هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
محاضرات بلاغية
۳۱ اردیبهشت ۱۴۰۵، ۲۲:۲۱
#محاضرة جديدة
{الحقوق الزوجية}
قالت خولة لࢪسول ﷲ صلى الله عليه واله :
ٱني اتعطࢪ لزوجي ڪأني عࢪوس ٱزف أليه فآتيه في لحافه فيولي عنـي، ثم آتيــه من قبل وجهـه
فيولي عني،
فماذا تأمࢪني؟
قال ٱتق ﷲ وٱطيعـي زوجك
گالت اله فما حقي عليه؟
قال حقك عليه أن يطعمك مما ياڪل ويڪسوك مما يلبــس
ولاا يلطم ولاا يصيح في وجهك،
قالت فما حقــه علـي؟
قال : حقه عليك ان لاا تخࢪجي من بيتـه الأ بإذنه ولاا تصومي تطوعآ الأ بإذنه ولا تتصدقي من بيتـه الأ بإذنه...
📍في الواقع الحياة الزوجية قائمة علئ ظوابط معينة مثل الرجل اله حقوق وعليه واجبات وبالمقابل المرأة لـٍهآ حقوق وعليها واجبات يــ؏ــني. بعض النساء ملتزمة ،اخلاقها طيبة، من اسرة ملتزمة حجابها صحيح بالمقابل هاي بيـه مواصفات اضافية مثل كملت دراسته الاكاديمية هيــچ نموذج حقيقتاً نادر الوجود هذه لؤلؤة
عموماً البـ؏ـض قد ترتبط (تزوج )من رجل قد مايحمل هــآي الصفات يعني مختلف عنه ماملتزم، دينياً
صلاته، ما مضبوطة عنده اشياء مو صحيحة
الشرع مايقبل بعض افعاله
حقيقة مثل هيج ࢪجل يڪون ابتلاء لامࢪآة ملتزمه مثل اسيا في بيت فࢪعون هكذا قد تعيش بعض نسائنا المؤمنات.
طبعآ هنانه عدة مقدمات كان يفترض على المࢪآة مراعاتها قبل الزواج .
مثل السؤال وغيره، السؤال عن اخلاق هذا الرجل عن اهله وما تعطي الموافقة قبل ما تتأكد من حسن خلق هذا الزوج والعكس صحيح عدنا نساء متعبات يعني متعبه لزوجها للمجتمع حتى من تنجب ابناء يكونون متعبين للمجتمع
*-عن ࢪسول ﷲ صل الله عليه وآله :
ايما امࢪآة باتت وزوجها عليها ساخط في حق لم تقبل منها صلاة حتى يࢪضئ عنها.
بالنتيجـة هڪذا اسࢪة ما منسجمـة تكون متعبـة للطࢪفين فلهذا الشࢪ؏ وضع بعض الحلول لهڪذا اشياء مثل المࢪآة المؤمنـة الخࢪيجـة احبت الاࢪتباط والزواج وفي نفسها تࢪيد ان تكمل مسيرته العلمية الشࢪ؏ يگول يمكن ان تضع هذا الشࢪط في العقد
البعض قد تنسه تسوي هاي الأشياء
اليوم بعض النساء تگولك انا امࢪآة تعبت على نفسي دࢪست اڪملت وتالي اصيࢪ عاملة (خادمة) من صبح لليل مطبخ وغسيل فهاي البعض تحس نفسها مو بمكانها فأحنه نجيب هاي المࢪآة لان اليون نࢪئ هاي الاشياء ڪثيࢪة في مجتمعنا.
♦️أولآ/ ﷲ سبحانه أعطئ للمࢪآة مميزات ڪثيࢪة منها:
اوجب علئ الࢪجل الانفاق عليها يعني المࢪآة معززة مڪࢪمة في الداࢪ تحت التبࢪيد في الصيف وتحت المدفئة في الشتاء وحاجاته يجب علئ الࢪجل ان يوصلها الها
♦️ثانيآ/ المنه الاخࢪئ ان الله سبحانه لم يڪلفها بأعمال المنزل ولا حتى رعاية ابواه زوجها وما الئ ذلك
فهاي نعمـة ومنــه من ﷲ سبحانه علينا ڪنساء.
بعض النساء تگلك هل الشاࢪ؏ المقدس يمنعني من العمل؟
نگلـهه لا بالعڪس نحنُ نفتخࢪ عندما يحمل المجتمع.
هڪذا نمـوذج امرآة مؤمنـة مثقفه ملتزمه بكامل حشمتـهاا هاي تنفعنا اذا مدرسة تربي ابنائنه على الالتزام والعفه بدل من ذيچ الي ما اعرف شلون لابسه اذا موظفة تغض بصـࢪها يقول ࢪسول ﷲ صل الله عليه وآله (مثل المؤمن ڪالنحلة تاكل طيبآ وتضع طيبآ وقعت فلم تكسࢪ ولم تفسد)
((مستدرك السفينه ج١٠ ص٩))
بعض الازواج لعلـهُ يـࢪفض عمل زوجته خاࢪج الداࢪ حتى وان كان اكو اتفاق مسبق بينه وبين شࢪيڪة حياته
📍 اني اࢪجو من المرآة ان تتامل بهذه الكلمات
أڪو قانوטּ يسمى (قانوטּ الاحتࢪاق) يعني نوࢪ ﷲ شيء لا يمࢪ على شيء الأ أحࢪقه اي اذابه مثل المعادטּ افࢪض ذهب مع نحاس او ࢪصاص هذني من تذوبهن بالغالب ڪلهن يصيࢪن ذهب لهذا عدنه ذهب عيار( ١٨و ٢٤)
واقعا كله ذهب بس النحاس والࢪصاص ذاب معاه لحد ما نگدر نميز الذهب الحقيقي الخالص من المعدن النحاس فهاي مثل واحد يجعل اعماله كلها من ذهب من نحاس يعني افࢪض صلاه الليل ذهب حضورك لهذا المجلس ذهب الطبخ والغسيل نعتبره نحاس فهاي المؤمنة تقول ﷲ سبحانه الهي انه في حالة عبادة كل عملي قࢪبة لوجهك الكريـم.
💠 بالنتيجـة العبادة مࢪة تڪون بالصلاه بالقࢪآטּ ومࢪة تڪون بحسن التبعل فالمࢪآة تگله اللهي انا اعلم انت مافࢪضت علي اعمال المنزل وهاي الاموࢪ
ولڪن اࢪيد الأجࢪه منك قل لا اسألكم عليه اجࢪآ الأ المودةِ
المودة الزوجيـة
📍اذن النيـة الصالحـة في العمل تصلح حياتڪن المࢪآة ڪون تعطف
علئ جميع اسࢪتها تخلق جوو خالي من التوتࢪ الزهࢪاء (عليها السلام)
طحنت الࢪحى هل ڪان عليها الطحن واجب حتئ مجلت يداها
يعني الجلد الناعم صاࢪ خشن ڪنست المنزل حتى أغبــࢪ بدنها اشعلت التنوࢪ حتئ اسود ثيابها اذن علينا التاسي بأهل البيت بهذه النية الطيبة الصادقة المحࢪقة المزيجة
تجعل ڪل اعمالنه قࢪبة لله سبحانه وتعالى .
علينا التاسي بالسيدة الجليلة الزهراء عليها السلام ،ونترك هذه الكلمات (خادمة )وغيرها لان مراح تقدم النه فائدة وراح قد تزعزع استقرار الاسرة .
(بقلم ام فاطمــة الشويلي)
15,400
53
0
محاضرات بلاغية
۳۱ اردیبهشت ۱۴۰۵، ۲۲:۲۱
pinned «#محاضرة ((درجات الاخلاص مع اهل الببت ؏)) عن الحسين ابن علي عليه السلام قال // من تولانا بقلبه وذب عنا بلسـانه ويده فهو معنا في الرفيق الاعلئ ومن تولانا بقلبـه وذب عنا بلسانـه وضعف ان يذب عنا بيده فهو معنا في الجنـة دون ذلك،، ومن تولانا بقلبه وضعف ان…»
0
0
0
محاضرات بلاغية
۳۱ اردیبهشت ۱۴۰۵، ۲۲:۲۱
السلام عليكم ورحمة الله وبركاته
بمناسبة قرب شهر محرم الحرام .
اوجه هذه الكلمة إلى اخواتي في الدين والمذهب .
تعد خادمة الامام الحسين عليه السلام ،واجهة للمراة المسلمة الشيعية
وتترتب عليها مهام يجدر بها الالتفات لها والالتزام بالضوابط الشرعية والنية الخالصة والتحلي بالصبر والقوة والثبات في الطرح وعدم الانخراط مع التيارات ،والالتزام بكلام المرجعية الرشيدة كعدم اخراج الصوت وسيأتي بيان ذلك بنقاط :
💥مفادها:-تعد (المله) قائدة وعملها في اصلاح المجتمع لا يقل عن دور رجل الدين ان عملت ضمن كلام العلماء والمراجع العظام .
🔸 الضوابط الشرعية:- عليها الالتزام باللباس الشرعي، وتوخي الحذر في بعض الالبسة التي في الواقع قد تبدو شرعية ولكنها مزخرفة وتجذب الناظر ،والحفاظ على الصوت، اي عدم اخراجه فلا يجوز لها ترقيق الصوت وتحسينه على نحو يكون عادة مهيجا ً للمستمع وان كان محرما ً لها.
🔹 النية الخالصة:-الحفاظ على ان يكون العمل كله قربة لله سبحانه .وفي ذلك سرور لقلب الحجة عجل الله فرجه .
🔸 التحلي بالصبر:-تتعرض الخادمة لامور قد ينفد صبرها ،فلتنتبه لذلك .
🔹 القوة والثبات في الطرح :-اهم ما يميز الخادمة هو قوة الطرح ،تعلمون بان المسلمين يمرون بموقف صعب ضد الدول الكافرة امريكا واسرائيل ،ولطالما حاولوا هؤلاء تفريق وحدة المسلمين بشتى الوسائل ، فتقع على الخادمة مسؤولية ارشاد المسلمين على ان يكونوا صفا واحدا كبنيان مرصوص ضد العدو ،وكذلك ينبغي ان لا يخلو مجلسها من الوعظ والارشاد للنساء المسلمات ،فانكم ترون النساء الى اي منحدر وصلت ،وكذلك توجه المسلمات الى الالتزام بالحجاب وترك المحرمات ،وربط القلوب بصاحب الزمان عجل الله فرجه الشريف .
فان هذه مسؤولية عظيمة لطالما قلنا أن عملكن كعمل الانبياء في الدعوة إلى الله سبحانه ،وما كان لله ينمو .
🔸 عدم الانجرار خلف التيارات :-نحن قلنا مرارا وتكرارا الخادمة يجدر ان تكون خادمة للدين والمذهب ولاتكون خادمة لنفسها كطلب الاجرة بمبالغ مالية وان كان جائز شرعا ،ولكن العمل في خدمة الامام يجدر ان يكون مجرد من كل مطلب دنيوي مادي .
فلخادمة تخدم سيدها لا تخدم التيار الفلاني والحزب الكذائي ،كونوا حسينيات فاطميات زينبيات ،كل ما دون ذلك الى الهاوية مهما كان .
لا تنخدعوا بلمسميات .
🔹 ضبط النفس:-الهدؤء والطمأنينة لها اثر في نفوس الناس ،كونوا كذلك ،ابتعدوا عن المداعبة (الشقه) والضحك ،لانها مجالس عزاء وليست مجالس للفرح .
اسال الله سبحانه التوفيق لنا ولكم .
✍ام فاطمة الشويلي .
محاضرات بلاغية
۳۱ اردیبهشت ۱۴۰۵، ۲۲:۲۱
بالنتيجة هذا الكلام قد يسبب فجوة او افرضي اخوة بيناتهم الثالث نقل كلام خرب الاثنين وكلمة عله كلمة إلى أن صارت فجوة والقلوب تباعدت ونصل إلى حالة من العصبية
واشياء لا يحمد عقباه .. واحتمال ما تنحل هاي المشاكل للموت وموجودة هواي
بدل ما ينقل كلمة طيبة يقرب بيه القلوب يصافي بيه النفوس ويكسب رضا الله تعالى
يعني البعض من يشوف ناس واحد داير وجهه من الثاني ا يخلي ايد عله ايد شنو السبب ؟! يعني حته ما يتعب نفسه يحجيله كلمة طيبة
عن أمير المؤمنين...يكول قل خيراً تُذكر بخير ..الناس هم تذكر الك هل الموقف ينحسبلك عند الله والناس
لكن البعض ما اعرف شاكول كانه لا سامح الله عاجبه الوضع يعني احتمال هل كلمة الي تصدر منك تحل المشكلة ترقق القلوب ادني النفوس ..لا تبقه بس تتفرج اعمل عمل خير ..تحصل بي رضا الله ..انت بهذا الصلح ما تدري لعله بي فكاك رقبتك من النار " لعله الله يدفع عنك عذاب البرزخ " عذاب يوم القيامة مو ..يدفع عنك من مصائب الدنيا .
فلهذا كون المسلم ما يتسبب باذية اخوه المسلم " ما يبقى يجيب منا ويحط منا واسويهن اجبال مثل ما قال الصادق:
البهتان على البريئ أثقل من الجبال الراسيات
المستدرك ج٩ص١٢٧.
يعني اذا كان بريئ او مو بريئ انت شنو تحصل من تفرق بين اثنين خاصة اذا كانوا من ارحامك .
هالكلام الي يطلع منك " راح يترتب عليه اثر هاي اعمالنه وكلامنه اله صور بذاك العالم ..العمل الصالح اله شكل اله صورة يتجسد ..والعمل السيء كذلك
اله صورة .
•~ اسمعي هاي هالرواية
*- احنه كلنه اكو علاقات اللزامية واكو اختيارية صديق رفيق طريق
اختيار زوجة زوج .
-احد الاخيار انسان متقي مر بقبر فسال الله يشوفه صاحب هذا القبر ..
فافتح الله اله صورة من ذاك العالم وشاف بستان كبير
وانهار ممتدة وعصافير تغرد
وثمار
كام هذا الانسان الخير يمشي بالبستان ويتامل المنظر والأجواء " وصل إلى قصر وشاف بنص القصر سرير ورجل كاعد عله السرير
وداير ما يدور الرجل
حور وخدم وحشم سلم عليه رد اله السلام ..
ساله عن حالة ... فتبين هذا الرجل انسان مؤمن وهذا البستان و الثمار جزاء لاعماله في عالم الدنيا .
-يكول بعدنه نسولف واذا الرجل فجأة اتغير وجه اتغير لونه انخطف اصفر وكام يباوع إلى جهة معينة وهو فزع خايف ..
واذا يشوف هذا الخير
نحل اجه عله صاحب القصر وبدون ما يستطيع يعمل اي شي
طلع لسانه واذا النحل يلدغ لسانه " لحد ما انغمى عليه
وره اشويه كعد من كعد ساله صاحبنه كاله احجيلي شنو هذا " طبعا متفاجئ انسان بهاي المنزلة وبهاي الرفاهية
شنو سبب هل النحل ..ليش تاذيه بهل الشكل ؟!
كاله هذا اني جبته لروحي
هل الاذية من اديه " كاله احجيلي
كله اكو ابنية جيرانه خطبته وما صارت القسمة " ما صار توافق بين الطرفين .
فردت انتقم منه !
فاترصدت لهل البنية كلما يتقدم اله انسان يريد يرتبط بيه اخرب عليه !
يعني يكول فد كلام يخلي الناس تشمئز وتترك هل البنت لحد ما البنت كبرت بالعمر واني متت ..
- وهاي كلما تبجي البنت وتندب حظها وقسمته الله عزوجل يوكل النحل ويجي يلدغني مثل ما شفت
واني اتوسلت بأمير المؤمنين يخلصني من هذا العذاب
وأمير المؤمنين كلي ماكو مفر من هذا العذاب الا ان تتزوج البنت
* فطلب منه يسعى بتزويج هاي البنت وفعلاً الله وفق هذا الانسان وتزوجت البنت ..
الأخلاق والاداب الاسلامية
ص ٥٣٢ .
اذن كون الانسان يلتفت إلى الكلام الي يصدر منه .
- لان بالتالي هاي الكلمات وهاي السكنات كله مكتوبة بكتاب لا يغادر صغيرة ولا كبيرة الا احصاها
فالمسلم كون يحافظ عله رحمه " لا يصدر منه كلام يخرب بي علاقاته مع ارحامه
بالنتيجة الذين كانوا يتهمون الامام الحسين انه جاء من اجل المناصب والكراسي أولئك يلقون غيا وسوف يحاسبهم الله حساباً عظيماً لما رموا به سيد الشهداء بهذا البهتان .
*انتهى*
تمت بقلم خادمة العترة
*ام فاطمة الشويلي*
محاضرات بلاغية
۳۱ اردیبهشت ۱۴۰۵، ۲۲:۲۱
#محاضرة
((درجات الاخلاص مع اهل الببت ؏))
عن الحسين ابن علي عليه السلام قال // من تولانا بقلبه وذب عنا بلسـانه ويده فهو معنا في الرفيق الاعلئ ومن تولانا بقلبـه وذب عنا بلسانـه وضعف ان يذب عنا بيده فهو معنا في الجنـة دون ذلك،، ومن تولانا بقلبه وضعف ان يذب عنا بلسانه ويده فهو معنا في الجنـة دون ذلك،
ومن ابغضنا بقلبه وٱعان علينا بلسانه ويده فهو في الدرك الأسفل من الناࢪ
ومن ابغضنا بقلبــه واعان علينا بلسانه ولم يعن علينا بيده فهو في الناࢪ فوق ذلك ومن ابغضنا بقلبـة ولم يعن علينا بلسانه ولا بيده فهو في الناࢪ فوق ذلك..))
علئ هذهِ الحسابات يكون تقسيم الدࢪجات محب او مبغض لهم ؏.
الحقيقة ما يلفت الانتباه في بداية ࢪواية الامام ؏ يگول من تولانا بقلبـه يتضح النه ان قلب الأنسان هو مصدࢪ الࢪبح والخساࢪة يعني سعادتك وشقاوتك في الدنيا و الاخࢪة والمتࢪجم لهاي الاحاسيس
هي الافعال من خلال اللسان.
شلون يعني.؟ .يعني شخص متدين يحب اهل البيت ؏ صلاته بوقتـه متعلم لافكاࢪ دينـه تعࢪض يمه الغيبة يديࢪ وجهه اذا شاف امࢪآة يغض نظࢪه ميباو؏ الها مايمد ايده للحࢪام يطلع لشغل حصل خيࢪ علئ خيࢪ ماحصل مايدوࢪ مغالب ومخاد؏ هذا ومقشمࢪ ذاك هذا اموࢪه علئ خيࢪ سعيد في الدنيا والاخࢪة
وهذا القسم الاول من الحديث تقريبآ يگول الامام ؏ هذا ويانه واكو منزلة يوضحها الامام وٱحنه هم نبينـها علئ عجاله... يگول من تولانا بقلبه وضعف ان يذب عنا بلسانه ويده فهو معنا دون ذلك
اڪو البعض يحب اهل البيت ؏ ولكن ااذا شاف او سمع شخص معادي عن اهل البيت وبعيد عن طريقهم مايعرف شنو يرد ااذا يتكلم يرد بغلط وشتم
هذا شنو سببه؟ سببه الجهل والضعف ،والا الانسان المتعلم يختلف عن الجاهل ،المتعلم يعرف شنو يرد ،يرجع الى القران الى روايات اهل البيت ويثبت احقيتهم ومنزلتهم ،بس السب والشتم هذا ضعف مو شجاعة ولا قوة
وهاي مو من اخلاقيات اهل البيت
والأمام الصادق ؏ يوضح يگول شيعتنا كونو زيننا لنا لا تكونوا شيننا علينا
هاي الصفة مكروه بـ الاسلام يذكࢪ يوم من الايام اميࢪ المؤمنين ؏ سمع رجلآ يشتم قنبࢪ خادمه الامام فقنبر راد نوعآ مايرد علئ شاتمه الشتيمة
امير المؤمنين ؏ قال له مهلآ يا قنبر دع شاتمك مهانآ تࢪضي الرحمـٰن وتسخط الشيطاטּ وتعاقب عدوك.... الئ نهاية الحديث.
ٱنــت ٍ اذا بيـچ زود ࢪوحي تعلمي ڪم حديث عن اهل البيت وࢪدي على اعدائهم
فهاي المواقع اليوم الي جاي تضج بالسـب والشتم ماتمد لأهل البيت بشيء وكذلك اعداء اهل البيت ع يلزموها علينه وهاي صفات اعداء اهل البيت ؏ موو صفات شيعتهم.
فڪأني بمولاتي زينـــب ((؏)) بعد مقتل اخوتها وهي ضعيفه لفࢪاقهم وتسمع الكلام الذي جࢪح فؤادها...
يگولون زينـــــب طلعوهااا
وحࢪگووا گلبهاا بࢪاس اخوهاا
وسبووا الزجيــة ولعنوا ابوها
واذا حچت بالسوط اضࢪبوهاا..
بقلم /ام فاطمـة الشويلي
محاضرات بلاغية
۳۱ اردیبهشت ۱۴۰۵، ۲۲:۲۱
🔍بهل الاثناء سمع صوت الخيول أدنت من عنده عرف أنهم على أثره فرمى بنفسه في الماء خوفاً أن يمسكوه فغرق في الحال .. فهذا البكاء مذموم ما مقبول عند الله لان ما بيه عزة للإنسان بيه مذلة وخسارة .
*طيب سؤال يطرح نفسه *؟
*هذا البكاء للحسين هم يأثر على صلاة المسلم ؟ الفقهاء يكولون البكاء في الصلاة فقط اذا كان لله او لأهل البيت لا تبطل الصلاة..
أمّا البكاء لاجل الحسين(عليه السلام) واللطم وإقامة العزاء ؛ هذا بيه أجر عظيم كل هذا يعتبروه الفقهاء من الشعائر
🔮نعم الحسين(عليه السلام) في الجنّة و هو سيّد شبابها لكن بكاؤنا عليه هو إحياء لثورته ونهضته مثل ما وضحنه
*اذن البكاء ثقافة عالمية إذ لم يكن خاص ب الشيعة ...البكاء يقوي الفكر يقوي الطاقات كما اشار القرآن يخرون للاذقان يبكون ....وأي بكاء ..بكاء العليلة
عندما هموا بالرحيل وتركوها وحيدة في الدار تذرف الدموع لفراقهم .
أنتهى ...نسألكم الدعاء
#تمت_بفضل_الله_بقلم_
#خادمة_العترة_ام_فاطمة_الشويلي.
7,510
29
محاضرات بلاغية
۳۱ اردیبهشت ۱۴۰۵، ۲۲:۲۱
بسم الله الرحمن الرحيم
اللهم صل على محمد وآل محمد
(المحاضرة السابعة والثلاثون )
✍
*بقلم ام فاطمة الشويلي*
عن النبي محمد صل الله عليه واله قال: ثلاثة لا يدخلون الجنة؟ مدمن خمر ومؤمن سحر وقاطع رحم .
(البحار ج٧١ص٩٠ح٩)
محور حديثنه عله صلة الرحم .
من الاشياء الأساسية في حياة المسلم هي الأسرة ولهذا نشوف الشريعة جعلت قواعد اساسية حته تنظم حياة المسلم من جميع الجوانب
اكو علاقات بحياة المسلم تكون اختيارية مثل يختار صديق اله يختار رفيق سفر رايح للزيارة وتعرف عله شخص
مثل الزواج الإنسان يختار رفيقة حياته
فهذني العلاقات اختياريات ممكن الإنسان يخلي حدود معينه او ممكن تكون معرفه سطحية بهؤلاء
يعني حسبت وقت و ممكن تنتهي العلاقة.
لكن اكو علاقات إلزامية يعني انت ملزم اوانتِ ملزومة تتواصل وياه الامر ما راجع اليه احدد بي وقت يعجبني او ما يعجبني لا يعني امي ابوي اخوي ابن اختي عمي خالي هاي علاقات إلزامية الإنسان بدون اهله وناسه وداعتك كلشي ما يسوه فالاسلام أكد تأكيد شديد عله مسأله صلة هاي الارحام وحذر من التقاطع والتنافر والابتعاد بيناتهم .
في الحقيقة من مداخل الشيطان اللعين تفريق وحده الاهل والأقارب يعني نشوف بعض العوائل شكد حلو علاقات تواصل وتزاور بيناتهم ناس تدخل عله ناس
ناس عله حب الله كاعدة
لكن فجاءة يتغير الحال لا سامح الله ! بسبب اشياء قد ما تسوه ..افرضي بسبب كلمة انقلت او يصير امر معين هو بسيط لكن يتطور .
فالاسلام امرنه بصلة الارحام ..لتقريب العلاقات وزيادة المحبة والانسجام فيما بينهم ..عن الرسول صل الله عليه واله: صلة الرحم تعمر الديار وتزيد في الأعمار وأن كانوا أهلها غير اخيار .
(الأخلاق والآداب الاسلامية ص ١٠٩ )
طبعاً اقرب الرحم هم الوالدين
لكن للاسف البعض ما يسأل عن امه عن ابوه ..شنو محتاجين ..اخاف يردون منك حاجة ..حته بالسلام يبخل تلفون ما يشيل عليهم
يعني هسه ببركة الانترنيت
مسج ابعث الهم اطمئن على أحوالهم حسسهم انك مهتم بيه ..يكلك عندي مشغول ما عندي وقت .
يجاوبك باجوبة مو مقنعة او البعض يكلك امي وابويه مايحبوني يحبون اخوي ويفضلونه عليه..احنه نكله هاي الامور اتركه جانب ..الوالدين قلبهم يسع جميع الابناء ..لكن اكو هناك خصوصيات ..هل الابن تميز
عنك مثلا افرض بتعامله معهم ..افرض يصلهم اكثر منك بار بهم..طبعا هاي الأعذار هي من مداخل النفس والشيطان ..الي تزرع التفرقة بين الأسر.
في الحديث جاء رجل وأمه إلى الرسول
والرجل يريد يذهب للجهاد وأمه خايفة عليه ما تقبل فاجوا يتفاوضون عند رسول الله صلى الله عليه وآله؛ فالرسول كله ابقه يم امك والك بهاي كعدتك نفس اجر الجهاد..
كنز العمال ج٥ ص٨٦٢
فأنتِ حاول ترضي والديك اخوانك وتصلهم .
*- لكن الرحم مو بس والدين؛ طبعا سالوا السيد المرجع السيستاني دام ضله..
شنو حد صلة الارحام يعني ياهم ارحامي
الي يترتب عليه صلتهم واذا ما وصلتهم تترتب عليه عقوبة قاطع الرحم
السيد ما حدد .. كالهم شوف العرف
يعني الضابطة الناس شتكول العرف الاجتماعي
هاي امك ابوك اولاد عمك الاخوال وابنائهم.. الخ
وفي الحديث.. يكول حته الرحم البعيد .
الي بينك وبينه اربعين اب.
احنه كلنه الشيطان مداخله هواي وعنده طرق عجيبة يكدر يزرع الحقد والحسد في بعض القلوب ..يعني مثل ما كلنه تخليك تفكر بامور ..قد تكون ما اله وجود " مثل امي تفضل اختي عليه ..وابوي ما معبرني ولا كأني الابن الاكبر
ومن هاي الامور
يعني هي القطيعة شلون تصير ناس وما تود ناس فجأة. شنو السبب
مرة قد تكون بسبب الغيرة والحسد ومرة لا قد تكون بسبب كلمة ينقله شخص تخرب كل الموازين
للاسف بعض الناس مصابة بمرض يعني ما عنده غير ياخذ ويودي بهل الكلام يجيب من هذا لذاك.. شغلته يشعله بين الناس
وهاي الناس صايرة نار..بيت زيد ويه عشيرة عمر..
*- غريبة ما اعرف ليش البعض يتلذذ باذية الناس هاي الامور الي نهئ عنه الشرع
وصف النميمة والغيبة والبهتان من رذائل الأخلاق.
ما يجوز المؤمن يتصف بيهن؟!
- الامام الرضا عليه السلام يقول:
من بهت مؤمنا او مؤمنة او قال فيه ما ليس فيه اقامة الله تعالى يوم القيامة على تل من نار حتى يخرج مما قال فيه!
الوسائل ج١٢ ص ٢٨٧
طبعاً البهتان يعرفونه يكولون
هو أن تقول في مسلم ما يكرهه وما موجود فيه " طبعاً اذا كان بحضوره .. أشد انواع الكذب واثمه اشد من الغيبة والكذب واذا تكلم عنه بظهره صارت غيبة وفوكه كذب ..
-هل شخص هذا يعني بهذا فعله قد يتسبب بزرع التفرقة والاذية والحقد في النفوس يعني افرضي زوجة تنقل كلام لزوجه لا سامح الله
اليوم صار كذا امر عن أهله" او عن شخص وقد يكون هو ما يحب يسمع هل الكلام
تكملت المحاضرة ⬇️
محاضرات بلاغية
۳۱ اردیبهشت ۱۴۰۵، ۲۲:۲۱
{وَيَقُولُونَ سُبْحَانَ رَبِّنَا إِن كَانَ وَعْدُ رَبِّنَا لَمَفْعُولًا *وَيَخِرُّونَ لِلْأَذْقَانِ يَبْكُونَ وَيَزِيدُهُمْ خُشُوعًا}
*البكاء حالة وجدانية وإنسانية يعني هل لحالة تتماشى مع فطرة الإنسان الطبيعية القران ذكره بعديد من نصوصه ؛ للبكاء نوعان ، نوع يكون ممدوح ، ونوع مذموم طب نرجع نوضح هل الأمر.
*الي أريد اكوله اكو فرد ظاهرة غريبة بعض الشيء في واقعة كربلاء هل ظاهرة هي حث الائمة عليهم السلام على سكب الدموع بمناسبة واقعة الطف " شلون !؟ نتأمل قليلاً في كلام النبي و اهل البيت صلوات الله عليهم حته نوصل الى الثمرة نوصل الى الغاية ونشوف شنو هدف الائمة صلوات الله عليهم من وراء هل التوصيات بسكب الدموع عله واقعة الطف مثلاً روي عن رسول الله صلى الله عليه وآله وسلم أنه قال :كل عين باكية يوم القيامة إلا عين بكت على مصاب الحسين ، فإنها ضاحكة مستبشرة
ومضمون حديث للإمام أبي عبد الله الصادق عليه السلام لفضيل : يكله يافضيل من ذَكرَنا أو ذُكرِنا
عنده فخرج من عينه مثل جناح الذباب غفر الله له ذنوبه ولو كانت أكثر من زبد البحر احاديث كثيرة هو الحسين بأبي وأمي يقول أنا قتيل العبرة، لا يذكرني مؤمن إلا استعبر ...هل الكم الهائل من الاحاديث وإصرار الحث عله سكب الدموع اذا ما اتوصلنه الى سر هل الأمر ما نكدر نتوصل الى الهدف من وراء هل التوصيات ما نكدر نوصل الى الغاية الحقيقية
💎احنه نعرف أن العرب بمصائبهم يستقبحون سفك الدمع شلون يعني يعتبروه نوع من الضعف من الانهزامية ' اذا نرجع الى الآثار التاريخية نلكه المصيبة اذا نزلت عله شخص يستكنف يواجه بالدمع عله العكس يواجه بالشدة بالصبر بنوع من التحمل فما يوصل الى هل مستوى من سكب الدموع ....منروح بعيد احنه نربي أولادنا نعلمهم البكاء عيب يعني نوع من الضعف ما يدل على القوة " الخنساء مثلاً فقدت أولاها في ساحة القتال وفقدت إخوته ماعُرف عنها انها اذرفت دمعة " نعم قابلته بلوعة بحرقة فما عُرف عنه أنها لاذت بالدمع
اذا نجي الى تأريخ المسلمين نلاحظ ما كانت المصائب تواجه عدهم بشيء من الانكسار حته الهاشميين كانوا بعيدين عن هذا المعنى " عل الأقل هل الدموع تشكل فد لون من الانهزامية امام قوة الخصم
🔖طبعاً هذا مو معناه أن الإنسان حجر وما عنده مشاعر لا _ ءاكدلج هل شي طبيعي يعني نكدر نطلق عليه تنفيس طبيعي كلنه شي فطري " خارج عن إرادة الإنسان " لكن لما يكون الحث على سكب الدموع وهل التأكيد العظيم يعني مو فقط على البكاء لا حته على التباكي يعني ما تكدر تبكي يكلك تباكى عسى ان يستجيب قلبك ليش لان اله أثر كبير " في الواقع هل الأمر اله معنى ومعنى عميق راح يمر علينه بالبحث إن شاء الله
هذه رواية عن الامام الرضا صلوات الله عليه يتكلم مع إبن شبيب : يكله
يا بن شبيب :إن كنت باكياً لشيء فأبك للحسين بن علي فإنه ذُبح كما يُذبح الكبش ، وقُتل معه من أهل بيته ثمانية عشر رجلا ، ما لهم في الأرض شبيهون ، ولقد بكت السماوات السبع والأرضون لقتله ، ولقد نزل إلى الأرض من الملائكة أربعة آلاف لنصره ، فوجدوه قد قُتل ، فهم عند قبره شعثٌ غبْرٌ إلى أن يقوم القائم ، فيكونون من أنصاره ، وشعارهم : يا لثارات الحسين
🔮يعني نريد نعرف الحسين عليه السلام محتاج مثلاً الى ان نبكي عليه محتاج الى سيل دموعنا مثلاً ..يعني الغاية من قتل الحسين عليه السلام نبكي وتنمسح الذنوب .افرض واحد أيده ملوثة بدماء الناس ولسانه ما اعرف شنو بأعراض الناس!! هذا يجي يبكي كم دقيقة خلص الله غفر له ما تقدم وما تأخر أو شخص قاطع رحمه وصلاة ما يصلي " معاشرة طيبة لوالديه ما عنده ماذيهم لا سامح الله يجي يعتصر الدمع وانتهى الأمر هي هاي المقايس
ارجوج الحسين انقتل لهذا الغرض كم واحد يعبرون عنه بدموع !
لا طبعاً =الحسين لم يضحي بنفسه وعياله من اجل تخليص المذنبين ؛يعني شخص مسوي ذني كلهن وبكى او تباكى على الحسين وخلص انتهى الأمر !
*الحسين ضحى بنفسه وعياله من أجل الدين من أجل الشريعة ..من أجل كلمة حق تقال مو ..
إني لم أخرج أشراً، ولا بطراً ولا مفسداً، ولا ظالماً، وإنما خرجت لطلب الاصلاح في أمة جدي، أريد أن آمر بالمعروف وأنهي عن المنكر ؛ واسير بسيرة جدي محمد وسيرة ابي علي ابن ابي طالب
*بخروجه صلوات الله عليه وضح للمسلمين معالم الدين الي غُيبة ؛ أعاد لهم قوانين الشريعة الي تحطمت مع دولة بني اُميه ؛ بني أُميه ما خلو شي اراقوا دماء المسلمين هتكوا حرمة بيت الله الحرام وعملوا ما عملوا الحسين أراد أن يعلم الناس أن النفس مهما كانت عزيزة ترخص في سبيل الحق؛ النفس ما تنذل من أجل الدراهم " البعض يعز عليه يكول كلمة الحق حته ما تنضر مصالحه
تابعوا⤵️
محاضرات بلاغية
۳۱ اردیبهشت ۱۴۰۵، ۲۲:۲۱
فلابد من الأمر بالمعروف والنهي عن المنكر ..
🔮فالبكاء الي كان يحثون عليه أئمة أهل البيت بالحقيقة هو سلاح لنشر الظلامة هذا السلاح زلزل عروش الطغاة؛ عمل صاعقة كبيرة جداً ؛ فضح كثير من الظالمين والمتسلحين بإسم الدين ..
*يذكر أن الامام زين العابدين عليه السلام دخل الى سوق القصابين وسمعهم يقولوا واحد للآخر هل سقيت الكبش ماءاً فكَاله الإمام : أنتم معاشر القصابين لا تذبحون الكبش حته تسقوهُ الماء ؛ ثم توجه بوجهه نحو كربلاء مسلماً على أبيه ودموعهُ في عينيه كاله أبَه الكَبش لا يُذبح حته يسقوه الماء وأنت ذُبحت عطشاناً
📌فسكب الدموع رسخ القيم الاسلامية رسخ الاهداف الي من أجله خرج الامام الحسين عليه السلام
*في الواقع كل ثورة أو نهضة مهما كانت ثقافية فكرية اجتماعية تربوية تحت أي عنوان>> وإلا يكون الفشل نتيجة حتمية لمثل هذه الجهود ..القران مثلاً
رغم كان موجود ومخزون بعلم الله وتم عرضه في ليلة القدر عله النبي صلى الله عليه واله دفعة واحدة ..لكن النزول كان تدريجي واستمر ٢٣ سنة ....هذا شنو ينطينه انطاع قبل أن نخطوا اي خطوة كون اندقق
اذن ..الحسين صلوات الله عليه كان يدرك أنه ما يملك المقومات الي موجودة عد يزيد
لا عنده جيوش الي عد يزيد ولا بيت المال بين إديه ولا عنده السلاح الى عند الدولة الأموية ؛ هاي من جانب ومن جانب آخر الرسائل ' رسائل أهل الكوفة تعلمون بأن اهل الكوفة بعثوا رسائل كثيرة " فكان واجب الامام يحتم أن يأدي ماهو مُترتب عليه " فما كان يسعهُ البقاء يعني لابد من طريق يكدر يجمع بين أمرين ...احنه نعرف أن الحسين هو خليفة الله في الأرض وعمله يمثل الدين الاسلامي وهو امتداد طبيعي للنبي صلى الله عليه واله
*والنبي عمله تحقيق العدل ومحاربة الفساد والاستبداد والظلم فالحسين
عليه ان يقف نفس الموقف لازم يأمر بالمعروف والنهي عن المنكر...
سؤال...؟
شلون يكدر الحسين بهل الحالة يعني لا عنده مقاتلين ولا عنده أموال شنو يسوي شنو الحل؟؟؟ ما كان عنده غير إراقة دماءهُ ودماء أهل بيته كدر من خلال هل الطاقات ينشر الظلامة الي عصفت بالقائمين عصف شديد لأن احياناً الظلامة تقصف ابلغ مما يقصف السلاح
*إسرائيل وأمريكا الي متمثله بداعش ظهروا للناس بإسم الدين الاسلامي..استعملوا فرد لون كدروا يشوهون صورة الدين الاسلامي من خلال الاعلام واقلام بعض المرتزقة تكتب هاي الاقلام الخالية من الصحة كدروا يلعبون أدوار قنعوا بيه بعض ضعفاء النفوس يعني استطاعوا أن يوصلون الى هدفهم وغايتهم ...×
🔗اذن احنه علينه توضيف هاي الدموع بإصلاح النفس انطبق قانون الشريعة ..ما نخلي هل الدمع مجرد تأثير عاطفي ويزول لا ..الحسين مو بحاجة الى سكب الدموع... الدموع تلعب دور رسالي اذا أدت دوره بشكل صحيح
📌*خل ارويلج هل الرواية *
📝كان عبد الله بن حر رئيس احد القبائل ورجل معروف بالشجاعة ...يقال بعد ما قُتل مسلم بن عقيل " خرج عبد الله من الكوفة لان عرف اذا بقه بالكوفة لازم يرافق جيش ابن زياد ، فهرب الى الصحراء ؛ مرت بيه قافلة الحسين فسأل الإمام لمن هذه الخيمة كالوله لعبد الله بن حر ...أمر الامام؛ الحجاج بن مسعود ، الحجاج كان من قبيلة عبد الله
كاله ادعوه للالتحاق بنا " فدعاه الحجاج
رد عليه عبد الله: كاله أهل الكوفة نقضوا بيعتهم ويه مسلم وباعوه بحفنة دراهم ليزيد فإذا كنت تتصور بقه أحد ينصر الحسين من اهالي الكوفة انت مخطأ ؛ فأني عرفت اذا بقيت ساضطر لمحاربة الحسين ولهذا هربت خارج الكوفة *الحجاج انزعج من هل الكلام ورجع مطأطئا راسه للامام
*الامام كاله اني اروح اله بنفسي ... دخل عليه الحسين فقال له: ياعبد الله لقد ارتكبت ذنوب كثيرة بحياتك واذا متت من غير توبة فسيعاقبك الله بشدة التحق بنا حتى يشفعلك جدي .. جاوبه عبد الله كاله : سيدي اني اعلم أن النجاة في نصرتك والهلاك في نصرة ابن زياد.. الظاهر أن عبد الله بن الحر عزت عليه نفسه " فدفع بفرسهِ وسيفه الى الإمام كهدية
كاله الامام : اني اجيتك لاتمم عليك الحجة ولم آتِ من أجل السيف واشياء أخرى ما محتاج الذني ...بعد فترة من واقعت الطف رجع عبد الله بن الحر للكوفة ..وصل الخبر لأبن زياد ..كالهم جيبوه ... احضروه فسأله ابن زياد كاله أين كنت كل هاي الفترة ...كاله كنت مريض ..كاله ابن زياد كنت مريض جسم لو مريض قلب ..كاله جسمي مريض
فكاله ابن زياد: كلا ..انك ضد يزيد
عبد الله خاف : كاله الي كالوا اني ضد يزيد عليهم أن يقدموا دليلاً ...اضاف ابن زياد كاله : لقد قالوا إنك قابلت الحسين وكنت تنوي أن تهديه فرسك وسيفك
*عرف عبد الله بأن الجواسيس كانوا يراقبونه وحياته صارت بخطر .. فامتطى فرسه وفر مسرعاً فبعث إبن زياد اشخاص يمسكونه
*وصل عبد الله الى كربلاء ؛ نزل عن فرسه الى قبر الحسين إبن علي وأخذ يضرب رأسه بالقبر باكياً ويقول : يامولاي لم ألبِ دعوتك ذلك اليوم وقد نلت جزاء أعمالي بهاي السرعة ليتني لبيت دعوتك واستشهدت معك
تابعوا⤵️
محاضرات بلاغية
۳۱ اردیبهشت ۱۴۰۵، ۲۲:۲۱
🎨 Sticker
5,680
2
0
محاضرات بلاغية
۱۷ اردیبهشت ۱۴۰۵، ۰۹:۰۰
🔸_إذن الغيبة ما بيه مغفرة الا من صاحبه شلون يعني اذا شخص تكاسل عن أداء الصلاة
أو مثل ترك غسل واجب عليه هذه الأعمال العبادية هو وربه لكن مثل الغيبة لا هاي مسألة حقوق الآخرين
هاي لازم تروح ذليل إلى ذلك الطرف وتستحل منه والا لا تقبل صلاتك ولا صيامك ورصيد حسناتك يخلص لأنه يحول للمسلم الي استغابيته وإذا خلص رصيدك وانت مستمر لا سامح الله بتجاوزك عله الناس يجيبون من سيئات ذاك الشخص ويخلوه بسجل أعمالك.
أمير المؤمنين عليه السلام يقول :
(طوبى لمن شغله عيبه عن عيوب الآخرين )
الأخلاق والآداب الإسلامية ص ٥٤٢
-نجي نوگف على هل الحقيقة هاي شيريد الأمير يعني وين هدف هذا الكلام؟
*- احنه نعرف هذا الإنسان لما يفتش عن عيوب الناس وينسه عيبه هذا يبقه يفتر بهل الحجاية هاي ويسوي فتنه وممكن تسوي اشياء تأدي إلى القتل لا سامح الله وفعلا حدثت موجودة أمثلة هواي يعني هل الكلمة هاي ممكن تبني أسرة وممكن العكس ممكن هل الكلمة تهدم أسرة وتوصل للطلاق فهذا الانسان لما يجي يشتغل بعيوب الناس وينسه عيبه هذا معناها راح يضع أمامه شر الناس وينسه شر نفسه فشيريد يقول أمير المؤمنين بالحجاية مالته يريد يگول انت لما يتشغل بعيوبك معناها جاي تبحث عن سعادتك لأن لما انسه عيوب الناس واعتبر نفسي اني المو زين إذن لما أصلح نفسي أصبح سعيد لو ما أصبح سعيد.
-هاي أشبه بقضية واحد مريض ويون من آلام فد شهر وراح الى احد الأطباء وانطاه علاج صحيح العلاج مر اليوم بس هذا لما يشفه من ألمه والآلام تروح مال المرض مالته شگد يصبح سعيد، فامير المؤمنين يگول انت لما تفتش عن عيوب الناس راح تصير غيبة وهاي الغيبة راح تجي من وراها نار جهنم انت ليش تجيب الغيبة لنفسك جيب الأشياء الزينة لنفسك طوبى لمن شغله عيبه، انسه عيوب الناس انتِ ما زالج في البيت لا اتباوعين لعيوب زوجج
اختج هم من تشوفج مشتغله تصلحين عيوبج تأخذ طريقتج وهكذا، المجتمع من ينشغل كل واحد بعيبه، ينصلح.
- يروى امرأة مسلمة في المدينة كانت إله جارية فذات يوم جاءت المسلمة إلى رسول الله صلى الله عليه وآله قالت له اذنبت يارسول الله وأريد التوبة كله شنو ذنبك
كالته تجاوزت عله الجارية وقلت لها انتي زانية شنو الحل؟ بهل الأثناء الرسول گله استعدي لعقاب الله، فهاي المسلمة فزعت وخافت شلون ورطة ورطت نفسي بيه كيف الخلاص، يارسول الله انطيني حل اتخلص من هذا البلاء، گله الحل الوحيد ترضين الجارية،، طبعاً هو هذا دين الإسلام في محكمة الله ماكو مجاملات فيذكر انه أخذت سوط وخلته گدام الجاريه گلتله هاي اني گدامج وشنو تردين فعلي بيه، تضربيني تعفين عني على العموم هاي الجارية طلعت انسانة روحه كبيرة وانسانة مؤمنة اصفحت وعفت بكل احترام عنه، فالتالي السيدة أطلقت سراحها.
القصص الأخلاقية ص ٣٤٧
لكن ما اريد قوله شلون بينه إذا رحنه نستحلل من شخص ما يحمل روح التسامح ولا التفاوض.
إذا رحت استحلل من هذا الي اغتابيته ممكن تأدي هاي الحجايه مالتي إلى فتنه كبيرة و ما يتقبل هذاك
شنو اسوي؟ الامام الصادق استغفر الله اله، الأخلاق والآداب الإسلامية ص ٦٠
فممكن تستغفر لذاك وبهذا أن شاء الله ينصلح الأمر
- فالمسلم كون يراقب نفسه حته لا يقع في فخ الغيبة يكون دائم الذكر لله قليل الكلام من هذا المجلس مجلس الحسين المظلوم نطلب المغفرة من الله التوبة واحنه نذكر مصيبة سيد الشهداء
يذكر لما بقي الحسين عليه السلام وحيداً بعد أصحابه الكرام جاء إلى خيمة العيال ونادى يازينب يا ام كلثوم يا فاطمة يا سكينة يا فلانة يا فلانه يناديهن باسمائهن عليكم مني السلام فقالت سكينة يا أبت استسلمت للموت فقال يا بنية كيف لا يستسلم للموت من لا ناصر له ولا معين فقالت يا ابتاه ردنا إلى حرم جدنا فقال هيهات فتصارخن النساء فسكتهن وأوصى اخته زينب بالعيال والأطفال.
حياة السيدة زينب ص١٢٢
حوار بین الامام الحسين (ع) والسيدة زينب (ع)
ضلمني الدهر توه وزاد .. ضلماي
وصارت دنيتي يحسين .. ضلماي
بچيت و ما اضن بالعين .. ضل ماي
الدمع والشوف هم شحّن عليه
*----------------------*---------------------*
منو اليمك گعد يا خوي.. سبال
اديك و من طلبت الماي.. سبال
يخويه شلون ساعه الشمر ..سب آل
بيتك و انته متوسد الوطيه
*----------------------*------------------
نعي مفجع
السيده زينب ع
اتخاطب الأمام الحسين ع
شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس
بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ
ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول
*-----------------------*-------------------*
✍خـادم الـحـسيـن ع
الشاعر رعد الجريخي
محاضرات بلاغية
۱۷ اردیبهشت ۱۴۰۵، ۰۹:۰۰
السلام عليك يا مولاي وعلى شيبك الخضيب
السلام عليك وعلى خدك التريب
السلام عليك وعلى بدنك العاري السليب
فاز من تمسك بكم سادتي وأمن من لجأ إليكم ياليتنا كنا معكم فنفوز والله فوزاً عظيماً
الغيبة
-عن النبي محمد صلى الله عليه وآله وسلم قال: من اغتاب مسلماً أو مسلمة لم يقبل الله تعالى صلاته ولا صيامه أربعين يوماً وليلة إلا أن يغفر صاحبة.
في قصصهم عبرة ص٩٢
-من الأمراض الروحية إلي تصيب الإنسان هي الغيبة والغيبة يعرفونه هو أن تذكر اخوك المسلم بما يكره في غيبته.
الأخلاق والآداب الإسلامية ج١ ص ٥٨
-يعني مثل تذكر عيب في أخلاقه عيب في خلقته شكله أو حته تذكر عيب في أمور آخرته مثل تگول عنه ما ملتزم افرض بصلاته صيامه وهكذا
الإمام الصادق يگول :الغيبة حرام على كل مسلم وأنها لتاكل الحسنات كما تأكل النار الحطب
الأخلاق والأداب الإسلامية ج١ ص ٥٩
*- والجميل يكولون المرء لا يتكلم الا لحاجته ولا يفكر إلا في آخرته
- يعني لما الإسلام يمنعنه من اظهار عيب الآخرين ليش الإسلام يمنعنه؟
بله خل نشوف هل القضية هاي
هذا لما احنه نفتش عن عيوب البعض هذا يضهر عيب ذاك المؤمن وهاي المؤمنة تضهر عيب تلك المؤمنة هذا شنو يأدي بالمجتمع هذا يأدي إلى المحبة والوأم أو يؤدي إلى هتك الإنسان يأدي إلى التفرقة يأدي إلى تشتت المجتمع الإسلامي فاذن الشريعة لما اجت تمنعنه من الغيبة إذن بيه مضار نعم اكو عدنه غيبه مثل ما نگول بناءه شلون غيبة بناءه
اجه فرضاً هل المسلم هذا يزوج هل بت الحلال هاي من منطقتي وسألني فهنا هاي المرأة إذا تادي للرجل مستقبلاً لزواجه تاديله مفسدة عظيمة الشريعة تگلي لا
انتي ظهري عيب هاي المرأة أو أظهر عيب هذا الرجل ليش؟
لأن هذا صحيح غيبة ولكن بي فائدة راح تدفع ضرر عن المؤمن أو المؤمنة.
- فاحنه نگدر نگول عند كل إنسان لسانين أن صح التعبير لسان خير ولسان شر لسان الخير اللسان الي مداوم عله ذكر الله تعالى أو الي يصلح بين الناس يحل مشاكلهم فمثله كمثل النحلة أين ما وضعته ينگط عسل ولسان الخير عاقبته إلى خير بالمناسبة الإنسان صاحب اللسان الطيب انسان صالح سريرته طيبة صالحة كما يذكر رحم الله من قال خيراً فنعم أو سكت فسلم فما دام هلسان ينطق خير الإنسان في خير لكن إذا يتكلم اما له أو عليه.
- إذن المعادلة واضحة قليل الكلام كثير التأمل والعكس صحيح.
الحقيقة الإنسان كثير الذكر
ما يتفعل عنده لسان الشرلأن نفسه وروحه مرتبطه بالله ماكو اي شي يگدر يجذبه للمعصية الإنسان المسلم الملتزم ماكو في قاموسه المتصل خارج نطاق الخدمة هيج انسان من الصعب نفسه تگدر تتعرض إلى المحرمات مثل الغيبة مثل وهتك حرمة الآخرين.
-الغيبة إله هواي مواقف مثل
بعض سواق السيارات يعني بالطريق مثلاً صار حادث أو أحد كسر عليه بعض السواق ما يتحمل افرض يشتم ويسب وهو ماشي محد سالم من اللسانه، يعني احنه نعرف الشارع مشتعل نار وهاي هم بيه هواي كلام للأسف صاير الشارع مثل الحرب العالمية الأولى قليل من ينطي مجال للآخر يعني التعاون حلو لو كل سائق إمراة أو رجل
يفسح المجال للآخر كان هواي أمور تغيرت السايق يمشي بأريحية
بدل هذا التشنج واللعن المستمر.
" هذا من جانب، من جانب آخر"
البعض يگول المرأة أكثر تعرضاً للغيبة من الرجل يعني افرضي شافت احد قريباتها أو زميلاتها بالعمل طالعة جميلة ومرتبة نفسه
فهاي ما تقبل تغار تبقى تتجي عنها يم هاي وذيج لحد ما اطلع اسوء ما بيه حته المقابل ما يشوفه جميلة.
وكثيرة الأمثلة وحدة لا مثلاً شافت جارته الي كانت ما ملتزمة لا بحجاب لا بمكياج اليوم مرتبة حجابه لابسه طويل لامه نفسه ما مخليه مكياج تابت هل المرأة ليش ماكو احد يتوب؟! الله تعالى نور قلبه ورجعت للصواب فبعض النساء ما يعجبهن هل الأمر تضل تحجي هنا وهناك حته ما تتحسن صورته بعيون المجتمع وهذا مرض لابد العلاج منه يعني انسانه تصلي وتساعد الفقراء وحجابه تمام لكن هل الصفة بيه تاكل بلحم الرايح والجاي ما ترتاح إذا ما تحجي شنو الفايدة؟!
-بالنتيجة هذا الإنسان عليه أن يتعظ يذكر نفسه بأن حسناته احترگن بنار الغيبة و حالة القرب من الله ما يگدر يتحصل عليه بعد
ما يتوفق يحضر مثلاً مجالس العزاء ما يتوفق ينفق للفقراء لأن العمل إله إثر صالح كان أو طالح.
فالمسلم من يسمع الروايات عن الغيبة يصيبه حالة من الندم من الحزن الشديد الرواية تقول : من مشى في غيبة أخيه وكشف عورته اي كشف سره كانت أول خطوة خطاها إلى النار
في قصصهم عبرة ص٩٢
يعني احنه خل نخلي لانفسنه ميزان كم مرة استغابينه كم خطوة وصلنه للنار نستجير بالله.
طبعا اللطيف انه
-ينقل عن احد العلماء اغتابه شخص
يگول جاب العالم طبق من الرطب وأهدافه للي استغابه گله تفضل هذا جزاء الخدمة الي قدمته لي گله شنو هي گله حسناتك اجت كله بديوان حسناتي يعني رصيد العالم صعد.
📕في قصصهم عبرة ص٩٢
محاضرات بلاغية
۱۷ اردیبهشت ۱۴۰۵، ۰۹:۰۰
pinned «#محاضرة جديدة {الحقوق الزوجية} قالت خولة لࢪسول ﷲ صلى الله عليه واله : ٱني اتعطࢪ لزوجي ڪأني عࢪوس ٱزف أليه فآتيه في لحافه فيولي عنـي، ثم آتيــه من قبل وجهـه فيولي عني، فماذا تأمࢪني؟ قال ٱتق ﷲ وٱطيعـي زوجك گالت اله فما حقي عليه؟ قال حقك عليه…»
0
0
0
محاضرات بلاغية
۱۷ اردیبهشت ۱۴۰۵، ۰۹:۰۰
#فائدة_فقهية…
#موت_المطلوب_ديناً
لو مات الإنسان مطلوب دينا فما هو الحكم الشرعي وهل يبقى الدين بذمته أو مبذمة الورثة ؟
#الجواب: الدين يخرج من أصل التركة قبل تقسيم الميراث .
المديون مرة مستعد لوفاء الدين ولكن الأجل لم يأتِ بعد يعني استقرض أموال لمدة ولكنه توفي قبل ان تأتي المدة .
فهنا الدين يتحول على أصل التركة وهو بذمة الوصي او الولي يؤديه من أصل التركة فان لم يؤده كان مأثوماً والميت لايتحمل شيء بشرط أن يكون الميت قد أعلم الورثة انه مديون لفلان بوصية تحريرية أو شفوية .
ومرة المديون مماطل وعاصي في وفاء الدين وهو يستطيع الوفاء ولكنه عصياناً لم يوفِ فان مات وجب على الوصي او الولي أداء دينه من أصل التركة فإن لم يوفه فيكون الإثم على الإثنين . على الميت لأنه لم يؤدي دينه في حياته عصيانا وعلى الوارث لانه لم يسدد دين الميت من أصل التركة
اما اذا أدى الورثة دينه من اصل التركة فهو أيضاً مأثوم لمماطلته في اداء الدين في حياته ولكن الله لايطالبه بالمال يوم القيامة .
📌ملاحظات :
#أولاً : إذا كان الدين مؤجل ومات المدين فيحل الأجل مباشرة يعني لو استقرض الانسان مليون دينار لمدة سنة وبعد شهر من الدين مات فيجب على الورثة تسديد الدين من اصل التركة مباشرة ولايجوز لهم التأخير حتى تنقضي السنة .
#ثانياً : لابد للذي يستقرض أموال ان يخبر أهله بذلك او يكتب وصية ولا يتماهل بذلك لان الموت لا نعلم متى يأتي .
#ثالثاً : إبراء ذمة الميت من الدين بعد موته لا ينفع الميت شيئاً لان وفاء الدين بعد الموت واجب على الورثة وليس على الميت فابراء الدين يكون للورثة وليس للميت
#رابعاً : الدين بدون حاجة مكروه فالأفضل للانسان ان يشتري بقدر مقدرته ولا يحمل نفسه ديون لا طائل منها.
8,870
محاضرات بلاغية
۱۷ اردیبهشت ۱۴۰۵، ۰۹:۰۰
السلام عليكم/يوجد اجهزة مستعملة للبيع .
جهاز برين صوت باب اول/حجم وسط .
مايك درجة اولى يفيد في محرم عند بحة الصوت فيه مميزات جميلة
وباسعار جيدة .
¬يالله
¬اللهم صل على محمد وآل محمد
📌☺️وصل كتاب المنبر الحكيم الجزء الثاني إلى المحافظات الآتية :-
👇👇👇👇👇👇
. 📍- البصرة
مكتبة الدعاء
07716860773
📕
--------------
. 📍- البصرة الكرنة
مكتبة الغدير
07712668559
📕
---------------
. 📍- كربلاء
مكتبة الكفيل
07724112934
📕
----------------
. 📍-الناصرية
مكتبة ابومحمد
07705504973
📕
--------------
📍- الكوت الحي
مكتبة القبس
07829396624
📕
-------------
. 📍- النجف
حسن الطريحي
07832535076
📕
-------------
. 📍- بغداد
مكتبة الغدير
07711395580
📕
--------------
. 📍- بغداد
سوق الاولى
ابراهيم المعوق
📕
-------------
. 📍- البصرة المدينة
مكتبة الامام الصادق
07705644357
📕
--------------
. 📍- الناصرية
مكتبه نور الزهراء
07808201784
📕
--------------
. 📍- الحله
مكتبه الحسن المجتبى
0786772872
📕
-------------
9,750
7
محاضرات بلاغية
۳۱ فروردین ۱۴۰۵، ۱۲:۲۰
بـــســـم اللـــﮩ الــرحمـــن الــرحــيـــﻤـ
«وَقَالَ رَبُّكُمُ ادْعُونِي أَسْتَجِبْ لَكُمْ ۚ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ »
📌 الانسان من يتوجه الى الله الۍ الدعا۽ طبعا يشعر بحاجة يشعر ابنقص وهذا الشعور هو بحد ذاته عبادة ليش الانسان يتوجه الۍ الله
يعني يريد يڱله ياربي هل الانسان مع كل ما انطيته ' سلحته باشيا۽ ـ سلحته بغرائز مع كل هذا هو يبقه محتاج وهذا الشعور بالحاجة لله في الواقع هو عز وكرامة للانسان
فالله منع التذلل لغيره فقال ادعوني
استجب لكم ...لان الدعا۽ بيه نوع من انواع العبادة والقرب من الله تعالى
والطلب من غير الله ذله .
ــ زين
📌 الله تعالى يقول لنبيه موسى ابن عمران في حديث قدسي ، يبن عمران سلني كل ما تحتاج اليه حتى علف شاتك وملح عجينك
بالتالي هذا التاكيد المن " اكيد لمصلحة الانسان نفسه" لا يهلك مع الدعاء احد
*ـ للاسف البعض يستكبر او ما عنده ايمان بالدعاء
لازم المؤمن تكون عنده ثقه بالله
مو كما جاء بالحديث(الدعاء سلاح المؤمن )
يعني الانسان تمر عليه مصائب ومحن وابتلائات وين يروح بيمن يستعين يستعين بالدعاء اياك نعبدوا واياك نستعين مو “ فانت ما زالك رافع يديك وتطلب بتضرع بتوجه حتما الله يعطيك
يعني الله عزوجل جاي يكول
واذا سالك عبادي عني فاني قريب اجيب دعوة الداعي
كأنه الله جاي يكول اني قريب منك يا بني ادم ‘ انه جاي اسخرلك كل شي ارضي وسمائي
فكون العبـد يفهم هل الامر ـ ويقترب من الله يطلب بتضرع بخشوع - ما يروح لغير الله
لان الناس ما بيه رحمة وحتى اذا تنطيك تمحقه بالمن .
*من بعد هل المقــدمة
#سوال يطرح نفسه ؟
احنه مرات ندعوا بس اجابة ماكو وهاي الحقيقة يجاوب عليه الامام عليه السلام
لما سالوه الامام الصادق عليه السلام
📍 كلوله سيدي ندعو فلا يستجاب لنا
كاللهم لانكم تدعون من لا تعرفون
اكو مرات شخص ما عنده ثقه بالله بان يستجاب له
يعني هذا احتمال ما عنده ذاك الارتباط بالله ما عنده ذيج العلاقة مع الله بالنتيجة
يعني لا يكون واحد من يدعوا كلبه مشتغل بشي وباله مشتغل بشي ذني ما يصير
ليش ما يصيرن ...لان الدعا۽ طلب سعي
اجتهد وانت تطلب من جبار السموات والارض - يعني البعض يكول الله ما يزقني اوما يطيني " نكله روح اعمل اسعى وانت كاعد ما ترهم الشغلة ..
امير المؤمنين عليه السلام
📌 يقول( الداعي بلا عمل كل الرامي بلا وتر )
فلا تنتظر الرزق يطرق الباب عليك لا انت اطرق باب الله اولا
ثم تجيك الاجابة
الله عزوجل يقول
انا عند حسن ظن عبدي بي.
طيب.. ما هي العوائق بين العبد وربه ؟
📌*- الحقيقة اكو حجب وموانع توكف ما تخلي الدعاء يرتفع "يعني احنه لما نمر بدعاء كميل نقرا
اللهم اغفر لي الذنوب التي تنزل النقم اللهم اغفر لي الذنوب التي تغير النعم
اللهم اغفر لي الذنوب التي تحبس الدعاء
اذن اكو ذنوب تنزل علينه نقم ومن بعد ما تنزل النقم تروح مني النعمة
ومن اجي ادعي ما يستجابلي !
ليش لان اكو لا سامح الله حرام ابطني وهذا الحرام مشكلة .
📍 يروى ان موسى شاف رجل يتضرع ويبجي منقطع لله انقطاع عظيم
يكول
فاوحى الله الى نبيه كاله لو فعل كذا وكذا
لما استجبت دعاءه
كاله اللهي شنو السبب ؟
كاله لان في بطنه حراما وعلى ظهره حراما
وفي بيته حراما
🛎 الحقيقة لما تنزل للاسواق تشوف معاملاتنه بيه غش بيه حرام يعني يبيعك ذهب يطلع شبه لو البعض يعرضلك بضاعة بالوجه شكل ومن تجي للبيت تلكاه شكل اخر
* يكول الرسول الله صلى الله عليه واله
مر عله تاجر يبيع حنطه حاطه بكيس
فمد ايده الرسول لنهاية الكيس لكاهه مبلله كاله شنو هاي ؟!
رد عليه البائع كاله مطر اصابه
كاله الرسول_ليش ما خليته فوق الطعام حته تشوفه الناس من غشنا فليس
منا "بالنتيجة كل عمل اله اثر في الواقع
📝 نرجع للايه الكريمة وقال ادعوني.
( لماذا الله امرنا بالدعاء)
📍 يعني غني وكريم وقادر يطينه بدون ان نساله ونلح في المسالة
يعني قادر يفيض عله عباده ؟
في الحقيقة الله يريد للانسان انه يدنو منه يتقرب لان هذا التقرب به صلاح للمسلم الدعاء مخ العباده .
الشيء الي تاخذه بجهد وبتعب تلكه بيه حلاوة عكس الشي الي يجيك حاضر
يروى ابن عباس ان الزهراء عليها السلام
دخل عليه النبي مع الامام علي وهمه ما ذايقين الطعام تلث ايام
حارت شنو تسوي هي تعلم بيته ما بيه كل طعام
اليوم الاول اجتمعوا الامام علي والحسنان والزهراء عليهم السلام
واذا بلباب تطرق مسكين -شالوا الطعام واعطوه
واليوم الثاني نفس الشي واذا يتيم بلباب
كذلك اعطوا طعامهم
واليوم الثالث واذا بيه اسير
