ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

Public

مشاهده کانال

نمی‌توانید بپیوندید؟ @AddisAbabaDiocese

۰

۵.۹k عضو

به‌روزرسانی شده: May 16, 2026 at 11:44 PM

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

ይህ በኢትዮጵያ ኦርቶዶክስ ተዋሕዶ ቤተ ክርስቲያን የአዲስ አበባ ሀገረ ስብከት ሚዲያ የቴሌግራም ቻናል ነው። መንፈሳዊ አገልግሎትና ሰሞነኛ ጉዳዮች ይቀርቡበታል። አዲስ አበባ፤ ኢትዮጵያ

@AddisAbabaDiocese offers specialized information about مذهب for subscribers interested in مذهب

رتبه‌بندی

رتبه‌بندی جهانی

#456

+2

رتبه‌بندی زبان

#45

+1

رتبه‌بندی دسته‌بندی

#23

-1

رشد مشترکان (4 روز گذشته)

مجموع: 5.9K

رشد 24 ساعت: -5 0%

Loading...

رتبه‌بندی

ورود لازم است

Loading...

Loading recommended channels...

آخرین پست‌ها

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ اردیبهشت ۱۴۰۵، ۱۸:۰۸

"ዘፍልሰተ ሥጋከ ኮነ በግንቦት {የሥጋህ "የዐፅምህ" ፍልሰት በግንቦት ወር ሆነ) ቅ/ያሬድ
---------------------------------------------------------------------
በመልአከ ምሕረት አባ ገብረ መድኅን ንጉሤ (ቆሞስ)
የዐዲስ አበባ ሀገረ ስብከት ዋና ሥራ አስኪያጅ
---------------------------------------------------------------------

እንኳን ለጻድቁ አባታችን ለአቡነ ተክለ ሃይማኖት ዓመታዊ የፍልሰተ ዐፅም በዓል በሰላም አደረሳችሁ!

መፍቀሬ ጥበብ ሰሎሞን፦ "የጻድቅ መታሰቢያ ለበረከት ነው" ምሳሌ 10፥7 በማለት በተናገረው አምላካዊ ቃል መሠረት ጻድቁ አቡነ ተክለሃይማኖት በየዓመቱ ግንቦት 12 ቀን ፍልሰተ ዐፅማቸው የሚከበር መሆኑ ግልጽ ነው።

1. ልደት (መወለድ)

ጻድቁ አቡነ ተክለ ሃይማኖት በኢትዮጵያ በሰሜን ሸዋ (ቡልጋ) ልዩ ስሙ ኢቲሳ በተባለ ቦታ ከአባታቸው ከካህኑ ጸጋ ዘአብ እና ከእናታቸው ከቅድስት እግዚእ ኀረያ መጋቢት 24 ቀን ተፀንሰው ታኅሣሥ 24 ቀን በ1197 ዓ.ም ተወለዱ።

✍️ በተወለዱ በሦስተኛው ቀን "አሐዱ አብ ቅዱስ፣ አሐዱ ወልድ ቅዱስ፣ አሐዱ ውእቱ መንፈስ ቅዱስ" በማለት ቅድስት ሥላሴን አመስግነዋል።

2. ዕድገትና ትምህርት

በመጀመሪያ ስማቸው "ፍሥሐ ጽዮን" ይባል ነበር። በአባታቸው አማካኝነት የቤተ ክርስቲያንን ትምህርት (ብሉያትና ሐዲሳትን) በሚገባ የተማሩ ሲሆን፣ በሥጋዊው ጎዳና ደግሞ እንደ ዘመኑ ወጣቶች ፈረስ መጋለብንና አደንን ያውቁ ነበር። ዲቁናን ከአባ ጌርሎስ ተቀብለዋል። በኋላም ጌታችን በክብር ተገልጦላቸው ስማቸውን "ተክለ ሃይማኖት" (የሃይማኖት ተክል) በማለት ለውጦታል።

3. ገቢረ ተአምር (ድንቅ ሥራዎች)

ጻድቁ አባታችን በሕይወት ዘመናቸው በርካታ ተአምራትን አድርገዋል።

• የጣዖት ዛፍ መቁረጥ፦ በዳሞት (ወላይታ) ዲያብሎስ አድሮበት ሕዝቡን ያስት የነበረውን ትልቅ ዛፍ በጸሎታቸው ከሥሩ ነቅለውታል።

• ሞቶሎሚን ማስተማር፦ አላዊ የነበረውን ንጉሥ ሞቶሎሚን በተአምራትና በትምህርት ወደ ክርስትና መልሰዋል።

• የአውሬውን ራስ መቀጥቀጥ፦ በወንጌል ኃይል የዘንዶውን (ዲያብሎስን) ራስ ቀጥቅጠው አጥፍተዋል።

4. ትምህርትና ምንኩስና:-

ጻድቁ ለኢትዮጵያ "ብርሃን" ተብለው ይጠራሉ፤ ምክንያቱም በሀገራችን ተዘዋውረው ሕዝቡን ከክህደት ወደ ሃይማኖት መልሰዋል። በደብረ ዳሞ አባ ዮሐኒ ዘንድ መነኩሰው፣ በኋላም በደብረ ሊባኖስ ገዳምን መሥርተው ለብዙዎች መምህርና አባት ሆነዋል።

5. ዕረፍትና ፍልሰተ ዐፅም:-

ጻድቁ አባታችን በ99 ዓመታቸው በነሐሴ 24 ቀን በ1296 ዓ.ም ዐርፈዋል። ካረፉ ከ57 ዓመታት በኋላ በዕጨጌ ሕዝቅያስ ዘመን፣ ጌታችን በገባላቸው ቃል ኪዳን መሠረት ዐፅማቸው ከደብረ አስቦ ወደ ደብረ ሊባኖስ ግንቦት 12 ቀን ፈልሷል።

✍️ ቅዱስ ያሬድ፦ "ዘፍልሰተ ሥጋከ ኮነ በግንቦት፤ ከመ ትንሣኤሁ ለክርስቶስ በጽባሕ፤ ጸሊ በእንቲአነ ተክለ ሃይማኖት ጻድቅ፤ ከመ ያድኅነነ እምኵሉ እኩይ {የሥጋህ/የዐፅምህ ፍልሰት እንደ ክርስቶስ ትንሣኤ በማለዳ በግንቦት ወር ሆነ፤ ጻድቁ ተክለ ሃይማኖት ሆይ ከክፉ ሁሉ ያድነን ዘንድ ስለ እኛ ጸልይ} በማለት የጻድቁን ዐፅም ፍልሰት ከክርስቶስ ትንሣኤ ጋር በማመሳሰል ስለእኛ ይማልድልን ዘንድ በመመኘት ያመሰግኑበታል።

ክርስቶስ ለዓለም ድኅነት እንደተነሣ፣ የጻድቁ ዐፅም መፍለስም ለምእመናን የቃል ኪዳን በረከትና የምሕረት ምልክት ነው።

በዚህ ታላቅ ዕለት፦

• የጻድቁ ድንቅ ሕይወትና ገድል ይነገራል፤

• ከቅዱስ ያሬድ ድርሰት "ዘፍልሰተ ሥጋከ ኮነ በግንቦት" በሚል ዜማ ዚቅና ማኅሌት ይቆማል፤

• በጻድቁ ደጅ ተገኝተው የቃል ኪዳኑን በረከት ምዕመናን ያገኛሉ።

"የአባታችን የቅዱስ ተክለ ሃይማኖት ጸሎትና በረከት ከሁላችን ጋር ይሁን!" አሜን

#ቅድስት ሀገሬ ኢትዮጵያ!!!

#የወለድሻቸው ልጆችሽ ይውለዱሽ!!!

#ልጆችሽ ይሟገቱልሽ እንጂ አይሞግቱሽ!!!

#በስደት ያሉ ልጆችሽ በበረከት ይመለሱልሽ!!!

#ድንበርሽን እሳት መሀልሽን ገነት አድርጐ የዓለም ማረፍያ ያድርግሽ #አሜን

በመልአከ ምሕረት አባ ገብረ መድኅን ንጉሤ (ቆሞስ)
የዐዲስ አበባ ሀገረ ስብከት ዋና ሥራ አስኪያጅ
---------------------------------------------------------------------

💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

🔵@የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

561

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ اردیبهشت ۱۴۰۵، ۱۸:۰۸

📷 Photo

588

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ اردیبهشت ۱۴۰۵، ۱۸:۰۸

#ቅዱስነቱም_ሊቅነቱም_በክብር_ይታሰብ!

#ማኅቶተ_ቤተ_ክርስቲያን
💠💠💠💠💠💠💠💠💠💠💠💠
ቅዱስ ያሬድ የቤተ ክርስቲያናችን ማኅቶት፣ የዓደባባይ መገለጫዋ፣ የውስጥ የአገልግሎቷ አብነት፣ ቤተ ክርስቲያን መጽሐፍ ቅዱስን ከኦሪት እስከ ራእየ ዮሐንስ ያዜመችበት ልሳኗ፣ የሊቃውንት አባት፣ ኢትዮጵያዊ ዕንቁ ነው።

ቅዱስ ያሬድ በ505 ዓ/ም የተወለደ ኢትዮጵያዊ አብሪ ኮከብ ሊቀ ነው። ግንቦት 11 በደብረ ሐዊ የተሠወረበትን ቀን ምክንያት በማድረግ በዓሉን በድምቀት ታከብረዋለች።

ዛሬ የሚከበረው የቅዱስ ያሬድ ዜማ ምንጩ ከእግዚአብሔር መሆኑ በክብር የተገለጠበትና በቤተ ክርስቲያን አገልግቶት መስጠት የጀመረበት ቀን እንደሆነ ቤተ ክርስቲያን ታስተምራለች።

የዜማው ሊቅ የምስጢሩ ባላባት የሆነው ቅዱስ ያሬድ ቅዱሱን ዜማ እግዚአብሔር ከገለጠለት በኋላ በአክሱም በተመስጦ ዜማውን ሲቃኝ በወቅቱ የነበሩት የዘመኑ ሰዎች እንዲሁ አልተቀበሉበት ነበር።

በዚህም ምክንያት የእግዚአብሔር እንደሆነ እንዲታወቅ ከታኅሣሥ 1-7 ድረስ ሱባኤ እንያዝ ተባባሉ ከዚያም በሰባተኛው ቀን ታኅሣሥ ፯ አርብ ቀን ቅዱስ ያሬድ በአክሱም ጽዮን ፊትለ ፊት ሆኖ ጌታችን ኢየሱስ ክርስቶስ እንደተሰቀለ ሆኖ ታይቶት እንዲህ ያለ ማዜም ጀምረ "#ወልዶ_መድኅን_ንሰብክ_ዘእምቅድመ_ዓለም_ሀሎ_አክሊለ_ሰማዕት_ሠያሜ_ካህናት_ወተስፋ_መነኮሳት_ወልዶ_መድኅንንሰብክ።(መዝሙር ዘስብከት)

#ዘበመስቀሉ_ተቀነወ_ወበነቢያት_ተሰብከ_መላእክት_ወሊቃነ_መላእክት_ሰብሕዎ_ኪያሁ_ንሰብክ_መድኅነ" (ዕዝል) በማለት በክብር እያዜመ ተገለጠ። በዚህም ዜማው ከእግዚአብሔር ነው ብለው አመኑ ሁሉም ተቀበለ። ከዚያ ጀምሮ በቤተ ክርስቲያናችን የቅድስ ያሬድ ዜማ አገልግሎት ላይ መዋል እንደጀመረ ታሪክ ያስረዳል።

መክብበ ሊቃውንት ቅዱስ ያሬድ ከአክሱም ጀምሮ በተለያዩ የኢትዮጵያ አካባቢዎች በተለይም በዙር አባ በጣና ሐይቅ በደብረ ሐዊ አስተምሯል።

ቅዱስ ያሬድ ከሰማይ ከተገለጠለት ዕውቀት በተጨማሪ የተመስጦ ሕይወት በሙሉ ሰውነት የማገልገል ጣዕም የተሰጠው በመሆኑ ዝማሜውን ሲዘም እግሩ በጦር ቢወጋም አልተሰማውም ነበር።

የኢትዮጵያ ኦርቶዶክስ ተዋሕዶ ቤተ ክርስቲያን ለበርካታ ዘመናት ሕያውን የምሥራች ቅዱሱን የመንግሥት ወንጌል የሰበከችበት ታሪኳ የያሬድ ዜማና ድርሰት ነው።

ቅዱስ ያሬድ ከመንፈሳዊ ብቃት በተጨማሪም ወድቆ የመነሳት ምልክት፣ የትዕግስት ክብር ማሳያ፣ የጥበብ አርአያ ነው።

በአሁኑ ሰዓት በሽዎች የሚቆጠሩት የድጓ ፣ የአቋቋም፣ የቅኔ፣ የዝማሬና መዋስዕት፣ የቅዳሴ እንዲሁም የትርጓሜ መጻሕፍት መምህራን ደቀ መዛሙርት አባታቸው ቅዱስ ያሬድ ነው።

በቤተ ክርስቲያን የቅዱስ ያሬድ አሻራ ያልነካው አገልጋይ አይኖርም የቤተ ክርስቲያን ክብር ልብሷ የውስጥ ውበቷ ነውና።

በመሆኑም ቅዱስ ያሬድ የተሰወረበት ግንቦት 11 ቀን በዓል ቤተ ክርስቲያን ባለውለታዋን በልዩ ክብር ታከብረዋለች።

በአዲስ አበበ ሀገረ ስብከት ብቸኛ ለስሙ መታሰቢያ በታነጸው ቤተ ክርስቲያን በደብረ ይባቤ ቅዱስ ያሬድ ቤተ ክርስቲያን በድመቀት በርካታ ሊቃውንት ቅዱሱን እና ባለውለታቸውን በማክበር እግዚአብሔርን ሲያመልኩ ቅዱሱንን ሲያከብሩ ያድራሉ።

የተሰወረበት በዓል በወርኃ ትንሣኤ በበዓለ ሃምሳ ቀናት በመሆኑ " ያሬድ ካህን ሰበከ ትንሣኤሁ ለክርስቶስ" እያሉ የትንሣኤው ምስክር መሆኑንን እየገለጹ ያመሰግናሉ።
በዓሉንም በታላቅ ድምቀት ይከበራል።

ይሁን እንጂ ቅዱስ ያሬድ እንደሥራውና እንደቅድስናው ይከበራል ወይ? የሚለው ጥያቄ መልሱ አይደለም ነው።

ቅዱስ ያሬድ ደራሲ ብቻ አይደለም ቅዱስም በብቃት ደረጃ የደረሰ የእግዚአብሔር ቅዱሱ ነው።
በዚህም የማክበሩ ደረጃ ሲታይን ብዙ ሥራ የሚጠይቅ እንደሆነም ያመላክታል።

ሌላው ቅዱስ ያሬድ የቤተ ክርስቲያን ባለውለታ የዓደባባይ ውበቷና ክብሯ ጌጥ የሀገራችንንም የትም የሚማይገኝ ታላቅ ሀብት ሆኖ ሳለ ዜማው በክብር ተጠብቆ እንዲተላላፍና የዓለም በሕያውት ያለ ቅርስ ተብሎ በማስመዝገብ ደረጃ ውስንነቶችን ይስተዋላሉ።

በመሆኑም በተደራጀና በተጠና መልኩ ቅዱስ ያሬድን በቅድስናውንም በሊቅነቱም በበለጠ በኢትዮጵያ አልፎ በዓለም ደረጃ ሊታወስ የሚችልበትን ቁም ነገር መሥራት የዚህ ዘመን አደራ ነው።

💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

🔵የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

🎚🎚🎚🎚🎚🎚🎚🎚🎚🎚🎚🎚 https://www.facebook.com/AddisAbabaDiocese?mibextid=2JQ9oc

ከዚህ በተጨማሪ በሌሎች የበይነ መረብ አማራጮች ለመከታታል
በቴሌግራም:

በዩቱዩብ: http://www.youtube.com/@AddisAbabaDioceseMedia

በቲክቶክ: http://tiktok.com/@mediaofaadiocese
መጠቀም ይችላሉ።

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ اردیبهشت ۱۴۰۵، ۱۸:۰۸

📷 Photo

728

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ اردیبهشت ۱۴۰۵، ۱۸:۰۸

📷 Photo

922

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ اردیبهشت ۱۴۰۵، ۱۸:۰۸

#ኦርቶዶክስ_ፖድካስት/#መጋቤ_ሐዲስ_ስቡሕ_አዳምጤ/
#የኔታ_ጥበቡ_ታየ_ክፍልህ_አይደለም_አሉኝ/ ከሚዲያችን ጋር ጥሩ ቆይታ አድርገዋል!

💠#መጋቤ_ሐዲስ_ስቡሕ_አዳምጤ/
ከ25 ዓመታት በላይ በሰዋስወ ብርሃን ቅዱስ ጳውሎስ ኮሌጅ አስተምረዋል አሁንም በዚሁ ይገኛሉ። የታላቁ ሊቅ የየታ ጥበቡ የመንፈስ ልጅ ናቸው/  ሕመም ፈተና ሲያጋጥማቸውም  #የጻድቁ አቡነ ሐራ ድንግል ደጅ ማረፊያቸውን ነው! #8_መጻሕፍቶችን አበርክተዋል::

#በአዲስ_አበባ_ሀገረ_ስብከት_ሚዲያ_አገልገሎት
#ዛሬ_ማታ_12:00 ሰዓት ይለቀቃል

💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

🔵@የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን


https://youtu.be/gs_MT_S4EWE?si=-KSNCsi7_0gfS86b

Video Thumbnail

774

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ اردیبهشت ۱۴۰۵، ۱۸:۰۸

የደቡብ ምዕራብ ሸዋ ሀገረ ስብከት ከማኅበረ ቅዱሳን ወሊሶ ማዕከል ጋር በመተባበር በአፋን ኦሮሞ የሚያገለግሉ 15 ተተኪ መምህራንን አስመረቀ።

ኢኦተቤ አዲስ አበባ ሀገረ ስብከት ሚዲያ
ግንቦት ፱/፳፻፲፰ ዓ/ም

ዛሬ የተመረቁት ተተኪ መምህራን ለ3 ወራት ግብረ ዲቁና ፣ኪዳን ፣ ሊጦን ፣ መስተበቁዕ ፣ መልክዓ ሥዕል ፣ መልክዓ ቁርባን ፣ መልክዓ ውዳሴ ፣ መልክዓ ማርያም ፣ መልከዓ ኢየሱስ በአፋን ኦሮሞ እንዲሁም ነገረ ሃይማኖት፣ የቤተክርስቲያን ታሪክ ፣ የስብከት ዘዴ ፣ ሐዋርያዊ ተልዕኮ ፣ ነገረ ቅዱሳን ክርስቲያናዊ ሥነ-ምግባር እና ሥርዓተ ቤተክርስቲያን ኮርሶችን የወሰዱ ናቸው ተብሏል።

በምርቃት መርሐ ግብሩ ብፁዕ አቡነ ሳዊሮስ የጠቅላይ ቤተክህነት ዋና ሥራ አስኪያጅ የደቡብ ምዕራብ ሸዋና የሸገር ከተማ አህጉረ ስብከት ሊቀ ጳጳስ ፣ ብፁዕ አቡነ ዲዮስቆሮስ የቅዱስ ሲኖዶስ ዋና ፀሐፊ የራያ ሀገረ ስብከት ሊቀ ጳጳስን ጨምሮ ሌሎችም ብፁዓን አበው ሊቃነ ጳጳሳት ተገኝተዋል።

ዘገባው የኢኦተቤክ ቴቪ ነው

💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

🔵@የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

902

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ اردیبهشت ۱۴۰۵، ۱۸:۰۸

📷 Photo

725

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۶ اردیبهشت ۱۴۰۵، ۰۴:۲۴

#ነገ_ማታ_12:00 ሰዓት #ይጠብቁን
💠#ኦርቶዶክስ_ፖድካስት/ ቅዱስ ሲኖዶስ ቀኖናዊ ውሳኔዎች በመጽሐፍ መልክ ቢታተሙ /#መምህር በትረ ማርያም አበበው
💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

🔵@የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

💠ኦርቶዶክስ ፖድካስት / "ያለ መምህራን አንድነት ነገን ማሰብ ይከብዳል!/መምህር በትረ ማርያም አበባው /ሚያዚያ ...
https://youtube.com/watch?v=5knsKCxUp0c&si=ZCVGay68uGIvGx1v

Video Thumbnail

414

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۶ اردیبهشت ۱۴۰۵، ۰۴:۲۴

ብፁዕ አቡነ ሕርያቆስ ሊቀ ጳጳስ ሚያዝያ 27/2018 ዓ/ም
የመልዕልተ አድባራት ደብረ ቀራንዮ መድኃኔዓለም እና ቅዱስ ገብርኤል ቤተ ክርስቲያን ለሚያስገነባው የአብነት ት/ቤት ሕንጻ የመሠረት ድንጋይ ባርከው አስቀምጡ።

💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

🔵@የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

133

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۶ اردیبهشت ۱۴۰۵، ۰۴:۲۴

📷 Photo

134

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۶ اردیبهشت ۱۴۰۵، ۰۴:۲۴

📷 Photo

571

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۶ اردیبهشت ۱۴۰۵، ۰۴:۲۴

📷 Photo

የኢትዮጵያ ኦርቶዶክስ ተዋሕዶ ቤተ ክርስቲያን ፻፴፬ኛው የቅዱስ ሲኖዶስ መደበኛ ምልዓተ ጉባኤ በነገው ዕለት ሚዚያ 28/2018 ዓ/ም ይጀምራል!

💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

🔵@የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

479

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۱ اردیبهشت ۱۴۰۵، ۰۲:۱۷

#ቅዱስ_ጊዮርጊስ

"ወይወስዱክሙ ቅድመ መኳንንት ወነገሥት በእንቲአየ (በእኔ ምክንያት ወደ ገዥዎችና ወደ ነገሥታት ይወስዱአችኋል) ማቴ 10:18
-------------------------------
በመልአከ ምሕረት አባ ገብረ መድኅን ንጉሤ (ቆሞስ)
የዐዲስ አበባ ሀገረ ስብከት ዋና ሥራ አስኪያጅ
--------------------------

ጌታችን ኢየሱስ ክርስቶስ ደቀ መዛሙርቱን ለስብከት ሲልካቸው ዓለሙ ሁሉ በደስታ እንደሚቀበላቸው አልነገራቸውም። ይልቁንም "እንደ በጎች በተኩላዎች መካከል እልካችኋለሁ" በማለት ፈተና እንደሚጠብቃቸው አስጠንቅቋቸዋል። ይህም ክርስትና በመከራ ውስጥ የሚጸና፣ በፈተናም ውስጥ የሚያልፍ መሆኑን ያሳያል።

✍️ "በእንቲአየ" (በእኔ ምክንያት):- ምእመናንና ቅዱሳን የሚሰደዱት ወይም በነገሥታት ፊት የሚቆሙት በወንጀል ወይም በክፋት ሳይሆን "በክርስቶስ ስም" ምክንያት ነው። ይህ ደግሞ ታላቅ ክብር ነው። ሐዋርያው ቅዱስ ጴጥሮስ "ስለ ክርስቶስ ስም ብትነቀፉ የክብር መንፈስ የእግዚአብሔር መንፈስ በእናንተ ላይ ያርፋልና ብፁዓን ናችሁ" (፩ ጴጥ. ፬፥፲፬) እንዳለ።

✍️ "ምስክር ይሆኑ ዘንድ" ቅዱሳን በነገሥታት ፊት መቆማቸው ለሁለት ዓላማ ነው፦

• ለነገሥታቱ፦ ወንጌልን ሰምተው እንዲያምኑ ዕድል ይሰጣቸዋል።

• ለዓለም፦ ክርስቲያኖች ለሃይማኖታቸው ያላቸውን ጽናትና ፍቅር ለዓለም ሁሉ መግለጫ ይሆናል።
ለምሳሌ፦ ቅዱስ ጊዮርጊስ በሰባ ነገሥታት ፊት ቆሞ የመሰከረው ምስክርነት ዛሬም ድረስ ለምእመናን ብርታት ነው።

✍️ ጌታችን "በዚያች ሰዓት የምትናገሩት ይሰጣችኋልና" በማለት አጽናንቷቸዋል። ክርስቲያን በነገሥታት ፊት ሲቆም የሚናገረው በእውቀት ወይም በንግግር ችሎታው ሳይሆን በመንፈስ ቅዱስ መሪነትና ረዳትነት መሆኑን ተናግሯል። ይህም ቤተክርስቲያን በማንኛውም ተጽዕኖ ውስጥ ብታልፍም መንፈስ ቅዱስ እንደማይለያት ትልቅ ማረጋገጫ ነው።

"ወይወስዱክሙ ቅድመ መኳንንት ወነገሥት" የሚለው ቃል ለቤተክርስቲያን የድል አዋጅ ነው። መከራው ወደ ክብር፣ መከሰሱ ወደ ምስክርነት፣ መያዙም ወደ ወንጌል መስፋፋት እንደሚቀየር ያስተምረናል። እኛም በማንኛውም ሁኔታ ውስጥ ስንሆን ስለ ክርስቶስ ለመመስከር ጽናቱን እንዲሰጠን መጸለይ ይገባናል።

ሀ. መከራ የክብር መንገድ መሆኑ

በቤተክርስቲያን ታሪክ ውስጥ መከራ አዲስ ነገር አይደለም። ጌታችን "ለእኔ የሆኑትን ቢሰድዱአችሁ እናንተ ብፁዓን ናችሁ" ብሎ እንዳስተማረ፣ መከራ የሚመጣው እንድንጠፋ ሳይሆን እንድንጠራ ነው። ጠቅላላ ምእመናን ሊረዱት የሚገባው ነገር፣ በሕይወታቸው ውስጥ የሚገጥማቸው ፈተና ወይም ከሰዎች የሚደርስባቸው ተጽዕኖ የክርስትናቸው ማረጋገጫ መሆኑን ነው።

ለ. በሰው ፊት ስለመመስከር

"በነገሥታት ፊት ትቆማላችሁ" ማለት የግድ በትልልቅ ቤተ መንግሥታት መገኘት ማለት ብቻ አይደለም። እያንዳንዱ ክርስቲያን በሚኖርበት አካባቢ፣ በሥራ ቦታውና በቤተሰቡ መካከል ለክርስቶስ ምስክር ነው።

• በኑሮ ምስክር መሆን፦ በክፉዎች ፊት በጽናት መቆም፣ በውሸት ፊት እውነትን መናገር፣ በጥላቻ ፊት ፍቅርን ማሳየት ትልቁ ምስክርነት ነው።

• ሃይማኖትን አለመደበቅ፦ ወቅቱና ሁኔታው ባይመችም እንኳ "እኔ ክርስቲያን ነኝ" ብሎ በግብር መመስከር ከነገሥታት ፊት እንደ መቆም ይቆጠራል።

ሐ. አትጨነቁ የሚለው የተስፋ ቃል

ጌታችን "እንዴት ወይስ ምን እንድንናገር አትጨነቁ" ማለቱ፣ ክርስቲያን በፈተና ወቅት ብቻውን እንዳልሆነ ለማሳየት ነው።

• የመንፈስ ቅዱስ መሪነት፦ ብዙ ጊዜ "እንዴት እወጣዋለሁ? ምን እላለሁ?" ብለን እንሰጋለን። ነገር ግን እግዚአብሔርን ለሚታመኑ ሰዎች በጊዜው የሚናገሩትን ቃልና የሚያደርጉትን ኃይል እርሱ ራሱ ይሰጣቸዋል።

• ትዕግሥት፦ ምእመናን በመከራ ጊዜ በጭንቀት ከመዋጥ ይልቅ፣ እግዚአብሔር በእነርሱ ላይ ሆኖ ክብሩን እንደሚገልጥ ማመን ይገባቸዋል።

መ. የሰማዕታት አርአያነት

ይህ ቃል በሰማዕታት ሕይወት በተግባር ታይቷል። እንደ ቅዱስ ጊዮርጊስ፣ ቅድስት አርሴማና ቅዱስ ቂርቆስ ያሉት ቅዱሳን በነገሥታት ፊት የቆሙት በኃይላቸው ሳይሆን በክርስቶስ ፍቅር ነው። የእነርሱ ጽናት ዛሬ ለእኛ ለምእመናን ለሃይማኖታችን እንድንቀናና በፈተና እንዳንደነግጥ ትልቅ ትምህርት ይሆነናል።

ዛሬ ነገሥታት ተብለው የተጠቀሱት እኛን ከሃይማኖታችን ሊለዩን የሚሞክሩ የዓለም ፈተናዎች፣ ክፉ ባሕርያትና መከራዎች ሊሆኑ ይችላሉ። በእነዚህ ሁሉ ፊት ግን በክርስቶስ ኃይል ምስክሮች ሆነን መቆም ይገባናል።

ጌታችን በወንጌል "ወይወስዱክሙ ቅድመ መኳንንት" እንዳለ ሁሉ ቅዱስ ጊዮርጊስ በሕይወት ተርጉሞታል።

፩. ስለ ክርስቶስ ፍቅር ሁሉን መተው፦ ጌታችን "በእንቲአየ" (ስለ እኔ) ሲል፣ ቅዱስ ጊዮርጊስ ይህንን በተግባር አሳይቷል። እርሱ በወቅቱ የነበረው የሮም መንግሥት ከፍተኛ የጦር መኮንን (ዱክ) ነበረ። ነገር ግን ንጉሡ ዲዮቅልጥያኖስ ክርስቲያኖችን ለማሳደድ አዋጅ ባወጣ ጊዜ፣ ቅዱስ ጊዮርጊስ ክብሩን፣ ማዕረጉንና ሀብቱን ንቆ በንጉሡ ፊት ቆመ።

• ለትምህርቱ፦ ምስክርነት የሚጀምረው ለክርስቶስ ቅድሚያ በመስጠትና ለምድራዊ ጥቅም አለመንበርከክ መሆኑን ያስገነዝባል።

፪. በነገሥታቱ ፊት በድፍረት መቆም፦ ጌታችን "በነገሥታት ፊት ትቆማላችሁ" እንዳለው፣ ቅዱስ ጊዮርጊስ በሰባ ነገሥታት ፊት ቆሞ ምስክርነቱን ሰጥቷል። ንጉሡ በሽንገላና በዛቻ "ለአማልክቶቻችን ሠዋ" ቢለውም፣ ቅዱስ ጊዮርጊስ ግን "እኔ የሕያው እግዚአብሔር አገልጋይ ነኝ" በማለት በድፍረት መለሰ።

• ለትምህርቱ፦ ምእመናን በባዕድ አምልኮ፣ በክፋትና በኃጢአት በሚመሩ "ነገሥታት" (ኃይላት) ፊት ሳይፈሩ መቆም እንዳለባቸው አርአያ ይሆነናል።

፫. የመንፈስ ቅዱስ ረዳትነት በምስክርነቱ፦ ጌታችን "የሚናገረው የአባታችሁ መንፈስ ነው" እንዳለው፣ ቅዱስ ጊዮርጊስ ለሰባው ነገሥታት የሰጠው መልስና ያሳያቸው ተአምራት ጥበቡ ከእግዚአብሔር መሆኑን አረጋግጧል። ሰባው ነገሥታት በጥበባቸውና በኃይላቸው ሊያሸንፉት ቢሞክሩም፣ በእርሱ ላይ ያደረው የመንፈስ ቅዱስ ኃይል ግን ድል አደረጋቸው።

• ለትምህርቱ፦ እኛም በፈተና ወቅት መንፈስ ቅዱስ ጥበብንና ጽናትን እንደሚሰጠን በማመን መታመን ይኖርብናል።

፬. የምስክርነቱ ፍሬ (መከራው ለሌሎች ሕይወት መሆኑ)

ጌታችን "ምስክርም ትሆናላችሁ" እንዳለ፣ በቅዱስ ጊዮርጊስ ጽናት ምክንያት ብዙዎች አምነዋል። ንግሥት እለኒ (አሌክሳንድራ) እና ብዙ መኳንንት የቅዱስ ጊዮርጊስን ተጋድሎ አይተው ወደ ክርስቶስ መጥተዋል። መከራው ምስክርነት ሆነ፤ ምስክርነቱም ብዙዎችን ወደ መንግሥተ ሰማያት መራ።

• ለትምህርቱ፦ እኛ በሕይወታችን የምናሳየው ጽናት ሌሎች ወደ ቤተክርስቲያን እንዲመጡ የሚያደርግ ትልቅ "የማይነገር ስብከት" ነው።

✍️ ቅዱስ ጊዮርጊስ በነገሥታት ፊት የቆመው በራሱ ብርታት ሳይሆን "በክርስቶስ ኢየሱስ ባለ ፍቅሩ" ነው። ዛሬም እኛ በኑሮአችን የሚገጥሙንን ልዩ ልዩ "ዲዮቅልጥያኖሶችን" (ፈተናዎችን) የምናሸንፈው በቅዱስ ጊዮርጊስ አምላክ ረዳትነት መሆኑን መገንዘብ ይጠበቅብናል። አምላክ ቅዱስ ጊዮርጊስ ከክፉ ሁሉ ይጠብቀን። አሜን

#ቅድስት ሀገሬ ኢትዮጵያ!!!

#የወለድሻቸው ልጆችሽ ይውለዱሽ!!!

#ልጆችሽ ይሟገቱልሽ እንጂ አይሞግቱሽ!!!

#በስደት ያሉ ልጆችሽ በበረከት ይመለሱልሽ!!!

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۱ اردیبهشت ۱۴۰۵، ۰۲:۱۷

#ድንበርሽን እሳት መሀልሽን ገነት አድርጐ የዓለም ማረፍያ ያድርግሽ #አሜን

መልአከ ምሕረት አባ ገብረ መድኅን ንጉሤ (ቆሞስ)
የዐዲስ አበባ ሀገረ ስብከት ዋና ሥራ አስኪያጅ
---------------------------------------------------------------

ሚያዝያ 22 ቀን 2018 ዓ.ም
አዲስ አበባ, ኢትዮጵያ

92

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۱ اردیبهشت ۱۴۰۵، ۰۲:۱۷

📷 Photo

93

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۱ اردیبهشت ۱۴۰۵، ۰۲:۱۷

📷 Photo

245

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۱ اردیبهشت ۱۴۰۵، ۰۲:۱۷

📷 Photo

599

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۱ اردیبهشت ۱۴۰۵، ۰۲:۱۷

የዓለምገና ደብረ ቀርሜሎስ ቅዱስ እግዚአብሔር አብ እና ቅዱስ ጊዮርጊስ ቤተ ክርስቲያን በብፁዓን አባቶች ቡራኬ ቅዳሴ ቤቱ ተከበረ።
ኢኦተቤ አዲስ አበባ ሀገረ ስብከት ሚዲያ
ሚያዚያ ፳፪/፳፻፲፰ ዓ/ም

የዓለምገና ደብረ ቀርሜሎስ ቅዱስ እግዚአብሔር አብ እና ቅዱስ ጊዮርጊስ ቤተ ክርስቲያን በብፁዕ የመንበረ ፓትርያርክ ጠቅላይ ቤተ ክህነት ዋና ሥራ አስኪያጅ፣ በብፁዕ የቅዱስ ሲኖዶስ ዋና ጸሐፍ እና በብፁዓን አበው ሊቃነ ጳጳሳት ጸሎትና ቡራኬ ተባርኮ በዛሬው ዕለት ተመርቋል።
በምረቃው ሥነ-ሥርዓት ላይ የሀገረ ስብከቱ ዋና ሥራ አስኪያጅ መ/ሰላም አለማየሁ ተፈራንን ጨምሮ የሀገረ ስብከቱ የየክፍል ኃላፊዎች፣በርካታ ምእመናንና ጥሪ የተደረገላቸው እንግዶች ተገኝተዋል።

©Miidiyaa Shaggar/ሸገር ሀገረ ስብከት ሚዲያ/

💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

የአዲስ አበባ ሀገረ ስብከት ሚዲያ አገልግሎት/Addis Ababa Diocese Media Service

249

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ فروردین ۱۴۰۵، ۰۵:۲۵

📷 Photo

የትንሣኤ ሳምንት ዕለተ ቀዳሚት -#ቅዱሳት_አንስት
💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

የአዲስ አበባ ሀገረ ስብከት ሚዲያ አገልግሎት/Addis Ababa Diocese Media Service

🔵የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

519

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ فروردین ۱۴۰۵، ۰۵:۲۵

#የሃይማኖት_አባቶች_እውነተኛ_አስታራቂዎች_በመሆን_የተጣሉትን_ሊያስታርቁ_ይገባል_የኢትዮጵያ_የሃይማኖት_ተቋማት_ጉባኤ_የበላይ_ጠባቂ_ተወካዮች!
ሚያዚያ ፰/፳፻፲፰ ዓ/ም
የኢትዮጵያ የሃይማኖት ተቋማት ጉባኤ ከቤኒሻንጉል ጉሙዝ ክልል የሃይማኖት ተቋማት ጉባኤ ጋር በመተባበር በአሶሳ ከተማ በተካሄደው ሰባተኛው ሀገር አቀፍ ሕዝባዊ የሰላም ኮንፍረንስ ላይ የተገኙት የኢትዮጵያ የሃይማኖት ተቋማት ጉባኤ የበላይ ጠባቂ ተወካዬች የሃይማኖት መሪዎችና አባቶች እውነተኛ አስታራቂዎች በመሆን የተጣሉትን ወገኖች ማስታረቅ ይገባቸዋል በማለት የአደራ መልዕክት አስተላለፉ፡፡

የሃይማኖት አባቶቹ አክለውም ሰላም ከሌለ ሁሉም ነገር ጉዳት ላይ ይወድቃል፣ ሰላም የሁሉም ነገር መሰረት ነው፤ በመሆኑም የሰላም የማጽናት ሃይማኖታዊ ተልዕኮችንን በሙላት ልንወጣ ይገባል በማለት የሰላም መልዕክት አስተላልፈዋል፡፡

በተጨማሪም ልጆቻችን አመጽን እና ግጭትትን በመጸየፍ፤ አመጽን ከማስፋፋት በመቆጠብ ለሰላም መሳርያ ይሆኑ ዘንድ በሁሉም የሃይማኖት ተቋማት ማስተማር እንደሚገባ ገልጸዋል፡፡
በመጨረሻም ሰባተኛው ሀገር አቀፍ ምርጫ በሰላም ይጠናቀቅ ዘንድ ሁሉም የሃይማኖት ተቋማት ጸሎት እና ምህላ እንዲያደርጉ እንዲሁም አማኙ ማህበረሰብ ምርጫው በሰላም ይጠናቀቅ ዘንድ የበኩሉን ኃላፊነት እንዲወጣ የአደራ ጥሪ አቅርበዋል፡፡

©የኢትዮጵያ የሃይማኖት ተቋማት ጉባኤ የሕዝብ ግንኙነትና ሚዲያ አገልግሎት

💠💠💠💠💠💠💠💠💠💠💠💠💠
ክርስቶስ ተንሥአ እሙታን
በዐቢይ ኃይል ወሥልጣን
አሠሮ ለሰይጣን
አግአዞ ለአዳም
ሰላም
እምይእዜሰ
ኮነ
ፍስሓ ወሰላም

የአዲስ አበባ ሀገረ ስብከት ሚዲያ አገልግሎት/Addis Ababa Diocese Media Service

🔵የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

756

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ فروردین ۱۴۰۵، ۰۵:۲۵

📷 Photo

836

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ فروردین ۱۴۰۵، ۰۵:۲۵

📷 Photo

584

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۳۰ فروردین ۱۴۰۵، ۰۵:۲۵

📷 Photo

628

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۹ فروردین ۱۴۰۵، ۱۰:۱۷

📷 Photo

647

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۹ فروردین ۱۴۰۵، ۱۰:۱۷

🎥 Video

ሰሙነ ሕማማት
ክርስቶስ አምላክነ ዘመጽአ ወሐመ በእንቲአነ ወበሕማማቲሁ ቤዘወነ

696

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۹ فروردین ۱۴۰۵، ۱۰:۱۷

የኦሮሚያ ባንክ የኢትዮጵያ ኦርቶዶክስ ተዋሕዶ ቤተክርስቲያን የልማት እና ክርስቲያናዊ ተራድዖ ኮሚሽንን ጨምሮ ለሰባት የበጎ አድራጎት ድርጅቶች የትንሣኤ በዓል ምክንያት በማድረግ የገንዘብ ድጋፍ አደረገ ።

ኢኦተቤ አዲስ አበባ ሀገረ ስብከት ሚዲያ
መጋቢት ፳፱/፳፻፲፰ ዓ/ም
የኦሮምያ ባንክ ማኅበራዊ ኃላፊነቱን ለመወጣት የጌታችን መድኃኒታችን ኢየሱስ ክርስቶስ በዓለ ትንሣኤን ምክንያት በማድረግ ለሰባት የበጎ አድራጎት ድርጅቶች የገንዘብ ድጋፍ አድርጓል።
የባንኩ ሥራ አስፈጻሚ አቶ ተፈሪ መኮንን የኦሮሚያ ባንክ ቅዱሱን ሰሙነ ሕማማትን እና በዓለ ትንሣኤን ምክንያት በማድረግ ዜጎች ምርታማ እንዲሆኑ በበጎ አድራጎት ዘርፍ ለሚሠሩ ድርጅቶች ድጋፍ ማድረጉን ገልጸው ፤ ለመላው የክርስትና እምነት ተከታዮች የጌታችን መድኃኒታችን ኢየሱስ ክርስቶስ በዓለ ትንሣኤ የሰላም እና የበረከት በዓል እንዲሆን ተመኝተዋል።
በመድረኩ ድጋፉ የበጎ አድራጎት ተቋማት የሚያደርጉት ጥረት አጠናክረው በመቀጠል ወገኖቻችንን እንዲያግዙ ለበጎ አድራጊ ተቋማት አደራ የተሰጠ መሆኑ ተገልጿል::
የኢትዮጵያ ኦርቶዶክስ ተዋሕዶ ቤተክርስቲያን የልማት እና ክርስቲያናዊ ተራድዖ ኮሚሽን ኮሚሽነር ይልቃል ሽፈራው የኦሮሚያ ባንክ ለሰጠው ድጋፍ ምስጋና አቅርበዋል።
የኦሮሚያ ባንክ ለኢትዮጵያ ኦርቶዶክስ ተዋሕዶ ቤተክርስቲያን የልማት እና ክርስቲያናዊ ተራድዖ ኮሚሽን ፣ ለአበበች ጎበና የበጎ አድራጎት ድርጅት፣ ለኩላሊት ህመምተኞች እጥበት በጎ አድራጎት ድርጅት ለእያንዳንዳቸው አንድ ሚሊዮን ብር የሰጠ ሲሆን ፤ ለአዲስ አበባ ከተማ አስተዳደር የምገባ ማዕከል ፤ ለኦዳ አዳሪ ት/ቤት ፣ ለተስፋ አዲስ የሕፃናት ካንሰር ህሙማን ማዕከል፣ ለሰበታ አይነ ሥውራን ት/ቤት ለእያንዳንዳቸው የብር አምስት መቶ ሺህ ብር ድጋፍ አድርጓል::
የኢኦተቤ መገናኛ ብዙኀን አገልግሎት ሥርጭት ድርጅት/ EOTC Broadcasting Service Agency/

641

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۹ فروردین ۱۴۰۵، ۱۰:۱۷

📷 Photo

723

0

0

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۹ فروردین ۱۴۰۵، ۱۰:۱۷

#ሰሙነ_ሕማማት -ዘሰኑይ

ሰሙነ ሕማማት ተብሎ የሚጠራው ወቅት ከዐቢይ ጾም መጨረሻ ከሆሣዕና ዋዜማ ጀምሮ እስከ ትንሣኤ ባሉት ቀናት ውስጥ ያለው ሳምንት ነው፡፡ ነቢዩ ኢሳይያስ ይህንን ወቅት አስመልክቶ በመንፈስ ቅዱስ መሪነት ‹‹ውእቱ ነሥአ ደዌነ ወጾረ ሕማመነ፤ እርሱ በእውነት ደዌያችንን ተቀበለ፤ ሕማማችንንም ተሸከመ፤›› በማለት የነገረ ሕማማቱን ምሥጢር አስቀድሞ ተናግሮአል፡፡ በዚህም መሠረት በኋለኛው ዘመን እግዚአብሔር ወልድ ስለኛ ስለ ሰው ልጆች ድኅነት ሲል ከቅድስት ድንግል ማርያም ከሥጋዋ ሥጋ ከነፍስዋም ነፍስ ነሥቶ በፈቃዱ ሰው ሆኖ በፈቃዱ መከራ መስቀልን ተቀበለ፡፡ በመስቀሉም ላይ ሳለ በፈቃዱ ነፍሱን ለሞት አሳልፎ ሰጠ፡፡ በዚህም መሠረት እኛም በእርሱ በአምላካችን የሆነበትን መከራ መስቀሉን ሁሉ የምናስብበት ሳምንት በመሆኑ ሰሙነ ሕማማት ይባላል፡፡ (ኢሳ.፶፫፥፬፣ማቴ. ፰፡፲፯፣ዮሐ.፩፥፳፱)

ከ፻፹፰-፪፻፴ ዓ.ም የእስክንድርያ ሊቀ ጳጳስ የነበረው ቅዱስ ድሜጥሮስ እግዚአብሔር አምላክ በገለጠለት የጊዜ ቀመር (ባሕረ ሐሳብ) መሠረት ሰሙነ ሕማማት ከዐቢይ ጾም ቀጥሎ እንዲሆን ተወስኗል፡፡ ቤተ ክርስቲያንም በቀመረ ድሜጥሮስ ዓመታትን በንኡስ በማእከላዊና በዐቢይ ቀመር እየቀመረች አጽዋማት የሚገቡበትን በዓላት የሚውሉበትን ጊዜ ለምእመናን ታሳውቃለች፡፡ ይህን ሳምንት ላቲናውያንና ግሪካውያን ታላቁ ሳምንት ሲሉት ቅድስት ቤተ ክርስቲያናችን ደግሞ ሰሙነ ሕማማት በማለት ትጠራዋለች፡፡

በዚህ ሳምንት ጌታችን መድኃኒታችን ኢየሱስ ክርስቶስ ለሰው ልጅ በሙሉ ያደረገውን ትድግና ቅዱሳት መጻሕፍት በተለይም ግብረ ሕማማት የተባለው የቤተ ክርስቲያናችን መጽሐፍ ነገረ ሕማማቱን መከራ መስቀሉን በሰፊው ይናገርለታል፡፡ ኦርቶዶክሳዊት ተዋሕዶ ቤተ ክርስቲያናችንም መድኃኒታችን ክርስቶስ አንዳች በደል ሳይኖርበት በሰውነቱ የደረሰበትን ሕማሙንና መከራውን ሞቱንም እያሰብን ይህንን የዐቢይ ጾምን መጨረሻ ወቅት ወይም ስምንተኛውን ሳምንት በካህናቱ መሪነት ሁላችን ምእመናን በተረጋጋ ኅሊና አብዝተን በመጾም፣ በመጸለይና በመስገድ እንድናከብር ሥርዓትን ሠርታልናለች፡፡ ለዚህም ነው ዛሬ ኦርቶዶክሳውያን ምእመናን ሁሉ ይህንን የጌታን የሕማማት ሰሙን ከተድላ ከደስታ በመራቅ ነገረ መስቀሉን እያሰቡ በኀዘንና በልቅሶ ሆነው የሚያሳልፉት፡፡

የሰሙነ ሕማማት ዕለታት ስያሜዎች

፩. ዕለተ ሰኑይ

ሀ. አንጽሖተ ቤተ መቅደስ፡- በዚች ዕለት መድኃኒታችን ክርስቶስ ወደ ቤተ መቅደስ ሄደ፡፡ በዚያም በደረሰ ጊዜ ቤተ መቅደሱ የጸሎት የመሥዋዕት ቤት መሆኑ ቀርቶ የንግድ ቤት ሆኖ ቢያገኘው ‹‹ቤቴ የጸሎት ቤት ይባላል፤ እናንተ ግን የወንበዴዎች ዋሻ አደረጋችሁት›› ብሎ የሚሸጡበትን ሁሉ ገለበጠባቸው ገርፎም አስወጣቸው፡፡ ይኸውም የእርሱ ቤተ መቅደስ የሆነውን ሰውነታችንን ኃጢአት ሰፍኖበት ቢያገኘው ራሱ ተገርፎ ተገፍፎ መከራ መስቀልንም ሁሉ ተቀብሎ ከሰውነታችን ኃጢአትን ሁሉ እንዳራቀልን የሚገልጽ ነው፡፡ (ሉቃ.፲፱፥፵፮)

ለ. መርገመ በለስ፡- ጌታችን የሆሣዕና ዕለት ቢታንያ አድሮ በማግስቱ ከቢታንያ ሲወጣ ተራበ፤ በመንገድም ሲያልፍ ቅጠል ያላት በለስን ከሩቁ ተመለከተ፡፡ ወደ በለሲቱም በቀረበ ጊዜ ከቅጠል በቀር አንዳች ፍሬ አላገኘባትም፡፡ ያንጊዜም ‹‹ከእንግዲህ ወዲህ ለዘለዓለም ከአንቺ ፍሬ የሚበላ አይኑር›› ሲል በለሲቱን ረገማት፡፡ ደቀ መዛሙርቱም ይህንን ሰሙት፡፡ በዚህም ምክንያት ይህች ዕለት በለሲቱ የተረገመችባት ቀን ናትና መርገመ በለስ ተብላ ትጠራለች፡፡ (ማር.፲፩፥፲፩-፲፬)

በዚህ አገላለጽ በለስ የተባለች ቤተ እስራኤል ስትሆን ፍሬ የተባለ ደግሞ ሃይማኖትና ምግባር ነው፡፡ መድኃኒታችን ክርስቶስ ከእስራኤል ፍቅርን፣ ሃይማኖትን፣ ምግባርን ፈልጎ አላገኘባቸውም፡፡ እስራኤል፦ ሕዝበ እግዚአብሔር፣ የአብርሃም ዘር መባልን እንጂ የአብርሃምን ሥራ በመሥራት በምግባር በሃይማኖት ጸንተው መኖር አይፈልጉምና ደግ ሰው አልተገኘባቸውም፡፡

በሌላ በኩል ደግሞ በለስ የተባለች ኦሪት ናት፡፡ ኦሪት በዚህ ዓለም ሰፍና ቢያገኛትም አማናዊ ድኅነትን የምታሰጥ ሆና አላገኛትም፡፡ ይሁን እንጂ በእርሷ ድኅነት ባይገኝባትም ‹‹ኦሪትና ነቢያትን ከመፈጸም በቀር ልሽር አልመጣሁም ልፈጽም እንጂ›› በማለት ሕገ ኦሪትን ፈጽሟታል፡፡ ከዚህም ባሻገር በለስ የተባለች ኃጢአት ናት፡፡ የበለስ ቅጠል ሰፊ እንደሆነች ሁሉ ኃጢአት በዚህ ዓለም ሰፍታ ሰፍና አግኝቷታል፡፡ በለስ ሲበሉት ይጣፍጣል፤ ቆይቶ ግን ይመራል፤ ኃጢአትም ሲሠሩት ለጊዜው ደስ ያሰኛል ኋላ ግን ያሳዝናል፡፡ በአንቺ ፍሬ አይገኝ የሚለውም በአንቺ በኃጢአት ፍዳ ተይዞ የሚቀር አይኑር ሲል ነው፡፡ በለሲቱ ስትረገም ፈጥና መድረቋም በአዳም ምክንያት ያገኘን በደል በእርሱ እንደጠፋልን ለመግለጽ ነው፡፡

💠ክርስቶስ አምላክነ ዘመጽአ ወሐመ በእንቲአነ ወበሕማማቲሁ ቤዘወነ!

ኢኦተቤ-የአዲስ አበባ ሀገረ ስብከት ሚዲያ አገልግሎት /EOTC-Addis Ababa Diocese Media service

۱۹ فروردین ۱۴۰۵، ۱۰:۱۷

በ1954 ዓ/ም የስምንተኛ ክፍል ሀገር አቀፍ ፈተናን በስኬት በማለፋቸው ወደ አዲስ አበባ ተዛውረው ከ9ኛ እስከ 12ኛ ድረስ ያለውን የዘመናዊ ትምህርት በቅድስት ሥላሴ መንሳዊ ኮሌጅ ተከታትለው አጠናቀቁ፡፡ በዚህም የሁለተኛ ደረጃ ትምህርታቸው ጎን ለጎን በመንበረ ጸባዖት ቅድስት ሥላሴ ካቴድራልና በመንፈሳዊ ኮሌጅ ወጣቶች ይካሄድ በነበረው የስብከተ ወንጌል መንፈሳዊ ማኅበር የሚጠበቅባቸውን አባታዊ አገልግሎት ሲያበረክቱ ቆይተዋል፤

ከዚያም በብፁዕ ወቅዱስ አቡነ ቴዎፍሎስ አቅራቢነትና በግርማዊ ቀዳማዊ ዐፄ ኃይለ ሥላሴ ንጉሠ ነገሥት ዘኢትዮጵያ መልካም ፈቃድ ወደ ራሽያ ሀገር የቀድሞው ሌሊንግራድ (አሁኑ ፒተርስበርግ) አካዳሚ ለከፍተኛ ትምህርት ተላኩ፡፡ ይኽ የራሽያ ኦርቶዶከስ ቤተ ክርስቲያን ለኢትዮጵያ ኦርቶዶከስ ተዋሕዶ ቤተ ክርስቲያን በሰጠቸው የነፃ የትምህረት ዕድል የተገኝ ሲሆን ብፁነታቸው በሌኒንግራድ አካዳሚ (ዪኒቨርስቲ) የቅደመ ምረቃ ማሟያ ጽሑፍ የኢትዮጵያን ሥርዓተ ቅዳሴ ትርጉምና ምርምር ከሚጠበቀው 120 ገጽ በላይ 500 ገጽ በራሽያ ቋንቋ በማዘጋጀት በጥሩ ውጤት አጠናቀቁ፡፡ በዚህም ወደ ቀጣዩ የድኅረ ምረቃ ከፍተኛ ትምህርት መርሐ ግብር አለፉ፡፡

በድኅረ ምረቃ መርሐ ግብሩም ከ800 ገጽ በላይ በራሽያ ቋንቋ ያቀረቡት ጥናት የአካዳሚ ዪኒቨርስቲው ሬክተር ሜትሮፖሊታን ኒቆዶሞስ እና መላው ፕሮፌሰሮች ባደረጉት ግምገማ እና ምዘና የዶክትሬት ዲግሪያቸውን ተቀብለዋል፡፡

በዚህም የተደሰቱት የወቅቱ በራሽያ የኢትዮጵያ አምባሳደር ዶ/ር ካሳ ገብረ ሕይወት፣ ብፁዓን ሊቃነ ጳጳሳት የክብር ሽኝት አደረጉላቸው፡፡ ከስምነት ዓመት የራሽያ (የቀድሞው ሶቪየት ሕብረት) ቆይታ በኋላ ወደ ሀገራቸው ሲመለሱም ብፁዕ ወቅዱስ አበነ ቴዎፍሎስ በከፍተኛ ደስታ የተቀበሏው ሲሆን የመጀመሪያው ዶክትሬት የተቀበለ ኢትዮጵያዊው መነኵሴ ዶ/ር አባ ሀብተሥላሴ ተስፋ በማለት በግርማዊ ቀዳማዊ ዐፄ ኃይለ ሥላሴ ንጉሠ ነገሥት ዘኢትዮጵያ ፊት በአድናቆት መስክረውላቸዋል፡፡

፬. ከፍተኛ መንፈሳዊ የአስተዳደር አገልግሎት

ከሩሲያ ከተመለሱ በኋላ በመጀመሪያ በኮልፌ ሰዋስወ ብርሃን ቅዱስ ጳውሎስ መንፈሳዊ ኮሌጅ ዳይሬክተርነት ተመደቡ፡፡ ከዚያም ወደ ጠቅላይ ቤተ ክህነት በመዛወር የመንበረ ፓትርያርክ ጠቅላይ ጽሕፈት ቤት (ጠቅላይ ቤተ ክህነት) የትምህርት መምሪያ ዋና ኃላፊ ተደርገው ተሸሙ፡፡

ብፁዕ ዶ/ር አቡነ ጢሞቴዎስ ባሳዩት የሥራ ስኬት ቅድስት ሥላሴ ካቴድራል ሊቀ ሥልጣናት ሁነው ተመደቡ፡፡ በዚህም የሚጠበቅባቸውን አገልግሎት ከሰጡ በኋላ ወደ መንበረ ፓትርያርክ ጠቅላይ ቤተ ክህነት በመመለስ ውጭ ጉዳይ ዋና ኃላፊ እና የገዳማት መምሪያ ኃላፊ በመሆን አገልግለዋል፤

በ1967 ዓ/ም ወደ ጠቅላይ ቤተ ክህነት ሲመለሱ ከቁልቢ ቅዱስ ገብርኤል ገዳም በየዓመቱ በታኅሣሥ እና በሐምሌ ቅዱስ ገብርኤል ክብረ በዓላት የሚገባው የንዋየ ቅድሳት ገቢ ለነጋዴዎች ይሸጥ የነበረውን በማስቀረት ጥናት በማቅረብ ዛሬው የቁልቢ ንዋየ ቅድሳት መሻጫ ሲቋቋም በኮሚቴ አባልነት ሠርተዋል፤ በየካቲት 2 ቀን 1971 ዓ/ም የቅዱስ ሲኖዶስ ምልዓተ ጉባኤ ባደረገው ውይይት ዶ/ር አባ ሀብተ ሥላሴ በያዙት ሥራ ላይ የሲኖዶስ ምክትል ጸሐፊ ሁነው እንዲሠሩ መርጧቸው ሲያገለግሉ ቆይተው ለከፍተኛ ሐዋርያዊ አግልግሎት በታኅሣሥ ወር 1972 ዓ/ም ታጭተዋል፡፡

፭. ሐዋርያዊ ጥሪ እና ተልእኮ

ብፀዕነታቸው ያላቸውን ዕውቀት፣ ትጋትና መንፈሳዊ ብቃት በማየት ጥር 4 ቀን 1972 ዓ/ም በኢትዮጵያ ሦስተኛው ፓትርያርክ በብፁዕ ወቅዱስ አቡነ ተክለሃይማኖት አንብሮተ ዕድ በወቅቱ ከተሸሙት ብፁዓን ኤጴስ ቆጶሳት ማለትም (ከነፍስ ሄር) ብፁዕ አቡነ ገብርኤልና ከብፁዕ አቡነ ኤፍሬም ጋር በመሆን ብፁዕ ዶክተር አቡነ ጤሞቴዎስ ተብለው የከፋ ክፍለ ሀገር (ሀገረ ሰብከት) የከፋ፣ የማጅና የጊሚራ አውራጃዎች ጳጳስ በመሆን ሢመተ ሐዋርያነትን መዐርገ ኤጴስ ቆጶስነትን ተሸመዋል፡፡

ብፁዕ ዶክተር አቡነ ጤሞቴዎስ ተብለው ከተሸሙ በኋላ በቅዱስ ሲኖዶስ ውሳኔ በግንቦት 8 ቀን 1972 ዓ/ም የትንሣኤ መጻሕፍት ማሳተሚያ ድርጅት ዋና ኃላፊ ሆነው እንዲሠሩ እንዲሁም ከነሐሴ 26 ቀን 1972 ዓ/ም ጀምሮ የቀድሞው የከፋ ክፍለ ሀገር (ሀገረ ሰብከት) የከፋ፣ የማጅና የጊሚራ ጳጳስነትን ደርበው የልማትን ክርስቲያናዊ ተራዶኦ ድርጅት ተጠባባቂ ጸሐፊ በመሆን ተመድበው አገልግለዋል፡፡

ከመስከረም ወር 1975 ዓ/ም ጀመሮ በሊቀ ጵጵስና በተመደቡበት የቀድሞው የከፋ ሀገር ስብከት (ክፍለ ሀገር) ዋና ከተማ በነበረው በጅማ እና አካባቢው የጎጆ ኦንደስትሪዎችንና ወፍጮዎችን ለቤተ ክርስቲያን በማቋቋም፣ ከ30 ሄክታር በላይ የእርሻ መሬቶችን በመረከብ የቡና ማሳን በማስፋፋት፣ ከ31 በላይ ያረጁ አብያተ ክርስቲያናትን በማሳደስ፣ 11 አዳዲስ አብያተ ክርስቲያናትን በማሳነጽ ሐዋርያዊ ተልእኮአቸውን ፈጽመዋል፡፡

በትንሣኤ መጻሕፍት ማሳተሚያ ድርጅት በነበሩት ጊዜ የማሳተሚያ ድርጅቱን የሥራ እንቅስቃሴ በማሳደግ፣ በየጊዜው በሚየደርጉት ቅስቃሳ ገንዘብና እስከ አሁን ማሳተሚያ ድርጅቱ የሚጠቀምበትን መኪና እንዲረዳ አድርገዋል፤

ልማትና ክርስቲያናዊ ተራድኦ ድርጅትን በኩል በወቅቱ የደርግ መንግሥት የቤተ ክርስቲያኒቱን ማኅበራዊ እንቅስቃሴ ለማዳከም የድርጅቱን 60 የድርጅቱ ባለሙያ ሠራተኞች ወደ መንግሥት መሥሪያ ቤት በማዛወር 11 ሠራተኞች ብቻ እንዲቀሩ በማድረጉ ባለው ትንሽ አቅም በሚቻለው ሁሉ ከዓለም አቀፍ ድጋፍ ሰጭዎች ጋር በመተባበር እጅግ ውጤታማ የሆነ ተግባርን ለሀገራቸው ለኢትዮጵያና ለቅድስት ቤተ ክርስቲያናቸው አበርክተዋል፡፡

ለምስካዬ ኅዙናን አንድነት ገዳም ልዩ ልዩ የቁሳቁስና ለትምህርት ቤቱ ግንባታ በልማትና ክርስቲያናዊ ተራዶኦ ኮሚሽን በኩል ሰፊ ድጋፍ አስገኝተዋል፡፡ ለሕፃናትና ቤተሰብ ጉዳዮች ድርጅት በማቋቋም ሂደትና በሥሩ የሚገኘው የምግባረ ሠናይ አጠቃላይ ሆስፒታል መገንባት ከፍተኛ አስተዋጽኦ አድርገዋል፡፡

ብፁዕ ዶ/ር አቡነ ጢሞቴዎስ የቅድስት ሥላሴ ካቴድራል አስተዳዳሪ በነበሩበት ወቅት የሰበታ ጌቴሰማኒ ቤተ ደናግል ቤተ ጠባባት ገዳም ተጠሪነቱ ለካቴድራሉ ስለነበር ከፍተኛ የሥራ ፍሬ አስመዝግበዋል፡፡ በተለይም ገዳሙ የተመሠረተው በግርማዊት እቴጌ መነን አማካኝነት በንግሥቱቲ አርቆ አሳባቢነት ከእናታቸው ወይዘሮ ስሕን ሚካኤል ርስት በተሰጠ መሬትና ገንዘብ የተቋቋመ ሲሆን ከደርግ ዘመን በኋላ የእናቶች መነኰሳይያት ገዳም ከመሆን ውጭ የተለየ ገቢም ሆነ መተዳደሪያ አልነበረውም፡፡ በዚህ ወቅት የገዳሙ ቅጥረኛ ሠራተኞች የነበሩ ግለሰቦች ገዳሙን ለማፍረስና መሬቱን ለመቀራመት ያደረጉት ጥረት በአካል እየተገኙ በመከላከል የገዳሙን አስጠብቀዋል፤ ከዚያም የተከፋፈሉትን ማኅረ መነኰሳይያት ወደ አንድነት በማምጣት፣ ምንም ዓይነት ልዩነት እንዳይኖር በማድረግ አንድነቱን በማጠናከር መረጃዎችን በማሰባበሰብ፣ ዕጓለማውታ ሕፃናትን በማስገባት፣ ትምህርትና ልማት ተስፋፍቶ በሥርዓተ ገዳምና በሕገ ገዳም እንዲመራ በማድረግ ሁከቱን በመቀነስና በመንፈሳዊም በማኅበራዊም ዕውቀት እናቶችን በማሰልጠን ገዳሙን ከጥፋት አገልግሎቱን ከክሥረት ታድገዋል፡፡ ይኽንን ሲያደርጉም ብፁነታቸው ከፍተኛ የሆነ ሕይወትን ዋጋ የሚያስከፍል መስዋዕትነት ከፍለዋል፡፡

Showing 30 of 34 posts