𝐿𝑜𝑣𝑒 𝐹𝑀¹⁰⁶ | يُحكى أن

Public

مشاهده کانال

نمی‌توانید بپیوندید؟ @lovdfm106

۶.۱k عضو

به‌روزرسانی شده: May 17, 2026 at 12:17 AM

𝐿𝑜𝑣𝑒 𝐹𝑀¹⁰⁶ | يُحكى أن

هُنا تبدأ الحكايه ، مساحه ناعمة نحكي فيها قصص حب تُشبهك، وتلامس قلبك. يُحكى أن كل مساء عندنا حكاية جديدة.🤍

@lovdfm106 is a growing community focused on اروتیک (Erotic) and related topics

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (6 روز گذشته)

مجموع: 6.1K

رشد 24 ساعت: +0 0%

آخرین پست‌ها

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

📖زمان كنت فاكرة إنو الحب معناهو نفتح الباب على الآخره…
نخلّيهو يدخل بدون استئذان، يقعد براحتو، ويطلع وقت ما يحب.
يمكن عشان كدا، لما انفصلنا، الانفصال كان قاسي شوية.

قاسي، لكن ولا يوم عرفت أكرهو.
ولا يوم خرج من كونو خياري الأول، حتى بعد ما اتزوج ومشى في طريق غيري.
خمس سنين عدّوا، وأنا لسه بسأل نفسي:
ليه مشى؟
وليه أنا سكت؟
وبغش نفسي بكلمة جاهزة: نصيب.

لما اتقابلنا بعد السنين دي، حسّيت كأن الشوارع جوّاتي كانت بدون إشارات.
كلام كتير اتراكم، وما اتقال في وقتو.
فلما اتفتح، اتفتح مرة واحدة.
ما كان جارح…
كان زي حادث بسيط، ضروري، عشان الحركة تمشي صح.

قعدتنا كانت مليانة عتاب.
كلام اتأجل، انفجر فجأة، لكن الغريب إنو خلّاني أفهم حاجة مهمة:
غياب الحدود هو أكتر شي بيتعب العلاقات.

أول ما اعتذر لي، قلبي هدي.
هدوء غريب💕…
كأنو عقلي أخيرًا حس إنو في حاجة اتحطت في مكانها الصح.
كنت محتاجة أعرف إنو الألم ما كان من طرف واحد،
وإنو الندم مش شعور خاص بيا أنا وبس.

رجعت البيت، واتصلت بأمل.

حكيت ليها كل حاجة…
فجأة قاطعتني وقالت:
– «لحظة… صوتك فرحان.
عيدي اسمو كدا تاني؟»

ضحكت.
ضحكة طالعة بدون إذن.
قلت ليها بصوت واطي:
– «تخيّلي اعتزر مني ، طلب مني نرجع.
طلب أختارو،
رغم إنو زمان… ما اختارني.»

سكتت شوية، وبعدين قالت كلام بسيط لكنه عاقل:
– «سيبي نفسك تفرحي شوية.
بس خلي بالك… المرة دي، ما تكوني سايبة.»

وقتها فهمت.
الحدود ما معناها أقفل الباب وأهرب.
الحدود معناها أعرف أوقف وين.

ست أيام عشتهم كأني فوق السحاب.
ضحك، خروجات، تفاصيل صغيرة.
بس الفرق إنو المرة دي،
ما كنت بشرح،
ما كنت ببرر،
ولا بحاول أثبت قيمتي.

كنت بس حاضرة…
عارفة جرعة القرب اللى تناسبني،
وعارفة إمتى أقول: لحدي هنا.

العقل – زي ما بيقولوا – بيحترم الحاجة المحمية.
وأنا أخيرًا، قررت أحمّي نفسي.

لما جا يوم سفره، قابلتو بهدوء.
قلت ليه إني مسامحاه.
وشكرته…
مش لأنه وعدني بحاجة،
لكن لأنه خلّاني أفهم نفسي أكتر.

طلبت منو ما نتواصل تاني.
مش كره.
ولا قسوة.
بس احترام للسلام اللى بنيتو مع نفسي في السنين الفاتت.

رجعت البيت.
صحبتي سألتني:
– «هاه… حاسة بشنو؟»

ما رديت.
بس بدأت أدندن بصوت واطي،
والابتسامة لسه معلّقة على وشي:

“حبيبي كان هنا…
مالي الدنيا عليّ💃.”

يمكن كان هنا فعلًا.
بس الأهم؟
أنا كنت هنا…
بحدودي،
وبكرامتي،
وبوعي جديد.

وفي الآخر، اتعلمت حاجة واحدة:
الحدود ما بتجبر الناس تحبك،
لكنها بتمنع أي زول ما مقدرك…
إنه يوصل ليك 🤍

ريما عباس
بارت مقترح
روايه
عندما تشتاق الجزور

🧐
👉 👈
Only on:
Love fm channel🖱️

2,380

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

سلمى المصباح كتبت وقالت:

ال over communication

Is poor communication also

الفرط في التواصل و الكلام و الضغط على الآخر إنه يكون معاك طول الوقت بداعي إننا بنتواصل

هو نوع من أنواع الاتصال السيء! و قد يكون سيء جدا

لأنه مرتبط بشعور الآخر إنه محشور في كورنر

و مافي بني آدم على وجه البسيطة بحب يشعر إنه مقفول في زاوية ..!

فكرة إننا نكون مع بعض طول الوقت دي فكرة أفلام و تلفزيون لأنه دة فلم مدته كم ساعة ولا مسلسل عنده كم حلقة

فالبطل لاصق في البطلة للأبد..

الواقع

أنا نفسي عايزة ازح من نفسي ..!

و دي الممارسات اللي بيعملوها الناس في درجات عالية من فصل التفكير عن الجسد ..

لكن ما مهم

فكرة انك بس تعاين في كباية القهوة و تفكر السكر دة ما ساح مله ليه .. يا ربي جابو الكباية دي من وين

انا بعتبرها من فصلان الإنسان من نفسه و دي حاجة كويسة ..!

فتجي انت يا إنسان يا آخر مقتنع أو مقتنعة إنه لازم نحن نكون مع بعض طول الوقت عشان الحب كدة ..!

لا دة ما حب دة شكل من اشكال الارتباط اسمه الارتباط القلق ..

الطرف الضاغط دة .. طرف مصاب بي هلع إنه الشريك المعاه حيخليه .. فهو في حالة قلق دايما حتى لو ما أظهر انها قلق

عارف بتعرفها كيف

لما لي لحظة واحدة ما تتواصل معاه بالطريقة اللي في باله .. مرهق إنت .. نعسان .. في حاجة زعاجاك .. عليك قسط مصيبة ما .. ما مهم

فيقوم ما يهمه غير انك ما اتواصلت معاي زي ما أنا عايز و يبدا يتدردق بالواطة

انت ما بتحبني انت مالك .. انت ليه بتعمل كدة

و يخليك منطط عيونك .. انه في شنو للإنهيار النفسي دة ..!

This is anxiety and anxious attachment

ارتباط قلق و من أسوأ انواع التواصل

البني ادم في القصة دي ما سيء

سيئة تصرفاته

هل بتتحل

بتتحل

لو هو عرف كدة عن نفسه و عرف ليه هو بتصرف كدة و بقا يتبع الوسائل اللازمة للتخلص من الحاجة دي

غير كدة

حتبقى زيها زي أي علة سيدها ما معترف بيها .. ماشة و بتزيد و بتنفر الناس أكتر ..!

النقة الكتيرة و التواصل الأوفر بشيل من شريكك / صديقك / ابنك او بنتك

بشيل منهم المساحة اللي بيتنفسو فيها

هل بتحب تخنق إنسان ؟

المسافة المدروسة بتخلق ود أكتر .. احترام أكبر .. احساس بالتقدير .. لأنك فاهم اني عايزة اكون براي أو عايزة اكون مع صحباتي أو هو عايز يكون في البلاي ستيشن و ما يتكلم مع زول

خليه ياخ

خليه !!

البحبك مهما حصل بيرجع يفتش ليك لأنه راحته معاك .. ما تبقى مصدر ضيق ليه ..!

و بس كدة !

❤️❤️❤️

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

📷 Photo

1,440

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

عارف ليه المشاعر ما بتتناقشش؟
لأن طريقة تعبيرنا عن مشاعرنا مش واحدة ...

1,480

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

لو سألتني عن أغلى درس اتعلمتو في مشوار التجارب والوجع، بقول ليك:
ما تدي كلك لزول ما بيديك حتى ربعو.
لا مشاعر، لا وقت، لا مجهود.
الدنيا ما بتقدّر الزول البضحي زيادة عن اللزوم،
الدنيا بتقدّر الزول العارف قيمتو، والبعرف يفرضها بهدوء وذكاء.

خليك الزول وجودو إضافة وغيابو خسارة،
ما الزول المتاح على طول والمضمون في أي ظرف.

الحكاية كلها في الاتزان:
لا تقسّي شديد لحدي ما تنفّر الناس منك،
ولا تلين زيادة لحدي ما يعصروك.

وفي الآخر، تأكّد إنو المكتوب ليك حا يصل ليك
حتى لو كنت تحت جبل،
والما ليك ما حتاخدو
حتى لو كان بين يدينك.

ارضى، واستغنى،
وعيش بقلب نضيف،
وسيّب الباقي على الله
الما بعجز عن جبر خاطرك
حتى لو الدنيا كلّها خذلتك. �

1,600

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

📷 Photo

أخيرا اليوم الكارثي دا عدا ، نختم بكبايه كاكاو انا اساسا ماقادره اكملها 🥹

1,780

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

﷽ ﴿ إِنَّ اللَّــــــهَ وَمَلَائِڪَتَهُ يُصَلُّـونَ عَلَـى النَّبِـيِّ يَا أَيُّهَـا الَّذِيـنَ ءَامَنُـواْ صَلُّـوا عَلَيْـهِ وَسَلِّمُـوا تَسْلِيمًـا ﴾🩷

1,700

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

من فترة اتجرحت في يدي،
الغريب إنو الجرح كان شديد شديد
والسبب حاجة بسيطة ساي.

مع شوية إهمال، الجرح كان متسبب،
لكن يوم ورا يوم بدا يقفل
وهسه الحمد لله بقى تمام.

الليله يدي اتخبطت غصب عني
ووجعني نفس مكان الجرح
(وأنا أصلاً كنت ناسية إني مجروحه).

الوجعة كانت موجودة
لكن ما قوية،
الأثر لسه باين
وبتعامل بيدي عادي،
ما موقفاني.

وفي المقابل
نحن ما حديد،
وما لازم نبان حديد
عشان موقف ما قدرنا نعمل ليهو move on بسرعة.

عادي يعني…
شنو الحيحصل؟

في جروح بتلتئم من برة،
لكن أول ما يحصل موقف شبيه،
أو كلمة،
أو ذكرى،

الجرح ممكن يوجع،
لكن ما بكسر زي أول مره 🤍

ريما عباس
الصباح البدري 🎙

1,730

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

مزكراتي العزيزه

عُمري ما بنسى رد أحمد رمزي على عمر الشريف لما سألو:
إنت ليه ما جيت تصالحني زي كل مرة؟

قال ليو:

حسّيت إني ما فارق معاك، فـ ما حبيت أفرض نفسي عليك، وقررت بيني وبين نفسي أقطع علاقتي بيك.
مع إنو كان صعب علي شديد، لكن إحساسي إني شخص ما مرغوب فيهو كان أصعب بكتير 👌

من بُعد آخر

By 〰 https://t.me/Reemadiary21

1,210

𝐿𝑜𝑣𝑒 𝐹𝑀¹⁰⁶ | يُحكى أن

۳۰ اردیبهشت ۱۴۰۵، ۱۷:۴۶

كنت بتكلم مع الدكتورة بتاعتي في آخر سيشن، قلت ليها:
أنا انسانه عاطفيه شديد… لغة الحب عندي هي الونس.

والله ممكن تكسبني بلا أي مجهود،
ماطالبه هدايا،
ولا داير حاجات صعبة.
أنا بس داير زول نقعد نحكي،
يسمعني صاح،
يلحظ لمعة عيني وأنا بتكلم عن أحلامي،
يشاركني خطواتي،
ويطمني وقت الخوف من الإخفاق.

ورغم كل دا، سبحان الله…
أكبر بلاء عندي جا من نفس الحتة دي.
كل الدواير المفروض تكون أمان،
طلعت ما أمان.
وكل الأماكن المفروض تكون مريحة وهادية،
والواحد بيجري ليها عشان يشيل نفسو من الدنيا،
كانت أتعب من الدنيا ذاتها.

من الزمن داك وأنا بفكر:
مش يمكن البلاء دا عشان الحتة دي فيني ضعف؟
نحن عارفين الحب أحيانًا بسحب الزول،
يجيبك على وشك،
يضعفك،
ويخليك تتعلق بالناس زيادة عن اللزوم،
فتتأذى،
وتزهد غصبًا عنك.

مش يمكن ربنا منع عني الجانب دا
عشان ما اركن للناس ولا للدنيا؟
عشان قلبي ما يتعلق بغيرو؟

فتلقى نفسك وحيد،
شريد،
غريب…

رحم الله أبا ذر،
مشى براهو،
ومات براهو،
ويُبعث براهو…
لكن السؤال البقيف:
كيف أبا ذر قدر يعملها؟

قليل شديد تلقى زول يعترف إنو محتاج الونس
أكتر من أي حاجة تانية،
من غير كسوف،
ومن غير ما يقلل من نفسو.
إنك تكون زول عاطفي في عالم قاسي،
دي براها معركة.
لأنك دايمًا بتدي من قلبك،
ومستني بس زول يفهمك،
يسمعك،
يحسسك إن وجودك فارق.

أكتر حاجة وجعتني
ما الاحتياج ذاته،
قدر ما فكرة إنو الناس والأماكن
المفروض تكون أمان
طلعت ما أمان.
الإحساس دا صعب،
لأنو بخليك تشك في نفسك وفي قلبك،
مع إنو العيب ما في القلب البحب،
العيب في الزول البعرفش يحتوي.

وربط الموضوع بأبي ذر كان مؤلم وجميل في نفس الوقت.
يمكن وحدتو ما كانت هروب من الناس،
قدر ما كانت اختيار
إنو ما يفرّط في الحق
ولا في نفسو.

يمكن ربنا أحيانًا يمنع عننا الونس البنتمناه،
عشان ما نتعلّق بزول
أكتر ما نعلّق قلوبنا بيهو.

لكن برضو…
دا ما معناهو إنو الونس ما نعمة.
الونس نعمة،
وربنا خلقنا نحتاج بعض.
يمكن الرسالة ما إننا نعيش براسنا،
قدر ما إننا نختار صاح،
وما ندي قلوبنا
إلا للبعرف قيمتها
ويحافظ عليها.

يُقال إنو الله يغار على قلب المؤمن،
فما برضى يشوفو متعلق بغيرو،
فيصرفو،
ويذيقو مرارة الفقد
عشان يرجع ليهو.
دي غيرة تليق بعظمة الله،
حماية لقلوب عباده.

وذكر عن الإمام الشافعي:
إن الله يغار على قلب المؤمن أن يتعلق بغيره،
فيصدّه عنه،
حتى يرجع اليه .

#بعض_من_اللطف
❤️❤️❤️❤️

ريما عباس
By 〰 https://t.me/Reemadiary21

𝐿𝑜𝑣𝑒 𝐹𝑀¹⁰⁶ | يُحكى أن

۱۶ اردیبهشت ۱۴۰۵، ۰۳:۲۷

Channel photo removed

𝐿𝑜𝑣𝑒 𝐹𝑀¹⁰⁶ | يُحكى أن

۳۰ فروردین ۱۴۰۵، ۰۵:۰۱

سلسله يحكى أن القصصيه| الحلقه الا 4️⃣
〰. 〰
"هذا الإنسان غادر قلبي"

قالت لي:

أعرف إنسانةً، في ركنٍ ما من أركان الحياة، لا بدّ أنها الآن تجلس وتبتسم بسخريةٍ هادئة من نفسها. كانت تحبّ رجلاً حبًّا غير عادي، حبًّا مخيفًا في شدّته، إلى درجة أنني لم أتخيّل يومًا أن يأتي يوم تقول فيه: لم أعد أريده.
سبعة أشهرٍ وأنا أستمع إلى حكايتها. كلما افترقا، عادت إليه بعد يومين على الأكثر. كنت أشعر بأنها تريده بكل الطرق، كانت جميلة إلى حدٍّ مدهش، مفعمة بالحياة، كأنها قطعة من سحاب أو فتاة هبطت من الجنّة. بكت كثيرًا بسببه، ومع كل دمعة كانت تقول لي:
لا أريد غيره.
كنت أصرخ فيها، أغضب، ويتوجّع قلبي. في ليالٍ كثيرة كرهت الدنيا، لأنها كانت أمامي وأنا عاجزة عن فعل شيء. كنت أشعر أنني أضعف منها، لا لأنني أقل قوة، بل لأنني لم أستطع حمايتها، وهي لا تشكو لأحدٍ سواي.

في مرةٍ تشاجرا شجارًا عاديًّا، فحظرته. بعد أيام أرسل لها رسالة قصيرة يطلب منها أن تردّ وترفع الحظر. وما إن فعلت، حتى حظرها هو لساعةٍ تقريبًا، ثم رفع الحظر… وبعدها اختفى، لا خبر ولا أثر.

جاءتني ذات يوم وقالت:
قررت أن أنتظره، ولو مليون سنة. سأبقى أرجوه، لأنني أحبه.
هذه المرة لم أصرخ. قلت لها بهدوء: إن كان هذا ما تريدينه، فسأسكت. لكن اعلمي أن هذا ليس الإنسان الذي يستحق أن يكون ستر حياتك، ولا الرجل الذي تُبنى من أجله الأحلام. سكتنا عند هذا الحد.

وفي يومٍ وهي تتصفّح حالاته، وجدته قد عاد إلى حبيبته السابقة التي كان مرتبطًا بها قديمًا. لا أعرف ماذا حدث داخلها في تلك اللحظة، لكن رأسها انقلب رأسًا على عقب. أتذكّر كيف بكت طويلًا، حتى هدأ قلبها وغفر الله لها حزنها. مسحت دموعها، وتحدثنا كثيرًا، وكنت أكرر لها دائمًا:
أنتِ أكبر من أي إنسان في هذه الدنيا.

ثم جاءتني وحدها ذات مرة، وقالت:
اتخذت قرارًا نهائيًّا.
بدأت تتحدث بكلامٍ كثير، غير واضح، حتى انفجرت بالبكاء وقالت:
أنا هُنت. 💔
جملة أثقل من أن تُكتب. كانت وردةً متفتّحة، مشرقة، ملامحها ملائكية، واليوم بدت باهتة، مطفأة. لكنني وعدتها — وأعدها الآن —
بأن كل النجوم ستشرق لها من جديد، وأنها ستضيء وتعود أجمل مما كانت، لأنها ليست وحدها… أنا صديقتها.

ورغم كل شيء، أنا سعيدة لأنها ابتعدت عن إنسانٍ كان يهوّن عليها يومًا بعد يوم، أكثر من اليوم الذي قبله.
وغدًا ستشرق شمسنا، وسنقول:
نحن الرفاق، وقد نجونا. ❤️

الخلاصة
كل علاقةٍ يُستهان فيها بك، ابتعد عنها.
كل علاقةٍ لا يكون حزنك فيها هو القضية الأولى، لا تستمر.
وكل علاقةٍ تضحي فيها أكثر مما ينبغي، ستنتهي بأن يضحّوا بك.
لأن من هان مرة، سيهون ألف مرة.

إعداد ⬇

ريما عباس أثرٌ حكايه 💭
By 🔹

𝐿𝑜𝑣𝑒 𝐹𝑀¹⁰⁶ | يُحكى أن

۳۰ فروردین ۱۴۰۵، ۰۵:۰۱

Live stream started

𝐿𝑜𝑣𝑒 𝐹𝑀¹⁰⁶ | يُحكى أن

۳۰ فروردین ۱۴۰۵، ۰۵:۰۱

سلسله يحكى أن القصصي
الحلقه 3⃣


منذ عامين تمامًا، كتبتُ منشورًا عن الاختيار الخاطئ، عن كوني كلما اخترتُ أخطأت، وكلما وثقتُ تأذّيت.
كنت أشعر أن أثقال العالم بأسره موضوعة فوق كتفيّ، لا سيما وأنا أسمع العبارة القاسية تتكرر:
«هذا اختيارك، لم يُجبرك أحد.»

والحقيقة أن أحدًا لم يُمسك بيدي ليُجبرني،
لكن قلبي تلقّى ضربة كافية لأن تجعلني أخاف أن أنظر إلى الحب مرة أخرى، حتى لو بطرف عين.

قبل أسبوع تمامًا، وصلتني منه رسالة قصيرة:
«هل نسيتِني يا ريم؟»

لم أعرف كيف أرد.
هل أقول نعم؟ أم لا؟
هل أصمت؟ أخاف؟ أهرب؟ أواجه؟ أم أضغط زر الحظر وأنهي كل شيء؟
اكتفيت بأن قلت:
«لا أظن أن نسياني أو عدمه أمر يخصك.»

فردّ:
«ربما لا يخصني نسيانك، لكنكِ أنتِ، والله، تخصّينني يا ريم.»

قلت:
«من يحب لا يترك من يحب عامين وأكثر.»
فقال:
«ومن يحب يحافظ، وأنا تركتك لأحميك من نفسي، من ضعفي، من شيطاني.
كنت، وما زلت، أريدك لبيتي يا ريري.»

توقفت عند الكلمة.
«ريري»…
كم اشتقت لها، لم ينادني بها أحد سواه.
قال:
«أشتاق لكِ كلّك يا ريم ، هل نتصالح؟»

قلت:
«نعم… نتصالح.»
قال:
«تعودين؟»
أجبت بصراحة موجعة:
«صعب… أنا لم أعد كما كنت. كل شيء تغيّر، حتى حبي لك لم يعد كما كان.»

قال بثبات:
«أما حبي لكِ، فلم ينقص يومًا واحدًا.»

استعدت أيامي معه.
في الحقيقة، لم أحب في حياتي سواه، ولم أعرف الدنيا إلا من خلاله.
في تلك اللحظة، كانت الأغنية تقول:
«وهل تكون الدنيا دنيا إلا بك؟»

قال:
«فرصة جديدة… ولكن هذه المرة في الحلال؟»
قلت:
«بأي معنى؟»
قال:
«أتقدم لخطبتك، هل توافقين؟»
قلت:
«نجلس في رؤية شرعية، نتحدث، ربما نفهم بعضنا من جديد.»

وكان قلبي يميل إليه ميلًا أعمى، كأن شيئًا غشّى بصيرتي لحظة.

جاء ومعه أهله.
شعرت بانتصار غريب، وكأن الدنيا ابتسمت أخيرًا، وكأنها تقول لي: ما زلتُ حنونة.

تحدثنا طويلًا.
عامان قادران على تغيير الإنسان، وقد غيّرا فينا الكثير.
بدأ هو قائلًا:
«أعرف أني أخطأت حين رحلت، وحقك عليّ أني تركتك وحدك.
لكن صدقيني، ربما لو لم نفترق هذين العامين، لوصلنا إلى ما هو أسوأ، ولم نعد قادرين على الرجوع.
خلال هذين العامين كنت أفكر كيف أصل إليك، لكن بما يرضي الله.
أريدك امرأة لبيتي، وامرأة لقلبي، وامرأة لكل أيامي.»

أجبته:
«أكثر ما آلمني في تلك الفترة ليس الفراق وحده،
بل أذى الناس، وكلامهم القاسي،
وجملة: (لم يُجبرك أحد)…
كانت تؤذيني كل مرة.»

وبعد نقاش طويل، عاد فطمأنني.
وختم حديثه قائلًا:
«تغيّرت للأفضل من أجلك.
تركتك لأحميك، وكنتِ دعاء قيام ليل سنتين كاملتين.
ابتعدت لأجلك، وعدت لأجلك.
وكل من يؤذيك بكلمة، اكتفي بأن تردّي عليه بالخاتم.
أنا الآن هنا، ولا أريد إلا أن أراكِ سعيدة، وسأحاول كل يوم لأجل ذلك.»

……

من يحب حقًا، يتغيّر.
ومن يحب بصدق، يعود.
ومن كان صادق النية، يعرف الطريق مهما طال.

من كان “شاريًا” لا تهزّه سنتان، ولا مليون سنة،
لأن الحب، ببساطة، هو الذي يقوده.

أما العيب…
فليس في الحب أبدًا،

زي ماقالت السِت:

العيب فيكم يا في حبايبكم، اما الحب ياعيني عليه 😍

إعداد ⬇️
ريما عباس ، أثر حكايه ✏️
By➡️

𝐿𝑜𝑣𝑒 𝐹𝑀¹⁰⁶ | يُحكى أن

۳۰ فروردین ۱۴۰۵، ۰۵:۰۱

📷 Photo

انا بحاول المح درجتي اللي بيحطها الدكتور يوم مقابلة الشفوي

1,520

Showing 15 of 15 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

𝐿𝑜𝑣𝑒 𝐹𝑀¹⁰⁶ | يُحكى أن

𝐿𝑜𝑣𝑒 𝐹𝑀¹⁰⁶ | يُحكى أن

رتبه‌بندی

رشد مشترکان (6 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

انجمن علمی دانشجویی زبان انگلیسی دانشگاه تهران

دیدنی

تحلیل تکنیکال بازارها

حَسَنة .

رضایت خاله فرشته️️❤️

سایه باز ● خانه ارواح ● کوکتل مولوتوف

- أطمئنان 🤍.

رهيّفه

کانال‌های تلگرام مرتبط

انجمن علمی دانشجویی زبان انگلیسی دانشگاه تهران

دیدنی

تحلیل تکنیکال بازارها

حَسَنة .

رضایت خاله فرشته️️❤️

سایه باز ● خانه ارواح ● کوکتل مولوتوف

- أطمئنان 🤍.

رهيّفه

نظرات کاربران (0)

آخرین پست‌ها