቱም ሳይቀር የሚከናወንበት አዝሀሩል ሀበሻ ነው

ታዳ ዳና የተፆመን ፆም ከሌላጋ እኩል ልታደርገው ነው አጂብ አለማፈር።

አሏህ ከተጠቃሞቹ ያድርገን

✍️የሙሂቡን ግጥም
አብረን እናጣጥም

634

3

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

ቀደምት ሐበሾች በረመዳን

የመጨረሻው ክፍል 4

ናሙና - 2 × × × × × × ሸይኽ ዑመር -ገለምሶ (ዑመር ዓሊይ 1875 - 1943 ) - ውልደታቸው "በልበለቲ" ውስጥ ነው። ዕድገታቸውም ከዚያው ነበር። በተለያዩ አካባቢዎች ተዟዙረዋል። ለዕውቀት ፍለጋ ብዙ ከተማዎችን ረግጠዋል። በመጨረሻም "ገለምሶን" የመደላደያ ስፍራቸው በማድረግ ተቀምጠዋል። ሙሉ የህይወት ታሪካቸውን ሀጅ ዑመር ኢብራሂም የተባሉ ተማሪያቸው " ጀዋሂር አል -ዘሀብ አል -አህመር ፊመናቂብ ኡስታዙልአክበር " ሲሉ ሰብስበውታል። በ7ኛው ምዕራፍ ላይ የሸይኽ ዑመር- ገለምሶን የረመዳ የፆም ሁነት በዝርዝር አስቀምጠዋ። - ከእርሳቸውም እንደ ሌሎቹ የሐበሻ ሊቃውንት በረመዳን ከቁርአን ውጪ የሚሰጡ ትምህርቶች ይቋረጣሉ። የዘወትር ስራ እና ክንዋኔዎችም በረመዳን ይተዋል። ስለ ቁርአን ተማሪዎቻቸውን አበክረው አደራ ይላሉ። የረመዳን ትልቁ ስራ ቁርአንን ያስደርጋሉ። እናም መስጂዳቸው ጠዋት እና ማታ ቁርአን በሚቀሩ ተማሪዎች እና ወዳጆች ይታጨቃል። መንጋ - ንብ የተበተነ ያክል ሁሉም "እምምም" ይላል። ከውጭ ሲደመጥ የደራ ገበያ ይመስላል። ሁሉም ስርዓትን ጠብቆ ቁርአንን ይቀራል።

ከቁርአን ቀጥሎ ሌላው የረመዳን ዒላማቸው ተራዊሕ ነው። ሸይኽ ዑመር ተማሪ እና ቤተሰቦቻቸውን ሳያቋርጡ ለተራዊሕ ይገፋፋሉ። አብረውም ይሰግዳሉ። የሚገርመው ፋጡማ በተባለች ልጃቸው አማካይነት ሴቶችንም ያነቃቃሉ። ለዚህም ብለው ለሴቶች መስጂድ ገንብተዋል። በአጠቃላይ የተራዊሕ ስግደት ጊዜ የሚሰማው ድምፅ የዝናብ ያክል ይደመጥ ነበር ይባላል። ከተራዊሕ ስግደት በኃላ የቁርአን ተፍሲር እና ሐዲስ ይቀራል። ቀጥሎም ተስቢሕ ፣ ተሕሚድ እና ተህሊል ይከተላል። ሶለዋቱም ይጎርፋል። አውራዱም ይቀልጣል። ፍቅር ይሰበካል። አብሮነት ይነግሳል። " ለእኛ ሁሉም ለሊቶች "ለይለተልቀድር" ናቸው ማለታቸው ከዚህ አኳያም ይመስላል።

ሸኽ ዑመር በተለይም በረመዳን ጊዜ አንድም ተማሪ ጀመዓ ሰላት እንዳያሳልፍ ዘንድ ተቆጣጣሪ መድበዋል። አንዳንድ ጊዜ እራሳቸው በየተማሪዎች ቤት እየተዘዋወሩ ክትትል አድርገዋል። ከሳቸው ጋር የሚፆሙት የሰዎች ቁጥር እጅግ በርካታ ነው። ከተማሪዎቻቸው ውጭ ለረመዳን ቤታቸውን ትተው ትላልቅ ሸይኾች እና ባላባቶች ወደእርሳቸው ቤት ይከትሙ ነበር። ብዙ አይወራም ፤ ምንም ሳቅ የለም ፤ ቁርአን እና ምክር ብቻ ነው። በዚህ መልኩ ቀርበው የደረቀ ቀልባቸውን በእርሳቸው ምክር ፤ የተወሳሰበ ኑረታቸውን በእርሳቸው ፀሎት ያቀላሉ። ፆማቸውን እርሳቸው በቀመሩት መሰረት አድርገውም ትርፋቸውን ያበዛሉ። መንፈሳቸውን ያነፃሉ። የማስፆም እና የማስፈጠሩን ኃላፊነት ህብረተሰቡ ከሸይኽ ዑመር ጋር ሆኖ ይወጣል። ይህ ያሳስበው የነበረ የለምም ይባላል።

ተማሪያቸው ሀጅ ዑመር - " ከእርሳቸው ጋር ስንፆም ትካዜያችን ይከላል ፤ የነፍሳችን ጥቁረት ፤ የቀልባችን ድቀት ይታየናል ፤ ኃጥያቶቻችን ይታወሱናል ፤ ባርነታችን ተራ እንደነበር ይታወቀናል ። እናም ከወንጀል ወደ አላህ እንመለሳለን። ምህረትን እንማፀናለን። ከእርሳቸው ጋር በመሰባሰባችን እሳት እና ጀነትን እናስታውሳለን። በተደላደለ መንፈስ ጀነትን እየተመኘን እናድራለን እንውላለን። ይህን ስናደርግ በመካከላችን ቅናት የለም። ምቀኝነት አይታሰብም። በዒባዳዎቻችን ኩራት እና መኮፈስም አይስተዋሉም። በዚህ መልኩ የረመዳንን መርዘም እንመኝ ነበር። . . . " ይላሉ።

እውነትም ነው። የቀዳምት ደጋግ ሐበሾች ኑሮ ፍቅር እና ደግነት ነበር። ማነፅ እና ማስተማር ህይወታቸው ነው። ለእያንዳንዷ ነገር ቦታ አላቸው። ለሁሉም ተግባራት እሽቅድምድም ነበራቸው

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

ቀደምት ሐበሾች በረመዳን

ክፍል 2

እናም ይኸው ታላቁ ወርሃ ረመዳን ለቀደምት ሐበሾች እራስን የማያ ብርሃን ነው። የረቀቀና የጠለቀ አምልኮ የሚከውኑበት ወር ነው።  እህል ከሞላ ጎተራቸው  ፣ ፍሪዳ ካቀፈ በረታቸው ተነጥለው ለፈጣሪያቸው የሚኖሩበት ወር። ፍቅርን ፣መልካምነትን፣  ይቅር ባይነትን እና ሌሎች ቀና ምግባሮችን ከሽነው እና በተግባር ተርጉመው የሚያሳዩበት . . . . . . . ወር።

ዳሰሳችንን ስናቀና ከፍ ብሎ ከተሰቀለ አዋቂነት ጋር በተማዘነ ስብዕና የሚታወቁት እና ለሐበሻ ብርሃን ተደርገው የሚታሰቡት  ፡ ረመዳንን ከአራት ወር በፊት በፆም ይቀበሉ በነበሩትን ሙፍቲ ዳውድን( ዳውድ አቡበከር 1743- 1819 ) ለመዘንጋት ይሳነናል። 30 ካምፕ ውስጥ በሚኖር ሰራዊት ታጅበው ኗሪ የነበሩት ፤ ከዓመት እስከ ዓመት ለእስልምና በመታገል የሚታወቁት፤ በረመዳን በየ2 ቀኑ ቁርአንን የሚያኸትሙት እና መጠነ - ሰፊ አሻራቸውን ያበረከቱት ሀጅ ሙጃሂዱን (ሙሀመድ- ሻፊ ሙሀመድ- ጣሂር 1735- 1798 ) ሳንጠቅስ ማለፍም ታሪካቸው ይወቅሰናል። የረመዳናቸው ኢፍጣር በጭብጥ ቆሎ የሆነው ፤ በላቀ የአላህ ፍራቻቸው የሚታወቁት  ሸይኽ ሾንኬን (ጀውሃር ሃይደር 1828- 1926 ) እና ሌሎችንም 3ቱ የወሎ ሸይኾች ፣ የአብሬት ሸይኾች ፣ የአልከሶ ሸይኽ፣ የቃጥባሬ ሸይኽ፣ የሐረር ፣ የጎንደር ፣ የጎጃም፣ የአፋር ሱማሌ በድፍኑም መላ የኢትዮጵያ ቀዳምት ሊቃውንትን ህይወት ከረመዳን ጋር ለመታዘብ ይቻላል። የሁሎችም በተለይ ከረመዳን ጋር የነበራቸው ስብዕና ተመሳሳይነት ፤ በእስልምና አደርነት ያላቸው ደረጃ ለአብነትም ሊጠቀስ ይበቃል። ቅኝታችን በጅምላ እንዳይሆን ዘንድ ፡ ሁለት ናሙና የሚሆኑ እና ከአርዕስታችን ጋርም የሚሄዱ ቀዳምት ሊቆችን ከረመዳን ጋር አያይዘን ለመቃኘት ወደናል።

ናሙና 1 × × × × × × ሸይኽ ጀዕፈር ቡኮ ( ጀዕፈር ሲዲቅ1778 -1848 ) ከወሎ (ቃሉ) ክፍለሀገር ፡ በገራዶ አካባቢ (ጉዳሙዋ) ተብላ ከምትጠራ መንደር ውስጥ የፈለቁ ኮከብ ናቸው። በአዋቂነት ፣ በታጋይነት ፣ በመምህርነት ፣ በአስተዳዳሪነት እና በሌሎች ጥምርምር ስብዕናዎች ይታወቃሉ።  የ19ኛው ክ- ዘመን ጌጥ ተደርገው ይታሰባሉ። በሁሉም ረገድ ተጠቃሽ ናቸው። በመፅሔት እና መፅሀፍቶች መጠነ- ሰፊ ታሪካቸውን ለመቃኘት ተሞክሯል። እዚያ ላይ እርሳቸውን ማንበብ ይቻላል። ወዲህ ግና ከረመዳን ጋር የነበራቸውን ቁርኝት ፣ ዑደታዊ ህይወት እና ተለምዷዊ ምጣት እንዲታይ ተመርጧል። ሸይኽ ሙሀመድ ፈቂህ (1844- 1029) የተባለው እና ታላቅ አዋቂ የነበረው ልጃቸው " ሚስኩልአዝፈር ፊ መናቂብ ሰይድ ጀዕፈር " የአባቱን ታሪክ ከትቧል። ለእኛ ዋነኛ የታሪክ ምንጭ እርሱ ይሆናል።

ሸይኽ ጀዕፈር ከ1200 የበለጡ ተማሪዎች ነበሯቸው። ያስተምራሉ፤ እነርሱን ይዘውም ትግል ያካሂዳሉ ፤ ቀለባቸውን ይችላሉ፤ ደግሞም ሙሉ የእስልምና አስተምህሮን ይለግሳሉ። ረመዳን ሲመጣ ግና ትግል እና ማስተማራቸውን ያቆማሉ።  የራሳቸውንም ሆነ የተማሪዎቻቸውን ትኩረት ረመዳን ላይ ያስደርጋሉ። በተለይ ሹሞችን ፣ ባለስልጣናትን እና ኗሪውን የማሸማገል ልምድ ነበራቸው። ይህንን በረመዳን ይተዋሉ። ወደየትም ጉዞ ሳያደርጉ ቁጥብ ይሆናሉ። ወሩ የቁርአን ወር ነው። የዒባዳዎች ትሩፋት የሚባዛበት ጊዜ ነው። ሙሉ ተግባራቸውን በዚያ ላይ ያስዘወትራሉ። " ፈርድ ሶላቶችን እና ተራዊሕን በጀምዓ ሳልሰገድ አንድም ረመዳንን አሳልፌ አላውቅም። " ይላሉ። ለእውነቱም አንድ የረመዳን ዕለት " ሙንተሃ " የተባለች ልጃቸው በአጋጣሚ ከመግሪብ ሰላት በኃላ ሞተች።

ክፍል 3 ይቀጥላል በኡስታዝ ሀሰን ታጁ

የገቶች ወዳጅ (fuad alhadra) ሸህ ሙሒዲን ገታ,ያነሳሁኝ ለታ የኔማ በሽታ,ወዲያው ጥሎ ጠፍ😍😍😍😍😍😍😍😍😍

۹ اردیبهشت ۱۴۰۵، ۰۱:۰۶

ቀደምት ሐበሾች በረመዳን

ክፍል 3

ሸይኽ ጀዕፈር ቡኮ (1778 - 1848 )

መስጂድ ሄደው ተራዊሕን እንደሰገዱ እና እንዳሰገዱም ይነገራል። በተራዊሕ ስግደት ወቅት የሚከተሉትን ዚክሮች ዘወትር ይሉ ነበር  ፦  በመጀመሪያ ቅማጤ ( ከ4 ረከዓ በኃላ ) በህብረት አዑዙቢላህ ሚነሸይጣኒረጂም ፡ ቢስሚላህ አራህማኒረሂም አላሁመ ሰሊ ወሰሊም ዓላ ሰዪዲና ሙሀመድ ወዓ አሊ ሙሀመድ ፤ አላሁመ ኢነከ ዓፉውን ቱሒቡልዓፍወ ፈዕፉ ዓና ቢራህመቲከ ያአርሀመራሂሚን። " ይላሉ። ቀጥለው በቅድሚያ እርሳቸው -  " ሁወል በድሩው  ሙሀመድ ሰለላሁ ዓለይሂ ወሰለም  ዘይኑልቂያም ፤ ወበድሩ ተማም ፤ ወሚስባሁዘላም፤ ወሰይደልአናም ፤አልሙዚሉ ቢልገማም ፤ አሽሃዱ አን ላኢላሃ ኢለላህ ወአነሙሀመደን ዓብዱሁ ወረሱሉሁ ሰለላሁ ዓለይሂ ወሰለም ። "  ይላሉ ብቻቸውን። ከዚያም ጀምዓው ተቀጥሎ ይከተላል ። ቀጥለውም " አላሁመ እጅመዕ ለና ኸይረ ዱንያ ወኸይረልአኼራ ፤ወስሪፍ ዓና ሸረዱንያ ወሸረልአኼራ ኢነከ ዓላ ኩሊ ሸይኢን ቀዲር ፤ ኒዕመልመውላ ወኒዕመነሲር ፤ ጉፍራነከ ረበና ወኢለይከልመሲር ፤ ተወፈና ሙስሊሚን ወአልሒቅና ቢሳሊሒን ። " ይባላል ። ቀጥሎም -  " ሰብሃነላህ ወልሃምዱሊላህ ወላኢላሃኢለላህ። " ለብዙ ጊዜ ይደጋገማል። ከዚያም አንደኛው ሸይኽ ዱዓእ ያደርግና ለሁለተኛው ስግደት ይቆማሉ። ሁለተኛውን ሰግደው ከጨረሱ በኃላ መጀመሪያ ላይ የተባለውን ይላሉ። ቀጥሎም " አሰላሙ ሚን መሊኪልዓላም ፤ ዓላ ሸይኹልአፍኸር ፤ ወመውኒሰተ ፊል ጋር ፤ ወሲዲቂል አዝሃር ፤ ወወጅሂል ቀመር ፤ ኸሊፈተ ዓቲቅ ፤ ቃቲሊ ዚንዲቅ ፤ አልሙአየዱ ቢተውፊቅ ፤ አልኢማሙ ዓለ ተህቂቅ ኸሊፈተ ሚን በዕዲ ረሱሊላህ አሚረልሙእሚኒን አቡበከር ሲዲቅ ፤ ረዲየላሁ ዓንሁ ወዓን ኩሊ ሶሃበተረሱሊላህ አጅመዒን ። አላሁመ እጅመዕ ለና ቢሳሊሂን ። " ይባላል። ሱብሃነላህ ለልሃምዱሊላህ ወላኢላሃ ኢለላህ ይከተላል ።

ቀጥሎም ለሶስተኛው ይቆማል። ከዚያ በ3ኛው የዑመር ፤ በአራተኛው የዑስማን እና በ5ኛው የዓሊይ ተዝኪራት ይቀጥላሉ። በየሁለት ረከዓው " ፈድለን ሚነላሂ ወኒዕማ ወመግፊረተን ወራህማህ አላሁመ ኢነከ ዓፉዉን ቱሒቡልዓፍወ ፈዕፉ ዓና ቢራህመቲከ ያ አርሃመራሂሚን " ይሉ ነበር። " አስተግፊሩላህ ነስአሉከ ተውባ ወነዑዙ ቢከ ሚነናር ፤ አስተግፊሩላህ ነስአሉከ ጉፍራን ወነዑዙ ቢከ ሚነናር  . . . . . " የሚሉ ማጣፈጫዎችም አብረው ዘውታሪ ነበሩ። ሸይኽ ጀዕፈር ይህን ከማስባል ጋር እጅግ ያለቅሳሉ። " አላሁመ እጅዓል ሲያመና ሲያመ ሳኢሚን " ሲሉም ይማፀናሉ።

ከዚህ የተራዊሕ ክንውን በኃላ እስከ የስሁር ጊዜ የሚቆይ የዱዓእ ስነ-ስርዓት አላቸው። በለቅሶ እና በፀሎት ፡ ለአላህ ምስጋና እና ምፀና ፤ ለነብዩ ሙሀመድ (ሰለላሁ ዓለይሂ ወሰለም) ውደሳ እየቀረበም ይታደራል። ይህ ዱዓእ በሸይኽ ጀዕፈር ይመራል ፤ ለስሁር የሚሆነውን ምግብ የማቅረብ ኃላፊነቱንም እርሳቸው ይወስዳሉ። እስከሱብሂ መዳረሻ ቁርአን ይቀራል ፤ ከሱብሂ ስግደት በኃላ እስከ ንጋት የሚቀጥል አውራድ ይከተላል። አውራዱ ሲያልቅ ሁሉም ወደየፊናው ይሰራጫል። ከዙሁር የቀይሉላ እረፍት በኃላ ቁርአን ይቀራል። እስከ ዓሱር ድረስም ይዘልቃል። ከዓሱር አልፎ እሶከ መግሪብ መዳረሻ ድረስ ቁርአን ይለጥቃል። በዚህ መልኩ በወርሃ-ረመዳን 3 ጊዜ እያንዳንዱ ተማሪ ቁርአንን እንዲያኸትም ይገደዳል። ቀጥሎ የእስቲግፋር ፣ የተስቢህ ዚክር እየተደረገ ወደ መግሪብ ከዚያም ወደ ኢፍጣር ይዘለቃል። ሙሉ ተማሪዎቻቸውን የማስፈጠር ተግባር በሸይኽ ጀዕፈር ይሸፈናል።

ክፍል 4  ይቀጥላል……

በኡስታዝ ሀሰን ታጁ

Showing 10 of 10 posts

No more posts