ما دامتلي فرحة ولا دمعتي تروح
مَدري شعندة وكتي وياي متعاند
صرت حتى من أنام أحلامي مو حلوات
لو مكتول أفِز لو كاتل وشارِد
ما حبيت نوم البيت بس مجبور
المن ينطي وجهه الماله كلّ واحد ؟
3,150
0
0
تنسَـاني ؟
۹ اردیبهشت ۱۴۰۵، ۱۶:۵۷
باچر نغني اعله فگدك
موش تسمعنا وتصد
باچر نموت بحزِنه
وانتَ ما منك نشد
من يجي الطارش يگلك
ماتوا تحس بالفگد ؟
من تخُم بـ أعزاز گلبك
هم تحس قل العدد ؟
ندري موش أبال گلبك
ندري ما هَمك بُعد
يـ النشدت الناس كلها
شمالنه ما ننگصد .
3,430
0
0
تنسَـاني ؟
۹ اردیبهشت ۱۴۰۵، ۱۶:۵۷
ولو چلبت بيك هواي
بس هٰذا قرارك وآني نفذته
يومية أطوي صفحة
وأبدي صفحة وياك
لو قاري مجلد چان خلصته
روح براحتك لكن خسرت أنسان
يذكرك حتى من تخونه ذاكرته .
3,500
0
0
تنسَـاني ؟
۹ اردیبهشت ۱۴۰۵، ۱۶:۵۷
الدنيا چانت حرب
وصوت المدافع يرن
والموت يگدر تره
يطشرها لـ احلامي
بنص هل مواقف آني
اطبگ عيوني غصب
بلكت تمُر بحلم
وتصير گدامي .
