Minber News - ሚንበር ኸበር

Public

نمی‌توانید بپیوندید؟ @minberkheber

۸.۳k عضو

به‌روزرسانی شده: May 16, 2026 at 12:57 AM

Minber News - ሚንበር ኸበር

@minberkheber offers specialized information about اخبار و روزنامه‌ها for subscribers interested in اخبار و روزنامه‌ها

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (8 روز گذشته)

مجموع: 8.3K

رشد 24 ساعت: +0 0%

آخرین پست‌ها

Minber News - ሚንበር ኸበር

۱ خرداد ۱۴۰۵، ۰۵:۳۶

ኸበር ደርሷል! https://youtu.be/_1L3Y83yRvM

1,390

Minber News - ሚንበር ኸበር

۱ خرداد ۱۴۰۵، ۰۵:۳۶

📷 Photo

በአሜሪካ ሙስሊሞች ላይ የሚሰነዘረው ጥላቻ ሙሉ ለሙሉ ከቁጥጥር ውጭ ሆኗል - የአሜሪካ እስልምና ግንኙነት ምክር ቤት

በድረ ገጽ ያንብቡ፦ https://minbertv.com/?p=11552

1,140

Minber News - ሚንበር ኸበር

۱ خرداد ۱۴۰۵، ۰۵:۳۶

በአሜሪካ ሙስሊሞች ላይ የሚሰነዘረው ጥላቻ ሙሉ ለሙሉ ከቁጥጥር ውጭ ሆኗል - የአሜሪካ እስልምና ግንኙነት ምክር ቤት

ዕለተ ረቡዕ ግንቦት 12 – 2018 ዙል ሒጃ 3 – 1447

የአሜሪካ እስልምና ግንኙነት ምክር ቤት፤ “በአሜሪካ ሙስሊሞች ላይ የሚሰነዘረው ጥላቻ ሙሉ ለሙሉ ከቁጥጥር ውጭ ሆኗል” ያለው በካሊፎርኒያ በሚገኝ አንድ መስጂድ ላይ ጥቃት ተሰንዝሮ የሰዎች ሕይወት መቀጠፉን ተከትሎ ነው፡፡ ምክር ቤቱ ከጥቃቱ በኋላ ባወጣው መግለጫ፤ “በነገሩ እጅግ አዝነናል፤ ነገር ግን በጭራሽ አልተገረምንም። [ምክንያቱም] በአሜሪካውያን ሙስሊሞች ላይ የሚሰነዘረው ጥላቻ ሙሉ በሙሉ ከቁጥጥር ውጪ ሆኗል” ብሏል።

የሙስሊሞች መብቶች ተሟጋች ቡድኑ አክሎም፤ በርካታ የሀገሪቱ ፖለቲከኞች ባለፈው አንድ ዓመት ውስጥ “ሙስሊሞች መጥፋት እንዳለባቸው”፣ “የአሜሪካ መስጂዶችና የመጀመርያ ደረጃ ትምህርት ቤቶች መዘጋት እንደሚኖርባቸው”ና “ሙስሊሞች ከሀገራችን መባረር አለባቸው” ሲሉ መሰንበታቸውን አስታውሷል፡፡ ባለፈው ሣምንት ብቻ የምክር ቤት እንደራሴ ሪፐብሊካኖች በአሜሪካውያን ሙስሊሞች፣ በጸሎት ሥፍራዎቻቸው እና በሙስሊም ተማሪዎች ላይ ጥላቻን የሚያቀጣጥሉ የኮንግረስ ችሎት አካሄደዋል ብሏል፡፡ ድርጅቱ ለዚህ አስረጂ ብሎ የጠቀሰው ከ60 በላይ ሕግ አውጪዎችን በአባልነት የያዘውና በካፒቶል ሂል የሚገኘውን የሪፐብሊካኖች “ከሸሪዐ ነጻ ኮከስ” ነው፡፡

የዚህ ኮከስ አባላት “የእስልምና ሕግ በአሜሪካ ሕጋዊና ፖለቲካዊ ሥርዐት ውስጥ ሰርጎ እየገባ ነው” የሚል ሥጋት ያቀርባሉ፡፡ በዚህ መነሻ “የአሜሪካን ሕገ መንግሥትና ባሕላዊ እሴቶችን ከእስልምና ሕግ ተጽእኖ መጠበቅ አለብን” የሚሉ ናቸው፡፡ በዚህ በተለይ የሚታወቁት የትራምፕ አጋሩ የፍሎሪዳ ኮንግረስ አባል ራንዲ ፋይን ናቸው፡፡

የአሜሪካ እስልምና ግንኙነት ምክር ቤት በዚህ ሣምንት በካሊፎርኒያ ሳን ዲዬጎ በሚገኘው እስላማዊ ማዕከል ላይ የተፈጸመው ጥቃት “ሊገመት የሚችል ቢሆንም በጭራሽ ተቀባይነት የሌለው” መሆኑን በመጥቀስ ድርጊቱን ኮንኗል፡፡

ከአሜሪካ እስልምና ግንኙነት ምክር ቤት በተጨማሪ ሙስሊም ፐብሊክ አፌይርስ ኮሚቴ የተሰኘ የሙስሊሞች ተቋርቋሪ ቡድን፤ ጥቃቱ “በራሱ ጊዜ የመጣ ድንገተኛ ክስተት እንዳልሆነ በመጥቀስ፤ ባለፉት ዐሥር ዐመታት በእስልምና ላይ የሚሰነዘሩ ጥላቻዎችና ጥቃቶች 11 እጥፍ መጨመራቸውን ጠቅሷል፡፡ በተለይ ለዓመታት በበይነ መረብ የሚንቀሳቀሱ ፀረ ሙስሊም ግለሰቦች፣ እንደ ‘ስቶፕ አንቲሰሚቲዝም’ ያሉ የመገናኛ መድረኮች “ሙስሊሞችን እንደ ሀገራዊ ሥጋት አድርገው የሚስሉ የሴራ ትንታኔዎችን ሲያናፍሱ” መቆየታቸውን ገልጿል፡፡

ከዴሞክራቶች ጋር የሚወግነው ጄ ስትሪት የተባለ የመብቶች ተሟጋች ቡድን ደግሞ በኤክስ ገጽ ላይ ባወጣው መግለጫ፤ “የእስልምና ጥላቻን በግልጽ፣ በአስቸኳይ እና ያለምንም ማመንታት መጋፈጥ ይኖርብናል” ብሏል።

በአሜሪካ ካሊፎርኒያ ግዛት ሳንዲዬጎ በሚገኘው የእስልምና ማዕከል ውስጥ በተፈጸመው ጥቃት፤ የጸጥታ ሠራተኛን ጨምሮ ሦስት ሰዎች ተገድለዋል፡፡ ጥቃቱ የተፈጸመበት ማዕከል በስሩ መስጂድ እና ትምህርት ቤትን ያቀፈ ነው፡፡ የሳንዲዬጎ ፖሊስ አዛዥ ስኮት ዋል እንደተናገሩት፤ ጥቃቱን ፈጸመዋል ተብለው የሚጠረጠሩ ሁለት ግለሰቦች ከሟቾች መካከል ተገኝተዋል፡፡ (ሚንበር ቲቪ)

Minber News - ሚንበር ኸበር

۱ خرداد ۱۴۰۵، ۰۵:۳۶

📷 Photo

የፌዴራል እና የክልል መንግሥታት ለአክሱም ሙስሊሞች በቂ ጥበቃ እንዲያደርጉ ተጠየቀ

1,130

Minber News - ሚንበር ኸበር

۱ خرداد ۱۴۰۵، ۰۵:۳۶

📷 Photo

የሃንታ ቫይረስ በዘንድሮ ሐጅ ላይ ምንም ሥጋት አይጋርጥም - የሳዑዲ ጤና ጥበቃ ባለሥልጣን

የሳዑዲ ዐረቢያ የሕዝብ ጤና ጥበቃ ባለሥልጣን፤ የዘንድሮ የሐጅ ተጓዦች ላይ ከሃንታ ቫይረስ ጋር በተገናኘ የተጋረጠ ምንም ዐይነት ሥጋት የለም ሲል አሳውቋል፡፡ ቫይረስ የመግባት ዕድሉ “እጅግ ዝቅተኛ” መሆኑን የገለጸው ባለሥልጣኑ፤ ሀገሪቱ ያላት የጤና መሠረተ ልማት በሽታው ሊዛመት ከሚችልበት ሁኔታ ለመከላከል አስተማምኝ ደረጃ ላይ እንደሚገኝም ማረጋገጫ ሰጥቷል፡፡

ባለሥልጣኑ ለዚህ ስኬት በሀገሪቱ ውስጥ አስቀድመው የተዘረጉትን ቅድመ ማስጠንቀቂያ መስመሮች፣ የበሽታ ወረርሽኝ ክትትል መሣሪያዎችን፣ የምግብ ደኀንነት ቁጥጥር ሥርዓቶችን፣ የአካባቢ የሕዝብ ጤና ቁጥጥሮችን፣ የድንበር ላይ የክትትል ርምጃዎችን እና የጥንቃቄ አሠራሮችን በምክንያትነት ጠቅሷል።

በሐጅ ወቅት የቫይረሱ ሥጋት የተቀሰቀሰው በአንዲት የሽርሽር መከብ ላይ ሥርጭቱ ከታየ በኋላ ነው፡፡ በቫይረሱ ምክንያት የኔዘርላንድስ ዜግነት ያላቸው ባል እና ሚስት እንዲሁም አንድ የጀርመን ዜጋን ጨምሮ የሦስት ተሣፋሪዎች ሕይወት ተቀጥፏል፡፡

የሕክምና ባለሞያዎች እንደሚሉት፤ ቫይረሱ የሚተላለፈው አይጦች በሚያወጡት ሽንት፣ በረገጡት አቧራ ወይም ፍግ አማካኝነት ነው፡፡ አንድ ሰው እነዚህ ነገሮች የነኩትን አየር ሲተነፍስ ወይም ንክኪ አድርጎ አፉንና አፍንጫውን ሲነካ በቫይረሱ ሊጠቃ ይችላል፡፡ የሃንታ ቫይረስ ከሰው ወደ ሰው የመተላለፍ ባሕርይ የተለመደ አይደለም፡፡ በአሁኑ ወቅት የሞት ምጣኔው እስከ 50 በመቶ ሊኖረው ለሚችለው ለሃንታ ቫይረስ ሕጋዊ ፍቃድ ያገኘ ምንም ዐይነት የሕክምና መድኃኒት የለም፡፡ (ሚንበር ቲቪ)

1,370

Minber News - ሚንበር ኸበር

۱ خرداد ۱۴۰۵، ۰۵:۳۶

📷 Photo

በሐጅ ሥነ ሥርዐት ላይ የፖለቲካ እና የአንጃ መለያዎችን መያዝ ታገደ

ዕለተ ማክሰኞ ግንቦት 11 – 2018 ዙል ሒጃ 2 – 1447

የሳዑዲ ዐረቢያ የሀገር ውስጥ ጉዳዮች ሚኒስቴር፤ ለ1447 ዓ.ሂ የሐጅ ተጓዦች ጥብቅ መመርያ አስተላልፏል፡፡ በዚህም በመካ እና በመዲና በሚገኙ ቅዱሳን ሥፍራዎች ላይ የፖለቲካ፣ የጎሳ ወይም የአንጃ መለያዎችን ማሳየት ከልክሏል፡፡ በተጨማሪም በማንኛውም መልኩ በቡድን መፈክሮችን ማሰማትንም ሙሉ በሙሉ አግዷል፡፡

ሚኒስቴሩ መመርያው የሚጸናባቸው ቦታዎች በመካ የሚገኘው መስጂደል ሐረም፣ በመዲና በሚገኘው የነቢዩ (ሰ.ዐ.ወ) መስጂድ፣ በሁለቱም መስጂዶች ዙሪያ ባሉ አደባባዮችና ወደ መስጂዶቹ በሚወስዱ ማናቸውም መንገዶች መሆናቸውን ዘርዝሯል፡፡ የሚና፣ የዓረፋ እና የሙዝደሊፋ ቅዱሳን ሥፍራዎችም የዚህ እገዳ አካል ናቸው። ስለ ጉዳዩ የተናገሩት የሳዑዲ የሐጅ ሚኒስትር ተውፊቅ አል ራቢያ ቀደም ሲል በሰጡት መግለጫ፤ “ሐጅ ለአምልኮ እንጂ ለማንኛውም የፖለቲካ መፈክሮች የሚሆን አይደለም” ብለው ነበር፡፡

የሀገሪቱ ባለሥልጣናቱ አጽንኦት ሰጥተው እንደገለጹት፤ ፖለቲካን የሚወክሉ ሰንደቅ ዓላማዎች፣ ባነሮች እና መፈክሮች የሐጅን መንፈሣዊ ድባብ ከማበላሸት ባለፈ፤ ከመላው ዓለም በሚሰበሰቡ ተጓዦች መካከል የመከፋፈል አደጋ ሊጋርጡ ይችላሉ። (ሚንበር ቲቪ)

1,410

Minber News - ሚንበር ኸበር

۱ خرداد ۱۴۰۵، ۰۵:۳۶

📷 Photo

ብሔራዊ ባንክ ባወጣው ጨረታ የግማሽ ቢሊዮን ዶላር የፍላጎት ልዩነት ተመዘገበ

ብሔራዊ ባንክ ባወጣው የ500 ሚሊዮን ዶላር ልዩ ጨረታ፤ የቀረበውን ያክል የዶላር ፍላጎት ልዩነት ተመዝግቧል። 500 ሚሊዮን ዶላር በቀረበበት ጨረታ፤ 1.06 ቢሊዮን ዶላር ፍላጎት ተመዝግቧል። በጨረታው ከተሣተፉት 30 ባንኮች መካከል ዶላር ማግኘት የቻሉት 14 ብቻ ናቸው።

በዛሬው ጨረታ አንድ ዶላር በ159 ነጥብ 98 ተሽጧል። አማካይ የዕለቱ ግብይት 159 ነጥብ 6299 ሆኗል። በጨረታው የቀረበው ከፍተኛ ዋጋ 160 ነጥብ 90 ሲሆን፣ ዝቅተኛው 157 ነጥብ 30 ብር ነው። (ሚንበር ቲቪ)

1,470

Minber News - ሚንበር ኸበር

۱ خرداد ۱۴۰۵، ۰۵:۳۶

በሳንዲዬጎ መስጂድ ላይ በተፈጸመ ጥቃት ቢያንስ ሦስት ሰዎች ተገደሉ

ዕለተ ማክሰኞ ግንቦት 11 – 2018 ዙል ሒጃ 2 – 1447

በአሜሪካ ካሊፎርኒያ ግዛት ሳንዲዬጎ በሚገኘው የእስልምና ማዕከል ውስጥ በተፈጸመው ጥቃት፤ የጸጥታ ሠራተኛን ጨምሮ ሦስት ሰዎች መገደላቸውን የሀገሪቱ መገናኛ ብዙኃን ዘግበዋል፡፡

ጥቃቱ የተፈጸመበት ማዕከል በስሩ መስጂድ እና ትምህርት ቤትን ያቀፈ ነው፡፡ የሳንዲዬጎ ፖሊስ አዛዥ ስኮት ዋል እንደተናገሩት፤ ጥቃቱን ፈጸመዋል ተብለው የሚጠረጠሩ ሁለት ግለሰቦች ከሟቾች መካከል ተገኝተዋል፡፡ እንደ ፖሊስ አዛዡ ገለጻ፤ ተጠርጣሪዎቹ ዕድሜያቸው 17 እና 19 የሆነ ሁለት ወንዶች ናቸው፡፡ ሦስቱም የጥቃቱ ሰለባዎች አዋቂዎች መሆናቸው በተገለጸበት ጥቃት፤ በትምህርት ቤቱ ውስጥ በነበሩ ሕጻናት ላይ ምንም ዐይነት አካላዊ ጉዳት አልደረሰም፡፡

ከተገደሉት መካከል አንደኛው የማእከሉ የጸጥታ ጥበቃ ሠራተኛ መሆኑን የገለጹት አዛዡ፤ ድርጊቱ “ከዚህ የከፋ ጉዳት እንዳያደርስ ከፍተኛ ሚና ተወጥቷል” ሲሉ አወድሰውታል፡፡

ዋህሊ ከተጠርጣሪዎች የአንዱ እናት ጥቃት ከመፈጸሙ ከሁለት ሰዐት በፊት ለፖሊስ ደውላ እንደነበር የተናገሩ ሲሆን፤ በዚህ ጥሪ ልጇ ራሱን የማጥፋት ሥጋት እንዳለበት እንዲሁም በርካታ የጦር መሣሪያና የእሷን ተሽከርካሪ ይዞ መሰወሩን አሳውቃ ነበር፡፡ አዛዡ ጥቃት ፈጽሟል የተባለው ወጣት በትክክል ምን እንዳነሳሳው ለማወቅ ፍንጮችን ባንድነት በማያያዝ ምርመራው እንደሚቀጥል አስረድተዋል፡፡ አያይዘውም ድርጊቱ የተፈጸመው በእስላማዊ ማዕከል በመሆኑ ተቃራኒ መረጃ እስካልመጣ ድረስ ጥቃቱ “እንደ ጥላቻ ወንጀል” የሚታይ መሆኑን አስረድተዋል፡፡

የማእከሉ ኢማም ጣሃ ሐሳን፤ የእስልምና ማዕከሉ “ሙስሊም ያልሆኑ ሰዎችን ጨምሮ ሁሉም የሚሰባሰቡበት፣ የሚጸልዩበት፣ የሚማማሩበት እና ደስታቸውን የሚጋሩበት ሥፍራ” መሆኑን ተናግረዋል፡፡ የአምልኮ ሥፍራን ኢላማ ማድረግ “እጅግ አስነዋሪ ድርጊት ነው” ሲሉ መናገራቸውን ሚድል ኢስት ዐይ ዘግቧል፡፡

የሳንዲዬጎ ከንቲባ ቶድ ግሎሪያ በበኩላቸው፤ በከተማዋ ውስጥ “ለጥላቻ ቦታ የለም” ብለዋል፡፡ አክለውም፤ ለአካባቢው ሙስሊም ማኅበረሰብ “ጸሎታችን ከእናንተ ጋር ነው፤ በዚህች ከተማ ውስጥ ደኅንነት እንዲሰማችሁ ለማድረግ አስፈላጊውን ሁሉ እንደምናደርግ ለሙስሊም ማኅበረሰባችን ማረጋገጥ እወዳለሁ፤ በዚህ ወቅት የሃይማኖት ተቋሞቻችሁ የተጠበቁ መሆናቸውን ለማረጋገጥ ማንኛውንም ሐብትና አቅም ከመጠቀም ወደኋላ አንልም” ሲሉ ከጎናቸው መሆናቸውን አረጋግጠዋል፡፡

ድርጊቱ የተፈጸመው በዩናይትድ ስቴትስ ውስጥ በሙስሊሞች ላይ የሚሰነዘሩ የጥላቻ አመለካከቶች በበረቱበት እና ፖለቲከኞች እንዲሁም ተንታኞች በሙስሊሙ ማኅበረሰብ ላይ በተደጋጋሚ ትችቶችን በሚሰነዝሩበት ወቅት መሆኑ በዘገባው ተጠቅሷል። የሀገሪቱ ፕሬዝዳንት ዶናልድ ትራምፕ ታማኝ አጋር የሆኑት የአሜሪካ ኮንግረስ አባል ራንዲ ፋይን፣ ባለፈው ዓመት መገባደጃ ላይ ሙስሊሞች “መጥፋት አለባቸው” ማለታቸው ይታወሳል።

የሳን ዲዬጎ እስልምና ማዕከል የሚገኘው ከከተማዋ መሀል በስተሰሜን በሚገኘው የክሌርሞንት የመኖሪያ መንደር ውስጥ ነው፡፡ (ሚንበር ቲቪ)

Minber News - ሚንበር ኸበር

۱ خرداد ۱۴۰۵، ۰۵:۳۶

📷 Photo

በሳንዲዬጎ መስጂድ ላይ በተፈጸመ ጥቃት ቢያንስ ሦስት ሰዎች ተገደሉ

1,290

Minber News - ሚንበር ኸበር

۱ خرداد ۱۴۰۵، ۰۵:۳۶

📷 Photo

በአዲስ አበባ መካነ ቀብሮች ስለተደረገው የቀብር አገልግሎት የዋጋ ለውጥ ሥራ አስኪያጁ ለ“ሚንበር ቲቪ” ይናገራሉ…

1,630

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

ሂጅራ ባንክ ከጠቅላይ ምክር ቤቱ ጋር በተፈራረመው ስትራቴጂካዊ ስምምነት መሠረት የኤሌክትሪክ ተሽከርካሪዎችን አስረከበ

ዕለተ ሐሙስ ሚያዝያ 29 – 2018 ዙል ቀዕዳህ 20 – 1447

ሙሉ ለሙሉ ከወለድ ነጻ አገልግሎት የሚሰጠው ሂጅራ ባንክ፤ በቅርቡ ስትራቴጂካዊ ሥምምነት ለተፈራረመው ለኢትዮጵያ እስልምና ጉዳዮች ጠቅላይ ምክር ለሥራ አገልግሎት የሚውሉ የኤሌክትሪክ ተሽከርካሪዎችን አስረክቧል። ባንኩ ተሽከርካሪዎችን ያስረከበው ዛሬ ሐሙስ ሚያዝያ 29/2018 በጠቅላይ ምክር ቤቱ ዋና መሥሪያ ቤት በተዘጋጀ ሥነ ሥርዐት ላይ ነው፡፡

ባንኩ ተሽከርካሪዎችን ያስረከበው ሚያዝያ 14/2018 ከጠቅላይ ምክር ቤቱ ጋር የስትራቴጂካዊ አጋርነት ስምምነት ከተፈራረመ በኋላ ነው፡፡ በወቅቱ በተደረሰው ስምምነት ከተካተቱት መካከል ባንኩ በጠቅላይ ምክር ቤቱ ሥር ለሚገኙ መዋቅሮች የፋይናንስ አቅርቦት እና የአቅም ግንባታ የሚሉት ይገኙበታል፡፡

በዛሬው ሥነ ሥርዐት ላይ ንግግር ያደረጉት የሂጅራ ባንክ ዋና ሥራ አስፈጻሚ አቶ ዳዊት ቀኖ፤ ያስረከባቸው ተሽከርካሪዎች ሁሉም የኤሌክትሪክ መሆናቸውን ተናግረዋል። ተሽከርካሪዎቹ መንግሥት የሚከተለውን የግሪን ሌጋሲ ፖሊሲ ለማስቀጠል የሚያግዙና የጠቅላይ ምክር ቤቱን ሥራ ለማጠናከር ፋይናንስ እንደተደረጉ ገልጸዋል፡፡ አቶ ዳዊት ተሽከርካሪዎቹ በረዥም ጊዜ የሚከፈሉ መሆናቸውን ገልጸው፤ በቀጣይነት ለክልል እና ዞኖች ድረስ እንደሚወርድ አስረድተዋል።

የጠቅላይ ምክር ቤቱ ፕሬዝዳንት ሸይኽ ሐጂ ኢብራሂም ቱፋ በበኩላቸው፤ ለሂጅራ ባንክ ምሥጋና አቅርበዋል፡፡ የተዘጋጁትን ተሽከርካሪዎች የሂጅራ ባንክ ዋና ሥራ አስፈፃሚ አቶ ዳዊት ቀኖ ለጠቅላይ ምክር ቤቱ ፕሬዝዳንት ሸይኽ ሐጂ ኢብራሂም ቱፋ አስረክበዋል።

በሥነ ሥርዐቱ ላይ የባንኩ ከፍተኛ ኃላፊዎች እና የጠቅላይ ምክር ቤቱ የሥራ አመራር አባላት ተገኝተዋል።

ለጠቅላይ ምክር ቤቱ ተሽከርካሪ ያስረከበው ሂጅራ ባንክ፤ “በሐላል መንገድ በላቀ አገልግሎት ወደ ስኬት” በሚል መሪ ቃል በመላው ኢትዮጵያ በሚገኙ 160 ገደማ ቅርንጫፎች የደንበኞች ወር መርሐ ግብር ሚያዝያ 13/2018 በይፋ ማስጀመሩ ይታወሳል፡፡ መርሐ ግብሩ በመላ ኢትዮጵያ በ160 ገደማ የባንኩ ቅርንጫፎች በተለያዩ ኩነቶች ወሩን ሙሉ እየተከናወነ ይገኛል። (ሚንበር ቲቪ)

★ ★ ★
Ethio Sat | 11545 | H | 45000
#ሚንበር_ቲቪ #ሁለንተናዊ_ከፍታ! #MinberTV

511

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

📷 Photo

በግል የበረራ ቲኬት ቆርጠው የበረራ መረጃቸውን ያላሳወቁ ሑጃጅ ለሚገጥማቸው መስተጓጎል ጠቅላይ ምክር ቤቱ ኅላፊነት አንደማይወስድ ገለጸ

የኢትዮጵያ እስልምና ጉዳዮች ጠቅላይ ምክር ቤት፤ ለዘንድሮ ሐጅ ሥነ ሥርዐት በግል ቲኬት የቆረጡ ምዕመናን የበረራ መረጃቸውን እንዲያሳውቁ ተደጋጋሚ ጥሪ ሲያቀርብ መቆየቱን አስታውቋል፡፡ የጠቅላይ ምክር ቤቱ የሐጅና ዑምራ ዘርፍ፤ ለጥሪው አብዛኛዎቹ የግል ቲኬት ተጓዦች ፈጣን ምላሽ ቢሰጡም ጥቂት ሑጃጅ ግን እስከ አሁን ምላሽ ሊሰጡ አልቻሉም ብሏል፡፡ የሐጅና ዑምራ ዘርፍ ኅላፊው ዶክተር ሙሐመድ ሷሊህ፤ ምዕመናኑ ለሚደርስባቸው መስተጓጎል ጠቅላይ ምክር ቤቱ ኃላፊነት እንደማይወስድ መግለጻቸውን የጠቅላይ ምክር ቤቱ መረጃ ያመለክታል፡፡

ኃላፊው አክለውም የበረራ መረጃቸውን ያላሳወቁ የግል ቲኬት ተጠቃሚ ምዕመናን በሳዑዲ ዐረቢያ ሐጅ ሚኒስቴር የተዘጋጁትን ኑሱክ ካርድ፣ የጤና ብቃት ማረጋገጫ የምስክር ወረቀት እና ሌሎች አገልግሎቶችን ለማግኘት እንደሚቸገሩም ጠቅሰዋል። በግል የበረራ ቲኬት የቆረጡ ሑጃጅ የበረራ መረጃቸውን በአስቸኳይ በአቅራቢያቸው ለሚገኝ የሐጅ ምዝገባ ማዕከል እንዲያሳወቁ ጥሪ አቅርበዋል፡፡

በዘንድሮ ዓመት ከኢትዮጵያ ከአምስት ሺሕ በላይ ምዕመናን በሐጅ ሥነ ሥርዐት ላይ ይሳተፋሉ ተብሎ ይጠበቃል፡፡ የመጀመሪያዎቹ ሑጃጅ የፊታችን ቅዳሜ ግንቦት 1/2018 ወደ ሳዑዲ ዐረቢያ በረራ ያደርጋሉ ተብሎ እንደሚጠበቅ ሚንበር ቲቪ ከጠቅላይ ምክር ቤቱ ያገኘው መረጃ ያመለክታል፡፡ የመጀመሪያዎቹ 270 ተጓዥ ምዕመናን ከማዕከላዊ ኢትዮጵያ ክልል የተመዘገቡ ናቸው፡፡ (ሚንበር ቲቪ)

629

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

📷 Photo

ሂጅራ ባንክ ከጠቅላይ ምክር ቤቱ ጋር በተፈራረመው ስትራቴጂካዊ ስምምነት መሠረት የኤሌክትሪክ ተሽከርካሪዎችን አስረከበ

485

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

📷 Photo

ዱባይ ኢትዮጵያን ጨምሮ ለኡድሒያ የሚቀርቡ እርዶችን ተመን ይፋ አደረገች

1,400

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

ዱባይ ኢትዮጵያን ጨምሮ ለኡድሒያ የሚቀርቡ እርዶችን ተመን ይፋ አደረገች

ዕለተ ረቡዕ ሚያዝያ 28 – 2018 ዙል ቀዕዳህ 19 – 1447

የዱባይ የእስልምና ጉዳዮች እና የበጎ አድራጎት ተግባራት መምሪያ፣ በኤሚሬቱ ውስጥ ካሉ እውቅና ከተሰጣቸው የበጎ አድራጎት እና ሰብዓዊ ድርጅቶች ጋር በመቀናጀት ለ1447 ዓ.ሂ ኡድሒያ ሥነ ሥርዐት የመሥዋዕት እንስሳት (አድሒያ) ፕሮጀክት ዋጋን ማጽደቁን አስታውቋል፡፡ ይፋ በተደረጉት የዋጋ ዝርዝሮች ውስጥ በኢትዮጵያ ታርዶ በተባበሩት አረብ ኤሚሬቶች ውስጥ የሚታደል እርድ ተካቷል፡፡

ከተፈቀዱት የዋጋ ዝርዝሮች ውስጥ በተባበሩት ዐረብ ኤሚሬቶች ውስጥ ታርዶ ለሚታደል የሶማሊያ እርድ 800 ድርሃም፣ እርዱ በሚካሄድበት የልገሳ ሀገር ታርዶ ለሚታደል የአካባቢ እርድ 350 ድርሃም፣ እንዲሁም በውጭ ሀገር ታርዶ በተባበሩት ዐረብ ኤሚሬቶች ውስጥ ለሚታደል የኢትዮጵያ ወይም የኬንያ እርድ 490 ድርሃም ናቸው።

ይህ ርምጃ እውቅና በተሰጣቸው የበጎ አድራጎት ተቋማት መካከል የመሥዋዕት ተመኖችን ዋጋ አንድ ለማድረግ ከሚደረገው ጥረት አካል ነው ተብሏል፡፡ ዓላማውም የዋጋ ልዩነቶችን ለመቀነስ እና ለለጋሾች ግልጽነትን ለመፍጠር እንደሆነም የዱባይ የእስልምና ጉዳዮች እና የበጎ አድራጎት ተግባራት ገልጿል። በተጨማሪም የሐብት አጠቃቀምን ለማሻሻል እና የአገልግሎት አሰጣጥ ፍትሐዊነትን ለማረጋገጥ የታለመ ነው ያለው መምሪያው፤ ድጋፉም በሰብአዊ ሥራዎች ምርጥ ተሞክሮዎች መሠረት ይበልጥ ለሚገባቸው ወገኖች እንዲደርስ ይረዳል መባሉን የገልፍ ኒውስ ዘገባ ያመለክታል።

ዋጋው የተወሰነው እውቅና ካላቸው አቅራቢዎች ጋር በመቀናጀት እና ጥብቅ ቁጥጥር በሚደረግበት ሁኔታ መሆኑ ተገልጿል፡፡ ይህም መሥዋዕቶቹ በተባበሩት ዐረብ ኤሚሬቶች ውስጥም ሆነ በውጭ ሀገሮች ለሚገኙ ችግረኛ ቤተሰቦች እና ተጋላጭ የኅብረተሰብ ክፍሎች መድረሳቸውን ለማረጋገጥ ነው። ሒደቱ በኤሚሬቱ ውስጥ እውቅና በተሰጣቸው የበጎ አድራጎት ድርጅቶች ቀጥተኛ ቁጥጥር የሚከናወን ሲሆን፣ ይህም በየዓመቱ የታመኑ የበጎ አድራጎት መስመሮችን በመጠቀም ሥርዓቱን ከሚፈጽሙ ለጋሾች ጋር በመተባበር የሚደረግ ነው መሆኑ በዘገባው ተጠቅሷል።

በእስልምና የመሥዋዕት እንስሳ “ኡድሒያ” በመባል ይታወቃል፡፡ ይህ ሥርዓት ነቢዩ ኢብራሂም ለአምላክ ትእዛዝ በመገዛት ልጃቸውን ለመሥዋዕት ለማቅረብ የነበራቸውን ፍቃደኝነት የሚያስታውስ ነው፡፡ ለዚህም በዒድ አል አድሐ በዓል ወቅት የቀንድ ከብቶችን በተለይም በግ፣ ፍየል፣ ላም ወይም ግመል መሥዋዕት ማድረግን እንደሚያካትት ሊቃውንት ይገልጻሉ። (ሚንበር ቲቪ)

★ ★ ★
Ethio Sat | 11545 | H | 45000
#ሚንበር_ቲቪ #ሁለንተናዊ_ከፍታ! #MinberTV

1,460

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

📷 Photo

የግብጽ አየር መንገድ የማሊ የሐጅ በረራዎችን በመሰረዙ ከአራት ሺሕ በላይ ምዕመናን ተስተጓጎሉ

1,530

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

የግብጽ አየር መንገድ የማሊ የሐጅ በረራዎችን በመሰረዙ ከአራት ሺሕ በላይ ምዕመናን ተስተጓጎሉ

ዕለተ ሰኞ ሚያዝያ 26 – 2018 ዙል ቀዕዳህ 17 – 1447

የግብጹ አየር መንገድ ‘ኢጂፕት ኤር’ ከማሊ የሚያደርጋቸውን የሐጅ በረራዎች በሙሉ መሰረዙን የማሊ የሐጅ አስተባባሪ አካላት አስታውቀዋል። ውሳኔው ከአራት ሺሕ በላይ የማሊ ምዕመናን ላይ ቀጥተኛ ተጽዕኖ አሳድሯል።

አየር መንገዱ በረራዎቹን የሰረዘው የነዳጅ በከፍተኛ ሁኔታ በመጨመሩ እና በማሊ ባለው የጸጥታ ሁኔታ እና አለመረጋጋት ሳቢያ መሆኑን ገልጿል፡፡ ርምጃው ስጋትና ግራ መጋባትን ፈጥሯል ያሉት አስተባባሪዎቹ፤ ነገር ግን ፈጣን መፍትሔ ለማግኘት ውይይቶች እየተደረጉ እንደሚገኝ ጠቁመዋል። ምዕመናንን በተቻለ መጠን በተሻለ ሁኔታ እንዲጓዙ ለማስቻል ሁሉም ዝግጅቶች እየተደረጉ ነው ሲሉም አክለዋል።

ይህ የበረራ ስረዛ ሥጋት ውስጥ የጣለው ሀገሪቱ በሐጅ ሥነ ሥርዓት ከተሰጣት የሰው ኮታ ውስጥ አንድ ሦስተኛውን ማለትም አራት ሺሕ በላይ ምዕመናን ላይ ነው፡፡ በአሁኑ ወቅት ማሊ በታጣቂ ቡድኖች ጥቃት ከፍተኛ የጸጥታ ቀውስ ውስጥ ገብታለች። ባለፈው ሣምንት መጨረሻ ላይ በደረሰ ጥቃት የሀገሪቱ መከላከያ ሚኒስትር ተገድለዋል፡፡ ታጣቂዎቹ ዋና ከተማዋን ባማኮን ከሌሎች አካባቢዎች የሚያገናኙ መንገዶችን እየዘጉ እንደሚገኙ የቱርኪዬ ቱደይ ዘገባ አመልክቷል።

የኢትዮጵያ አየር መንገድ ከዚህ ቀደም ከማሊ መንግሥት ጋር የአራት ሚሊዮን ዶላር የሐጅ ኮንትራት ውል መፈረሙ ተዘግቦ ነበር። ሆኖም ከአሁኑ በረራ መሰረዝ ጋር በተገናኘ ኩባንያው ተጨማሪ ምእመናንን ማስተናገድ አለማስተናገዱ አልተጠቀሰም፡፡

የዘንድሮውን የሐጅ ሥነ ስርዓት ለመከወን ከመላው አለም የሚገኙ ምዕመናን ከሚያዝያ 10/2018 ጀምሮ ወደ ሳዑዲ ዐረቢያ በመግባት ላይ ይገኛሉ። ከኢትዮጵያም ከአምስት ሺሕ በላይ ሑጃጅን ከመጪው እሑድ ግንቦት 2/2018 ጀምሮ ወደ ሳዑዲ ዐረቢያ መላክ ትጀምራለች፡፡ (ሚንበር ቲቪ)

1,910

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

📷 Photo

#ኸበር፡ በነዳጅ ምርቶች የችርቻሮ መሸጫ ዋጋ ላይ ጭማሪ ተደረገ

የንግድና ቀጣናዊ ትስስር ሚኒስቴር፤ አዲስ የነዳጅ ምርቶች የችርቻሮ ዋጋ ይፋ አድርጓል። በዚህም መሠረት ነጭ ናፍጣ 180.46 ብር፣ ቤንዚን 167.50 ብር፣ ኬሮሲን 320.66 ብር፣ ቀላል ጥቁር ናፍጣ 170.62 ብር፣ ከባድ ጥቁር ናፍጣ 167.37 ብር እና የአውሮፕላን ነዳጅ 319.76 ብር ተመን ወጥለታል። (ሚንበር ቲቪ)

1,820

Minber News - ሚንበር ኸበር

۱۷ اردیبهشت ۱۴۰۵، ۱۸:۱۴

📷 Photo

#ኸበር፡ በሸጎሌው ሰለፈ ሷሊሂን መስጅድ 870 ተማሪዎችን የሚቀበል የቁርኣን ሒፍዝ ማዕከል ሊገነባ ነው

በአዲስ አበባ ከተማ ውስጥ የሚገኘው ሰለፈ ሷሊሂን መስጅድ 870 ወንድ እና ሴት ተማሪዎችን የሚያስተናግድ እና ግንባታው ከ200 ሚሊዮን ብር  በላይ እንደሚፈጅ የሚገመት የቁርአን ሒፍዝ ማዕከል ዲዛይኑ ተጠናቆ ለግንባታ ዝግጁ መሆኑ ተገልጿል። ይህ የተገለጸው 11.7 ሚሊዮን ብር ፈጅቷል የተባለ የጥልቅ ጉድጓድ  ውሀ ቁፋሮ እና የእግር ኳስ ሜዳ ባስመረቀበት ወቅት ነው። የውሃ ጉድጓደ በአንድ በጎ አድራጊ ወጪው እንደተሸፈነ ተገልጿል።

በምርቃትሥነ ሥርዐቱ ላይ የአዲስ አበባ ከተማ እስልምና ጉዳዮች ከፍተኛ ምክር ቤት ተቀዳሚ ምክትል ፕሬዝዳንት ሸይኽ ሙሐመድ ሽሪፍ፣ የከፍተኛ ምክር ቤቱ የአስተዳደራዊ ጉዳዮች እና ተቋማዊ ልህቀት ምክትል ፕሬዝዳንት ኡስታዝ ሺሐቡዲን ኑራ፣ የጉለሌ የክፍለ ከተማ ዋና ስራ አስፈጻሚ አቶ ወልዴ ወገሴና ጥሪ የተደረገላቸው እንግዶች ተገኝተዋል። ዋና ሥራ አስፈጻሚው በመስጅደ ሃይማኖታዊ ሥነ ምግባርን ከማነጽ ጎን ለጎን፣ በአካል የበቃ ማህበረሰብ ለመፍጠር እንዲቻል የስፖርት ማዘውተሪያ ስፍራ መገንባቱ እጅግ የሚበረታታ እንደሆነ ተናግረዋል። (ሚንበር ቲቪ)

★ ★ ★
Ethio Sat | 11545 | H | 45000
#ሚንበር_ቲቪ #ሁለንተናዊ_ከፍታ! #MinberTV

1,970

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

📷 Photo

የናፍጣ አቅርቦት ከመካከለኛው ምሥራቅ ጦርነት በፊት ወደ ነበረበት ሊመለስ ነው

የናፍጣ አቅርቦት ከመካከለኛው ምሥራቅ ጦርነት በፊት ወደ ነበረበት እንዲመለስ መንግሥት መወሰኑን የገንዘብ ሚኒስትር አሕመድ ሽዴ ተናገረዋል። ሚኒስትሩ ይህን ያስታወቁት ዛሬ ረቡዕ ሚያዝያ 21/2018 በሰጡት መግለጫ ነው። ለውሳኔው መነሻ የሆነው በአሁኑ ወቅት ያለውን የምርትና የትራንስፖርት እንቅስቃሴ ነው።

በኢትዮጵያ የአንድ ቀን የናፍጣ አቅርቦት ከመካከለኛው ምሥራቅ ግጭት በፊት ከነበረበት 9 ሚሊዮን ሊትር በግማሽ ቀንሶ ነበር።

በሚኒስትሩ መረጃ መሠረት የአንድ ቀን የናፍጣ አቅርቦት ወደ ቀደመው እንዲመለስ ከዛሬ ጀምሮ ከጅቡቲ ወደ አዲስ አበባ መጓጓዝ ይጀምራል። በተመሳሳይ ወደ ክልሎች ደግሞ ከነገ ጀምሮ መጓጓዝ ይጀምራል።

በዓለም አቀፍ ደረጃ የተከሰተው የነዳጅ አቅርቦት መስተጓጎል ኢኮኖሚው ላይ የሚያደርሰውን ጫና ለመከላከል መንግሥት በልዩ ግዢ በከፍተኛ ዋጋ ነዳጅ ገዝቶ እያቀረበ እንደሚገኝም ሚኒስትሩ ገልጸዋል።

በአሁኑ ወቅት መንግሥት በየወሩ ቀድሞ ከነበረው በተጨማሪ 20 ቢሊዮን ብር እየደጎመ ነዳጅ እያቀረበ ይገኛል ብለዋል። የገንዘብ ሚኒስትሩ እስካሁን የቤንዚን እና የአውሮፕላን ነዳጅ ሙሉ በሙሉ ቀድሞ በነበረው መጠን እየቀረበ እንደሆነም ገልጸዋል። (ሚንበር ቲቪ)

1,520

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

📷 Photo

እስላማዊ ኢንሹራንስን በኢትዮጵያ በተሟላ ደረጃ መስጠት የሚፈቅድ ረቂቅ አዋጅ ተዘጋጀ

በድረ ገጽ ያግኙ፡ https://minbertv.com/?p=11528

1,290

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

እስላማዊ ኢንሹራንስን በኢትዮጵያ በተሟላ ደረጃ መስጠት የሚፈቅድ ረቂቅ አዋጅ ተዘጋጀ

የኢትዮጵያ ብሔራዊ ባንክ፤ በኢትዮጵያ በመስኮት ደረጃ ሲሰጥ የነበረውን የእስላማዊ ኢንሹራንስ (ተካፉል) አገልግሎት በተሟላ መልኩ እንዲሰጥ የሚፈቅድ ረቂቅ አዋጅ አዘጋጅቷል፡፡ የባንኩ ገዥ ዶክተር ኢዮብ ተካልኝ ወደ ኃላፊነት ከመጡ ወዲህ ተዘጋጅቷል የተባለው ረቂቅ አዋጅ፤ ዘርፉን ለማዘመን፣ የፋይናንስ መረጋጋትን ለማጠናከር እና የኢትዮጵያን የቁጥጥር ሥርዓት ከዓለም አቀፍ ደረጃዎች ጋር ለማጣጣም የተነደፉ ሰፋ ያሉ ማሻሻያዎችን ያካተተ ነው፡፡

በ160 ገጾች የተዘጋጀው ረቂቅ አዋጅ በ16ኛው ክፍል ላይ ሸሪዐን መሠረት ያደረገ የኢንሹራንስ አገልግሎት ማለትም “ተካፉል”ን የተመለከቱ ጉዳዮችን አስፍሯል፡፡ በዋናነት በ”መስኮት” ደረጃ ሲሰጥ የነበረው አገልግሎት በአዲሱ አዋጅ ሙሉ ለሙሉ እንዲሰጥ ፍቃድ ከማስገኘቱ በተጨማሪ አስተዳደሩንም የሚለውጥ ነው፡፡ የቀደመው አዋጅ አስተዳደር በቦርድ ቁጥጥር ይደረግበት የነበረ ሲሆን፤ በአዲስ አዋጅ “የልዩ የብቃት ምዘና እና የሸሪዓ ኮሚቴ” መስፈርት ተቀምጧል፡፡

አዋጁ ሲጸድቅ የኢትዮጵያ ኢንሹራንስ ቁጥጥር ባለሥልጣን “የተካፉል፣ የተካፉል መስኮት እና የውጭ ተካፉል ኦፕሬተሮችን” የፈቃድ አሰጣጥ መስፈርቶችን በመመሪያ እንደሚወስንም ተደንግጓል፡፡ ይህ አዋጅ እንደተጠበቀ ሆኖ፣ ባለሥልጣኑ የተካፉል ኢንሹራንስ ከተለመደው ኢንሹራንስ “ካለው የተለየ ባሕርይና የአሠራር ዘይቤ አንጻር” ለቁጥጥርና ለፈቃድ አሰጣጥ የሚያስፈልጉ ተጨማሪ ቅድመ ሁኔታዎችን በመመሪያ ያወጣል በሚል ደንግጓል፡፡

ባለሥልጣኑ አጠቃላይ የሸሪዓ አስተዳደር ሥርዓትን ለመቆጣጠር፤ ለፈቃድ አሰጣጥ የሚያስፈልጉ መስፈርቶች፤ የተካፉል መስኮት የሕግና የፋይናንስ ከለላ መስፈርቶች፤ የባለአክሲዮኖች፣ የተበሩዕ (የጋራ መረዳጃ መዋጮ) እና የኢንቨስትመንት ፈንዶች አያያዝ እና ክፍፍል እንዲሁም ለኦፕሬተሮች የሚፈለግ የካፒታል እና የብድር መክፈል አቅም መጠን በመመርያ የሚወስናቸው ተብለው ከተዘረዘሩት መካከል ተካተዋል፡፡

በኢትዮጵያ የመጀመርያው ወለድ አልባ የኢንሹራንስ አገልግሎት ሰጪ አማና ኢንሹራንስ ሥራ ለመጀመር የብሔራዊ ባንክን ፍቃድ እየጠበቀ እንደሚገኝ ከዚህ ቀደም አስታውቋል፡፡ ሥራ ለመጀመር የመጨረሻ ምዕራፍ ላይ ይገኛል የተባለው ኩባንያው 83 ባለድርሻዎችን ያቀፈ ነው። ከባለድርሻዎቹ መካከል በኢትዮጵያ ሙሉ ለሙሉ ከወለድ ነጻ የባንክ አገልግሎት ከሚሰጡ አራት ባንኮች ውስጥ ሦስቱ ይገኙበታል። እነዚህ ባንኮች ሂጅራ፣ ራሚስ እና ሸበሌ ናቸው። ባንኮቹ ያላቸው የድርሻ መጠን 5 በመቶ ነው። (ሚንበር ቲቪ)

1,510

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

📷 Photo

በትግራይ ክልል የሙስሊሞች መካነ መቃብር ለሌላ እምነት የአምልኮ ሥፍራነት ተሰጥቷል - የትግራይ እስልምና ጉዳዮች ከፍተኛ ምክር ቤት

የትግራይ ክልል እስልምና ጉዳዮች ከፍተኛ ምክር ቤት፤ በክልሉ ዓቢይ ዓዲ ከተማ ከጥንት ጀምሮ በሙስሊም መካነ መቃብርነት እያገለገለ የሚገኝ በተለምዶ “ሓሽዲ” ወይም “እምባ ኣሕዲን” በመባል በሚጠራ ታሪካዊ ቦታ፤ ያለአግባብ ወደ ሌላ የእምነት አምልኮ ሥፍራነት እንዲቀየር በከተማ አስተዳደር ተሰጥቷል ሲል አሳውቋል።

ምክር ቤቱ ይህ ያስታወቀው ዛሬ ሚያዝያ 20/2018 ነው። ምክር ቤቱ ሥፍራው በትግራይ ክልል የመሬት ቢሮ “አግባብነት የለውም፣ ሥልጣናችሁም አይደለም” የሚል ደብዳቤ በይፋ ተሰጥቷቸው እያለ፣ ሕጋዊ መመሪያውን ወደ ጎን በመተው በቦታው ላይ በኃይል ህንፃ በመገንባት ላይ ይገኛሉ ብሏል።

ይህን ተከትሎም ድርጊቱ በእስልምና እምነት ላይ የተፈፀመ ጥሰት እና የሕዝቡን ሰላማዊ አብሮ የመኖር እሴት የሚያናጋ ነው ሲል ወቀሳ ሰንዝሯል።

ጉዳዩን አስመልክቶ የክልሉ እስልምና ጉዳዮች ከፍተኛ ምክር ቤት ከዓብይ ዓዲ ኮሚቴ ጋር በመሆን ሰፊ ማብራሪያና ጋዜጣዊ መግለጫ ይሰጣል ተብሎ ይጠበቃል። (ሚንበር ቲቪ)

1,630

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

ኸበር ደርሷል!

https://youtu.be/ybE4_919eZc?si=L

1,450

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

በአሜሪካ የፌዴራል ማረሚያ ቤቶች ውስጥ የሙስሊም ሴቶች የሒጃብ መብት እንዲከበር ፍርድ ተላለፈ

ዕለተ ማክሰኞ ሚያዝያ 20 – 2018 ዙል ቀዕዳህ 11 – 1447

የአሜሪካው የሙስሊሞች መብቶች ተቆርቋሪ ዘ ካውንስል ኦን አሜሪካን ኢስላሚክ ሪሌሽንስ የሚኒሶታ ቅርንጫፍ፤ በፌዴራል ማረሚያ ቤት ውስጥ የሚገኙ ሙስሊም ሴቶች ሒጃባቸውን የመልበስ መብታቸውን የሚያረጋግጥ ውሳኔ አሸንፏል፡፡ ፍርድ ቤቱ ባስተላለፈው ውሳኔ ያለ ሒጃብ የተነሱ ፎቶግራፎች እንዲጠፉ ትዕዛዝ ሰጥቷል፡፡

የፍርድ ቤት ትዕዛዙ የተላለፈው በአሜሪካ የዲስትሪክት ፍርድ ቤት ዳኛ ጄፍሪ ኤም ብራያን አማካኝነት ነው፡፡ በዚህ ትዕዛዝ መሠረት የፌዴራል ማረሚያ ቤቶች ቢሮ የሙስሊም ሴቶችን ሃይማኖታዊ መብት እንዲያከብርና የዜጎችን ሕገ መንግሥታዊ መብት እንዲጠብቅ ይገደዳሉ፡፡

ለውሳኔው መነሻ የሆነው ክስ የቀረበው በሚኒሶታ ማረሚያ ቤት በነበሩት ሶማሊያዊ አሜሪካዊት ሙና ጃማ ሥም ነው። እኒህ ወይዘሮ በማረሚያ ቤቱ ቆይታቸው ወቅት የፌዴራል ማረሚያ ቤቶች ቢሮ ሒጃባቸውን አውልቀው ካልሆነ በስተቀር የመታወቂያ ፎቶግራፍ እንደማይነሱ በማሳወቁ በተደጋጋሚ በግዳጅ የተባሉትን አድርገዋል፡፡

ፖሊስ ያለ ሒጃብ የተነሱበትን ፎቶ የያዘ መታወቂያ እንዲይዙ በማድረግ፣ ወንድ የጥበቃ ኃይሎች በየቀኑ ፀጉራቸውን፣ ጆሯቸውን እና አንገታቸውን እንዲያዩ በማድረግ ለከፍተኛ ሥነ ልቦናዊና ሃይማኖታዊ ጫና ዳርጓቸዋል።

ዳኛ ብራያን በሰጡት ብይን የመንግሥት ርምጃ “የሃይማኖት ነፃነት መልሶ ማቋቋሚያ ሕግን” መጣሱን ገልጸዋል። መንግሥት አንድን ግለሰብ ከሃይማኖታዊ እምነቱ ውጪ እንዲያደርግ የሚያስገድድ ከሆነና ባለመታዘዙ ምክንያት ቅጣት እና ጥቅማጥቅሞችን የሚከለክል ከሆነ በሃይማኖት ነፃነት ላይ “ከፍተኛ ጫና” እንደፈጠረ ይቆጠራል ሲሉ የሕግ ማብራሪያ ሰጥተዋል፡፡

በፍርድ ቤት ትዕዛዝ መሠረት የፌዴራል ማረሚያ ቤቶች ቢሮ ወይዘሮ ጃማ ያለ ሒጃብ የተነሱባቸውን ፎቶዎች በሙሉ በዘላቂነት እንዲደመስስ ተፈርዶበታል። ማረሚያ ቤቶችም የደኅንነት ሥጋትን እንደ ምክንያት በማቅረብ ብቻ የዜጎችን እምነትና ክብር መጣስ እንደማይችሉ በውሳኔው መረጋገጡን የመብት ተቆርቋሪው አስታውቋል፡፡

ውሳኔውን በተመለከተ የተናገሩት ወይዘሮ ሙና ጃማ፤ “ውሳኔው ትልቅ እፎይታ [የሚሰጥ] ነው፤ ሕገ መንግሥቱን እና መብታችንን የሚያከብሩ አካላት መኖራቸውን ማየቴ ለኔ ትልቅ ነገር ነው። አሁን በነፃነት መተንፈስ እንደምችል ይሰማኛል” ሲሉ ምሥጋና አቅርበዋል፡፡ የዘ ካውንስል ኦን አሜሪካን ኢስላሚክ ሪሌሽንስ የሕግ ባለሞያ አያ ቤይዱን በበኩላቸው፣ ውሳኔው በመላው አሜሪካ ለሚገኙ ሙስሊም ሴቶች ትልቅ ድል መሆኑን በመግለጽ፤ በማንኛውም የሕግ ተቋም ውስጥ “የግለሰቦች ሰብዓዊ ክብር እና ሃይማኖታዊ ተግባር” ያለ በቂ ምክንያት መጣስ እንደሌለበት አሳስበዋል። (ሚንበር ቲቪ)

1,390

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

📷 Photo

የመዲናዋ እስልምና ጉዳዮች ከፍተኛ ምክር ቤት ለሐጅ ተጓዦች የመጀመሪያ ዙር ሥልጠናውን መስጠት ጀመረ

የአዲስ አበባ እስልምና ጉዳዮች ከፍተኛ ምክር ቤት፤ በዘንድሮ ዓመት በሐጅ ሥነ ሥርዐት ለመሳተፍ ምዝገባ ላከናወኑ 500 ገደማ ምዕመናን የሐጅ አፈፃፀም ሥልጠና መስጠት ጀምሯል፡፡ ዛሬ ማክሰኞ ሚያዝያ 20/2018 በአዲስ አበባ ረያን መስጂድ አዳራሽ የተጀመረው ሥልጠና የ1 ለ 45 አተገባበርን ያካተተ ነው፡፡

በሥልጠናው መክፈቻ ላይ ንግግር ያደረጉት የአዲስ አበባ ከተማ እስልምና ጉዳዮች ከፍተኛ ምክር ቤት ፕሬዝዳንት ሸይኽ ሡልጣን አማን፤ “በዘንድሮ ዓመት የሚጓዙ ሑጃጅ ልባቸውን ለአላህ (ሱ.ወ) ንጹሕ በማድረግ በተውበት መውጣት እንደሚገባቸዉ ተናግረዋል። “ጉዞው ቀላል አለመሆኑን መረዳት ይገባል” ያሉት ሸይኽ ሡልጣን፤ ጉዞው ወደ አላህ (ሱ.ወ) ቤት የሚደረግ እንደሆነም አስገንዝበዋል፡፡

የአዲስ አበባ ከተማ እስልምና ጉዳዮች ከፍተኛ ምክር ቤት ምክትል ፕሬዝዳንት ሸይህ ሙሐመድ ሸሪፍ በበኩላቸው፤ ሑጃጅ ለሀገር እና ለሙስሊሙ ማኀበረሰብ ዱዓ በማድረግ እንዲበራቱ መልዕክት አስተላልፈዋል። በመድረኩ ላይ የተገኙት የኢትዮጵያ እስልምና ጉዳዮች ጠቅላይ ምክር ቤት የሐጅና ዑምራ ዘርፍ ተጠሪ ዶክተር ሙሐመድ ሷሊህ፤ በቅዱሳን ሥፍራዎች በሚኖረው ቆይታ፤ “አሚርን መታዘዝ፣ የመጅሊስ መልዕክቶችን መተግበር እንዲሁም መተጋገዝ እና መተባበር” እንደሚገባ ተናግረዋል፡፡

በዛሬው እለት የተጀመረው የመጀመሪያው ዙር የሐጅ ተጓዦች ሥልጠና እስከ ሚያዝያ 24/2018 ድረስ እንደሚቆይ ታውቋል። (ሚንበር ቲቪ)

1,600

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

📷 Photo

ኢምሬትስ ኢስላሚክ ባንክ ሸሪዓን መሠረት ያደረገ ዲጂታል የማዕድናት መገበያያ አስተዋወቀ

1,240

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

ኢምሬትስ ኢስላሚክ ባንክ ሸሪዓን መሠረት ያደረገ ዲጂታል የማዕድናት መገበያያ አስተዋወቀ

ዕለተ ማክሰኞ ሚያዝያ 20 – 2018 ዙል ቀዕዳህ 11 – 1447

በተባበሩት ዐረብ ኢምሬትስ ውስጥ ካሉ ግንባር ቀደም የኢስላሚክ የፋይናንስ ተቋማት አንዱ የሆነው ኢምሬትስ ኢስላሚክ ባንክ፤ ደንበኞቹ በዲጂታል ወርቅና ብር በቀላሉ መሸጥና መግዛት የሚያስችላቸውን ሸሪዓን መሠረት ያደረገ አዲስ የኢንቨስትመንት አገልግሎት መጀመሩን ይፋ አድርጓል። አገልግሎቱ በተባበሩት ዐረብ ኤምሬትስ ውስጥ በሚገኝ የኢስላሚክ ባንክ ታሪክ የመጀመርያው ነው ተብሏል።

በዚህ መገበያያ ደንበኞች በኢምሬትስ ኢስላሚክ ባንክ የሞባይል ባንኪንግ መተግበሪያ ውስጥ ያለውን አማራጭ በመጠቀም የውድ ማዕድናት ኢንቨስትመንቶቻቸውን በስማርት ስልካቸው ማስተዳደር ይችላሉ። መተግበሪያውን በመጠቀም በማንኛውም ጊዜና ቦታ፣ ደኅንነቱ በተጠበቀና በተረጋገጠ ሁኔታ ወርቅና ብር መግዛትም ሆነ መሸጥ እንደሚያስችላቸውም ተገልጿል። ከዚህ ባሻገር የኢንቨስትመንት ዋጋን ለመቆጣጠር ምቹ መንገድን ይፈጥራል ተብሏል።

ይህ ኢንቨስትመንት አገልግሎት ኢምሬትስ ኢስላሚክ ዘመናዊ ቴክኖሎጂን በመጠቀም የተሻለና ምቹ የሆነ የደንበኞች ተሞክሮ ለማቅረብና በቀላሉ ተደራሽ ለማድረግ ያለውን ቁርጠኝነት የሚያሳይ እንደሆነም ተገልጿል። የኢምሬትስ ኢስላሚክ ምክትል ዋና ሥራ አስፈፃሚ መሐመድ ካምራን ዋጂድ በሸሪዓ ሕግ ላይ የተመሠረተ የሐብት አያያዝን በዲጂታል ፈጠራ ለመምራት ያለንን ቁርጠኝነት በማረጋገጥ፤ ተቋሙ አጠቃላይ የእሴት አቅርቦቶችን የሚያጎለብት ጠንካራ እና ግልጽ መድረክ ያቀርባል ብለዋል።

አዲሱ አገልግሎት ደንበኞች ሀብታቸውን ለማሳደግና ከዋጋ ንረት ለመከላከል የሚያስችል ዘመናዊና አስተማማኝ አማራጭ እንደሚሆን ገልጸዋል። ገልፍ ኒውስ እንደዘገበው፤ ደንበኞች የሚገዟቸው ውድ ማዕድናት በባንኩ ጥብቅ ጥበቃ በሚደረግባቸው ካዝናዎች ውስጥ ደህንነታቸው ተጠብቆ ይቀመጣሉ፡፡ ደንበኞች ኢንቨስትመንታቸውን በገንዘብ መልክ ማውጣት በፈለጉ ጊዜ በአካል እንዲረከቡ የመጠየቅ መብት አላቸው፡፡ (ሚንበር ቲቪ)

1,390

Minber News - ሚንበር ኸበር

۱۱ اردیبهشت ۱۴۰۵، ۱۵:۳۶

📷 Photo

በአሜሪካ የፌዴራል ማረሚያ ቤቶች ውስጥ የሙስሊም ሴቶች የሒጃብ መብት እንዲከበር ፍርድ ተላለፈ

በድረ ገጽ ያንብቡ፡ https://minbertv.com/?p=11525

1,220

Minber News - ሚንበር ኸበር

۳۱ فروردین ۱۴۰۵، ۲۳:۴۷

https://youtu.be/TPQunZ5C6qM?si

359

Showing 30 of 48 posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

Minber News - ሚንበር ኸበር

Minber News - ሚንበር ኸበር

رتبه‌بندی

رشد مشترکان (8 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

Дневник иранского журналиста🇮🇷

Daily News And Notes Desk || PIB || Current Affairs || Newspaper Cuts

اخبار نیوز

قنشن نيوز ¦ Genshin News

UltraSouth - דף עדכונים

آخرین خبر کنگاور

الشباب الثائر - قلقيلية

Mt proxy | پروکسی خبری

کانال‌های تلگرام مرتبط

Дневник иранского журналиста🇮🇷

Daily News And Notes Desk || PIB || Current Affairs || Newspaper Cuts

اخبار نیوز

قنشن نيوز ¦ Genshin News

UltraSouth - דף עדכונים

آخرین خبر کنگاور

الشباب الثائر - قلقيلية

Mt proxy | پروکسی خبری

نظرات کاربران (0)

آخرین پست‌ها