ፍቁረ እግዚእ ሚዲያ Fikure Egzi Media – FEM

ፍቁረ እግዚእ ሚዲያ Fikure Egzi Media – FEM

Public

مشاهده کانال

نمی‌توانید بپیوندید؟ @Fikureegzi4

۰

۹.۵k عضو

به‌روزرسانی شده: May 15, 2026 at 4:45 PM

ፍቁረ እግዚእ ሚዲያ Fikure Egzi Media – FEM

በደ/ነ/ቅ/ዮሐንስ እና መ/ጎ/ቅ/ማርያም ቤተክርስቲያን የፍቁረ እግዚእ ሰንበት ት/ቤት ገጽ ነው https://www.facebook.com/Fikureegzi4 √ ዌብሳይታችን www.fikureegzi.com √ የዩቲዩብ ገጻችንን https://youtube.com/channel/UCXceln4wpQhIVS42O02kAWg ለሀሳብ አስተያየት ይህንን ይጠቀሙ!! @FikureEgzi04

Join @Fikureegzi4 for exclusive fikureegzi04 and httpsyoutubecomchannelucxceln4wpqhivs42o02kawg content and discussions in 23

رتبه‌بندی

رتبه‌بندی جهانی

#456

+2

رتبه‌بندی زبان

#45

+1

رتبه‌بندی دسته‌بندی

#23

-1

رشد مشترکان (7 روز گذشته)

مجموع: 9.5K

رشد 24 ساعت: +0 0%

Loading...

رتبه‌بندی

ورود لازم است

Loading...

Loading recommended channels...

آخرین پست‌ها

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

ኑ በአንድነት እናመስግን
የፍቁረ እግዚእ ሰ/ት/ቤት 58ኛ ዓመት የምስረታ በዓል የአንድነት የምስጋና ቀን።

https://www.youtube.com/live/oLU7bAZifs0?si=GcjYMW87h9ukA7HZ

861

4

0

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

📷 Photo

"ሕያው ሆኖ የሚኖር ሞትንስ የማያይ ማን ነው?" መዝ 88:48

የመታሰቢያ የጸሎት መርሐ ግብር

በሕይወተ ስጋ ከዚህ ዓለም ድካም ያረፉ የደብራችን ማኅበረ ካህናት ፣አገልጋዮች እና  በሰንበት ት/ቤታችን ሲያገለግሉ ለነበሩ ወንድሞች እና እህቶች ቤተሰቦቻቸው በተገኙበት በጸሎተ ፍትሐት የሚታሰቡበት ዕለት

🗓  ግንቦት 14 ቀን 2018 ዓ.ም
🕰 ከቀኑ 11:30 ሰዓት  ጀምሮ
💒 በሰንበት ት/ቤቱ አዳራሽ

ያገለገለህን ሰው ሞት ቸል አትበል ሲራ፴፰፣፲፮

817

6

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

📷 Photo

ዐቢይ መንፈሳዊ ጉባኤ

የፍቁረ እግዚእ ሰ/ት/ቤት  58ኛ ዓመት የምስረታ በዓል በማስመልከት የተዘጋጀ ልዩ  የ3 ቀን መርሐ ግብር።

🗓 ከግንቦት 19-21/2018 ዓ.ም
🕰  ከቀኑ 10:30 ሰዓት ጀምሮ
⛪️ በደብራችን አውደ ምህረት

👉 ለዚህ  መርሃ ግብር ከወዲሁ ቀጠሮዎን በደጀ ሰላሙ ለማድረግ ይዘጋጁ‼

"ይህችም ለሚመጣ ትውልድ ተጻፈች፥ የሚፈጠርም ሕዝብ እግዚአብሔርን ያመሰግነዋል።"          መዝ. 101÷18

137

0

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

📷 Photo

የመንበረ ፓትርያርክ ጠቅላይ ቤተክህነት ጽ/ቤት ለሰዋሰው ብርሃን ቅዱስ ጳውሎስ መንፈሳዊ ኮሌጅ ለአገልግሎት የሚሆን ፕራዶ መኪና ገዝቶ በስጦታ አበረከተ፡፡

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት የመኪናውን ቁልፍ ለብፁዕ አቡነ ሕዝቅኤል የሸካ ቤንች ማጂ እና የሰዋስወ ብርሃን ቅዱስ ጳውሎስ መንፈሳዊ ኮሌጅ ሊቀ ጳጳስ የበላይ ኃላፊ አበርክተዋል፡፡
ቅዱስነታቸው በርክክቡ ወቅት እንደተናገሩት “ሥራ የሚሠራ ሰው ዋጋ ይገባዋል፡፡ ለአገልግሎት የሚሆን መኪና አስፈላጊ ነው፡፡ ብፁዕነትዎ እርስዎ ብዙ ጊዜ ሲጠይቁ ቆይተው አሁን ማግኘትዎ በጣም ደስ ብሎናል፤ ለአገልግሎት የሚሆን መኪና ስላገኙ ሁላችንም ደስ ብሎናል፤ እግዚአብሔር የተባረከ ያድርግልዎት” ሲሉ አባታዊ መልእክታቸውን አስተላልፈዋል፡፡

931

2

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

ብፁዕ አቡነ ሳዊሮስ የመንበረ ፓትርያርክ ጠቅላይ ቤተክህነት ዋና ሥራ አስኪያጅ፣ የደቡብ ምዕራብ ሸዋና የሸገር አህጉረ ስብከት ሊቀ ጳጳስ በመርሐ ግብሩ ላይ እንደተናገሩት “ቀደም ሲል ለቅዱስ ጳውሎስ መንፈሳዊ ኮሌጅ በተያዘው በጀት ዓመት ቅዱስ ሲኖዶስ በቅዱስ አባታችን መመሪያ ሰጪነትና የቅዱስ ሲኖዶስ ምልዓተ ጉባኤ በወሰነው ውሳኔ መሠረት ፕራዶ መኪና እንዲገዛ ብፁዕ አቡነ ሕዝቅኤል በጠየቁት መሠረት ጥሩ መኪና  ተገዝቶላቸዋል፡፡ ብለውል፡፡
በመጨረሻም ብፁዕ አቡነ ሕዝቅኤልም እንደተናገሩት “እግዚአብሔር በወሰነው ጊዜና ሰዓት ጥሩ መኪና ተገዝቶልናል፤ ለዚህም ብፁዕ ጠቅላይ ሥራ አስኪያጁና ብፁዕ የቅዱስ ሲኖዶስ ዋና ጸሐፊ አስተዋጽኦ መሠረት ሲሆን፤ ይህን ያደረገ አምላክ የተመሰገነ ይሁን፣ እግዚአብሔር ይስጥልን ስለተደረገልኝ በጣም አመሰግናለው” ብለዋል፡፡
የሰዋስወ ብርሃን ቅዱስ ጳውሎስ ት/ቤት ከተመሠረተበት ከ1935 ዓም ጀምሮ መንፈሳዊውንና ዘመናዊውን ትምህርት ጎን ለጎን በማስተማር አያሌ ሊቃውንትን፣ ጳጳሳትንና ሊቃነ ጳጳሳትን በማፍራት የታወቀ አንጋፋ ትምህርት ቤት መሆኑ ይታወቃል፡፡በአሁኑ ወቅትም የትምህርት አድማሱን በማስፋት የትምህርት አገልግሎቱን አጠናክሮ እየቀጠለ መሆኑ ይታወቃል፡፡
© EOTC TV

973

2

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

📷 Photo

"ይህችም ለሚመጣ ትውልድ ተጻፈች፥ የሚፈጠርም ሕዝብ እግዚአብሔርን ያመሰግነዋል።"          መዝ. 101÷18

የጸሎት መርሐ ግብር

እንኳን ለሰንበት ት/ቤታችን 58ተኛ  ዓመት የምስረታ በዓል በሰላም አደረሰን አደረሳችሁ!!!

የሰንበት ት/ቤታችንን የምስረታ በዓል ምክንያት በማድረግ  የተዘጋጀ  የጸሎት መርሐ ግብር ።

🗓  ከግንቦት 14 - 16 ቀን 2018 ዓ.ም
🕰ከቀኑ 11:00 ሰዓት  ጀምሮ
💒 በሰንበት ት/ቤቱ አዳራሽ

👉 አርብ ግንቦት 14   በሕይወተ ስጋ ከዚህ ዓለም ድካም ያረፉ የደብራችን ማኅበረ ካህናት እና  በሰንበት ት/ቤታችን  ሲያገለግሉ ለነበሩ ወንድሞች እና እህቶች ቤተሰቦቻቸው በተገኙበት በጸሎት  የሚታሰቡበት ዕለት

👉 ቅዳሜ ግንቦት 15  ጸሎት

👉 እሁድ ግንቦት 16 የሰንበት ት/ቤታችን 58ተኛ ዓመት የምስረታ በዓል በአዳራሽ የሚከበርበት

ሁላችሁም ተጋብዛችኋል

930

2

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

📷 Photo

እንኳን ለሰንበት ት/ቤታችን 58ኛ ዓመት የምሥረታ በዓል አደረሰን አደረሳችሁ።

ኑ በአንድነት እናመስግን

የበዓለ ትንሣኤ ፣ የበዓለ ቅዱስ ያሬድ፣ የበዓለ ዕርገት የአንድነት የዝማሬ መርሐ ግብር ።

🗓 ሐሙስ ግንቦት 13/2018 ዓ.ም
⏰ ከምሽቱ 12:00 ሰዓት
💒 በሰንበት ት/ቤቱ አዳራሽ

ሁላችሁም ተጋብዛችኋል

1,030

11

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

📷 Photo

"ይህችም ለሚመጣ ትውልድ ተጻፈች፥ የሚፈጠርም ሕዝብ እግዚአብሔርን ያመሰግነዋል።"          መዝ. 101÷18

ሀምሳ ስምንት  ዓመታትን በአገልግሎት
ክፍል ፫

ሰንበት ትምህርት ቤታችን ከምሥረታው ጀምሮ አገልግሎቱን በስፋት ከፈጸመባቸው እና እየፈጸመባቸው ከሚገኙ  ዘርፎች መካከል አንዱ የጸሎት እና በጎ አድራጎት አገልግሎት  ነው ለዛሬ በዚህ ዘርፍ ካሉ የሰ/ት/ቤቱ የአገልግሎት ሱታፌዎች መካከል ጥቂቱን እናስቃኛችሁ

፨ የሁሉ ነገር መሠረት ጸሎት ነው እና ዓመቱን ሙሉ በሰ/ት/ቤታችን ረብዕ እና አርብ ከ11 ሰዓት ጀምሮ የጸሎት መርሐ ግብር ይካሄዳል፣ በየወሩ 4 እና በ21የጽዋ ጸሎት ፣ በአዋጅ አጽዋማት ጊዜ የሱባኤ ጸሎት ከትውልድ ወደ ትውልድ እያተለላፈ ዛሬም ድረስ በካህናት እና በወንድሞች የሚመራ የጸሎት መርሐ ግብር ሳይታጎል እንደቀጠለ ነው። በሀገራችን እና በቤተ ክርስቲያናችን ላይ መከራ በበዛ ጊዜ እግዚአብሔር የምሕረት ዓይኑን ወደ እኛ እንዲመልስ የምሕላ ጸሎት መርሐ ግብር በተለያየ ጊዜ እንዲዘጋጅ ይደረጋል::

898

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

፨ በዓመት ሁለት ጊዜ ለትንሣኤ በዓልና እና ለጾመ ፍልሰታ ፍቺ በቋሚነት ነዳያንን ያስፈሰካል።

፨ ለገዳማትና አድባራት ለአብነት ት/ቤት  ምእመናን እና አባላቱን በማስተባበር  የተለያዩ ለቤተመቅደስ አገልግሎት የሚውሉ ንዋያተ ቅዲሳንን ድጋፍ ያደርጋል።

፨ በየሳምንቱ በሰንበት እሑድ የቁርስ ምገባ መርሐ ግብር በማዘጋጀት፣  በደብሩ ዙሪያ ያሉ ነዳያንን የመደገፍ ሥራዎች ይሰራሉ በቋሚነትም ድጋፍ መስጠት የሚቻልበት ሁኔታ ለመንደፍ ከደብሩ ምግባረ ሰናይ ክፍል ጋር እየተሰራ ነው።

፨ ከምዕመናን የተለያዩ አልባሳትን እና የንጽሕና መጠበቂያ እዋዎችን በማሰባሰብ ለአረጋውያን እና ለአምሮ መርጃ ማሕበራት ድጋፍ ይሰጣል።

፨ ዐበይት በዓላትን ምክንያት በማድረግ በደዌ ተይዘው በተለያዩ ጠበል ቦታዎች እና የሕክምና ተቋማት ያሉ ሕሙማንን ፣በእስር ቤት ያሉ ታራሚዎችን የእንኳን አደረሳችሁ መርሐ ግብር በማዘጋጀት የመጎብኘት፣ በጸሎት የማሰብ ፣ በቃለ እግዚአብሔር የማጽናናት እና ድጋፍ የመስጠት ሥራዎች ከመርሐ ግብርና አባላት ጉዳይ ክፍል ጋር በጋራ ይሠራሉ።

፨ የሰንበት ትምህርት ቤቱ አባላት ነጻ የትምህርት አድል የሚያገኙበትን ሁኔታ ያመቻቻል።

፨ ሥራ ያጡ የሰንበት ትምህርት ቤቱ አባላት ከመርሐ ግብር ክፍል ጋር በጋራ ሥራ የሚያገኙበትን ዕድል እያመቻቸ ይገኛል ፡፡

፨ የአጥቢያውን ምዕመናን በመቀስቀስ እና ማስተባበር ከብሔራዊ የደም ባንክ ጋር በመተባበር በዓመት 4 ጊዜ የደም ልገሳ መርሐ ግብር ይዘጋጃል።

፨ አባላት ያላቸውን አቅም እና ሙያ አስተባብረው በጤናው ዘርፍ ድጋፍ ለሚያስገልጋቸው የተለያዩ አካላት ድጋፍ በማድረግ ላይ ይገኛሉ ቀድም ካሉ ዓመታት ጀምሮ የተለያዩ የወረርሽኝ በሽታዎች ሲከሰቱ የግንዛቤ ማስጨበጪያ መርሐ ግብር (በተለያም ለነዳያን) የማዘጋጀት እና ሙያዊ ድጋፍ የመስጠት ሥራዎች በስፋት ይሠራሉ

፨ ለገዳማትና አድባራት ምእመናን እና አባላቱን በማስተባበር በገዳማት ለሚኖሩ አባቶችና እናቶች መነኮሳት የተለያዩ  የንጽህና መጠበቂ እቃዎችን  ድጋፍ ማድረግ  በገዳማት ላይ የህክምና እርዳታ መስጠት እና ለመጀመሪያ እርዳታ የሚጠቅሙ ግብዓቶች መደገፍ ስራዎችን ይሰራል።

ሰንበት ትምህርት ቤታችን  ከዚህ በበለጠ አገልግሎት ቅድስት ቤተ ክርስቲያን የሰጠችውን ተልዕኮ ይወጣ ዘንድ ሁለንተናዊ ድጋፋችሁ ከእናንተ ከምዕመናን እንዳይለየን በቅዱስ ዮሐንስ ስም አደራ እንላለን።

1,000

ፍቁረ እግዚእ ሚዲያ Fikure Egzi Media – FEM

۱ خرداد ۱۴۰۵، ۱۸:۵۰

፨ የመምህራን እጥረት ባለባቸው አካባቢዎች መምህራንን በመላክ ቃለ እግዚአብሔርን የማዳረስ ሥራ ከሀምሳ ሰባት  ዓመታት የአገልግሎት መስኮች መካከል አንዱ ነው።

፨ ከኢትዮጵያ ጃንደረባው ትውልድ ማኅበር ጋር በጋራ ለምእመናን ሱባኤ ጉባኤ ትምህርት በማዘጋጀት ምእመናን መሰረታዊ የቤተክርስቲያን ትምህርት እንዲያውቁ ላማድረግ ስራዎች ተሰርተዋል።

፨  የአብነት መምህር ከደብሩ አስተዳደር በማስመደብ የአብነት  ትምህርት እንዲሰጥ በማድረግ ተተኪ ዲያቆናት እና ቀሳውስትን አፍርቷል።

፨ በአቡቀለምሲስ ቤተ መጻሕፍት የማስነበብ  አገልግሎት ይሰጣል በወሩ መጨረሻ አርብ ከጉባኤ ኤፌሶን ጋር በማቀናጀት የመንፈሳዊ መጽሐፍት ደሰሳ መርሐ ግብር እያካሔደ ያለ ክፍል ነው ።
👇

📚📖  የአቡቀለምሲስ ቤተ መጻሕፍት የመጻሕፍት ክምችት ለማሳደግ የበኩሎን ድርሽል ይወጡ   መጻሕፍት  ይለግሱ።

ይቆየን

1,120

15

0

ፍቁረ እግዚእ ሚዲያ Fikure Egzi Media – FEM

۱۸ اردیبهشت ۱۴۰۵، ۰۷:۴۴

📷 Photo

ቅዱስ ሲኖዶስ ስብሰባውን ማካሄድ ጀመረ።

በቀኖና ቤተ ክርስቲያን መሠረት ከበዓለ ትንሣኤ በኋላ በሃያ ኣምስተኛው ቀን የሚካሄደው ዓመታዊው የርክበ ካህናት ቅዱስ ሲኖዶስ ምልዓተ ጉባኤ በዛሬው ዕለት በብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ተክለሃይማኖት የመግቢያ ንግግር ተጀምሯል።

ጉባኤው በይፋ መጀመሩን ተከትሎ የቋሚ ሲኖዶስ ሪፖርት ለምልዓተ ጉባኤው ቀርቧሎ

በመቀጠልም የሲኖዶስ ምልዓተ ጉባኤ የሚወያይባቸውን አጀንዳዳዎች የሚያቀርብ አርቃቂ ኮሚቴ አባላት ተመረጠዋል።

የኮሚቴ አባላቱም
1. ብፁዕ አቡነ ሄኖክ ሊቀ ጳጳስ
2. ብፁዕ አቡነ ኤውስጣቴዎስ (ዶ/ር) ሊቀ ጳጳስ
3. ብፁዕ አቡነ እንጦንስ ሊቀ ጳጳስ
4.ብፁዕ አቡነ ቴዎፍሎስ ሊቀ ጳጳስ
5. ብፁዕ አቡነ ኤርሚያስ ሊቀ ጳጳስ
6. ብፁዕ አቡነ ፊልጶስ ሊቀ ጳጳስ
7.ብፁዕ አቡነ ኤልሳዕ ጳጳስ
መሆናቸውን የቅዱስ ሲኖዶስ ጽ/ቤት የሚዲያ ኃላፊ መምህር ዳንኤል ሰይፈሚካል ለመገናኛ ብዙኃን አገልግሎት ሥርጭት ድርጅት (#EOTCTV) ገልጸዋል።

1,100

ፍቁረ እግዚእ ሚዲያ Fikure Egzi Media – FEM

۱۸ اردیبهشت ۱۴۰۵، ۰۷:۴۴

📷 Photo

የቅዱስ ሲኖዶስ ምልዓተ ጉባኤ በቀዳሚ ቀን ውሎ አጀንዳዎችን በማጽደቅ ውይይት ጀምሯል።

ዓመታዊ ርክበ ካህናት የቅዱስ ሲኖዶስ ምልዓተ ጉባኤ የመጀመሪያ ቀን ውሎን አስመልክቶ የቅዱስ ሲኖዶስ የኮሙኒኬሽን ጉዳዮች ኃላፊ ረ/ፕ ቀሲስ ዳንኤል ሰይፈሚካኤል በሰጡት ማብራሪያ ለምልዓተ ጉባኤው አጀንዳ የሚያረቁ ፯ አባላት ያሉት ኮሚቴ መሰየሙን አስታውሰዋል ።

በዚሁ መሠረት ኮሚቴው ያቀረባቸው ጠቅላላ አጀንዳዎች እና ንዑሳን ጉዳዮች ከሰዓት በኋላ በነበረው ጉባኤ ላይ ታይተው መጽደቃቸውንም ተናግረዋል።

የቅዱስ ሲኖዶስ ዋና ጸሐፊ ብፁዕ አቡነ ዲዮስቆሮስም የሲኖዶሱን ዓመታዊ የሥራ ሪፖርት ለጉባኤው አቅርበዋል።

የኮሙኒኬሽን ጉዳዮች ኃላፊው በመጪው ጊዜ የሚካሄደው ሀገራዊ ምርጫ በሰላም እንዲጠናቀቅ ጥሪ እንዲቀርብም ምልዐተ ጉባኤው መወሰኑን ጠቁመዋል።

የቅዱስ ሲኖዶስ ምልዓተ ጉባኤ በቀጣይ ቀናት በጸደቁት አጀንዳዎች ላይ ዝርዝር ውይይቶችን በማድረግ መግለጫ ያወጣል ተብሎ ይጠበቃል።

ምልዐተ ጉባኤው በዛሬው ውሎው የብፁዕ ወቅዱስ ፓትርያርኩን የመክፈቻ ንግግር አባታዊ መመሪያ እና የሥራ አቅጣጫ ለሥራው መሠረት አድርጎ ተቀብሎታል።

በፍትሕ መንፈሳዊ ድንጋጌ መሠረት በየዓመቱ ከትንሣኤ በዓል በኋላ በ፳፭ ኛው ቀን የሚካሄደው ይህ ጉባኤ፤ በመንበረ ፓትርያርክ ቅድስተ ቅዱሳን ድንግል ማርያም ገዳም በትናንትናው ዕለት በጸሎት መጀመሩ ይታወሳል።
© EOTC TV

1,070

ፍቁረ እግዚእ ሚዲያ Fikure Egzi Media – FEM

۱۸ اردیبهشت ۱۴۰۵، ۰۷:۴۴

📷 Photo

🌿ለእናትዋ አንዲት ናት ለወለደቻትም የተመረጠች ናት መኃ. 6÷9 🌿

🔔የፀሎት መርሐ ግብር🔔

🗓ቅዳሜ ግንቦት 1 ቀን 2018 ዓ.ም
⌚️ከቀኑ 11:00 ሰዓት ጀምሮ
💒በሰንበት ት/ቤቱ አዳራሽ

615

11

ፍቁረ እግዚእ ሚዲያ Fikure Egzi Media – FEM

۱۸ اردیبهشت ۱۴۰۵، ۰۷:۴۴

የመጀመሪያዎቹ ሰዎች በፈጸሙት ስሕተት መነሻነት ምድርንና ምድራውያንን ለከባድ ቅጣትና መርገም የዳረገው ይህ መለያየት ለሰማያውያኑም ተርፎኣል፤
ምክንያቱም መለያየቱ በእግዚአብሔርና በሰው፣ በመላእክትና በሰው፣ በሰውና በሰው፣ በነፍስና በሥጋ ጭምር የጥል ግድግዳን ገንብቶ እስከ ክርስቶስ ዕለተ ስቅለት መዝለቁን በቅዱስ መጽሓፍ የምናውቀው ስለሆነ ማለት ነው።
ብፁዓን ሊቃነ ጳጳሳት የቅዱስ ሲኖዶስ ኣባላት!

ቀዳማዊና ዘላለማዊ የሆነው ወልደ እግዚአብሔር ኢየሱስ ክርስቶስ ሰብእናችንን ተዋሕዶ በዚህ ዓለም የተገለጸው ሰማያውያንንና ምድራውያንን የለያየው  የጥል ግድግዳን ለማፈራረስ ነው፤
ለመለያየት ምክንያት የሆነችውን ኃጢኣት በሰውነቱ በመቅጣት የሕግን ትእዛዝ ከፈጸመ በኋላ የዕርቁን ተግባር በወሳኝ መልኩ ኣከናውኖታል፤
በክርስቶስ ቤዛነት የሆነው ይህ ዕርቅ በእግዚአብሔር ዘንድ እጅግ የተወደደ ነበረና እሱ ራሱ በክርስቶስ ሆኖ ዓለሙን ከራሱ ጋር ኣስታረቀ፤
ለዚህም ነው ተበዳይ እሱ፣ ቤዛዊ መሥዋዕት ሆኖ የቀረበው እሱ፣ ኣስታራቂ እሱ፣ ታራቂ እሱ ሆኖ የምናገኘው፤ ለሱ የሚሳነው ነገር የለምና ለኛ ግር የሚል ቢመስልም ለሱ ቀላል ነበረ።
በዚህ የዕርቅ ተግባር ሰውና እግዚአብሔር፣ ሰውና መላእክት፣ ሰውና ሰው፣ ነፍስና ሥጋ ታርቀው በይፋ ተገናኙ፤ በኅብረትና በኣንድነትም መኖር ቻሉ፤ በቀኙ ለተሰቀለው ሽፍታ “ዛሬውኑ ከኔ ጋር በገነት ትኖራለህ” የሚለው ቃለ ምሕረትና “ኣባት ሆይ፥ ነፍሴን በእጅህ ኣደራ እሰጣለሁ” የሚለው ቃለ ኣማሕፅኖ የዕርቁ፣ የግንኙነቱና የኣንድነቱ ማሳያ ኣስረጅ ናቸው።
ስቅለተ ክርስቶስ ነፍሶቻችን ወደ ግዞት ቤት ሳይሆን ወደ ገነት እንዲገቡ፣ የሚቀበላቸውም ራሱ እግዚአብሔር እንዲሆን ያስቻለ ታላቅ መለኮታዊ ፍጻሜ ነው፤
እኛ “ክርስቶስ መድኃኒታችን ነው፤ ኣድኖናል” ብለን በልበ ሙሉነት የምንመሰክረው፣ እሱም “ሰላሜን ሰጠኋችሁ” ብሎ የሚያረጋጋን በመሰቀሉ ይህንን ውጤት ስላስገኘልን ነው።
ብፁዓን ሊቃነ ጳጳሳት የቅዱስ ሲኖዶስ ኣባላት!
የድኅነታችንና የሰላማችን መሠረት የሆኑትን የክርስቶስ ሞትና ትንሣኤ ለዓለም ማኅበረ ሰብ የማብሰርና የማሥረጽ ተግባር የቅድስት ቤተ ክርስቲያን ቍጥር ኣንድ ተልእኮ ነው፤
ነገረ ሞቱና ነገረ ትንሣኤው በኣስተውሎት፣ በጥልቀትና በተመሥጦ ስናስተምር በውስጡ የምናገኘው የዕርቅ፣ የሰላምና የኣንድነት ምስጢር ነው፤
እንደ እውነቱ ከሆነ እኛ የክርስቶስ መልእክተኞች እንደ ቃሉ ራሳችንን ክደን በሚጠበቀው መጠን ተልእኮኣችንን መወጣት ብንችል ኖሮ፣ ኣሁን በዓለማችን የተፈጠረው መለያየትና ግጭት ኣይኖርም ነበር፤
ችግሩን ሙሉ በሙሉ ማስቀረት ባንችልም በእጅጉ መቀነስና ዓቅሙን ማዳከም እንችል ነበር፤ ነገር ግን ተልእኮኣችንን በኣግባቡ ኣለመወጣት ኣንድ ነገር ሆኖ የዓለሙ መሳሪያ ሆነን መገኘታችን “በዕንቅርት ላይ…” ሆኖ ይስተዋላል።
ይሁንና ኣሁንም ሕዝቡን ወደ ኣንድነት፣ ወደ ፍቅር፣ ወደ ሰላም፣ ወደ ዘላቂ የጋራ ጥቅምና ወደ ፈሪሐ እግዚአብሔር ማምጣት የጉባኤያችን ዓቢይ ተግባር ሊሆን ይገባል፤ እነዚህ ካሉ የምናጣውም ሆነ የሚያመልጠን የለምና ነው፤
ሃገርን በኃላፊነት ተረክባችሁ በላዕላዊ፣ በማእከላዊና በታሕታዊ መዋቅር የምትገኙ፣ እንደዚሁም ኣማራጭ ሓሳብ ኣለን ብላችሁ የምትንቀሳቀሱ ልኂቃነ ሃገር ፣ ሁላችሁም እግዚአብሔርን ከሚያውቅ፣ ከሚያመልክና ከሚፈራ ሕዝብ የተገኛችሁ ናችሁና በልባችሁ እግዚአብሔርን ፍሩ፤ ድምፁንም ስሙ፤ የሱ ገንዘብ በሆኑ ፍጡራንም ኣትጨክኑ፤ ሰውን መያዝ የሚቻለው ኅሊናን በመርታት እንጂ በሌላ ኣይደለምና፣
የሕዝቡን ፍላጎትና የልብ ትርታ በሚገባ ኣዳምጡ፤ ሕዝቡ የሚፈልገው በኣንድነትና በእኩልነት መኖር፣ በሰላም ወጥቶ መግባት፣ ፍትሕን ማስፈን፣ ለኑሮው የሚበቃ ምጣኔ ሃብትን ማግኘት፣ የእምነት ነጻነትና እኩልነት መረጋገጥ የመሳሰሉት ናቸው።
ሕዝቡ እነዚህ ከተሟሉለት ተደመጠ ማለት ነው፤ ከተደመጠ ደግሞ እሱም በበኩሉ ያደምጣል፤ ይከተላልም፤
ስለሆነም ለሁሉም ልጆቻችንና ወገኖቻችን የምናስተላልፈው ወቅታዊ ጥሪ  ሁሉንም ችግሮቻችን በሰላምና በሰላም ብቻ ለመፍታት ተባበሩ የሚል ነው፤ ከዚህ ውጭ የሚደረገው ኣማራጭ ሁሉ ለዘላቂ ሰላማችን ኣይበጅም እንላለን።
በመጨረሻም፦
በቀኖና ቤተ ክርስቲያን መሠረት ከበዓለ ትንሣኤ በኋላ በሃያ ኣምስተኛው ቀን የሚካሄደው ዓመታዊው የረክበ ካህናት ቅዱስ ሲኖዶስ ምልኣተ ጉባኤ በዛሬው ዕለት የተጀመረ መሆኑን ለሕዝበ ክርስቲያኑና ለመላው ኢትዮጵያውያን እናበስራለን!!!
እግዚአብሔር ጉባኤያችንን ይባርክ!

እግዚአብሔር ኢትዮጵያንና ሕዝቦቿን ይባርክ!
ወስብሓት ለእግዚአብሔር፤
አሜን!!!

አባ ማትያስ ቀዳማዊ ፓትርያርክ
ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘኣኵስም ወዕጨጌ ዘመንበረ ተክለ ሃይማኖት፤
ሚያዝያ 28 ቀን 2018 ዓ.ም
ኣዲስ ኣበባ - ኢትዮጵያ

ፍቁረ እግዚእ ሚዲያ Fikure Egzi Media – FEM

۱۸ اردیبهشت ۱۴۰۵، ۰۷:۴۴

📷 Photo

ጉባኤ ኤፌሶን
በመንፈሳዊ መጽሐፍ ዳሰሳ

📚📖📚📖📚📖📚📖📚📖📚📖

" ገድለ አዳም  "

የተሰኘ መጽሐፍ በስፋትና በጥልቀት ይዳሰሳል ውይይት ይደረግበታል ።

🗓 አርብ  ሚያዝያ 30 ቀን 2018 ዓ.ም.
⏰ ከቀኑ 11:00 ሰዓት ጀምሮ
💒 በሰንበት ት/ቤቱ አዳራሽ  በመገኘት የመርሐ ግብሩ  ተካፋይ ይሁኑ።

አድራሻ፦ከፒያሳ ወደ አስኮ በሚወስደው መንገድ ላይ ራስ ደስታ ሆስፒታል አካባቢ ነው።
📚📖📚📖📚📖📚📖📚📖📚📖

1,150

1

ፍቁረ እግዚእ ሚዲያ Fikure Egzi Media – FEM

۱۸ اردیبهشت ۱۴۰۵، ۰۷:۴۴

📷 Photo

መልእክተ ብፁዕ ወቅዱስ ፓትርያርክ
በስመ ኣብ ወወልድ ወመንፈስ ቅዱስ ኣሓዱ ኣምላክ ኣሜን!
ብፁዕ ኣቡነ ሳዊሮስ
የመንበረ ፓትርያርክ ጠቅላይ ቤተ ክህነት ዋና ስራ ኣስኪያጅ፤
ብፁዕ ኣቡነ ዲዮስቆሮስ
የቅዱስ ሲኖዶስ ዋና ጸሓፊ፤
ብፁዕ ኣቡነ ሕርያቆስ
የኣዲስ ኣበባ ሃገረ ስብከት ሊቀ ጳጳስ፣
ብፁዓን ኣበው ሊቃነ ጳጳሳት የቅዱስ ሲኖዶስ ኣባላት፣
በኣጠቃላይ በዚህ ዓመታዊ የቅዱስ ሲኖዶስ ምልኣተ ጉባኤ የተገኛችሁ በሙሉ፦
ማሕየዊት በምትሆን ሞቱ ሰማያውያንና ምድራውያንን ያስታረቀ፣ በቅድስት ትንሣኤውም የሙታንን ሕይወት በተስፋ ያለመለመ ጌታችን፣ ኣምላካችንና መድኃኒታችን ኢየሱስ ክርስቶስ፣ እንኳን ለዓመታዊው የረክበ ካህናት ቅዱስ ሲኖዶስ ምልኣተ ጉባኤ ኣደረሰን ኣደረሳችሁ!
“እስመ ተዋለጠ እግዚአብሔር ዓለመ በክርስቶስ ኣናኅስዮ ኃጢኣቶሙ ወኢነጺሮ ጌጋዮሙ፤ ወረሰየ ላዕሌነ ቃለ ሥምረቱ፤ ወወሃበነ መልእክተ ሣህሉ፡- እግዚአብሔር በክርስቶስ ሆኖ ዓለሙን ከራሱ ጋር ያስታርቅ ነበርና በደላቸውን ኣይቈጥርባቸውም ነበር፤ በእኛም የማስታረቅ ቃል ኣኖረ” (2ቆሮ. 5፥19)።
የእግዚአብሔርም ልጅ፣ የሰውም ልጅ የሆነው ጌታችን ኢየሱስ ክርስቶስ በዚህ ዓለም በሰብእነት ሲገለጽ ግልጽ የሆነ ዓላማና ግብ እንደነበረው ቅዱስ መጽሓፍ ይነግረናል፤ እሱም በሰማይም፣ በምድርም ያሉትን በሙሉ ማስታረቅ፣ ማገናኘትና ኣንድ ማድረግ ነበረ፤
ጌታችን ይህንን ሲያደርግ ሰማያውያኑንና ምድራውያኑን የለያየው ምክንያት በማስወገድ ነው፤ የመለያየቱ ምክንያት ክፉ ኅሊና ኣምጦ የወለደው በደልና እሱን ተከትሎ የተከሠተው ኃጢኣት ነበረ፤ በኃጢኣት ምክንያት የገባው ሞት ደግሞ የቅጣቱ ማሳያ ፍርድ ነበረ።

897

ፍቁረ እግዚእ ሚዲያ Fikure Egzi Media – FEM

۱۸ اردیبهشت ۱۴۰۵، ۰۷:۴۴

📷 Photo

የ2018 ርክበ ካህናት የቅዱስ ሲኖዶስ ምልዐተ ጉባኤ መክፈቻ ጸሎት በመንበረ ፓትርያርክ ቅድስተ ቅዱሳን ማርያም ገዳም ተካሔደ ።
©EOTC_TV

1,200

18

ፍቁረ እግዚእ ሚዲያ Fikure Egzi Media – FEM

۱۸ اردیبهشت ۱۴۰۵، ۰۷:۴۴

📷 Photo

የምስካየ ኅዙናን መድኃኔዓለም ገዳም ቅዳሴ ቤት ክብረ በዓልና የድል በዓል በድምቀት ተከበረ ።

1,500

29

ፍቁረ እግዚእ ሚዲያ Fikure Egzi Media – FEM

۱۱ اردیبهشت ۱۴۰۵، ۲۰:۱۷

📷 Photo

ዓመታዊ "የስብከተ ወንጌል ቀን" ለ3ኛ ጊዜ በቅድስት ሥላሴ ዩኒቨርሲቲ አዳራሽ ብፁዓን አበው ሊቃነ ጳጳሳት በተገኙበት ተከበረ ።

1,950

14

ፍቁረ እግዚእ ሚዲያ Fikure Egzi Media – FEM

۱۱ اردیبهشت ۱۴۰۵، ۲۰:۱۷

📷 Photo

"እርሷ በእግዚአብሔር ዓይን በታየ የቅድስና ውበት የተሞላች ነበረችና በእርሷ ንጹሕ ማሕፀን ሊያድር ወደደ ፤ እንደ ድንግል ማርያም ራሱን ዝቅ ያደረገ ትሑት ማንም የለም "
ቅዱስ ያዕቆብ ዘሥሩግ

1,380

66

ፍቁረ እግዚእ ሚዲያ Fikure Egzi Media – FEM

۱۱ اردیبهشت ۱۴۰۵، ۲۰:۱۷

📷 Photo

የቅዱስ ጊዮርጊስ በዓለ ዕረፍት በመናገሻ ገነተ ጽጌ ቅዱስ ጊዮርጊስ ቤተ ክርስቲያን በድምቀት ተከበረ።

692

35

ፍቁረ እግዚእ ሚዲያ Fikure Egzi Media – FEM

۱۱ اردیبهشت ۱۴۰۵، ۲۰:۱۷

📷 Photo

የሰባተኛ ዙር ሱባኤ ጉባዔ ትምህርት የማጠቃለያ መርሐ ግብር ተከናወነ።

የአዲስ አበባ ሰንበት ትምህርት ቤቶች አንድነት ከኢትዮጵያዊው ጃንደረባ ትውልድ ማኅበር (ኢጃት) ጋር በመተባበር  በደብረ ነጎድጓድ ቅዱስ ዮሐንስና መካነ ጎልጎታ ቅድስት ማርያም ቤተክርስቲያን የፍቁረ እግዚእ ሰንበት ት/ቤት ለ21ቀን ሲሰጥ የነበረው ሰባተኛ ዙር ሱባኤ ጉባዔ ትምህርት የማጠቃለያ መርሐ ግብር  ተከናወነ።

በማጠቃለያው መርሐ ግብር ላይ  የደብሩ  ም/አስተዳዳሪ  ሊቀ ኀሩያን ቀሲስ ምስራቅ ወግደረሰኝ በጸሎተ ወንጌል መርሐ ግብሩን ከፍተው  መልዕክታቸውን ያስተላለፉ ሲሆን በመቀጠል ያሬዳዊ ዝማሬ በተጋባዥ ዘማሪና በፍቁረ እግዚእ ሰንበት ት/ቤት መዘምራን ፣ ቃለ እግዚአብሔር እና ዶክመንተሪ ፊልም ቀርቧል።

ለተከታታይ 21 ቀን ሲሰጥ በነበረው የሱባኤ ጉባኤ  የትምህርት መርሐ ግብር ትምህርታቸውን ተከታትለው ያጠናቀቁ ተማሪዎች በቀጣይ 3 ወራት ጥናታዊ ጽሑፍ እንዲያዘጋጁ  ከተደረገ በኃላ የአዲስ አበባ ሰንበት ት/ቤቶች አንድነት ልዩ የምርቃት መርሐ ግብር በማዘጋጀት ተማሪዎችን እንደሚያስመርቅ ያገኘነው መረጃ ይጠቁማል።

2,960

ፍቁረ እግዚእ ሚዲያ Fikure Egzi Media – FEM

۱۱ اردیبهشت ۱۴۰۵، ۲۰:۱۷

📷 Photo

"ሁለቱም አንድ አካል ይኾናሉ ፤ ይህ ነገር ጥልቅ ፤ ረቂቅ ምሥጢር ነው ፤ እኔም ለክርስቶስና ለቤተክርስቲያን ምሳሌ አድርጌ እናገረዋለሁ፡፡" ሃይማኖተ አበው ዘስምዓት

✨✨✨✨✨✨✨✨✨✨✨✨✨✨
ሚያዝያ 18 /2018 ዓ.ም በፈረንሳይ አቡነ ገብረ መንፈስ ቅዱስ ቤተ ክርስቲያን  ከእህታችን  ፍቅር እሸቱ ( ፍቅርተ ማርያም)  ጋር የጋብቻ ሥነ ሥርዓትክን  የፈጸምከው  የሰንበት ት/ቤታችን አገልጋይ ፋንታሁን ታምራት (ኃ/ሚካኤል)  እንኳን ደስ ያለህ እንኳን ደስ ያላችሁ ።

የአብርሃምንና የሣራን ፤ የይሰሐቅንና የርብቃን ጋብቻ የባረከ አምላክ አንድነታችሁን  ይባርክ እመብርሃን በአማላጅነቷ አትለያችሁ ፤ ቅዱስ ዮሐንስ ከፊት ይምራችሁ ከኋላ ይከተላችሁ እያለች ፍቁሩ እግዚዕ ሰ/ት/ቤት መልካም የትዳር ሕይወት ትመኝላችኃለች።

" ጋብቻ ንጹሕ ነው የወንድና የሴት አንድ መሆንንም እግዚአብሔር አክብሮታል "
መጽሐፈ ዲድስቅልያ

✨✨✨✨✨✨✨✨✨✨✨✨✨✨✨✨✨✨

2,030

50

ፍቁረ እግዚእ ሚዲያ Fikure Egzi Media – FEM

۱ اردیبهشت ۱۴۰۵، ۱۸:۰۰

📷 Photo

አርብ~ ቅድስት ቤተክርስቲያን

"ከዚህ በኃላ የሞትን ስልጣን አጠፋ ዲያቢሎስንና ኃይሉን ሻረ የብረት መዝጊያዎችን ሰበረ ሲዖልን በዘበዘ የጣዖት ቤቶችን አፈረሰ የምህረትን በር ከፈተ ይህችውም በደሙ የከበረች ቤተ ክርስቲያን ናት "

ሃይማኖተ አበው ዘቅዱስ ቴዎድስዮስ
በዚህ ዕለት ቤተክርስቲያን በክርስቶስ ሞትና ትንሣኤ ስለመመስረቷ ይሰበካል፡፡ ክርስቶስ ስለ እርሷ ራሱን አሳልፎ ሰጥቶ ቤዛ ሆኖ በደሙ አንጽቶ በትንሣኤው ድል ሰጥቶ እንዳከበራት ይነገራል

ኢትዮጵያዊው ሊቅ አባ ጊዮርጊስ ዘጋስጫ በመጽሐፈ ምሥጢር ላይ

" ዕፀ መስቀል በአይሁድ እጅ ተተከለ፤ ቤተ ክርስቲያንም በኢየሱስ ክርስቶስ እጅ ተሠራች የእግዚአብሔር በግ በሰቃዮች እጅ በዕፀ መስቀል ላይ ተሠዋ፤ የበረከት ማዕድ ለምእመናን ተዘጋጀ፤ መድኃኒታችን ተወጋ፣ የቤተ ክርስቲያን ደጃፎቿ በሙሽራዋ ደም ተቀቡ" እንዳሉ ጌታችን መድኃኒታችን ኢየሱስ ክርስቶስ ቤተ ክርስቲያንን በደሙ እንደመሠረታት ለማሰብ ይሄን የስሙነ ትንሣኤ አምስተኛ ቀን ዕለተ አርብን ቤተ ክርስቲያን ብለው አባቶቻችን ሰይመዋታል

አርብ ለክርስቶስ የመከራ የስቅለት ቀን እንደነበረች ቤተ ክርስቲያንም ሙሽራዋ ክርስቶስ እስኪመጣ ድረስ በመከራ ውስጥ እንደምትቆይ ለማሳየት ይሄን ዕለት ቤተ ክርስቲያን ተብሏል

ሊቁ ቅዱስ ያሬድ በዝማሬው "የምናገረውን አውቅ ዘንድ እግዚአብሔር የጥበብ አንደበትን ይስጠኝ፤ አቤቱ ቃሌን አድምጥ፤ አቤቱ የቤተ ክርስቲያንን ሕጓን ሥርዓቷን አውቅ ዘንድ ግለጥልኝ፤ ወደ እርሷ ፈጽሞ የሚገሠግሥ ሁሉ አይደክምም፤ እርሷ እንግዳ ተቀባይ ናትና " እንዳለ ቢጠብቁት ሕይወትን የሚሰጥ ሕግ እና ሥርዓቷን አውቀን እንኖር ዘንድ ከደካማችን እና ኃጢአታችን በቃለ እግዚአብሔር እና በንስሐ ወደ ምታድሰን ወደ ቅድስት ቤተ ክርስቲያን እንገስግስ ።

1,380

ፍቁረ እግዚእ ሚዲያ Fikure Egzi Media – FEM

۱ اردیبهشت ۱۴۰۵، ۱۸:۰۰

📷 Photo

ቅዳሜ ~ ቅዱሳት አንእስት

" ሴቶች ትንሣኤውን አደነቁ ትንሣኤውንም እያደነቁ መሰከሩ ለሁሉም ተናገሩ "
ቅዱስ ያሬድ

በዚህ ዕለት ቅዱሳት አንስት የክርስቶስን አካል ሽቶ ለመቀባት ጨለማ አቋርጠው ወደ መቃብር መምጣታቸውና ትንሣኤውንም ቀድመው ማየታቸው ይታሰባል በስቅለት ዕለት በለቅሶና በዋይታ የሸኙትን፣ በዕለተ ትንሣኤ ሽቱና አበባ ይዘው ወደ መቃብር የገሰገሱትን ፣ ከሁሉም ቀድሞ ጌታችን በዕለተ ሰንበት ተነሥቶ ለተገለጸላቸው ማርያም መግደላዊት፤ የታናሹ ያዕቆብ እና የዮሳ እናት ማርያም፤ የዘብዴዎስም የልጆቹ እናት ሰሎሜንም መታሰቢያ በማድረግ ቀኑ ቅዱሳት አንእስት ተብሎ ተሰይሟል «ከሳንምንቱ በመጀመሪያዩቱ ቀን ያዘጋጁትን ሽቶ ይዘው እጅግ ማልደው ወደ መቃብሩ ሄዱ፤ሌሎች ሴቶችም አብረዋቸው ነበሩ (ሉቃ. ፳፬ ፥ ፩ )፡፡ ቅዱስ ያሬድም በዝማሬው ይሄንን ሲገልጽ
" እናንተ ሴቶች ያያችሁትን ንገሩን አልናቸው እነዚያም ባለሽቶዎች ሴቶች ' ሕያውን ከሙታን መካከል ለምን ትፈልጋላችሁ እሱ የሞትን አለቃ ሽሮ ከሙታን ተለይቶ ፈጽሞ ተነሥቷል " ብሎ በደንጋዩ ላይ የተቀመጠ ግርማው እጅግ ድንቅ የሆነ መልአክ ነገረን ብለው መልካም ዜና ነገሩን" ሲል ዘምሯል

1,250

ፍቁረ እግዚእ ሚዲያ Fikure Egzi Media – FEM

۱ اردیبهشت ۱۴۰۵، ۱۸:۰۰

ጌታችን መድኃኒታችን ኢየሱስ ክርስቶስ ትንሣኤውን ከሁሉ አስቀድሞ የገለጠው ለሴቶች ነው ለምንድን ነው ቢሉ ሊቃውንቱ ለካሣ ነው ይላሉ የሞት ሞት የሚያመጣውን ዕፀ በለስን ብትበሉ አምላክ ትሆናላችሁ የሚለውን የዲያቢሎስን የሀሰት ቃል ተቀብለ ወደ አዳም ይዛ የመጣች ሴት ነበረች የሞትን ነገር ይዛ ሴት ልጅ ወደ አዳም በገሰገስችበት እግር ኃላ የትንሣኤውን ዜና ይዘው ቅዱሳት አንእስት ወደ ሐዋርያት መገስገሳቸው ለካሣ ይሆን ዘንድ ነው ከሁሉ በላይ ግን የሴት ልጅ ካሣ በድንግል ማርያም ተፈጸሟል ሔዋን የሀሰት አባት የዲያቢሎስን ቃል አምና ሞትን ወደ ዓለም እንዳመጣች ድንግል ማርያም የመልአኩን ቃለ ብሥራት አምና እንደ ቃልህ ይሁንልኝ ይደረግልኝ ብላ ለድህነታችን ምክንያት ሆናለች። አንድም የጌታ ሰውን ለማዳን መምጣት በመልእክ ብሥራት ደስ ይበልሽ ተብላ የሰማችው መጀመሪያ ሴት ልጅ ነበረች ማዳኑን ፈጽሞ ሞትን ድል አድርጎ መነሣቱንም መጀመሪያ ሴቶች ሰሙ

በቤተ ክርስቲያን አገልግሎት ውስጥ ሴቶች የላቸው ድርሻ ጉልህ ነው በሥልጣን ክህነት ከሚፈጸመው አገልግሎት ውጪ ለወንጌል መስፋፋት ትልቅ ሚና ይጫወታሉ ሀብት እና ገንዘባቸውን ለቤተ ክርስቲያን በመስጠት ፣ የሐዋርያትን መልእክት በማድረስ ፣ ከሁሉም በላይ በጾም እና በጸሎት የቤተ ክርስቲያን አገልግሎት እንዲቃና ያበረከቱት አስተዋጽኦ ጉልህ ነው ቅዱስ ያሬድ በድጓው ይሄንን ሲገልጽ " ቅዱሳት አንእስት የጸኑ፣ የነጹ ፣የከበሩ ሴቶች ይባላሉ ጸጉራቸውን ጥፍራቸውን ራሳቸውን ዋጋቸው ውድ በሆኑ አልባሳት በማስጌጥ በመሸለም ሳይሆን ከሰው በተሸሸገ በፍጹም ልቦና ጸሎታቸውን ያደርጋሉ እንጂ " ይላል

"በዕብራይስጥ ማርያም የተባልሽ የተመረጥሽ እመቤቴ ድንግል ማርያም ሆይ የሔዋን በረከት የሣራና የርብቃ በረከት የኤልሳቤጥ በረከት የሶፍያ የአርሴማ የባርባራ የዲናና የዲቦራ የአስቴር እና የዮዲት የሰሎሜና የማርያም መግደላዊት የማርያም እንተ እፍረት በረከት እንዲያድርብኝ ለምኚልኝ "   አባ ጊዮርጊስ ዘጋስጫ /አርጋኖን ዘእሁድ
ከቅዱሳት አንእስት ረድኤት በረከት ያሳትፈን ጸሎት ልምናቸው ከክፉ ሁሉ ይጠብቀን

1,550

17

ፍቁረ እግዚእ ሚዲያ Fikure Egzi Media – FEM

۱ اردیبهشت ۱۴۰۵، ۱۸:۰۰

📷 Photo

"ከስምንት ቀን በኋላም ደቀ መዛሙርቱ ደግመው በውስጥ ነበሩ÷ ቶማስም ከእነርሱ ጋር ነበር። ደጆች ተዘግተው ሳሉ ኢየሱስ መጣ በመካከላቸውም ቆመ። ሰላም ለእናንተ ይሁን አላቸው።"
ዮሐ.20÷26

1,360

32

ፍቁረ እግዚእ ሚዲያ Fikure Egzi Media – FEM

۱ اردیبهشت ۱۴۰۵، ۱۸:۰۰

📷 Photo

ሐሙስ~አዳም

" አዳም ከእርሱ እንዳይበላ ያዘዝከውን በልቶ በበደለ ጊዜ ከገነት ደስታ ወጣ አንተ ግን አዳም ዕፅን በመብላት ያመጣውን ፍዳ ክቡርና ማኅያዊ በሚሆን መሰቀል ከፈልክለት "
አባ ጊዮርጊስ ዘጋስጫ/ ውዳሴ መስቀል

በዚህ ዕለት ለአዳም የተሰጠው ተስፋ እና የተገባለት ቃል ኪዳን እንደተፈጸመ አዳምና ልጆቹ ነጻ እንደወጣን እናስባለን ሐሙስ አምስተኛ ቀን ነው እግዚአብሔር ለአዳም ከአምስት ቀን ተኩል በኃላ ከልጅ ልጅህ ተወልጄ አድንሃለው ብሎ የገባላት ቃልኪዳን እንደተፈጸመ ለማጠየቅ በዚህ ቀን የአዳም እና የልጆቹ መዳን ይዘከራል ቅዱስ ያሬድ በዝማሬው "የሕይወት ጎዳና የጥበብ ምንጭ ሕያው ሳለ የአዳምን ሥጋ ለብሶ ሞቶ በሞት ላይ በረታ ከሙትንም ተለይቶ ተነሣ በትንሣኤው አዳነን" እንዳለ መድኀኔዓለም ኢየሱስ ክርስቶስ በሞቱ እና በትንሣኤው ዘላለማዊ ድህነት እንደሰጠን አስበን በዚህ ቀን የበለጠ የአዳም እና የእኛ የልጆቹን መዳን እንዘክራለን

የሰው ልጅ እግዚአብሔር ከፈጠራቸው ፍጥረታት ሁሉ የተለየ ጸጋ እና ክብር የተሰጠው በአምሳለ እግዚአብሔር በከበሩ የእግዚአብሔር እጆች በገቢር የተፈጠረ ድንቅ ፍጥረት ነው የተሰጠውን ጸጋ ይዞ መጽናት ሲጠበቅበት ያልተሰጠውን ለማግኘት ሲሞክር የነበረውን ሁሉ ያጣ ነው በቅዱስ አትናቴዎስ ቅዳሴ ላይ

1,540

ፍቁረ እግዚእ ሚዲያ Fikure Egzi Media – FEM

۱ اردیبهشت ۱۴۰۵، ۱۸:۰۰

+ ሰው ንጉስ ሲሆን አላወቀም ራሱን በፍቃዱ አዋረደ ባሪያም ሆነ ጌቶች ያልሆኑም ገዙት
+ ሰው ባለጸጋ ሲሆን አላወቀም ራሱን በፍቃዱ አደኸየ ሆዱን አስራበ ነፍሱን አስጠማ
+ ሰው የብርሃንን ልብስ የለበሰ ሲሆን አላወቀም የቁርበትን ልብስ ለበሰ
+ ሰውስ ከጌታ በታች ገዢ ሲሆን አላወቀም ካልተፈቀደለት ዕፅ ቆርጦ በላ " ተብሎ እንደተጻፈ ያልተፈቀደለትን ዕፅ በልቶ ከጸጋ እግዚአብሔር ተራቆተ የሰውን መዳኑን እንጂ መጥፋቱን የማይወድ እግዚአብሔር አስቀድሞ ከፍቅሩ የተነሣ ሰውን በክብር  እንደፈጠረው ከፍጹም ፍቅሩ የተነሣ ሲፈጥረን ከሰጠን የበለጠ ጸጋ እና ክብር ሰጥቶ አድኖናል በተአምረ ማርያም መቅድም  የጠፋውን በግ አዳምን የፈለገው ባገኘውም ጊዜ የተሸከመው እውነተኛ ቸር ጠባቂያችን ክርስቶስ ከአንቺ የተወለደ እመቤቴ ማርያም  ሆይ ደስ ይበልሽ ብለው አባቶች እመቤታችንን እንደሚያመስግኗት አዳም ኃጢአት ሰርቶ ከእግዚአብሔር በራቀና በጠፋ ጊዜ መልካም እረኛ ቸር ጠባቂ የተባለ ጌታችን ነፍሱን ስለ በጎቹ በመስጠት በመስቀል ሞቶ ሞታችንን አሸንፎልናል
ቅዱስ ያሬድ የዛሬው ዕለት ዝማሬም ይሄንን የሚዘክር ነው

" እነሆ ዛሬ የበረከት ፍሬዎች በቀሉ የጥምቀት ልጆችም በዙ የመድኃኒት ምልክት በአህዛብ መካከል ቆመ ክርስቶስ በዕፀ መሰቀሉ አድኖናል በደሙ ፈሳሽነት ዋጅቶናልና የሕይወት አገልጋይ በመካከላችን አለ እግዚአብሔር ወልድ ከሙታን ተለይቶ እንደ ተነሣ መላእክት ይናገራሉ ይመሰክራሉ ዛሬ ተነሥቷልና ሰማያት ይደሰታሉ ምድር ትደሰታለች ጌታ አዳምን ዛሬ ከእኔ ጋር ደስ ይበልህ በሞቴ አድኜሃለውና አለው"

1,420

9

ፍቁረ እግዚእ ሚዲያ Fikure Egzi Media – FEM

۱ اردیبهشت ۱۴۰۵، ۱۸:۰۰

📷 Photo

ረቡዕ~ አልዓዛር

" ጌታዬ ኢየሱስ ሆይ ቸር ማኅያዊ ለሚሆን ቃልህ ሰላምታ ይገባል የሞትን ሥልጣን ሽሮ አልዓዛርን ከመቃብር አስነስቷልና "
መልክዐ ኢየሱስ

በዚህ ዕለት ትንሣኤና ሕይወት የሆነው ጌታችን መድኃኒታችን ኢየሱስ ክርስቶስ አልዓዛርን ከሞት እንዳስነሳው እናስባለን ክርስቶስ የሞትን ስልጣን የሻረ የሕይወት ራስ፤ ሞትን ድል አድርጎ የተነሣ ንጉሥ መሆኑን እንመሰክራለን፡፡

አልዓዛር ጌታ ከሞት ያስነሳው የማርታ እና የማርያም ወንድም ነው እነዚህ ቤተሰቦች ጌታ የሚወዳቸው በቢታንያ የነበሩ ወዳጆቹ ናቸው  ዮሐ 11 ፣ 5 ወንድማቸው በታመመ ጊዜም እህቶቹ ወደ ጌታ የምትወደው ታሟል ብለው መልእክት ላኩበት ጌታም ይህን ሲሰማ ይህ ሕመም የእግዚአብሔር ልጅ ክብር በእርሱ እንዲገለጥ እንጂ ለሞት አይደለም አለ መልእክቱን ከሰማ በኃላ በነበረበት ቦታ ለሁለት ቀን ከቆየ በኃላ ደቀ መዛሙርቱን ወደ ይሁዳ ደግሞ እንሂድ አላቸው አይሁድ ድንጋይ አንስተው ሊወግሩት ይፈልጉ ነበርና እነርሱ ግን ፈሩ ወዳጃችን አልዓዛር ተኝቷል ነገር ግን ከእንቅልፍ ላስነሳው እሔዳለው ብሎ የሚሄድበትን ምክንያት ነገራቸው ተኝቶማ እንደ ሆነ ይድናል አሉት ሐዋርያው ቅዱስ ዮሐንስ በወንጌሉ እርሱ ግን ስለሞቱ ተናግሮ ነበረ እነርሱ ግን እንቅልፍ ስለመተኛት እንደ ተናገረ መሳላቸው ይላል ዮሐ 11፣13 ያን ጊዜ ክርስቶስ አልዓዛር እንደሞተ በግልጽ ነገራቸው ደቀ መዛሙርቱ ወደ ይሁዳ ጌታ መሄዱ ከአይሁድ ጥላቻ አንጻር አስፈርቷቸው ስለነበር ቅዱስ ቶማስ እንዳለው ከእርሱ ጋር እንሞት ዘንድ እኛም ደግሞ እንሒድ ብለው አብረውት ሄዱ ጌታም በዛ ከሞተ አራት ቀን የሆነውን አልዓዛር ከመቃብር ጠርቶ እንቅልፍ ከተባለ ሞት አስነስቶታል ፡፡

1,570

Showing 30 of 36 posts