ትራንዚት ሬዲዮ Transit Radio 🎙

Public

مشاهده کانال

نمی‌توانید بپیوندید؟ @transitradio

۳.۴k عضو

به‌روزرسانی شده: May 16, 2026 at 8:54 AM

ትራንዚት ሬዲዮ Transit Radio 🎙

ትራንዚት ሬዲዮ 🎙 በኢትዮጵያ ማህበራዊና ባህላዊ ጉዳዮች ላይ የሚያተኩር ሬዲዮ ሲሆን በውጪና በሀገር ቤት መካከል ድልድይ በመሆን የጋራ ሃዘኔታና የጋራ ተስፋ እንዲኖረን ይሰራል፡፡ ቻናሉን ተቀላቅለው አነጋጋሪ ዘጋቢ ፕሮግራሞችን፣ አስተማሪ ቃለመጠይቆችን እና ዜናዎችን ያንብቡ/ያድምጡ፡፡

@transitradio offers specialized information about پادکست for subscribers interested in پادکست

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (6 روز گذشته)

مجموع: 3.4K

رشد 24 ساعت: +0 0%

آخرین پست‌ها

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

📷 Photo

#TransitRadioNews
#EthiopianNews
#TransitEconomy

⚙️ ኢትዮጵያና ዳንጎቴ በጋራ የ2.5 ቢሊዮን ዶላር ማዳበሪያ ፋብሪካ ለመገንባት ተስማሙ

🤝 ኢትዮጵያ ከናይጄሪያው ዳንጎቴ ግሩፕ ጋር የ2.5 ቢሊዮን ዶላር የማዳበሪያ ፋብሪካ ለመገንባት ስምምነት ፈጽማለች። ፋብሪካው በሶማሌ ክልል ጎዴ ከተማ የሚገነባ ሲሆን በአመት 3 ሚሊዮን ሜትሪክ ቶን ማዳበሪያ ያመርታል ተብሏል።

🛍 ስምምነቱ የተፈረመው የመንግስት የልማት ድርጅቶችን በሚያስተዳድረው የኢትዮጵያ ኢንቨስትመንት ሆልዲንግስ እና በዳንጎቴ ግሩፕ ሲሆን በፋብሪካው ላይ ኢትዮጵያ የ40 ከመቶ ድርሻ፣ ዳንጎቴ ግሩፕ ደግሞ የ60 ከመቶ ድርሻ እንደሚኖራቸው ተነግሯል።

🔝 በሶስት አመት ከግማሽ ውስጥ ይጠናቀቃል የተባለው ይህ ፋብሪካ በማምረት አቅሙ በአለም ላይ ዩሪያ የተሰኘውን ማዳበሪያ ከሚያመርቱ አምስት ትልልቅ ፋብሪካዎች ውስጥ አንዱ ይሆናል ሲል የኢንቨስትመንት ሆልዲንግስት መግለጫ ገልጿል።

📝 ይህ ኢንቨስትመንት ባለሃብቱ ዳንጎቴ አፍሪካ ማዳበሪያ ከውጭ ማስመጣቷን አቁማ ራሷን እንድትችል ለማድረግ ያላቸው ህልም አካል ነው ተብሏል። ኢንቨስትመንቱ "አፍሪካን በኢንዱስትሪ ለማበልፀግ እና በአህጉሪቱ በሙሉ የምግብ ደህንነት ለማረጋገጥ ያለንን የጋራ ራዕይ" ማሳያ ነው ሲሉ ዳንጎቴ መናገራቸው ተገልጿል።

🗣️ በኢትዮጵያ በኩል ስምምነቱን የፈረሙት የኢትዮጵያ ኢንቨስትመንት ሆልዲንግስ ዋና ስራ አስፈጻሚ ብሩክ ታዬ "ይህ ስምምነት ኢትዮጵያ በኢንዱስትሪ ራሷን ለመቻል እና ግብርናን ለማዘመን በምታደርገው ጥረት ውስጥ አንድ ትልቅ ምዕራፍ ነው" ሲሉ ተናግረዋል።

⚡️ ፋብሪካው በጎዴ መገንባቱ በአካባቢው ካሉት የሂላላ እና ካሉብ የሃገር ውስጥ የተፈጥሮ ጋዝ ማብላያዎች ግብዓት ለማግኘት ያስችላል የተባለ ሲሆን ፕሮጀክቱ ከሂላላና ካሉብ የተፈጥሮ ጋዝ ለማጓጓዝ የሚያስችል ከ100 ኪሎ ሜትር በላይ የነዳጅ ማስተላለፊያ መስመር ግንባታንም እንደሚጨምር ተገልጿል።

Share The News!
Join Transit Radio ⬇️

2,510

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

📷 Photo

#TransitRadioNews
#WorldNews
#TransitTech

🤖 ግሮክ ከተሰኘው የኢሎን መስክ ኤአይ ጋር ሰዎች ያደረጓቸው 370 ሺህ የሚሆኑ ግላዊ ምልልሶች አደባባይ ወጡ

📢 በኢሎን መስክ ባለቤትነት ስር ካለው ግሮክ ከተሰኘው ኤአይ ጋር ግለሰቦች ያደረጓቸው በመቶ ሺዎች የሚቆጠሩ ግላዊ ምልልሶች ማንም ሰው በጉግል ሰርች ሲያደርግ በሚያገኛቸው ሁኔታ አደባባይ ላይ እንደወጡ ፎርብስ ዘግቧል። ሰዎች ከኤአይ ጋር የሚያደርጉት ምልልስና የግላዊ መረጃቸው ምስጢራዊነት ጥያቄ ውስጥ እየገባ እንደመጣ ተነግሯል።

📇 ግሮክ ላይ አንድ ሰው ኤአዩን ጥያቄ ከጠየቀና መልስ ካገኘ በኋላ ከኤአዩ ጋር ያደረገውን ምልልስ ለሚፈልገው ሰው ለማጋራት በሚል "ሼር" የሚለውን አማራጭ ሲነካ ያለ ተጠቃሚው ፈቃድ ሊንኩ አደባባይ ላይም እንዲውል ተደርጓል። ይህም ግላዊ የሆነው ከኤአዩ ጋር የተደረገው ምልልስ አደባባይ ላይ እንዲወጣና "ጉግል" ወይም "ቢንጅ" በተሰኙት የኢንተርኔት መፈለጊያ ዘዴዎች ሲፈለግ እንዲገኝ አድርጐታል።

🔍 በዚህ ምክንያት ወደ 370 ሺህ የሚሆኑ ምልልሶች ጉግል ላይ ተገኝተዋል። አደባባይ ላይ የተገኙት እነዚህ ምልልሶች ተራ ከሆኑ ‘እንዲህ አይነት ጽሁፍ ፃፍልኝ’ ከሚሉ ጥያቄዎች ጀምሮ 'በአንድ ቦታ ላይ የደረሰ ሃሳባዊ የሽብር ጥቃትን የተመለከተ ምስል ስራልኝ' እና ‘ክሪፕቶ ዋሌት ሃክ የማድረግ ሙከራን’ የተመለከቱ ጥያቄዎችን አካትተዋል።

🛡 ከዚህ በተጨማሪ ተጠቃሚዎች ለኤአዩ የገለጿቸው እንደ ስነልቦና፣ መድሃኒት፣ ስም፣ እና የሚስጥር ቁልፍ ያሉ የግል መረጃዎቻቸውም ጭምር አደባባይ ላይ ተሰጥተዋል። አንዳንድ ሰዎች ኤአዩ እንዲያይላቸው ያያዟቸው የምስል፣ የጽሁፍ፣ እና ሌሎች ሰነዶችም በዚሁ መንገድ አደባባይ ላይ ከወጡት መረጃዎች መካከል ናቸው።

💬 በዚህ መንገድ ከግሮክ ጋር ያደረጉት ምልልስ አደባባይ ከወጣባቸው ሰዎች መካከል አንድሪው ክሊፎርድ የተባለ እንግሊዛዊ ጋዜጠኛ አንዱ ነው። አንድሪው የጋዜጦችን የፊት ገጽ ጨምቆ ትዊት እንዲያዘጋጅለት ግሮክን ጠይቆት ነበር፣ ይህም አደባባይ ላይ ወጥቷል። ወደሚፈልገው ቦታ ለመላክ 'ሼር' የሚለውን አማራጭ ስለተጫነ ጽሁፉ ጉግል ላይ በአደባባይ ይወጣል ብሎ እንዳላሰበ አንድሪው ለፎርብስ ተናግሯል።

⚠️ አደባባይ ላይ ከተሰጡትና በጉግል ፍለጋ ከሚገኙት ግላዊ ምልልሶች ውስጥ ጎጂ ውጤት የሚኖራቸው ምልልሶችም ተገኝተዋል። ግሮክ እንደ ፌንቲኖል እና ሜታምፌታሚን ያሉ ህገወጥ መድሃኒቶች አሰራር፣ የኮምፒውተር ቫይረስ አሰራር፣ እና እንዲሁም የቦምብ አሰራርና ራስን የማጥፋት ዘዴዎችን ጭምር ጥያቄ ለጠየቁት ተጠቃሚዎች አስረድቷል፣ እንደ ፎርብስ ዘገባ። ግሮክ ኢሎን መስክን ለመግደል ዝርዝር እቅዶችንም ጭምር ለጠየቁት መልሷል፣ ይህም ጉግል ላይ ከተገኙት አደባባይ የተሰጡ ምልልሶች አንዱ ነው።

📱 ከሳምንታት በፊት ቻትጂፒቲ ላይ የተደረጉ ምልልሶች በተመሳሳይ መልኩ አደባባይ ላይ ተገኝተው ነበር። ይሁን እንጂ ራሳቸው ተጠቃሚዎች አደባባይ ላይ እንዲወጣ የሚፈቅደውን አማራጭ በራሳቸው ፍላጎት እያወቁ ተጭነው እንደሆነና ይህ አማራጭ ከአጭር ጊዜ ሙከራ በኋላ እንዲቀር መደረጉን ኦፕንኤአይ የተሰኘው ቻትጂፒቲን የሚያስተዳድረው ድርጅት ገልጿል።

Share The News!
Join Transit Radio ⬇️

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

📷 Photo

#TransitRadioNews
#EthiopianNews
#WorldNews

🇪🇹 በኢትዮጵያ የግጭት መባባስ አደጋ አለ — የአለም የሰላም ኢንዴክስ

በኢትዮጵያ የግጭት መባባስ አደጋዎች እንዳሉና በሚቀጥሉት አመታት አንድ ሶስተኛ የሚሆነው የሃገሪቱ ክፍል በግጭት ምክንያት የሚመጣ ሞት እንደሚያስተናግድ የ2025 አለም አቀፍ የሰላም ኢንዴክስ አሳስቧል። በጥናቱ ከተካተቱ 163 ሃገራት ውስጥ ኢትዮጵያ በሰላም 138ኛ ደረጃን ይዛለች።

🌍 አመታዊ የአለም የሰላም ሁኔታ፦ የ20 ትሪሊዮን ዶላር ውድመት

በኢኮኖሚክስ እና ሰላም ኢንስቲትዩት (ኢንስቲትዩት ፎር ኢኮኖሚክስ ኤንድ ፒስ) የሚዘጋጀው አመታዊው የአለም የሰላም ኢንዴክስ (ግሎባል ፒስ ኢንዴክስ) 23 መመዘኛዎች ያሉት ሲሆን እነዚህም የማህበረሰብ ደህንነት፣ ውስጣዊና ድንበር ዘለል ግጭት፣ እና የጦር ዝግጅት በሚሉ ሶስት መደቦች የተከፈሉ ናቸው።

የዚህ አመቱ የሰላም ኢንዴክስ ሪፖርት በአለም ላይ የሰላም ሁኔታ ለስድስተኛ አመት በተከታታይ ማሽቆልቆሉን ያሳያል። ሪፖርቱ ባተኮረበት 2024 በአለም ላይ ሃገረ-መንግስታት (ስቴትስ) የሚሳተፉባቸው 59 ግጭቶች የተመዘገቡ ሲሆን ይህም ከሁለተኛው የአለም ጦርነት በኋላ ከፍተኛው ቁጥር እንደሆነ ተገልጿል።

ግጭት እያስተናገዱ ካሉ ሃገራት ውስጥ 17ቱ ከአንድ ሺህ በላይ ሰዎች የሚሞቱባቸው ግጭቶች እያስተናገዱ እንደሆነ የተነገረ ሲሆን 78 ሃገራት ደግሞ ድንበር ዘለል በሆነ ግጭት ውስጥ እየተሳተፉ እንደሆነ ኢንዴክሱ ገልጿል።

በ2024 የተከሰቱ ግጭቶች በአለም ኢኮኖሚ ላይ ወደ 20 ትሪሊዮን ዶላር የሚጠጋ ኪሳራ ማድረሳቸውን ሪፖርቱ ይፋ አድርጓል። ይህም ከአለም አጠቃላይ ምርት ውስጥ 11.6 ከመቶ ሲሆን ኪሳራው በግለሰብ ሲሰላ ወደ 2,500 ዶላር ይጠጋል።

የአለም የሰላም ሁኔታ በቀጠናዎች ሲታይ የመካከለኛው ምስራቅና ሰሜን አፍሪካ ቀጠና በአለም ሰላም የራቀው ቀጠና ሲሆን ምዕራብና መካከለኛው አውሮፓ በአለም ላይ ሰላማዊው ቀጠና ነው ተብሏል። ደቡብ አሜሪካ የሰላም መሻሻል ያሳየ ብቸኛው ቀጠና ነው። በሌላ በኩል ምስራቅ አውሮፓና መካከለኛው እስያ በሩስያና ዩክሬን ግጭት ምክንያት የሰላም ሁኔታው ያሽቆለቆለ ቀጠና ነው።

ከሰሃራ በታች ያለው ቀጠና አሁንም ግጭት ከተንሰራፋባቸው ዋና የአለም ክፍሎች ውስጥ አንደኛው ነው። በሱዳን፣ በኮንጎ እና በኢትዮጵያ ያሉ ግጭቶች በቀጠናው ውስጥ ከሚጠቀሱት መካከል ዋነኞቹ ናቸው። በዚህ ቀጠና ያሉ ሃገራት በየአመቱ በሰላም የሃገራት የደረጃ ሰንጠረዥ ወደታች እየወረዱ እንደመጡ ተነግሯል።

🇪🇹🇪🇷 የኢትዮጵያ የሰላም ሁኔታና ከኤርትራ ጋር ያለው የግጭት አዝማሚያ

በ2024 በነበሩ ግጭቶች ስትመዘን ኢትዮጵያ በሰላም ከ163 ሃገራት 138ኛ ሆናለች። ከሰሃራ በታች ካሉ የአፍሪካ ሃገራት መካከል ደግሞ ኢትዮጵያ 36ኛ ደረጃ ላይ ተቀምጣለች። በሚመጣው አመት አንድ ሶስተኛ የሚሆነው የሃገሪቱ ክፍል በግጭት ምክንያት ሞት እንደሚያስተናግድም ኢንዴክሱ ጠቁሟል።

በ2022 በሃገሪቱ በግጭት ምክንያት 165,000 ሰዎች መገደላቸውን አውስቶ ይህም በዚያ አመት በአንድ ሃገር በግጭት ምክንያት የተከሰተ የአለም ከፍተኛው የሞት ቁጥር እንደነበር ሪፖርቱ አመልክቷል።

ከዚህ በተጨማሪ በኢትዮጵያና ኤርትራ መካከል ይነሳል ተብሎ በተፈራው ጦርነት ምክንያት ሃገራቱ ዋና የግጭት ማዕከል ይሆናሉ ሲል ሪፖርቱ አስቀምጧል። በትግራይ ባድሜ፣ ኢሮብ፣ ዛላምበሳ እና ሽራሮ የግጭት ቦታዎች ሊሆኑ ይችላሉ የተባለ ሲሆን አሁን ድረስ የኤርትራ ወታደሮች በእነዚህ አካባቢዎች እንዳሉ ይነገራል። በአፋር በኩልም ለአሰብ የሚቀርበው የድንበር ክልል ሌላኛው የግጭት ቦታ ይሆናል ሲል ሪፖርቱ ገልጿል።

በአውሮፓውያኑ የካቲት 2025 ኤርትራ ሃገር አቀፍ ወታደራዊ እንቅስቃሴ በማድረግ ወደ 200 ሺህ የሚሆኑ ወታደሮችን በትግራይና አፋር በኩል በኢትዮጵያ ድንበር አቅራቢያ አስፍራለች፣ አሰብ ላይም የሚሳኤል ሙከራ አድርጋለች መባሉ በሪፖርቱ ተጠቅሷል። ኢትዮጵያም በበኩሏ በመጋቢት 2025 ወታደሮች፣ ታንኮች እና ከባድ መሳሪያዎችን በኤርትራ ድንበር አቅራቢያ አስፍራለች መባሉ ተገልጿል።

ሁለቱም ሃገራት ከፍተኛ የውጭ ድጋፍ ያላቸው መሆኑ፣ ግጭቱ ይነሳባቸዋል ተብለው በተሰጉ ቦታዎች ከፍተኛ የብሔር ክፍፍል ያለ መሆኑ፣ ሃገራቱ (በተለይ ኤርትራ) ወታደሮችን አስገድዶ የማዝመት ፖሊሲ ያላቸው መሆኑ፣ እና በሁለቱም ሃገራት በኩል ግጭትን ለሃገር ውስጥ ተቀባይነት እንደመሳሪያ የመጠቀም አዝማሚያ መኖሩ ግጭት እንዲባባስ ሊያደርጉ ይችላሉ ተብለው የተጠቀሱ ዋና ዋና ምክንያቶች ናቸው።

Share The News!
Join Transit Radio ⬇️

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

📷 Photo

#TransitRadioNews
#AfricanNews
#EthiopianNews

🆕 የኢትዮጵያና ሶማሊያ ግንኙነትና የአንካራው ስምምነት እጣ ፈንታ

በቱርክ የኢትዮጵያ አምባሳደር አደም መሐመድ ኢትዮጵያ ከሶማሊያ ጋር ያደረገችው የአንካራ ስምምነት አሁንም ተፈፃሚ እንደሆነ እምነት እንዳላቸው ለአናዱሉ የዜና አገልግሎት መግለፃቸውን ዴሊ ሳባህ የተባለው የቱርክ ሚዲያ ዛሬ ዘግቧል። ቱርክ በሁለቱ ሃገራት መካከል ያለውን ግንኙነት ለመጠገን ያደረገችውን አስተዋፅኦ አምባሳደሩ ማወደሳቸውም ተነግሯል።

🇪🇹 🇹🇷 🇸🇴 ኢትዮጵያ በታህሳስ ወር 2016 ዓመተ ምህረት ከሶማሊላንድ ጋር ወደብ ለማግኘት እና ለሶማሊላንድ ሃገርነት እውቅና ለመስጠት የመግባቢያ ስምምነት ከፈፀመች በኋላ ከዋናዋ ሶማሊያ ጋር ያላት ግንኙነት መሻከር እንደጀመረ ይታወቃል። በአመቱ ታህሳስ 2 ቀን 2017 ዓመተ ምህረት የሁለቱም ሃገራት ወዳጅ የሆነችው ቱርክ ባደረገችው አደራዳሪነት ጠቅላይ ሚኒስትር አብይ አህመድና ፕሬዚዳንት ሐሰን ሼክ ሞሐሙድ በቱርክ ተገኝተው የአንካራ ስምምነትን መፈረማቸው ይታወሳል።

ስምምነቱም ኢትዮጵያ የባህር በር እንድታገኝ እና ሶማሊያ የግዛት አንድነቷ እንዲረጋገጥ ያስችላል የተባለ ሲሆን ከአንካራ በኋላ ለእነዚህ ግቦች ተፈፃሚነት የቴክኒክ ድርድሮች እንደሚካሄዱ ተገልጾ ነበር። የመጀመሪያው የቴክኒክ ድርድር በያዝነው አመት በየካቲት ወር በተካሄደበት ወቅት ሃገራቱ ለአንካራው ስምምነት መሳካት ቁርጠኛ መሆናቸው ተገልፆ ሁለተኛውን ዙር ቴክኒካዊ ድርድር በመጋቢት ወር ለማካሄድ ቀጠሮ ተይዞ ነበር።

🤞 አምባሳደር አደም መሐመድ የአንካራው ስምምነት አሁን ያለበትን ሁኔታ በተመለከተ ተጠይቀው ለመጋቢት 2017 ቀጠሮ ተይዞለት የነበረው ሁለተኛው ዙር ድርድር እስካሁን ባይካሄድም የሁለቱ ሃገራት ግንኙነት አዎንታዊ እንደሆነ ተናግረዋል። አምባሳደሩ ድርድሩ እንደሚቀጥል ተስፋ እንዳላቸውና በኢትዮጵያ በኩል የአንካራው ስምምነት አሁንም ተፈፃሚ ነው ተብሎ እንደሚታመን ገልፀዋል።

🗣️ ከስምምነቱ በኋላ በሁለቱ ሃገራት መሪዎች እንዲሁም በሚኒስትሮች መካከል ውይይቶች መካሄዳቸውን የጠቀሱት አምባሳደር አደም ኢትዮጵያ በቅርቡ በሞቃዲሾ አዲስ አምባሳደር መሾሟ በሁለቱ ሃገራት መካከል መሬት ላይ ያለው ግንኙነት ጤናማ ለመሆኑ ማሳያ እንደሆነ ተናግረዋል። ወደፊት የተሻለ ግንኙነት ስለመፈጠሩ ተጠይቀው "ከዚያ ውጪ አማራጭ የለንም" ብለዋል።

🔙 ዳራ — ከአንካራ ስምምነት በኋላ በኢትዮጵያና ሶማሊያ መካከል ምን ተካሄደ?

➡️ ታህሳስ 2017፦ ከሃገራቱ ግንኙነት መሻከር በኋላ ሶማሊያ የኢትዮጵያን ወታደሮች አውሶም ከተሰኘው የሰላም ማስከበር ተልዕኮ ለማስወጣት ወስና ነበር። የኢትዮጵያ መከላከያ ሚኒስትር አይሻ መሐመድ የአንካራው ስምምነት በተፈፀመ በሳምንታት ውስጥ ወደ ሶማሊያ አቅንተው ከሶማሊያ መከላከያ ሚኒስትር ጋር ውይይት ካደረጉ በኋላ በአንካራው ስምምነት ምክንያት ሶማሊያ መልሳ የኢትዮጵያን ወታደሮች ለመቀበል ማሰቧ ተነግሮ ነበር።

➡️ ጥር 2017፦ በጠቅላይ ሚኒስትር አብይ አህመድ ግብዣ መሰረት የሶማሊያው ፕሬዚዳንት ሐሰን ሼክ ሞሐሙድ የአንካራው ስምምነት በተፈረመ በአንድ ወር ውስጥ ጥር 3 ቀን 2017 ዓመተ ምህረት በአዲስ አበባ ይፋዊ የስራ ጉብኝት አድርገው ነበር። በወቅቱ ሁለቱ ሃገራት በጋራ ተማምኖና ተከባብሮ ለመስራት፣ በፀጥታና ደህንነት ላይ ለመተባበርና የአንካራውን ስምምነት በቁርጠኝነት ለመተግበር ተስማምተዋል።

➡️ የካቲት 2017፦ የአንካራው ስምምነት በታህሳስ ሲፈፀም ሁለቱ ሃገራት በየካቲት ወር የቴክኒክ ድርድር እንደሚጀምሩና በአራት ወራት ውስጥ እንደሚጠናቀቅ ተገልጾ ነበር። በዚህ መሰረት የካቲት 11 ቀን 2017 ዓመተ ምህረት የሁለቱ ሃገራት ልኡካን ቡድኖች በአንካራ ተገኝተው የመጀመሪያውን ዙር የቴክኒክ ድርድር አድርገዋል። ድርድሩ ለአንካራው ስምምነት መፈፀም የሃገራቱ ቁርጠኝነት ታይቶበታል ከመባሉ ውጪ የተነገረ የለም። ሁለተኛ ዙር ድርድር ለመጋቢት ወር ተቀጥሮ ነበር።

➡️ የካቲት 2017፦ በዚያው የካቲት ወር ጠቅላይ ሚኒስትር አብይ አህመድ ወደ ሞቃዲሾ ተጉዘው በሶማሊያ ይፋዊ የስራ ጉብኝት አድርገዋል፣ ይህም የአንካራውን ስምምነት ለመተግበር የሚደረግ ጥረት አካል ነው ተብሎ ነበር። ከጠቅላይ ሚኒስትሩ ጉዞ ጥቂት ቀናት ቀደም ብሎ ደግሞ ጠቅላይ ኢታማዦር ሹሙ ፊልድ ማርሻል ብርሃኑ ጁላና የደህንነት አገልግሎት ዋና ዳይሬክተር አምባሳደር ሬድዋን ሁሴን በሶማሊያ ተገኝተው በሰላም ማስከበር ውስጥ ያለውን የኢትዮጵያ ወታደር ሁኔታ የተመለከተ ስምምነት ማድረጋቸው ተዘግቧል።

➡️ ሐምሌ 2017፦ ከመጀመሪያው ዙር የቴክኒክ ድርድር በኋላ ለመጋቢት ቀጠሮ ተይዞለት የነበረው ሁለተኛው ዙር የቴክኒክ ድርድር እስካሁን አልተካሄደም። በዚህ መሃል በሐምሌ ወር መጨረሻ ኢትዮጵያ አምባሳደር ሱሌማን ደደፎን በሶማሊያ አምባሳደሯ አድርጋ ሾማለች፤ ይህም ሶማሊያ የኢትዮጵያን አምባሳደር ከሃገሯ ካስወጣች ከአመት በኋላ የተደረገ ነው። ሶማሊያ በበኩሏ በኢትዮጵያ አምባሳደር መልሳ ልትሾም ስለመሆኑ አልተነገረም።

➡️ ነሐሴ 2017፦ የሶማሊያ መንግስት ወታደሮች የጁባላንድ ታጣቂዎችን አሸንፈው የኢትዮጵያ ሰራዊት የሰፈረባትን በሶማሊያ ጌዶ ክልል የምትገኘውን በለድ ሃዋ ከተማን በሐምሌ መጨረሻ አካባቢ ተቆጣጥረዋል። የኢትዮጵያ ሰራዊትም ከሶማሊያ ጎሳዎች ጋር በመነጋገር የሶማሊያ መንግስት ወታደሮች በለድ ሃዋ ከተማን በሶስት ቀን ውስጥ ለቀው እንዲወጡ አዘው እንደነበር ቢቢሲ ዘግቧል። የሶማሊያ መንግስት አካል የሆኑት የጌዶ ክልል አስተዳዳሪ የሶማሊያ ወታደሮች በለድ ሃዋን አይለቁም ማለታቸውም ተነግሯል። ይህ ክስተት ኢትዮጵያ አምባሳደር መሾሟ አሳይቷል የተባለው የግንኙነት መሻሻል እንዳይቀለበስ ስጋት ይፈጥራል።

📌 ይህ በእንዲህ እንዳለ ነው አምባሳደር አደም የአንካራ ስምምነት አሁንም ተፈፃሚ እንደሆነ እና ድርድሩ እንደሚቀጥል የተናገሩት።

Share The News!
Join Transit Radio ⬇️

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

📷 Photo

#TransitRadioNews
#WorldNews
#TransitMigration

🗽 የትራምፕ አስተዳደር የአሜሪካ ቪዛ ያላቸውን 55 ሚሊዮን ሰዎች እየመረመረ መሆኑን ገለፀ

🪪 የትራምፕ አስተዳደር በአሜሪካ የሚገኙትን ጨምሮ ህጋዊ የሃገሪቱ ቪዛ ያላቸውን 55 ሚሊዮን ሰዎች መዝገብ እና የማህበራዊ ሚዲያ አካውንታቸውን እየመረመረ እንደሆነ ገልጿል። በምርመራው የኢሚግሬሽን ህጎችን ጥሰው የተገኙት ላይ ቪዛ ከመሰረዝ እስከ ማባረር የሚደርስ እርምጃ እንደሚወስድም በስቴት ዲፓርትመንት በኩል የተሰጠው የመንግስት መግለጫ አስታውቋል።

👮‍♀️ ባለፈው አመት በአሜሪካ ያሉ ግሪን ካርድ ያላቸው ሰዎች ቁጥር 12.8 ሚሊዮን፣ ጊዜያዊ ቪዛ ያላቸው ሰዎች ደግሞ 3.6 ሚሊዮን የነበረ ሲሆን 55 ሚሊዮን የተባለው በተለያየ ጊዜ መውጣት መግባት የሚችሉበት (መልቲፕል ኢንትሪ) ቪዛ ያላቸው ነገር ግን አሁን አሜሪካ ውስጥ ያልሆኑ ሰዎችንም ጨምሮ ነው ተብሏል። ዶናልድ ትራምፕ ወደ ስልጣን ከመጡ በኋላ ህጋዊ በሆኑም ሆነ ገና ህጋዊ ፍቃድ ባላገኙ ስደተኞች ላይ የተለያዩ እርምጃዎችን ሲወስዱ እንደቆዩ ይታወቃል።

🗣️ "ስቴት ዲፓርትመንቱ [የኢሚግሬሽን] መስፈርቶችን የጣሱ ሰዎች እንዳሉ ፍንጭ ሲያገኝ በማንኛውም ጊዜ ቪዛውን መልሶ ይከለክላል፤ ጥሰቶቹም በቪዛው ከተፈቀደው ጊዜ በላይ መቆየት፣ የወንጀል ድርጊቶች ውስጥ መሳተፍ፣ የህዝብ ደህንነትን አደጋ ላይ መጣል፣ በማንኛውም የሽብር ድርጊት ላይ መሳተፍ፣ ወይም ለሽብርተኛ ድርጅቶች ድጋፍ ማድረግን" እንደሚጨምሩ የስቴት ዲፓርትመንት ቃል አቀባይ ተናግረዋል።

📱 📱 📱 📱 በሃገሪቱ የመቆየትም ሆነ የዜግነት ጥያቄዎችን የሚመለከተው የአሜሪካ የዜግነትና ኢሚግሬሽን አገልግሎት መስሪያቤት (USCIS) በአመልካቾች ላይ የሚያደርገው ምርመራ ማህበራዊ ሚዲያ አካውንታቸውንም ጭምር እንደሚያካትት የገለፀ ሲሆን ምርመራው አመልካቾች ፀረ-አሜሪካ የሆነ እንቅስቃሴ ማድረግ አለማድረጋቸውን እንደሚያጣራ ድርጅቱ መናገሩን ዘ ጋርዲያን ዘግቧል።

👮‍♀️ ምንም እንኳን ምርመራው ህገወጥ በሆኑ ስደተኞች ላይ ያተኩራል ቢባልም በየቀኑ በሺዎች የሚቆጠሩ ሰዎች እየታሰሩ እንደሆነና በ2025 ብቻ 400 ሺህ የሚሆኑ ሰዎችን ለማባረር (ዲፖርት ለማድረግ) የአሜሪካ መንግስት እየሰራ እንዳለ ተዘግቧል። ድንገተኛ በሆነ ክትትል በሬስቶራንቶች፣ በግንባታ ቦታዎች፣ በእርሻ ቦታ እንዲሁም በቀጠሯቸው መሰረት በፍርድ ቤት የተገኙ ስደተኞችን እያሰሩ መሆኑን አልጄዚራ ዘግቧል።

Share The News!
Join Transit Radio ⬇️

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

📷 Photo

#TransitRadioNews
#EthiopianNews
#TransitHumanRights

🔒 የሲቪል ማኅበረሰብ ድርጅቶች ህግ ማሻሻያ ረቂቅ የሲቪክ ምህዳሩን ጨርሶ ይዘጋል ሲል አምነስቲ አሳሰበ

https://www.amnesty.org/en/documents/afr25/0185/2025/en/ በቅርቡ የወጣው የሲቪል ማኅበረሰብ ድርጅቶች አዋጅ ማሻሻያ ረቂቅ የሃገሪቱን ሲቪክ ምህዳር ጨርሶ ስለሚዘጋ እና ከአመታት በፊት የተደረጉትን የህግ ለውጦች ስለሚከልስ ውድቅ እንዲደረግ አሳሰበ።

📌 መቀመጫውን ለንደን ያደረገው የመብት ተሟጋች ድርጅቱ የወጣውን ማሻሻያ ረቂቅ እንደተመለከተ ገልጾ፣ የኢትዮጵያ ፍትሕ ሚንስቴር የህግ ማርቀቁን ሂደት ብዙሃኑን የሲቪል ማህበረሰብ ድርጅቶች ባገለለ መልኩ እና ትርጉም ያለው ህዝባዊ ውይይት ሳይደረግ በሚስጥራዊነት ነው የከወነው ሲል በመግለጫው ተችቷል።

👍 ጠቅላይ ሚንስትር አብይ አህመድ ወደ ስልጣን በመጡ ጊዜ አፋኝ ህጎችን እንደሚቀይሩ እና የሲቪክ ምህዳሩን እንደሚያሰፉ ቃል ገብተው እንደነበር የሚያወሳው የአምነስቲ መግለጫ ጠቅላይ ሚንስትሩ በተሾሙ በአመቱ የወጣው የሲቪል ማህበረሰብ ድርጅቶች አዋጅ ድርጅቶቹ ራሳቸውን በራሳቸው እንዲያስተዳድሩ አመቺ አንቀጾችን መያዙ አዎንታዊ እርምጃ እንደነበር ይገልፃል።

👎 ነገር ግን አሁን የወጣው የህግ ማሻሻያ ረቂቅ ከዚህ በፊት የተደረጉትን አዎንታዊ ለውጦች ወደ ኋላ ይመልሳል ሲል አምነስቲ ወቅሷል። በረቂቅ ማሻሻያው መሰረት የሲቪል ማኅበረሰብ ድርጅቶች ቦርድ ከ11 አባላት ወደ 7 አባላት ዝቅ እንዲል ከዚህ ውስጥም 5 አባላት በመንግስት እንዲሾሙ እና ሁለቱ ብቻ ከሲቪል ማኅበረሰቡ እንዲሆን ተደርጓል። ይህም አካል ጉዳተኞች፣ ሴቶች፣ እና ወጣቶች በሲቪል ማኅበረሰብ ድርጅት ውስጥ የሚኖራቸውን ውክልና ያሳጣል፣ እንደ አምነስቲ መግለጫ።

👛 የሲቪል ማኅበረሰብ ድርጅቶችን የገቢ ምንጭ እና አስተዳደር የተመለከቱ ድንጋጌዎችን በተመለከተ ረቂቅ ህጉ ፖለቲካዊ ውትወታ፣ ምርጫ መታዘብ እና የመራጮች ትምህርት ላይ የሚሳተፉ ድርጅቶች የውጭ የገንዘብ ድጋፍ እንዳያገኙ ይከለክላል። ይህ ድንጋጌ ግልፅ ያልሆነና በምርጫ ወቅት የተቃውሞ ድምጾችን ለማፈን በዘፈቀደ መንገድ ጥቅም ላይ ሊውል የሚችል ነው ሲል አምነስቲ ስጋቱን ገልጿል።

🍌 ከዚህ በተጨማሪ ረቂቅ ህጉ አዲስ የሚመዘገቡ የሲቪል ማኅበረሰብ ድርጅቶች ምዝገባ የሚከለከሉበት፣ ነባር ድርጅቶች ደግሞ የሚታገዱበት አግባብ ያልሆነ ድንጋጌ እንደያዘ አምነስቲ ገልጿል። አንድ የሲቪል ማኅበር ድርጅት "ለብሔራዊ ደህንነት ስጋት" ነው ተብሎ ከታሰበ ምዝገባ እንደሚከለከል ረቂቁ የሚደነግግ ሲሆን በዚሁ መሰረት ነባር ድርጅቶችን ለማገድም ይፈቅዳል።

⚖️ እንዲህ አይነት ውሳኔዎችን ደግሞ ሙሉ ለሙሉ ለመንግስታዊው የሲቪል ማኅበረሰብ ድርጅቶች ኤጀንሲ ይተዋል፤ ይህም ኤጀንሲው ያለ በቂ መረጃ በጥርጣሬ ብቻ እርምጃ እንዲወስድ ያደርጋል ይላል አምነስቲ። ከዚህ በተጨማሪ የሲቪል ማኅበረሰብ ድርጅቶች እንዲህ አይነቶቹን ውሳኔዎች ይግባኝ ማለት እንዳይችሉ በረቂቁ መደንገጉ ለመንግስት ያልተገደበ ስልጣን የሚሰጥ እንደሆነ አምነስቲ ተናግሯል። አፋኝ ድንጋጌዎችን ይዟል የተባለው ይህ ረቂቅ አዋጅ "በኢትዮጵያ በከፍተኛ ሁኔታ እየጨመሩ የመጡ የመንግስታዊ ቁጥጥር [አምባገነንነት] እርምጃዎች" አካል ነው ሲል አምነስቲ ገልጿል።

❌ ረቂቅ ህጉ ውድቅ እንዲደረግ፣ በጋዜጠኞች፣ አክቲቪስቶች፣ እና የሰብዓዊ መብት ተሟጋቾች ላይ የሚደርሰው አፈና እንዲቆም፣ እንዲሁም አዲስ ህጎች ግልጽ እና አሳታፊ በሆነ መንገድ እንዲወጡ አምነስቲ ጥሪ አቅርቧል። የኢትዮጵያ የልማት አጋሮችም በመንግስት ላይ ጫና እንዲያሳድሩ፣ አለም አቀፍ ምርመራዎች እንዲደረጉ እና በአደጋ ውስጥ ሆነው ለሚሰሩ የሲቪል ማህበረሰብ ድርጅቶች ቀጥተኛ ድጋፍ እንዲያደርጉ አምነስቲ ጠይቋል።

◀️ ከሳምንታት በፊት አለም አቀፍ የሰብዓዊ መብቶች ፌዴሬሽን እና የአለም የቶርቸር ተቃውሞ ድርጅት https://www.fidh.org/en/region/Africa/ethiopia/ethiopia-new-draft-law-threatens-to-dismantle-civil-society የኢትዮጵያ የሲቪል ማህበረሰብ ድርጅቶች ባለስልጣን ያረቀቀው አዲስ አዋጅ ሲቪል ማህበረሰቡን ያፈርሳል ሲሉ ማሳሰባቸውን ዘግበን ነበር። [ዘገባውን ለማግኘት ይጫኑ]

◀️ የሲቪል ማህበረሰብ ድርጅቶች አዋጅ ቁጥር 1113/2011ን ለማሻሻል የወጣው አዲስ ረቂቅ አዋጅ ያስፈለገው በ2011 የጸደቀው አዋጅ አተገባበር ላይ https://justice.gov.et/am/news/discussion-held-with-stakeholders-on-the-draft-amendment-of-civil-society-organizations-proclamation-no-1113-2011/ መሆኑን የፍትህ ሚኒስቴር ሚንስትር ዴኤታ አቶ በላይሁን ይርጋ ተናግረው እንደነበርም ዘግበን ነበር፡፡

Share The News!
Join Transit Radio ⬇️

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

ከቀናት በፊት በተለያየ ጊዜ ማንነታቸው በውል ባልታወቀ አካላት የተወሰዱት ጋዜጠኞች አብዱልሰመድ መሀመድ እና የሪፖርተር ባልደረባ ዮናስ አማረ እስካሁን የት እንዳሉ እንዳልታወቀ ባልደረቦቻቸውን ጠቅሶ ቢቢሲ ዘግቧል።

አብዱልሰመድ የተወሰደው ሰኞ እለት ሲሆን በዕለቱ ከመንጃ ፈቃድ ፈተና ተመልሶ ቢሮው የሚገኝበት 22 አካባቢ ታይቶ ነበር ተብሏል። ከዚያም ሐሙስ እለት ምሽት 22 የሚገኘው ቢሮውን ለማስበርበር በፖሊስ ታጅቦ ሄዶ እንደነበር ጥበቃዎች ገልፀዋል። የአብዱልሰመድ ባለቤት በመጀመሪያው ቀን ፖሊስ ጣቢያ ስትጠይቅ አለ ብትባልም በማግስቱ ስትሄድ ደግሞ 'የለም እኛም እየፈለግነው' ተብላ እንደነበር ተገልጿል። በፖሊስ ተወስዷል ከሚለው ፍንጭ ውጪ አሁን የት እንዳለ አይታወቅም ተብሏል።

ዮናስ አማረ የተወሰደው ረቡዕ ዕለት ሲሆን በሚኖርበት ኮዬ ፈጬ ኮንዶሚኒየም ያሉ ነዋሪዎች ጭንብል የለበሱና የወታደር ዩኒፎርም የሚመስል የለበሱ ሰዎች ሲወስዱት ማየታቸውን ተናግረዋል። በወቅቱ ጋዜጠኛውን የወሰዱት አካላት የኮንዶሚኒየሙን ነዋሪዎች ስልኮች ሰብስበው እንዳይቀርጹ እና ምንም እንዳይናገሩ አስፈራርተዋቸው እንደሄዱ ነዋሪዎቹ ገልጸዋል። የአዲስ አበባ ፖሊስ ዮናስን በቁጥጥሩ ስር አድርጎ ስለመሆኑ ተጠይቆ 'እኛ ጋር እንደዚህ የሚባል ሰው የለም' የሚል ምላሽ ሰጥቷል ተብሏል። ነገ ሰኞ ስለሆነ ፍርድ ቤት ይቀርባል ብሎ እንደሚጠብቅ ባልደረባው ተናግሯል።

3,190

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

#TransitNewsSummary
#EthiopianNews
#WorldNews

🆕 ሁለት የሃገር ውስጥ እና አንድ የውጪ ዜናዎች ጨመቅ

https://www.bbc.com/amharic/articles/cm2vxm8w1kvo

ከቀናት በፊት በተለያየ ጊዜ ማንነታቸው በውል ባልታወቀ አካላት የተወሰዱት ጋዜጠኞች አብዱልሰመድ መሀመድ እና የሪፖርተር ባልደረባ ዮናስ አማረ እስካሁን የት እንዳሉ እንዳልታወቀ ባልደረቦቻቸውን ጠቅሶ ቢቢሲ ዘግቧል።

አብዱልሰመድ የተወሰደው ሰኞ እለት ሲሆን በዕለቱ ከመንጃ ፈቃድ ፈተና ተመልሶ ቢሮው የሚገኝበት 22 አካባቢ ታይቶ ነበር ተብሏል። ከዚያም ሐሙስ እለት ምሽት 22 የሚገኘው ቢሮውን ለማስበርበር በፖሊስ ታጅቦ ሄዶ እንደነበር ጥበቃዎች ገልፀዋል። የአብዱልሰመድ ባለቤት በመጀመሪያው ቀን ፖሊስ ጣቢያ ስትጠይቅ አለ ብትባልም በማግስቱ ስትሄድ ደግሞ 'የለም እኛም እየፈለግነው' ተብላ እንደነበር ተገልጿል። በፖሊስ ተወስዷል ከሚለው ፍንጭ ውጪ አሁን የት እንዳለ አይታወቅም ተብሏል።

ዮናስ አማረ የተወሰደው ረቡዕ ዕለት ሲሆን በሚኖርበት ኮዬ ፈጬ ኮንዶሚኒየም ያሉ ነዋሪዎች ጭንብል የለበሱና የወታደር ዩኒፎርም የሚመስል የለበሱ ሰዎች ሲወስዱት ማየታቸውን ተናግረዋል። በወቅቱ ጋዜጠኛውን የወሰዱት አካላት የኮንዶሚኒየሙን ነዋሪዎች ስልኮች ሰብስበው እንዳይቀርጹ እና ምንም እንዳይናገሩ አስፈራርተዋቸው እንደሄዱ ነዋሪዎቹ ገልጸዋል። የአዲስ አበባ ፖሊስ ዮናስን በቁጥጥሩ ስር አድርጎ ስለመሆኑ ተጠይቆ 'እኛ ጋር እንደዚህ የሚባል ሰው የለም' የሚል ምላሽ ሰጥቷል ተብሏል። ነገ ሰኞ ስለሆነ ፍርድ ቤት ይቀርባል ብሎ እንደሚጠብቅ ባልደረባው ተናግሯል።

ድንበር የለሽ የጋዜጠኞች ቡድን በግንቦት ወር ይፋ ባደረገው የፕሬስ ነፃነት ሁኔታ ኢትዮጵያ ከባለፈው አመት አራት ደረጃዎችን ዝቅ ብላ 145ኛ ላይ መቀመጧን ገልጾ እንደነበር ይታወሳል። ሌላኛው የጋዜጠኞች መብት ተሟጋች ድርጅት ሲፒጄ በተመሳሳይ ጊዜ ኢትዮጵያ በአፍሪካ ጋዜጠኞችን በማሰር የከፉ ካላቸው ሃገራት ዋናዋ እንደነበረች ጠቅሶ ነበር። በወቅቱ 12 ጋዜጠኞች በእስር ላይ እንደነበሩ ተነግሯል። ሰሞኑን የወጣው የኢትዮጵያን የሰብዓዊ መብት ሁኔታ የሚገመግመው የአሜሪካ መንግስት ሪፖርትም በኢትዮጵያ ሃሳብን በመግለጽ ነፃነት ላይ የተጣሉ ገደቦች እና በጋዜጠኞች ላይ የተቃጡ ጥቃቶችና እስሮች አሳሳቢ እንደሆኑ መግለፁ ይታወሳል።

https://ethiopianreporter.com/144545/

የገንዘብ ሚኒስቴር በኢትዮጵያ የሚሰበሰበው የተጨማሪ እሴት ታክስ አሁን ካለበት 15 ከመቶ ወደ 17.5 ከመቶ ከፍ እንዲል ምክረ ሐሳብ ማቅረቡን ሪፖርተር ዘግቧል። በሃገሪቱ የሚሰበሰበው ግብር ከአጠቃላይ አመታዊ የሃገር ምርት (ጂዲፒ) አንፃር ያለውን ምጥጥን በሚመለከት የባለሙያዎች ቡድን ግምገማ አድርጎ አርብ ዕለት ሪፖርቱን ይፋ አድርጓል።

አሁን እየተሰበሰበ ያለው የ15 ከመቶ እሴት ታክስ እንደ ኬንያ (16 ከመቶ)፣ ሩዋንዳ (18 ከመቶ) እና ኡጋንዳ (18 ከመቶ) ካሉት ሃገራት ጋር ሲነፃፀር ያነሰ መሆኑ የተነገረ ሲሆን ከሰሃራ በታች ያሉ ሃገራት አማካይ የእሴት ታክስ 17.5 ከመቶ ነው ተብሏል። የቀረበው ምክረ ሐሳብም የኢትዮጵያን እሴት ታክስ ወደዚህ አማካይ ከፍ ለማድረግ እንደሆነ ተገልጿል። የኢትዮጵያ የግብር ምጣኔ ከሃገሪቱ አጠቃላይ አመታዊ ምርት (ጂዲፒ) ጋር ሲነፃፀር ከሁለት አመት በፊት 12.4 ከመቶ የነበረ ሲሆን አሁን አሽቆልቁሎ 7.5 ከመቶ ደርሷል፣ ይህም በአለም እጅግ አነስተኛው መሆኑ ተዘግቧል።

https://www.reuters.com/world/europe/trump-tells-zelenskiy-that-putin-wants-more-ukraine-urges-kyiv-make-deal-2025-08-16/

ፕሬዚዳንት ትራምፕ እና ፑቲን በአላስካ ተገናኝተው ከመከሩ በኋላ ቅዳሜ ዕለት "ሩስያ ታላቅ ኃይል ነች፣ [ዩክሬን] ግን አይደለችም" ስለዚህ ጦርነቱን ለማስቆም ዩክሬን ስምምነት ማድረግ አለባት ሲሉ ትራምፕ መናገራቸውን ሮይተርስ ዘግቧል። ዩክሬን የኢንዱስትሪ ክልል የሆነውን ዶኔስክን ሙሉ ለሙሉ ለሩስያ ለመተው ከተስማማች ጦርነቱን ወደማቆም እንደሚሄዱ ፑቲን ለትራምፕ የተናገሩ ሲሆን ይህንኑ ትራምፕ ለዩክሬኑ ፕሬዚዳንት ዘለንስኪ ገልፀዋል። ዘለንስኪ በበኩላቸው ጥያቄውን ውድቅ አድርገውታል፤ ሩስያ ተኩስ ለማቆም አለመፈለጓ ዘላቂ ሰላም ለማምጣት የሚደረገውን ጥረት ያደናቅፋልም ብለዋል።

አርብ ዕለት ትራምፕ እና ፑቲን ባደረጉት ውይይት የመጨረሻ ስምምነት ላይ ባይደርሱም በብዙ ጉዳዮች ላይ ግን መግባባት እንደቻሉ ተዘግቦ ነበር። ሩስያ ባላት የመሬት ይገባኛል ጥያቄዎች እና የዩክሬን የኔቶ አባልነት ላይ ባላት አቋም ከትራምፕ ጋር መግባባት ላይ መደረሱ ተገልጿል። ዩክሬን በበኩሏ ወደፊት ከሩስያ ጥቃት እንደማይደርስባት የደህንነት ማስተማመኛ ትፈልጋለች፣ በዚህም ላይ ፑቲን እና ትራምፕ ተግባብተዋል ተብሏል። ዘለንስኪ የሃገራቸውን መሬት ያለ ህገመንግስት ማሻሻያ አሳልፈው መስጠት እንደማይችሉ በተደጋጋሚ የገለፁ ሲሆን ሩስያ ዳግም ወረራ እንዳትፈፅም ሁነኛ የደህንነት ማስተማመኛ ይፈልጋሉ። አሜሪካ በዚህ ውስጥ የሚኖራትን ሚና ዩክሬን በአዎንታ እንደምትቀበለው ተገልጿል። ዘለንስኪ ሰኞ ዕለት በአሜሪካ ከትራምፕ ጋር ይገናኛሉ ተብሏል።

Share The News!
Join Transit Radio ⬇️

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

📷 Photo

#TransitRadioNews
#AfricanNews
#TransitAfrica

🌍 የአለም ካርታ የአፍሪካን ትክክለኛ መጠን እንዲያሳይ የአፍሪካ ህብረት ጠየቀ

#️⃣ በአለም ካርታ ላይ የአፍሪካ መጠን ከእውነተኛው የአህጉሩ መጠን ያነሰ ስለሆነ ይስተካከል የሚል ዘመቻ እያደገ መጥቷል፣ የአፍሪካ ህብረትም ይህን ዘመቻ በመደገፍ በ16ኛው ክፍለ ዘመን የተሰራው የአሁኑ የአለም ካርታ ተቀይሮ እውነተኛውን የአፍሪካ መጠን በሚያሳይ ካርታ እንዲተካ ጥሪ አቅርቧል ሲል ሮይተርስ ዘግቧል።

🌍 ጄራርደስ መርኬተር በተባለ ካርታ ሰሪ ለጉዞ (ናቪጌሽን) ተብሎ የተሰራው እና እስከ አሁን በጥቅም ላይ እየዋለ ያለው የአለም ካርታ የአህጉራትን ትክክለኛ መጠን እንዳዛባ ይነገራል — በምድር ዋልታ አካባቢ ያሉ እንደ ሰሜን አሜሪካ እና ግሪንላንድ ያሉ ቦታዎች ከትክክለኛ መጠናቸው በላይ ገዝፈው የሚታዩ ሲሆን አፍሪካ እና ደቡብ አሜሪካ ደግሞ ከእውነተኛው መጠናቸው አንሰው ይታያሉ።

❓ የአፍሪካ ህብረት ኮሚሽን ምክትል ሊቀመንበር የሆኑት ሰልማ ማሊካ ሃዳዲ አፍሪካ ከአለም ሁለተኛው ትልቁ አህጉር እና አንድ ቢሊዮን ሰዎች የሚኖሩበት ቢሆንም መርኬተር የተባለው የካርታው ሰሪ አፍሪካ "አናሳ" ነው የሚል የተሳሳተ ምስል እንዲኖር አድርጓል ሲሉ ለሮይተርስ ተናግረዋል። እንዲህ አይነቱ የተሳሳተ ግንዛቤ መገናኛ ብዙሃን፣ ትምህርት እና ፖሊሲዎች ላይ ተጽእኖ እንዳለው ሃዳዲ ተናግረዋል።

💬 ምንም እንኳን በመርኬተር ካርታ ላይ ቅሬታዎች ሲነሱ አዲስ ባይሆንም "ኮሬክት ዘ ማፕ" (ካርታው ይስተካከል) የተሰኘ ዘመቻ 'አፍሪካ ኖ ፊልተር' እና 'ስፒክ አፕ አፍሪካ' በተባሉ ድርጅቶች መካሄድ ከጀመረ በኋላ ጉዳዩ እንደ አዲስ ተነስቷል። ዘመቻው በ2018 የተሰራ የ'እኩል መሬት' (ኢኳል ኧርዝ) የተሰኘ ትክክለኛውን የአህጉሮች መጠን የሚያሳይ ካርታ ጥቅም ላይ እንዲውል፣ በተለይ ድርጅቶች መጠቀም እንዲጀምሩ ይወተውታል።

🪙 የ'አፍሪካ ኖ ፊልተር' ድርጅት ዋና ዳይሬክተር የሆኑት ሞኪ ማኩራ "የአፍሪካ ካርታ መጠን [በአሁኑ ካርታ ላይ] የተሳሳተ ነው። ይህ በአለም ላይ ለረጅም ጊዜ የቆየ የተዛባ እና ሃሰተኛ ዘመቻ ነው፣ መቆም አለበት" ብለዋል። የ'ስፒክ አፕ አፍሪካ' ተባባሪ መስራች የሆኑት ፋራ እንዲያዬ በበኩላቸው ይህ የተሳሳተ ካርታ "የአፍሪካውያንን ማንነት እና ኩራት ጎድቷል" ብለዋል።

🗺 የመርኬተር የካርታ ስራ አሁንም በትምህርት ቤቶች እና እንደ ጉግል ባሉ የቴክኖሎጂ ድርጅቶች በስፋት ጥቅም ላይ እየዋለ እንደሆነ ሮይተርስ ገልጿል። 'ስፒክ አፕ አፍሪካ' ትክክለኛውን የአፍሪካ መጠን የሚያሳየው ካርታ በስርዓተ ትምህርት ውስጥ ተካቶ እንዲሰጥ እና አለም አቀፍ ድርጅቶችም ሆኑ መሰረታቸውን በአፍሪካ ያደረጉ ድርጅቶች ጥቅም ላይ እንዲያውሉት እየሰራ መሆኑን መስራቹ ተናግረዋል።

🇺🇳 "ኮሬክት ዘ ማፕ" የተሰኘው ዘመቻ አለም ባንክ እና ተመድ ትክክለኛውን ካርታ እንዲጠቀሙ ጠይቋል። ለተመድ ጂኦስፓሽያል ድርጅትም ጥያቄ የቀረበ ሲሆን በባለሙያዎች ኮሚቴ ታይቶ እንደሚፀድቅ አንድ የተመድ ቃል አቀባይ መናገራቸው ተዘግቧል። አንድ የአለም ባንክ ቃል አቀባይም የመርኬተር ካርታን መጠቀም እያቆሙ እንደሆነ እና 'እኩል መሬት' የተባለውን ትክክለኛ ካርታ መተግበር እንደጀመሩ ተናግረዋል።

📝 የአፍሪካ ህብረት ይህንን የካርታው ይቀየር ዘመቻ እንደሚደግፍ የኮሚሽኑ ምክትል ሊቀመንበር የተናገሩ ሲሆን ይህ አይነቱ ዘመቻ ህብረቱ ከሚያደርገው በአለም ላይ አፍሪካ የሚገባትን ትክክለኛ ቦታ እንድታገኝ የማድረግ ዘመቻ ጋር አብሮ ይሄዳል ብለዋል።

[የምስሉ ምንጭ https://correctthemap.org/ ነው።]

Share The News!
Join Transit Radio ⬇️

ትራንዚት ሬዲዮ Transit Radio 🎙

۳۱ اردیبهشت ۱۴۰۵، ۱۷:۴۳

📷 Photo

#TransitRadioNews
#EthiopianNews
#TransitTech

▶️ ዩቲዩብ መንግስትን የሚተቹ በርካታ የኢትዮጵያ ሚዲያ ቻናሎችን ያለአግባብ ዘግቷል ተብሎ ቅሬታ ቀረበበት

🤐 ዩቲዩብ ላይ በርካታ በውጭ እና በሃገር ውስጥ ያሉ ጋዜጠኞች የሚሰሩባቸው የሚዲያ ቻናሎች እንዳሉ ይታወቃል፤ ከእነዚህ ውስጥ በተለይ መንግስትን የሚተቹ እና መቀመጫቸውን በውጭ ያደረጉ የነፃ ሚዲያ ቻናሎች ምክንያቱ ሳይገለፅ ያለአግባብ መዘጋታቸውን https://thehill.com/opinion/international/5447549-ethiopia-press-freedom-repressive/?fbclid=IwY2xjawMJkK1leHRuA2FlbQIxMQABHhx1a7c5oJnywEpcSSWK4fpecIEDn8PjigN4TSaXHGe8NGUIpH-Fyx7fXn3O_aem_ytuN7auXl_U9FuFAVlVb3A ገለፀ።

❌ የአስተያየት መጣጥፉን የፃፉት ‘የአሜሪካ ኢትዮጵያ የህዝብ ጉዳዮች ኮሚቴ’ (አሜሪካን ኢትዮጵያን ፐብሊክ አፌይርስ ኮሚቴ) የተሰኘው ድርጅት ሊቀመንበር የሆኑት መስፍን ተገኑ ሲሆኑ "ዩቲዩብ በነፃ ጋዜጠኞች ላይ እያደረገ ያለው እገዳ በኢትዮጵያ አምባገነንነት እንዲሰፍን እና የመረጃ ክፍተት እንዲፈጠር አድርጓል፣ ዩቲዩብ በዚህ ውስጥ እውነት እንዲታፈን ተባባሪ እየሆነ ነው" ብለዋል።

📱 የኢትዮጵያ ሳተላይት ኔትወርክ ቲቪ (ኢሳን)፣ ኢትዮ 360፣ እና ኢትዮ 251ን ጨምሮ ከመቶ ሺዎች እስከ ሚሊዮኖች ድረስ ሰብስክራይብ ያደረጓቸው የዩቲዩብ ቻናሎች ያለ ምንም ማብራሪያ "የማህበረሰብ መመሪያ ጥሰዋል" ብቻ በሚል እንደተዘጉ ፀሃፊው ጠቅሰዋል። ከዚህ በተጨማሪ አሜሪካዊ ጋዜጠኞች ሳይቀር በዚህ የማፈን እርምጃ ሰለባ ሆነዋል ብለው ለምሳሌ የሰሎሜ ሙሉጌታ 'ሄሎ ኢትዮጵያ' የተሰኘ ቻናል ከስምንት ወራት በላይ መዘጋቱን ገልፀዋል።

❌ የዩቲዩብ ዋና ስራ አስፈጻሚ በ2022 በአሜሪካ ኮንግረስ ቀርበው ማብራሪያ በሰጡ ጊዜ የድርጅታቸው ዋና ተልዕኮ “ሁሉም ሰው ድምጽ እንዲያገኝ እና አለምን እንዲያይ ማድረግ ነው” ማለታቸውን ፀሃፊው አውስተው የኢትዮጵያ ጋዜጠኞች እና የዲያስፖራ ሚዲያ የተለየ የይዘት ቁጥጥር እየተደረገባቸው መሆኑን ሊቀበሉት አይችሉም ሲሉ በአጽንኦት ገልፀዋል።

📢 "ዩቲዩብ በስደት ላይ ያሉና ነፃ ጋዜጠኞችን፣ በተለይ በመንግስት ሚዲያ ትኩረት የማይሰጣቸውን የሃገሪቱን ችግሮች የሚዘግቡትን ድምጽ በማጉላት ረገድ ወሳኝ ሚና ይጫወታል። ነገር ግን ግልፅ ያልሆነ እና ማዳላት የሚታይበት የይዘት ቁጥጥር ይህንን ሚና አደጋ ውስጥ እየከተተው መጥቷል" ይላሉ።

🎯 እንደ ፀሃፊው "የዩቲዩብ የይዘት ቁጥጥር ባልተመጣጠነ መልኩ የጠቅላይ ሚንስትር አብይ አህመድ መንግስት ላይ የሚቀርቡ ትችቶችን፣ በተለይ በአማራ ክልል ያለውን ጦርነት፣ የሰብዓዊ መብት ጥሰቶችን፣ የንፁሃንን እና ተቃዋሚዎችን እስር፣ ስርዓታዊ ሙስና፣ እና የህግ የበላይነት መሸርሸርን በሚዘግቡት ላይ ኢላማ አድርጓል።" ይህ ደግሞ የመረጃ ክፍተት እንዲፈጠር፣ አምባገነንነት እንዲበረታታ እና ዩቲዩብ እቆምለታለሁ የሚለው ዴሞክራሲያዊ እሴት እንዲሸረሸር አስተዋጽኦ ያደርጋል ሲል የአስተያየት መጣጥፉ ያትታል።

🇺🇸 ፀሃፊው እንዲህ አይነቱን “የተዳፈነ እና የንግግር ነጻነትን የሚያፍን የይዘት ቁጥጥርን” ለማስቀረት የአሜሪካ ኮንግረስ ዩቲዩብ እና ጉግል የይዘት ቁጥጥር ፖሊሲዎቻቸውን እና ያደረጉትን ቁጥጥር የሚያሳይ መረጃ ግልጽ እንዲያደርጉ መጠየቅ አለበት ሲሉ መክረዋል። በተጨማሪም "የቴክኖሎጂ ድርጅት መሪዎች በኮንግረስ ቀርበው በተለይ ፖለቲካዊ ከባቢያቸው ስሱ በሆነባቸው ቦታዎች የጋዜጠኝነት ይዘቶችን እንዴት እና ለምን ቁጥጥር እንደሚያደርጉ ለህዝብ ይፋ የሆነ ማብራሪያ መስጠት አለባቸው" ብለዋል።

Share The News!
Join Transit Radio ⬇️

Showing 10 of 10 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

ትራንዚት ሬዲዮ Transit Radio 🎙

ትራንዚት ሬዲዮ Transit Radio 🎙

رتبه‌بندی

رشد مشترکان (6 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

יעל (יולי) רמון - בשביל הדעת - הנגשת מידע

کانون کنشگران روان پویا

پادکست راوکده | Ravkadeh

Zamin Podcast

Melhik Podcast - መልህቅ ፖድካስት

דורון קדוש | Doron Kadosh

پادکست پرسه زنی در بازار

رادیو راه با مجتبی شکوری

کانال‌های تلگرام مرتبط

יעל (יולי) רמון - בשביל הדעת - הנגשת מידע

کانون کنشگران روان پویا

پادکست راوکده | Ravkadeh

Zamin Podcast

Melhik Podcast - መልህቅ ፖድካስት

דורון קדוש | Doron Kadosh

پادکست پرسه زنی در بازار

رادیو راه با مجتبی شکوری

نظرات کاربران (0)

آخرین پست‌ها