كل شخص يشوفك بعين طبعه وبقدر محبتك في قلبه, عتقابل من يشوفك اطيب الناس, ومن يشوفك اسوٲهم, عتتصنف البطل في روايه احدهم, وعتكون الشوعه بروايه الثاني, عتواجه من ينسى خمسين موقف جميل منك لٲنك فقط قصرت مره, ومن يقدر معروفك البسيط ويحتفر بنص قلبه, من يفلت جمال الصفحه البيضاء ويركز عل النطقه السوداء, ومن يلفت نظره عن عيوبك ويبحث لك عن اعذار ويظهر لك جمال صورتك في نظره, عتتعايش مع اشخاص مـ توقف عن انتقادك, ومع من مـ يكفيهم كل الكلام الحالي في وصفك, عتجتمع مع مريض نفس يعجبه معارضتك بكل شي, ومع شخص يٲيدك بكل رٲي, عتتفاجئ باشخاص تكرهك من غير سبب, واشخاص تخترع اسباب لاجل تنال حبك, عتقابل احباب تتشفى بك وترقص على جرحك, وعتقابل اغراب تسندك وتربت على قلبك, وفي الاخير انت نفس الشخص, لكن كل عين تبسرك عل قدر حبها لك ومن الزاويه اللي تشتيها, فلا تزعل نفسك على كلام انت غني عنه, الكلام الحالي ضمه في رصيدك والشوعه ادعس عليه وامشي, لا تخليه يهز شخصك, اتركه خلف ظهرك وعيش ذاتك وحارب لاجل نفسك, حاول تحقق ذاتك وتكون انت, الناس مردها تتكلم ولو تصنع المستحيل, وطول مابتشوف نفسك على الطريق السوي لاتلتفت واستمر على مانت عليه ولا عليك من احد.
#خاطركمツ.
