ኦርቶዶክሳዊ አስተምህሮ

Public

مشاهده کانال

نمی‌توانید بپیوندید؟ @Orthodox_Doctrine1

۷.۵k عضو

به‌روزرسانی شده: May 4, 2026 at 5:57 AM

ኦርቶዶክሳዊ አስተምህሮ

Follow @Orthodox_Doctrine1 to stay updated with the latest مذهب trends and news

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (3 روز گذشته)

مجموع: 7.5K

رشد 24 ساعت: +0 0%

آخرین پست‌ها

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

“ማርያም”

“ኢየሱስም ማርያም አላት” ዮሐ. 20፥16።

ለስም አጠራሩ ክብር ይግባውና ጌታችን መድኃኒታችን ኢየሱስ ክርስቶስ ከትንሣኤው በኋላ በስሟ የጠራት የመጀመሪያዋ ሴት ናት፤ የተቀደሰውን ጉባኤ በገንዘባቸው ካገለገሉ ጥቂት ሴቶ መካከል አንዷ ናት ሉቃ. 8።

የኃጢአቷን ሥርየት ካገኘች በኋላ ከኢየሱስ ክርስቶስ እና ከተቀደሰው ጉባኤ አልተለየችም።

የቀራንዮ ውሎ ብዙዎችን ከነበሩበት ሲያወርዳቸው ከቀራንዮ በኋላም ባለችበት የተገኘች ቅድስት ሴት ናት።

እንኳን በየብስ በባሕር ሲፈልጉት የነበሩ ጎበዞች ሁሉ በሌሉበት ጊዜ ከመቃብሩ በር ድረስ መጥታ የፈለገችው ማርያም መግደላዊት ናት።

መቃብር ጠባቂዎች መኖራቸው ሳያስፈራት ወደ መቃብሩ መምጣቷ የሃይማኖቷን ጽናት የፍቅሯን ብዛት የሚያመለክት ነው።
የመጀመሪያዋ የትንሳኤው ምስክር ሆና መመረጧም ለዚህ ነው።

ሃይማኖት፣ ተስፋ፣ ፍቅር የተስማሙላትን ይህችን ሴት የሚቀድም ማን ሊኖር ይችላል?

በእግዚአብሔር ዘንድ እነዚህ የተስማሙለትን ሰው በክብር የሚቀድመው ማንም የለምና። ይህች ሴት ወደ ክርስቶስ ስትመጣ በስሟ የጠራት ማንም አልነበረም። “ኃጢአተኛይቱ ሴት” ሉቃ. 7፥37። ነበር ስሟ። ክፉ ግብሯ መልካሙን ስሟን አጥፍቶባት የሚያውቋት ሁሉ የሚጠሯት በግብር ስሟ ነው።

ክርስቶስ ግን ከትንሳኤው በኋላ ለመጀመሪያ ጊዜ “ማርያም” ብሎ በስሟ ጠራት።

ወዳጆቼ! ሰዎች በተለያየ ስም ሊጠሩን ይችላሉ፤ የሰማችሁትም ያልሰማችሁትም፤ የምታውቁትም የማታውቁትም ስም ሊኖራችሁ ይችላል። ማንም ቢሆን፣ በየትኛውም ስም ቢጠራን እግዚአብሔር የሚያውቀን በስማችን ነው።

በትክክለኛ ስም የሚጠራን እግዚአብሔር ብቻ ነው።

ሰዎቹ ኃጢአተኛውን በጻድቅ ስም፣ ጻድቁን በኃጢአተኛ ስም መጥራት ልማዳቸው ነው። በሰዎች ዘንድ ዮሐንስ መጥምቅ “ጋኔን አለበት” ማቴ. 11፥18 በክርስቶስ ዘንድ ግን ዮሐንስ “ሴቶች ከወለዷቸው ሁሉ የሚበልጠው የለም” 11፥11።

በሰዎች ዘንድ እመቤታችን “የዮሴፍ ሚስት ናት” ጌታም “የዮሴፍ ልጅ ነው” ማቴ. 13፥55 በቅዱሳት መጻሕፍት ግን እሷም ለዘለዓለም ድንግል ናት ሕዝ. 44፥2 እሱም ከአብ የተወለደ የእግዚአብሔር ልጅ ነው ዮሐ. 9፥35

በሰዎች ዘንድ ጳውሎስ ምንድነው?
ቤተ መቅደስን የሚያረክስ ሕግ ተላላፊ ምናምንቴ ሰው አይደለምን? ስራ. 21፥27።

ጴጥስስ ምንድነው?
መጽሐፍን የማያውቅ ምንም ያልተማረ ስራ. 4፥13 አይደለምን?
ማንን ነው ዓለም በስሙ ጠርታ የምታውቀው?

ማርያም ወደ ክርስቶስ ጉባኤ በገባችበት ቀን ማንም ስሟን አልጠየቃትም፤ “አንቺ ሴት” በሚል ተለዋጭ ስም ተጠራች።

ዛሬ በስሟ ተጠራች።
በስማችን የምንጠራበት ቀን አለ፤ አንዳንድ ጊዜ ከሰዎች የተሻለ ስራ ሰርተን ሁሉ በዚያ ጉባኤ ላይ ስማችን እንዳይጠራ የሚያደርጉ ሰዎች ይኖራሉ።

በእውነት በዚህ ጉባኤ ይህች ሴት ያደረገችውን ያደረገ ማነው?

ለዚህም ነው “እጅግ ወዳኛለች” ሉቃ. 7፥47። የተባለላት። ኦ! ይሄ ቃል ከባድ ነው። አንዲት ነፍስ በክርስቶስ ፊት ባለሟል መሆኗ ተረጋገጠ።

የሰዎቹ እንጉርጉሮ ሽልማቷን አላስቀረውም። ጥላው በመጣችው ስም “ኃጢአተኛዋ” ብለው ቢጠሯትም የተዘጋጀላትን ጸጋ ከመቀበል አላስቀሩባትም። “ኃጢአትሽ ተሰርዮልሻል” አላት።

አገልግሎታችሁን የሚነቅፉ፣ መንገዳችሁን የሚያደናቅፉ ቢበዙም አገልግሎታችሁን ቀጥሉ፤ የምናገለግለው አምላክ አንድ ቀን በስማችን ጠርቶ ራሱን ይገልጥልናል። “ማርያም” ብሎ ሲጠራት አወቀችው፤ “ረቡኒ” ብላ ጠራችው።

“ተቬዥቸሀለሁና አትፍራ በስምህም ጠርቼሃለሁ አንተ የእኔ ነህ” ኢሳ. 43፥1

እንኳን ለዳግም ትንሣኤ አደረሰን

3,220

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

📷 Photo

🔰ሚካኤል ሆይ! አሳዳጊዬ ነህ። አሳዳጊዬ ስልህ ዝም ብዬ አይደለም፤ ገና ከማኅፀን ጀምሮ በምክርህና በጥበቃህ ያሳደከኝ አንተ ነህ። "በዚያች ቀን" መከራው ሲበረታ፣ አሳዳጊ ልጁን ከእሳት እንደሚጠብቅ፣ ሚካኤልም ነፍሴን ከጠላት እሳት ጠበቃት። አሳዳጊ ለልጁ ምግብንና ልብስን እንደሚያዘጋጅ፣ ቅዱስ ሚካኤልም ለነፍሴ ሰማያዊውን ብርታትና የጽናትን ልብስ አለበሰኝ። በልጅነቴ ያላፈረሰኝ፣ በጉልምስናዬም አይተወኝም። በዚያች ቀን ያልተለየኝ አሳዳጊዬ፣ ዛሬም ነገም ሚካኤል ምርኩዜ ነው።

✍️ዲያቆን ጐሥዓ ቶላ!!!

3,620

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

ወቅቱ የጋብቻ ወቅት አይደል ይነበብ፦

ማግባት ስትፈልግ አስቀድመህ ጸልይ፤ አሳብህን ለእግዚአብሔር ንገረው፡፡ እግዚአብሔር መርጦ እንዲሰጥህ ለምነው፡፡ ጭንቀትህን ኹሉ በእርሱ ላይ ጣለው፡፡ አንተ እንደዚህ እርሱ እንዲመርጥልህ የምታደርግ ከኾነም፥ አክብረኸዋልና እርሱም ለአንተ በጎ የትዳር አጋርን በመስጠት ያከብርሃል፡፡ ስለዚህ በምታደርገው ነገር ኹሉ ሽማግሌህ እርሱ እግዚአብሔር እንዲኾን ዘወትር ጠይቀው፡፡

አስቀድመህ እንደዚህ ካደረግህም፥ ወደ ትዳር ከገባህ በኋላ ፍቺ አይገጥምህም፡፡ ሚስትህ ሌላ ሰውን አትመኝም፡፡ በሌላ ሴት እንድትቀናም አታደርግህም፡፡ በመካከላችሁ [ለክፉ የሚሰጥ] ጠብና ክርክር አይኖርም፡፡ ከዚህ ይልቅ ታላቅ የኾነ ሰላምና ፍቅር በመካከላችሁ ይሰፍናል፡፡ እነዚህ ካሉ ደግሞ ሌሎች በጎ ምግባራትን፣ ትሩፋትን ለመፈጸም አትቸገሩም፡፡

ቅዱስ ዮሐንስ አፈወርቅ

3,160

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

📷 Photo

2,590

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

ደግ ሰው እንዳይጠፋ ክፋትህን ለሰው አትንገር!!!


አንድ ፈረሰኛ ወደ አንድ ከፍተኛ ተራራ ይጓዝ ነበር፡፡ ወደ ተራራው ወገብ ላይ ሲደርስ አንድ ምስኪንና አንድ እግሩ ሽባ የሆነ ሰው እንዳቅሙ ቋጥኙን እየቧጠጠ ለመውጣት ሲፍጨረጨር ያገኛል፡፡
ፈረሰኛው፤
"ወዳጄ፤ ይህን የሚያህል ተራራ እንዲህ ተንፏቀህ የሚገፋ አይደለም፡፡
ስለዚህ እንደምንም ፈረሴ ላይ ላውጣህና አፈናጥጬ ዳገቱ ጫፍ ላይ ላድርስህ?"
ሰውዬው፤
"ፈጣሪ የባረከህ ሰው ነህ! ግን ሥጋቴ እንዳላጣብብህ ነው፡፡ ለማፈናጠጥ ይበቃል ብለህ ነውን?"
ፈረሰኛው፤
"እንደምንም ተጣበን እንወጣዋለን እንጂ በዚህ ሁኔታ በፍፁም ጥዬህ ብሄድ ግፍ ይሆንብኛል፡፡
ሰው እንኳ ባይኖር ተራራውም ይታዘበኛል፡፡ ስለዚህ ና ውጣ ግዴለህም፡፡"
ሰውዬው፤
"ፈጣሪ ምስክሬ ነው፤ ለእኔ የተላክ ውድ አዳኝ መልዐክ ነህ፡፡ አምላክ ውለታህን ይክፈልህ!"
ፈረሰኛው ተሸክሞ ፈረሱ ላይ አስቀመጠውና ተራራውን ተያያዙት፡፡ ጥቂት እንደሄዱ ግን፤
ሰውዬው
"ወዳጄ፤ ቅድም እንደፈራሁት በጣም ተጣበናል፡፡ ብወርድልህ ይሻላል፡፡"
ፈረሰኛው፤
"እንደሱማ አይሆንም፡፡ ባይሆን የተወሰነውን ዳገት እኔ በእግሬ ልሞክረው፤ አንተ ፈረሱን ያዝ" አለውና ፈረሱን ሰጥቶት ወረደ፡፡
ሰውየው እየጋለበ ዳገቱን እየወጣ እየራቀ ሄደ፡፡
ፈረሰኛው በእግሩ ዳገቱን ተያያዘው፡፡ ሆኖም ባለፈረሱ እየራቀ ሄደ፡፡
ፈረሰኛው ሥጋት እየገባው በተቻለው ፍጥነት ሊከተለውና ሊጠጋው ቢሞክርም ሰውዬው ፈረሱን ይብስ አፈጠነው፡፡
ፈረሰኛው መጣራት ጀመረ፡፡ ወይ የሚለው ግን አጣ፡፡ ሰውዬው ፈረሱን ይዞ ሊጠፋ መሆኑ ለፈረሰኛው ገባው፡፡
“አንተ ሰው፤ ግዴለም ፈረሱን ይዘኸው ትሄዳለህ፡፡ ግን አንድ ነገር ቆም ብለህ ስማኝ እባክህ፡፡ እንደማልደርስብህ ታውቃለህ፡፡ ጆሮህን ብቻ አውሰኝ?” ሲል ለመነው፡፡
ሰውዬው ርቀቱን በደንብ ካረጋገጠ በኋላ፤
“እሺ ምንድነው ልትነግረኝ የፈለከው?”
ፈረሰኛውም፤
“ወዳጄ፤ መቼም አንድ ቦታ ወርደህ ከሰው መቀላቀልህ አይቀርም፡፡
አደራህን ይሄን አሁን እኔን የሰራኸኝን ነገር ለማንም ሰው እንዳትነግር፡፡
አለበለዚያ ደግ የሚሰራ ሰው ይጠፋል!”

ምንጭ :- ታሪክ እና ምሳሌ

Share👉
👉

ሠናይ ምሽት ተወዳጆች✨✨

👉👉ይነበብ!

3,430

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

"ጸሎት ስታደርግ ልክ አንደ አንድ ለማኝ በንጉስ ፊት ቆመህ እንደምትለምን ቁጠር በድፍረት ሳይሆን በትህንትና ለምን"

ቅዱስ ባሲሊዎስ

3,000

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

"ከበሮ ለምን ይጮኻል?"

የኔታ ለተማሪዎቻቸው አንድ ጥያቄ አቀረቡ "ልጆች ከበሮ ለምን ይጮኻል?" አሉ የኔታ "በቆዳ ስለተወጠረ ነው" አለ አንድ ተማሪ የዳዊት ማህደሩን በእጁ አንጠልጥሎ ለመመለስ እየቸኮለ። የኔታም "አይደለም አሉ" ሌላኛው ተማሪም "የኔታ ከእንጨት ስለ ተሠራ ነው" አለ የለበሰውን ለምድ ከፍ ከፍ እያደረገ የኔታም ትንሽ ዝም ካሉ በኋላ "አይደለም አሉ" ተማሪዎቹ ኹሉ ማውጣት ማውረድ ጀመሩ በሀሳብ ተወጠሩ።

ኹሉም የመጣለትን እና የገመተውን መናገር ቀጠለ ግን የሚመልስ ጠፋ። አንድ የኹሉንም ምላሽ በእርጋታ ይሰማ የነበረ ተማሪ እጁን አወጣ። "እሽ ልጄ" አሉ የኔታ ድምጹን ከፍ አደረገና "የኔታ እድሉን ስለ ሰጡኝ አመሰግናለሁ" ብሎ እጅ ከነሳ በኋላ "የኔታ ከበሮ የሚጮኸው ባዶ ስለሆነ ነው!" አለ። የኔታም የልጁን ምላሽ በማድነቅ ከወንበራቸው በመነሳት "ልጄ ተባረክ" አሉ። ተማሪዎቹም በጭብጨባ አጀቡት።

የኔታም ቀጠል አደረጉና ልጆች "ባዶ የኾነ ነገር ሁሉ ይጮኻል በውስጡ የኾነ ነገር ያለው እቃ ግን አይጮኽም። የተማረም ሰው እንዲሁ ነው። እውቀት ያለው አይጮኽም፣ ጥበብ ያለው አይጮኽም፣ ምንጊዜም ባዶ የሆነ ሰው ሲጮኽ፣ ጥበብ የሌለው ሲፎክር እውቀት የሌለው ሲያቅራራ ይታያል። እና ልጆቼ እናንተ 'ባዶ' እንዳትሆኑ እውቀትን ጨምሩ፣ በእውቀት ላይ ጥበብን፣ በጥበብ ላይ እግዚአብሔርን መፍራት ጨምሩ። ምድራችንን በማስተማርና በመስበክ የሞሉ ግን 'ባዶ' የሆኑ። ምድሪቱን በዝማሬ የሞሉ በሃይማኖትና በምግባር ግን 'ባዶ' የሆኑ። ጌታ ሆይ ጌታ ሆይ የሚሉ ግን ጌታ የማያውቃቸው እንደ ሰው ተፈጥረው እንደ እንሰሳ በደመ ነፍስ የሚኖሩ ሰዎች፣ በዝተዋልና" ብለው ቁጭ አሉ። ተማሪዎቹም የኔታን "ቃለ ሕይወትን ያሰማልን" ብለው ትምህርታቸውን ቀጠሉ።

ሠናይ ሌሊት ተወዳጆች ✨✨✨✨

👉 ይነበብ!

3,650

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

"ቤተክርስትያንን መርዳት ከፈለክ ሌሎችን ለማረም ከማሰብ በፊት በቅድሚያ እራስን ማስተካከል ይበጃል። እራስህን ካስተካከልክ አንድ የቤተክርስትያን ክፍል ዳነ ወይም ተስተካከለ ማለት ነው። ሁሉም ሰው ይህን ማድረግ ከቻለ ቤተክርስትያን ጤናማ ትሆናለች። ስለዚህ ላስተዋለው ሰው ሌሎች ላይ መፍረድ እጅግ በጣም ቀላል ነው እራስን ማስተካከል ግን ጥረት ይጠይቃል።"

ቅዱስ_ፓሲዮስ

3,190

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

ስለ የትኛው እናመስግን? በቅዱስ ዮሐንስ አፈወርቅ

እግዚአብሔር የሚወዳችሁ ወንድም እኅቶቼ ሆይ! እግዚአብሔር በሥጋ ከባረከን በላይ በነፍስ የባረከን ይበልጣልና ስለዚሁ ልናመሰግነው ይገባናል፤ ምድራዊ መጠጥንና ምድራዊ መብልን ከመስጠት መንፈሳዊ መጠጥንና መብልን መስጠት ይበልጣልና፡፡

እግዚአብሔር አስቀድሞ ለእሥራኤላውያን መናውን የሰጣቸው በኋላም እስራኤል ዘነፍስ ለምንባል ለእኛ ቅዱስ ሥጋዉንና ክቡር ደሙን የሰጠንም ስለዚሁ ነውና በሥጋ ከሰጠን ይልቅ በነፍስ የሰጠን ስለሚበልጥ እግዚአብሔርን እጅግ ልናመሰግነው ይገባናል፡፡...

እግዚአብሔር በሥጋ ሲባርከን በዚያው (በሥጋዊው ነገር ላይ ብቻ) እንድንቀር አይደለም፤ የበለጠ ወደ እርሱ እንድንቀርብ ነው እንጂ፡፡ ሥጋዊውን ስጦታ ይዘን የምንቀር ከኾነ ግን ዓላማውን ስተናልና ልናስተካክል ይገባናል፡፡

ተወዳጆች ሆይ! በአፍአ ከተባረክነው ይልቅ በነፍስ የተባረክነው ይበልጣልና ስለዚያ እግዚአብሔርን ልናመሰግነው ይገባናል ብዬ እማልዳችኋለሁ፡፡ ለምን? መንፈሳዊው ነገር ከእኛ ዘንድ ካለ፥ ሥጋዊው ነገር ቢቀርም አይድልብንምና፡፡ መንፈሳዊውን ካጣን ግን ከእኛ ዘንድ ምን ተስፋ ምንስ መጽናናት ይቀርልናል?... አስቀድመን መንግሥቱንና ጽድቁን እንድንሻ የተፈለገውም ስለዚሁ ነው፡፡ (ማቴ.7፡11)፡፡ ለዚህም ነው ብፁዕ ጳውሎስ የማይረባውን ነገር ለምኖ እግዚአብሔር _ ጸሎቱን ያልሰማው! ለዚህም ነው የተወደደ : ሙሴ “ፊትህን አሳየኝ” ብሎ በለመነው ጊዜ ልመናውን ያልተቀበለው! ስለዚህ እኛም ጸሎታችን ባይሰ'ማ እንኳን እግዚአብሔርን እናመስግን እንጂ ተስፋ አንቁረጥ፡፡ ልል ዘሊል ኾነን ጸልየን ከኾነም ልል ዘሊልነታችንን አስወግደን እንጸልይ እንጂ ድኩማን አንኹን፡፡ እንደዚህ አድርገን ጸልየን ሳለ ጸሎታችን ባይሰ'ማ ግን አምላክ የሚያደርገው ኹሉ ለጥቅማችን ነውና በፍጹም አንዘን፡፡

2,870

ኦርቶዶክሳዊ አስተምህሮ

۸ اردیبهشت ۱۴۰۵، ۱۴:۵۰

14ቱ ቅዳሴያት መቼ ይቀደሳሉ?

1- ቅዳሴ ሐዋርያት ፦ በበዓለ ሓዋርያት ይቀደሳል

2 - ቅዳሴ እግዚእ ፦ በቊስቋም (ኅዳር ፮ ዕለት)፣ በሕንጸታ (ሰኔ ፳፩ ዕለት) ፣ በፍልሰታ ኪዳነ ምሕረት ፲፮ ዕለት ይቀደሳል ::

3 - ቅዳሴ ዘቅዱስ ሐንስ ወልደ ነጐድጓድ ፦ በዘመነ ስብከት፣ በበዓለ ሐዋርያት፣ በበዓለ ሰማዕታት፣ በጽጌ ፣ በፍሬ፣ በቅዳሴ ቤተክርስቲያን ፣ በአቤል ፣ በነቢያት፣ በዮሐንስ ወልደ ነጐድጓድ ይቀደሳል።

4- ቅዳሴ ማርያም፦ በእመቤታችን በዓል ፣ በታሕሣሥ ፳፰ ዕለት፣ የጌና፣ በመጋቢት ፳፱ ዕለት የትስብእት ፣ በጥቅምት በ፪ ዕለት በዕረፍቱ ይቀደሳል።

5- ቅዳሴ ዘቅዱስ ሠለስቱ ምዕት፦ በአማኑኤል ታኅሣሥ ፳፰ ዕለት ፣ በቃና ዘገሊላ ፣ በጻድቃን፣ በብዙኃን ማርያም፣ በማኅበረ በኵር ፣ በሠለስቱ ምዕት ፣ በ፬ እንስሳ ፣ በካህናተ ሰማይ ይቀደሳል።

6- ቅዳሴ ዘቅዱስ ኣትናቴዎስ ፦ በግንቦት በሰባት ዕለት፣ በዕረፍቱ፣ እሁድ እሁድ ይቀደሳል።

7- ቅዳሴ ዘቅዱስ ባስልዮስ ፦ በዘወትር ወበተዝካረ ሊቃነ ጳጳሳት ወካህናት፣ ወበተዝካረ ነገሥት ፣ በጥር በ፮ በዕረፍቱ ዕለት ይቀደሳል።

8 ቅዳሴ ዘቅዱስ ጎርጎርዮስ (ዘኑሲስ) ፦ ከኒቆዲምስ ረቡዕ እስከ ሆሣዕና ይቀደሳል።

9 - ቅዳሴ ዘቅዱስ ኤጲፋንዮስ ፦ የጥምቀት ገሃድ፣ በምሴተ ሐሙስ ፣ በክረምት ፣ በግንቦት በ ፲፯ በዕረፍቱ ዕለት ይቀደሳል።

10- ቅዳሴ ዘቅዱስ ዮሐንስ ኣፈወርቅ ፦ በመድኃኔ ዓለም ዕለት፣ በመስቀል ፣ በቅዳሜ ስዑር፣ በግንቦት በ፲፪ በዕረፍቱ ዕለት ይቀደሳል።

11- ቅዳሴ ዘቅዱስ ቄርሎስ፦ በፈጸምነ፣ በዘመነ ዕርገት፣ በተዝካረ ሙታን፣ በተዝካረ ኣብርሃም ወኢዮብ ወኤልያስ፣ በሓምሌ ፫ በዕረፍቱ ዕለት ይቀደሳል።

12- ቅዳሴ ዘቅዱስ ያዕቆብ ( ዘሥሩግ ) ፦ በቅዱስ ሚካኤል፣ በቅዱስ ገብርኤል፣ በሩፋኤል በኣእላፍ ፣ በነገረ ምጽኣት ፣ በሰኔ በ፳፯ በዕረፍቱ ዕለት ይቀደሳል ።

13 - ቅዳሴ ዘቅዱስ ዲዮስቆሮስ፦ በልደት፣ በጥምቀት ፣ በትንሣኤ ፣ በዕርገት፣ በጰራቅሊጦስ፣ በቅድስት ሥላሴ ፣ በመስከረም ፯ በዕረፍቱ ዕለት ይቀደሳል።

14- ቅዳሴ ዘቅዱስ ጎርጎርዮስ (ካልዕ / ገባሬ መንክራት) ፦ በዘመነ ልደት ይቀደሳል

3,810

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

🎥 Video

3,330

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

🚩የተቆለፈ አንደበትና የተከፈተ ክህደት🚩

✍️ፀሐፊ፦ዲያቆን ጐሥዓ ቶላ!!!

♦️ልበ አምላክ ቅዱስ ዳዊት በመዝሙር 141፥3 ላይ ሲዘምር እንዲህ አለ፦​ "አቤቱ፥ ለአፌ ጠባቂ አኑር፥ የከንፈሮቼንም መዝጊያ ጠብቅ" (መዝ. ፻፵፩፥፫) በማለት ይዘምራል። ልበ አምላክ ቅዱስ ዳዊት ይህንን የጸለየው አንደበቱ ወደ ክፉ ነገር እንዳያዘነብል ነው። የአስቆሮቱ ይሁዳ ግን አንደበቱን ለአይሁድ ምክር አሳልፎ ሰጠ። የአስቆሮቱ ይሁዳ በከንፈሮቹ "ሰላም ለከ ክርስቶስ" (ክርስቶስ ሰላም ላንተ ይሁን) እያለ ጌታን ሲስማው፣ በልቡ ግን ሞትን ተሸክሞ ነበር።

♦️ወዳጆቼ ሆይ! ዛሬ አንደበታችንን እንድንጠብቅ የምንጸልየው "ከንፈራችን ጌታን እየሳመ (እያመሰገነ)፣ ሕይወታችን ግን ጌታን አሳልፎ እንዳይሰጥ" ነው። የአስቆሮቱ ይሁዳ ከንፈር በጌታ ደም አልተቀደሰም፤ ምክንያቱም ከውስጡ የወጣው ቃል የሠላሳ (30) ብር ግምት ነበረውና።

♦️​መዝሙረኛው ቅዱስ ዳዊት "የከንፈሮቼን መዝጊያ ጠብቅ" የሚለው ቃል ጥልቅ ምስጢር አለው። ጌታችን በሕማማቱ ወቅት በሰቃዮቹ ፊት ዝም አለ። ያ ዝምታው በከንፈሮቹ ላይ "ጠባቂ" ማኖሩ ነው። እርሱ ዝም በማለቱ ዓለም ዳነች።

♦️ወዳጆቼ ሆይ የአስቆሮቱ ይሁዳ ግን ዝም ማለት ሲገባው ተናገረ፤ የአይሁድን ምክርም አጸና። በሕማማት ረቡዕ አንደበታችንን የምንዘጋው (የማንናገረው) ለምንድን ነው? ምክንያቱም ጌታችን ስለ እኛ ሲል በሐሰት ሲከሰስ ዝም ስላለ፣ እኛም የእርሱን ዝምታ ለመካፈል ነው። የዝምታችን መዝጊያ ምንድነው ትሉኝ እንደሆ የመስቀሉ ፍቅር ነው እላችኋለሁ።

♦️ወዳጆቼ! የአስቆሮቱ ይሁዳ ጌታን በመሳም ምልክት አሳልፎ ሰጠ። መሳም የፍቅር መግለጫ ነው። ሰይጣን ግን የፍቅርን ምልክት ለጥላቻ መጠቀሚያ አደረገው። ዛሬ "አፌን ጠብቅ" ስንል፣ ሰይጣን ቅዱስ የሆኑትን ነገሮች (ጸሎትን፣ ስግደትን፣ ሥርዓትን) ለክፋት ዓላማ እንዳይጠቀምባቸው መለመናችን ነው። ይሁዳ ጌታን ሲስመው ጌታ ግን "ወዳጄ በመሳም አሳልፈህ ትሰጠኛለህ?" አለው። ይህም "በከንፈርህ ትወደኛለህ፣ በልብህ ግን ራቅህ" የሚለው የትንቢት መፈጸሚያ ነበር።

♦️ወዳጄ ሆይ! ዛሬ ዕለቱ ረቡዕ ነው፤ አንደበትህ የሚፈተንበት ቀን! የአስቆሮቱ ይሁዳ በምክሩ ጌታን ገደለው፤ አንተ ግን በዝምታህ ጌታን አክብረው። ከንፈርህ የመለኮት ማደሪያ እንዲሆን ከፈለግህ፣ ከሐሜትና ከክፋት ምክር አጽዳው። በሕማማት ሳምንት የሚበዛው ዝምታህ፣ በትንሣኤ ዕለት ለሚመጣው ታላቅ ምስጋና መሠረት ይሁንህ። አንደበትህ የጸሎት መሠዊያ ይሁን። የከንፈሮችህ መዝጊያ በጌታ ፍቅር ይዘጋ፤ በትንሣኤውም የምስራች ይከፈት!

✍️ፀሐፊ፦ዲያቆን ጐሥዓ ቶላ!!!

3,330

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

📷 Photo

‹‹ረቡዕ›› “ምክረ አይሁድ” ይባላል። ምክንያቱም የአይሁድ ሊቃነ ካህናትና ጸሐፍት ጌታን እንዴት መያዝ እንደሚገባቸው የክፋት ምክራቸውን ያጠናቀቁበት ዕለት ነው።

በዚህ አይሁድ ክፉ ምክራቸውን በሚማከሩበት ወቅት ትልቅ ጭንቀት ነበረባቸው። ምክንያቱም ወቅቱ የፋሲካ በዓላቸውን የሚያከብሩበት ቀን የተቃረበበት በመሆኑ፣ በጌታችን ትምህርት የተማረኩ፣ ተዓምራቱንም የሚያደንቁ እና የሚከተሉት ብዙ ህዝብ ስለነበሩ በአይሁድ ሊቃነ ካህናት ድርጊት ህዝቡ ተቆጥተው በህዝቡ መካከል ሁከት እንዳይፈጠር የሚል ስጋት ስላደረባቸው ነው።

በዚህ ጭንቀት ላይም ሳሉ ከጌታ ደቀ መዛሙርት አንዱ የሆነው የአስቆሮቱ ይሁዳ፣ በመካከላቸው በመገኘት የምክራቸውም ተባባሪ ለመሆን በዋጋ በመስማማት ጭንቀታቸውን አስወግዶላቸዋል (ማቴ ፳፮፡፩-፲፮ ፣ ማር ፲፬፡፩-፲፩ ፣ ሉቃ ፳፪፡፩-፮)።

3,550

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

🚩 https://t.me/Be_Gosa1224🚩

✍️ፀሐፊ፦ዲያቆን ጐሥዓ ቶላ!!!

♦️ጌታችን መድኃኒታችን ኢየሱስ ክርስቶስ በዚህች ዕለት ስለ መክሊት አስተማረ (ማቴ. ፳፭፥፲፬-፴)። መክሊት እግዚአብሔር ለእያንዳንዳችን የሰጠን ዕውቀት፣ ጊዜና ጸጋ ነው። ጌታ ይህንን ትምህርት በሕማማት ዋዜማ ያስተማረው፣ "እኔ በመስቀል ላይ ሕይወቴን እሰጣችኋለሁ፤ እናንተ ግን በሰጠኋችሁ ጸጋ ምን አተረፋችሁበት?" ብሎ ሊጠይቀን ነው።

♦️ወዳጆቼ ሆይ! ጌታችን በመስቀል ላይ የሚከፍለው ዋጋ "ታላቁ መክሊት" ነው። እኛም በሕማማቱ ተሳትፈን ንስሐንና ቅድስናን ካላተረፍንበት፣ እንደዚያ መክሊቱን እንደቀበረው ሰነፍ አገልጋይ እንሆናለን። መክሊታችንን በምድር (በሥጋዊ ምኞት) ውስጥ አንቅበረው፤ ይልቁንም በመስቀሉ ሥር እናፍስሰውና ትርፉን (ጽድቁን) እናሳይ።

♦️ስለ አሥሩ ደናግል ትምህርት ውስጥ አንድ ትልቅ ምስጢር አለ፦ "እኩለ ሌሊትም ሲሆን፦ እነሆ፥ ሙሽራው ይመጣል" (ማቴ. ፳፭፥፮) የሚለው ቃል። ጌታችን በሕማማት ማክሰኞ ይህንን መናገሩ፣ እርሱ በመቃብር የሚያርፈው ለጥቂት ጊዜ እንደሆነና በድንገት በትንሣኤ ብርሃን እንደሚገለጥ ለማሳየት ነው።

♦️ወዳጆቼ ሆይ! አምስቱ ሰነፎች ደናግል መብራት (ልሳን/ንግግር) ነበራቸው፤ ዘይት (ምግባር) ግን አልነበራቸውም። ጌታ ዛሬ ይህንን ማስተማሩ "በሕማማት ሳምንት አብራችሁኝ ብትጮኹም፣ በልባችሁ ግን ፍቅርና ትሕትና ከሌለ ደጃፉ አይከፈትላችሁም" ማለቱ ነው። ዘይቱ "የምሕረትና የፍቅር" ምልክት ነው፤ ያለ ፍቅር ደግሞ ወደ ሕማማቱ መቅደስ መግባት አይቻልም።

♦️ሰዱቃውያን "ሰባት ወንዶች ያገቧት ሴት በትንሣኤ ለማን ትሆናለች?" ብለው ጠየቁት። ጌታ ግን "እግዚአብሔር የሕያዋን አምላክ ነው እንጂ የሙታን አይደለም" (ማቴ. ፳፪፥፴፪) አላቸው። ጌታ ዛሬ ይህንን የመለሰው እርሱ ሊሞት ጥቂት ቀናት ሲቀሩት ነው። "እኔ ብሞትም አምላካችሁ የሕያዋን አምላክ ነው፤ እኔም ሞትን ድል አድርጌ እነሳለሁ" ሲል ራሱን መሰከረ።

👉ወዳጆቼ ሆይ! በሕማማት ውስጥ የምንሰግደውና የምናለቅሰው ለሞተ ጌታ ሳይሆን፣ ሞትን ለገደለ "ሕያው ጌታ" መሆኑን ማክሰኞ ዕለት አረጋገጠልን።

♦️ወንድሜ ሆይ! ዛሬ ማክሰኞ ነው፤ በንቃት የምትቆምበት ቀን! ሙሽራው ጌታ በመስቀል ጎዳና ላይ ሊመጣ ነው። መብራትህን በንስሐ እንባ ወልውለው፤ ዘይትህን በምጽዋትና በትሕትና ሙላው። 'ጥበብን ከጌታ ተማር፤ ተንኮልን ከልብህ አውጣ።' ማክሰኞ የትምህርት ቀን ብቻ ሳይሆን፣ ወደ ሰማያዊው ሰርግ የምንገባበት የግብዣ ቀን ነውና።

✍️ፀሐፊ፦ዲያቆን ጐሥዓ ቶላ!!!

3,060

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

ስለየተኛው እናመስግን?

“እግዚአብሔር የሚወዳችሁ አንድም እግዚአብሔርን የምትወዱት ወንድም እኅቶቼ ሆይ! እግዚአብሔር በሥጋ ከባረከን በላይ በነፍስ የባረከን ይበልጣልና ስለዚሁ ልናመሰግነው ይገባናል፤ ምድራዊ መጠጥን አንድም ምድራዊ መብልን ከመስጠት መንፈሳዊ መጠጥንና መብልን መስጠት ይበልጣልና፡፡

እግዚአብሔር አስቀድሞ ለእሥራኤላውያን መናውን የሰጣቸው በኋላም እስራኤል ዘነፍስ ለምንባል ለእኛ ቅዱስ ሥጋዉንና ክቡር ደሙን የሰጠንም ስለዚሁ ነውና በሥጋ ከሰጠን ይልቅ በነፍስ የሰጠን ስለሚበልጥ እግዚአብሔርን እጅግ ልናመሰግነው ይገባናል፡፡

እግዚአብሔር በሥጋ ሲባርከን በዚያው (በሥጋዊው ነገር ላይ ብቻ) እንድንቀር አይደለም፤ የበለጠ ወደርሱ እንድንቀርብ ነው እንጂ፡፡ ሥጋዊውን ስጦታ ይዘን የምንቀር ከሆነ ግን ዓላማውን ስተናልና ልናስተካክል ይገባናል፡፡

ተወዳጆች ሆይ! በአፍአ ከተባረክነው ይልቅ በነፍስ የተባረክነው ይበልጣልና ስለዚያ እግዚአብሔርን ልናመሰግነው ይገባናል ብዬ እማልዳችኋለሁ፡፡ ለምን? መንፈሳዊው ነገር ከእኛ ዘንድ ካለ፥ ሥጋዊ ነገር ቢቀርም ምንም አናጣምና፡፡ መንፈሳዊውን ካጣን ግን ከእኛ ዘንድ ምን ተስፋ፥ ምንስ መጽናናት ይቀርልናል? አስቀድመን መንግሥቱንና ጽድቁን እንድንሻ የተፈለገውም ስለዚሁ ነው፡፡

የምወዳችሁ ልጆቼ! አስቀድመን እውነተኛውን ሀብት ይኸውም ሰማያዊውን ሀብት እንለምን፤ ርሱንም ለማግኘት እንጣጣር ብዬ እማልዳችኋለሁ፡፡ ሌላው ከዚያ በኋላ ይቀጥላል፡፡ እኛ ስለለመንን ሳይሆን ልቡናችን ዋናውን ስለፈለገ፡፡ ጸሎታችንን የምናገላብጠው ከሆነ ግን በነፍስ በሥጋ የተጐዳን እንኾናለን፡፡”

(ቅዱስ ዮሐንስ አፈወርቅ- የክርስቲያን መከራ እና ሌሎች ገጽ 27)

2,800

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

🗯ወዳጄ ሆይ! ጌታ በበለስዋ ላይ ቅጠል እንጂ ፍሬ አላገኘም፤ አንተም በሕይወትህ የቃል ቅጠል እንጂ የሥራ ፍሬ ከሌለህ እንደ በለስዋ መድረቅህ ነው! መቅደሱንም ሲያነጻው፣ ያንተን ልብ ከክፉ ሐሳብ ንግድ ሊያጥበው መሆኑን አስተውል!

✍️ፀሐፊ፦ዲያቆን ጐሥዓ ቶላ!!!

3,180

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

🚩 ሆሳዕና በአርያም!!! 🚩

✍️ፀሐፊ፦ዲያቆን ጐሥዓ ቶላ!!!

♦️​"ሆሳዕና" የሚለው ቃል በዕብራይስጥ (Hoshiana) ሲሆን፣ ቀጥተኛ ትርጉሙ "አሁን አድን" ወይም "እባክህ አድን" ማለት ነው። ሕዝቡ ጌታችንን ሲቀበሉ "ሆሳዕና" እያሉ መጮኻቸው፣ "የዳዊት ልጅ ሆይ! ከባርነት፣ ከኃጢአትና ከሞት አሁን አድነን" ማለታቸው ነው። ይህ ቃል ጸሎትም፣ ምስጋናም፣ የነጻነት አዋጅም ነው። ሕዝቡ ዘንባባ ይዘው ሲጮኹ፣ ጌታ ደግሞ በመስቀል ላይ ሆኖ "አድናችኋለሁ" ሊላቸው ወደ ከተማዋ ገባ።

♦️​"በአርያም" ማለት "በከፍታ" ወይም "በሰማያት" ማለት ነው። "ሆሳዕና በአርያም" (ማቴ. ፳፩፥፱) ሲባል፣ በምድር ያሉ ሰዎች ብቻ ሳይሆኑ፣ በሰማይ ያሉ መላእክትም ለጌታ የድኅነት ምስጋና ያቀርባሉ ማለት ነው። ጌታችን በምድር ላይ በአህያ ውርንጭላ ላይ ቢቀመጥም፣ በሰማያት ግን በኪሩቤል ዙፋን ላይ ነጋሥ ነው። በምድር "ሆሳዕና" ሲባል፣ በሰማያት "ቅዱስ ቅዱስ ቅዱስ" ይባላል። "በአርያም" የሚለው ቃል፣ የክርስቶስ አዳኝነት ከምድር አልፎ ሰማያትን ሁሉ እንደሚሸፍን ያሳያል።

♦️ጌታ በአህያ ውርንጭላ ላይ ለምን ተቀመጠ? አህያ ድምፅዋ የማይጥም፣ ሸክም የምትችል እንስሳ ናት። ያቺ አህያ ያንተ ነፍስ ናት። ነፍስህ በኃጢአት ሸክም የዛለችና ድምፅዋ (ጸሎቷ) የማይጥም ብትሆንም፣ ጌታ ግን "እፈልጋታለሁ" ብሎ በላይዋ ላይ ይቀመጣል። ጌታ በፈረስ ላይ አልተቀመጠም፤ ምክንያቱም ፈረስ የጦርነትና የኩራት ምልክት ነው። አህያ ግን የየዋህነትና የትሕትና ናት። አንተም ለጌታ ዙፋን መሆን ከፈለግህ፣ እንደ አህያይቱ ትሑትና ሸክሙን የምትሸከም መሆን አለብህ። ጌታ በአንተ ላይ ሲቀመጥ (ሲያድር)፣ አንተም በሆሳዕና ዕለት እንደተዘረጋው ልብስ ለጌታ መንገድ ትሆናለህ።

♦️​ዘንባባ ደረቅ ቢሆንም በውስጡ ግን ሕይወት አለው፤ እሳትም አይበላውም። ዘንባባ የድል ምልክት ነው። ሆሳዕናን በዘንባባ ማክበር ማለት፣ ጌታችን ሕማማትንና ሞትን ድል አድርጎ እንደሚነሳ አስቀድሞ ማወጅ ነው። ዘንባባው የደረቀው የቀድሞ ሕይወታችን፣ በጌታ ጸጋ እንደሚለመልም ያሳያል።

♦️ወዳጄ ሆይ! ዛሬ በጆሮህ 'ሆሳዕና' የሚለውን ድምፅ ስትሰማ፣ በልብህ ደግሞ 'አሁን አድነኝ' ብለህ ጩኽ። ጌታ ዛሬ ወደ ኢየሩሳሌም ብቻ ሳይሆን ወደ አንተም ልብ ሊገባ ይንኳኳል። ልብስህን (ኃጢአትህን) ከእግሩ ሥር አንጥፍ፤ የዘንባባ ምስጋናህንም አቅርብ። 'ሆሳዕና የሚለው ቃል የንስሐ መጀመሪያ፣ የትንሣኤም ተስፋ ነው!' ይህ ቃል በሕይወትህ ድልን ያምጣልህ!

◆ሆሳዕና፦ "አሁን አድን" የሚል የልመናና የምስጋና ቃል ነው።
◆​በአርያም፦ የአዳኝነቱ ሥልጣን እስከ ሰማያት ከፍታ መሆኑን ይገልጣል።​ ጌታ በትሕትና ወደ ሰው ልጅ ልብ (ኢየሩሳሌም) የመግባቱ ምልክት ነው። ወዳጄ ሆይ! የሆሳዕና በረከት ከሕማማት ጋር ተባብሮ ለትንሣኤ ብርሃን ያብቃህ። በልብህ "ሆሳዕና በአርያም" እያልክ ንጉሡን ተቀበል!

​✍️ፀሐፊ፦ዲያቆን ጐሥዓ ቶላ!!!

4,330

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

📚የኃጢአት ደመወዝ📚

ኃጢአት ኅሊናን ያደክማል። ሰው ኃጢአትን እስኪሠራው የኃጢአት ክፋትና
የሚያስከትለው አደጋም አይሰማውም ወይም አይታወቀውም።ምክንያቱም
ኃጢአትን የሚያሠራው ክፉ መንፈስ ኃጢአትን እስኪፈጽም ወይም ከፈጸመ በኋላ እስከ ጥቂት ጊዜ ድረስ አእምሮውን ስለሚገዛውና ኅሊናውን ስለሚያደነዝዘው
ነው። የኃጢአትን አደጋ የሚረዳው ከዚህ ሲነቃ ነው፡፡

የአስቆሮቱ ይሁዳ ታሪክ ለዚህ ጥሩ ምሳሌ ነው፡፡ ይሁዳ ጌታውን አሳልፎ እስኪሰጥ ድረስ የሚሠራውን ሥራ አደገኛነት አያስተውልም ነበር ፤ ጌታውን አሳልፎ ከሰጠ በኃላ ወደ አእምሮው ሲመለስ ነው ጌታችን ይነግረው የነበረው ሁሉ ትዝ ያለው፡፡ ከዚህ በኋላም ኃጢአቱ ታየው፡፡ነገር ግን ከኅሊናው ወቀሳ ለማምለጥ ሌላ ኃጢአት ይሠራ ዘንድ አሰበ፤ ይህም ተስፋ መቁረጥ ነው፡፡ ተስፋ በመቁረጡም ታንቆ ሞተ። የኅሊናው ድካም ሰላም ነሥቶ ለሞት አበቃው፡፡


📚 የንስሐ ሕይወት በብፁዕ አቡነ ሽኖዳ ፫ኛ ከሚለው መፅሐፍ ገፅ 59 የተወሰደ 📚

3,490

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

📎 File

ናና የምስጋና ጌታ

ናና የምስጋና ጌታ
ናና የምሕረት  ጌታ
ማዳንህ ተገኝታለችና
ሰላምህ ተገኝታለችና


ያልታደልሽው  ሀገር ጌርጌሴኖን  ሆይ
ለምን ተቃወምሽው አምላክሽን ስታይ
የከተማውን በር መዝጊያውን ቆልፈሽ
ከሩቅ  የሸኘሽው ሲመጣ ሰላምሽ



ሕፃን  ሽማግሌው ምስጋናን ሲያቀርቡ
ተቆልፎ ነበር  ፈሪሳዊው ልቡ
ዛሬም በምስጋና ልባችን ይለወጥ
የሆሣዕና ጌታ ይመላለስበት

3,200

ኦርቶዶክሳዊ አስተምህሮ

۲۸ فروردین ۱۴۰۵، ۰۱:۳۳

✨ወዳጄ ሆይ! ትሕትና ማለት ራስን መጥላት ሳይሆን ራስን መርሳት ነው! የበታችነት ስሜት ሰይጣን አንተን ሰባብሮ ከጸጋው ሊያስወጣህ የሚጠቀምበት ወጥመድ ሲሆን፣ ትሕትና ግን እግዚአብሔር አንተን አንሥቶ ከፍ ሊያደርግህ የሚጠቀምበት መሰላል ነው!

✍️ዲያቆን ጐሥዓ ቶላ!!!

3,790

Showing 20 of 20 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

ኦርቶዶክሳዊ አስተምህሮ

ኦርቶዶክሳዊ አስተምህሮ

رتبه‌بندی

رشد مشترکان (3 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

نظرات کاربران (0)

آخرین پست‌ها