هذا الكورس صار ب ٤ محافظات ... بغداد - بصرة - نجف - كربلاء ... وآخر مرة سويته ألكتروني ... الحلو حتى خريجين كلية طب من دول ثانية حضروا ويانا 🥹 ... وآخر شي بخصوص ال ECG هو كورس مسجل ... حالياً أعتبر أهم كورس سويته ع الإطلاق
520
0
0
MedFuture
۳۱ اردیبهشت ۱۴۰۵، ۲۱:۳۹
☺️ خلي نسولف ☺️
قبل أكثر من ٧ سنوات من الآن نشرت أول فيديو الي بالقناة 😍 ... ما كان عندي أي خبرة بأي من كل هذا الي أقدمه ... بس "الله دبرها"😂 ... بعدين صارت حركة حقيقية على التشريح ... وإشتهرت القناة بالتشريح واستمر الموضوع لفترة مو قليلة ... بس صار أكو توقف وإنقطاعات لفترات طويلة ... ما أنكر أنو هالشي جزء منه كان مو بإختياري وجزء ثاني كان لسبب ... السبب هو أريد يكون أكو قيمة حقيقية أطيها ... فعلاً شي مهم أقدمه ... فبلش بعد التخرج بالتدريب أو التدريس الحضوري وكان شي كلش لطيف ... بس كان شي محدود فقط بالعطلة الصيفية ... وهواي منكم ميكدر يحضر ... مشكلة المحتوى الألكتروني ... مثل قناة اليوتيوب، الإنستجرام، التلجرام وغيرها ... هي البطئ بتقديم المحتوى لأن حتى الآن كان مجاني ... سبب البطأ هو إني أشتغل وحدي ... كل الفيديوهات الي شفتوها كان الشخص الوحيد الي مسؤول عنها هو آني فقط ... بكل تفاصيلها فالبطأ وضعف الإلتزام من المتلقي خله كل المحتوى الي أقدمه شي ما ممكن تعتمد عليه بشكل فعلي إلا إذا كمل تماماً ... وهذا صعب يصير بالوقت الي يحتاجه المتلقي ... فقررت أبلش المحتوى المدفوع حتى يصير بالنهاية أكو فرصة تساعدني ناس وبالتالي يكون الإنجاز أسرع بهواي ... رح أترك العمل الي رح أقدمه هو يسولف عني ما رح أسولف عنه ... بس أريد رئيكم بكم شغلة وأشارككم كم شغلة 😁
مرحباً جميعاً ... بإعتبار تجي أيام دوامي يكون ممل ... فكلت أصرف الوقت وياكم ... طبعاً معندي فكرة شلون 😂 ... بس هي الغاية الأساسية من هاي القناة وكل القنوات التابعة إلي هي فائدتكم ... فأريد مقترحات ... أي نوع من أنواع المقترحات أستقبل ... حتى أكون فكرة وأدزلكم مقترحات تصوتون عليها ❤️❤️❤️ + أكو هواي مشاريع هسة أسولفلكم عليها 😁😁😁
http://T.me/Study_is_a_Life_Bot
http://T.me/Study_is_a_Life_Bot
http://T.me/Study_is_a_Life_Bot
