هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
گاعد أقره قرآن فـ لفتتني آيه تگول (ذَلك بِأن الله لم يَك مُغيراً نِعمة أَنْعمها على قومٍ حتى يُغيروا ما بأنفسهم وإن الله سميعٌ عَليم)
صفنت بيها شو وعرفت انُ التغيير الحقيقي ما يبدي من الظروف…يبدي من داخل الإنسان
هواي من الناس يگولون لو الظروف تتغير أتغير
بس هاي الآية تگول العكس ؛ تغيّر أنت أولاً…حتى تتغير الظروف
يعني الإنسان هو مثل المفتاح إذا صلّح نفسه ،أفكاره ونيته….العالم حوله يبدأ يتبدل تدريجياً
بالنهاية الإنسان إذا خرّب داخله ،ما تنفعه ألف نعمة برا
وإذا صلح داخله ،حتى القليل يصير بركة.
2,190
58
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
هواي ناس من تسمع كلمة "عطاء"، أول شي يجي ببالها هو الفلوس، الهدايا، أو المساعدات المادية. بس الحقيقة، اكو نوع من العطاء "بلاش" بس قيمته أغلى من الذهب، وهو الإنصات.
من تسمع لشخص بتركيز، أنت كأنما دتگوله: "حچيك يهمني، ومشاعرك مقدرة عندي".
اللي يسمع أكثر مما يحچي، دائماً تكون إله هيبة ومكانة خاصة. مثل ما يگولون أهلنا: "إذا كان الكلام من فضة، فالسكوت من ذهب".
"الناس راح تنسى أنت شگلت، وراح تنسى أنت شسويت، بس ما راح ينسون أبداً شلون خليتهم يحسون براحة من سمعتهم."
2,350
46
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
بصراحة ماكو شي فايتك ،ولا أي شي راح عليك
السوشيل ميديا والمحيط الي انتَ عايش بي يحسسوك انُ انتَ فايت عليك شي ،بس إذا تجي للواقع…انتَ ما فايتك أي شي ،لأن الله سبحانه
يگول : (ورزقكم في السماء وما توعدون)
بالنهاية الأرزاق يم رب العالمين
ما يحددها البشر ولا الوقت.
2,370
55
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
إذا تعيش يم واحد يخاف مِن كل خُطوة
حَتـىٰ لو عِـندك جُـرأة راح تـبـدي تتـردد
وإذا تــعـيش يَـم واحــد يُـؤمن بـنفســه
حَتـىٰ لو انت شاك بروحك راح تبدي تصدگ نَـفسك
يعـنـي شنو ؟!
يعنـي الإنسان مراية للمَكان
ومراية للناس اللي تحيــــطه
إذا تختار تگعد يَم ناس كُل يوم تحچي عَن الماضـي
راح تظل عايش بأحداث خلصت من زمان
وإذا تختار تگعد يَم ناس تحچي عَن أهدافها راح تگعد فجأة وتسأل نفسك " ليش بعدني ما بديت"
الطموح مُعدي
والكَسل مُعدي
والتفكير الصَغير هَم مُعدي
لا تكول الظروف ما ساعدتنـي
انت يمكن بس اختاريت البيئة الغلط
مثل البذرة مو كل أرض تنبتها وهالشـي مو لأن البذرة فاشلة بس لأن التربة ما تناسبها انت بس غَير التربة وحَـتشوف شلون تُـكبر بدون ما تحس🤍."
2,240
40
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
صباح الخير ✨
ليش محد يحجي عن شعور أنتظار الحياة
شعور أنك تنتظر تطلع من المكان الأنت بي
حتى تعيش حياتك !؟
وأنو هاي الأيام الي جاي تروح محسوبة من
عمرك بس متكدر تعيشها صح؟
وأنو دائماً بداخلك شعور يكلك حَ تطلع
وحَ تعيش بس مو هسة !
رغم أنت تريد هسة لأن مو كل يوم حَ تكون
مراهق وشاب 🖤.."
2,150
53
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
مرات نعمة چبيرة تكون لَمن ما تحصل كُلشي تريده بالحياة.
لأن نفرض اليوم لو إجاك طفل وشايل بيده بطل كلور وعباله مشروب غازي وگلك "ممكن تفتحلي البطل؟"
انتَ هنا تسأله وتگله "شنو راح تسوي بالبطل؟" ،أكيد راح يجاوبك ويگلك "اريد اشربه" ،فَـ تقرر انتَ ما تفتحله البطل
الطفل بطبيعة الحال راح يزعل ويضوج لأن عاجبة يشرب من هالبطل بس انتَ راح تكون مُصر على مَوقفك لأنك تعرف أكثر منه
نفس الشي بعلاقتك ويه رب العالمين ،لأنه يعرف كُلشي وعنده علم بأي شي هنا هو ما راح ينطيك الي انتَ تريده "وإنما الي تحتاجه".
2,190
54
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
شايفين الجاي الحار من يصبو بالاستكان دائمًا يبقى فد فراغ شوية ليفوك ، هذا شكَد ما شوية مقارنة بالباقي بس هو اللي يخليك تلزم الكلاص بدون متنجوي ، وهو اللي يخليك تاخذة من مكان لمكان بدون ميوكَع وبدون متحتركً ايدك ، تقريبًا حياتنا هيج مثل هذا الاستكان متروسه تعب بس اكو هاي الشوية اللي مخليتنة نعيش ، ، اهلنا ، شغفنا بالاشياء اللي نحبها وهواي شغلات اخرى .
هاي الاشياء اللي تخلينة نتأقلم ومن خلالها بس نكَدر نحافظ على صحتنا النفسية وعزمنا .
هاي الشوية خلي نتمسك بيها ونحافظ عليها أكثر
2,030
56
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
صباح الخير ✨
مو مُهِم المُكان المُهِم الشخص ،
ترىٰ حتَ كعدة الرصيّف همَ حلوَة
مو مُهِم المطاعُم الفخمّة
ولا المَلابِس الماركة ،
مو مُهِم الشكل و الفلوس
المُهِم الأخلاق والكلب الطيّب وإبتسامة نقية
لأن بالأخِير اللحظة الحلوَة والضحكة
هيَ آلي راح تُبقىٰ بالبال والباقِي كُلة محينذكُر ،
مُجرد تفاصيل مالها داعِي
" الأختيّار الصح هوَ الأهم "
1,870
55
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
اذا گضيت يومك بسوگ السمچ راح ترجع للبيت وانتَ كُلك زُفره حتى لو ما طَخيت أي شي
وإذا گضيت يومك بمحل عبد الصمد القريشي راح ترجع وانتَ عبارة عن عود ومسك واطيب الروائح حتى لو ما اشتريت أي شي
يعني شنو ؟
يعني المَكان الي راح تختاره لنفسك باچر عگبة لا تلوم بي أي أحد غير نفسك
لأن إذا تختار الگعده ويه ناس تضيع الوقت بالقال والقيل ،بالليل راح ترجع وانتَ محمّل حچي فلان وعلان
وإذا تختار المَشي ويه ناس تشتكي من كُلشي ما راح تحس على روحك الا وانتَ عبارة عن طاقة سلبية لروحك من أي شي
وإذا تختار المَشي ويه ناس تحمد وتشكر الله على كُلشي راح تلاحظ أي شي يكون بأيدك راح يتحول لذهب
لذلك لو نجي للواقع انتَ ما تحتاج تغير نفسك بگد ما محتاج تغير المَكان الي انتَ بي.
1,820
58
0
مِـَؤمِـَل🤍.
۱۶ اردیبهشت ۱۴۰۵، ۱۴:۰۵
صباح الخير ✨
الواقع يگول إنُ مهما تضحي ومهما تحاول تفرّح اللي حواليك ،بالنهاية كُل واحد راح يشوفك بعينه هو، مو بعينك انتَ.
اللي ما يحبك حتى لو تجيبله نجمة من السما، ما راح يرضى بيك.
واللي يحبك لو قصّرت وياه، يلگالك ألف عذر لأن هو مؤمن بيك قبل لا يحتاج منك شي.
لهذا ريّح بالك، وخلي كُل واحد ياخذ عنك الصورة اللي تريحه ويكبّرها بعد
إنت مو مجبور تبرّر نفسك لأي واحد، ولا تثبت قيمتك للي ما يعرفها.
عِزّ نفسك…الدنيا ترخصلك.
2,110
48
0
مِـَؤمِـَل🤍.
۳۰ فروردین ۱۴۰۵، ۱۳:۲۳
🎤 Voice
1,850
40
0
مِـَؤمِـَل🤍.
۳۰ فروردین ۱۴۰۵، ۱۳:۲۳
أكو لحظة بحَيَاة الإنسان، يبطل يسأل نفسة " لو "
ويبدي يسأل " ليش أني دأفكّر هيچي أصلاً "
لأن العقل مِن يتعب، يرجع يدور بالماضي مو حتّى يغيّره… حتّى يتأكد إنْ التعب إله سبب.
إحنا مرات نحَبّ نصدّگ إنْ أكو قرار لو أتخذناه چان حـيخلّصنا، لأن فكرة إنْ الوجع ماله بديل أقسى مِن الوجع نفسه.
الإنسان مِن يوصل لهالمرحلة
يسأل ليش حتّى يعرف الّلي صاير صار ولسبب، وغالبًا تخلّي لسبب بيك.
بَس اكو أوجاع صعبة علّى الروح ويمكن تعيش وياك، وما صارت لأن خطّأت ولا لأن ما أختارينه الّلي لازم نختاره،
صارت لأن الحَيَاة مرات تمشي بدون إذن،
ليش مرات تصير أشياء بالحَيَاة ونكول إحنا ما چنه مخططين إلها.
وبعدين تعرف انت ما منكسر مِن الضربة
منكسر مِن التفكير بالضربة نفسها.
يمكن اكو تساؤلات هيَ موجودة بداخلنا علّى طول بَس ما نلاگي جوابها مهما حاولنا مراح نلگه الجواب الّلي نريده، ونكمل ونعيش رغُم السؤال بعده معلگ ونريد مفتاحه.
1,640
46
مِـَؤمِـَل🤍.
۳۰ فروردین ۱۴۰۵، ۱۳:۲۳
القناعة مو فقر، ولا استسلام، ولا إنك توقف طموحك.
القناعة هي إنك ما تخلي رغباتك تسحبك وتضيعك.
القنوع مو اللي ما يريد،
القنوع هو اللي يعرف شنو يريد،
ويعرف وين يوقف حتى لا يضيع عمره وهو يركض ورا شي ما يشبعه.
هواي ناس تمتلك هواي، بس عايشة بنقص، وهواي ناس عندها القليل، بس مرتاحة.
الفرق مو باللي تملكه،
الفرق براحة القلب.
القناعة تعلّمك تشوف النعمة اللي بيدك، قبل لا تتحسّر على النعمة اللي بيد غيرك
رب العالمين يكول:
(لَيْن شَكَرْتُمْ لَأَزِيدَنَّكُمْ)
والشكر الحقيقي موبس كلام،
الشكر إنك ترضى بما قسمه اللّٰه إلك، وتستعمله صح.
وأهل البيت علمونا إن القناعة كنز، مو لأنها تمنعك من السعي،
بل لأنّها تحميك من الذل، ومن الحسد، ومن إنك تبيع نفسك حتى ترضي الناس.
القناعة تخليك تمشي بهدوء،
تفرح باللي عندك،
وتسعى للأحسن بدون ما تحترق من الداخل.
القناعة مو إنك توقف.
القناعة إنك تمشي وانت مرتاح
2,090
34
مِـَؤمِـَل🤍.
۳۰ فروردین ۱۴۰۵، ۱۳:۲۳
صباح الخير ✨
لا تحاول تشرح للمقابل شگد انتَ زين ونيتك صافية وتحاول تكون الصح بنظره
لأن شگد ما تكون انتَ على حق وبالمقابل هو يعاندك هنا انتَ راح تنفعل وتتنرفز وتصير انتَ الضحية
الي يريد يفهمك راح يفهمك والي يدور معزتك ويحبك راح هو يفهمك بمكانك والي عكس هذا صدگني لو تگله البحر ما ينشف راح يجاوبك "شمدريك ما ينشف؟".
