جربت العب لعبة السنة اكسبدشن ٣٣ الي محد مهتم بيها من العرب يمكن حته ميعرفوها
العبه عجبتني اول ملعبتها فكرتها غريبه وحلوة وتشدك تعرف شديصير والساوند تراك والاصوات مالها رهيبه والكرافكس لا باس بي
بس انصدمت لمن شفت الكيم بلي و الفايت مال تبادل ادوار
نزل تقييمي للعبه من ٩ لل ٦/١٠
لو مستخدمين اي نظام فايت عادي وبسيط جان صارت لعبه رهيبه بس مادري ليش خربوها
نصيحه اذا واحد ناوي يلعبها رغم الكومبات التعبان خل يحط الصعوبه اسهل شي علمود يضل يكبس اكسات ويخلص فايت بسرعه وليهتمله اصلا كلما يطلع لان الاستكشاف وعالم العبه حلو وكلشي بيها يشدك تكملها
