«НЕГА СЕНИ СЕВИБ ҚОЛДИМ-А»
Мен телбаман айбдор ўзинг,
Ўз ўзимни билмай қолдим-а,
Туролмайман кўрмасам кўзинг,
Нега сени севиб қолдим-а?
Мажнун холи менда намоён,
Талпинаман сен юрган томон,
Парвойинг йўқ шуниси ёмон,
Нега сени севиб қолдим-а?
Бедор тунда ўйлатиб бўлдинг,
Юрагимни ўйнатиб бўлдинг,
Ўз ўзинга ўргатиб бўлдинг,
Нега сени севиб қолдим-а?
Сен қалбимга кирдингда кулиб,
Хаётимнинг мазмуни бўлиб,
Кечолмайман бўлмас унутиб,
Нега сени севиб қолдим-а?
Сендек яхши сендек аъло йўқ,
Сендек гулим гулираъно йўқ,
Қара сенсиз менда маъно йўқ,
Нега сени севиб қолдим-а?
Севдим сени жонимдан кўпроқ,
Лекин сен бу туйғудан йироқ,
Дунёда кўп санамлар бироқ,
Нега сени севиб қолдим-а?
Кўнглим йиғлар кулиб турибман,
Қисматимга кўниб турибман,
Армонимсан сезиб турибман,
Нега сени севиб қолдим-а?
Сизни яхши биламан дединг, Сизни хурмат қиламан дединг,
Фақат дўстиз бўламан дединг,
Нега сени севиб қолдим-а?
Сени ўйлаб сураман хаёл,
Ишқим унмай топдику завол,
Ич-этимни тирнар шу савол,
Нега сени севиб қолдим-а?
Авторига раҳмат...
