Emergency & ICU

Public

نمی‌توانید بپیوندید؟ @EmergenceCourse

۷.۵k عضو

به‌روزرسانی شده: May 14, 2026 at 8:11 AM

Emergency & ICU

منصة تعليمية متخصصة تقدم لك أفضل الكورسات الطبية أونلاين في مختلف التخصصات الطبية والصحية! للتواصل @A_m_Ebrahim

@EmergenceCourse is a dedicated channel for a_m_ebrahim with regular updates in پزشکی

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (8 روز گذشته)

مجموع: 7.5K

رشد 24 ساعت: +0 0%

آخرین پست‌ها

Emergency & ICU

۳ خرداد ۱۴۰۵، ۱۹:۱۱

قربت قعدة نيابات الدفعه الجديده

أنا عارف إن الموضوع تقيل وفيه تفكير وعصف ذهني شديد وانا اتسالت اسئله كتيره جدا عن التخصص والاختيار والناس في حيره شديدة جداً لحد الإرهاق النفسي العنيف 😅

ولكن هقولكم نفس اللي قولته لزمايلكم اللي اكبر منكم دفعتين وكل واحد منهم حالياً بقي سينيور ف تخصصه

يا عزيزي اعمل اللي عليك واجتهد قدر المستطاع وبس

ولكن لحظة ياصديقي ....

لتهدأ قليلا فإن هذا مُلكه سبحانه ، مُلكه الذي يَهبُ فيه ما يشاء لمن يشاء ويحرم فيه ما يشاء عمن يشاء ، والأمر ليس متعلق بقدراتك ولا بسعيك فقط ، بل بفتحه عليك

وما يفتح الله للناس من رحمة فلا ممسك لها !

لا ممسك لها ياصديقي

فأمرك ومآلك وشأنك كله بيد لله فحسبك الله في كل لك الله
افعل ما عليك وتوكل على وكفي بالله حسبك ❤️

ريح بالك شويه من كتر التفكير وتوكل على الله

لا تُدَبِّرْ لَكَ أَمْرًا فَأُولُو التَّدْبِيرِ هَلكَى
سَلِّمِ الْأَمْرَ تَجِدْنَا نَحْنُ أَوْلَى بِكَ مِنْكَا .

ربنا يوفقكم ياشباب ❤️

د.محمد حسونه

1,640

Emergency & ICU

۳ خرداد ۱۴۰۵، ۱۹:۱۱

لو عيان ischaemic stroke وضغطه عالي متوطيهوش ،الا لو بقا أعلى من 220 الsystole او فيه TOD,,ساعتها وطيه ببطئ،
~ايه ده يعني عيان ضغطه 200 اسيبه عالي؟! اه، ليه؟
عشان ده عيان ischaemic ف الضغط العالي هنا مفيد عشان بيساعد على brain perfusion

وطيه لما يعلي عن 220 ده لو مش هتدي thrombolytic او
وطيه لما يعلي عن 185 ده ف حاله انك هتدي thrombolytic بس
~او لو حصل target organ damage وطي

1,340

Emergency & ICU

۳ خرداد ۱۴۰۵، ۱۹:۱۱

معلومه مهمه جدا العيانين الhypertensive لفترة طويله وuncontrolled علطول SBP بتاعه ١٧٠ ولا ١٨٠ وفجاة دخل في pnemonia شديدة ودخلته فseptic shock، خلي بالك ان العيان دا ممكن يكون shocked فعلا وهو ضغطه ١١٠/٧٠ ولا ١٢٠/٧٠ اقصد مش رقم قليل يعني ،،فحضرتك هتتلغبط وتتاخر في تشخيص الshock وتقعد تقول لنفسك العيان نبضه ضعيف ومبيجبش بول ازاي وهو ضغطه ١٢٠/٧٠ لأنك يا عزيزي لسه بتحكم عالshock برقم الضغط وليس الorgan perfusion ولا رقم الlactate ,عالاقل يا دكتور احسبله رقمMAP
dr_Ahmed_Aboshanab

1,210

Emergency & ICU

۳ خرداد ۱۴۰۵، ۱۹:۱۱

ف الشغل بنستخدم برنامج اسمه Abridge AI مدمج في الملف الطبي .. كل دوره ان يسمع الحوار اللي بيحصل بيني و بين المريض طول وقت الزيارة و يسجله و بعدها يكتب ال notes ك draft و بعد الزياره انت تعدلها براحتك ..

اختراع عظيم جدا و بيساعد كتير جدا خصوصا لان فيه حاجات العيان بيقولها ممكن تسقط منك أو انت تنساها لو اتكلمتوا ف كذا موضوع .. ف هو بيسجل كل حاجه حرفيا و ف الاخر بتلاقيه ملخص كل اللي اتكلمتوا فيه ف كذا نقطه و مرتبهم لك حسب كل شكوي العيان قالها ..

المهم .. اختراع مفيد جدا و بيوفر وقت كتير جدا من وقت الزيارة و بيخليك تقضي وقت أكتر مع المريض ..

انهارده كان عندي مريض عربي .. دخلت له و شغلت الأبلكيشن و قعدنا نتكلم .. اتكلمنا بالعربي .. ف افتكرت ان الأبلكيشن شغال و أكيد مش هيفهم احنا بنقول ايه .. قلت أقفله ولا اسيبه .. قلت سيبه وابقي الغي التسجيل ف أخر الزيارة و خلاص!

خلصنا كلام و العيان مشي .. قلت أدخل أقفل الأبلكيشن و أمسح التسجيل ..
أتفاجئ ان الأبلكيشن سمع كل الكلام اللي قلناه ب لهجه عاميه مصريه و قدر يترجمه ويرتبه و يكتب ال notes بدون ما يغلط غلطه واحده 😀😀

انا اتصدمت! ازاي فهم العاميه المصريه و قدر يترجمها و يكتب كل اللي قلناه بالدقه دي!

شغل فاخر الصراحه 🤖

Dr Mohamed Shokr

1,510

Emergency & ICU

۳ خرداد ۱۴۰۵، ۱۹:۱۱

دايما الهيستوري الصح هو ال هيقودك للتشخيص الصح
في عيان جاي بيشتكي من الم في الرجل الشمال وراح مستشفي كشفو عليه وعمل اشعه طلع عنده ديسك وكان القرار انه يعمل عمليه
لكن راح لدكتور تاني
سأله سؤال واحد الوجع بدأ ازاي؟
قاله كنت قاعد فجاه حسيت بوجع شديد فرجلي وبدا يزيد
وده يعتبر acute onset
وماشي مع الحاجات الvascular
عكس الم ضغط الفقرات ع الاعصاب بيكون تدريجي شويه
وكان القرار انه اتعمله ecg طلع severe atrial fibirilation
ودوبلر
طلع في arterial embolism
ف دي حاله acute limb ischemia
يعني تشخيص مختلف تماما وكانت القرار الاول ممكن يوصل المريض لبتر ساقه
الدكتور الشاطر هو ال بيعرف ياخد هيستوري صح لان ده مفتاح التشخيص

Dr Mohamed mostafa

1,380

Emergency & ICU

۳ خرداد ۱۴۰۵، ۱۹:۱۱

حاله من طوارئ  كانت من ستر ربنا وتوفيقه اني اتعامل معاها ♥️

🔷 اهم معلومه من الحاله  : لازم تنسى أن مريض DKA لازم يجي معاه hyperkalemia دا مش حقيقي انت مريض ال DKA بتبدأ تحط بوتاسيوم بعد تاني لتر في الغالب طبعا على حسب نسبه البوتاسيوم ولكن في الأساس بلاش تعتقد أن DKA يبقى لازم hyperkalemia

🔷 كنت لسه بتعلم رسم القلب فكنت بشوف كل رسم قلب يتعمل واسجل اللي انا عرفته وأشوف النايب الكومنت بتاعه على رسم القلب اي
المهم كان فيه رسم قلب شوفته فلقيت فيه
1-bradycardia
2- flat t waves
3- diffuse st depression

🔷 روحت اشوف العيانه لقيتها جايه اصلا DKA مع شديد vomiting عنيف وسحبو ليها معامل ومستنيين التحاليل

🔷 قيست النبض لقيتها 44 وضغطها واطي  معنى كدا أنها hemodynamic unstable

🔷 طبعا اخدت رسم القلب للمدرس المساعد النباطشي وقتها وكان في دقائق نزل نائب الرعايه وبدأ يتعامل مع الحاله

التحاليل طلعت طلع  sever hypokalemia

الحاله اتعمل correction واتحجزت رعايه وطلعت زي الفل

اللي علق معايا وقتها نائب الرعايه قالي انت ربنا بعتك ليها نجده والله كانت ممكن تأرست في أي وقت

د. محمد مجدى

1,350

Emergency & ICU

۳ خرداد ۱۴۰۵، ۱۹:۱۱

‏🟩🟩تشخيص مرحلة ما قبل السكري: أكثر من مجرد رقم
‏✅معايير التشخيص

‏1️⃣سكر الدم الصائم (FPG)
‏من 100 إلى 125 mg/dL
‏او
‏2️⃣ السكر التراكمي (HbA1c)
‏من 5.7٪ إلى 6.4٪
‏او
‏3️⃣اختبار تحمل الجلوكوز الفموي بعد ساعتين (2-h OGTT)
‏من 140 إلى 199 mg/dL

‏🟩🟩العلاج

‏1️⃣نمط الحياة: الخط الأول لعلاج مرحلة ما قبل السكري — عند تطبيقه بالشكل الصحيح

‏🔴 خفض وزن الجسم ≥ 7٪
‏الحد الأدنى لتحقيق فائدة سريرية ملموسة في تحسين سكر الدم

‏🟠 ≥ 150 دقيقة نشاط بدني أسبوعيًا
‏تمارين هوائية متوسطة الشدة + 2–3 جلسات تمارين مقاومة أسبوعيًا.

‏🟡 حوالي 7 ساعات نوم ليلًا
‏النوم أقل من 6 ساعات أو أكثر من 9 ساعات قد يزيد خطر تطور المرض بنسبة تصل إلى 50٪.

‏🟢 اتباع النمط الغذائي المتوسطي / DASH
‏التركيز على:

‏الحبوب الكاملة
‏الخضروات
‏البقوليات
‏الأسماك
‏زيت الزيتون
‏تقليل الأطعمة فائقة التصنيع (Ultra-processed foods)

‏الدعم السلوكي مهم بقدر أهمية العلاج نفسه

‏✅يجب التعامل مع النوم، والتوتر النفسي، والبيئة الغذائية معًا لتحقيق أفضل النتائج

‏2️⃣العلاج الدوائي في مرحلة ما قبل السكري ،عندما لا يكون تعديل نمط الحياة وحده كافيًا

‏🔹 الميتفورمين (Metformin)
‏الأكثر مناسبة لـ:
‏مؤشر كتلة الجسم ≥ 35
‏العمر أقل من 60 سنة
‏وجود تاريخ سابق لسكري الحمل
‏الدليل العلمي:
‏دراسات DPP و DPP-OS أظهرت تقليل خطر تطور السكري على المدى الطويل، ويُعد الخيار الدوائي الأول وفق توصيات الجمعية الأمريكية للسكري (ADA).

‏🔹 نواهض مستقبلات GLP-1
‏مثل سيماجلوتايد 2.4 mg ويقوفي واوزمبك
‏مناسبة لـ:
‏مرحلة ما قبل السكري المرتبطة بالسمنة
‏الحاجة إلى فقدان وزن كبير
‏الدليل العلمي:
‏دراسات SCALE و STEP أظهرت:
‏فقدان وزن ملحوظ
‏انخفاض تطور الحالة إلى السكري من النوع الثاني لدى مرضى ما قبل السكري

‏🔹 تيرزيباتيد (Tirzepatide)-المنجارو

‏(مزدوج التأثير GIP / GLP-1)

‏الأكثر مناسبة لـ:

‏السمنة الشديدة أو ارتفاع BMI
‏متلازمة الأيض
‏عدم الاستجابة للعلاجات السابقة

‏الدليل العلمي:
‏دراسة SURMOUNT-1 أظهرت:

‏فقدان وزن يتجاوز 22٪
‏تحسن أو اختفاء مرحلة ما قبل السكري لدى معظم المشاركين

‏🔹 بيوجليتازون وأكاربوز
‏(في حالات مختارة)
‏الأكثر مناسبة لـ:
‏بعض الأنماط الخاصة مثل:
‏الكبد الدهني المصاحب لمقاومة الإنسولين
‏الدليل العلمي:
‏دراسات DREAM و ACT NOW و STOP-NIDDM أثبتت الفعالية، مع ضرورة الانتباه لتحمل الدواء والآثار الجانبية.

‏✅ملاحظة مهمة
‏العلاج الدوائي يُعد مساعدًا وليس بديلًا عن تعديل نمط الحياة، والذي يبقى الأساس في الوقاية والعلاج

د.السيد المر

Emergency & ICU

۳ خرداد ۱۴۰۵، ۱۹:۱۱

🚨في خبر مهم جدا في طب النساء والغدد
اسم تكيّس المبايض PCOS اتغير إلى PMOS يعني
Polyendocrine Metabolic Ovarian Syndrome،

والتغيير ده مش مجرد تغيير اسم ولا حركة شكلية، ده تصحيح لفهم مرض اتظلم سنين بسبب اسم كان مختزل جدا ومضلل جدا.

👈زمان لما كنا نقول Polycystic Ovary Syndrome، أول حاجة بتيجي في دماغ المريضة وحتى بعض الأطباء هي تكيسات على المبيض
فيبدأ التفكير كله يتحبس في السونار: هل في أكياس؟ هل المبيض شكله متكيس؟ هل السونار طبيعي؟ طيب يبقى مفيش مشكلة؟
وده كان جزء كبير من الأزمة، لأن المتلازمة دي أصلا مش مرض أكياس على المبيض، ولا وجود الشكل ده على السونار وحده يكفي للتشخيص، ولا غيابه ينفي المرض في كل الحالات.

الأدق إن اللي بيتشاف في السونار غالبا مش cysts بالمعنى المرضي اللي الناس متخيلاه، لكنها follicles صغيرة، يعني حويصلات مبيضية صغيرة، ووجودها جزء من صورة ممكن تحصل في بعض الحالات، لكنها مش جوهر المرض.

وده بالضبط سبب إن الاسم القديم كان بيعمل سوء فهم: بيخلّي المريضة تفتكر إن المشكلة كلها في المبيض، وبيخلّي ناس كتير تتطمن غلط لو السونار مش واضح، أو تتشخص غلط لمجرد إن السونار فيه شكل مبيض متعدد الحويصلات.

✅الاسم الجديد PMOS أذكى وأدق لأنه بيقول إننا قدام متلازمة أوسع من المبيض.
▪️كلمة Polyendocrine معناها إن الاضطراب له علاقة بأكتر من محور هرموني، مش مجرد مبيض بس.

▪️كلمة Metabolic مهمة جدا لأنها بتحط مقاومة الإنسولين واضطراب الوزن والدهون والسكر والمخاطر القلبية الأيضية في قلب الصورة، مش كأنهم حاجات جانبية.

▪️وكلمة Ovarian لسه موجودة لأنها بتعترف إن المبيض والتبويض والدورة والخصوبة جزء أساسي من المتلازمة، لكن مش كل القصة.

يعني المريضة اللي عندها اضطراب دورة، وزيادة أندروجينات أو علامات زيادة أندروجين زي حب الشباب، زيادة الشعر في أماكن غير معتادة، تساقط شعر بنمط هرموني، صعوبة في التبويض أو تأخر حمل، ومعاهم مقاومة إنسولين أو قابلية لزيادة الوزن أو اضطراب سكر أو دهون، دي مش مجرد مريضه عندها تكيسات.

دي عندها متلازمة هرمونية أيضية مزمنة محتاجة تقييم شامل، ومتابعة أذكى، وخطة علاج حسب الهدف: هل الهدف تنظيم الدورة؟ حماية بطانة الرحم؟ تقليل الشعر والحبوب؟ تحسين التبويض والخصوبة؟ تقليل مقاومة الإنسولين؟ تقليل المخاطر القلبية الأيضية؟ ولا التعامل مع الأثر النفسي وجودة الحياة؟

📌والنقطة المهمة جدا إن تغيير الاسم لا يعني إن المرض اتغير، ولا إن التشخيص اتلغى، ولا إن العلاج بقى حاجة جديدة تماما.
اللي اتغير هو العدسة اللي بنبص منها على المرض.
بدل ما نبص له كسونار ومبيض فقط، نبص له كحالة endocrine-metabolic كاملة.
الجايدلاينز الحديثة لسه بتتعامل مع التشخيص في البالغات بمنطق وجود اتنين من تلاتة بعد استبعاد الأسباب الأخرى: زيادة أندروجينات سريرية أو معملية، اضطراب تبويض أو دورة، وشكل مبيض متعدد الحويصلات على السونار أو ارتفاع AMH عند الحاجة.
لكن لو عندنا اضطراب دورة واضح مع hyperandrogenism واضح، فالسونار أو AMH مش لازم يكونوا مطلوبين لتأكيد التشخيص في كل حالة.

وده معناه عمليا إن جملة السونار كويس يبقى مفيش تكيّس جملة مش دقيقة، وجملة السونار فيه تكيسات يبقى عندك المرض برضه مش دقيقة.
التشخيص مش صورة، التشخيص pattern كامل: أعراض، تاريخ مرضي، دورة، علامات أندروجين، تحاليل عند اللزوم، واستبعاد أسباب تانية ممكن تعمل نفس الصورة زي اضطرابات الغدة الدرقية، ارتفاع البرولاكتين، congenital adrenal hyperplasia، Cushing، أو أورام مفرزة للأندروجين في الحالات الشديدة أو غير المعتادة.

يعني مريضة PMOS مش محتاجة بس تنظيم دورة وخلاص.
محتاجة كمان تقييم للمخاطر الأيضية زي السكر والدهون وضغط الدم، ومحتاجة نفهم مقاومة الإنسولين لو موجودة، ومحتاجة تقييم لأعراض الجلد والشعر، ومحتاجة تقييم للنوم أحيانا، ومحتاجة عدم تجاهل القلق والاكتئاب واضطراب صورة الجسم والأثر النفسي، لأن المتلازمة دي مش بس رقم هرمون ولا شكل مبيض؛ دي حالة ممكن تأثر على الجسم كله وعلى جودة الحياة كمان.

✅عشان كده تغيير الاسم من PCOS إلى PMOS مش رفاهية لغوية.
الاسم القديم كان بيختزل مرض معقد في كلمة cysts، بينما الاسم الجديد بيحاول يقول الحقيقة: إحنا قدام متلازمة مبيضية، هرمونية، أيضية، طويلة المدى، ومحتاجة علاج شخصي حسب كل مريضة، مش بروتوكول واحد لكل الناس.

✨الخلاصة ان PMOS مش اسم جديد لنفس الفكرة القديمة، PMOS هو محاولة لتصحيح الفكرة نفسها.
المشكلة مش مجرد تكيسات على المبيض، المشكلة شبكة هرمونية وأيضية وإنجابية ونفسية وجلدية، والسونار جزء من القصة لكنه مش القصة كلها.

Dr Mahmoud shady

Emergency & ICU

۳ خرداد ۱۴۰۵، ۱۹:۱۱

📷 Photo

1,510

Emergency & ICU

۳ خرداد ۱۴۰۵، ۱۹:۱۱

Types of Syncope

1- Vasovagal syncope
2- Orthostatic Syncope
3- Cardiac Syncope

اولا الـ Vasovagal syncope

المريض هيقولك قبل ما يغمى عليه حس بسخونة فى جسمه وعرق وحس بغثيان وزى زغلله كده

وده غالبا بسبب أنه شاف دم مثلا او حصله emotional stress

بنلاقى عنده bradycardia بسيطة
وبنطمنه وبيمشى

ثانيا الـ Orthostatic Syncope

دى بتحصل بسبب الـ postural hypotension

اللى بيحصل غالبا بسبب أدوية زى
Antihypertensive
Antidepressants
Vasodilators
أو بيحصل بسبب autonomic dysfunction زى
Diabetes
Parkinson's


المريض اول ما يقف فى خلال دقايق يحس بدوخه ويغمى عليه

هتشخصه ازاى؟
اول ما المريض يدخل ينام على السرير لمدة خمس دقايق وتقيسله الضغط وبعدين يقف لمدة تلت دقائق وتقيسله تانى

غالبا هتلاقى أن ضغطه لما وقف أقل اكتر من 20mmHg فى الـ SBP
وقل اكتر من 10mmHg فى ال DBP

وخلى بالك ممكن برده على المريض ما يخرج من البيت للمستشفى ويطلع فى الهواء البارد أو يأكل ويشرب حاجة تلاقى ضغطه زبط قبل ما تقيسله اصلا

ثالثا الـ Cardiac Syncope
ودى بقى الـ most important
سببها نوبة غير مستمرة من
Serious arrhythmia
زى الـ
Ventricular fibrillation
Ventricular tachycardia
Complete heart block
Sinus pause

وده غالبا بيحصل فى المرضى فوق سن 45 سنة بسبب ال
Ischemic heart disease

وخلى بالك مريض ال cardiac syncope  غالبا معندوش أى أعراض سابقة وبيتعافى بسرعة
علشان كده مهم اوى تسأل عن
Syncope during exertion
أو لو فى
Family history of sudden death

1,760

Emergency & ICU

۲۰ اردیبهشت ۱۴۰۵، ۰۹:۲۱

📷 Photo

😂😂😂

1,480

Emergency & ICU

۲۰ اردیبهشت ۱۴۰۵، ۰۹:۲۱

بلغ الشافعي أن جاره قد اغتـابه.. فأهدىٰ إليه الشافعي طبق رُطب ومعه كتاب قال فيـه: بلغـني أنك أهديت إلينا من حسـناتك.. وأنا أهدي إليك من حُـطام الدنيا.. جـزاك الله عـدلاً.

إسلام_جمال

1,250

Emergency & ICU

۲۰ اردیبهشت ۱۴۰۵، ۰۹:۲۱

بعد سنين كتير في دراسة الطب النفسي والحمد لله الحصول على شهادات فيه متنوعة
......
الواحد مننا كمتخصص
وهو بيكتب دوا اكتئاب
بيعصر دماغه
ويضرب كم حسبة في دماغه
هل المريض فعلا اكتئاب بس ولا ممكن اكتئاب ثنائي القطب
ولو اكتئاب
أنه دوا يناسب
وزن المريض وسنه
ووظيفته
محتاجة تركيز وحسابات ولا
الأداء الجنسي له
الشهية
تأثيرها عالنوم الكتير
ولا عنده أرق ومحتاج ينام
هل لو ست
في سن الحمل ولا
في مشاكل قلب كلى كبد
في مشاكل سيولة
السعر للدوا نفسه وحالة المريض ماديا
وبعد كده يفصل حاجة تناسب
كل حالة وظروفها
وغيره وغيره
محتاجة أنه علاج نفسي
وأي مدرسة علاجية
وهل أنا بشتغلها
ولا أحولها لحد متخصص في الحتة دي
بالذات
.......
فبستغرب جدا من طبيب في أي تخصص تاني
يسأل أنت متضايق طب خد بالحباية دي للاكتئاب
بكل سهولة وضمير مرتاح وكده هو وفر عالمريض كشف النفسية
وطبعا لازم الدم الخفيف يطلع
نبطل دلع دكاترة نفسية ايه بس
شكلك حابة تدلعي ع جوزك شوية
أو لو راجل ننشف شوية كده

.....
بيفكر في ايه ساعتها
هل جهل بالدوا
جهل بالمرض النفسي
استهتار بالمريض
ولا حب ف إظهار انه
متعدد المواهب

انت كده مش بتوفر على المريض انت كده بتضره

Dr Mahmoud Metwally

1,920

Emergency & ICU

۲۰ اردیبهشت ۱۴۰۵، ۰۹:۲۱

📷 Photo

مفيش حاجه اسمها تشخص بالفهلوه
تذكر أن الحاله اللي هتفتي فيها هتشيل ذنبها ليوم الدين ودي نصيحه بالذات لأخواتنا الطلاب والإمتياز اللي بيستعجلوا أنهم يشتغلوا برايڤت
وتذكر الحديث الشريف

"مَن تَطَبَّبَ ولم يُعلَمْ منه طِبٌّ قَبلَ ذلك، فهو ضامِنٌ"

1,760

Emergency & ICU

۲۰ اردیبهشت ۱۴۰۵، ۰۹:۲۱

💡 Sepsis
Lactate ↑ = tissue hypoperfusion

🚨 RED FLAG:

Hypotension unresponsive to fluids

⚠️ PITFALL:

Delay antibiotics = ↑ mortality

د. أحمد عبدالحافظ

1,650

Emergency & ICU

۲۰ اردیبهشت ۱۴۰۵، ۰۹:۲۱

🧠 اكتر حاجة تقدر تفيد بيها عيان ال Ischemic stroke انك تسال نفسك سؤال ف غاية الأهمية
" العيان ده بيبلع ولا لا " ❕
علشان أكتر حاجة تموت العيان مش الجلطة نفسها ولا ال Weakness اللى ممكن يعيش به
ولكن ال
Aspiration Pneumonia 🫁
بسبب صعوبة البلع اللي بتحصل خاصة لو الجلطة أثرت على الـ brainstem أو الـ dominant hemisphere 🧠

بدليل لما يجو يتحجزو عناية لازم مع ال CT Brain يتعمل
🫁 CT Chest for Aspiration
🫀 ECG for AF

وعشان كده لازم تعمل له
🛏 Bedside Swallowing Assessment
أو لو مش بتعرف ف على الأقل ما حدش يشربه أو يأكله
⛔ NPO (Nil Per Os)

وده ياخدنا لأهمية وضعية العيان في السرير
🛏  (Head elevation > 30°)

عشان تمنع حتى ريقه او اى حاجة ف ال GIT ترجع على ال Respiratory

مش تقوله ريح يا حاج ريح ومدد 🤣

الكلام ده فى غاية الأهمية لأن هتحتاج كمان تلود العيان ف هتلوده ازاى وهو مش بيبلع ساعتها هتلاقى النائب طلب منك تركب Ryle عشان يعرفو يلودوه بعد ما يطحنو البرشام ويحطوه ف ال Ryle

Dr Mohamed salah

2,040

Emergency & ICU

۲۰ اردیبهشت ۱۴۰۵، ۰۹:۲۱

فشلك في إختيار الناس مرة أو طيبتك الزيادة شويتين أو أحلامك اللّي لبست في مليون حيطة؛

مش حاجات تتكسف منها وتخليك تقفل الباب نهائي إنك تختار تاني أو تعلمك القسوة أو تبطل تحلم!

إتعلم من اللّي عدي وفات، اللّي يتغير في اللّي جاي هو (طريقتك) مش (شخصيتك)

في مقولة لـ غسان كنفاني، قال:
(الأشجار تغيِّرُ أوراقها لا جذورها).

1,970

Emergency & ICU

۲۰ اردیبهشت ۱۴۰۵، ۰۹:۲۱

يا دكتور الإمتياز .. إوعى تفتكر إنك لوحدك كفاية في موقف طبّى طارئ، أو إنك بقيت جاهز تاخد قرارات مصيرية من غير ما ترجع لاستشاري أو أخصائي.
اللي بتعمله ده مش بس غلط قانونًا .. ده كمان حرام شرعًا.
أرواح الناس مش مجال للتمرين ولا للثقة الزايدة.
إنت لسه تحت التدريب، ولسه بتتعلم.
ولو حصل خطأ، مش هيبقى مجرد سهو .. ده ذنب، وساعتها لا "كنت فاكر" هتنفع، ولا "محدش علّمني" هتشفع.
اللي فوقك مش موجود عشان يتفرّج، ده موجود عشان يوجّهك وتحمي المريض وتحمي نفسك.
خلّي قلبك على المريض، وضميرك صاحي .. قبل ما يدك تكتب أو تنفّذ، اسأل نفسك: هل أنا أهل للقرار ده؟
وإن ما كنتش متأكد .. اسأل، حتى لو اتأخرت دقيقة.
الدقيقة اللي بتتأخرها في السؤال، أرحم من العمر اللي ممكن يضيع بسبب القرار الغلط

✍د احمد بنداري

1,780

Emergency & ICU

۲۰ اردیبهشت ۱۴۰۵، ۰۹:۲۱

🎥 Video

إزاي تفرق ما بين ال EDH & SDH في مقطعية المخ
فى دقيقه واحده فقط 🧠

1,610

Emergency & ICU

۲۰ اردیبهشت ۱۴۰۵، ۰۹:۲۱

السلام عليكم

إحنا في المجال الطبي، ومعانا على القناة دكاترة من جنسيات مختلفة، فأسهل طريقة للتواصل هي اللغة الإنجليزية بسبب اختلاف اللهجات.

مش شرط أي حد بيفهم عربي يكون قادر يتكلم عربي بطلاقة، وكمان الإنجليزي مبقاش رفاهية، خصوصًا لو بتشتغل في مستشفى أو مكان سياحي، أو لو سافرت لأي دولة أجنبية، ساعتها هيكون وسيلة التواصل الأساسية.

وفي النهاية، النصيحة من الدين فعلًا، لكن ليها أسلوب وطريقة، لأن الهدف منها التوجيه مش الإحراج أو التقليل من أي شخص.

كلنا واحد، وكلنا بنتعلم من بعض، ومحدش من حقه ينظّر على حد أو يقلل منه.

1,690

Emergency & ICU

۷ اردیبهشت ۱۴۰۵، ۲۲:۰۴

تعرف ما معنى السحت🧐؟؟؟؟

🔴الطبيب اللي بيحول الحالات من المستشفى الحكومي لعيادته الخاصه بياكل سحت وبياكل اهله سحت

🔴الطبيب اللي بياخد وبيقبل قرش واحد من حالة هيعملها في المستشفي الحكومى مجانا بياكل سحت وبياكل اهله سحت

🔴الطبيب اللي بيكتب تحليل (حتى لو واحد بس ) زيادة او اشعة لمريض مش محتاج تحليل او اشعة مجامله لمركز تحاليل او اشعة بتاع واحد صاحبه..بياكل سحت وبياكل اهله سحت

🔴الطبيب اللي بيكتب لست ادوية مالهاش لازمه علشان نسبة الدواء والبيزنس..بياكل سحت وبياكل اهله سحت

🔴الفني اللي بيعطل جهاز او يتاخر عن تصليح جهاز في المستشفي الحكومى علشان يتحولوا مركز برة ..بياكل سحت وبياكل اهله سحت

🔴اى حد بيقفل علي الناس طريق الدواء والعلاج المجانى من اجل ان يكسب من ورائهم..بياكل سحت وبياكل اهله سحت

🙏🙏وذكر فإن الذكرى تنفع المؤمنين🙏🙏

استقيموا يرحمكم الله

د.هشام وجيه

1,390

Emergency & ICU

۷ اردیبهشت ۱۴۰۵، ۲۲:۰۴

أنا عارف إن ناس كتير بتسأل عن التخصص وإنهم محتارين ، بس الحقيقة إني أنا شخصيًا محتار جدًا ولسه مش محدد أنا عايز إيه.
قبل ما أبدأ الامتياز، كنت شبه مستقر على تخصص الأطفال، وكنت فعلاً حابه وخدت فيه كذا كورس، لدرجة إن أهلي بقوا مقتنعين إنى دكتور أطفال حاليا .
لكن بعد ما نزلت الامتياز، بدأت ميولي تتغير: حبيت الباطنة جدًا، وبعدها الطوارئ بشكل أكبر، وحاليًا مستمتع جدًا بالمخ والأعصاب. ومتوقع كمان إني ممكن أحب الـ ICU لما أدخله.
الشيء الوحيد الواضح بالنسبة لي إني مش حابب الجراحة ولا النسا خالص.
فأنا فعلاً محتاج نصيحة من حد مرّ بالتجربة دي: أركز على إيه في الفترة الجاية؟ وإزاي أقدر أحدد اختياري بشكل أوضح؟

1,340

Emergency & ICU

۷ اردیبهشت ۱۴۰۵، ۲۲:۰۴

📷 Photo

1,370

Emergency & ICU

۷ اردیبهشت ۱۴۰۵، ۲۲:۰۴

يا صديقي زي ما بتشخص الshock بالsigns of organ hypoperfusion وليس رقم الblood pressure كذلك العكس لو عيان shocked ومحطوط علي levophed and dobutamine وضغطه وصل ل١١٠/٧٠ هل من العقل اني أشيل الvasopressor او أقللهم كجرعات عالsyringe pump عشان ضغطه وصل ل١١٠/٧٠ من غير ما اتأكد هل فيه organ perfusion ولا لا ؟!

سيناريو مكرر لعيان shocked ومحطوط علي ليفو مثلا هتيجي التمريض تقولك ضغطه ١١٠/٧٠ انزل بالليفو هتقوله اة ؟! من غير ما تروح تشوف جايب بول إد ايه من الصبح ووعيه ايه ونبضه محسوس حلو ولا لا ولا الlactate كام دلوقتي تبقا مصيبه طبعا

زي ما بتشخص الshock بالtissue perfusion يبقا تستبعدها بالtissue perfusion ورقم الضغط ملوش قيمه بتاتا

د.احمد ابوشنب

1,420

Emergency & ICU

۷ اردیبهشت ۱۴۰۵، ۲۲:۰۴

📷 Photo

كان معايا حالة أول انبارح
Female patient 30 years old
Medical free
بتشتكى من تنميل في ال
left side arm , leg from 1 hour
سألتها ايه فى حاجة مزعلاكى 😂
قالتلى آه كنت اتخانقت مع جوزى شويه
سألتها طب الموضوع ده اول مره يحصل ولا حصلك قبل كدا
قالتلى حصل قبل كدا كذا مره بعد ما بتتعصب برضو وبيفك لوحده
فأنا قولت دى حالة سايكك مش محتاجه يعنى
فعشان مظلمهاش كلمت نايب المخ والاعصاب ينزل يفحصها
المهم نزل سألها فى صداع ولا لا
قالتله آه بيحصل كل مره بعد ما بحس بالتنميل ده
المهم الدكتور شخصها
Hemiplegic migraine
وطلب منها رنين وتابع معاهم فى العيادة

ودا تشخيص أول مره أنا أسمعه بصراحه
فبذاكر دلوقتي محاضره ال migraine
سبحان الله لاقيت د. محمد شارحها بالظبط
قولت ياريتى سمعت المحاضره دى من يومين
كنت هتبسط جامد لو شخصت حالة دى

هنزلكم بكره حالة قرأت المعلومه على الفيس بالصدفة مكنتش عارفها
سبحان الله لاقيتها تانى يوم فى الشيفت وشخصت بيها حالة صعبه

1,460

Emergency & ICU

۷ اردیبهشت ۱۴۰۵، ۲۲:۰۴

You see what you know
كلما علمت أكثر
كان لما تري دلالات متعددة
قد يدخل رجل مسن عيادة طبية
ومعه فحص سكر
فيراه غير المتخصص
" مريض سكر نكتب له علاج"

ويسأل المتخصص نفسه:

هل هو سكر نوع ثاني أم أول؟
في بدايته أو مر عليه اكثر من خمسة عشر عاما؟
سكر مع قصور كلوي او فشل قلب؟
سكر تحت التحكم؟
هل يحتاج الانسولين ؟
هل لديه جهاز تحليل سكر؟
هل يخاف من الابر ؟
هل يمكنه رؤية مؤشر محقن الانسولين؟
هل هو متعلم؟
هل عنده نوبات انخفاض سكر متكررة مع خطر السقوط؟
هل اصيب بجلطات سابقة؟
ما هو وضع عينه؟
ما هو مستوي الدهون عنده ؟
كم ضغطه؟
ما هو مستوي حمض البوليك في دمه؟
ما هي باقي علاجاته ؟
ما هو وضع التغذية عنده والبلع ؟
من يتحمل كلفة علاجه ؟
هل يفحص قدمه بانتظام ؟
هل هناك من قدم له التوعية الصحية والغذائية؟

ما اسهل ان تمسك ورقة وتكتب عليها علاجا
وما اصعب ان تدرس كثيرا وتسال كثيرا وتختار العلاج الانسب

د.السيد المر

1,460

Emergency & ICU

۷ اردیبهشت ۱۴۰۵، ۲۲:۰۴

حالة للتاريخ شخصها العبد لله🥳
نسبة حدوثها حالة كل  50 ل100 الف طفل ، يعني تعيش مهما تعيش ممكن متشوفهاش ايأ كان نيابتك فين..
------
طفل 3 سنين بيتحجز كل شوية ب غيبوبة كبد بيتحط عالفينت كل شوية يقعد اللي يقعده فالعناية و يخرج مبيكملش 20 يوم و يرجع العناية عالفينت تاني
بيدخل بشكوى الأم
جفاف ، ترجيع ، فقدان للوعي اللي بيدخله العنايه علطول ب امونيا عالية ممكن توصل ل 600 اللي بتدخله ف غيبوبة كبد
و طبعا تاخر فالمشي و الكلام و كله و عملو رنين عالمخ مفيش حاجة و راحو لدكاترة كتير قالو علاج طبيعي و تمارين تخاطب وكده
لما بيدخل العناية بياخد sodium benzoate عشان الامونيا دي و لحد ما يفوق و يتشال من عالفينت و هكذا كل مرة و يظبطوله الabg و يخرج بدون معرفة سبب ده كل مرة لانه بيخرج بتحاليل سليمة برضو و يرجع تاني بعد فترة العناية تاني
--------------
لحد ما وقع ف ايد العبد لله فالطوارئ جي ب درجة وعي 6 و برضو حجزته و حطيته عالفينت ل
Severe metabolic acidosis (high anion gap)
Hyperammonemia 700
Severe dehydration
Tachypnea
Urea 400
Creat 6
Brain edema
طبعا الاهل معاهم مجلد تحاليل و اشعات كان عاملها قبل كده ف كل مرة  يتحجز ف مكنش history taking ع الواقف دا كان مييتنج قعد ساعتين
-----
الولد اتعمله غسيل كلى طبعا و ظبطت له كل حاجة و تحاليله ك نفس الوضع اللي كل مرة فيه بيتحجز برضو و خلاص هيتفصل من عالفينت بعد 18 يوم في العناية و لكن يبقى هنا السؤال ، اييه السبب برضو لانه بيدخل ب نفس الاعراض كل مرة بس المرة دي اول مرة يغسل كلى
ـــــــــــــــــــــ
تقرير الخروج بتاعه من المستشفيات الحكومة و الجامعة كله شاكك ف انها مشكلة فالميتابولزم وانه يروح القاهرة احسن
حظه حلو لان اهله مقتدرين ماديا جدا لاني طلبت حاجات غالية و تحاليل اتعملت بره مصر  ف المانيا
Serum ammonia
Lactate
Blood glucose
Plasma amino acids
Acylcarnitine profile
Urine organic acids esp glycine
Serum vit B12
Plasma homocysteine
Homocysteine in urine
و بعد ما خرج من عندي و مستنيين التحاليل إلييك النتيجة والتشخيص
Methylmalonic acidemia (MMA)

و فالحالة دي بيكون في defect فالميتابولزم بتاع بعض الاحماض الامينية نتيجة ل مشكلة فالانزيم اللي عمل القلق ده كله و بهدلنا و مرمط الولد و خسسه ٤ كيلو ف ٦ شهور من وزنه
Methylmalonyl CoA Mutase
و مشكلة ف المحفز الاساسي الكوبالمينvit b12
فالحمض بيتراكم و مبتعرفش تدخل كريبس سايكل تتحرق ف بتدخله ف كل الهيصة دي
ـــــــــــ
الخلاصة الولد جسمه مبيعرفش يتعامل بروتين نهائي ولا دهون
العلاج طبعا بيفضل طول عمره ماشي على حاجتين
L carnitine
Vitb12
و ده مش علاج دا كونترول للحالة زي السكر كده الانسولين ده كونترول بس لكن السبب الاساسي متعالجش لسه
طبعا الانزيم ده موجود بره بس مكلف جدا جدا جدا جدااااااااا  لكن الكارنتين و فيتامين ١٢ كويسين و هيأدو الغرض
واهم حاجة دايت محترم يمشي عليه و دايت البان معين و احماض أمينية متكسرة جاهزة شبه بتوع الجيم كده و تم تحويل الحالة ل استاذ تغذية للتعامل


Dr sherif mallaha

Emergency & ICU

۷ اردیبهشت ۱۴۰۵، ۲۲:۰۴

📷 Photo

1,510

Emergency & ICU

۷ اردیبهشت ۱۴۰۵، ۲۲:۰۴

الفكرة إن سنة الامتياز تكون سنتين فعلًا فكرة مميزة جدًا، لأنها بتدي فرصة أكبر للاحتكاك بحالات أكتر، وكمان بتخليك تشوف تنوع أوسع من التخصصات. وده مهم جدًا، لأنه ممكن يفتح لك مجالات ماكنتش في بالك من البداية.
أنا شخصيًا مكنتش متخيل إني ممكن أنزل عظام أو مخ وأعصاب، لكن لما خضت التجربة استفدت بشكل كبير. وفعلاً المقولة صحيحة: العلم بالشئ ولا الجهل بيه.
لكن كنت أتمنى إن مدة بعض الراوندات تبقى أقل شوية، وفي المقابل نضيف راوندات تانية. يعني حتى لو مش ناوي تتخصص في مجالات زي المسالك أو الأوعية، مجرد إنك تنزلها وتتعلم الأساسيات فيها ده بيفرق معاك جدًا بعد كده، خصوصًا في الشغل العملي.
حاليًا أنا مبسوط جدًا في راوند المخ والأعصاب، وأكتر من أي راوند تاني. رغم إني في البداية مكنتش بحبه، لكن مع المذاكرة والتعامل مع الحالات، نظرتي اتغيرت تمامًا… ويوم بعد يوم بحس بتطور وراحة أكتر فيه.

1,630

Emergency & ICU

۷ اردیبهشت ۱۴۰۵، ۲۲:۰۴

[poll]

1,530

Showing 30 of 60 posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

Emergency & ICU

Emergency & ICU

رتبه‌بندی

رشد مشترکان (8 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

DeepMind AI Expert

قناة الدكتور أيمن العنقري

Internal Medicine Top

Medwork

𝑰 𝑭𝑰𝑳𝑴 | آی‌فیلم

تاࠗسܱܰـــیاࠗنۨۨ

Dentiny

AMC For Arab 🇦🇺 المعادلة الأسترالية

کانال‌های تلگرام مرتبط

DeepMind AI Expert

قناة الدكتور أيمن العنقري

Internal Medicine Top

Medwork

𝑰 𝑭𝑰𝑳𝑴 | آی‌فیلم

تاࠗسܱܰـــیاࠗنۨۨ

Dentiny

AMC For Arab 🇦🇺 المعادلة الأسترالية

نظرات کاربران (0)

آخرین پست‌ها