ተግባራዊ ክርስትና

Public

نمی‌توانید بپیوندید؟ @Applied_CHRISTIANITY

۵.۶k عضو

به‌روزرسانی شده: May 15, 2026 at 2:37 AM

ተግባራዊ ክርስትና

"" ቃሉን የምታደርጉ ሁኑ እንጂ ፤ ራሳችሁን እያሳታችሁ የምትሰሙ ብቻ አትሁኑ። "" /ያዕ 1÷22/ ለጥያቄ ➱ @Tyake_alegn_bot

@Applied_CHRISTIANITY is a dedicated channel for tyake_alegn_bot with regular updates in مذهب

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (7 روز گذشته)

مجموع: 5.6K

رشد 24 ساعت: +0 0%

آخرین پست‌ها

ተግባራዊ ክርስትና

۲ خرداد ۱۴۰۵، ۱۶:۴۶

✝ ምን ላድርግ ?

✥ የመጨረሻ ክፍል

በመጽሐፍ ቅዱስ ውስጥ "ምን ላድርግ?" ብለው የጠየቁ ብዙዎች ናቸው ። መጽሐፍ ቅዱስ ለተጨነቀች ነፍስ ምግብ ነው ። መልካሙን መንገድ መርጦ የመጣ ብቻ ሳይሆን ግራ የተጋባ ሰውም ምን ላድርግ ? ብሎ ይጠይቃል ። ከኃጢአት ሕይወት መውጣት ያቃተው ሰው "መውጣትኮ እፈልጋለሁ ግን..." ይላል ። ለአንድ ጉዳይ መፍትሔ ለማግኘት ደፍሮ መጠየቅ መልካም ነው ። ለበር መክፈቻ ቁልፍ ለችግርም መፍትሔ አለው ።

ለቤተ ክርስቲያን እንቁ መምህር የሆነ ቅድስ ዮሐንስ አፈወርቅን "ምን ላድርግ?" ብለህ ብትጠይቀው ፡- "አንተ ሰው ! ቃለ እግዚአብሔርን ተማር ፤ ባትለወጥም ዝም ብለህ ተማር ፤ ሁልጊዜ ተማር ! ላትስተካከል ትችላለህ፤ ላትለወጥ ትችላለህ፤ ግን ተማር ፤ ቢያንስ ቢያንስ ጥሩ ሰው እንኳን ባትሆን ራስህን ለመውቀስ የምትችልበት አቅም ታገኛለህ ። ካልተማርክ ግን ራስህን እንኳን መውቀስ የምትችልበት አቅም አታገኝም ፡፡ ስለዚህ ተማር ! ስትማር ቢያንስ ኃጢአት እንኳን ስትሠራ ራስህን እየወቀስክ ትሠራለህ ፡፡ ይህች የንስሐ በር ትሆንልሃለች፡፡ አንድ ቀን ወደ ንስሐ ትመራሃለች ።" ብሎ ይመልስልሃል ።

ምን ላድርግ ? ለሚለው ጥያቄ መልስ የሚገኘው በመማር ውስጥ ነው ። ሰው ካልተማረ አይጠይቅም ፣ ካልጠየቀም አይለወጥም ። ወዳጄ እባክህን ዘወትር ሳትሰለች ቃለ እግዚአብሔርን ተማር !

« ወስብሐት ለእግዚአብሔር »

መልካም ዕለተ ሰንበት 🕊

Subscribe - https://youtube.com/@betezimarepodcast

867

ተግባራዊ ክርስትና

۲ خرداد ۱۴۰۵، ۱۶:۴۶

🔴 የሚያጨሰው ጳጳስ || ርዕሰ ሊቃውንት የኔታ አባ ገብረ ኪዳን ግርማ |

"" ..... ሲጋራውን ቡን እያደረገ ምዕመናን መጥተው እጁን ሳም አድርገውት ይሄዳሉ ይህንን በዐይኔ ነው ያየሁት..... አያችሁ እነሱ እግዚአብሔር ላይ እንጂ የሰው ነውር ላይ አይንጠለጠሉም ። ""

YouTube - https://youtu.be/FH1SWF2EWoc?si=eEvOl9HhtPu6U_kJ

1,060

ተግባራዊ ክርስትና

۲ خرداد ۱۴۰۵، ۱۶:۴۶

https://youtu.be/f74SYI4z5po?si=52Cl3BupBDQFw2cI

872

ተግባራዊ ክርስትና

۲ خرداد ۱۴۰۵، ۱۶:۴۶

✝ የማኅበራዊ ሚዲያ ፈተና

በአሁን ሰዓት የአዳም ዘር መብሉ ፣ መጠጡ ፣ ወሬውም ሆነ ሁለመናው ማኅበራዊ ሚዲያ እየሆነ መጥቷል። ፌስቡክ ፣ ኢንስተግራም ፣ ዩቱብ ፣ ቲክቶክ በቀላሉ ስለሚከፈቱ ከትንሽ እስከ ትልቁ ከፍቶ ይዝናናል ። ሰው ፎቶውን ፣ የበላውን የጠጣውን ፣ ያየውን ፣ የሰማውን ይለጥፋል ፣ ይሰድባል ፣ ያመሰግናል ፣ ይረግማል ይመርቃል። ከሁሉም መተግበሪያዎች ጀርባ ግን ምን እንዳለ የሚያውቁ ጥቂቶች ብቻ ይመስሉኛል።

ማኅበራዊ ሚዲያ በአግባቡ ካልተያወ በነገው ትውልድ ላይ ትልቅ ሱስ የሚሆን እየሆነም ያለ ይመስለኛል ። የሰው ልጆችን አኗኗር በእጅጉ ይቀይራል ፣ ጤንነት ይቃወሳል ፣ አንገትና ጀርባ በልጅነት ይጎብጣል ፣ አይን ያለጊዜው ይደብዝዛል ፣ ነገ ላይ ቀጥ ብሎ መሄድ ተረስቶ ዛሬ "የእጅ መታጠብ ቀን" እንደ ሚባለው " ከቲክቶክ ነጻ ቀን" ተብሎ ቢከበር ደስ ይለኛል ።

ሰው ከሰው ጋር ንግግር ቀንሶ ከግዑዝ ነገር ጋር ያወራል ማሰብ ማሰላሰል ያቆማል። የሰው የመመራመር አቅም በእጅጉ ይጎዳል። እውቀቱ ተሰብስቦና ተሸብቦ ከኢንተርኔት ብቻ ይሆናል መጽሐፍ ማገላበጥ ጌጥ ይሆናል። በጊዜው ወላጅ ራሱንና ልጁን ያርም ይዘጋጅ ካልሆነ ጣጣው ቀላል አይሆንም ለዛሬ አንድ ነገር ብቻ ልጠቁም። ቲክቶክም ሆነ ፌስቡክ የራሳቸው የሚሰሩበት ስልት (algorithm) አላቸው። ሰዎችን በጾታ ፣ በሀገር ፣ በእድሜ በመሳሰሉት ነገር ይከፍሏቸዋል።

ለምሳሌ ቲክቶክ ባለቤቱ ቻይና ውስጥ ያለ ነው ይባላል ። ስለሆነም ታላላቅ የወጣት ስኬት ፣ የፈጠራ ክህሎት ፣ ስፓርታዊ ውድድር ፣ አስገራሚ የሳይንስ ግኝት ፣ የሒሳብ ውድድር ፣ ሥራ ፈጣሪነት ፣ ወጣቶች ለራሳቸው ስኬት ሲሰሩ የሚያሳይ ሲለጠፍ ቲክቶክ ወደ ከፈቱ የቻይና ወጣቶች ይሄዳል።

እንድንደቅ (እንድንደነዘዝ) የምንፈለገው እኛ ደግሞ ጦርነት ፣ ግድያ ፣ ሥራ አጥነት ፣ የራቁት ዳንስ ፣ ሴትና ወንድ በአጸያፊ መልኩ ሲገናኙ ፣ ስድብ ፣ ሎተሪ ቆርጦ ስለወጣለት ሰው ፣ ፕራንክ ሲደራረጉ ፣ ሰዎች መጠጥ ቤት ተቀምጠው ፣ ባል ሚስትን ሲያታልል….. እንደ ጉድ ወደ እኛ ይከማቻል ይፈሳል ። አንድም የምናየው ተከታታይ ቪዲዮ የእኛን ማንነት እስከ ማሳወቅ ይደርሳል ። በዚህ የመጣ አይናችን እና ጭንቅላታችን  ዞሮ እንተኛለን።

ይህ አይነት ነገር ደጋግሞ የሚመጣብህ ከሆነ መጫወቻና ቁሻሻ መጣያ ሆነሃል ። ኒውክለር ሳይተኮስ አንተን መግደል ማለት ይሄ ነው ። አንተ የምታየውን ዝባዝንኬ የቻይና ወጣት አያይም ። የቻይና አሊጎሪዝምና የአሜሪካ አሊጎሪዝም ይለያያል ለአፍሪካ ደግሞ አስበው ። ስለሆነም ሰፊ ማሰላሰል ይፈልጋል ። ስልክ እያየን ስንሄድ ፣ ስንነዳ የምንጋጭ ብዙ ነን ።  ይህችን ለጥቆማ የጻፍኳት ናት ፈተናው ግን ቀላል አይሆንም እናስብበት ለማለት ነው።

Subscribe - https://youtube.com/@betezimarepodcast

ተግባራዊ ክርስትና

۲ خرداد ۱۴۰۵، ۱۶:۴۶

🔴ያዳነኝን አውቀዋለው || ምስጉን ነህ አንተ | በዘማሪ ሊቀ ዲያቆናት ነቢዩ ሳሙኤል | ቤተ ዝማሬ ሚዲያ

https://youtu.be/L7AV4Fez6Ys?si=BHwl_OVReOQAd6xz

1,200

ተግባራዊ ክርስትና

۲ خرداد ۱۴۰۵، ۱۶:۴۶

"" እንወቅበት "" https://vt.tiktok.com/ZSxdNQbCf/

1,000

ተግባራዊ ክርስትና

۲ خرداد ۱۴۰۵، ۱۶:۴۶

✝ ምን ላድርግ ?

✥ ክፍል ፫/3

ነቢዩ ቅዱስ ዳዊት ፡- “ከአንተ በቀር በጎነት የለኝም” ብሏል /መዝ 15÷2/ ። በራስ ጽድቅ መተማመን ማለት ባለፈው ያንን በመከራ አልፌዋለሁ አሁንም ቢሆን ከቶ አልወድቅም በሚል ስሜት መዘናጋት ነው ። በራስ ጽድቅ መተማመን ማለት ሌሎች ላይ መፍረድና እኔ እሻላለሁ ብሎ ማሰብ ነው ። ከዚህ አይነቱ ድርጊት ከቶውኑ መለየት ይገባል ።

አባ እንጦንስ ሁለተኛው ምክሩ ፡- “ስላለፈው ድርጊትህ አትቆጭ” የሚል ነው። ትላንት ንስሐ በገቡበት ፣ በተናዘዙበት ኃጢአት መቆጨት ራስን እየመረዙ መኖር ነው ። “እንዴት እኔ ይህን አደርጋለሁ ?” ማለትም መመጻደቅ ነው ። ሌሎች የሚሠሩትን ኃጢአት ነው የሠራነው ካልሠራንም እግዚአብሔር ስለረዳን እንጂ ኃጢአት የማይሠራ ሥጋ ፣ ማንነት ስለተሸከምን አይደለም ። “ባለፈ ክረምት ቤት አይሠራም” እንደሚባል ባለፈው ዘመን መቆጨት የአሁኑን ዘመን ማቃጠል ነው ። እግዚአብሔር ይቅርታ እንዳደረገልን ካመንን ከኅሊናችን ፣ ከሰዎች ይቅርታ መጠበቅ አያስፈልገንም ። "ንስሐ የኃጢአት መጨረሻ የጽድቅ መነሻ" ነው ። ስለ ክፉ አድራጎት መጸጸት በራሱ በጎነት ነው ። እየተጸጸቱ መኖር ግን በእግዚአብሔር አለማመን ነው ። የሚመለስ ሰው እንጂ የማይበድል ሰው አይደለንምና ከቁጭት ተጠበቁ ።

“ምላስህንና ሆድህን ተቆጣጠር” ሦስተኛው ታላቅ ምክር ነው ። ምላስ ባለቤቱን አስሮ የማስቀመጥ አቅም አለው ። ሕይወትና ሞትም በአንደበት ላይ ነው ። የምንጓዘው ወደ ተናገርነው ነው ። ስለዚህ ምላስን መቆጣጠር ይገባል ። ሆድን መቆጣጠርም ለመንፈሳዊና ለሥጋዊ ጤንነት ወሳኝ ነው ። ተገኘ ተብሎ መብላት ፣ እንደ ዔሳው ለምግብ ጎምዥቶ ብኵርናን መሸጥ አይገባም ። ፍላጎት ገደብ ከሌለው በምድር በሰማይ ከርታታና የማይረካ ሰው ያደርገናል ። መቆጣጠር በጥንቃቄ መኖርን የሚያመለክት ነው ። ጠቢቡ ፡- “ጥንቃቄ ይጠብቅሃል ፥ ማስተዋልም ይጋርድሃል” /ምሳሌ 2÷11/ ይላል ።

..... ይቀጥላል

Subscribe - https://youtube.com/@betezimarepodcast

1,070

ተግባራዊ ክርስትና

۲ خرداد ۱۴۰۵، ۱۶:۴۶

✝ ምን ላድርግ ?

✥ ክፍል ፪/2

ከመደበኛ ትምህርት ለየት የሚለው ጥያቄና መልስ ያለበት መማማር ነው ። ጥያቄና መልስ መምህርና አስተማሪውን የሚያሳትፍ ትልቅ የትምህርት መርሐግብር ነው ። የመምህሩ መደበኛ ትምህርት ለተማሪዎቼ “ይህ ያስፈልጋቸዋል” ብሎ ያቀረበው ማዕድ ሲሆን ፤ ጥያቄ ግን ተማሪው “ይህ ያስፈልገኛል” ብሎ የሚማረው ነው ። የማይረሱ ትምህርቶች በጥያቄና መልስ የሚሰጡ ናቸው ። አስተማሪው ተማሪውን የሚያውቅበት ፣ ምን ያህል ማስተማሩን የሚለካበት ሚዛን ጥያቄ ነው ። ጥያቄ አስተማሪን ይበልጥ እንዲያነብ ያደርገዋል ። የሚጠይቅ ተማሪ ሲጠይቅ አላውቅም እያለ ነውና ጥያቄ ትሑት ያደርጋል ። በርግጥ ለፈተና የሚጠይቁ ያልታደሉ ወገኖችም አሉ ። ጥያቄ ተማሪና አስተማሪን ያቀራርባል ።

አባ ፓምቦ ፡- “ምን ላድርግ ?” ብሎ ጠየቀ ። ይህ ጥያቄ የእውቀት ጥያቄ ሳይሆን የመለወጥና ክርስትናን ተጨባጭ የማድረግ ጥማት ነው ። ቅዱስ ጴጥሮስ በበዓለ ሃምሳ ሲያስተምር በትምህርቱ የተነካው ሕዝብ ፡- “ይህንም በሰሙ ጊዜ ልባቸው ተነካ ፥ ጴጥሮስንና ሌሎችንም ሐዋርያት ፡- ወንድሞች ሆይ፥ ምን እናድርግ? አሉአቸው።” /ሐዋ 2÷37/

"ምን ላድርግ ?" የሚለው ጥያቄ ልብ ሲነካ የሚቀርብ ጥያቄ ነው ። አንድ ሰው የክርስቶስ ፣ የእመቤታችን ፣ የቅዱሳን ፍቅር በልቡ ውስጥ ሲጠልቅ ምን ላድርግ ? ይላል ። አባ እንጦንስ ካስተላለፈው ምክር አንዱ ፡- “በራስህ ጽድቅ አትተማመን” የሚል ነው ። “ምን ላድርግ ?” ለሚል ጥያቄ ስላለፈው አድራጎትህ አትተማመን የሚል መልስ መስጠቱ የሚገርም ነው ። ለቀጣይ አድራጎት ለተጠየቀ ጥያቄ መልስ ተደርጎ የተሰጠው ያለፈው በጎነትህ ላይ አትተማመን የሚል ነው ። በርግጥም ወደፊት ከመኋዛችን በፊት የቀድሞ የበደል ታሪካችን መታረም አለበት ። የቅዱሳን አባቶች ጎዳና የሠመረው በራሳቸው በጎነት ሳይሆን በእግዚአብሔር ቸርነት ላይ በመደገፋቸው ነው ።

..... ይቀጥላል

Subscribe - https://youtube.com/@betezimarepodcast

1,190

ተግባራዊ ክርስትና

۲ خرداد ۱۴۰۵، ۱۶:۴۶

📎 File

✝ "" የሥርዓተ ቤተክርስቲያን ትምህርት ፯/7ተኛ ክፍል ""
✥ መግቢያ

🎧 ብርሃነ ሥላሴ (size 12 MB)

(ግንቦት 2 ቀን 2018)

JOIN

1,070

ተግባራዊ ክርስትና

۲ خرداد ۱۴۰۵، ۱۶:۴۶

✝ ምን ላድርግ ?

✥ ክፍል ፩/1

አባ ፓምቦ አባ እንጦንስን እንዲህ ሲል ጠየቀው፡- “ምን ላድርግ ?” ሽማግሌው አባ እንጦንስም እንዲህ አለው ፡- “በራስህ ጽድቅ አትተማመን ፣ ስላለፈው ድርጊትህ አትቆጭ ፣ ምላስህንና ሆድህን ተቆጣጠር ።”

ብዙ ዘርተው ጥቂት ማጨድ ያቃታቸው ፣ ፍቅር ሰጥተው ስድብ የተመለሰላቸው ፣ ለማስደሰት ሞክረው ሰዎች የተከፉባቸው ፣ የቤታቸውን ጣራ በጠገኑ ቊጥር ያፈሰሰባቸው ፣ መልካም ለመሆን ሞክረው አስመሳይ የሚል ስም የተሰጣቸው ፣ ሲያጠፉም ሲያለሙም ምስጋና የተነፈጋቸው ፣… “ምን ላድርግ ?” በማለት ግራ የመጋባት ጥያቄ ያቀርባሉ ። አባ ፓምቦ ግን “ምን ላድርግ ?” ያለው ለእግዚአብሔር ለመኖር ፣ ለወደደው አምላክ የተመረጠውን ለማድረግ አስቦ ነው ፣ ጥያቄውም ግራ የመጋባት ሳይሆን ቀኙን የመምረጥ መንገድ ነው። ሁለት የደነዙ ቢላዎች እንኳ ሲሳሳሉ ምላጭ ይሆናሉ ። ሁለት የበረቱ አባቶችማ እርስ በርሳቸው ሲመካከሩ ይኸው ለትውልድ የምክር ብርሃን ይፈነጥቃሉ ።

ድንጋይና ድንጋይ ፣ እንጨትና እንጨት እንኳ ሲፋጭ እሳት ይወጣቸዋል ። የተቀደሱ አባቶችማ ሲጠያየቁ ረቂቅ የሆነው መንፈሳዊ ኑሮና መንፈሳዊ ውጊያ ፍንትው ብሎ ይብራራል ። አባ ፓምቦ አባት ቢሆንም ከአባ እንጦንስ ለመመከር ዝቅ ያለ ነበር ። ለመሞላት ዝቅ ማለት ያስፈልጋል ። ከወራጁ ከፍ ያለ ማድጋ አይሞላም ። ዝቅ ያለና ባዶ ሁኖ የቀረበ ማሰሮ ግን ይሞላል ። በዚህ ጨለማ ባጠላበት ዓለም ላይ የቅዱሳን አባቶች ምክር የሚመራ ኮከብ ነው ። ኮከቡም የሚያደርሰው ክርስቶስ ጋር ነው ። ክርስቶስ ጋር የደረሰም በእናቱ እቅፍ ያየዋልናል ይሰግዳል ፤ ያለውን ሁሉ ይሰጣል ።

....... ይቀጥላል

Subscribe - https://youtube.com/@betezimarepodcast

1,070

ተግባራዊ ክርስትና

۱۹ اردیبهشت ۱۴۰۵، ۰۷:۲۳

✝ ፈቃድህ ይሁን !

✥ ክፍል ፪/2

መንገድ ዘግቼ የሚዘለውን ፣ በር ቆልፌ ሰብሮ የሚወጣውን ፣ እየለመንሁ የማይመለሰውን ነገር ሁሉ ፈቃድህ ይሁን ብሎ መተውን አስተምረኝ ። የእኔ መሻት ይህ ነው ፤ የሚሆነው ግን ተቃራኒ ነው ለምን ? በምልበት ሰዓት ፈቃድህ ይሁን ማለትን አስተምረኝ ። በበጎ አሳብ እንዳልቀጣ ፣ መራራትም ግርፋት እንዳይሆንብኝ ፈቃድህን ካላከበረ ፍቅር አድነኝ ። ሰው ቢኖር የእኔ ነው ብልም ቢሞት ግን ያንተ ብቻ ነው ። ቢኖርም ቢሞትም ላንተ ነውና ስለ ሰው አንተን እንዳልከስህ ፣ ስለ ወዳጆቼ ለምን ነካህብኝ እንዳልልህ እርዳኝ ።

የሆነውን ነገር ብቻ ሳይሆን የሚሆነውንም እንድቀበል ፣ መገረሜ ባንተ ብቻ እንዲሆን እለምንሃለሁ ። ብቻ ጌታ ሆይ የአቅሜን ሞክሬ አንባዬ አፈትልኮ ሲወጣ ፈቃድህ ይሁን ማለትን አስተምረኝ ። እኔ ምድርን እያየሁ ስከላከል ፣ አንተ ሰማይን ባየህለት ሰው ፈቃድህ ይሁን ማለትን አስተምረኝ ። ምንም ነገር ጥያቄ እንዳይሆንብኝ አንተ ሰው ሁነሃል ። ሰው እስከ መሆን ፍቅር ዝቅ ካደረገህ ለሰው የምታደርገው ሁሉ በጎ ነው ። እባክህን የጌታ ፈቃድ ይሁን ብሎ ዝም ማለትን አስተምረኝ ። አሜን !

ጌታ ሆይ ፈቃድህ ይሁን !

.....ይቀጥላል

- .....እንዴት #አደራችሁ ?
- .....እንዴት #አረፈዳችሁ ?
- .....እንዴት #ዋላችሁ ?
- .....እንዴት #አመሻችሁ ?

JOIN

1,120

ተግባራዊ ክርስትና

۱۹ اردیبهشت ۱۴۰۵، ۰۷:۲۳

https://youtu.be/TNRYAL_6h5U?si=Pa1Vg0TzfZzpTS-M

892

ተግባራዊ ክርስትና

۱۹ اردیبهشت ۱۴۰۵، ۰۷:۲۳

✝ ፈቃድህ ይሁን !

✥ ክፍል ፩/1

“የጌታ ፈቃድ ይሁን ብለን ዝም አልን ።” /ሐዋ 21÷14/

ጌታ ሆይ የምወደው ፣ የምሰራው ሁሉ ያለ ችግር እንዲሆን መመኘቴ በእውነት ከንቱ ነው ። ወፍጮ ቤት ገብቶ ዱቄት ሳይነካው የሚወጣ ፣ በዚህ ዓለም ኑሮ መከራ ሳያገኘው የማያልፍ ማነው ? እኔ ግን የእኔ የምለው ሁሉ ያለ መከራ እንዲኖር እፈልጋለሁ ። ጌታዬ ሆይ መምከር እንጂ ማስገደድ በማልችልበት ዓለም ከጸሎት ጋር መምከርን ስጠኝ ። እኔ በቃል ብመክር አንተ ግን በሕይወት እያሳለፍህ መምከር የምትችል መምህር ነህና ላንተ ስፍራ መልቀቅን አስተምረኝ ። የሰው ልጅ በመጀመሪያ ምርጫው የኋላ ውጤቱ ይታወቃልና የማውቀው ነገር ፍርሃት እንዳይሆንብኝ ፣ የእኔ ለምላቸውም መምረጥ ባለመቻሌ እንዳላዝን እባክህ አስተምረኝ ።

ያልከው አይቀርምና መጨነቄ ፣ ሊሆን ያለው ይሆናልና መባዘኔ ከንቱ ነው ። ሁሉን ላንተ ሰጥቶ ማረፍ ይሁንልኝ ። ልመልሰው ያቃተኝን ፣ ልይዘው ስል ያመለጠኝን ሁሉ ፈቃድህ ይሁን ብዬ እንዳርፍበት እለምንሃለሁ ። ስለ ልጆቼ ፣ ስለ ትዳሬ ፣ ስለ አገልጋዮቼ ፈቃድህ ይሁን ማለትን አስተምረኝ ። ፈቃዴ ፈቃድህን ላይለውጠው ፣ መሻቴ ሰውን ከመልካም መንገዱ ላይመልሰው እንዲሁ መዋተትን ከእኔ አርቅ ። አገልጋዮቼ የተፈጠሩት ላንተ እንጂ ለእኔ አይደለም ፣ የእኔ በምላቸውም ላይ ፣ እኔ ካለኝ ዓላማ አንተ ያለህ ዓላማ ይበልጣል ። ጌታ ሆይ "ፈቃድህ ይሁን" ብዬ ማረፍን ስጠኝ !

..... ይቀጥላል

መልካም ዕለተ ሰንበት 🕊

- .....እንዴት #አደራችሁ ?
- .....እንዴት #አረፈዳችሁ ?
- .....እንዴት #ዋላችሁ ?
- .....እንዴት #አመሻችሁ ?

JOIN

1,020

ተግባራዊ ክርስትና

۱۹ اردیبهشت ۱۴۰۵، ۰۷:۲۳

https://www.tiktok.com/@betezemare_media/video/7635567461986831637?_r=1

895

ተግባራዊ ክርስትና

۱۹ اردیبهشت ۱۴۰۵، ۰۷:۲۳

[poll]

886

ተግባራዊ ክርስትና

۱۹ اردیبهشت ۱۴۰۵، ۰۷:۲۳

📷 Photo

✉️ "" በርታ ! ""
JOIN

1,140

ተግባራዊ ክርስትና

۱۹ اردیبهشت ۱۴۰۵، ۰۷:۲۳

ከታላቅ ይቅርታ ጋር መብራት በመጥፋቱ ምክንያት ትምህርት እንደማይኖር ለማሳወቅ እወዳለሁ ።

882

ተግባራዊ ክርስትና

۱۹ اردیبهشت ۱۴۰۵، ۰۷:۲۳

📷 Photo

🕊 እንኳን ለሊቀ ሰማዕታት ለቅዱስ ጊዮርጊስ አመታዊ ክብረ በዓል በሰላም አደረሳችሁ 🕊

የሰባት ዓመት ተጋድሎ በጥቂቱ !

1, በብረት አልጋ ፣ በምስማር ጫማ ስቃይ ደርሶበት ቅዱስ ሚካኤል ደርሶለት ከአሰቃዮቹ ነጥሎ ወስዶ አዳነው።

2, ሆዱን ዘርግፈው ፣ አንጎሉን አፍርሰው ፣ አጥንቱን አቃጥለው ፣ ሥጋው ተበጣጥሶ ከመሬት ተበትኖ ጌታችን ተገልጦ ፈወሰው።

3, እጆቹን አስረው ገዳይ መርዝ አጠጡት ቅዱስ ጊዮርጊስ ግን መርዙ ላይ በአገጩ አማትቦ ስለነበር ምንም አልሆነም።

4, የብረት ጥርስ ያለው ወፍጮ ውስጥ ከተው በጣጠሱት አርቀውም ቀበሩት ነገር ግን ሳይቆይ ከሞት ተነሳ።

5, በመጋዝ ሁለት ቦታ ከአናቱ ቁልቁል ሰውነቱን ከፍለውት አርባ ክንድ ቆፍረው ቀበሩት ፣ በላዩም ዘጠኝ ክንድ አፈር ቆልለውበት ዘወር ሲሉ ከተቀበረበት ብድግ ብሎ ተነሳ።

6, በአንዲት ደሀ መበለት ሴት ቤት ውስጥ ከቋሚ ምሰሶ ጋር አሰሩት በዚህም ጊዜ ደረቁ እንጨት ለመለመ ፣ ቅጠልም አውጥቶ ዋርካ ሆነና ለቤቱ ጥላ ሆኖ አገለገለ።

7, ሥጋውን ፈጭተው ፣ አቃጥለው አመዱን በደብረ ይድራስ ተራራ ላይ በተኑት ሲመለሱም ድምጽ ሰምተው ዞር ሲሉ ቅዱስ ጊዮርጊስ ወደ እነሱ እየተጣራ ሲመጣ አዩት። እርሱንም ከማሰቃየትና ከመግደል ተሸነፍን ሲሉ እጅ ሰጡ ፤ በጌታችን በኢየሱስ ክርስቶስም አመኑ።

የሰማዕቱ ምልጃ አይለየን !

JOIN

1,250

ተግባራዊ ክርስትና

۱۹ اردیبهشت ۱۴۰۵، ۰۷:۲۳

✝ መሰልቸት !

✥ የመጨረሻ ክፍል

ከሁሉም ነገር መጠበቅ ያለብን የልኩን ነው ፡፡ ከአበባ ጊዜያዊ ውበትን፣ ከእንስሳ ጊዜያዊ ወዳጅነትን ፣ ከሰዎች መለዋወጥን መጠበቅ አለብን ፡፡ የልኩን ያህል የኖረ ሰው ዛሬ እኛን ለማስደሰት ከልኩ በላይ አይሆንም ፡፡ የሚመጥነንን ባንሰማም የሚመጥናቸውን እንደ ተናገሩ ፣ የሚመጥነንን ባንቀበልም የሚመጥናቸውን ያህል እንደ ወረወሩ መገንዘብ አለብን ፡፡ እግዚአብሔር ግን የልኩን ያህል ይገለጣል ፡፡ ለሰማያዊ ሕይወት ብቻ ሳይሆን ለምድራዊ ኑሮም እግዚአብሔርን ማየት ያስፈልገናል ፡፡

መሰልቸት የሚወዱትን ያስጠላል ፡፡ እየመጣ ያለውን ደስታም ይገፋል ፡፡ የጸሎት መልሱንም አይፈልግም ፡፡ በልጅ ሕመም ፣ በኑሮ ችግር ፣ በትዳር ውጣ ውረድ ፣ በመንፈሳዊ አገልግሎት ውስጥ ሆናችሁ መሰልቸት የገጠማችሁ ፣ ከሊቶስጥራ እስከ ቀራንዮ መስቀልን ፣ ለእርሱ የማይገባውን መከራ የተሸከመውን ጌታ አስቡ ፡፡ አካባቢያችሁን ስታዩና ስታዳምጡ ትሰለቻላችሁ ፡፡ የጠራችሁን ጌታ ስታዩ እንደ ጴጥሮስ ውኃውን እንደ ዓለት ትረግጣላችሁ ፡፡

አምላከ ቅዱስ ጊዮርጊስ ከስልቹነት ጠባይ ሁላችንን ይሰውረን ! አሜን ፫

« ወስብሐት ለእግዚአብሔር »

- .....እንዴት #አደራችሁ ?
- .....እንዴት #አረፈዳችሁ ?
- .....እንዴት #ዋላችሁ ?
- .....እንዴት #አመሻችሁ ?

JOIN

859

ተግባራዊ ክርስትና

۱۹ اردیبهشت ۱۴۰۵، ۰۷:۲۳

✝ ሳምንቱን ምን እናንብብ ? በመምህር ዶ/ር ብሥራት ብርሃኑ !

📖 "" የዲያቢሎስ ውጊያዎች  ""

YouTube - https://youtu.be/9YJU-Z-Mopo?si=QlC-nzPeDBH_lmi-

JOIN https://t.me/betezimaremerbebtt

1,070

ተግባራዊ ክርስትና

۱۲ اردیبهشت ۱۴۰۵، ۰۴:۵۲

✝ እባካችሁ በሽታችሁን ንገሩኝ ?

አንኳን ወደ ህክማና ማእከላችን በደህና መጡ ! መቼም አንድ ታካሚ ለህክማና ወደ ሆስፒታል ሲመጣ አካሚው አካል ለታካሚው አንዳንድ ጥያቄዎችን ማቅረቡ ግድ ነው ። ምክንያቱም መድኀኒቱ የሚገኘው ከታካሚው አንደበት በሚወጣ ቃል ምክንያት ነው ። ዶክተሩ እናንተን ለመርዳት "ምን በልተሀል ፣ ምን ጠጥተሀል ፣ ምን ነክተሀል ፣ ምን ሸቶሀል ፣ ምን ተጠቅመሀል ፣ ምን ያደርግሀል...." እያለ ብዙ ጥያቄዎችን ይጠይቃል ። ለጥያቄው ተገቢውን መልስ መመለስ ደግሞ የእናንተ ድርሻ ነው ። ምክንያቱም በሽታውን ያልተናገረ መድኀኒት አይገኝልትም ።

መንፈሳዊው ዶክተር ይጠይቃል !

"" በአሁን ሰዓት በሕይወታችሁ ምን እየተሰማችሁ? ምን እየከበዳችሁ ? ምን እያቃታችሁ ነው ? ""

ከቻላችሁ comment አድርጉ ! ካልሆነ Inbox 🫴 https://t.me/Brhene_7 አድርሱኝ !

ጊዜ ወስዳችሁ አስቡበትና በነጻነት መልሱ !

828

ተግባራዊ ክርስትና

۱۲ اردیبهشت ۱۴۰۵، ۰۴:۵۲

📷 Photo

✉️ "" አያሳፍርህም ! ""
JOIN

897

ተግባራዊ ክርስትና

۱۲ اردیبهشت ۱۴۰۵، ۰۴:۵۲

✝ መሰልቸት !

❖ ክፍል ፪/2

መሰልቸት ገጥሞህ ያውቃል ? ዛሬስ ተሰምቶሃል ? ካልሆነም አንድ ቀን ሊሰማህ ይችላልና እስቲ አዳምጥ ፡፡ መሰልቸት ጊዜ ፣ ጉልበት ፣ ዕድል እያለ ለመራመድ አለመፍቀድ ነው ፡፡ መሰልቸት ከሞት በፊት መሞት  ፣ ገዳይ ሳይመጣ ሞቶ መጠበቅ ፣ ሞትን መንገድ አጋምሶ መቀበል ነው ፡፡ መሰልቸት ስለ ትላንት ማሰብ አይደለም ፣ በጣም ስለ ትላንት በማሰብ መሪውን ወይም በትሩን መጣል ነው ፡፡ መሰልቸት ስለ ነገ ማሰብም አይደለም ፣ ነገን ማየት አለመቻልና ለመኖር አለመፍቀድ ነው ፡፡ መሰልቸት መናደድ ቢሆን በአንድ ነገር ይወጣ ይሆናል ፣ መሰልቸት ግን የፍግ እሳት ሲሆን ውስጥ ውስጡን ባለቤቱን በልቶ የሚጨርሰው ነው ፡፡ መሰልቸት ጭስ የማይታይበት ቃጠሎ ነው ፡፡ አጠገባችን ያሉ ስንፍናችን ፣ ልፍለፋችን ፣ ማጉረምረማችን ያደከማቸው ሰዎች ይሰለቹናል ፡፡ እኛን ሳይሆን ራሳቸውን እያራቁ ይመጣሉ ፡፡ እናጠፋው ዘንድ ሁሉንም ነገር ይተዉልናል ፡፡

ያለማቋረጥ የሰዎች ኑሮ እንቅልፍ ሲነሣንና ፣ የራሳችንን አስቀምጠን የሰው ወጥ ስናማስል ለጥቂት ጊዜያት ያደነቁን ሰዎች ይሰለቹናል ፡፡ መሰልቸት ከጥጋብ በላይ በመሆኑ ሊያዩን ይሳናቸዋል ፡፡ መቼም ሰልችቻለሁ ወይስ አሰልችቻለሁ ? ማለት ተገቢ ይመስለኛል ፡፡ ምክንያቱም መሰልቸት ጠብ ስለሌለው መራራቅና መረሳሳት ያመጣል ፡፡ ምክንያቱም እግዚአብሔር ርእስ ያልሆነበት ማንኛውም ግንኙነት የሚደመደመው በመሰለቻቸት ነው ፡፡

..... ይቀጥላል !

- .....እንዴት #አደራችሁ ?
- .....እንዴት #አረፈዳችሁ ?
- .....እንዴት #ዋላችሁ ?
- .....እንዴት #አመሻችሁ ?

JOIN

837

ተግባራዊ ክርስትና

۱۲ اردیبهشت ۱۴۰۵، ۰۴:۵۲

✝ መሰልቸት !

✥ ክፍል ፩/1

መሰልቸት መቆጣት አይደለም ፣ መቆጣት ገና ተስፋ ማድረግ አለው ፡፡ መሰልቸት ግን ለነገሮች ትርጉም ማጣት ነው ፡፡ መሰልቸት መጥገብ አይደለም ፣ መጥገብ በትክክል የመመገብ ድንበር ነው ፡፡ መሰልቸት የተዘረጋውን ገበታ በቃኝ ማለት ነው ፡፡ መሰልቸት ተደራራቢ ከሆኑ የሕይወት ፈተናዎች የሚመጣ ነው ፡፡ ሰይጣን አንድን ዓይነት ፈተና በመደጋጋም ሲያመጣ መሰልቸት ይመጣል ፡፡ መሰልቸት ሞዛዛ ከሆኑ ከሰይጣን ፈተናዎች የሚመጣ ነው ፡፡ ተደጋጋሚ በሽታ ፣ ተደጋጋሚ ማጣቶች ፣ ተደጋጋሚ ቤተሰባዊ ችግር ፣ ተደጋጋሚ በሰዎች መከዳት ሲገጥም መሰልቸት ይመጣል ፡፡ መሰልቸት ከጠላት ጋር ለመታረቅና ጊዜያዊ ሰላም ለማግኘትም የሚዳርግ ነው ፡፡ መሰልቸት ግን ማልቀስ ቢሆን ይቀል ነበር ፡፡ መሰልቸት ለማልቀስም አቅም ማጣት ነው ፡፡ መሰልቸት በውስጡ ቁስለት ፣ አልቻልም ባይነት ፣ በቃኝ ብሎ መሸነፍ ፣ ይህን ዓለም መጥላት ፣ ተስፋ መቁረጥ አለው ፡፡

የምንፈልጋቸው ነገሮች አለመሆናቸው ፣ ሰዎች ለራሳቸው ስሜት ብቻ መኖራቸው ፣ የማንውጠው የማንተፋው ጉዳይ ፣ በልቅሶም በሳቅም መግለጥ ያዳገተ መንቻካ ነገር ሲገጥም መሰልቸት ይመጣል ፡፡ ዓይንን ከክርስቶስ ላይ ዘወር አድርጎ ሰዎች ላይ ማድረግ ሲጀመር መሰልቸት ይመጣል ፡፡ ይህ ከባድ ውድቀት አለው ፡፡ ፈተናው ገደል አፋፍ ላይ ሊያደርሰን ይችላል ፡፡ መሰልቸት ግን ገደል ውስጥ ዘለን እንድንገባ ያደርገናል ፡፡ መሰልቸት ፈተና ሳይሆን ለፈተናው ያለን የመጨረሻ ምላሽ ነው ፡፡

.... ይቀጥላል !

- .....እንዴት #አደራችሁ ?
- .....እንዴት #አረፈዳችሁ ?
- .....እንዴት #ዋላችሁ ?
- .....እንዴት #አመሻችሁ ?

JOIN

1,060

ተግባራዊ ክርስትና

۱۲ اردیبهشت ۱۴۰۵، ۰۴:۵۲

📎 File

✝ " የሚኖር ክርስትና " (ምዕራፍ አንድ) ✥ ክፍል 1 ፦ "ዓላማ"

🎧 [ ብርሃነ ሥላሴ ]
(ሚያዝያ 18 ቀን 2018)

YouTube - https://youtube.com/@betezimarepodcast

913

ተግባራዊ ክርስትና

۱۲ اردیبهشت ۱۴۰۵، ۰۴:۵۲

📷 Photo

“መንግሥተ ሰማያት ቀርባለችና ንስሐ ግቡ እያለ ይሰብክ ጀመር።” /ማቴ 4፥17/

ሰይጣን አንድን ኃጢአት ሊያሠራን ሲፈልግ ቀድሞ ስለ እግዚአብሔር መሐሪነት በሰፊው ይሰብከናል። ያን ኃጢአት ከፈጸምን በኋላ ደግሞ ስለ እውነተኛ ፈራጅነቱና ምንም ቢሆን ከቁጣው የማናመልጥ መሆኑን ከቀድሞው ይልቅ እየጮኸ ይነግረናል። በመጀመሪያው ስብከቱ ኃጢአትን እንዳንቃወም ሰነፎች ያደርገናል። በሁለተኛው ስብከቱ ደግሞ ንስሐ እንዳንገባ ተስፋ ያስቆርጠናል። ይህ የተገለባበጠ ስብከት "የሰይጣን" ነው። ሰው በኃጢአት ከመውደቁ በፊት ሊያስብ የሚገባው የእግዚአብሔርን ፈታሒነት (ፈራጅነት) ሲሆን በኃጢአት ከወደቀ በኋላ ግን ማሰብ ያለበት የእግዚአብሔርን መሐሪነት ነው።

ፈታሒነቱ ኃጢአትን እንዳንሠራ ይጠብቀናል፤
መሐሪነቱ ንስሐ እንድንገባ ያቀርበናል፤

መልካም ቀን 🕊

JOIN

1,140

ተግባራዊ ክርስትና

۱۲ اردیبهشت ۱۴۰۵، ۰۴:۵۲

🎤 Voice

✝ መልእክት ፦

"..... መንፈሳዊ መጽሐፍትን ከልባችሁ ለማንበብ ካሰባችሁ ይህንን አድምጡ !"

(ሚያዝያ 17 ቀን 2017)

830

ተግባራዊ ክርስትና

۱۲ اردیبهشت ۱۴۰۵، ۰۴:۵۲

📷 Photo

✉️ ተጠንቀቅ !......
JOIN

1,260

ተግባራዊ ክርስትና

۱۲ اردیبهشت ۱۴۰۵، ۰۴:۵۲

እንደምን አመሻችሁ ? ምርጫው ዛሬ ማታ ያበቃል ! ለእናንተው ጥቅም ስለሆነ ያልተሳተፋችሁ ተሳተፉ ።

1,140

ተግባራዊ ክርስትና

۱۲ اردیبهشت ۱۴۰۵، ۰۴:۵۲

እንደምን ቆያችሁ ? ..... ከላይ ባስቀመጥነው ምርጫ መሠረት ከፍተኛ ብልጫ ያገኘው "ከመንፈሳዊ መጽሐፍት የተቀነጨበ ጽሑፍ እና መጽሐፍ በPdf የሚቀርብበት Channel" የሚለው ነው ። ተሳትፎ ያደረገው መቶ ሰው ብቻ ሲሆን 70 የሚያህሉ ምርጫቸው ተመሳሳይ ነው ። ስለዚህ ከሥር በተቀመጠው Link አዲሱን ቻናል ተቀላቀሉ !

አዲስ Channel - https://t.me/RGB_METSHEFT

የቤተ ዝማሬ Channel - https://t.me/betezimaremerbebtt

1,030

Showing 30 of 55 posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

ተግባራዊ ክርስትና

ተግባራዊ ክርስትና

رتبه‌بندی

رشد مشترکان (7 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

کانال‌های تلگرام مرتبط

بستان الأزهر الشريف

Iranist

صحيح السنة النبوية ٢٠١٨/٨/٢٦ إنشاء القناة🌴

صبيان السفارة

🇮🇷🌎موسسه همسان گزینی آدم و حوا🌎🇮🇷

أَفَلَا تَعْقِلُونَ!

عَذراء

إيڪيز 💕🦋

نظرات کاربران (0)

آخرین پست‌ها