⛪️መንፈሳዊ መጻሕፍትን እናንብብ እንወቅ⛪️

Public

نمی‌توانید بپیوندید؟ @Eotc_spritual_books

۴.۷k عضو

به‌روزرسانی شده: May 15, 2026 at 2:46 PM

⛪️መንፈሳዊ መጻሕፍትን እናንብብ እንወቅ⛪️

በዚህ ቻናል የሚቀርቡ ፩.ተከታታይ የቤተክርስቲያን ትምህርቶች ፣ ፪. መንፈሳዊ መጻሕፍት ጥቆማ፤ ፫. የተለያዩ አጫጭር የቤተክርስቲያን መጣጥፎች ፣ ወጎች ፣ ታሪኮች ፤ ፬. ለተለያዩ ጥያቄዎች መልስ እና ወቅታዊ ትምህርቶችን እንማማራለን ፣ ፭. ዘወትር #ቃለ_ወንጌል የእለቱ(በግፃዌ) ይቀርባሉ። ተከታታይ ትምህርቶች ለማግኘት 👇👇 @EOTC_teketatay ለጥያቄ👉 @Temechache

@Eotc_spritual_books is a growing community focused on temechache and eotc_teketatay and related topics

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (7 روز گذشته)

مجموع: 4.7K

رشد 24 ساعت: +0 0%

آخرین پست‌ها

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

"ወዳጄ ሆይ! በጎ ነገር አግኝተህ እንደ ኾነ እግዚአብሔርን አመስግን፤ ያም በጎ ነገር ከአንተ ጋር ጸንቶ ይኖራል፡፡ በጎ ያልኾነ ነገር ደርሶብህ እንደ ኾነም እግዚአብሔርን አመስግን፤ ያም በጎ ያልኾነ ነገር ወደ በጎ ነገር ይቀየራል፡፡"

ቅዱስ_ዮሐንስ_አፈወርቅ

361

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

📷 Photo

338

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

📷 Photo

#ግንቦት_12

የመምህር ወመገስጽ ቅዱስ ዮሐንስ አፈወርቅ የእረፍቱ ቀን፣ የአባታችን የጻድቁ አቡነ ተክለሃይማኖት ፍልሰተ አጽም እና የእናታችን ቅድስት ክርስቶስ ሠምራ የቃልኪዳን ዓመታዊ ክብረ በዓል ነወ።

#ቅዱስ_ዮሐንስ_አፈወርቅ
ባሕረ ምስጢራት የሆነ የሰውን ፊት አይቶ የማያደላ "መምህር ወመገስጽ ዘኢያደሉ ለገጽ" (በርሱ ዘንድ ንጉሥ፣ ሐብታም፣ ደሃ፣ ነዳይ እኩል ነውና)፣ አፈ በረከት፣ አፈ መዐር (ማር)፣ አፈ ሶከር (ስኳር)፣ አፈ አፈው (ሽቱ)፣ ልሳነ ወርቅ፣ የዓለም ሁሉ መምሕር፣ ርዕሰ ሊቃውንት፣ ዓምደ ብርሃን (የብርሃን ምሰሶ)፣ የሐዲስ ኪዳን ዳንኤል፣ ሊቀ ዻዻሳት ዘበርትዕ (እውነተኛው)፣ ጥዑመ ቃል... እየተባለ የሚጠራው ቅዱስ ዮሐንስ አፈወርቅ እረፍቱ ነው።

#አቡነ_ተክለሃይማኖት
የአባታቸንና የኢትዮጵያ ፀሐይ የፃድቁ አቡነ ተክለሃይማኖት ግንቦት 12 ከደብረ አሰቦ ወደ ደብረ ሊባኖስ አጽማቸው የፈለሰበት (ፍልሰተ አጽም) ይከበራል።

#ቅድስት_ክርስቶስ_ሠምራ
ብፅዕት ቅድስት ክርስቶስ ሰምራ ሰይጣንን ከፈጣሪ ጋር ልታስታርቅ በሄደች ጊዜ ከሲኦል ቅዱስ ሚካኤል እየተራዳት ብዙ ነፍሳትን ያወጣችበት የቃልኪዳን በዓል ነው።

አምላከ ቅዱሳን በቅዱሳኑ ጸሎት ልመናና ቃልኪዳን ሀገራችን ኢትዮጵያንና ሕዝቦቿን ከጭንቀትና ከመከራ ይጠብቀን።

359

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

📷 Photo

.

302

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

የቅዱስ ዮሐንስ አፈወርቅ ማን ነው?

የክህነት አገልግሎት፦

ቅዱስ ዮሐንስ አፈወርቅ በቤተ ክርስቲያን ውስጥ የሚሰጡትን የክህነት መዓርጋት ደረጃውን ጠብቆ በመቀበል ለመዓርገ ክህነቱ በሚመጥን ሰብእና እስከ ዕለተ ሞቱ ድረስ እግዚአብሔርን አገልግሏል፡፡

ዲቁና፦

ቅዱስ ዮሐንስ አፈወርቅ ዲቁናን የተቀበለው በ381 ዓ.ም. መላጥዮስ ከተባለው ሊቀ ጳጳስ ነው፡፡ በዲቁና መዓርግ በነበረበት ጊዜም በቅዳሴ አገልግሎት፣ ድሆችንና በሽተኞችን በመንከባከብ እንዲሁም ከንዑሰ ክርስቲያንነት የነበሩ ሰዎችን በማስተማር ታላቅ አገልግሎት ይሰጥ ነበር፡፡ ከዚህም በተጨማሪ ሊቁ ኦሪትንና መጻሕፍተ ነቢያትን የተረጎመው በዚህ በዲቁና መዓርግ ያገለግል በነበረበት ዘመን ነው፡፡

ቅስና፦

ሊቁ ከ381-386 ዓ.ም. በዲቁና በፍጹም ትጋት ሲያገለግል ከቆየ በኋላ ከዕለታት በአንድ ሌሊት በጸሎት ላይ ሳለ የእግዚአብሔር መልአክ ተገልጦ “የአንጾኪያው ሊቀ ጳጳስ መጥቶ ነገ ቅስናን ይሾምሃል፤ ነገሩ ከእግዚአብሔር የታዘዘ ስለ ሆነ እንቢ እንዳትል በማለት ነገረው፡፡ በነጋም ጊዜ የአንጾኪያው ሊቀ ጳጳስ ፍላቭያኖስ ወደ እሱ መጥቶ የቅስናን መዓርግ ሾመው፡፡

ከዚህም በኋላ ለ12 ዓመታት ያህል በተወደደ አንደበቱ ከቦታ ቦታ እየተዘዋወረ ወንጌልን በፍጹም ጥብዓትና ትጋት ሰበከ፡፡ በዚህ ወቅት ትኩረት ሰጥቶ ካስተማራቸው ትምህርቶቹ መካከልም ስለ ዐቢይ ጾም፣ ወደ ትርኢት ቤትና ወደ ፈረስ ጉግሥ ስታዲየም ይሄዱ ስለ ነበሩ ሰዎች ያስተምረው የነበረ ትምህርት ተጠቃሽ ነው፡፡

ከዚህም በተጨማሪ ንጉሡ ቴዎዶስዮስ በሕዝቡ ላይ ቀረጥ ከማብዛቱ የተነሣ ሕዝቡ ተማሮ በከተማው ያቆመውን ሐውልቱን ባፈራረሰበት ጊዜና ከሕዝቡም ጋር ከፍተኛ ቅራኔ ውስጥ በገባበት ወቅት “በእንተ ሐውልታት” በሚል ርእስ ያስተማረው ተከታታይ ትምህርት ሌላው ተጠቃሽ ሥራው ነው፡፡

አርባዕቱን ወንጌላት እና ሌሎችን መጻሕፍተ ሐዲሳትም የተረጎመው በዚህ በቅስና መዓርግ ያገለግል በነበረበት ወቅት ነው፡፡ ቅዱስ ዮሐንስ አፈወርቅ በዚህ የቅስናው ዘመን ከላይ ከተጠቀሱት ሥራዎቹ በተጨማሪ በዘመኑ አንጾኪያን በኑፋቂያቸው ያውኳት ለነበሩ አርዮሳውያንም በአፍም በመጻፍም የማያዳግም መልስ ሰጥቷል፡፡

ጵጵስና፦

ሊቁ ከላይ በተጠቀሱት በሁለቱም የመዓርገ ክህነት ደረጃዎች በሚገባ እያገለገለ ካለፈ በኋላ በ397 ዓ.ም. የቊስጥንጥንያው ፓትርያርክ ኒከታሪዮስ በማረፉ በንጉሡ በአርቃድዮስ ትእዛዝ ያለ ፈቃዱ ከአንጾኪያ ወደ ቊስጥንጥንያ በመወሰድ በብዙ ልመና የካቲት 26 ቀን 398 ዓ.ም. ብዙ ሊቃነ ጳጳሳት በተገኙበት በእስክንድርያ 23ኛ ፓትርያርክ በአቡነ ቴዎፍሎስ እጅ የቊስጥንጥንያ ሊቀ ጳጳስ ሆኖ ተሾመ፡፡ በዚህ የሹመት ዘመኑም ከበፊቱ ይልቅ በቅድስና ሕይወት ለመኖር አብዝቶ ይተጋ ነበር፡፡

ሊቁ ሊቃነ ጳጳሳት የሚለብሱትን ልብስ ትቶ ያረጀና ፀጕሩ የተመለጠ ፀምር ከጉልበቱ በላይ ይለብስ ነበር። የሚመገበውም በወርቅ ሚዛን መዝኖ በመሐል እጁ መጥኖ ከሐሰሩ ያልተላቀቀ የገብስ ጥሬ ነበር፡፡ ይህንም የሚያደርገው ፍቶት እንስሳዊት እንዳታሸንፈው ነበር። ከዚህ የተረፈው አነዋወሩ ግን ፍጹም የሐዋርያትን አኗኗር ይመስል ነበር፡፡

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

‹‹ተዝካረ ዕረፍቱ ለቅዱስ ዮሐንስ አፈወርቅ››

ዐሥራ ሁለተኛው የቊስጥንጥንያ መንበር የነበረ፣ ከአራቱ የምሥራቅ አብያተ ክርስቲያን ዐቃቢያነ እምነት ከሆኑት ከቅዱስ ጎርጎርዮስ ዘእንዚናዙ፣ ከቅዱስ አትናቴዎስ ዘእስክንድርያና ከቅዱስ ባስልዮስ ጋር በግብር የተካከለ፣ በገዳማዊ ሕይወቱ ብሕትው፣ በንጽሕናው ተአማኒ፣ በአእምሮ ምጡቅ፣ በአንደበቱ ርቱዕ፣ በስብከቱ መገሥጽ፣ በፍርዱ ፈታሒ በጽድቅ፣ በመግቦቱ አበ ምንዱባን (የድኆች አባት) በጥብቅናው ድምፀ ግፉዓን፣ በጥቡዕነቱ መገሥጽ፣ በክህነቱ የቤተ ክርስቲያን መዓዛ፣ የዓለም ሁሉ መምህር የቅዱስ ዮሐንስ አፈወርቅ የዕረፍቱ መታሰቢያ በግንቦት ፲፪ ቀን ሆነ።

ቅዱስ ዮሐንስ አፈወርቅ በአንጾኪያ ከተማ ከአባቱ ከአስፋኒዶስ ከእናቱ ከአትናስያ (አንቱሳ) ተወለደ። ምንም እንኳን አባቱ ገና እንደ ተወለደ በሕፃንነቱ በሞት ቢለየውም እናቱ አንቱሳ እንደ እናትም እንደ አባትም ሆና በጥሩ ሥነ ምግባር አሳደገችው። የአንጾኪያ ሰዎች በአሕዛባዊ ግብርና ፍልስፍና በተበከለችና ሰዎች በአሕዛባዊነትና በክርስቲያንነት መካከል በሚወላወሉባት ከተማ አንቱሳ ልጇን በምግብሩ የቀና በሃይማኖቱ የጸና ለማድረግ ሕይወቷን በሙሉ መሥዋዕት አድርጋ ዳግመኛ ሳታገባ የልጇን የወደ ፊት ትልቅነት እየተመለከተች አሳደገችው።

ቅዱስ ዮሐንስ በእናቱ ብርቱ ጥረት የመንፈሳዊነት መርሖችን፣ ግብረ ገብነትን ከእናቱ እየተማረ ያደገ ሲሆን የግሪክ ጥንታዊ ትምህርቶችን ስመ ጥር በሆኑ የግሪክ ትምህርት ቤቶች ተማረ። ቅዱስ ዮሐንስ አፈወርቅ የሥነ ንግግር ጥበብን ከሊባንዮስ፣ ፍልስፍናን ከአንድራጋትዮስ ተምሯል። በንግግር ክህሎቱም እጅግ የታወቀ የረቀቀ አንደበተ ርቱዕ ሆነ። ምንም እንኳን እናቱ የክርስትና ትምህርትን ብታስተምረውም ጥምቀተ ክርስትና ስላልተፈጸመለት ግን ሙሉ ሰው አልነበረም። የሕግ ትምህርትን የተማረና ጠበቃ ቢሆንም የሥራ ባልደረቦቹ ድኃ ሲበድሉ፣ ፍርድ ሲያጓድሉና ወንጀለኛውን ሲያጸድቁ መመልከቱ የዘወትር ሕመሙ ሆነ። በዚህም ይህን ሥራውን እየጠላው መጣ።

በመጨረሻም ነፍስን አጠጥቶ የሚያረካ የሕይወት ምንጭ ወደ ሆነው የመጽሐፍ ቅዱስ ትምህርት ተመለሰ። የአንጾኪያ ሊቀ ጳጳስ ከሆኑት ከመላጥዮስ ሦስት ዓመት ተምሮ በሊቀ ጳጳሱ እጅ በዕለተ ፋሲካ በ፳፫ ዓመቱ ተጠመቀ። የቅድስት ቤተ ክርስቲያናችን ሊቅ ጰላድዮስ ቅዱስ ዮሐንስ አፈወርቅ ከተጠመቀ በኋላ ስላለው ሕይወት እንዲህ ሲል ይገልጸዋል። "ዮሐንስ ከተጠመቀበት ሰዓት ጀምሮ መማልን፣ ከሌሎች ሰዎች ጋር ክፉ መነጋገርን ወይም ሐሰት መናገርን፣ ወይም መሳደብን ወይም የፌዝ ንግግርን መታገስን አቆመ።" በሕይወቱም ፍቅረ እግዚአብሔርና ቅናተ ቤተ ክርስቲያን በውስጡ ይቀጣጠል ጀመር። ከዚህም በኋላ በቅዱስ ዮሐንስ ላይ የመንፈስ ቅዱስ ጸጋ በላዩ ላይ ወርዶ አደረበትና ብዙ ድርሳናትንና ተግሣጻትን ደረሰ። ዲያቆን ሆኖ ሳለም የቤተ ክርስቲያንን መጽሐፍተ ብሉያትንና ሐዲሳትን ተረጎመ።

ዮሐንስ ገና በታናሽነት ዕድሜው መንኩሶ የዚህን ኃላፊ ዓለም ጣዕም ንቆ መኖር ጀመረ። ወንጌላዊው ዮሐንስ በመልእክቱ ‹‹ዓለምን ወይም በዓለም ያሉትን አትውደዱ፤ በዓለም ያለው ሁሉ እርሱም የሥጋ ምኞትና የዓይን አምሮት ስለ ገንዘብም መመካት ከዓለም ስለ ሆነ እንጂ ከአባት ስላልሆነ፥ ማንም ዓለምን ቢወድ የአባት ፍቅር በእርሱ ውስጥ የለም። ዓለሙም ምኞቱም ያልፋሉ፤ የእግዚአብሔርን ፈቃድ የሚያደርግ ግን ለዘለዓለም ይኖራል›› በማለት እንደ ተናገር ዮሐንስም የዚችን ዓለም ጣዕም ናቀ። (፩ኛዮሐ.፪፥፲፭) የከበረ የባለጸጋ ልጅ ቢሆንም ሃብቱ አላሳሳውም። ገንዘብ ምንም ምን አልወሰደም፤ ለድኆችና ለምስኪኖች ሰጠ እንጅ ከዚያም በምንኵስና ሥራ በመጠመድ ፍጹም ገድልን እየተጋደለ ኖረ።

የፍልስፍና ትምህርትን ከአንድራጋቶስ የንግግር ጥበብን ከሊባንዮስ አብሮት ከተማረው ጓደኛው ከታላቁ ባስልዮስ ጋር አብረው እውነተኛውን ሕይወትና ፍልስፍና መኖር ጀመሩ። ቅዱስ ዳዊት በመዝሙሩ ‹‹ከቸር ሰው ጋር ቸር ሆነህ ትገኛለህ፤ ከቅን ሰው ጋር ቅን ሆነህ ትገኛለህ፤ ከንጹሕ ጋር ንጹሕ ሆነህ ትገኛለህ፤ ከጠማማም ጋር ጠማማ ሆነህ ትገኛለህ›› በማለት እንደ ገለጸው። (መዝ.፲፰፥፳፭-፳፮) የሁለቱ የጓደኝነት ሕይወትም በንጽሕና ያሸበረቀ እንደ ዕንቁ የሚያበራ እንደ ወርቅ የጠራ ነበር።  ቅዱስ ዮሐንስ አፈወርቅ ስለ ጓደኛው ቅዱስ ባስልዮስ ሲናገር እንዲህ ይላል፤ ‹‹እርሱ ከክብር ወደ ክብር ከቅድስና ወደ ቅድስና ከፍ እያለ ሄደ፡፡›› በዚህም ለክህነት ሲታጩ ዮሐንስ አፈወርቅ ‹‹እኔ ለክህነት የበቃሁ አይደለሁም፤ ወንድሜ ግን ክህነት ይገባዋል›› በማለት አብረው ከጸናበት አቋሙ ከቅዱስ ባስልዮስ ጋር ለጊዜው ቢስማሙም በኋላ ግን ቅዱስ ባስልዮስ ለጊዜው አሠረ ክህነትን ሊቀበል እንደ ቀረ በእንተ ክህነተ የተሰኘው መጽሐፉ ይነግረናል።

ክህነት ምን ያህል የከበረ እንደሆነም በቅዳሴው ‹‹ከባሕርይ አባቱ ከአብ ጋር በልዕልና የሚቀመጥ እርሱ በዚያች ሰዓት በሁሉም ካህናት እጅ ይያዛል፤ ሊቀበሉትና ሊዋሐዱት ለሚፈልጉትም ለሁሉም ራሱን ይሰጣል። ወዮ የእግዚአብሔር ቸርነት ምን ይደንቅ? ምን ይረቅ? መጠንና ልክ የሌለውን እሳት በእጁ የሚይዝ ካህን!›› በማለት የክህነትን ታላቅነት አሳይቷል፡፡ ለወንድሙ ቅዱስ ባስልዮስ በላከው መልእክቱ ደግሞ ‹‹ክርስቶስ እንደሚፈልገው አድርጌ ይህን ኃላፊነት ለመወጣት የበቃሁ ሆኜ ሳለሁ እምቢ ብዬ ሸሽቼ ቢሆን ኖሮ አነጋገሬ ሰዎችን ሊያጠራጥራቸው በቻለም ነበር። ነገር ግን የመንፈሴ ደካማነት ለዚህ አገልግሎት የማልጠቅም ስለሚያደርገኝ ንግግሬ ለምን በጥያቄ ውስጥ ይወድቃል? መንጋው በደኅናና በጥሩ ምግብና ላይ ሳለ የጥበቃውን ኃላፊነት ብወስድና ከዚያ በኋላ ግን በእኔ አላዋቂነትና ጥበብ የለሽነት ምክንያት ባጠፋቸው እነርሱን ለማዳንና ለመቤዠት ሲል ራሱን የሰጠላቸውን እግዚአብሔርን በራሴ ላይ አነሳሳዋለሁ ብዬ እፈራለሁና›› ሲል ተናግሯል፡፡

ቅዱስ ዮሐንስ አፈወርቅ ከክህነት ሸሽቶ መኖር ቢፈልግም ወደ ክህነት መምጣቱ አልቀረም። በአንዲት ሌሊትም ሲጸልይ የእግዚአብሔር መልአክ እንደ በረድ ነጭ በሆነ ልብስ ተገለጠለት፤ ቅዱስ ዮሐንስም ሲያየው ደንግጦ በምድር ላይ ወደቀ፤ መልአኩም አርአያውን ለውጦ እንደ ሰው ሆኖ ታየው፤ ‹‹ወዳጄ አዲስ ዳንኤል ሆይ፤ አትፍራ፤ ተነሣ›› አለው። መልአኩ አዲስ ዳንኤል ብሎ የተጠራበት ምክንያት የናቡከደነፆር ራእይ ንባቡ ከነትርጓሜው ከጠፋ በኋላ ንባቡ ከነትርጓሜው በመንፈስ ቅዱስ ተገልጾለት እንደተናገረ እርሱም ራእየ ዮሐንስን ንባቡ ከነትርጓሜው ከጠፋ በኋላ በመንፈስ ቅዱስ ተገልጾለት ተርጉሞታልና። ዳግመኛም ዳንኤል ጸዋሚ ተሐራሚ እንደሆነ ሁሉ እርሱም ጸዋሚ ተሐራሚ በመሆኑ ዳንኤል ሐዲስ ብሎታል።
የቅዱስ ዮሐንስም ልቡናው ተጽናንቶ ‹‹ጌታዬ አንተ ማን ነህ? ግርማህ አስፈርቶኛልና›› አለው የእግዚአብሔር መልአክም ‹‹ትሠራው ዘንድ የሚገባህን ልነግርህ ወደ አንተ የተላኩ ነኝ›› አለው። ‹‹አሁንም እግዚአብሔር አምላክ ያዘዘህን ለመሥራት ልብህን አበርታ፤ ቃልህ ከጽንፍ እስከ ጽንፍ በአራቱ ማእዘን ይደርሳልና። እልፍ አእላፍትም ትምህርትህን ተቀብለው ትእዛዝህን ሰምተው ወደ ፈጣሪያቸው እግዚአብሔር ተመልሰው ይድናሉና። በእግዚአብሔር መንግሥት ውስጥ የጸና የብርሃን ዓምድ ትሆናለህ። እነሆ የአንጾኪያ ሊቀ ጳጳስ ወደ አንተ ይመጣል፤ የሚያዝዝህንም አድርግ፤ የእግዚአብሔር ትእዛዝ ነውና ልትተላለፍ አይገባህም›› አለው፡፡ ከዚያም በኋላ ያ

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

መልአክ ለአባ ፊላትያኖስ ተገልጦ ቅዱስ ዮሐንስ አፈወርቅን ቅስና እንዲሾመው አዘዘው። በማግሥቱም ሊቀ ጳጳሳቱ መጣ ከእርሱ ጋራም ካህናት አሉ ቅዱስ ዮሐንስንም ይዞ ቅስና ሾመው።

የቊስጥንጥንያ ሊቀ ጳጳስ ባረፈ ጊዜ ንጉሥ አርቃዲዮስ ልኮ አስመጥቶ ቅዱስ ዮሐንስ አፈወርቅን በቊስጥንጥንያ ላይ ሊቀ ጵጵስና እንዲሾም አደረገው። ቅዱስ ዮሐንስ አፈወርቅም እንደ አባቶቹ በጵጵስናው ሥራ ጸና፤ ሕይወትነት ባላቸው ትምህርቶችና ተግሣጾች ሕዝቡን ሁልጊዜ የሚያስተምር ሆነ። ማንንም ሳይፈራ ሕግ ተላላፊዎችን ከቤተ መንግሥትም ከቤተ ክህነት ወገንም ይገሥፃቸው ጀመር። በዚህም ፊት አይቶ የማያዳላ መምህና መገሥፅ በመባል የሚታወቅ ሆነ። አንድ ቀን የንጉሥ አርቃዲዮስ ሚስት አውዶክስያ የአንዲት ድኃ መበለት ቦታዋን በግፍ ወሰደች፤ ያች መበለትም ወደ ቅዱስ ዮሐንስ አፈወርቅ መጥታ ንግሥቲቱ ቦታዋን እንደ ነጠቀቻት ነገረችው። እርሱም ‹‹የድኃዋን ቦታ መልሽላት›› ብሎ ከብዙ ምክር ጋር እንድትመልስላት ንግሥቲቱን ለመናት፤ እርሷ ግን እንቢ አለች። ቅዱስ ዮሐንስም ስለ አንዲት መበለት ንግሥቲቱን ሳያፍርና ሳይፈራ ወደ ቤተ ክርስቲያን ገብታ ሥጋውን ደሙን እንዳትቀበል አውግዞ ለያት። ንግሥቲቱም እርሱ ከሹመት የሚሻርበትን ነገር መሥራት ጀመረች፤ ስለ ክፉ ሥራቸው ከሹመታቸው እርሱ የሻራቸውን

ኤጲስቆጶሳት ሰበሰበች፤ እነርሱም ንግሥቲቱን ስለተቃወመ ስደት እንደሚገባው ተስማምተው ጻፉ፤ እርሷም አጥራክያ ወደ ሚባል ደሴት ሰደደችው።
የሮሜ ንጉሥ አኖሬዎስና ሊቀ ጳጳሳቱ ዮናክኒዶስ ስለ ቅዱስ ዮሐንስ አፈወርቅ ስደት በሰሙ ጊዜ እጅግ አዘኑ፤ በንጉሥ አርቃድዮስ ላይም እንዲህ የሚል ደብዳቤ ጽፈው ላኩ፤ ‹‹ከዚህ ከክፉ ሥራ ተጠበቅ፤ ትእዛዛችንንም ተቀብለህ የከበረ ዮሐንስን ከስደቱ ካልመለስከው በአንተና በእኛ መካከል ሰላም አይኖርም።›› መልእክታቸውንም ባነበበ ጊዜ እጅግ አዘነ፤ ሚስቱንም አግዶ ልኮ ቅዱስ ዮሐንስ አፈወርቅን ከስደቱ መለሰው። ከጥቂት ቀኖችም በኋላ ንግሥቲቱ ወደ ክፋቷ ተመልሳ ሁለተኛ ወደ አጥራክያ ደሴት ሰደደችውና በዚያው ዐረፈ።

ለእግዚአብሔር ምስጋና ይሁን፤ እኛንም በዚህ አባት ጸሎት ይማረን፤ በረከቱም ከእኛ ጋር ትኑር ለዘለዓለሙ አሜን።

ወስብሐት ለእግዚአብሔር
ወለወላዲቱ ድንግል
ወለመስቀሉ ክቡር አሜን።

ምንጭ፡-ስንክሳር ዘወርኃ ግንቦት ፲፪፤ ድርሳን ዘቅዱስ ዮሐንስ አፈወርቅ (የታሪክ አምድ)፤ በእንተ ክህነት በቅዱስ ዮሐንስ አፈወርቅ ገብረ እግዚአብሔር ኪዴ እንደተረጎመው፤ ጽዋኤ በዲያቆን ታደሰ ወርቁ፤ የቅዱስ ዮሐንስ ሕይወቱና ትምህርቱ በዲያቆን ያረጋል አበጋዝ

283

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

ጥያቄ:- "ቶ" መስቀል ከኦርቶዶክስ ተዋሕዶ አስተምህሮ አንጻር እንዴት ይታያል?

መልስ፦ "ቶ" የሚባል የመስቀል ዓይነት በኢትዮጵያ ኦርቶዶክስ ተዋሕዶ ቤተክርስቲያን የለም።

ጥያቄ:- ሥርዓተ ቅዳሴ ከምግብ በፊት መሆን አለበት ብለው ያስተማሩ የጥንት የቤተክርስቲያን አባቶች አሉ ወይ?

መልስ፦ አዎ አሉ። የሥርዓተ ቅዳሴ መከናዎን በዋናነት የክርስቶስን ሥጋና ደም ማዕከል አድርጎ የሚከናዎን ነው። ሥጋውን ደሙን የሚቀበል ሰው ደግሞ በንጹሕ ጾሞ ይቀበል ብለው ሠለስቱ ምእት በፍትሐ ነገሥት ገልጸዋል። "ወኢይንሣእ መኑሂ ቍርባነ ዘእንበለ ይጹም በንጹሕ" እንዲል (አንቀጽ 13)

ጥያቄ:-  በዕለተ እሑድ ከቅዳሴ በኋላ ለምዕመናን የሚሰጠው መክለፍት /ቂጣ/ ታሪካዊ አመጣጡ ምንድን ነው? ስንበላስ የምንሸፋፈንበት ምክንያት ምንድን ነው?

መልስ፦ መነሻ ታሪኩ መቼ እንደጀመረ አላውቀውም። ነገር ግን ከጥንት ጀምሮ የነበረ እንደሆነ ፍትሐ ነገሥት አንቀጽ 11 የበረከት ኅብስት ብሎ በመግለጹ ማወቅ እንችላለን። ስትበሉ ተሸፋፈኑ የሚል እንኳ አላገኘሁም። እንደ ልማዱ ተሸፋፍኖ የሚበላ አለ፣ ተገልጦ የሚበላ አለ።

✍️ በመምህር በትረማርያም

432

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

​"አንድን ትልቅ እንጨት ብቻውን ካስቀመጥከው ነፍሳቶች በቀላሉ ይበሉታል፤ ከሌሎች እንጨቶች ጋር አንድ ላይ ካሰርከው ግን ሊሰብሩት አይችሉም። በክርስቲያኖች መካከል ያለው አንድነትም እንዲሁ ነው። ዲያብሎስ እኛን ለብቻችን ነጥሎ ሊያጠቃን ይፈልጋል፤ እኛ ግን በፍቅርና በአንድነት ከጸናን የገሃነም ደጆች እንኳ አይችሉንም።

​ቅዱስ እንጦንስ

425

⛪️መንፈሳዊ መጻሕፍትን እናንብብ እንወቅ⛪️

۱ خرداد ۱۴۰۵، ۲۱:۴۸

#ቃለ_ወንጌል

12/09/2017
ሉቃስ 10:29-38

እርሱ ግን ራሱን ሊያጸድቅ ወድዶ ኢየሱስን፦ “ባልንጀራዬስ ማን ነው?” አለው። ኢየሱስም መልሶ እንዲህ አለ፦ “አንድ ሰው ከኢየሩሳሌም ወደ ኢያሪኮ ወረደ በወንበዴዎችም እጅ ወደቀ፤ እነርሱም ደግሞ ገፈፉት ደበደቡትም በሕይወትና በሞት መካከልም ትተውት ሄዱ።

ድንገትም አንድ ካህን በዚያ መንገድ ወረደ አይቶትም ገለል ብሎ አለፈ። “እንዲሁም ደግሞ አንድ ሌዋዊ ወደዚያ ስፍራ መጣና አይቶት ገለል ብሎ አለፈ። አንድ ሳምራዊ ግን ሲሄድ ወደ እርሱ መጣ አይቶትም አዘነለት፥ “ቀርቦም ዘይትና የወይን ጠጅ በቍስሎቹ ላይ አፍስሶ አሰራቸው፥ በራሱ አህያም ላይ አስቀምጦት ወደ እንግዶች ማደርያ ወሰደው ጠበቀውም።

በማግሥቱም ሁለት ዲናር አውጥቶ ለባለቤቱ ሰጠና፦ ‘ጠብቀው፥ ከዚህም በላይ የምትከስረውን ሁሉ እኔ ስመለስ እከፍልሃለሁ፡’ አለው። “እንግዲህ ከነዚህ ከሦስቱ በወንበዴዎች እጅ ለወደቀው ባልንጀራ የሆነው ማንኛው ይመስልሃል?” እርሱም፦ “ምሕረት ያደረገለት፡” አለ። ኢየሱስም፦ “ሂድ አንተም እንዲሁ አድርግ፡” አለው።"

መልእክታት

1 ቆሮንቶስ 6:1-9
ዓዲ ዕብራ 13:13-22
ይሁዳ 1:9-14
ሐዋ. ሥራ 13:16-20

ምስባክ
መዝሙር 118:86

በዓመፃ ሰደዱኒ ርድአኒ

ሕቀ ክመ ዘእምደምሰሱኒ ውስተ ምድር

ወአንሰ ኢኀደጉ ትእዛዘከ

ትርጉም

በዓመፅ አሳድደውኛል እርዳኝ

ከምድር ሊያጠፉኝ ጥቂት ቀርቶአቸው ነበር

እኔ ግን ትእዛዛትህን አልተውሁም

684

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

ጥያቄ :- ቡዳ ዛር ስለሚባል ነገር የሆነ ነገር ቢሉን። ቡዳ የሚባል የሰው ዘርስ አለ ወይ?

መልስ፦ እኩያን መናፍስት በየቋንቋው ልዩ ልዩ ስያሜዎች ይኖራቸዋል። ጥቅል ስማቸው ግን ያው ሰይጣናት ናቸው። ሰይጣናት ሌላ፣ የሰው ዘር ሌላ ነው። ስለሆነም ቡዳ የሚባል የሰው ዘር የለም። ሁሉም ሰው በእግዚአብሔር አርአያ የተፈጠረ ክቡር ፍጥረት ነው (ዘፍ.1፥26-27)። ከተጠመቀ በኋላ ደግሞ ሁሉም ክርስቲያን የክርስቶስ ነው። "አይሁዳዊ ወይም የግሪክ ሰው የለም፥ ባሪያ ወይም ጨዋ ሰው የለም፥ ወንድም ሴትም የለም። ሁላችሁ በክርስቶስ ኢየሱስ አንድ ሰው ናችሁና" እንዲል (ገላ.3፥28)። ሰይጣናት ግን ሰዎችን መሣሪያ አድርገው ክፉ ሥራዎችን ሊያሠሯቸው ይችላሉ። በመጽሐፈ መነኰሳት በአረጋዊ መንፈሳዊ እንደተገለጸው ሰው መንፈሰ ዝሙትን ተቀብሎ ዘማዊ፣ መንፈሰ ጽርፈትን ተቀብሎ ተሳዳቢ፣ መንፈሰ ቍጥዓን ተቀብሎ ቁጡ ተጠራጣሪ ሊሆን ይችላል። ይህንን በመሰለ መልኩ አጋንንት በሰዎች አድረው ያደሩበት ሰው ሌሎች ሰዎችን እንዲጎዳ ሊያደርጋቸው ይችላል። ለምሳሌ በላኤ ሰብእ አጋንንት አድሮበት 78 ነፍሳትን አጥፍቷል። ነገር ግን በግብር እስካልመሰለ ድረስ ከአባት ወይም ከእናት ወደ ልጅ በዘር የሚተላለፍ መንፈስ የለም። ይህ መንፈስ ያለባቸው ሰዎች እንኳ ቢኖሩ ንስሓ ገብተው ሥጋውን ደሙን በመቀበል ማራቅ ይችላሉ።

ጥያቄ:- አንድ ክህነቱን በጣም የሚያከብር እና በምንም መንገድ ቢሆን ክህነቱን ማጣት የማይፈልግ ወንድ ነበር። ከዕለታት በአንዱ ቀን በአገልግሎቱ እና በሥርዓቱ የተማረከች አንዲት ሴት አፍቅራው የፍቅር ጥያቄን አቀረበችለት። እርሱም ዲያቆን መሆኑን ነግሯት የሚያገባት ሴት ምን ዓይነት ሴት መሆን እንዳለባት (እምነታቸው አንድ የሆነ፣ ድንግል የሆነች፣ የምትቆርብ፣ መንፈሳዊ እውቀት ያላት ወዘተ) መሆን እንዳለባት አስረድቷት እርሷም አንተ የምትፈልገው ሁሉ አለኝ ብላው ግንኙነታቸውን ቀጠሉ (መጠናናት ጀመሩ)። ነገር ግን እርሷ በንግግራቸው ሁሉ እርሱን ላለማጣት ብላ አንድ ነገር ዋሽታው ነበር (ድንግል አልነበረችም)። እናም ፍቅራቸው አድጎ ሽማግሌ ተላከ። እርሷም ንስሓ እገባለሁ ብላ ዋሽታ ተክሊል አደረገች እና ተጋቡ። በቀጣይ ጊዜያት የጫጉላ ጊዜያቸውን እያሳለፉ ግንኙነት በሚፈጽሙበት ጊዜ ሴት ልጅ ድንግልናዋን ስታጣ የምታሳየውን ምልክት እርሷ ላይ አጣው (የደም፣ የህመም ምልክት አጣ)። እናም ሲጨንቀው ለመጠየቅ ወሰነ እና አወራት ከዚያም ይህች ሴት በጣም ስለወደደችው እርሱን ላለማጣት ብላ ዋሽታው ተክሊል እንዳደረገች ነገር ግን ድንግል እንዳልሆነች ነገረችው። ቀኖና ለዚህች ሴት ተሰጥቷት ሕይወታቸውን ይቀጥላሉ ወይስ ምንድን ነው ሥርዓቱ? የዚህስ ዲያቆን ቀጣይ ሕይወቱ እንዴት ነው የሚሆነው? ቤተክርስቲያን ፍትሐዊ ናትና እርሱስ ባላጠፋው ጥፋት ይቀጣል? ምክንያቱም ድንግልና ቀድሞ ታይቶ የሚገባበት ጉዳይ አይደለምና። እርሱ ክህነቱን አክብሮ እያገለገለ ነበርና የእርሱስ ቀጣይ ሁኔታ ምንድን ነው የሚሆነው?

መልስ፦ ዲያቆን ማግባት ያለበት ድንግል የሆነችን ሴት ነው (ዘሌ.21፥13)። ይህም በትውፊትና በአንዳንድ መጻሕፍት ተገልጿል። ለምሳሌ በመጽሐፈ ሐዊ "ይኩኑ እለይሠየሙ ዲያቆናተ (ዲቁና) ደናግለ አው ዘአውሰቡ ብእሲተ አሐተ ድንግለ ወለተ ቤት እንተ ኢያእመረት ብእሴ፤ ዲቁናን የሚሾሙ ካህናት ድንግልና ያላቸው ይሁኑ። ወንድ ያላወቀች ድንግል የቤት ልጅም ያገቡ ይሁኑ" ይላል (ባህል 14)። ከዚህ ውጭ ከሆነ ግን ክህነታቸው ይሻራል። ከላይ የተጠቀሰው ልጅም በራሱ ያጠፋው ጥፋት የለም። ልጂቱ ባለማወቅ ይህንን ማድረግ አልነበረባትም። ቢሆንም ግን ድንግል እንዳልነበረች ካወቀበት ቅጽበት ጀምሮ ቢተዋትና ሌላ ሳያገባ እንዲሁ ከኖረ በክህነቱ ይቀጥላል። ካወቀ በኋላ ከእርሷ ጋር ቢቀጥል ግን ክህነቱ ይሻራል። ስለዚህ ክህነቱን በጣም ከፈለገዎ ከዚያ በኋላ ሳያገባ መኖር ነው። ሥጋዊ ፈቃድ ያሸንፈኛል አይሆንም ካለ ደግሞ ክህነቱ ፈርሶ ከልጅቱ ጋር አንድ ላይ መቀጠል ይችላል። ማናቸውም ፈተና ሲደርስ ፈተናውን በሕጉ መሠረት ከተወጡት ሰማያዊ ዋጋን ያገኙበታል። ስለዚህ ይህ የቤተክርስቲያንን ፍትሓዊነት ጥያቄ ውስጥ አይከተውም።

ጥያቄ:- ባልና ሚስት ግንኙነት ከፈጸሙ በኋላ ቤተክርስቲያን መግባት ይቻላል?

መልስ፦ በሐዲስ ኪዳን ባልና ሚስት በመኝታ የሚያደርጉት ግንኙነት ርኵሰት አይደለም። ቅዱስ ጳውሎስ እንደተናገረው መኝታው ቅዱስ ነው። "መጋባት በሁሉ ዘንድ ክቡር መኝታውም ንጹሕ ይሁን። ሴሰኞችንና አመንዝሮችን ግን እግዚአብሔር ይፈርድባቸዋል" እንዲል (ዕብ.13፥4)። አሁን በወር አበባ ያለች ሴት ወደ ቤተክርስቲያን አትገባም። ይኸውም ርኵሰት ሆኖ ሳይሆን ስለክብረ ቤተክርስቲያን ነው። እንኳንስ በእግዚአብሔር ፊት በምድራዊ ንጉሥ ፊት ስንቀርብ ልብሳችንን አንጽተን፣ ሰውነታችንን ታጥበን ነው። ወደ እግዚአብሔር ቤት ስንመጣም ሰውነታችንን ታጥበን ልብሳችንን አንጽተን መሆን ይገባናል። ባልና ሚስት ግንኙነት ካደረጉ በኋላ ሰውነታቸውን ታጥበው ወደ ቤተክርስቲያን መቅረብ እንደሚችሉ ሳዊሮስ ዘእስሙናይን ጽፏል። በብሉይ ወደ ቤተ መቅደስ የሚገባ ሰው ግንኙነት ካደረገ ከሦስት ቀን በኋላ ይገባ ነበር (1ኛ ሳሙ.21፥5)። በሐዲስ ግን እንዳልተከለከለ ሳዊሮስ "ወኢረሰየነ እንከ ርኩሳነ በእንተ ምስካብነ ምስለ ብእሲትነ ወኢከልአነ እምጸሎት ወእምበዊአ ቤተክርስቲያን፤ ከሚስታችን ጋር በመተኛታችን ርኩሳን አላደረገንም ከጸሎትና ቤተክርስቲያን ከመግባትም አልከለከለንም" ብሏል (ድርሳን 8)።በሀገራችን አንዳንድ መምህራን እስከ ሦስት ቀን ይከልከል ሲሉ አንዳንዶች ደግሞ አንድ ቀን ይከልከል ይላሉ። ለሁለቱም ሐሳቦች ማስረጃ ግን አላገኘሁም። ነገር ግን ለጸሎት ስንቆምና ቤተክርስቲያን ስንገባ ታጥበን መግባት ይገባናል። የነግሁንና የመንፈቀ ሌሊቱን እጃቸውን ከታጠቡ በኋላ ይጸልዩ ሰው ከተኛ ዘንድ ዝንየት አይጠፋምና ተብሏል (ፍትሐ ነገሥት አንቀጽ 14)። ቁርባን ለመቁረብ ግን በፊት ሦስት ቀን በኋላ ሁለት ቀን ከግንኙነት መከልከል ይገባል።

✍️ በመምህር በትረማርያም

👇👇👇

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

++ ጌታ ሆይ እኔ እሆንን? ++

ደቀ መዛሙርቱ ከጌታ ፊት በዚያች ምሽት በጭንቀት ቆመዋል፡፡ ከእናንተ አንዱ አሳልፎ ይሠጠኛል ብሎ ነግሯቸዋል፡፡ ስለዚህ ተጨንቀዋል፡፡ ጌታ ሆይ እኔ እሆንን? እያሉ ዐሥሩ ደቀ መዛሙርት ተራ በተራ ጠየቁት፡፡

የቀሩት ሊሸጠው ተስማምቶ የመጣው ይሁዳና ወንጌላዊው ዮሐንስ ናቸው፡፡ ይሁዳ እኔ እሆንን ማለቱ ልቡ እያወቀ ስለነበር ከዐሥሩ ጋር አብረን አንቆጥረውም፡፡ ዮሐንስ ደግሞ ለጌታ ካለው የፍቅር ጥልቀት የተነሣ እኔ እሸጠው ይሆን? የሚል ሥጋት ስላልነበረበት ‘’ጌታ ሆይ አሳልፎ የሚሠጥህ ማነው?’’ አለ እንጂ እኔ እሆንን አላለም፡፡ የሐዋርያቱ የጭንቀት ጥያቄ በማግሥቱ መልስ አግኝቷል፡፡ ሆኖም ይህንን ትሕትና የተሞላ ጥያቄያቸውን ለእኛ ሳይበጅ አይቀርም፡፡

በዙሪያችን ለተደረጉ ፣ ለሚደረጉ ክፉ ነገሮች ሁሉ ምክንያቱ ምንድር ነው? ጥፋቱ የማን ነው? መነሻው ምንድርን ነው? ብንባል ሁላችንም ጣት የምንቀስርበት ሰው አናጣም፡፡

አዳም ዕጸ በለስን ለመብላቱ ‘’ም ክን ያቴ ሔዋን ናት ‘’ አለ
ሔዋን ‘’ዕባብ አሳተኝ ‘ አለች
ዕባብም ጠያቂ ቢያገኝ ሰይጣን ማለቱ አይቀርም ነበር፡፡
አንዳቸውም ‘’ጌታ ሆይ እኔ እሆንን?’’ ማለት አልቻሉም፡፡ እንደ ዳዊት ‘’እኔ መተላለፌን አውቃለሁ ኃጢአቴም ሁልጊዜ በፊትህ ነው’’ ማለት ያስፈልጋል፡፡ ለሚሆኑ ነገሮች ሁሉ የምንከስሰው ሰው አናጣም:: መፍትሔው ግን ራስን ማየት ነው:: "እስመ አዕይንቲሁ ለጠቢብ ዲበ ርእሱ" (የጠቢብ ዓይኖቹ በራሱ ላይ ናቸው) እንዲል ቅዱሳን በምንም ነገር ራሳቸውን ይወቅሱ ነበር:: በገድላቸው ብዛት በሚጸልዩበት ሥፍራ ዶፍ ዝናብ እየወረደ ሳለ እርሳቸውን እንዳይነካቸው በቆሙበት ሥፍራ እንዳይዘንም ያደረገላቸው ዳግማዊው ኤልያስ ጻድቁ አቡነ ገብረ መንፈስ ቅዱስ ያሉትን እናስታውስ:: በቆሙበት ሥፍራ ዝናም እንዳልዘነመ ሲያዩ "ይህችን መሬት በኃጢአቴ ዝናም አስከለከልኳት" ነበር ያሉት:: ጌታ ሆይ እኔ እሆንን? ማለት ይህም አይደል?

የሙሴ ወንድም አሮን በእስራኤል ግፊት ጣኦት ሠራ፡፡ ከወርቅ አቅልጦ ጥጃ አምላክ አድርጎ ሠራላቸው፡፡ ከሠራ በኋላም መሥዋዕት ለጣኦቱ አቀረበ፡፡
ሙሴ መጥቶ ሲቆጣ ሲያይ  ግን አሮን ፈራና በሕዝቡ አሳበበ የራሱን ድርሻ በተመለከተ ግን እንዲህ አለ
‘ወርቅ ሰጡኝ በእሳት ላይ ጣልሁት ይህ ጥጃ ወጣ’ {ዘጸ 32፡24}
ራሱ ከእጃቸው ተቀብሎ በመቅረጫ ቀርጾ የሠራውን ጣኦት ‘ስጥለው ጥጃ ሆነ’ አለ፡፡ ራሱ ሕዝቡን ‘ስድ ለቅቋቸው’ የነበረ በመሆኑ ‘’ጌታ ሆይ እኔ እሆንን?’’ ብሎ ራሱን ሊከስስ ይጠበቅበት ነበር፡፡

በትምህርት ቤት ሕይወታችን የማይረሱ ቀናት ግሬድ የሚለጠፉባቸው ቀናት ናቸው፡፡ ከብዙ የመታወቂያ ቁጥር መካከል ውጤቱን ያየ ተማሪ በዚያ የትምህርት ዓይነት  A እንዳገኘ ሲያውቅ ለጓደኞቹ ‘’A አገኘሁ እኮ’’ ይላል፡፡ በተቃራኒው ‘F’ ያገኘ ከሆነ ‘’F ሠጠኝ’’ ይላል እንጂ ‘F አገኘሁ’ አይልም፡፡ A ከሆነ ያገኘው ተማሪው ነው ፤ F ከሆነ ግን በድክመቴ አገኘሁ ከማለት ይልቅ ጥፋቱ የመምህሩ ይሆናል፡፡ ነገሩን አልኩ እንጂ ሀገር ሰላም ብሎ የቆመ በር ጋር ስንጋጭም ‘በሩ መታኝ’ እንጂ መታሁት አንልም፡፡
እናም በሕይወታችን ለሆኑትና ለሚሆኑት ነገሮች ‘ጌታ ሆይ እኔ እሆንን? ማለት ትልቅ ጸሎት ነው፡፡

ዲያቆን ሄኖክ ኃይሌ

ለተጨነቀች ነፍስ ዕረፍት የሆነው የእግዚአብሔር ቃል ለሁሉ ይዳረስ ዘንድ :: እኔም ለእናንተ ከሰበክሁ በኁዋላ የተጣልሁ እንዳልሆን ስለ እኔ ጸልዩ!

ይህ በየቀኑ የዲያቆን ሄኖክ ኃይሌ ትምህርቶች የሚለቀቅበት ቻናል ነው ይቀላቀሉ 👇👇👇

https://t.me/dnhenok_haile
https://t.me/dnhenok_haile

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

"ጸሎትን የምንጸልየው እግዚአብሔር የማያውቀው ነገር ኖሮ አይደለም፤ ወደ እርሱ እንድንቀርብ፣ ቀርበን ወዳጆቹ እንድንሆን፣ ዘወትር እንዲረዳን፣ ራሳችንን ዝቅ ለማድረግ፣ ኃጢአታችንንም እንድናሰብ ነው እንጂ።"

ቅዱስ ዮሐንስ አፈወርቅ

370

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

#ጸሎት
ጸሎት ማለት ምስጋና ያለበት ልመና ማለት ነው። በጸሎት ኃጢዓትን መታመን (ተአምኖ ኃጣውእ) አለ፣ በጸሎት ዕበያተ እግዚአብሔርን መመስከር አለ። በጸሎት እውነትን መመስከር አለ። በጸሎት ይቅርታ አለ። ጸሎት ብሂል ተናግሮ ምስለ እግዚአብሔር። ጸሎት ማለት ከእግዚአብሔር ጋር መነጋገር ማለት ነው። በፈጣሪ ፊት የምንናገረው ንግግር ነው። እርሱም በፍቅር የልጆቹን ንግግር ሰምቶ ምላሽ የሚሰጥበት ነው። ጸሎት ሥርዓት አለው። ይኽውም:-
፩) ቀጥ ብሎ መቆም
፪) ፊትን ወደ ምሥራቅ ማዞር
፫) ወገብን መታጠቅ (በንጽሕና መቆም)
፬) ማማተብ
፭) ዓይንን ከቃሉ ከቃሉ ልብን ከምሥጢሩ አድርጎ መጸለይ
ናቸው። ስንቆም በደንብ ነጠላችንን መስቀለኛ ለብሰን ይሆናል። ከዚህ በኋላ ውዳሴ ማርያምን፣ መዝሙረ ዳዊትን፣ ትምህርተ ኅቡዓትን፣ ወንጌልን፣ የመሳሰለውን መጸለይ ነው። መሻታችንን ለፈጣሪ ማሳወቅ ነው። ይህም እግዚአብሔር አስቀድሞ ፍላጎታችንን የማያውቅ ሆኖ አይደለም። በእኛ መናገር እና በእኛ ፈቃድ መልካሙን ሁሉ ይሰጠን ዘንድ ነው። ማንኛውም ክርስቲያን ቢያንስ በሰባቱ ጊዜያት መጸለይ አለበት። ሰባቱ ጊዜያት የተባሉትም:-
፩) ጠዋት
፪) ሦስት ሰዓት
፫) ስድስት ሰዓት (ቀትር)
፬) ዘጠኝ ሰዓት
፭) ሠርክ
፮) ምሽት ሦስት ሰዓት
፯) ሌሊት ስድስት ሰዓት
ናቸው። ምክንያታቸውን ፍትሐ ነገሥት ስንማማር ስለገለጽነው ከዚያ ይመልከቱ። ሌላው ምግብ ልንበላ ስንጀምር ምግብን የሰጠንን እግዚአብሔርን አመስግነን አቡነ ዘበሰማያት ብለን እንበላለን። በልተን ከጨረስን በኋላም ስብሐት ለአብ ስብሐት ለወልድ ስብሐት ለመንፈስ ቅዱስ ብለን አቡነ ዘበሰማያት ብለን እንጸልያለን። ከጸሎት ሁሉ አቡነ ዘበሰማያትን እና መዝሙረ ዳዊትን ስንደግም እግዚአብሔር ደስ ይሰኝብናል። ውዳሴ ማርያምን መድገምም ይገባል። መንገድ ስንሄድ፣ ሥራ ስንጀምር ወዘተ ጸልየን ብንጀምር ስራችን ይቀደሳል፣ ጉዟችን ይባረካል። በመከራ ሳለን ብንጸልይ እግዚአብሔር ከመከራው ያወጣናል። በጸሎት በረከተ ሥጋን በረከተ ነፍስን እናገኛለን።
።

410

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

ጥያቄ:- በዚህ ወቅት ማለትም በበዓለ ኀምሳ ንስሓ መግባት ይቻላል?

መልስ፦ አዎ ይቻላል። የሰው ልጅ ኃጢአትን ከሠራ ከነሠራው ኃጢአት መሞት የለበትም። ሞት ደግሞ በማናቸውም ቀን ሊመጣ ይችላል። በበዓለ ኀምሳ የሚሞትም ይኖራልና። "እንግዲህ እንዴት እንደ ተቀበልህና እንደ ሰማህ አስብ። ጠብቀውም ንስሐም ግባ። እንግዲያስ ባትነቃ እንደ ሌባ እመጣብሃለሁ በማናቸውም ሰዓት እንድመጣብህ ከቶ አታውቅም" እንዲል (ራእ.3፥3)። ነገር ግን የቀኖናው ዓይነት ሊለያይ ይችላል። ለምሳሌ በበዓለ ኀምሳ መስገድ፣ መጾም እንደማይገባ ይታወቃል። ስለዚህ በዚህ ጊዜ ንስሓ ለሚገባ ሰው ምጽዋት፣ ጸሎት ወይም ሌላ ነገር ሊታዘዝ ይችላል።

ጥያቄ:- በበዓለ 50 ረቡዕ እና አርብ ጨምሮ ከትንሣኤ ማግስት ጀምሮ ባልና ሚስት መተዋወቅ ይችላሉ ወይስ አይችሉም?

መልስ፦ ፍትሐ ነገሥት ባልና ሚስት ከግንኙነት እንዲርቁ የሚያዝዘው ቅዳሜ፣ እሑድ፣ በጌታ በዓላት፣ በአጽዋማት ነው። በአጽዋማት ደግሞ በተለይም በሰሙነ ሕማማት፣ በረቡዕና ዓርብ ጾም አልተፈቀደም። "አሌ ሎቱ ለዘይገብራ ለዛቲ ኃጢአት በሰሙነ ሕማማት ቅድስት= በሰሙነ ሕማማት ይችን ኃጢአት ለሚሠራ ሰው ወዮለት" ተብሏል (ፍት.ነገ.24)። በሌሎች አጽዋማት ግን ጾር ተነሥቶባቸው ከሌላ የሚያደርሳቸው ከሆነ የሚፈቀድበት አግባብ ይኖራል። ፍትሐ ነገሥት አንቀጽ 24 ትርጓሜ ላይ "ከዐቢይ ጾም በቀር በቀሩት አጽዋማት ከመዓልቱ ሦስት ሰዓት፣ ከሌሊቱ ሦስት ሰዓት ስድስት ይሆናል። በዚህ ከሩካቤውና ከምግቡ የወደደውን ያስቀድማል" ተብሏል። የቻለ ግን ሙሉ አጽዋማትን ቢከለከል የበለጠ መንፈሳዊ ዋጋን ያገኝበታል። ሌላው በወር አበባ ጊዜ፣ በአራስነት ጊዜ፣ በቆረቡ ጊዜ ግንኙነት አይፈቀድም። በበዓለ ኀምሳ ያሉ ረቡዕና ዓርብ ግን ጾም የለባቸውም። ጾመ ድኅነት የሚጀምረው ከጰራቅሊጦስ ቀጥሎ ካለው ረቡዕ ጀምሮ ነውና። ስለዚህ በበዓለ ኀመሳ ከቅዳሜ ከእሑድ፣ ከጌታ በዓላት፣ ከእመቤታችን በዓላት ውጪ ባሉት ዕለታት ከሰኞ እስከ ዓርብ አልተከለከለም።

✍️ በመምህርነት በትረማርያም

ለሌሎች ያጋሩ 👇👇👇

483

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

#ቃለ_ወንጌል

27/08/2018
ማቴዎስ 10:16-24

“እነሆ፥ እኔ እንደ በጎች በተኵላዎች መካከል እልካችኋለሁ፤ ስለዚህ እንደ እባብ ልባሞች እንደ ርግብም የዋሆች ሁኑ። ነገር ግን ወደ ሸንጎ አሳልፈው ይሰጡአችኋል፥ በምኩራቦቻቸውም ይገርፉአችኋልና ከሰዎች ተጠበቁ፤ ለእነርሱና ለአሕዛብም ምስክር እንዲሆን፥ ስለ እኔ ወደ ገዥዎች ወደ ነገሥታትም ትወሰዳላችሁ።

አሳልፈውም ሲሰጡአችሁ፥ የምትናገሩት በዚያች ሰዓት ይሰጣችኋልና እንዴት ወይስ ምን እንድትናገሩ አትጨነቁ፤ በእናንተ የሚናገር የአባታችሁ መንፈስ ነው እንጂ፥ የምትናገሩ እናንተ አይደላችሁምና። “ወንድምም ወንድሙን፥ አባትም ልጁን ለሞት አሳልፎ ይሰጣል፥ ልጆችም በወላጆቻቸው ላይ ይነሣሉ ይገድሉአቸውማል። በሁሉም ስለ ስሜ የተጠላችሁ ትሆናላችሁ፤ እስከ መጨረሻ የሚጸና ግን እርሱ ይድናል።

በአንዲቱ ከተማም መከራ ቢያሳዩአችሁ ወደ ሌላይቱ ሽሹ፤ እውነት እላችኋለሁና፥ የሰው ልጅ እስኪመጣ ድረስ የእስራኤልን ከተማዎች አትዘልቁም።

መልእክታት

2 ቆሮንጦስ 8:4-10
1 ጴጥሮስ 2:21-ፍጻሜ
ሐዋ.ሥራ 5:29-35

ምስባክ

መዝሙር 55:4-5

በእግዚአብሔር ተወከልኩ ኢይፈርህ ምንተ ይረስየኒ ዘሥጋ

ወኵሎ ዓሚረ ያስቈርሩኒ ዘነበብኩ

ላዕሌየ ይመክሩ ኵሎ እኩየ

ትርጉም

በእግዚአብሔር ታመንኹ አልፈራምሰው ምን ያደርገኛል

ዅልጊዜ ቃሎቼን ያጸይፉብኛል

በእኔ ላይም የሚመክሩት ዅሉ ለክፉ ነው

462

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

💸  Good search ላይ የፈለግነውን ነገር ከ telegram Search አድርገን ማግኘት እንችላለን ምክሩት በInvitation $0.16 የሚሰጥ Bot ነዉ ከዚህ በፊት Withdraw እንደሚሆን Check አድርጌ ነበር ስሩት ጊዜዉ ሳይረፍድ ፊልም ፤ ቻናል፤ ግሩፕ፤ ቻት ብዙ ነገር Search ማድረግ ትችላላችሁ ያመጣላችኋል በደቂቃ ያመጣላቹሃል ፤ bot ውስጥ ገብታቹ የፈለጋቹትን Search ስታደርጉ…

413

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

#ቃለ_ወንጌል

ማር 13:9-14
••••••••••

እናንተ ግን ለራሳችሁ ተጠንቀቁ፤ ወደ ሸንጎ አሳልፈው ይሰጡአችኋል በምኵራብም ትገረፋላችሁ ምስክርም ይሆንባቸው ዘንድ ስለ እኔ በገዥዎችና በነገሥታት ፊት ትቆማላችሁ። አስቀድሞም ወንጌል ለአሕዛብ ሁሉ ይሰበክ ዘንድ ይገባል። ሲጐትቱአችሁና አሳልፈው ሲሰጡአችሁም ምን እንድትናገሩ አስቀድማችሁ አትጨነቁ፥ ዳሩ ግን በዚያች ሰዓት የሚሰጣችሁን ተናገሩ፤ የሚነግረው መንፈስ ቅዱስ ነው እንጂ እናንተ አይደላችሁምና።

ወንድምም ወንድሙን አባትም ልጁን ለሞት አሳልፎ ይሰጣል፥ ልጆችም በወላጆቻቸው ላይ ይነሣሉ። ይገድሉአቸውማል፤ በሁሉም ዘንድ ስለ ስሜ የተጠላችሁ ትሆናላችሁ፤ እስከ መጨረሻ የሚጸና ግን እርሱ ይድናል። ነገር ግን በነቢዩ በዳንኤል የተባለውን የጥፋት ርኵሰት በማይገባው ስፍራ ቆሞ ብታዩ፥ አንባቢው ያስተውል፥ በዚያን ጊዜ በይሁዳ ያሉ ወደ ተራሮች ይሽሹ።

መልእክታት

ኤፌ 5÷1-13
1ኛ ዮሐ 3÷7-13
ሐዋ 17÷16

449

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

ሞትን ስታስብ ምን ይሰማሀል?

ልክ ስትሞት በዚህ ምድር አለኝ የምትለው ነገር ሁሉ የአንተ ወዳለመሆን ይሸጋገራል። የለፋህበት የተጣላህበት ነገር ሁሉ ከንቱ ይቀራል። በዚህ ምድር ያሉት ሀብት ሥልጣን ክብር ጉልበት ዕውቀት እና የመሳሰሉት በዚህ ምድር እስካለህ ድረስ ብቻ የሚያገለግሉህ ናቸው።

ስትሞት እነዚህ ሁሉ ምንም ናቸው። በእርግጥ እኒህን ነገሮች ከሞት በኋላ ለሚመጣው ሕይወት ካዋልካቸው ለነፍስህ ጥቅምን ይሰጣሉ። ብዙ ቅዱሳን የዚችን ዓለም አጭርነት ተረድተው ንቀዋት በምናኔ በየጫካው በየፍርክታው በጾም በጸሎት ተወስነው ያሳልፏታል።ሞት አንዱ የሕይወታችን አካል ነው።ቀድሞ የነበሩ ሰዎች አሁን በሥጋ የሉም።

ዓለምን አንቀጥቅጠው የገዙ ዝናቸው በዓለም የታወቀ ሰዎች አሁን የሉም ሞተዋል።መጀመሪያውንም ካለመኖር ያመጣን እግዚአብሔር በሥጋ ወደ አለመኖር ይወስደናል።ሞት ሲታሰብ ይጨንቃል ምክንያቱም ሞተን ስላላየነው አናውቀውም። ሞት በዚህች ምድር ሳሉ ሥልጣናቸውን ጉልበታቸውን እውቀታቸውን ሀብታቸውን በአግባቡ ለመልካምነት ለተጠቀሙት ሰዎች ዕረፍት ነው።

በተቃራኒው ሀብታቸውን ሥልጣናቸውን እውቀታቸውን ሌላውን ለመጉዳት ለተጠቀሙት ሰዎች ሁለት ሞት ነው። ስለዚህ ሞትን ላለመፍራት ከፈለግህ በዚህች ምድር እስካለህ ድረስ ሕገ እግዚአብሔርን ጠብቅ።

3 ነገሮች ያስፈሩኛል ብሏል አንድ ሊቅ።እኒህም አለ፦

1ኛ ነፍሴ ከሥጋየ ስትለይ
2ኛ ለፍርድ በእግዚአብሔር ፊት ስትቆም
3ኛ ሲፈረድባት

ሁላችንም ካለመኖር እንድንኖር ያደረገን እግዚአብሔር ፊት እንቆማለን።ስለዚህ የእርሱን ረድኤት ጋሻ አድርገን በእርሱ ፊት ለመቆም የሚያበቃንን ስራ እንስራ።

459

⛪️መንፈሳዊ መጻሕፍትን እናንብብ እንወቅ⛪️

۱۸ اردیبهشت ۱۴۰۵، ۱۱:۵۰

🎥 Video

💸  Good search
ላይ የፈለግነውን ነገር ከ telegram Search አድርገን ማግኘት እንችላለን ምክሩት በInvitation $0.16 የሚሰጥ Bot ነዉ ከዚህ በፊት Withdraw እንደሚሆን Check አድርጌ ነበር ስሩት ጊዜዉ ሳይረፍድ

ፊልም ፤ ቻናል፤ ግሩፕ፤ ቻት ብዙ ነገር Search ማድረግ ትችላላችሁ ያመጣላችኋል

በደቂቃ ያመጣላቹሃል ፤ bot ውስጥ ገብታቹ የፈለጋቹትን Search ስታደርጉ ያመጣላቹሃል
👇👇

https://t.me/goodsearchabot

SHARE 🚀

411

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

ማንንም አልተቀየመችም

በምድር ላይ እንደ እመቤታችን ቅድስት ድንግል ማርያም ያዘነ ሊያዝንም የሚችል ሰው በምድር ላይ ሊኖር አይችልም። አንድ ልጇን ይዛ ገና በልጅነቷ ነበር ወደ ማታውቀው ስደት የገባችው፤ ከጠላት ለመደበቅ ቀንና ሌሊት ያለ እረፍት ተጉዛለች።

ልጇ በሠላሳ ዓመቱ ወደ አደባባይ ወጥቶ ሲያስተምር በብዙ ሲፈተንና ሲነቀፍ አይታለች።

ምንም በደል ሳይኖርበት በሐሰት ተከስሶ ሲፈረድበት “ልጅሽ በአደባባይ ሊሰቀል ነው ነይ እይ” ተብላ ስትጠራ በጅራፍ ሲገረፍ፣ ራቁቱን አደባባይ ላይ ተሰቅሎ ምንም ልታደርግለት እንደማትችል ምስኪን ከመስቀል ስር ቆማ ደም አልቅሳለች።

እኔን የሚደንቀኝ ይሄ ሁሉ ሆኖባትም እርሷ ግን ማንንም አልተቀየመችም፥ ኧረ ቂሙን ተዉት ማዘኗን እንኳ አልነገረችንም። ዓለም ተሰብስቦ አንዱን ንጹሕ ልጄን ሰቀሉብኝ ብላ አልተናገረችም፤ ጴጥሮስን 'ለምን ልጄን ጥለኽው ሸሸህ?' አላለችውም። ሁሉንም በልብዋ ጠበቀችው።

እኛ ልጃችን ተሰቅሎ አይደለም 'ሰው ገላመጠኝ ፤ ክብሬን ነካው' ብለን የምንጣላና የምንኳረፍና የምንጠላላ ግብዞች አሁን እውን እመቤታችንን «እናቴ» የማለት ምግባር አለን? እንደው ትኩር ብለው ቢያዩን ምናችን የድንግል ማርያም ልጅ ይመስላል?

ሰአሊ ለነ ቅድስት!

❝ምንተኑ ንሰምየኪ ኦ ምልዕተ ጸጋ? አንቀጸ መድኃኒት አንቲ፤ ኆኅተ ብርሃን አንቲ፤ ወለተ መንግሥት አንቲ፤ ሰማይኑ ንብለኪ? ፀሐየ ጽድቅ ወልድኪ ... ❞ — አባ ጊዮርጊስ ዘጋሥጫ

394

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

#ቃለ_ወንጌል

21/08/2018
ሉቃስ 17:1-11

ጌታችን ኢየሱስም ለደቀ መዛሙርቱ እንዲህ አላቸው መሰናክል ግድ ይመጣል፤ ነገር ግን መስናክልን ለሚያመጣት ሰው ወዮለት። ከእነዚህ ከታናናሾቹ አንዱን ከሚያሰናክል ይልቅ አህያ የሚፈጭበት የወፍም ድንጋይ በአንገቱ ታስሮ ወደ ጥልቅ ባሕር ቢሰጥም በተሻለው ነበር።ለራሳችሁ ተጠንቀቁ፣ ወንድምህ አንተን ቢበድል ብቻህን ምከረው፤ ቢጸጸት ግን ይቅር በለው። በየቀኑ ሰባት ጊዜ ቢበድልም ሰባት ጊዜ ከተጸጸተ ይቅር በለው::

ሐዋርያትም ጌታን፥ እምነትን ጨምርልን አሉት። ጌታችን ኢየሱስም እንዲህ አላቸው የሰናፍጭ ቅንጣት ታህል እምነት ብትኖራችሁ ይህችን ሾላ ከሥርሽ ተነቅለሽ በባሕር ውስጥ ተተከዪ ብትሉአት ትታዘዝላችኋለች።

አራሽ ወይም ከብት ጠባቂ አገልጋይ ያለው ከእናንተ ማን ነው? ከእርሻው በተመለሰ ጊዜ ጌታው ና፥ ፈጥነህ ወደዚህ ውጣና ከእኔ ጋር በማዕድ ተቀመጥ ይለዋልን? እራቴን አዘጋጅልኝ፥ እስክበላና እስክጠጣ ድረስም ታጥቀህ አሳልፍልኝ፤ ከዚህም በኋላ አንተ ብላ፥ ጠጣም ይሰው የለምን? እንግዲህ ጌታው ያዘዘውን ሥራውን ቢሠራ ለዚያ አገልጋይ ምስጋና አለውን? እንዲሁ እናንተም ያዘዝኋችሁን ሁሉ አድርጋችሁ እኛ ሥራ ፈቶች አገልጋዮች ነን፤ ለመሥራትም የሚገባንን ሠራን በሉ።

መልእክታት

1 ኤፌሶን 5:15-21
1 ጴጥሮስ 2:4-11
ሐዋ.ሥራ 17:30-ፍጻሜ

ምስባክ

መዝሙር ፵፬ : ፲፪ - ፲፫

ወለገጽኪ ይትመሐለሉ ኵሎሙ አሕዛብ ብዑላነ ምድር

ኵሉ ክብራ ለወለተ ንጉሠ ሐሴቦን

በዘአዝፋረ ወርቅ ዑፅፍት ወኁብርት

ትርጉም

የምድር ባለጠጎች አሕዛብ ሁሉ በፊትሽ ይማለላሉ

ለሐሴቦን ንጉሥ ሴት ልጅ ሁሉ ክብርዋ ነው

በወርቀ ዘቦ ልብስ የተጐናጸፈችና የተሸፋፈነች ናት

466

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

"ሰዎች አንድ ሰው ተነሥቶ ሌላውን ሲገድል ወንጀለኛ ነህ ይሉታል። አንድ ላይ ተሰባስበው ብዙ ሰዎችን ሲገድሉ ግን ውጊያ ይሉትና መግደላቸውን ጀግንነት ይሉታል"

#ቅዱስ ቆጵሮሳዊ

383

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

#ቃለ_ወንጌል

20/08/2018
ማቴዎስ 25:14-31

“መንገድ እንደሚሄድ፥ አገልጋዮቹንም ጠርቶ ሊያተርፉበት ገንዘቡን እንደ ሰጣቸው ሰው እንዲሁ ይሆናልና፤ ለእያንዳንዱ እንደ ችሎታው ለአንዱ አምስት፥ ለአንዱ ሁለት፥ ለአንዱም አንድ ሰጠና ወዲያውኑ ሄደ። "ያ አምስት መክሊት የተቀበለውም ሄደ፤ ነግዶም ሌላ አምስት መክሊት አተረፈ። እንዲሁም ሁለት የተቀበለው ሌላ ሁለት አተረፈ። አንድ መክሊት የተቀበለው ግን ሄዶ ምድርን ቆፈረና የጌታዉን ወርቅ ቀበረ። ከብዙ ጊዜም በኋላ የእነዚያ አገልጋዮች ጌታ ተመልሶ ተቈጣጠራቸው።

"አምስት መክሊት የተቀበለውም ቀረበና፦ አቤቱ አምስት መክሊት ሰጥተኸኝ ነበር፤ እነሆ ሌላ አምስት አተረፍሁ ብሎ አምስት መክሊት አስረከበ። “ጌታውም መልካም፥ አንተ የታመንህ በጎ አገልጋይ በጥቂት የታመንህ ስለ ሆንህ በብዙ እሾምሃለሁ፤ ወደ ጌታህ ደስታ ግባ አለው። ሁለት መክሊት የተቀበለውም መጥቶ፦ አቤቱ፥ ሁለት መክሊትን ሰጥተኸኝ አልነበረምን? እነሆ ሌላ ሁለት መክሊትን አተረፍሁ አለ። ጌታውም መልካም፥ አንተ የታመንህ በጎ አገልጋይ በጥቂቱ የታመንህ ስለ ሆንህ በብዙ እሾምሃለሁ፤ ወደ ጌታህ ደስታ ግባ አለው።

አንድ መክሊት የተቀበለውም መጣና እንዲህ አለ አቤቱ አንተ ካልዘራህበት የምታጭድ ካልበተንህበትም የምትሰበስብ ጨካኝ ሰው እንደሆንህ አውቃለሁ፤ ስለፈራሁም ሄድሁና መክሊትህን በምድር ውስጥ ቀበርሁ፤ እንግዲህ እነሆ፥ መክሊትህ። ጌታውም መልሶ አለው፦ አንተ ክፉና ሰነፍ አገልጋይ፥ እኔ ካልዘራሁበት የማጭድ፥ ካልበተንሁበትም የምሰበስብ ጨካኝ ሰው እንደ ሆንሁ ታውቃለህን? ገንዘቤን ለለዋጮች መስጠት በተገባህ ነበር፤ እኔም ራሴ መጥቼ ገንዘቤን ከትርፉ ጋር በወሰድሁ ነበር። ከዚያ የቆሙትንም እንዲህ አላቸው፤ ይህን መክሊት ከእርሱ ተቀብላችሁ ዐሥር መክሊት ላለው ስጡት። ላለው ሁሉ ይሰጡታልና፤ ይጨምሩለታልም፤ ለሌለው ግን ያንኑ ያለውን ይወስዱበታል። "ክፉውን አገልጋይ ግን፥ ልቅሶና ጥርስ ማፋጨት ወዳለበት በውጭ ወደ አለ ጨለማ አውጡት።

መልእክታት

2 ቆሮንጦስ 3:7-12
ያዕቆብ 3:13-ፍጻሜ
ሐዋ.ሥራ 5:38-ፍጻሜ

ምስባክ

መዝሙር 78:10

ወይርአዩ አሕዛብ በቅድመ አዕይንቲነ

በቀለ ደሞሙ ለአግብርቲክ ዘተክዕወ

ይባዕ ቅድሜከ ገዐሮሙ ለሙቁሓን

ትርጉም

አሕዛብ አምላካቸው ወዴት ነው እንዳይሉን

የፈሰሰውን የባሪያዎችህን ደም በቀል

በዓይኖቻችን ፊት አሕዛብ ይዩ

540

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

"ኃጢአትን ባትሰራ መልካም ነው ፤ ኃጢአት ከሠራህ ሳትቆይ ንስሐ ብትገባ መልካም ነው። ንስሐ ከገባህ ዳግመኛ ወደ ኃጢአት ባትመለስ መልካም ነው። ወደ ኃጢአት ካልተመለስክ ይህ በእግዚአብሔር ዕርዳታና ቸርነት መሆኑን ብታውቅ መልካም ነው። ይህንን ካወቅህ ስለአለህበት ሁኔታ እግዚአብሔርን ብታመሰግን መልካም ነው። "

#ቅዱሱ ሰብ ባስልዮስ

486

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

+++ "ስንሞት ያመናል እንዴ?" +++

ሕፃናት መጠየቅ ይወዳሉ። አንዴ መጠየቅ ከጀመሩ በኋላ ደግሞ ከእነርሱ የሚወጣው "ለምን ሆነ?" የሚለው የጥያቄ ዝናብ እንዲህ በቀላሉ ቶሎ የሚያባራ አይደለም። እኛም በእነዚህ ጥያቄዎቻቸው ቶሎ ተሰላችተን ወይም ተበሳጭተን ይሆናል። ይሁን እንጂ ጉዳዩ ግን የሕፃናቱ አዲስ አእምሮ ራሱን የሚያሳድግበትና የነገ ማንነታቸውን የሚቀርጽበት ወሳኝ ሂደት ነው። የነገ ወጣቶችን ማንነት የሚቀርጹት ዛሬ "ለምን?" እያሉ ለሚጠይቁ ሕፃናት የምንመልሳቸው መልሶች ናቸው። ስለዚህ ጥንቃቄ ልናደርግ ይገባናል።

በጠና የታመመ ሕፃን ልጅ ያላት አንዲት እናት ነበረች። ይህች እናት በምትችለው ሁሉ ልጇን አሳክማና ተንከባክባ ለማዳን ብትጥርም፣ ይህ ልፋቷ ግን ሊሳካላት አልቻለም። ልጇን የያዘው በሽታ መድኃኒት ስላልነበረው ወደ ሞት አፋፍ አቅርቦታል። ታዲያ አንድ ቀን ሕፃኑ ልጅ እናቱን እንዲህ ሲል ጠየቃት :- "እናቴ፣ መሞት ምን ይመስላል? ስንሞት ያመናል እንዴ?"

በእናትየው ዓይኖች እንባዎች ሞሉ። ፊቷም በኃዘን ደፈረሰ። የረሳችው ነገር ያለ ይመስል "ቆይ መጣኹ" ብላ ሮጣ ከክፍሉ ወጣች። ብቻዋን ስቅስቅ ብላ አለቀሰች። ልጇ የጠየቃትን ጥያቄ መመለስ እንዳለባት ብታውቅም ለዚህ ለጋ አእምሮ እንዴት አድርጋ መልስ እንደምትሰጥ ግራ ገብቷታል። እንደ ምንም ራሷን አረጋግታና ጥበቡን እንዲሰጣት ወደ ፈጣሪዋ ተማጽና ተመልሳ ወደ ልጇ ክፍል ገባች።

ሕፃኑ መልሱን በጉጉት ይጠብቃል። እናትየውም የውስጧን ኃዘን ለመሰወር ለይምሰል ፈገግ ብላ እንዲህ አለችው "ልጄ፣ ታስታውሳለህ አንድ ጊዜ ጎረቤት ያለ ጓደኛህ ቤት ሄደህ ስትጫወት አምሽተህ ስለደከመህ በዚያው እንቅልፍ ወስዶህ ነበር። ከዚያም በማግስቱ ግን ስትነቃ ራስህ ያገኘኸው በመኖሪያ ቤታችን ውስጥ ስለሆነ 'እንዴት እዚህ መጣኹ?' እያልክ ስትጠይቀኝ ነበር። እኔም አባት ወደዚያ መጥቶ በጥንካራ ክንዶቹ ተሸክሞህ የአንተ ወደ ሆነው ቤትህ እንዳመጣህ ነግሬሃለኹ። አስታወስክ?"

ልጅየው :- "አዎን እናቴ"

እናትየው ቀጠለች :- "የኔ ልጅ፣ ሞትም እንደዚሁ ነው። እኛ መኖሪያችን ባልሆነች በዚህ ዓለም ሆነን እናንቀላፋለን። የሰማይ አባታችን እግዚአብሔር ደግሞ ብርቱ በሆኑ እጆቹ አቅፎ ወደ ሰማይ ይወስደናል። ከዚያም ነግቶ እንደ ገና ስንነቃ ራሳችንን በገዛ አባታችን ቤት ውስጥ እናገኘዋለን" አለችው።

እውነት ነው! ሞት ለክርስቲያኖች ሁሉ የሚኖረው ትርጉም ይህ ነው። ከእግዚአብሔር ተልከን ወደዚህ ዓለም እንደ መጣን ወደ እርሱ መመለሳችን ደግሞ የማይቀር ነው። ሞት ማለት ሐዋርያው ቅዱስ ጳውሎስ "ድንኳን" ብሎ ከገለጸው ከጊዜያዊው መቆያችን ወደ እውነተኛው መኖሪያ አገራችን መሸጋገር ነው።

በ2ኛው ክፍለ ዘመን የነበረው ግሪካዊው ፈላስፋ አርስጣደስ በጊዜው አዲስ ሃይማኖት ስለሆነበት ስለ ክርስትና እና ይህ የክርስትና እምነት በሞት ላይ ስላለው እሳቤ ለአንድ ወዳጁ በጻፈለት ደብዳቤ ላይ እንዲህ የሚል ንግግር አስፍሮ ነበር። "ከክርስቲያኖቹ ውስጥ አንድ ጻድቅ የሆነ ሰው ከዚህ ዓለም በሞት ቢለይ ምእመናኑ ደስ ይሰኛሉ። ለፈጣሪያቸውም ምስጋናን ያቀርባሉ። ያም ሰው ከአንድ ስፍራ ወደ ሌላ ቅርብ ሥፍራ የተሸጋገረ ይመስል ሰውነቱን በመዝሙራትና በምስጋና አጅበው ይሸኙታል" ይላል። ክርስትና እንዲህ ነዋ!

ቅዱስ ዮሐንስ አፈወርቅም ክርስቲያኖች በሞት ላይ ሊኖራቸው ስለሚገባ እይታ ሲናገር "ከእኛ መካከል አንድ ሰው በሞተ ጊዜ፣ የማያምነው ሬሳ ሲያይ ክርስቲያኑ ግን ያንቀላፋ ሰውነት ይመለከታል። ያላመነው "የሞተው ሰው ሄደ" ይላል። በርግጥ በዚህ እኛም እንስማማለን። ነገር ግን ወደ የት እንደሚሄድም እናውቃለን። የሚሄደው ሐዋርያው ጳውሎስ፣ ጴጥሮስ እንዲሁም ሌሎች የቅዱሳን ማኅበር ወደ አሉበት ነው። በኋላም ተስፋ መቁረጥ ባለበት እንባ ሳይሆን፣ በክብርና በማንጸባረቅ እንደሚነሣ እናስባለን!"

+++ "ለባሪያዎችህ ሞት የለባቸውም ፍልሰት እንጂ" +++

ዲያቆን አቤል ካሳሁን

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

#ቃለ_ወንጌል

ማቴ 10 ÷16-23

እነሆ ፥ እኔ እንደ በጎች በተኵላዎች መካከል እልካችኋለሁ፤ ስለዚህ እንደ እባብ ልባሞች እንደ ርግብም የዋሆች ሁኑ።,ነገር ግን ወደ ሸንጎ አሳልፈው ይሰጡአችኋል፥ በምኩራቦቻቸውም ይገርፉአችኋልና ከሰዎች ተጠበቁ፤ ለእነርሱና ለአሕዛብም ምስክር እንዲሆን፥ ስለ እኔ ወደ ገዥዎች ወደ ነገሥታትም ትወሰዳላችሁ።

አሳልፈውም ሲሰጡአችሁ፥ የምትናገሩት በዚያች ሰዓት ይሰጣችኋልና እንዴት ወይስ ምን እንድትናገሩ አትጨነቁ፤ በእናንተ የሚናገር የአባታችሁ መንፈስ ነው እንጂ፥ የምትናገሩ እናንተ አይደላችሁምና። ወንድምም ወንድሙን፥ አባትም ልጁን ለሞት አሳልፎ ይሰጣል፥ ልጆችም በወላጆቻቸው ላይ ይነሣሉ ይገድሉአቸውማል።

በሁሉም ስለ ስሜ የተጠላችሁ ትሆናላችሁ፤ እስከ መጨረሻ የሚጸና ግን እርሱ ይድናል። በአንዲቱ ከተማም መከራ ቢያሳዩአችሁ ወደ ሌላይቱ ሽሹ፤ እውነት እላችኋለሁና፥ የሰው ልጅ እስኪመጣ ድረስ የእስራኤልን ከተማዎች አትዘልቁም።

መልእክታት

ሮሜ 8÷12
1ዮሐ 4÷3
ሐዋ 5÷33

503

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

#ወንድሞቼ!
ከእናንተ መካከል አንድ አይነ ሥውር ሰው ወደ ጉድጓድ ገብቶ ሊወድቅ ሲል እጁን ዘርግቶ የማይደግፈው ማን ነው? ታድያ ወንድሞቻችንና እህቶቻችን በልቡናቸው ታውረው ወደ ሲዖል ጉድጓድ ለዘለዓለም ሲወድቁ እንደ ምን እጃችንን የበለጠ አይዘረጋም?ወገኖቼ!በነፍስም በሥጋም የታመመ ሰውን ስታዩ "ይህ የእኔ ሥራ አይደለም: የቀሳውስትና የመነኮሳት ሥራ እንጂ፡፡ ምክንያቱም ሚስት አለችኝ: ልጆችንም አሳድጋለሁ" አትበሉ፡፡

እስኪ ምሳሌ መስዬ ልጠይቃችሁ እናንተም መልሱልኝ፡፡ አንድ ትልቅ በወርቅ የተሞላ ሳጥን ወድቆ ብታዩ "ይህ እኔን አይመለከተኝም፡ ሌሎች መጥተው ያንሡት እንጂ" ትላላችሁን? ግራ ቀኛችሁን አይታችሁ በፍጥነት የምታነሡት አይደለምን?

ይህ ወደ ዘለዓለም ጉድጓድ እየወደቀ ያለው ወንድማችሁም ከዚያ ወርቅ በላይ ውድ የእግዚአብሔር ሀብት ነውና አንሡት እንጂ የበለጠ  እንዲወድቅ አትግፋት፡፡

እግዚአብሔር ይህን በተመለከተ በአፈ ያዕቆብ እንዲህ ብሏልና፡- "ወንድሞቻችን ሆይ! ከእናንተ ወገን ከጽድቅ ወጥቶ የበደለ ቢኖር መክሮ አስተምሮ ከበደሉ የመለሰው ቢኖር ራሱን አንድም ወንድሙን ከሞት እንዳዳነ ይወቅ፡፡ የራሱን አንድም የወንድሙን ብዙ ኃጢአቱን እንዳስተሠረየ ይወቅ፡፡ አንድም የወንድሙን ነፍስ እንዳዳነ ይወቅ"(ያዕ.5:19-20)፡፡

#ቅዱስ_ዮሐንስ_አፈወርቅ

529

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

"የቱንም ያህል የሠራናቸው ታላላቅ በጎ ምግባራት ቢኖሩንም እንኳን፥ መተማመን ያለብን እግዚአብሔር በለጋስነቱና ለሰው ልጆች ባለው ፍቅር እንደሚያድነን ነው፡፡ የምግባር ማማ (ጫፍ) ላይ ብንቆምም (ብንደርስ) እንኳን፥ የምንድነው በእግዚአብሔር ምሕረት ነው፡፡"

ቅዱስ ዮሐንስ አፈወርቅ

514

⛪️መንፈሳዊ መጻሕፍትን እናንብብ እንወቅ⛪️

۱۱ اردیبهشت ۱۴۰۵، ۲۱:۲۷

++ በሰንበት መፍረስ ++

የኢያሪኮ ሰዎች የሠራዊት ጌታ የእግዚአብሔርን ኃይል በመናቃቸው ምንኛ ተጎዱ?!  እርሱ ዓለምን የፈጠረ መሆኑን ስላላመኑ እንዳልተፈጠሩ የሆኑት የኢያሪኮ ሰዎች መጨረሻ እጅግ አሳዛኝ ነበር፡፡

ቅጥራቸው ከመፍረሱ በፊት እስራኤል የእግዚአብሔርን ታቦት ይዘው ለስድስት ቀናት ያህል በዝምታ ኢያሪኮን ዞሯት፡፡ ዓለምን በስድስት ቀናት የፈጠረውን ጌታ እንዲያስተውሉ ስድስት የዝምታ ቀናት ተሠጧቸው፡፡ በሰባተኛው ቀን ግን ጮኹ የኢያሪኮም ቅጥር ፈረሰ፡፡

ሰባተኛ ቀን የዕረፍት ቀን ነው፡፡ ለኢያሪኮ ግን የመፍረስ ቀን ሆነባት፡፡ ሰባተኛ ቀን ፈጣሪን ለሚያምኑ የተቀደሰ ቀን ነበር ፤ ለኢያሪኮ ግን የመረገም ቀን ሆነባት፡፡
እግዚአብሔር የፈጠረው ሁሉ መልካም እንደሆነ ባየበት ሰባተኛ ቀን ኢያሪኮ ግን ከፉ እንደሆነች ታየባት፡፡

እግዚአብሔር የሌለበት ሕይወት እንዲህ ነው፡፡ ወዳጄ እግዚአብሔር በሕይወትህ ውስጥ ከሌለ የሰንበት ቀን የነፍስህ ዕረፍት ቀን መሆኑ ይቀርና እንደ ኢያሪኮ የመፍረስ ቀን ይሆናል፡፡ በዚያ ቅዱስ ቀን ቅጥርህን በመጠጥ ፣ ብስካር ብዝሙት ስታፈርስ ትውልና ታድራለህ፡፡ ራስህን አንድደህ ትሞቃለህ ፤ እያራገብህ ትቃጠላለህ፡፡ ታቦት ይዘው ቢዞሩህም የኃጢአት ግንብን አጥረሃልና አትሰማም፡፡ በላይህ ላይ ቢቀደስብህም እንደ ኢያሪኮ ሰዎች ካህናቱን እያየህ ‘ዝም ብሎ መዞር ምንድር ነው?’ እያልክ ትስቃለህ፡፡ የካህናቱ የቅዳሴ ዜማ ለአንተ የሚያፈርስ ጩኸት ይሆንብሃል፡፡ የኢያሪኮ ሰው ከመሆን ፣ በሰንበት ፈራሽ ከመሆን ያድንህ!

ቅዳሴያችን መካከል ካህኑ ዕጣን እያጠኑ ዞረው ሲመለሱ የዚህች አጭር ጽሑፍ መነሻ ሃሳብ የሆነውን ይህንን ጸሎት ይጸልያሉ፦  አምላካችን እግዚአብሔር ሆይ አስቀድመህ በባሪያህ በነዌ ልጅ በኢያሱ እጅ የኢያሪኮን ግንብ እንዳፈረስከው የእኔንና የሕዝብህን የኃጢአታችንን ግንብ አፍርሰው፡፡

ዲያቆን ሄኖክ ኃይሌ

ይህ በየቀኑ የዲያቆን ሄኖክ ኃይሌ ትምህርቶች የሚለቀቅበት ቻናል ነው ይቀላቀሉ 👇👇👇

https://t.me/dnhenok_haile
https://t.me/dnhenok_haile

ለተጨነቀች ነፍስ ዕረፍት የሆነው የእግዚአብሔር ቃል ለሁሉ ይዳረስ ዘንድ :: እኔም ለእናንተ ከሰበክሁ በኁዋላ የተጣልሁ እንዳልሆን ስለ እኔ ጸልዩ!

460

Showing 30 of 50 posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

⛪️መንፈሳዊ መጻሕፍትን እናንብብ እንወቅ⛪️

⛪️መንፈሳዊ መጻሕፍትን እናንብብ እንወቅ⛪️

رتبه‌بندی

رشد مشترکان (7 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

د/عبدالله فرج احياء تالتة ثانوى

𝘢𝘭-𝘧𝘢𝘻𝘻𝘢𝘯𝘪.

أمهات الجيل

خَـفَـق. 🩶

﮼تِليسِي،الوُرفلِي ⛥ .

أسرار الحياة الزوجية🌹

أقوال الإمام الشافعي

تعليم جرافيك مجاناً

کانال‌های تلگرام مرتبط

د/عبدالله فرج احياء تالتة ثانوى

𝘢𝘭-𝘧𝘢𝘻𝘻𝘢𝘯𝘪.

أمهات الجيل

خَـفَـق. 🩶

﮼تِليسِي،الوُرفلِي ⛥ .

أسرار الحياة الزوجية🌹

أقوال الإمام الشافعي

تعليم جرافيك مجاناً

نظرات کاربران (0)

آخرین پست‌ها