ڕاسانی شاخ و شار

Public

مشاهده کانال

نمی‌توانید بپیوندید؟ @Rasaneshaxushar

۳k عضو

به‌روزرسانی شده: May 19, 2026 at 7:24 PM

ڕاسانی شاخ و شار

✌️ڕاســانی شــاخ و شـار✌️ بۆ پەیوەندی ☟☟ @Rasanisharushax بۆ ڕێکخستن @Bistoon1324 t.me/Rasanishaxushar Telegram☝️

@Rasaneshaxushar is a dedicated channel for telegram and tmerasanishaxushar with regular updates in پیشنهادهای فلیپ‌کارت

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (5 روز گذشته)

مجموع: 3.0K

رشد 24 ساعت: -10 0%

آخرین پست‌ها

ڕاسانی شاخ و شار

۹ اردیبهشت ۱۴۰۵، ۱۲:۰۱

🎥 Video

💎 ڕێوڕەسمی بەخاکسپاردنی شەهیدانی نوێی گەل

#ژینا_ئەمینی

🆔:

335

ڕاسانی شاخ و شار

۹ اردیبهشت ۱۴۰۵، ۱۲:۰۱

📷 Photo

💎 بەداخەوە کاک قەرەنی قادری کەسایەتی و خەباتکاری کورد و خەڵکی خۆرهەڵاتی کوردستان لە شاری هەولێر کۆچی دوایی کرد

#ژینا_ئەمینی

🆔:

331

ڕاسانی شاخ و شار

۹ اردیبهشت ۱۴۰۵، ۱۲:۰۱

💎 #ڕۆیتەرز

لە ئەگەری ڕێکنەکەوتن لەگەڵ ئامریکا لە دوو ڕۆژی داهاتوودا ئامریکا زەبری قورس لە ئێران دەوەشێنێت.

#ژینا_ئەمینی

🆔:

232

ڕاسانی شاخ و شار

۹ اردیبهشت ۱۴۰۵، ۱۲:۰۱

💎 یەکەمین هێرشی پاش درێژکردنەوەی ئاگربەس بۆ سەر سپای میللیی کوردستان
ڕاگەیەندراوی پارتی ئازادیی کوردستانPAK

بەرەبەیانیی ئەمڕۆ چوارشەممە، تەنیا دوو سەعات پاش ئەوەی دۆناڵد ترامپ سەرکۆماری ئەمریکا،درێژکردنەوەی ئاگربەسی ڕاگەیاند؛ تاران لە سەعات ١:٢٤ دا بە ٤ درۆن، هێرشی کردە سەر یەکێ لە بارەگاکانی سپای میللیی کوردستان.لە ئاکامی ئەم هێرشەدا پێنج کەس لەو لەشکرە نەبەزەی داخی لەسەر دڵی تاران سەوزە، بریندار بوون.
ئەم هێرشە هاوکات لە گەڵ ئەوەی بۆ پارتی ئازادیی کوردستان و سپای میللیی کوردستان جێی شانازیین کە لە بن ئاسمانێکی بێ قەڵغاندا کۆڵ نادەن و نابەزن و بوونەتە مۆتەکەی سەر دڵی بەڕێوەبەرانی دەوڵەتی ئێران؛ پێویستیی هەبوونی هەڵوێست و دەستەبەرکردنی پاراستنی هەرێمی کوردستان و هەموو هێزەکانی پێشمەرگە لە کاتی ئاگربەسدا چ وەک بەرپرسایەتیی هاوپەیمانیی و چ وەک ئەرکێکی ئەخلاقیی، دەخاتە ئەستۆی سەرۆک دۆناڵد ترامپ.ناشێ و ناکرێ ویلایەتە یەکگرتووەکانی ئەمریکا لە کاتی جەنگ و ئۆپەراسیۆنەکانیدا دژی تێرۆریستان، کورد بە دۆست و هاوبەشی خۆی دابنێ و سەرکۆمار دۆناڵد ترامپ خۆشەویستیی بۆ کورد و پێشمەرگە دەرببڕێ؛ بەڵام لە ئاشتیی و ئاگربەسدا، تەنیا تەمەشاکەری ئەو پەلامارانە بن کە تاران و گرووپە عێراقییەکانی بەرفەرمانی، دەیکەنە سەریان. لە ماوەی ئاگربەس دا،تەنیا خاک و قەوارەیەک کە هەتا ئێستا ئێران ئاگری لە دژ نەبەستووەو بەردەوام بووە لە هێرشە هاژەکی و درۆنییەکانی بۆ سەری، هەرێمی کوردستان بووە.
ئەوانەش کە بەرەبەیانی ئەمڕۆ بە درۆنی ئێرانیی پێکراون، لە قارەمانەکانی جەنگی٣ ساڵەی داعش و تێکشکێنەرەکانی پەلامارەکەی هێزی قودس و حەشدی شەعبی لە ٢٠ی ئۆکتۆبری ٢٠١٧دا بۆ داگیرکردنی هەولێرن.

پارتی ئازادیی کوردستانPAK
٢ گوڵانی٢٧٢٦کوردیی
٢٢ی ئاپریلی٢٠٢٦زاینیی

#ژینا_ئەمینی

🆔:

211

ڕاسانی شاخ و شار

۹ اردیبهشت ۱۴۰۵، ۱۲:۰۱

💎 مستەفا هیجری: خەباتی حیزبی دێموکرات لە پێناو مافەکان و کەرامەتینەتەوەیی گەلەکەمان بەردەوامە

بەڕێز مستەفا هیجری، سکرتێری گشتیی حیزبی دێموکراتی کوردستانی لە پەیامێکدا سەرەخۆشی لە بنەماڵەی سێ شەهیدی حیزبی دێموکرات کرد و جەختی لە بەردەوامیی خەبات بۆ پاراستنی کەرامەتی نەتەوەیی گەلی کورد کردەوە.
دەقی پەیامەکە بەم چەشنەیە:

لە درێژەی هێرش و تاوانەکانی کۆماری ئیسلامیی ئێران بۆ سەر هێزەکانیڕۆژهەڵاتی کوردستان و کەمپە مەدەنییەکان و شوێنی نیشتەجێبوونیبنەمالەکانیان، مخابن دوو پێشـمەرگەی حیزبی دێموکڕات بە ناوەکانی نەدامیری و سەمیرا ئەڵایاری؛ هەروەها شاهین ئازەربەرزین، کوڕیپێشمەرگەیەکی ئەم حیزبە، تێکەڵ بە کاروانی شەهیدانی ڕزگارییکوردستان بوون و دوو پێشمەرگەی دیکەش بریندار بوون.

تاوانەکانی ڕێژیمی مرۆڤکوژ و دژەکوردی کۆماری ئیسلامی لە کاتێکدایە کەپێی وایە لە ڕێگەی هێڕشی دڕندانەوە دەنگی ئازادیخوازیی ڕۆژهەڵاتیکوردستان کپ دەکات. بۆ دوژمن هیچ گومانێک نەماوەتەوە کە خەباتیحیزبی دێموکرات و بزووتنەوەی نەتەوەیی کوردستان لە پێناو مافەکان وکەرامەتی نەتەوەیی گەلەکەمان لە ڕۆژهەڵاتی نیشتمان بەردەوامە.

بەم بۆنەوە، سەرەخۆشی لە بنەماڵە و کەسوکاری ئەم شەهیدانە،هاوسەنگەرەکانیان و هەموو خەڵکی کوردستان دەکەم و هیوای چاکبوونەوەیبۆ بریندارەکانیش دەخوازم.

سەرکەوێ یەکڕیزی و خۆڕاگریی کوردستانیان

#ژینا_ئەمینی

🆔:

270

ڕاسانی شاخ و شار

۹ اردیبهشت ۱۴۰۵، ۱۲:۰۱

🎥 Video

💎 #سنە #تەنگیسەر

وتنەوەی سروودی "ئەی ڕەقیب و ئەی شەهیدان"، لە ڕێوڕەسمی پرسەی شەهید نەدا میری لە ئاوایی تەنگیسەر

نامرن ئەوانەی وا لە دڵی میللەتا ئەژین

#ژینا_ئەمینی

🆔:

290

ڕاسانی شاخ و شار

۹ اردیبهشت ۱۴۰۵، ۱۲:۰۱

📷 Photo

209

ڕاسانی شاخ و شار

۹ اردیبهشت ۱۴۰۵، ۱۲:۰۱

💎 هاوپەیمانیی هێزە سیاسییەکانی کوردستانی ئێران: سازان لەگەڵ تاران ڕێخۆشکردنە بۆ پەرەسەندنی تێرۆر و ناسەقامگیری

بۆ ڕای گشتی و ناوەندە نێودەوڵەتییەکان!
ڕوو لە نوێنەرایەتیی ڕێکخراوی نەتەوە یەکگرتووەکان لە عێڕاق و هەرێمی کوردستان!
ڕوو لە حکوومەتی فیدڕاڵی عێڕاق!

ڕێژیمی تێرۆریستیی کۆماری ئیسلامیی
ئێران بە مەبەستی پەردەپۆشکردنی شکستە سیاسی و نیزامی و ستراتیژییە ئایدۆلۆژییەکانی لە ماوه‌ی شه‌ڕی ٣٩ ڕۆژه‌‌ی له‌گه‌ڵ ئه‌مریکا و ئیسرائیلدا، بە بەردەوامی هێرشی کردووەتە سەر بنکە و بارەگاکانی حیزبەکانی ڕۆژهەڵاتی کوردستان و کەمپی نیشتەجێبوونی بنەماڵەکانی خاوخێزانی کادر و پێشمەرگەکانیان لە هەرێمی کوردستان و تەنانەت لە ماوەی ئاگربەسی ئێستاشدا ئەو هێرشانە هەر درێژەیان بووە. لە  نوێترینی ئەو هێرشانەشدا کە رۆژی ڕابردوو ٢٨ی خاکەلێوەی ١٤٠٥ (١٧/٤/٢٠٢٦) بە مووشەک و دڕۆن کرایە سەر کەمپە مەدەنییەکان و بارەگاکانی حیزبی دێموکراتی کوردستانی ئێران؛ مخابن سێ پێشمەرگە و تێکۆشەری ڕێگای ئازادیی ئەم حیزبە بە ناوەکانی شاهین ئازەربەرزین، نەدا میری و سەمیرا ئەڵڵایاری شەهید بوون و دوو پێشمەرگەیەکی دیکەش بریندارن.

کۆماری ئیسلامیی ئێران پێشتریش جگە لە بنکە و بارەگای حیزبە سیاسییەکانی ڕۆژهەڵاتی کوردستان و شوێنی نیشتەجێبوونی بنەماڵەکانیان، بە بەردەوامی هێرشی کردووەتە سەر هەرێمی کوردستان کە بەداخەوە ئەو هێرشانەش ١١ شەهید و قوربانیی لێ کەوتبۆوە.

هاوپەیمانیی هێزە سیاسییەکانی کوردستانی ئێران، وێڕای مەحکوومکردنەوەی توندی ئەم تاوانە و سه‌رجه‌م هێرشه‌ تێرۆریستیه‌کانی کۆماری ئیسلامی بۆسه‌ر تێکۆشه‌رانی ڕۆژهه‌ڵات و شه‌هیدکرانی ١٠ ڕۆڵه‌ی تێکۆشه‌ری حیزبه‌کانی ئه‌ندامی هاوپه‌یمانیی ڕایدەگەیەنیت:
١. ڕوو لە حکوومەتی عێراق ڕایدەگەیەنین پێویستە هەڵوێست و کاردانەوەکانی جدییان هەبێ و هەنگاوی بەکردەوە، یاسایی و ڕاشکاوانە بنێن بۆ پاراستنی گیانی پەنابەرانی سیاسی و ڕێگریکردن لە دووبارەبوونەوەی ئەم تاوانانە. پاراستنی سەروەریی خاک و گیانی نیشتەجێبووانی هەرێم، ئەرکێکی دەستوورییە، بەتایبەت کە ئەوە کۆماری ئیسلامیی ئێرانە ڕێککەوتننامەی ئەمنییەتیی نێوان دوو وڵاتی پێشێل کردووە.

٢. ڕەخنەی توند لە نوێنەرایەتیی ڕێکخراوی نەتەوە یەکگرتووەکان لە عێراق و هەرێمی کوردستان دەگرین و پێمان‌وایە بێدەنگی و پاسیڤ‌بوونی ئەوان لە بەرامبەر ئەم جینایەتە جەنگییانە و پشتگوێخستنی ئەرکە مرۆییەکانیان، دەستی ڕێژیمی تارانی بۆ دەستدرێژی و تێرۆری زیاتر ئاواڵاتر کردوه‌. داوا دەکەین و پێویستیشە ئەم هێرشانە وەک تاوانی جەنگ و تێرۆری نێودەوڵەتی لەقاو بدرێن، تۆمار بکرێن و هەڵوێستیان لە سەر بگیرێ.

٣. بە توندی ڕەخنە لە سیاسەتی ساتوسەودای وڵاتان لەگەڵ کۆماری ئیسلامی دەگرین و پێ لەسەر ئەو ڕاستییە دادەگرینەوە کە ئەم ڕێژیمە دیکتاتۆرە ئەمنییەت و سەقامگیریی هەموو جیهانی بە بارمتە گرتووە و هەموو کاتێک دانوستان و سازان لەگەڵ کۆمەڵگەی جیهانیی بۆ کڕینی کات و بردنەپێشێی ئامانجەکانی قۆستۆتەوە.

بۆیە کاتی ئەوە هاتووە شوڕای ئەمنییەتی نەتەوە یەکگرتووەکان کاردانەوەی خێرای هەبێ و کۆمەڵگەی نێودەوڵەتی بە سازان لەگەڵ تاران چیدی دەستی ڕێژیم بۆ بەردەوامیی تێرۆر و کوشتار ئاوەڵاتر نەکات.

٤. داوا لە هەموو کوردانی دانیشتووی دەرەوەی وڵات دەکەین بە پلان و بەرنامەی تۆکمە، به‌ ڕێکخستنی ئاکسیۆن و ڕێپێوانی هێمنانە و بەشێوەی بەردەوام بێنە سەر شەقامەکان و بە کۆبوونەوە لە بەردەم باڵوێزخانە و کۆنسوولگەرییەکانی ڕێژیم و ناوەندەکانی بيڕیار دەنگی بێزاری نەتەوەکەمان بەرز بکەنەوە.

لە کۆتاییدا هاوپەیمانیی هێزه‌ سیاسییه‌کانی کوردستانی ئێران جارێکی دیکە دۆست و دوژمن دڵنیا دەکاتەوە ئەم هێرشانە و گیانبەختکردن و قوربانیدانی هێزەکانمان نەک هەر ئیرادەمان نالەرزێنێت، بەڵکوو باوەڕمان بە ڕەوایی خەبات بۆ رزگاریی کوردستان و ڕووخانی ئەم ڕێژیمە و سووربوونمان لەسەر بەردەوامیی خەباتەکەمان قایمتر دەکات.

نەمری بۆ شەهیدان و سەرکەوتن بۆ ڕێگای ئازادی.

هاوپەیمانیی هێزە سیاسییەکانی کوردستانی ئێران
٢٨ی خاکەلێوەی ١٤٠٥ (١٧/٠٤/٢٠٢٦)

#ژینا_ئەمینی

🆔:

ڕاسانی شاخ و شار

۹ اردیبهشت ۱۴۰۵، ۱۲:۰۱

📷 Photo

199

ڕاسانی شاخ و شار

۹ اردیبهشت ۱۴۰۵، ۱۲:۰۱

💎 حیزبی دێموکرات: بەرگریی ڕەوا بە مافی خۆمان دەزانین

خەڵکی کوردستان و ڕای گشتیی نێودەوڵەتی ئاگادار دەکەینەوە دوانیوەڕۆی ئەمڕۆ ٢٨ی خاکەلێوە، جارێکی دیکە ڕێژیمی مرۆڤکوژی کۆماری ئیسلامی کە بەهۆی شەڕی ئەو ماوەیە کەوتووەتە ئەوپەڕ لەوپەڕی لاوازیی خۆی، لە ئەنجامی ترس و فۆبیای هەمیشەیی لە هێز و ڕەوایەتی خەباتی ڕزگاریخوازانەی حیزبی دێموکراتی کوردستانی ئێران، سەروەری خاکی هەرێمی کوردستانی لە ئاگربەستی دە ڕۆژەیدا لەگەڵ ئیسرائیل و ئامریکا  بەزاندەوە.
ڕێژیمی کۆماری ئیسلامی کە لە ماوەی یەک مانگ و نیوی ڕابردوودا زیاتر لە ١٠٧ جار بە مووشەک و دڕۆن هێرشی کردووەتە سەر کەمپەکانی حیزبی دێموکرات، لە بەردەوامیی دەستدرێژییەکانیدا جارێکی دیکەش هێرشی کردەوە سەر کەمپی پەنابەرانی مەدەنیی ڕۆژهەڵاتی کوردستان لە جێژنیکان هەڵکەوتوو لە نزیک شاری هەولێر و هەروەها پۆلێک لە پێشمەرگەکانی حیزبی دێموکراتی کوردستانی ئیرانی بەئامانج گرتەوە. بەهۆی ئەو هێرشانەوە بەداخەوە دوو پێشمەرگەی کچ بە ناوەکانی نەدا میری و سەمیرا ئەڵڵایاری و ڕۆڵەی نیشتمان شاهین ئازەربەرزین (کوڕی بنەماڵەی پێشمەرگە) شەهید بوون و دوو پێشمەرگەی دیکەش بریندار بوون.
کۆماری ئیسلامی وەک خووی هەمیشەیی دەیهەوێ تۆڵەی شکستی نیزامی، سیاسی و ئەمنییەتیی خۆی لە نێوخۆ و دەرەوەی وڵات لە خەڵکی کوردستان و بزووتنەوە ڕەواکەی بە هێرش دەکاتە سەر کەمپ و بنکەکانی حیزبی دێموکراتی کوردستانی ئێران بکاتەوە.  بە دڵنیاییەوە ئەو ڕێژیمە بە هەیکەلێکی وێران و داڕماوەوە زیاتر لە هەموو کاتێک لە ئاست ئیرادەی گەلی کورد لە کوردستانی ئێران تووشی شڵەژان و سەرلێشێواوی هاتووە. ئەو حکوومەتە کە هیچ کاتێک دەروەستی بنەماکانی مافی مرۆڤ و پەیماننامە نێودەوڵەتییەکان نەبووە، چاوەڕوانی ئەوەشی لێ ناکرێت لە سەرەمەرگی خۆیدا  دەست لە خەڵکی مەدەنی و ئەو کەمپانە بپارێزێ کە خەڵکی مەدەنیی تێیدا دەژین.
حیزبی دێموکرات لەگەڵ ئەوەدا بە شانازییەوە لە ئاست هێرشی بێبەزەییانەی رێژیم بۆ سەر خەڵکی کوردستان خەباتی پێشمەرگانەی کردووە و بەرگریی لە مان و ناسنامەی نەتەوەکەی کردووە، بەڵام هەمیشە لایەنگری چارەسەری ئاشتییانە و سیاسیانەی پرسی کورد بووە و بۆ دروستبوونی دەرفەتێکی ئاواش تێچووی گەورەی داوە، بەڵام ئەو رێژیمە وڵامی هەموو ئەو هەوڵانەی بە موشەکباران کردن، تێرۆر، ئێعدام و سەرکوتکردن  داوەتەوە.
ئێمە وێرای مەحکومکردنی ئەو هێرشانە رادەگەیەنین کە کۆماری ئیسلامیی ئێران لە ماوەی رابردوودا بە بەردەوامی ڕێککەوتننامەی ئەمنییەتیی خۆی لەگەڵ عێڕاق پێشێل کردووە و بەمجۆرە ئێمەش بەرگریی ڕەوا بە مافی خۆمان دەزانین. هاوکات داوا لە کۆڕ و کۆمەڵە نێودەوڵەتییەکان، وڵاتانی دێموکرات و دۆستانمان لە نێوخۆ و دەرەوەی کوردستان دەکەین لە نێو پرسی بازاڕی نەوت و چەکی ئەتۆمیدا، پرسی نەتەوە جیاوازەکانی ئێران و لە سەرووی هەموویان پرسی کورد و خەباتە دێموکراسیخوازییەکەی ون نەکەن و لێپرسینەوە لەو هێرشانە بکەن کە دەکرێنە سەر کەمپەکانی کوردەکانی ڕۆژهەڵات، قوتابخانە و نەخۆشخانەکان، گۆڕستانەکان و بنکە مەدەنییەکان. ئێوە دەتوانن ئەو کردەوانە وەک تاوانی جەنگ بناسێنن و کۆدەنگیی نێودەوڵەتی بۆ پاراستنی خەڵکی مەدەنی پێک بهێنن و گەمارۆ و تێچوو بخەنە سەر کردەوەکانی ڕێژیم و دەرفەتی بەکارهێنانی مووشەک، درۆن و کردەی تێرۆریستیی لێ بستێنن.
ئێمە وێڕای سەرەخۆشی لە بنەماڵە و کەسوکاری تازەترین شەهیدانمان، هاوسەنگەرانیان و هەموو خەڵکی کوردستان دڵنیا دەکەینەوە کە هێرشی ترسنۆکانە کۆماری ئیسلامی لە گەیشتن بە ئامەنجەکانی خەڵکی کوردستان بەردەوامترمان دەکەن و هەروەک جاران دڵگەرم بە ئیرادەی تێکۆشەرانی دێموکرات و پشتیوانی لەبننەهاتووی خەڵکی کوردستان لە خەباتی شێلگیرانەمان بۆ ئامانجەکانمان بەردەوام دەبین و ڕێبازی هەموو شەهیدانی گەلەکەمان درێژە پێ دەدەین.

ناوەندی هێزی پێشمەرگەی کوردستان
٢٨ی خاکەلێوەی ١٤٠٥ی هەتاوی

#ژینا_ئەمینی

🆔:

ڕاسانی شاخ و شار

۲۷ فروردین ۱۴۰۵، ۰۸:۰۴

💎 بەیاننامەی حیزبی دێموکراتی کوردستانی ئێران لەسەر دانوستانەکانی ویلایەتە یەکگرتووەکانی ئەمریکا و کۆماری ئیسلامیی ئێران لە ئیسلام‌ئاباد:

دانوستانەکانی نێوان ویلایەتە یەکگرتووەکانی ئەمریکا و کۆماری ئیسلامیی ئێران لە ئیسلام‌ئابادی پاکستان دەستیان پێ کردووە. حیزبی دێموکراتی کوردستانی ئێران بە هەستیارییەوە چاودێریی ڕەوتی ئەم دانوستانانە دەکات؛ دانوستانگەلێک کە نەک هەر نیشانەی ئاشتی نین، بەڵکوو فێڵێکی سیاسی لەسەر ئاستی نێودەوڵەتی دووبارە بەرهەم دەهێننەوە.
پێکهاتەی شاندە نێردراوەکەی کۆماری ئیسلامی هیچ گومانێک لەسەر ماهییەتی ڕاستەقینەی ئەم ڕێژیمە ناهێڵێتەوە: پێکهاتەیەکی ئەمنییەتی–نیزامی کە دیپلۆماسیی تەنیا وەک ئامرازێک بۆ پێشخستنی ئامانجە سەرکوتکارانە و دەستێوەردەرەکانی خۆی بەکار دێنێت. سەرپەرشتیی ئەم شاندە لە ئەستۆی محەممەدباقر قالیبافە، کە وەک یەکێک لە فەرماندە باڵاکانی سپای پاسداران و کەسایەتییە سەرەکییەکانی دەزگای سەرکوت و پەرەپێدانی نیزامی لەوانەش پڕۆژە ناوکی و مووشەکییەکانی کۆماری ئیسلامی دەناسرێت؛ ئەو بە هێمای ئاوێتەبوونی ئاشکرای دەسەڵاتی نیزامی و سیاسەت لەم سیستمەدا دادەنرێت. هەروەها بەشدارکردنی محەممەد جەعفەریی سەحراروودی کە ناوی ئەو بە پەروەندەی تێرۆری دوکتور عەبدولڕەحمان قاسملووەوە گرێ دراوە و فەرمانی گرتنی یاسایی لە ئاستی نێودەوڵەتیدا لەسەرە، تەنیا بە «ڕێکەوت» داناندرێت؛ بەڵکوو ئەمە دکتۆرینی فەرمیی ئەم ڕێژیمە دەردەخات کە تێیدا تێرۆر وەک ئامرازی سیاسەتی دەرەوە و پارێزبەندی (مصونیت) وەک بنەمای سەرەکیی حاکم بەسەر پێکهاتەی دەسەڵاتدا دەبینرێت. دانیشتنی ئەم جۆرە کەسانە لەسەر مێزی دانوستانێکی نێودەوڵەتی، سووکایەتییەکی ئاشکرا بە شاندی نێردراوی ئەمریکا، پاشان بە دادپەروەری، قوربانیانی تیرۆر و کەمترین بنەما ئەخلاقی و یاسایییەکانی پێوەندییە نێودەوڵەتییەکان دەگەیەنێت.
ئەم شاندە، شاندێکی دیپلۆماتیک نییە؛ بەڵکوو درێژکراوەی تۆڕێکی ڕێکخراوی تێرۆر و کوشتار، فێڵ و ئۆپەراسیۆنی نیزامی لە دەرەوەی سنوورەکانە. دانوستان لەگەڵ پێکهاتەیەکی ئاوادا، نەک هەر نابێتە هۆی ئاشتی، بەڵکوو بە واتای شەرعییەت‌دان بە سیاسەتی تێرۆر، بارمتەگرتن و پێشێلکردنی سیستماتیکی مافەکانی مرۆڤ دێت؛ لەم ڕووەوە ئەمریکا کە خۆی سپای پاسدارانی وەک ڕێکخراوێکی تیرۆریستی ناساندووە، ڕووبەڕووی ڕەخنەیەکی جیدی دەبێتەوە. ئەزموونی چوار دەیەی ڕابردووش بە ڕوونی ئەوەی سەلماندووە کە کۆماری ئیسلامی دانوستان نەک بۆ چارەسەری قەیران، بەڵکوو بۆ کاتکڕین، نۆژەنکردنەوەی تواناکانی و بەردەوامبوون لە هەمان سیاسەتە وێرانکەرەکانی خۆی بەکار دێنێت.
ئێمە بە ڕاشکاوی ڕادەگەیەنین: هەر جۆرە ساتوسەودایەک لەگەڵ ئەم ڕێژیمەدا، بەبێ ڕەچاوکردنی بنەمای لێپرسینەوە و بەفەرمی‌ناسینی مافی قوربانیان، بە بەشداری لە بەردەوامیی نادادپەروەری دادەنرێت. کۆمەڵگەی نێودەوڵەتی و دەوڵەتە دێموکراتیکەکان لەبەردەم هەڵبژاردنێکی ڕوون‌دان: یان دەبێ لە تەنیشت و لە پشت خەڵکی ئێران و کوردستان و قوربانیانی تێرۆر و سەرکوت بوەستن، یان لە تەنیشت ڕێژیمێک جێگیر بن کە تێرۆری کردووەتە سیاسەتی فەرمیی خۆی.
ئێمە داواکارین لە دانوستان و مامەڵە لەگەڵ کۆماری ئیسلامیدا، ڕاوەدوونانی یاساییی بکەرانی تێرۆری دەوڵەتی، سەپاندنی گوشاری سیاسیی کاریگەر و پشتگیریکردنی خەباتی خەڵک بۆ ئازادی و دادپەروەری بکرێتە بنەما. هەروەها ئاشتیی ڕاستەقینە لە ناوچەکەدا نەک لەسەر مێزی دانوستان لەگەڵ بکەرانی تێرۆر، بەڵکوو لە ڕێگەی کۆتایی‌هێنان بە پارێزبەندیی ئەوان، چەسپاندنی دادپەروەری و ڕووخانی کۆماری ئیسلامییەوە دێتە دی.

حیزبی دێموکراتی کوردستانی ئێران
دەستەی کارگێڕی
٢٢ی خاکەلێوەی ١٤٠٥ (١١ی ئاوریلی ٢٠٢٦)


#ژینا_ئەمینی

🆔:

ڕاسانی شاخ و شار

۲۷ فروردین ۱۴۰۵، ۰۸:۰۴

📷 Photo

167

ڕاسانی شاخ و شار

۲۷ فروردین ۱۴۰۵، ۰۸:۰۴

🎥 Video

💎 #دێگەڵە
کاتژمێرێک پێش ئێستا بە سێ درۆن هێرش کراوەتە سەر بنکەکانی پارتی ئازادی کوردستان.
سەرچاوەکانی نێزیک لە پارتی ئازادی ڕایانگەیاند، لەو هێرشەدا ماڵی حسەین یەزدانپەنا سەرۆکی پارتی ئازادی و چەند ماڵێکیتر کراونەتە ئامانج.


#ژینا_ئەمینی

🆔:

442

ڕاسانی شاخ و شار

۲۷ فروردین ۱۴۰۵، ۰۸:۰۴

📷 Photo

259

ڕاسانی شاخ و شار

۲۷ فروردین ۱۴۰۵، ۰۸:۰۴

💎 ڕاگەیەندراوی هاوپەیمانیی هێزە سیاسییەکانی کوردستانی ئێران سەبارەت بە ئاگربەست

لە کاتێکدا ناوچەی ڕۆژهەڵاتی ناوەڕاست ماوەی ٣٩ ڕۆژ لە نێو ئاگری شەڕێکی قورسدابوو؛ ڕژیمی کۆماری ئیسلامیی ئێران لەژێر زەبری هێرشە توند و ڕاستەوخۆوەکانی ئەمریکا و ئیسرائیل دابوو، سەرەنجام ڕۆژی سێشەممە، ١٨ی خاکەلێوەی ١٤٠٥ لە ئاکامی تەسلیمبوونی ڕژیمی ئێران بە ئۆڵتیماتۆمی سەرۆکی ئەمریکا (کە ئەگەر گەرووی هورمز نەکاتەوە ئێران دەگەڕێنێتەوە بۆ سەردەمی بەردین)، ملی بە ئاگربەست دا.
هاوپەیمانیی هێزە سیاسییەکانی کوردستان، وێڕای چاودێریکردنی وردی بارودۆخەکە، ڕوانگەی خۆی لەم چەند تەوەرەدا دەخاتە ڕوو:
یەکەم: بەرپرسیارێتیی ڕژیم لە جەنگ و ماڵوێرانییەکان
بەرپابوونی شەڕ و تێکچوونی ئاسایشی ناوچەکە، دەرەنجامی ڕاستەوخۆی سیاستە تێکدەرانەکانی کۆماری ئیسلامییە. ئەم ڕژیمە لە ڕێگەی هەوڵدان بۆ دەستڕاگەیشتن بە چەکی ناوکی، دەستوەردان لە کاروباری وڵاتان، پەیڕەوکردنی سیاسه‌تی به‌نێو هه‌‌نارده‌کردنی شۆڕشی ئیسلامی، پشتیوانیکردنی تیرۆریزم و پەرەپێدانی بەرنامەی موشەکی و درۆن، جیهانی بەرەو ناسەقامگیری بردووە. ئەم جەنگە بووەتە هۆی زیان گەیاندنی زۆر بە هاووڵاتیان و ئاوارەبوونی هەزاران خێزان.
دووەم:
پێشوازی لە هەر هەنگاوێک دەکرێت کە ببێتە هۆی ڕاگرتنی خوێنڕشتن و پاراستنی گیانی هاووڵاتیانی سڤیل، بەڵام هۆشداری دەدرێت کە ئاگربەست نابێت ببێتە دەرفەتێکی تاکتیکی بۆ ڕژیم تا وەک جارەکانی پێشوو بۆ خۆڕێکخستنەوە و نزیکبوونەوە لە چەکی ئەتۆمی کەڵکی لێ وەربگرێت. هەر ڕێککەوتنێک ئیرادەی گەلانی ئێرانی تێدا فەرامۆش بکرێت، تەنها ئاشتییەکی کاتی و مەترسیدار دەبێت.
سێیەم:
ئاگربەست تەنها کاتێک مانای دەبێت کە ببێتە سەرەتایەک بۆ:
١. کۆتاییهێنانی یەکجاریی بە دەستوەردانی سەربازی، هەواڵگری، ڕێکخستن و ئاراستەکردنی ڕژیم.
٢. هەڵوەشاندنەوەی بنەڕەتیی بەرنامە ئەتۆمی و موشەکییەکان.
٣. پابەندبوون بە بنەماکانی مافی مرۆڤ و داننان بە مافە ڕەواکانی نەتەوەکانی ناو ئێران، بەتایبەت مافی چارەی خۆنووسین بۆ گەلی کورد.
چوارەم:
ئەزموونی ٤٧ ساڵەی تەمەنی کۆماری ئیسلامیی ئێران نیشانی داوە کە ئەم ڕژیمە چاکسازی تێدا ناکرێت و تەنها بە گۆڕانکاریی بنەڕەتی و دیموکراسی ئارامی بۆ ناوچەکە دەگەڕێتەوە. بزاڤی ڕزگاریخوازیی کوردستان، بوون و بەردەوامیی و هێزی خۆی لە نەتەوەکەی و ویستی ئازادیی و سەروەریی وەردەگرێ و بەرهەمی شەڕ و ناکۆکییە نێودەوڵەتییەکان نییە؛ بۆیە نە ئاگربەست و نە ڕێککەوتن لەگەڵ کۆماری ئیسلامیی ئێران بەردەوامییەکەی ڕاناگرێ. هیچ جۆرە ئاگربەست و ڕێککەوتنێکی سیاسی نامانوەستێنێت لە هەوڵەکانمان بۆ گەیشتن بە ئازادی و سەروەری.
سەرکەوێت خەباتی ڕەوای گەلی کورد

هاوپەیمانیی هێزە سیاسییەکانی کوردستانی ئێران
١٨ی خاکەلێوەی ٢٧٢٦ی کوردی (١٤٠٥ی هەتاوی)
(١٠/٠٤/٢٠٢٦)


#ژینا_ئەمینی

🆔:

ڕاسانی شاخ و شار

۲۷ فروردین ۱۴۰۵، ۰۸:۰۴

💎 #ئاڵمان

فریدریش مێرتس ڕاوێژکاری دەوڵەتی ئاڵمان لە پارلمانی وڵاتەکەی (بوندیستاگ) سەبارەت بە هێرشی ئامریکا و ئیسرایل بۆ سەر ئێران :

ئامریکا پرسی بە ئێمە (ئوروپا) نەکردوە بۆ ئەو شەڕە دیارە یارمەتی ئێمەی نەویستوە.

بۆ کۆتاییهێنان بە تیروریزمی دەوڵەتی ئێران ئێمە هاوکاری ئامریکا و ئیسرایل دەکەین.

بەرنامەی مەترسیداری ناوکی و هاژەکی بالستیکی ئەم ڕژیمە دەبێ بۆ هەموو کات کۆتایی پێ بێت.

#ژینا_ئەمینی

🆔:

231

ڕاسانی شاخ و شار

۲۷ فروردین ۱۴۰۵، ۰۸:۰۴

💎 #کۆیە

بە چوار درۆنی بۆمبڕێژکراو هێرشکرایە سەر کەمپی ئازادی لە کۆیە و بەگوێرەی زانیارییەکان، هیچ زیانی گیانی نەبووە.

#ژینا_ئەمینی

🆔:

329

ڕاسانی شاخ و شار

۲۷ فروردین ۱۴۰۵، ۰۸:۰۴

🎥 Video

💎 چرکەساتی تەقاندنەوەی بەرزەپردەکەی کەرەج لەلایەن فڕۆکە شەڕکەرەکانی ئیسرایلەوە.

#ژینا_ئەمینی

🆔:

386

ڕاسانی شاخ و شار

۲۷ فروردین ۱۴۰۵، ۰۸:۰۴

💎 #ئورمیە #خۆی

تاوێک لەمەوبەر فڕۆکەکانی ئامریکا و ئیسرایل فڕۆکەخانی هەردوو شاری ئورمیە و خۆییان کردە ئامانج.

#ژینا_ئەمینی

🆔:

331

ڕاسانی شاخ و شار

۲۷ فروردین ۱۴۰۵، ۰۸:۰۴

📷 Photo

💎 هێرشی مووشەکیی ڕێژیم بۆ سەر کەمپەکانی حیزبی دێموکرات بەردەوامە

کەمپە مەدەنییەکانی حیزبی دێموکرات ئەمڕۆکە بۆ جاری چەندەم بە مووشەک هێرشیان کرایەوە سەر.

دوانیوەڕۆی ئەمڕۆ هەینی، ١٤ی خاکەلێوە کەمپەکانی ئازادی، ئامرییە، زەویەسپی و چەند شوێنێکی دیکە نیشتەجێبوونی بنەماڵەکانی حیزبی دێموکرات لە نیزیک کۆیە بۆ چەندەمین جار بە ٧ مووشەک و دڕۆن هێرشیان کرایەوە سەر.

شەپۆلی نوێ و دیکەی هێرشی کۆماری ئیسلامیی ئێران بۆ سەر شوێنە مەدەنییەکان حیزبی دێموکرات دوای ئەوە دێ کە لە دوو ڕۆژی ڕابردووشدا بنکە مەدەنییەکانی حیزبی دێموکرات لە نیزیک کۆیە بە مووشەک و دڕۆن هێرشیان کرابووە سەر.
بەردەوامیی هێرشەکان بۆ سەر بنکە مەدەنییەکانی حیزبی دێموکرات لە کاتێکدایە کە ژمارەی ئەو مووشەک و درۆنانەی لە ماوەی یەک مانگی ڕابردوودا کۆماری ئیسلامیی ئێران لە ناوچە جیاوازەکانی هەرێمی کوردستان دراون، ٦٠٠ مووشەک و درۆنی تێپەڕاندووە. هەروەها لەو سەدان مووشەک و دڕۆنەی ئاراستەی هەرێمی کوردستان کراون، زیاتر لە ٨٦یان بەر کەمپە مەدەنی، کتێبخانە و نەخۆشخانە و بنکەی دەرمانی و هەروەها شوێنی نیشتەجێبوونی بنەماڵەکانی حیزبی دێموکرات کەوتوون.

🆔:

406

Showing 20 of 20 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

ڕاسانی شاخ و شار

ڕاسانی شاخ و شار

رتبه‌بندی

رشد مشترکان (5 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

Карта мира

اینترنت ازاد | بشکن 🟠

‏متجر همام بيع وشراء الحسابات

سكربت الطيارة والتفاحة

𝐌𝐨𝐛𝐨 𝐓𝐢𝐤 𝐓𝐚𝐤

کلت فروشی اسلحه فروش کلت کمری

نايس اپل استور

لحظه آخری

کانال‌های تلگرام مرتبط

Карта мира

اینترنت ازاد | بشکن 🟠

‏متجر همام بيع وشراء الحسابات

سكربت الطيارة والتفاحة

𝐌𝐨𝐛𝐨 𝐓𝐢𝐤 𝐓𝐚𝐤

کلت فروشی اسلحه فروش کلت کمری

نايس اپل استور

لحظه آخری

نظرات کاربران (0)

آخرین پست‌ها