هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
فراغ.
۲۰ فروردین ۱۴۰۵، ۱۳:۰۵
📷 Photo
الإسقاط النجمي
الإسقاط النجمي، أو ما يُعرف بـ "الخروج من الجسد"، هو ظاهرة بيحكوا عنها الناس إنها بتصير لما الإنسان يقدر يطلع بروحه ويسافر لأماكن بعيدة وهو نايم أو بحالة بين النوم واليقظة.
بس المثير بالموضوع إنو في ناس بتقسم إنهم شافوا أجسادهم من فوق، زاروا أماكن حقيقية، وتواصلوا مع أرواح أو كيانات غريبة، رغم إن أجسامهم كانت نايمة على السرير!
العلم من ناحيته ما أثبت وجود الإسقاط النجمي فعليًا، بس بيحكي إنو ممكن يكون ناتج عن نشاط غريب بالدماغ أثناء النوم العميق، خاصة لما يكون الجسم مشلول مؤقتًا (زي ما بصير بحالة "شلل النوم") والعقل لسه صاحي.
يعني ممكن تحس إنك طالع من جسمك، بس بالحقيقة، دماغك هو اللي صنع التجربة بشكل واقعي جدًا لدرجة بتخليك تصدقها مية بالمية.
المعلومة الصادمة؟
دراسات حديثة وجدت إنو لما يصير الإسقاط النجمي، الدماغ بيخلق خريطة مكانية افتراضية لجسمك براك!
يعني جسمك فعليًا موجود، بس دماغك عم “يتوهم” موقعك بمكان آخر كأنك روح.
والأغرب؟ في بعض الأشخاص صاروا يمارسوه بإرادتهم من خلال التأمل العميق وتقنيات التنفس، وبحكوا إنهم زاروا عوالم ما إلها تفسير علمي لحد الآن...
432
81
0
فراغ.
۲۰ فروردین ۱۴۰۵، ۱۳:۰۵
📷 Photo
الخذلان
شعورك لما تكتشف إنك كنت مصدّق وهم.
هو لما تعطي حدا جزء من ثقتك، ويكسره بإيده بدون ما يرفله جفن. الخذلان مش دايمًا بيجي من اللي بنكره، بالعكس، أكثر ناس بيكسروك هم اللي كنت تحسبهم أمانك. هو مش بس موقف… هو صدمة نفسية بتخليك تعيد ترتيب العالم كله حواليك، وتفكّر ألف مرة قبل ما تفتح قلبك لأي حدا من جديد.
بتعرف إنو علم النفس بحكي إنو الخذلان فعليًا بيخلّي الدماغ يتعامل معاه كإنه ألم جسدي حقيقي؟ يعني لما تنخدع من حدا كنت تحبه أو توثق فيه، نفس المراكز العصبية اللي بتشتغل لما تنجرح فعليًا بتشتغل! واللي بصدم أكثر إنو الخذلان ممكن يغيّر نظرتك للعلاقات بشكل دائم، يخلي دماغك يربط "الحب" بـ"الخطر"، فتصير تتهرّب من الناس بدون ما تحس.
وفي دراسات بتحكي إنو الإنسان لما ينخذل مرة قوية، نسبة إفراز الدوبامين عنده بتقلّ، فبصير يفقد الحماس لأي إشي كان يحبه، كأنو الحياة فقدت لونها.
الخذلان مش بس خيانة أو كذب… أوقات بيكون سكوت شخص وعدك يضلّ، وسابك بدون كلمة.
بس ترا ممكن تنخذل من اي احد مش شرط حبيب
ممكن تنخذل من صديق من اخ من عائلة
اوقات ممكن تخذل نفسك والدنيا بتخذلك
بس تذكر دايما هاي مش نهاية طريق هاض منعطف ما حسبت حسابو
398
فراغ.
۲۰ فروردین ۱۴۰۵، ۱۳:۰۵
📷 Photo
معلومة سريعة : ديجافو (Déjà vu).
هل صار معك مرة تحس إنك عشت الموقف نفسه من قبل؟ مثلاً تكون قاعد بتحكي مع شخص، وتوقف لحظة وتقول: “يا زلمة، حاسس صار هيك قبل!” — هاي الحالة اسمها ديجافو (Déjà vu).
العلم بيحكي إنها غلطة بسيطة بالدماغ، لما يخزّن الموقف الجديد كأنه “ذكرى قديمة”. بس في أساطير ونظريات غريبة بتقول أشياء أعمق بكثير.
في ناس بيؤمنوا إن الديجافو دليل إنك عشت هاي اللحظة بحياة سابقة، وإن روحك رجعت تمر بنفس المشهد، لذلك بتحس إنك “تذكرته”.
وفي نظرية تانية منتشرة بتقول إن الديجافو بصير لما تتقاطع “أبعاد مختلفة” من الواقع، يعني في لحظة قصيرة، بتلتقي نسختك من عالم آخر بنفسك الحالية، فبتحس إنك عايشت الموقف مرتين!
يعني العلم بيقول إنها “غلطة دماغ”، بس الناس شايفينها إشارة من العوالم الثانية أو من حياة سابقة… وانت، بتصدق أي رواية؟
398
فراغ.
۲۰ فروردین ۱۴۰۵، ۱۳:۰۵
الأهداف - Goals
كلنا بنحط أهداف بحياتنا، بس مش الكل بوصل. مش لأنو مستحيل، بس لأنو الطريق دايمًا فيه مطبّات أكثر من اللي بنتخيلها. الأهداف مش مجرد جملة نحطها عالحالة بالواتس، هي رحلة طويلة فيها تعب، تردد، وإعادة تفكير مليون مرة.
أول ما نحكي "عندي هدف"، بنحس بحماس غريب، بس بعد أسبوع الحماس بختفي، ويبلش الواقع يضغط. هون بيصير الفرق بين اللي فعلاً بده يوصل، واللي بس بحب الإحساس إنو عنده حلم.
من المعيقات اللي بتوقف الشباب اليوم إنو البيئة حوالينا مش دايمًا داعمة. في ناس بتحبطك بدون قصد، وفي ناس بتخاف عليك فبتثبّطك. غير إنو السوشيال ميديا خربت علينا مفهوم "النجاح السريع"، صرنا نحس إنو إذا ما صرنا ناجحين بعمر 20 إحنا فشلنا، وهاد أكبر كذبة ممكن نصدقها.
بس برضو، الحياة مش ضدك، هي بس عم تختبرك. بدك تعرف تتعامل مع الفشل، تتقبل التأخير، وتتعلم من كل محاولة.
الهدف مش إنك توصل بسرعة، الهدف إنك توصل وأنت فاهم نفسك أكثر، وأقوى من أول.
458
72
فراغ.
۲۰ فروردین ۱۴۰۵، ۱۳:۰۵
اغتيال الملك فيصل بن عبد العزيز
الملك فيصل كان ثالث ملوك المملكة العربية السعودية واحداث الموضوع حصلت في سنة 1975م
نرجع بالزمن لورا شوي لسنة 1973م في اكتوبر حصلت حرب قوية بين اسرائيل وسوريا ومصر
والسعودية بذاك الوقت ما كانت مشاركة عسكريا بالحرب ، لكن الملك فيصل استخدم سلاح النفط كوسيلة ضغط سياسي قوية جدًا.
أعلن وقتها إن السعودية والدول العربية المنتجة للنفط رح توقف تصدير النفط للدول اللي تدعم إسرائيل، وعلى رأسها الولايات المتحدة.
القرار هاض كان تاريخي لأن الغرب كان بيعتمد بشكل كبير على النفط العربي.
الملك فيصل صار رمز عالمي وقتها، وصار يُعتبر أول زعيم عربي استخدم سلاح اقتصادي فعّال ضد الغرب.
هسا بنروح لتاريخ 25/3/1975 حيث كان بهاض اليوم وزير النفط الكويتي في زيارة للملك فيصل في منزله وبعد وصولو بلحظات دخل عليهم الشاب فيصل بن مساعد بن عبد العزيز ( ابن اخ الملك فيصل)
وظهرت على ملامحه التوتر والارتباك
بذاك الوقت كانو يقولو انو عندو ازمات نفسية قوية بعد ما قُتل اخوه خالد بن مساعد قبل بعشر سنوات من قبل الشرطة .
بعد ما اقترب الملك فيصل من ابن اخيه ليرحب به اخرج الامير فيصل مسدس من تحت ملابسه واطلق ٣ طلقات على عمه
اول رصاصة لم تصبه اما الثانية اصابت رأسه مباشرة ووقع عالارض بدون اي حركة وفي وسط ذهول وزير النفط وذهول الحراس انهالو على الملك لينقلوه للمستشفى لكن للاسف الملك فيصل كان ميتا بالفعل منذ ان دخلت الرصاصة رأسه.
في كثير تفسيرات ل سبب قتل الامير للملك لكن ما كان في اي سبب واضح.
395
14
فراغ.
۲۰ فروردین ۱۴۰۵، ۱۳:۰۵
📷 Photo
كيف نتخطى؟
سؤال دايمًا بنسأله بعد أي وجع أو خيبة. بس هل في تفسير علمي للتخطّي؟
طبعا التخطي مش شرط يكون لعلاقة حب او اشي هيك
التخطي ممكن يكون لموقف.
ليش منضل نتذكر الأشخاص أو المواقف حتى بعد ما نحاول ننساهم؟
الدماغ بيتعامل مع الذكريات العاطفية كأنها "ملفات خطيرة"، بيخزنها بمنطقة اسمها اللوزة الدماغية (Amygdala)، وهي المسؤولة عن العواطف، عشان يتجنب نفس الألم بالمستقبل، لذلك صعب تمحيها بسهولة.
ليش بعد الفقد أو الانفصال بنحس بوجع فعلي بالقلب؟
العلماء اكتشفوا إن نفس المنطقة بالمخ اللي بتتعامل مع الألم الجسدي، هي نفسها اللي بتتعامل مع الألم العاطفي. يعني لما تنكسر نفسياً، جسمك فعلاً بيتألم!
الوقت فعلاً بشفي؟ ولا هاي كذبة؟
لا، مش كذبة. مع الوقت، الدماغ بيعيد بناء الاتصالات العصبية وبيقلل من نشاط المناطق المرتبطة بالذكريات المؤلمة. بمعنى آخر، الألم فعلاً “ينطفئ” بيولوجيًا مع الزمن.
طيب كيف نساعد حالنا علميًا؟
النوم المنتظم، والتعرّض للشمس، وممارسة الرياضة بترفع مستوى الدوبامين والسيروتونين، وهذول الهرمونات مسؤولين عن التوازن النفسي والشعور بالأمان. يعني التخطّي مش بس قرار، هو كمان عملية كيميائية داخل دماغك.
387
فراغ.
۲۰ فروردین ۱۴۰۵، ۱۳:۰۵
عالم الأحلام 💤 هل كنت تعرف إنّ الدماغ أثناء الحلم بيكون أنشط من وقت اليقظة؟ الغريب إنّ عقل الإنسان ما بيفرّق بين الواقع والخيال وقت النوم، عشان هيك بتحسّ الحلم وكأنه حقيقي تمامًا. الأبحاث بتشير إنّ أغلب الناس بيحلموا بأحلام مشحونة بمشاعر قوية جدًا، خصوصًا…
365
14
0
فراغ.
۲۰ فروردین ۱۴۰۵، ۱۳:۰۵
فقدان الشغف كبداية بقلك فقدان الشغف مش كسل، ومش "مرحلة وتعدّي" زي ما الناس بتحكي. علميًا، هو تغيّر كيميائي داخل الدماغ. لما تضلّ تتعرّض لضغط نفسي أو روتين متكرر، بينخفض مستوى الدوبامين طب شو الدوبامين؟ الدوبامين المادة المسؤولة عن المتعة والتحفيز. وقتها،…
471
15
0
فراغ.
۲۰ فروردین ۱۴۰۵، ۱۳:۰۵
📷 Photo
عالم الأحلام 💤
هل كنت تعرف إنّ الدماغ أثناء الحلم بيكون أنشط من وقت اليقظة؟ الغريب إنّ عقل الإنسان ما بيفرّق بين الواقع والخيال وقت النوم، عشان هيك بتحسّ الحلم وكأنه حقيقي تمامًا. الأبحاث بتشير إنّ أغلب الناس بيحلموا بأحلام مشحونة بمشاعر قوية جدًا، خصوصًا الخوف أو الرغبة، لأن الدماغ وقت النوم بيعطّل المنطق الواعي وبيخلي اللاوعي يفرّغ كل شي مكبوت — أفكار، مشاعر، وحتى رغبات دفينة. والأغرب؟ إنّ الأحلام أحيانًا بتكشف عن أمور الإنسان ما بيعترف فيها حتى لنفسه.
طب ليش اوقات بتكون احلامنا غريبة او "جريئة"؟
الجواب مش خيال، بل علم. الدماغ وقت النوم بمرّ بمراحل اسمها REM sleep، وهي المرحلة اللي بنحلم فيها. بهالوقت، النشاط العصبي في المناطق المسؤولة عن الخيال والمشاعر بزيد بشكل كبير، بينما الجزء المنطقي من الدماغ “الفص الجبهي” بيصير شبه مطفّى. يعني ببساطة، المنطق بينام والخيال بيستلم القيادة.
هل ممكن نتحكم بأحلامنا؟
الجواب: نعم، أحيانًا!
في ظاهرة اسمها الحلم الواعي أو Lucid Dreaming، وهي لما الشخص يعرف إنه عم يحلم، ومع هيك بيقدر يكمّل الحلم وهو واعي بكل التفاصيل. يعني بتصير أنت المخرج والممثل بنفس الوقت.
328
فراغ.
۲۰ فروردین ۱۴۰۵، ۱۳:۰۵
📷 Photo
فقدان الشغف
كبداية بقلك فقدان الشغف مش كسل، ومش "مرحلة وتعدّي" زي ما الناس بتحكي. علميًا، هو تغيّر كيميائي داخل الدماغ. لما تضلّ تتعرّض لضغط نفسي أو روتين متكرر، بينخفض مستوى الدوبامين
طب شو الدوبامين؟
الدوبامين المادة المسؤولة عن المتعة والتحفيز. وقتها، الأشياء اللي كنت تحبّها ما بترجع تحسّها بنفس الوهج، كأنّها صارت رمادية.
- الأغرب؟ الدماغ أحيانًا بيوقف إفراز الدوبامين بنفسه كطريقة لحمايتك من الإنهاك
دراسات حديثة من جامعة هارفارد بينت إن الأشخاص اللي فقدوا شغفهم لفترة طويلة بيصير عندهم تراجع في نشاط الفصّ الجبهي للدماغ — الجزء المسؤول عن الحلم، التخيّل، واتخاذ القرارات. بمعنى آخر، الدماغ فعليًا بيبطل يخطط للمستقبل.
وهون الفكرة: فقدان الشغف مش دايمًا سببه تعب أو ملل… أحيانًا سببه إنك كنت تحاول ترضي الكل غير حالك، فدماغك قرر يوقف اللعبة.
طيببب كيفف نتعالج من هاذا الموضوع؟
الشغف ما برجع فجأة، بدّه إعادة تشغيل للدماغ. أول إشي غيّر روتينك، لأن الدماغ بيوقف يفرز الدوبامين لما كل يوم نفس النسخة. ثانيًا ابدأ بخطوات صغيرة، لأن كل إنجاز بسيط بيرجع يحفّز مركز المكافأة.
وتذكر شغفك مش ميت شغفك موقف وبتقدر ترجع 😶🌫
